ಪಿ.ವಿ. ಸಿಂಧು

ಪುಸರ್ಲಾ ವೆಂಕಟ ಸಿಂಧು
ಪುಸರ್ಲಾ ವೆಂಕಟ ಸಿಂಧು
— ಬ್ಯಾಡ್ಮಿಂಟನ್‌ ಆಟಗಾರ್ತಿ —
	ಪಿ.ವಿ.ಸಿಂಧು
ವೈಯುಕ್ತಿಕ ಮಾಹಿತಿ
ಹುಟ್ಟು ಹೆಸರು	ಪಿ.ವಿ.ಸಿಂಧು
ಹುಟ್ಟು	೫ ಜುಲೈ ೧೯೯೫ (ವಯಸ್ಸು ೨೯); ಮಾಚೆರ್ಲ, ಭಾರತ
ಎತ್ತರ	1.79 m (5 ft 10+1⁄2 in)
ತೂಕ	೬೫ ಕೆ.ಜಿ
ದೇಶ	ಭಾರತ
ಆಡುವ ಕೈ	ಬಲಗೈ
ಮಹಿಳೆಯರ ಸಿಂಗಲ್ಸ್
ಅತಿಹೆಚ್ಚಿನ ಸ್ಥಾನ	೯ (೧೩ ಮಾರ್ಚ್ ೨೦೧೪, Badminton World Federation)
ಸದ್ಯದ ಸ್ಥಾನ	೭ (೭ ಏಪ್ರಿಲ್ ೨೦೧೬)
ಪದಕ ದಾಖಲೆ
Representing ಭಾರತ
ಮಹಿಳೆಯರ ಬ್ಯಾಡ್ಮಿಂಟನ್
ಒಲಿಂಪಿಕ್ಸ್
ವಿಶ್ವ ಚಾಂಪಿಯನ್ ಷಿಪ್ಸ್
ಉಬರ್ ಕಪ್
ಏಷ್ಯನ್ ಗೇಮ್ಸ್
ಕಾಮನ್ವೆಲ್ತ್ ಗೇಮ್ಸ್
ಏಷ್ಯಾ ಚಾಂಪಿಯನ್ಶಿಪ್
ದಕ್ಷಿಣ ಏಷ್ಯಾದ ಕ್ರೀಡೆಗಳು
ಏಷ್ಯನ್ ಜೂನಿಯರ್ ಬ್ಯಾಡ್ಮಿಂಟನ್
ಕಾಮನ್ವೆಲ್ತ್ ಯುವ ಗೇಮ್ಸ್
	BWF profile

ಪುಸರ್ಲಾ ವೆಂಕಟ ಸಿಂಧು (ಜನನ ೫ ಜುಲೈ ೧೯೯೫)( ತೆಲುಗು : సింధూ ) ಅಂತರರಾಷ್ಟ್ರೀಯ ಖ್ಯಾತಿಯ ಭಾರತದ ಬ್ಯಾಡ್ಮಿಂಟನ್ ಆಟಗಾರ್ತಿ.ಹೈದರಾಬಾದ್ ನ ಗೋಪಿಚಂದ್ ಬ್ಯಾಡ್ಮಿಂಟನ್ ಅಕಾಡೆಮಿಯಲ್ಲಿ ತರಬೇತಿ ಪಡೆಯುವ ಇವರು, ಭಾರತೀಯ ಕ್ರೀಡಾಪಟುಗಳನ್ನು ಪ್ರೋತ್ಸಾಹಿಸುತ್ತಿರುವ ಸ್ವಸಹಾಯ ಸಂಸ್ಥೆಯಾದ ಒಲಿಂಪಿಕ್ ಗೋಲ್ಡ್ ಕ್ವೆಸ್ಟ್ ನ ಭಾಗವಾಗಿದ್ದಾರೆ. ೧೦ ಆಗಸ್ಟ್ ೨೦೧೩ ರಂದು ಇವರು ಚೀನಾ ದಲ್ಲಿ ಜರುಗಿದ ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ (ಪ್ರಕಾಶ್ ಪಡುಕೋಣೆ ೧೯೮೩ ರಲ್ಲಿ ಕಂಚು ಗೆದ್ದಿದ್ದಾರೆ. ಅನಂತರ ಭಾರತದ ಮೊದಲ ಸಿಂಗಲ್ಸ್ ಪದಕ) ನ ಸಿಂಗಲ್ಸ್‌ನಲ್ಲಿ ಪದಕ ಗೆದ್ದ ಮೊದಲ ಭಾರತೀಯ ಮಹಿಳೆಯಾಗಿದ್ದಾರೆ. ಸೆಪ್ಟೆಂಬರ್ ೨೧, ೨೦೧೨ ರಂದು ಬಿಡುಗಡೆ ಮಾಡಲಾದ ಬ್ಯಾಡ್ಮಿಂಟನ್ ವರ್ಲ್ಡ್ ಫೆಡರೇಶನ್ ಶ್ರೇಯಾಂಕಗಳಲ್ಲಿ ಮೊದಲ ೨೦ರೊಳಗಿನ ಶ್ರೇಣಿಯಲ್ಲಿದ್ದರು. ಬಿಡಬ್ಲ್ಯೂಎಫ್ ಜೂನಿಯರ್ ಶ್ರೇಯಾಂಕಗಳಲ್ಲಿ ೩ ನೇ ಸ್ಥಾನದಲ್ಲಿದ್ದಾರೆ.

ಬಾಲ್ಯ ಮತ್ತು ಆರಂಭಿಕ ತರಬೇತಿ

ಪಿ.ವಿ ಸಿಂಧು ಜನಿಸಿದ್ದು ಹೈದರಾಬಾದ್‍ನಲ್ಲಿ. ತಂದೆ ಪಿ.ವಿ. ರಮಣ ಮತ್ತು ತಾಯಿ ಪಿ. ವಿಜಯ. ಸಿಂಧುವಿನ ತಂದೆ-ತಾಯಿ ಇಬ್ಬರೂ ಸಹ ಮಾಜಿ ವಾಲಿಬಾಲ್ ಆಟಗಾರರಾಗಿರುವುದೊಂದು ವಿಶೇಷ. ಭಾರತ ಸರ್ಕಾರವು ಕೊಡಮಾಡುವ ಪ್ರತಿಷ್ಠಿತ ಅರ್ಜುನ ಪ್ರಶಸ್ತಿಗೆ ಪಿ.ರಮಣರು ೨೦೧೩ ನೆಯ ಇಸವಿಯಲ್ಲಿ ಭಾಜನರಾಗಿದ್ದಾರೆ. ತಂದೆ ವೃತ್ತಿಪರ ವಾಲಿಬಾಲ್ ಆಟಗಾರರಾಗಿದ್ದರೂ ಸಹ ಸಿಂಧು ಮಾತ್ರ ಬ್ಯಾಡ್ಮಿಂಟನ್ ನಡೆಗೆ ಆಕರ್ಷಿತರಾದರು.^[೧]. ಅದಕ್ಕೆ ಕಾರಣ, ೨೦೦೧ ರ ಆಲ್ ಇಂಗ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಚಾಂಪಿಯನ್ ಆಗಿದ್ದ ಪುಲ್ಲೇಲ ಗೋಪಿಚಂದ್‍‍ರ ಯಶಸ್ಸು ಮತ್ತು ಅವರಿಂದ ಪಡೆದ ಸ್ಫೂರ್ತಿ. ತನ್ನ ಎಂಟನೆಯ ವಯಸ್ಸಿನಲ್ಲೇ ಸಿಂಧು ಬ್ಯಾಡ್ಮಿಂಟನ್ ಆಡಲು ಪ್ರಾರಂಭಿಸಿದ್ದರು, ಇದೂ ಸಹ ಅವರನ್ನು ಬ್ಯಾಡ್ಮಿಂಟನ್ ಕಡೆಗೆ ಸೆಳೆಯಲು ಕಾರಣವಾಯಿತು.^[೨].

