ಆಕ್ಸ್‌ಫರ್ಡ್‌ ವಿಶ್ವವಿದ್ಯಾನಿಲಯದ ಮುದ್ರಣಾಲಯ(ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್)

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ಆಕ್ಸ್‌ಫರ್ಡ್‌ ವಿಶ್ವವಿದ್ಯಾನಿಲಯದ ಮುದ್ರಣಾಲಯ(ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್)
Parent companyUniversity of Oxford
ಸ್ಥಾಪನೆ೧೫೮೬
ಮೂಲ ದೇಶUnited Kingdom
Headquarters locationOxford
Publication typesBooks, Journals, Sheet music
ಅಧಿಕೃತ ಜಾಲತಾಣwww.oup.com

ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್ (OUP ) ವಿಶ್ವದಲ್ಲೇ ಅತೀ ದೊಡ್ಡ ವಿಶ್ವವಿದ್ಯಾನಿಲಯ ಮುದ್ರಣಾಲಯವಾಗಿದೆ.[೧] ಇದು ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯದ ವಿಭಾಗವಾಗಿದ್ದು, ೧೫ ಮಂದಿ ಶಿಕ್ಷಣತಜ್ಞರ ಗುಂಪು ಇದನ್ನು ನಿರ್ವಹಿಸುತ್ತದೆ. ಈ ಶಿಕ್ಷಣತಜ್ಞರನ್ನು ಉಪಕುಲಪತಿಗಳು ನೇಮಕ ಮಾಡುತ್ತಾರೆ ಮತ್ತು ಅವರು ಡೆಲಿಗೇಟ್ಸ್ ಆಫ್ ದಿ ಪ್ರೆಸ್ ಎಂದು ಪರಿಚಿತರಾಗಿದ್ದಾರೆ. ಇವರ ನೇತೃತ್ವವನ್ನು ಸೆಕ್ರೆಟರಿ ಆಫ್ ದಿ ಡೆಲಿಗೇಟ್ಸ್ ವಹಿಸುತ್ತಾರೆ. ಅವರು OUPಯ ಮುಖ್ಯ ಕಾರ್ಯನಿರ್ವಾಹಕರಾಗಿ ಮತ್ತು ಇತರೆ ವಿಶ್ವವಿದ್ಯಾನಿಲಯ ಸಂಸ್ಥೆಗಳಲ್ಲಿ ಇದರ ಪ್ರಮುಖ ಪ್ರತಿನಿಧಿಯಾಗಿ ಸೇವೆ ಸಲ್ಲಿಸುತ್ತಾರೆ. ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯ 17ನೇ ಶತಮಾನದಿಂದ ಮುದ್ರಣಾಲಯದ ಮೇಲ್ವಿಚಾರಣೆ ವಹಿಸಲು ಇದೇ ರೀತಿ ವ್ಯವಸ್ಥೆಯನ್ನು ಬಳಸಿದೆ.[೨] ೧೪೮೦ರ ಸರಿಸುಮಾರು ವಿಶ್ವವಿದ್ಯಾನಿಲಯವು ಮುದ್ರಣ ವ್ಯಾಪಾರದಲ್ಲಿ ಒಳಗೊಂಡಿತು ಮತ್ತು ಬೈಬಲ್‌ಗಳು, ಪ್ರಾರ್ಥನೆ ಪುಸ್ತಕಗಳು ಮತ್ತು ಪಾಂಡಿತ್ಯದ ಕೃತಿಗಳ ಪ್ರಮುಖ ಮುದ್ರಕವಾಗಿ ಬೆಳೆಯಿತು.[೩] ಅದರ ಮುದ್ರಣಾಲಯವು ೧೯ನೇ ಶತಮಾನದಲ್ಲಿ ಆಕ್ಸ್‌ಫರ್ಡ್ ಇಂಗ್ಲೀಷ್ ನಿಘಂಟು ಎಂದು ಹೆಸರಾದ ಯೋಜನೆಯನ್ನು ಕೈಗೆತ್ತಿಕೊಂಡಿತು ಮತ್ತು ಈ ಕೆಲಸದ ಹೆಚ್ಚಿನ ವೆಚ್ಚಗಳನ್ನು ಪೂರೈಸಲು ವಿಸ್ತರಣೆಯಾಯಿತು.[೪] ಇದರ ಫಲವಾಗಿ, ಕಳೆದ ನೂರು ವರ್ಷಗಳಲ್ಲಿ ಆಕ್ಸ್‌ಫರ್ಡ್ ಮಕ್ಕಳ ಪುಸ್ತಕಗಳು, ಶಾಲಾ ಪಠ್ಯಪುಸ್ತಕಗಳು, ಸಂಗೀತ, ಜರ್ನಲ್‌ಗಳು(ನಿಯತಕಾಲಿಕಗಳು) ವಿಶ್ವದ ಶ್ರೇಷ್ಠ ಸರಣಿಗಳು ಮತ್ತು ಅದರ ಶೈಕ್ಷಣಿಕ ಮತ್ತು ಧಾರ್ಮಿಕ ಶೀರ್ಷಿಕೆಗಳಿಗೆ ಹೊಂದಿಕೆಯಾಗುವ ಉತ್ತಮ ಮಾರಾಟದ ವ್ಯಾಪ್ತಿಯ ಇಂಗ್ಲೀಷ್ ಭಾಷೆ ಬೋಧನಾ ಪಠ್ಯಗಳನ್ನು ಪ್ರಕಟಿಸಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಿಗೆ ಅದರ ಪ್ರವೇಶದಿಂದ ಮುದ್ರಣಾಲಯವು ೧೮೯೬ರಲ್ಲಿ ನ್ಯೂಯಾರ್ಕ್‌ನಿಂದ ಆರಂಭವಾಗಿ ಯುನೈಟೆಡ್ ಕಿಂಗ್ಡಮ್(ಬ್ರಿಟನ್) ಹೊರಗೆ ಸ್ವಂತ ಕಚೇರಿಗಳನ್ನು ತೆರೆದಿದೆ.[೫] ಕಂಪ್ಯೂಟರ್ ತಂತ್ರಜ್ಞಾನದ ಆರಂಭದಿಂದ ಮತ್ತು ಕಠಿಣ ವ್ಯಾಪಾರ ಸ್ಥಿತಿಗತಿಗಳ ಹೆಚ್ಚಳದಿಂದ, ಆಕ್ಸ್‌ಫರ್ಡ್ ಮುದ್ರಣಾಲಯದ ಮುದ್ರಣ ವಿಭಾಗವನ್ನು ೧೯೮೯ರಲ್ಲಿ ಮುಚ್ಚಲಾಯಿತು ಮತ್ತು ವೊಲ್ವೆರ್‌ಕೋಟ್‌ನಲ್ಲಿರುವ ಅದರ ಅದರ ಮುಂಚಿನ ಕಾಗದದ ಗಿರಣಿಯನ್ನು ೨೦೦೪ರಲ್ಲಿ ನೆಲಸಮಗೊಳಿಸಲಾಯಿತು. ತನ್ನ ಮುದ್ರಣ ಮತ್ತು ಬೈಂಡಿಂಗ್ ನಿರ್ವಹಣೆಗಳನ್ನು ಗುತ್ತಿಗೆ ನೀಡುವ ಮೂಲಕ ಆಧುನಿಕ ಮುದ್ರಣಾಲಯವು ಸುಮಾರು ೬೦೦೦ ಹೊಸ ಕೃತಿಗಳ ಶೀರ್ಷಿಕೆಗಳನ್ನು ಪ್ರತಿವರ್ಷ ವಿಶ್ವದಾದ್ಯಂತ ಪ್ರಕಟಿಸುತ್ತವೆ ಮತ್ತು ಅಂದಾಜು ೪೦೦೦ದಷ್ಟಿರುವ ಜಾಗತಿಕ ನೌಕರಬಲವನ್ನು