ಡಿ. ಸತ್ಯ ಪ್ರಕಾಶ್

ಡಿ. ಸತ್ಯ ಪ್ರಕಾಶ್
೨೦೧೭ರಲ್ಲಿ ಸತ್ಯ ಪ್ರಕಾಶ್
Born	ದತ್ತಾತ್ರೇಯ ಸತ್ಯ ಪ್ರಕಾಶ್ ಕಡೂರು, ಚಿಕ್ಕಮಗಳೂರು, ಕರ್ನಾಟಕ, ಭಾರತ
Nationality	ಭಾರತೀಯ
Occupations	ಬರಹಗಾರ ನಿರ್ದೇಶಕ ನಿರ್ಮಾಪಕ ವಿತರಕ
Years active	2007–ಪ್ರಸ್ತುತ
Website	ಸತ್ಯ ಪಿಕ್ಚರ್ಸ್

ಡಿ. ಸತ್ಯ ಪ್ರಕಾಶ್ ಕನ್ನಡ ಚಿತ್ರರಂಗದಲ್ಲಿ ಒಬ್ಬ ಭಾರತೀಯ ಚಲನಚಿತ್ರ ನಿರ್ದೇಶಕ, ನಿರ್ಮಾಪಕ. ಇವರ ಚಿತ್ರಗಳು ಸಾಮಾನ್ಯವಾಗಿ ಸಾಮಾಜಿಕ ಸಮಸ್ಯೆಗಳು ಮತ್ತು ಮಾನವ ಸಂಬಂಧಗಳ ಬಗ್ಗೆ ಇರುತ್ತವೆ. ಅವರ ಚೊಚ್ಚಲ ಚಿತ್ರ ರಾಮಾ ರಾಮಾ ರೇ... (2016), ಇದರ ನಂತರ ಒಂದಲ್ಲಾ ಎರಡಲ್ಲಾ (2018) ಮತ್ತು ಇತ್ತೀಚಿನ ಚಲನಚಿತ್ರ ಮ್ಯಾನ್ ಆಫ್ ದಿ ಮ್ಯಾಚ್ (2022). ಚಲನಚಿತ್ರಗಳನ್ನು ಮಾಡುವ ಮೊದಲು, ಪ್ರಕಾಶ್ ಅವರು ಜಯನಗರ 4 ನೇ ಬ್ಲಾಕ್ ಎಂಬ ಕಿರುಚಿತ್ರವನ್ನು ನಿರ್ದೇಶಿಸಿದ್ದರು.

ರಾಮಾ ರಾಮಾ ರೇ... ಗಾಗಿ, ಪ್ರಕಾಶ್ ಚೊಚ್ಚಲ ನಿರ್ದೇಶಕರ ಅತ್ಯುತ್ತಮ ಚಲನಚಿತ್ರಕ್ಕಾಗಿ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿಯನ್ನು ಪಡೆದರು. ಒಂದಲ್ಲಾ ಎರಡಲ್ಲಾ ಚಿತ್ರವು 66 ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳಲ್ಲಿ ರಾಷ್ಟ್ರೀಯ ಏಕೀಕರಣದ ಅತ್ಯುತ್ತಮ ಚಲನಚಿತ್ರಕ್ಕಾಗಿ ನರ್ಗೀಸ್ ದತ್ ಪ್ರಶಸ್ತಿ ಸೇರಿದಂತೆ ಎರಡು ಪ್ರಶಸ್ತಿಗಳನ್ನು ಗೆದ್ದುಕೊಂಡಿತು.

ಪ್ರಕಾಶ್ ಅವರನ್ನು 2020 ರಲ್ಲಿ ಡೆಕ್ಕನ್ ಹೆರಾಲ್ಡ್ ಅವರು "ಇಂದಿನ ಕನ್ನಡದ ಪ್ರಮುಖ ಚಲನಚಿತ್ರ ನಿರ್ಮಾಪಕ"ರಲ್ಲಿ ಒಬ್ಬರಾಗಿ ಆಯ್ಕೆ ಮಾಡಿದರು, .