ಮೊದಲಿಗೆ ಸಿಂಧು ಅವರುಸಿಕಂದರಾಬಾದ್ನಲ್ಲಿನ ಭಾರತೀಯ ರೈಲ್ವೆ ಇನ್ಸ್ಟಿಟ್ಯೂಟ್ ಆಫ್ ಸಿಗ್ನಲ್ ಎಂಜಿನಿಯರಿಂಗ್ ಮತ್ತು ದೂರಸಂಪರ್ಕ ಸಂಸ್ಥೆಯ ಬ್ಯಾಡ್ಮಿಂಟನ್ ಕೋರ್ಟ್ಗಳಲ್ಲಿ ನಲ್ಲಿ ಮೆಹಬೂಬ್ ಅಲಿ ಅವರ ಮಾರ್ಗದರ್ಶನದೊಂದಿಗೆ ಕ್ರೀಡೆಯ ಮೂಲಭೂತ ಅಂಶಗಳನ್ನು ಕಲಿತರು. ನಂತರ ಅವರು ಪುಲ್ಲೇಲ ಗೋಪಿಚಂದ್ ಅವರ ಬ್ಯಾಡ್ಮಿಂಟನ್ ಅಕಾಡಮಿಗೆ ಸೇರಿದರು. ಸಿಂಧು ವೃತ್ತಿಜೀವನದ ಬಗೆಗೆ ದಿ ಹಿಂದು ಪತ್ರಿಕೆಯ ಸಂವಹನಕಾರರೊಬ್ಬರು ,

"ಸಿಂಧು ಅವರು ತನ್ನ ಮನೆಯಿಂದ ೫೬ ಕಿಮೀ ದೂರ ಪ್ರಯಾಣ ಮಾಡಿ ದೈನಂದಿನ ತರಬೇತಿ ಶಿಬಿರಗಳಲ್ಲಿ ಸಮಯಕ್ಕೆ ಸರಿಯಾಗಿ ಹಾಜರಾಗಿ ಅಗತ್ಯವಿರುವಷ್ಟೂ ಕಾರ್ಯಕ್ಷಮತೆ ತೋರುವುದು ಮತ್ತು ಶಿಸ್ತುಬದ್ಧವಾದ ಅವರ ಜೀವನವು ಅವರೊಬ್ಬ ಉತ್ತಮ ಬ್ಯಾಡ್ಮಿಂಟನ್ ಆಟಗಾರ್ತಿ ಅನ್ನುವುದನ್ನು ಬಿಂಬಿಸುತ್ತದೆ " ಎಂದು ಹೇಳಿದ್ದರು

ಈ ಹೇಳಿಕೆಯನ್ನು ಗೋಪಿಚಂದ್ ಅವರು ಅನುಮೋದಿಸಿ ಬೆಂಬಲಿಸಿ " ಸಿಂಧು ಆಟದಲ್ಲಿನ ಅತ್ಯಂತ ಗಮನಾರ್ಹ ಲಕ್ಷಣವೆಂದರೆ, ಆಕೆಯ ಧನಾತ್ಮಕ ವರ್ತನೆ ಮತ್ತು ಕಡೆಯವರೆವಿಗೂ ಹೋರಾಡುವ ಮನೋಭಾವ " ಎಂದು ಪ್ರಶಂಸಿಸಿದರು^[೩].ಮುಂದೆ ಗೋಪಿಚಂದ್ ಅವರ ಬ್ಯಾಡ್ಮಿಂಟನ್ ಅಕಾಡೆಮಿ ಸೇರಿದ ನಂತರ , ಸಿಂಧು ಹಲವಾರು ಪ್ರಶಸ್ತಿಗಳನ್ನು ಗೆದ್ದರು. 10 ವರ್ಷಗಳ ಒಳಗಿನವರ ವಿಭಾಗದಲ್ಲಿ 5 ನೇ ಸರ್ವೋ ಅಖಿಲ ಭಾರತ ಶ್ರೇಣಿಯ ಚಾಂಪಿಯನ್ ಶಿಪ್ ನ ಡಬಲ್ಸ್ ವಿಭಾಗದಲ್ಲಿ ಮತ್ತು ಸಿಂಗಲ್ಸ್ ವಿಭಾಗದಲ್ಲಿ ಪ್ರಶಸ್ತಿಯನ್ನು ಗೆದ್ದರು . 13 ವರ್ಷಗಳ ಒಳಗಿನ ವಿಭಾಗದಲ್ಲಿ ಪಾಂಡಿಚೇರಿಯಲ್ಲ್ಲಿ ನೆಡೆದ ಕಿರಿಯರ ಸಿಂಗಲ್ಸ್ ಪ್ರಶಸ್ತಿಯನ್ನು ಗೆದ್ದರು ಮತ್ತು ಅಖಿಲ ಭಾರತ ಕೃಷ್ಣ ಖೇತಾನ್ ಟೂರ್ನಮೆಂಟ್ನಲ್ಲಿ ಡಬಲ್ಸ್ನಲ್ಲಿ ಗೆದ್ದರು. ೧೪ ವರುಷದೊಳಗಿನವರ 51ನೆಯ ನ್ಯಾಷನಲ್ ಸ್ಕೂಲ್ ಕ್ರೀಡಾಕೂಟದಲ್ಲಿ ಚಿನ್ನದ ಪದಕನ್ನೂ ಗೆದ್ದರು.

ಕ್ರೀಡಾ ವೃತ್ತಿಜೀವನ

ಅಂತರರಾಷ್ಟ್ರೀಯ ವಲಯದಲ್ಲಿ ಸಿಂಧು ಅವರು ೨೦೦೯ರಲ್ಲಿ ಕೊಲಂಬೊದಲ್ಲಿ ನಡೆದ ಸಬ್ ಜೂನಿಯರ್ ಏಷ್ಯನ್ ಬ್ಯಾಡ್ಮಿಂಟನ್ ಚಾಂಪಿಯನ್ಶಿಪ್ನಲ್ಲಿ ಕಂಚಿನ ಪದಕ ಗಳಿಸಿದರು^[೪]. ೨೦೧೦ ರಲ್ಲಿ ನೆಡೆದ ಇರಾನ್ ಫಜ್ರ್ ಅಂತರಾಷ್ಟ್ರೀಯ ಬ್ಯಾಡ್ಮಿಂಟನ್ ಚಾಲೆಂಜ್ ಪಂದ್ಯಾವಳಿಯಲ್ಲಿ ಸಿಂಗಲ್ಸ್ ವಿಭಾಗದಲ್ಲಿ ಬೆಳ್ಳಿ ಪದಕ ಗೆದ್ದರು. ೨೦೧೦ ರಲ್ಲಿ ಮೆಕ್ಸಿಕೋ ದಲ್ಲಿ ನೆಡೆದ ಕಿರಿಯರ ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ಶಿಪ್ನಲ್ಲಿ ಕ್ವಾರ್ಟರ್ ಫೈನಲ್ ತಲುಪಿದರು^[೫] . ಇದೇ ೨೦೧೦ರ ಉಬರ್ ಕಪ್ ನಲ್ಲಿ ಭಾರತದ ರಾಷ್ಟ್ರೀಯ ತಂಡದಲ್ಲಿ ತಂಡದ ಸದಸ್ಯರಾಗಿದ್ದರು ^[೬].

