ಸೌಂದರ್ಯವರ್ಧಕಗಳು

ಸೌಂದರ್ಯವರ್ಧಕಗಳು (ಅಂಗರಾಗ, ಪ್ರಸಾಧನ) ಅಂದರೆ, ಮಾನವ ದೇಹದ ವಾಸನೆ ಅಥವಾ ಬಾಹ್ಯಚಹರೆಯನ್ನು ವಿಸ್ತರಿಸುವುದಕ್ಕಾಗಿ ಬಳಸುವ ಪದಾರ್ಥಗಳಾಗಿವೆ. ಇವು ಗಮನ ಸೆಳೆವಂತೆ ಮೈಕಾಂತಿಯನ್ನು ಹೆಚ್ಚಿಸುವ ವಸ್ತುಗಳು. ಇದರ ಆನ್ವಯಿಕ ಮುಖವೇ ಅಂಗರಾಗವಿಜ್ಞಾನ. ಸೌಂದರ್ಯವರ್ಧಕಗಳಲ್ಲಿ ಚರ್ಮದ-ಆರೈಕೆಗಾಗಿ ಕ್ರೀಮ್‌ಗಳು, ಲೋಶನ್‌ಗಳು, ಪೌಡರ್‌ಗಳು, ಪರ್ಫ್ಯೂಮ್‌ಗಳು, ಲಿಪ್‌ಸ್ಟಿಕ್‌ಗಳು, ಬೆರಳು ಉಗುರುಗಳ ಮತ್ತು ಕಾಲ್ಬೆರಳ ಉಗುರು ಬಣ್ಣ, ಕಣ್ಣು ಮತ್ತು ಮುಖದ ಮೇಕಪ್, ಶಾಶ್ವತ ವೇವ್ಸ್, ಬಣ್ಣದ ಕಾಂಟ್ಯಾಕ್ಟ್ ಲೆನ್ಸ್‌ಗಳು, ಕೂದಲು ಬಣ್ಣಗಳು, ಕೂದಲು ಸ್ಪ್ರೇಗಳು ಮತ್ತು ಜೆಲ್‌ಗಳು, ಡಿಯೊಡ್ರಂಟ್‌ಗಳು, ಮಕ್ಕಳ ಉತ್ಪನ್ನಗಳು, ಸ್ನಾನದ ಎಣ್ಣೆಗಳು, ಬಬಲ್ ಸ್ನಾನಗಳು, ಸ್ನಾನದ ಲವಣಗಳು, ಬೆಣ್ಣೆಗಳು ಮತ್ತು ಇತರೆ ಹಲವಾರು ವಿವಿಧ ಉತ್ಪನ್ನಗಳು ಸೇರಿವೆ. ಮುಖ್ಯವಾಗಿ ಬಳಕೆದಾರರ ಬಾಹ್ಯ ಚಹರೆಯನ್ನು ಮಾರ್ಪಡಿಸುವ ಸಲುವಾಗಿ ವಿವಿಧ ವರ್ಣರಂಜಿತ ಉತ್ಪನ್ನಗಳು ಸೌಂದರ್ಯವರ್ಧಕಗಳಾಗಿವೆ.

ಆರೋಗ್ಯ, ಸೌಂದರ್ಯ ಎರಡನ್ನೂ ವರ್ಧಿಸುತ್ತಾದ್ದರಿಂದ ಇದು ದೊಡ್ಡ ಕೈಗಾರಿಕೆಯಾಗಿ ಬೆಳೆದಿದೆ. ಇದರ ಚಾರಿತ್ರಿಕ ಹಾಗೂ ವೈಜ್ಞಾನಿಕ ವಿಚಾರಗಳನ್ನು ಪರಿಶೀಲಿಸುವುದೇ ಅಂಗರಾಗವಿಜ್ಞಾನದ ಉದ್ದೇಶ. ಅನೇಕ ಉತ್ಪಾದಕರು ಅಲಂಕಾರಿಕ ಸೌಂದರ್ಯವರ್ಧಕಗಳು ಮತ್ತು ಕೇರ್ ಕಾಸ್ಮೆಟಿಕ್ಸ್ ಎಂಬುದಾಗಿ ವಿಂಗಡಿಸಿದ್ದಾರೆ.

ಪ್ರಸ್ತುತವಾಗಿ, ಸೌಂದರ್ಯವರ್ಧಕಗಳ ಉತ್ಪಾದಕರು 20 ನೇ ಶತಮಾನದ ಆರಂಭದಲ್ಲಿ ಪ್ರಾರಂಭವಾದ ಒಂದು ಸಣ್ಣ ಪ್ರಮಾಣದ ಬಹುರಾಷ್ಟ್ರೀಯ ಕಾರ್ಪೋರೇಷನ್‌ಗಳಿಂದ ಪ್ರಭಾವ ಬೀರಲ್ಪಟ್ಟಿವೆ. ಯುಎಸ್‌ನ ಆಹಾರ ಮತ್ತು ಡ್ರಗ್ ಅಡ್ಮಿನಿಸ್ಟ್ರೇಷನ್ (ಎಫ್‍ಡಿಎ)ಯು ಯುನೈಟೆಡ್ ಸ್ಟೇಟ್ಸ್‌ನಲ್ಲಿ^[೧] ಸೌಂದರ್ಯವರ್ಧಕಗಳನ್ನು ನಿಯಂತ್ರಿಸಿದೆಯಲ್ಲದೇ, ಸೌಂದರ್ಯವರ್ಧಕಗಳನ್ನು ಮಾನವನ ದೇಹದ ರಚನೆ ಮತ್ತು ಕಾರ್ಯಗಳಲ್ಲಿ ಯಾವುದೇ ಬದಲಾವಣೆಯನ್ನು ಮಾಡದೇ, ಅಥವಾ ಆಕರ್ಷಣೆಯನ್ನು ಹೆಚ್ಚಿಸುವುದು, ಸೌಂದರ್ಯಗೊಳಿಸುವುದು, ಸ್ವಚ್ಛಗೊಳಿಸುವ ಉದ್ದೇಶವನ್ನು ಹೊಂದಿದೆ. ಈ ವಿಸ್ತೃತ ವ್ಯಾಖ್ಯೆಯ ಪ್ರಕಾರ, ಯಾವುದೇ ಒಂದು ಮೂಲ ವಸ್ತುವನ್ನು ಸೌಂದರ್ಯವರ್ಧಕ ಉತ್ಪನ್ನವಾಗಿ ಬಳಸುವ ಉದ್ದೇಶವಾಗಿದೆ. ಎಫ್‌ಡಿಎ ಯು ವಿಶೇಷವಾಗಿ ಸೋಪನ್ನು ಈ ವರ್ಗದಿಂದ ಪ್ರತ್ಯೇಕವಾಗಿಟ್ಟಿದೆ.^[೨]

ಇತಿಹಾಸ

ಅಂಗರಾಗಗಳು ಮೊದಲು ಚೀನಾದಲ್ಲಿ ಹುಟ್ಟಿರಬಹುದು. ಮೊದಲ ಪ್ರಾಕ್ತನ ಶಾಸ್ತ್ರದ ಆಧಾರದ ಮೇಲೆ ಪುರಾತನ ಈಜಿಪ್ಟ್ ಕಾಲದಲ್ಲಿ ಸುಮಾರು ಕ್ರಿ.ಪೂ. 3500 ಯಲ್ಲಿ ಈಜಿಪ್ಟ್‌ ದೇಶದಲ್ಲಿ ದೊರೆ ಮನೆತನದವರು ನೆಫೆರ್ಟಿಟಿ, ನೆಫರ್ಟರಿಗಳಂತಹ ಮೇಕಪ್‌ಗಳನ್ನು ಹೊಂದಿದ್ದರು, ಟುಟಂಕಾಮನ್, ಮುಂತಾದ ಮುಖವಾಡಗಳನ್ನು ಹೊಂದಿದ್ದರು. ಕ್ರಿ.ಪೂ. ೩೦೦೦ರ ಸುಮಾರಿನಲ್ಲಿ, ಸತ್ತ ದೊರೆಗಳೊಡನೆ ಸುಖಸಂಪತ್ತಿನ ವಸ್ತುಗಳನ್ನೂ ಹೂಳುತ್ತಿದ್ದರು. ಇವುಗಳೊಂದಿಗೆ ಅಲಂಕಾರ ವಸ್ತುಗಳೂ ಮುಲಾಮುಗಳೂ ಇದ್ದುದು ಗೊತ್ತಾಗಿದೆ. ಸುವಾಸನಾವಸ್ತುಗಳೂ ಇದ್ದುವೆಂದು ಅವನ್ನು ತೆಗೆದಾಗ ಕಂಡವರು ಹೇಳುತ್ತಾರೆ. ಈಜಿಪ್ಟಿನ ಇತರ ಸ್ಮಾರಕಗಳು ಗೋರಿಗಳು ಪುರಾತನ ಈಜಿಪ್ಟಿನವರು ಅಂಗರಾಗವಸ್ತುಗಳಲ್ಲಿ ಇಡುತ್ತಿದ್ದ ಆಸಕ್ತಿಯನ್ನು ತೋರುತ್ತವೆ.

ಸ್ನಾನದ ತೊಟ್ಟಿಯನ್ನು ಮೊದಲು ಬಳಸಿದವರು ಪುರಾತನ ಈಜಿಪ್ಟಿಗರಿರಬಹುದು. ಆಮೇಲೆ ಗ್ರೀಕರೂ ರೋಮನ್ನರೂ ಇದನ್ನೇ ರೂಢಿಗೆ ತಂದರು. ಮೈತೊಳೆದುಕೊಂಡಮೇಲೆ ಸುವಾಸನೆಯ ಎಣ್ಣೆಗಳು, ಮುಲಾಮುಗಳನ್ನು, ಚರ್ಮ ತಂಪಾಗಿ ನುಣುಪಾಗಿ ಬಣ್ಣವೇರುವಂತೆ ಹಚ್ಚುತ್ತಿದ್ದರು. ಕಚ್ಚಾ ಬಣ್ಣಗಳನ್ನು ಪೂಸಿಕೊಂಡು ಈಜಿಪ್ಟಿನ ಹೆಂಗಸರು ಅಲಂಕರಿಸಿಕೊಳ್ಳುತ್ತಿದ್ದರು. ಕ್ಲಿಯೊಪಾತ್ರಳ ಕಾಲದಲ್ಲಿ ಇದು ವಿಪರೀತವಾಗಿತ್ತು. ಈಜಿಪ್ಟಿನ ಗೋರಿಗಳಲ್ಲೂ ಕಂಡುಬಂದಂತೆ, ಕಣ್ಣಿನ ಅಲಂಕಾರಕ್ಕೆ ಹೆಚ್ಚು ಗಮನ ಕೊಡುತ್ತಿದ್ದರು. ಕಣ್ಣಿನ ಕೆಳಗೆ (ಭಿತ್ತಿಚಿತ್ರಗಳಲ್ಲಿರುವಂತೆ) ಹಸರನ್ನೂ ರೆಪ್ಪೆ, ಎವೆಗಳು, ಹುಬ್ಬುಗಳಿಗೆ ಅಂಟಿಮನಿ ಸಲ್ಫೈಡಿನಿಂದ ಮಾಡಿದ ಕಾಡಿಗೆ ಕಪ್ಪನ್ನೂ ದಂತದ ಕಡ್ಡಿಗಳಿಂದ ಹಚ್ಚುತ್ತಿದ್ದರು. ಬೆರಳುಗುರುಗಳಿಗೂ ಅಂಗೈ ಅಂಗಾಲುಗಳಿಗೂ ಗೋರಂಟಿ ಬಣ್ಣ ಹಚ್ಚುತ್ತಿದ್ದರು. ಅಂದಿನ ಬಾಚಣಿಗೆ, ಲೋಹಗನ್ನಡಿಗಳು ಈಗಲೂ ಬ್ರಿಟಿಷ್ ವಸ್ತುಸಂಗ್ರಹಾಲಯದಲ್ಲಿವೆ.

ಪುರಾತನ ಗ್ರೀಕರು ಮತ್ತು ರೋಮನ್ನರು ಸಹ ಸೌಂದರ್ಯವರ್ಧಕಗಳನ್ನು ಬಳಸುತ್ತಿದ್ದರು. ರೋಮನ್ನರು ಮತ್ತು ಪ್ರಾಚೀನ ಈಜಿಪ್ತಿಯನ್ನರು ಈ ಕಾಸ್ಮೆಟಿಕ್ಸ್ ವಿಷಕಾರಿಯಾದ ಪಾದರಸ ಮತ್ತು ಸೀಸವನ್ನು ಒಳಗೊಂಡಿದೆಯೆಂಬುದನ್ನು ಪತ್ತೆಹಚ್ಚಿದ್ದರು. ಇಸ್ರೇಲ್‌ನ ಪ್ರಾಚೀನ ರಾಜಧಾನಿಯು ಈ ಸೌಂದರ್ಯವರ್ಧಕಗಳಿಂದ ಪ್ರಭಾವಿತಗೊಂಡಿತ್ತು ಎಂದು ಹಳೆಯ ಒಡಂಬಡಿಕೆ– 2 ರಾಜರು 9:30 ದಲ್ಲಿ ದಾಖಲಾಗಿದೆ. ಜೆಝ್ಬೆಲ್ ತನ್ನ ಕಣ್ಣಿನ ರೆಪ್ಪೆಗಳಿಗೆ ಸುಮಾರು ಕ್ರಿ.ಪೂ. 840 ಯ ಅವಧಿಯಲ್ಲಿ ಬಣ್ಣಹಚ್ಚುತ್ತಿದ್ದಳೆಂದು ತಿಳಿದುಬಂದಿದೆ. ಯೆಹೂದ್ಯ ಹೆಂಗಸರು ಅಂಗರಾಗಗಳನ್ನೂ ಬಳಸುತ್ತಿದ್ದುದನ್ನು ಬೈಬಲ್ಲಿನಲ್ಲಿ ಹೇಳಿದೆ. ಬೈಬ್ಲಿಕಲ್ ಪುಸ್ತಕವಾದ ಈಸ್ಟರ್, ಅನೇಕ ಸೌಂದರ್ಯ ಚಿಕಿತ್ಸೆಗಳ ಬಗ್ಗೆಯೂ ವಿವರಣೆ ನೀಡುತ್ತದೆ. ಕೊರಾನಿನಲ್ಲೂ ಸುವಾಸನಾದ್ರವ್ಯಗಳ ವಿಚಾರವಿದೆ.

