ಮರ್ಸಿ ಕುಟ್ಟನ್
 ಮರ್ಸಿ ಕುಟ್ಟನ್ | |||||||||||||||||||||||
| ವೈಯುಕ್ತಿಕ ಮಾಹಿತಿ | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ಪುರ್ಣ ಹೆಸರು | ಮರ್ಸಿ ಮ್ಯಾಥ್ಯೂಸ್-ಕುಟ್ಟನ್ | ||||||||||||||||||||||
| ರಾಷ್ರೀಯತೆ | ಭಾರತೀಯರು | ||||||||||||||||||||||
| ಜನನ | ೧ ಜನವರಿ ೧೯೬೦ ಕೇರಳ, ಭಾರತ | ||||||||||||||||||||||
| Sport | |||||||||||||||||||||||
| ದೇಶ | ಭಾರತ | ||||||||||||||||||||||
| ಕ್ರೀಡೆ | ಟ್ರ್ಯಾಕ್ ಮತ್ತು ಫೀಲ್ಡ್ | ||||||||||||||||||||||
| ಸ್ಪರ್ಧೆಗಳು(ಗಳು) | ೪೦೦ ಮೀಟರ್, ಉದ್ದ ಜಿಗಿತ | ||||||||||||||||||||||
ಪದಕ ದಾಖಲೆ
| |||||||||||||||||||||||
ಮರ್ಸಿ ಕುಟ್ಟನ್ (ಜನನ ೧ ಜನವರಿ ೧೯೬೦) ಒಬ್ಬ ಮಾಜಿ ಭಾರತೀಯ ಟ್ರ್ಯಾಕ್ ಮತ್ತು ಫೀಲ್ಡ್ ಅಥ್ಲೀಟ್. ಆರು ಮೀಟರ್ ದಾಟಿದ ಮೊದಲ ಭಾರತೀಯ ಮಹಿಳಾ ಉದ್ದ ಜಿಗಿತಗಾರ್ತಿ ಇವರಾಗಿದ್ದಾರೆ. [೧] ೧೯೮೯ ರಲ್ಲಿ, ಮರ್ಸಿ ಭಾರತೀಯ ಅಥ್ಲೆಟಿಕ್ಸ್‌ಗೆ ನೀಡಿದ ಕೊಡುಗೆಗಾಗಿ ಅರ್ಜುನ ಪ್ರಶಸ್ತಿಯನ್ನು ಪಡೆದಿದ್ದಾರೆ. [೨] [೩]
ವೃತ್ತಿ[ಬದಲಾಯಿಸಿ]
ಮರ್ಸಿ ಅವರು ಹುಟ್ಟಿದ್ದು ಕೇರಳದಲ್ಲಿ. ೧೯೮೧ ರ ಅಥ್ಲೆಟಿಕ್ಸ್‌ನಲ್ಲಿ ಏಷ್ಯನ್ ಚಾಂಪಿಯನ್‌ಶಿಪ್‌ನಲ್ಲಿ ಉದ್ದ ಜಿಗಿತ ಮತ್ತು ೪ x ೪೦೦ ಮೀಟರ್‌ಗಳ ರಿಲೇಯಲ್ಲಿ ಎರಡು ಕಂಚು ಗೆದ್ದಾಗ ಅವರಿಗೆ ಮೊದಲ ಅಂತರರಾಷ್ಟ್ರೀಯ ಯಶಸ್ಸು ಬಂದಿತು. ಮುಂದಿನ ವರ್ಷ ೧೯೮೨ ರ ಏಷ್ಯನ್ ಗೇಮ್ಸ್‌ನಲ್ಲಿ ಉದ್ದ ಜಿಗಿತದಲ್ಲಿ ಬೆಳ್ಳಿ ಪದಕ ಗೆದ್ದರು. [೪] ಅವರು ೧೯೮೩ ರ ವಿಶ್ವ ಚಾಂಪಿಯನ್‌ಶಿಪ್‌ ಅಥ್ಲೆಟಿಕ್ಸ್‌ನಲ್ಲಿ ಉದ್ದ ಜಿಗಿತದಲ್ಲಿ ಭಾರತವನ್ನು ಪ್ರತಿನಿಧಿಸಿದರು, ಆದರೆ ಅಂತಿಮ ಸುತ್ತಿಗೆ ಅರ್ಹತೆ ಗಳಿಸಲಿಲ್ಲ. [೫] ಏಷ್ಯನ್ ಟ್ರ್ಯಾಕ್ ಮತ್ತು ಫೀಲ್ಡ್ ಕೂಟದಲ್ಲಿ ಪದಕ ಗೆದ್ದ ಕೇರಳದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೆ ಮರ್ಸಿ ಪಾತ್ರರಾಗಿದ್ದಾರೆ. [೪] ಉದ್ದ ಜಿಗಿತದಲ್ಲಿ ಅವರ ವೈಯಕ್ತಿಕ ಶ್ರೇಷ್ಠ ಸಾಧನೆ ೬.