ಕಾವಟಿ ಕುಣಿತ
ಕಾವಟಿ ಕುಣಿತವು ಒಂದು ಹವ್ಯಾಸಿ ಮನರಂಜನೆಯ ಕಲೆಯಾಗಿರುವುದು. ಇದನ್ನು ಕಾವಡಿ ಕುಣಿತವೆಂತಲೂ ಕರೆಯುವರು. ಕೋಲಾರ ಮತ್ತು ಬೆಂಗಳೂರಿನ ಆನೇಕಲ್ ತಾಲ್ಲೂಕಿನ ಕೆಲವು ಪ್ರದೇಶಗಳಲ್ಲಿ ಕಾಣಸಿಗುವಂತಹ ಕಲೆಯಾಗಿರುವುದು.ಮೂಲತಃ ಈ ಕಲೆಯು ತಮಿಳುನಾಡಿನ ಸುಬ್ರಮಣ್ಯನ್ ಭಕ್ತರು ಪೂಜಿಸುವ ಹರೋಹರ ರೂಪದಲ್ಲಿ ಪ್ರದರ್ಶನಗೊಳ್ಳುತ್ತಿತ್ತು. ಈ ಕುಣಿತವು ಹಬ್ಬ, ಉತ್ಸವದ ಸಂದರ್ಭಗಳಲ್ಲಿ ಪ್ರದರ್ಶನಗೊಳ್ಳುವುದು. ತೆಳುವಾದ ಮರದ ಹಲಗೆಯನ್ನು ಅರ್ದಚಂದ್ರಾಕಾರದಲ್ಲಿ ಕಮಾನಿನಂತೆ ಬಾಗಿಸಿದ್ದು, ಕಾವಡಿಯ ಕೆಳಭಾಗದಲ್ಲಿ ನಯಗೊಳಿಸಿದಂತಹ ದುಂಡಾದ ಅಡ್ಡಪಟ್ಟಿಯನ್ನು ಜೋಡಿಸಿ ಕಾವಡಿಯನ್ನು ಸಿದ್ದಪಡಿಸಿರುತ್ತಾರೆ. ಕಮಾನಿನ ಮೇಲು ಭಾಗವನ್ನು ನವಿಲುಗರಿಗಳಿಂದ ಅಲಂಕರಿಸಲಾಗಿರುತ್ತದೆ. ಕಲಾವಿದರು ಕಚ್ಚೆಪಂಚೆ ಉಟ್ಟು, ಕಾಲಿಗೆ ಗೆಜ್ಜೆ ಕಟ್ಟಿರುತ್ತಾರೆ. ಕಾವಟಿಯನ್ನು ತಲೆಯ ಮೇಲಿಟ್ಟುಕೊಂಡು ಎರಡೂ ಕೈಗಳ ಸಹಾಯವಿಲ್ಲದೆ ಭುಜ, ಎದೆ ಮತ್ತು ತಲೆಯ ಮೇಲೆ ಆಡಿಸುತ್ತಾ ಕುಣಿಯುವ ರೀತಿಯು ಕುತೂಹಲಕಾರಿಯಾಗಿರುವುದು. ಈ ಕಲೆಯು ಶಿವರಾತ್ರಿ, ದೇವರ ಉತ್ಸವ, ಮುಂತಾದ ಸಮಾರಂಭಗಳಲ್ಲಿ ಪ್ರದರ್ಶಿಸುವರು. ಕುಣಿತದ ಹಿನ್ನೆಲೆಯಾಗಿ ತಮಟೆ, ಡೋಲು, ನಗಾರಿ ವಾದ್ಯಗಳನ್ನು ಬಳಸಲಾಗುತ್ತದೆ. ಕೆಲವು ವೇಳೆ ದೇವರಿಗೆ ಹರಕೆ ಮಾಡಿಕೊಂಡು ಕುಣಿಯುವುದು ಉಂಟು. ಕುಣಿಯುವಾಗ 'ಹರೋಹರ' 'ಮೇಲ್ ಮುರುಗನ್ ಹರೋಹರ' ಎಂದು ಕೂಗುತ್ತಾ ಸಾಗುವರು. ಕಾವಡಿ ನೃತ್ಯ ಮಾಡುವ ಕಲಾವಿದರು ಕೆಲವು ನಿಯಮಗಳಿಗೆ ಬದ್ದನಾಗಿರಬೇಕಾಗುತ್ತದೆ. ಮಾಂಸವನ್ನು ತಿನ್ನುವಂತಿಲ್ಲ. ಕಾವಡಿಯನ್ನು ಹೊರುವ ದಿನ ಉಪವಾಸವಿದ್ದು ಸ್ನಾನ, ಮಡಿ ಮಾಡಿ ಶುದ್ದನಾಗಿರಬೇಕಾಗುತ್ತದೆ.
ಚಿತ್ರ ಗ್ಯಾಲರಿ
[ಬದಲಾಯಿಸಿ]-
Kavadi attam in Kerala, India -
Pookkavadi -
kavadi attam in ಜರ್ಮನಿ -
Devotees carry pal kavadi at Thaipusam festival
ಉಲ್ಲೇಖಗಳು
[ಬದಲಾಯಿಸಿ]- ಕರ್ನಾಟಕ ಜನಪದ ಕಲೆಗಳ ಕೋಶ: ಸಂಪಾದಕ-ಹಿ.ಚಿ.ಬೋರಲಿಂಗಯ್ಯ, ಪ್ರಸಾರಾಂಗ ಕನ್ನಡ ವಿಶ್ವವಿದ್ಯಾಲಯ, ಹಂಪಿ, ೧೯೯೬
- ಕರ್ನಾಟಕ ಜನಪದ ಕಲೆಗಳು: ಸಂಪಾದಕ-ಗೊ.ರು.ಚನ್ನಬಸಪ್ಪ, ಕನ್ನಡ ಸಾಹಿತ್ಯ ಪರಿಶತ್ತು,೧೯೭೭
| ಭೂತಾರಾಧನೆ ಸಂಬಂಧಿ ಕುಣಿತಗಳು |  | |
|---|---|---|
| ನಾಗಾರಾಧನೆ ಸಂಬಂಧಿ ಕುಣಿತಗಳು | ||
| ನಾಗಾರಾಧನೆ ಸಂಬಂಧಿ ಕುಣಿತಗಳು | ||
| ಶಕ್ತಿ ಆರಾಧನೆ ಸಂಬಂಧಿ ಕುಣಿತಗಳು | ||
| ಯಕ್ಷಾರಾಧನೆ ಕುಣಿತಗಳು | ||
| ಯಕ್ಷಗಾನ ಬಯಲಾಟ ಕುಣಿತಗಳು | ||
| ಮಾಂತ್ರಿಕ ಕುಣಿತಗಳು | ||
| ಪ್ರಾಣಿ ಸಂಬಂಧಿ ಕುಣಿತಗಳು | ||
| ನಾಥಪಂಥ ಸಂಬಂಧಿ ಕುಣಿತ | ||
| ಕುಟುಂಬ ಸಂಬಂಧಿ ಕುಣಿತ | ||
| ವಾದ್ಯ ಪ್ರಧಾನ ಕುಣಿತಗಳು | ||
| ಕೃಷಿ ಸಂಬಂಧಿ ಕುಣಿತಗಳು | ||
| ಆರಾಧನಾ ಸಂಬಂಧಿ ಕುಣಿತಗಳು | ||
| ಜಾನಪದ ಸಾಹಿತ್ಯ | ||