ಸಾಯಿ ವಿದ್ಯಾ ತಾಂತ್ರಿಕ ಮಹಾವಿದ್ಯಾಲಯ

ಸಾಯಿ ವಿದ್ಯಾ ತಾಂತ್ರಿಕ ಮಹಾವಿದ್ಯಾಲಯ

ಧ್ಯೇಯ	Learn to Lead
ಪ್ರಕಾರ	ಖಾಸಗಿ
ಸ್ಥಾಪನೆ	2008
ಸಂಯೋಜನೆ	ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ, (ವಿಟಿಯು)
ಪ್ರಿನ್ಸಿಪಾಲ್	ಡಾ. ಎಮ್ ಎಸ್ ಗಣೇಶ ಪ್ರಸಾದ್
ಡೈರೆಕ್ಟರ್	ಪ್ರೊ. ಎಮ್ ಆರ್ ಹೊಳ್ಳ
ಪದವಿ ಶಿಕ್ಷಣ	ಬಿ ಇ
ಸ್ನಾತಕೋತ್ತರ ಶಿಕ್ಷಣ	ಎಂ ಬಿ ಎ
ಸ್ಥಳ	ಬೆಂಗಳೂರು, ಕರ್ನಾಟಕ, ಭಾರತ
ಆವರಣ	ನಗರ, ರಾಜಾನುಕುಂಟೆ, ದೊಡ್ಡಬಳ್ಳಾಪುರ ರಸ್ತೆ, ಬೆಂಗಳೂರು
ಅನುಮೋದನೆ	AICTE, NBA, NAAC 'A' Grade
Nickname	SVIT
ಜಾಲತಾಣ	saividya.ac.in

ಸಾಯಿ ವಿದ್ಯಾ ತಾಂತ್ರಿಕ ಮಹಾವಿದ್ಯಾಲಯವು ಬೆಂಗಳೂರಿನಲ್ಲಿರುವ ಒಂದು ಖಾಸಗಿ ತಾಂತ್ರಿಕ ಮಹಾವಿದ್ಯಾಲಯ. ಇದು ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ ಬೆಳಗಾವಿಯ ಅಧೀನಕೊಳಪಟ್ಟಿದ್ದು, ಎಐಸಿಟಿಇ (ಅಖಿಲ ಭಾರತೀಯ ತಾಂತ್ರಿಕ ಶಿಕ್ಷಣ ಮಂಡಳಿ) ಯಿಂದ ಅನುಮೋದನೆಗೊಳಪಟ್ಟು ಕರ್ನಾಟಕ ಸರ್ಕಾರದಿಂದ ಗುರುತಿಸಲ್ಪಟ್ಟಿದೆ. NBA ಯಿಂದ ೫ ವಿಭಾಗಗಳಿಗೆ (CSE, ISE, ECE, Civil, Mechanical) ಅಧಿಕೃತವಾಗಿ ೪ ವರ್ಷಗಳ ಅವಧಿಗೆ ಮನ್ನಣೆ ದೊರೆತಿರುತ್ತದೆ ಮತ್ತು NAAC ವತಿಯಿಂದ 'A' ಶ್ರೇಣಿ ಲಭಿಸಿದೆ.

