ಅಂಕಾರಾ

ಅಂಕಾರಾ
ಅಂಕಾರಾ
	ಅತಾಕುಲೆ ಟವರ್ ಮತ್ತು ಅಂಕಾರಾ ನಗರದ ನೋಟ ಅತಾಕುಲೆ ಟವರ್ ಮತ್ತು ಅಂಕಾರಾ ನಗರದ ನೋಟ
ದೇಶ	ಟರ್ಕಿ
ಪ್ರದೇಶ	ಮಧ್ಯ ಅನಟೋಲಿಯ
ಪ್ರಾಂತ್ಯ	ಅಂಕಾರಾ
ಸರ್ಕಾರ
• ಮೇಯರ್	ಐ. ಮೆಲಿಹ್ ಗೊಕ್ಸೆಕ್ (AKP)
• ರಾಜ್ಯಪಾಲ	ಕೆಮಲ್ ಓನಲ್
ವಿಸ್ತಾರ
• ಒಟ್ಟು	೨,೫೧೬.೦೦ km2 (೯೭೧.೪೩ sq mi)
Elevation	೮೫೦ m (೨೭೯೦ ft)
ಜನಸಂಖ್ಯೆ (೨೦೦೭)
• ಒಟ್ಟು	೩೯,೦೧,೨೦೧
• ಸಾಂದ್ರತೆ	೧,೫೫೧.೦೦/km2 (೪೦೧೭.೧/sq mi)
ಸಮಯದ ವಲಯ
ಸಮಯ ವಲಯ	ಯುಟಿಸಿ+2 (EET)
• Summer (DST)	ಯುಟಿಸಿ+3 (EEST)
ಅಂಚೆ ಕೋಡ್	06x xx
Area code(s)	0312
ಜಾಲತಾಣ	http://www.ankara.bel.tr/

ಅಂಕಾರಾ ಟರ್ಕಿ ದೇಶದ ರಾಜಧಾನಿ ಮತ್ತು ಇಸ್ತಾಂಬುಲ್ ನಂತರ ಅದರ ೨ನೆಯ ಅತ್ಯಂತ ದೊಡ್ಡ ನಗರವಾಗಿದೆ. ಈ ನಗರದ ಜನಸಂಖ್ಯೆ ಸುಮಾರು ೩,೯೦೧,೨೦೧ ಆಗಿದೆ.^[೧] ಅಂಕಾರಾ ನಗರವು ಅಂಕಾರಾ ಪ್ರಾಂತ್ಯದ ರಾಜಧಾನಿ ಕೂಡ ಆಗಿದೆ. ಇದು ಟರ್ಕಿ ದೇಶದ ಪ್ರಮುಖ ವಾಣಿಜ್ಯ ಮತ್ತು ಕೈಗಾರಿಕ ಕೇಂದ್ರವಾಗಿ ಬೆಳೆದಿದೆ.

ಭೌಗೋಲಿಕ ಮಾಹಿತಿ

ಸಮುದ್ರಮಟ್ಟಕ್ಕೆ 1020ಮೀ ಎತ್ತರದಲ್ಲಿ 150ಮೀ ಎತ್ತರವಿರುವ ಕಲ್ಲುಬಂಡೆಗಳ ಬೆಟ್ಟದ ಮೇಲಿದೆ. ಇಲ್ಲಿ ಖಂಡಾಂತರ ವಾಯುಗುಣವಿದೆ.

ನಗರದ ಇತಿಹಾಸ

ಸಮುದ್ರದಿಂದ ದೂರವಿರುವುದರಿಂದಲೇ ಈ ಪಟ್ಟಣವನ್ನು ಅಂದಿನ ರಾಷ್ಟ್ರಾಧ್ಯಕ್ಷ ಕೆಮಾಲ್ ಅಟಾಟರ್ಕ್ ಎಂಬುವನು ರಾಜಧಾನಿಯನ್ನಾಗಿ ಮಾಡಿಕೊಂಡು, ಹಿಂದೆ ಇದ್ದ ಅಂಗೊರಾ ಎಂಬ ಹೆಸರನ್ನು 1923 ರಲ್ಲಿ ಅಂಕಾರ ಎಂದು ಬದಲಾಯಿಸಿದನು.