ಆರಂಭಿಕ ಜೀವನ ಮತ್ತು ಶಿಕ್ಷಣ

ಡಿ ಸತ್ಯ ಪ್ರಕಾಶ್ ಅವರು ಕರ್ನಾಟಕದ ಚಿಕ್ಕಮಗಳೂರು ಜಿಲ್ಲೆಯ ಕಡೂರು ಎಂಬಲ್ಲಿ ಉದ್ಯಮಿ ಕೆ ಸಿ ದತ್ತಾತಾರಿ ಮತ್ತು ಗೃಹಿಣಿ ಗೀತಾ ದಂಪತಿಗೆ ಜನಿಸಿದರು. ಕಡೂರು, ಹಾಸನ, ಮತ್ತು ಬೆಂಗಳೂರಿನಲ್ಲಿ ಶಾಲಾ ಶಿಕ್ಷಣ ಮುಗಿಸಿದರು .

ಶಿವಮೊಗ್ಗದ ಡಿವಿಎಸ್ ಪಾಲಿಟೆಕ್ನಿಕ್ ಕಾಲೇಜಿನಲ್ಲಿ ಕಂಪ್ಯೂಟರ್ ಸೈನ್ಸ್‌ನಲ್ಲಿ ಡಿಪ್ಲೊಮಾ ಮುಗಿಸಿದ ನಂತರ. ಕ್ರಿಕೆಟ್‌ನಲ್ಲಿ ಆಸಕ್ತಿ ಬೆಳೆಸಿಕೊಳ್ಳಲು ಬೆಂಗಳೂರಿಗೆ ತೆರಳಿದರು. ಅವರು ಲೀಗ್ ಹಂತದ ಪಂದ್ಯಗಳು ಮತ್ತು ಕ್ರೀಡಾಕೂಟಗಳ ಭಾಗವಾಗಿದ್ದರು.

ವೃತ್ತಿ

ಪ್ರಕಾಶ್ ಅವರು ಟಿ ಎಸ್ ನಾಗಾಭರಣ ಅವರೊಂದಿಗೆ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದರು, ಡಾ.ವಿಷ್ಣುವರ್ಧನ್ ಅಭಿನಯದ ನಮ್ ಯಜಮಾನ್ರು, ಮತ್ತು ಕಂಸಾಳೆ ಕೈಸಾಲೆಯಂತಹ ಚಿತ್ರಗಳಿಗೆ ಸಹಾಯ ಮಾಡಿದರು . ಅವರ ಐದು ವರ್ಷಗಳ ಇಂಟರ್ನ್‌ಶಿಪ್‌ನಲ್ಲಿ ಅವರು ಸಾಹಿತ್ಯವನ್ನು ಬರೆಯಲು ಸಂಗೀತ ನಿರ್ದೇಶಕರಾದ ವಿ. ಮನೋಹರ್ ಅವರೊಂದಿಗೆ ಕೆಲಸ ಮಾಡಿದರು ಮತ್ತು ವಿವಿಧ ಸ್ಕ್ರಿಪ್ಟ್‌ಗಳಿಗೆ ಸಂಭಾಷಣೆ ಬರೆಯುವಲ್ಲಿಯೂ ತೊಡಗಿಸಿಕೊಂಡಿದ್ದರು.

ಜಯನಗರ 4ನೇ ಬ್ಲಾಕ್

ಜಯನಗರ 4ನೇ ಬ್ಲಾಕ್ ಒಬ್ಬ ನಟ, ಹೂಗಾರ ಮತ್ತು ನಿವೃತ್ತ ಶಾಲಾ ಶಿಕ್ಷಕರ ನಡುವಿನ ಸ್ನೇಹದ ಸುತ್ತ ಸುತ್ತುವ ಕಥೆ. ಇದು ಅಪರಿಚಿತರ ನಡುವಿನ ಸಂಬಂಧಗಳ ಸೌಂದರ್ಯವನ್ನು ಮತ್ತು ಜಯನಗರ 4 ನೇ ಬ್ಲಾಕ್ ಎಂಬ ನಿರ್ಜೀವ ಸ್ಥಳದಲ್ಲಿ ಸಂತೋಷವನ್ನು ಮರುಶೋಧಿಸುವ ಅವರ ಪ್ರಯಾಣವನ್ನು ಪರಿಶೋಧಿಸುತ್ತದೆ. ಇದೊಂದು ಪ್ರಯೋಗಾತ್ಮಕ ಚಿತ್ರವಾಗಿದ್ದು, ತಪ್ಪಾಗಿ ಅರ್ಥೈಸಿಕೊಂಡಿರುವ ಸಮಾಜದಲ್ಲಿ ಶುದ್ಧ ಉದ್ದೇಶಗಳ ಅಸ್ತಿತ್ವವನ್ನು ಎತ್ತಿ ತೋರಿಸುತ್ತದೆ. ಚಿತ್ರಕಥೆಯನ್ನು ನಾಯಕ ನಟ ಧನಂಜಯ ಬರೆದಿದ್ದಾರೆ; ಪ್ರಕಾಶ್ ಅವರ ಚಿತ್ರಕಥೆ ಮತ್ತು ನಿರ್ದೇಶನವಿದೆ. ಚಲನಚಿತ್ರವು ಯೂಟ್ಯೂಬ್‌ನಲ್ಲಿ ಮಿಲಿಯನ್‌ಗಿಂತಲೂ ಹೆಚ್ಚು ವೀಕ್ಷಣೆಗಳನ್ನು ಪಡೆಯಿತು.