ಇತಿಹಾಸ

ಸಾಯಿ ವಿದ್ಯಾ ತಾಂತ್ರಿಕ ಮಹಾವಿದ್ಯಾಲಯವು 2008ರಲ್ಲಿ ಸ್ಥಾಪಿತವಾಯಿತು. ಶ್ರೀ ಸಾಯಿ ವಿದ್ಯಾ ವಿಕಾಸ ಶಿಕ್ಷಣ ಸಮಿತಿಯು ಈ ವಿದ್ಯಾ ಸಂಸ್ಥೆಯ ಎಲ್ಲಾ ಬೆಳವಣಿಗೆ ಮತ್ತು ಸಾಧನಗಳಿಗೆ ಪ್ರೇರಕ ಶಕ್ತಿಯಾಗಿದೆ. ತಾಂತ್ರಿಕ ಶಿಕ್ಷಣ ಅರಸಿ ಬಂದ ವಿದ್ಯಾರ್ಥಿಗಳನ್ನು ಸಮರ್ಥವಾಗಿ ಶಿಕ್ಷಣದ ಸರ್ವ ದಿಕ್ಕುಗಳಲ್ಲೂ ಅಭಿವೃದ್ದಿ ಪಡಿಸುವ ದೃಷ್ಟಿಯಿಂದ ಸಮಗ್ರವಾದ ತಾಂತ್ರಿಕ ಶಿಕ್ಷಣ ತರಬೇತಿ ಹಾಗು ಅತ್ಯುತ್ತಮ ಶಿಕ್ಷಣದ ಬಗ್ಗೆ ಈ ವಿದ್ಯಾ ಸಂಸ್ಥೆಯು ಗಮನವಹಿಸುತ್ತಿದೆ. ಸಾಯಿ ವಿದ್ಯಾ ತಾಂತ್ರಿಕ ಮಹಾವಿದ್ಯಾಲಯವು ತಾಂತ್ರಿಕ ಶಿಕ್ಷಣದಲ್ಲಿ ಉತ್ತಮ ಸೇವೆ ಸಲ್ಲಿಸುತ್ತಿರುವ ಪ್ರಾಧ್ಯಾಪಕರುಗಳ ಒಂದು ತಂಡದಿಂದ ರಚಿತವಾಗಿದ್ದು, 56 ವರ್ಷಗಳಿಂದ ಸೇವೆಯನ್ನು ತಾಂತ್ರಿಕ ಶಿಕ್ಷಣಕ್ಕೆ ನೀಡುತ್ತಿರುವ ಹಾಗು ಈ ಸಾಧನೆಗೆ ಕರ್ನಾಟಕ ಸರ್ಕಾರದಿಂದ ರಾಜ್ಯೋತ್ಸವ ಪ್ರಶಸ್ತಿಗೆ ಭಾಜನರಾದ ಪ್ರೊ. ಎಂ. ಆರ್. ಹೊಳ್ಳ ರವರ ಅಧ್ಯಕ್ಷತೆಯಲ್ಲಿ ಮತ್ತು ಮಾರ್ಗದರ್ಶನದಲ್ಲಿ ತಾಂತ್ರಿಕ ಶಿಕ್ಷಣದ ನುರಿತ ಪ್ರಾಧ್ಯಾಪಕರುಗಳಿಂದ ಈ ಸಂಸ್ಥೆಯನ್ನು ಸ್ಥಾಪಿಸಲಾಯಿತು. ಡಾ. ಪದ್ಮಾರೆಡ್ಡಿ, ಶ್ರೀ ಆರ್. ಶ್ರೀನಿವಾಸರಾಜು, ಪ್ರೊ. ಆರ್.ಸಿ. ಷಣ್ಮುಖ ಸ್ವಾಮಿ, ಡಾ. ವೈ. ಜಯಸಿಂಹ, ಶ್ರೀ ಎಮ್.ಕೆ. ಮನೋಹರ್ ಶ್ರೀ ಎನ್. ನಾರಾಯಣರಾಜು ರವರುಗಳು ಸಾಯಿ ವಿದ್ಯಾ ಸಂಸ್ಥೆಯ ರೂವಾರಿಗಳಾಗಿದ್ದಾರೆ.

ಲಭ್ಯವಿರುವ ವಿಷಯಗಳು

ಸಾಯಿ ವಿದ್ಯಾ ತಾಂತ್ರಿಕ ಮಹಾವಿದ್ಯಾಲಯದಲ್ಲಿ ಈ ಕೆಳಕಂಡ ವಿಷಯಗಳಲ್ಲಿ ೪ ವರ್ಷಗಳ ಅವಧಿಯ ಬಿ.ಇ ಪದವಿಗೆ ಸೀಟುಗಳು ಲಭ್ಯವಿರುತ್ತವೆ.

