ಕಡೂರು

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
ಕಡೂರು
India-locator-map-blank.svg
Red pog.svg
ಕಡೂರು
ರಾಜ್ಯ
 - ಜಿಲ್ಲೆ
ಕರ್ನಾಟಕ
 - ಚಿಕ್ಕಮಗಳೂರು
ನಿರ್ದೇಶಾಂಕಗಳು 13.55° N 76.01° E
ವಿಸ್ತಾರ
 - ಎತ್ತರ
 km²
 - 763 ಮೀ.
ಸಮಯ ವಲಯ IST (UTC+5:30)
ಜನಸಂಖ್ಯೆ (2011)
 - ಸಾಂದ್ರತೆ
34151[೧]
 - /ಚದರ ಕಿ.ಮಿ.
ಶಾಸಕ ವೈ.ಎಸ್.ವಿ.ದತ್ತ [೨]
ಕೋಡ್‍ಗಳು
 - ಪಿನ್ ಕೋಡ್
 - ಎಸ್.ಟಿ.ಡಿ.
 - ವಾಹನ
 
 - ೫೭೭೫೪೮
 - +
 - ಕೆಎ-೬೬
ಅಂತರ್ಜಾಲ ತಾಣ: http://www.kadurtown.gov.in

ಕಡೂರು ಭಾರತ ದೇಶದ, ಕರ್ನಾಟಕ ರಾಜ್ಯದ,ಚಿಕ್ಕಮಗಳೂರು ಜಿಲ್ಲೆಯ ಒಂದು ತಾಲೂಕು .ಇದು,ಹಿಂದೆ ಇದ್ದ ಮೈಸೂರು ರಾಜ್ಯ ದಲ್ಲಿ ಕಡೂರು ಜಿಲ್ಲಾ ಕೇಂದ್ರವಾಗಿತ್ತು .೧೯೪೭ ರವರೆಗೂ ಕಡೂರು ಜಿಲ್ಲೆ ಎಂದೇ ಕರೆಯಲಾಗುತ್ತಿದ್ದು, ನಂತರ ಚಿಕ್ಕಮಗಳೂರು ಜಿಲ್ಲೆ ಅಸ್ತಿತ್ವಕ್ಕೆ ಬಂದಿತು.[೩].ಇದು ಬೆಂಗಳೂರು-ಹೊನ್ನಾವರ ರಾಷ್ಟ್ರೀಯ ಹೆದ್ದಾರಿಯಲ್ಲಿದೆ.ಬೆಂಗಳೂರಿನಿಂದ ಸುಮಾರು ೨೦೫ ಕಿಲೋಮೀಟರುಗಳ ದೂರದಲ್ಲಿದೆ.

ಭೂಗೋಳ[ಬದಲಾಯಿಸಿ]

ಚಿಕ್ಕಮಗಳೂರನ್ನು ಮಲೆನಾಡು ಎಂದು ಪರಿಗಣಿಸಲಾಗಿದ್ದರೂ ಈ ಜಿಲ್ಲೆಯ ಕಡೂರು ಬಯಲು ಸೀಮೆಯ ಹವಾಮಾನವಿದೆ. ಭತ್ತ ,ರಾಗಿ, ಜೋಳ, ಗೋಧಿ,ಎಳ್ಳು ಇಲ್ಲಿಯ ಪ್ರಮುಖ ಬೆಳೆಗಳು. ತೆಂಗು, ಅಡಿಕೆ, ದ್ರಾಕ್ಷಿದಾಳಿಂಬೆ ಬೆಳೆಗಳನ್ನು ಬೆಳೆಯಲಾಗುತ್ತದೆ. ಕಡೂರು ತಾಲೂಕಿನ ಎಮ್ಮೆದೊಡ್ಡಿ ಎಂಬ ಸ್ಥಳವು ಕಿತ್ತಳೆ ಹಣ್ಣಿಗೆ ಪ್ರಖ್ಯಾತವಾಗಿತ್ತು. ಆದರೆ ಆ ಹಿರಿಮೆ ಈಗ ಉಳಿದಿಲ್ಲ.

ನೈಸರ್ಗಿಕ ಸಂಪನ್ಮೂಲಗಳು[ಬದಲಾಯಿಸಿ]

ಕಡೂರು ಮುಖ್ಯ ನೈಸರ್ಗಿಕ ಸಂಪತ್ತು ಅತ್ಯುತ್ತಮ ಮರದ ಸರಬರಾಜು ಹೊಂದಿರುವ ಕಾಡುಗಳು ಇವೆ. ಕಡೂರಿನ ಸಮೀಪ ವೇದ ಮತ್ತು ಅವತಿ ನದಿಗಳು ಸಂಗಮಗೊಂಡು, ಮುಂದೆ ವೇದಾವತಿ ನದಿಯಾಗಿ ಹರಿಯುತ್ತದೆ.

