ಬಯೋಕಾನ್‌‌

Biocon

ಚಿತ್ರ:Biocon Logo.svg
ಸಂಸ್ಥೆಯ ಪ್ರಕಾರ	Public (ಬಿಎಸ್‌ಇ: 532523)
ಸ್ಥಾಪನೆ	1978
ಮುಖ್ಯ ಕಾರ್ಯಾಲಯ	ಬೆಂಗಳೂರು, India
ಪ್ರಮುಖ ವ್ಯಕ್ತಿ(ಗಳು)	Kiran Mazumdar-Shaw
ಉದ್ಯಮ	Biopharmaceutical, Enzyme
ಉತ್ಪನ್ನ	Cardiology & Oncology & Nephrology & Diabetology
ಆದಾಯ	₹೨,೪೦೫ ಕೋಟಿ (ಯುಎಸ್$೫೩೩.೯೧ ದಶಲಕ್ಷ)
ಉದ್ಯೋಗಿಗಳು	4,750 (2010)
ಜಾಲತಾಣ	www.biocon.com

ಬಯೋಕಾನ್ 1978ರಲ್ಲಿ ಕಿರಣ್ ಮಜುಮ್ದಾರ್-ಶಾ ರವರು ಸ್ಥಾಪಿಸಿದ ಭಾರತದ ಜೈವಿಕ ತಂತ್ರಜ್ಞಾನದ ಕಂಪನಿ. ಬಯೋಕಾನ್ ಪ್ರಪಂಚ ಮಟ್ಟದ ಸಂಶೋಧಾನಾ ಸಾಮರ್ಥ್ಯಗಳು, ಯುಎಸ್ ಎಫ್‌ಡಿಎ ಉತ್ಪಾದನಾ ಸೌಲಭ್ಯಗಳು ಹಾಗೂ ಸ್ವಯಂ- ಹಣಕಾಸು ಆರ್‍&ಡಿ ಪೈಪ್ ಲೈನ್‌ ಅನ್ನು ಹೊಂದಿದೆ. . 2009ರಲ್ಲಿ ಫೋರ್ಬ್ಸ್ ಇದನ್ನು "ಬಿಲಿಯನ್ ನಲ್ಲಿ ಅತ್ಯುತ್ತಮ" ಪಟ್ಟಿಯಲ್ಲಿ ಸೇರಿಸಿತು ಮತ್ತು ಬಯೋಸಿಂಗಪೂರ್ ತನ್ನ ಮಾರುಕಟ್ಟೆ, ವ್ಯಾಪಾರ ವೈಖರಿ ಮತ್ತು ಅತ್ಯುತ್ತಮ ಆಡಳಿತ ತಂಡಕ್ಕಾಗಿ ಅದೇ ವರ್ಷ ಏಷ್ಯಿಯಾ-ಪೆಸಿಫಿಕ್ ಪ್ರಾಂತದ ಅತ್ತುತ್ತಮ ಕಂಪನಿ ಎಂದು ಬಿರುದು ಕೊಟ್ಟಿತು. . 4,500 ನೌಕರರನ್ನು , ಹೊಂದಿರುವ ಇದು 100 ಅತ್ಯುತ್ತಮ ಜಾಗತಿಕ ಜೈವಿಕ ತಂತ್ರಜ್ಞಾನ ಕಂಪನಿಗಳಲ್ಲಿ 7ನೇ ಕಂಪನಿಯಾಗಿದೆ.

ಭಾರತದ ಬೆಂಗಳೂರಿನಲ್ಲಿ, ಬಯೋಕಾನ್ ಎರಡು ಸಹಾಯಕ ಕಂಪನಿಗಳನ್ನು ಹೊಂದಿದೆ, ಸಿಂಜಿನ್ ಎಂಬ ಸಾಂಪ್ರದಾಯಿಕ ಸಂಶೋಧನಾ ಸಂಸ್ಥೆ ಮತ್ತು ಕ್ಲಿನಿಜಿನ್ Archived 2016-03-04 ವೇಬ್ಯಾಕ್ ಮೆಷಿನ್ ನಲ್ಲಿ. ಎಂಬ ಒಂದು ಚಿಕಿತ್ಸಕ ಸಂಶೋಧನಾ ಸಂಸ್ಥೆ . ಬಯೋಕಾನ್, ಡಯಾಬೆಟಾಲಜಿ, ಕಾರ್ಡಿಯಾಲಜಿ, ನೆಫ್ರಾಲಜಿ ಹಾಗೂ ಆಂಕೊಲಜಿ ಎಂಬ ನಾಲ್ಕು ಪ್ರಮುಖ ಚಿಕಿತ್ಸಕ ಕ್ಷೇತ್ರಗಳ ಮೂಲಕ ಹರಡಿಕೊಂಡಿದೆ-ಅಷ್ಟೇ ಅಲ್ಲದೆ ಈ ವರ್ಷ ವ್ಯಾಪಕ ನಿಘಾ ಘಟಕ ಮತ್ತು ರೋಗನಿರೋಧಕ ಚಿಕಿತ್ಸೆ.

ಇತರೆ ಪ್ರಮುಖ ಬ್ರ್ಯಾಂಡ್‌ಗಳಿಗೆ ಹೋಲಿಸಿದರೆ ಸ್ವಲ್ಪ ಕಡಿಮೆ ದರದಲ್ಲಿ ಲಭ್ಯವಿರುವ ಬಯೋಕಾನ್‌ನ ಕಾರ್ಡಿಯಾಲಜಿ, ನೆಫ್ರಾಲಜಿ, ಡಯಾಬಿಟಾಲಜಿ ಮತ್ತು ಆಂಕಾಲಜಿ ಉತ್ಪನ್ನಗಳೆಂದರೆ BESTOR^®, BASALOGTM, BioMAb EGFR^®, STATIX^®, NUFIL safe^TM, INSUGEN^®, TACROGRAF^TM, ERYPRO safe^TM, ಮತ್ತು MYOKINASE^TM. ಪರಿಕಲ್ಪನೆಯ ಸಾಧನೀಯ ಅಂಚಿನಲ್ಲಿರುವ ಇದರ ಎರಡು ವಿನೂತನ ಕಾರ್ಯಕ್ರಮಗಳೆಂದರೆ ಬಹಳ ಕಾಲದಿಂದ ಪ್ರಯತ್ನದಲ್ಲಿರುವ ಬಾಯಿಯ ಮೂಲಕ ನೀಡಬಹುದಾದ ಇನ್ಸುಲಿನ್IN-105,ಹಾಗೂ ವಿನೂತನ ಮಾನೋಕ್ಲಿನಿಕಲ್ ಪ್ರತಿಕಾಯವಾದ (MAb), ಮತು ಭಾರತದಲ್ಲೇ ಮೊಟ್ಟ ಮೊದಲ ಬಾರಿಗೆ ಸಂಧಿವಾತ ಮತ್ತು ಸೋರಿಯಾಸಿಸ್‌ಗೆ ನೀಡಬಹುದಾದ ಮಾನವ ನಿರ್ಮಿತ ಪ್ರತಿಕಾಯ.

2005 ಮತ್ತು 2010ರ ನಡುವೆ ಬಯೋಕಾನ್ 2,200 ಮೌಲ್ಯಕ್ಕಿಂತ ಹೆಚ್ಚು ಆರ್‍&ಡಿ ಪರವಾನಗೆಯನ್ನು ಮತ್ತು ಫಾರ್ಮಾಕ್ಯುಟಿಕಲ್ ಹಾಗೂ ಜೈವಿಕ ಫಾರ್ಮಾಕ್ಯುಟಿಕಲ್‌ಗಳಲ್ಲಿ ಇತರೆ ವ್ಯವಹಾರಗಳಲ್ಲಿ ಪ್ರಗತಿ ಸಾಧಿಸಿತು. ಇದು ತನ್ನ ಜಾಗತಿಕ ಹೆಜ್ಜೆ ಗುರುತುಗಳನ್ನು ಉದಯೋನ್ಮುಕ ಹಾಗೂ ಬೆಳೆಯಿತ್ತಿರುವ ಮಾರುಕಟ್ಟೆಗಳಿಗೆ ಲಾಭಗಳು, ಪಾಲುದಾರಿಕೆ ಮತ್ತು ಪರವಾನಗೆಗಳ ಮೂಲಕ ವಿಸ್ತರಿಸಿತು. ಬಯೋಕಾನ್ ಫೌಂಡೇಶನ್ ನೊಂದಿಗೆ ಇದರ ಸಂಯುಕ್ತ ಸಾಮಾಜಿಕ ಜವಾಬ್ದಾರಿ ಅಂಗವು, ಹಲವಾರು ಆರೋಗ್ಯ ಮತ್ತು ಶೈಕ್ಷಣಿಕ ಕಾರ್ಯಕ್ರಮಗಳ ಮೂಲಕ ಭಾರತದ ಕೆಳಮಟ್ಟದ ವಲಯಗಳಿಗೆ ತಲುಪಿಸುವ ಉದ್ದೇಶವನ್ನು ಹೊಂದಿದೆ.

2009-10ರಲ್ಲಿ ಬಯೋಕಾನ್‌ನ ನಿವ್ವಳ ಆದಾಯವು 44% ನಷ್ಟು ರೂ.24,048 ಮಿಲಿಯನ್ ವರೆಗೆ ಹೆಚ್ಚಾಗಿ, ಅರ್ಧ ಬಿಲಿಯನ್ ಡಾಲರ್‌ನ್ನು ದಾಟಿತು ಮತ್ತು ಇದರ ಲಾಭ 215% ನಷ್ಟು ರೂ. 2,933 ಕ್ಕೆ ಹೆಚ್ಚಿತು. ಫಾರ್ಮಾಸುಟಿಕಲ್‌ನ ಆದಾಯವು ರೂ. 200,871 ಮಿಲಿಯನ್ ದಾಟಿತು ಮತ್ತು ಆರ್‍&ಡಿ ನಿವ್ವಳ ವೆಚ್ಚ ರೂ. 917 ಮಿಲಿಯನ್‌ಗೆ ಹೆಚ್ಚಿದ್ದರ ಮೂಲಕ 2008ಕ್ಕಿಂತಲೂ 42% ನಷ್ಟು ಹೆಚ್ಚಳವನ್ನು ಮತ್ತು 2005ಕ್ಕಿಂತಲೂ 282% ನಷ್ಟು ಹೆಚ್ಚಳವನ್ನು ಸಾಧಿಸಿತು,ಆದರೆ ಇದರ ಸಂಶೋಧನಾ ಸೇವಾ ಉದ್ಯಮಗಳು ರೂ.2,807 ಮಿಲಿಯನ್ ದಾಟಿದವು.

ಬಯೋಕಾನ್, ಸಿಂಜಿನ್ ಮತ್ತು ಕ್ಲಿನಿಜಿನ್ ಒಟ್ಟಾಗಿ , ಜೀವಶಾಸ್ತ್ರಜ್ಞರು, ರಸಾಯನ ಶಾಸ್ತ್ರಜ್ಞರು, ವೈದ್ಯಕೀಯ ಸಲಹೆಗಾರರು, ಫಾರ್ಮಾಕಾಲಾಜಿಸ್ಟ್‍ಗಳು, ಇಂಜಿನಿಯರ್‌ಗಳು, ಹಣಕಾಸು/ ಕಾನೂನು/ ಮಾರುಕಟ್ಟೆ ವಿಶ್ಲೇಷಕರು, ಎಚ್‌ಆರ್ ತಜ್ಞರು ಮತ್ತು ಸಾಮಾನ್ಯ ಆಡಳಿತಾಧಿಕಾರಿಗಳು ಸೇರಿಂದಂತೆ ಸುಮಾರು 4,500 ಸಿಬ್ಬಂದಿಯನ್ನು ಒಳಗೊಂಡಿದೆ. ಇದರ ಸುಮಾರು 6% ರಷ್ಟು ನೌಕರರು ಪಿಎಚ್‌ದಿ ಪದವಿಯನ್ನೂ , 45% ರಷ್ಟು ಸ್ನಾತಕೋತ್ತರ ಪದವಿಯನ್ನೂ ಮತ್ತು 33% ರಷ್ಟು ಪದವಿಯನ್ನೂ ಹೊಂದಿದವರಿದ್ದಾರೆ. ಬಯೋಕಾನ್ ಶಿಕ್ಷಣ ಸಂಸ್ಥೆಗಳೊಂದಿಗೆ ಸೇರಿ ಅವುಗಳ ಕೊರ್ಸ್‌ಗಳನ್ನು ಹೆಚ್ಚು ಕೈಗಾರಿಕಾ ಪ್ರಧಾನವಾಗಿ ಮಾಡುವಲ್ಲಿ ಶ್ರಮಿಸುತ್ತಿದೆ.

ಇತಿಹಾಸ

ತಮ್ಮ ತಂದೆಯವರಂತೆ ಮಧ್ಯ ತಯಾರಿಕಾ ಉದ್ಯಮದಲ್ಲಿ ತೊಡಗಲು ತೀರ್ಮಾನಿಸಿದ ಕಿರಣ್ ಮಜುಮ್ದಾರ್-ಶಾ ಅವರು ಆಸ್ಟ್ರೇಲಿಯಾದ ಬಲ್ಲಾರಟ್ ವಿಶ್ವವಿದ್ಯಾನಿಲಯದಿಂದ ಸ್ನಾತಕೋತ್ತರ ಪದವಿಯನ್ನು ಪಡೆದರು. ಆದರೆ, ಮಹಿಳೆಯಾಗಿದ್ದುದು ಸಮಸ್ಯೆಯಾಗಿ ಭಾರತದಲ್ಲಿ ಕೆಲಸ ಪಡೆಯುವುದಕ್ಕೆ ಕಷ್ಟವಾಯಿತು. ಅವರು ತಾವು ಅಂದುಕೊಂಡ ಮಧ್ಯ ತಯಾರಿಕೆಯ ವೃತ್ತಿಯನ್ನು ಪ್ರಾರಂಬಿಸಲು ಹೊರದೇಶಕ್ಕೆ ಹೋಗುವ ಆಲೋಚನೆಯಲ್ಲಿದ್ದಾಗ, ಐರ್ಲೆಂಡ್ ನಲ್ಲಿ ಬಯೋಕಾನ್ ಎಂಬ ಜೈವಿಕ ತಂತ್ರಜ್ಞಾನ ಕಂಪನಿಯೊಂದನ್ನು ಪ್ರಾರಂಭಿಸಿದ್ದ ಲೆಸ್ ಆಕಿನ್ ಕ್ಲಾಸ್ ರವರನ್ನು ಭೇಟಿ ಮಾಡುವ ಅವಕಾಶ ದೊರೆಯಿತು. ಅವರು ಆಕೆಯನ್ನು ತಮ್ಮ ವ್ಯಾಪಾರ ಪಾಲುದಾರಳಾಗಿ ಸೇರಿಕೊಳ್ಳುವುದರ ಮೂಲಕ ಭಾರತದಲ್ಲಿ ಬಯೋಕಾನ್‌ ಅನ್ನು ಪ್ರಾರಂಭಿಸಲು ಕೇಳಿಕೊಂಡರು. ಇಂತಹ ಒಂದು ಸಾಹಸಮಯ ಉದ್ಯಮದ ಯಾವುದೇ ಹಿನ್ನಲೆ ಇಲ್ಲದೇ ಇದ್ದರಿಂದ , ಅವರು ಮೊದಲು ನಿರಾಕರಿಸಿದರು. ಆದರೆ, ಲೆಸ್ ಆಕಿನ್ ಕ್ಲಾಸ್ ಒಂದು ವೇಳೆ ವ್ಯಾಪಾರ ವಿಫಲವಾದಲ್ಲಿ ಬಂಡವಾಳ ವಾಪಸ್ಸು ಕೊಡುವುದರ ಭರವಸೆಯನ್ನು ಕೊಟ್ಟು ಆಕೆಯನ್ನು ಮನವೊಲಿಸಿದರು. ಅಂತಿಮವಾಗಿ ಆಕೆ ಒಪ್ಪಿಕೊಂಡು ಆರು ತಿಂಗಳುಗಳ ಕಾಲ ಐರ್ಲೆಂಡ್ ನಲ್ಲಿ , ಈ ಉದ್ಯೋಗಕ್ಕೆ ಸಂಬಂದಿಸಿದ ತರಬೇತಿಯನ್ನು ಪಡೆದರು.

1978 ರಲ್ಲಿ ಬೆಂಗಳೂರಿಗೆ ವಾಪಸ್ಸು ಬಂದ ನಂತರ ಯಾವ ಹಣಕಾಸು ಸಂಸ್ಥೆಯೂ ಸಹಾಯಕ್ಕೆ ಮುಂದೆ ಬರದೇ ಇದ್ದದರಿಂದ ಕೇವಲ ರೂ.10,000 ಬಂಡವಾಳದೊಂದಿಗೆ, ಬಯೋಕಾನ್‌ನ್ನು ಪ್ರಾರಂಭಿಸಿದರು ನಂತರ ಅವರು ಗ್ಯಾರೇಜಿನ ಹೊರಗಿರುವ ಒಂದು ಬಾಡಿಗೆ ಮನೆಯಲ್ಲಿ ಇಬ್ಬರು ನೌಕರರೊಂದಿಗೆ ತಮ್ಮ ಕಾರ್ಯವನ್ನು ಆರಂಭಿಸಿದರು. ಅವರು ಅನೇಕ ಅಡಚಣೆಗಳನ್ನು ಎದುರಿಸಬೇಕಾಯಿತು-ಅಷ್ಟೇನು ಉತ್ತಮ ವ್ಯವಸ್ಥೆ ಇಲ್ಲದೇ ಇರುವ ಒಂದು ವಾತಾವರಣದಲ್ಲಿ ಕಂಪನಿ ಕಾರ್ಯ ನಿರ್ವಹಿಸುತ್ತಿತ್ತು ಮತ್ತು ವೈಯಕ್ತಿಕವಾಗಿ ಸಾಲದ ಸಮಸ್ಯೆಗಳಿದ್ದವು: ಒಂದು ಸಾಹಸಮಯ ಉದ್ಯಮದಲ್ಲಿ ಯಾವುದೇ ಅನುಭವವಿಲ್ಲದ 25- ವರ್ಷ ವಯಸ್ಸಿನ ಪ್ರಥಮ ಮಹಿಳೆಯಾಗಿದ್ದರು. 1978ರ ಕಾಲದಲ್ಲಿ ಜೈವಿಕ ತಂತ್ರಜ್ಞಾನ ಒಂದು ಅಪರಿಚಿತ ವ್ಯಾಪಾರವಾಗಿದ್ದರಿಂದ ಅನೇಕ ತೊಡಕುಗಳು ಇದ್ದವು.

ಬಯೋಕಾನ್ ಮಾರುಕಟ್ಟೆಗೆ ಬಿಟ್ಟ ಪ್ರಪ್ರಥಮ ಉತ್ಪನ್ನವೆಂದರೆ ಪೆಪ್ಟಿ ಪಪಾಯಿನ್, ಇದು ಪರಂಗಿ ಹಣ್ಣಿನಲ್ಲಿರುವ ಒಂದು ಕಿಣ್ವವಾಗಿದ್ದು ಬಿಯರ್ ಕೆಟ್ಟು ಹೋಗುವುದನ್ನು ತಡೆಯುತ್ತದೆ. 1983ರವರೆಗೆ, ಕಂಪನಿಯು ಕಿಣ್ವಗಳನ್ನು ಸಂಶ್ಲೇಷಿಸುವ ಕಾರ್ಯ ನಡೆಸುತಿತ್ತು. ಮತ್ತು ಇವುಗಳನ್ನು ಮಧ್ಯ ತಯಾರಿಕೆ, ನೂಲು , ಜೈವಿಕ ಇಂಧನಗಳು, ಪಶು ಸಂಗೋಪನೆ ಯಂತಹ ಕೈಗಾರಿಕೆಗಳಿಗೆ ಪ್ರಪಂಚಾದ್ಯಂತ ಸರಬರಾಜು ಮಾಡುತ್ತಿತ್ತು. 1980ರ ಮಧ್ಯ ಭಾಗದಲ್ಲಿ, ಬಯೋಕಾನ್ ಐಸಿಐಸಿಐ ಬ್ಯಾಂಕ್‌ನಿಂದ ಯುಎಸ್ $250,000 ನಷ್ಟು ಸಾಲವನ್ನು ಪಡೆದು, ಒಂದು ಘನ-ಸ್ಥಿತಿ ಫರ್ಮಂಟೇಶನ್ ಘಟಕವನ್ನು ನಿರ್ಮಿಸಿತು. ಇದು ಮುಂದೆ ಆರ್‍&ಡಿ.ಯ ಬೆಳವಣಿಗೆಗೆ ಸಹಾಯ ಮಾಡಿತು.

1989 ಐರಿಷ್ ಬಯೋಕಾನ್‌ ಅನ್ನು ಯುನಿಲಿವರ್ ಸ್ವಾಧೀನ ಪಡಿಸಿಕೊಂಡನು. 1990ರ ಮಧ್ಯದಲ್ಲಿ, ಕಿರಣ್ ಮಜುಮ್ದಾರ್-ಶಾರವರು ಕಿಣ್ವಗಳಿಗಿಂತ ಜೈವಿಕ ಫಾರ್ಮಾಕ್ಯುಟಿಕಲ್‌ಗಳ ಕಡೆಗೆ ಹೆಚ್ಚು ಗಮನ ಹರಿಸಿದರು. ಆದರೆ, ಪ್ರಮುಖ ಪಾಲುದಾರರಾದ ಯುನಿಲಿವರ್ ಫಾರ್ಮಾಕ್ಯುಟಿಕಲ್ ವ್ಯಾಪಾರದಲ್ಲಿ ತೊಡಗಲು ಇಷ್ಟಪಡಲಿಲ್ಲ. ಇಂತಹ ಸಮಯದಲ್ಲಿ, 1998 ರಲ್ಲಿ ಕಿರಣ್ ಮಜುಮ್ದಾರ್- ಶಾರವರನ್ನು ಮದುವೆಯಾದ ಸ್ಕಾಟ್ ಲ್ಯಾಂಡ್‌ನ ಜಾನ್ ಶಾ ತಮ್ಮ ಎಲ್ಲಾ ಉಳಿತಾಯದ ಮೂಲಕ ಇಡೀ ಬಯೋಕಾನ್‌ನ್ನು ಯಿನಿಲಿವರ್ ರವರಿಂದ ಕೊಂಡುಕೊಂಡರು.

ಬೆಳವಣಿಗೆಯ ಪಟ್ಟಿಯಲ್ಲಿ ಆಕ್ರಮಣಕಾರಿಯಾಗಿ ಮುಂದುವರೆಯಲು ದೃಢ ನಿರ್ಧಾರ ಮಾಡಿದ ನಂತರ , ಬಯೋಕಾನ್ ಶೀಘ್ರದಲ್ಲೇ ಲಾಭದಾಯಕ ಫಾರ್ಮಾಕ್ಯುಟಿಕಲ್ ವಲಯದ ಕಡೆಗೆ ಸಾಹಸಮಯವಾಗಿ ಮುನ್ನುಗ್ಗಿತು. ಅಧಿಕೃತ ಔಷಧಿಗಳ ಪೇಟೆಂಟ್ ಬಿದ್ದು ಹೋಗುತ್ತದೆ ಎಂಬುದನ್ನು ಮೊದಲೇ ಮನಗಂಡು , ಅವರು 2001ರಲ್ಲಿ ಪೇಟೆಂಟ್ ಮುಗಿದಿದ್ದ ಕೊಲೆಸ್ಟರಾಲ್ ನ್ನು ಕಡಿಮೆ ಮಾಡುವ ಒಂದು ಔಷಧಿಯಾದ ಲೋವಾಸ್ಟಾಟಿನ್ ಅನ್ನು ಉತ್ಪಾದಿಸಲು ಆರಂಭಿಸಿದರು. ಕೊನೆಗೆ ಬಯೋಕಾನ್ ಸ್ಟೇಟಿನ್ ಗಳ ಇತರ ವಿಧಗಳನ್ನು ತಯಾರಿಸಲು ಆರಂಭಿಸಿತು. 1998ರಲ್ಲಿ ರೂ.70 ಕೋಟಿಯಿದ್ದ ಕಂಪನಿಯ ಆದಾಯವು 2004 ರಲ್ಲಿ ರೂ.500 ಕ್ಕೆ ಏರಿತು.

