ಪಾರ್ಶ್ವನಾಥ ಉಪಾಧ್ಯೆ

ವಿಕಿಪೀಡಿಯ ಇಂದ
Jump to navigation Jump to search

ಪಾಶ್ವನಾಥ ಉಪಾಧ್ಯೆರವರು ಭಾರತೀಯ ಶಾಸ್ತ್ರೀಯ ನೃತ್ಯಗಾರ.[೧]

ಜನನ[ಬದಲಾಯಿಸಿ]

ಇವರು ೧೯೮೨ರ ಮಾರ್ಚ್ ೨೬ರಂದು ಬೆಳಗಾವಿಯಲ್ಲಿ ಜನಿಸಿದರು.

ನೃತ್ಯ ಜೀವನ[ಬದಲಾಯಿಸಿ]

ಇವರು ಮೈಸೂರು ಶೈಲಿಯನ್ನು ೧೫ ವರ್ಷಗಳ ಕಾಲ ಅಭ್ಯಾಸ ಮಾಡಿ, ವಿದ್ವತ್ ಮತ್ತು ಅಲಂಕಾರ್ ಪರೀಕ್ಷೆಗಳನ್ನು ಗುರು ಶ್ರೀ ರವೀಂದ್ರ ಶರ್ಮಾರವರಲ್ಲಿ ಮಾಡಿದ್ದಾರೆ. ರಂಗಪ್ರವೇಶವನ್ನು ಕೂಡಾ ೧೯೯೬ರಲ್ಲಿ ಗುರು ಶ್ರೀ ರವೀಂದ್ರ ಶರ್ಮಾರಲ್ಲಿ ಮುಗಿಸಿದ್ದಾರೆ. ಪ್ರಸ್ತುತ ತಮ್ಮ ಭರತನಾಟ್ಯ ಅಭ್ಯಾಸವನ್ನು ಗುರು ಪದ್ಮಶ್ರೀ ಪ್ರೋ. ಸುಧಾರಾಣಿ ರಘುಪತಿಯವರಲ್ಲಿ ಮುಂದುವರೆಸುತ್ತಿದ್ದಾರೆ. ೧೯೯೬ರಲ್ಲಿ ಮಂಗಳೂರಿನಲ್ಲಿ ಡಾ. ಪದ್ಮಾ ಸುಬ್ರಮಣ್ಯಮ್ ರವರು ನೆಡೆಸಿದ ಕರಣಗಳ ಕಾರ್ಯಗಾರದಲ್ಲಿ ಭಾಗವಹಿಸಿದ್ದರು. ಇವರು ಬೆಂಗಳೂರು ದೂರದರ್ಶನದ ಎ ಗ್ರೇಡ್ ನೃತ್ಯಗಾರ.ಇವರು ಉಪಾಧ್ಯೆ ಸ್ಕೂಲ್ ಆಫ್ ಡ್ಯಾನ್ಸ್ ಎಂಬ ಭರತನಾಟ್ಯ ತರಗತಿಯನ್ನು ಆರಂಭಿಸಿದ್ದಾರೆ[೨].ಇವರ ಪತ್ನಿ ಶ್ರುತಿಯವರೊಂದಿಗೆ ಸೇರಿ ಉಪಾಧ್ಯೆ ಸ್ಕೂಲ್ ಆಫ್ ಡ್ಯಾನ್ಸ್ ಮತ್ತು ಪುಣ್ಯ ಕೃಷ್ಣಾ ಡ್ಯಾನ್ಸ್ ಕಂಪನಿಯ ಅಡಿಯಲ್ಲಿ ಹಲವಾರು ನೃತ್ಯಗಳನ್ನು ರಾಷ್ಟ್ರೀಯ ಮತ್ತು ಅಂತರ್-ರಾಷ್ಟ್ರೀಯ ಮಟ್ಟದಲ್ಲಿ ಪ್ರಸ್ತುತಿ ಪಡಿಸಿದ್ದಾರೆ.

