ಎಸ್. ರಾಮಚಂದ್ರ ಐತಾಳ್

ಎಸ್. ರಾಮಚಂದ್ರ
ಗುಲಾಬಿ ಟಾಕೀಸ್ ಚಿತ್ರೀಕರಣದ ವೇಳೆ, ೨೦೦೬
Born	(೧೯೪೮-೧೧-೧೬)೧೬ ನವೆಂಬರ್ ೧೯೪೮ ಬೆಂಗಳೂರು, ಮೈಸೂರು ರಾಜ್ಯ
Died	ಜನವರಿ 10, 2011(2011-01-10) ಬೆಂಗಳೂರು, ಕರ್ನಾಟಕ
Education	ಎಫ್.ಟಿ.ಐ.ಐ ಛಾಯಾಗ್ರಹಣ ಪದವೀಧರ
Occupation	ಛಾಯಾಗ್ರಾಹಕ
Awards	ಛಾಯಾಗ್ರಹಣ ರಾಷ್ಟ್ರ ಪ್ರಶಸ್ತಿ (1977) ಜೀವಮಾನ ಸಾಧನೆ ಪ್ರಶಸ್ತಿ (2006) ಹಲವು ಶ್ರೇಷ್ಠ ಛಾಯಾಗ್ರಹಣ - ಕರ್ನಾಟಕ ರಾಜ್ಯ ಪ್ರಶಸ್ತಿ

ಎಸ್. ರಾಮಚಂದ್ರ ಎಂದೇ ಖ್ಯಾತರಾದ ಶಿವರಾಮಯ್ಯ ರಾಮಚಂದ್ರ ಐತಾಳ (೧೬ ನವೆಂಬರ್ ೧೯೪೮ – ೧೦ ಜನವರಿ ೨೦೧೧) ಕನ್ನಡ ಚಿತ್ರರಂಗದ ಹೊಸ ಅಲೆಯ ಸಿನಿಮಾಗಳ ಯಶಸ್ಸಿನಲ್ಲಿ ಮಹತ್ವದ ಪಾತ್ರವಹಿಸಿದ್ದ, ರಾಷ್ಟ್ರ ಪ್ರಶಸ್ತಿ ವಿಜೇತ ಪ್ರತಿಭಾನ್ವಿತ ಛಾಯಾಗ್ರಾಹಕ. ಇವರಿಗೆ ೨೦೦೬ರಲ್ಲಿ ಜೀವಮಾನ ಸಾಧನೆಗಾಗಿ ಕರ್ನಾಟಕ ರಾಜ್ಯ ಪ್ರಶಸ್ತಿ ನೀಡಿ ಗೌರವಿಸಲಾಯಿತು..

ಪರಿಚಯ

ಎಪ್ಪತ್ತರ ದಶಕದಲ್ಲಿ ಕನ್ನಡ ಚಿತ್ರರಂಗ ಪ್ರವೇಶಿಸಿದ ಎಸ್. ರಾಮಚಂದ್ರ 75ಕ್ಕೂ ಹೆಚ್ಚು ಚಿತ್ರಗಳಿಗೆ ಛಾಯಾಗ್ರಾಹಕರಾಗಿ ಕೆಲಸ ಮಾಡಿದ್ದರು. ವೀಕ್ಷಕರು ಅಚ್ಚರಿ ಪಡುವಂಥ ಅದ್ಭುತ ದೃಶ್ಯಗಳನ್ನು ಸೆರೆಹಿಡಿಯುತ್ತಿದ್ದ ಕಲಾತ್ಮಕ ಛಾಯಾಗ್ರಾಹಕ ಎಂದೇ ಪ್ರಸಿದ್ಧರಾಗಿದ್ದರು. ರಾಮಚಂದ್ರ ಅವರ ಛಾಯಾಗ್ರಹಣಕ್ಕೆ ಅಂಥದೊಂದು ಶಕ್ತಿ ಇತ್ತು. ಸಹಜವಾಗಿ ಚಿತ್ರೀಕರಿಸಬೇಕಿದ್ದ ದೃಶ್ಯವೊಂದನ್ನು ವಿಶೇಷವಾದ ರೀತಿಯಲ್ಲಿ, ಇದನ್ನು ಹೀಗೂ ಸೆರೆಹಿಡಿಯಬಹುದೇ ಎಂದು ಬೆರಗಾಗುವ ರೀತಿಯಲ್ಲಿ ಚಿತ್ರಿಸಿಕೊಡುವ ಮಾಂತ್ರಿಕತೆ ಅವರಿಗಿತ್ತು. ಕಲಾತ್ಮಕ ಚಿತ್ರಗಳ ಪರಂಪರೆ ಕನ್ನಡದಲ್ಲಿ ಮಹತ್ವದ ಸ್ಥಾನ ಪಡೆಯುವಲ್ಲಿ ಅವರ ಅಮೂಲ್ಯ ಕೊಡುಗೆ ಇತ್ತು.

