ಸಿ.ಬಿ.ಐ. ಶಂಕರ್

ಸಿ.ಬಿ.ಐ.ಶಂಕರ್
ಚಿತ್ರದ ಪೋಸ್ಟರ್
Directed by	ಪಿ.ನಂಜುಂಡಪ್ಪ
Screenplay by	ಕೆ.ವಿ.ರಾಜು
Story by	ಕೆ.ವಿ.ರಾಜು, ಪಿ.ನಂಜುಂಡಪ್ಪ
Produced by	ಕೃಷ್ಣ ರಾಜು
Starring	ಶಂಕರ್ ನಾಗ್
Cinematography	ಮಲ್ಲಿಕಾರ್ಜುನ್
Edited by	ಕೆ.ಬಾಲು
Music by	ಹಂಸಲೇಖ
Production company	ಸ್ವರ್ಣಗಿರಿ ಫಿಲ್ಮ್ಸ್
Distributed by	ಕೆ.ಎಸ್.ಎಸ್. ಕಂಬೈನ್ಸ್
Release date	೨೮ ಜೂನ್ ೧೯೮೯
Running time	೧೩೪ ನಿಮಿಷಗಳು
Country	ಭಾರತ
Language	ಕನ್ನಡ

ಸಿ.ಬಿ.ಐ.ಶಂಕರ್ ೧೯೮೯ ರ, ಭಾರತೀಯ ಕನ್ನಡ ಭಾಷೆಯ ಪಿ.ನಂಜುಂಡಪ್ಪರವರು ನಿರ್ದೇಶಿಸಿದ ಚಲನಚಿತ್ರವಾಗಿದೆ. ಸ್ಥಳೀಯ ಪೊಲೀಸರು ಮುಚ್ಚಿದ ಕೊಲೆ ಪ್ರಕರಣದ ತನಿಖೆ ನಡೆಸುವ ಸಿಬಿಐ ಅಧಿಕಾರಿ ಶಂಕರ್ ಪಾತ್ರದಲ್ಲಿ ಶಂಕರ್ ನಾಗ್‌ರವರು ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಪೋಷಕ ಪಾತ್ರಗಳಲ್ಲಿ ದೇವರಾಜ್, ದೊಡ್ಡಣ್ಣ, ವಜ್ರಮುನಿ, ಸುಮನ್ ರಂಗನಾಥ್ ಮತ್ತು ಶಶಿಕುಮಾರ್ ಇದ್ದಾರೆ. ಈ ಚಿತ್ರವು ಬ್ಲಾಕ್‌ಬಸ್ಟರ್ ಆಗಿದ್ದು, ಶಂಕರ್ ನಾಗ್ ಅವರನ್ನು ಕನ್ನಡ ಚಿತ್ರರಂಗದಲ್ಲಿ ಪ್ರಮುಖ ನಟನಾಗಿ ಗುರುತಿಸಿತು.

ಕಥಾವಸ್ತು

ಸಬ್ ಇನ್ಸ್‌ಪೆಕ್ಟರ್ ಆಗಿದ್ದ ಗಾಳಪ್ಪ ದೊಡ್ಡಮನಿ ಅವರು ಸಿಬಿಐ ಶಂಕರ್ ಚಿತ್ರದ ಚಿತ್ರೀಕರಣದ ಸ್ಥಳದಲ್ಲಿ ಕಾಡಿನಲ್ಲಿ ನಡೆಯುತ್ತಿದ್ದ ಸತ್ಯ ಪಾತ್ರದ ಚಿತ್ರೀಕರಣದ ವೇಳೆಯಲ್ಲಿ ಎಡವಿ ಬೀಳುತ್ತಾರೆ. ಚಿತ್ರೀಕರಣದಲ್ಲಿ ಸ್ಥಳೀಯ ಜಿಲ್ಲಾ ಪರಿಷತ್ ಅಧ್ಯಕ್ಷರಾದ ನಾರಾಯಣ ಗೌಡ (ವಜ್ರಮುನಿ) ಉದ್ಯಮಿ ಅಮರ್ (ದೇವರಾಜ್) ಅವರೊಂದಿಗೆ ಸ್ಥಳಕ್ಕೆ ತಲುಪಿ ಚಿತ್ರೀಕರಣವನ್ನು ಮುಂದುವರಿಸಲು ಸಿಬ್ಬಂದಿಗೆ ಅನುಮತಿ ನೀಡುತ್ತಾರೆ. ಚಲನಚಿತ್ರ ನಿರ್ಮಾಪಕರು ಆಯೋಜಿಸಿದ್ದ ಪಾರ್ಟಿಯಲ್ಲಿ ಚಿತ್ರದ ಮಹಿಳಾ ನಾಯಕಿ ತಾರಾ ಅವರೊಂದಿಗೆ ಗೌಡರು ಅನುಚಿತವಾಗಿ ವರ್ತಿಸಿದ ನಂತರ, ಅವರು ಪಾರ್ಟಿಯಿಂದ ಹೊರನಡೆದು ಚಿತ್ರದಿಂದ ಹೊರನಡೆಯುತ್ತಾರೆ. ಚಿತ್ರದ ನಿರ್ದೇಶಕರೂ ಆಗಿರುವ ಸತ್ಯ, ಅಮರ್ ಸಹೋದರಿ ಆಶಾಳನ್ನು (ಸುಮನ್ ರಂಗನಾಥನ್) ಅವರ ಸ್ಥಾನಕ್ಕೆ ಒತ್ತಾಯಿಸುತ್ತಾನೆ. ಇದಕ್ಕೆ ಮುಂಚೆ ಹಿಂಜರಿದ ಆಶಾ ಪಾತ್ರದಾರಿ ತನ್ನ ಸಹೋದರ ಅಮರ್ ಅನುಪಸ್ಥಿತಿಯಲ್ಲಿ ಒಪ್ಪುತ್ತಾಳೆ.