ಕೋರ್ಸುಗಳು	ಲಭ್ಯವಿರುವ ಸೀಟುಗಳು	ಅವಧಿ
ವಿದ್ಯುನ್ಮಾನ ಮತ್ತು ಸಂವಹನ ಇಂಜಿನಿಯರಿಂಗ್	೧೨೦	೪ ವರ್ಷಗಳು
ಗಣಕ ವಿಜ್ಞಾನ ಇಂಜಿನಿಯರಿಂಗ್	೧೮೦	೪ ವರ್ಷಗಳು
ಗಣಕ ವಿಜ್ಞಾನ (ಕೃತಕ ಬುದ್ದಿಮತ್ತೆ ಮತ್ತು ಯಂತ್ರ ಕಲಿಕೆ) ಇಂಜಿನಿಯರಿಂಗ್	೧೨೦	೪ ವರ್ಷಗಳು
ಗಣಕ ವಿಜ್ಞಾನ (ದತ್ತಾಂಶ ವಿಜ್ಞಾನ) ಇಂಜಿನಿಯರಿಂಗ್	೧೨೦	೪ ವರ್ಷಗಳು
ಮಾಹಿತಿ ವಿಜ್ಞಾನ ಇಂಜಿನಿಯರಿಂಗ್	೧೨೦	೪ ವರ್ಷಗಳು
ಮೆಕ್ಯಾನಿಕಲ್ ಇಂಜಿನಿಯರಿಂಗ್	೩೦	೪ ವರ್ಷಗಳು
ಸಿವಿಲ್ ಇಂಜಿನಿಯರಿಂಗ್	೩೦	೪ ವರ್ಷಗಳು

ವಿಭಾಗಗಳು

ಸಾಯಿ ವಿದ್ಯಾ ತಾಂತ್ರಿಕ ಮಹಾವಿದ್ಯಾಲಯದಲ್ಲಿ ಈ ಕೆಳಗೆ ಕಾಣಿಸಿದ ಪದವಿ, ಸ್ನಾತಕೋತ್ತರ ಪದವಿ ವಿಭಾಗಗಳಿದ್ದು ಅತ್ಯುತ್ತಮ ತಾಂತ್ರಿಕ ಶಿಕ್ಷಣ ಕೊಡುವಲ್ಲಿ ನಿರಂತರ ಕಾರ್ಯಪ್ರವೃತ್ತವಾಗಿವೆ.

ಪದವಿ

1. ವಿದ್ಯುನ್ಮಾನ ಮತ್ತು ಸಂವಹನ ಇಂಜಿನಿಯರಿಂಗ್ (Electronics and Communication Engineering)
2. ಗಣಕ ವಿಜ್ಞಾನ ಇಂಜಿನಿಯರಿಂಗ್ (Computer Science and Engineering)
3. ಮಾಹಿತಿ ವಿಜ್ಞಾನ ಇಂಜಿನಿಯರಿಂಗ್ (Information Science and Engineering)
4. ಗಣಕ ವಿಜ್ಞಾನ (ಕೃತಕ ಬುದ್ದಿಮತ್ತೆ ಮತ್ತು ಯಂತ್ರ ಕಲಿಕೆ) ಇಂಜಿನಿಯರಿಂಗ್ (Computer Science and Engineering, (Artificial Intelligence and Machine learning))
5. ಗಣಕ ವಿಜ್ಞಾನ (ದತ್ತಾಂಶ ವಿಜ್ಞಾನ ಇಂಜಿನಿಯರಿಂಗ್) (Computer Science and Engineering- (Data Science))
6. ಮೆಕ್ಯಾನಿಕಲ್ ಇಂಜಿನಿಯರಿಂಗ್ (Mechanical Engineering)
7. ಸಿವಿಲ್ ಇಂಜಿನಿಯರಿಂಗ್ (Civil Engineering)