ನೇಮಿಸಿಕೊಂಡಿದೆ. ದತ್ತಿ ಸಂಸ್ಥೆಯ ಭಾಗವಾಗಿ, OUPತನ್ನ ಮಾತೃ ವಿಶ್ವವಿದ್ಯಾನಿಲಯಕ್ಕೆ ಪ್ರಮುಖ ಹಣಕಾಸಿನ ಬೆಂಬಲಕ್ಕೆ ಬದ್ಧವಾಗಿದೆ ಮತ್ತು ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿವೇತನ, ಸಂಶೋಧನೆ ಮತ್ತು ಶಿಕ್ಷಣದ ಶ್ರೇಷ್ಠತೆಯ ಗುರಿಗಳನ್ನು ಪ್ರಕಟಣೆ ಚಟುವಟಿಕೆಗಳ ಮೂಲಕ ವೃದ್ಧಿಸುತ್ತದೆ. OUPಯನ್ನು ಮೊದಲಿಗೆ ೧೯೭೨ರಲ್ಲಿ USಕಾರ್ಪೊರೇಷನ್ ತೆರಿಗೆಯಿಂದ ಮತ್ತು ೧೯೭೮ರಲ್ಲಿ UKಕಾರ್ಪೊರೇಷನ್ ತೆರಿಗೆಯಿಂದ ವಿನಾಯಿತಿ ನೀಡಲಾಗಿತ್ತು. ದತ್ತಿ ಇಲಾಖೆಯಾಗಿ, OUPಗೆ ಬಹುತೇಕ ರಾಷ್ಟ್ರಗಳಲ್ಲಿ ಆದಾಯತೆರಿಗೆ ಮತ್ತು ಕಾರ್ಪೊರೇಟ್ ತೆರಿಗೆಯಿಂದ ವಿನಾಯಿತಿ ನೀಡಲಾಗಿದೆ. ಆದರೆ ಅದರ ಉತ್ಪನ್ನಗಳ ಮೇಲೆ ಮಾರಾಟ ಮತ್ತು ಇತರೆ ವಾಣಿಜ್ಯ ತೆರಿಗೆಗಳನ್ನು ಪಾವತಿ ಮಾಡಬಹುದು. ಮುದ್ರಣಾಲಯವು ಇಂದು ತನ್ನ ೩೦% ವಾರ್ಷಿಕ ಹೆಚ್ಚುವರಿಯನ್ನು ವಿಶ್ವವಿದ್ಯಾನಿಲಯದ ಉಳಿದ ಕಡೆ ವರ್ಗಾಯಿಸುತ್ತದೆ ಮತ್ತು ಪ್ರತಿ ವರ್ಷ ಕನಿಷ್ಠ ೧೨ದಶಲಕ್ಷ ಡಾಲರ್ ವರ್ಗಾವಣೆ ಮಾಡುವ ಬದ್ಧತೆ ಹೊಂದಿದೆ. OUPಯು ಪ್ರಕಟಣೆಗಳ ಸಂಖ್ಯೆಯ ದೃಷ್ಟಿಯಲ್ಲಿ ವಿಶ್ವದಲ್ಲಿ ಅತೀ ದೊಡ್ಡ ವಿಶ್ವವಿದ್ಯಾನಿಲಯ ಮುದ್ರಣಾಲಯವಾಗಿದ್ದು, ಪ್ರತೀ ವರ್ಷ ೪,೫೦೦ಕ್ಕೂ ಹೆಚ್ಚು ಹೊಸ ಪುಸ್ತಕಗಳನ್ನು ಪ್ರಕಟಿಸುತ್ತದೆ ಮತ್ತು ಸುಮಾರು ೪೦೦೦ ಜನರನ್ನು ನೇಮಕ ಮಾಡಿಕೊಂಡಿದೆ. OUP ಅನೇಕ ಉಲ್ಲೇಖದ, ವೃತ್ತಿಪರ ಮತ್ತು ಶೈಕ್ಷಣಿಕ ಕೃತಿಗಳನ್ನು ಪ್ರಕಟಿಸುತ್ತದೆ. ಇವುಗಳಲ್ಲಿ ಆಕ್ಸ್‌ಫರ್ಡ್ ಇಂಗ್ಲೀಷ್ ನಿಘಂಟು , ಕನ್ಸೈಸ್ ಆಕ್ಸ್‌ಫರ್ಡ್ ಇಂಗ್ಲೀಷ್ ನಿಘಂಟು , ಆಕ್ಸ್‌ಫರ್ಡ್ ವರ್ಲ್ಡ್ ಕ್ಲಾಸಿಕ್ಸ್, ಆಕ್ಸ್‌ಫರ್ಡ್ ಡಿಕ್ಷನರಿ ಆಫ್ ನ್ಯಾಷನಲ್ ಬಯೋಗ್ರಫಿ ಮತ್ತು ಕನ್ಸೈಸ್ ಡಿಕ್ಷನರಿ ಆಫ್ ನ್ಯಾಷನಲ್ ಬಯೋಗ್ರಫಿ ಒಳಗೊಂಡಿವೆ. ಇವುಗಳ ಅತ್ಯಂತ ಪ್ರಮುಖ ಶೀರ್ಷಿಕೆಗಳು ವಿದ್ಯುನ್ಮಾನ ಮಾರ್ಗವಾಗಿ ಪ್ಯಾಕೇಜ್‌ನಲ್ಲಿ ಲಭ್ಯವಾಗುತ್ತದೆ. ಇದನ್ನು "ಆಕ್ಸ್‌ಫರ್ಡ್ ರೆಫೆರನ್ಸ್ ಆನ್‌ಲೈನ್" ಎಂದು ಕರೆಯಲಾಗುತ್ತದೆ. UKಯ ಅನೇಕ ಸಾರ್ವಜನಿಕ ಗ್ರಂಥಾಲಯಗಳಿಂದ ಓದುಗರ ಕಾರ್ಡ್ ಹೊಂದಿರುವವರಿಗೆ ಉಚಿತವಾಗಿ ಒದಗಿಸಲಾಗುತ್ತದೆ. ಆಕ್ಸ್‌ಫರ್ಡ್ ಪ್ರಕಟಿಸುವ ಪುಸ್ತಕಗಳು ಅಂತಾರಾಷ್ಟ್ರೀಯ ಪ್ರಮಾಣಕ ಪುಸ್ತಕ ಸಂಖ್ಯೆಗಳನ್ನು ಹೊಂದಿದ್ದು, ೦-೧೯ರಲ್ಲಿ ಆರಂಭವಾಗುತ್ತದೆ. ಇದರಿಂದ ಮುದ್ರಣಾಲಯವನ್ನು ISBNವ್ಯವಸ್ಥೆಯಲ್ಲಿ ಎರಡು ಅಂಕಿಗಳ ಗುರುತು ಸಂಖ್ಯೆಗಳನ್ನು ಹೊಂದಿರುವ ಸಣ್ಣ ಸಂಖ್ಯೆಯ ಪ್ರಕಾಶಕರ ಪೈಕಿ ಒಂದಾಗಿಸಿದೆ. ಆಂತರಿಕ ಒಪ್ಪಂದದ ಮೂಲಕ, ವೈಯಕ್ತಿಕ ಆವೃತ್ತಿ ಸಂಖ್ಯೆಯ( ೦-೧೯-ಅನುಸರಿಸುವ) ಪ್ರಥಮ ಅಂಕಿ ನಿರ್ದಿಷ್ಟ ಹೊಮ್ಮುವ ವಿಭಾಗವನ್ನು ಸೂಚಿಸುತ್ತದೆ. ಉದಾಹರಣೆಗೆ, ಸಂಗೀತಕ್ಕೆ ೩(ISMNವ್ಯಾಖ್ಯಾನಿಸುವ ಮುಂಚೆ) ನ್ಯೂಯಾರ್ಕ್ ಕಚೇರಿಗೆ ೫; ಕ್ಲಾರೆಂಡನ್ ಪ್ರೆಸ್ ಪಬ್ಲಿಕೇಶನ್ಸ್‌ಗೆ ೮.

ವಾಲ್ಟನ್ ಸ್ಟ್ರೀಟ್‌ನಲ್ಲಿರುವ ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯ ಮುದ್ರಣಾಲಯ

ಆರಂಭಿಕ ಇತಿಹಾಸ[ಬದಲಾಯಿಸಿ]

ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯದ ಜತೆ ಸಂಬಂಧ ಹೊಂದಿದ ಪ್ರಥಮ ಮುದ್ರಕ ಥಿಯೋಡೆರಿಕ್ ರೂಡ್ ವಿಲಿಯಂ ಕಾಕ್ಸ್‌ಟನ್‌ನ ಉದ್ಯಮ ಸಹವರ್ತಿಯಾಗಿದ್ದ ರೂಡ್, ಕೊಲೊಗ್ನೆಯಿಂದ ಸ್ವಂತ ಮರದ ಮುದ್ರಣಾಲಯವನ್ನು ಆಕ್ಸ್‌ಫರ್ಡ್‌ಗೆ ಆರ್ಥಿಕವಾಗಿ ಸುರಕ್ಷಿತವಲ್ಲದ ಉದ್ಯಮವಾಗಿ ತಂದಿರುವಂತೆ ಮತ್ತು ೧೪೮೦ಮತ್ತು ೧೪೮೩ರ ಆಸುಪಾಸು ನಗರದಲ್ಲಿ ಕೆಲಸ ಮಾಡಿರುವಂತೆ ಕಾಣುತ್ತದೆ. ೧೪೭೮ರಲ್ಲಿ ಆಕ್ಸ್‌ಫರ್ಡ್‌ನಲ್ಲಿ ಮುದ್ರಣವಾದ ಪ್ರಥಮ ಪುಸ್ತಕ, ರುಫಿನಸ್ ಆವೃತ್ತಿಯಾದ ಎಕ್ಸ್‌ಪೋಸಿಶಿಯೊ ಇನ್ ಸಿಂಬೋಲಂ ಅಪೋಸ್ಟೋಲೋರಂ ಇನ್ನೊಬ್ಬ ಅಜ್ಞಾತ ಮುದ್ರಕ ಮುದ್ರಿಸಿದ್ದಾನೆ. ಪ್ರಖ್ಯಾತವಾಗಿ, ರೋಮನ್ ಸಂಖ್ಯಾವಾಚಕದಲ್ಲಿ ೧೪೬೮ಎಂದು ತಪ್ಪಾಗಿ ದಿನಾಂಕ ನಮೂದಿತವಾಗಿದೆ. ಹೀಗೆ ಕಾಕ್ಸ್‌ಟನ್‌ಗಿಂತ ಮುಂಚಿನ ದಿನಾಂಕವನ್ನು ಸ್ಪಷ್ಟಪಡಿಸುತ್ತದೆ. ರೂಡ್ಸ್ ಮುದ್ರಣವು ಜಾನ್ ಆಂಕಿವಿಲ್‌ರ ಕಂಪೆಂಡಿಯಂ ಟಾಟಿಯಸ್ ಗ್ರಾಮೆಟಿಕ ಒಳಗೊಂಡಿದ್ದು, ಲ್ಯಾಟಿನ್ ವ್ಯಾಕರಣ ಬೋಧಿಸಲು ಹೊಸ ಮಾನದಂಡಗಳನ್ನು ಗೊತ್ತುಮಾಡಿತು.[೬] ರೂಡ್ ನಂತರ, ವಿಶ್ವವಿದ್ಯಾನಿಲಯಕ್ಕೆ ಸಂಬಂಧಿಸಿದ ಮುದ್ರಣವು ಅರ್ಧ ಶತಮಾನದವರೆಗೆ ವಿರಳವಾಗಿತ್ತು. ದಾಖಲೆಗಳು ಅಥವಾ ಉಳಿದುಕೊಂಡ ಕೃತಿ ಕೆಲವೇ ಕೆಲವಾಗಿತ್ತು. ಆಕ್ಸ್‌ಫರ್ಡ್ ೧೫೮೦ರ ದಶಕದವರೆಗೆ ಮುದ್ರಣವನ್ನು ದೃಢ ಹೆಜ್ಜೆಯಿಂದ ಇಡಲಿಲ್ಲ. ಇದು ಕೇಂಬ್ರಿಜ್ ವಿಶ್ವವಿದ್ಯಾನಿಲಯದ ಪ್ರಯತ್ನಗಳನ್ನು ಅನುಸರಿಸಿತು. ಅದು ತನ್ನ ಮುದ್ರಣಾಲಯಕ್ಕಾಗಿ ೧೫೩೪ರಲ್ಲಿ ಪರವಾನಗಿಯನ್ನು ಪಡೆದಿತ್ತು. ರಾಜಪ್ರಭುತ್ವ ಮತ್ತು ಸ್ಟೇಷನರ್ಸ್ ಕಂಪೆನಿ ಹೇರಿದ ಲಂಡನ್ ಹೊರಗೆ ಮುದ್ರಣ ಮಾಡುವ ಅಡೆತಡೆಗಳಿಗೆ ಪ್ರತಿಕ್ರಿಯೆಯಾಗಿ, ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯದಲ್ಲಿ ಮುದ್ರಣಾಲಯ ನಡೆಸಲು ಔಪಚಾರಿಕ ಹಕ್ಕಿಗಾಗಿ ಒಂದನೇ ಎಲಿಜಬೆತ್ ಅವರಿಗೆ ಅರ್ಜಿ ಸಲ್ಲಿಸಿತು. ಚಾನ್ಸಲರ್ ರಾಬರ್ಟ್ ಡಡ್ಲಿ, ಲೈಸೆಸ್ಟರ್‌ನ ಅರ್ಲ್, ಆಕ್ಸ್‌ಫರ್ಡ್ ಪ್ರಕರಣದ ಬಗ್ಗೆ ಮನವಿ ಸಲ್ಲಿಸಿದರು. ರಾಜಪ್ರಭುತ್ವದ ಕೆಲವು ಅನುಮತಿ ಸಿಕ್ಕಿತು. ಆಗಿನಿಂದ ಮುದ್ರಣಕಾರ ಜೋಸೆಫ್ ಬಾರ್ನ್ಸ್ ಕೆಲಸ ಆರಂಭಿಸಿದರು. ೧೫೮೬ರಲ್ಲಿ ಆಕ್ಸ್‌ಫರ್ಡ್ ಯೂನಿವರ್ಸಿಟಿಯಲ್ಲಿ ಮುದ್ರಣಾಲಯದ ಕಾನೂನು ಅಸ್ತಿತ್ವದ ಬಗ್ಗೆ ಸ್ಟಾರ್ ಚೇಂಬರ್(ಇಂಗ್ಲೀಷ್ ಕೋರ್ಟ್)ನ ತೀರ್ಪು ಗಮನಸೆಳೆಯಿತು.[೭]

೧೭ನೇ ಶತಮಾನ:ವಿಲಿಯಂ ಲಾಡ್ & ಜಾನ್ ಫೆಲ್[ಬದಲಾಯಿಸಿ]

ಆಕ್ಸ್‌ಫರ್ಡ್‌ನ ಚಾನ್ಸಲರ್ ಆರ್ಕ್‌ಬಿಷಪ್ ವಿಲಿಯಂ ಲಾಡ್ ೧೬೩೦ರ ದಶಕದಲ್ಲಿ ವಿಶ್ವವಿದ್ಯಾನಿಲಯದ ಮುದ್ರಣದ ಕಾನೂನಿನ ಸ್ಥಾನಮಾನವನ್ನು ಬಲಪಡಿಸಿದರು. ಲಾಡ್ ವಿಶ್ವ ದರ್ಜೆಯ ಏಕೀಕೃತ ಮುದ್ರಣಾಲಯವನ್ನು ರೂಪಿಸಿದರು. ಆಕ್ಸ್‌‍ಫರ್ಡ್ ವಿಶ್ವವಿದ್ಯಾನಿಲಯದ ಆಸ್ತಿಯಲ್ಲಿ ಅದನ್ನು ನಿರ್ಮಿಸುವುದು, ಅದರ ನಿರ್ವಹಣೆಗಳ ಆಡಳಿತ ವಹಿಸುವುದು, ಸಿಬ್ಬಂದಿಯನ್ನು ನೇಮಕ ಮಾಡುವುದು ಮತ್ತು ಅದರ ಮುದ್ರಣಾಲಯ ಕೆಲಸವನ್ನು ನಿರ್ಧರಿಸುವುದು ಮತ್ತು ಅದರಿಂದ ಉಂಟಾದ ಆದಾಯದ ಅನುಕೂಲ ಪಡೆಯುವುದಾಗಿತ್ತು. ಈ ಉದ್ದೇಶಕ್ಕಾಗಿ ಅವರು ಒಂದನೇ ಚಾರ್ಲ್ಸ್ ಅವರಿಗೆ ಹಕ್ಕುಗಳ ಸಲುವಾಗಿ ಅರ್ಜಿ ಸಲ್ಲಿಸಿದರು. ಈ ಹಕ್ಕುಗಳು ಸ್ಟೇಷನರ್ಸ್ ಕಂಪೆನಿ ಮತ್ತು ಕಿಂಗ್ಸ್ ಪ್ರಿಂಟರ್ ಜತೆ ಸ್ಪರ್ಧಿಸಲು ಆಕ್ಸ್‌ಫರ್ಡ್‌ಗೆ ಅನುಕೂಲ ಒದಗಿಸಿತು ಮತ್ತು ಅದಕ್ಕೆ ನೆರವಾಗಲು ರಾಜಪ್ರಭುತ್ವದ ಸರಣಿ ಅನುದಾನಗಳನ್ನು ಪಡೆಯಿತು. ೧೬೩೬ರಲ್ಲಿ ಆಕ್ಸ್‌ಫರ್ಡ್ ಗ್ರೇಟ್ ಚಾರ್ಟರ್‌ನಲ್ಲಿ ಇವನ್ನು ಒಟ್ಟಿಗೆ ತರಲಾಯಿತು. ಇದು ವಿಶ್ವವಿದ್ಯಾನಿಲಯಕ್ಕೆ ಎಲ್ಲ ರೀತಿಯ ಪುಸ್ತಕಗಳನ್ನು ಮುದ್ರಿಸಲು ಹಕ್ಕು ನೀಡಿತು. ಲಾಡ್ ರಾಜಪ್ರಭುತ್ವದಿಂದ ಕಿಂಗ್ ಜೇಮ್ಸ್ ಅಥವಾ ಧಾರ್ಮಿಕ ಪುಸ್ತಕದ ಅಧಿಕೃತ ಆವೃತ್ತಿಯನ್ನು ಆಕ್ಸ್‌ಫರ್ಡ್‌ನಲ್ಲಿ ಮುದ್ರಿಸುವ ಸವಲತ್ತು ಕೂಡ ಗಳಿಸಿಕೊಂಡರು.