ಮೃದ್ವಂಗಿಗಳು
| ಮೃದ್ವಂಗಿಗಳು Temporal range:
| |
|---|---|
ಹೆಲಿಕ್ಸ್ ಪೊಮೇಶಿಯಾ, ಒಂದು ಜಠರಪಾದಿ ಸಾಮಾನ್ಯ ಆಕ್ಟೊಪಸ್, ಒಂದು ಶಿರಪಾದಿ ಅಟ್ಲಾಂಟಿಕ್ ಸರ್ಫ಼್ ಕ್ಲ್ಯಾಮ್, ಒಂದು ಇಚ್ಚಿಪ್ಪಿ ಟೊನಿಸೆಲಾ ಲೀನಿಯೇಟಾ, ಒಂದು ಕೈಟನ್ | |
Scientific classification 
| |
| ಕ್ಷೇತ್ರ: | ಯೂಕ್ಯಾರ್ಯೋಟಾ |
| ಸಾಮ್ರಾಜ್ಯ: | ಅನಿಮೇಲಿಯ |
| ಉಪಸಾಮ್ರಾಜ್ಯ: | ಯೂಮೆಟಜ಼ೋವಾ |
| ಏಕಮೂಲ ವರ್ಗ: | ಪ್ಯಾರಾಹೊಕ್ಸೋಜ಼ೋವಾ |
| ಏಕಮೂಲ ವರ್ಗ: | ಬೈಲ್ಯಾಟೇರಿಯಾ |
| ಏಕಮೂಲ ವರ್ಗ: | ನೆಫ಼್ರೊಜ಼ೋವಾ |
| (ಶ್ರೇಣಿಯಿಲ್ಲದ್ದು): | ಪ್ರೋಟೊಸ್ಟೋಮಿಯಾ |
| (ಶ್ರೇಣಿಯಿಲ್ಲದ್ದು): | ಸ್ಪೈರೇಲಿಯಾ |
| Superphylum: | ಲೋಫ಼ೊಟ್ರೊಕೋಜ಼ೋವಾ |
| ವಿಭಾಗ: | ಮೊಲಸ್ಕಾ Linnaeus, 1758 |
| ವರ್ಗಗಳು | |
|
ಸುಮಾರು ೭ ವರ್ಗಗಳು | |
| Diversity[೧] | |
| 85,000 ಗುರುತಿಸಲ್ಪಟ್ಟ ಜೀವಂತ ಪ್ರಭೇದಗಳು. | |
ಮೊಲಸ್ಕಾ ಸಂಧಿಪದಿಗಳ ನಂತರ ಅಕಶೇರುಕ ಪ್ರಾಣಿಗಳ ಎರಡನೇ ಅತಿದೊಡ್ಡ ವಂಶ. ಸದಸ್ಯರನ್ನು ಮೃದ್ವಂಗಿಗಳು ಎಂದು ಕರೆಯಲಾಗುತ್ತದೆ.[lower-alpha ೧] ಸುಮಾರು 85,000 ಅಸ್ತಿತ್ವದಲ್ಲಿರುವ ಜಾತಿಗಳ ಮೃದ್ವಂಗಿಗಳನ್ನು ಗುರುತಿಸಲಾಗಿದೆ.