೨೯ ಮೀ. ತಮ್ಮ ವೃತ್ತಿಜೀವನದ ಕೊನೆಯ ಹಂತದಲ್ಲಿ ಅವರು ೪೦೦ ಮೀಟರ್‌ಗಳ ಸ್ಪರ್ಧೆಯನ್ನು ಪ್ರಾರಂಭಿಸಿದರು. ಅವರು ೧೯೮೮ ಸಿಯೋಲ್ ಒಲಿಂಪಿಕ್ಸ್‌ನಲ್ಲಿ ೪೦೦ ಮೀಟರ್ ಮುಗಿಸಿ ಎರಡನೇ ಸುತ್ತನ್ನು ತಲುಪುವಲ್ಲಿ ಯಶಸ್ವಿಯಾದರು. [೬]
ವೈಯಕ್ತಿಕ ಜೀವನ[ಬದಲಾಯಿಸಿ]
ಮರ್ಸಿ ಅವರು ೪೦೦ ಮೀಟರ್ಸ್ ರಾಷ್ಟ್ರೀಯ ಚಾಂಪಿಯನ್ ಮುರಳಿ ಕುಟ್ಟನ್ ಅವರನ್ನು ವಿವಾಹವಾದರು. ಅವರು ಸೂರಜ್ ಕುಟ್ಟನ್ ಮತ್ತು ಸುಜಿತ್ ಕುಟ್ಟನ್ ಎಂಬ ಇಬ್ಬರು ಪುತ್ರರ ತಾಯಿಯಾಗಿದ್ದಾರೆ. ಮರ್ಸಿ ಮತ್ತು ಮುರಳಿ ರಾಷ್ಟ್ರೀಯ ಚಾಂಪಿಯನ್ ಆದ ಮತ್ತು ಏಷ್ಯನ್ ಪದಕಗಳನ್ನು ಗೆದ್ದ ಮೊದಲ ಭಾರತೀಯ ಅಥ್ಲೆಟಿಕ್ ಜೋಡಿಯಾದರು. [೭] ಮುರಳಿ ತರಬೇತುದಾರನ ಪಾತ್ರವನ್ನು ವಹಿಸಿಕೊಂಡರು ಮತ್ತು ಮರ್ಸಿಯವರನ್ನು ಉದ್ದ ಜಿಗಿತದಲ್ಲಿ ೪೦೦ ಮೀಟರ್‌ಗೆ ತಲುಪುವಂತೆ ಬದಲಾಯಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಮರ್ಸಿ ಮತ್ತು ಮುರಳಿ ಇಬ್ಬರೂ ಟಾಟಾ ಸ್ಟೀಲ್, ಜೆಮ್ಶೆಡ್‌ಪುರದಲ್ಲಿ ಕೆಲಸ ಮಾಡಿದರು. ಅವರು ಪ್ರಸ್ತುತ ಕೊಚ್ಚಿಯಲ್ಲಿ "ಮರ್ಸಿ ಕುಟ್ಟನ್ ಅಥ್ಲೆಟಿಕ್ಸ್ ಅಕಾಡೆಮಿ" ನಡೆಸುತ್ತಿದ್ದಾರೆ. [೮]
ಸಾಧನೆಗಳು[ಬದಲಾಯಿಸಿ]
- ರಾಷ್ಟ್ರೀಯ ಮಟ್ಟ
- ೧೯೭೬ – ೭೮-ಲಾಂಗ್ ಜಂಪ್‌ನಲ್ಲಿ ರಾಷ್ಟ್ರೀಯ ಶಾಲಾ ಕ್ರೀಡಾಕೂಟದ ಚಾಂಪಿಯನ್
- ೧೯೭೯ – ೮೦— ಅಖಿಲ ಭಾರತ ಅಂತರ ವಿಶ್ವವಿದ್ಯಾಲಯ ಚಾಂಪಿಯನ್ ೧೦೦, ೨೦೦ ಮೀ, ಮತ್ತು ಲಾಂಗ್ ಜಂಪ್
- ೧೯೭೯ – ೮೭-ಲಾಂಗ್ ಜಂಪ್‌ನಲ್ಲಿ ರಾಷ್ಟ್ರೀಯ ಚಾಂಪಿಯನ್
- ೧೯೮೮-೪೦೦ ಮೀಟರ್‌ಗಳಲ್ಲಿ ರಾಷ್ಟ್ರೀಯ ಚಾಂಪಿಯನ್
- ಅಂತರಾಷ್ಟ್ರೀಯ ಮಟ್ಟ
- ೧೯೮೦- ಲಾಹೋರ್‌ನಲ್ಲಿ ನಡೆದ ಪಾಕಿಸ್ತಾನ ರಾಷ್ಟ್ರೀಯ ಕ್ರೀಡಾಕೂಟದಲ್ಲಿ ಉದ್ದ ಜಿಗಿತದಲ್ಲಿ ಚಿನ್ನದ ಪದಕ, ೪ x ೪೦೦ ಮೀ ಮತ್ತು ೪ x ೧೦೦ ಮೀ
- ೧೯೮೧-೧೯೮೧ ರಲ್ಲಿ ಮಾಸ್ಕೋದಲ್ಲಿ ನಡೆದ ವಿಶ್ವ ಸ್ಪಾರ್ಟಕ್ಯಾಡ್‌ನಲ್ಲಿ ಭಾರತವನ್ನು ಪ್ರತಿನಿಧಿಸಿದರು.