ರಾಮಾ ರಾಮಾ ರೇ

ರಾಮಾ ರಾಮಾ ರೇ... ಸತ್ಯ ಪ್ರಕಾಶ್ ಅವರ ಚೊಚ್ಚಲ ವಾಣಿಜ್ಯ ಚಿತ್ರವಾಗಿತ್ತು. 21 ಅಕ್ಟೋಬರ್ 2016 ರಂದು ಬಿಡುಗಡೆಯಾಯಿತು, ಇದನ್ನು ಸತ್ಯ ಪ್ರಕಾಶ್ ಬರೆದು ನಿರ್ದೇಶಿಸಿದ್ದಾರೆ. ಇದು ಮರಣದಂಡನೆ ಶಿಕ್ಷೆಗೆ ಒಳಗಾದ ಅಪರಾಧಿಯ ಕಥೆ. ಈ ಚಿತ್ರವನ್ನು 2018 ರಲ್ಲಿ ತೆಲುಗಿನಲ್ಲಿ ರಾಕ್‌ಲೈನ್ ವೆಂಕಟೇಶ್ ಅವರು ''ಆಟಗಡರಾ ಶಿವ'' ಎಂದು ರೀಮೇಕ್ ಮಾಡಿದರು.

ಒಂದಲ್ಲಾ ಎರಡಲ್ಲಾ

ಒಂದಲ್ಲಾ ಎರಡಲ್ಲಾ ಚಿತ್ರವು ಏಳು ವರ್ಷದ ಹುಡುಗ ಸಮೀರ ಮತ್ತು ಅವನ ಮುದ್ದಿನ ಹಸು ಬಾನುವಿನ ಬಗ್ಗೆ ಇದೆ. ತನ್ನ ಕಳೆದುಹೋದ ಹಸುವಿನ ಹುಡುಕಾಟದಲ್ಲಿ ಈ ಹುಡುಗ, ಹೊಸ ಹೊಸ ಜನರನ್ನು ಭೇಟಿಯಾಗುತ್ತಾನೆ. ಈ ಚಲನಚಿತ್ರವು ಮಾನವ ಸ್ವಭಾವದ ಸಂಕೀರ್ಣತೆಗಳನ್ನು ಮತ್ತು ಸ್ವಾರ್ಥದಿಂದ ಮರೆಮಾಚಲ್ಪಟ್ಟ ಮುಗ್ಧತೆ ಮತ್ತು ಸಹಾನುಭೂತಿಯಂತಹ ಗುಣಗಳನ್ನು ಅನ್ವೇಷಿಸಲು ಪ್ರಯತ್ನಿಸುತ್ತದೆ. ಕಥೆಯು ತೆರೆದುಕೊಳ್ಳುತ್ತಿದ್ದಂತೆ, ನಕಾರಾತ್ಮಕವಾಗಿ ಕಾಣುವ ಜನರೊಳಗಿನ ಸಕಾರಾತ್ಮಕ ಆಲೋಚನೆಗಳು ಅನಾವರಣಗೊಳುತ್ತವೆ.