[೮] ಈ "ಸವಲತ್ತು" ಮುಂದಿನ ೨೫೦ ವರ್ಷಗಳಲ್ಲಿ ಗಣನೀಯ ಆದಾಯವನ್ನು ತಂದುಕೊಟ್ಟಿತು. ಆದರೂ ಆರಂಭದಲ್ಲಿ ಇದನ್ನು ತಡೆಹಿಡಿಯಲಾಯಿತು. ಸ್ಟೇಷನರ್ಸ್ ಕಂಪೆನಿಯು ತನ್ನ ವ್ಯಾಪಾರಕ್ಕೆ ಬೆದರಿಕೆಯ ಬಗ್ಗೆ ತೀವ್ರವಾಗಿ ಗಾಬರಿಗೊಂಡಿತು ಮತ್ತು ಆಕ್ಸ್‌ಫರ್ಡ್ ಜತೆ "ಬಳಸದಿರುವ ಕರಾರು" ಸ್ಥಾಪಿಸುವುದನ್ನು ಶೀಘ್ರದಲ್ಲೇ ಕೈಗೊಂಡಿತು. ಇದರ ಅನ್ವಯ, ಸ್ಟೇಷನರ್ಸ್ ವಿಶ್ವವಿದ್ಯಾನಿಲಯಕ್ಕೆ ತನ್ನ ಪೂರ್ಣ ಮುದ್ರಣ ಹಕ್ಕುಗಳನ್ನು ಚಲಾಯಿಸದಂತೆ ವಾರ್ಷಿಕ ಬಾಡಿಗೆ ಪಾವತಿ ಮಾಡಿತು-ಈ ಹಣವನ್ನು ಆಕ್ಸ್‌ಫರ್ಡ್ ಸಣ್ಣ ಉದ್ದೇಶಗಳಿಗಾಗಿ ಹೊಸ ಮುದ್ರಣ ಉಪಕರಣವನ್ನು ಖರೀದಿಸಲು ಬಳಸಿತು.[೯] ಲಾಡ್ ಮುದ್ರಣಾಲಯದ ಆಂತರಿಕ ಸಂಘಟನೆಯಲ್ಲಿ ಕೂಡ ಪ್ರಗತಿ ಸಾಧಿಸಿದರು. ಪ್ರತಿನಿಧಿಗಳ ವ್ಯವಸ್ಥೆ ಸ್ಥಾಪಿಸಿದ್ದಲ್ಲದೇ, ವ್ಯಾಪಕ ಪ್ರಮಾಣದ ಮೇಲ್ವಿಚಾರಣೆ ಹುದ್ದೆಯಾದ "ಆರ್ಕಿಟೈಪೋಗ್ರಾಫಸ್" ಸೃಷ್ಟಿಸಿದರು. ಶಿಕ್ಷಣತಜ್ಞರಾದ ಇವರು ಮುದ್ರಣಾಲಯ ನಿರ್ವಹಣೆಯಿಂದ ಕರಡಚ್ಚು ತಿದ್ದುವವರೆಗೆ ವ್ಯವಹಾರದ ಎಲ್ಲ ಚಟುವಟಿಕೆಗಳ ಜವಾಬ್ದಾರಿ ವಹಿಸಿದರು. ಈ ಹುದ್ದೆಯು ಕಾರ್ಯಾತ್ಮಕ ವಾಸ್ತವಕ್ಕಿಂತ ಹೆಚ್ಚು ಆದರ್ಶಸ್ವರೂಪದ್ದಾಗಿತ್ತು. ಆದರೆ ಇದು ೧೮ನೇ ಶತಮಾನದವರೆಗೆ ಸಡಿಲವಾದ ರಚನೆಯ ಮುದ್ರಣಾಲಯದಲ್ಲಿ (ಬಹುಮಟ್ಟಿಗೆಕನಿಷ್ಟ ಕರ್ತವ್ಯದ ಕಚೇರಿ(ಸಿನೆಕ್ಯೂರ್)) ಉಳಿದುಕೊಂಡಿತು. ಕಾರ್ಯತಃ ಆಕ್ಸ್‌ಫರ್ಡ್ ಮಳಿಗೆಯ ಪಾಲಕ ವ್ಯಾಪಾರ, ಲೆಕ್ಕಪತ್ರ ಮತ್ತು ಮುದ್ರಣಾಲಯ ಸಿಬ್ಬಂದಿಯನ್ನು ನೇಮಿಸಿಕೊಳ್ಳುವ, ತೆಗೆದುಹಾಕುವ ವ್ಯವಹಾರದಲ್ಲಿ ತೊಡಗಿದರು.[೧೦] ಆದಾಗ್ಯೂ, ಲಾಡ್ ಯೋಜನೆಗಳು ವೈಯಕ್ತಿಕವಾಗಿ ಮತ್ತು ರಾಜಕೀಯವಾಗಿ ಭಯಾನಕ ತೊಡಕುಗಳನ್ನು ಅನುಭವಿಸಿತು. ರಾಜಕೀಯ ಒಳಸಂಚಿನ ಅನ್ಯಾಯಕ್ಕೆ ಬಲಿಯಾದ ಅವರನ್ನು ೧೬೪೫ರಲ್ಲಿ ಗಲ್ಲಿಗೇರಿಸಲಾಯಿತು. ಆ ಸಂದರ್ಭದಲ್ಲಿ ಇಂಗ್ಲೀಷ್ ಅಂತರ್ಯುದ್ಧ ಕಾಣಿಸಿಕೊಂಡಿತು. ಸಂಘರ್ಷದ ಸಮಯದಲ್ಲಿ ಆಕ್ಸ್‌ಫರ್ಡ್ ರಾಜಪ್ರಭುತ್ವವಾದಿಯ ಭದ್ರಕೋಟೆಯಾಯಿತು. ನಗರದ ಅನೇಕ ಮುದ್ರಕರು ರಾಜಕೀಯ ಕರಪತ್ರಗಳನ್ನು ಅಥವಾ ಧರ್ಮೋಪದೇಶವನ್ನು ತಯಾರಿಸುವ ಬಗ್ಗೆ ಗಮನಹರಿಸಿದರು. ಈ ಕಾಲದಲ್ಲಿ ಕೆಲವು ಮಹೋನ್ನತ ಗಣಿತ ಮತ್ತು ಪೌರಸ್ತ್ಯ ಅಧ್ಯಯನ ಕೃತಿಗಳು ಹೊಮ್ಮಿದವು-ವಿಶೇಷವಾಗಿ ಹೆಬ್ರಿವ್‌ನ ರೀಜಿಯಸ್ ಪ್ರಾಧ್ಯಾಪಕ ಎಡ್ವರ್ಡ್ ಪೊಕೋಕ್ ಸಂಪಾದಿಸಿದ ಪಠ್ಯಗಳು-ಆದರೆ ೧೬೬೦ರಲ್ಲಿ ರಾಜಪ್ರಭುತ್ವ ಮರುಸ್ಥಾಪನೆ ತನಕ ಲಾಡ್ ಅವರ ಮಾದರಿಯ ಬಗ್ಗೆ ಯಾವುದೇ ವಿಶ್ವವಿದ್ಯಾನಿಲಯದ ಮುದ್ರಣವು ಸಾಧ್ಯವಾಗಲಿಲ್ಲ.[೧೧] ಇದನ್ನು ಅಂತಿಮವಾಗಿ ಉಪಕುಲಪತಿ ಮತ್ತು ಕ್ರೈಸ್ಟ್ ಚರ್ಚ್ ಡೀನ್, ಆಕ್ಸ್‌ಫರ್ಡ್ ಬಿಷಪ್ ಮತ್ತು ಪ್ರತಿನಿಧಿಗಳ ಕಾರ್ಯದರ್ಶಿ ಜಾನ್ ಫೆಲ್ ಅವರಿಂದ ಸ್ಥಾಪನೆಯಾಯಿತು. ಫೆಲ್ ಅವರು ಲಾಡ್ ಅವರನ್ನು ಹುತಾತ್ಮ ಎಂದು ಪರಿಗಣಿಸಿದರು ಮತ್ತು ಮುದ್ರಣಾಲಯದ ಬಗ್ಗೆ ಅವರ ದೂರದೃಷ್ಟಿಗೆ ಮನ್ನಣೆ ನೀಡಲು ನಿರ್ಧರಿಸಿದರು. ಗ್ರೇಟ್ ಚಾರ್ಟರ್ ನಿಯಮಗಳನ್ನು ಬಳಸಿಕೊಂಡು, ಸ್ಟೇಷನರ್ಸ್‌ನಿಂದ ಮತ್ತಷ್ಟು ಪಾವತಿಗಳನ್ನು ನಿರಾಕರಿಸುವಂತೆ ಫೆಲ್ ಆಕ್ಸ್‌ಫರ್ಡ್ ಮನವೊಲಿಸಿದರು ಮತ್ತು ವಿಶ್ವವಿದ್ಯಾನಿಲಯಕ್ಕೆ ಕೆಲಸ ಮಾಡುವ ಎಲ್ಲ ಮುದ್ರಕರನ್ನು ಒಂದೇ ಕಟ್ಟಡದಲ್ಲಿ ತಂದರು. ಈ ವ್ಯವಹಾರವನ್ನು ಹೊಸ ಶೆಲ್ಡೋನಿಯನ್ ಥಿಯೇಟರ್‌ನ ನೆಲಮಾಳಿಗೆಗಳಲ್ಲಿ ಸ್ಥಾಪಿಸಲಾಯಿತು. ಅಲ್ಲಿ ಫೆಲ್ ೧೬೬೮ರಲ್ಲಿ ಮುದ್ರಣಾಲಯವನ್ನು ಸ್ಥಾಪಿಸಿದರು ಮತ್ತು ವಿಶ್ವವಿದ್ಯಾನಿಲಯದ ಪ್ರಥಮ ಕೇಂದ್ರ ಮುದ್ರಣಾಲಯವನ್ನಾಗಿ ಅದನ್ನು ಮಾಡಿದರು.