ಸ್ನಾತಕೋತ್ತರ ಪದವಿ

1. ಎಂ ಬಿ ಎ

ಸಂಶೋಧನೆ ಮತ್ತು ಅಭಿವೃದ್ದಿ

ಈ ಸಂಸ್ಥೆಯು ಸಂಶೋಧನೆ ಮತ್ತು ಅಭಿವೃದ್ದಿಯ ಕಡೆ ಹೆಚ್ಚು, ಹೆಚ್ಚು ಗಮನವಹಿಸುತ್ತಿದ್ದು, ಇಚ್ಚೆಯುಳ್ಳ ವಿದ್ಯಾರ್ಥಿಗಳು ಪಿ.ಹೆಚ್.ಡಿ ಕೋರ್ಸಿಗೆ ಕೆಳಗೆ ತಿಳಿಸಿದ ವಿಷಯಗಳಲ್ಲಿ ಆಯ್ಕೆ ಬಯಸಬಹುದು.

1. ವಿದ್ಯುನ್ಮಾನ ಇಂಜಿನಿಯರಿಂಗ್ ನಲ್ಲಿ ಪಿ.ಹೆಚ್.ಡಿ
2. ಗಣಕ ವಿಜ್ಞಾನದಲ್ಲಿ ಇಂಜಿನಿಯರಿಂಗ್ ನಲ್ಲಿ ಪಿ.ಹೆಚ್.ಡಿ
3. ಮಾಹಿತಿ ವಿಜ್ಞಾನ ಇಂಜಿನಿಯರಿಂಗ್ ನಲ್ಲಿ ಪಿ.ಹೆಚ್.ಡಿ
4. ಮೆಕ್ಯಾನಿಕಲ್ ಇಂಜಿನಿಯರಿಂಗ್ ನಲ್ಲಿ ಪಿ.ಹೆಚ್.ಡಿ
5. ಸಿವಿಲ್ ಇಂಜಿನಿಯರಿಂಗ್ ನಲ್ಲಿ ಪಿ.ಹೆಚ್.ಡಿ
6. ಗಣಿತ ಶಾಸ್ತ್ರದಲ್ಲಿ ಪಿ.ಹೆಚ್.ಡಿ
7. ಭೌತಶಾಸ್ತ್ರದಲ್ಲಿ ಪಿ.ಹೆಚ್.ಡಿ
8. ರಸಾಯನಶಾಸ್ತ್ರದಲ್ಲಿ ಪಿ.ಹೆಚ್.ಡಿ
9. ಎಂ.ಬಿ.ಎ ಯಲ್ಲಿ ಪಿ.ಹೆಚ್.ಡಿ

ಕರ್ನಾಟಕ ರಾಜ್ಯ ಸರ್ಕಾರದ VGST SMYSR ಮತ್ತು CISEE ಯೋಜನೆಯಿಂದ, ಭಾರತ ಸರ್ಕಾರದ SERB-DST ಯೋಜನೆಯಿಂದ ಹಾಗು ರಾಜ್ಯ ಸರ್ಕಾರದ KSCST ಯಿಂದ ಸಂಶೋಧನೆ ಮತ್ತು ಅಭಿವೃದ್ದಿಗಾಗಿ ಅನುದಾನ ನೀಡಲಾಗಿದೆ.

ಸೌಲಭ್ಯಗಳು

ಗ್ರಂಥಾಲಯ

ಗ್ರಂಥಾಲಯವು ಪ್ರಮುಖ ಸಂಪನ್ಮೂಲ ಕೇಂದ್ರವಾಗಿದ್ದು ಸಂಪೂರ್ಣ ಗಣಕೀಕೃತವಾಗಿದೆ. ವಿದ್ಯಾರ್ಥಿಗಳ ಮತ್ತು ಭೋದಕರ ಸಮಗ್ರ ಅಭಿವೃದ್ದಿಗೆ ಪೂರಕವಾಗಿದೆ.ವಿವಿಧ ವಿಷಯಗಳಲ್ಲಿನ ಒಟ್ಟು ಪುಸ್ತಕಗಳ ಸಂಖ್ಯೆಯನ್ನು ಈ ಕೆಳಕಂಡ ಕೋಷ್ಟಕದಲ್ಲಿ ನೀಡಲಾಗಿದೆ.