ಮ್ಯಾನ್ ಆಫ್ ದಿ ಮ್ಯಾಚ್

ಮ್ಯಾನ್ ಆಫ್ ದಿ ಮ್ಯಾಚ್ ಡಿ. ಸತ್ಯ ಪ್ರಕಾಶ್ ಅವರ ಇತ್ತೀಚಿನ ಚಿತ್ರವಾಗಿದೆ. ಇದನ್ನು ಕನ್ನಡದ ಸ್ಟಾರ್ ನಟ ಪುನೀತ್ ರಾಜ್‌ಕುಮಾರ್ ಅವರ ಕಂಪನಿ ಪಿ ಆರ್ ಕೆ ಪ್ರೊಡಕ್ಷನ್ಸ್, ಸತ್ಯ ಮತ್ತು ಮಯೂರ ಪಿಕ್ಚರ್ಸ್ ಸಹಯೋಗದೊಂದಿಗೆ ಜಂಟಿಯಾಗಿ ನಿರ್ಮಿಸಲಾಗಿದೆ. ಈ ಚಲನಚಿತ್ರದಲ್ಲಿ ಆಡಿಷನ್‌ಗೆ ಕರೆದ ನಿರ್ದೇಶಕ ಆಡಿಷನ್‌ಗೆ ಹಾಜರಾದ ಕಲಾವಿದರ ನಡುವೆ ಘರ್ಷಣೆಯನ್ನು ಸೃಷ್ಟಿಸುವ ಮೂಲಕ ಚಲನಚಿತ್ರವನ್ನು ನಿರ್ಮಿಸುತ್ತಾನೆ.

ಚಿತ್ರಗಳು

ನಿರ್ದೇಶನ

ವರ್ಷ	ಚಲನಚಿತ್ರ	ಟಿಪ್ಪಣಿಗಳು
2013	ಜಯನಗರ 4ನೇ ಬ್ಲಾಕ್	ಕಿರುಚಿತ್ರ
2016	ರಾಮಾ ರಾಮಾ ರೇ	ತೆಲುಗಿನಲ್ಲಿ " ಆಟಗಧರಾ ಶಿವ " ಎಂದು ರೀಮೇಕ್ ಆಗಿದೆ
2018	ಒಂದಲ್ಲಾ ಎರಡಲ್ಲಾ
2022	ಮ್ಯಾನ್ ಆಫ್ ದಿ ಮ್ಯಾಚ್	ನೇರವಾಗಿ ಅಮೆಜ಼ಾನ್ ಪ್ರೈಮ್ ನಲ್ಲಿ ಬಿಡುಗಡೆಯಾಗಿದೆ
2023	ಎಕ್ಸ್ & ವೈ	ಚಿತ್ರೀಕರಣ ಹಂತದಲ್ಲಿದೆ

ಬರಹಗಾರರಾಗಿ

ವರ್ಷ	ಚಲನಚಿತ್ರ	ಟಿಪ್ಪಣಿಗಳು
2015	ಭಾಗ್ಯರಾಜ್
	ಎಂದೆಂದಿಗೂ	ಸಂಭಾಷಣೆ ಬರಹಗಾರ
2017	ಉರ್ವಿ	ಸಂಭಾಷಣೆ ಬರಹಗಾರ
	ಹ್ಯಾಪಿ ನ್ಯೂ ಇಯರ್	ವಿಜಯ್ ರಾಘವೇಂದ್ರ ಅವರ ಭಾಗಕ್ಕೆ ಬರಹಗಾರ.
2022	ಕಾಲಾ ಪತ್ತರ್	ಚಿತ್ರೀಕರಣ
2022	ಅನ್ಲಾಕ್ ರಾಘವ	ಚಿತ್ರೀಕರಣ

ವಿತರಕರಾಗಿ

Year	Film	Notes
2022	ಫೋರ್ ವಾಲ್ಸ್	ಕನ್ನಡ
	ಗಿಲ್ಕಿ	ಕನ್ನಡ
	ಸನ್ ಆಫ್ ಇಂಡಿಯಾ	ತೆಲುಗು
	ರೆಡ್ಡಿಗಾರಿಂಟ್ಲೊ ರೌಡಿಸಂ	ತೆಲುಗು
	ಪುರುಷೋತ್ತಮ	ಕನ್ನಡ
	ಬಾಲರಾಜು	ತೆಲುಗು
	ಬೈಪಾಸ್ ರೋಡ್	ಕನ್ನಡ
	ವಿಕಿಪೀಡಿಯ	ಕನ್ನಡ
	೩.೦	ಕನ್ನಡ
	ಶುಭಮಂಗಳ	ಕನ್ನಡ
	ಕಂಬಳಿಹುಳ	ಕನ್ನಡ
	ಹುಬ್ಬಳ್ಳಿ ಡಾಬಾ	ಕನ್ನಡ
	ಓ	ಕನ್ನಡ
	ಖಾಸಗಿ ಪುಟಗಳು	ಕನ್ನಡ
	ಕಳ್ಳನ ಹೆಂಡತಿ	ಕನ್ನಡ
	ದ್ವಿಪಾತ್ರ	ಕನ್ನಡ
	ಶಂಭೋ ಶಿವ ಶಂಕರ	ಕನ್ನಡ
2023	ಶ್ರೀ ಬಾಲಾಜಿ ಫೋಟೋ ಸ್ಟುಡಿಯೋ	ಕನ್ನಡ
	ಸುಕೂಚಿ	ಕನ್ನಡ
	ಪಾಲಾರ್	ಕನ್ನಡ
	ಆರಂಭ	ಕನ್ನಡ
	ಚೌಕ ಬಾರ	ಕನ್ನಡ
	ಒಂದಂಕೆ ಕಾಡು	ಕನ್ನಡ
	ದಾಮಾಯಣ	ಕನ್ನಡ
	ನಿಮ್ಮೆಲರ ಆಶೀರ್ವಾದ	ಕನ್ನಡ
	ಆರ	ಕನ್ನಡ
	ಬನ್ ಟೀ	ಕನ್ನಡ
	ವಸಂತಕಾಲದ ಹೂಗಳು	ಕನ್ನಡ