[೧೨] ಫೆಲ್ ಹಾಲೆಂಡ್‌ನಿಂದ ಫೆಲ್ ಟೈಪ್ಸ್ ಎಂದು ಹೆಸರಾದ ಮುದ್ರಣಕಲೆಯ ಛಾಪಾಮುದ್ರಕಗಳು ಮತ್ತು ಎರಕ ಹೊಯ್ಯುವ ಅಚ್ಚುಗಳ ದೊಡ್ಡ ದಾಸ್ತಾನನ್ನು ಸಂಗ್ರಹಿಸಿದಾಗ, ಅಚ್ಚಿನ ಮೊಳೆಯ ಫೌಂಡ್ರಿ ಸೇರ್ಪಡೆಯಾಯಿತು. ಅವರು ಆಕ್ಸ್‌ಫರ್ಡ್‌ನಲ್ಲಿ ಮುದ್ರಣಾಲಯಕ್ಕಾಗಿ ಕೆಲಸ ಮಾಡಲು ಎರಡು ಡಚ್ ಅಚ್ಚಿನ ಮೊಳೆಯ ಫೌಂಡರ್‌ಗಳಾದ ಹರ್ಮಾನ್ ಹರ್ಮಾಂಜ್ ಮತ್ತು ಪೀಟರ್ ಡೆ ವಾಲ್ಪರ್ಜನ್‌ ತಂದರು.[೧೩] ಅಂತಿಮವಾಗಿ ಸ್ಟೇಷನರ್ಸ್ ಬೇಡಿಕೆಗಳನ್ನು ಧಿಕ್ಕರಿಸಿ, ಫೆಲ್ ವೈಯಕ್ತಿಕವಾಗಿ ೧೬೭೨ರಲ್ಲಿ ವಿಶ್ವವಿದ್ಯಾನಿಲಯದಿಂದ ಮುದ್ರಣದ ಹಕ್ಕನ್ನು ಗುತ್ತಿಗೆ ನೀಡಿದರು. ಬ್ರೇಸ್‌ನೋಸ್ ಪ್ರಾಂಶುಪಾಲ ಥಾಮಸ್ ಯೇಟ್ ಮತ್ತು ಜೀಸಸ್ ಕಾಲೇಜಿನ ಪ್ರಾಂಶುಪಾಲ ಸರ್ ಲಿಯೋಲೈನ್ ಜೆಂಕಿನ್ಸ್ ಸಹಯೋಗದಲ್ಲಿ ಈ ಗುತ್ತಿಗೆಯನ್ನು ನೀಡಿದರು.[೧೪] ಫೆಲ್ ಅವರ ಯೋಜನೆ ಮಹತ್ವಾಕಾಂಕ್ಷೆಯಿಂದ ಕೂಡಿತ್ತು. ಶೈಕ್ಷಣಿಕ ಮತ್ತು ಧಾರ್ಮಿಕ ಕೃತಿಗಳ ಯೋಜನೆಯಲ್ಲದೇ, ೧೬೭೪ರಲ್ಲಿ ಅವರು ಆಕ್ಸ್‌ಫರ್ಡ್ ಆಲ್ಮಾನಾಕ್ ಎಂದು ಹೆಸರಾದ ಬ್ರಾಡ್‌ಶೀಟ್ ಕ್ಯಾಲೆಂಡರ್ ಮುದ್ರಣವನ್ನು ಆರಂಭಿಸಿದರು. ಮುಂಚಿನ ಆವೃತ್ತಿಗಳಲ್ಲಿ ಆಕ್ಸ್‌ಫರ್ಡ್ ಸಾಂಕೇತಿಕ ಅಭಿಪ್ರಾಯಗಳು ಮುಖ್ಯ ಲಕ್ಷಣವಾಗಿ ಕಂಡಿತು. ಆದರೆ ೧೭೬೬ರಲ್ಲಿ ನಗರ ಅಥವಾ ವಿಶ್ವವಿದ್ಯಾನಿಲಯದ ವಾಸ್ತವ ಅಧ್ಯಯನಗಳಿಗೆ ಇದು ದಾರಿ ಕಲ್ಪಿಸಿತು.[೧೫] ಫೆಲ್ ಅವರ ಕಾಲದಿಂದ ಪ್ರಸಕ್ತ ದಿನದವರೆಗೆ ಯಾವುದೇ ಅಡೆತಡೆಯಿಲ್ಲದೇ ಆಲ್ಮನಾಕ್‌ಗಳನ್ನು ವಾರ್ಷಿಕವಾಗಿ ಉತ್ಪಾದಿಸಲಾಯಿತು.[೧೬] ಈ ಕೆಲಸದ ಆರಂಭದ ನಂತರ, ವಿಶ್ವವಿದ್ಯಾನಿಲಯದ ಮುದ್ರಣಕ್ಕಾಗಿ ಫೆಲ್ ಪ್ರಥಮ ಔಪಚಾರಿಕ ಕಾರ್ಯಕ್ರಮವನ್ನು ರೂಪಿಸಿದರು. ೧೬೭೫ರ ದಿನಾಂಕದಿಂದ ಈ ದಾಖಲೆಯು ನೂರಾರು ಕೃತಿಗಳನ್ನು ರೂಪಿಸಿತು. ಇವುಗಳಲ್ಲಿ ಗ್ರೀಕ್ ‌ಬೈಬಲ್, ಕಾಪ್ಟಿಕ್ ಸುವಾರ್ತೆಗಳ ಆವೃತ್ತಿಗಳು ಮತ್ತು ಚರ್ಚ್ ಪಾದ್ರಿಗಳಕೃತಿಗಳು, ಅರೇಬಿಕ್ ಮತ್ತುಸಿರಿಯಾಕ್‌ ಪಠ್ಯಗಳು, ಶಾಸ್ತ್ರೀಯ ತತ್ವಶಾಸ್ತ್ರದ ಸಮಗ್ರ ಆವೃತ್ತಿಗಳು,ಕವಿತೆ, ಮತ್ತು ಗಣಿತ, ವ್ಯಾಪಕ ಮಧ್ಯಯುಗೀನ ವಿದ್ಯಾರ್ಥಿವೇತನ, ಮತ್ತು ಕೀಟಗಳಇತಿಹಾಸ, "[೧೭] ಆಗ ಅಸ್ತಿತ್ವದಲ್ಲಿದ್ದ ಕೃತಿಗಳಿಗಿಂತ ಪರಿಪೂರ್ಣವಾಗಿತ್ತು. ಉದ್ದೇಶಿತ ಶೀರ್ಷಿಕೆಗಳಲ್ಲಿ ಕೆಲವು ಫೆಲ್ ಜೀವಿತಾವಧಿಯಲ್ಲಿ ಕಾಣಿಸಿಕೊಂಡರೂ, ಬೈಬಲ್ ಮುದ್ರಣವು ಅವರ ಮನಸ್ಸಿನ ಮುಂಚೂಣಿಯಲ್ಲಿ ಉಳಿಯಿತು. ಧಾರ್ಮಿಕ ಗ್ರಂಥದ ಗ್ರೀಕ್ ಪಠ್ಯದ ಪೂರ್ಣ ವ್ಯತ್ಯಾಸ ಅಸಾಧ್ಯವೆನಿಸಿತು. ಆದರೆ ೧೬೭೫ರಲ್ಲಿ ಆಕ್ಸ್‌ಫರ್ಡ್ ಕಿಂಗ್ ಜೇಮ್ಸ್ ಆವೃತ್ತಿ ಕ್ವಾರ್ಟೊವನ್ನು ಮುದ್ರಿಸಿತು ಮತ್ತು ಅದು ಫೆಲ್ ಅವರ ಸ್ವಯಂ ಪಠ್ಯ ಬದಲಾವಣೆಗಳು ಮತ್ತು ಕಾಗುಣಿತವನ್ನು ಒಳಗೊಂಡಿತ್ತು. ಈ ಕೆಲಸವು ಸ್ಟೇಷನರ್ಸ್ ಕಂಪೆನಿ ಜತೆ ಇನ್ನಷ್ಟು ಸಂಘರ್ಷಕ್ಕೆ ಪ್ರಚೋದನೆ ನೀಡಿತು. ಇದಕ್ಕೆ ಪ್ರತಿಯಾಗಿ, ಫೆಲ್ ವಿಶ್ವವಿದ್ಯಾನಿಲಯದ ಬೈಬಲ್ ಮುದ್ರಣವನ್ನು ಮಾಸಸ್ ಪಿಟ್, ಪೀಟರ್ ಪಾರ್ಕರ್ ಮತ್ತು ಥಾಮಸ್ ಗೈ ಎಂಬ ಮೂವರು ಪುಂಡ ಲೇಖನ ವ್ಯಾಪಾರಿಗಳಿಗೆ ಗುತ್ತಿಗೆ ನೀಡಿದರು. ಅವರ ತೀವ್ರವಾದ ವಾಣಿಜ್ಯ ಪ್ರವೃತ್ತಿಗಳು ಆಕ್ಸ್‌ಫರ್ಡ್ ಬೈಬಲ್ ವ್ಯಾಪಾರದ ಉತ್ತೇಜನಕ್ಕೆ ಅತೀಮುಖ್ಯವಾಯಿತು.[೧೮] ಆದಾಗ್ಯೂ ಅವರ ಪಾಲ್ಗೊಳ್ಳುವಿಕೆಯು ಆಕ್ಸ್‌ಫರ್ಡ್ ಮತ್ತು ಲೇಖನ ಮಾರಾಟಗಾರರ ನಡುವೆ ಕಾನೂನಿನ ನಿರಂತರ ಕದನಕ್ಕೆ ದಾರಿಯಾಯಿತು. ಫೆಲ್ ಜೀವನದ ಉಳಿದ ಭಾಗದವರೆಗೆ ಈ ವ್ಯಾಜ್ಯವು ಎಳೆಯಿತು. ಅವರು ೧೬೮೬ರಲ್ಲಿ ಮೃತಪಟ್ಟರು.[೧೯]