2007ರಲ್ಲಿ ಬಯೋಕಾನ್ ತನ್ನ ಚಾರಿತ್ರಿಕ ಕಿಣ್ವ ಉದ್ಯಮವನ್ನು ಡೆನ್ಮಾರ್ಕ್‌ನ ನೊವೊಜೈಮ್ಸ್ A/S ಗೆ ಕೊಡುವ ಒಂದು ಬುದ್ದಿವಂತಿಕೆಯ ತೀರ್ಮಾನವನ್ನು ತೆಗೆದುಕೊಂಡಿತು. ಇಂದು, ಬಯೋಕಾನ್ ಒಂದು ಕಿಣ್ವ ಉತ್ಪಾದನಾ ಕಂಪನಿಯಿಂದ ಪೂರ್ಣ ಪ್ರಮಾಣದ ಜೈವಿಕ ಫಾರ್ಮಾಕ್ಯುಟಿಕಲ್ ಕಂಪನಿಯಾಗಿ ಬೆಳೆಯಲು ಸಾಧ್ಯವಾಗಿದೆ. ಇದು ತನ್ನ ಕಾರ್ಯಚಟುವಟಿಕೆಗಳನ್ನು ಎಪಿಐಗಖು, ಜೈವಿಕಗಳು ಮತ್ತು ವಾಣಿಜ್ಯ ಹಾಗೂ ಅಭಿವೃದ್ಧಿಶೀಲವಲ್ಲದ ವ್ಯಾಪಾರಿ ಅಣುಗಳನ್ನು ಒಳಗೊಂಡಿರುವ ತನ್ನ ಬಯೋ-ಫಾರ್ಮಾದ ಉದ್ಯಮದ ಕಡೆಗೆ ಹೆಚ್ಚಿನ ಒತ್ತು ಕೊಡಲು ಪ್ರಾರಂಭಿಸಿತು.

ಪಿಚಿಯಾ ಎಕ್ಸ್‌ಪ್ರೆಶನ್ ವಿಧಾನದವನ್ನು ಬಳಸಿ ಇನ್ಸುಜೆನ್^® ಎಂಬ ಮಾನವ ನಿರ್ಮಿತ ಇನ್ಸುಲಿನ್ ಅನ್ನು ಜಾಗತಿಕ ಮಟ್ಟದಲ್ಲಿ ತಯಾರಿಸಿದ ಪ್ರಪ್ರಥಮ ಕಂಫನಿಯಾಗಿದೆ. 2006ರಲ್ಲಿ ಬಯೋಕಾನ್ BIOMAb EGFR^® ಎಂಬ ಪ್ರಪ್ರಥಮ ಮಾನವ ನಿರ್ಮಿತ ಮಾನೊಕ್ಲೊನಲ್ ಪ್ರತಿಕಾಯವನ್ನು ಬಿಡುಗಡೆ ಮಾಡಿತು. ಇದನ್ನು ತಲೆ -ಕುತ್ತಿಗೆಯ ಕಾನ್ಸರ್ ರೋಗದ ಚಿಕಿತ್ಸೆಯಲ್ಲಿ ಬಳಸಲಾಯಿತು.

ಬಯೋಕಾನ್‌‌ನ ಪ್ರತಿವರ್ಷದ ಮೈಲಿಗಲ್ಲುಗಳು ಈ ಕೆಳಕಂಡಂತಿವೆ :

• ನವೆಂಬರ್ 29, 1978 - ಐರ್ಲ್ಯಾಂಡ್‌ನ ಬಯೋಕಾನ್ ಬಯೋಕೆಮಿಕಲ್ಸ್ ಲಿಮಿಟೆಡ್ ಹಾಗೂ ಕಿರಣ್ ಮಜುಮ್ದಾರ್-ಶಾ ಅವರ ಸಹಭಾಗಿತ್ವದಲ್ಲಿ ಬಯೋಕಾನ್ ಇಂಡಿಯಾ ಸ್ಥಾಪನೆಯಾಯಿತು.
• 1979 - ಎಂಜೈಮ್‌ಗಳನ್ನು ತಯಾರಿಸಿ ಯುಎಸ್‌ಎ ಹಾಗೂ ಯೂರೋಪ್ ದೇಶಗಳಿಗೆ ರಫ್ತು ಮಾಡುವ ಮೊದಲ ಭಾರತೀಯ ಕಂಪನಿಯಾಯಿತು.
• 1989 - ಐರ್ಲ್ಯಾಂಡ್‌ನಲ್ಲಿ ಬಯೋಕಾನ್ ಬಯೋಕೆಮಿಕಲ್ಸ್ ಲಿಮಿಟೆಡ್ ಅನ್ನು ಯೂನಿಲಿವರ್ ಕಂಪನಿಯು ವಶಕ್ಕೆ ತೆಗೆದುಕೊಂಡಿತು, ಕ್ವೆಸ್ಟ್ ಇಂಟರ್ನ್ಯಾಷನಲ್ ಸಹಯೋಗದೊಂದಿಗೆ ವಿಲೀನೀಕರಣವಾಯಿತು; ತಂತ್ರಜ್ಞಾನದ ಒಡೆತನಕ್ಕಾಗಿ ಬಯೋಕಾನ್ ಅಮೇರಿಕಾದಿಂದ ಹಣಕಾಸು ಸಹಾಯ ಪಡೆಯಿತು.
• 1990 - ಪ್ರಯೋಗಾತ್ಮಕ ಮಟ್ಟದಿಂದ ದೊಡ್ಡದಾಗುವವರೆಗೆ ಹುದುಗುವಿಕೆಯ ತಂತ್ರಜ್ಞಾನದ ಸಂಶೋಧನೆಯ ಪ್ರಮಾಣವನ್ನು ಹೆಚ್ಚಿಸಿಕೊಂಡಿತು.
• 1993 - ಬಯೋಕಾನ್‌ನ ಆರ್‍&ಡಿ ಹಾಗೂ ತಯಾರಿಕಾ ಸೌಲಭ್ಯಗಳು ಐಎಸ್‌ಒ 9001 ಪ್ರಮಾಣೀಕರಣವನ್ನು ಜರ್ಮನಿಯ ಆರ್‌ಡಬ್ಲುಟಿಯುವಿನಿಂದ ಪಡೆದುಕೊಂಡಿತು.
• 1994 - ಕಸ್ಟಮ್ ರೀಸರ್ಚ್ ಕಂಪನಿ (ಸಿಆರ್‌ಸಿ)ಯಾಗಿ ಸಿಂಜೆನೆ ಇಂಟರ್ನ್ಯಾಷನಲ್ ಪ್ರೈವೇಟ್ ಲಿಮಿಟೆಡ್‌ ಅನ್ನು ಸ್ಥಾಪಿಸಲಾಯಿತು.
• 1996 - ಬಯೋಕಾನ್ ಒಡೆತನದ ಫರ್ಮೆಂಟೇಶನ್ ಪ್ಲ್ಯಾಂಟ್‌ನ ಆರ್ಥಿಕ ಯಶಸ್ಸು 3-ಪಟ್ಟು ಬೆಳವಣಿಗೆಗೆ ಕಾರಣವಾಯಿತು; ಬಯೋಫಾರ್ಮಾಸ್ಯುಟಿಕಲ್ ಮತ್ತು ಸ್ಟ್ಯಾಟಿನ್‌ ತಯಾರಿಕೆಗೆ ಕಾಲಿಟ್ಟಿತು.
• 1997 - ಮೀಸಲಿಟ್ಟ ಉತ್ಪಾದನಾ ಸೌಲಭ್ಯದ ಮುಖಾಂತರ ಮಾನವ ಆರೋಗ್ಯ ಆರೈಕೆಯಲ್ಲಿ ಆಕ್ರಮದ ಉಪಕ್ರಮಗಳು.
• 1998 - ಬಯೋಕಾನ್‌ನಲ್ಲಿನ ಇದರ ಭಾಗವನ್ನು ಭಾರತೀಯ ಉತ್ತೇಜನಗಾರರಿಗೆ ಮಾರಲು ಯುನಿಲಿವರ್‌ನ ಒಪ್ಪಿಗೆ. ಇದರಿಂದ ಬಯೋಕಾನ್ ಸ್ವತಂತ್ರ ಘಟಕವಾಯಿತು
• 2000 - ವಿಶಿಷ್ಟ ಔಷಧಗಳನ್ನು ಉತ್ಪಾದಿಸುವ, ಇದರ ಮೊದಲ ಸಂಪೂರ್ಣ ಸ್ವಯಂಚಾಲಿತವಾದ ಫರ್ಮೆಂಟೇಷನ್ ಘಟಕದ ಪ್ರಾರಂಭ; ಭಾರತದ ಮೊದಲ ಕ್ಲಿನಿಕಲ್ ರಿಸರ್ಚ್ ಆರ್ಗನೈಜೇಷನ್ (CRO) ಸ್ಥಾಪನೆ.
• 2001 - ಲೊವಸ್ಟಟಿನ್‌ನ ಉತ್ಪಾದನೆಗಾಗಿ US ಫ್ದ ಯಿಂದ ಅನುಮೋಧನೆ ಪಡೆದ ಮೊದಲ ಭಾರತೀಯ ಸಂಸ್ಥೆಯಾಯಿತು; PlaFractor^TM ಅನ್ನುವುದು ಮಾನ್ಯತೆಪಡೇದ US 2001 ಮತ್ತು ವಿಶ್ವವ್ಯಾಪಿ ಪೇಟೆಂಟ್ (ಹಕ್ಕುಪತ್ರ).
• 2002 - ಕ್ಲಿನಿಜೆನ್‌ನ ಕ್ಲಿನಿಕಲ್ ಲ್ಯಾಬೊರೇಟರಿಯು ಸಿಎ‌ಪಿಯ ಮನ್ನಣೆ ಪಡೆಯಿತು.
• 2003 – ಬಯೋಕಾನ್ ಪಿಚಿಯಾ ಎಕ್ಸ್‌ಪ್ರೆಸನ್ ಪದ್ಧತಿಯಲ್ಲಿ ವಿಶ್ವವ್ಯಾಪಕವಾಗಿ ಮಾನವ ಇನ್ಸುಲಿನ್‌ನ್ನು ಉತ್ಪಾದಿಸುವ ಮೊದಲ ಸಂಸ್ಥೆಯಾಗಿದೆ.
• 2004 – ಬೋರ್ಸೆಸ್‌ನಲ್ಲಿನ ಮೊದಲನೆಯ ದಿನವು ಮಾರುಕಟ್ಟೆಯ ಮೌಲ್ಯ $1.11 ಬಿಲಿಯನ್‌ ದೊಂದಿಗೆ ಮುಕ್ತಾಯವಾಯಿತು, ಇದು ಬಯೋಕಾನ್‌ನ್ನು ಮೊದಲ ದಿನದಲ್ಲೇ $1 ಬಿಲಿಯನ್ ಮಾರ್ಕನ್ನು ದಾಟಿದ ಏಕೈಕ ಭಾರತೀಯ ಸಂಸ್ಥೆಯನ್ನಾಗಿ ಮಾಡಿದೆ; ಸಿಂಜೆನೆ ಹೊಸಾ ಸಂಶೋಧನಾ ಕೇಂದ್ರವನ್ನು ಸ್ಥಾಪಿಸಿದೆ; ಬಯೋಕಾನ್ INSUGEN^®ನ್ನು ಪ್ರಾರಂಭಿಸಿದೆ; ಬಯೋಕಾನ್ ಕನಿಷ್ಟಪಕ್ಷ ನಾಲ್ಕು ಚಿಕಿತ್ಸಕ ಪ್ರತಿವಾದಕ ಉತ್ಪನ್ನಗಳನ್ನು ಸಂಶೋಧಿಸಲು ಮತ್ತು ಜೊತೆಯಲ್ಲಿ ಅಭಿವೃದ್ದಿಪಡಿಸಲು ವ್ಯಾಕ್ಸಿನೆಕ್ಸ್‌ದೊಂದಿಗೆ ಪಾಲುದಾರಿಕೆಯನ್ನು ಮಾಡಿಕೊಂಡಿದೆ.
• 2005 - ಇನ್ಸುಲಿನ್ API ಯನ್ನು ಏಷಿಯಾ, ಆಫ್ರಿಕಾ ಮತ್ತು ಮಧ್ಯ ಈಸ್ಟ್‌ಗೆ ಸರಬರಾಜುಮಾಡಲು ವಾಣಿಜ್ಯ ಒಪ್ಪಂದಕ್ಕೆ ಸಹಿಹಾಕಿದೆ.
• 2006 - ಭಾರತದ ಅತಿದೊಡ್ಡ ಬಹು-ಉತ್ಪನ್ನಗಳ ಜೈವಿಕ ಔಷಧೀಯ ಮಾರಾಟದ ಪ್ರಾರಂಭೋತ್ಸವವನ್ನು ಬಯೋಕಾನ್ ಪಾರ್ಕ್‌ನಲ್ಲಿ ಮಾಡಿದೆ; ಭಾರತದ ಅತಿದೊಡ್ಡ ಏಕೀಕರಿಸಿದ ಜೈವಿಕ ತಂತ್ರಜ್ಞಾನ ಹಬ್‌, ಬಯೋಕಾನ್ ಪಾರ್ಕಿನ ಪ್ರಾಂರಂಭ; ಚೈನಾದ ಮಾರುಕಟ್ಟೆಯಲ್ಲಿ INSUGEN^® ವಹಿವಾಟು ಮತ್ತು ಟ್ರೇಡ್‌ಮಾರ್ಕ್‌ಗಾಗಿ ಬೇಯರ್ ಹೆಲ್ತ್‌ಕೆರ್ (BHC) ದೊಂದಿಗೆ ಅನುಮತಿಯ ಒಪ್ಪಂದ; ಬ್ಯಾಕ್ಟೇರಿಯಲ್ ಡೈಯರ್ಹೋಯಲ್ ರೋಗವನ್ನು ನಿವಾರಿಸಲು ವಿರುಲೆನ್ಸ್ ಬ್ಲಾಕೆರ್‌ಗಳನ್ನು, ಸಂಯುಕ್ತವಾಗಿ ಅಭಿವೃದ್ಧಿಪಡಿಸಲು, ಉತ್ಪಾದಿಸಲು ಮತ್ತು ಮಾರಾಟಮಾಡಲು ಸಿಂಜೆನೆ ಇನ್ನೇಟ್ ಫಾರ್ಮಾಸೆಟಿಕಲ್ಸ್‌ದೊಂದಿಗೆ ಒಂದುಗೂಡಿ ಕಾಯನಿರ್ವಹಿಸುವ ಒಪ್ಪಂದಕ್ಕೆ ಸಹಿಹಾಕಿದೆ; ಬಯೋಕಾನ್ ಭಾರತದ ಮೊದಲ ಅರ್ಬುದರೋಗದ ವಿರುದ್ಧದ ಔಷಧ, BIOMAb EGFR^®ನ್ನು ಪರಿಚಯಿಸಿದೆ.
• 2007 - JV ಯನ್ನು ವಿಸ್ತರಿಸಿ ಜೈವಿಕ ಔಷಧಗಳ ಶ್ರೇಣಿಯನ್ನು ಉತ್ಪಾದಿಸಿ ಮತ್ತು GCC ದೇಶಗಳಿಗೆ ಮಾರಾಟಮಾಡಲು ಬಯೋಕಾನ್ ಮತ್ತು ನಿಯೋಫಾರ್ಮ MOUಗೆ ಸಹಿಹಾಕಿವೆ; ಪಾಕಿಸ್ತಾನದಲ್ಲಿ BIOMAb EGFR^® ಮಾರಾಟಮಾಡಲು ವಿಶಿಷ್ಟ ಅನುಮೋದನೆಯನ್ನು ಪೆರೋಜ್‍‌ಸನ್ಸ್ ಲ್ಯಾಬರೇಟರೀಸ್‌ಗೆ ನೀಡಿದೆ; ಇದರ ನೆಫ್ರೋಲಜಿ ವಿಭಾಗದ ಮತ್ತು ರೆನಲ್ ಥೆರಫಿ ಉತ್ಪನ್ನಗಳ ಖಾತೆಯ ಆರಂಭವನ್ನು ಪ್ರಕಟಿಸಿದೆ; ಸಿಂಜೆನೆ, ಬ್ರಿಸ್ಟಲ್-ಮೈಯರ್ಸ್ ಸ್ಕ್ವಿಬ್‌‍‌ದೊಂದಿಗಿನ ಸಂಶೋಧನಾ ಪಾಲುಧಾರಿಕೆಯನ್ನು ಪ್ರವೇಶಿಸಿದೆ; ಬೆಂಗಳೂರಿನಲ್ಲಿ ಡೇಕಿನ್ ಸಂಶೋಧನಾ ಸಂಸ್ಥೆಯನ್ನು ಸ್ಥಾಪಿಸುವ ಉದ್ದೇಶದಿಂದ ಬಯೋಕಾನ್ ಡೇಕಿನ್ ಯುನಿವರ್ಸಿಟಿ, ಆಸ್ಟ್ರೇಲಿಯಾದೊಂದಿಗೆ MoU ಸಹಿಹಾಕಿದೆ; ಎಂಝಿಮ್ಸ್ ವಿಭಾಗವನ್ನು USD 115 ಮಿಲಿಯನ್‌ಗೆ ನೊವೊಜೈಮ್ಸ್ ಪಡೆದುಕೊಂಡಿದೆ; ಬಯೋಕಾನ್ ಮತ್ತು ಅಬ್ರಾಕ್ಸಿಸ್ ಬಯೋಸೈನ್ಸ್‌ಗಳು ಒಪ್ಪಂದವನ್ನು ಪ್ರಕಟಿಸಿವೆ, ಅದರಲ್ಲಿ ಅಬ್ರಾಕ್ಸಿಸ್ G-CSF (ಗ್ರಾನುಲೋಸೈಟ್-ಕಾಲನಿ ಸ್ಟಿಮುಲೇಟಿಂಗ್ ಫ್ಯಾಕ್ಟರ್)ನ ಬಯೋಸಿಮಿಲರ್ ರೂಪಾಂತರವನ್ನು ಉತ್ತರ ಅಮೆರಿಕಾ ಮತ್ತು ಯುರೋಪಿನ ಯುನಿಯನ್‌ನಲ್ಲಿ ಅಭಿವೃದ್ದಿಪಡಿಸುವ ಹಕ್ಕಿನ ಅನುಮೋದನೆಯನ್ನು ಪಡೆಯುತ್ತದೆ; ಒಂದು JV ಸಂಸ್ಥೆಯಾದ ನಿಯೋಬಯೋಕಾನ್‌ನ್ನು ದುಬೈನಲ್ಲಿ ಸ್ಥಾಪಿಸಲು ಬಯೋಕಾನ್ ಮತ್ತು ನಿಯೋಫಾರ್ಮ MoUಗೆ ಸಹಿ ಹಾಕಿವೆ; ಬಯೋಕಾನ್ ಮತ್ತು ಅಬ್ರಾಕ್ಸಿಸ್ ಬಯೋಸೈನ್ಸ್ Inc., ಭಾರತದಲ್ಲಿ Abraxane^® ವಾಣಿಜ್ಯೀಕರಣದ ಅನುಮೋದನೆಯ ಒಪ್ಪಂದವನ್ನು ಪ್ರಕಟಿಸಿವೆ; ಆಮ್‌ಸ್ಟೆರ್‌ಡಾಮ್‌ನಲ್ಲಿ ನಡೆದ ಮಧುಮೇಹ ಅಧ್ಯಯನ (EASD) ಸಂದರ್ಶನದಲ್ಲಿ ಇದರ ಮೌಖಿಕ ಇನ್ಸುಲಿನ್ ಉತ್ಪನ್ನ IN-105ನ ಮೊದಲನೆಯ ಹಂತದ ಅಧ್ಯಯನದ ಫಲಿತಾಂಶಗಳನ್ನು ಬಯೋಕಾನ್ ಸಾದರಪಡಿಸಿದೆ.
• 2008 - €30 ಮಿಲಿಯನ್ ಪರಿಗಣನೆಯಲ್ಲಿ ಬಯೋಕಾನ್ ಜರ್ಮನ್ ಫಾರ್ಮಸೆಟಿಕಲ್ ಸಂಸ್ಥೆ, AxiCorp GmbHನ 70% ಭಾಗವನ್ನು ಹೊಂದಿದೆ; ಸೇಫ್ಟಿ ಸಿರಿಂಜೆಸ್ Inc.ದೊಂದಿಗಿನ ಸಹಭಾಗಿತ್ವದಲ್ಲಿ, ಇದರ ಎರಡು ಜೀವ‌ಉಳಿಸುವ ಉತ್ಪನ್ನಗಳಾದ, GCSF ಮತ್ತು EPO ಗಳಿಗೆ ಮೊದಲೆ-ತುಂಬಿಸಿದ ಸಿರಿಂಜುಗಳ ರೂಪದಲ್ಲಿ ರಕ್ಷಣಾತ್ಮಕ ಸಾಧನಗಳನ್ನು ಪ್ರಾರಂಭಿಸಿದೆ; ಬಯೋಕಾನ್ ಮತ್ತು ಅಬ್ರಾಕ್ಸಿನ್ ಬಯೋಸೈನ್ಸ್‌ಗಳು ಸ್ತನ ಅರ್ಬುದ ರೋಗದ ಚಿಕಿತ್ಸೆಗಾಗಿ Abraxane^®ನ್ನು ಭಾರತದಲ್ಲಿ ಪ್ರಥಮ ಪರಿಚಯ ಮಾಡಿವೆ; ಬಯೋಕಾನ್ ಜಾಗತಿಕ ಜೈವಿಕ ತಂತ್ರಜ್ಞಾನ ಸಂಸ್ಥೆಗಳಲ್ಲಿ ಮೊದಲ 20ನೆಯ ಸ್ಥಾನವನ್ನು ಪಡೆದುಕೊಂಡಿದೆ (ಮೆಡ್ ಯಾಡ್ ನ್ಯೂವ್ಸ್); ಬಯೋಕಾನ್ ಪ್ರಪಂಚದಲ್ಲೇ 7ನೆಯ ದೊಡ್ಡ ಜೈವಿಕ ಉಧ್ಯೋಗದಾತ ಸಂಸ್ಥೆಯಾಗಿದೆ (ಮೆಡ್ ಯಾಡ್ ನ್ಯೂವ್ಸ್); ನಿಯೋಬಯೋಕಾನ್ ಮತ್ತು ಅಬ್ರಾಕ್ಸಿಸ್ ಬಯೋಸೈನ್ಸ್‌ಗಳು UAE ನಲ್ಲಿ Abraxane^®ಯನ್ನು ಬಿಡುಗಡೆ ಮಾಡಿವೆ.
• 2009 - ಏಕೀಕರಿಸಿದ ಔಷಧ ಸಂಶೋಧನಾ ನಿವೇಧನೆಗಳನ್ನು ವಿಸ್ತರಿಸಲು ಸಿಂಜೆನೆ, ಸಪಿಯಂಟ್ ಡಿಸ್ಕವರಿ ಯೊಂದಿಗೆ ಪಾಲುದಾರಿಕೆಯನ್ನು ಹೊಂದಿದೆ; ಸಿಂಜೆನೆ ಮತ್ತು ಡುಪೋಯಿಂಟ್ ಕ್ರಾಪ್ ಪ್ರೊಟೆಕ್ಷನ್ ಸಂಧಾನ ಸಂಬಂಧವನ್ನು ಹೊಂದಿವೆ; ಬ್ರಿಸ್ಟಲ್-ಮೈಯರ್ಸ್ ಸ್ಕ್ವಿಬ್ ಮತ್ತು ಸಿಂಜೆನೆಗಳು ಬಯೋಕಾನ್ ಪಾರ್ಕ್‌ನಲ್ಲಿ ಹೊಸಾ ಆರ್‍&ಡಿ ಸೌಲಭ್ಯವನ್ನು ಆರಂಭಿಸಿವೆ; ಬಯೋಕಾನ್ BASALOGTMನ್ನು ಬಿಡುಗಡೆಮಾಡಿದೆ- ಇದು ಮಾದರಿ 1 ಮತ್ತು ಮಾದರಿ 2 ಮಧುಮೇಹಕ್ಕೆ ಸಾಶ್ವತ ಬಾಸೆಲ್ ಇನ್ಸುಲಿನ್ ಆಗಿದೆ; ಆವಿಷ್ಕರಣ ನಿರ್ವಹಣೆಗಾಗಿ ಬಯೋಕಾನ್ ಸೆಲ್‌ನ್ನು ಬಿಡುಗಡೆಮಾಡಲು, ಬಯೋಕಾನ್ ISB ಯೊಂದಿಗೆ ಪಾಲುದಾರಿಕೆಯನ್ನು ಹೊಂದಿದೆ; ಜಾಗತಿಕ ಬಯೋಲಾಜಿಕ್ಸ್ ಮಾರುಕಟ್ಟೆಯನ್ನು ಪ್ರವೇಶಿಸಲು ಮೈಲಾನ್ ದೊಂದಿಗೆ ಕುಶಲತೆಯ ಸಹಭಾಗಿತ್ವವನ್ನು ಪ್ರಕಟಿಸಿದೆ; ನೂತನ ಪೆಪ್‌ಟೈಡ್ ಹೈಬ್ರಿಡ್‌ಗಾಗಿ ಬಯೋಕಾನ್ ಮತ್ತು ಅಮಿಲಿನ್ ಫಾರ್ಮಾಸೆಟಿಕಲ್ಸ್ ಜಾಗತಿಕ ಅಭಿವೃದ್ದಿ ಮತ್ತು ವಾಣಿಜ್ಯೀಕರಣದ ಒಪ್ಪಂದಕ್ಕೆ ಸಹಿಹಾಕಿವೆ.