ಮನೆಯಿಂದ ದೂರದಲ್ಲಿರುವ ಅಮರ್ ರಾಧಾಳ ಸಹಾಯದಿಂದ ಏಜೆನ್ಸಿಯೊಂದಿಗೆ ವ್ಯವಹಾರ ಒಪ್ಪಂದವನ್ನು ಮಾಡಿಕೊಳ್ಳುತ್ತಾರೆ. ನಂತರ, ರಾಧಾ ಪ್ರೀತಿಯಲ್ಲಿ ಬೀಳುತ್ತಾಳೆ. ಸಿಬಿಐ ಶಂಕರ್ ಜೊತೆ ಚಿತ್ರೀಕರಣ ಮಾಡುತ್ತಿರುವ ಆಶಾ, ಚಿತ್ರದಲ್ಲಿ ಒಂದು ದೃಶ್ಯವನ್ನು ನಿರ್ವಹಿಸುವಾಗ, ರಕ್ತದ ಕಲೆಯ ಬಟ್ಟೆಗಳನ್ನು ನೋಡಿ ಪ್ರಜ್ಞೆ ತಪ್ಪಿ ಬೀಳುತ್ತಾಳೆ ಮತ್ತು ಚಿತ್ರದಿಂದ ಹಿಂದೆ ಸರಿಯುತ್ತಾಳೆ. ಸತ್ಯ ಅವರನ್ನು ಓಲೈಸುತ್ತ, ಅವಳ ನಿರ್ಧಾರವನ್ನು ರದ್ದುಗೊಳಿಸುವಂತೆ ಮನವೊಲಿಸಿ ಯಶಸ್ವಿಯಾಗುತ್ತಾನೆ. ಮನೆಗೆ ಹಿಂದಿರುಗಿದ ಅಮರ್, ಆಶಾಳ ನಟನೆಯನ್ನು ಕಂಡು ಕೋಪಗೊಂಡು ಸತ್ಯನನ್ನು ಎದುರಿಸುತ್ತಾನೆ. ಆಶಾಳನ್ನು ಚಿತ್ರದಲ್ಲಿ ನಟಿಸುವಂತೆ ಒತ್ತಾಯಿಸಿದ ಕಾರಣಕ್ಕಾಗಿ ಸತ್ಯನನ್ನು ಬಂಧಿಸಲು ಅವನು ಪೊಲೀಸರನ್ನು ಚಿತ್ರೀಕರಣದ ಸ್ಥಳಕ್ಕೆ ಕರೆದೊಯ್ಯುತ್ತಾನೆ. ಸತ್ಯ ನಂತರ ಸಿಬಿಐ ಅಧಿಕಾರಿಯಾದ ಶಂಕರ್‌ನ ನೈಜ ಗುರುತನ್ನು ಬಹಿರಂಗಪಡಿಸುತ್ತಾನೆ ಹಾಗೂ ತನ್ನ ತಂಡದೊಂದಿಗೆ ಸಂತೋಷ್ (ಶಶಿಕುಮಾರ್) ಕೊಲೆ ಪ್ರಕರಣವನ್ನು ಬಯಲಿಗೆಳೆಯಲು ಪಟ್ಟಣಕ್ಕೆ ಬರುತಾನೆ. ಇದನ್ನು ಮೊದಲು ಸ್ಥಳೀಯ ಪೊಲೀಸರು ಆತ್ಮಹತ್ಯೆ ಎಂದು ಕರೆದು ಮುಚ್ಚಿ ಹಾಕಿದ್ದರು.