- ೧೯೮೧- ಟೋಕಿಯೊದಲ್ಲಿ ಏಷ್ಯನ್ ಟ್ರ್ಯಾಕ್ ಮತ್ತು ಫೀಲ್ಡ್ ಮೀಟ್‌ನಲ್ಲಿ ರಿಲೇ‌ನಲ್ಲಿ ಲಾಂಗ್ ಜಂಪ್‌ನಲ್ಲಿ ಕಂಚಿನ ಪದಕ ಮತ್ತು ೪ x ೪೦೦ ಮೀ ಗೆದ್ದರು
- ೧೯೮೨- ನವದೆಹಲಿಯಲ್ಲಿ ನಡೆದ ೯ ನೇ ಏಷ್ಯನ್ ಗೇಮ್ಸ್‌ನಲ್ಲಿ ಲಾಂಗ್ ಜಂಪ್‌ನಲ್ಲಿ ಬೆಳ್ಳಿ ಪದಕ ಗೆದ್ದರು.
- ೧೯೮೨- ಆಸ್ಟ್ರೇಲಿಯದ ಬ್ರಿಸ್ಬೇನ್‌ನಲ್ಲಿ ನಡೆದ ಕಾಮನ್‌ವೆಲ್ತ್ ಕ್ರೀಡಾಕೂಟದಲ್ಲಿ ಭಾರತವನ್ನು ಪ್ರತಿನಿಧಿಸಿದರು.
- ೧೯೮೩- ಹೆಲ್ಸಿಂಕಿಯಲ್ಲಿ ನಡೆದ ಮೊದಲ ವಿಶ್ವ ಅಥ್ಲೆಟಿಕ್ ಮೀಟ್‌ನಲ್ಲಿ ಲಾಂಗ್ ಜಂಪ್‌ನಲ್ಲಿ ಭಾರತವನ್ನು ಪ್ರತಿನಿಧಿಸಿದರು.
- ೧೯೮೩- ಕುವೈತ್‌ನಲ್ಲಿ ನಡೆದ ಏಷ್ಯನ್ ಟ್ರ್ಯಾಕ್ ಮತ್ತು ಫೀಲ್ಡ್ ಮೀಟ್‌ನಲ್ಲಿ ಭಾರತವನ್ನು ಪ್ರತಿನಿಧಿಸಿದರು.
- ೧೯೮೬- ಸಿಯೋಲ್‌ನಲ್ಲಿ ನಡೆದ ೧೦ ನೇ ಏಷ್ಯನ್ ಗೇಮ್ಸ್‌ನಲ್ಲಿ ಲಾಂಗ್ ಜಂಪ್‌ನಲ್ಲಿ ಭಾರತವನ್ನು ಪ್ರತಿನಿಧಿಸಿದರು.
- ೧೯೮೭- ಕಲ್ಕತ್ತಾದಲ್ಲಿ ನಡೆದ ಎಸ್‌ಎ‌ಎಫ್ ಗೇಮ್ಸ್‌ನಲ್ಲಿ ಲಾಂಗ್ ಜಂಪ್‌ನಲ್ಲಿ ಚಿನ್ನದ ಪದಕ ಗೆದ್ದರು.
