ರಾಮಕೃಷ್ಣ ವಿ. ಹೊಸೂರು

ರಾಮಕೃಷ್ಣ ವಿ. ಹೊಸೂರು.
೨೦೧೪ ರಲ್ಲಿ ಭಾರತದ ಮಾಜಿ ರಾಷ್ಟಪತಿ ಪ್ರಣಬ್ ಮುಖೆರ್ಜೀಯವರಿಂದ ಪದ್ಮಶ್ರೀ ಪ್ರಶಸ್ತಿ ಪಡೆದ ಪ್ರೊಫೆಸರ್ ಹೊಸೂರು
ಜನನ	೧೬ ಮೇ ೧೯೫೩ ಭಾರತ
ವೃತ್ತಿ	ಬಯೋಫಿಸಿಕಲ್ ವಿಜ್ಞಾನಿ
ಸಂಗಾತಿ	ಮೇಧಾವಿನಿ ಹೊಸೂರು
ಮಕ್ಕಳು	ಪವನ್ ಹೊಸೂರು(ಮಗ) ಕೀರ್ತಿ ಹೊಸೂರು ರೈ(ಮಗಳು)
ಪ್ರಶಸ್ತಿಗಳು	ಪದ್ಮಶ್ರೀ ಬ್ರೂಕರ್ ಯಂಗ್ ಸೈಂಟಿಸ್ಟ್ ಅವಾರ್ಡ್ , ಐಎನ್ಎಸ್ಎ ಯಂಗ್ ಸೈಂಟಿಸ್ಟ್ ಮೆಡಲ್ , ಬಿ.ಎಮ್.ಬಿರ್ಲಾ ಪ್ರಶಸ್ತಿ , ಸೊಸೈಟಿ ಫಾರ್ ಕ್ಯಾನ್ಸರ್ ರಿಸರ್ಚ್ ಅವಾರ್ಡ್ , ಜೆ.ಸಿ.ಬೋಸ್ ನ್ಯಾಷನಲ್ ಫೆಲೋಶಿಪ್ , ಪ್ರೊ.ಜಿ.ಎನ್.ರಾಮಚಂದ್ರನ್ ಚಿನ್ನದ ಪದಕ , ಆಚಾರ್ಯ ಪ್ರಫುಲ್ಲ ಚಂದ್ರ ರೈ ಮೆಮೊರಿಯಲ್ ಅವಾರ್ಡ್ , ಫೆಲೋ ಆಫ್ ಇಂಟರ್ನ್ಯಾಷನಲ್ ಸೊಸೈಟಿ ಆಫ್ ಮ್ಯಾಗ್ನೆಟಿಕ್ ರೆಸೊನೆನ್ಸ್

ಪ್ರೊಫೆಸರ್ ರಾಮಕೃಷ್ಣ ವಿಜಯಾಚಾರ್ಯ ಹೊಸೂರು(೧೬ ಮೇ ೧೯೫೩) ರವರು ಭಾರತೀಯ ಬಯೋಫಿಸಿಕಲ್ ವಿಜ್ಞಾನಿ . ಇವರು ಪರಮಾಣು ಮ್ಯಾಗ್ನೆಟಿಕ್ ರೆಸೋನೆನ್ಸ್ ಮತ್ತು ಆಣ್ವಿಕ ಬಯೋಫಿಸಿಕ್ಸ್ ಕ್ಷೇತ್ರಗಳಲ್ಲಿನ ಪರಿಣತಿಗೆ ಹೆಸರುವಾಸಿಯಾಗಿದ್ದಾರೆ . ಭಾರತ ಸರಕಾರವು ೨೦೧೪ ರಲ್ಲಿ , ಭಾರತದ ನಾಲ್ಕನೇ ಅತ್ಯುನ್ನತ ಪುರಸ್ಕಾರವಾದ ಪದ್ಮಶ್ರೀ ಪ್ರಶಸ್ತಿಯನ್ನು ಹೊಸೂರವರ ವಿಜ್ಞಾನ ಮತ್ತು ತಂತ್ರಜ್ಞಾನದ ಕ್ಷೇತ್ರಗಳಿಗೆ ನೀಡಿದ ಕೊಡುಗೆಗಳಿಗಾಗಿ ನೀಡಿ ಗೌರವಿಸಲಾಯಿತು.

ಜನನ

ರಾಮಕೃಷ್ಣ ವಿ. ಹೊಸೂರು ರವರು ೧೬ ಮೇ ೧೯೫೩ ರಂದು ದಕ್ಷಿಣ ಭಾರತದ ಕರ್ನಾಟಕ ರಾಜ್ಯದಲ್ಲಿ ಜನಿಸಿದರು .

