ಹಳ್ಳಿಕಾರ್ (ಗೋವಿನ ತಳಿ)

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
Jump to navigation Jump to search
ಹಳ್ಳಿಕಾರ್
Hallikaru 01.JPG
ತಳಿಯ ಹೆಸರುಹಳ್ಳಿಕಾರ್
ಮೂಲಕರ್ನಾಟಕದ ಹಳೇಮೈಸೂರು ಪ್ರಾಂತ್ಯ
ವಿಭಾಗಕೆಲಸಗಾರ ತಳಿ
ಬಣ್ಣಬೂದು
ಕೊಂಬುಹಿಂದಕ್ಕೆ ಬಗ್ಗಿದಂತಿರುವ ಕೋಡುಗಳು

ಭಾರತದ ಗೋ ಪರಂಪರೆಯಲ್ಲಿ ವಿನಾಶದ ಅಂಚಿನಲ್ಲಿರುವ ತಳಿಗಳಲ್ಲಿ ಹಳ್ಳಿಕಾರ್ ಕೂಡ ಒಂದು.ಈ ತಳಿಯ ಉಪಾಸಕರು ಯದುವಂಶ ಪಂಗಡಕ್ಕೆ ಸೇರಿದ ಯದುವಂಶಿ ಹಳ್ಳಿಕಾರ ಸಮುದಾಯ. ಈ ಸಮುದಾಯದ ಹೆಸರಿನಿಂದಲೇ ಗುರುತಿಸಿಕೊಂಡ ಈ ತಳಿ ಭಾರತದ ಗೋ ತಳಿಗಳಲ್ಲಿರುವ ಮೂರು ವಿಭಾಗಗಳಲ್ಲಿ ಹಳ್ಳಿಕಾರ್‌ನ್ನು ಅಪ್ಪಟ ಕೆಲಸಗಾರ ತಳಿಯಾಗಿ ಗುರುತಿಸುತ್ತಾರೆ. ಸತತ ೨೪ ಗಂಟೆ ೧೦-೧೪ ಟನ್ ಭಾರ ಎಳೆಯಬಲ್ಲ ಅಸದೃಶ ಶಕ್ತಿ ಸಾಮರ್ಥ್ಯ, ಅದ್ಭುತ ವೇಗ ಹೊಂದಿರುವ ಅಪರೂಪದ ತಳಿ. ದಿನಕ್ಕೆ ೪೦-೫೦ ಮೈಲಿ ದೂರವನ್ನು ಯಾವ ವಿಶ್ರಾಂತಿಯ ಅಗತ್ಯವಿಲ್ಲದೆ ಕ್ರಮಿಸಬಲ್ಲ ಹಳ್ಳಿಕಾರ್ ಕರ್ನಾಟಕದ, ಅಷ್ಟೇಕೆ ಇಡೀ ಭಾರತದ ಹೆಮ್ಮೆಯ ತಳಿ. Boss Indicus ವರ್ಗಕ್ಕೆ ಸೇರುವ ಹಳ್ಳಿಕಾರು ಹೆಚ್ಚಾಗಿ ಕಂಡುಬರುವುದು ಹಳ್ಳಿಕಾರ ಸಮುದಾಯ ವಾಸಿಸುವ ಹಳ್ಳಿಕಾರ್ ಬೆಲ್ಟ್ ಎಂದೇ ಗುರುತಿಸಲ್ಪಡುವ ಮೈಸೂರು, ಮಂಡ್ಯ, ತುಮಕೂರು, ಹಾಸನ, ಬೆಂಗಳೂರು , ಚಿಕ್ಕಮಗಳೂರು ಚಿತ್ರದುರ್ಗ ಪ್ರದೇಶಗಳಲ್ಲಿ ಈ ಸಮುದಾಯದ ಜನ ಹೆಚ್ಚಾಗಿ ವಾಸಿಸುತ್ತಾ ಈ ಹಳ್ಳಿಕಾರ ತಳಿ ದನಗಳನ್ನು ಅಭಿವೃದ್ಧಿಪಡಿಸಿ ಮಹಾಭಾರತ ಯುದ್ಧ ಕಾಲದಿಂದ ಹಿಡಿದು ಹಲವಾರು ರಾಜ ಮಹಾರಾಜರ ಯುದ್ಧಗಳು ಸೇರಿದಂತೆ ಇತ್ತೀಚಿನ ಬ್ರಿಟೀಷರ ವಿರುದ್ದ ಗೆಲ್ಲಲು ಹಳ್ಳಿಕಾರ್ ದನಗಳ ಕೊಡುಗೆ ಅಪಾರ ಎನ್ನುವ ಜಾನಪದ ಕತೆಗಳು ಇಂದಿಗೂ ಗ್ರಾಮೀಣ ಭಾಗದಲ್ಲಿ ಜನಜನಿತವಾಗಿವೆ. ಹಳ್ಳಿಕಾರ್ ಧನಗಳನ್ನು ಹೊಂದಿರುವ ರೈತರು ಧನಗಳಿಗೆ ಹೆಸರು ನಾಮಕರಣ ಮಾಡಿ ಮನೆಯ ಮಗನಂತೆ ಹೆಮ್ಮೆಯಿಂದ ನೋಡಿಕೊಳ್ಳುತ್ತಾರೆ.

