ಸಿದ್ದಾಪುರ (ಉತ್ತರ ಕನ್ನಡ)
ಸಿದ್ದಾಪುರ | |
|---|---|
 ಜೋಗ ಜಲಪಾತ | |
  ಸಿದ್ದಾಪುರ ಕರ್ನಾಟಕ, ಭಾರತ | |
| Coordinates: 14°37′10″N 74°50′07″E / 14.6195°N 74.8354°E | |
| Grid position | MK74 |
| ದೇಶ |  ಭಾರತ |
| ರಾಜ್ಯ |  ಕರ್ನಾಟಕ |
| ವಿಭಾಗ | ಕಿತ್ತೂರು ಕರ್ನಾಟಕ |
| ಪ್ರದೇಶ | ಮಲೆನಾಡು |
| ಜಿಲ್ಲೆ | ಉತ್ತರ ಕನ್ನಡ |
| Elevation | ೫೬೪ m (೧,೮೫೦ ft) |
| Population (2011) | |
| • Total | ೪೦,೦೦೦ |
| ಭಾಷೆ | |
| • ಅಧಿಕೃತ | ಕನ್ನಡ |
| ಸಮಯದ ವಲಯ | |
| ಸಮಯ ವಲಯ | ಯುಟಿಸಿ+5:30 |
| PIN | 581355 |
| ದೂರವಾಣಿ ಸಂಖ್ಯೆ | +91-8389 |
| ವಾಹನ ನೋಂದಣಿ | ಕೆಎ 31 ಸಿರ್ಸಿ |
| ಜಾಲತಾಣ | www |
ಸಿದ್ದಾಪುರವು ಕರ್ನಾಟಕ ರಾಜ್ಯದ ಉತ್ತರ ಕನ್ನಡ ಜಿಲ್ಲೆಯ ಒಂದು ಊರು ಮತ್ತು ತಾಲ್ಲೂಕು ಕೇಂದ್ರ. ಶಿವಮೊಗ್ಗ ಜಿಲ್ಲೆಯ ಸಾಗರ ಮತ್ತು ಸೊರಬ ತಾಲೂಕುಗಳೊಂದಿಗೆ ಮತ್ತು ಉತ್ತರ ಕನ್ನಡದ ಸಿರ್ಸಿ, ಹೊನ್ನಾವರ, ಕುಮಟಾ ತಾಲೂಕುಗಳೊಂದಿಗೆ ಗಡಿಯನ್ನು ಹಂಚಿಕೊಂಡಿದೆ.
ಭೌಗೋಳಿಕ ಮಾಹಿತಿ
[ಬದಲಾಯಿಸಿ]ಸಿದ್ಧಾಪುರದ ಅಕ್ಷಾಂಶ / ರೇಖಾಂಶಗಳು ೧೪.೨೦ ಡಿಗ್ರಿ ಉತ್ತರ ಮತ್ತು ೭೪.೫೩ ಡಿಗ್ರಿ ಪೂರ್ವ. ಸಮುದ್ರಮಟ್ಟದಿಂದ ಸರಾಸರಿ ಎತ್ತರ ೫೬೪ ಮೀಟರುಗಳು.
ಜನಸಂಖ್ಯೆ ಅಂಕಿಅಂಶಗಳು
[ಬದಲಾಯಿಸಿ]೨೦೦೧ರ ಜನಗಣತಿಯ ಪ್ರಕಾರ ಸಿದ್ಧಾಪುರದ ಜನಸಂಖ್ಯೆ ೧೪,೦೪೯. ಇದರಲ್ಲಿ ಪುರು಼ಷರು ೫೧% ಮತ್ತು ಸ್ತ್ರೀಯರು ೪೯% ಇದ್ದಾರೆ.ಇಲ್ಲಿಯ ಸರಾಸರಿ ಶೇಕಡಾ ಅಕ್ಷರತೆ ೭೭% ರಾಷ್ಟ್ರೀಯ ಸರಾಸರಿಗಿಂತ (೫೯.೫%) ಗಿಂತ ಹೆಚ್ಚಾಗಿದೆ. ೮೨% ಪುರುಷರೂ, ೭೨% ಸ್ತ್ರೀಯರೂ ಸಾಕ್ಷರರಾಗಿದ್ದಾರೆ. ೬ ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳು ಒಟ್ಟು ಜನಸಂಖ್ಯೆಯ ೧೧%ರಷ್ಟು ಇದ್ದಾರೆ. ಇಲ್ಲಿಯ ಮುಖ್ಯ ಭಾಷೆ ಕನ್ನಡ. ಕೊಂಕಣಿ ಮತ್ತು ಕನ್ನಡದ ಪ್ರಬೇಧಗಳಲ್ಲೊಂದಾದ ಹವ್ಯಕ ಭಾಷೆಯನ್ನಾಡುವವರೂ ಗಣನೀಯ ಸಂಖ್ಯೆಯಲ್ಲಿದ್ದಾರೆ.