ಮೊದಮೊದಲು ರೋಮನ್ನರು ತಾವು ಹೇಗೆ ಕಾಣುತ್ತಿದ್ದೆವೆಂಬ ವಿಚಾರವಾಗಿ ಅಷ್ಟಾಗಿ ಚಿಂತಿಸುತ್ತಿರಲ್ಲಿಲ್ಲ. ಗ್ರೀಕರೊಂದಿಗೆ ಸೇರಿದಾಗ ಅವರಿಗೂ ಅಲಂಕಾರದಲ್ಲಿ ಆಸಕ್ತಿ ಹುಟ್ಟಿತು. ನೀರೊ ಚಕ್ರವರ್ತಿಯಾಗುವ ಹೊತ್ತಿಗೆ (ಕ್ರಿ,ಶ ೫೪) ಅಂಗರಾಗಗಳೂ ಪರಿಮಳಗಳೂ ಹೆಚ್ಚಾಗಿ ಗಮನ ಸೆಳೆದಿದ್ದುವು. ನೀರೊ ಕೂಡ ಬೇಕಾದಷ್ಟು ಲೇಪನಗಳನ್ನು ಹಚ್ಚಿಕೊಳ್ಳುತ್ತಿದ್ದ. ಮಹಾರಾಣಿಯಂತೂ ಕೃತಕ ಅಲಂಕಾರಗಳನ್ನು ಗುಟ್ಟಾಗಿಡುತ್ತಿರಲಿಲ್ಲ. ಚರ್ಮವನ್ನು ಬಿಳಿಚಿಸಲು ವೈಟ್‌ಲೆಡ್, ಸೀಮೆಸುಣ್ಣ; ಕಣ್ಣಿಗೂ ರೆಪ್ಪೆಗೂದಲಿಗೂ ಕಾಡಿಗೆ ಕಪ್ಪು; ಕೆನ್ನೆಗಳು, ತುಟಿಗಳಿಗೆ ಕೆಂಪು ಮತ್ತು ಒಂದು ತೆರನ ರೋಮನಾಶಕ; ಮೊಡಮೆಗಳು ದದ್ದುಗಳಿಗೆ ಜವೆಗೋದಿ ಹಿಟ್ಟು, ಬೆಣ್ಣೆ, ಹಲ್ಲನ್ನು ತಿಕ್ಕಿ ಬೆಳಗಿಸಲು ಫ್ಯೂಮಿಸ್ ಕಲ್ಲು-ಮುಂತಾದುವು ಬಳಕೆಯಲ್ಲಿದ್ದುವು. ಮಿತಿಮೀರಿದ ಅಲಂಕಾರ ಮಾಡಿಕೊಳ್ಳುತ್ತಿದ್ದ ರೋಮನ್ ಆಸ್ಥಾನದ ಸುಂದರಿಯರು ಗಾಲ್‌ನಿಂದ ತರಿಸಿದ ಸಾಬೂನಿನಿಂದ ಕೂದಲ ಬಣ್ಣ ತೆಗೆಯುತ್ತಿದ್ದರು. ರೋಮನ್ನರು ತಮ್ಮ ಪರಿಮಳಗಳನ್ನೂ ಅಂಗರಾಗವಸ್ತುಗಳನ್ನೂ ಮನಸೆಳೆವ ಅಲಂಕರಿಸಿದ ಭರಣಿಗಳಲ್ಲಿ ತುಂಬಿಸುತ್ತಿದ್ದರು. ಬಾದಾಮಿ, ಗುಲಾಬಿಯಂಥ ಪರಿಮಳವಿರುವ ಮುಲಾಮುಗಳು, ಹೂವುಗಳು, ಏಲಕ್ಕಿ ಲವಂಗ ಮೊದಲಾದುವು, ಗೋಂದು- ಇವನ್ನು ಆಲಿವ್ ಎಣ್ಣೆ, ಎಳ್ಳೆಣ್ಣೆಗಳಲ್ಲಿ ಕರಗಿಸಿದ್ದ ತೈಲದ ಮುಲಾಮುಗಳು, ಹುಡಿಗಳು-ಹೀಗೆ ೩ ಬಗೆಯ ದ್ರವ್ಯಗಳು ಉಪಯೋಗದಲ್ಲಿದ್ದುವು.

ಮಧ್ಯಕಾಲೀನ ಯುಗದಲ್ಲಿ, ಚರ್ಚುಗಳ ಮುಖ್ಯಸ್ಥರಿಂದ ಇದರ ಬಳಕೆಯು ತಿರಸ್ಕರಿಸಲ್ಪಟ್ಟರೂ ಕೂಡ, ಅನೇಕ ಮಹಿಳೆಯರು ಈ ಸೌಂದರ್ಯವರ್ಧಕಗಳನ್ನು ಬಳಸುತ್ತಿದ್ದರು. ಮಧ್ಯಕಾಲೀನ ಯುಗದಲ್ಲಿ ಮಹಿಳೆಯರು ಬಿಳಿ ಬಣ್ಣದ ಚರ್ಮವನ್ನು ಹೊಂದುವ ಆಸಕ್ತಿ ಹೊಂದಿದ್ದರಲ್ಲದೇ, ಅದಕ್ಕಾಗಿ ಅವರು ಸೀಸದ ಪೇಸ್ಟನ್ನು, ಚಾಕ್ ಅಥವಾ ಹಿಟ್ಟನ್ನು ಹಚ್ಚುತ್ತಿದ್ದರು. ಮಹಿಳೆಯರು ತಮ್ಮ ಮುಖದ ಚರ್ಮವು ಬೆಳ್ಳಗೆ ಕಾಣಲು, “ಸೆರ್ಯೂಸ್” ಎನ್ನುವ ಬಿಳಿಯ ಸೀಸದ ವರ್ಣದ್ರವ್ಯವನ್ನು ಅವರ ಮುಖಕ್ಕೆ ಹಚ್ಚುತ್ತಿದ್ದರು.^[೩]^[೩]

ಅಂಗರಾಗಗಳ ಬಳಕೆ ಬ್ರಿಟನ್ನಿನಲ್ಲೂ ಎಷ್ಟೋ ಕಾಲದಿಂದ ಇದ್ದರೂ ಪೂರ್ವ ದೇಶಗಳಿಂದ ಬಂದ ಅಲಂಕಾರ ವಸ್ತುಗಳು ಒಂದನೆಯ ಎಲಿಜಬೆತ್ ರಾಣಿ ಕಾಲಕ್ಕೆ ಜನಪ್ರಿಯವಾಗಿದ್ದುವು. ಮಲಗುವ ಮನೆಗಳ ಪರಿಕರಗಳಲ್ಲಿ ಪರಿಮಳದ ಪೆಟ್ಟಿಗೆಯೂ ಮುಖ್ಯವಾಗಿತ್ತು. ಎಲಿಜಬೆತ್ತಳ ಕಾಲದಲ್ಲಿ ಮೈಕಾಂತಿಯನ್ನು ಹೆಚ್ಚಿಸಿಕೊಳ್ಳಲು, ಚೆನ್ನಾಗಿ ಬೆವರುವಂತೆ ತುಂಬ ಸುಡುವ ನೀರಿನ ಸ್ನಾನಮಾಡಿ, ಮೊಗ ಕೆಂಪೇರುವಂತೆ ಚೆನ್ನಾಗಿ ಸಾರಾಯಿಯಲ್ಲಿ ತೊಳೆಯುವ ಉಪಾಯವಿತ್ತು. ಇದು ಸಾಧ್ಯವಿಲ್ಲದ ಎಳೆಯರು ಹಾಲಿನಲ್ಲಿ ಮಿಂದು ಏಳುತ್ತಿದ್ದರು. ಆಮೇಲೆ ಕೆಲಕಾಲ ಕೂದಲಿಗೆ ಪುಡಿ ಹಾಕುತ್ತಿದ್ದರು. ೧೮ನೆಯ ಶತಮಾನದ ಹೊತ್ತಿಗೆ ಅಂಗರಾಗಗಳ ಬಳಕೆ ಎಲ್ಲರಲ್ಲೂ ಎಷ್ಟು ಹೆಚ್ಚಿತ್ತೆಂದರೆ ಇಂಗ್ಲೆಂಡಿನ ಪಾರ್ಲಿಮೆಂಟಿನಲ್ಲಿ (೧೭೭೦) ಒಂದು ಕಾಯಿದೆಯನ್ನೇ ತಂದರು. ಅಂಗರಾಗಗಳಿಂದ ಅಲಂಕರಿಸಿಕೊಂಡು ಮನಸೆಳೆದು ಮದುವೆಯಾದರೆ ಅದು ಮದುವೆ ಎನ್ನಿಸುವುದಿಲ್ಲ ಎಂದಿದೆ, ಆ ಕಾಯಿದೆಯಲ್ಲಿ. ಇದೇ ಕಾನೂನನ್ನು ಅಮೆರಿಕದ ಪೆನ್ಸಿಲ್ವೇನಿಯ ಸಂಸ್ಥಾನದಲ್ಲೂ ಜಾರಿಗೆ ತಂದರು. ಬಹುಮಟ್ಟಿಗೆ ಅಮೆರಿಕದ ಕಾಲೋನಿಗಳಲ್ಲೆಲ್ಲ ಹೀಗೆ ಅಂಗರಾಗಗಳನ್ನು ಹೊರಕಾಣುವಂತೆ ಹಚ್ಚುವುದನ್ನು ಯಾರೂ ಒಪ್ಪಲಿಲ್ಲ.

ಪಾಶ್ಚಿಮಾತ್ಯ ಚರಿತ್ರೆಯಲ್ಲಿ ಅನೇಕ ದೃಷ್ಟಿಕೋನಗಳಲ್ಲಿ ಸೌಂದರ್ಯವರ್ಧಕಗಳ ಬಳಕೆಯು ಅಸಮಾಧಾನಕರವಾಗಿ ನೋಡಲ್ಪಡುತ್ತಿತ್ತು. ಉದಾಹರಣೆಗೆ, 1800ರ ದಶಕದಲ್ಲಿ, ಈ ಮೇಕಪ್‌ಗಳು ಮುಖ್ಯವಾಗಿ ವೇಶ್ಯೆಯರಿಂದ ಮಾತ್ರ ಬಳಸಲ್ಪಡುತ್ತಿದ್ದವು, ಮತ್ತು ರಾಣಿ ವಿಕ್ಟೋರಿಯಾ ಅವರು ಮೇಕಪ್ಪನ್ನು ಸಾರ್ವತ್ರಿಕವಾಗಿ, ಅಸಮರ್ಪಕ, ಅಸಭ್ಯ ಮತ್ತು ಅದು ಕೇವಲ ನಟ/ನಟಿಯರಿಗಾಗಿ ಮಾತ್ರ ಬಳಸಲು ಸೂಕ್ತವಾಗಿರುತ್ತಿತ್ತು.^[೪] ಅಡಾಲ್ಫ್ ಹಿಟ್ಲರ್‌ನ ಪ್ರಕಾರ, ಮುಖಕ್ಕೆ ಬಣ್ಣ ಹಚ್ಚುವುದು ಹಾಸ್ಯಗಾರರಿಗೆ ಮಾತ್ರವಾಗಿದೆಯಲ್ಲದೇ, ಉತ್ತಮ ಜನಾಂಗದ ಮಹಿಳೆಯರಿಗಾಗಿ ಅಲ್ಲವೆಂದು ಹೇಳಿದ್ದಾನೆ.

ಇಟಲಿ, ಫ್ರಾನ್ಸ್, ಸ್ಪೇನ್‌ಗಳಲ್ಲೂ ಅಂಗರಾಗಗಳು ಜನಪ್ರಿಯವಾಗಿದ್ದುವು. ೧೩ನೆಯ ಲೂಯಿಯ ರಾಣಿ ಆಸ್ಟ್ರಿಯಾದ ಸುಂದರಿ ಆ್ಯನ್ ಬಹಳ ಬಳಸುತ್ತಿದ್ದಳು. ವೆನಿಲ್ಲ, ಕೆಕಾವೊ ಕೆನೆಗಳೂ(ಕ್ರೀಮ್ಸ್) ಬಾದಾಮಿಸರಿಯೂ (ಪೇಸ್ಟ್) ಸ್ಟೇನಿನಿಂದ ಆಮದಾಗಿ ಬರುತ್ತಿದ್ದುವು. ಆಸ್ಥಾನದ ಹೆಂಗಸರ ಚರ್ಮವನ್ನು ಬಿಳಿಚಿಸಲು ಇವನ್ನೆಲ್ಲ ಹಚ್ಚುತ್ತಿದ್ದರು. ಒಂದನೆಯ ನೆಪೋಲಿಯನ್ ತನ್ನ ಕಾಲದ ಈ ಮೋಜುಗಳಿಗೆ ಒಳಗಾಗಿದ್ದ. ಬೋಸೆಫೀನ್ ಮಹಾರಾಣಿ ಮಾರ್ಟಿನಿಕ್ ಊರಿನಿಂದ ಅಂಗರಾಗಗಳನ್ನು ತರಿಸಿ ಯಾವಾಗಲೂ ಬಳಸುತ್ತಿದ್ದಳು. ಈ ಕಾಲದಲ್ಲೆ ಫ್ರೆಂಚರು ಪರಿಮಳಗಳ, ಅಂಗರಾಗಸಾಧನಗಳ, ಶಾಸ್ತ್ರೀಯ ತಯಾರಿಕೆಯನ್ನು ಪ್ರಾರಂಭಿಸಿದರು.