೨೦೧೨

ಜೂನ್ ೧೪, ೨೦೧೨ ರಂದು ಸಿಂಧು ಅವರು ಇಂಡೋನೇಷ್ಯಾ ಓಪನ್ ನಲ್ಲಿ ಜರ್ಮನಿಯ ಜೂಲಿಯನ್ ಶೆಂಕ್ ವಿರುಧ್ಧ ೨೧-೧೪, ೨೧-೧೪ರ ಅಂತರದಲ್ಲಿ ಸೋತರು2012-06-15/badminton/32253942_1_parupalli-kashyap-saina-nehwal-tao-jiaming|title= PV Sindhu accessdate=2012-06-15 Archived 2011-03-01 ವೇಬ್ಯಾಕ್ ಮೆಷಿನ್ ನಲ್ಲಿ.</ref> .ಜುಲೈ ೭ ರಂದು ನೆಡೆದ ೧೯ ವರ್ಷದೊಳಗಿನವರ ಏಷ್ಯಾ ಯೂತ್ ಚ್ಯಾಂಪಿಯನ್ಷಿಪ್ ನಲ್ಲಿ ಜಪಾನಿ ಆಟಗಾರ್ತಿಯಾದ Nozomi Okuhara ಅವರನ್ನು ೧೮-೨೧, ೨೧-೧೭, ೨೨-೨೦ ಸೋಲಿಸುವುದರೊಂದಿಗೆ ಒಂದು ಸಾಧನೆಯನ್ನೂ ಮಾಡಿದರು^[೭]. ಮುಂದೆ ಲಿ ನಿಂಗ್ ಚೀನಾ ಮಾಸ್ಟರ್ಸ್ ಸೂಪರ್ ಸರಣಿ ಪಂದ್ಯಾವಳಿಯಲ್ಲಿ ಅವರು ೨೧-೧೯, ೯-೨೧, ೨೧-೧೬ ಅಂಕಗಳಿಂದ ಚೀನಾದ ಆಟಗಾರ್ತಿ ಮತ್ತು ಲಂಡನ್ ನಲ್ಲಿ ಜರುಗಿದ್ದ ೨೦೧೨ರ ಒಲಿಂಪಿಕ್ಸ್ ಚಿನ್ನದ ಪದಕ ವಿಜೇತ Lee Xueruiಅವರನ್ನು ಸೋಲಿಸಿ ಸೆಮಿಫೈನಲ್ಸ್ ಪ್ರವೇಶಿಸಿದರು^[೮]. ಆದರೆ ಮುಂದಿನ ಪಂದ್ಯದಲ್ಲಿ ೧೦-೨೧, ೨೧-೧೪, ೧೯-೨೧ರ ಅಂತರದಲ್ಲಿ ಚೀನಾದ 4 ನೇ ಶ್ರೇಯಾಂಕದ ಜಿಯಾಂಗ್ ಯಾಮ್ಜಿಯೊ ವಿರುಧ್ಧ ಸೋತರು^[೯].
ಇದಾದ ನಂತರ ಶ್ರೀನಗರದಲ್ಲಿ ನಡೆದ ೭೭ ನೇ ಸೀನಿಯರ್ ನ್ಯಾಷನಲ್ ಬ್ಯಾಡ್ಮಿಂಟನ್ ಚಾಂಪಿಯನ್ಶಿಪ್ನಲ್ಲಿ ಭಾಗವಹಿಸಿದ ಅವರು ೧೫-೨೧,೨೧-೧೫,೧೫-೨೧ ಅಂತರದಲ್ಲಿ ಸಯಾಲಿ ಗೋಖಲೆ ಅವರ ವಿರುಧ್ಧ ಫೈನಲ್ ನಲ್ಲಿ ಸೋತರು. ಇದಾದ ನಂತರ ಚೀನಾ ಓಪನ್ನಲ್ಲಿ ಅವರು ಮೊಣಕಾಲಿಗೆ ಮಾಡಿಕೊಂಡಿದ್ದ ಗಾಯದ ವಿಚಾರವು ಬಹಿರಂಗವಾಯಿತು ಮತ್ತು ಹಾಗೆಯೇ ಅವರು ಜಪಾನ್ ಓಪನ್ ನಲ್ಲೂ ಭಾಗವಹಿಸಿದರು. ಗಾಯವು ಉಲ್ಬಣಗೊಂಡಿದ್ದನ್ನು ಕಂಡು ಅವರು ವಿಶ್ವ ಕಿರಿಯರ ಚಾಂಪಿಯನ್ ಶಿಪ್ನಲ್ಲಿ ಭಾಗವಹಿಸಿದೆ ಇರಲು ನಿರ್ಧರಿಸಿದರು . ಡಿಸೆಂಬರ್ ೨೦೧೨ ರಲ್ಲಿ ಲಕ್ನೋದಲ್ಲಿ ನಡೆದ ಸೈಯದ್ ಮೋದಿ ಅಖಿಲ ಭಾರತ ಗ್ರ್ಯಾಂಡ್ ಪ್ರಿಕ್ಸ್ ಚಿನ್ನದ ಪದಕದ ಪಂದ್ಯದಲ್ಲಿ ರನ್ನರ್ ಅಪ್ ಆದರು. ಆದರೆ, ಪೈನಲ್ ತಲುಪುವವರೆಗೂ ಯಾವುದೇ ಸೆಟ್ ಸೋಲದ ಸಿಂಧು ಇಂಡೋನೇಷಿಯಾದ ಲಿಂಡಾ Weni Fanetri ಎದುರು ಪೈನಲ್ ನಲ್ಲಿ ೨೧-೧೫, ೧೮-೨೧, ೨೧-೧೮ರ ಅಂತರದಲ್ಲಿ ಸೋಲುಂಡರು. ಈ ಪಂದ್ಯದ ನಂತರ ಅವರು ತನ್ನ ವೃತ್ತಿಜೀವನದ ಅತ್ಯುತ್ತಮ ೧೫ ನೆಯ ಶ್ರೇಯಾಂಕವನ್ನು ತಲುಪಿದರು .

೨೦೧೩

೨೦೧೩ ರಲ್ಲಿ ಸಿಂಧು ಅವರು ಸಿಂಗಪುರ್ ನ ಜುವಾನ್ ಗು ಅವರನ್ನು ಸೋಲಿಸಿ ಮಲೇಷಿಯನ್ ಓಪನ್ ಪ್ರಶಸ್ತಿಯ ಸಾಧನೆ ಮಾಡಿದರು^[೧೦]. ಇದು ಸಿಂಧು ಅವರ ಮೊದಲ ಗ್ರ್ಯಾಂಡ್ ಪ್ರಿಕ್ಸ್ ಗೋಲ್ಡ್ ಸಾಧನೆಯಾಗಿದೆ. ಆಗಸ್ಟ್ ೮ , ೨೦೧೩ ರಂದು ನೆಡೆದ ಬ್ಯಾಡ್ಮಿಂಟನ್ ವರ್ಲ್ಡ್ ಚಾಂಪಿಯನ್ಶಿಪ್ಸ್ನಲ್ಲಿ ಹಾಲಿ ಚಾಂಪಿಯನ್ ಚೀನಾದ ಎರಡನೇ ಶ್ರೇಯಾಂಕದ ವಾಂಗ್ ಯಿಹಾನ್ ವಿರುಧ್ಧ ಗೆದ್ದು ಮಹಿಳಾ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು. ೧೮ ವರ್ಷದ ೧೦ ನೇ ಶ್ರೇಯಾಂಕದ ಸಿಂಧು ಏಳನೇ ಶ್ರೇಯಾಂಕಿತ ಚೀನೀ ಆಟಗಾರ್ತಿ ವಾಂಗ್ ಶಿಕ್ಸಿಯಾನ್ ಅವರನ್ನು 54 ನಿಮಿಷಗಳ ಕಾಲ ನೆಡೆದ ಪಂದ್ಯದಲ್ಲಿ ನೇರ ಸೆಟ್ಗಳಿಂದ ಸೋಲಿಸಿ ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಮಹಿಳೆಯರ ಸಿಂಗಲ್ಸ್ ನಲ್ಲಿ ಭಾರತಕ್ಕೆ ಮೊದಲ ಕಂಚಿನ ಪದಕವನ್ನು ತಂದಿತ್ತರು^[೧೧].

೨೦೧೪

ಪಿ.ವಿ. ಸಿಂಧು ಅವರು ಮಹಿಳೆಯರ ಸಿಂಗಲ್ಸ್, ಗ್ಲ್ಯಾಸ್ಗೋ ಕಾಮನ್ವೆಲ್ತ್ ಗೇಮ್ಸ್ ಸೆಮಿಫೈನಲ್ ಹಂತ ತಲುಪಿದೆರು .ಆದರೆ ಅಂತಿಮವಾಗಿ ಸೋತಿದ್ದರು. ಪಿ.ವಿ. ಸಿಂಧು ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ಶಿಪ್ನಲ್ಲಿ ಮೊದಲ ಭಾರತೀಯರು-- ಪದಕಗಳನ್ನು ಗೆಲ್ಲಲುಎರಡು (ಬ್ಯಾಕ್ ಟು ಬ್ಯಾಕ್)ಎಂಬ ಇತಿಹಾಸವನ್ನು ನಿರ್ಮಿಸಿದರು.
ಪಿ.ವಿ. ಸಿಂಧು ಡೆನ್ಮಾರ್ಕ್ನ ವಿಶ್ವಕಪ್ ಸೆಮಿಫೈನಲ್ ತಲುಪಿದ್ದರು.
ಹೈದರಾಬಾದ್ ನಿಂದ ವಿಶ್ವದ ೧೧ ಎರಡನೇ ರ್ರ್ಯಾಂಕಿನ ಪಿ.ವಿ. ಸಿಂಧು ಕೋಪನ್ ಹ್ಯಾಗನ್ ನಲ್ಲಿ ಒಂದು ಗಂಟೆ ಹೆಚ್ಚು ಕಾಲ ಪಂದ್ಯವು ಮೂರು ಶಕ್ತಿಗುಂದಿಸುವ ಸೆಟ್ ೧೯-೨೧, ೨೧-೧೯, ೨೧-೧೫ರಲ್ಲಿ Shixian ವಾಂಗ್ ಸ್ಥಾನ ಸೋಲಿಸಲು ಅಸಾಧಾರಣ ಕೌಶಲ್ಯ ಮತ್ತು ಹೋರಾಟದ ಉತ್ಸಾಹ ತೋರಿಸಿದರು. ಅವರು ಹಿಂದಿನ ತಿಕ್ಕಾಟ ೧೯-೨೧, ೨೨-೨೦, ೨೫-೨೩ ಮತ್ತೊಂದು ಯುದ್ಧದಲ್ಲಿ ಪೂರ್ವ ಭಾಗಗಳಲ್ಲಿ ವಿಶ್ವ ಸಂಖ್ಯೆ 5 ದಕ್ಷಿಣ ಕೊರಿಯಾದ ಬಾಯೆ ಯಿಯಾನ್ ಜು ರನ್ನು ಸೋಲಿಸಿದರು.