೧೮ನೇ ಶತಮಾನ: ಕ್ಲಾರೆಂಡನ್ ಕಟ್ಟಡ ಮತ್ತು ಬ್ಲಾಕ್‌ಸ್ಟೋನ್[ಬದಲಾಯಿಸಿ]

ಯೇಟ್ ಮತ್ತು ಜೆಂಕಿನ್ಸ್ ಫೆಲ್‌ಗಿಂತ ಮುಂಚಿತವಾಗಿ ಮರಣವಪ್ಪಿದ್ದರಿಂದ ಮುದ್ರಣಾಲಯದ ಮೇಲ್ವಿಚಾರಣೆ ವಹಿಸುವ ಸ್ಪಷ್ಟ ವಾರಸುದಾರ ಇರಲಿಲ್ಲ. ಇದರ ಫಲವಾಗಿ, ಅವರ ಮರಣಪತ್ರವು ಸಹಯೋಗಿಗಳ ದಾಸ್ತಾನು ಮತ್ತು ಗುತ್ತಿಗೆಯನ್ನು ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯದ ಟ್ರಸ್ಟ್‌ನಲ್ಲಿ ಉಳಿಸಿತು ಮತ್ತು ಮುದ್ರಣಾಲಯದ ಸಂಸ್ಥಾಪಕ ಉಪಕರಣಗಳನ್ನು ಒಟ್ಟಿಗೆ ಇರಿಸುವ ಜವಾಬ್ದಾರಿಯನ್ನು ಅವರಿಗೆ ವಹಿಸಿತು.[೨೦] ಫೆಲ್ ಅವರ ಮುಖ್ಯ ಟ್ರಸ್ಟಿ ಕ್ರೈಸ್ಟ್ ಚರ್ಚ್ ಡೀನ್‌ ಆಗಿರುವ ಪ್ರತಿನಿಧಿ ಹೆನ್ರಿ ಆಲ್ಡ್ರಿಕ್ ಆಗಿದ್ದು, ಆಕ್ಸ್‌ಫರ್ಡ್ ಪುಸ್ತಕಗಳ ಅಲಂಕೃತ ಕೆಲಸದಲ್ಲಿ ತೀವ್ರ ಆಸಕ್ತಿಯನ್ನು ವಹಿಸಿದರು. ಅವರು ಮತ್ತು ಅವರ ಸಹೋದ್ಯೋಗಿಗಳು ಪಾರ್ಕರ್ ಮತ್ತು ಗೈ ಗುತ್ತಿಗೆಯ ಅಂತ್ಯದಲ್ಲಿ ಉಪಸ್ಥಿತರಿದ್ದರು. ೧೬೯೧ರಲ್ಲಿ ಹೊಸ ವ್ಯವಸ್ಥೆಯೊಂದರಲ್ಲಿ ಸ್ಟೇಷನರ್ಸ್ ಮಾರಾಟವಾಗದ ಪಾಂಡಿತ್ಯಪೂರ್ಣ ದಾಸ್ತಾನು ಸೇರಿದಂತೆ ಆಕ್ಸ್‌ಫರ್ಡ್‌ನ ಇಡೀ ಮುದ್ರಣ ಸವಲತ್ತನ್ನು ಗುತ್ತಿಗೆ ನೀಡಿತು. ಶೆಲ್ಡೋನಿಯನ್‌ನಲ್ಲಿ ಕೆಲವು ಮುದ್ರಕರಿಂದ ಹಿಂಸಾತ್ಮಕ ವಿರೋಧದ ನಡುವೆಯೂ, ಆಕ್ಸ್‌ಫರ್ಡ್ ಮತ್ತು ಸ್ಟೇಷನರ್ಸ್ ನಡುವೆ ಘರ್ಷಣೆ ಇದರಿಂದ ಕೊನೆಗೊಂಡಿತು ಮತ್ತು ಸ್ಥಿರ ವಿಶ್ವವಿದ್ಯಾನಿಲಯ ಮುದ್ರಣ ವ್ಯವಹಾರದ ಪರಿಣಾಮಕಾರಿ ಆರಂಭದ ಗುರುತಾಯಿತು.[೨೧] ೧೭೧೩ರಲ್ಲಿ, ಆಲ್ಡ್ರಿಕ್, ಮುದ್ರಣಾಲಯವು ಕ್ಲಾರೆಂಡನ್ ಕಟ್ಟಡಕ್ಕೆ ಸ್ಥಳಾಂತರವಾಗುವುದಕ್ಕೆ ಮೇಲ್ವಿಚಾರಣೆ ವಹಿಸಿದರು. ಇದನ್ನು ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯದ ಕುಲಪತಿ, ಕ್ಲಾರೆಂಡನ್ ಪ್ರಥಮ ಅರ್ಲ್ ಎಡ್ವರ್ಡ್ ಹೈಡ್ ಗೌರವಾರ್ಥ ಹೆಸರಿಸಲಾಯಿತು. ತಮ್ಮ ಪುಸ್ತಕ ದಿ ಹಿಸ್ಟರಿ ಆಫ್ ದಿ ರಿಬೆಲಿಯನ್ ಎಂಡ್ ಸಿವಿಲ್ ವಾರ್ಸ್ ಇನ್ ಇಂಗ್ಲೆಂಡ್‌ ಪುಸ್ತಕದ ಆದಾಯದಿಂದ ಇದರ ನಿರ್ಮಾಣವನ್ನು ನಿರ್ವಹಿಸಲಾಯಿತು ಎಂದು ಆಕ್ಸ್‌ಫೋರ್ಡ್ ಲೋರ್ ಪ್ರತಿಪಾದಿಸಿದರು(೧೭೦೨–೦೪). ವಾಸ್ತವವಾಗಿ, ಆಕ್ಸ್‌ಫರ್ಡ್ ಹೊಸ ಬೈಬಲ್ ಮುದ್ರಕ ಜಾನ್ ಬಾಸ್ಕೆಟ್ ಅವರಿಂದ ಬಹುತೇಕ ಹಣ ಬಂದಿತು ಮತ್ತು ಉಪಕುಲಪತಿ ವಿಲಿಯಂ ಡಿಲೌನ್ ಕ್ಲಾರೆಂಡನ್ ಕೆಲಸದಿಂದ ಬಂದ ಬಹುಮಟ್ಟಿನ ಆದಾಯವನ್ನು ಪಾವತಿ ಮಾಡದೇ ಬಾಕಿವುಳಿಸಿಕೊಂಡರು. ಏನೇ ಆದರೂ ಇದರ ಫಲಿತಾಂಶವು ಬ್ರಾಡ್ ಸ್ಟ್ರೀಟ್‌ನ ಶೆಲ್ಡೋನಿಯನ್ ಪಕ್ಕದಲ್ಲಿ ನಿಕೋಲಾಸ್ ಹಾಕ್ಸ್‌ಮೂರ್ ಅವರ ಸುಂದರ ಆದರೆ ಅಪ್ರಾಯೋಗಿಕ ಕಟ್ಟಡ ನಿರ್ಮಾಣವಾಯಿತು. ಮುದ್ರಣಾಲಯವು ೧೮೩೦ರವರೆಗೆ ಇಲ್ಲಿ ಕೆಲಸ ನಿರ್ವಹಿಸಿತು. ಕಟ್ಟಡದ ವಿವಿಧ ವಿಭಾಗಗಳಲ್ಲಿ ಅದರ ನಿರ್ವಹಣೆಗಳು ಲರ್ನಡ್ ಸೈಡ್ ಮತ್ತು ಬೈಬಲ್ ಸೈಡ್ ಎಂದು ವಿಭಜನೆಯಾಯಿತು.[೨೨] ಸಾಮಾನ್ಯವಾಗಿ ಹೇಳುವುದಾದರೆ, ೧೮ನೇ ಶತಮಾನದ ಪೂರ್ವದಲ್ಲಿ ಮುದ್ರಣಾಲಯದ ವಿಸ್ತರಣೆಯಲ್ಲಿ ನಿಲುಗಡೆ ಉಂಟಾಯಿತು. ಫೆಲ್ ಅವರಿಗೆ ಹೋಲಿಸಬಹುದಾದ ವ್ಯಕ್ತಿತ್ವದ ಅನುಪಸ್ಥಿತಿಯಿಂದ ಅದು ನರಳಿತು. ಅದರ ಇತಿಹಾಸವು ನಿರರ್ಥಕ ಅಥವಾ ಅಂಕೆಯಿಲ್ಲದ ವ್ಯಕ್ತಿಗಳಿಂದ ಗುರುತಿಸಲಾಯಿತು. ಉದಾಹರಣೆಗೆ ಆರ್ಕಿಟೈಪೋಗ್ರಾಫಸ್ ಮತ್ತು ಪುರಾತನವಸ್ತು ತಜ್ಞಥಾಮಸ್ ಹೀರ್ನ್ . ಬಾಸ್ಕೆಟ್‌ರ ಪ್ರಥಮ ಬೈಬಲ್‌ನ ದೋಷಪೂರಿತ ಯೋಜನೆಯು ಮುದ್ರಣದೋಷಗಳಿಂದ ಕೂಡಿದ ಬಹುವರ್ಣದಿಂದ ವಿನ್ಯಾಸಗೊಳಿಸಿದ ಸಂಪುಟವಾಗಿತ್ತು. ಇದು ಸೇಂಟ್ ಲ್ಯೂಕ್‌ನಲ್ಲಿ ಕಣ್ಣು ಕೋರೈಸುವ ಮುದ್ರಣಶೈಲಿಯ ದೋಷದಿಂದ ವಿನಿಗರ್ ಬೈಬಲ್ ಎಂದು ಹೆಸರಾಗಿತ್ತು. ಈ ಅವಧಿಯ ಇತರ ಮುದ್ರಣವು ರಿಚರ್ಡ್ ಆಲ್ಲಿಸ್ಟ್ರಿಯ ವಿಚಾರಶೀಲ ಪಠ್ಯಗಳು ಮತ್ತು ಥಾಮಸ್ ಹ್ಯಾಮರ್ ಅವರ ೬ ಸಂಪುಟದ ಶೇಕ್ಸ್‌ಫಿಯರ್ ಆವೃತ್ತಿ ಒಳಗೊಂಡಿದೆ(೧೭೪೩-೪).