ಕ್ಯಾಂಪ್ ಬೆಲ್ ಕೊಲ್ಲಿ ರಾಷ್ಟ್ರೀಯ ಉದ್ಯಾನ

ಕ್ಯಾಂಪ್‌ಬೆಲ್ ಕೊಲ್ಲಿ ರಾಷ್ಟ್ರೀಯ ಉದ್ಯಾನ ಇದು ಭಾರತದ ರಾಷ್ಟ್ರೀಯ ಉದ್ಯಾನವನವಾಗಿದ್ದು, ಪೂರ್ವ ಹಿಂದೂ ಮಹಾಸಾಗರದ ನಿಕೋಬಾರ್ ದ್ವೀಪಗಳಲ್ಲಿ ಅತಿದೊಡ್ಡದಾದ ಗ್ರೇಟ್ ನಿಕೋಬಾರ್ ದ್ವೀಪದಲ್ಲಿದೆ. ಇದು ಸುಮಾತ್ರಾದಿಂದ ಉತ್ತರಕ್ಕೆ ಸುಮಾರು ೧೯೦ ಕಿ.ಮೀ ದೂರದಲ್ಲಿದೆ. ಇದನ್ನು ೧೯೯೨ ರಲ್ಲಿ, ಭಾರತದ ರಾಷ್ಟ್ರೀಯ ಉದ್ಯಾನವನವೆಂದು ಗೆಜೆಟ್ ಮಾಡಲಾಯಿತು ಮತ್ತು ಗ್ರೇಟ್ ನಿಕೋಬಾರ್ ಜೀವಗೋಳ ಮೀಸಲು ಪ್ರದೇಶದ ಭಾಗವಾಗಿದೆ. ಈ ಉದ್ಯಾನವನವು ಸುಮಾರು ೪೨೬ ಚ.ಕಿ.ಮೀ ವಿಸ್ತೀರ್ಣವನ್ನು ಹೊಂದಿದೆ ಮತ್ತು ಸಣ್ಣ ಗ್ಯಾಲಥಿಯಾ ರಾಷ್ಟ್ರೀಯ ಉದ್ಯಾನವನದಿಂದ ೧೨ ಕಿ.ಮೀ ಅಗಲದ ಅರಣ್ಯ ಬಫರ್ ವಲಯದಿಂದ ಬೇರ್ಪಡಿಸಲಾಗಿದೆ.