೧೭ನೇ ಏಷ್ಯನ್‌ ಕ್ರೀಡಾಕೂಟ ೨೦೧೪

.ದಕ್ಷಿಣ ಕೊರಿಯಾದ ಇಂಚಿಯಾನ್‌ನಲ್ಲಿ ನಡದ ೧೭ ಏಷ್ಯನ್ ಗೇಮ್ಸ್ ೨೦೧೪, ಕ್ರೀಡಾಕೂಟದಲ್ಲಿ ,ಪಿ.ವಿ.ಸಿಂಧು, ಸೈನಾ ನೆಹವಾಲ್ ,ಪಿ.ಸಿ.ತುಲಸಿ ,ಪ್ರಜ್ಞಾ ಗಾದ್ರೆ, ಇವರ ಬ್ಯಾದ್ಮಿಂಟನ್ ಮಹಿಳೆ ಟೀಮು. ೨೧/೯/೨೦೧೪ ರಂದು ಬೆಳ್ಳಿ ಪದಕ ಗಳಿಸಿದೆ.

ಮಾಕಾವ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿ ೨೦೧೪

ಮಕಾವ್ ಓಪನ್ ಗ್ರ್ಯಾನ್ ಪ್ರಿ ಗೋಲ್ಡ್ ಟೂರ್ನಿ ೨೦೧೪

ಬ್ಯಾಡ್ಮಿಂಟನ್ ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ ಎರಡು ಬಾರಿ ಕಂಚಿನ ಪದಕ ಗೆದ್ದಿರುವ ಭಾರತದ ಉದಯೋನ್ಮುಖ ಪ್ರತಿಭೆ ಪಿ.ವಿ ಸಿಂಧು,ಚೀನಾದ ಮಕಾವ್,ನಲ್ಲಿ ಅಂತ್ಯಗೊಂಡ ೭೪.೬ ಲಕ್ಷರೂ ಬಹುಮಾನ ಮೊತ್ತದ ಮಕಾವ್ ಓಪನ್ ಗ್ರ್ಯಾನ್ ಪ್ರಿ ಗೋಲ್ಡ್ ಟೂರ್ನಿಯಲ್ಲಿ ಪ್ರಶಸ್ತಿ ಗಳಿಸಿದರು.

ಇಲ್ಲಿನ ಟ್ಯಾಪ್ ಸೀಕ್ ಮಲ್ಟಿಸ್ಪೋರ್ಟ್ಸ್ ಅಂಗಳದಲ್ಲಿ ಭಾನುವಾರ ನಡೆದ ಮಹಿಳೆಯ ಸಿಂಗಲ್ಸ್ ವಿಭಾಗದ ಫೈನಲ್ ಪಂದ್ಯದಲ್ಲಿ ಮಿಂಚಿದ ವಿಶ್ವದ ೧೧ನೇ ರ‌್ಯಾಂಕಿನ ಆಟಗಾರ್ತಿ ಪಿ.ವಿ ಸಿಂಧೂ, ತಮಗಿಂತಲೂ ರ‌್ಯಾಂಕಿಂಗ್‌ನಲ್ಲಿ ಸಾಕಷ್ಟು ಹಿಂದುಳಿದಿರುವ ಕೊರಿಯಾದ ಕಿಮ್ ಹ್ಯೊ ಮಿನ್ (೯೧ನೇ ರ‌್ಯಂಕ್) ವಿರುದ್ಧ ೨೧-೧೨, ೨೧-೧೭ ಅಂತರದಲ್ಲಿ ನೇರ ಗೇಮ್‌ಗಳಿಂದ ಗೆದ್ದು, ಸತತ ಎರಡನೇ ಬಾರಿ ಚಾಂಪಿಯನ್ ಪಟ್ಟ ಅಲಂಕರಿಸಿದರು.ಗ್ಲಾಸ್ಗೋ ಕಾಮನ್‌ವೆಲ್ತ್ ಕೂಟದಲ್ಲಿ ಕಂಚಿನ ಪದಕ ಗೆದ್ದಸಿಂಧುಗೆ ೨೦೧೪ರ ಸಾಲಿನಲ್ಲಿ ಲಭ್ಯವಾದ ಮೊದಲ ಪ್ರಶಸ್ತಿ ಇದಾಗಿದೆ.ಸೆಮಿಫೈನಲ್ ಪಂದ್ಯದಲ್ಲಿ ಏಳನೇ ಶ್ರೇಯಾಂಕಿತ ಚೀನಾದ ಆಟಗಾರ್ತಿ ಯೂ ಸನ್‌ಗೆ ಆಘಾತ ನೀಡಿದ್ದ ಕಿಮ್, ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ಸಿಂಧುಗೆ ಕಠಿಣ ಸವಾಲೊಡ್ಡುವಲ್ಲಿ ವಿಫಲರಾದರು. ಫೈನಲ್ ಪಂದ್ಯದ ಒತ್ತಡ ಮೆಟ್ಟಿನಿಂತ ಸಿಂಧು, ಕೊರಿಯಾ ಆಟಗಾರ್ತಿಯ ವಿರುದ್ಧ ಸುಲಭವಾಗಿಯೇ ಮೇಲುಗೈ ಸಾಧಿಸಿದರು.

ಆರಂಭದಲ್ಲಷ್ಟೇ ಕಿಮ್ ಹೋರಾಟ ಪಂದ್ಯದ ಮೊದಲ ಗೇಮ್‌ನ ಆರಂಭದಲ್ಲಿ ಆಕ್ರಮಣಕಾರಿ ಆಟವಾಡಿದ ಕೊರಿಯಾದ ಆಟಗಾರ್ತಿ ಕಿಮ್, ಸತತ 3 ಅಂಕ ಗಳಿಸುವುದರೊಂದಿಗೆ ಭರ್ಜರಿ ಆರಂಭ ಪಡೆದರು. ಆನಂತರ ಚೇತರಿಕೆ ತಂದುಕೊಂಡ ಸಿಂಧು ೬-೬ ಅಂತರದಲ್ಲಿ ಸಮಬಲ ತಂದುಕೊಂಡರಲ್ಲದೆ, ಚಾಣಕ್ಷತೆ ಮೆರೆದು ನಿಧಾನವಾಗಿ ಪಂದ್ಯದ ಮೇಲಿನ ಹಿಡಿತ ಕಂಡರು. ಆನಂತರ ಸತತ ಮುನ್ನಡೆ ಕಾಯ್ದುಕೊಳ್ಳುವ ಮೂಲಕ ೨೧-೧೨ ಅಂತರದಲ್ಲಿ ಮೊದಲ ಗೇಮ್ ತಮ್ಮದಾಗಿಸಿಕೊಂಡರು.

ಬಳಿಕ ನಡೆದ ಎರಡನೇ ಗೇಮ್‌ನಲ್ಲಿ ಎಲ್ಲಿಯೂ ತಪ್ಪಿಗೆ ಅವಕಾಶ ನೀಡದ ಸಿಂಧು, ಪಂದ್ಯದ ಮೇಲಿನ ಹಿಡಿತವನ್ನು ಬಿಗಿಗೊಳಿಸಿ ಕೊರಿಯಾದ ಆಟಗಾರ್ತಿಯ ಮೇಲೆ ಒತ್ತಡ ಹೇರಿದರು. ಆದರೂ ೧೩-೧೩ ಅಂಕಗಳನ್ನು ಕಂಡ ಎರಡನೇ ಗೇಮ್ ಸಮಬಲದ ಹೋರಾಟಕ್ಕೆ ಸಾಕ್ಷಿಯಾಯಿತು. ಈ ಹಂತದಲ್ಲಿ ಕಿಮ್ ಮಾಡಿದ ಸಣ್ಣ ತಪ್ಪುಗಳ ಲಾಭ ಪಡೆದ ಸಿಂಧು ಅಂಕ ಗಳಿಕೆಯಲ್ಲಿ ಮುನ್ನಡೆ ಸಾಧಿಸಿ ೨೧-೧೭ ಅಂತರದ ಮೇಲುಗೈ ಸಾಧಿಸಿ ಪ್ರಶಸ್ತಿ ಗೆದ್ದುಕೊಂಡರು. (ಸುದ್ದಿ:ವಿಜಯ ಕರ್ನಾಟಕ:೧-೧೨-೨೦೧೪)

