ಅಣಶಿ ರಾಷ್ಟ್ರೀಯ ಉದ್ಯಾನ

ಕಾಳಿ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಕಾಳಿ ನದಿ ಹರಿಯುತ್ತಿದೆ.

ಅಣಶಿ ರಾಷ್ಟ್ರೀಯ ಉದ್ಯಾನ ಇದು ಕರ್ನಾಟಕದ ಉತ್ತರ ಕನ್ನಡ ಜಿಲ್ಲೆಯಲ್ಲಿ ದಾಂಡೇಲಿಯ ಬಳಿಯಿರುವ ಒಂದು ರಾಷ್ಟ್ರೀಯ ಉದ್ಯಾನ. ಈ ಅಭಯಾರಣ್ಯದ ಪ್ರದೇಶವು ಗೋವಾ ಮತ್ತು ಮಹಾರಾಷ್ಟ್ರದ ಗಡಿಯಲ್ಲಿರುವ 6 ಬೇರೆ ಅರಣ್ಯ ಪ್ರದೇಶಗಳನ್ನು ಹೊಂದಿಕೊಂಡಿದ್ದು ಒಟ್ಟು 2200 ಚದರ ಕಿಲೋಮೀಟರ್ ರಕ್ಷಿತ ಅರಣ್ಯ ಪ್ರದೇಶವನ್ನು ಹೊಂದಿದೆ. ಇಲ್ಲಿ ಕಪ್ಪು ಚಿರತೆ, ಹುಲಿ ಮತ್ತು ಆನೆ ಮುಖ್ಯ ಪ್ರಾಣಿಗಳಾಗಿವೆ. 1987 ರಲ್ಲಿ ಸ್ಥಾಪನೆಯಾದ ಈ ರಾಷ್ಟ್ರೀಯ ಉದ್ಯಾನವನವು 250 ಚದರ ಕಿಲೋಮೀಟರ್ ವಿಸ್ತೀರ್ಣವನ್ನು ಹೊಂದಿದೆ. 1956 ರಲ್ಲಿ ಸ್ಥಾಪನೆಯಾದ ದಾಂಡೇಲಿ ವನ್ಯಜೀವಿ ಅಭಯಾರಣ್ಯವನ್ನು ನಂತರ ರಾಷ್ಟ್ರೀಯ ಉದ್ಯಾನವನವನ್ನಾಗಿ ಮಾಡಲಾಯಿತು. ಇಲ್ಲಿನ ಭೂದೃಶ್ಯವು ಕಡಿದಾದ ಕಣಿವೆಗಳು ಮತ್ತು ಬೆಟ್ಟಗಳಿಂದ ತುಂಬಿದೆ.

ಹುಲಿ ಸಂರಕ್ಷಣಾ ಯೋಜನೆ

ಉದ್ಯಾನವನದ 340 ಚದರ ಕಿಲೋಮೀಟರ್ ಪ್ರದೇಶವು ಹುಲಿ ಸಂರಕ್ಷಣಾ ಯೋಜನೆಯಡಿಯಲ್ಲಿದೆ , ಇದನ್ನು ಜನವರಿ 2007 ರಲ್ಲಿ ಘೋಷಿಸಲಾಯಿತು.

ಸಸ್ಯ ಸಂಪತ್ತು

ಈ ನಿತ್ಯಹರಿದ್ವರ್ಣ ಕಾಡಿನಲ್ಲಿರುವ ಪ್ರಮುಖ ಮರಗಳು ತೇಗ , ಸಿಲ್ವರ್ ಓಕ್ , ಅಕೇಶಿಯ ಮತ್ತು ಬಬುಸಾ .

ಪ್ರಾಣಿಸಂಕುಲ

ಇದು ಕಾಡುಹಂದಿ , ಜಿಂಕೆ , ಚುಕ್ಕೆ ಜಿಂಕೆ , ಕಾಡುನಾಯಿ , ಆನೆ , ಹೆಬ್ಬಾವು , ಹಾರ್ನ್‌ಬಿಲ್ , ಕಾಡುಗೂಬೆ ಮತ್ತು ರಾಜ ನಾಗರಹಾವುಗಳ ಆವಾಸಸ್ಥಾನವಾಗಿದೆ .

[]

ವಿಕಿಮೀಡಿಯ ಕಾಮನ್ಸ್‌ನಲ್ಲಿ ಅನ್ಶಿ ರಾಷ್ಟ್ರೀಯ ಉದ್ಯಾನವನಕ್ಕೆ ಸಂಬಂಧಿಸಿದ ಚಿತ್ರಗಳಿವೆ

ಸ್ಥಳ

ಈ ಉದ್ಯಾನವನವು ಪಶ್ಚಿಮ ಘಟ್ಟಗಳಲ್ಲಿದೆ. ಉದ್ಯಾನವನದ ಕೆಲವು ಭಾಗಗಳು ಸಮುದ್ರ ಮಟ್ಟದಿಂದ 27–927 ಮೀಟರ್ ಎತ್ತರದಲ್ಲಿವೆ.

ವಿದ್ಯುತ್ ಉತ್ಪಾದನೆ

ಈ ಉದ್ಯಾನವನದೊಳಗೆ ವಿವಿಧ ಜಲವಿದ್ಯುತ್ ಕೇಂದ್ರಗಳು ಮತ್ತು ಪರಮಾಣು ವಿದ್ಯುತ್ ಸ್ಥಾವರಗಳಿವೆ.