ಒಟ್ಟು ಶೀರ್ಷಿಕೆಗಳು	ಒಟ್ಟು ಸಂಪುಟಗಳು	ಇ-ನಿಯತಕಾಲಿಕೆಗಳು
೧೩೬೩೪	೨೭೫೮೧	೧೬೮೧

ಕ್ರೀಡೆ

ಕ್ರೀಡೆಗೆ ಬೇಕಾದ ಎಲ್ಲಾ ಸೌಲಭ್ಯಗಳನ್ನೂ ಈ ಸಂಸ್ಥೆಯು ನೀಡುತ್ತದೆ. ಕಾಲೇಜು ವಾಲಿಬಾಲ್, ಫೂಟ್‍ಬಾಲ್, ಟೆನ್ನಿಸ್, ಬಾಸ್ಕೆಟ್‍ಬಾಲ್, ಕಬಡ್ಡಿ, ಕ್ರಿಕೆಟ್, ಬ್ಯಾಡ್ಮಿಂಟನ್ ಮುಂತಾದ ಹೊರಾಂಗಣ ಕ್ರೀಡೆಗಳನ್ನು ಪ್ರೋತ್ಸಾಹಿಸುತ್ತದೆ ಮತ್ತು ಒಳಾಂಗಣ ಕ್ರೀಡಾಂಗಣವನ್ನೂ ಹೊಂದಿದೆ. ಈಗಾಗಲೆ ರಾಜ್ಯ ಮತ್ತು ರಾಷ್ಟ್ರ ಮಟ್ಟದಲ್ಲಿ ನಡೆದ ಕ್ರೀಡಾ ಸ್ಪರ್ದೆಗಳಲ್ಲಿ ಉತ್ತಮ ಸಾಧನೆ ಮಾಡಿದೆ. ಪ್ರತಿವರ್ಷ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯವು ಕೊಡಲ್ಪಡುವ ವಿಟಿಯು ಸಾಂಸ್ಥಿಕ ನಗದು ಬಹುಮಾನವನ್ನು ೨೦೧೪-೧೫ರಲ್ಲಿ ಈ ಸಂಸ್ಥೆಯು ಪಡೆದಿದೆ.

ಉದ್ಯೋಗ ಅವಕಾಶ

ಪ್ರತಿ ವರ್ಷವೂ ಅ‍ರ್ಹತೆಯುಳ್ಳ ವಿದ್ಯಾರ್ಥಿಗಳಿಗೆ ಶೇಖಡ ೯೮ ರಷ್ಟು ಉದ್ಯೋಗವನ್ನು ಪ್ಲೇಸ್ಮೆಂಟ್ ಸೆಲ್ಲ್ ಕಡೆಯಿಂದ ಒದಗಿಸಲಾಗುತ್ತಿದೆ. ಇದಕ್ಕಾಗಿಯೆ ವಿದ್ಯಾರ್ಥಿಗಳಿಗೆ ವಿಶೇಷ ತರಬೇತಿಯನ್ನು ಸಂಸ್ಥೆಯಲ್ಲಿಯೇ ನೀಡಲಾಗುತ್ತಿದೆ. ಕೆಳಕಂಡ ಅಂತರಾಷ್ಟ್ರೀಯ ಮತ್ತು ರಾಷ್ಟ್ರೀಯ ತಂತ್ರಜ್ಞಾನ ಕಂಪೆನಿಗಳ ಕ್ಯಾಂಪಸ್ ಸಂದರ್ಶನ ನಡೆಸುತ್ತವೆ.