[೨೩] ಪೂರ್ವಾನ್ವಯಯವಾಗಿ ಇದು ಸಣ್ಣ ಗೆಲುವುಗಳೆಂದು ಸಾಬೀತಾಯಿತು. ಅವು ಹೆಚ್ಚಿದ ಅವ್ಯವಸ್ಥೆ, ಶಿಥಿಲತೆ ಮತ್ತು ಭ್ರಷ್ಟ ಅಭ್ಯಾಸದ ಮೂರ್ತರೂಪವಾದ ವಿಶ್ವವಿದ್ಯಾನಿಲಯ ಮುದ್ರಣಾಲಯದ ಉತ್ಪನ್ನಗಳಾದವು. ಮುದ್ರಣಾಲಯವು ಉಳಿವಿಗಾಗಿ ಬೈಬಲ್ ಮತ್ತು ಪ್ರಾರ್ಥನಾ ಪುಸ್ತಕ ಕೃತಿಗಳ ಹೆಚ್ಚೆಚ್ಚು ಗುತ್ತಿಗೆಯನ್ನು ಅವಲಂಬಿಸಬೇಕಾಯಿತು. ಏಕ ಪ್ರತಿನಿಧಿ ವಿಲಿಯಂ ಬ್ಲಾಕ್‌ಸ್ಟೋನ್ ಅವರ ಮಧ್ಯಪ್ರವೇಶದಿಂದ ಈ ಉದ್ಯಮವನ್ನು ರಕ್ಷಿಸಲಾಯಿತು. ಮುದ್ರಣಾಲಯದ ಗೊಂದಲಕಾರಿ ಸ್ಥಿತಿಯಿಂದ ಜುಗುಪ್ಸೆ ಹೊಂದಿದ ಮತ್ತು ಉಪ ಕುಲಪತಿ ಜಾರ್ಜ್ ಹಡೆಸ್‌ಫೋರ್ಡ್ ಅವರ ವಿರೋಧ ಕಟ್ಟಿಕೊಂಡ ಬ್ಲಾಕ್‌ಸ್ಟೋನ್, ಮುದ್ರಣಾಲಯವನ್ನು ಸೂಕ್ಷ್ಮ ಪರಿಶೀಲನೆಗೆ ಒಳಪಡಿಸಿದರು. ಆದರೆ ಅದರ ಬಗ್ಗೆ ಅವರ ಶೋಧನೆಗಳು ಸಂಘಟನೆಯನ್ನು ಗೊಂದಲಗೊಳಿಸಿತು ಮತ್ತು ಕೃತ್ರಿಮ ವಿಧಿವಿಧಾನಗಳು ಅವರ ಸಹೋದ್ಯೋಗಿಗಳಿಂದ ನೀರಸ ಮತ್ತು ತುಚ್ಛೀಕರಿಸುವ ಮೌನಕ್ಕೆ ಮಾತ್ರ ಎಡೆಯಾಯಿತು ಅಥವಾ ನೀರಸ ಉದಾಸೀನದಿಂದ ಕೂಡಿತ್ತು. ಜುಗುಪ್ಸೆಯಿಂದ ಬ್ಲಾಕ್‌ಸ್ಟೋನ್ ಹಡೆಸ್‌ಫೋರ್ಡ್ ಉತ್ತರಾಧಿಕಾರಿ ಥಾಮಸ್ ರಾನ್ಡಲ್ಫ್ ಅವರಿಗೆ ೧೭೫೭ರ ಮೇನಲ್ಲಿ ಬರೆದ ಸುದೀರ್ಘ ಪತ್ರವನ್ನು ಪ್ರಕಟಿಸುವ ಮೂಲಕ ವಿಶ್ವವಿದ್ಯಾನಿಲಯಕ್ಕೆ ಅದರ ಜವಾಬ್ದಾರಿಗಳನ್ನು ಎದುರಿಸುವಂತೆ ಬಲಪ್ರಯೋಗಿಸಿದರು. ಇಲ್ಲಿ, ಬ್ಲಾಕ್‌ಸ್ಟೋನ್ ಮುದ್ರಣಾಲಯವನ್ನು ಸ್ವಭಾವಸಿದ್ಧ ಸಂಸ್ಥೆಯೆಂದೂ ಮತ್ತು ವಿದ್ಯಾರ್ಥಿವೇತನವನ್ನು ನೀಡುವ ಎಲ್ಲ ಹಕ್ಕನ್ನು ತ್ಯಜಿಸಿದ್ದು, ಸೋಂಬೇರಿ ಮಸುಕಿನಲ್ಲಿ...ಪ್ರಭಾವಶಾಲಿ ಮೆಕಾನಿಕ್‌ಗಳ ಗೂಡಿನಲ್ಲಿ ಕೊಳೆಯುತ್ತಿದೆ ಎಂದು ಚಿತ್ರಿಸಿದರು" ಇಂತಹ ಅಪಮಾನಕರ ಪರಿಸ್ಥಿತಿಗಳನ್ನು ಗುಣಪಡಿಸಲು ಬ್ಲಾಕ್‌ಸ್ಟೋನ್ ವ್ಯಾಪಕ ಸುಧಾರಣೆಗಳಿಗೆ ಕರೆ ನೀಡಿದರು. ಅವು ಪ್ರತಿನಿಧಿಗಳ ಅಧಿಕಾರಗಳು ಮತ್ತು ಕರ್ತವ್ಯಗಳನ್ನು ದೃಢವಾಗಿ ಗೊತ್ತುಮಾಡಿತು. ಅಧಿಕೃತವಾಗಿ ಅವರ ಚರ್ಚೆಗಳನ್ನು ಮತ್ತು ಲೆಕ್ಕಪತ್ರಗಳನ್ನು ದಾಖಲುಮಾಡಿತು ಮತ್ತು ದಕ್ಷ ಹೆಜ್ಜೆಯಲ್ಲಿ ಮುದ್ರಣಾಲಯವನ್ನು ಇರಿಸಿತು.[೨೪] ಆದಾಗ್ಯೂ, ರಾಂಡೋಲ್ಫ್ ದಾಖಲೆಯನ್ನು ತಿರಸ್ಕರಿಸಿದರು ಮತ್ತು ಬ್ಲಾಕ್‌ಸ್ಟೋನ್ ಕಾನೂನು ಕ್ರಮದ ಬೆದರಿಕೆ ಹಾಕಿದ ನಂತರ ಬದಲಾವಣೆಗಳು ಆರಂಭವಾಯಿತು. ವಿಶ್ವವಿದ್ಯಾನಿಲಯವು ೧೭೬೦ರಲ್ಲಿ ಬ್ಲಾಕ್‌ಸ್ಟೋನ್‌ರ ಎಲ್ಲ ಸುಧಾರಣೆಗಳನ್ನು ಅಳವಡಿಸಿಕೊಳ್ಳಲು ಆರಂಭಿಸಿತು.[೨೫] ೧೮ನೇ ಶತಮಾನದ ಕೊನೆಯಲ್ಲಿ, ಮುದ್ರಣಾಲಯವು ಹೆಚ್ಚು ಗಮನಸೆಳೆಯಿತು. ಮುಂಚಿನ ಕೃತಿಸ್ವಾಮ್ಯ ಕಾನೂನು ಸ್ಟೇಷನರ್ಸ್‌ನ್ನು ಅಸ್ಥಿರಗೊಳಿಸಿತು ಮತ್ತು ವಿಶ್ವವಿದ್ಯಾನಿಲಯವು ಅನುಭವಿ ಮುದ್ರಕರಿಗೆ ತನ್ನ ಬೈಬಲ್ ಕೆಲಸವನ್ನು ಗುತ್ತಿಗೆ ನೀಡಿತು. ಅಮೆರಿಕದ ಸ್ವಾತಂತ್ರ್ಯ ಹೋರಾಟದಿಂದ ಆಕ್ಸ್‌ಫರ್ಡ್‌ ಬೈಬಲ್‌ಗಳಿಗೆ ಮೌಲ್ಯಯುತ ಮಾರುಕಟ್ಟೆಯಿಂದ ವಂಚಿತವಾಯಿತು. ಈ ಗುತ್ತಿಗೆಯು ಅತೀ ಅಪಾಯದ ಕಾರ್ಯವಾಗಿತ್ತು ಮತ್ತು ಪ್ರತಿನಿಧಿಗಳು ನಮ್ಮ ಪರಸ್ಪರ ಅನುಕೂಲಕ್ಕಾಗಿ ವ್ಯಾಪಾರ ನಿರ್ವಹಿಸುವ ಶ್ರದ್ಧೆ ಮತ್ತು ತೊಂದರೆ ತೆಗೆದುಕೊಳ್ಳುವವರಿಗೆ ಮುದ್ರಣಾಲಯದ ಷೇರುಗಳನ್ನು ನೀಡುವ ಪ್ರಸ್ತಾಪ ಮಾಡಬೇಕಾಯಿತು. ವಿಶ್ವವಿದ್ಯಾನಿಲಯವು ನಿಯಂತ್ರಿತ ಆಸಕ್ತಿಯನ್ನು ಹೊಂದುವುದರೊಂದಿಗೆ ನಲವತ್ತೆಂಟು ಷೇರುಗಳನ್ನು ವಿತರಿಸಲಾಯಿತು.