ತನಿಖೆಯ ಭಾಗವಾಗಿ ಸಂಭಾವ್ಯ ಶಂಕಿತರು ಶಂಕರ್‌ಗೆ ವಿವರಿಸಿದ ಫ್ಲ್ಯಾಶ್‌ಬ್ಯಾಕ್ ಸರಣಿಯಲ್ಲಿ, ಸಂತೋಷ್ ಸ್ಥಳೀಯ ಜಿಲ್ಲಾ ಪರಿಷತ್ ಚುನಾವಣೆಯಲ್ಲಿ ಸ್ಪರ್ಧಿಸಲು ರಾಜಕೀಯ ಪಕ್ಷದಿಂದ ಟಿಕೆಟ್ ನೀಡಿದ ನೃತ್ಯಗಾರ ಎಂದು ಕಂಡುಬರುತ್ತದೆ. ಅವನ ಗೆಲುವಿನ ಮುನ್ಸೂಚನೆಯಿಂದ, ಗೌಡರ ನೇತೃತ್ವದ ವಿರೋಧ ಪಕ್ಷದ ರಾಜಕೀಯ ಪಕ್ಷವು ಅವರ ಹಿಂಪಡೆಯುವಿಕೆಗೆ ಪ್ರತಿಯಾಗಿ ಹಣವನ್ನು ನೀಡಲು ಯೋಜಿಸಿತು. ಹಿಂಜರಿಯುವ ಸಿದ್ಧವಿಲ್ಲದ ಗೌಡರು ಬುಲೆಟ್ ಬಸ್ಯಾ (ಸುಧೀರ್) ಗೆ "ಸಂತೋಷ್ ಜೊತೆ ವ್ಯವಹರಿಸು" ಎಂದು ಹೇಳುತ್ತಾರೆ. ಬಸ್ಯಾ ಅವನನ್ನು ಹಿಂದಿನಿಂದ ಹಿಡಿದು ಮುಷ್ಟಿ ಜಗಳದಲ್ಲಿ ತೊಡಗಿಸುತ್ತಾನೆ ಮತ್ತು ಆಘಾತಕಾರಿಯಾಗಿ ಅಮರ್ ಸಂತೋಷ್‌ನನ್ನು ಹಿಂದಿನಿಂದ ಇರಿದು ಕೊಲ್ಲಲು ಸಿದ್ಧನಾಗುತ್ತಾನೆ. ಅಮರ್‌ನ ಸಹೋದರಿಯನ್ನು ಹಿಂಬಾಲಿಸಿದ ಕಾರಣಕ್ಕಾಗಿ ಸಂತೋಷ್‌ನನ್ನು ಕೊಂದವನು ಅಮರ್ ಎಂದು ಬಸ್ಯಾ ಶಂಕರ್‌ಗೆ ಬಹಿರಂಗಪಡಿಸುತ್ತಾನೆ. ಸಿಬಿಐ ತಂಡವು ನವವಿವಾಹಿತ ಅಮರ್‌ನನ್ನು ಬಂಧಿಸಲು ಮುಂದುವರಿಯುತ್ತದೆ. ಆದರೆ, ವ್ಯವಹಾರ ಸಂಬಂಧಿತ ವಿವಾದದಿಂದಾಗಿ ಅವನನ್ನು ಕೊಲೆ ಮಾಡಿದ ಅಮರ್‌ನಿಂದ ತನ್ನ ಮಾಜಿ ಪತಿಯ ಕೊಲೆಗೆ ಪ್ರತೀಕಾರ ತೀರಿಸಿಕೊಳ್ಳಲು ಅವನ ಪತ್ನಿಯಾದ ರಾಧಾ ಚಾಕುವಿನಿಂದ ಇರಿದಿದ್ದಾಳೆ ಎಂದು ಬಹಿರಂಗಪಡಿಸುತ್ತಾಳೆ. ಹೀಗಾಗಿ ಗಾಯಗೊಳ್ಳದ ಅಮರ್ ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾಗುತ್ತಾನೆ. ಅವನನ್ನು ಶಂಕರ್ ಹಿಂಬಾಲಿಸಿ ಪೊಲೀಸರಿಗೆ ಒಪ್ಪಿಸುತ್ತಾನೆ.

