ಅನು ಪ್ರಭಾಕರ್

ಅನು ಪ್ರಭಾಕರ್
ಜನನ	(1980-11-09) November 9, 1980 ಬೆಂಗಳೂರು, ಕರ್ನಾಟಕ, ಭಾರತ
ವೃತ್ತಿ	ನಟಿ
ಪತ್ನಿ/ಪತಿ(s)	ಕೃಷ್ಣಕುಮಾರ್(m. ೨೦೦೨) ರಘು ಮುಖರ್ಜಿ(m. ೨೦೧೬)
ಪೋಷಕರು	ಎಂ.ವಿ.ಪ್ರಭಾಕರ್ (ತಂದೆ) ಗಾಯತ್ರಿ ಪ್ರಭಾಕರ್ (ತಾಯಿ)

ಅನು ಪ್ರಭಾಕರ್ ಪ್ರಮುಖವಾಗಿ ಕನ್ನಡ ಚಲನಚಿತ್ರಗಳಲ್ಲಿ ನಟಿಸಿರುವ ನಟಿ. ಅವರು 1990ರ ದಶಕದಲ್ಲಿ ತನ್ನ ಅಭಿನಯದಿಂದ ಜನಪ್ರಿಯತೆ ಗಳಿಸಿದ್ದರು. ಅವರು ಸಾಕಷ್ಟು ಯಶಸ್ವೀ ಚಿತ್ರಗಳಲ್ಲಿ ನಾಯಕಿಯಾಗಿ ಮಿಂಚಿದ್ದು, ವಿಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಆರಂಭಿಕ ಜೀವನ

ಅನು ಪ್ರಭಾಕರ್ ಅವರು ನವೆಂಬರ್ ೯,೧೯೮೦ರಂದು ಬೆಂಗಳೂರಿನಲ್ಲಿ ಜನಿಸಿದರು.ಇವರ ತಂದೆ ಎಂ.ವಿ.ಪ್ರಭಾಕರ್ ಅವರು ಭಾರತ್ ಹೆವಿ ಎಲೆಕ್ಟ್ರಿಕಲ್ಸ್ನಲ್ಲಿ ಉದ್ಯೋಗಿಯಾಗಿದ್ದಾರೆ.ಇವರ ತಾಯಿ ಗಾಯತ್ರಿ ಅವರು ಡಬ್ಬಿಂಗ್ ಕಲಾವಿದೆ ಮತ್ತು ನಟಿಯಾಗಿದ್ದಾರೆ.ಇವರ ಸಹೋದರನ ಹೆಸರು ವಿಕ್ರಮ್.ಅನು ಅವರು ಬೆಂಗಳೂರಿನ ಉಪನಗರವಾದ ಮಲ್ಲೇಶ್ವರಂನಲ್ಲಿ ಬೆಳೆದರು.ಅಲ್ಲಿ ಅವರು ನಿರ್ಮಲಾ ರಾಣಿ ಹೈಸ್ಕೂಲ್ನಲ್ಲಿ ಶಿಕ್ಷಣ ಪಡೆದರು.ಆ ಸಮಯದಲ್ಲಿ ಅವರು ಕನ್ನಡ ಚಲನಚಿತ್ರಗಳಾದ ಚಪಲ ಚೆನ್ನಿಗರಾಯ (೧೯೯೦), ಶಾಂತಿ ಕ್ರಾಂತಿ (೧೯೯೧) ಮತ್ತು ಇಂಗ್ಲಿಷ್ ಚಲನಚಿತ್ರ ಮಿಸ್ಟರೀಸ್ ಆಫ್ ದಿ ಡಾರ್ಕ್ ಜಂಗಲ್(೧೯೯೦) ಎಂಬ ಚಲನಚಿತ್ರಗಳಲ್ಲಿ ಕಾಣಿಸಿಕೊಂಡರು. ನಂತರ ಇವರು ಕರ್ನಾಟಕ ವಿಶ್ವವಿದ್ಯಾಲಯದ ಸಮಾಜಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿಯನ್ನು ಮುಂದುವರೆಸಿದರು.