ಕಾರ್ಪೋರೇಟ್ ಗವರ್ನೆನ್ಸ್

ಬಯೋಕಾನ್‌ನ ಟೆಕ್ನೋಕಾರ್ಟ್ CMD ಆದ ಕಿರಣ್ ಮಜುಮ್ದಾರ್ ಶಾರವರು 1978ರಲ್ಲಿ ಬಯೋಕಾನ್ ಪ್ರಾರಂಭವಾದಾಗಿನಿಂದ ಅದನ್ನು ಪೋಷಿಸುತ್ತಾ ಬಂದಿದ್ದಾರೆ, ಅಷ್ಟೇ ಅಲ್ಲದೆ ಒಂದು ಕಿಣ್ವಗಳ ಕೈಗಾರಿಕೆಯಾಗಿದ್ದ ಇದನ್ನು ಜಾಗತಿಕ ಮಟ್ಟದ ಪೂರ್ಣ ಪ್ರಮಾಣದ ಫಾರ್ಮಾಕ್ಯುಟಿಕಲ್ ಉದ್ಯಮವಾಗಿ ಬೆಳೆಸುವಲ್ಲಿ ಯಶಸ್ಸು ಸಾಧಿಸಿದ್ದಾರೆ. ,,

ಜೈವಿಕ ತಂತ್ರಜ್ಞಾನದಲ್ಲಿ ಆಕೆಯ ಪ್ರಯತ್ನಗಳು ಭಾರತದ ಉದ್ಯಮ ಹಾಗೂ ಬಯೋಕಾನ್ ಗಳೆರಡರ ಮುಖಾಂತರವೂ ಜಾಗತಿಕ ಗಮನವನ್ನು ಸೆಳೆದಿವೆ. "ದಿ ಎಕಮಾಶ್ರೀಮತಿಟ್" ಪತ್ರಿಕೆಯು ಇವರನ್ನು ಭಾರತದ ಬಯೋಟೆಕ್ ರಾಣಿ ಎಂದು ಹಾಗೂ " ದಿ ನ್ಯೂಯಾರ್ಕ್ ಟೈಮ್ಸ್ " ಭಾರತದ ಸಂಶೋಧನೆಯ ಮಾತೆ ಎಂದು ಕರೆದಿವೆ. ಇತ್ತೀಚೆಗಿನ "ಟೈಮ್" ಪತ್ರಿಕೆಯಲ್ಲಿ ಪ್ರಕಟವಾದ ಪ್ರಪಂಚದ ಅತ್ಯಂತ 100 ಪ್ರಭಾವಿತ ವ್ಯಕ್ತಿಗಳಲ್ಲಿ ಇವರ ಹೆಸರಿದ್ದು , ಜೈವಿಕ ತಂತ್ರ ಜ್ಞಾನ ಉದ್ಯಮಕ್ಕೆ ನೀಡಿದ ಕೊಡುಗೆಗಷ್ಟೇ ಅಲ್ಲದೆ , ಸಮಾಜಕ್ಕೆ ಇವರು ಸಲ್ಲಿಸಿರುವ ಅದ್ವಿತೀಯ ಸೇವೆಯನ್ನು ಗುರುತಿಸಿ ಈ ಪಟ್ಟಿಯಲ್ಲಿ ಅವರ ಹೆಸರನ್ನು ಸೇರಿಸಲಾಗಿದೆ. ಶ್ರೀಮತಿ ಶಾ ಅವರು ಫೋರ್ಬ್ಸ್ ಪಟ್ಟಿಯ "ಪ್ರಪಂಚದ ಅತ್ಯಂತ 100 ಪ್ರಭಾವಿತ ಮಹಿಳೆಯರಲ್ಲಿ ಒಬ್ಬರಾಗಿದ್ದಾರೆ" ಮತ್ತು ಫೈನಾನ್ಸ್ ಟೈಮ್ಸ್‌ನ "ಉದ್ಯಮ ಪಟ್ಟಿಯ 50 ಅತ್ಯುನ್ನತ ಮಹಿಳೆಯರಲ್ಲಿ ಗುರುತಿಸಲ್ಪಟ್ಟಿದ್ದಾರೆ

ಭಾರತದ ಬಯೋಟೆಕ್ ವಲಯದ ಮುಂದಾಳುವಾಗಿ, ಶಾರವರು ಭಾರತದ ಬಯೋಟೆಕ್ ಉದ್ಯಮವನ್ನು ಒಂದು ಜಾಗತಿಕ ನಾಯಕತ್ವದ ಪಟ್ಟಿಯಲ್ಲಿರಿಸುವ ಮಹತ್ವಾಕಾಂಕ್ಷೆಯನ್ನು ಹೊಂದಿದ್ದಾರೆ. ಆದ್ದರಿಂದ, ಅವರು ಈ ವಲಯದ ನೀತಿನಿಯಮಗಳಿಗೆ ರೂಪುರೇಷೆ ಕೊಡಲು ಸರ್ಕಾರದೊಂದಿಗೆ ಸದಾ ಕೈಜೋಡಿಸಿದ್ದಾರೆ. ಭಾರತದಲ್ಲಿ ಒಂದು ಸಂಶೋಧನಾ ಭಾವನೆಯನ್ನು ಬೆಳೆಸುವ ದೃಡ ನಿರ್ಧಾರವನ್ನು ಹೊಂದಿರುವ ಇವರನ್ನು ನೋಡುವಾಗ ಇವರಿಗಿರುವ ಶೈಕ್ಷಣಿಕ ಕಳಕಳಿ ಎಷ್ಟೆಂಬುದು ತಿಳಿದು ಬರುತ್ತದೆ. ಶಾರವರು ಕರ್ನಾಟಕ ಜೈವಿಕ ತಂತ್ರಜ್ಞಾನದ ದಾರ್ಶನಿಕ ಗುಂಪಿನ ಅದ್ಯಕ್ಷರಾಗಿದ್ದು, ಐರ್ಲೆಂಡ್‌ನ ಬೋರ್ಡ್ ಆಫ್ ಸೈನ್ಸ್ ಫೌಂಡೇಶನ್ ನಲ್ಲಿ ಸೇವೆ ಸಲ್ಲಿಸಿದ್ದಾರೆ. ಸರ್ಕಾರದ ಜೈವಿಕ ತಂತ್ರಜ್ಞಾನ ಇಲಾಖೆಯ ಸಲಹಾ ಮಂಡಳಿಯಲ್ಲಿ ಇವರು ಸೇವೆ ಸಲ್ಲಿಸುತ್ತಿದ್ಡಾರೆ. ಇದು ಭಾರತದ ವಾಣಿಜ್ಯ ಹಾಗೂ ಕೈಗಾರಿಕೋದ್ಯಮಮತ್ತು ಯು.ಎಸ್-ಇಂಡಿಯಾದ CEO ನ ಒಂದು ಅಂಗವಾಗಿದೆ. ಇವರು ಭಾರತ ಸರ್ಕಾರದ ಸ್ವಯಂ ಶಾಸನೀಯ ಅಂಗವಾದ ಫಾರ್ಮಾಕೊಪಿಯಾ ಸಮಿತಿಯ ಆಡಳಿತ ಅಂಗದ ಸದಸ್ಯರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಇವರು "ಇನ್‌ಸ್ಟಿಟೂಟ್ ಫಾರ್ ಸ್ಟೆಮ್ ಸೆಲ್ ಬಯಾಲಜಿ ಮತ್ತು ರಿಜೆನೆರೇಟಿವ್ ಮೆಡಿಶನ್" ನ ಸ್ಥಾಪನಾ ಸದಸ್ಯರಾಗಿದ್ದಾರೆ. ಇವರನ್ನು ವಾಣಿಜ್ಯ ಮಂಡಳಿ ಮಂಡಳಿಯ ನಾಮನಿರ್ದೇಶಿತ ಸದಸ್ಯರನ್ನಾಗಿಯೂ, ವಿದೇಶಿ ವ್ಯಾಪಾರದ ನಿರ್ದೇಶಕರನ್ನಾಗಿಯೂ ಹಾಗೂ ವಾಣಿಜ್ಯ ಮತ್ತು ಕೈಗಾರಿಕೋದ್ಯಮದ ಮಂತ್ರಿ ಮಂಡಲ ಸದಸ್ಯರನ್ನಾಗಿಯೂ ಮಾಡಲಾಗಿದೆ.

ಶಾರವರು 2009 ರ ಪ್ರಾಂತೀಯ ಬೆಳವಣಿಗೆ ಪ್ರಶಸ್ತಿಯಾದ ನಿಕ್ಕಿ ಏಷ್ಯಿಯಾ ಪ್ರಶಸ್ತಿಯನ್ನೊಳಗೊಂಡಂತೆ ಅನೇಕ ಪ್ರತಿಷ್ಟಿತ ಪ್ರಶಸ್ತಿಗಳನ್ನು ಪಡೆದುಕೊಂಡಿದ್ದಾರೆ. ಇವುಗಳಲ್ಲಿ ಪ್ರಮುಖವಾದವು ಕ್ರಿಯಾಶೀಲ ಉದ್ಯಮಿಗಳಿಗೆ ಕೊಡುವ ಎಕ್ಸ್ ಪ್ರೆಸ್ ಫಾರ್ಮಾಕ್ಯುಟೀಕಲ್ ಲೀಡರ್ ಶಿಪ್ ಪ್ರಶಸ್ತಿ, ಎಕನಾಮಿಕ್ ಟೈಮ್ಸ್‌ನ "ಬ್ಯುಸಿನೆಸ್ ವುಮೆನ್ ಆಫ್ ದಿ ಇಯರ್" ಏಷ್ಯಿಯಾದ ಆರ್ಥಿಕ ಅಭಿವೃದ್ಧಿಗಾಗಿ ನೀಡುವ "ದಿ ವಿಯುವಿ ಕ್ಲಿಕೊಟ್ ಇನಿಶಿಯೇಟಿವ್, ಜೈವಿಕ ವಿಜ್ಞಾನ ಮತ್ತು ಆರೋಗ್ಯ ಸಂರಕ್ಷಣೆಗೆ ನೀಡುವ ಎರ್ನ್‌ಸ್ಟ್ ಅಂಡ್ ಯಂಗ್ ಎಂಟರ್ ಪ್ರೀನರ್ ಆಫ್ ದಿ ಇಯರ್, ಪ್ರಪಂಚದ ಆರ್ಥಿಕ ಸಂಸ್ಥೆ ನೀಡುವ "ಟೆಕ್ನಾಲಜಿ ಪಯೋನೀರ್" ಮತ್ತು ಇಂಡಿಯನ್ ಚೇಂಬರ್ ಆಫ್ ಕಾಮರ್ಸ್‌ನ ಜೀವನ ಶ್ರೇಷ್ಥ ಸಾಧನಾ ಪ್ರಶಸ್ತಿ ಪ್ರಮುಖವಾಗಿವೆ. ಇಷ್ಟೇ ಅಲ್ಲದೆ ಇವರು ತಮ್ಮ ಜೈವಿಕ ತಂತ್ರಜ್ಞಾನ ಉದ್ಯಮದಲ್ಲಿನ ಸಾಧನೆಗಾಗಿ ಭಾರತ ದೇಶದ ಎರಡು ರಾಷ್ಟ್ರೀಯ ಪ್ರಶಸ್ತಿಗಳಾದ ಪದ್ಮಶ್ರೀ (1989) ಮತ್ತು ಪದ್ಮ ಭೂಷಣ(2005) ಪ್ರಶಸ್ತಿಗಳನ್ನೂ ಪಡೆದುಕೊಂಡಿದ್ದಾರೆ.

ಇವರು 23 ಮಾರ್ಚ್, 1953ರಂದು ಬೆಂಗಳೂರಿನಲ್ಲಿ ಜನಿಸಿದರು, ಶ್ರೀಮತಿ. ಶಾ ಬೆಂಗಳೂರು ವಿಶ್ವವಿದ್ಯಾನಿಲಯದಿಂದ (1973) ಪ್ರಾಣಿಶಾಸ್ತ್ರದಲ್ಲಿ ಪದವಿಯನ್ನು ಪಡೆದರು, ಆಸ್ಟ್ರೇಲಿಯಾದ ಬ್ಯಾಲ್ಲಾರಟ್ ವಿಶ್ವವಿದ್ಯಾನಿಲಯದಿಂದ ಮಾಸ್ಟರ್ ಬ್ರಿವರ್ ಪದವಿಯನ್ನು ಪಡೆದುಕೊಂಡರು (1975). ಬಯೋಟೆಕ್ನಾಲಜಿಗೆ ಅವರು ನೀಡಿದ ಕೊಡುಗೆಗಳನ್ನು ಗುರುತಿಸಿ 2004ರಲ್ಲಿ ಬ್ಯಾಲ್ಲಾರಟ್ ವಿಶ್ವವಿದ್ಯಾನಿಲಯವು ಡಾಕ್ಟರೇಟ್ ಗೌರವ ನೀಡಿತು.

ಶ್ರೀಮತಿ, ಶಾ ಅವರು 2004ರಲ್ಲಿ ಬಯೋಕಾನ್ ಫೌಂಡೇಶನ್ ಸ್ಥಾಪಿಸುವ ಮೂಲಕ ಸಂಸ್ಥೆಯನ್ನು ಹುಟ್ಟು ಹಾಕಿದರು. ಇತ್ತೀಚೆಗೆ, ಬೆಂಗಳೂರಿನ 500-ಹಾಸಿಗೆಯ ಮಜುಮ್ದಾರ್ ಕ್ಯಾನ್ಸರ್ ಕೇಂದ್ರಕ್ಕೆ 40 ಕೋಟಿ ರೂ. ಹಣದ ಸಹಾಯವನ್ನು ಮಾಡಿದ್ದಾರೆ. ಒಂದು ಸಂದರ್ಶನದಲ್ಲಿ: “ವ್ಯಾಪಾರವೆಂದರೆ ದುಡ್ಡಿಗಾಗಿ ಕೆಲಸ ಮಾಡುವುದೆಂದು ನಾನು ಕಂಡಿದ್ದೇನೆ ಹಾಗೂ ಅದನ್ನು ಕೆಲವು ಗುರಿಗಳೊಂದಿಗೆ ತುಲನೆಮಾಡಬೇಕಾಗುತ್ತದೆ. ಸಂಸ್ಥೆಯ ಸಾಮಾಜಿಕ ಜವಾಬ್ಧಾರಿಯಂತೆ ವ್ಯಾಪಾರಕ್ಕೆ ಸಹಾಯಕವಾಗುವಂತೆ ಸಮಾಜದಲ್ಲಿ ಹಣ ಹೂಡುವುದನ್ನು ನೀವು ಖಾತರಿಗೊಳಿಸಿಕೊಳ್ಳಿ” ಎಂದು ಹೇಳಿದ್ದಾರೆ

ಬೆಂಗಳೂರಿನ ಉತ್ತಮ ನಾಗರೀಕಳಾಗುವ ಕಡೆಗೆ ಆವರ ಆಸಕ್ತಿ ಇರುವುದರ ಜೊತೆಗೆ, ಅವರು ಕಟ್ಟಾಸೆಯ ಕಲಾಕೃತಿಗಳ ಸಂಗ್ರಹಕಾರರಾಗಿದ್ದಾರೆ. 1991-1998ರವರೆಗೆ ಎಮ್‌ಎನ್‌ಸಿ ಮಧುರಾ ಕೋಟ್ಸ್‌ನ ಅಧ್ಯಕ್ಷರು ಹಾಗೂ ವ್ಯವಸ್ಥಾಪಕ ನಿರ್ದೇಶಕರಾಗಿ ಕಾರ್ಯನಿರ್ವಹಿಸಿದ್ದ ಜಾನ್ ಶಾ ಅವರನ್ನು ವಿವಾಹವಾದರು.

ಕಂಪನಿಯ ನಿರ್ದೇಶಕ ಮಂಡಳಿಯು ಹೀಗಿದೆ :

• ಡಾ. ನೆವಿಲ್ಲೆ ಬೈನ್ – ಅಧ್ಯಕ್ಷರು, ಇನ್‌ಸ್ಟಿಟ್ಯೂಟ್ ಆಫ್ ಡೈರೆಕ್ಟರ್ಸ್, ಯುಕೆ; ಮಂಡಳಿಯ ಸದಸ್ಯ, ಸ್ಕಾಟಿಶ್ & ನ್ಯೂಕ್ಯಾಸಲ್ ಪಿಎಲ್‌ಸಿ., ಪ್ರೊವೆಕ್ಸಿಸ್ ಲಿಮಿಟೆಡ್
• ಪ್ರೊಫೆಸರ್. ಚಾರ್ಲ್ಸ್ ಎಲ್. ಕೂನೇ – ಪ್ರೊಫೆಸರ್, ಕೆಮಿಕಲ್ & ಬಯೋಕೆಮಿಕಲ್ ಇಂಜಿನಿಯರಿಂಗ್, ಎಮ್‌ಐಟಿ, ಯುಎಸ್‌ಎ; ನಿರ್ದೇಶಕರು, ಜೆಂಜೈಮ್ ಇಂಕ್
• ಡಾ.ಬಾಲ ಎಸ್. ಮಣಿಯನ್ – ರೀಮೆಟ್ರಿಕ್ಸ್ ಇಂಕ್.ನ ಸಂಸ್ಥಾಪಕರು ಹಾಗೂ ಅಧ್ಯಕ್ಷರು; ಅಮೇರಿಕಾ ಸಂಯುಕ್ತ ಸಂಸ್ಥಾನದ ಕ್ವಾಂಟಂ ಡಾಟ್ ಕಾರ್ಪೊರೇಷನ್ ಅಂಡ್ ಸರೊಮ್ಡ್ ಕಾರ್ಪೊರೇಷನ್‌ನ ಸಹ-ಸಂಸ್ಥಾಪಕರು, ; ಹಾಗೂ ಎಲೆಕ್ಟೊ-ಆಪ್ಟಿಕಲ್ ಸಿಸ್ಟಮ್ಸ್‌ನ ವಿನ್ಯಾಸದ ನಿಪುಣರು
• ಮಿ. ಸುರೇಶ್ ತಲ್ವಾರ್ – ತಲ್ವಾರ್ ಠಾಕೂರ್ & ಅಸೋಸಿಯೇಟ್ಸ್‌ನ ಪಾಲುಗಾರರು; ಕ್ಯಾಡ್‌ಬರಿ ಇಂಡಿಯಾ ಲಿಮಿಟೆಡ್‌ನ, ಬ್ಲೂ ಸ್ಟಾರ್ ಲಿಮಿಟೆಡ್, ಎಲ್&ಟಿ ಲಿಮಿಟೆಡ್‌ ಹಾಗೂ ಇತರೆ ಪ್ರಮುಖ ಕಂಪನಿಗಳು ನಿರ್ದೇಶಕರು
• ಶ್ರೀಮತಿ.ಕಿರಣ್ ಮಜುಮ್ದಾರ್ ಶಾ – ಬಯೋಕಾನ್‌ನ ಅಧ್ಯಕ್ಷರು & ವ್ಯವಸ್ಥಾಪಕ ನಿರ್ದೇಶಕರು; ಬಯೋಟೆಕ್ನಾಲಜಿ ಮತ್ತು ಇಂಡಸ್ಟ್ರಿಯಲ್ ಎಂಜೈಮ್‌ಗಳಲ್ಲಿ 32 ವರ್ಷಗಳ ಅನುಭವ ಹೊಂದಿರುವ ಮೊದಲ ತಲೆಮಾರಿನ ವ್ಯವಸ್ಥಾಪಕರು
• ಮಿ. ಜಾನ್ ಶಾ – ಬಯೋಕಾನ್‌ನ ಉಪಾಧ್ಯಕ್ಷರು; ವಿಶ್ವಾದ್ಯಂತ ಹಲವಾರು ಪ್ರದೇಶಗಳಲ್ಲಿ ದೊಡ್ಡ ಸಂಸ್ಥೆಗಳಲ್ಲಿ ಉನ್ನತ ಸ್ಥಾನಗಳಲ್ಲಿ ಕಾರ್ಯನಿರ್ವಹಿಸಿದ್ದಾರೆ; ಮಧುರಾ ಕೋಟ್ಸ್‌ನ ಮಾಜಿ ಅಧ್ಯಕ್ಷರು.
• ಪ್ರೊಫೆಸರ್. ರವಿ ಮಜುಮ್ದಾರ್ – ವಿಶ್ವವಿದ್ಯಾನಿಲಯದ ಸಂಶೋಧನಾ ಕೇಂದ್ರದ ಪ್ರಧಾನ ಪ್ರಾಚಾರ್ಯರು, ಕೆನಡಾದ ವಾಟರ್ಲೂ ವಿಶ್ವವಿದ್ಯಾನಿಲಯ ಎಲೆಕ್ಟ್ರಿಕಲ್ ಮತ್ತು ಕಂಪ್ಯೂಟರ್ ಇಂಜಿನಿಯರಿಂಗ್ ವಿಭಾಗ
• ಫೊಫೆಸರ್. ಕ್ಯಾಥರಿನ್ ರೊಸೆನ್‌ಬರ್ಗ್ – ಬಯೋಕಾನ್‌ನ ಬದಲಿ ಅಧ್ಯಕ್ಷರು; ಕೆನಡಾದ ವಾಟರ್ಲೂ ವಿಶ್ವವಿದ್ಯಾನಿಲಯದ ಎಲೆಕ್ಟ್ರಿಕಲ್ ಮತ್ತು ಕಂಪ್ಯೂಟರ್ ಇಂಜಿನಿಯರಿಂಗ್ ವಿಭಾಗದ ವಿಶ್ವವಿದ್ಯಾನಿಲಯದ ಸಂಶೋಧನೆಯ ಮುಖ್ಯ ಪ್ರಾಚಾರ್ಯರು ಹಾಗೂ ಅಧ್ಯಕ್ಷರು

ಅಧೀನ ಸಂಸ್ಥೆಗಳು, ಸ್ವಾದೀನತೆಗಳು ಮತ್ತು ಕುಶಲತೆಯ ಜಾಗತಿಕ ಮೈತ್ರಿಗಳು

ಸಿಂಜಿನ್

1994ರಲ್ಲಿ ಸ್ಥಾಪಿಸಲಾದ, ಸಿಂಜಿನ್ ಇಂಟರ್‌ನ್ಯಾಷನಲ್ ಲಿಮಿಟೆಡ್ ಅನ್ನುವುದು ಬಯೋಕಾನ್‌‌ನ ರೂಢಿಯ ಸಂಶೋಧನೆ ಸಂಸ್ಥೆಯಾಗಿದ್ದು, ಕೃತಕ ರಸಾಯನಶಾಸ್ತ್ರ ಮತ್ತು ಪರಮಾಣುಗಳ ಗುಂಪಿನ ಜೀವವಿಜ್ಞಾನದಲ್ಲಿ ಆರಂಭ ಹಂತದ ಔಷಧ ಸಂಶೋಧನೆ ಮತ್ತು ಅಭಿವೃದ್ದಿಗಾಗಿ ಔಷಧೀಯ ಮತ್ತು ಜೈವಿಕತಂತ್ರಜ್ಞಾನದ ಪ್ರಮುಖ ಗ್ರಾಹಕೀಯ ಪರಿಹಾರಗಳನ್ನು ಒದಗಿಸುತ್ತಿದೆ. ಗೋಪ್ಯತೆ ಮತ್ತು ವಿಚಾರಶಕ್ತಿಯ ಸಂಪತ್ತಿನ ರಕ್ಷಣೆಯ ಬಲವಾದ ಆಧಾರತತ್ವದ ಮೇಲೆ, ಗುರಿಯನ್ನು ಗುರುತಿಸುವುದರಿಂದ ಮತ್ತು ಚಿಕ್ಕ ಅಣುಗಳನ್ನು ದೃಢೀಕರಣ ಗೊಳಿಸುವುದರಿಂದ ಮತ್ತು ಗ್ರಂಥಾಲಯ ಸಂಕ್ಷೇಪಣೆಯಿಂದ ಇದು ಉತ್ತಮ ಮೌಲ್ಯದ ಸೇವೆಯನ್ನು ಒದಗಿಸುತ್ತದೆ. ಇದು ಭಾರತ ಸರಕಾರದಿಂದ ವಿಶಿಷ್ಟ ರಫ್ತು ಮಾನ್ಯತೆಯನ್ನು ಪಡೆದ ಭಾರತದ ಮೊದಲ ಸಿಆರ್‌ಒ ಆಗಿದೆ.