ಮಾಕಾವ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿ ೨೦೧೫

ಭಾರತದ ಪಿ.ವಿ ಸಿಂಧು ೨೦೧೫ ರ ಮಕಾವ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿಯಲ್ಲಿ ಹ್ಯಾಟ್ರಿಕ್‌ ಸಾಧನೆ ಮಾಡಿದ್ದಾರೆ.ಮಹಿಳೆಯರ ಸಿಂಗಲ್ಸ್‌ ವಿಭಾಗದ ಫೈನಲ್‌ ಪಂದ್ಯದಲ್ಲಿ ಸಿಂಧು೨೧-೯, ೨೧-೨೩, ೨೧-೧೪ರಲ್ಲಿ ಆರನೇ ಶ್ರೇಯಾಂಕದ ಜಪಾನ್‌ನ ಮಿನಾತ್ಸು ಮಿತಾನಿ ಅವರನ್ನು ಸೋಲಿಸಿದರು.
ಆರಂಭದಿಂದಲೇ ಆಕ್ರಮಣಕಾರಿಯಾಗಿ ಆಡಿದ ಸಿಂಧು ಮೂರು ಗೇಮ್`ಗಳನ್ನು ಜಯಿಸಿದರು.ಮೂರನೇ ಗೇಮ್‌ನಲ್ಲಿ ಎಚ್ಚರಿಕೆಯಿಂದ ಆಡಿದ ಸಿಂಧು ೫-೩ರ ಮುನ್ನಡೆ ಪಡೆದರು. ಮಿತಾನಿ ಮತ್ತೆ ಅನಗತ್ಯ ತಪ್ಪುಗಳಿಂದ ಭಾರತದ ಆಟಗಾರ್ತಿಗೆ ೯-೪ರ ಮುನ್ನಡೆ ಬಿಟ್ಟುಕೊಟ್ಟರು. ಈ ಅವಕಾಶ ಬಳಸಿಕೊಂಡ ಸಿಂಧು ನಂತರ ಎಲ್ಲಿಯೂ ತಪ್ಪು ಮಾಡದೆ ಸುಲಭವಾಗಿ ನಿರ್ಣಾಯಕ ಗೇಮ್‌ ಗೆದ್ದುಕೊಳ್ಳುವ ಮೂಲಕ ಹ್ಯಾಟ್ರಿಕ್‌ ಸಾಧನೆಗೆ ಪಡೆದರು.

.^[೧೨]

ಫೋಟೋ :[೨]

ಮಲೇಷ್ಯಾ ಬ್ಯಾಡ್ಮಿಂಟನ್‌ ೨೦೧೬ರಲ್ಲಿ ಚಿನ್ನ

ದಿ. ೨೧-೦೧-೨೦೧೬ ಭಾನುವಾರ ಮಲೇಷ್ಯಾ-ಪೆನಾಂಗ್‌`ನಲ್ಲಿ ನಡೆದ ಮಹಿಳೆಯರ ಸಿಂಗಲ್ಸ್‌ ವಿಭಾಗದ ಫೈನಲ್‌ನಲ್ಲಿ ಮೂರನೇ ಶ್ರೇಯಾಂಕಿತ ಆಟಗಾರ್ತಿ ಸಿಂಧು ೨೧-೧೫, ೨೧-೯, ೨೧ರ ನೇರ ಗೇಮ್‌ಗಳಿಂದ ಸ್ಕಾಟ್ಲೆಂಡ್‌ನ ಕ್ರಿಸ್ಟಿ ಗಿಲ್‌ಮೌರ್‌ ಅವರನ್ನು ಸೋಲಿಸಿ ಚಿನ್ನ ಗಳಿಸಿದರು. ಇದು ಸಿಂಧು ಅವರ ವೃತ್ತಿ ಜೀವನದ ಐದನೇ ಹಾಗೂ ಮಲೇಷ್ಯಾ ಮಾಸ್ಟರ್ಸ್‌ ಟೂರ್ನಿಯಲ್ಲಿ ಎರಡನೇ ಪ್ರಶಸ್ತಿಯಾಗಿದೆ.
ಭಾರತದ ಪಿ.ವಿ ಸಿಂಧು ೨೦೧೩ರಲ್ಲಿ ಮಲೇಷ್ಯಾ ಮಾಸ್ಟರ್ಸ್‌ ಗ್ರ್ಯಾಂಡ್‌ ಪ್ರೀ ಗೋಲ್ಡ್‌ ಬ್ಯಾಡ್ಮಿಂಟನ್‌ ಟೂರ್ನಿ ಜಯಿಸಿದ್ದರು.^[೧೩]
ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ ಎರಡು ಸಲ ಕಂಚು ಜಯಿಸಿದ್ದ ಪಿ.ವಿ. ಸಿಂಧು ಹತ್ತನೇ ರ್‍ಯಾಂಕಿಂಗ್‌ ಸ್ಥಾನದಲ್ಲಿ' ^[೧೪]

ರಿಯೊ ಒಲಂಪಿಕ್ ೨೦೧೬

ರಿಯೊ ಒಲಿಂಪಿಕ್ಸ್‌ನ ವನಿತೆಯರ ಸಿಂಗಲ್ಸ್‌ ಬ್ಯಾಡ್ಮಿಂಟನ್‌ನಲ್ಲಿ ಬೆಳ್ಳಿ ಪದಕ ಗೆದ್ದ ಪಿ.ವಿ. ಸಿಂಧು ವಿಶ್ವ ಬ್ಯಾಡ್ಮಿಂಟನ್ ರ್‌್ಯಾಂಕಿಂಗ್‌ನಲ್ಲಿ ಈ ಮೊದಲು ಇದ್ದ ಹತ್ತನೇ ಸ್ಥಾನದಲ್ಲಿಯೇ ಮುಂದುವರಿದಿದ್ದಾರೆ.ಸಿಂಧು ಅವರು ರಿಯೊದಲ್ಲಿ ಮೂವರು ಅಗ್ರಶ್ರೇಯಾಂಕದ ಆಟ ಗಾರ್ತಿಯರಾದ ವಾಂಗ್ ಯಿಹಾನ್ (4ನೇ ಶ್ರೇಯಾಂಕ), ನೊಜೊಮಿ ಒಕು ಹರಾ (3ನೇ ಶ್ರೇಯಾಂಕ) ಮತ್ತು ತೈ ಜು ಯಿಂಗ್ (7ನೇ ಶ್ರೇಯಾಂಕ) ಅವರನ್ನು ಸೋಲಿಸಿದ್ದರು.^[೧೫]
ಮಹಿಳೆ:ಬ್ಯಾಡ್ಮಿಂಟನ್ ಸಿಂಗಲ್ಸ್:
ಪಿ.ವಿ.ಸಿಂಧು:

ಕ್ರೀಡಾಪಟು	ಪ್ರತಿಸ್ಪರ್ಧಿ	ಪ್ರತಿಸ್ಪರ್ಧಿ	ಪ್ರತಿಸ್ಪರ್ಧಿ	ಪ್ರತಿಸ್ಪರ್ಧಿ	ಪ್ರತಿಸ್ಪರ್ಧಿ	ಪ್ರತಿಸ್ಪರ್ಧಿ	ಪದಕ
ಪಿ.ವಿ. ಸಿಂಧು	ಸರೊಸಿ(ಹಂಗೆರಿ)	ಲೀ (ಕೆನಡ)	ತಾಯಿ ತಾ ಚೀನಾ ಟೈಫೆ	ವಾಂಗ್ (ಚೀನಾ)	ನಜೊಮಮಿ ಓಕೊಹರಾ(ಜಪಾನ್	ಕೆರೊಲಿನಾ ಮೆರಿನ್ (ಸ್ಪೈನ್)	ರ್ಯಾಂಕ್
1ನೇ,2ನೇ, 3ನೇ ಆಟ ಅಂಕಗಳು	21-8,21–9	19-21, 21-15, 21-17.	21-13, 21-15	22–20, 21–19	21–19, 21–10	21–19, 12–21, 15–21)
ಫಲಿತಾಂಶ	ಗೆಲವು	ಗೆಲವು	ಗೆಲವು	ಗೆಲವು	ಗೆಲವು	ಸೋಲು	2 ಬೆಳ್ಳಿ

ಯೊ ಡಿ ಜನೈರೊದಲ್ಲಿ ನಡೆಯುತ್ತಿರುವ ಒಲಿಂಪಿಕ್ಸ್‌ನ ಮಹಿಳೆಯರ ಬ್ಯಾಡ್ಮಿಂಟನ್ ಸಿಂಗಲ್ಸ್‌ನಲ್ಲಿ ಗೆದ್ದ ಭಾರತದ ಪಿ.ವಿ. ಸಿಂಧು ಬೆಳ್ಳಿ ಪದಕ; ಗಳಿಸಿದ ಸ್ಪೇನ್‌ ಆಟಗಾರ್ತಿ ಕ್ಯಾರೊಲಿನಾ ಮರಿನ್‍ ಚಿನ್ನದ ಪದಕ, ಮತ್ತು ಜಪಾನಿನ ನೊಜೊಮಿ ಒಕುಹರಾ ಕಂಚಿನ ಪದಕ ಪಡೆದರು.