ವೃತ್ತಿ ಜೀವನ

ಅನು ಅವರು ೧೯೯೯ರಲ್ಲಿ ಹೃದಯ ಹೃದಯಾ ಎಂಬ ಚಲನಚಿತ್ರದಲ್ಲಿ ಶಿವರಾಜ್ ಕುಮಾರ್ ಅವರೊಂದಿಗೆ ನಟಿಸಿ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದರು.ಇವರು ಸೂರಪ್ಪ,ಜಮೀನ್ದಾರ್ರು,ಹೃದಯವಂತ,ಸಾಹುಕಾರ,ವರ್ಷ ಎಂಬ ಚಲನಚಿತ್ರಗಳಲ್ಲಿ ವಿಷ್ಣುವರ್ಧನ್ ಅವರೊದಿಗೆ ಅಭಿನಯಿಸಿದರು.ಇವರು ಕೆಲವು ತಮಿಳು ಚಲನಚಿತ್ರಗಳಲ್ಲಿ ನಟಿಸಿದ್ದಾರೆ.ನಂತರ ೧೨ನೆಯ ಶತಮಾನದ ಕನ್ನಡ ಕವಿ ಅಕ್ಕಮಹಾದೇವಿಯ ಜೀವನವನ್ನು ಆಧರಿಸಿದ ಚಲನಚಿತ್ರದಲ್ಲಿ ಅನು ಅವರು ದ್ವಿಪಾತ್ರ ಪಾತ್ರವನ್ನು ವಹಿಸುತ್ತಾರೆ.

ವೈಯಕ್ತಿಕ ಜೀವನ

ಅನು ಅವರು ಮಾರ್ಚ್ ೨೦೦೨ರಲ್ಲಿ ನಟಿ ಜಯಂತಿ ಅವರ ಪುತ್ರ ಕೃಷ್ಣಕುಮಾರ್ ಅವರನ್ನು ವಿವಾಹವಾದರು.ಇವರ ನಡುವೆ ಭಿನ್ನಾಭಿಪ್ರಾಯಗಳನ್ನು ಉದಾಹರಿಸಿ, ಅನು ಅವರು ಜನವರಿ ೨೦೧೪ರಲ್ಲಿ ವಿಚ್ಛೇದನ ಪಡೆದರು.ನಂತರ ಏಪ್ರಿಲ್ ೨೦೧೬ರಲ್ಲಿ ನಟ ರಘು ಮುಖರ್ಜಿ ಅವರನ್ನು ವಿವಾಹವಾದರು.ಅವರಿಗೆ ನಂದನ ಎಂಬ ಪುತ್ರಿ ಇದ್ದಾರೆ.

ಪ್ರಶಸ್ತಿಗಳು

ಅನು ಅವರ ವಿವಿಧ ಚಿತ್ರಗಳ ಅಭಿನಯಕ್ಕಾಗಿ ಬೆಂಗಳೂರಿನ ಕೊಳದ ಮಠವು 'ಅಭಿನಯ ಸರಸ್ವತಿ' ಎಂಬ ಪ್ರಶಸ್ತಿನ್ನು ನೀಡಿ ಗೌರವಿಸಲಾಯಿತು.'ಕನ್ನಡ ರಾಜ್ಯ ಸರ್ಕಾರದ ಅತ್ಯುತ್ತಮ ನಟಿ ಪ್ರಶಸ್ತಿ ೨೦೦೦-೦೧' ಮತ್ತು 'ಸಿನೆಮಾ ಎಕ್ಸ್ ಪ್ರೆಸ್ ಅತ್ಯುತ್ತಮ ನಟಿ' ಮುಂತಾದ ಪ್ರಶಸ್ತಿಗಳನ್ನು ಇವರು ಗೆದ್ದಿದ್ದಾರೆ.