ನಗರದ ವರ್ಣನೆ ಮತ್ತು ವಿಶೇಷ ಸ್ಥಳಗಳು

ಆಧುನಿಕ ಟರ್ಕಿಯ ಪ್ರಭಾವ ಪಟ್ಟಣದ ಕೆಲವು ಕಡೆ ಕಂಡುಬರುತ್ತದೆ. ಪಟ್ಟಣದ ಹಳೆಯ ಭಾಗದಲ್ಲಿ ಒಂದು ಕೋಟೆಯಿದ್ದು ಅದರೊಳಗಡೆ ಒಂದು ಒಳಕೋಟೆ ಮತ್ತು ಒಂದು ಬಿಳಿಯ ಗೋಪುರವಿದೆ. ಕೋಟೆಯ ಹೊರಭಾಗ ಪಾಳು ಬಿದ್ದಿದೆ. ಈ ಭಾಗದಲ್ಲಿ ವಾಸಮಾಡುವ ಜನರ ಸಂಖ್ಯೆ ಅಲ್ಪ. ಇಲ್ಲಿನ ಚಿಕ್ಕಚಿಕ್ಕ ಹಾಗೂ ವಕ್ರವಕ್ರವಾಗಿರುವ ಬೀದಿಗಳ ಎಡಬಲಗಳಲ್ಲಿ ಮಣ್ಣಿನ ಇಟ್ಟಿಗೆ, ಮರ ಹಾಗೂ ಹೆಂಚುಗಳನ್ನು ಉಪಯೋಗಿಸಿ ರಚಿಸಲಾದ ಹಳೆಯ ಮನೆಗಳಿವೆ.

ಇಲ್ಲಿ ಒಂದು ಪೇಟೆಯೂ ಮತ್ತು ರಾಷ್ಟ್ರೀಯ ಸಮಾರಂಭಗಳು ಜರುಗುವ ಉಲಸ್ ಎಂಬ ಹೆಸರಿನ ಚೌಕವೂ ಇವೆ. ಪಟ್ಟಣದ ಉತ್ತರ ಭಾಗದ ಪ್ರದೇಶಕ್ಕೆ ಆಧುನಿಕತೆಯ ಪ್ರಭಾವ ಹೆಚ್ಚಾಗಿ ಬೀಳದಿದ್ದು, ಅಲ್ಲಿ ಅನೇಕ ಪ್ರಾಚೀನ ಅವಶೇಷಗಳು ಕಂಡುಬರುತ್ತವೆ. ಬೆಟ್ಟದ ಮೇಲಿನಿಂದ ನೋಡಿದರೆ 1953ರಲ್ಲಿ ಪುರ್ಣಗೊಂಡ ಅಟಾಟರ್ಕ್ನ ಸಮಾಧಿ ಪ್ರಧಾನವಾಗಿ ಕಾಣಿಸುತ್ತದೆ. ದೂರದಲ್ಲಿ ಕಾಣಿಸುವ ಇತರ ಸ್ಮಾರಕಗಳೆಂದರೆ-ವಿಕ್ಟರಿ ಸ್ಮಾರಕ, ಕಾನ್ಫಿಡೆನ್ಸ್ ಸ್ಮಾರಕ - ಇತ್ಯಾದಿ. ಈಗಿನ ಅಧ್ಯಕ್ಷರ ನಿವಾಸದ ಮುಂಭಾಗದಲ್ಲಿರುವ ಅಟಾಟರ್ಕ್ನ ನಿವಾಸ ಈಗ ಒಂದು ವಸ್ತು ಸಂಗ್ರಹಾಲಯವಾಗಿದೆ. ಅಂಕಾರದಲ್ಲಿ ಒಂದು ವಿಶ್ವವಿದ್ಯಾಲಯ, ಒಂದು ರಾಷ್ಟ್ರೀಯ ಪುಸ್ತಕ ಭಂಡಾರ, ರಾಜ್ಯದ ಆರ್ಥಿಕ ನೆರವಿನಿಂದ ನಡೆಯುತ್ತಿರುವ ಒಂದು ರಂಗಮಂಟಪ ಮತ್ತು ಆಧುನಿಕ ರೇಡಿಯೋ ಕೇಂದ್ರ ಇವೆ. ಇಲ್ಲಿರುವ ಕಾಲೇಜು ಬಹಳ ದೊಡ್ಡದಾಗಿದೆ. ಜೆನ್ಕ್ಲಿಕ್ ಪಾರ್ಕ್ ಎಂಬ ಉದ್ಯಾನವನ ಬಹಳ ಸುಂದರವಾಗಿದೆ. ಕುದುರೆ ಜೂಜಿನ ಮೈದಾನ ಹಾಗೂ ಎರಡು ಕ್ರೀಡಾಂಗಣಗಳಿವೆ. ಪಟ್ಟಣದ ಉತ್ತರಕ್ಕೆ 13 ಕಿಮೀ. ದೂರದಲ್ಲಿರುವ ಕ್ಯುಬೆಕ್ ಡ್ಯಾಂ ಎಂಬುದು ಒಂದು ಪ್ರವಾಸೀ ಕೇಂದ್ರವಾಗಿದೆ.

