ಖೇರಿಗರ್ (ಗೋವಿನ ತಳಿ)

ವಿಕಿಪೀಡಿಯ ಇಂದ
Jump to navigation Jump to search
ಖೇರಿಗರ್
Kerigar 02.JPG
ತಳಿಯ ಹೆಸರುಖೇರಿಗರ್
ಮೂಲಉತ್ತರ ಪ್ರದೇಶ ರಾಜ್ಯದ ಲಕೀಂಪುರ ಜಿಲ್ಲೆಯ ಖೇರಿ
ವಿಭಾಗಕೆಲಸಗಾರ ತಳಿ
ಬಣ್ಣಬಿಳಿ
ಮುಖನೀಳ ಮುಖ, ಕಪ್ಪು ಕಣ್ಣು, ಕಪ್ಪು ಮೂತಿ
ಕೊಂಬುಸಣ್ಣ,
ಕಾಲುಗಳುಶಕ್ತಿಯುತ
ಕಿವಿಕೆಳಬಾಗಿದ ಕಿವಿ

ಖೇರಿಗರ್ ಮಧ್ಯಮಗಾತ್ರ ಅಥವಾ ಪುಟ್ಟಗಾತ್ರ ಗೋವು. ಆಕಳಿನ ಮೂಲ ಉತ್ತರಪ್ರದೇಶದ ಲಕೀಂಪುರ ಜಿಲ್ಲೆಯ ಖೇರಿ. ಖೇರಿ ಮೂಲ ಎಂದಿದ್ದರೂ, ಭಾರತ-ಟಿಬೇಟ್ ಗಡಿಯಗುಂಟ ಇರುವ ಬೆಟ್ಟಪ್ರದೇಶಗಳವರೆಗೂ ಇವುಗಳನ್ನು ಕಾಣಬಹುದು. ಕಡಿಮೆ ಆಹಾರ ಸೇವನೆ ಹಾಗೂ ಹೆಚ್ಚಿನ ಕೆಲಸದ ಸಾಮರ್ಥ್ಯ ಹೊಂದಿವೆ.[೧][೨] ಅದಕ್ಕಾಗಿಯೇ ಉತ್ತರ ಪ್ರದೇಶದ ಬುಡಕಟ್ಟು ಪ್ರದೇಶಗಳು ಸೇರಿದಂತೆ ಸಾರಿಗೆ ವ್ಯವಸ್ಥೆಗಳಿಲ್ಲದಿದ್ದಲ್ಲಿ ಮುಖ್ಯ ಸಾರಿಗೆ ಖೇರಿಗರ್. ಖೇರಿಗರ್ ಗಳದ್ದು ಶುದ್ಧ ಬಿಳಿಯ ಬಣ್ಣ, ಮುಖ, ಬಾಲದ ಕುಚ್ಚು ಮಾತ್ರ ಕಡುಗಪ್ಪು;. ಸ್ವಲ್ಪ ಮಾಳ್ವಿ ತಳಿಯನ್ನು ಹೋಲುತ್ತವಾದರೂ ಒಂದೆರಡು ಬಾರಿ ನೋಡಿದರೆ ಗುರುತಿಸಬಹುದಾದಷ್ಟು ವ್ಯತ್ಯಾಸಗಳಿವೆ. ಕರಾವು ಸ್ವಲ್ಪ ಕಡಿಮೆ; ದಿನಕ್ಕೆ ೩-೪ ಲೀಟರುಗಳು. ಖೇರಿಗರ್ ತಳಿಯ ಹೋರಿಗಳು ೪ ವರ್ಷಕ್ಕೇ ದುಡಿಯಲು ಸಮರ್ಥವಾಗಿ ಬಿಡುತ್ತವೆ. ಒಂದು ಜೊತೆ ಎತ್ತುಗಳು ಸಲೀಸಾಗಿ ಒಂದುವರೆ ಟನ್‌ಗಳಷ್ಟು ಭಾರವನ್ನು ೩೦-೩೫ ಮೈಲಿಗಳಷ್ಟು ದೂರವನ್ನು ಘಂಟೆಗೆ ೪ ಮೈಲಿಯಂತೆ ಎಳೆಯಬಲ್ಲವು.

ಚಿತ್ರಗಳು[ಬದಲಾಯಿಸಿ]

ಆಧಾರ/ಆಕರ[ಬದಲಾಯಿಸಿ]

  1. "Kherigarh cattle" (PDF). Uttar Pradesh State Biodiversity Board.
  2. Pandey, AK; Sharma, R; Singh, Y; Prakash, BB; Ahlawat, SP. "Genetic diversity studies of Kherigarh cattle based on microsatellite markers". J Genet. 85: 117–22. doi:10.1007/bf02729017. PMID 17072080.