ಗೀತರಚನೆ

ವರ್ಷ	ಚಲನಚಿತ್ರ	ಹಾಡು
2016	ರಾಮ ರಾಮ ರೇ...	ಎಲ್ಲಾ ಹಾಡುಗಳು
2018	ಒಂದಲ್ಲಾ ಎರಡಲ್ಲಾ	ಎಲ್ಲಾ ಹಾಡುಗಳು
2018	ಚೂರಿಕಟ್ಟೆ	ಸಂಚೊಂದು ಇಲ್ಲಿ ಸಂಚಾರಿಯಾಗಿ
2022	ಮ್ಯಾನ್ ಆಫ್ ದಿ ಮ್ಯಾಚ್	ಏನಾದ್ರೂ ಮಾಡೋಕೆ ಮುಂಚೇನೇ
2023	ದೂರದರ್ಶನ	ತಾಯಿ ಉಸಿರೇ
2023	ಹರಿಕಥೆ ಅಲ್ಲ ಗಿರಿಕಥೆ	ಗಿರ್ ಗಿರ್ ಗಿಟ್ಲೆ ಜಮಾನಾ

ಪ್ರಶಸ್ತಿಗಳು

ಡಿ ಸತ್ಯ ಪ್ರಕಾಶ್ ಅವರು ಉಪ ರಾಷ್ಟ್ರಪತಿ ಶ್ರೀ ವೆಂಕಯ್ಯ ನಾಯ್ಡು ಅವರಿಂದ ರಾಷ್ಟ್ರ ಪ್ರಶಸ್ತಿ ಸ್ವೀಕರಿಸುತ್ತಿರುವುದು.

ಚಲನಚಿತ್ರ	ಪ್ರಶಸ್ತಿ	ವರ್ಗ	Ref.
ರಾಮ ರಾಮ ರೇ	2016 ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿಗಳು	ಅತ್ಯುತ್ತಮ ಚೊಚ್ಚಲ ನಿರ್ದೇಶಕ (ಗೆಲುವು)
	ಬೆಂಗಳೂರು ಅಂತರಾಷ್ಟ್ರೀಯ ಚಲನಚಿತ್ರೋತ್ಸವ	ಮೊದಲ ಅತ್ಯುತ್ತಮ ಕನ್ನಡ ಚಿತ್ರ(ಗೆಲುವು)
	64 ನೇ ಫಿಲ್ಮ್‌ಫೇರ್ ಅವಾರ್ಡ್ಸ್ ಸೌತ್	ಅತ್ಯುತ್ತಮ ಚಿತ್ರ(ನಾಮ ನಿರ್ದೇಶನ)
ಒಂದಲ್ಲಾ ಎರಡಲ್ಲಾ	66 ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳು	ರಾಷ್ಟ್ರೀಯ ಏಕೀಕರಣದ ಅತ್ಯುತ್ತಮ ಚಲನಚಿತ್ರ (ಗೆಲುವು)
	2018 ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿಗಳು	ಮೂರನೇ ಅತ್ಯುತ್ತಮ ಚಿತ್ರ(ಗೆಲುವು)
	ಕ್ರಿಟಿಕ್ಸ್ ಚಾಯ್ಸ್ ಫಿಲ್ಮ್ ಅವಾರ್ಡ್ಸ್ (CCFA)	ಅತ್ಯುತ್ತಮ ಕನ್ನಡ ಚಿತ್ರ(ಗೆಲುವು)