ಪ್ರಯಾಣ ಸೌಲಭ್ಯಗಳು

ಅಂಕಾರದಿಂದ ಇಸ್ತಾನ್ಬುಲ್, ಇಜ಼್‌ಮೀರ್ ಮತ್ತು ಅದಾನ ಪಟ್ಟಣಗಳಿಗೆ ರೈಲಿನ ಸೌಲಭ್ಯವಿದೆ. ಇಲ್ಲಿಂದ 26 ಕಿ.ಮೀ ದೂರವಿರುವ ಈಸೆನ್ಬೋಗ ಎಂಬುದು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ.

ಕೈಗಾರಿಕೆಗಳು

ಪಟ್ಟಣದ ಹೊರವಲಯದಲ್ಲಿ ಜಮಖಾನೆ, ಜೇನುತುಪ್ಪ ಮತ್ತು ಪೇರು ಜಾತಿಯ ಹಣ್ಣಿನ ಉತ್ಪನ್ನಗಳು ಮುಂತಾದ ಕೈಗಾರಿಕೆಗಳು ಕಂಡುಬರುತ್ತವೆ.

ಅಂಕಾರಾ ನಗರನೋಟ

ಬೋಟಾನಿಕಲ್ ಉದ್ಯಾನದಿಂದ ಮಧ್ಯ ಅಂಕಾರಾದ ನೋಟ
ರಾಜ್ಯ ಕಲಾ ಮತ್ತು ಶಿಲ್ಪಕಲೆ ವಸ್ತುಸಂಗ್ರಹಾಲಯ

ಉಲ್ಲೇಖಗಳು

1 2 Türkiye istatistik kurumu Address-based population survey 2007. Retrieved on 2008-10-09.

ಹೊರಗಿನ ಸಂಪರ್ಕಗಳು

[Turkey_pop_2007-1] 1 2 Türkiye istatistik kurumu Address-based population survey 2007. Retrieved on 2008-10-09.

[೧]