1. HCL Enterprise
2. Tech Mahindra
3. Hewlett Packard
4. IBM
5. iGATE
6. CGI Group
7. OnMobile
8. Siemens
9. Syntel
10. Wipro
11. Indian Air Force
12. Tata Consultancy Services
13. Cognizant
14. Mphasis
15. NTT DATA
16. EMC Corporation
17. Mindtree
18. Amazon.com
19. Microland
20. Raymond Group

ವಿದ್ಯಾರ್ಥಿ ನಿಲಯಗಳು

ವಿಶಾಲವಾದ, ಸುಸಜ್ಜಿತವಾದ Wi-Fi ಅನುಕೂಲವುಳ್ಳ ಪುರುಷ ಮತ್ತು ಮಹಿಳಾ ವಿದ್ಯಾರ್ಥಿ ನಿಲಯಗಳು ಕಾಲೇಜಿನ ಆವರಣದಲ್ಲಿವೆ. ಭಾರತದ ಬೇರೆ ಬೇರೆ ರಾಜ್ಯದ ಹಾಗು ಹೊರದೇಶದ ವಿದ್ಯಾರ್ಥಿಗಳು, ವಿದ್ಯಾರ್ಥಿ ನಿಲಯಗಳಲ್ಲಿ ವಿದ್ಯಾಭ್ಯಾಸ ಮಾಡುತ್ತಿದ್ದಾರೆ.

ಉಪಹಾರ ಗೃಹ

ಕಾಲೇಜು ಪರಿಶುದ್ದ ಸಸ್ಯಹಾರಿ ಉಪಹಾರ ಗೃಹವನ್ನು ಹೊಂದಿದ್ದು ದಕ್ಷಿಣ ಮತ್ತು ಉತ್ತರ ಭಾರತದ ಎಲ್ಲಾ ರುಚಿಯಾದ,ಶುಚಿಯಾದ ಆಹಾರಗಳು ಲಭ್ಯವಿರುತ್ತವೆ.

ವಾಹನ ವ್ಯವಸ್ಥೆ

ಬೆಂಗಳೂರು ನಗರದ ವಿವಿಧ ಭಾಗಗಳಿಂದ ವಾಹನ ವ್ಯವಸ್ಥೆ ನೀಡುತ್ತಿದೆ.

ವಿದ್ಯಾರ್ಥಿವೇತನ

1. ಅರ್ಹತೆ ವಿದ್ಯಾರ್ಥಿವೇತನ
2. ರಕ್ಷಣಾ ವಿದ್ಯಾರ್ಥಿವೇತನ
3. ಎಸ್.ಸಿ/ಎಸ್.ಟಿ ವಿದ್ಯಾರ್ಥಿವೇತನ
4. ಯೋಜನಾ ವಿದ್ಯಾರ್ಥಿವೇತನ
5. NSP ವಿದ್ಯಾರ್ಥಿವೇತನ
6. ssp ವಿದ್ಯಾರ್ಥಿವೇತನ

ರಾಷ್ಟ್ರೀಯ ಸೇವಾ ಯೋಜನೆ ಮತ್ತು ರೆಡ್ ಕ್ರಾಸ್

ರಾಷ್ಟ್ರೀಯ ಸೇವಾ ಯೋಜನೆ (National Service Scheme) ಘಟಕವು ಸಂಸ್ಥೆಯಲ್ಲಿ ಹೆಚ್ಚು ಕ್ರಿಯಾಶೀಲವಾಗಿದ್ದು ವಾರ್ಷಿಕ ೫-೬ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು ಯಶಸ್ವಿಯಾಗುತ್ತಾ ಬಂದಿದೆ. ಕಾಲೇಜಿನ ರಾಷ್ಟೀಯ ಸೇವಾ ಯೋಜನೆ ಮತ್ತು ರೆಡ್ ಕ್ರಾಸ್ ಘಟಕಗಳು ಜೊತೆಗೂಡಿ ಸ್ವಚ್ ಭಾರತ್, ರಕ್ತದಾನ ಶಿಬಿರದಂತ ಸಮಾಜಮುಖಿ ಕೆಲಸಗಳಲ್ಲಿ ನಿರಂತರವಾಗಿ ತೊಡಗಿಕೊಂಡಿವೆ. ರಾಷ್ಟೀಯ ಸೇವಾ ಯೋಜನೆ ಘಟಕದ ವಿದ್ಯಾರ್ಥಿಯೊಬ್ಬರು ಗಣರಾಜ್ಯೋತ್ಸವ ಪರೇಡ್ ನಲ್ಲಿ ಭಾಗಿಯಾಗಿದ್ದು NSS ಕಾರ್ಯಚಟುವಟಿಕೆಗಳಿಗೆ ಇನ್ನಷ್ಟು ಸ್ಪೂರ್ತಿಯಾಗಿದೆ.