ನೃತ್ಯ ಕಾರ್ಯಕ್ರಮಗಳು[ಬದಲಾಯಿಸಿ]

*ಚೆನೈನಲ್ಲಿ ನೆಡೆದಂತಹ ನರ್ತಕ ಮತ್ತು ಪುರುಷ್ ನಲ್ಲಿ, ಮೂಡಬಿದ್ರೆಯಲ್ಲಿ ನೆಡೆದ ಆಳ್ವಸ್ ನುಡಿಸಿರಿಯಲ್ಲಿ ಮತ್ತು ಮಲೆಷ್ಯಿಯಾದಲ್ಲಿ ನೆಡೆದ ನರ್ತಕ ಕಾರ್ಯಕ್ರಮಗಳಲ್ಲಿ ಏಕ ವ್ಯಕ್ತಿ ನೃತ್ಯ ಪ್ರದರ್ಶನಗಳನ್ನು ನೀಡಿದ್ದಾರೆ.

*೨೦೧೧ರಲ್ಲಿ ಭಾರತ ಮತ್ತು ಚೀನಾದ ನಡುವೆ ನೆಡೆದ ಯುವ ವಿನಿಮಯ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಾರೆ.

ಪ್ರಶಸ್ತಿಗಳು[ಬದಲಾಯಿಸಿ]

*ಗಂಗುಬಾಯಿ ಹಾನಗಲ್ ಸಂಸ್ಥೆಯಿಂದ ನಾಟ್ಯ ಮಯೂರ ಪ್ರಶಸ್ತಿಯನ್ನು ಪಡೆದಿದ್ದಾರೆ.

*ಶ್ರವಣಬೆಳಗೊಳದ ಮಹಾಮಸ್ತಕಾಭಿಷೇಕ ಸಮಿತಿಯಿಂದ ಉತ್ತಮ ಕಲಾಕಾರ್ ಎಂಬ ಬಿರುದು.

*ಬೆಂಗಳೂರಿನ ಬೆಳ್ಳಿಗೆಜ್ಜೆಯ ವತಿಯಿಂದ ನಾಟ್ಯನಿಪುಣ ಬಿರುದನ್ನು ಪಡೆದಿದ್ದಾರೆ.

*ಕರ್ನಾಟಕದ ಜೈನ ಪರಿಷತ್ತಿನಿಂದ ಜೈನ ರಾಷ್ಟ್ರೀಯ ಗೌರವವನ್ನು ಸ್ವೀಕರಿಸಿದ್ದಾರೆ.

*ಶ್ರೀಲಂಕಾದ ಕೊಲಂಬೊದಲ್ಲಿ ಇರುವ ಅರು ಶ್ರೀ ಆಟ್ ಸೆಂಟರಿನಿಂದ ನಾಟ್ಯ ಕೀರ್ತಿ ಎಂಬ ಬಿರುದನ್ನು ಪಡೆದಿದ್ದಾರೆ.

*ರಸಿಕ ಹೃದಯ ಚೋರ ಬಿರುದನ್ನು ಚೆನೈನ ಶ್ರೀದೇವಿ ನೃತ್ಯಾಲಯದಿಂದ ಪಡೆದಿದ್ದಾರೆ.

*ಮುಂಬೈನ ಆದಿತ್ಯ ಬಿರ್ಲಾ ಸಂಸ್ಥೆಯಿಂದ ೨೦೧೮ರಲ್ಲಿ ಕಲಾ ಕಿರಣ ಪುರಸ್ಕಾರವನ್ನು ಪಡೆದಿದ್ದಾರೆ.[೩]

ಉಲ್ಲೇಖಗಳು[ಬದಲಾಯಿಸಿ]

  1. http://www.narthaki.com/info/rev12/rev1307.html
  2. http://www.parshwanathupadhye.com/upadhye-school-of-dance.php
  3. http://www.parshwanathupadhye.com/about.php