19ನೇ ಶತಮಾನದ ಮಹಿಳೆಯರು ಅದು ಕೇವಲ ದುರ್ಬಲ ಸ್ತ್ರೀಯರಿಗಾಗಿ ಇರುವುದು ಎಂದು ನಂಬಿದ್ದರು. ಅವರು ತಮ್ಮನ್ನು ಕೋಮಲ ಹೂವುಗಳಿಗೆ ಹೋಲಿಸಿಕೊಳ್ಳುತ್ತಿದ್ದರಲ್ಲದೇ, ತಮ್ಮ ಮಾರ್ದವತೆ ಮತ್ತು ಹೆಣ್ತನಕ್ಕೆ ಪ್ರಾಧಾನ್ಯ ನೀಡುತ್ತಿದ್ದರು. ಅವರು ಸದಾ ಬೆಳ್ಳಗೆ ಮತ್ತು ಆಕರ್ಷಣೀಯವಾಗಿ ಕಾಣುವುದರ ಬಗ್ಗೆ ಹೆಚ್ಚಿನ ಗಮನ ನೀಡುತ್ತಿದ್ದರು. ಬೆಳ್ಳಗಿನ ಬಣ್ಣವು ವಿನೇಗರ್‌ ಅನ್ನು ಸದಾ ಕುಡಿಯುವುದರಿಂದ ಮತ್ತು ತಾಜಾ ಗಾಳಿಯನ್ನು ತಪ್ಪಿಸುವ ಮೂಲಕ ಪಡೆದುಕೊಳ್ಳಬಹುದೆಂದುಕೊಂಡಿದ್ದರು. ಕೆಲವೊಮ್ಮೆ ಸ್ತ್ರೀಯರು ಸ್ವಲ್ಪ ಪ್ರಮಾಣದ ತಿಳಿ ಕೆಂಪು ಬಣ್ಣ/ರೂಜ್‌ ಅನ್ನು ಕೆನ್ನೆಗಳಿಗೆ ಲೇಪಿಸುತ್ತಿದ್ದರಲ್ಲದೇ, ತಮ್ಮ ಕಣ್ಣುಗಳು ಸುಂದರವಾಗಿ ಎದ್ದುಕಾಣಲು, "ಬೆಲ್ಲಾಡೊನ್ನಾ"ವನ್ನು ಹಚ್ಚುತ್ತಿದ್ದರು. ವಿಶೇಷವಾಗಿ 1870ರಲ್ಲಿ ಯಾವಾಗ ಸಾಮಾಜಿಕ ಶಿಷ್ಟಾಚಾರತೆಗಳು ಹೆಚ್ಚು ಸಂಕೀರ್ಣವಾಗಿ ಕಂಡುಬಂದಿತೋ ಆಗ ಈ ಮೇಕಪ್ಪನ್ನು ಸೂಕ್ತ ರೀತಿಯಲ್ಲಿ ಪರಿಗಣಿಸಲಿಲ್ಲ.

ಯುರೋಪಿನಲ್ಲಿ ಆದದ್ದೆಲ್ಲ ಅಮೆರಿಕದಲ್ಲೂ ಮಾರ್ದನಿಸಿತು. ಅಮೇರಿಕದ ಕಾಡುಜನರು ಮೈಗೆ ಬಳಿದುಕೊಳ್ಳುತ್ತಿದ್ದ ಬಣ್ಣಗಳು, ಕೊಬ್ಬುಗಳು, ಎಣ್ಣೆಗಳು ಪರಿಚಯವಾಗಿದ್ದರೂ ವಲಸೆ ಬಂದವರಿಗೆ ಇವು ಹಿಡಿಸಲಿಲ್ಲ. ಆಮೇಲೆ ಅಂಗರಾಗ ಬಳಕೆ ಒಂದೊಂದು ಸಂಸ್ಥಾನದಲ್ಲಿ ಒಂದೊಂದು ಬಗೆಯಾಗಿತ್ತು. ಉತ್ತರದವರು ಬಳಸಲೇಕೂಡದೆಂದರೆ ಫ್ರೆಂಚರು ಹೆಚ್ಚಾಗಿದ್ದ ದಕ್ಷಿಣದವರು ಹೇರಳವಾಗಿ ಬಳಸುತ್ತಿದ್ದರು. ವಿಕ್ಟೋರಿಯ ಕಾಲದಲ್ಲಿ, ಅಂಗರಾಗಗಳ ಬಳಕೆ ಅನಾಗರಿಕವೆಂಬ ಭಾವನೆ ಅಮೆರಿಕಕ್ಕೂ ಹರಡಿತ್ತು. ಆದರೆ ಅಂಗರಾಗಗಳನ್ನು ಉತ್ತಮಗೊಳಿಸಿ ತಯಾರಿಸುವುದರಲ್ಲಿ ಫ್ರಾನ್ಸ್ ಮುಂದಾಯಿತು. ಇಂಗ್ಲೆಂಡು ಅಮೆರಿಕಗಳಲ್ಲಿ ಜನಪ್ರಿಯವಾಗುವ ಎಷ್ಟೋ ಮುಂಚಿನಿಂದಲೂ ಫ್ರಾನ್ಸಿನ ಹೆಂಗಸರು ಮೊಗವನ್ನು ತಿದ್ದಿಕಾಂತಿಗೊಳಿಸುವ ಅಂಗರಾಗಗಳನ್ನು ಬಳಸುತ್ತಿದ್ದರು. ಮೊದಲನೆಯ ಮಹಾಯುದ್ಧ ಮುಗಿಯುವ ತನಕ ಹೀಗೆ ಇತ್ತು. ಬರುಬರುತ್ತ ಇವು ಎಲ್ಲೆಲ್ಲೂ ಜನಪ್ರಿಯವಾದುವು.

ನಟಿಯರು ಈ ಮೇಕಪ್‌ಗಳನ್ನು ಬಳಸಲು ಅವಕಾಶವಿತ್ತಲ್ಲದೇ, ಪ್ರಸಿದ್ಧ ಸುಂದರಿಯರಾದ ಸರಾಹ್ ಬರ್ನಾರ್ಡ್ಟ್ ಮತ್ತು ಲಿಲ್ಲೀ ಲ್ಯಾಂಗ್ಟ್ರೀ ಅವರು ಪೌಡರ್‌ಗಳನ್ನು ಹಾಕಬಹುದಾಗಿತ್ತು. ಹೆಚ್ಚಿನ ಸೌಂದರ್ಯಕಾರಕ ಉತ್ಪನ್ನಗಳು ರಾಸಾಯನಿಕ ಅಸ್ಪಷ್ಟತೆಯಿಂದ ಕೂಡಿರುತ್ತಿದ್ದವು ಇಲ್ಲವೇ, ಅಡುಗೆ ಮನೆಯ ಆಹಾರ ಪದಾರ್ಥಗಳಾದ ಬೆರ್ರೀಸ್ ಮತ್ತು ಬೀಟ್ರೂಟ್‌ಗಳ ಬಣ್ಣಗಳಲ್ಲಿ ಇರುತ್ತಿದ್ದವು.

20ನೇ ಶತಮಾನದ ಮಧ್ಯಭಾಗದ ಹೊತ್ತಿಗೆ, ಮಹಿಳೆಯರು ಸೌಂದರ್ಯವರ್ಧಕಗಳನ್ನು ಬಳಸುವುದು ಪ್ರಪಂಚದ ಎಲ್ಲ ಔದ್ಯೋಗಿಕ ಸಮಾಜಗಳಲ್ಲಿ ವ್ಯಾಪಕವಾಗಿ ಹರಡಿಕೊಂಡಿತು.

ಸಾವಿರಾರು ವರ್ಷಗಳಿಂದಲೂ ಸೌಂದರ್ಯವರ್ಧಕಗಳು ಬಳಕೆಯಲ್ಲಿವೆ. ಉತ್ಪಾದನಾ ನಿಯಂತ್ರಣದ ಕೊರತೆ ಮತ್ತು ಸೌಂದರ್ಯವರ್ಧಕಗಳ ಬಳಕೆ ಅಡ್ಡ ಪರಿಣಾಮಗಳಿಗೆ ಎಡೆಮಾಡಿಕೊಟ್ಟಿದ್ದು ಅಂಗವೈಕಲ್ಯ, ಕುರುಡುತನ, ಮತ್ತು ಕಾಲಾಂತರದಲ್ಲಿ ಸಾವೂ ಸಹ ಸಂಭವಿಸಬಹುದು. ಇದಕ್ಕೆ ಉದಾಹರಣೆಗಳೆಂದರೆ ಪುನರುಜ್ಜೀವನಕಾಲದಲ್ಲಿ, ಮುಖಕ್ಕೆ ಬಳಸುತ್ತಿದ್ದ ಸೆರೂಸ್ (ಬಿಳಿ ಸೀಸ) , ಮತ್ತು 1900ರ ಪ್ರಾರಂಭದಲ್ಲಿ ಕಣ್ಣಿನ ರೆಪ್ಪೆಗಳಿಗೆ ಅಲಂಕಾರಕವಾಗಿ ಬಳಸುತ್ತಿದ್ದ ಮಸ್ಕರ ಕುರುಡುತನವನ್ನು ಉಂಟುಮಾಡಿತ್ತು.

ಇಂದು ಪ್ರಪಂಚಾದ್ಯಂತ ಸೌಂದರ್ಯವರ್ಧಕಗಳಿಗೆ ತಗಲುವ ವಾರ್ಷಿಕ ವೆಚ್ಚ $19 ಬಿಲಿಯನ್.^[೫]

1909ರಲ್ಲಿ ಯೂಜಿನ್ ಸ್ಕೂಲರ್ ಅವರಿಂದ ಸ್ಥಾಪಿತವಾದ ಲ'ಒರಿಯಲ್ ಎಂಬ ಫ್ರೆಂಚ್ ಕೇಶಾಲಂಕಾರದ ಕಂಪನಿ ದೊಡ್ಡ ಕಂಪನಿಗಳಲ್ಲಿ ಒಂದಾಗಿದೆ. (ಇದು ಈಗ 26% ಲಿಲಿಯನ್ ಬೆಟನ್‍ಕೋರ್ಟ್ ರವರು ನಡೆಸುತ್ತಿದ್ದು, 28% ನೆಸ್ಲೆ ಮತ್ತು ಉಳಿದ 46% ಸಾರ್ವಜನಿಕ ವ್ಯಾಪಾರದಿಂದ ನಡೆಯುತ್ತಿದೆ.) 1910ರಲ್ಲಿ ಈ ಮಾರುಕಟ್ಟೆ ಯು.ಎಸ್.ಎ ನಲ್ಲಿ ಎಲಿಜಬೆತ್ ಅರ್ಡೆನ್, ಹೆಲೆನಾರುಬಿನ್ ಸ್ಟೀನ್, ಮತ್ತು ಮ್ಯಾಕ್ಸ್ ಫ್ಯಾಕ್ಟರ್ ಇವರಿಂದ ಪ್ರಗತಿಯ ಹಾದಿ ತುಳಿಯಿತು. ಈ ಕಂಪನಿಗಳಿಗೆ ಎರಡನೇ ಮಹಾಯುದ್ದಕ್ಕೆ ಮೊದಲು ರೆವ್ಲಾನ್ ಮತ್ತು ನಂತರ ಎಸ್ಟೀ ಲಾಡರ್ ಸೇರಿಕೊಂಡರು.

ಇತ್ತೀಚೆಗೆ ಹೊರಮಾರ್ಗಗಳಿಂದ ಆನ್-ಲೈನ್ ಗೆ ಸೇರಿಕೊಂಡ ಅಂತರಜಾಲ ಸಗಟು ಮಾರಾಟಗಾರರು,^[೬] ಮತ್ತು ಪ್ರಮುಖ ಅಂಗಡಿಗಳು ಹಾಗೂ ಸೌಂದರ್ಯವರ್ಧಕ ಸಗಟು ವರ್ತಕರು ಮುಂತಾದವರಲ್ಲಿ ಸೌಂದರ್ಯೋತ್ಪನ್ನಗಳು ಈಗ ಲಭ್ಯವಾಗುತ್ತಿವೆ.

ಇತರ ಕೈಗಾರಿಕೆಗಳಂತೆ, ಸೌಂದರ್ಯವರ್ಧಕ ಕಂಪನಿಗಳು ಸರ್ಕಾರದ ಏಜೆಂಟುಗಳಾದ ಎಫ್‌ಡಿಎ ನಂತಹವುಗಳಿಂದ ನಿಯಂತ್ರಿಸಲ್ಪಡುತ್ತಿದ್ದು, ಅನೇಕ ವರ್ಷಗಳಿಂದ ಅವುಗಳ ಪ್ರಭಾವಕ್ಕೆ ಒಳಗಾಗಿವೆ. ಎಫ್‌ಡಿಎ ಸೌಂದರ್ಯವರ್ಧಕಗಳು ಗ್ರಾಹಕರಿಗೆ ಮಾರಲ್ಪಡುವ ಮುನ್ನ ಯಾವ ಸ್ಥಿತಿಯಲ್ಲಿವೆ ಅಥವಾ ಅವುಗಳನ್ನು ಪರಿಶಿಲಿಸುವ, ಅನುಮೋದನೆ ನೀಡುವ ಅಗತ್ಯವಿಲ್ಲ. ಸೌಂದರ್ಯವರ್ಧಕಗಳಲ್ಲಿ ಬಳಸುವ ಬಣ್ಣ ಮತ್ತು ಕೇಶಗಳಲ್ಲಿ ಉಪಯೋಗಿಸುವ ವರ್ಣಗಳನ್ನು ಮಾತ್ರ ನಿಯಂತ್ರಿಸುವ ಅಧಿಕಾರವನ್ನು ಎಫ್‌ಡಿಎ ಹೊಂದಿದೆ. ಸೌಂದರ್ಯವರ್ಧಕ ಕಂಪನಿಗಳು ತಮ್ಮ ಉತ್ಪನ್ನಗಳ ಹಾನಿಯ ಬಗ್ಗೆ ಯಾವುದೇ ವರದಿ ಮಾಡುವ ಅಗತ್ಯವಿಲ್ಲ. ಅಷ್ಟೇ ಅಲ್ಲದೇ ಅವು ಉತ್ಪನ್ನಗಳ ಮೇಲೆ ಸ್ವಯಂ ಅಧಿಕಾರವನ್ನು ಹೊಂದಿವೆ.^[೭]

ವಿಮರ್ಶೆ ಮತ್ತು ವಿವಾದ

20ನೇಶತಮಾನದಲ್ಲಿ, ಸೌಂದರ್ಯವರ್ಧಕಗಳ ಜನಪ್ರಿಯತೆ ಅತಿವೇಗವಾಗಿ ಹೆಚ್ಚಿದೆ. ವಿಶೇಷವಾಗಿ ಅಮೇರಿಕಾ ಸಂಯುಕ್ತ ಸಂಸ್ಥಾನದಲ್ಲಿ , ಹೆಣ್ಣು ಮಕ್ಕಳು ತಮ್ಮ ಚಿಕ್ಕ ಪ್ರಾಯದಲ್ಲಿಯೇ ಸೌಂದರ್ಯುವರ್ಧಕಗಳನ್ನು ಬಳಸುವುದು ಕಂಡುಬಂದಿದೆ. ಅಲಂಕಾರಿಕ ವಸ್ತುಗಳನ್ನು ಉಪಯೋಗಿಸುವವರ ಕಾಲಮಾನ ಅತಿ ವೇಗವಾಗಿ ಕಡಿಮೆಯಾಗುತ್ತಿರುವುದರಿಂದ ಅನೇಕ ಕಂಪನಿಗಳು ರಿಮ್ಮೆಲ್‌ನಂತಹ ದೊಡ್ಡ ಬ್ರಾಂಡ್‌ನ್ನು ಹೊಂದಿರುವ ಕಂಪನಿಗಳಿಂದ ಎಸ್ಟೀ ಲಾಡರ್‌ನಂತಹ ಉತ್ತಮ ಗುಣಮಟ್ಟದ ಉತ್ಪನ್ನಗಳನ್ನು ತಯಾರಿಸುವ ಕಂಪನಿಗಳವರೆಗೂ ತಮ್ಮ ಮಾರುಕಟ್ಟೆಯಲ್ಲಿ ಸುಗಂಧಕ ಲಿಪ್‌ಸ್ಟಿಕ್‌ಗಳು, ಕಾಂತಿವರ್ಧಕಗಳು, ಹೊಳಪುಳ್ಳ ಸೌಂದರ್ಯವರ್ಧಕ ಪಾಕೇಟ್‌ಗಳು ಮುಂತಾದವುಗಳನ್ನು ಹದಿಹರೆಯದ ರೂಪದರ್ಶಿಯರ ಜಾಹಿರಾತಿನ ಮೂಲಕ ಮಾರುಕಟ್ಟೆಗೆ ಉತ್ಪನ್ನಗಳನ್ನು ಮಾರುಕಟ್ಟೆಗೆ ಪರಿಚಯಿಸುತ್ತಿದ್ದಾರೆ. ಕಳೆದ ಕೆಲವು ವರ್ಷಗಳಿಂದ ಹದಿಹರೆಯದವರ ಸೌಂದರ್ಯಕ್ಕೆ ಸಂಬಂಧಿಸಿದಂತೆ ಮಾಧ್ಯಮಗಳ ಮೂಲಕ ಅದರಿಂದಾಗುವ ಸಾಮಾಜಿಕ ಪರಿಣಾಮಗಳನ್ನು ಬಿತ್ತರಿಸಲಾಗುತ್ತಿದೆ.