ಇತಿಹಾಸ

ಈ ಉದ್ಯಾನವನವನ್ನು ೧೯೯೨ ರಲ್ಲಿ ಪರಿಚಯಿಸಲಾಯಿತು. ಈ ಉದ್ಯಾನವು ವೈವಿಧ್ಯಮಯವಾದ ಆರ್ಕೀಡ್‌ಗಳು ಮತ್ತು ವಿವಿಧ ಹೂಬಿಡುವ ಸಸ್ಯಗಳಿಗೆ ಹೆಸರುವಾಸಿಯಾಗಿದೆ. ಇದು ವನ್ಯಜೀವಿ ಮತ್ತು ಜೀವವೈವಿಧ್ಯತೆಯ ಸುಧಾರಣೆಗಾಗಿ ಕಟ್ಟುನಿಟ್ಟಾಗಿ ಕಾಯ್ದಿರಿಸಿದ ಪ್ರದೇಶದಲ್ಲಿದೆ. ಅಭಿವೃದ್ಧಿ, ಅರಣ್ಯ, ಬೇಟೆ ಮತ್ತು ಕೃಷಿಗಾಗಿ ಮೇಯಿಸುವಿಕೆಯಂತಹ ಚಟುವಟಿಕೆಗಳು ಇಲ್ಲಿ ಕಾನೂನುಬಾಹಿರವಾಗಿವೆ. ಅವುಗಳ ಗಡಿಗಳನ್ನು ಚೆನ್ನಾಗಿ ಗುರುತಿಸಲಾಗಿದೆ ಮತ್ತು ಸುತ್ತುವರೆದಿದೆ. ಈ ರಾಷ್ಟ್ರೀಯ ಉದ್ಯಾನವನವು ದ್ವೀಪಗಳಲ್ಲಿರುವ ೯೬ ಅಭಯಾರಣ್ಯಗಳಲ್ಲಿ ಒಂದಾಗಿದೆ. ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಿ ಒಟ್ಟು ೫೭೨ ದ್ವೀಪಗಳಿವೆ. ಈ ರಾಷ್ಟ್ರೀಯ ಉದ್ಯಾನವು ಉಷ್ಣವಲಯದ ಮತ್ತು ಮ್ಯಾಂಗ್ರೋವ್ ಕಾಡುಗಳ ವಿಸ್ತಾರವಾದ ಸಸ್ಯವರ್ಗವನ್ನು ಹೊಂದಿದೆ. ದೇಶಾದ್ಯಂತದ ಪ್ರವಾಸಿಗರು ಈ ಉದ್ಯಾನವನಕ್ಕೆ ಭೇಟಿ ನೀಡುತ್ತಾರೆ. ವಸಂತ ಋತುವಿನಲ್ಲಿ, ಈ ಪ್ರದೇಶದ ಎಲ್ಲಾ ಹೂಬಿಡುವ ಸಸ್ಯಗಳು ಪೂರ್ಣವಾಗಿ ಅರಳುತ್ತದೆ. ದಟ್ಟವಾದ ಉಷ್ಣವಲಯದ ನಿತ್ಯಹರಿದ್ವರ್ಣ ಕಾಡುಗಳು ಮತ್ತು ಮರದ ಜರೀಗಿಡಗಳು ಛಾಯಾಗ್ರಹಣ ಅನುಭವಕ್ಕಾಗಿ ಆರ್ಕಿಡ್‌ಗಳೊಂದಿಗೆ ಭೂದೃಶ್ಯವನ್ನು ಆಕ್ರಮಿಸುತ್ತವೆ. ರಾಷ್ಟ್ರೀಯ ಉದ್ಯಾನದ ಪರಿಸರ ವ್ಯವಸ್ಥೆಯು ತಮ್ಮದೇ ಆದ ಪರಿಸರ ವ್ಯವಸ್ಥೆಯನ್ನು ಹೊಂದಿರುವ ಮ್ಯಾಂಗ್ರೋವ್ ಕಾಡುಗಳೊಂದಿಗೆ ಮತ್ತಷ್ಟು ವರ್ಧಿಸುತ್ತದೆ. ಇಲ್ಲಿನ ಕಾಡಿನಲ್ಲಿ ವೀಕ್ಷಣಾ ಗೋಪುರಗಳ ವ್ಯವಸ್ಥೆ ಇದೆ. ಅಲ್ಲಿಂದ ಪ್ರಯಾಣಿಕರು ವಿವಿಧ ಜಾತಿಯ ಪಕ್ಷಿಗಳನ್ನು ವೀಕ್ಷಿಸಬಹುದಾಗಿದೆ.

ಕ್ಯಾಂಪ್‌ಬೆಲ್ ಕೊಲ್ಲಿಯಲ್ಲಿ ಮಾಡಬಹುದಾದ ಚಟುವಟಿಕೆಗಳು

• ಚಾರಣ
• ಸೂರ್ಯಸ್ನಾನ
• ಪಕ್ಷಿ ವೀಕ್ಷಣೆ
• ವನ್ಯಜೀವಿ ಗುರುತಿಸುವಿಕೆ.
• ಪ್ರಕೃತಿ ನಡಿಗೆ ಕೈಗೊಳ್ಳುವುದು.
• ಪ್ರಕೃತಿಯ ಮಡಿಲಲ್ಲಿ ವಿಶ್ರಾಂತಿ ಪಡೆಯುವುದು.
• ಕಾವಲಿನಬುರುಜು ಆಕಾಶದಿಂದ ದೃಶ್ಯಗಳನ್ನು ಆನಂದಿಸುವುದು.
• ಭಾರತದ ಭೂಪ್ರದೇಶದ ದಕ್ಷಿಣದ ತುದಿಯಾದ ಇಂದಿರಾ ಪಾಯಿಂಟ್‌ಗೆ ಭೇಟಿ ನೀಡುವುದು.