ಕಡೂರಿನ ಸುತ್ತ ಮುತ್ತ ಇರುವ ಪ್ರೇಕ್ಷಣೀಯ ಸ್ಥಳಗಳು[ಬದಲಾಯಿಸಿ]

  • ಅವಸನದ ಅಂಚಿನಲ್ಲಿರುವ ಕೋಟೆಯ ಕೆಲವು ಭಾಗಗಳನ್ನು ನಗರದಲ್ಲಿ ನೋಡಬಹುದು.
  • ದಂಡಿಗೆಕಲ್ಲು ಶ್ರೀ ರಂಗನಾಥಸ್ವಾಮಿ ದೇವಸ್ಥಾನ, ಕೆ.ದಾಸರಹಟ್ಟಿ. - ಕಡೂರು ಪಟ್ಟಣದಿಂದ 8 ಕಿ.ಮೀ.ದೂರದಲ್ಲಿದೆ. - ಮಾಹಿತಿಗೆ. ಪರಮೇಶ್ವರಪ್ಪ.ಡಿ 9945527262
  • ಕುಂತಿ ಹೊಳೆ - ವೇದಾವತಿ ನದಿಯ ಕವಲಾದ ಈ ಹೊಳೆಯ ಬಳಿಗೆ ಮಹಾಭಾರತ ಕಾಲದಲ್ಲಿ ಪಾಂಡವರು ಬಂದಿದ್ದರೆಂಬ ಪ್ರತೀತಿ ಇದೆ.
  • ಹುರುಕನಹಳ್ಳಿ - ಹುರುಕನಹಳ್ಳಿ ಈ ಗ್ರಾಮವು ಕಡೂರು ತಾಲ್ಲೂಕು ಕೇಂದ್ರದಿಂದ ಉತ್ತರಕ್ಕೆ 24 ಕಿ ಮೀ ಹಾಗೂ ಶ್ರೀ ದುರ್ಗಾಂಭಾ ದೇವಿ ಪುಣ್ಯ ಕ್ಷೇತ್ರ ಅಂತರಘಟ್ಟೆಯಿಂದ ದಕ್ಷಿಣಕ್ಕೆ 6 ಕಿಮೀ ಹಾಗೂ ಮಲ್ಲಿಕಾರ್ಜುನ ಸ್ವಾಮಿ ಪುಣ್ಯ ಕ್ಷೇತ್ರ ಯಗಟಿ ಪುರದಿಂದ ಪಶ್ಚಿಮಕ್ಕೆ 6 ಕಿ ಮೀ ಮತ್ತು ಶ್ರೀ ಗುರು ರೇವಣಸಿದ್ದೇಶ್ವರ ಸ್ವಾಮಿ ಮಠ ಆಸಂದಿ ಯಿಂದ ಪೂರ್ವಕ್ಕೆ 6 ಕಿಮೀ ದೂರದಲ್ಲಿದ್ದು ಹುರುಕನಹಳ್ಳಿಯಲ್ಲಿ ಶ್ರೀ ಚೌಡೇಶ್ವರಿ ದೇವಿ ದೇವಾಲಯವು ವಿಶಾಲವಾದ 2 ಎಕರೆ ವಿಸ್ತೀರ್ಣದ ಆಲದಮರದ ಕೆಳಗೆ ಬಯಲಿನಲ್ಲ್ಲಿ ನೆಲೆಸಿದ್ದು,ಸುತ್ತಮುತ್ತಲ ಗ್ರಾಮಗಳ ಭಕ್ತರ ರಕ್ಷಕಿಯಾಗಿ ನೆಲೆಸಿದ್ದಾಳೆ ತಾಯಿ ಶ್ರೀ ಚೌಡೇಶ್ವರಿ ದೇವಿ.ಇಲ್ಲಿನ ದಸರಾ ಮೈಧಾನದಲ್ಲಿ ಪ್ರತಿ ವರ್ಷ ಅಕ್ಟೋಬರ್ ತಿಂಗಳಿನಲ್ಲಿ ವಿಜೃಂಬಣೆಯಿಂದ ನಡೆಯುತ್ತದೆ.ಆಲದ ಮರದ ಮೂಲಸ್ಥಾನದಲ್ಲಿ ದೇವಿಗೆ ಬೆಳಿಗ್ಗೆ ಪೂಜೆಯ ನಂತರ ಮೊಗ್ಗಿನಲ್ಲಿ ಅಪ್ಪಣೆ ಕೇಳುವ ಭಕ್ತರ ಭಕ್ತಿ ಹಾಗೂ ಇಲ್ಲಿ ದೇವಿಯು ಒಪ್ಪಿಕೊಂಡರೆ ಕೋರಿಕೊಂಡ ಬಯಕೆಗಳು ಈಡೇರುವುದರಲ್ಲಿ ಯಾವುದೇ ಸಂಶಯವಿಲ್ಲ..