ರಾಜೀವಗಾಂಧಿ ಖೇಲ್ ರತ್ನ ಪ್ರಶಸ್ತಿ

ರಿಯೊ ಒಲಿಂಪಿಕ್ಸ್‌ನಲ್ಲಿ ಬೆಳ್ಳಿ ಪದಕ ಜಯಿಸಿದ ಪಿ.ವಿ. ಸಿಂಧು, ಅವರಿಗೆ ರಾಷ್ಟ್ರಪತಿ ಪ್ರಣವ್‌ ಮುಖರ್ಜಿ ದಿ.29 Aug, 2016 ರಾಜೀವಗಾಂಧಿ ಖೇಲ್ ರತ್ನ ಪ್ರಶಸ್ತಿಯನ್ನು ಪ್ರದಾನ ಮಾಡಿದರು.^[೧೬]

ಚೀನಾ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ ೨೦೧೬

೨೦ ನವೆಂಬರ್, ೨೦೧೬:
ಚೀನಾದ ಪುಜೌನಲ್ಲಿ, ಒಲಿಂಪಿಕ್‌ನಲ್ಲಿ ಬೆಳ್ಳಿ ಗೆದ್ದು ಅಚ್ಚರಿ ಮೂಡಿಸಿದ್ದ ಭಾರತದ ಪಿ.ವಿ ಸಿಂಧು, $೭೦೦,೦೦೦(ರೂ.೪,೭೭,೪೦,೦೦೦)ನ ಚೀನಾ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿಯಲ್ಲಿ ಫೈನಲ್‌ ಪಂದ್ಯದಲ್ಲಿ ಎಂಟನೇ ಶ್ರೇಯಾಂಕದ ಸ್ಥಳೀಯ ಆಟಗಾರ್ತಿ ಸನ್‌ ಯು ಅವರನ್ನು ೨೧-೧೧, ೧೭-೨೧, ೨೧-೧೧ ಸೆಟ್‌ಗಳ ಅಂತರದಲ್ಲಿ ಮಣಿಸಿ ಚೀನಾ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿಯಲ್ಲಿ ಚಾಂಪಿಯನ್‌ ಆಗಿದ್ದಾರೆ.ಪಂದ್ಯ ೧ ಗಂಟೆ ಒಂಬತ್ತು ನಿಮಿಷ ತೆಗೆದುಕೊಂಡಿತು.^[೧೭]

ಗ್ಲಾಸ್ಗೊದ ಮಹಿಳೆಯರ ವಿಶ್ವ ಬ್ಯಾಡ್ಮಿಂಟನ್ ಟೂರ್ನಿ ೨೦೧೭

27 ಆಗಸ್ಟ್, 2017ರಂದು,ವಿಶ್ವ ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್‌ ಫೈನಲ್ನಲ್ಲಿ, ಪಿ.ವಿ. ಸಿಂಧು X ಜಪಾನ್ ದೇಶದ ನಕುಹರಾ ಅವರ ವಿರುದ್ಧ 19-21 22-20 20-22ಕ್ಕೆ ಸ ಚಿನ್ನದ ಪದಕ ಒಲಿಯಲಿಲ್ಲ. ಆದರೆ *ಜಪಾನ್ ಹುಡುಗಿ ನೊಜೊಮಿ ಒಕುಹರಾ =ಚಿನ್ನ;ಭಾರತದ -ಪಿ.ವಿ. ಸಿಂಧು ಗೆ ಬೆಳ್ಳಿ
ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ ಎರಡು ಬಾರಿ ಕಂಚು ಗೆದ್ದಿದ್ದ ಸಿಂಧು;; ೨೦೧೭ರ ಈ ವರ್ಷದ ಟೂರ್ನಿಯಲ್ಲಿ ಎರಡು ಪದಕ ಗೆದ್ದ ಭಾರತದ ಆಟಗಾರ್ತಿ; ವಿಶ್ವ ಟೂರ್ನಿಯಲ್ಲಿ ಬೆಳ್ಳಿಪದಕ ಜಯಿಸಿದ ಭಾರತದ ಎರಡನೇ ಆಟಗಾರ್ತಿ ಸಿಂಧು.^[೧೮]

ಮುಖ್ಯಾಂಶಗಳು

ಒಲಿಂಪಿಕ್ಸ್‌ ಬ್ಯಾಡ್ಮಿಂಟನ್ ಸಿಂಗಲ್ಸ್ ಫೈನಲ್ ಪ್ರವೇಶಿಸಿದ ಭಾರತದ ಮೊದಲ ಆಟಗಾರ್ತಿ
ರಿಯೊ ಒಲಿಂಪಿಕ್ಸ್‌ನಲ್ಲಿ ಭಾರತಕ್ಕೆ ಒಲಿದ ಎರಡನೇ ಪದಕ
ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ ಎರಡು ಬಾರಿ ಕಂಚು ಗೆದ್ದಿದ್ದ ಸಿಂಧು
ಪಿ.ವಿ. ಸಿಂಧು ಅವರಿಗೆ ₹ 50 ಲಕ್ಷ ನಗದು ಪುರಸ್ಕಾರ ನೀಡುವುದಾಗಿ ಭಾರತ ಬ್ಯಾಡ್ಮಿಂಟನ್ ಸಂಸ್ಥೆಯು (ಬಿಎಐ) ಘೋಷಿಸಿದೆ. ತೆಲಂಗಾಣ ಮುಖ್ಯಮಂತ್ರಿ ಕೆ. ಚಂದ್ರಶೇಖರ್‌ ರಾವ್ ಅವರು ಒಂದು ಕೋಟಿ ನೀಡುವುದಾಗಿದೆ ಘೋಷಿಸಿದ್ದಾರೆ.^[೧೯]
ಫೋಟೊ:[೩] Archived 2016-08-20 ವೇಬ್ಯಾಕ್ ಮೆಷಿನ್ ನಲ್ಲಿ.

ವಿಶ್ವ ದಾಖಲೆ

ರಿಯೊ ಒಲಿಂಪಿಕ್ಸ್ ಬೆಳ್ಳಿ ಪದಕವಿಜೇತೆ ಪಿ.ವಿ. ಸಿಂಧು ಅವರು ವಿಶ್ವ ಬ್ಯಾಡ್ಮಿಂಟನ್ ಫೆಡರೇಷನ್ ರ್‌‍ಯಾಂಕಿಂಗ್‌ನಲ್ಲಿ 5ನೇ ಸ್ಥಾನಕ್ಕೇರಿದ್ದಾರೆ. ಇದು ಅವರ ಕ್ರೀಡಾ ಜೀವನದ ಶ್ರೇಷ್ಠ ಸಾಧನೆಯಾಗಿದೆ.
ಅವರು ಜನೇವರಿ 2017 ರಲ್ಲಿ ಸೈಯದ್ ಮೋದಿ ಗ್ರ್ಯಾನ್‌ಪ್ರಿ ಗೋಲ್ಡ್‌ ಪ್ರಶಸ್ತಿ ಗೆದ್ದಿದ್ದಾರೆ.ಆರ್ ಹೈದರಾಬಾದಿನ 21 ವರ್ಷದ ಸಿಂಧು ಅವರ ಖಾತೆಯಲ್ಲಿ 69399 ಅಂಕಗಳು ಇವೆ. 2016 ವರ್ಷ ರಿಯೊ ಡಿ ಜನೈರೊದಲ್ಲಿ ನಡೆದಿದ್ದ ಒಲಿಂಪಿಕ್ಸ್‌ನ ಮಹಿಳೆಯರ ಸಿಂಗಲ್ಸ್‌ನಲ್ಲಿ ಅವರು ಬೆಳ್ಳಿ ಪದಕ ಜಯಿಸಿದ್ದರು. ನಂತರ ಅವರು ಚೀನಾ ಓಪನ್ ಬ್ಯಾಡ್ಮಿಂಟನ್ ಪ್ರಶಸ್ತಿ ಗೆದ್ದಿದ್ದರು.^[೨೦]

ಇಂಡಿಯಾ ಓಪನ್ ಸೂಪರ್ ಸರಣಿ ೨೦೧೭

3 Apr, 2017;
ಇಂಡಿಯಾ ಓಪನ್ ಸೂಪರ್ ಸರಣಿಯ ಕಿರೀಟ. ಫೈನಲ್‌ ಪಂದ್ಯದಲ್ಲಿ ಪಿ.ವಿ. ಸಿಂಧು ಅವರು 21–19, 21–16ರ ನೇರ ಗೇಮ್‌ಗಳಿಂದ ನಂಬರ್ ಒನ್ ಆಟಗಾರ್ತಿ ಸ್ಪೇನ್‌ನ ಕ್ಯಾರೊಲಿನಾ ಮರಿನ್ ಅವರ ವಿರುದ್ಧ ಜಯಿಸಿದರು.