v t e ಏಷ್ಯಾ ಖಂಡದ ರಾಜಧಾನಿ ನಗರಗಳು
ಮಧ್ಯ ಏಷ್ಯಾ	ಅಸ್ತಾನ, ಕಜಾಕಸ್ಥಾನ್ ^† • ಬಿಷ್ಕೆಕ್, ಕಿರ್ಗಿಸ್ಥಾನ್ • ದುಶಾಂಬೆ, ತಾಜಿಕಿಸ್ಥಾನ್ • ಅಶ್ಗಾಬಾತ್, ತುರ್ಕ್ಮೇನಿಸ್ಥಾನ್ • ತಾಷ್ಕೆಂಟ್, ಉಜ್ಬೇಕಿಸ್ಥಾನ್
ಪೂರ್ವ ಏಷ್ಯಾ	ಬೀಜಿಂಗ್, ಚೀನಿ ಜನ ಗಣರಾಜ್ಯ • ಟೋಕ್ಯೊ, ಜಪಾನ್ • ಪ್ಯೊನ್ಗ್ಯಾಂಗ್, ಉತ್ತರ ಕೊರಿಯಾ • ಸೌಲ್, ದಕ್ಷಿಣ ಕೊರಿಯಾ • ಉಲಾನ್ ಬತೊರ್, ಮಂಗೋಲಿಯಾ ^೧ • ತೈಪೆ, ತೈವಾನ್
ಉತ್ತರ ಏಷ್ಯಾ	ಮಾಸ್ಕೋ, ರಷ್ಯಾ ^†
ದಕ್ಷಿಣ ಏಷ್ಯಾ	ಢಾಕಾ, ಬಾಂಗ್ಲಾದೇಶ • ಥಿಂಪು, ಭೂತಾನ್ • ನವ ದೆಹಲಿ, ಭಾರತ • ಮಾಲೆ, ಮಾಲ್ಡೀವ್ಸ್ • ಕಠ್ಮಂಡು, ನೇಪಾಳ • ಇಸ್ಲಾಮಾಬಾದ್, ಪಾಕಿಸ್ತಾನ • ಕೊಟ್ಟೆ^೨, ಶ್ರೀ ಲಂಕ • ಧರ್ಮಶಾಲ, ಧರ್ಮಶಾಲ
ಆಗ್ನೇಯ ಏಷ್ಯಾ	ಬಂದರ್ ಸೆರಿ ಬಗೆವನ್, ಬ್ರುನೈ • ನೇಪ್ಯಿಡಾವ್, ಬರ್ಮಾ (ಮಯನ್ಮಾರ್) • ನೋಮ್ ಫೆನ್, ಕಾಂಬೋಡಿಯ • ಡಿಲಿ, ಪೂರ್ವ ಟೀಮೊರ್ • ಜಕಾರ್ತ, ಇಂಡೋನೇಷ್ಯಾ • ವಿಯೆನ್ ಟಿಯೇನ್, ಲಾವೋಸ್ • ಕೌಲಾಲಂಪುರ್, ಮಲೇಶಿಯ ^೩ • ಪುತ್ರಜಯ, ಮಲೇಶಿಯ ^೪ • ಮನಿಲ, ಫಿಲಿಪ್ಪೀನ್ಸ್ • ಸಿಂಗಪುರ, ಸಿಂಗಪುರ • ಬ್ಯಾಂಕಾಕ್, ಥೈಲ್ಯಾಂಡ್ • ಹಾನೊಯ್, ವಿಯೆಟ್ನಾಮ್
ಪಶ್ಚಿಮ ಏಷ್ಯಾ	ಕಾಬುಲ್, ಅಫ್ಘಾನಿಸ್ಥಾನ ^೫ • ಯೆರೆವಾನ್, ಅರ್ಮೇನಿಯ ^‡ • ಬಾಕು, ಅಜರ್ಬೈಜಾನ್ ^† • ಮನಾಮ, ಬಹ್ರೈನ್ • ನಿಕೋಸಿಯ, ಸೈಪ್ರಸ್ ^‡ • ಟಿಬಿಲಿಸಿ, ಜಾರ್ಜಿಯ ^† • ತೆಹ್ರಾನ್, ಇರಾನ್ • ಬಾಗ್ದಾದ್, ಇರಾಕ್ • ಜೆರೂಸಲೆಮ್, ಇಸ್ರೇಲ್ ^೭ • ಅಮ್ಮಾನ್, ಜಾರ್ಡನ್ • ಕುವೈತ್ ನಗರ, ಕುವೈತ್ • ಬೈರುತ್, ಲೆಬನನ್ • ಮಸ್ಕಟ್, ಒಮಾನ್ • ದೋಹಾ, ಕಟಾರ್ • ರಿಯಾಧ್, ಸೌದಿ ಅರೆಬಿಯ • ಡಮಾಸ್ಕಸ್, ಸಿರಿಯ • ಅಂಕಾರಾ, ಟರ್ಕಿ ^† • ಅಬು ಧಾಬಿ, ಯುನೈಟೆಡ್ ಅರಬ್ ಎಮಿರೇಟ್ಸ್ • ಸನಾ, ಯೆಮೆನ್
^೧ ಕೆಲವೊಮ್ಮೆ ಮಧ್ಯ ಏಷ್ಯಾದ ಭಾಗವೆಂದು ಪರಿಗಣಿಸಲಾಗುತ್ತದೆ. ^೨ ಪೂರ್ಣ ಹೆಸರು ಶ್ರೀ ಜಯವರ್ದೇನಪುರ-ಕೊಟ್ಟೆ. ^೩ ವಿಧ್ಯುಕ್ತ. ^೪ ಆಡಳಿತ. ^೫ ಕೆಲವೊಮ್ಮೆ ಮಧ್ಯ ಅಥವಾ ದಕ್ಷಿಣ ಏಷ್ಯಾದ ಭಾಗವೆಂದು ಪರಿಗಣಿಸಲಾಗಿತ್ತದೆ. ^† ಖಂಡಾಂತರ ದೇಶ. ^‡ ಪೂರ್ಣವಾಗಿ ನೈರುತ್ಯ ಏಷ್ಯಾದಲ್ಲಿದ್ದರೂ ಯೂರೋಪ್ ಜೊತೆಗೆ ಸಾಮಾಜಿಕ ಹಾಗು ರಾಜಕೀಯ ಸಂಭಂದಗಳನ್ನು ಹೊಂದಿದೆ.