ಚಲನಚಿತ್ರಗಳ ಪಟ್ಟಿ

ಚಲನಚಿತ್ರಗಳು

Year	Film	Role	Language	Notes
೧೯೯೦	ಚಪಲ ಚೆನ್ನಿಗರಾಯ		ಕನ್ನಡ
೧೯೯೦	ಮಿಸ್ಟರೀಸ್ ಆಫ್ ದಿ ಡಾರ್ಕ್ ಜಂಗಲ್		ಇಂಗ್ಲೀಷ್
೧೯೯೦	ಸ್ವರ್ಣ ಸಂಸಾರ		ಕನ್ನಡ
೧೯೯೧	ಶಾಂತಿ ಕ್ರಾಂತಿ		ಕನ್ನಡ
೧೯೯೯	ಹೃದಯ ಹೃದಯಾ		ಕನ್ನಡ
೧೯೯೯	ಸ್ನೇಹಲೋಕ		ಕನ್ನಡ
೨೦೦೦	ಹ್ಞೂಂ ಅಂತೀಯಾ ಊಹ್ಞೂಂ ಅಂತೀಯಾ		ಕನ್ನಡ
೨೦೦೦	ಸೂರಪ್ಪ		ಕನ್ನಡ
೨೦೦೦	ಶ್ರೀರಸ್ತು ಶುಭಮಸ್ತು		ಕನ್ನಡ
೨೦೦೦	ಯಾರಿಗೆ ಸಾಲುತ್ತೆ ಸಂಬಳ		ಕನ್ನಡ
೨೦೦೧	ಅಂಜಲಿ ಗೀತಾಂಜಲಿ		ಕನ್ನಡ
೨೦೦೧	ಶಾಪ	ಕಾವೇರಿ	ಕನ್ನಡ	ಅತ್ಯುತ್ತಮ ನಟಿಗಾಗಿ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ
೨೦೦೧	ಕನಸುಗಾರ		ಕನ್ನಡ
೨೦೦೧	ಮಿಸ್ಟರ್ ಹರಿಶ್ಚಂದ್ರ		ಕನ್ನಡ
೨೦೦೧	ಶಿವಪ್ಪನಾಯಕ		ಕನ್ನಡ
೨೦೦೧	ವಿಶಾಲಾಕ್ಷಮ್ಮನ ಗಂಡ		ಕನ್ನಡ
೨೦೦೨	ಅರ್ಪುತಮ್	ಪ್ರಿಯ	ತಮಿಳು
೨೦೦೨	ಜಮೀನ್ದಾರ್ರು		ಕನ್ನಡ
೨೦೦೨	ಅಣ್ಣಯ್ಯ ತಮ್ಮಯ್ಯ		ಕನ್ನಡ
೨೦೦೨	ತವರಿಗೆ ಬಾ ತಂಗಿ	ಗೌರಿ	ಕನ್ನಡ
೨೦೦೨	ಓಳು ಸಾರ್ ಬರೀ ಓಳು		ಕನ್ನಡ
೨೦೦೩	ಅನ್ನೈ ಕಲಿಗಂಬಲ್	ಈಶ್ವರಿ	ತಮಿಳು
೨೦೦೩	ನನ್ ಹೆಂಡ್ತಿ ಮದುವೆ		ಕನ್ನಡ
೨೦೦೩	ನೀ ಇಲ್ಲದೆ ನಾ ಇಲ್ಲ ಕಣೇ		ಕನ್ನಡ
೨೦೦೩	ಪ್ರೀತಿ ಪ್ರೇಮ ಪ್ರಣಯ		ಕನ್ನಡ
೨೦೦೩	ಹೃದಯವಂತ	ಗೌತಮಿ	ಕನ್ನಡ
೨೦೦೩	ಅರ್ಧಾಂಗಿ		ಕನ್ನಡ
೨೦೦೪	ಬಿಸಿ ಬಿಸಿ	ರಾಧ ರಮೇಶ್	ಕನ್ನಡ
೨೦೦೪	ಓಕೆ ಸಾರ್ ಓಕೆ		ಕನ್ನಡ
೨೦೦೪	ಪ್ರೀತಿ ನೀ ಇಲ್ಲದೆ ನಾ ಹೇಗಿರಲಿ	ಚಂದ್ರಮತಿ	ಕನ್ನಡ
೨೦೦೪	ಸಾಹುಕಾರ		ಕನ್ನಡ
೨೦೦೫	ಕನಕಾಂಬರಿ		ಕನ್ನಡ