ಗ್ಲಾಸ್ಗೊದ ಮಹಿಳೆಯರ ವಿಶ್ವ ಬ್ಯಾಡ್ಮಿಂಟನ್ ಟೂರ್ನಿ ೨೦೧೭

ವಿಶ್ವ ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್‌ ಫೈನಲ್ನಲ್ಲಿ, ಪಿ.ವಿ. ಸಿಂಧು X ಜಪಾನ್ ದೇಶದ ನಕುಹರಾ ಅವರ ವಿರುದ್ಧ 19-21 22-20 20-22ಕ್ಕೆ ಸ ಚಿನ್ನದ ಪದಕ ಒಲಿಯಲಿಲ್ಲ. ಆದರೆ *ಜಪಾನ್ ಹುಡುಗಿ ನೊಜೊಮಿ ಒಕುಹರಾ =ಚಿನ್ನ;ಭಾರತದ -ಪಿ.ವಿ. ಸಿಂಧು ಗೆ ಬೆಳ್ಳಿ
ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ ಎರಡು ಬಾರಿ ಕಂಚು ಗೆದ್ದಿದ್ದ ಸಿಂಧು;; ೨೦೧೭ರ ಈ ವರ್ಷದ ಟೂರ್ನಿಯಲ್ಲಿ ಎರಡು ಪದಕ ಗೆದ್ದ ಭಾರತದ ಆಟಗಾರ್ತಿ; ವಿಶ್ವ ಟೂರ್ನಿಯಲ್ಲಿ ಬೆಳ್ಳಿಪದಕ ಜಯಿಸಿದ ಭಾರತದ ಎರಡನೇ ಆಟಗಾರ್ತಿ ಸಿಂಧು.^[೨೧]
ಭಾರತದ ಬ್ಯಾಡ್ಮಿಂಟನ್ ತಾರೆ ಪಿ.ವಿ ಸಿಂಧು ಗುರುವಾರ ಬಿಡಬ್ಲ್ಯುಎಫ್‌ ವಿಶ್ವ ರ್ಯಾಂಕಿಂಗ್‌ನಲ್ಲಿ ೩೦- ಆಗಸ್ಟ್ ೨೦೧೭ಕ್ಕೆ ನಾಲ್ಕನೇ ಸ್ಥಾನಕ್ಕೆ ಬಡ್ತಿ ಗಳಿಸಿದ್ದಾರೆ. ಐದನೇ ಸ್ಥಾನದಲ್ಲಿ ಇದ್ದ ಸಿಂಧು ಒಂದು ಸ್ಥಾನದಲ್ಲಿ ಏರಿಕೆ ಕಂಡಿದ್ದಾರೆ.^[೨೨]

ಸಿಂಧು ಸಾಧನೆಯ ಪಥ

೨೦೧೬ ರ ರಿಯೊ ಒಲಿಂಪಿಕ್ಸ್‌ ಫೈನಲ್‌ನಲ್ಲಿ ಮರಿನ್ ಎದುರು ಸೋತಿದ್ದ ಸಿಂಧು.
೦೯ ಬಾರಿ ಉಭಯ ಆಟಗಾರ್ತಿಯರು ಮುಖಾಮುಖಿಯಾಗಿದ್ದಾರೆ.
೦೪ ಸಲ ಸಿಂಧು ಮೇಲುಗೈ ಸಾಧಿಸಿದ್ದಾರೆ.
೦೨ ವಿಶ್ವಕಪ್ ಚಾಂಪಿಯನ್‌ಷಿಪ್‌ಗಳಲ್ಲಿ (೨೦೧೩, ೨೦೧೪) ಕಂಚಿನ ಪದಕ ಗಳಿಸಿದ್ದಾರೆ.
೨೦೧೬ ರಲ್ಲಿ ಚೀನಾ ಓಪನ್ ಪ್ರಶಸ್ತಿ.
೨೦೧೭ ರ ೪೬ ನಿಮಿಷ ನಡೆದ ಇಂಡಿಯಾ ಸೂಪರ್ ಸರಣಿ ಫೈನಲ್‌.ವಿಜೇತೆ.^[೨೩]
2019 ರ ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ ಶಿಪ್ ನಲ್ಲಿ ಚಿನ್ನದ ಪದಕ.^[೨೪]

ವಿಶ್ವ ರ್ಯಾಂಕ್- ೨೦೧೮, ಡಿಸೆಂ.

ರ್ಯಾಂಕ್,	ದೇಶ,	ಆಟಗಾರಳು	CHANGE +/- ಗೆಲುವು ಸೋಲು	ಬಹುಮಾನ-ಡಾ	ಅಂಕಗಳು /ಟೂರ್ನಿ	BREAKDOWN
೩ (3)	ಭಾರತ	ಪಿವಿ.ಸಿಂದು	246 - 105 (೩೦೫-ಗೆಲುವು$)	$387,733.00	79,186 / 17	-

^[೨೫]$^[೨೬]

ವೃತ್ತಿಜೀವನದ ದಾಖಲೆಗಳು

ಕ್ರೀಡಾಕೂಟ	೨೦೧೦	೨೦೧೧	೨೦೧೨	೨೦೧೩	೨೦೧೪	೨೦೧೬	೨೦೧೭	೨೦೧೮	೨೦೧೯
ಕೊರಿಯಾ ಓಪನ್ ಸೂಪರ್ ಸೀರೀಸ್^[೨೭]				Round 2
BWF ವಿಶ್ವ ಕಿರಿಯರ ಚಾಂಪಿಯನ್ ಶಿಪ್^[೨೭]		Round 3
ಚೈನಾ ಓಪನ್ ಸೂಪರ್ ಸೀರೀಸ್^[೨೭]		Qualification	Semifinals
ಇಂಡೋನೇಷ್ಯಾ ಓಪನ್ ಸೂಪರ್ ಸೀರೀಸ್^[೨೭]			Round 2
ಭಾರತ ಓಪನ್ ಸಿರೀಸ್^[೨೭]	Semifinals	Round 1	Quarterfinals	Semifinals
ಜಪಾನ್ ಓಪನ್ ಸೂಪರ್ ಸೀರೀಸ್^[೨೭]			Round 2
ಡಚ್ ಓಪನ್^[೨೭]		2 ಬೆಳ್ಳಿ
ಭಾರತ ಓಪನ್ ಗ್ರಾಂಡ್ ಪ್ರಿಕ್ಸ್ ಗೋಲ್ಡ್^[೨೭]	Round 2	Round 2	2 ಬೆಳ್ಳಿ
ಮಲೇಷ್ಯಾ ಓಪನ್ ಗ್ರಾಂಡ್ ಪ್ರಿಕ್ಸ್ ಗೋಲ್ಡ್^[೨೭]				1 ಬಂಗಾರ
BWF ವಿಶ್ವ ಚಾಂಪಿಯನ್ ಶಿಪ್^[೨೭]				3 ಕಂಚು	3 ಕಂಚು		2 ಬೆಳ್ಳಿ	2 ಬೆಳ್ಳಿ	1 ಬಂಗಾರ
ರಿಯೊ ಒಲಿಂಪಿಕ್ಸ್^[೨೮]						2 ಬೆಳ್ಳಿ