[೩] ಪಳೆಯುಳಿಕೆ ಪ್ರಭೇದಗಳ ಸಂಖ್ಯೆಯನ್ನು 60,000 ಮತ್ತು 100,000 ಹೆಚ್ಚುವರಿ ಜಾತಿಗಳ ನಡುವೆ ಅಂದಾಜಿಸಲಾಗಿದೆ.[೪] ವಿವರಿಸಲಾಗದ ಜಾತಿಗಳ ಪ್ರಮಾಣವು ತುಂಬಾ ಹೆಚ್ಚಾಗಿದೆ. ಅನೇಕ ವರ್ಗಗಳು ಸರಿಯಾಗಿ ಅಧ್ಯಯನ ಮಾಡಲ್ಪಡದೆ ಉಳಿದಿವೆ.[೫]
ಮೃದ್ವಂಗಿಗಳ ವಂಶ ಅತಿದೊಡ್ಡ ಸಾಗರವಾಸಿ ವಂಶವಾಗಿದ್ದು, ಹೆಸರಿಸಲಾದ ಎಲ್ಲ ಸಮುದ್ರ ಜೀವಿಗಳಲ್ಲಿ ಸುಮಾರು 23% ನಷ್ಟು ಭಾಗವನ್ನು ಒಳಗೊಂಡಿದೆ. ಹಲವಾರು ಮೃದ್ವಂಗಿಗಳು ಸಿಹಿನೀರು ಮತ್ತು ನೆಲದ ಆವಾಸಸ್ಥಾನಗಳಲ್ಲಿ ವಾಸಿಸುತ್ತವೆ. ಇವು ಗಾತ್ರ ಮತ್ತು ಅಂಗರಚನೆಯಲ್ಲಿ ಮಾತ್ರವಲ್ಲ, ನಡವಳಿಕೆ ಮತ್ತು ಆವಾಸಸ್ಥಾನದಲ್ಲಿಯೂ ಹೆಚ್ಚು ವೈವಿಧ್ಯಮಯವಾಗಿವೆ. ವಂಶವನ್ನು ಸಾಮಾನ್ಯವಾಗಿ 8 ಅಥವಾ 9 ವರ್ಗಗಳಲ್ಲಿ ವಿಂಗಡಿಸಲಾಗಿದೆ, ಅವುಗಳಲ್ಲಿ ಎರಡು ಸಂಪೂರ್ಣವಾಗಿ ಅಳಿದುಹೋಗಿವೆ. ಸ್ಕ್ವಿಡ್, ಕಟಲ್‌ಫಿಶ್ ಮತ್ತು ಆಕ್ಟೋಪಸ್‌ಗಳಂತಹ ಶಿರಪಾದಿ ಮೃದ್ವಂಗಿಗಳು ಎಲ್ಲ ಅಕಶೇರುಕಗಳಿಗಿಂತ ಹೆಚ್ಚು ನರವೈಜ್ಞಾನಿಕವಾಗಿ ಮುಂದುವರಿದಿವೆ - ಮತ್ತು ದೈತ್ಯ ಸ್ಕ್ವಿಡ್ ಅತಿದೊಡ್ಡ ಅಕಶೇರುಕ ಪ್ರಭೇದವಾಗಿದೆ. ಜಠರಪಾದಿಗಳು (ಬಸವನ ಮತ್ತು ಗೊಂಡೆಹುಳುಗಳು) ಅತಿ ಹೆಚ್ಚು ಸಂಖ್ಯೆಯ ಮೃದ್ವಂಗಿಗಳಾಗಿವೆ ಮತ್ತು ಒಟ್ಟು ವರ್ಗೀಕೃತ ಜಾತಿಗಳಲ್ಲಿ 80% ನಷ್ಟಿವೆ.