ಸೌಂದರ್ಯವರ್ಧಕಗಳ ಬಗ್ಗೆ ವಿಮರ್ಶೆಗಳು ಅನೇಕ ಮೂಲಗಳಿಂದ ಬರುತ್ತಿದ್ದು ಅವುಗಳಲ್ಲಿ,ಮಂಗಳ ಮುಖಿಯರು, ಪಶುಹಕ್ಕುಗಗಳ ಕಾರ್ಯಕರ್ತರು, ಲೇಖಕರು ಮತ್ತು ಸಾರ್ವಜನಿಕ ಹಿತಾಸಕ್ತಿ ಗುಂಪುಗಳು ಪ್ರಮುಖವಾಗಿದ್ದಾರೆ. ಪೆಟ್ರೋಲಿಯಂ, ಸೋಡಿಯಂ ಲಾರಿಲ್ ಸಲ್ಫೇಟ್ (SLS), ಮತ್ತು ಪ್ಯಾರಬೆನ್‍ಗಳಿಂದ ಸಂಶ್ಲೇಷಣೆಗೊಂಡ ವಿಷಪೂರಿತ ಘಟಕಗಳನ್ನು ಹೊಂದಿರಬಹುದಾದ ಸೌಂದರ್ಯವರ್ಧಕಗಳ ಬಗ್ಗೆ ಜಾಗೃತಿ ಹೆಚ್ಚುತ್ತಾ ಬಂದಿದೆ.

ಕೆಲವು ಸರ್ಫಾಕ್ಟಂಟ್‌ಗಳ ರಕ್ಷಣೆ ಕುರಿತು ಹಲವಾರು ವರದಿಗಳು ಪ್ರಕಟವಾದವು. ಡರ್ಮಟೈಟಿಸ್ ಒಳಗೊಂಡಂತೆ ಹಲವಾರು ಚರ್ಮಕ್ಕೆ ಸಂಭಂದಿಸಿದ ತೊಂದರೆಗಳು SLS ನಿಂದ ಉಂಟಾಗುತ್ತವೆ.^[೮]^[೯]^[೧೦]^[೧೧]^[೧೨]

ಪ್ಯಾರಬೆನ್ ಒಗ್ಗದಿರುವ ಚಿಕ್ಕ ಜನಸಮುದಾಯದಲ್ಲಿ ಇವು ಚರ್ಮ ಉದ್ರೇಕ ಮತ್ತು ಸಂಪರ್ಕ ಚರ್ಮವ್ಯಾಧಿಗಳನ್ನು ಉಂಟುಮಾಡುತ್ತವೆ.^[೧೩] ಪಶುಗಳ ಮೇಲಿನ ಪ್ರಯೋಗಗಳ ಪ್ರಕಾರ ಪ್ಯಾರಬೆನ್‌ಗಳು ದುರ್ಬಲ ಈಸ್ಟ್ರೋಜನ್ ಕ್ರಿಯಾಶಿಲತೆಯನ್ನು ಹೊಂದಿದ್ದು, ಝ್ಸೆನೋ ಈಸ್ಟ್ರೋಜನ್ಗಳಾಗಿ ಕೆಲಸ ಮಾಡುತ್ತದೆ.^[೧೪]

ದೀರ್ಘಕಾಲದ ಬಳಕೆಯಿಂದ ಕಣ್ಣಿನ ರೆಪ್ಪೆಗಳು ತೆಳುವಾಗುತ್ತವೆ.^[೧೫]

ಸಂಶ್ಲೇಷಿತ ಸುಗಂಧ ದ್ರವ್ಯಗಳನ್ನು ಸೌಂದರ್ಯವರ್ಧಕಗಳಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತಿದೆ. ಪ್ಯಾಚ್ ಪರೀಕ್ಷೆಗಳ ಅಧ್ಯಯನಗಳು ಸಂಶ್ಲೇಷಿತ ಸುಗಂಧಗಳು ಅಲರ್ಜಿ ಪ್ರತಿಕ್ರಿಯೆಗಳನ್ನು ಉಂಟುಮಾಡುವ ಹಲವಾರು ವಸ್ತುಗಳನ್ನು ಹೊಂದಿರುತ್ತವೆ ಎಂದು ತೋರಿಸಿವೆ.^[೧೬]

ಹಲವಾರು ಸೌಂದರ್ಯವರ್ಧಕ ಕಂಪನಿಗಳು ಅವೈಜ್ಞಾನಿಕ ವಿಧಾನದಿಂದ ತಮ್ಮ ಉತ್ಪನ್ನಗಳನ್ನು ತಯಾರಿಸಿ, ತಪ್ಪು ಮಾರ್ಗದರ್ಶನ ನೀಡುತ್ತಿರುವುದರಿಂದ ವಿಮರ್ಶೆಗೆ ಒಳಗಾಗಿವೆ.^[೧೭]^[೧೮]

ಮೇಕಪ್ ವಿಧಗಳು

ಲಿಪ್‌ಸ್ಟಿಕ್, ಲಿಪ್ ಗ್ಲಾಸ್, ಲಿಪ್ ಲೈನರ್, ಲಿಪ್ ಪ್ಲಂಪರ್, ಲಿಪ್ ಬಾಮ್, ಲಿಪ್ ಕಂಡಿಷನರ್, ಲಿಪ್ ಪ್ರೈಮರ್, ಮತ್ತು ಲಿಪ್ ಬೂಸ್ಟರ್ಸ್.^[೧]
ಫೌಂಡೇಶನ್ ಅನ್ನು ಮುಖವನ್ನು ನುಣುಪಾಗಿಸಲು ಬಳಸಾಗುತ್ತದೆ ಮತ್ತು ಕಲೆಗಳನ್ನು ಮರೆಮಾಡಾಲು ಅಥವಾ ಚರ್ಮದ ಬಣ್ಣವನ್ನು ಒಂದೇ ಸಮನಾಗಿಸಲು. ಸಾಮಾನ್ಯವಾಗಿ ದ್ರವ, ಕ್ರೀಮ್, ಅಥವಾ ಪೌಡರ್ ರೂಪದಲ್ಲಿರುತ್ತದೆ.^[೧]

ಫೌಂಡೇಶನ್ ಪ್ರೈಮರ್ ಅನ್ನು ಎಲ್ಲಕ್ಕಿಂತ ಮೊದಲೇ ಚರ್ಮವನ್ನು ನುಣುಪಾಗಿಸುವುದಕ್ಕಾಗಿ ಹಚ್ಚಲಾಗುತ್ತದೆ.

ಪೌಡರ್ ಅನ್ನು ಫೌಂಡೇಶನ್ ಸರಿಮಾಡಲು ಬಳಸಲಾಗುತ್ತದೆ, ಇದು ಮ್ಯಾಟ್ ಮೆರುಗನ್ನು ನೀಡುತ್ತದೆ, ಮತ್ತು ಇದು ಸಣ್ಣ ಪುಟ್ಟ ಬಿರುಕುಗಳನ್ನು ಅಥವಾ ಕಲೆಗಳನ್ನು ಮರೆಮಾಚುತ್ತದೆ.
ರೂಝ್, ಬ್ಲಶ್ ಅಥವಾ ಬ್ಲಶರ್, ಕೆನ್ನೆಗಳ ಬಣ್ಣವನ್ನು ರಂಗೇರಿಸಲು ಹಾಗೂ ಕೆನ್ನೆಯ ಮೂಳೆಗಳು ಎದ್ದು ಕಾಣುವಂತೆ ಮಾಡಲು ಬಳಸಲಾಗುತ್ತದೆ. ಇದು ಪೌಡರ್, ಕ್ರೀಮ್ ಮತ್ತು ದ್ರವ ರೂಪದಲ್ಲಿ ಲಭ್ಯವಿವೆ.^[೧]
ಬ್ರಾಂಝರ್ ಅನ್ನು ಚರ್ಮಕ್ಕೆ ಬಂಗಾರದ ಅಥವ ಕಂಚಿನಂತಹ ಹೊಳಪು ನೀಡಲು ಬಳಸಲಾಗುತ್ತದೆ.^[೧]
ಮಸ್ಕರಾವನ್ನು ರೆಪ್ಪೆಗೂದಲುಗಳನ್ನು ಕಪ್ಪಾಗಿಸಲು, ಉದ್ದವಾಗಿಸಲು, ಮತ್ತು ದಪ್ಪವಾಗಿಸಲು ಬಳಸಲಾಗುತ್ತದೆ. ಇದು ಸ್ವಾಭಾವಿಕ ಬಣ್ಣಗಳಲ್ಲಿ ದೊರೆಯುತ್ತದೆ ಅವೆಂದರೆ ಕಂದು ಮತ್ತು ಕಪ್ಪು. ಆದರೆ ಅಂಚುಗಳಿಗೆ ಮೆರುಗು ನೀಡಲು ನೀಲಿ, ಗುಲಾಬಿ, ಅಥವಾ ನೇರಳೆ ಬಣ್ಣಗಳಲ್ಲಿ ಲಭ್ಯವಿವೆ. ಅಲರ್ಜಿಗಳಿಗೆ ತುತ್ತಾಗಬಲ್ಲಂತಹವರಿಗೆ ಅಥವಾ ತಕ್ಷಣ ಕಣ್ಣೀರು ಬರುವಂತವರಿಗೆ ಜಲನಿರೋಧಕ ಮಸ್ಕರಾಗಳು ಲಭ್ಯವಿವೆ. ಇವುಗಳನ್ನು ರೆಪ್ಪೆಗೂದಲು ಸುತ್ತುವುದು ಮತ್ತು ಮಸ್ಕರಾ ಪ್ರೈಮರ್ ನಂತರ ಬಳಸಲಾಗುತ್ತದೆ.^[೧]

ಐ ಲೈನರ್, ಐ ಶ್ಯಾಡೊ, ಐ ಶಿಮ್ಮರ್, ಮತ್ತು ಗ್ಲಿಟರ್ ಐ ಪೆನ್ಸಿಲ್‌ಗಳು ಅಲ್ಲದೆ ಬಣ್ಣದ ಪೆನ್ಸಿಲ್‌ಗಳನ್ನು ಬಣ್ಣ ನೀಡಲು ಮತ್ತು ಕಣ್ಣು ಕೆಳಗಿನ ರೆಪ್ಪೆಗಳನ್ನು ಆಕರ್ಷಣೀಯವಾಗಿ ಮಾಡಲು ಉಪಯೋಗಿಸಲಾಗುತ್ತದೆ (ದೊಡ್ಡ ಕಣ್ಣುಗಳು ಮತ್ತಷ್ಟು ಯೌವನಭರಿತರಾಗಿ ಕಾಣುವಂತೆ ಮಾಡುತ್ತವೆ).^[೧]
ಹುಬ್ಬು ಪೆನ್ಸಿಲ್‌ಗಳು, ಕ್ರೀಮ್‌ಗಳು, ವ್ಯಾಕ್ಸ್‌ಗಳು, ಜೆಲ್‌ಗಳು ಮತ್ತು ಪೌಡರ್‌ಗಳನ್ನು ಬಣ್ಣ ನೀಡಲು ಹಾಗೂ ಹುಬ್ಬುಗಳನ್ನು ತಿದ್ದಲು ಬಳಸಲಾಗುತ್ತದೆ.^[೧]
ನೈಲ್ ಪಾಲಿಷ್, ಇದನ್ನು ಬೆರಳುಗಳ ಉಗುರುಗಳನ್ನು ಮತ್ತು ಕಾಲ್ಬೆರಳುಗಳ ಉಗುರುಗಳಿಗೆ ಬಣ್ಣ ನೀಡಲು ಬಳಸಲಾಗುತ್ತದೆ.^[೧]
ಕನ್ಸೀಲರ್, ಇದನ್ನು ಚರ್ಮದ ಮೇಲಿರುವ ಕಲೆಗಳನ್ನು ಮರೆಮಾಡಲು ಬಳಸಲಾಗುತ್ತದೆ.

ಸಾಮಾನ್ಯ ವರ್ಗದ ಸೌಂದರ್ಯವರ್ಧಕಗಳು ಚರ್ಮದ ಬಗ್ಗೆ ಕಾಳಜಿ ವಹಿಸುವ ಉತ್ಪನ್ನಗಳಾಗಿವೆ. ಇದರಲ್ಲಿ ಕ್ರೀಮ್‌ಗಳು ಮತ್ತು ಮುಖದ ಮತ್ತು ದೇಹದ ಚರ್ಮವನ್ನು ಒದ್ದೆಯಾಗಿರಿಸಲು ಲೋಶನ್‌ಗಳು, ಚರ್ಮವನ್ನು ಯುವಿ ರೇಡಿಯೇಶನ್‌ನಿಂದ ರಕ್ಷಿಸಲು ಸನ್‌ಸ್ಕ್ರೀನ್‌ಗಳು, ಮತ್ತು ಚರ್ಮದ ತೊಂದರೆಗಳನ್ನು ಸರಿಮಾಡುವಂತಹ ಚಿಕಿತ್ಸಾ ಉತ್ಪನ್ನಗಳು (ಮೊಡವೆ, ಸುಕ್ಕುಗಳು, ಕಣ್ಣಿನ ಸುತ್ತಲಿರುವ ಕಪ್ಪು ಕಲೆಗಳು, ಇತ್ಯಾದಿ).