ಕ್ಯಾಂಪ್‌ಬೆಲ್ ಕೊಲ್ಲಿ ರಾಷ್ಟ್ರೀಯ ಉದ್ಯಾನವನದ ಬಳಿ ಭೇಟಿ ನೀಡಬಹುದಾದ ಸ್ಥಳಗಳೆಂದರೆ: ಲಿಟಲ್ ಅಂಡಮಾನ್, ನಾನ್ಕೌರಿ ಮತ್ತು ಕಾರ್ ನಿಕೋಬಾರ್.

ಭೇಟಿ ನೀಡಲು ಉತ್ತಮ ಸಮಯ

ಕ್ಯಾಂಪ್‌ಬೆಲ್ ಕೊಲ್ಲಿ ರಾಷ್ಟ್ರೀಯ ಉದ್ಯಾನವನವು ಮಾರ್ಚ್‌ನಿಂದ ಅಕ್ಟೋಬರ್‌ವರೆಗೆ ಆಹ್ಲಾದಕರ ಹವಾಮಾನವನ್ನು ಹೊಂದಿದೆ. ಆದ್ದರಿಂದ, ಇದು ಪ್ರವಾಸಿಗರಿಗೆ ಭೇಟಿ ನೀಡಲು ಉತ್ತಮ ಸಮಯವಾಗಿದೆ. ರಾಷ್ಟ್ರೀಯ ಉದ್ಯಾನವನದ ಹವಾಮಾನವು ಬಿಸಿ ಮತ್ತು ಆರ್ದ್ರವಾಗಿರುತ್ತದೆ. ಆದಾಗ್ಯೂ, ಭಾರತದ ಹೆಚ್ಚಿನ ಭಾಗಗಳಿಗೆ ಹೋಲಿಸಿದರೆ ಇದು ಮಧ್ಯಮ ತಾಪಮಾನವನ್ನು ಹೊಂದಿದೆ. ಪಾದರಸವು ಚಳಿಗಾಲದಲ್ಲಿ ೨೦ ಡಿಗ್ರಿ ಸೆಲ್ಸಿಯಸ್ ಮತ್ತು ಬೇಸಿಗೆಯಲ್ಲಿ ೩೧ ಡಿಗ್ರಿ ಸೆಲ್ಸಿಯಸ್ ತಲುಪುತ್ತದೆ. ಇಲ್ಲಿಗೆ ಭೇಟಿ ನೀಡುವಾಗ ಬಿಸಿ ಹವಾಮಾನ ಪರಿಸ್ಥಿತಿಗಳಿಗೆ ಸೂಕ್ತವಾದ ಹಗುರವಾದ ಹತ್ತಿ ಬಟ್ಟೆಗಳನ್ನು ಧರಿಸುವುದು ಉತ್ತಮವಾಗಿದೆ.

ತಲುಪುವುದು ಹೇಗೆ?

ಕ್ಯಾಂಪ್‌ಬೆಲ್ ಕೊಲ್ಲಿ ರಾಷ್ಟ್ರೀಯ ಉದ್ಯಾನವನವನ್ನು ತಲುಪಲು, ದೋಣಿ ಸವಾರಿ ತೆಗೆದುಕೊಳ್ಳಬೇಕು. ಅಂತರ-ದ್ವೀಪ ದೋಣಿ ಸೇವೆಯು ಲಿಟಲ್ ಅಂಡಮಾನ್, ನಾನ್ಕೌರಿ ಮತ್ತು ಕಾರ್ ನಿಕೋಬಾರ್ ಮೂಲಕ ಕರೆದೊಯ್ಯುತ್ತದೆ.