ವೃತ್ತಿ

ರಾಮಚಂದ್ರರವರು ಪೂನಾ ಫಿಲ್ಮ್ ಇನ್‌ಸಿrಟ್ಯೂಟ್‌ನ ಕೊಡುಗೆ. ಅವರು ೧೯೬೭-೧೯೭೦ರಲ್ಲಿ ಛಾಯಾಗ್ರಹಣದ ವ್ಯಾಸಂಗ ಮಾಡಿದ ಮೊದಲ ತಲೆಮಾರಿನ ಗುಂಪಿಗೆ ಸೇರಿದವರು . ಅಲ್ಲಿಂದ ಬಂದ ನಂತರ ಅವರು ಗಿರೀಶ್‌ ಕಾರ್ನಾಡರ 'ವಂಶವೃಕ್ಷ' ಚಿತ್ರಕ್ಕೆ ಸಹಾಯಕ ಛಾಯಾಗ್ರಾಹಕರಾಗಿ ಕೆಲಸ ಮಾಡಿದರು. 1972 ರಲ್ಲಿ ತೆರೆಕಂಡ 'ಸಂಕಲ್ಪ' ಚಿತ್ರ ರಾಮಚಂದ್ರರನ್ನು ನಾಡಿಗೆ ಪರಿಚಯಿಸಿತು. ಆ ಚಿತ್ರದ ಮೂಲಕ ಸ್ವತಂತ್ರ ಛಾಯಾಗ್ರಾಹಕರಾಗಿ ಅವರು ಕನ್ನಡ ಚಿತ್ರರಂಗದಲ್ಲಿ ನೆಲೆಕಂಡುಕೊಂಡರು. ನಂತರ ಅವರು ಛಾಯಾಗ್ರಹಣ ಮಾಡಿದ ಬಹುತೇಕ ಚಿತ್ರಗಳು ಕಲಾತ್ಮಕ ಚಿತ್ರಗಳಾಗಿದ್ದವು. ಅದು ಅವರಿಗಿರುವ ಹೆಗ್ಗಳಿಕೆಯೂ ಹೌದು. ಕಲಾತ್ಮಕ ಚಿತ್ರಗಳೆಂದರೆ ಅಲ್ಲಿ ಎಸ್.ರಾಮಚಂದ್ರ ಇರಲೇಬೇಕು ಎಂಬಷ್ಟು ಅವರು ಆ ಚಿತ್ರಗಳ ಪಾಲಾಗಿದ್ದರು. ಗಿರೀಶ್ ಕಾಸರವಳ್ಳಿಯವರ ಮೊದಲ ಚಿತ್ರ ಘಟಶ್ರಾದ್ಧವಲ್ಲದೆ, ನಂತರ ಅವರ ಹಲವಾರು ಚಿತ್ರಗಳಿಗೆ ಛಾಯಾಗ್ರಾಹಕರಾಗಿ ಕೆಲಸಮಾಡಿದ್ದಾರೆ. ಸದಾಶಿವ ಶೆಣೈ ನಿರ್ದೇಶನದ 'ಪ್ರಾರ್ಥನಾ' ಅವರ 75ನೆ ಚಿತ್ರ. ಶಂಕರ್ ನಾಗ್ ನಿರ್ದೇಶನದ ಹಿಂದಿಯ 'ಮಾಲ್ಗುಡಿ ಡೇಸ್‌' ಧಾರಾವಾಹಿಗೂ ರಾಮಚಂದ್ರ ಕ್ಯಾಮರಾ ಹಿಡಿದಿದ್ದರು. ನಿರ್ದೇಶಕ ರಾಮದಾಸ್‌ ನಾಯ್ಡು ನಿರ್ದೇಶನದ 'ಹೆಜ್ಜೆಗಳು' ರಾಮಚಂದ್ರ ಅವರು ಕ್ಯಾಮರಾ ಹಿಡಿದ ಕೊನೆಯ ಚಿತ್ರ. ಚಿಕ್ಕ ವಯಸ್ಸಿನಿಂದಲೇ ಪೋಲಿಯೋದ ಕಾರಣ ತುಸು ಕುಂಟುನಡಿಗೆಯಿದ್ದರೂ ಅದನ್ನು ಮೆಟ್ಟಿ ನಿಂತು ಅವರು ಸಾಧನೆಯ ಶಿಖರವೇರಿದರು.