- ೧೯೮೮ - ೪೦೦ ಮೀ ಮತ್ತು ೪ x ೪೦೦ಮೀ ರಲ್ಲಿ ಭಾರತವನ್ನು ಸಿಯೋಲ್ ಒಲಿಂಪಿಕ್ಸ್‌ನ ರಿಲೇಯಲ್ಲಿ ಪ್ರತಿನಿಧಿಸಿದರು.
- ೧೯೮೯- ನವದೆಹಲಿಯಲ್ಲಿ ಏಷ್ಯನ್ ಟ್ರ್ಯಾಕ್ ಮತ್ತು ಫೀಲ್ಡ್‌ನಲ್ಲಿ ೪ × ೪೦೦ ಮೀ ರಿಲೇಯಲ್ಲಿ ಚಿನ್ನದ ಪದಕ ಗೆದ್ದರು.
- ಇತರ ಸಾಧನೆಗಳು
- ಮೊದಲ ವಿಶ್ವ ಅಥ್ಲೆಟಿಕ್ ಚಾಂಪಿಯನ್‌ಶಿಪ್‌ನಲ್ಲಿ ಭಾರತ ತಂಡದ ನಾಯಕಿ.
- ವಿಶ್ವ ಅಥ್ಲೆಟಿಕ್ ಚಾಂಪಿಯನ್‌ಶಿಪ್‌ನಲ್ಲಿ ಭಾಗವಹಿಸಿದ ಭಾರತದ ಮೊದಲ ಮಹಿಳೆ.
- ಭಾರತದಲ್ಲಿ ಲಾಂಗ್ ಜಂಪ್ ನಲ್ಲಿ ೬ ಮೀಟರ್ ದಾಟಿದ ಮೊದಲ ಭಾರತೀಯ ಮಹಿಳೆ. [೧]
- ೧೯೮೦-೮೭ ರಿಂದ ಏಳು ವರ್ಷಗಳ ಕಾಲ ಲಾಂಗ್ ಜಂಪ್‌ನಲ್ಲಿ ರಾಷ್ಟ್ರೀಯ ದಾಖಲೆ ಹೊಂದಿರುವವರು .
- ೧೯ ವರ್ಷಗಳಿಂದ ರಾಷ್ಟ್ರೀಯ ಶಾಲೆಯ ದಾಖಲೆ ಹೊಂದಿರುವವರು.
- ೨೭ ವರ್ಷಗಳ ಕಾಲ ರಾಷ್ಟ್ರೀಯ ವಿಶ್ವವಿದ್ಯಾಲಯದ ದಾಖಲೆ ಹೊಂದಿರುವವರು.
- ಟ್ರ್ಯಾಕ್ ಮತ್ತು ಫೀಲ್ಡ್ ಇವೆಂಟ್‌ಗಳಲ್ಲಿ ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಮಟ್ಟದಲ್ಲಿ ಪದಕಗಳನ್ನು ಗೆದ್ದ ಮೊದಲನೇ ಭಾರತೀಯ ಮಹಿಳಾ ಅಥ್ಲೀಟ್.
- ಏಷ್ಯನ್ ಗೇಮ್ಸ್ ವೈಯಕ್ತಿಕ ಪದಕಗಳನ್ನು ಗೆದ್ದ ಭಾರತದ ಮೊದಲ ಜೋಡಿ (ಮುರಳಿ ಕುಟ್ಟನ್).
ಉಲ್ಲೇಖಗಳು[ಬದಲಾಯಿಸಿ]
- ↑ ೧.೦ ೧.೧ "No 'Mercy' when it comes to hard work". The Hindu. 10 June 2009. Archived from the original on 14 June 2009. Retrieved 2009-06-16.
- ↑ "Arjuna Awardees". 25 December 2007. Archived from the original on 25 December 2007. Retrieved 6 May 2023.
- ↑ "Kerala State Sports Council". Kerala State Sports Council. Archived from the original on 11 ಡಿಸೆಂಬರ್ 2019. Retrieved 6 May 2023.
- ↑ ೪.೦ ೪.೧ "Mercy Kuttan Athletic Academy launched". Deccan Herald. 11 June 2009. Retrieved 2009-06-20.
- ↑ "Past Results - 1st IAAF World Championships in Athletics Helsinki". International Association of Athletics Federations. Archived from the original on 2009-08-23. Retrieved 2009-06-20.
- ↑ "India at the Games". Sportstar. 2 August 2008.
- ↑ "Right on Track". The Hindu. Thiruvananthapuram. 2009-08-22. Archived from the original on 2012-11-07. Retrieved 2009-10-10.
- ↑ "Sports hostel status for Mercy Kuttan's academy". The Hindu. 2009-06-12. Archived from the original on 2009-06-16. Retrieved 2009-10-10.