ಸೌಂದರ್ಯವರ್ಧಕಗಳನ್ನು ಉತ್ಪನ್ನಗಳ ಆಧಾರದ ಮೇಲೆ ವಿವರಿಸಲಾಗುತ್ತದೆ, ಜೊತೆಗೆ ದೇಹದ ಯಾವ ಭಾಗಕ್ಕೆ ಹಚ್ಚಿಕೊಳ್ಳಬೇಕೆಂಬುದನ್ನು ತಿಳಿಸಲಾಗುತ್ತದೆ.

ಸೌಂದರ್ಯವರ್ಧಕಗಳು ದ್ರವ ರೂಪದಲ್ಲಿರಬಹುದು ಅಥವಾ ಕ್ರೀಮ್ ಎಮಲ್ಷನ್‌ಗಳು; ಪೌಡರ್‌ಗಳು.

ಲಿಪ್ ಸ್ಟೆಯ್ನ್‌ ಒಂದು ಸೌಂದರ್ಯವರ್ಧಕ ಉತ್ಪನ್ನ. ಇದು ನೀರು ಅಥವಾ ಜೆಲ್ ರೂಪದಲ್ಲಿರುತ್ತದೆ. ಉತ್ಪನ್ನವು ತುಟಿಯ ಮೇಲೆ ಉಳಿಯಬೇಕೆಂಬ ಕಾರಣಕ್ಕೆ, ಹಲವು ಸ್ಟೆಯ್ನ್‌ಗಳು ಆಲ್ಕೋಹಾಲ್ ಅನ್ನು ಒಳಗೊಂಡಿರುತ್ತವೆ. ಈ ತುಟಿಗೆ ಬಣ್ಣ ನೀಡುವ ಉತ್ಪನ್ನಗಳು ಹಲವಾರು ವಿಧದಲ್ಲಿ, ಬಣ್ಣಗಳಲ್ಲಿ ಮತ್ತು ವಿವಿಧ ರೀತಿಯಲ್ಲಿ ಹಚ್ಚುವಂತೆ ದೊರೆಯುತ್ತವೆ. ಲಿಪ್ ಸ್ಟೆಯ್ನ್ ಹಿಂದಿನ ವಿಚಾರವು ತಾತ್ಕಾಲಿಕವಾಗಿ ತುಟಿಗಳಿಗೆ ಬಣ್ಣವನ್ನು ತುಂಬುವುದಾಗಿದೆ. ಲಿಪ್ ಸ್ಟೆಯ್ನ್‌ಗಳು ಸಾಮಾನ್ಯವಾಗಿ ಜಲನಿರೋಧಕಗಳಾಗಿರುತ್ತವೆ ಅದರಿಂದಾಗಿ ಬಹಳಷ್ಟು ಹೊತ್ತು ಬಣ್ಣ ಹಾಳಾಗುವುದಿಲ್ಲ, ಮತ್ತು ಸ್ಟೆಯ್ನ್ ಒಮ್ಮೆ ಒಣಗಿದ ಮೇಲೆ ಅದು ಅಳಿಸುವುದಿಲ್ಲ, ಅಥವಾ ಹಲ್ಲುಗಳಿಗೆ ತಗುಲುವುದಿಲ್ಲ. ಲಿಪ್ ಸ್ಟೆಯ್ನ್ ಬಾಟಲ್‌ಗಳಲ್ಲಿ ದೊರೆಯುತ್ತದೆ ಅದರ ಜೊತೆಯಲ್ಲಿ ಹಚ್ಚಲು ಬ್ರಷ್ ಇರುತ್ತದೆ, ಮತ್ತು ಅದು ಒಂದು ಸಣ್ಣ ಜಾಡಿಯಲ್ಲಿಯೂ ಸಹ ದೊರೆಯುತ್ತದೆ. ಬೆರಳುಗಳಿಂದ ಅಥವಾ ಬ್ರಶ್‌ನಿಂದ ತುಟಿಗಳಿಗೆ ಹಚ್ಚಬಹುದು.

ಚರ್ಮಕ್ಕೆ ಹಚ್ಚಿರುವ ಉತ್ಪನ್ನಗಳನ್ನು ತೆಗೆಯಲ್ಲು ಮೇಕ್-ಅಪ್ ರಿಮೂವರ್‌ಗಳು ಕೂಡಾ ಲಭ್ಯವಿವೆ. ಮಲಗುವುದಕ್ಕೆ ಮುನ್ನ ಚರ್ಮಕ್ಕೆ ಹಚ್ಚುವ ಲೋಶನ್‌ಗಳ ತರಹ ಇವುಗಳನ್ನು ಚರ್ಮವನ್ನು ಸ್ವಚ್ಛಗೊಳಿಸಲು ಬಳಸಲಾಗುವುದು.

ವಿಶೇಷ ಪರಿಣಾಮಗಳು

ಪ್ರತಿಕೂಲ ಪರಿಣಾಮವನ್ನುಂಟುಮಾಡುವ ಸೌಂದರ್ಯವರ್ಧಕಗಳೊಂದಿಗೆ, ಇತ್ತೀಚಿನ ವರ್ಷಗಳಲ್ಲಿ ವೈದ್ಯರಿಂದ ಸೂಚಿಸಲ್ಪಟ್ಟ ಅಥವಾ ಶಸ್ತ್ರ ಚಿಕಿತ್ಸಾ ಸೌಂದರ್ಯವರ್ಧನ ವಿಧಾನಗಳು ಹೆಚ್ಚುತ್ತಿವೆ. ಈ ತಾತ್ಕಾಲಿಕ ವರ್ಧಕಗಳ ವ್ಯಾಪ್ತಿ, ಬಣ್ಣದ ಸಂಪರ್ಕ ಮಸೂರಗಳಿಂದ ಹಿಡಿದು ಪ್ರಮುಖ ಕಾಸ್ಮಟಿಕ್ ಶಸ್ತ್ರ ಚಿಕಿತ್ಸೆಯವರೆಗೂ ಇದೆ.

ತಾತ್ಕಾಲಿಕ ಸೌಂದರ್ಯ ವರ್ಧಕಗಳು, ಮಿಥ್ಯಾ ಕಣ್ಣು ರೆಪ್ಪೆಗಳ ಬಳಕೆ ಅಥವಾ ಕಣ್ಣುರೆಪ್ಪೆಗಳ ವಿಸ್ತರಣೆಗಳನ್ನು ಒಳಗೊಂಡಿದ್ದು ನೈಜ ಕಣ್ಣುರೆಪ್ಪೆಗಳು ಮತ್ತು ಕಣ್ಣುಗಳನ್ನು ಹೆಚ್ಚು ಆಕರ್ಷಣೀಯವಾಗಿ ಮಾಡುತ್ತವೆ.

ಮೈಕ್ರೋಡರ್ಮಬ್ರಾಶನ್ ಮತ್ತು ಭೌತಿಕ ಅಥವಾ ರಾಸಾಯನಿಕ ಪೀಲ್, ವಿಧಾನಗಳು ಚರ್ಮದ ಹೊರ ಪದರದ ಕೋಶಗಳನ್ನು ತೆಗೆಯಲು ಸಹಾಯ ಮಾಡುತ್ತವೆ. ಚರ್ಮದ ಎಳೆಯ ಪದರಗಳು ಹೆಚ್ಚು ಪುಷ್ಟವಾಗಿ, ಎಳಸಾಗಿ ಮತ್ತು ಮೃದುವಾಗಿ ಕಂಡುಬರುತ್ತವೆ. ವರ್ಣದ್ರವ್ಯಗಳನ್ನೂ (ಹಚ್ಚೆ ಹಾಕುವುದು) ಸಹ ಶಾಶ್ವತವಾಗಿ ಸೌಂದರ್ಯವರ್ಧಕಳಾಗಿ ಬಳಸಬಹುದು.

ಘಟಕಾಂಶಗಳು

ದೊಡ್ಡ ಕಾಸ್ಮೆಟಿಕ್ ಕಂಪನಿಗಳು ಘಟಕಗಳು ಗುಣಮಟ್ಟದ ಪರೀಕ್ಷೆಯನ್ನು ಹೊಂದಿರುವುದಕ್ಕೆ ಮತ್ತು ಅಧಿಕೃತ ನಿಯಂತ್ರಣಗಳಿಗೆ ಭರವಸೆ ಕೊಡುತ್ತವೆ. ಮತ್ತು ಇದರಿಂದ ಸಂಶ್ಲೇಷಿತ ಘಟಕ ರಹಿತ ಸೌಂದರ್ಯವರ್ಧಕಗಳ ಬಳಕೆ ವಿಶೇಷವಾಗಿ ಪೆಟ್ರೋಲಿಯಂ ರಹಿತ ವಸ್ತುಗಳ ಬಳಕೆ ಹೆಚ್ಚಾಗಿದೆ. ಒಂದು ಕಾಲದಲ್ಲಿ ಮಾರುಕಟ್ಟೆಗೂಡು, ಕರಕುಶಲ ಮತ್ತು ದೃಡೀಕೃತ ಸಾವಯವ ಉತ್ಪನ್ನಗಳು ಮುಖ್ಯ ವಾಹಿನಿಯಲ್ಲಿ ಹೆಚ್ಚಾಗಿದ್ದವು.

ಅನೇಕ ರಾಷ್ಟ್ರಗಳಲ್ಲಿ ಸೌಂದರ್ಯವರ್ಧಕಗಳಲ್ಲಿ ಬಳಸುವ ವಸ್ತುಗಳನ್ನು ನಿಯಂತ್ರಿಸಲಾಗಿದೆ. ಸೌಂದರ್ಯ ವಸ್ತುಗಳನ್ನು ಪ್ರಾಣಿಗಳ ಮೇಲೆ ಪರೀಕ್ಷೆಗೆ ಒಳಪಡಿಸುವುದು ವಿವಾದಾತ್ಮಕ ವಿಷಯವಾಗಿದೆ. ಇದು ಯುನೈಟೆಡ್ ಕಿಂಗ್ಡಮ್, ನೆದೆರ್ಲ್ಯಾಂಡ್, ಮತ್ತು ಬೆಲ್ಜಿಯಂಗಳಲ್ಲಿ ಕಾನೂನು ಬಾಹಿರವಾಗಿದ್ದು, 2009ರಿಂದ ಜಾರಿಗೆ ಬಂದಂತೆ ಯುರೋಪಿಯನ್ ಒಕ್ಕೂಟದಲ್ಲಿ ನಿಷೇದಿಸಲ್ಪಟ್ಟಿದೆ.

ಸಾವಯವ ಮತ್ತು ಪ್ರಾಕೃತಿಕ ವಸ್ತುಗಳು.

ಅನೇಕ ಸೌಂದರ್ಯವರ್ಧಕಗಳನ್ನು ಸುಧಾರಿಸಲಾಗಿದ್ದರೂ, ಈ ಉತ್ಪನ್ನಗಳಲ್ಲಿ ಆರೋಗ್ಯಕ್ಕೆ ಹಾನಿಕಾರಕವಾದ ರಾಸಾಯನಿಕಗಳು ಇರುವುದರ ಬಗ್ಗೆ ಚರ್ಚೆಯಲ್ಲಿದೆ. ಸೌಂದರ್ಯ ವಸ್ತುಗಳಲ್ಲಿರುವ ಬಣ್ಣಗಳನ್ನು ಹೊರತುಪಡಿಸಿ, ಈ ವಸ್ತುಗಳನ್ನು ಮಾರುಕಟ್ಟೆಗೆ ಬಿಡುವ ಮುನ್ನ ಅವುಗಳಲ್ಲಿರುವ ಇತರ ವಸ್ತುಗಳ ಬಗ್ಗೆ ಎಫ್‌ಡಿಎ ಯಾವುದೇ ನಿಯಂತ್ರಣ ಹೊಂದಿಲ್ಲ. ಒಂದು ಉತ್ಪನ್ನವು ಸ್ವತಂತ್ರ ಆಹಾರ, ಮಾದಕ ವಸ್ತು ಮತ್ತು ಕಾಸ್ಮೆಟಿಕ್ ಕಾಯಿದೆ (FD&C Act) ಮತ್ತು ಉತ್ತಮ ಪ್ಯಾಕೇಜ್ ಮತ್ತು ಲೇಬಲಿಂಗ್ ಕಾಯಿದೆ (FPLA) ಉಲ್ಲಂಘನೆ ಮಾಡಿದಾಗ ಮಾತ್ರ ಆ ಉತ್ಪನ್ನದ ಬಿಡುಗಡೆಯ ನಂತರ ಎಫ್‌ಡಿಎ ಅದರ ಮೇಲೆ ಉಲ್ಲಂಘನಾ ಕ್ರಮ ಜರುಗಿಸಬಹುದು.^[೧೯] ಪ್ರತಿ ಕಾಲಮಾನದಲ್ಲಿ ಮಾರುಕಟ್ಟೆಗೆ ಹಲವಾರು ಹೊಸ ಉತ್ಪನ್ನಗಳು ಬಿಡುಗಡೆಯಾಗುವುದರಿಂದ, ಪ್ರತಿ ಉತ್ಪನ್ನದ ರಕ್ಷಣೆ ಕಾಪಾಡುವುದು ಕಷ್ಟಸಾಧ್ಯ. ಕೆಲವು ಉತ್ಪನ್ನಗಳು 1,4- ಡೈಯೋಕ್ಸೇನ್ ನಂತಹ ಕ್ಯಾನ್ಸರ್‌ಕಾರಕಗಳನ್ನು ಹೊಂದಿರುತ್ತವೆ. ಅನೇಕ ಸೌಂದರ್ಯವರ್ಧಕ ಕಂಪನಿಗಳು "ಎಲ್ಲಾ ಪ್ರಾಕೃತಿಕ" ಮತ್ತು "ಸಾವಯವ " ಉತ್ಪನ್ನಗಳನ್ನು ಹೊರತರಲು ಪ್ರಾರಂಭಿಸಿವೆ. ಎಲ್ಲಾ ನೈಸರ್ಗಿಕ ಉತ್ಪನ್ನಗಳು ಖನಿಜಗಳನ್ನು ಹೊಂದಿರುತ್ತವೆ ಮತ್ತು ಸಾವಯವ ಉತ್ಪನ್ನಗಳು ಸಾವಯವ ಕೃಷಿಉತ್ಪನ್ನಗಳಿಂದ ಮಾಡಲ್ಪಟ್ಟಿವೆ. "USDA ಆರ್ಗ್ಯಾನಿಕ್" ನಿಂದ ದೃಡೀಕೃತಗೊಳ್ಳದ ಹೊರತು, ಯಾವುದೇ ಉತ್ಪನ್ನವನ್ನು ಸಾವಯವ ಅಲ್ಲ ಎಂದು ತೀರ್ಮಾನಿಸುವಂತಿಲ್ಲ.^[೨೦]^[೨೧]