ಕ್ಲಿನಿಜಿನ್

ಕ್ಲಿನಿಜಿನ್ ಇಂಟರ್ನ್ಯಾಷನಲ್ ಲಿಮಿಟೆಡ್ ಅನ್ನುವುದು ಬಯೋಕಾನ^^ ಸಂಪೋರ್ಣ ಸೇವೆಯ ಚಿಕಿತ್ಸಕ ಸಂಶೋಧನಾ ಸಂಸ್ಥೆಯಾಗಿದ್ದು, ವಿನೂತನ/ಜೆನೆರಿಕ್ ಅಣುಗಳಿಗಾಗಿ ಅಂತರರಾಷ್ಟ್ರೀಯ ಔಷಧೀಯ ಪ್ರಮುಖ ಹಂತ I-IV ಚಿಕಿತ್ಸಕ ಪ್ರಯೋಗಗಳನ್ನು ಒದಗಿಸುತ್ತದೆ. ಕ್ಲಿನಿಜಿನ್ ಅತ್ಯುತ್ತಮ-ಗುಣಮಟ್ಟದ ತಂತ್ರಜ್ಞಾನದ ಮಿಲಾಯನ, ಅನುಭವ ಮತ್ತು ವೈಯಕ್ತಿಕ ವಿಶೇಷ ಲಕ್ಷಣಗಳಿಂದ ಇದರ ಪ್ರಮುಖ ಧ್ಯೇಯವಾದ ’ಚಿಕಿತ್ಸಕ ಸಂಶೋಧನೆಯನ್ನು ತೀವ್ರಗೊಳಿಸುವುದನ್ನು’ ಸಾಧಿಸುತ್ತದೆ. ಇದು ವಿಶಾಲವಾದ ಚಿಕಿತ್ಸಕ ಪ್ರಯೋಗ ಮತ್ತು ಯೋಜನೆ ನಿರ್ವಹಣೆಯ ಪರಿಣತಿಯನ್ನು ಹೊಂದಿದೆ ಮತ್ತು ಸಂಕೀರ್ಣ ಚಿಕಿತ್ಸಕ ಕಾರ್ಯಕ್ರಮಗಳನ್ನು ನಿರ್ವಹಿಸಿದೆ.

ಬಿಬಿಪಿಎಲ್

ಭವಿಷ್ಯದಲ್ಲಿನ ರೋಗನಿರೋಧಕ ಚಿಕಿತ್ಸೆಯ ಔಷಧಗಳ ಪ್ರಾಮುಖ್ಯತೆಯು ಹೆಚ್ಚಾಗುವಿಕೆಯ ನಿರೀಕ್ಷೆಯಲ್ಲಿ, ಬಯೋಕಾನ್ ಬಯೋಫಾರ್ಮಾಸೆಟಿಕಲ್ಸ್ ಪ್ರೈವೇಟ್ ಲಿಮಿಟೆಡ್ (ಬಿಬಿಪಿಎಲ್)ಅನ್ನುವ ಸಂಸ್ಥೆಯನ್ನು, 2003ರಲ್ಲಿ ಕುಬನ್ ಸಂಸ್ಥೆ ಸಿಐಎಮ್‌ಎಬಿ ದೊಂದಿಗೆ ಜಂಟಿಹೂಡಿಕೆಯಾಗಿ, ಎಮ್‌ಎ‌ಬಿಗಳು ಮತ್ತು ಕೇನ್ಸರ್ ಲಸಿಕೆಗಳನ್ನು ಅಭಿವೃದ್ದಿಪಡಿಸಲು ಮತ್ತು ಮಾರುಕಟ್ಟೆಗೆ ತರಲು ಸ್ಥಾಪಿಸಲಾಯಿತು. ರೋಗನಿರೋಧಕ ಚಿಕಿತ್ಸೆಯ ಉತ್ಪನ್ನಗಳನ್ನು ಅಭಿವೃದ್ಧಿಪಡಿಸುವಲ್ಲಿ ಮತ್ತು ತಯಾರಿಸುವಲ್ಲಿ ಮತ್ತು ಬಯೋಕಾನ್'ನ ಆರ್&ಡಿ ಮತ್ತು ತಯಾರಿಕಾ ಸಾಮಾರ್ಥ್ಯಗಳ ಸ್ಥಿತಿಯನ್ನು ಹೆಚ್ಚಿಸಲು, ಬಿಬಿಪಿಎಲ್ ಸಾಧನೋಪಾಯ, ಸಿಐಎಮ್‌ಎಬಿ’ನ ಪರಿಣತಿಯಾಗಿವೆ.

ಬಯೋಕಾನ್-ಆಕ್ಸಿಕಾರ್ಪ್

2008ರಲ್ಲಿ, ಬಯೋಕಾನ್ ಆಕ್ಸಿಕಾರ್ಪ್ GmbH ನಲ್ಲಿ ಬಹುಭಾಗವನ್ನು ಅಂದರೆ 70% ಸಂಪಾಧಿಸಿದೆ, ಇದು ಒಂದು ಜರ್ಮನ್ ಔಷಧೀಯ ವ್ಯಾಪಾರೋಧ್ಯಮ ಸಂಸ್ಥೆಯಾಗಿದ್ದು, ಯುರೋಪಿನಲ್ಲಿ ಅತಿ ಶೀಘ್ರವಾಗಿ ಬೆಲೆಯುತ್ತಿರುವ ಸಂಸ್ಥೆಗಳಲ್ಲಿ ಒಂದಾಗಿದೆ. ಆಕ್ಸಿಕಾರ್ಪ್, ಮೆಟ್‌ಪಾರ್ಮಿನ್‌ಗಾಗಿ ಜೆರ್ಮನ್ ಎಒಕೆ (ಪ್ರಮುಖ ಸಾರ್ವಜನಿಕ ಆರೋಗ್ಯ ವಿಮೆದಾರರು) ಟೆಂಡರನ್ನು ಸಹ ಗೆದ್ದಿದ್ದು, ಇದು ಜೆನೆರಿಕ್ ಮಾರುಕಟ್ಟೆಯಲ್ಲಿ ಬಯೋಕಾನ್’ನ ಪ್ರವೇಶಕ್ಕೆ ಒಂದು ಪ್ರಮುಕ ಮೈಲುಗಲ್ಲನ್ನು ಗುರುತಿಸಿದೆ ಹಾಗು ಇದು ಬಯೋಸಿಮಿಲರ್ ಇನ್ಸುಲಿನ್ ಮತ್ತು ಅನಲಾಗ್ಸ್‌ನ್ನು ಜರ್ಮನ್ ಮಾರುಕಟ್ಟೆಯಲ್ಲಿ ವ್ಯಾಪಾರೋದ್ಯಮ ನಡೆಸುವಂತೆ ಮಾಡಿದೆ. ಪ್ರಸ್ತುತ ಆಕ್ಸಿಕಾರ್ಪ್, ಬಯೋಕಾನ್‌ನ ಒಂದು ಸ್ವಾಯತ್ತ ಅಧೀನ ಸಂಸ್ಥೆಯಾಗಿದೆ ಮತ್ತು ಅತ್ಯಂತ ಸಫಲವಾಗಿ ಭಾರತ ಅಧೀನದ ಜರ್ಮನ್ ಔಷಧೀಯ ಸಂಸ್ಥೆಯಾಗಿದೆ.,

ನಿಯೊಬಯೋಕಾನ್

ನಿಯೊಬಯೋಕಾನ್ ಎಫ್‌ಜೆಡ್ ಎಲ್‌ಎಲ್‌ಸಿ ಅಬು ಧಬಿ ಮೂಲದ ಸಂಶೋಧನಾ ಮತ್ತು ವ್ಯಾಪಾರ ಚಟುವಟಿಕೆಯ ಔಷಧೀಯ ಸಂಸ್ಥೆಯಾಗಿದೆ, ಇದನ್ನು 2008 ಜನವರಿಯಲ್ಲಿ ಸುಸಂಘಟಿಸಲಾಯಿತು. ಇದು ಒಂದು 50:50 ಜಂಟಿ ಹೂಡಿಕೆಯಾಗಿದ್ದು, ಅಬು ಧಬಿ-ಮೂಲದ ಔಷಧಿ ತಯಾರಿಕಾ ಸಂಸ್ಥೆ ನೊಯೊಫಾರ್ಮದೊಂದಿಗೆ, GCC ದೇಶಗಳಿಗೆ (ಗಲ್ಫ್ ಕೊಆಪರೇಷನ್ ಕವ್ನ್‌ಸಿಲ್) ಬಯೋಫಾರ್ಮಸೆಟಿಕಲ್ ಔಷಧಗಳನ್ನು ತಯಾರಿಸಿ ಮಾರಾಟಮಾಡಲು ಸ್ಥಾಪಿಸಲಾಯಿತು, ಹೊಸಾ ಸಂಸ್ಥೆಯ ಉತ್ಪನ್ನ ನಿವೇದನೆಗಳು ಬಯೊಲಾಜಿಕಲ್ಸ್ (ಜೈವಿಕ ಔಷಧಗಳನ್ನು), ಒಡೆತನದ/ಪರವಾನಗಿ ಪದೆದ ಉತ್ಪನ್ನಗಳನ್ನು, ನಿಮಿತ್ತದ ಚಿಕಿತ್ಸಕಗಳನ್ನು, ಸಂಶೋಧನಾ-ಆಧಾರದ ಬೇರ್ಪಡಿಸಿದ ಔಷಧತಯಾರಿಕಾ ಸಂಕೇತಗಳನ್ನು ಮತ್ತು ನವೀನತೆಯನ್ನು ಕಲ್ಪಿಸಿದ ಔಷಧ ಮುಟ್ಟಿಸುವ ಪದ್ಧತಿಗಳನ್ನು ಒಳಗೊಂಡಿವೆ. ಇದು ಯುಎಇ ನಲ್ಲಿ ಅಬ್ರಾಕ್ಸಾನೆ® ಯನ್ನು ಸಹ ಪ್ರಾರಂಭಿಸಿದೆ.,

ಬಯೋಕಾನ್ ಮತ್ತು ಅಮಿಲಿನ್

ಮದುಮೇಹ ರೋಗದ ಸಂಭವನೀಯ ಚಿಕಿತ್ಸೆಗಾಗಿ ವಿನೂತನ ಪೆಪ್ಟೈಡ್ ಚಿಕಿತ್ಸಕಗಳನ್ನು ಅಭಿವೃದ್ದಿಪಡಿಸಲು, ವಾಣಿಜ್ಯೀಕರಣಗೊಳಿಸಲು ಮತ್ತು ಇವುಗಳನ್ನು ತಯಾರಿಸಲು, 2009ರಲ್ಲಿ, ಯುನೈಟೆಡ್ ಸ್ಟೇಟ್ಸ್‌ನ ಬಯೋಕಾನ್ ಮತ್ತು ಅಮಿಲಿನ್ ಫಾರ್ಮಸೆಟಿಕಲ್ಸ್ ಒಪ್ಪಂದ ಮಾಡಿಕೊಂಡಿವೆ. ಅಮ್ಲಿನ್ ಪೆಪ್‌ಟೈಡ್ ಹಾರ್ಮೋನ್ ಅಭಿವೃದ್ದಿಯಲ್ಲಿ ಪರಿಣತಿಯನ್ನು ಒದಗಿಸುತ್ತದೆ, ಮುಖ್ಯವಾಗಿ ಪಿಹೈಬ್ರಿಡ್ ತಂತ್ರಜ್ಞಾನ ಮತ್ತು ಮೆಟಬೊಲಿಕ್ ರೋಗ ಚಿಕಿತ್ಸಕಗಳ ವಿಭಾಗದಲ್ಲಿ. ಬಯೋಕಾನ್ ಇದರ ಪರಿಣತೆಯನ್ನು ಮರುಮಿಶ್ರಿತ ಮೈಕ್ರೊಬಯಲ್ ಅವಿರ್ಭಾವದಲ್ಲಿ ಉಪಯೋಗಿಸುಕೊಳ್ಳುತ್ತದೆ ಮತ್ತು ಮದುಮೇಹ ಉತ್ಪನ್ನಗಳ ಚಿಕಿತ್ಸಕ ಪೂರ್ವದ ಮತ್ತು ಚಿಕಿತ್ಸಕ ಬೆಳವಣಿಗೆಯಲ್ಲಿ ಅನುಭವವನ್ನು ಪಡೆದು ಕೂಡಿಕೆ (ಮಿಶ್ರಣ)ಗಳನ್ನು ತಯಾರಿಸುತ್ತದೆ.,

ಬಯೋಕಾನ್ ಮತ್ತು IATRICa

2008ರಲ್ಲಿ, ಯುನೈಟೆಡ್ ಸ್ಟೇಟ್ಸ್‌ನ ಬಯೋಕಾನ್ ಮತ್ತು IATRICa, ಕೇನ್ಸರ್ ಮತ್ತು ಸಾಂಕ್ರಾಮಿಕ ರೋಗಗಳಿಗೆ ಸಂಬಧಪಟ್ಟ ಲಸಿಕೆಯನ್ನು ಅಭಿವೃದ್ಧಿಪಡಿಸಲು ಪಾಲುದಾರಿಕಾ ಒಪ್ಪಂದವನ್ನು ಮಾಡಿಕೊಂಡವು. ಈ ಸಂಸ್ಥೆಗಳು IATRICa’ದ ತಾಂತ್ರಿಕ ಕುಶಲತೆಯ ಮತ್ತು ಬಯೋಕಾನಿನ ಔಷಧಗಳ ಅಭಿವೃದ್ಧಿ, ಜೈವಿಕ ಉತ್ಪಾದನೆ, ಮತ್ತು ಚಿಕಿತ್ಸಕ ಸಂಶೋಧನೆಯಲ್ಲಿನ ಪರಿಣತಿಯ ಆಧಾರದಮೇಲೆ ಉಮೆದುವಾರ ಉತ್ಪಾದನೆಗಳನ್ನು ಅಭಿವೃದ್ದಿಪಡಿಸುತ್ತಿದ್ದರು. ಈ ಹೊಂದಾಣಿಕೆಯ ಮುಖ್ಯ ಉದ್ದೇಶವು ಬಾವುನಿಂದ ಕಳೆದುಕೊಳ್ಳುವ ರೋಗನಿರೋಧಕ ಶಕ್ತಿಯ ಲಸಿಕೆಯನ್ನು ಅಭಿವೃದ್ದಿಪಡಿಸುವ, ಮತ್ತು ರೋಗನಿರೋಧಕ ಶಕ್ತಿಯನ್ನು ರಕ್ಷಿಸುವ T ಕೋಶವನ್ನು ವರ್ಧಿಸುವುದಾಗಿದೆ. ಪ್ರಸ್ತುತ ಕಾಂಜುಗೇಟ್ ಮೊನೊಕ್ಲೊನಿಕಲ್ ಪ್ರತಿಕಾಯವನ್ನು ಇನ್ನು ಹೆಚ್ಚು ಅಭಿವೃದ್ದಿಪಡಿಸುವ ವಿಧಾನಗಳನ್ನು ಕುರಿತ ಅಧ್ಯಯನ ನಡೆಯುತ್ತಿದೆ.,

ಬಯೋಕಾನ್ ಮತ್ತು ಮೈಲಾನ್

2009ರಲ್ಲಿ, ಉತ್ತಮ ಗುಣಮಟ್ಟದ ಜೆನೆರಿಕ್ ರೋಗನಿರೋಧಕ ಲಸಿಕೆಗಳನ್ನು ಅಭಿವೃದ್ದಿಪಡಿಸಲು ಮತ್ತು ವಾಣಿಜ್ಯಾಕರಣಗೊಳಿಸಲು, ಬಯೋಕಾನ್ ಮೈಲಾನ್‌ದೊಂದಿಗೆ ಸಹಭಾಗಿತ್ವದ ಒಪ್ಪಂದವನ್ನು ಮಾಡಿಕೊಂಡಿದೆ. ಪಾಲುದಾರಿಕೆಯು ಬಯೋಕಾನ್’ನ ವೈಜ್ಞಾನಿಕ ಪರಿಣತೆಯನ್ನು ಮತ್ತು ವೈಜ್ಞಾನಿಕ ಕ್ಷೇತ್ರದಲ್ಲಿನ ಅತ್ಯುತ್ತಮ ತಂತ್ರಜ್ಞಾನದ ಅಭಿವೃದ್ದಿಯನ್ನು, ವೆಚ್ಚದ-ದಕ್ಷತೆಯನ್ನು, ಮತ್ತು ಮೈಲಾನ್‌’ನ ಜಾಗತಿಕ ವಾಣಿಜ್ಯ ಅಡಿವಣಿಗೆಯೊಂದಿಗಿನ ಅಳೆಯಬಹುದಾದ ರೋಗನಿರೋಧಕ ಲಸಿಕೆಗಳನ್ನು ತಯಾರಿಸುವಿಕೆಯನ್ನು, ಮತ್ತು ಪ್ರಪಂಚದಲ್ಲಿನ ಪರಿಣತೆಯನ್ನು ಸಂಯೋಜಿಸುತ್ತದೆ. ಮೈಲಾನ್ ಮತು ಬಯೋಕಾನ್ ಎರಡೂ ಅಭಿವೃದ್ಧಿಯನ್ನು, ಬಂಡವಾಳವನ್ನು ಮತ್ತು ಉತ್ಪನ್ನಗಳನ್ನು ಮಾರುಕಟ್ಟೆಗೆ ತರಲು ಬೇಕಾದ ಇತರ ವೆಚ್ಚಗಳನ್ನು ಸಮನಾಗಿ ಹಂಚಿಕೊಳ್ಳುತ್ತವೆ. ಮೈಲಾನ್, ಬಯೋಕಾನ್‌ದೊಂದಿಗಿನ ಲಾಭ ಹಂಚಿಕೊಳ್ಳುವ ಒಪ್ಪಂದದ ಮೂಲಕ ಯುಎಸ್‌ಎ, ಕೆನಡಾ, ಜಪಾನ್, ಆಸ್ಟ್ರೇಲಿಯಾ, ನ್ಯೂ ಝಿಲ್ಯಾಂಡ್, ಇಯು ಮತ್ತು ಯುರೋಪಿನ ಫ್ರೀ ಟ್ರೇಡ್ ಅಸೋಷಿಯೇಷನ್ ದೇಶಗಳಲ್ಲಿ ಅನನ್ಯ ವಣಿಜೀಕರಣ ಹಕ್ಕುಗಳನ್ನು ಪಡೆಯುತ್ತದೆ.,

ಬಯೋಕಾನ್ ಮತ್ತು ಆಪ್ಟಿನರ್

ಬಯೋಕಾನ್ ಮತ್ತು ಆಪ್ಟಿನರ್ ಫಾರ್ಮಾಸೆಟಿಕಲ್ಸ್, ಕ್ಲೊಸ್ಟ್ರಿಡಿಯಮ್ ಡಿಫಿಸಿಲ್ ಇನ್‌ಪೆಕ್ಷನ್(ಸಿಡಿಐ) (ಏಕಾಣುಜೀವಿಯಿಂದ ಬರುವ ಸಾಂಕ್ರಾಮಿಕ ರೋಗ) ಗಳಂತಹ ತೀವ್ರತೆಯ ಸೋಂಕುಗಳ ಚಿಕಿತ್ಸೆಯಕಡೆಗೆ ಹೆಚ್ಚು ಕೇಂದ್ರೀಕರಿಸುವ, ಒಂದು ಜೈವಿಕ ಔಷಧೀಯ ಸಂಸ್ಥೆಯಾಗಿದ್ದು, ಇದು ಕ್ರಿಯಾತ್ಮಕ ಔಷಧೀಯ ಅಡಕ, ಫಿಡಾಕ್ಸೊಮಿಸಿನ್‌ನ ವಾಣಿಜ್ಯ ತಯಾರಿಕೆಗೆ ಧೀರ್ಘಕಾಲದ ಪೂರೈಕೆಯ ಒಪ್ಪಂದವನ್ನು ಪ್ರವೇಶಿಸಿದೆ.,

ಬಯೋಕಾನ್ ಮತ್ತು ವ್ಯಾಕ್ಸಿನೆಕ್ಸ್

ಬಯೋಕಾನ್, ಯುಎಸ್ ಪ್ರತಿಕಾಯ ತಂತ್ರಜ್ಞಾನ ಪಾಲುದಾರ ಸಂಸ್ಥೆಯಾದ ವ್ಯಾಕ್ಸಿನೆಕ್ಸ್ ಜೊತೆಸೇರಿ ಸಂಪೂರ್ಣ ಮನುಜ ಪ್ರತಿಕಾಯಗಳಾದ ಬಿವಿಎಕ್ಸ್ 10 ಮತ್ತು ಬಿವಿಎಕ್ಸ್-20 ಗಳನ್ನು ಸಹ ಅಭಿವೃದ್ಧಿಪಡಿಸುತ್ತಿದೆ. ಪಾಲುದಾರಿಕೆಯು 204ರಲ್ಲಿ ಆರಂಭವಾಯಿತು. ಬಿವಿಎಕ್ಸ್ 10, ಟಿಎನ್‌ಎಫ್ (ಟುಮರ್ ನ್ಯುಕ್ರೋಸಿಸ್ ಪ್ಯಾಕ್ಟರ್)ನ ಗುರಿಯನ್ನು ಹೊಂದಿದೆ, ರೆಮಟೊಯಿಡ್ ಆರ್ಥಿಟಿಸ್ ರೋಗದಿಂದ ಬಳಲುತ್ತಿದ್ದ ರೋಗಿಗಳ ಉಲ್ಭಣ ಸ್ಥಿತಿಗೆ ಟಿಎನ್‌ಎಫ್‌ ಎಂದು ವ್ಯಕ್ತಪಡಿಸಲಾಗುತ್ತದೆ. ವ್ಯಾಕ್ಸಿನೆಕ್ಸ್‌ದೊಂದಿಗಿನ ಬಯೋಕಾನ್’ನ ಪಾಲುದಾರಿಕೆಯು ಅವರ ಒದೆತನದ ಮನುಜ ಪ್ರತಿಕಾಯದ ಆಧಾರ ತಂತ್ರಜ್ಞಾನಕ್ಕೆ ಪ್ರವೇಶಾವಕಾಶ ನೀಡುತ್ತದೆ, ಮತ್ತು ಅದರಿಂದ ಬಯೋಕಾನ್’ನ ಪ್ರತಿಕಾಯ ಪೈಪ್‌ಲೈನ್‌ಗೆ ಸುಭದ್ರ ಐಪಿ ರಕ್ಷಣೆಯನ್ನು ನೀಡುತ್ತದೆ.,

ಬಯೋಕಾನ್ ಮತ್ತು ಆಬ್ರಾಕ್ಸಿಸ್

2007ರಲ್ಲಿ, ಬಯೋಕಾನ್ ಮತ್ತು ಆಬ್ರಾಕ್ಸಿಸ್ ಬಯೋಸೈನ್ಸ್, ಇಂಕ್. ಒಂದು ಒಪ್ಪಂದವನ್ನು ಮಾಡಿಕೊಂಡವು, ಇದು ಬಯೋಕಾನ್ ಜಿಸಿಎಸ್‌ಎಫ್ (ಗ್ರಾಮುಲೊಸೈಟ್ ಕಾಲನಿ-ಸ್ಟಿಮುಲೇಟಿಂಗ್ ಫ್ಯಾಕ್ಟರ್)ನ ಬಯೋಸಿಮಿಲರ್ ರೂಪಾಂತರವನ್ನು ಅಭಿವೃದ್ಧಿಪಡಿಸುವ ಮತ್ತು ಉತ್ತರ ಅಮೆರಿಕಾ ಮತ್ತು ಯುರೋಪಿನ ಮಾರುಕಟ್ಟೆಗಳಲ್ಲಿ ಮಾರಾಟಮಾಡುವ ಹಕ್ಕಿನ ಪರವಾನಗಿಯನ್ನು ನೀಡಲು ಸಹಾಯವಾಯಿತು. ಬಯೋಕಾನ್ ಪ್ರವಾನಿಗೆ ನೀಡುವ ಮುಂಗಡ ಶುಲ್ಕವನ್ನು ಪಡೆಯುತ್ತದೆ ಮತ್ತು, ಪರವಾನಗಿಯನ್ನು ನೀಡಿದ ನಂತರ ಆಬ್ರಾಕ್ಸಿಸ್ ಬಯೋಸೈನ್ಸ್‌ನಿಂದ ಗೌರವಧನವನ್ನು ಪಡೆಯುತ್ತದೆ. ಈ ಪಾಲುದಾರಿಕೆಯು ಬಯೋಕಾನ್’ನ ಆಂಕೊಥೆರಪೆಟಿಕ್ಸ್ ವಿಭಾಗವು ಕ್ಯಾನ್ಸರ್ ರೋಗದ ವಿರುದ್ಧದ ಮತ್ತೊಂದು ಔಷಧ - ಆಬ್ರಾಕ್ಸನೆ^®ಯನ್ನು ತನ್ನ ಖಾತೆಗೆ ಸೇರಿಸಿಕೊಳ್ಳಲು ಸಹ ಸಹಾಯವಾಯಿತು. ಅಬ್ರಾಕ್ಸಿನ್ ಬಯೋಸೈನ್ಸ್‌ನಿಂದ ಪಡೆದ ಪರವಾನಿಗಿಯಿಂದ, ಬಯೋಕಾನ್ ಅಬ್ರಾಕ್ಸನೆ^®ಯನ್ನು ಸ್ತನ ಕ್ಯಾನ್ಸರ್‌ಗೆ ಭಾರತದಲ್ಲಿ ಮಾರಾಟಮಾಡುವ ಹಕ್ಕನ್ನು ಪಡೆಯಿತು.