೨೦೦೫	ವರ್ಷ		ಕನ್ನಡ
೨೦೦೫	ಮಜಾ	ಸೆಲ್ವಿ	ತಮಿಳು
೨೦೦೫	ಉಡೀಸ್	ಸೀತಾ	ಕನ್ನಡ
೨೦೦೬	ಮೋಹಿನಿ 9886788888		ಕನ್ನಡ
೨೦೦೬	ಸಾವಿರ ಮೆಟ್ಟಿಲು		ಕನ್ನಡ
೨೦೦೭	#73, ಶಾಂತಿ ನಿವಾಸ	ನೀತಾ	ಕನ್ನಡ
೨೦೦೭	ಶ್ರೀ ದಾನಮ್ಮ ದೇವಿ	ಶ್ರೀ ದಾನಮ್ಮ ದೇವಿ	ಕನ್ನಡ
೨೦೦೭	ಪ್ರಾರಂಭ		ಕನ್ನಡ
೨೦೦೮	ಮುಸ್ಸಂಜೆ ಮಾತು	ಶ್ವೇತಾ	ಕನ್ನಡ	ನಾಮನಿರ್ದೇಶನ, ಅತ್ಯುತ್ತಮ ಪೋಷಕ ನಟಿಗಾಗಿ ಫಿಲ್ಮ್ಫೇರ್ (Kannada)
೨೦೦೮	ನವಶಕ್ತಿ ವೈಭವ		ಕನ್ನಡ
೨೦೦೯	ಗುಬ್ಬಚ್ಚಿಗಳು	ಗಾಯತ್ರಿ	ಕನ್ನಡ
೨೦೦೯	ಭಾಗ್ಯದ ಬಳೆಗಾರ		ಕನ್ನಡ
೨೦೧೦	ಬನಶಂಕರಿ ದೇವಿ ಮಹಾತ್ಮೆ		ಕನ್ನಡ
೨೦೧೦	ಪರೀಕ್ಷೆ	ಬಂಗಾರಿ	ಕನ್ನಡ	ಅತ್ಯುತ್ತಮ ನಟಿಗಾಗಿ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ
೨೦೧೧	ಕೋ ಕೋ		ಕನ್ನಡ
೨೦೧೨	ಶ್ರೀ ಕ್ಷೇತ್ರ ಆದಿಚುಂಚನಗಿರಿ		ಕನ್ನಡ
೨೦೧೨	ಸಂಸಾರದಲ್ಲಿ ಗೋಲ್ಮಾಲ್	ರಾಗಿಣಿ	ಕನ್ನಡ
೨೦೧೩	ಗರ್ಭದ ಗುಡಿ	ತೆರೆಸಾ	ಕನ್ನಡ
೨೦೧೩	ಸಕ್ಕರೆ	ಸ್ನೇಹ	ಕನ್ನಡ
೨೦೧೪	ಫೇರ್ & ಲವ್ಲಿ		ಕನ್ನಡ
೨೦೧೫	ಆಟಗಾರ	ಸಂಧ್ಯಾ ರಮಾಗೋಪಾಲ್	ಕನ್ನಡ
೨೦೧೬	ಶಿವಯೋಗಿ ಶ್ರೀ ಪುಟ್ಟಯ್ಯಜ್ಜ		ಕನ್ನಡ
೨೦೧೭	Once More ಕೌರವ		ಕನ್ನಡ
೨೦೧೮	ತುಂತುರು		ಕನ್ನಡ
೨೦೧೯	ಅನುಕ್ತಾ		ಕನ್ನಡ
೨೦೨೦	ರತ್ನನ್ ಪ್ರಪಂಚ	ತಬಸ್ಸುಂ	ಕನ್ನಡ
೨೦೨೨	ಜೇಮ್ಸ್		ಕನ್ನಡ
TBA	ಅಕ್ಕ	ಅಕ್ಕ ಮಹಾದೇವಿ / ಜ್ಯೋತಿ	ಕನ್ನಡ	ಚಿತ್ರೀಕರಣ

ಕಿರುತೆರೆ ಕಾರ್ಯಕ್ರಮಗಳು

• ಬಾಳೆ ಬಂಗಾರ
• ಹೋಮ್ ಮಿನಿಸ್ಟರ್
• ಶ್ರೀಮತಿ ಕರ್ನಾಟಕ
• ಮಂಜು ಮುಸುಕಿದ ಹಾದಿ
• ನೂರು ದಿನಗಳು
• ತ್ರಿವೇಣಿ ಸಂಗಮ