ಸೌಂದರ್ಯ ಉದ್ಯಮಗಳು

ಸೌಂದರ್ಯ ಉದ್ಯಮ ಅನೇಕ ಸೌಂದರ್ಯವರ್ಧಕಗಳ ತಯಾರಕರಿಗೆ ಒಂದು ಲಾಭದಾಯಕ ವ್ಯಾಪಾರವಾಗಿದೆ. ಸೌಂದರ್ಯವರ್ಧಕಗಳಿಂದ ನಮಗೆ ತಿಳಿಯುವ ವಿಷಯವೆಂದರೆ, ವೈಯಕ್ತಿಕ ಆಕರ್ಷಣೆಯನ್ನು ವೃದ್ಧಿಸುವ ಚರ್ಮದ ಲೋಷನ್ ಅಥವಾ ಸನ್‌ಲೋಷನ್‍ನಂತಹ ಯವುದೇ ವಸ್ತುಗಳು ಮತ್ತು ಇತರ ಉತ್ಪನ್ನಗಳು ಒಬ್ಬ ವ್ಯಕ್ತಿಯ ಆಕರ್ಷಣೆಯ ಮೇಲೆ ಛಾಪು ಒತ್ತುತ್ತವೆ. ತಂತ್ರಜ್ಞಾನದ ಬೆಳವಣಿಗೆ ಮತ್ತು ಸೌಂದರ್ಯವರ್ಧಕಗಳ ಉತ್ಪಾದನಾ ಪ್ರಕ್ರಿಯೆ, ಇಂತಹ ವಸ್ತುಗಳ ಬೇಡಿಕೆ ನಿರಂತರವಾಗಿ ಹೆಚ್ಚುವಂತೆ ಮಾಡಿದೆಯಲ್ಲದೆ ಲಾಭದ ದೃಷ್ಟಿಯಿಂದಲೂ ಪ್ರಮುಖ ಬೆಳವಣಿಗೆಯನ್ನು ಕಂಡುಕೊಂಡಿದೆ.

ಸೌಂದರ್ಯ ಉದ್ಯಮಗಳು ಅಮೇರಿಕಾ ಸಂಸ್ಥಾನಕ್ಕಷ್ಟೇ ಸೀಮಿತವಾಗಿರದೆ, ಬದಲಾಗಿ ಪ್ರಪಂಚದ ಅನೇಕ ಭಾಗಗಳಲ್ಲಿ ಇದು ಸೌಂದರ್ಯ ವಸ್ತುಗಳಗೆ ಪ್ರಸಿದ್ಧವಾಗಿವೆ. ಇವುಗಳಲ್ಲಿ ಕೆಲವು ಫ಼್ರಾನ್ಸ್, ಜರ್ಮನಿ, ಇಟಲಿ ಮತ್ತು ಜಪಾನ್ನನ್ನು ಒಳಗೊಂಡಿವೆ. ಒಂದು ಅಂದಾಜಿನ ಪ್ರಕಾರ ಜರ್ಮನಿಯಲ್ಲಿ, 2008ರಲ್ಲಿ ಸೌಂದರ್ಯವರ್ಧಕ ಉದ್ಯಮಆಧಾರಿತ ಮಾರಾಟಗಳು ಸಗಟು ಬೆಲೆಯ ದರದಲ್ಲಿ EUR 12.6 ಬಿಲಿಯನ್ ಗಳಷ್ಟಿದ್ದು ಜರ್ಮನಿಯನ್ನು ಜಪಾನ್ ಮತ್ತು ಅಮೇರಿಕಾ ಸಂಯುಕ್ತ ಸಂಸ್ಥಾನಗಳ ನಂತರ ಪ್ರಪಂಚದಲ್ಲಿ 3ನೇ ಸ್ಥಾನದಲ್ಲಿದೆ. ಅಷ್ಟೇ ಅಲ್ಲದೆ ಇದೇ ರಾಷ್ಟ್ರದಲ್ಲಿ ಈ ಉದ್ಯಮ 2007 ರಿಂದ 2008ಕ್ಕೆ ಕೇವಲ ಒಂದೇ ವರ್ಷದಲ್ಲಿ ಶೇಕಡಾ 5 ಹೆಚ್ಚಳವನ್ನು ಸಾಧಿಸಿದೆ. ಈ ಉದ್ಯಮದಲ್ಲಿ ಜರ್ಮನಿಯ ರಪ್ತು 2008 ರಲ್ಲಿ EUR 5.8 ಬಿಲಿಯನ್ ತಲುಪಿತ್ತು ಆದರೆ ಸೌಂದರ್ಯವರ್ಧಕಗಳ ಆಮದು EUR 3 ಬಿಲಿಯನ್‍ನಷ್ಟಿತ್ತು.^[೨೨] ಜರ್ಮನಿಗೆ ಸೌಂದರ್ಯವರ್ಧಕಗಳನ್ನು ರಪ್ತು ಮಾಡುವ ಪ್ರಮುಖ ರಾಷ್ಟ್ರಗಳೆಂದರೆ, ಫ್ರಾನ್ಸ್, ಸ್ವಿಟ್ಜರ್‌ಲ್ಯಾಂಡ್, ಅಮೇರಿಕಾ ಸಂಯುಕ್ತ ಸಂಸ್ಥಾನ ಮತ್ತು ಇಟಲಿ. ಇವು ಪ್ರಮುಖವಾಗಿ ಮಹಿಳೆಯರು ಬಳಸುವ ಸುಗಂಧಗಳು ಮತ್ತು ಸೌಂದರ್ಯ ವಸ್ತುಗಳನ್ನು ಹೊಂದಿವೆ.

ಅಮೇರಿಕಾದ ನಂತರ, ಜಪಾನ್ ವರ್ಷಕ್ಕೆ ಸುಮಾರು JPY 1.4 ಟ್ರಿಲಿಯನ್‌ನೊಂದಿಗೆ ಸೌಂದರ್ಯ ಉದ್ಯಮದಲ್ಲಿ ಪ್ರಪಂಚದಲ್ಲೇ ಎರಡನೇ ಸ್ಥಾನವನ್ನು ಹೊಂದಿದೆ.^[೨೩]

ಪ್ರಪಂಚಾದ್ಯಂತ ಸೌಂದರ್ಯವರ್ಧಕ ಮತ್ತು ಸುಗಂಧದ್ರವ್ಯ ಉದ್ಯಮಗಳ ವಾರ್ಷಿಕ ವಹಿವಾಟು US $ 170 ಬಿಲಿಯನ್ ಎಂದು ಅಂದಾಜು ಮಾಡಲಾಗಿದೆ. (ಯೂರೋಸ್ಟಾಫ್-ಮೇ 2007 ರ ಪ್ರಕಾರ) FIPAR (Fédération des Industries de la Parfumerie - ದಿ ಫ್ರೆಂಚ್ ಫೆಡರೇಶನ್ ಫಾರ್ ದಿ ಪರ್ಫ್ಯೂಮ್ ಇಂಡಸ್ಟ್ರಿ)ದ ಪ್ರಕಾರ ಸುಮಾರು €63 ಬಿಲಿಯನ್‌ಗಳೊಂದಿಗೆ ಯೂರೋಪ್ ಪ್ರಮುಖ ಮಾರುಕಟ್ಟೆಯಾಗಿದ್ದು, 2006ರಲ್ಲಿ ಫ್ರಾನ್ಸ್ ಮಾರಾಟಗಳು €6.5 ಬಿಲಿಯನ್ ಗಳಷ್ಟು ತಲುಪಿದೆ.^[೨೪] ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯವಾಗಿ ಸೌಂದರ್ಯ ಉದ್ಯಮದಲ್ಲಿ ತನ್ನ ಪ್ರಮುಖ ಪಾತ್ರವಹಿಸಿರುವ ಮತ್ತೊಂದು ದೇಶವೆಂದರೆ ಫ್ರಾನ್ಸ್ "ಮೇಡ್ ಇನ್ ಫ್ರಾನ್ಸ್" ಎಂಬ ಹಣೆಪಟ್ಟಿಯನ್ನು ಹೊಂದಿರುವ ಸಾಕಷ್ಟು ಉತ್ಪನ್ನಗಳಿಗೆ ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೆಲೆ ಇದೆ. 2008 ರ ದತ್ತಾಂಶಗಳ ಪ್ರಕಾರ, ಅನುಕ್ರಮವಾಗಿ 40 ವರ್ಷಗಳಲ್ಲಿ ಫ಼್ರಾನ್ಸ್‌ನ ಸೌಂದರ್ಯ ಉದ್ಯಮ ಸತತವಾಗಿ ಬೆಳೆದಿದೆ. 2006 ರಲ್ಲಿ, ಈ ಉದ್ಯಮ ವಲಯ EUR 6.5 ಬಿಲಿಯನ್‌ನ ದಾಖಲೆಯ ಮಟ್ಟವನ್ನು ತಲುಪಿದೆ. ಫ್ರಾನ್ಸ್‌ನಲ್ಲಿ ಉತ್ಪತ್ತಿಯಾಗುವ ಪ್ರಸಿದ್ದ ಸೌಂದರ್ಯವರ್ಧಕಗಳ ಬ್ರಾಂಡ್ ಗಳು ವಿಚಿ ಯೆವ್ಸ್ ಲಾರೆಂಟ್, ಯೆವ್ಸ್ ರೋಚರ್ ಮತ್ತು ಹಲವು ಸ್ಥಳಗಳನ್ನು ಒಳಗೊಂಡಿವೆ.

ಇಟಲಿ ಸೌಂದರ್ಯವರ್ಧಕ ಉದ್ಯಮವು ಯೂರೋಪಿನ ಮಾರುಕಟ್ಟೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಯೂರೋಪಿನ ಇತರ ರಾಷ್ಟ್ರಗಳಷ್ಟು ದೊಡ್ಡ ಪ್ರಮಾಣದಲ್ಲಿ ಅಲ್ಲದಿದ್ದರೂ , ಇಟಲಿಯ ಸೌಂದರ್ಯವರ್ಧಕ ಉದ್ಯಮ 2007 ರಲ್ಲಿ EUR 9 ಬಿಲಿಯನ್‌ನಷ್ಟು ತಲುಪಿದೆ ಎಂದು ಅಂದಾಜು ಮಾಡಲಾಗಿದೆ.^[೨೫] ಯೂರೋಪಿನ ಇತರ ರಾಷ್ಟ್ರಗಳಲ್ಲಿನ ಅಲಂಕಾರಿಕ ಉದ್ಯಮಗಳಿಗೆ ಹೊರತಾಗಿ, ಇಟಲಿಯ ಸೌಂದರ್ಯ ಉದ್ಯಮವು ಕೇಶಾಲಂಕಾರ ಮತ್ತು ಶಾರೀರಿಕ ಉತ್ಪನ್ನಗಳಿಂದ ಪ್ರಭಾವಿತವಾಗಿದೆ. ಇಟಲಿಯಲ್ಲಿ, ಕೇಶ ಮತ್ತು ಶಾರೀರಿಕ ಉತ್ಪನ್ನಗಳು ಸೌಂದರ್ಯಮಾರುಕಟ್ಟೆಯ ಸುಮಾರು 30% ರಷ್ಟು ಇವೆ. ಸೌಂದರ್ಯಕವರ್ಧಕಗಳು ಮತ್ತು ತ್ವಚೆ ರಕ್ಷಣಾ ವಸ್ತುಗಳು ಅಮೇರಿಕಾದಲ್ಲಿ ರಫ್ತಾದ ಮೊದಲ ಸೌಂದರ್ಯವರ್ಧಕಗಳಾಗಿವೆ.

ಸೌಂದರ್ಯವರ್ಧಕಗಳಿಗಿರುವ ಜನಪ್ರಿಯತೆಯಿಂದಾಗಿ, ವಿಶೇಷವಾಗಿ ಸುವಾಸಿಕಗಳು ಮತ್ತು ಸುಗಂಧದ್ರವ್ಯಗಳಿಂದ, ಸೌಂದರ್ಯ ಉದ್ಯಮದಲ್ಲಿ ತೊಡಗದೇ ಇರುವ ಹಲವಾರು ವಿನ್ಯಾಸಕರು ತಮ್ಮದೇ ಆದ ವಿಶಿಷ್ಟ ಹೆಸರುಗಳಿಂದ ವಿಭಿನ್ನ ಸುಗಂಧಗಳನ್ನು ಪರಿಚಯಿಸಿದ್ದಾರೆ. ಅಷ್ಟೇ ಅಲ್ಲದೆ, ಸಾಕಷ್ಟು ನಟರು ಮತ್ತು ಹಿನ್ನೆಲೆ ಗಾಯಕರು ಸಹ ತಮ್ಮದೇ ಆದ ಸುಗಂಧ ದ್ರವ್ಯಗಳನ್ನು ಬಳಸುತ್ತಾರೆ. (ಉದಾ:ಸೀಲಿನ್ ಡಿಯೊನ್). ಸೌಂದರ್ಯ ಉತ್ಪನ್ನಗಳಲ್ಲಿ ವಿನ್ಯಾಸಕ ಸುಗಂಧಗಳಿಗೆ ಬೇರಾವುದೇ ಉತ್ಪನ್ನಗಳಿಗಿಂತ ಹೆಚ್ಚು ಬೆಲೆ ಇದೆ. ಏಕೆಂದರೆ ಗ್ರಾಹಕ ಉತ್ಪನ್ನಕ್ಕಷ್ಟೇ ಅಲ್ಲದೆ ಅದರ ಕಂಪನಿಯ ಗುರುತಿಗೂ ಹಣ ಕೊಟ್ಟಿರುತ್ತಾನೆ. ಪ್ರಸಿದ್ಧ ಇಟಾಲಿಯನ್ ಸುಗಂಧಗಳನ್ನು ಜಾರ್ಜಿಯೊ ಅರ್ಮಾನಿ, ಡೊಲ್ಸ್ ಮತ್ತು ಗಬ್ಬನಾ ಮುಂತಾದವರು ತಯಾರಿಸಿದ್ದಾರೆ.

ಸೌಂದರ್ಯವರ್ಧಕ ಉದ್ಯಮಕ್ಕೆ ಸಂಬಂಧಿಸಿದಂತೆ ಯೂರೋಪಿಯನ್ ಆಯೋಗ ಮತ್ತು ಎಫ್‌ಡಿಎ ಶಾಸನಗಳನ್ನು ರೂಪಿಸುವ ಅಂಗಗಳಾಗಿವೆ ಮತ್ತು ಇದರ ವಿವಿಧ ವಿಷಯಗಳನ್ನು ಅಮೇರಿಕಾ ಸಂಯುಕ್ತ ಸಂಸ್ಥಾನದಲ್ಲಿ ಯೂರೋಪಿಯನ್ ಒಕ್ಕೂಟದಲ್ಲಿ ಚರ್ಚಿಸಲಾಗುತ್ತದೆ. 1976 ರಿಂದ ಯೂರೋಪಿಯನ್ ಒಕ್ಕೂಟದಲ್ಲಿ, ಸೌಂದರ್ಯವರ್ಧಕಗಳ ಬಳಕೆ ಮತ್ತು ಅವುಗಳ ರಕ್ಷಣೆ ಕಾನೂನುಬದ್ಧ ವಿಚಾರವಾಗಿದೆ. ಪ್ರಾಣಿ ಪರೀಕ್ಷೆಯ ನಿಷೇಧದಿಂದಾಗಿ ಸೌಂದರ್ಯವರ್ಧಕ ಕೈಗಾರಿಕೆಗಳಲ್ಲಿ ನೂತನವಾದ ತಿದ್ದುಪಡಿಯನ್ನು ತರಲಾಗಿದೆ. ಆದ್ದರಿಂದ, ಸೌಂದರ್ಯ ಉತ್ಪನ್ನಗಳನ್ನು ಪ್ರಾಣಿಗಳ ಮೇಲೆ ಪರೀಕ್ಷೆ ಮಾಡುವುದು ಯೂರೋಪಿನಲ್ಲಿ 2004 ರಿಂದ ಕಾನೂನು ಬಾಹಿರ ಎಂದು ಪರಿಗಣಿಸಲಾಗಿದೆ. ಇಂತಹ ಕೆಲವು ಖಾಸಗಿ ಉತ್ಪನ್ನಗಳನ್ನು ಪ್ರಾಣಿಗಳ ಮೇಲೆ ಪರೀಕ್ಷೆ ಮಾಡುವುದನ್ನೂ ಸಹ 2009 ಮಾರ್ಚ್ ನಿಂದ ಕಾನೂನುಬದ್ಧವಾಗಿ ನಿಷೇಧಿಸಲಾಗಿದೆ.^[೨೬]

1997ರಲ್ಲಿ ಎಫ್‌ಡಿಎ ಇತರ ಹದಿಮೂರು ಸ್ವತಂತ್ರ ಏಜೆನ್ಸಿಗಳೊಂದಿಗೆ ಸೇರಿ ಪ್ರಾಣಿಗಳ ಮೇಲಿನ ಪರೀಕ್ಷೆಯ ನಿಷೇಧ ಹಾಗೂ ಸೌಂದರ್ಯವರ್ಧಕ ಉತ್ಪನ್ನಗಳ ಪರೀಕ್ಷೆಗೆ ಇತರ ವಿಧಾನಗಳನ್ನು ಅಳವಡಿಸಲು ICCVAM (ಇಂಟೆರಾಗೆನ್ಸಿ ಕೊಆರ್ಡಿನೇಟಿಂಗ್ ಕಮಿಟಿ ಆನ್ ದಿ ವ್ಯಾಲಿಡೇಶನ್ ಆಫ್ ಆಲ್ಟರ್ನೇಟೀವ್ ಮೆಥಡ್ಸ್) ಅನ್ನು ಸ್ಥಾಪಿಸಿತು.^[೨೭]

ಅಂತರಾಷ್ಟ್ರೀಯ ಮಾರುಕಟ್ಟೆಗಳ ಆಗಮನದಿಂದ, ಪ್ರಪಂಚಾದ್ಯಂತ ಹಿಂದೆದೂ ಕಾಣದ ಮಟ್ಟಿಗೆ ಸೌಂದರ್ಯವರ್ಧಕ ಕೈಗಾರಿಕೆಗಳು ಬೆಳೆದು ನಿಂತಿವೆ. ಅನೇಕ ಕಂಪನಿಗಳು ಆನ್-ಲೈನ್ ಮೂಲಕ ಯಾವುದೇ ಪ್ರತಿನಿಧಿಗಳ ಸಹಾಯವಿಲ್ಲದೇ ತಮ್ಮ ಉತ್ಪನ್ನಗಳನ್ನು ಮಾರುತ್ತಿವೆ.^[೨೮]

ಸೌಂದರ್ಯವರ್ಧಕಗಳ ಕ್ಷೇತ್ರದಲ್ಲಿ ವೃತ್ತಿಗಳು

ಎಲ್ಲ ಶಾಖೆಗಳಿಗೆ ಭೇಟಿ ನೀಡುವ ಹಾಗೂ ಮನೆಗಳಿಗೆ ನೇರವಾಗಿ ಮಾರುವ ಮತ್ತು ಅಂಗಡಿಗಳಿಗೆ ಸರಕನ್ನು ಸರಬರಾಜು ಮಾಡುವ ಜವಾಬ್ದಾರಿಯನ್ನು ಒಬ್ಬ ಲೆಕ್ಕ ಪರಿಶೋಧಕನಿಗೆ ನೀಡಲಾಗಿರುತ್ತದೆ. ಅವರು ಉತ್ಪನ್ನಗಳ ಬಗ್ಗೆ ಹಾಗೂ "ಕೊಳ್ಳುವ ವಸ್ತುಗಳ ಕೊಡುಗೆ" (ಕೆಲವು ಉತ್ಪನ್ನಗಳನ್ನು ಕೊಂಡಾಗ ನೀಡುವ ಉಚಿತ ಕೊಡುಗೆಗಳು) ಬಗ್ಗೆ ವಿವರಣೆ ನೀಡುತ್ತಾರೆ.

ಒಬ್ಬ ಸೌಂದರ್ಯ ಸಲಹೆಗಾರರು ತ್ವಚೆಯ ನಿರ್ವಹಣೆ ಮತ್ತು ವೇಷ ಭೂಷಣ ಅಗತ್ಯತೆಯ ಆಧಾರದ ಮೇಲೆ ತಮ್ಮ ಉತ್ಪನ್ನಗಳ ಬಗ್ಗೆ ಸಲಹೆ, ಸೂಚನೆಗಳನ್ನು ನೀಡುತ್ತಾರೆ. ಕೆಲವು ಸುಳ್ಳು ಸಂಸ್ಥೆಗಳಿಂದ ದೃಢೀಕರಣ ಹೊಂದಿದ ಸೌಂದರ್ಯ ಸಲಹೆಗಾರು ಇರುತ್ತಾರೆ.

ಕಾಸ್ಮಟೆಶಿಯನ್ ಎಂದರೆ ತನ್ನ ಕಕ್ಷಿದಾರನಿಗೆ ಚಹರೆ ಮತ್ತು ದೇಹಕ್ಕೆ ಚಿಕಿತ್ಸೆಯನ್ನು ನೀಡುವ ಕಸಬುದಾರನೆಂದು ಅರ್ಥ. ಕೆಲವು ಸಂದರ್ಭಗಳಲ್ಲಿ ಕಾಸ್ಮೆಟಾಲಜಿಸ್ಟ್ ಎಂಬ ಪದವನ್ನು ಇದಕ್ಕೆ ಅದಲು ಬದಲಾಗಿ ಬಳಸಲಾಗಿತ್ತಿದ್ದು, ಹೆಚ್ಚಾಗಿ ಈ ಪದವನ್ನು ದೃಢೀಕೃತ ಕಸಬುದಾರನಿಗೆ ಬಳಸುವುದು ವಾಡಿಕೆ. ಸಾಮಾನ್ಯವಾಗಿ ಕಾಸ್ಮೆಟಿಕ್ ಕಂಪನಿಗಳಿಂದ ಪ್ರತಿ ಗಂಟೆಗೆ ಸಂಭಾವನೆ ಪಡೆಯುವ ಒಬ್ಬ ಫ್ರೀಲಾನ್ಸ್ ಅಲಂಕಾರಿಕ ಕಲಾವಿದ ಗ್ರಾಹಕರಿಗೆ ಸೌಂದರ್ಯದ ಬಗ್ಗೆ ಸಲಹೆ ಮತ್ತು ಸಹಾಯ ನೀಡುತ್ತಾರೆ.

ಕಾಸ್ಮೆಟಿಕ್ ಮಾರುಕಟ್ಟೆಯ ವೃತ್ತಿಪರ ಕಸಬುದಾರರು ಸಂಶೋಧನೆಗೆ ಹೆಚ್ಚು ಒತ್ತು ಕೊಡುವವರಾಗಿದ್ದು, ಅಗತ್ಯ ಬ್ರಾಂಡ್ ಪ್ರತೀಕ ಮತ್ತು ಇತರ ಸೇವೆಗಳಲ್ಲಿ ತೊಡಗಿರುತ್ತಾರೆ.(ಮಾರಾಟಗಳ ನಿರೂಪಣೆ, ಸಗಟುಗಳ ನೇಮಕ ಇತ್ಯಾದಿ)

ಇವು ಸೌಂದರ್ಯವರ್ಧಕ ಉತ್ಪನ್ನ ಅಭಿವೃದ್ದಿ ವಿನ್ಯಾಸ, ರಚನೆ ಮತ್ತು ಅವುಗಳ ಶುದ್ಧೀಕರಣವನ್ನು ಒಳಗೊಂಡಿದೆ.

ಈ ಗುಂಪನ್ನು ಒಳಗೊಂಡಿರುವ ವ್ಯಕ್ತಿಗಳೆಂದರೆ, ರಸಾಯನಶಾಸ್ತಜ್ಞರು, ಗುಣಮಟ್ಟ ನಿರ್ಧಾರಕರು ಮತ್ತು ಪೊಟ್ಟಣ ಕಟ್ಟುವವರು.

ಸೌಂದರ್ಯವರ್ಧಕ ಉದ್ಯಮದಲ್ಲಿ ತೊಡಗಿರುವ ಅನೇಕರು ಚಲನಚಿತ್ರ, ಮಾಧ್ಯಮ ಮತ್ತು ಫ್ಯಾಶನ್ ವಲಯಗಳಿಗೆ ಸಂಬಂಧಿಸಿದ ವಿಶೇಷ ಅಲಂಕಾರಿಕ ತಂತ್ರಜ್ಞಾನಗಳು ಅಥವಾ ಅಲಂಕಾರಕ್ಕೆ ಸಂಬಂಧಿಸಿದ ವಿಶೇಷ ಪರಿಣಾಮಗಳ ಬಗ್ಗೆ ಕೆಲವು ಕ್ಷೇತ್ರಗಳಲ್ಲಿ ಪ್ರತ್ಯೇಕ ತರಬೇತಿ ಹೊಂದಿರುತ್ತಾರೆ.^[೨೯]