ಸಾಮಾನ್ಯವಾಗಿ ಇವುಗಳದ್ದು ಬೂದು ಬಣ್ಣ, ಹಿಂದಕ್ಕೆ ಬಗ್ಗಿದಂತಿರುವ ಕೋಡುಗಳು, ೧೭೦-೧೯೦ ಸೆಂಟಿಮೀಟರ್ ಎತ್ತರ ಹಾಗೂ ಅಜಮಾಸು ೪೫೦ ಕೆ.ಜಿ. ತೂಕ. ಕರಾವಿನ ಅವಧಿ ೨೫೦ರಿಂದ ೩೧೦ ದಿನಗಳು. ಅತ್ಯಂತ ಕಡಿಮೆ ಆಹಾರ ಸೇವನೆ ಇವುಗಳ ಇನ್ನೊಂದು ವೈಶಿಷ್ಟ್ಯ. ಹಿಂದಿನಿಂದಲೂ ಬೀಜದ ಹೋರಿಗಳನ್ನು ಆರಿಸಲು ಕೇವಲ ದೈಹಿಕ ಆಕಾರವೊಂದನ್ನೆ ಮಾನದಂಡವಾಗಿ ಪರಿಗಣಿಸಿದ್ದರಿಂದ ಈಗಿನ ತಳಿಗಳು ದಿನಕ್ಕೆ ಒಂದು-ಎರಡು ಲೀಟರ್ ಹಾಲು ಕೊಡುತ್ತವೆ ಅಷ್ಟೆ.

ಸಣ್ಣ- ಮಳ್ಳಿಗೆ, ಗುಜುಮಾವು ಎಂಬ ಎರಡು ಉಪತಳಿಗಳು ಇದ್ದವು ಎನ್ನುತ್ತಾರಾದರೂ ಸಾಕಷ್ಟು ಮಾಹಿತಿ ಲಭ್ಯವಿಲ್ಲ. ಭಾರತೀಯ ಅಂಚೆ ಇಲಾಖೆ ಹಳ್ಳಿಕಾರ್ ಮೇಲೆ ವಿಶೇಷ ಅಂಚೆಚೀಟಿ ಬಿಡುಗಡೆ ಮಾಡಿದೆ. ಈ ತಳಿಗಳ ಅಭಿವೃದ್ದಿಗಾಗಿ ಕರ್ನಾಟಕ ಸರ್ಕಾರ ಸೇರಿದಂತೆ ಕೆಲ ಸಂಘ ಸಂಸ್ಥೆಗಳು ಕ್ರಮ ಕೈಗೊಂಡಿವೆಯಾದರೂ ಇವುಗಳ ಸಂಖ್ಯೆ ದಿನ ದಿನಕ್ಕೂ ಕ್ಷೀಣಿಸುತ್ತಲೇ ಸಾಗಿದೆ. ಇರುವ ಗೋವುಗಳು ಕೂಡ ಕೇವಲ ಶೇಕಡ ೬೦-೭೦ ತಳಿಶುದ್ಧತೆ ಹೊಂದಿವೆ.