ಶಿಕ್ಷಣ

೨೧.೧ ಟಿ ಮ್ಯಾಗ್ನೆಟ್ನ ೯೦೦MHz ಎನ್ಎಂಆರ್ ಸಾಧನ

ರಾಮಕೃಷ್ಣ ವಿಜಯಾಚಾರ್ಯ ಹೊಸೂರು ರವರು

• ಕರ್ನಾಟಕ ವಿಶ್ವವಿದ್ಯಾಲಯದಿಂದ ೫ ನೇ ಶ್ರೇಯಾಂಕವನ್ನು ಪಡೆದು ರಸಾಯನಶಾಸ್ತ್ರ , ಭೌತಶಾಸ್ತ್ರ ಮತ್ತು ಗಣಿತದಂತಹ ಐಚ್ಛಿಕ ವಿಷಯಗಳಲ್ಲಿ ಪದವಿಯನ್ನು ಪಡೆದರು .
• ಭಾರತೀಯ ತಂತ್ರಜ್ಞಾನ ಸಂಸ್ಥೆ , ಮುಂಬೈ ( ಐಐಟಿ - ಬಿ) ನಿಂದ ರಸಾಯನಶಾಸ್ತ್ರದಲ್ಲಿ ಎಂಎಸ್ಸಿ ಮಾಡಿದರು .
• ೧೯೭೮ ರಲ್ಲಿ ಮುಂಬೈನ ಟಾಟಾ ಇನ್ಸ್ಟಿಟ್ಯೂಟ್ ಆಫ್ ಫಂಡಮೆಂಟಲ್ ರಿಸರ್ಚ್ (ಟಿಐಎಫ್ಆರ್) ನಿಂದ ಪಿಎಚ್ಡಿ ಪದವಿಯನ್ನು ಪಡೆದರು .

ವೃತ್ತಿಜೀವನ

ಹೊಸೂರು ರವರು ಆಗಸ್ಟ್ ೧೯೭೮ ರಲ್ಲಿ ಟಿಐಎಫ್ಆರ್ ನಲ್ಲಿ ಸೇರ್ಪಡೆಯಾಗುವ ಮೂಲಕ ತಮ್ಮ ವೃತ್ತಿಜೀವನವನ್ನು ಆರಂಭಿಸಿದರು . ೧೯೮೬ ರಲ್ಲಿ , ಅವರು ರೀಡರ್ನ ಹುದ್ದೆಗೆ ಟಿಐಎಫ್ಆರ್ ಅನ್ನು ಸೇರಿಕೊಂಡರು . ಐದು ವರ್ಷಗಳ ನಂತರ , ಅವರು ಅಸೋಸಿಯೇಟ್ ಪ್ರಾಧ್ಯಾಪಕರಾಗಿ ಮತ್ತು ೧೯೯೬ ರಲ್ಲಿ ಪ್ರಾಧ್ಯಾಪಕರಾಗಿ ಕೆಲಸ ಮಾಡಿದರು . ಅವರು ೨೦೦೩ ರಿಂದ ರಾಸಾಯನಿಕ ವಿಜ್ಞಾನ ಇಲಾಖೆಯಲ್ಲಿ ಟಾಟಾ ಇನ್ಸ್ಟಿಟ್ಯೂಟ್ ನ ಹಿರಿಯ ಪ್ರೊಫೆಸರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ . ಇವರು ೨೦೦೨ ರಿಂದ ೨೦೦೪ ರವರೆಗೆ ಇನ್ಸ್ಟಿಟ್ಯೂಟ್ ನ ವಿಜಿಲೆನ್ಸ್ ಅಧಿಕಾರಿ ಆಗಿದ್ದರು ಮತ್ತು ೨೦೦೨ ರಿಂದ ಇಲ್ಲಿಯವರೆಗೂ ಹೈ ಫೀಲ್ಡ್ ನ್ಯೂಕ್ಲಿಯರ್ ಮ್ಯಾಗ್ನೆಟಿಕ್ ರೆಸೊನೆನ್ಸ್ ನ ರಾಷ್ಟ್ರೀಯ ಸೌಲಭ್ಯಕ್ಕಾಗಿ ಸಂಚಾಲಕರಾಗಿದ್ದಾರೆ . ರಾಮಕೃಷ್ಣ ಹೊಸೂರು ರವರು ಮದುವೆಯಾಗಿದ್ದು , ಇಬ್ಬರು ಮಕ್ಕಳಿದ್ದಾರೆ ಮತ್ತು ಅವರ ಕುಟುಂಬವು ಮುಂಬೈನಲ್ಲಿ ವಾಸ ಮಾಡುತ್ತಿದ್ದಾರೆ .

ಸಂಶೋಧನಾ ವಿಭಾಗಗಳು

• ಮಾಲಿಕ್ಯೂಲರ್ ಬಯೋಫಿಸಿಕ್ಸ್ .
• ಸ್ಟ್ರಕ್ಚರಲ್ ಬಯಾಲಜಿ .
• ಬಯೋಮಾಲಿಕ್ಯೂಲರ್ ಎನ್ಎಂಆರ್ .
• ಬಯೋಫಿಸಿಕಲ್ ಕೆಮಿಸ್ಟ್ರಿ ‌.