ಅರ್ಥ ವ್ಯವಸ್ಥೆ ಮತ್ತು ಉದ್ಯೋಗ
[ಬದಲಾಯಿಸಿ]ಕೃಷಿ ಇಲ್ಲಿಯ ಮುಖ್ಯ ಉದ್ಯೋಗ. ಅಡಿಕೆ ಬೆಳೆಯುವಿಕೆ ಹಾಗೂ ಅದಕ್ಕೆ ಸಂಬಂಧಪಟ್ಟ ಇತರ ಕೆಲಸಗಳನ್ನು ಅವಲಂಬಿಸಿದವರ ಸಂಖ್ಯೆ ಪ್ರಧಾನವಾಗಿದೆ. ಇತರ ಬೆಳೆಗಳಾದ ಭತ್ತ, ಕಾಫಿ,ಅನಾನಸ್, ಏಲಕ್ಕಿ, ಕರಿಮೆಣಸು ಇವುಗಳನ್ನು ಬೆಳೆಯುವವರ ಸಂಖ್ಯೆಯೂ ಸಾಕಷ್ಟಿದೆ. ವೆನಿಲ್ಲಾ ಈಚೆಗೆ ಜನಪ್ರಿಯವಾದ ಒಂದು ಬೆಳೆ.
ಪ್ರವಾಸಿ ಆಕರ್ಷಣೆಗಳು
[ಬದಲಾಯಿಸಿ]ಪಶ್ಚಿಮ ಘಟ್ಟಗಳ ಸೆರಗಿನಲ್ಲಿದ್ದು ಮಲೆನಾಡಿನ ಭಾಗವಾಗಿರುವ ಸಿದ್ಧಾಪುರದ ಸುತ್ತ ಮುತ್ತ ಕಾಡುಗಳೂ, ಬೆಟ್ಟ ಗುಡ್ಡಗಳೂ ವಿಪುಲವಾಗಿದ್ದು ಚಾರಣ ಹವ್ಯಾಸಿಗಳಿಗೆ ಪ್ರಿಯವಾಗಿದೆ. ಸಮೀಪದಲ್ಲಿ ಅನೇಕ ಜಲಪಾತಗಳಿದ್ದು ಅವುಗಳಲ್ಲಿ ಕೆಲ ಪ್ರಸಿದ್ಧವಾದವುಗಳೆಂದರೆ
- ಜೋಗ ಜಲಪಾತ -ವಿಶ್ವವಿಖ್ಯಾತ ಜೋಗ ಜಲಪಾತವು ತನ್ನ ಗಡಿಭಾಗವನ್ನು ಸಿದ್ದಾಪುರ ತಾಲೂಕಿಗೆ ಹಂಚಿಕೊಂಡಿದೆ, ಇದು ಸಿದ್ಧಾಪುರದಿಂದ ೨೦ ಕಿ.ಮೀ ದೂರದಲ್ಲಿದೆ.
- ಹೊನ್ನೇಮರಡು - ೨೫ ಕಿ.ಮೀ ದೂರದಲ್ಲಿ ತಾಳಗುಪ್ಪಾದ ಸಮೀಪದಲ್ಲಿದೆ.
- ಬುರುಡೆ ಜಲಪಾತ - ೩೦ ಕಿ.ಮೀ ದೂರದಲ್ಲಿ ಕ್ಯಾದಗಿಯ ಸಮೀಪದಲ್ಲಿದೆ.