ಬಯೋಕಾನ್ ತಂತ್ರಜ್ಞಾನ

ಬಯೋಕಾನ್’ನ ಉತ್ಪಾದನಾ ತಂತ್ರಜ್ಞಾನಗಳು, ಇದು ವಿಶಿಷ್ಟ ಎಂಜಿಮ್ಸ್‌ ಸರಬರಾಜುಗರರಿಂದ ಜಾಗತಿಕ ಮಟ್ಟದಲ್ಲಿ ಜೈವಿಕ ಔಷಧಗಳ ಚಿಕ್ಕ ಅಣುಗಳನ್ನು, ಮರುಮಿಶ್ರಿತ ಪ್ರೊಟೀನ್‌ಗಳನ್ನು, ಪೆಪ್‌ಟೈಡ್‌ಗಳನ್ನು ಮತ್ತು ಮಾನೊಕ್ಲೊನಲ್ ಪ್ರತಿಕಾಯಗಳನ್ನು ಸರಬರಾಜುಮಾಡುವವರೆಗೂ ಬೆಳೆಯಲು ಅನುಕೂಲವಾಗಿವೆ. ಈ ತಂತ್ರಜ್ಞಾನಗಳ ಶ್ರೇಣಿಯು ದೊಡ್ಡ ಪ್ರಮಾಣದ ಮೈಕ್ರೊಬಯಲ್ ಫರ್ಮಂಟೇಷನ್‌, ರಾಸಾಯನಿಕ ಸಂಕ್ಷೇಪಣೆ, ಮಮ್ಮಲಿಯನ್ ವರ್ಗದ ಕೋಶ ವೆಳವಣಿಗೆ, ಪ್ರೊಟೀನ್ ಮತ್ತು ಪ್ರತಿಕಾಯ ಶುದ್ದೀಕರಣ ಪೂರೈಕೆಯನ್ನು ತುಂಬುವ ಅಸೆಪ್ಟಿಕ್ ಸೂತ್ರತ್ವಗಳ ವರೆಗೂ ವಿಸ್ತರಿಸಿದೆ.

ಬಯೋಕಾನ್’ನ ಉತ್ಪಾದನಾ ಸೌಲಭ್ಯಗಳನ್ನು cGMP ಪ್ರಮಾಣಗಳಿಗೆ ತಕ್ಕಂತೆ ವಿನ್ಯಾಸಿಸಲಾಗಿದೆ ಮತ್ತು ಇದನ್ನು ಅತ್ಯುತ್ತಮ ತಂತ್ರಜ್ಞಾನದ ಪ್ರಕ್ರಿಯೆಯ ಅಭಿವೃದ್ದಿ ಮತ್ತು ಗುಣಮಟ್ಟದ ನಿಯಂತ್ರಣ ಪ್ರಯೋಗಶಾಲೆಗಳು ಮತ್ತು ಅತ್ಯುತ್ತಮ ಸೇವೆಯ ಮೂಲ ಸೌಕರ್ಯಗಳಿಂದ ಪ್ರತಿಪಾಲಿಸಲಾಗಿದೆ. ಬೆಂಗಳೂರಿನಲ್ಲಿ ಅವು ಎರಡು ಸ್ಥಳಗಳಲ್ಲಿವೆ, ಇವೆರಡೂ US FDA ಮತ್ತು EDQM ಸೇರಿ ಸ್ಸ್ಥಳೀಯ ಮತ್ತು ಅಂತರರಾಷ್ಟ್ರೀಯ ನಿಯಂತ್ರಣಾ ಏಜೆನ್ಸಿಗಳಿಂದ ಧೃಢೀಕರಿಸಲ್ಪಟ್ಟಿವೆ.

ಬಯೋಕಾನ್’ನ ಮಾನವ ಇನ್ಸುಲಿನ್ ಸೌಲಭ್ಯ ಅನೇಕ ಕೃತಕವಾದ ತಂತ್ರಜ್ಞಾನಗಳನ್ನು ಹೊಂದಿದೆ ಮತ್ತು ಭಾರತದಲ್ಲಿ ಮೊದಲ ಭಾರಿಗೆ ಉಪಯೋಗಿಸಲಾದ ಸಾಧನಾ ಸಲಕರಣೆಗಳನ್ನು ಹೊಂದಿದೆ. ಗ್ರಾನುಲೊಸೈಟ್ ಕಾಲನಿ ಸ್ಟಿಮುಲೇಟಿಂಗ್ ಪ್ಯಾಕ್ಟರ್ (ಜಿಸಿಎಸ್‌ಎಫ್), ಸ್ಟೆಪ್ಟೋಕಿನಸೆ, ರೆಟೆಪ್ಲೇಸ್, ಮಾನವ ಬೆಳವಣಿಗೆ ಹಾರ್ಮೋನ್ ಮುಂತಾದವುಗಳಂತಹ ಇದರ ಬಯೋಸಿಮಿಲರುಗಳನ್ನು ಆಂತರಿಕ ಕೋಶದ ಮತ್ತು ಬಾಹ್ಯ ಕೋಶದ ಉತ್ಪನ್ನಗಳನ್ನು ನಿಭಾಯಿಸುವ ಸಾಧನಾ ಸಲಕರಣೆಗಳ ಸೌಲಭ್ಯದಲ್ಲಿ ಉತ್ಪಾದಿಸಲಾಗಿದೆ. ಇದರ ಅಧೀನ ಸಂಸ್ಥೆಯಾದ ಬಯೋಕಾನ್ ಬಯೋಫಾರ್ಮಾಸೆಟಿಕಲ್ಸ್ ಪ್ರೈವೇಟ್ ಲಿಮಿಟೆಡ್ ಮೂಲಕ, ಇದು ದೊಡ್ಡ ಪ್ರಮಾಣದ, ಬಹು-ಉತ್ಪನ್ನ, ಕೋಶ ಬೆಳವಣೆಗೆ ಸೌಲಭ್ಯವನ್ನು ವಿಸ್ತರಿಸಿದೆ.

ಬಯೋಕಾನ್ ಆರ್&ಡಿ

ಬಯೋಕಾನ್’ನ ಸಂಶೋಧನೆಯು-ಇದರ ಆರ್&ಡಿ ಸಂಪೂರ್ಣ ಔಷಧ ಅಭಿವೃದ್ಧಿ ಹಾದಿಯನ್ನೆ ಕೇಂದ್ರೀಕರಿಸುವಂತೆ ಮಾಡಿದೆ - ಇದು ಪ್ರೊಸೆಸ್ಸ್ (ಕರ್ಯವಿಧಾನ) ಅಭಿವೃದ್ದಿಯಿಂದ ಹಿಡಿದು, ನಾನ್-ಕ್ಲಿನಿಕಲ್ (ಚಿಕಿತ್ಸಕ ಅಲ್ಲದ) ಮತ್ತು ಚಿಕಿತ್ಸಕ ಸಂಶೋಧನೆಗಳ ವರೆಗೂ ವಿಸ್ತರಿಸಿದೆ.

ವಿಧಾನದ ವಿಜ್ಞಾನಗಳು

ಬಯೋಕಾನ್ ಅನೇಕ ಉತ್ಪನ್ನಗಳಿಗೆ ಕಾರ್ಯಗತಿಯನ್ನು ಅಭಿವೃದ್ದಿಪಡಿಸಿದೆ, ಅವುಗಳಲ್ಲಿ ಇನ್‌ಸುಲಿನ್, ಸ್ಟೆಪ್ಟೋಕಿನಸೆ, ಜಿಸಿಎಸ್‌ಎಫ್ ಮತ್ತು BIOMAb EGFR® ಗಳು ಒಳಗೊಂಡಿವೆ. ಈ ವಿಭಾಗದಲ್ಲಿ, ಇದು ಜಾಗತಿಕ ಗಣನಿಯಂತ್ರಿತ ಪ್ರಮಾಣಗಳನ್ನು ಹೊಂದಲು, ಕೋಶ ಸರಣಿಗಳನ್ನು, ಫರ್ಮಂಟೇಶನ್/ಶುದ್ಧೀಕರಣ/ಸರಿಯಾದ ಪ್ರಮಾಣ/ ಸೂತ್ರೀಕರಣ ಪ್ರಕ್ರಿಯೆ ಮತ್ತು ವಿಶ್ಲೇಷಣಾತ್ಮಕ ಪದ್ಧತಿಗಳನ್ನು ಸಹ ಅಭಿವೃದ್ದಿಪಡಿಸುತ್ತದೆ. ಇದು ಕಾರ್ಡಿಯೋವಾಸ್ಕುಲರ್, ಮಧುಮೇಹ, ನೆಫ್ರೋಲಜಿ (ಮೂತ್ರಜನಕಾಂಗಕ್ಕೆ ಸಂಬಂಧಿಸಿದ), ಇನ್ಫ್ಲಾಮೆಟರಿ (ಮೈಯಲ್ಲಿ ಉರಿ ಊತ ಉಂಟುಮಾಡುವ) ಮತ್ತು ಗ್ರಂಥಿ ಶಾಸ್ತ್ರ ಪ್ರದೇಶಗಳಿಗೆ ಹರಡುವ ರೋಗಗಳಿಗೆ ಮೈಕ್ರೊಬಯಲ್-ಉತ್ಪತ್ತಿಯ ಔಷಧೀಯ ಉತ್ಪನ್ನಗಳನ್ನು ಸಹ ಸಂಶೋಧಿಸುತ್ತದೆ ಮತ್ತು ಅಭಿವೃದ್ದಿಪಡಿಸುತ್ತದೆ.

ಚಿಕಿತ್ಸಕ ಅಲ್ಲದ ಸಂಶೋಧನೆ

ಬಯೋಕಾನ್ ವಿಜ್ಞಾನಿಗಳು, ಪರಿಕಲ್ಪನೆಯ ರುಜುವಾತನ್ನು ನೆಲೆಗೊಳಿಸಲು ಮತ್ತು ಪರಿಶೋಧನೆಯ ಅಡಿಯಲ್ಲಿ ಅಣುಗಳಲ್ಲಿನ ರಕ್ಷಣೆಯ ಆಶ್ವಾಸನೆಯನ್ನು ಒದಗಿಸಲು ವಿಷಶಾಸ್ತ್ರ ಮತ್ತು ಔಷಧಶಾಸ್ತ್ರಗಳ ಅಧ್ಯಯನಗಳನ್ನು ಕೈಗೆತ್ತಿಕೊಂಡರು. ಅವರು ಜಾಗತಿಕ ನಿಯಂತ್ರಿತ ಅವಶ್ಯಕತೆಗಳನ್ನು ಪೂರೈಸುವ ಅಧ್ಯಯನಗಳನ್ನು ಯೋಜಿಸುವರು, ಅಭಿವೃದ್ದಿಪಡಿಸುವರು, ಮತ್ತು ಕಾರ್ಯಗತಗೊಳಿಸುವರು.

ಚಿಕಿತ್ಸಕ ಸಂಶೋಧನೆ

ಬಯೋಕಾನ್ ಅನೇಕ ವಿನೂತನ ಔಷಧಗಳಿಗೆ ಚಿಕಿತ್ಸಕ ಶಿಷ್ಟಾಚಾರ ನಿಯಮಾವಳಿಗಳನ್ನು ಅಭಿವೃದ್ದಿಪಡಿಸುತ್ತದೆ. ಇದು ಚಿಕಿತ್ಸಕ ಪ್ರಯೋಗಗಳಲ್ಲಿನ ಅಣುಗಳ ರಕ್ಷಣೆ ಮತ್ತು ಗುಣಗಳನ್ನು ಅರ್ಥಮಾಡಿಕೊಳ್ಳಲು ವಿನೂತನ ಬಯೋಮಾರ್ಕರುಗಳ ವಿಮರ್ಶೆಯಂತಹ ಅಧ್ಯಯನಗಳನ್ನು ನಿರ್ದೇಶಿಸುತ್ತದೆ. ಬಯೋಕಾನ್’ನ ಸನ್ನದು ಖಾತೆಯ ಮೊತ್ತ ಸುಮಾರು 942 ವಿಶ್ವವ್ಯಾಪಿ ಅಪ್ಲಿಕೇಷನುಗಳಾಗಿದ್ದು ಇವುಗಳಲ್ಲಿ 182 ಅನುಮತಿಪಡೆದ ಸನ್ನದುಗಳಿವೆ, ಇವು ಒಳಗೊಂಡ ತಂತ್ರಜ್ಞಾನ ಕ್ಷೇತ್ರಗಳೆಂದರೆ, ಫರ್ಮಂಟೇಶನ್, ಪ್ರೊಟೀನ್ ಶುದ್ಧೀಕರಣ, ಔಷಧ ಮುಟ್ಟಿಸುವ ಪದ್ಧತಿ ಮತ್ತು ಬಯೋಥೆರಪಿಟಿಕ್ ಅಣುಗಳು.

ಕೈಗೆಟುಕಬಲ್ಲ ಔಷಧಗಳು

ಪ್ರಪಂಚದ ಔಷಧಗಳ ಅವಶ್ಯಕತೆಗಳನ್ನು ಪೂರೈಸಲು ಕೈಗೆಟುಕಬಲ್ಲ ಆವಿಷ್ಕಾರವು ಕ್ಲಿಷ್ಟವಾದುದು ಎಂದು ಬಯೋಕಾನ್ ನಂಬುತ್ತದೆ. ಜಾಗತಿಕ ಹೆಲ್ತ್‌ಕೇರ್ ಉದ್ದಿಮೆಯು ಕೊಳ್ಳುವಿಕೆಯ ಮತ್ತು ಪಡೆಯುವಿಕೆಯ ಬಿಕ್ಕಟ್ಟನ್ನು ಎದುರಿಸುತ್ತಿದೆ. ಔಷಧ ಪೈಪ್‌ಲೈನುಗಳನ್ನು ಒಣಗಿಸುವಲ್ಲಿ ಮತ್ತು ಸಂಶೋಧನೆಯ ಉತ್ಪಾದಕತೆ ಕ್ಷೀಣಿಸುವಲ್ಲಿ ಮತ್ತು ದುಬಾರಿ ಔಷಧ ಸಂಶೋಧನೆಯಲ್ಲಿ , ಭಾರತ ಅತ್ಯಂತ ದೊಡ್ಡ ಪ್ರಮಾಣದ ವೆಚ್ಚದ ಪ್ರಯೋಜನೆಗಳನ್ನು ಒದಗಿಸುತ್ತದೆ – ಅಂದರೆ ಭಾರತದಲ್ಲಿ ಔಷಧೀಯ ಸಂಶೋಧನೆಗಳನ್ನು US ನಲ್ಲಿ ಆಗುವ ವೆಚ್ಚದ ನಾಲ್ಕನೆಯ ಇಂದು ಭಾಗದಷ್ಟು ವೆಚ್ಚದಲ್ಲಿ ಮಾಡಬಹುದಾಗಿದೆ ಇದನ್ನುಮೀರಿ, ದೇಶವು ದೊಡ್ಡ ಪ್ರಮಾಣದ, ಆಂಗ್ಲಭಾಷೆ ಮಾತನಾಡುವ ಯೋಗ್ಯತೆಯ ಕೆಲಸಗಾರರನ್ನು, ಸಂಶೋಧನೆಯ ವೈಜ್ಞಾನಿಕ ಪ್ರಯೋಗಾಲಯಗಳನ್ನು ಮತ್ತು ಸಾಂಪ್ರದಾಯಿಕ ಔಷಧೀಯ ಸಾಮರ್ಥ್ಯಗಳನ್ನು ಹೊಂದಿದೆ. ಬಂಡವಾಳದ ಅತ್ಯುತ್ತಮ ಸಾರ್ಥಕತೆಯೊಂದಿಗೆ ಭಾರತದಲ್ಲಿ ಹೊಸಾ ಔಷಧವನ್ನು ಸಂಶೋಧಿಸಲು ಮತ್ತು ಅಭಿವೃದ್ದಿಪಡಿಸಲು ಈ ವಿಷಯಗಳನ್ನು ಸಂಯೋಗಿಸಲಾಗುತ್ತದೆ.

ಇನ್ನೊಂದು ಕಡೆ, ಜೈವಿಕತಂತ್ರಜ್ಞಾನದ ಸಂಸ್ಥೆ ಅನೇಕ ಅವಕಾಶಗಳನ್ನು ಹೊಂದಿದೆ. ಭಾರತದ ‘ಫಾರ್ಮರ್ಜಿಂಗ್’ ಮಾರುಕಟ್ಟೆಗಳು, ಬ್ರೆಝಿಲ್, ರಷ್ಯ, ಚೈನಾ, ದಕ್ಷಿಣ ಕೊರಿಯಾ, ಮೆಕ್ಸಿಕೊ, ಮತ್ತು ಟರ್ಕಿ ದೇಶಗಳು ಉದ್ದಿಮೆಯ 51 ಶಾತ ಬೆಳವಣಿಗೆಯನ್ನು ಹೊಂದಿವೆ ಎಂದು ಅಂದಾಜಿಸಲಾಗಿದೆ. ಕೈಗೆಟುಕಬಲ್ಲ ಔಷಧಗಳನ್ನು ಒದಗಿಸುವ ಮತ್ತು ಲಾಭಗಳನ್ನು ಹೆಚ್ಚಿಸುವ ನಿಟ್ಟಿನಲ್ಲಿ, ಬಯೋಕಾನ್ ನಾಲ್ಕು ಮಾದರಿ-ಬದಲಾವಣಿಯ ಬದಲಾವಣೆಗಳನ್ನು ಮಾಡಿದೆ.:

• ಅಣುಗಳ ಸಹಾಭಿವೃದ್ದಿಯಂತಹ ಅಪಾಯ ವಿಭಾಗಿಸುವ ಮೋಡೆಲ್‌ಗಳೊಂದಿಗೆ ಮತ್ತು ಸಂಶೋಧನಾ ಸಂಸ್ಥೆಗಳಿಗೆ ವ್ಯವಹಾರ ಪ್ರಕ್ರಿಯೆಗಳನ್ನು ಸ್ಥಳಾಂತರಿಸುವ ಪ್ರಯೋಗಗಳನ್ನು ಮಾಡುವುದರೊಂದಿಗೆ ಮತ್ತು ಚಿಕಿತ್ಸಕ ಪ್ರಯೋಗಗಳನ್ನು ಕಡಿಮೆ ವೆಚ್ಚ ಸ್ಥಳಗಳಲ್ಲಿ ನಡೆಸುವುದರೊಂದಿಗೆ ಔಷಧ ಅಭಿವೃದ್ದಿಯ ತೊಂದರೆ ಮತ್ತು ವೆಚ್ಚವನ್ನು ಕಡಿಮೆಗೊಳಿಸುವುದು. ಬಯೋಕಾನ್’ನ ಸಿಂಜೆನೆ ಮತ್ತು ಕ್ಲಿನಿಜಿನ್ಗಳು ಪ್ರಪಂಚದಾದ್ಯಂತ ಪಾಲುದಾರರಿಗೆ ಉತ್ತಮಗುಣಮಟ್ಟದ ಸಂಶೋಧನೆ, ಬೃಹತ್ ಶ್ರೇಣಿಯ ವೆಚ್ಚದ-ಪೈಪೋಟಿಯನ್ನು ಒದಗಿಸುವ ಗುರಿಯನ್ನು ಹೊಂದಿವೆ.
• ಪ್ರಖ್ಯಾತ ಮಾರುಕಟ್ಟೆಗೆ ವಿಸ್ತರಿಸಿದ್ದು ಕೇವಲ ಅವರ ಸವಿಸ್ತಾರದ ಮಾರುಕಟ್ಟೆಗೆ ಮಾತ್ರವಲ್ಲದೆ, ಇದು ಹೊಸಾ ಉತ್ಪನ್ನಗಳನ್ನು ಅಭಿವೃದ್ದಿಪಡಿಸುವ ಮತ್ತು ಉತ್ಪಾದನೆ, ಆರ್‌&ಡಿ ಮತ್ತು ಇತರ ಸೌಲಭ್ಯಗಳನ್ನು ನೆಲೆಗೊಳಿಸುವ ಉದ್ದೇಶವನ್ನು ಹೊಂದಿತ್ತು. ಬಯೋಕಾನ್, ಭಾರತದಲ್ಲಿ ತಲೆ-ಮತ್ತು-ಕತ್ತಿನ ಅರ್ಬುದ ರೋಗದ ಚಿಕೆತ್ಸೆಗಾಗಿ ಮೊನೊಕ್ಲೊನಲ್ ಪ್ರತಿವಾದವನ್ನು ಅಭಿವೃದ್ದಿಪಡಿಸಲು ಮತ್ತು ವಾಣಿಜ್ಯಾಕರಣಗೊಳಿಸಲು ಕ್ಯುಬಾದಲ್ಲಿನ ಸೆಂಟರ್ ಫರ್ ಮೋಲೆಕುಲರ್ ಇಮ್ಯುನೋಲಜಿ (ಸಿಐಎಮ್) ದೊಂದಿಗೆ ಪಾಲುದಾರಿಕೆಯನ್ನು ಹೊಂದಿದೆ. ಬಯೋಕಾನ್, ಲ್ಯಾಟಿನ್ ಅಮೆರಿಕ, ಮೆಕ್ಸಿಕೊ, ಮಧ್ಯ ಈಸ್ಟ್, ಉತ್ತರ ಅಮೆರಿಕಾ, ಏಷಿಯಾ, ಚೈನಾ, ಮತ್ತು ಟರ್ಕಿಗಳಂತಹ ಪ್ರಖ್ಯಾತ ಮಾರುಕಟ್ಟೆಗಳಲ್ಲಿ ಪ್ರಭಲ ಸ್ಥಳೀಯ ಪ್ರತಿನಿಧಿಗಳೊಂದಿಗೆ ಮಾರುಕಟ್ಟೆ ಒಪ್ಪಂದಗಳನ್ನು ಮಾಡಿಕೊಂಡಿದೆ.
• ಉತ್ಪನ್ನಗಳ ಪೈಪ್‌ಲೈನ್‌ನ್ನು ಬಲಗೊಳಿಸಲು, ಯುಕ್ತಿಯ ಮಾರುಕಟ್ಟೆ ಸಮಯವನ್ನು ಸಂಪಾದಿಸಲು, ಮತ್ತು ಸ್ಪರ್ಧಾತ್ಮಕ ಲಾಭಗಳನ್ನು ಸೃಷ್ಟಿಮಾಡಲು, ಸದಸ್ಯರು, ಮೈತ್ರಿಗಳು, ಮತ್ತು ಅನುಮತಿಯ ಒಪ್ಪಂದಗಳ ಮೂಲಕ ಸುಧಾರಿತ ಆರ್&ಡಿ ಸ್ವತ್ತುಗಳನ್ನು ಸಂಪಾದಿಸಿದೆ. ನವೀನ ಮಧುಮೇಹವಿರುದ್ಧದ ಹೈಬ್ರಿಡ್ ಪೆಪ್‌ಟೈಡ್‌ಗಾಗಿ ಅಮಿಲಿನ್‌ದೊಂದಿಗೆ, ಬಯೋಸಿಮಿಲರ್ಸನ್ನು ಸಂಯುಕ್ತವಾಗಿ ಅಭಿವೃದ್ದಿಪಡಿಸಲು, ಬಯೋಕಾನ್ ಮೈಲಾನ್‌ದೊಂದಿಗೆ ಪಾಲುದಾರಿಕೆಯೆ ಒಪ್ಪಂದವನ್ನು ಮಾಡಿಕೊಂಡಿದೆ ಮತ್ತು ಜಾನ್ಸ್ ಹಾಪ್ಕಿನ್ಸ್ ಸ್ಟಾರ್ಟ್ ಅಪ್, ಇಯಟ್ರಿಕಾ ಜೊತೆಯಲ್ಲಿ ನವೀನ ಚಿಕಿತ್ಸಕ ಅರ್ಬುದರೋಗದ ಲಸಿಕೆಯ ಅಭಿವೃದ್ದಿಗಾಗಿ ಒಪ್ಪಂದ ಮಾಡಿಕೊಂಡಿದೆ. ಇದು ವಿಶೇಷ ತಂತ್ರಜ್ಞಾನಗಳ ಅಡಿಪಾಯವನ್ನು ಹೊಂದಿದ್ದ ಮತ್ತು ತಮ್ಮ ಆವಿಷ್ಕಾರಗಳನ್ನು ಮಾರುಕಟ್ಟೆಗೆ ಪರಿಚಯಿಸುವ ಸಾಮರ್ಥ್ಯಗಳನ್ನು ಹೊಂದಿಲ್ಲದ, ಅತ್ಯುತ್ತಮ ಆವಿಷ್ಕರಣಾಶಕ್ತಿಯುಳ್ಳ ಅನೇಕ ಯುಎಸ್ ಜೈವಿಕ ತಂತ್ರಜ್ಞಾನದ ಸಂಸ್ಥೆಗಳೊಂದಿಗೆ ಸಹಭಾಗಿತ್ವವನ್ನು ಬೆಳೆಸಿಕೊಂಡಿದೆ.
• ಡಯಗ್ನೋಸ್ಟಿಕ್ಸ್, ಸಾಧನಗಳು, ಹೊಸಾ ಔಷಧ ಮುಟ್ಟುಸುವ ಪದ್ಧತಿಗಳು, ಮತ್ತು ಲಸಿಕೆಗಳಂತಹ ಉತ್ಪನ್ನಗಳನ್ನು ಆಯ್ಕೆಮಾಡುವುದರ ಮೂಲಕ, ಮತ್ತು ಜೆನೆರಿಕ್ಸ್ ಮತ್ತು ಬಯೋಸಿಮಿಲರ್‌ಗಳ ಕಡೆಗಿನ ಆವರ್ತನದೊಂದಿಗೆ ಇದು ಇದರ ಖಾತೆಯನ್ನು ವೈವಿಧ್ಯಮಯಗೊಳಿಸಿದೆ. ಬಯೋಕಾನ್ ಜೆನೆರಿಕ್ಸ್ ಮತ್ತು ಸ್ಟಾಟಿನ್ಸ್‌ದೊಂದಿಗೆ ಪ್ರಾರಂಭವಾಗಿದೆ ಮತ್ತು ಇನ್ಸುಲಿನ್ ಮತ್ತು ಇನ್ಸುಲಿನ್ ಅನಲಾಗ್ಸ್‌ನಂತಹ ಮರುಮಿಶ್ರಿತ ಪ್ರೊಟೀನ್‌ಗಳಗಳ ಕಡೆಗೆ ಚಲಿಸಿದೆ ಮತ್ತು ನಂತರ ಸಂಕೀರ್ಣ ಬಯೋಸಿಮಿಲರ್ ಮೊನೊಕ್ಲೊನಲ್ ಪ್ರತಿವಾದಕಗಳನ್ನು ಕುರಿತು ಕಾರ್ಯನಿರ್ವಹಿಸಿದೆ. ಎರಡು ನವೀನ ಬಯೋಲಾಜಿಕ್ಸ್ – ಮೌಖಿಕ ಇನ್ಸುಲಿನ್ ಮತ್ತು ಪ್ರತಿ-CD6 – ಗಳು ಚಿಕಿತ್ಸಕ ಪ್ರಯೋಗದ ಕೊನೆಯ ಹಂತದಲ್ಲಿವೆ. ಬಯೋಕಾನ್’ನ ಕೌಶಲ್ಯವು, ಕಡಿಮೆ ಆರ್&ಡಿ ವೆಚ್ಚದ ಲಾಭವನ್ನು ಪಡೆಯಲು ಮತ್ತು ಚಿಕಿತ್ಸಕ ಅಭಿವೃದ್ಧಿಯ ಸಮಯಾವಧಿಯನ್ನು ಶೀಘ್ರಗೊಳಿಸಲು, ಭಾರತದಲ್ಲಿನ ಅಭಿವೃದ್ದಿಯನ್ನು ಗರಿಷ್ಟಪ್ರಮಾಣಕ್ಕೆ ಹೆಚ್ಚಿಸುವುದು.

ಉತ್ಪನ್ನಗಳು

ಬಯೋಕಾನ್’ನ ಖಾತೆಯು 36 ಪ್ರಮುಖ ಬ್ರಾಂಡುಗಳನ್ನು ನಾಲ್ಕು ಚಿಕಿತ್ಸಕ ವಿಭಾಗಗಳಾದ ಡಯಾಬೆಟಾಲಜಿ, ನೆಫ್ರಾಲಜಿ, ಆಂಕಾಲಜಿ (ಗ್ರಂಥಿಗಳ ವಿಜ್ಞಾನ) ಮತ್ತು ಕಾರ್ಡಿಯಾಲಜಿ (ಹೃದಯ ವಿಜ್ಞಾನ)ಗಳಲ್ಲಿ ಹೊಂದಿದೆ.

ಡಯಾಬೆಟಾಲಜಿ

ಬಯೋಕಾನ್’ನ ನಾಲ್ಕು ವಿಭಾಗಗಳಲ್ಲಿ ಇದು ಅತ್ಯಂತ ಪುರಾತನವಾದುದು ಮತ್ತು ಇದು ಫ್ಲಾಗ್‌ಷಿಪ್ ಉತ್ಪನ್ನ INSUGEN^® ಮೂಲಕ ಭಾರತೀಯ ಇನ್ಸುಲಿನ್ ಭಾಗದಲ್ಲಿ ಮಾರುಕಟ್ಟೆಯ 10% ಪಾಲನ್ನು ಸಂಪಾದಿಸಿಕೊಂಡಿದೆ, ಅಂದಿನಿಂದ ಇದನ್ನು ಅನೇಕ ಹೊರನಾಡಿನ ಮಾರುಕಟ್ಟೆಗಳಲ್ಲಿ ಪರಿಚಯಿಸಲಾಯಿತು. 2009ರಲ್ಲಿ, ಈ ಭಾಗವು ಇದರ ಮೊದಲ ಇನ್ಸುಲಿನ್ ಅನಲಾಗ್, BASALOGTMನ್ನು ಭಾರತೀಯ ಮಾರುಕಟ್ಟೆಗೆ ಪರಿಚಯಿಸಿದೆ. ಇದನ್ನು ದಿನದಲ್ಲಿ ಒಂದು ಸಲ ಉಪಯೋಗಿಸಿದರೆ ಇದರ ಪರಿಣಾಮ 24 ಗಂಟೆಗಳ ವರೆಗೂ ಇರುತ್ತದೆ. INSUGEN® ಮತ್ತು BASALOGTM ಎರಡನ್ನೂ ಯುರೋಪ್ ಮತ್ತು ಯುಎಸ್‌ಎ ಯಲ್ಲಿನ ನೋಂದಣಿಗಾಗಿ 2012 ಮತ್ತು 2016ರ ನಡುವೆ ಅಭಿವೃದ್ದಿಪಡಿಸಲಾಯಿತು. BLISTO-MFTM ಮತ್ತು METADOZE-IPR^® ಗಳು ಬಯೋಕಾನ್’ನ ಮೌಖಿಕ ಮಧುಮೇಹವಿರುದ್ಧದ ಔಷಧತಯಾರಿಕಾ ಸಂಕೇತಗಳು, ಇದೆ ಸಮಯದಲ್ಲಿ OLISATTM ಮೌಖಿಕ ಸ್ಥೂಲಕಾಯತೆಯವಿರುದ್ಧದ ಔಷಧತಯಾರಿಕಾ ಸಂಕೇತವಾಗಿದೆ.

ನೆಫ್ರಾಲಜಿ

ERYPRO ಸೇಫ್^TM (ಎರಿಥ್ರೋಪ್ರೊಟೀನ್), 30-ಬ್ರಾಂಡ್ EPO ಮಾರುಕಟ್ಟೆಯಲ್ಲಿ ಮೊದಲ ಐದು ಬ್ರಾಂಡುಗಳಲ್ಲಿ ಒಂದಾಗಿದೆ. RENODAPT^®, ಬಯೋಕಾನ್’ನ ಪ್ರೀಮಿಯಂ ಇಮ್ಮುನೊಸುಪ್ಪ್ರೆಸೆಂಟ್, ಮೈಕ್ರೊಪೆನೊಲ್ಯಾಟೆಮೊಫೆಟಿಲ್, 25 ಬ್ರಾಂಡುಗಳಲ್ಲಿ 4thನೆಯ ಸ್ಥಾನವನ್ನು ಪಡೆದಿದೆ, ಇದೇ ಸಮಯದಲ್ಲಿ ಹೊಸದಾಗಿ ಪರಿಚಯಿಸಲಾದ ಇಮ್ಮುನೊಸುಪ್ಪ್ರೆಸೆಂಟ್, TACROGRAF^TM ಬ್ರಾಂಡಿನ ಟಾಕ್ಸೊಲಿಮಸ್ 20 ಬ್ರಾಂಡುಗಳಲ್ಲಿ 3ನೆಯ ಸ್ಥಾನವನ್ನು ಪಡೆದಿದೆ. ಸೂಕ್ತ ಔಷಧ ಪ್ರಮಾಣ, ಹೆಚ್ಚಿಸಿದ ಅನುಸರಣೆ ಮತ್ತು ಕುಂದಿದ ಮಾತ್ರೆ ಭಾರದ ಮೂಲಕ, ಭಾರತೀಯ ರೋಗಿಗಳ ಅವಶ್ಯಕತೆಗಳಿಗೆ ಸರಿಹೊಂದುವಂತೆ ಬಯೋಕಾನ್ ಈ ಕೆಳಗೆ ಸೂಚಿಸಿದಂತಹ ಔಷಧ ಪ್ರಮಾಣಗಳನ್ನು ಪರಿಚಯಿಸಿದೆ, TACROGRAF^TM 3 ಮಿಲಿಗ್ರಾಂ, RENODAPT^® 750 ಮಿಲಿಗ್ರಾಂ, RENODAPT^®-S 540 ಮಿಲಿಗ್ರಾಂ ಮತ್ತು RAPACAN^TM 2 ಮಿಲಿಗ್ರಾಂ. 2009ರಲ್ಲಿ, ಬಯೋಕಾನ್ ವಿಶೇಷವಾದ ಔಷಧ ಪ್ರಮಾಣಗಳಿಂದ ತಯಾರಿಸಿದ ಪ್ರೋಟೀನ್ ಪೂರಕ, NARITA+^TMನ್ನು ರೆನಲ್ ನ್ಯುಟ್ರೀಷನ್ ಭಾಗದಲ್ಲಿ ಆರಂಭಿಸಿದೆ, ಇದನ್ನು ಪೌಷ್ಠಿಕತೆಯ ಕೊರತೆಯಿಂದ ಬಳಲುತ್ತಿದ್ದ ಡಯಾಲಿಸಿಸ್ (ರಕ್ತಶುದ್ದೀಕರಣ) ರೋಗಿಗಳಿಗಾಗಿ ಪರಿಚಯಿಸಲಾಯಿತು.

ಗ್ರಂಥಿಗಳ ವಿಜ್ಞಾನ

ಈ ವಿಭಾಗ’ದ BIOMAb EGFR^®ನ್ನು, 22 ದೇಶಗಳಲ್ಲಿ ಅನುಮೋಧಿಸಲಾಗಿದ್ದು, ಇದು ಮಕ್ಕಳ ಮತ್ತು ದೊಡ್ಡವರಲ್ಲಿನ ತಲೆ-ಮತ್ತು-ಕತ್ತಿನ ಅರ್ಬುದ ರೋಗದ ಸೂಚನೆಗಳಿಗೆ, ಮತ್ತು ನಸೊಫಾರಿಂಜೆಯಲ್ ಕಾರ್ಸಿನೊಮಗೆ ಒಂದು ಸಫಲ ಔಷಧ ಪ್ರಮಾಣವಾಗಿದೆ. ಅಬ್ರಾಕ್ಸನೆ^®, ಇದನ್ನು ಜುಲೈ 2008ರಲ್ಲಿ ಪ್ರಾರಂಭಿಸಲಾಯಿತು, ಇದನ್ನು ಮೆಟಸ್ಟ್ಯಾಟಿಕ್ ಸ್ತನ ಅರ್ಬುದರೋಗ ಮತ್ತು ಪ್ಯಾನ್‌ಕ್ರಿಯಾಟಿಕ್ ಅರ್ಬುದರೋಗ, ಚಿಕ್ಕ ಕೋಶಗಳಲ್ಲದ ಶ್ವಾಸಕೋಶದ ಅರ್ಬುದರೋಗ ಮತ್ತು ಅಂಡಾಶಯದ ಅರ್ಬುದರೋಗದ ಚಿಕೆತ್ಸೆಗಾಗಿ ಉಪಯೋಗಿಸಲಾಗಿದೆ. ಇದು ಪ್ರಥಮ ಸ್ಥಾನದಲ್ಲಿದೆ, ಇದು ಅತಿಶೂಕ್ಷ್ಮತೆ ಪ್ರತ್ಯಾಘಾತಗಳು, ಹೆಚ್ಚಿದ ಮಯಲೊಸುಪ್ರೆಸನ್ ಮತ್ತು ಆಕ್ಸನಲ್ ಡಿಜೆನೆರೇಷನ್‌ಗಳಂತಹ ದ್ರಾವಕ ಆಧಾರದ ಪಾಕ್ಲಿಟಾಕ್ಸಲ್‌ದೊಂದಿಗಿನ ಪೂರೈಸದ ಅವಶ್ಯಕತೆಗಳನ್ನು ಪತ್ತೆಹಚ್ಚಲು ರೆಜಿಮನ್ ವಿನ್ಯಾಶಿಸಿದ ಆವಿಷ್ಕರಣಾ ಚಿಕಿತ್ಸೆಯಾಗಿದೆ. ಖೆಮೊಥೆರಪಿ ಪ್ರೇರಿತ ನ್ಯೂಟ್ರೊಪೆನಿಯಾದ ಚಿಕಿತ್ಸೆಗಾಗಿ ತಯಾರಿಸಿದ NUFIL safeTM, ಪಿಲ್‌ಗ್ರಾಸ್ಟಿಮ್ ವಿಭಾಗದಲ್ಲಿ ಮೊದಲ 10 ಬ್ರಾಂಡುಗಳಲ್ಲಿ ಒಂದಾಗಿದೆ.

ಹೃದಯ ವಿಜ್ಞಾನ

STATIX® (ಕೊಲೆಸ್ಟ್ರಾಲ್‌ವಿರುದ್ದದ) ಮತ್ತು TELMISAT^® (ಅಧಿಕ ಒತ್ತಡ ವಿರುದ್ಧದ) ಗಳಂತಹ ಪ್ರಮುಖ ಬ್ರಾಂಡ್‌ಗಳೊಂದಿಗೆ, ಬಯೋಕಾನ್’ನ ಹೃದಯ ವಿಜ್ಞಾನ ವಿಭಾಗವು ಇದರ ಪ್ರಾತಿನಿಧಿಕ ಮಾರುಕಟ್ಟೆಯಲ್ಲಿ 22ನೆಯ ಸ್ಥಾನವನ್ನು ಪಡೆದಿದೆ. ಬಯೋಕಾನ್’ನ CLOTIDETM ಅನ್ನುವುದು ಭಾರತದಲ್ಲಿ ಪ್ರಮುಖ ಎಪ್ಟಿಫಿಬಾಟೈಡ್ ಬ್ರಾಂಡ್ ಆಗಿದೆ ಮತ್ತು MYOKINASE^TM (ಮೆಟ್ ಇಲ್ಲದ ಸ್ಟ್ರೆಪ್ಟೊಕಿನಾಸೆ)ಯು ಜೀವ ಉಳಿಸುವ ಒಳಗೆ ಸೇರಿಸಬಹುದಾದ ಔಷಧವಾಗಿದೆ. ACTIBLOK^TM-IPR (ಮೆಟ್ರೊಪ್ರೊಲಾಲ್) ಮತ್ತು ಹೊಸದಾಗಿ ಆರಂಭಿಸಿದ BESTOR^® (ರೊಸುವಾಸ್ಟಾಟಿನ್) ಮತ್ತು BRADIA^TM (ಇವಬ್ರಾಡೈನ್)ಗಳಂತಹ ಇತರ ಬ್ರಾಂಡುಗಳು ಸಹ ಈ ವಿಭಾಗಕ್ಕೆ ಸೇರಿವೆ.

ಈ ಮೌಖಿಕ ಇನ್ಸುಲಿನ್‌ಗಳನ್ನು ಹೊರತುಪಡಿಸಿ, ಪ್ರತಿ-CD6, ಮುಂದಿನ ಇಮ್ಯೂನ್-ಕಾಂಜುಗೇಟ್‌ಗಳು, ಪ್ರತಿ-CD20, ಪೆಪ್‌ಟೈಡ್ ಹೈಬ್ರಿಡ್, ಬಯೋಸಿಮಿಲರ್ MAbs ಮತ್ತು ಇನ್ಸುಲಿನ್ ಅನಲಾಗ್‌ಗಳು ಅಭಿವೃದ್ದಿಯ ವಿವಿಧ ಹಂತಗಳಲ್ಲಿವೆ.