ಹತ್ತಿರದ ವಿಮಾನ ನಿಲ್ದಾಣ ಮತ್ತು ರೈಲ್ವೆ ನಿಲ್ದಾಣ

ಪೋರ್ಟ್ ಬ್ಲೇರ್‌ನಲ್ಲಿರುವ ವೀರ್ ಸಾವರ್ಕರ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವು ಕ್ಯಾಂಪ್‌ಬೆಲ್ ಕೊಲ್ಲಿ ರಾಷ್ಟ್ರೀಯ ಉದ್ಯಾನವನಕ್ಕೆ ಹತ್ತಿರದ ವಿಮಾನ ನಿಲ್ದಾಣವಾಗಿದೆ. ಅಂಡಮಾನ್ ದ್ವೀಪಗಳಾದ್ಯಂತ ಯಾವುದೇ ರೈಲ್ವೆ ನಿಲ್ದಾಣವಿಲ್ಲ. ರಾಜಧಾನಿಯಾದ ಚೆನ್ನೈನಿಂದ ಸುಮಾರು ೧೩೬೯ ಕಿ.ಮೀ ದೂರದಲ್ಲಿರುವ ನಿಲ್ದಾಣವು ಹತ್ತಿರದ ನಿಲ್ದಾಣವಾಗಿದೆ. ಅಲ್ಲಿಂದ ಹೆಲಿಕಾಪ್ಟರ್ ಅಥವಾ ದೋಣಿಗಳ ಮೂಲಕ ಪ್ರಯಾಣಿಸಬಹುದು. ಈ ಸ್ಥಳದ ನೆರೆಹೊರೆಯಲ್ಲಿದ್ದರೆ, ಅಲ್ಲಿಗೆ ತಲುಪಲು ಯಾವುದೇ ರೀತಿಯ ವಾಹನವನ್ನು (ಅಲ್ಲಿ ಲಭ್ಯವಿದೆ) ತೆಗೆದುಕೊಳ್ಳಬಹುದು.

ಚಟುವಟಿಕೆಗಳು

ಈ ರಾಷ್ಟ್ರೀಯ ಉದ್ಯಾನವನವು ಪ್ರಕೃತಿಯ ನಡಿಗೆ, ಪಕ್ಷಿ ವೀಕ್ಷಣೆ, ವನ್ಯಜೀವಿ ಪ್ರಾಣಿಗಳನ್ನು ಗುರುತಿಸುವುದು ಮತ್ತು ಇನ್ನೂ ಅನೇಕ ಚಟುವಟಿಕೆಗಳನ್ನು ಪ್ರವಾಸಿಗರಿಗೆ ನೀಡುತ್ತದೆ. ಇಲ್ಲಿ ಗುರುತಿಸಬಹುದಾದ ವನ್ಯಜೀವಿಗಳೆಂದರೆ: ಏಡಿ ತಿನ್ನುವ ಕೋತಿ, ಮೆಗಾಪೊಡ್, ದೈತ್ಯ ದರೋಡೆಕೋರ ಏಡಿ ಮತ್ತು ನಿಕೋಬಾರ್ ಪಾರಿವಾಳ ಸೇರಿವೆ. ಕಾಡುಹಂದಿ, ಜಿಂಕೆ ಮತ್ತು ಸಿವೆಟ್ ಬೆಕ್ಕುಗಳನ್ನು ಸಹ ನೋಡಬಹುದು.

ಈ ಪ್ರದೇಶದಲ್ಲಿ ಕ್ಯಾಂಪಿಂಗ್ ಮತ್ತು ಟ್ರೆಕ್ಕಿಂಗ್ ಉದ್ದೇಶಕ್ಕಾಗಿ ಅನೇಕ ಸ್ಥಳಗಳಿವೆ. ಪ್ರವಾಸಿಗರು ಜಂಗಲ್ ಟೂರ್ ಪ್ಯಾಕೇಜ್‌ಗಳನ್ನು ಪಡೆಯಬಹುದು. ಇದರಲ್ಲಿ ಜಂಗಲ್ ಟ್ರೆಕ್ಕಿಂಗ್‌ಗಳು, ಜಂಗಲ್ ಕ್ಯಾಂಪ್‌ಗಳು, ಆನೆ-ಸಫಾರಿಗಳು ಸೇರಿವೆ.

ಇದನ್ನೂ ನೋಡಿ

• ಅಂಡಮಾನ್ ಮತ್ತು ನಿಕೋಬಾರ್ ಪರಿಸರ ತಂಡ.
• ಸೊಸೈಟಿ ಫಾರ್ ಅಂಡಮಾನ್ ಅಂಡ್ ನಿಕೋಬಾರ್ ಇಕಾಲಜಿ.