ಪ್ರಶಸ್ತಿ

೧೯೭೭ರಲ್ಲಿ ರಾಷ್ಟ್ರಮಟ್ಟದಲ್ಲಿ ಅತ್ಯುತ್ತಮ ಛಾಯಾಗ್ರಾಹಕ (ಚಂದ್ರಶೇಖರ ಕಂಬಾರ ಕಥೆಯಾಧಾರಿತ ‘ಋಷ್ಯಶೃಂಗ’) ಪ್ರಶಸ್ತಿ, ಹಲವು ಬಾರಿ ರಾಜ್ಯಪ್ರಶಸ್ತಿ, ೨೦೦೬ರಲ್ಲಿ ಜೀವಮಾನ ಸಾಧನೆಗಾಗಿ ಸಂದ ಗೌರವಗಳು ಸೇರಿದಂತೆ ಹಲವಾರು ಪ್ರಶಸ್ತಿಗಳಿಗೆ ರಾಮಚಂದ್ರ ಅವರು ಪಾತ್ರರಾಗಿದ್ದಾರೆ.

ನಿಧನ

ಇವರು ಕ್ಯಾನ್ಸರಿನಿಂದ ಬಳಲುತ್ತಿದ್ದು ಜನವರಿ 10, 2011(2011-01-10)ರಂದು ನಿಧನರಾದರು. ಇವರ ಪತ್ಮಿಯ ಹೆಸರು ಮೀನಾಕ್ಷಿ ಹಾಗು ಪುತ್ರಿಯರು ಚೈತ್ರಾ ಮತ್ತು ವರ್ಷಾ.

ಚಿತ್ರಪಟ್ಟಿ

ಟಿವಿ ಚಿತ್ರ

ವರ್ಷ	ಚಿತ್ರ	ಭಾಷೆ	ಇತರ ಸಂಗತಿ
1987	ಮಾಲ್ಗುಡಿ ಡೇಸ್ (ಟಿವಿ ಸರಣಿ)	ಹಿಂದಿ	ಛಾಯಾಗ್ರಹಣ
1988	ಸ್ಟೋನ್ ಬಾಯ್ (ಟಿವಿ ಸರಣಿ)	ಹಿಂದಿ	ಛಾಯಾಗ್ರಹಣ
1991	ಸ್ವಾಮಿ ಎಂಡ್ ಫ್ರೆಂಡ್ಸ್ (ಪಾರ್ಟ್ 1)	ಹಿಂದಿ	ಛಾಯಾಗ್ರಹಣ
2002	ಒಂದು ಸಾವಿನ ಸುತ್ತ (ಟೆಲಿ ಚಿತ್ರ)	ಕನ್ನಡ	ಛಾಯಾಗ್ರಹಣ
2002	ಸಾಕ್ಷಿ (ಟೆಲಿ ಚಿತ್ರ)	ಕನ್ನಡ	ಚಿತ್ರಕತೆ, ನಿರ್ದೇಶನ, ಛಾಯಾಗ್ರಹಣ
2003	ಗೃಹಭಂಗ (ಟಿವಿ ಸರಣಿ)	ಕನ್ನಡ	ಛಾಯಾಗ್ರಹಣ

ಚಲನಚಿತ್ರಗಳು

ಹಲವು ಪ್ರಶಸ್ತಿ ವಿಜೇತ ಚಿತ್ರಗಳಿಗೆ ಛಾಯಾಗ್ರಹಕರಾಗಿ ಕೆಲಸ ಮಾಡಿರುವುದನ್ನು ತೋರುವ ಎಸ್. ರಾಮಚಂದ್ರ ಚಿತ್ರಗಳ ಅಪೂರ್ಣ ಪಟ್ಟಿ.