ನೋಡಿ

ಉಲ್ಲೇಖನಗಳು

↑ [www.deccanchronicle.com/]
↑ [www.hindu.com/mp/2008/04/10/stories/2008041050140300.htm 20 October 2010]
↑ October 2010
↑ October 2010
↑ The Tribune 20 October 13 February 2010
↑ "accessdate=20 October 2010". Archived from the original on 27 ಜುಲೈ 2010. Retrieved 30 ಆಗಸ್ಟ್ 2013. {{cite web}}: Missing pipe in: |title= (help)
↑ {{cite [೧]}}
↑ Sindhu stuns Olympic gold medallist Xuerui in China 4 September 2012
↑ http://articles.timesofindia.indiatimes.com/2012-09-15/badminton/33862110_ PV Sindhu bows out of China Masters 1_
↑ "ಮಲೇಶ್ಯಾ ಓಪನ್ ನಲ್ಲಿ ಸಿಂಧು ಗೆ ಚಿನ್ನದ ಪದಕ". Archived from the original on 2013-07-25. Retrieved 2013-08-30.
↑ "ಸಿಂಧುಗೆ ಕಂಚಿನ ಪದಕ". Archived from the original on 2013-10-10. Retrieved 2013-08-30.
↑ http://www.thehindu.com/sport/other-sports/sindhu-wins-macau-open-title-for-third-time/article7929793.ece
↑ http://www.prajavani.net/article/ಸಿಂಧು-ಮುಡಿಗೆ-ಮಲೇಷ್ಯಾ-ಬ್ಯಾಡ್ಮಿಂಟನ್‌-ಗರಿ
↑ prajavani:07/01/2016
↑ ಹತ್ತನೇ ಸ್ಥಾನ ಉಳಿಸಿಕೊಂಡ ಸಿಂಧು-26 Aug, 2016-ಪ್ರಜಾವಾಣಿ
↑ ರಾಜೀವಗಾಂಧಿ ಖೇಲ್ ರತ್ನ ಪ್ರಶಸ್ತಿ ಪ್ರದಾನ
↑ ಚೊಚ್ಚಲ ಪ್ರಶಸ್ತಿ;ಚೀನಾ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ:ಪಿ.ವಿ ಸಿಂಧು ಚಾಂಪಿಯನ್‌
↑ ಸಿಂಧು ಹೋರಾಟಕ್ಕೆ ಒಲಿಯದ ಚಿನ್ನ;ಪಿಟಿಐ;28 Aug, 2017
↑ "ಸಿಂಧು ಹೋರಾಟಕ್ಕೆ ಬೆಳ್ಳಿಯ ಬೆಡಗು". Archived from the original on 2016-08-20. Retrieved 2016-08-20.
↑ ವಿಶ್ವ ಬ್ಯಾಡ್ಮಿಂಟನ್;ಐದನೇ ಸ್ಥಾನಕ್ಕೇರಿದ ಸಿಂಧು;ಪ್ರಜಾವಾಣಿ ವಾರ್ತೆ;19 Feb, 2017
↑ http://www.prajavani.net/news/article/2017/08/28/516216.html
↑ http://www.prajavani.net/news/article/2017/08/25/515874.html
↑ "ಸಿಂಧು ಮುಡಿಗೆ ಇಂಡಿಯಾ ಸೂಪರ್ ಕಿರೀಟ;ಪ್ರಜಾವಾಣಿ ವಾರ್ತೆ;3 Apr, 2017". Archived from the original on 2017-04-02. Retrieved 2017-04-03.
↑ https://www.prajavani.net/sports/sports-extra/sindhu-becomes-first-indian-660492.html
↑ BWF WORLD RANKINGS
↑ ಪ್ರಜಾವಾಣಿ ೨೪-೧೨-೨೦೧೮
↑ ^{೨೭.೦೦} ^{೨೭.೦೧} ^{೨೭.೦೨} ^{೨೭.೦೩} ^{೨೭.೦೪} ^{೨೭.೦೫} ^{೨೭.೦೬} ^{೨೭.೦೭} ^{೨೭.೦೮} ^{೨೭.೦೯} "Tournaments of P.V.Sindhu". tournamentsoftware.com.
↑ "ರಿಯೊ ಒಲಿಂಪಿಕ್ಸ್ ನಲ್ಲಿ ಬೆಳ್ಳಿ". Retrieved 19 ಆಗಸ್ಟ್ 2016.

ಬಾಹ್ಯ ಸಂಪರ್ಕಗಳು

ಮಲೇಶ್ಯಾ ಓಪನ್ ಪೈನಲ್ ಗೆ ಲಗ್ಗೆಯಿಟ್ಟ ಪಿ.ವಿ.ಸಿಂಧು
P. V. Sindhu Archived 2010-10-25 ವೇಬ್ಯಾಕ್ ಮೆಷಿನ್ ನಲ್ಲಿ. at Olympic Gold Quest
P. V. Sindhu Archived 2010-08-05 ವೇಬ್ಯಾಕ್ ಮೆಷಿನ್ ನಲ್ಲಿ. at Gopichand Badminton Academy
P. V. Sindhu at tournamentsoftware.com
TOI,Aug,20,2016, All That Glitters Is Not Gold

[1] [www.deccanchronicle.com/]

[2] [www.hindu.com/mp/2008/04/10/stories/2008041050140300.htm 20 October 2010]

[3] October 2010

[4] October 2010

[5] The Tribune 20 October 13 February 2010

[6] "accessdate=20 October 2010". Archived from the original on 27 ಜುಲೈ 2010. Retrieved 30 ಆಗಸ್ಟ್ 2013. {{cite web}}: Missing pipe in: |title= (help)

[7] {{cite [೧]}}

[8] Sindhu stuns Olympic gold medallist Xuerui in China 4 September 2012

[9] ttp://articles.timesofindia.indiatimes.com/2012-09-15/badminton/33862110_ PV Sindhu bows out of China Masters 1_

[10] "ಮಲೇಶ್ಯಾ ಓಪನ್ ನಲ್ಲಿ ಸಿಂಧು ಗೆ ಚಿನ್ನದ ಪದಕ". Archived from the original on 2013-07-25. Retrieved 2013-08-30.

[11] "ಸಿಂಧುಗೆ ಕಂಚಿನ ಪದಕ". Archived from the original on 2013-10-10. Retrieved 2013-08-30.

[12] ttp://www.thehindu.com/sport/other-sports/sindhu-wins-macau-open-title-for-third-time/article7929793.ece

[13] ttp://www.prajavani.net/article/ಸಿಂಧು-ಮುಡಿಗೆ-ಮಲೇಷ್ಯಾ-ಬ್ಯಾಡ್ಮಿಂಟನ್‌-ಗರಿ

[14] rajavani:07/01/2016

[15] ಹತ್ತನೇ ಸ್ಥಾನ ಉಳಿಸಿಕೊಂಡ ಸಿಂಧು-26 Aug, 2016-ಪ್ರಜಾವಾಣಿ

[16] ರಾಜೀವಗಾಂಧಿ ಖೇಲ್ ರತ್ನ ಪ್ರಶಸ್ತಿ ಪ್ರದಾನ

[17] ಚೊಚ್ಚಲ ಪ್ರಶಸ್ತಿ;ಚೀನಾ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ:ಪಿ.ವಿ ಸಿಂಧು ಚಾಂಪಿಯನ್‌

[18] ಸಿಂಧು ಹೋರಾಟಕ್ಕೆ ಒಲಿಯದ ಚಿನ್ನ;ಪಿಟಿಐ;28 Aug, 2017

[19] "ಸಿಂಧು ಹೋರಾಟಕ್ಕೆ ಬೆಳ್ಳಿಯ ಬೆಡಗು". Archived from the original on 2016-08-20. Retrieved 2016-08-20.

[20] ವಿಶ್ವ ಬ್ಯಾಡ್ಮಿಂಟನ್;ಐದನೇ ಸ್ಥಾನಕ್ಕೇರಿದ ಸಿಂಧು;ಪ್ರಜಾವಾಣಿ ವಾರ್ತೆ;19 Feb, 2017

[21] ttp://www.prajavani.net/news/article/2017/08/28/516216.html

[22] ttp://www.prajavani.net/news/article/2017/08/25/515874.html

[23] "ಸಿಂಧು ಮುಡಿಗೆ ಇಂಡಿಯಾ ಸೂಪರ್ ಕಿರೀಟ;ಪ್ರಜಾವಾಣಿ ವಾರ್ತೆ;3 Apr, 2017". Archived from the original on 2017-04-02. Retrieved 2017-04-03.

[24] ttps://www.prajavani.net/sports/sports-extra/sindhu-becomes-first-indian-660492.html

[25] BWF WORLD RANKINGS

[26] ಪ್ರಜಾವಾಣಿ ೨೪-೧೨-೨೦೧೮

[performances-27] {೨೭.೦೦} ^{೨೭.೦೧} ^{೨೭.೦೨} ^{೨೭.೦೩} ^{೨೭.೦೪} ^{೨೭.೦೫} ^{೨೭.೦೬} ^{೨೭.೦೭} ^{೨೭.೦೮} ^{೨೭.೦೯} "Tournaments of P.V.Sindhu". tournamentsoftware.com.

[ರಿಯೊ_ಒಲಿಂಪಿಕ್ಸ್_ನಲ್ಲಿ_ಬೆಳ್ಳಿ-28] "ರಿಯೊ ಒಲಿಂಪಿಕ್ಸ್ ನಲ್ಲಿ ಬೆಳ್ಳಿ". Retrieved 19 ಆಗಸ್ಟ್ 2016.

[೧]

[೨]

[೩]

[೪]

[೫]

[೬]

[೭]

[೮]

[೯]

[೧೦]

[೧೧]

[೧೨]

[೧೩]

[೧೪]

[೧೫]

[೧೬]

[೧೭]

[೧೮]

[೧೯]

[೨೦]

[೨೧]

[೨೨]

[೨೩]

[೨೪]

[೨೫]

[೨೬]

[೨೭]

[೨೮]