ಬಯೋಕಾನ್ ಉತ್ಪನ್ನಗಳ ಸಂಪೂರ್ಣ ಪಟ್ಟಿಯು ಈ ಕೆಳಗಿನಂತಿದೆ: STATIX^® (ಹೆಚ್ಚಾದ ಕೊಲೆಸ್ಟ್ರಾಲ್ ಮಟ್ಟವನ್ನು ನಿಯಂತ್ರಿಸುತ್ತದೆ), STATIX^®-F (ಡಯಾಬೆಟಿಕ್ ಡಿಸ್ಲಿಪಿಡೆಮಿಕ್ಸ್‌ನಲ್ಲಿ ಕೊಲೆಸ್ಟ್ರಾಲ್ ಮಟ್ಟವನ್ನು ಸರಿಮಾಡುತ್ತದೆ), STATIX^® -EZ (ಅತಿ ಹೆಚ್ಚಾದ ಕೊಲೆಸ್ಟ್ರಾಲ್ ಮಟ್ಟವನ್ನು ನಿಯಂತ್ರಿಸುತ್ತದೆ), TELMISAT^TM(24-ಗಂಟೆಗಳ ಕಾಲ ರಕ್ತದ ಒತ್ತಡ ನಿಯಂತ್ರಿಸುವುದು), TELMISAT^TM-H (ನಿಯಂತ್ರಿಸಲಾಗದ ಅಧಿಕ-ಒತ್ತಡಕ್ಕಾಗಿ), TELMISAT^® AM (ಡಯಾಬೆಟಿಕ್ ಅಧಿಕ-ಒತ್ತಡದವರಿಗಾಗಿ), ACTIBLOK^TM-IPR (ಅಧಿಕ-ಒತ್ತಡ, ಗಂಟಲೂತ, IHD ಹಾಗೂ ಹೃದಯದ ತೊಂದರೆ ಇರುವ ರೋಗಿಗಳಿಗಾಗಿ), ACTIBLOK^TM AM (ನಿಯಂತ್ರಿಸಲಾಗದ ಅಧಿಕ ಒತ್ತಡಕ್ಕಾಗಿ), BESTOR^® (ಡಿಸ್ಲಿಪಿಡೆಮಿಯಾ ಹಾಗೂ ಅಥೆರೊಸ್ಲಿರೋಸಿಸ್ ನಿಯಂತ್ರಣಕ್ಕಾಗಿ), BRADIA^TM (ಗಂಟಲು ಊತದ ನಿರ್ವಹಣೆಗಾಗಿ), THINRIN^TM (ಎಸಿಎಸ್ ರೋಗಿಗಳ ಪ್ರಾರಂಭಿಕ ಹಂತ ಹಾಗೂ ದೀರ್ಘಾವಧಿಯ ತೊಂದರೆಗಳನ್ನು ಕಡಿಮೆ ಮಾಡಲು), CLASPRIN^® (ಎಸಿಎಸ್ ರೋಗಿಗಳ ಪ್ರಾರಂಭಿಕ ಹಂತ ಹಾಗೂ ದೀರ್ಘಾವಧಿಯ ತೊಂದರೆಗಳನ್ನು ಕಡಿಮೆ ಮಾಡಲು), ZARGO^® (ಅಧಿಕ ರಕ್ತದೊತ್ತಡವನ್ನು ಕಡಿಮೆ ಮಾಡುತ್ತದೆ), ZARGO^® - H (ಅಧಿಕ ರಕ್ತದೊತ್ತಡವನ್ನು ಕಡಿಮೆಮಾಡುತ್ತದೆ), ZIGPRIL^® (ಸಿವಿಡಿಯ ತೊಂದರೆ ಇರುವ ರೋಗಿಗಳಿಗಾಗಿ), MYOKINASE^TM (ತೀಕ್ಷ್ಣವಾದ ಮಯೋಕಾರ್ಡಿಯಲ್ ನಶಿಸಿರುವ ರೋಗಿಗಳಿಗೆ), DYNALIX^® (ಕರೊನರಿ ಸಿಂಡ್ರೋಮ್ ಮತ್ತು ಮತ್ತು ಪ್ರೊಫುಕಾಕ್ಸಿಸ್ ರೋಗಿಗಳಿಗಾಗಿ), CLOTIDE^TM (ಕರೊನರಿ ಸಿಂಡ್ರೋಮ್ ರೋಗಿಗಳಿಗಾಗಿ), INSUGEN^® -R (ರೆಗ್ಯುಲರ್), INSUGEN^® -N(NPH) ಮತ್ತು INSUGEN^® -30/70 & 50/50 (ಡಯಾಬಿಟಿಸ್ ರೋಗಿಗಳಿಗಾಗಿ, ಬಾಯಿಯಿಂದ ತೆಗೆದುಕೊಳ್ಳುವ ಔಷಧಿಗಳು ಕಾರ್ಯನಿರ್ವಹಿಸದಿದ್ದಾಗ ಇದು ಸಹಕಾರಿಯಾಗುತ್ತದೆ), BASALOG^TM (ಡಯಾಬಿಟಿಸ್ ಮೆಲ್ಲಿಟಸ್‌ಗಾಗಿ), BLISTO^TM (ಮೇದೋಜ್ಜೀರಕ ಗ್ರಂಥಿಯನ್ನು ಉದ್ರೇಕಿಸುವ ಮೂಲಕ ವಿಧಾನ 2 ಮಧುಮೇಹದಲ್ಲಿ ಇನ್ಸುಲಿನ್ ಸಂಗ್ರಹ ಹೆಚ್ಚು ಮಾಡುತ್ತದೆ), BLISTO^TM- 1MF/2MF/4MF (ವಿಧಾನ 2 ಮಧುಮೇಹಕ್ಕಾಗಿ, ಒಂದೇ ಔಷಧಿಯಿಂದ ರಕ್ತದ ಗ್ಲೂಕೋಸ್ ಅನ್ನು ನಿಯಂತ್ರಿಸಲಾಗದಿದ್ದಾಗ), METADOZE^®-IPR (ವಿಧಾನ 2 ಮಧುಮೇಹದಲ್ಲಿ ಇನ್ಸುಲಿನ್ ಅನ್ನು ಚುರುಕುಗೊಳಿಸುತ್ತದೆ), TriGPM^TM-1/2 (ನಿಯಂತ್ರಿಸಲಾಗದ ವಿಧಾನ 2 ಮಧುಮೇಹಕ್ಕಾಗಿ ಮೂರುಪಟ್ಟು ಔಷದ ಸಂಯೋಗ ಮಾಡಿರುವುದು), ZUKER^TM-MF (ವಿಧಾನ 2 ಮಧುಮೇಹದಲ್ಲಿ ಹೈಪರ್‌ಗ್ಲೈಸೇಮಿಯಾ ನಿಯಂತ್ರಿಸುತ್ತದೆ), PIODART^® (ವಿಧಾನ 2 ಮಧುಮೇಹಕ್ಕಾಗಿ), PIODART^®-MF (ಮಾನೊ ಥೆರಪಿಯಿಂದ ನಿಯಂತ್ರಿಸಲಾಗದ ರಕ್ತದ ಸಕ್ಕರೆ ಮಟ್ಟವನ್ನು ನಿಯಂತ್ರಿಸುತ್ತದೆ), OLISAT^TM (ತೂಕ ಕಡಿಮೆ ಮಾಡುತ್ತದೆ), GABIL^TM (ಮಧುಮೇಹ ನ್ಯೂರೋಪಥಿಗಾಗಿ), GMAB^TM Plus (ಪೋಷಕಾಂಶಗಳ ಪೂರಕ), ERYPRO safe^TM (ರಕ್ತದ ಕೊರತೆಯಿರುವ ರೋಗಿಗಳಿಗಾಗಿ ಚಿಕಿತ್ಸೆ), ERYPRO^TM (ರಕ್ತದ ಕೊರತೆಯಿರುವ ರೋಗಿಗಳಿಗಾಗಿ ಚಿಕಿತ್ಸೆ), TACROGRAF^TM (ರೋಗಿಗಳಲ್ಲಿ ರೆಸ್ಕ್ಯೂ ಥೆರಪಿ ಹಾಗೂ ಅಂಗಾಗ ಮರುಜೋಡಣೆಯಲ್ಲಿ ಕಸಿಯ ತಳ್ಳುವಿಕೆಯನ್ನು ತಡೆಗಟ್ಟಲು), RENODAPT^®-S (ರೋಗಿಗಳಲ್ಲಿ ರೆಸ್ಕ್ಯೂ ಥೆರಪಿ ಹಾಗೂ ಅಂಗಾಗ ಮರುಜೋಡಣೆಯಲ್ಲಿ ಕಸಿಯ ತಳ್ಳುವಿಕೆಯನ್ನು ತಡೆಗಟ್ಟಲು), RENODAPT^® (ರೋಗಿಗಳಲ್ಲಿ ರೆಸ್ಕ್ಯೂ ಥೆರಪಿ ಹಾಗೂ ಅಂಗಾಗ ಮರುಜೋಡಣೆಯಲ್ಲಿ ಕಸಿಯ ತಳ್ಳುವಿಕೆಯನ್ನು ತಡೆಗಟ್ಟಲು), CYCLOPHIL ME^TM (ರೋಗಿಗಳಲ್ಲಿ ರೆಸ್ಕ್ಯೂ ಥೆರಪಿ ಹಾಗೂ ಅಂಗಾಗ ಮರುಜೋಡಣೆಯಲ್ಲಿ ಕಸಿಯ ತಳ್ಳುವಿಕೆಯನ್ನು ತಡೆಗಟ್ಟಲು), CYCLOPHIL ME^TM (ORAL SOLUTION) (ರೋಗಿಗಳಲ್ಲಿ ರೆಸ್ಕ್ಯೂ ಥೆರಪಿ ಹಾಗೂ ಅಂಗಾಗ ಮರುಜೋಡಣೆಯಲ್ಲಿ ಕಸಿಯ ತಳ್ಳುವಿಕೆಯನ್ನು ತಡೆಗಟ್ಟಲು), Narita^TM+ (ಹೆಚ್ಚಿನ ಪ್ರೋಟೀನ್ ಪೂರಕಗಳ ಅವಶ್ಯಕತೆಯಿರುವ ರೋಗಿಗಳಿಗೆ), RAPACAN^TM (ರೋಗಿಗಳಲ್ಲಿ ರೆಸ್ಕ್ಯೂ ಥೆರಪಿ ಹಾಗೂ ಅಂಗಾಗ ಮರುಜೋಡಣೆಯಲ್ಲಿ ಕಸಿಯ ತಳ್ಳುವಿಕೆಯನ್ನು ತಡೆಗಟ್ಟಲು), biOSEV^TM (ಸಿಕೆಡಿ ರೋಗಿಗಳಲ್ಲಿ ಹೈಪರ್‌ಫಾಸ್ಪೇಟೇಮಿಯಾ ನಿರ್ವಹಣೆಗೆ), CeRACaL^TM (ಡಯಾಲಿಸಿಸ್ ರೋಗಿಗಳಲ್ಲಿ ಸೆಕೆಂಡರಿ ಹೈಪರ್‌ಪ್ಯಾರಾಥೈರಾಯ್ಡಿಸಂ ಚಿಕಿತ್ಸೆಗಾಗಿ), BIOMAb EGFR^® (ತಲೆ-ಕುತ್ತಿಗೆ ಕ್ಯಾನ್ಸರ್ ಚಿಕಿತ್ಸೆಗಾಗಿ), Abraxane^® (ಮೆಟಾಸ್ಟ್ಯಾಟಿಕ್ ಖಾಯಿಲೆಯ ಖೆಮೊಥೆರಪಿ ಅಥವಾ 6 ತಿಂಗಳ ಒಳಗೆ ಮತ್ತೊಮ್ಮೆ ಖಾಯಿಲೆಗೆ ಒಳಗಾದರೆ, ಸ್ತನ ಕ್ಯಾನ್ಸರ್ ಚಿಕಿತ್ಸೆಗಾಗಿ), ERYPRO safe^TM (ಖೆಮೊಥೆರಪಿ ಪ್ರೇರಿತ ಅನೀಮಿಯಾ ಚಿಕಿತ್ಸೆಗಾಗಿ), NUFIL safe^TM (ಖೆಮೊಥೆರಪಿ ಪ್ರೇರಿತ ನ್ಯೂಟ್ರೊಪೆನಿಯಾದ ಚಿಕಿತ್ಸೆಗಾಗಿ), NUFIL^TM (ಖೆಮೊಥೆರಪಿ ಪ್ರೇರಿತ ನ್ಯೂಟ್ರೊಪೆನಿಯಾದ ಚಿಕಿತ್ಸೆಗಾಗಿ)

ಬೆಳವಣಿಗೆಯ ಚಾಲಕರು

ಇಂದು, 2008 ರಲ್ಲಿ $125 ಬಿಲಿಯನ್‌ಗಳೊಂದಿಗೆ ಜೈವಿಕಗಳು ಜಾಗತಿಕ ಫಾರ್ಮಾ ಮಾರುಕಟ್ಟೆಯಲ್ಲಿ ಪ್ರಗತಿ ಸಾಧಿಸಿವೆ. ಜೈವಿಕಗಳ ಬೆಳವಣಿಗೆ ದರವು, ಜೈವಿಕ ಸಮರೂಪಿ MAbಗಳು, ಜೈವಿಕ ಸಮರೂಪಿ ಇನ್ಸುಲಿನ್‌ಗಳು ಮತು ವಿನೂತನ ಜೈವಿಕ ಚಿಕಿತ್ಸಕಗಳನ್ನು ಒಳಗೊಂಡಿದೆ. ಬೇರೆಯವುಗಳಲ್ಲಿ ಈ ದರವು ಎರಡಂಕಿ ಮಟ್ಟದಲ್ಲಿ ದ್ವಿಗುಣಿತಗೊಳ್ಳಬಹುದೆಂದು ಯೋಜಿಸಲಾಗಿದೆ. ಇದಲ್ಲದೆ, ಪ್ರೌಢ ಮಾರುಕಟ್ಟೆಗಳೂ ಸಹ 4.3% ರಷ್ಟು ಒಂದಂಕಿ ಬೆಳವಣಿಗೆ ದರವನ್ನು ಹೊಂದಿವೆ. ಕೈಗಾರಿಕೆಗಳ ಅಸ್ತಿತ್ವ ಉಳಿಯಬೇಕಾದಲ್ಲಿ 2009-13 ಅವಧಿಗೆ ಸುಮಾರು $90 ಬಿಲಿಯನ್ ಹೆಚ್ಚಳವನ್ನುಂಟು ಮಾಡಬಹುದಾದ ಉದಯೋನ್ಮುಕ ಮಾರುಕಟ್ಟೆಗಳ ಅವಶ್ಯಕತೆಯಿದ್ದು, 2013ರಲ್ಲಿ ವಾರ್ಷಿಕ ಮಾರುಕಟ್ಟೆ ಬೆಳವಣಿಗೆಗೆ 48% ರಷ್ಟು ಕೊಡುಗೆಯನ್ನು ನೀಡಬೇಕಾಗುತ್ತದೆ. ಇಂತಹ ಒಂದು ಸನ್ನಿವೇಶದಲ್ಲಿ, ಬಯೋಕಾನ್ ಈ ಬೆಳವಣಿಗೆ ಚಾಲಕಗಳಲ್ಲಿ ತೊಡಗಿಸಿಕೊಳ್ಳಲು ಬೇಕಾದ ಸಂರಚನೆಗಳನ್ನು ಹೊಂದಿದೆ.

ಮನೋಕ್ಲೊನಲ್ ಪ್ರತಿಕಾಯಗಳು(MAbs): ಇವು ಜೈವಿಕ ಫಾರ್ಮಾಕ್ಯುಟಿಕಲ್ ಉದ್ಯಮದಲ್ಲಿ ಅತಿ ವೇಗವಾಗಿ ಬೆಳೆಯುತ್ತಿರುವ ವರ್ಗಗಳಲ್ಲಿ ಒಂದಾಗಿದ್ದು 2015ರ ಹೊತ್ತಿಗೆ ಇವುಗಳ ಮಾರಾಟ $67.6 ಬಿಲಿಯನ್‌ಗೆ ತಲುಪಬಹುದು ಎಂದು ಅಂದಾಜು ಮಾಡಲಾಗಿದೆ. 2008ಮತ್ತು 2015 ರ ನಡುವೆ 13.8% ನಷ್ಟು CAGR ಮುಟ್ಟಬಹುದು ಎಂದು ಊಹಿಸಲಾಗಿದೆ. ಬಯೋಕಾನ್ MAbಗಳ ಉತ್ಪನ್ನವಾದ BIOMAb-EGFR^® ನ್ನು ತಯಾರಿಸಲು ಬೇಕಾದ ನೈಪುಣ್ಯತೆಯನ್ನು ಹೊಂದಿದೆ. ಇದು MAb ಸಂಶೋಧನೆಗೆ ಬೇಕಾದ ತಯಾರಿಕಾ ಸೌಲಭ್ಯಗಳನ್ನು ಹೊಂದಿದೆ ಮತ್ತು ಪ್ರಕ್ರಿಯಾ ಬೆಳವಣಿಗೆ, ರೂಪಾಂತರ ಬೆಳವಣಿಗೆ ಮತ್ತು ಗುಣಾತ್ಮಕ ಹಾಗೂ ಉತ್ಪನ್ನ ಮತ್ತು ಕ್ಲಿನಿಕಲ್ ಬೆಳವಣೆಗೆಗೆ ಅವಶ್ಯವಾದ ಸೌಲಭ್ಯಗಳನ್ನು ಹೊಂದಿದೆ. ಬಯೋಕಾನ್ ಜಾಗತಿಕವಾಗಿ ಅಣುಗಳನ್ನು ವಾಣಿಜ್ಯಕರಣಗೊಳಿಸುವ ಸಲುವಾಗಿ ಮೈಲಾನ್ ನೊಂದಿಗೆ ಮಾರಾಟ ಮತ್ತು ಮಾರುಕಟ್ಟೆಯ ಒಪ್ಪಂದವನ್ನು ಮಾಡಿಕೊಂಡಿದೆ.

ಜೈವಿಕ ಸಮರೂಪಿ ಇನ್ಸುಲಿನ್: 2011 ರ ಹೊತ್ತಿಗೆ ಪ್ರಪಂಚಾದ್ಯಂತ ಇನ್ಸುಲಿನ್ ಮಾರುಕಟ್ಟೆಯು $11 ಕ್ಕೂ ಹೆಚ್ಚು ಮೌಲ್ಯ ಹೊಂದುವ ಸಂಭವವಿದ್ದು, ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ಸುಮಾರು 246 ಮಿಲಿಯನ್ ಜನರು ಮಧುಮೇಹ ಕಾಯಿಲೆಯಿಂದ ಬಳಲುವ ಅಂದಾಜು ಮಾಡಲಾಗಿದ್ದು, ಮುಂದಿನ ದಶಕದಲ್ಲಿ ಇನ್ಸುಲಿನ್‌ನ ಬೇಡಿಕೆ ಇನ್ನೂ ಹೆಚ್ಚಾಗುವ ಸಾಧ್ಯತೆಗಳಿವೆ. ಬಯೋಕಾನ್ ಪರಿಣಾಮಕಾರಿ ಬೆಲೆಯ ಪಿಚಿಯಾ ಮೂಲದ ಇನ್ಸುಲಿನ್ ನ್ನು ಉತ್ಪತ್ತಿ ಮಾಡುವಲ್ಲಿ ನೈಪುಣ್ಯತೆ ಹೊಂದಿದೆ.ಇದು ಸಮೃದ್ಧವಾದ ಇನ್ಸುಲಿನ್ ಪೋರ್ಟ್ ಪೋಲಿಯೋ ವನ್ನು ಹೊಂದಿದ್ದು, ಮಾನವ ಪುನರ್ ಸಂಯೋಜಿತ ಇನ್ಸುಲಿನ್ , ಇನ್ಸುಲಿನ್ ಗ್ಲಾರ್ಜೈನ್ ( ದೀರ್ಘ ಕಾಲ ಕ್ರಿಯಾಶೀಲತೆ ಹೊಂದಿರುವ ಮೂಲ ಇನ್ಸುಲಿನ್ ಸ್ವರೂಪ) , ಇನ್ಸುಲಿನ್ ಆಸ್ಪಾರ್ಟ್ ( ಪೂರ್ವ-ಕ್ಲಿನಿಕಲ್ ನಲ್ಲಿ ಸಂಕ್ಷಿಪ್ತ ಕಾಲ ಕಾರ್ಯ ನಡೆಸುವ) ಮತ್ತು ಇನ್ಸುಲಿನ್ ಲಿಸ್ಪ್ರೋ( ಮತ್ತೊಂದು ಸಂಕ್ಷಿಪ್ತ ಕಾಲಿಕ ) ಗಳನ್ನು ಒಳಗೊಂಡಿದೆ.

ವಿನೂತನ ಪರವಾನಗಿ ಯೋಜನೆ: ಬಯೋಕಾನ್ IN-105 ಮತ್ತು T1h ಅಣುಗಳಿಗೆ ಪರವಾನಗೆ ಕೊಡುವ ಯೋಜನೆಗಳನ್ನು ಹೊಂದಿದೆ. IN-105 ತನ್ನ ಸಕಾರಾತ್ಮಕ ಮತ್ತು ಪಾರದರ್ಶಕ ವಿವರಗಳೊಂದಿಗೆ ಸಧ್ಯದಲ್ಲೇ ಮಾರುಕಟ್ಟೆಗೆ ಬರಬಹುದಾದ ಮೌಖಿಕ ಸಂಯುಗ್ಮ ಇನ್ಸುಲಿನ್ ಆಗಿದೆ. ಪ್ರಸ್ತುತ IN-105 ಭಾರತದಲ್ಲಿ ಫೇಸ್ 3 ಕ್ಲಿನಿಕಲ್ ಅಧ್ಯಯನಗಳಿಗೆ ಒಳಪಟ್ಟಿದೆ. US ಆಹಾರ ಮತ್ತು ಔಷಧ ಆಡಳಿತದೊಂದಿಗೆ ಒಂದು ಸಂಶೋಧನಾತ್ಮಕ ನೂತನ ಔಷಧಿ ಪ್ರಯೋಗವನ್ನು ಡಿಸೆಂಬರ್ ತಿಂಗಳಿನಲ್ಲಿ ದಾಖಲಿಸಲಾಗಿದೆ. T1h ಒಂದು ವಿನೂತನ ಮಾನವ ನಿರ್ಮಿತ ಪ್ರತಿಕಾಯವಾಗಿದ್ದು CD6ನ್ನು ತಡೆಯುತ್ತದೆ. ಸ್ವಯಂ ರೋಗನಿರೋಧಕ ವಲಯದಲ್ಲಿ ನಡೆಸಲಾದ ಕ್ಲಿನಿಕಲ್ ಪ್ರಯೋಗಗಳಲ್ಲಿ, T1h ಮಾತ್ರವೇ ಭಾರತದಲ್ಲಿ ಸಂಧಿವಾತ(RA) ಮತ್ತು ಸೀರೋಸಿಸ್ ಕಾಯಿಲೆಗಳಿಗೆ ಪರೀಕ್ಷಿಸಲ್ಪಟ್ಟ ಪ್ರಥಮ ದರ್ಜೆಯ ವಿನೂತನ ಜೈವಿಕ ಪ್ರಯೋಗವಾಗಿದೆ. ಎರಡು ಫೇಸ್ II ಕ್ಲಿನಿಕಲ್ ಪ್ರಯೋಗಗಳಲ್ಲಿ ಒಂದನ್ನು RA ನಲ್ಲಿಯೂ ಮತ್ತು ಇನ್ನೊಂದನ್ನು ಸೀರೋಸಿಸ್‌ನ ಮೇಲೂ ಆರಂಭಿಸಲಾಗಿದ್ದು ಅವು ಈ ವರ್ಷ ಪೂರ್ಣಗೊಳ್ಳುವ ಸಾಧ್ಯತೆ ಇದೆ.

ಉದಯೋನ್ಮುಕ ಮಾರುಕಟ್ಟೆಗಳು: ಫಾರ್ಮಾ ಪ್ರಪಂಚದಲ್ಲಿ ಆಗುತ್ತಿರುವ ಚಲನಾತ್ಮಕ ಬದಲಾವಣೆಗಳಿಂದಾಗಿ, ಭಾರತ, ಬ್ರೆಜಿಲ್ , ರಶ್ಯಿಯಾ, ಚೀನಾ, ಮೆಕ್ಸಿಕೋ, ಟರ್ಕಿ ಮತ್ತು ದಕ್ಷಿಣ ಕೊರಿಯಾದ 7 ಪ್ರಾಥಮಿಕ ಫಾರ್ಮಾ ಮಾರುಕಟ್ಟೆಗಳನ್ನು ಒಳಗೊಂಡಂತೆ, 17 ಅತ್ಯುನ್ನತ ಮಟ್ಟದ ಫಾರ್ಮಾಕ್ಯುಟಿಕಲ್ ಮಾರುಕಟ್ಟೆಗಳು ಜೈವಿಕ ತಂತ್ರಜ್ಞಾನ ಉದ್ಯಮಗಳಿಗೆ ಒಂದು ಪ್ರಮುಖ ಅವಕಾಶವನ್ನು ನೀಡಿವೆ. ಭಾರತವನ್ನು ಒಳಗೊಂಡಂತೆ ಉದಯೋನ್ಮುಕ ಮಾರುಕಟ್ಟೆಗಳು ಈಗಾಗಲೇ ಬಯೋಕಾನ್ ಮಾರಾಟಗಳಿಗೆ 40% ರಷ್ಟು ಕೊಡುಗೆ ನೀಡಿವೆ. ಬಯೋಕಾನ್ ಪ್ರಪಂಚದ ಅನೇಕ ಕಂಪನಿಗಳ ಮೂಲಕ ಉದಯೋನ್ಮುಕ ಮಾರುಕಟ್ಟೆಗಳೊಂದಿಗೆ ಸೇರಲು ಅವುಗಳ ಪಾಲುದಾರಿಕೆಯಲ್ಲಿ ಪ್ರವೇಶ ಪಡೆದಿದೆ.