ಎನ್ ಸಿ ಸಿ (ನ್ಯಾಷನಲ್ ಕೆಡೆಟ್ ಕಾರ್ಪ್ಸ್)

ನ್ಯಾಷನಲ್ ಕೆಡೆಟ್ ಕಾರ್ಪ್ಸ್ ಘಟಕವು ೨೦೧೯ರಲ್ಲಿ ಅನುಮತಿಸಲ್ಪಟ್ಟು, ಸುಮಾರು ೫೦ಕ್ಕೂ ಹೆಚ್ಛು ವಿದ್ಯಾರ್ಥಿಗಳು ಎನ್ ಸಿ ಸಿ ಕೆಡೆಟ್ ಗಳಾಗಿ ಹಲವಾರು ಕ್ಯಾಂಪ್ ಗಳಲ್ಲಿ ಭಾಗವಹಿಸಿ ಮತ್ತು B ಪ್ರಮಾಣಪತ್ರಗಳಿಸಿ ಉತ್ತಮ ಸೇವೆ ಸಲ್ಲಿಸುತ್ತಿದ್ದಾರೆ.

ಸಂಚಲನ

ಸಂಚಲನವು ಕಾಲೇಜಿನ ವಾರ್ಷಿಕ ಸಾಂಸ್ಕೃತಿಕ ಹಬ್ಬವಾಗಿದ್ದು, ಕಾಲೇಜಿನಲ್ಲಿರುವ ಹಲವು ರಾಜ್ಯಗಳ ವಿದ್ಯಾರ್ಥಿಗಳು ತಮ್ಮ ತಮ್ಮ ಪ್ರತಿಭೆಯನ್ನು ಮತ್ತು ಸಂಸ್ಕೃತಿಯನ್ನು ಬಿಂಬಿಸಲು ವೇದಿಕೆಯಾಗಿದೆ.

ಸಮ್ಮಿಲನ

ಸಮ್ಮಿಲನವು ಹಳೆಯ ವಿದ್ಯಾರ್ಥಿಗಳ ಒಕ್ಕೂಟ, ವರ್ಷಕ್ಕೆ ಒಂದು ಬಾರಿ ಹಳೆಯ ವಿದ್ಯಾರ್ಥಿಗಳೆಲ್ಲ ಒಂದೆಡೆ ಸೇರಿ ತಮ್ಮ ತಮ್ಮ ಅನುಭವಗಳನ್ನು ಹಂಚಿಕೊಳ್ಳುವ ವೇದಿಕೆ.

ಸಂಗಮ

ಸಂಗಮ ಎನ್ನುವುದು ಸಾಯಿ ವಿದ್ಯಾ ತಾಂತ್ರಿಕ ಮಹಾವಿದ್ಯಾಲಯದ ವಾರ್ಷಿಕ ಸಾಂಸ್ಕೃತಿಕ ಕೂಟ, ನಾಡಿನ ಹಾಗು ದೇಶದ ವಿವಿಧ ಸಂಸ್ಕೃತಿಗಳನ್ನು ಪ್ರತಿಬಿಂಬಿಸುವ ವೇದಿಕೆ.

ಟೆಕ್ ವಿದ್ಯಾ

ಟೆಕ್ ವಿದ್ಯಾ ಎಂಬುದು ಕಾಲೇಜಿನ ತಾಂತ್ರಿಕ ಹಬ್ಬವಾಗಿದ್ದು ವಿದ್ಯಾರ್ಥಿಗಳು ತಮ್ಮ ತಾಂತ್ರಿಕ ಕೌಶಲ್ಯವನ್ನು ತೋರಿಸಲು ವೇದಿಕೆಯಾಗಿದೆ.