  • ಶಂಖತೀರ್ಥ - ರಾಮಾಯಣ ಕಾಲದಲ್ಲಿ ರಾಮನು ಲಕ್ಷ್ಮಣ,ಸೀತೆಯರೊಡನೆ ವನವಾಸದಲ್ಲಿದ್ದಾಗ ಈ ಜಾಗಕ್ಕೂ ಭೇಟಿ ನೀಡಿದ್ದನೆಂದು ಪ್ರತೀತಿ.
  • ಕನಕರಾಯನ ಗುಡ್ಡ - ಇಲ್ಲಿ ವೆಂಕಟೇಶ್ವರನ ಮೂರ್ತಿ ಸ್ವಯಂ ಉದ್ಭವವಾಗಿದೆಯಂತೆ. ಈ ವಿಗ್ರಹ ದಿನದಿಂದ ದಿನಕ್ಕೆ ಬೆಳೆಯುತ್ತಿದ್ದು, ತಲೆಯ ಭಾಗ ದೇವಾಲಯದ ಚಾವಣಿಯನ್ನು ಸ್ಪರ್ಶಿಸಿದ ದಿನ ಪ್ರಳಯ ಆಗುತ್ತದೆ ಎಂಬುದು ಸ್ಥಳೀಯರ ನಂಬಿಕೆಯಾಗಿದೆ. ಆದರೆ ಇದಕ್ಕೆ ಯಾವುದೇ ಆಧಾರಗಳಿಲ್ಲ ಮತ್ತು ಅದರ ಬೆಳವಣಿಗೆಯಲ್ಲಿ ಯಾವ ಪ್ರಗತಿಯೂ ಕಂಡು ಬಂದಿಲ್ಲ.
  • ನಿರ್ವಾಣ ಸ್ವಾಮಿ ಗುಡ್ಡ - ಊರ ಹೊರಗಿನ ಈ ಗುಡ್ಡದ ಮೇಲೆ ನಿರ್ವಾಣ ಸ್ವಾಮಿಯ ದೇವಾಲಯವೂ, ಸನಿಹದಲ್ಲೇ ಗುಹೆಯೂ ಇದೆ. ಈ ಗುಹೆಗೂ, ಚಿಕ್ಕಮಗಳೂರು ಬಳಿಯ ಬಾಬಾಬುಡನ್ ಗಿರಿ ಪರ್ವತದ ಮೇಲಿನ ದತ್ತ ಪೀಠಕ್ಕೂ ಸಂಪರ್ಕವಿದೆಯೆಂಬ ಪ್ರತೀತಿ ಇದೆ. ಈ ತಾಣದಲ್ಲಿಏಟು ಎದುರೇಟು ಚಿತ್ರವನ್ನು ಚಿತ್ರೀಕರಿಸಲಾಗಿದೆ.
  • ಅಯ್ಯನ ಕೆರೆ - ಸಮೀಪದ ಸಖರಾಯಪಟ್ಟಣದ ಬಳಿ ಪ್ರಖ್ಯಾತವಾದ ಈ ಕೆರೆಯಿದ್ದುಏಟು ಎದುರೇಟು ಮತ್ತಿತರ ಚಿತ್ರಗಳು ಇಲ್ಲಿ ಚಿತ್ರೀಕರಣಗೊಂಡಿವೆ.
  • ಮಲ್ಲೇಶ್ವರ - ಗ್ರಾಮದೇವತೆ ಮಲ್ಲೇಶ್ವರದಮ್ಮನ ಜಾತ್ರೆ ಇಲ್ಲಿ ನಡೆಯುತ್ತದೆ. ಕಡೂರಿನಿಂದ ಇಲ್ಲಿಗೆ ಕೇವಲ ಒಂದೂವರೆ ಕಿ.ಮೀ. ದೂರ. ಆವತಿ ಹಳ್ಳವೆಂಬ ಪುಟ್ಟ ಹೊಳೆಯ ದಂಡೆಯಲ್ಲಿ ಈ ಊರಿದೆ.
  • ದೇವನೂರು - ಜೈಮಿನಿ ಭಾರತ ಬರೆದ ಮಹಾಕವಿ ಲಕ್ಷ್ಮೀಶನ ಜನ್ಮ ಸ್ಥಳ ಇದು. ಇಲ್ಲಿ ಲಕ್ಶ್ಮಿಕಾಂತಸ್ವಾಮಿ ದೇವಾಲಯವಿದೆ.
  • ಬಿಸಲೇಹಳ್ಳಿ - ಸಮೀಪದ ಬ್ರಹ್ಮಸಮುದ್ರ ಇಲ್ಲಿ ಚಾಲುಕ್ಯರ ಕಾಲದ "ವೀರ ನಾರಾಯಣ" ಹಾಗು "ಶಿವನ" ದೇವಸ್ಥಾನಗಳಿವೆ.