ಆಕರಗಳು

ಟಿಪ್ಪಣಿಗಳು

↑ ^೧.೦ ^೧.೧ ^೧.೨ ^೧.೩ ^೧.೪ ^೧.೫ ^೧.೬ ^೧.೭ ^೧.೮ ರೀಡ್, ಸಾಂದ್ರ ಐ. ಯುಎಸ್ ಡಿಪಾರ್ಟ್‌ಮೆಂಟ್ ಆಫ್ ಹೆಲ್ತ್ ಅಂಡ್ ಹ್ಯೂಮನ್ ಸರ್ವಿಸಸ್. "ಕಾಸ್ಮೆಟಿಕ್ಸ್ ಅಂಡ್ ಯುವರ್ ಹೆಲ್ತ್." 2004. ಮೇ 31, 2007. [೧]
↑ ಲೆವಿಸ್, ಕ್ಯಾರೊಲ್. ಎಫ್‌ಡಿಎ. "ಕ್ಲಿಯರಿಂಗ್ ಅಪ್ ಕಾಸ್ಮೆಟಿಕ್ ಕನ್ಫ್ಯೂಶನ್."
↑ ^೩.೦ ^೩.೧ ರಾವ್,ಪ್ರತಿಭಾ, ಕಾಸ್ಮೆಟಿಕ್ಸ್ ಅಂಡ್ ಪರ್ಸನಲ್ ಕೇರ್ ಪ್ರಾಡಕ್ಟ್ಸ್, ಸಂಪುಟ 1, ಪುಟಗಳು 380-382,ಎಲ್ಸೆವಿಯರ್ ಇಂಕ್, 1998
↑ Pallingston, J (1998). Lipstick: A Celebration of the World's Favorite Cosmetic. St. Martin's Press. ISBN 0312199147.
↑ "As Consumerism Spreads, Earth Suffers, Study Says". National Geographic. p. 2. Retrieved 2007-08-21. {{cite news}}: Cite has empty unknown parameter: |coauthors= (help)
↑ "Lessons from categorising the entire beauty products sector (Part 1)". p. 1. Archived from the original on 2009-10-10. Retrieved 2009-09-28. {{cite news}}: Cite has empty unknown parameter: |coauthors= (help); More than one of |archivedate= and |archive-date= specified (help); More than one of |archiveurl= and |archive-url= specified (help)
↑ "ಕಾಸ್ಮೆಟಿಕ್ಸ್ ಅಂಡ್ ಯುವರ್ ಹೆಲ್ತ್." womensheatlh.gov.nd.web.4 ನವೆಂಬರ್ 2004
↑ Agner T (1991). "Susceptibility of atopic dermatitis patients to irritant dermatitis caused by sodium lauryl sulphate". Acta Derm. Venereol. 71 (4): 296–300. PMID 1681644.
↑ Nassif A, Chan SC, Storrs FJ, Hanifin JM (1994). "Abnormal skin irritancy in atopic dermatitis and in atopy without dermatitis". Arch Dermatol. 130 (11): 1402–7. doi:10.1001/archderm.130.11.1402. PMID 7979441. {{cite journal}}: Unknown parameter |month= ignored (help)CS1 maint: multiple names: authors list (link)
↑ Marrakchi S, Maibach HI (2006). "Sodium lauryl sulfate-induced irritation in the human face: regional and age-related differences". Skin Pharmacol Physiol. 19 (3): 177–80. doi:10.1159/000093112. PMID 16679819.
↑ CIR ಪಬ್ಲಿಕೇಶನ್. ಫೈನಲ್ ರಿಪೋರ್ಟ್ ಆನ್ ದಿ ಸೇಫ್ಟಿ ಅಸೆಸ್‌ಮೆಂಟ್ ಆಫ್ ಸೋಡಿಯಮ್ ಲಾರ್ಯಲ್ ಸಲ್ಫೇಟ್ ಅಂಡ್ ಅಮೋನಿಯಮ್ ಲಾರ್ಯಲ್ ಸಲ್ಫೇಟ್. ಜರ್ನಲ್ ಆಫ್ ದಿ ಅಮೇರಿಕನ್ ಕಾಲೇಜ್ ಆಫ್ ಟಾಕ್ಸಿಕಾಲಜಿ. 1983 ಸಂಪುಟ. 2 (ಸಂಖ್ಯೆ. 7) ಪುಟಗಳು 127–181.
↑ Löffler H, Effendy I (1999). "Skin susceptibility of atopic individuals". Contact Derm. 40 (5): 239–42. doi:10.1111/j.1600-0536.1999.tb06056.x. PMID 10344477. {{cite journal}}: Unknown parameter |month= ignored (help)
↑ Nagel JE, Fuscaldo JT, Fireman P (1977). "Paraben allergy". JAMA. 237 (15): 1594–5. doi:10.1001/jama.237.15.1594. PMID 576658. {{cite journal}}: Unknown parameter |month= ignored (help)CS1 maint: multiple names: authors list (link)
↑ Byford JR, Shaw LE, Drew MG, Pope GS, Sauer MJ, Darbre PD (2002). "Oestrogenic activity of parabens in MCF7 human breast cancer cells". J. Steroid Biochem. Mol. Biol. 80 (1): 49–60. doi:10.1016/S0960-0760(01)00174-1. PMID 11867263. {{cite journal}}: Unknown parameter |month= ignored (help)CS1 maint: multiple names: authors list (link)
↑ ಟುವರ್ಡ್ಸ್ ಬ್ಯೂಟಿಫುಲ್ ಐಸ್ – ಸಲ್ಯುಶನ್ಸ್ ಫಾರ್ ಥಿನಿಂಗ್ ಲ್ಯಾಶಸ್ ಅಂಡ್ ಡಾರ್ಕ್ ಪ್ಯಾಚಸ್, ಕಮಾವು ಆಸ್ಟಿನ್.
↑ Frosch PJ, Pilz B, Andersen KE; et al. (1995). "Patch testing with fragrances: results of a multicenter study of the European Environmental and Contact Dermatitis Research Group with 48 frequently used constituents of perfumes". Contact Derm. 33 (5): 333–42. doi:10.1111/j.1600-0536.1995.tb02048.x. PMID 8565489. {{cite journal}}: Explicit use of et al. in: |author= (help); Unknown parameter |month= ignored (help)CS1 maint: multiple names: authors list (link)
↑ http://news.scotsman.com/latestnews/-Pseudo-science-can39t-cover.3606975.jp
↑ http://www.badscience.net/category/cosmetics/
↑ "ಆರ್ಕೈವ್ ನಕಲು". Archived from the original on 2009-05-13. Retrieved 2010-08-17.
↑ ಸಿಂಗರ್, ನತಾಶ. "ನ್ಯಾಚುರಲ್, ಆರ್ಗ್ಯಾನಿಕ್ ಬ್ಯೂಟಿ." ನ್ಯೂಯಾರ್ಕ್‌ ಟೈಮ್ಸ್ 27 ನವಂಬರ್. 2007. 14 ಮಾರ್ಚ್. 2009 <http://www.jstor.org/>.
↑ <https://www.nytimes.com/2007/11/01/fashion/01skin.html?_r=1&oref=slogin>
↑ "Cosmetic Industry". Archived from the original on 2010-09-08. Retrieved 2010-08-04. {{cite web}}: More than one of |archivedate= and |archive-date= specified (help); More than one of |archiveurl= and |archive-url= specified (help)
↑ "Blueprint for a Cosmetics Empire". Retrieved 2010-08-04.
↑ "France continues to lead the way in cosmetics". Retrieved 2010-08-04.
↑ "Cosmetics - Europe (Italy) 2008 Marketing Research". Retrieved 2010-08-04.
↑ "Regulatory context". Retrieved 2010-08-04.
↑ "Animal Testing". Archived from the original on 2010-08-08. Retrieved 2010-08-04.
↑ "Buy Cosmetics Online". Archived from the original on 2010-09-03. Retrieved 2010-08-04. {{cite web}}: More than one of |archivedate= and |archive-date= specified (help); More than one of |archiveurl= and |archive-url= specified (help)
↑ "Nails and Beauty Academy". Nails and Beauty Academy. {{cite news}}: Text "Make-up" ignored (help)

ಮುಂದಿನ ಓದಿಗಾಗಿ

Winter, Ruth (2005) [2005]. A Consumer's Dictionary of Cosmetic Ingredients: Complete Information About the Harmful and Desirable Ingredients in Cosmetics (Paperback) (in English). USA: Three Rivers Press. ISBN 1400052335.{{cite book}}: CS1 maint: unrecognized language (link)
Begoun, Paula (2003) [2003]. Don't Go to the Cosmetics Counter Without Me(Paperback) (in English). USA: Beginning Press. ISBN 1877988308.{{cite book}}: CS1 maint: unrecognized language (link)
Carrasco, Francisco (2009) [2009]. Diccionario de Ingredientes Cosmeticos(Paperback) (in ಸ್ಪ್ಯಾನಿಷ್). Spain: www.imagenpersonal.net. ISBN 9788461349791.{{cite book}}: CS1 maint: unrecognized language (link)

[USHealthandHuman-1] ೧.೦ ^೧.೧ ^೧.೨ ^೧.೩ ^೧.೪ ^೧.೫ ^೧.೬ ^೧.೭ ^೧.೮ ರೀಡ್, ಸಾಂದ್ರ ಐ. ಯುಎಸ್ ಡಿಪಾರ್ಟ್‌ಮೆಂಟ್ ಆಫ್ ಹೆಲ್ತ್ ಅಂಡ್ ಹ್ಯೂಮನ್ ಸರ್ವಿಸಸ್. "ಕಾಸ್ಮೆಟಿಕ್ಸ್ ಅಂಡ್ ಯುವರ್ ಹೆಲ್ತ್." 2004. ಮೇ 31, 2007. [೧]

[2] ಲೆವಿಸ್, ಕ್ಯಾರೊಲ್. ಎಫ್‌ಡಿಎ. "ಕ್ಲಿಯರಿಂಗ್ ಅಪ್ ಕಾಸ್ಮೆಟಿಕ್ ಕನ್ಫ್ಯೂಶನ್."

[ReferenceA-3] ೩.೦ ^೩.೧ ರಾವ್,ಪ್ರತಿಭಾ, ಕಾಸ್ಮೆಟಿಕ್ಸ್ ಅಂಡ್ ಪರ್ಸನಲ್ ಕೇರ್ ಪ್ರಾಡಕ್ಟ್ಸ್, ಸಂಪುಟ 1, ಪುಟಗಳು 380-382,ಎಲ್ಸೆವಿಯರ್ ಇಂಕ್, 1998

[4] Pallingston, J (1998). Lipstick: A Celebration of the World's Favorite Cosmetic. St. Martin's Press. ISBN 0312199147.

[5] "As Consumerism Spreads, Earth Suffers, Study Says". National Geographic. p. 2. Retrieved 2007-08-21. {{cite news}}: Cite has empty unknown parameter: |coauthors= (help)

[6] "Lessons from categorising the entire beauty products sector (Part 1)". p. 1. Archived from the original on 2009-10-10. Retrieved 2009-09-28. {{cite news}}: Cite has empty unknown parameter: |coauthors= (help); More than one of |archivedate= and |archive-date= specified (help); More than one of |archiveurl= and |archive-url= specified (help)

[7] "ಕಾಸ್ಮೆಟಿಕ್ಸ್ ಅಂಡ್ ಯುವರ್ ಹೆಲ್ತ್." womensheatlh.gov.nd.web.4 ನವೆಂಬರ್ 2004

[Agner_T-8] Agner T (1991). "Susceptibility of atopic dermatitis patients to irritant dermatitis caused by sodium lauryl sulphate". Acta Derm. Venereol. 71 (4): 296–300. PMID 1681644.

[A._Nassif_1994-9] Nassif A, Chan SC, Storrs FJ, Hanifin JM (1994). "Abnormal skin irritancy in atopic dermatitis and in atopy without dermatitis". Arch Dermatol. 130 (11): 1402–7. doi:10.1001/archderm.130.11.1402. PMID 7979441. {{cite journal}}: Unknown parameter |month= ignored (help)CS1 maint: multiple names: authors list (link)

[Marrakchi_S-10] Marrakchi S, Maibach HI (2006). "Sodium lauryl sulfate-induced irritation in the human face: regional and age-related differences". Skin Pharmacol Physiol. 19 (3): 177–80. doi:10.1159/000093112. PMID 16679819.

[Final_Report_SLS-11] CIR ಪಬ್ಲಿಕೇಶನ್. ಫೈನಲ್ ರಿಪೋರ್ಟ್ ಆನ್ ದಿ ಸೇಫ್ಟಿ ಅಸೆಸ್‌ಮೆಂಟ್ ಆಫ್ ಸೋಡಿಯಮ್ ಲಾರ್ಯಲ್ ಸಲ್ಫೇಟ್ ಅಂಡ್ ಅಮೋನಿಯಮ್ ಲಾರ್ಯಲ್ ಸಲ್ಫೇಟ್. ಜರ್ನಲ್ ಆಫ್ ದಿ ಅಮೇರಿಕನ್ ಕಾಲೇಜ್ ಆಫ್ ಟಾಕ್ಸಿಕಾಲಜಿ. 1983 ಸಂಪುಟ. 2 (ಸಂಖ್ಯೆ. 7) ಪುಟಗಳು 127–181.

[Loffler_H-12] Löffler H, Effendy I (1999). "Skin susceptibility of atopic individuals". Contact Derm. 40 (5): 239–42. doi:10.1111/j.1600-0536.1999.tb06056.x. PMID 10344477. {{cite journal}}: Unknown parameter |month= ignored (help)

[13] Nagel JE, Fuscaldo JT, Fireman P (1977). "Paraben allergy". JAMA. 237 (15): 1594–5. doi:10.1001/jama.237.15.1594. PMID 576658. {{cite journal}}: Unknown parameter |month= ignored (help)CS1 maint: multiple names: authors list (link)

[byfordetal-14] Byford JR, Shaw LE, Drew MG, Pope GS, Sauer MJ, Darbre PD (2002). "Oestrogenic activity of parabens in MCF7 human breast cancer cells". J. Steroid Biochem. Mol. Biol. 80 (1): 49–60. doi:10.1016/S0960-0760(01)00174-1. PMID 11867263. {{cite journal}}: Unknown parameter |month= ignored (help)CS1 maint: multiple names: authors list (link)

[15] ಟುವರ್ಡ್ಸ್ ಬ್ಯೂಟಿಫುಲ್ ಐಸ್ – ಸಲ್ಯುಶನ್ಸ್ ಫಾರ್ ಥಿನಿಂಗ್ ಲ್ಯಾಶಸ್ ಅಂಡ್ ಡಾರ್ಕ್ ಪ್ಯಾಚಸ್, ಕಮಾವು ಆಸ್ಟಿನ್.

[Synthetic_Fragrances-16] Frosch PJ, Pilz B, Andersen KE; et al. (1995). "Patch testing with fragrances: results of a multicenter study of the European Environmental and Contact Dermatitis Research Group with 48 frequently used constituents of perfumes". Contact Derm. 33 (5): 333–42. doi:10.1111/j.1600-0536.1995.tb02048.x. PMID 8565489. {{cite journal}}: Explicit use of et al. in: |author= (help); Unknown parameter |month= ignored (help)CS1 maint: multiple names: authors list (link)

[17] ttp://news.scotsman.com/latestnews/-Pseudo-science-can39t-cover.3606975.jp

[18] ttp://www.badscience.net/category/cosmetics/

[19] "ಆರ್ಕೈವ್ ನಕಲು". Archived from the original on 2009-05-13. Retrieved 2010-08-17.

[20] ಸಿಂಗರ್, ನತಾಶ. "ನ್ಯಾಚುರಲ್, ಆರ್ಗ್ಯಾನಿಕ್ ಬ್ಯೂಟಿ." ನ್ಯೂಯಾರ್ಕ್‌ ಟೈಮ್ಸ್ 27 ನವಂಬರ್. 2007. 14 ಮಾರ್ಚ್. 2009 <http://www.jstor.org/>.

[21] <https://www.nytimes.com/2007/11/01/fashion/01skin.html?_r=1&oref=slogin>

[22] "Cosmetic Industry". Archived from the original on 2010-09-08. Retrieved 2010-08-04. {{cite web}}: More than one of |archivedate= and |archive-date= specified (help); More than one of |archiveurl= and |archive-url= specified (help)

[23] "Blueprint for a Cosmetics Empire". Retrieved 2010-08-04.

[24] "France continues to lead the way in cosmetics". Retrieved 2010-08-04.

[25] "Cosmetics - Europe (Italy) 2008 Marketing Research". Retrieved 2010-08-04.

[26] "Regulatory context". Retrieved 2010-08-04.

[27] "Animal Testing". Archived from the original on 2010-08-08. Retrieved 2010-08-04.

[28] "Buy Cosmetics Online". Archived from the original on 2010-09-03. Retrieved 2010-08-04. {{cite web}}: More than one of |archivedate= and |archive-date= specified (help); More than one of |archiveurl= and |archive-url= specified (help)

[Make-up-29] "Nails and Beauty Academy". Nails and Beauty Academy. {{cite news}}: Text "Make-up" ignored (help)

[೧]

[೨]

[೩]

[೪]

[೫]

[೬]

[೭]

[೮]

[೯]

[೧೦]

[೧೧]

[೧೨]

[೧೩]

[೧೪]

[೧೫]

[೧೬]

[೧೭]

[೧೮]

[೧೯]

[೨೦]

[೨೧]

[೨೨]

[೨೩]

[೨೪]

[೨೫]

[೨೬]

[೨೭]

[೨೮]

[೨೯]