ವರ್ಷ	ಚಿತ್ರ	ನಿರ್ದೇಶಕರು	ಇತರ ಸಂಗತಿ
1972	ವಂಶವೃಕ್ಷ	ಬಿ. ವಿ. ಕಾರಂತ & ಗಿರೀಶ್ ಕಾರ್ನಾಡ್	ಸಹಾಯಕ ಛಾಯಾಗ್ರಾಹಣ
1972	ಸಂಕಲ್ಪ	ಪಿ. ವಿ. ನಂಜರಾಜ ಅರಸ್	ವಿಜೇತ : ಕರ್ನಾಟಕ ರಾಜ್ಯ ಅತ್ಯುತ್ತಮ ಛಾಯಾಗ್ರಾಹಕ ಪ್ರಶಸ್ತಿ ಕರ್ನಾಟಕ ರಾಜ್ಯ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿ
1974	ಕಂಕಣ	ಎಂ.ಬಿ.ಎಸ್.ಪ್ರಸಾದ್	ಅತ್ಯುತ್ತಮ ಕನ್ನಡ ಚಿತ್ರ ರಾಷ್ಟ್ರೀಯ ಪ್ರಶಸ್ತಿ
1975	ಚೋಮನ ದುಡಿ	ಬಿ. ವಿ. ಕಾರಂತ	ಅತ್ಯುತ್ತಮ ಕನ್ನಡ ಚಿತ್ರ ರಾಷ್ಟ್ರೀಯ ಪ್ರಶಸ್ತಿ ಕರ್ನಾಟಕ ರಾಜ್ಯ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿ
1976	ಪಲ್ಲವಿ	ಪಿ.ಲಂಕೇಶ್	ಅತ್ಯುತ್ತಮ ಕನ್ನಡ ಚಿತ್ರ ರಾಷ್ಟ್ರೀಯ ಪ್ರಶಸ್ತಿ ಕರ್ನಾಟಕ ರಾಜ್ಯ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿ
1976	ಋಷ್ಯಶೃಂಗ	ವಿ.ಆರ್.ಕೆ.ಪ್ರಸಾದ್	ವಿಜೇತ : ರಾಷ್ಟ್ರೀಯ ಅತ್ಯುತ್ತಮ ಛಾಯಾಗ್ರಾಹಕ ಪ್ರಶಸ್ತಿ ವಿಜೇತ : ಕರ್ನಾಟಕ ರಾಜ್ಯ ಅತ್ಯುತ್ತಮ ಛಾಯಾಗ್ರಾಹಕ ಪ್ರಶಸ್ತಿ
1977	ಘಟಶ್ರಾದ್ಧ	ಗಿರೀಶ್ ಕಾಸರವಳ್ಳಿ	ಅತ್ಯುತ್ತಮ ಕನ್ನಡ ಚಿತ್ರ ರಾಷ್ಟ್ರೀಯ ಪ್ರಶಸ್ತಿ ಕರ್ನಾಟಕ ರಾಜ್ಯ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿ
1978	ಗ್ರಹಣ	ಟಿ. ಎಸ್. ನಾಗಾಭರಣ	ವಿಜೇತ : ಕರ್ನಾಟಕ ರಾಜ್ಯ ಅತ್ಯುತ್ತಮ ಛಾಯಾಗ್ರಾಹಕ ಪ್ರಶಸ್ತಿ(ಕಪ್ಪು/ಬಿಳುಪು) ಅತ್ಯುತ್ತಮ ರಾಷ್ಟ್ರೀಯ ಐಕ್ಯತಾ ಚಿತ್ರ ಪ್ರಶಸ್ತಿ ಕರ್ನಾಟಕ ರಾಜ್ಯ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿ
1978	ಗೀಜಗನ ಗೂಡು	ಟಿ. ಎಸ್. ರಂಗಾ
1978	ಹೊಂಬಿಸಿಲು	ಗೀತಪ್ರಿಯ
1978	ಮಲಯ ಮಕ್ಕಳು	ಕೆ. ಶಿವರಾಮ ಕಾರಂತ
1978	ಪರಸಂಗದ ಗೆಂಡೆತಿಮ್ಮ	ಮಾರುತಿ ಶಿವರಾಂ
1979	ಆಕ್ರಮಣ	ಗಿರೀಶ್ ಕಾಸರವಳ್ಳಿ
1979	ದಂಗೆ ಎದ್ದ ಮಕ್ಕಳು	ಪಿ. ವಾದಿರಾಜ್
1979	ನಮ್ಮಮ್ಮನ ಸೊಸೆ	ಪಿ. ವಾದಿರಾಜ್
1980	ಬಂಗಾರದ ಜಿಂಕೆ	ಟಿ. ಎಸ್. ನಾಗಾಭರಣ
1980	ವಾತ್ಸಲ್ಯ ಪಥ	ಎ. ಎಸ್. ಆರ್. ರಾವ್
1980	ಸಂಗೀತಾ	ಚಂದ್ರಶೇಖರ ಕಂಬಾರ
1981	ಜಾಲ	ಎಸ್. ರಂಗನಾಥ್
1981	ಚದುರಿದ ಚಿತ್ರಗಳು	ಎನ್. ಟಿ. ಜಯರಾಮ ರೆಡ್ಡಿ
1983	ಬ್ಯಾಂಕರ್ ಮಾರ್ಗಯ್ಯ	ಟಿ. ಎಸ್. ನಾಗಾಭರಣ	ಅತ್ಯುತ್ತಮ ಕನ್ನಡ ಚಿತ್ರ ರಾಷ್ಟ್ರೀಯ ಪ್ರಶಸ್ತಿ
1983	ಅನ್ವೇಷಣೆ	ಟಿ. ಎಸ್. ನಾಗಾಭರಣ
1983	ಗಂಧರ್ವಗಿರಿ	ಎನ್. ಎಸ್. ಧನಂಜಯ (ದತ್ತು)
1983	ಮುದುಡಿದ ತಾವರೆ ಅರಳಿತು	ಕೆ. ವಿ. ಜಯರಾಂ
1983	ನ್ಯಾಯ ಗೆದ್ದಿತು	ಜೋ ಸೈಮನ್
1983	ಪ್ರೇಮಯುದ್ಧ	ಟಿ. ಎಸ್. ನಾಗಾಭರಣ
1983	ಸಿಂಹಾಸನ	ಸಿ. ಆರ್. ಸಿಂಹ
1984	ಒಲವೆ ಬದುಕು	ಕೆ. ವಿ. ಜಯರಾಂ
1986	ಪ್ರೇಮ ಜಾಲ	ಜೋ ಸೈಮನ್
1987	ಹುಲಿ ಹೆಬ್ಬುಲಿ	ವಿಜಯ್
1987	ಅವಸ್ಥೆ	ಕೃಷ್ಣ ಮಾಸಡಿ
1987	ನ್ಯಾಯಕ್ಕೆ ಶಿಕ್ಷೆ	ಶ್ರೀನಿವಾಸ್
1987	ರೋಮಾಂಚನ	ಜಿ. ಎಸ್. ಪಣಿಕ್ಕರ್
1987	ಸಂಪ್ರದಾಯ	ಮಾಸ್ಟರ್ ಹಿರಣ್ಣಯ್ಯ
1988	ಭುಜಂಗಯ್ಯನ ದಶಾವತಾರ	ಲೋಕೇಶ್	ಅತ್ಯುತ್ತಮ ರಾಷ್ಟ್ರೀಯ ಐಕ್ಯತಾ ಚಿತ್ರ ಪ್ರಶಸ್ತಿ
1988	ಆಸ್ಫೋಟ	ಟಿ. ಎಸ್. ನಾಗಾಭರಣ	ಕರ್ನಾಟಕ ರಾಜ್ಯ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿ
1988	ಮಾತೃದೇವೋಭವ	ಎನ್. ಎಸ್. ಧನಂಜಯ (ದತ್ತು)
1989	ಹಾಂಕಾಂಗಿನಲ್ಲಿ ಏಜೆಂಟ್ ಅಮರ್	ಜೋ ಸೈಮನ್
1989	ಸಿಂಗಾರಿ ಬಂಗಾರಿ	ಚಂದ್ರಹಾಸ ಆಳ್ವ
1990	ಸಂತ ಶಿಶುನಾಳ ಷರೀಫ	ಟಿ. ಎಸ್. ನಾಗಾಭರಣ
1990	ಸ್ವಾಮಿ	ಶಂಕರ್ ನಾಗ್
1991	ಮನೆ	ಗಿರೀಶ್ ಕಾಸರವಳ್ಳಿ	ವಿಜೇತ : ಕರ್ನಾಟಕ ರಾಜ್ಯ ಅತ್ಯುತ್ತಮ ಛಾಯಾಗ್ರಾಹಕ ಪ್ರಶಸ್ತಿ ಅತ್ಯುತ್ತಮ ಕನ್ನಡ ಚಿತ್ರ ರಾಷ್ಟ್ರೀಯ ಪ್ರಶಸ್ತಿ
1991	ಏಕ್ ಘರ್	ಗಿರೀಶ್ ಕಾಸರವಳ್ಳಿ	ಭಾಷೆ : ಹಿಂದಿ
1992	ಉಂಡೂ ಹೋದ ಕೊಂಡೂ ಹೋದ	ನಾಗತಿಹಳ್ಳಿ ಚಂದ್ರಶೇಖರ
1993	ಕಾದಂಬರಿ	ಕೂಡ್ಲು ರಾಮಕೃಷ್ಣ
1994	ಯಾರಿಗೂ ಹೇಳ್ಬೇಡಿ	ಕೂಡ್ಲು ರಾಮಕೃಷ್ಣ
1995	ನಿಲುಕದ ನಕ್ಷತ್ರ	ಕೂಡ್ಲು ರಾಮಕೃಷ್ಣ
1995	ಕ್ರೌರ್ಯ	ಗಿರೀಶ್ ಕಾಸರವಳ್ಳಿ	ಅತ್ಯುತ್ತಮ ಕನ್ನಡ ಚಿತ್ರ ರಾಷ್ಟ್ರೀಯ ಪ್ರಶಸ್ತಿ
1996	ಜನನಿ	ಶ್ರೀವತ್ಸ ರಂಗನಾಥ್
1996	ಪೂಜ	ಭಾರತಿ ಶಂಕರ್
1997	ಗಂಗವ್ವ ಗಂಗಾಮಾಯಿ	ವಸಂತ ಮೊಕಾಶಿ
1998	ದಿ ಔಟ್ ಹೌಸ್	ಲೆಸ್ಲೀ ಕರ್ವಾಲೋ
1999	ದೇವೀರಿ	ಕವಿತಾ ಲಂಕೇಶ್	ಕರ್ನಾಟಕ ರಾಜ್ಯ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿ
1999	ಕಾನೂರು ಹೆಗ್ಗಡಿತಿ	ಗಿರೀಶ್ ಕಾರ್ನಾಡ್	ಅತ್ಯುತ್ತಮ ಕನ್ನಡ ಚಿತ್ರ ರಾಷ್ಟ್ರೀಯ ಪ್ರಶಸ್ತಿ
2001	ಅಲೆಮಾರಿ	ಕವಿತಾ ಲಂಕೇಶ್
2003	ಅರ್ಥ	ಬಿ. ಸುರೇಶ	ಕರ್ನಾಟಕ ರಾಜ್ಯ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿ
2004	ಹಸೀನಾ	ಗಿರೀಶ್ ಕಾಸರವಳ್ಳಿ	ರಾಷ್ಟ್ರೀಯ ಅತ್ಯುತ್ತಮ ಕುಟುಂಬ ಕಲ್ಯಾಣ ಚಿತ್ರ ಪ್ರಶಸ್ತಿ ಕರ್ನಾಟಕ ರಾಜ್ಯ ಅತ್ಯುತ್ತಮ ಸಾಮಾಜಿಕ ಕಳಕಳಿಯ ಚಲನಚಿತ್ರ ಪ್ರಶಸ್ತಿ
2004	ಬೇರು	ಪಿ. ಶೇಷಾದ್ರಿ	ಅತ್ಯುತ್ತಮ ಕನ್ನಡ ಚಿತ್ರ ರಾಷ್ಟ್ರೀಯ ಪ್ರಶಸ್ತಿ
2004	ಪ್ರವಾಹ	ಪಿ. ಆರ್. ರಾಮದಾಸ್ ನಾಯ್ಡು	ಕರ್ನಾಟಕ ರಾಜ್ಯ ಅತ್ಯುತ್ತಮ ಸಾಮಾಜಿಕ ಕಳಕಳಿಯ ಚಲನಚಿತ್ರ ಪ್ರಶಸ್ತಿ
2005	ನಾಯಿ ನೆರಳು	ಗಿರೀಶ್ ಕಾಸರವಳ್ಳಿ	ಕರ್ನಾಟಕ ರಾಜ್ಯ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿ
2005	ಮುಖಾಮುಖಿ	ಎನ್. ಸುದರ್ಶನ್
2006	ಬನದ ನೆರಳು	ಉಮಾಶಂಕರ್ ಸ್ವಾಮಿ	ಕರ್ನಾಟಕ ರಾಜ್ಯ ಅತ್ಯುತ್ತಮ ಸಾಮಾಜಿಕ ಕಳಕಳಿಯ ಚಲನಚಿತ್ರ ಪ್ರಶಸ್ತಿ
2007	ಗುಲಾಬಿ ಟಾಕೀಸು	ಗಿರೀಶ್ ಕಾಸರವಳ್ಳಿ	ಅತ್ಯುತ್ತಮ ಕನ್ನಡ ಚಿತ್ರ ರಾಷ್ಟ್ರೀಯ ಪ್ರಶಸ್ತಿ ಕರ್ನಾಟಕ ರಾಜ್ಯ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿ
2008	ವಿಮುಕ್ತಿ	ಪಿ. ಶೇಷಾದ್ರಿ	ಅತ್ಯುತ್ತಮ ಕನ್ನಡ ಚಿತ್ರ ರಾಷ್ಟ್ರೀಯ ಪ್ರಶಸ್ತಿ
2008	ಮೊಗ್ಗಿನ ಜಡೆ	ಪಿ. ಆರ್. ರಾಮದಾಸ್ ನಾಯ್ಡು
2008	ಹಾರು ಹಕ್ಕಿಯನೇರಿ	ಏ. ಎನ್. ಪ್ರಸನ್ನ
2009	ದಾಟು	ಕೆ. ಶಿವರುದ್ರಯ್ಯ
2009	ಮುಖಪುಟ	ರೂಪ ಅಯ್ಯರ್	ಕರ್ನಾಟಕ ರಾಜ್ಯ ಅತ್ಯುತ್ತಮ ಸಾಮಾಜಿಕ ಕಳಕಳಿಯ ಚಲನಚಿತ್ರ ಪ್ರಶಸ್ತಿ
2009	ಕರಾವಳಿ ಹುಡುಗಿ	ಕೂಡ್ಲು ರಾಮಕೃಷ್ಣ
2010	ಗಾಂಧಿ ಸ್ಮೈಲ್ಸ್	ಕ್ರಿಶ್ ಜೋಶಿ
2010	ಬೇಲಿ ಮತ್ತು ಹೊಲ	ಪಿ. ಆರ್. ರಾಮದಾಸ್ ನಾಯ್ಡು
2010	ಹೆಜ್ಜೆಗಳು	ಪಿ. ಆರ್. ರಾಮದಾಸ್ ನಾಯ್ಡು
2010	ಪ್ರಾರ್ಥನೆ	ಸದಾಶಿವ ಶೆಣೈ