ಪ್ರಮುಖ ಚರ್ಚ್, ಮಸೀದಿ ಮತ್ತು ದೇವಸ್ಥಾನಗಳು[ಬದಲಾಯಿಸಿ]

  • ದಂಡಿಗೆಕಲ್ಲು ಶ್ರೀ ರಂಗನಾಥಸ್ವಾಮಿ ದೇವಸ್ಥಾನ, ಕೆ.ದಾಸರಹಟ್ಟಿ.
  • ಆಸಂದಿಯ ಶ್ರೀ ಗುರು ರೇವಣಸಿದ್ದೇಶ್ವರ ಸ್ವಾಮಿ ಮಠ
  • ಹುರುಕನಹಳ್ಳಿ ಶ್ರೀ ಚೌಡೇಶ್ವರಿ ದೇವಿ ಸನ್ನಿದಿ {ಆಲದಮರ}
  • ಸಿಂಗಟಗೆರೆ ಶ್ರೀ ಕಲ್ಲೇಶ್ವರ ಸ್ವಾಮಿ ದೇವಾಲಯ
  • ಕೆರೆಸಂತೆ ಶ್ರೀ ಮಲ್ಲಿಕಾರ್ಜುನ ಸ್ವಾಮಿ ದೇವಾಲಯ ವಿಷ್ಣು ಸಮುದ್ರ ಕೆರ ದಂಡೆಯಲ್ಲಿರುತ್ತದೆ.
  • ಹಿರೆನಲ್ಲೂರು ಪುರಾತನ ವಾಸ್ತು ಶಿಲ್ಪದ ಶ್ರೀ ಮಲ್ಲಕಾರ್ಜುನ ಸ್ವಾಮಿ ದೇವಾಲಯ ಹಾಗೂ ಬೃಹತ್ ಗಾತ್ರದ ನಂದಿ ವಿಗ್ರಹ ಹೊಂದಿರುತ್ತದೆ
  • ಬಳ್ಳೆಕೆರೆಯ ಆಂಜನೇಯ ದೇವಸ್ಥಾನ
  • ರಾಘವೇಂದ್ರ ಸ್ವಾಮಿ ಮಠ
  • ಪ್ರಸನ್ನ ಗಂಗಾಧರೇಶ್ವರ ಸ್ವಾಮಿ ದೇವಸ್ಥಾನ
  • ಕನ್ನಿಕಾ ಪರಮೇಶ್ವರಿ ದೇವಸ್ಥಾನ
  • ಶನಿ ಮಹಾತ್ಮನ ಗದ್ದುಗೆ
  • ಆಂಜನೇಯ ದೇವಸ್ಥಾನ
  • ಗಣಪತಿ ದೇವಸ್ಥಾನ
  • ಯಗಟಿ ಶ್ರೀಮಲ್ಲಿಕಾರ್ಜುನ ಸ್ವಾಮಿ ದೇವಾಸ್ಥಾನ ವೇದಾವತಿ ನದಿ ದಂಡೆಯ ಮೇಲಿದೆ.ಕಡೂರು ತಾಲೂಕಿನಿಂದ ಸುಮಾರು ೨೦ ಕಿ ಮೀ ದೂರದಲ್ಲಿರುವ ಯಗಟಿ ಪುರ ಎಂಬ ಗ್ರಾಮದಲ್ಲಿದೆ.
  • ಶ್ರೀ ಚಂದ್ರ ಮೌಳೇಶ್ವರ ಸ್ವಾಮಿ ದೇವಸ್ಥಾನ ಇದು ಕಡೂರು ಪಟ್ಟಣದ ಉತ್ತರ ದಿಕ್ಕಿಗಿದೆ
  • ನಿತ್ಯಾಧಾರ ಮಾತೆಯ ದೇವಾಲಯವೆಂಬ ಕ್ರೈಸ್ತರ ದೇವಾಲಯದೊಂದಿಗೆ, ಒಂದು ಮುಸ್ಲಿಮರ ಮಸೀದಿಯೂ ಇಲ್ಲಿದೆ.
  • ಮುತ್ತು ಮಾರಿಯಮ್ಮ ದೇವಸ್ಥಾನ.
  • ಕಡೂರು ತಾಲೂಕಿನಿಂದ 24 ಕಿಲೋ ದೂರದಲ್ಲಿ ಹುರುಕನಹಳ್ಳಿ ಗ್ರಾಮದಲ್ಲಿ ವಿಶಾಲವಾದ 2 ಎಕರೆ ಬೃಹದ್ದಾಕಾರದ ಆಲದ ಮರದಡಿಯಲ್ಲಿ ಶ್ರೀ ಚೌಡೇಶ್ವರಿ ದೇವಿ ನೆಲೆಯೂರಿ ಭಕ್ತರನ್ನು ರಕ್ಷಿಸುತ್ತಾ ಬಂದಿದ್ದಾಳೆ