ಆಧುನಿಕ ಮೃದ್ವಂಗಿಗಳನ್ನು ವ್ಯಾಖ್ಯಾನಿಸುವ ಮೂರು ಅತ್ಯಂತ ಸಾರ್ವತ್ರಿಕ ಲಕ್ಷಣಗಳೆಂದರೆ ಉಸಿರಾಟ ಮತ್ತು ವಿಸರ್ಜನೆಗೆ ಬಳಸಲ್ಪಡುವ ಗಮನಾರ್ಹ ಕುಹರವುಳ್ಳ ಬಾಹ್ಯಪದರ, ರ್‍ಯಾಡುಲಾ ಇರುವುದು (ದ್ವಿಕವಾಟಗಳನ್ನು ಹೊರತುಪಡಿಸಿ), ಮತ್ತು ನರಮಂಡಲದ ರಚನೆ. ಈ ಸಾಮಾನ್ಯ ಅಂಶಗಳನ್ನು ಹೊರತುಪಡಿಸಿ, ಮೃದ್ವಂಗಿಗಳು ದೊಡ್ಡ ರೂಪವೈಜ್ಞಾನಿಕ ವೈವಿಧ್ಯವನ್ನು ವ್ಯಕ್ತಪಡಿಸುತ್ತವೆ. ಆದ್ದರಿಂದ ಅನೇಕ ಪಠ್ಯಪುಸ್ತಕಗಳು ತಮ್ಮ ವಿವರಣೆಯನ್ನು "ಕಾಲ್ಪನಿಕ ಪೂರ್ವಜರ ಮೃದ್ವಂಗಿ" ಯ ಮೇಲೆ ಆಧರಿಸಿವೆ. ಇದು ಮೇಲಿರುವ ಏಕೈಕ, "ಲಿಂಪೆಟ್ ತರಹದ" ಚಿಪ್ಪನ್ನು ಹೊಂದಿದೆ, ಇದು ಪ್ರೋಟೀನ್ ಮತ್ತು ಕೈಟಿನ್‍ನಿಂದ ಮಾಡಲ್ಪಟ್ಟಿದೆ ಮತ್ತು ಕ್ಯಾಲ್ಸಿಯಂ ಕಾರ್ಬೋನೇಟ್‍ನಿಂದ ಬಲಪಡಿಸಲ್ಪಟ್ಟಿದೆ ಮತ್ತು ಇಡೀ ಮೇಲ್ಭಾಗವನ್ನು ಆವರಿಸಿರುವ ಬಾಹ್ಯಪದರದಿಂದ ಸ್ರವಿಸಲ್ಪಡುತ್ತದೆ. ಪ್ರಾಣಿಗಳ ಕೆಳಭಾಗವು ಒಂದೇ ಸ್ನಾಯು "ಕಾಲ"ನ್ನು ಹೊಂದಿರುತ್ತದೆ. ದೇಹದ ಮುಖ್ಯ ಕುಹರವು ಹಿಮೋಕೋಲ್ ಆಗಿದ್ದು, ಅದರ ಮೂಲಕ ರಕ್ತ ಪರಿಚಲನೆಗೊಳ್ಳುತ್ತದೆ; ಅವುಗಳ ರಕ್ತಪರಿಚಲನಾ ವ್ಯವಸ್ಥೆಗಳು ಮುಖ್ಯವಾಗಿ ತೆರೆದಿರುತ್ತವೆ. "ಸಾಮಾನ್ಯೀಕರಿಸಿದ" ಮೃದ್ವಂಗಿ ಆಹಾರ ವ್ಯವಸ್ಥೆಯು "ನಾಲಿಗೆ", ರ್‍ಯಾಡುಲಾ ಮತ್ತು ಸಂಕೀರ್ಣ ಜೀರ್ಣ ವ್ಯವಸ್ಥೆಯನ್ನು ಒಳಗೊಂಡಿರುತ್ತದೆ, ಇದರಲ್ಲಿ ಸ್ರವಿಸಲ್ಪಟ್ಟ ಲೋಳೆ ಮತ್ತು ಸಿಲಿಯಾ ಎಂದು ಕರೆಯಲ್ಪಡುವ ಸೂಕ್ಷ್ಮ, ಸ್ನಾಯು-ಚಾಲಿತ "ಕೂದಲುಗಳು" ವಿವಿಧ ಮಹತ್ವದ ಪಾತ್ರಗಳನ್ನು ವಹಿಸುತ್ತವೆ. ಸಾಮಾನ್ಯೀಕರಿಸಿದ ಮೃದ್ವಂಗಿಯು ಎರಡು ಜೋಡಿಯಾಗಿರುವ ನರಬಳ್ಳಿಗಳನ್ನು ಹೊಂದಿದೆ, ಅಥವಾ ಮೂರು ಇಚ್ಚಿಪ್ಪಿಗಳಲ್ಲಿವೆ. ಒಂದು ಮೆದುಳನ್ನು ಹೊಂದಿರುವ ಪ್ರಜಾತಿಗಳಲ್ಲಿ ಅದು ಅನ್ನನಾಳವನ್ನು ಸುತ್ತುವರಿಯುತ್ತದೆ. ಹೆಚ್ಚಿನ ಮೃದ್ವಂಗಿಗಳು ಕಣ್ಣುಗಳನ್ನು ಹೊಂದಿವೆ, ಮತ್ತು ಎಲ್ಲವೂ ರಾಸಾಯನಿಕಗಳು, ಕಂಪನಗಳು ಮತ್ತು ಸ್ಪರ್ಶವನ್ನು ಕಂಡುಹಿಡಿಯಲು ಸಂವೇದಕಗಳನ್ನು ಹೊಂದಿವೆ. ಸರಳವಾದ ಮೃದ್ವಂಗಿ ಸಂತಾನೋತ್ಪತ್ತಿ ವ್ಯವಸ್ಥೆಯು ಬಾಹ್ಯ ಫಲೀಕರಣವನ್ನು ಅವಲಂಬಿಸಿದೆ, ಆದರೆ ಹೆಚ್ಚು ಸಂಕೀರ್ಣ ವ್ಯತ್ಯಾಸಗಳು ಸಂಭವಿಸುತ್ತವೆ. ಬಹುತೇಕ ಎಲ್ಲ ಮೊಟ್ಟೆಗಳನ್ನು ಉತ್ಪತ್ತಿ ಮಾಡುತ್ತವೆ. ಇದರಿಂದ ಟ್ರೊಕೊಫೋರ್ ಡಿಂಬಗಳು, ಹೆಚ್ಚು ಸಂಕೀರ್ಣವಾದ ವೆಲಿಗರ್ ಡಿಂಬಗಳು ಅಥವಾ ಚಿಕಣಿ ವಯಸ್ಕ ಮೃದ್ವಂಗಿಗಳು ಹೊರಹೊಮ್ಮಬಹುದು. ಸೀಲಮ್‍ನ ಕುಹರವು ಕಡಿಮೆಯಾಗುತ್ತದೆ. ಇವುಗಳು ತೆರೆದ ರಕ್ತಪರಿಚಲನಾ ವ್ಯವಸ್ಥೆ ಮತ್ತು ವಿಸರ್ಜನೆಗಾಗಿ ಮೂತ್ರಪಿಂಡದಂತಹ ಅಂಗಗಳನ್ನು ಹೊಂದಿವೆ.
ಟಿಪ್ಪಣಿಗಳು
[ಬದಲಾಯಿಸಿ]ಉಲ್ಲೇಖಗಳು
[ಬದಲಾಯಿಸಿ]- ↑ Chapman, A.D. (2009). Numbers of Living Species in Australia and the World (2nd (printed) ed.). Canberra: Australian Biological Resources Study. ISBN 978-0-642-56860-1. Retrieved 12 ಜನವರಿ 2010.; ISBN 978-0-642-56861-8 (online edition).
- ↑ Rosenberg, Gary (1996). "Mollusckque - Mollusk vs. Mollusc". Archived from the original on 3 ಮಾರ್ಚ್ 2012.
- ↑ Rosenberg, Gary (2014). "A new critical estimate of named species-level diversity of the recent mollusca". American Malacological Bulletin. 32 (2): 308–322. doi:10.4003/006.032.0204.
- ↑ Taylor, P.D.; Lewis, D.N. (2005). Fossil Invertebrates. Harvard University Press.
- ↑ Fedosov, Alexander E.; Puillandre, Nicolas (2012). "Phylogeny and taxonomy of the Kermia–Pseudodaphnella (Mollusca: Gastropoda: Raphitomidae) genus complex: A remarkable radiation via diversification of larval development" (PDF). Systematics and Biodiversity. 10 (4): 447–477. Archived from the original (PDF) on 2021-09-10. Retrieved 2020-04-08.