ಪಾತ್ರವರ್ಗ

• ಸತ್ಯ/ ಶಂಕರ್ - ಶಂಕರ್ ನಾಗ್
• ಆಶಾ ಪಾತ್ರದಲ್ಲಿ - ಸುಮನ್ ರಂಗನಾಥ್
• ಸಂತೋಷ್ ಪಾತ್ರದಲ್ಲಿ - ಶಶಿಕುಮಾರ್
• ನಾರಾಯಣ ಗೌಡ ಪಾತ್ರದಲ್ಲಿ - ವಜ್ರಮುನಿ
• ಅಮರ್ ಪಾತ್ರದಲ್ಲಿ - ದೇವರಾಜ್
• ಸಬ್ ಇನ್ಸ್ಪೆಕ್ಟರ್ ಗಾಳಪ್ಪ ದೊಡ್ಡಮನಿ ಪಾತ್ರದಲ್ಲಿ - ದೊಡ್ಡಣ್ಣ
• ವಿಕ್ರಮ್ ಪಾತ್ರದಲ್ಲಿ - ಅವಿನಾಶ್
• ಬುಲೆಟ್ ಬಸ್ಯಾ ಪಾತ್ರದಲ್ಲಿ - ಸುಧೀರ್
• ಲೋಹಿತಾಶ್ವ
• ಸುಬ್ರಮಣ್ಯ ಪಾತ್ರದಲ್ಲಿ - ದಿನೇಶ್
• ಕೆ.ವಿ.ಮಂಜಯ್ಯ
• ಸೀನಪ್ಪ ಪಾತ್ರದಲ್ಲಿ - ಕುಣಿಗಲ್ ನಾಗಭೂಷಣ್
• ಅತಿಥಿ ಪಾತ್ರದಲ್ಲಿ - ತಾರ
• ರಾಕ್‌ಲೈನ್ ವೆಂಕಟೇಶ್ (ಕ್ರೆಡಿಟ್ ರಹಿತ)

ಧ್ವನಿಪಥ

ಹಂಸಲೇಖ ಅವರು ಚಿತ್ರಕ್ಕೆ ಹಿನ್ನೆಲೆ ಸಂಗೀತ ಹಾಗೂ ಧ್ವನಿಪಥವನ್ನು ಸಂಯೋಜಿಸಿದ್ದಾರೆ. ಧ್ವನಿಪಥದ ಆಲ್ಬಂ ಐದು ಟ್ರ್ಯಾಕ್‌ಗಳನ್ನು ಒಳಗೊಂಡಿದೆ.

ಟ್ರ್ಯಾಕ್ ಪಟ್ಟಿ
ಸಂ.	ಹಾಡು	ಸಾಹಿತ್ಯ	ಗಾಯಕರು	ಸಮಯ
1.	"ಇದು ಮಾಯಾಬಜಾರು"	ಹಂಸಲೇಖ	ಎಸ್.ಪಿ.ಬಾಲಸುಬ್ರಹ್ಮಣ್ಯಂ, ಕೆ.ಎಸ್. ಚಿತ್ರಾ	೪:೩೭
2.	"ಕಾಡ ನೋಡ ಹೋದೆ"	ಹಂಸಲೇಖ	ಎಸ್.ಪಿ.ಬಾಲಸುಬ್ರಹ್ಮಣ್ಯಂ, ಕೆ.ಎಸ್. ಚಿತ್ರಾ	೪:೧೮
3.	"ಗೀತಾಂಜಲಿ ಪುಷ್ಪಾಂಜಲಿ"	ಹಂಸಲೇಖ	ಎಸ್.ಪಿ.ಬಾಲಸುಬ್ರಹ್ಮಣ್ಯಂ, ಕೆ.ಎಸ್. ಚಿತ್ರಾ	೪:೩೧
4.	"ವೋಟ್ ಫಾರ್ ವೋಟ್ ಫಾರ್"	ಹಂಸಲೇಖ	ಎಸ್.ಪಿ.ಬಾಲಸುಬ್ರಹ್ಮಣ್ಯಂ, ಮಂಜುಳಾ ಗುರುರಾಜ್	೪:೩೧
5.	"ಏಕ್ ದೋ ತೀನ್ ಚಾರ್"	ಹಂಸಲೇಖ	ಲತಾ ಹಂಸಲೇಖ	೪:೪೩
ಒಟ್ಟು ಸಮಯ:				೨೨:೪೦

ಬಾಹ್ಯ ಕೊಂಡಿ

• ಸಿ.ಬಿ.ಐ. ಶಂಕರ್ @ ಐ ಎಮ್ ಡಿ ಬಿ