- ಉಂಚಳ್ಳಿ ಜಲಪಾತ (ಕೆಪ್ಪ ಜೋಗ) - ೨೮ ಕಿ.ಮೀ ದೂರ
- ವಾಟೆಹಳ್ಳ - ೩೪ ಕಿ.ಮೀ. ದೂರ
ಸುತ್ತಮುತ್ತಲಿನ ಧಾರ್ಮಿಕ ಸ್ಥಳಗಳು
[ಬದಲಾಯಿಸಿ]- ಶಂಕರಮಠ, ಭುವನಗಿರಿ , ಇಟಗಿ ಮತ್ತು ಚಂದ್ರಗುತ್ತಿ, ಬಿಳಗಿ,ಸೀತಾರಾಮಚಂದ್ರ ದೇವಸ್ಥಾನ ಕೊಡ್ತಗಣಿ,
ಇತರ ಗುರುತರ ಸ್ಥಳಗಳು
[ಬದಲಾಯಿಸಿ]ದೊಡ್ಮನೆ: ಕರ್ನಾಟಕದ ಮಾಜಿ ಮುಖ್ಯ ಮಂತ್ರಿಗಳಾದ ದಿ.ರಾಮಕೃಷ್ಣ ಹೆಗಡೆಯವರ ಜನ್ಮಸ್ಥಳ. ಇದು ಸಿದ್ಧಾಪುರ ತಾಲೂಕು ಕೇಂದ್ರದಿಂದ ಸುಮಾರು ೩೦ಕೀ.ಮಿ. ದೂರವಿದೆ
ಕಲೆ
[ಬದಲಾಯಿಸಿ]
ಯಕ್ಷಗಾನವು ಇಲ್ಲಿಯ ಪ್ರಮುಖ ಕಲೆಯಾಗಿದ್ದು ಜನಜೀವನದಲ್ಲಿ ಹಾಸುಹೊಕ್ಕಾಗಿದೆ.
ಶಾಲಾ ಕಾಲೇಜುಗಳು
[ಬದಲಾಯಿಸಿ]- ಮಾದರಿ ಕನ್ನಡ ಹೆಣ್ಣುಮಕ್ಕಳ ಶಾಲೆ
- ಗಂಡುಮಕ್ಕಳ ಶಾಲೆ
- ಪ್ರಶಾಂತಿ ಗುರುಕುಲ ವಿದ್ಯಾ ಕೇಂದ್ರ
- ಬಾಲಿಕೊಪ್ಪ ಸರ್ಕಾರೀ ಪ್ರಾಥಮಿಕ ಶಾಲೆ.
- ಎಸ್.ಆರ್‍.ಜಿ.ಎಚ್.ಎಮ್. ಹೆಣ್ಣುಮಕ್ಕಳ ಪ್ರೌಢಶಾಲೆ
- ಸರಕಾರಿ ಪದವಿ ಪೂರ್ವ ಕಾಲೇಜು ಸಿದ್ದಾಪುರ
- ಎಮ್.ಜಿ.ಸಿ. ಕಲಾ, ವಾಣಿಜ್ಯ ಮತ್ತು ಜಿ.ಎಚ್. ವಿಜ್ಞಾನ ಕಾಲೇಜು
- ಧನ್ವಂತರಿ ಆಯುರ್ವೇದ ವೈದ್ಯಕೀಯ ಕಾಲೇಜು
- ಸರಕಾರಿ ಪಾಲಿಟೆಕ್ನಿಕ್
- ಸರಕಾರಿ ಪದವಿ ಕಾಲೇಜು
- ಸರಕಾರಿ ಪ್ರೌಡಶಾಲೆ ಹಾಳದಕಟ್ಟಾ
- ಸಿದ್ದಿ ವಿನಾಯಕ ಪ್ರೌಡಶಾಲೆ
- ಸರಕಾರಿ ಪ್ರೌಢಶಾಲೆ ನಾಣಿಕಟ್ಟಾ
ಸಿದ್ಧಾಪುರಕ್ಕೆ ತಲುಪುವುದು ಹೇಗೆ?
[ಬದಲಾಯಿಸಿ]ಸಿದ್ಧಾಪುರ ಬೆಂಗಳೂರಿನಿಂದ ೪೦೦ ಕಿ.ಮೀ ದೂರದಲ್ಲಿದೆ. ಹತ್ತಿರದ ವಿಮಾನ ನಿಲ್ದಾಣ, ೧೩೦ ಕಿ. ಮೀ ದೂರದಲ್ಲಿರುವ ಹುಬ್ಬಳ್ಳಿ. ಸುಮಾರು ಹದಿನೈದು ಕಿ.ಮೀ ದೂರದ ತಾಳಗುಪ್ಪಾದಲ್ಲಿ ರೈಲುನಿಲ್ದಾಣವಿದೆ. ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ಬಸ್ಸುಗಳು ಬೆಂಗಳೂರಿನಿಂದ ಸಾಗರ ಮೂಲಕವಾಗಿ ಸಿದ್ಧಾಪುರಕ್ಕೆ ಪ್ರತಿ ದಿನ ಸಂಚರಿಸುತ್ತವೆ.