ಪ್ರಶಸ್ತಿಗಳು ಮತ್ತು ಸಾಧನೆಗಳು

ಬಯೋಕಾನ್ ಅದರ ಸಾಧನೆಯ ಖಾತೆಯಲ್ಲಿ ಈ ಕೆಳಗಿನ ಪ್ರಶಸ್ತಿಗಲನ್ನು ಹೊಂದಿದೆ ,:

2010:
ಬೆಂಗಳೂರು ಬಯೋದ ಹೆಲ್ತ್‌ಕೇರ್ ವಲಯದಲ್ಲಿನ ಅಸಾಧಾರಣ ಸಾಧನೆಗಾಗಿ ಬಯೋ-ಎಕ್ಸೆಲೆನ್ಸ್ ಪ್ರಶಸ್ತಿ

2009:
- ಅಮೋಂಗ್ ಟಾಪ್ 20 ಇಂಡಿಯನ್ ಕಂಪನೀಸ್ ಇನ್ ಪೋರ್ಬ್ಸ್ ‘ಬೆಸ್ಟ್ ಅಂಡರ್ ಎ ಬಿಲಿಯನ್’ ಲಿಸ್ಟ್
- ಬೆಂಗಳೂರು ಬಯೋದ ಹೆಲ್ತ್‌ಕೇರ್ ವಲಯದಲ್ಲಿನ ಅಸಾಧಾರಣ ಸಾಧನೆಗಾಗಿ ಬಯೋ-ಎಕ್ಸೆಲೆನ್ಸ್ ಪ್ರಶಸ್ತಿ
- ಬೆಂಗಳೂರು ಬಯೋದಲ್ಲಿನ ಜೈವಿಕ ಸೇವಾ ಒಲಯದಲ್ಲಿನ ಅತ್ಯುತ್ತಮ ಸಾಧನೆಗಾಗಿ ಸಿಂಜೆನೆ ಐಡಿಎಮ್‌ಎ ಗಾಗಿ ಬಯೋ-ಎಕ್ಸೆಲೆನ್ಸ್ ಪ್ರಶಸ್ತಿ, ‘ಬೆಸ್ಟ್ ಪೇಟೆಂಟ್ ಆಫ್ ದಿ ಯಿಯರ್’ ಪ್ರಶಸ್ತಿ - BIOMAb EGFR^® ‘ಬಯೋ-ಸ್ಪೆಕ್ಟ್ರಮ್ ಏಷಿಯಾ-ಪೆಸಿಫಿಕ್ ಪ್ರೊಡಕ್ಟ್ ಆಫ್ ದಿ ಯಿಯರ್’, 2008ಕ್ಕೆ ಅನುಮೋದಿತವಾಗಿದೆ
- ಉತ್ತಮ ಪಟ್ಟಿಯ ಸಂಸ್ಥೆಗಾಗಿ ಬಯೊಸಿಂಗಪೂರ್ ಏಷಿಯಾ ಪೆಸಿಫಿಕ್ ಬಯೋಟೆಕ್ನಾಲಜಿ ಪ್ರಶಸ್ತಿ

2008:
- ಜಾಗತಿಕ ಬಯೋಟೆಕ್ನಾಲಜಿ ಸಂಸ್ಥೆಗಳಲ್ಲಿ ಮೊದಲ 20ನೆಯ ಸ್ಥಾನ (ಮೂಲ: ಮೆಡ್ ಯಾಡ್ ನ್ಯೂವ್ಸ್, ಜೂನ್ 2008)
- ಪ್ರಪಂಚದಲ್ಲೇ 7ನೆಯ ದೊಡ್ಡ ಜೈವಿಕ ಉದ್ಯೋಗದಾತ (ಮೂಲ: ಮೆಡ್ ಯಾಡ್ ನ್ಯೂವ್ಸ್, ಜೂನ್ 2008)

2007:
ಸಿಂಜೆನೆಗೆ ‘ಬಯೋಸರ್ವೀಸಸ್ ಕಂಪನಿ ಆಫ್ ದಿ ಇಯರ್’, BIOMAb EGFR^® ‘ಪ್ರೊಡಕ್ಟ್ ಆಫ್ ದಿ ಯಿಯರ್’, ಬಯೋಸ್ಪೆಕ್ಟ್ರಮ್ ಪ್ರಶಸ್ತಿಗಳನ್ನು ಗೆದ್ದಿದೆ

2006:
ಔಷಧೀಯ ಒಲಯದಲ್ಲಿ ಉತ್ತಮ ಐಟಿ ಬಳಕೆದಾರ ಪ್ರಶಸ್ತಿ, ಎನ್‌ಎ‌ಎಸ್‌ಎಸ್‌ಸಿಒಎಮ್

2004:
- ಜಾಗತಿಕವಾಗಿ 16ನೆಯ ಸ್ಥಾನವನ್ನು ಪಡೆದ ಭಾರತ'ದ ಪ್ರಥಮ ಮತ್ತು ನಂ. 1 ಜೈವಿಕ ಸಂಸ್ಥೆ (ಮೂಲ: ಬಯೋಸ್ಪೆಕ್ಟ್ರಮ್, ಜುಲೈ 2004)
- ಭಾರತ'ದ ಮೊದಲ 5 ಜೀವ ವಿಜ್ಞಾನಗಳ ಸಂಸ್ಥೆಗಳು (ಜುಲೈ 30, 2004ರಂದು ವ್ಯಾಪಾರವನ್ನು ಪೂರ್ತಿಗೊಳಿಸಿದ ಪ್ರಕಾರ)
- ಬೆಸ್ಟ್ ರಿಇನ್ವೆನ್ಷನ್ ಆಫ್ ಹೆಚ್‌ಆರ್ ಫಂಕ್ಷನ್ ಪ್ರಶಸ್ತಿ, ಇಂದಿರ ಗ್ರೂಪ್, ಮುಂಬಯ್
- ಬೆಸ್ಟ್ ಎಂಪ್ಲಾಯರ್ ಆಫ್ ಇಂಡಿಯಾ ಪ್ರಶಸ್ತಿ, ಹೆವಿತ್

2003:
- ಬಯೊ-ಎಂಟರ್‌ಪ್ರೆನರ್‌ಷಿಪ್‌ಗಾಗಿ ಬಯೊ-ಬ್ಯುಸಿನೆಸ್ ಪ್ರಶಸ್ತಿ, ರಾಬಿ ಇಂಡಿಯಾ
- ಔಷಧೀಯ ಉದ್ಯಮದಲ್ಲಿನ ಉತ್ಕೃಷ್ಟತೆಗಾಗಿ ಎಕ್ಸ್‌ಪ್ರೆಸ್ ಫಾರ್ಮ ಪಲ್ಸ್ ಪ್ರಶಸ್ತಿ

2001:
- ಬಯೋಟೆಕ್ ಪ್ರೊಡುಚ್ಟ್, ಪ್ರೊಸೆಸ್ಸ್ ಡೆವೆಲಪ್‌ಮೆಂಟ್ ಆಂಡ್ ಕಮರ್ಷಿಯಲೈಸೇಷನ್ ಪ್ರಶಸ್ತಿ, ಜೈವಿಕತಂತ್ರಜ್ಞಾನ ವಿಭಾಗ, ವಿಜ್ಞಾನ ಮತ್ತು ತಂತ್ರಜ್ಞಾನದ ಸರಕಾರ ಇಲಾಖೆ, ಭಾರತ ಸರಕಾರ

2000:
- ಟೆಕ್ನಾಲಜಿ ಪಯನೀರ್ ರೆಕಗ್ನಿಷನ್, ವರ್ಲ್ಡ್ ಎಕನಾಮಿಕ್ ಫಾರಮ್ 1985:
- ಎಕ್ಸ್‌ಫೋರ್ಟ್ ಫರ್ಪಾರ್ಮೆನ್ಸ್ ಪ್ರಶಸ್ತಿ, ಕರ್ನಾಟಕ ರಾಜ್ಯದ ಆರ್ಥಿಕ ನಗರಸಭೆ (ಕೆ‌ಎಸ್‌ಎಫ್‌ಸಿ)
- ಉತ್ತಮ ಚಿಕ್ಕ ಸಂಸ್ಥೆಗಾಗಿ ರಾಷ್ಟ್ರೀಯ ಪ್ರಶಸ್ತಿ, ಭಾರತ ಸರಕಾರ

ಪ್ರಥಮಸ್ಥಾನಗಳು

1978ರಲ್ಲಿನ ವ್ಯವಸ್ಥೆ, ಬಯೋಕಾನ್ ಭಾರತ'ದ ಮೊದಲ ಬಯೋಟೆಕ್ ಸಂಸ್ಥೆ

• ಸ್ವಾಮ್ಯದ ತಂತ್ರಜ್ಞಾನಗಳಿಗಾಗಿ ಯುಎಸ್ ಬಂಡವಾಳವನ್ನು ಪಡೆದ ಪ್ರಥಮ ಭಾರತೀಯ ಬಯೋಟೆಕ್ ಸಂಸ್ಥೆ (1989)
• ಭಾರತ'ದ ಪ್ರಥಮ ಚಿಕಿತ್ಸಕ ಸಂಶೋಧನಾ ಸಂಸ್ಥೆಯ ಸ್ಥಾಪನೆ, ಕ್ಲಿನಿಜಿನ್ (2000)
• ಕೊಲೆಸ್ಟ್ರಾಲ್-ತಗ್ಗಿಸುವ ಅಣು, ಲೊವಸ್ಟಾಟಿನ್‌ ಉತ್ಪಾದನೆಗೆ ಯುಎಸ್ ಎಫ್‌ಡಿಎ‌ ಯಿಂದ ಅನುಮೋದನೆ ಪಡೆದ ಮೊದಲ ಭಾರತೀಯ ಸಂಸ್ಥೆ (2001)
• ಪಿಚಿಯ ಎಕ್ಸ್‌ಪ್ರೆಸನ್ ಪದ್ಧತಿಯಲ್ಲಿ ಮನುಜ ಇನ್ಸುಲಿನ್‌ನ್ನು ಉತ್ಪಾದಿಸುವ ವಿಶ್ವವ್ಯಾಪಕ ಮೊದಲ ಸಂಸ್ಥೆ (2003)
• ಬಯೋಕಾನ್ ಇದರ ಐಪಿಒ ದೊಂದಿಗೆ ಸ್ಟಾಕ್ ಮಾರುಕಟ್ಟೆಯನ್ನು ಪ್ರವೇಶಿಸಿದೆ ಮತ್ತು ದಿನದ ಪಟ್ಟಿಯಲ್ಲಿ $1-ಬಿಲಿಯನ್ ಮಾರ್ಕ್‌ನ್ನು ದಾಟಿದ ಎರಡನೆಯ ಭಾರತೀಯ ಸಂಸ್ಥೆಯಾಗಿದೆ (2004)
• ಭಾರತ’ದ ಮೊದಲ ಕ್ಯಾನ್ಸರ್ ರೋಗದ ಔಷಧವನ್ನು ಪ್ರಾರಂಭಿಸಿದೆ , BIOMAb EGFR^® (2006)
• ಎಂಜೈಮುಗಳನ್ನು (ಕಿಣ್ವ) ಉತ್ಪಾದಿಸಿದ ಮತ್ತು ಯುಎಸ್‌ಎ ಮತ್ತು ಯುರೋಪಿಗೆ ರಫ್ತುಮಾಡಿದ ಮೊದಲ ಭಾರತೀಯ ಸಂಸ್ಥೆ
• ಎಂಜೈಮುಗಳ ಭಾರತ’ದ ಅತ್ಯಧಿಕ ಉತ್ಪಾದಕರು ಮತ್ತು ರಫ್ತುದಾರರು
• ದೇಶ’ದ ಮೊದಲ 24-ಗಂಟೆಯ ಮಧುಮೇಹ ಔಷಧ, ಗ್ಲಾರ್ಜಿನ್‌ನ್ನು ಬಿಡುಗಡೆಮಾಡಿದೆ (2009)
• ಭಾರ್ತದಲ್ಲಿ ಐಎಸ್‌ಒ 9001 ಮಾನ್ಯತೆಯನ್ನು ಪಡೆದ ಮೊದಲ ಬಯೋಟೆಕ್ (ಜೈವಿಕ) ಸಂಸ್ಥೆ
• ನಿಂಜೆನೆ, ಔಷಧ ಸಂಶೋಧನೆಯಲ್ಲಿ ದೇಶ’ದ ಪ್ರಥಮ ಸಂಪ್ರದಾಯ ಸಂಶೋಧನಾ ಸಂಸ್ಥೆ

ಸಾಂಸ್ಥಿಕ ಸಾಮಾಜಿಕ ಹೊಣೆಗಾರಿಕೆ

ಆದರೆ ಬಯೋಕಾನ್ ಆರಂಭದಿಂದಲೂ ಸಮುದಾಯ ಕಾರ್ಯಕ್ರಮಗಳಲ್ಲಿ ತನ್ನನ್ನು ತೊಡಗಿಸಿಕೊಂಡಿದ್ದರಿಂದ, ಒಂದು ಸಮುದಾಯಿಕ ಸಾಮಾಜಿಕ ಜಾವಾಬ್ದಾರಿಯ ಅಂಗವಾದ - ದಿ ಬಯೋಕಾನ್ ಫೌಂಡೇಶನ್‌ನ್ನು ಪ್ರಾರಂಭಿಸಿದೆ. 2004 ರಿಂದ ಇದರ ಮೂಲಕ ಆರೋಗ್ಯ, ಶಿಕ್ಷಣ ಮತ್ತು ಮೂಲಭೂತ ಸೌಕರ್ಯದ ಕ್ಷೇತ್ರಗಳಲ್ಲಿ , ಅದರಲ್ಲೂ ವಿಶೇಷವಾಗಿ ಗ್ರಾಮೀಣ ಭಾಗಗಳಲ್ಲಿ ಸೇವೆ ಸಲ್ಲಿಸುತ್ತಾ ಬಂದಿದೆ.

ಆರೋಗ್ಯ

ಆರೋಗ್ಯ ರಕ್ಷಾ ಯೋಜನೆ (ARY) ಕ್ಲಿನಿಕ್‌ಗಳ ಮೂಲಕ, ಬಯೋಕಾನ್ ಹಲವಾರು ಸಮುದಾಯಗಳ ಪ್ರಾಥಮಿಕ, ತೃತೀಯಕ ಹಾಗೂ ಮಾಧ್ಯಮಿಕ ಆರೋಗ್ಯ ಸಂರಕ್ಷಣೆಯ ಬೇಡಿಕೆಗಳನ್ನು ಪೂರೈಸಲು ನೆರವಾಗುತ್ತಿದೆ. ಆರೋಗ್ಯ ಸಂರಕ್ಷಣಾ ಸೌಲಭ್ಯಗಳ ಕೊರತೆ ಇರುವ ಸ್ಥಳಗಳಲ್ಲಿ ಇದರ 7 ARY ಕ್ಲಿನಿಕ್‌ಗಳು, ಉತ್ತಮವಾದ ಕ್ಲಿನಿಕಲ್ ಘಟಕಗಳು, ವಿಶೇಷವಾದ ಔಷಧಿಗಳು ಹಾಗೂ ಮೂಲಭೂತ ಪರೀಕ್ಷೆಗಳ ಸೌಲಭ್ಯಗಳನ್ನು ಒದಗಿಸಿಕೊಡುತ್ತವೆ. ಬೆಂಗಳೂರು ನಗರದ ಆಸ್ಟಿನ್ ಟೌನ್ ಮತ್ತು ಕೃಷ್ಣರಾಜಪುರಂ, ಆನೇಕಲ್ ತಾಲ್ಲೂಕಿನ ಹುಸ್ಕೂರು ಮತ್ತು ಹೆನ್ನಗರ ಹಾಗೂ ಮಂಡ್ಯ, ಚಿಕ್ಕಬಳ್ಳಾಪುರ ಮತ್ತು ಬಾಗಲಕೋಟೆಯ ಪ್ರತಿಯೊಂದು ಕ್ಲಿನಿಕ್‌ಗಳೂ ಸಹ 10 ಕಿ.ಮೀ ಪರಿಧಿಯಲ್ಲಿ ವಾಸಿಸುವ ಸುಮಾರು 50,000 ಜನರಿಗೆ ತಮ್ಮ ಅಮೂಲ್ಯ ಸೇವೆ ಸಲ್ಲಿಸುತ್ತಿವೆ. ಕ್ಲಿನಿಕ್‌ಗಳು ಅತ್ಯಂತ ಹಿಂದುಳಿದ ಹಳ್ಳಿಗಳಲ್ಲಿ ಆರೋಗ್ಯ ಶಿಬಿರಗಳನ್ನು ನಡೆಸುತ್ತಿವೆ. ಬೆಂಗಳೂರಿನ ಜೈನ್ ಇನ್‌ಸ್ಟಿಟ್ಯೂಟ್ ಆಫ್ ವಾಸ್ಕುಲರ್ ಸೈನ್ಸ್‌ನ ಸಂಚಾರಿ ಡಯಾಬೆಟಿಕ್ ಫುಟ್ ವ್ಯಾನೊಂದು ತಿಂಗಳಿಗೊಮ್ಮೆ ಪ್ರತಿ ಕ್ಲಿನಿಕ್‍ನ್ನು ಭೇಟಿ ಮಾಡಿ ಮಧು ಮೇಹ ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಿದೆ. ಫೌಂಡೇಶನ್ ಸಮುದಾಯದ ಜನರಿಗೆ ಆರೋಗ್ಯ, ರೋಗ ತಡೆಗಟ್ಟುವಿಕೆ ಮತ್ತು ಆರಂಭದಲ್ಲಿ ಅದನ್ನು ಪತ್ತೆಹಚ್ಚುವುದರ ಬಗ್ಗೆ ಶಿಕ್ಷಣವನ್ನು ನೀಡುವುದಕ್ಕಾಗಿ ಆರೋಗ್ಯ ಕಾರ್ಯಕರ್ತರನ್ನು ನೇಮಕ ಮಾಡಿದೆ. ಕ್ಲಿನಿಕ್‌ಗಳಿಗೆ ಮಾಹಿತಿಯನ್ನು ನೀಡಲು ಅನುಕೂಲವಾಗುವಂತೆ CHWಗಳನ್ನು ಮೊಬೈಲ್ ಫೋನ್‌ಗಳಿಂದ ಸುಸಜ್ಜಿತಗೊಳಿಸಲಾಗಿದೆ.

ಒಂದು ಸಂಪೂರ್ಣ ಉದ್ದೇಶದ ಮೂಲಕ, ARY ಕ್ಲಿನಿಕ್‌ಗಳು ಬಡವರಿಗೆ ಉತ್ತಮ ಗುಣಮಟ್ಟದ ಆರೋಗ್ಯವನ್ನು ಒದಗಿಸಲು ಸಹಾಯಮಾಡುವ ARY ಆರೋಗ್ಯ ವಿಮಾ ಯೋಜನೆಯೊಂದಿಗಿನ ಸಂಬಂಧವನ್ನು ಹೆಚ್ಚಿಸುತ್ತದೆ. ಈ ಯೋಜನೆ ಸದಸ್ಯರು ಪ್ರತಿಯೊಬ್ಬರೂ ವರ್ಷಕ್ಕೆ ರೂ.120 ಕಂತು ಪಾವತಿಸುವುದರ ಮೂಲಕ ಉಚಿತ ಶಸ್ತ್ರ ಚಿಕಿತ್ಸೆ, ಶುಶ್ರೂಷೆಯಲ್ಲಿ ರಿಯಾಯಿತಿ, ಉಚಿತ ಸಲಹೆ , ARY ಕ್ಲಿನಿಕ್ ಹಾಗೂ ಇತರ ಆಸ್ಪತ್ರೆಗಳಲ್ಲಿ ಉಚಿತ ಔಷಧಿ ಹಾಗೂ ಪರೀಕ್ಷೆಗಳು ಮುಂತಾದ ಸೇವೆಗಳ ಸೌಲಭ್ಯವನ್ನು ಪಡೆಯುತ್ತಾರೆ. ಕರ್ನಾಟಕದಲ್ಲಿ ಈ ಯೋಜನೆಯು 1,00,000 ಕ್ಕಿಂತಲೂ ಹೆಚ್ಚು ಸದಸ್ಯರನ್ನು ನೊಂದಾಯಿಸಿಕೊಂಡಿದೆ ಮತ್ತು ಐದು ವರ್ಷಗಳಲ್ಲಿ 1,000 ಕ್ಕಿಂತಲೂ ಹೆಚ್ಚು ಶಸ್ತ್ರ ಚಿಕಿತ್ಸೆಗಳನ್ನು ನಡೆಸುದಕ್ಕೆ ನೆರವು ನೀಡಿದೆ. ಬಹುತೇಕ ಹಳ್ಳಿಗಳಲ್ಲಿ 100% ರಷ್ಟು ಪುನಶ್ಚೇತನ ದರದೊಂದಿಗೆ, ಈ ಯೋಜನೆಯಿಂದ ಹೆಚ್ಚು ಕಡಿಮೆ 2,50,000 ಜನರಿಗೆ ಪ್ರಯೋಜನ ಉಂಟಾಗಿದೆ.

ಅನೇಕ ಆರೋಗ್ಯ ಸಮಸ್ಯೆಗಳು ಜಾಗೃತಿಯ ಕೊರತೆ ಮತ್ತು ಸ್ವಚ್ಛತೆಯ ಅಭಾವದಿಂದ ಉಂಟಾಗುವುದರಿಂದ, ಪೌಂಡೇಶನ್ ಸ್ವಚ್ಛತೆ ಮತ್ತು ನೈರ್ಮಲ್ಯದ ಬಗ್ಗೆ ಅನೇಕ ಜಾಗೃತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ ಹಾಗೂ ನೈರ್ಮಲ್ಯ ಕಾರ್ಯಕ್ರಮ ಫೇಸ್ 1ರ ಅಡಿಯಲ್ಲಿ 800 ಕ್ಕಿಂತಲೂ ಹೆಚ್ಚು ಶೌಚಾಲಯಗಳನ್ನು ನಿರ್ಮಿಸಿದೆ.

ಶಿಕ್ಷಣ

ಗಣಿತವನ್ನು ಕರ್ನಾಟಕದ ಗ್ರಾಮೀಣ ಮಕ್ಕಳಲ್ಲಿ ಜನಪ್ರಿಯಗೊಳಿಸಲು, ಬಯೋಕಾನ್ ಚಿಣ್ಣರ ಗಣಿತ ಕಾರ್ಯಕ್ರಮವನ್ನು ಪ್ರಾರಂಭಿಸಿತು. ಗಣಿತದ ಪುಸ್ತಕಗಳನ್ನು ರಾಜ್ಯದ ಮೂರು ಜಿಲ್ಲೆಗಳಾ ಸುಮಾರು 800 ಶಾಲೆಗಳ 70,000 ಮಕ್ಕಳಿಗೆ ವಿತರಿಸಲಾಯಿತು. ಬಯೋಕಾನ್ 2009ರಲ್ಲಿ ಆಟ ಪಾಠ ಹೊಡಿ ಎಂಬ ಯೋಜನೆಯನ್ನು ಪ್ರಾರಂಭಿಸಿತು. ಕೊಡಗು ಜಿಲ್ಲೆಯ ಥಿತಿಮಟಿಯಲ್ಲಿ ಮೊದಲು ಇದನ್ನು ಕಾರ್ಯರೂಪಕ್ಕೆ ತರಲಾಯಿತು, ಮೂಲಭೂತ ಸೌಕರ್ಯಗಳಿಲ್ಲದ ಮಕ್ಕಳಿಗೆ ಕಲಿಯುವ ವಾತಾವರಣ ಕಲ್ಪಿಸುವುದು ಇದರ ಉದ್ದೇಶವಾಗಿತ್ತು. ಇತರೆ ಕೆಲಸಗಳ ನಡುವೆ, ಕಂಪ್ಯೂಟರ್-ಆಧಾರಿತ ಕಲಿಯುವಿಕೆ ಮತ್ತು ಇಂಗ್ಲೀಷ್ ಭಾಷೆಯ ಕೌಶಲ್ಯವನ್ನು ಹೆಚ್ಚಿಸುವುದು ಕೂಡ ಇದರಲ್ಲಿ ಸೇರಿತ್ತು.

ಮೂಲಭೂತ ಸೌಕರ್ಯ

ಬಯೋಕಾನ್ ಫೌಂಡೇಶನ್ ಹಲವಾರು ಸಮುದಾಯಗಳಲ್ಲಿ ಶಾಲೆಯ ಕಟ್ಟಡಗಳು, ಶಿಶುವಿಹಾರಗಳನ್ನು ನಿರ್ಮಿಸಲು, ಶೌಚಾಲಯ ಸೌಲಭ್ಯಗಳು, ನೀರು ಪೂರೈಕೆ ಸಂಪರ್ಕಗಳನ್ನು ಕಲ್ಪಿಸಲು ಸಹಾಯ ಮಾಡಿದೆ. ಹೆಬ್ಬಗೋಡಿ ಹಳ್ಳಿಯಲ್ಲಿ ಪ್ರಾಥಮಿಕ ಶಾಲೆ ಮತ್ತು ಶೌಚಾಲಯಗಳಾನ್ನು ನಿರ್ಮಿಸಿದೆ, ಹೆನ್ನಾಗರ ಗ್ರಾಮಪಂಚಾಯತಿ ಅಡಿಯಲ್ಲಿ ಎರಡು ಪ್ರಾಥಮಿಕ ಶಾಲೆಗಳು, ಒಂದು ಕಾಂಪೌಂಡ್ ಗೋಡೆ, ಶೌಚಾಲಯಗಳನ್ನು ನಿರ್ಮಿಸಲು ಸಹಕರಿಸಿದೆ ಹಾಗೂ ಶ್ರೀರಾಂಪುರ ಹಾಗೂ ಹೆಬ್ಬಗೋಡಿ ಹಳ್ಳಿಗಳಲ್ಲಿ ನೀರಿನ ಯೋಜನೆಗೆ ಸಹಕಾರ ನೀಡಿದೆ.

ಪ್ರವಾಹ ಪರಿಹಾರ ..2009

ಉತ್ತರ ಕರ್ನಾಟಕ ಜಿಲ್ಲೆಯಲ್ಲಿ ಸೆಪ್ಟೆಂಬರ್/ಅಕ್ಟೋಬರ್ 2009ರಲ್ಲಿ ಪ್ರವಾಹಕ್ಕೊಳಗಾದ ಪ್ರದೇಶಗಳಲ್ಲಿ ಬಯೋಕಾನ್ ಡಾಕ್ಟರ್ ಹಾಗೂ ಶುಷ್ರೂಶಕಿಯರನ್ನು ನಿಯಮಿಸಿ 5,000 ಕ್ಕೂ ಹೆಚ್ಚು ರೋಗಿಗಳಿಗೆ ಚಿಕಿತ್ಸೆ ಒದಗಿಸಿತು. ಪ್ರವಾಹದಲ್ಲಿ ಮನೆಯನ್ನು ಕಳೆದುಕೊಂಡವರಿಗೆ ಸುಮಾರು 1,000 ಕ್ಕೂ ಹೆಚ್ಚು ಮನೆಗಳನ್ನು ಬಾಗಲಕೋಟೆ ಜಿಲ್ಲೆಯ ಹಳ್ಳಿಗಳಲ್ಲಿ ನಿರ್ಮಿಸಿಕೊಟ್ಟಿತು.

ಬಾಹ್ಯ ಕೊಂಡಿಗಳು

• ಬಯೋಕಾನ್‌ನ ಅಧಿಕೃತ ವೆಬ್‌ಸೈಟ್
• ಬಯೋಕಾನ್‌ನ ಸಂಸ್ಥಾಪಕಿ ಕಿರಣ್ ಮಜುಮ್ದಾರ್ ಶಾ ಅವರು ಯುವಜನರ ಯಶಸ್ಸಿಗೆ ನೀಡಿರುವ ಸಂದೇಶ
• ಬಯೋಕಾನ್ 224% ಲಾಭವನ್ನು ತೋರಿಸಿತು