ಪಬ್ಲಿಕೇಷನ್ಸ್

• ಲೇಖನಗಳು: ೨೦೫ (ನಿಯತಕಾಲಿಕಗಳು :೧೬೭ , ಪುಸ್ತಕ ಲೇಖನಗಳು : ೯ , ಸಮಾವೇಶದ ಪ್ರಕ್ರಿಯೆಗಳು : ೨೭ , ಜನಪ್ರಿಯ : ೨) .
• ಪುಸ್ತಕಗಳು : ೩ (೧ ಲಿಖಿತ ಮತ್ತು ೨ ಸಂಪಾದಿತ) .
• ಪುಸ್ತಕ ವಿಮರ್ಶೆಗಳು: ೩ .
• ತಾಂತ್ರಿಕ ವರದಿಗಳು: ೩ .

ಪ್ರಶಸ್ತಿಗಳು

• ಯಂಗ್ ಸೈಂಟಿಸ್ಟ್ ಅವಾರ್ಡ್ , ಬ್ರೂಕರ್ ಕಾರ್ಪೊರೇಶನ್ - ೧೯೮೩ .
• ಯಂಗ್ ಸೈಂಟಿಸ್ಟ್ ಮೆಡಲ್ , ಇಂಡಿಯನ್ ನ್ಯಾಷನಲ್ ಸೈನ್ಸ್ ಅಕಾಡೆಮಿ - ೧೯೮೪.
• ಬಾಂಬೆ ವಿಶ್ವವಿದ್ಯಾಲಯದ ಬಿ.ಡಿ.ತಿಲಕ್ ಲೆಕ್ಚರ್ ಪ್ರಶಸ್ತಿ - ೧೯೮೯ .
• ಬಿ.ಎಮ್.ಬಿರ್ಲಾ ಪ್ರಶಸ್ತಿ , ಬಿರ್ಲಾ ಸೈನ್ಸ್ ಸೆಂಟರ್ - ೧೯೯೨ .
• ಕ್ಯಾನ್ಸರ್ ರಿಸರ್ಚ್ ಸೊಸೈಟಿಯ ೩ ನೇ ವಾರ್ಷಿಕ ಪ್ರಶಸ್ತಿ - ೧೯೯೮ .
• ಇಂಡಿಯನ್ ನ್ಯಾಷನಲ್ ಸೈನ್ಸ್ ಅಕಾಡೆಮಿ ಯಿಂದ ಆರ್.ಕೆ.ಅಸುಂಡಿ ಲೆಕ್ಚರ್ ಪ್ರಶಸ್ತಿ - ೧೯೯೮ ‌.
• ಇಂಡಿಯನ್ ನ್ಯಾಷನಲ್ ಸೈನ್ಸ್ ಅಕಾಡೆಮಿಯಿಂದ ಡಾ.ಜಗದೀಶ್ ಶಂಕರ್ ಲೆಕ್ಚರ್ ಪ್ರಶಸ್ತಿ - ೨೦೦೩.
• ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಕೆಮಿಕಲ್ ಬಯಾಲಜಿ ಯಿಂದ ಐಐಸಿಬಿ ಫೌಂಡೇಶನ್ ಡೇ ಲೆಕ್ಚರ್ ಅವಾರ್ಡ್ - ೨೦೦೪.
• ತ್ರಿವೇಂಡ್ರಮ್ ನ ಪ್ರಾದೇಶಿಕ ಸಂಶೋಧನಾ ಪ್ರಯೋಗಾಲಯದ ಆರ್.ಆರ್.ಎಲ್. ಫೌಂಡೇಷನ್ ಡೇ ಅವಾರ್ಡ್ - ೨೦೦೬ .
• ಜೆ.ಸಿ.ಬೋಸ್ ನ್ಯಾಷನಲ್ ಫೆಲೋಶಿಪ್ , ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ , ಭಾರತ ಸರಕಾರ - ೨೦೦೭ .
• ಇಂಡಿಯನ್ ಕೆಮಿಕಲ್ ಸೊಸೈಟಿಯ , ಪಾದ್ರಿ ಯಡ್ಡನಪಳ್ಳಿ ಮೆಮೊರಿಯಲ್ ಲೆಕ್ಚರ್ ಅವಾರ್ಡ್ - ೨೦೦೯.
• ಪ್ರೊ.ಜಿ.ಎನ್.ರಾಮಚಂದ್ರನ್ ಚಿನ್ನದ ಪದಕ - ಕೌನ್ಸಿಲ್ ಫಾರ್ ಸೈಂಟಿಫಿಕ್ ಅಂಡ್ ಇಂಡಸ್ಟ್ರಿಯಲ್ ರಿಸರ್ಚ್ - ೨೦೦೯.
• ಆಚಾರ್ಯ ಪ್ರಫುಲ್ಲಾ ಚಂದ್ರ ರೈ ಸ್ಮಾರಕ ಪ್ರಶಸ್ತಿ , ಇಂಡಿಯನ್ ಕೆಮಿಕಲ್ ಸೊಸೈಟಿ - ೨೦೧೧ .
• ಪದ್ಮಶ್ರೀ ಪುರಸ್ಕಾರ - ೨೦೧೪ .