ಕಡೂರು ತಾಲೂಕಿನಿಂದ ೧೫ ಕಿಲೋ ದೂರದಲ್ಲಿ ಯರದಕೆರೆ ಎಂಬ ಊರು ಇದ್ದು, ಆ ಊರಿನಲ್ಲಿ ೩೦೦ ವರ್ಷಗಳ ಇತಿಹಾಸ ಇರುವ ಶ್ರೀ ದೊಡ್ಡಮ್ಮ ದೇವಿಯವರು ನೆಲಸಿದ್ದು, ಇಲ್ಲಿ ಪ್ರತಿದಿನ ಸಾವಿರಾರು ಭಕ್ತಾದಿಗಳು ಬರುತ್ತಾರೆ ಮತ್ತು ಇಲ್ಲಿ ತಮ್ಮ ಕಷ್ಟಗಳಿಗೆ ಪರಿಹಾರವನ್ನು ಕಂಡುಕೊಂಳ್ಳುತ್ತಾರೆ ಎಂಬ ಪ್ರತೀತಿ ಇದೆ. ಪ್ರತಿ ಮಂಗಳವಾರ ೩೦೦೦ಕ್ಕೂ ಹೆಚ್ಚು ಭಕ್ತಾದಿಗಳು ಇಲ್ಲಿಗೆ ಸೇರುತ್ತಾರೆ ಮತ್ತು ಪ್ರತಿ ತಿಂಗಳ ಹುಣ್ಣಿಮೆಯಂದು ಶ್ರೀ ವೀರಭದ್ರಸ್ವಾಮಿಯವರ ಕಟ್ಟಲೆ ನಡೆಯುತ್ತದೆ ಹಾಗು ಇದೇ ದಿನ ರಾತ್ರಿ ೯ ಘಂಟೆಗೆ ಅನ್ನದಾನವೂ ನಡೆಯುತ್ತದೆ. ಇಲ್ಲಿಯ ಶ್ರೀ ವೀರಭದ್ರಸ್ವಾಮಿಯವರೂ ಗರಿಕೆ ಪತ್ರೆಯಿಂದ ಯಾವುದೇ ಖಾಯಿಲೆಗೆ ಮದ್ದು ನೀಡುತ್ತಾರೆ ಎಂದು ಹೇಳಲಾಗುತ್ತಿದೆ.

ಹೊರಗಿನ ಸಂಪರ್ಕಗಳು[ಬದಲಾಯಿಸಿ]

ಆಧಾರಗಳು[ಬದಲಾಯಿಸಿ]

  1. Kadur Population Census 2011
  2. Kadur (Karnataka) Assembly Constituency Elections
  3. http://ecourts.gov.in/chikkamagaluru/about-chikkamagaluru-court
"https://kn.wikipedia.org/w/index.php?title=ಕಡೂರು&oldid=789712" ಇಂದ ಪಡೆಯಲ್ಪಟ್ಟಿದೆ