ಚಿತ್ರಗಳು[ಬದಲಾಯಿಸಿ]

ಆಧಾರ/ಆಕರ[ಬದಲಾಯಿಸಿ]

'ಗೋವಿಶ್ವಲೋಕ' ಜಾಲತಾಣದ 'ಗೋವಿಶ್ವ' ಇ-ಪತ್ರಿಕೆ Archived 2018-11-24 at the Wayback Machine.

ರಾವ್, ಸಿ. ಹಯವದನ (1927). ಮೈಸೂರು ಗೆಜೆಟಿಯರ್ . 1 . ಬೆಂಗಳೂರು: ಸರ್ಕಾರಿ ಮುದ್ರಣಾಲಯ. ಪ. 246.:”ಹಳ್ಳಿಕಾರ ವೊಕ್ಕಲಿಗರು.-ಇದು ಮುಖ್ಯವಾಗಿ ಜಾನುವಾರು ಸಾಕಣೆಯಲ್ಲಿ ತೊಡಗಿರುವ ವಿಭಾಗ. ದೂರದ ಪ್ರಸಿದ್ಧ ಅಮೃತ್ ಮಹಲ್ ಜಾನುವಾರುಗಳಲ್ಲಿ ಆ ಹೆಸರಿನ ತಳಿಯು ಅತ್ಯುತ್ತಮವಾಗಿದೆ.

"ಹಳ್ಳಿಕರ್ - ವಿಶ್ವಗೌ" . ಲೇಖನದಿಂದ ದಾಖಲೆ ಮೂಲ ಮಾರ್ಚ್ 12 2008 ರಂದು. "ಕ್ಯಾಟಲ್ ಥ್ರೂಟ್ ಹಿಸ್ಟರಿ" . ವಾಷಿಂಗ್ಟನ್‌ನ ಡೈರಿ ರೈತರು. ಲೇಖನದಿಂದ ದಾಖಲೆ ಮೂಲ ಮೇ 27 2005 ರಂದು . 11 ಡಿಸೆಂಬರ್ 2009 ರಂದು ಮರುಸಂಪಾದಿಸಲಾಗಿದೆ . "ಕರ್ನಾಟಕದ ಪ್ರಮುಖ ತಳಿಗಳು - ಹಳ್ಳಿಕಾರ್" . AH & VS ಇಲಾಖೆ, ಕರ್ನಾಟಕ. ಲೇಖನದಿಂದ ದಾಖಲೆ ಮೂಲ 18 ಮೇ 2015 ರಂದು . 13 ಮೇ 2015 ರಂದು ಮರುಸಂಪಾದಿಸಲಾಗಿದೆ .

ಭಾರತದ ಸ್ಥಳೀಯ ಹಸುಗಳ ಪ್ರಭೇದಗಳು - ಹಳ್ಳಿಕಾರ್

"ಜಾನುವಾರುಗಳ ತಳಿಗಳು - ಅಮೃತ್ ಮಹಲ್ ಕ್ಯಾಟಲ್" . Ansi.okstate.edu. ಲೇಖನದಿಂದ ದಾಖಲೆ ಮೂಲ 5 ಜೂನ್ 2010 ರಂದು . 11 ಡಿಸೆಂಬರ್ 2009 ರಂದು ಮರುಸಂಪಾದಿಸಲಾಗಿದೆ . "ಇಂಡಿಯನ್ ಪೋಸ್ಟ್ ಸ್ಟ್ಯಾಂಪ್ ಕ್ಯಾಟಲಾಗ್ 1947 - 2011 - ಹಳ್ಳಿಕಾರ್" (PDF) . 17 ಜನವರಿ 2013 ರಂದು ಮೂಲದಿಂದ (PDF) ಆರ್ಕೈವ್ ಮಾಡಲಾಗಿದೆ . 12 ಮೇ 2015 ರಂದು ಮರುಸಂಪಾದಿಸಲಾಗಿದೆ .