[೨೬] ಇದೇ ಸಮಯದಲ್ಲಿ, ಸಾಂಪ್ರದಾಯಿಕ ವಿದ್ಯಾರ್ಥಿವೇತನವನ್ನು ಪುನಶ್ಚೇತನಗೊಳಿಸಲಾಯಿತು. ಜೆರೇಮಿಯ ಮಾರ್ಕ್‌ಲ್ಯಾಂಡ್ ಮತ್ತು ಪೀಟರ್ ಎಲ್ಮ್ಸ್‌ಲೇ ಅವರ ಕೃತಿಗಳೊಂದಿಗೆ ಮತ್ತು ಮುಖ್ಯನಾಡಿನ ಯುರೋಪ್‌ನ ಹೆಚ್ಚುತ್ತಿರುವ ಶಿಕ್ಷಣತಜ್ಞರು ಸಂಪಾದಿಸಿದ ಮುಂಚಿನ ೧೯ನೇ ಶತಮಾನದ ಪಠ್ಯಗಳು, ಬಹುಶಃ ಬಹು ಪ್ರಮುಖವಾದದ್ದು ಆಗಸ್ಟ್ ಇಮ್ಯಾನುಯಲ್ ಬೆಕ್ಕರ್ ಮತ್ತು ಕಾರ್ಲ್ ವಿಲ್‌ಹೆಲ್ಮ್ ಡಿಂಡ್ರೋಫ್ ಪಠ್ಯಗಳೊಂದಿಗೆ ಪುನಶ್ಚೇತನಗೊಳಿಸಲಾಯಿತು. ಗ್ರೀಕ್ ವಿದ್ವಾಂಸ ಮತ್ತು ಪ್ರತಿನಿಧಿಯಾಗಿ ೫೦ ವರ್ಷಗಳ ಸೇವೆ ಸಲ್ಲಿಸಿದ ಥಾಮಸ್ ಗೇಸ್‌ಪೋರ್ಡ್ ಆಹ್ವಾನದ ಮೇಲೆ ಇಬ್ಬರೂ ಆವೃತ್ತಿಗಳನ್ನು ಸಿದ್ಧಪಡಿಸಿದರು. ಈ ಸಂದರ್ಭದಲ್ಲಿ, ಬೆಳೆಯುತ್ತಿರುವ ಮುದ್ರಣಾಲಯ ಲಂಡನ್‌ನಲ್ಲಿ ವಿತರಕರನ್ನು ಸ್ಥಾಪಿಸಿತು ಮತ್ತು ಟರ್ಲ್ ಸ್ಟ್ರೀಟ್ ಪುಸ್ತಕ ವ್ಯಾಪಾರಿ ಜೋಸೆಫ್ ಪಾರ್ಕರ್ ಅವರನ್ನು ಆಕ್ಸ್‌ಫರ್ಡ್‌ನಲ್ಲಿ ಇದೇ ಉದ್ದೇಶಗಳಿಗಾಗಿ ನೇಮಿಸಿತು. ಪಾರ್ಕರ್‌ ಮುದ್ರಣಾಲಯದಲ್ಲಿ ಕೂಡ ಷೇರುಗಳನ್ನು ಹೊಂದಿದ್ದರು.[೨೭] ಈ ವಿಸ್ತರಣೆಯು ಮುದ್ರಣಾಲಯವನ್ನು ಕ್ಲಾರೆಂಡನ್ ಕಟ್ಟಡದಿಂದ ಹೊರಹೋಗುವಂತೆ ಮಾಡಿತು. ೧೮೨೫ರಲ್ಲಿ ಪ್ರತಿನಿಧಿಗಳು ವೋರ್ಸೆಸ್ಟರ್ ಕಾಲೇಜಿನಿಂದ ಭೂಮಿಯನ್ನು ಖರೀದಿಸಿದರು. ಡೇನಿಯಲ್ ರಾಬರ್ಟ್‌ಸನ್ ಮತ್ತು ಎಡ್ವರ್ಡ್ ಬ್ಲೋರ್ ಅವರು ರೂಪಿಸಿದ ನಕ್ಷೆಗಳಿಂದ ಕಟ್ಟಡಗಳನ್ನು ನಿರ್ಮಿಸಲಾಯಿತು ಮತ್ತು ಮುದ್ರಣಾಲಯವು ಅಲ್ಲಿಗೆ ೧೮೩೦ರಲ್ಲಿ ಸ್ಥಳಾಂತರಗೊಂಡಿತು.[೨೮] ಈ ಸ್ಥಳವು ವಾಲ್ಟನ್ ಸ್ಟ್ರೀಟ್ ಮತ್ತು ಆಕ್ಸ್‌ಫರ್ಡ್ ನಗರ ಕೇಂದ್ರದ ವಾಯವ್ಯ ಮೂಲೆಯಲ್ಲಿ ೨೧ನೇ ಶತಮಾನದಲ್ಲಿ OUP ಯ ಮುಖ್ಯಕಚೇರಿಯಾಗಿ ಉಳಿಯಿತು.

೧೯ನೇ ಶತಮಾನ: ಪ್ರೈಸ್ ಮತ್ತು ಕ್ಯಾನನ್[ಬದಲಾಯಿಸಿ]

ಮುದ್ರಣಾಲಯವು ವ್ಯಾಪಕ ಬದಲಾವಣೆಯ ಶಕೆಯನ್ನು ಈಗ ಪ್ರವೇಶಿಸಿತು. ೧೮೩೦ರಲ್ಲಿ ಶೈಕ್ಷಣಿಕ ಹಿನ್ನೀರಿನಲ್ಲಿ ಅದು ಇನ್ನೂಜಂಟಿ ಸ್ಟಾಕ್ ಮುದ್ರಣ ಉದ್ಯಮವಾಗಿತ್ತು, ವಿದ್ವಾಂಸರು ಮತ್ತು ಪಾದ್ರಿಗಳ ಸಣ್ಣ ಓದುಗಬಳಗಕ್ಕೆ ಪಾಂಡಿತ್ಯಪೂರ್ಣ ಕೃತಿಗಳನ್ನು ನೀಡಿತು. ಇತಿಹಾಸಜ್ಞರೊಬ್ಬರು ಹೇಳುವಂತೆ, ಮುದ್ರಣಾಲಯವು ಆತ್ಮವಿಶ್ವಾಸವಿಲ್ಲದ ವ್ಯಾಧಿಭ್ರಾಂತರ ಉತ್ಪನ್ನವಾಗಿತ್ತು.[೨೯] ಇದರ ವ್ಯಾಪಾರವು ಅಗ್ಗದ ಬೈಬಲ್‌ಗಳ ಸಾಮೂಹಿಕ ಮಾರಾಟಗಳ ಮೇಲೆ ಅವಲಂಬಿತವಾಗಿತ್ತು ಮತ್ತು ಅದರ ಪ್ರತಿನಿಧಿಗಳಿಗೆ ಗೈಸ್‌ಫೋರ್ಡ್ ಅಥವಾ ಮಾರ್ಟಿನ್ ರೂಥ್ ಮಾದರಿಯಾಗಿದ್ದರು. ಅವರು ಸುದೀರ್ಘ ಸೇವೆ ಸಲ್ಲಿಸಿದ ಕ್ಲಾಸಿಕ್ ಪಂಥೀಯರಾಗಿದ್ದು, ಪಾಂಡಿತ್ಯಪೂರ್ಣ ವ್ಯವಹಾರದ ಉಸ್ತುವಾರಿ ವಹಿಸಿ, ಪ್ರತಿ ವರ್ಷ ಲಿಡ್ಡೆಲ್ ಮತ್ತು ಸ್ಕಾಟ್‌ರ ಗ್ರೀಕ್ ಇಂಗ್ಲೀಷ್ ಲೆಕ್ಸಿಕನ್ ಮುಂತಾದ ೫ರಿಂದ ೬ ಪುಸ್ತಕಗಳ ಶೀರ್ಷಿಕೆಗಳನ್ನು ಮುದ್ರಿಸುತ್ತಿದ್ದರು ಮತ್ತು ಅವರು ಇದರ ವ್ಯಾಪಾರವನ್ನು ವಿಸ್ತರಿಸಲು ಕಡಿಮೆ ಇಚ್ಛೆ ಅಥವಾ ಯಾವುದೇ ಇಚ್ಛೆಯನ್ನು ಪ್ರದರ್ಶಿಸಲಿಲ್ಲ.[೩೦] ೧೮೩೦ರ ದಶಕದಲ್ಲಿ ಮುದ್ರಣಕ್ಕೆ ಉಗಿ ಶಕ್ತಿಯು ಸ್ಥಿರವಾಗಿರದ ನಿರ್ಗಮನವಾಗಿ ಕಂಡಿತು.[೩೧] ಈ ಕಾಲದಲ್ಲಿ, ಥಾಮಸ್ ಕೂಂಬ್ ಮುದ್ರಣಾಲಯವನ್ನು ಸೇರಿದರು ಮತ್ತು ೧೮೭೨ರಲ್ಲಿ ತಮ್ಮ ಸಾವಿನ ತನಕ ಮುದ್ರಣಾಲಯದ ಮುದ್ರಕರಾದರು. ಕೂಂಬ್ ಬಹುತೇಕ ಪ್ರತಿನಿಧಿಗಳಿಗಿಂತ ಉತ್ತಮ ಉದ್ಯಮಿಯಾಗಿದ್ದರು, ಆದರೂ ನವನಿರ್ಮಿತಿಕಾರರಾಗಿರಲಿಲ್ಲ. ಇಂಡಿಯ ಪೇಪರ್‌ನ ಅಪಾರ ವಾಣಿಜ್ಯ ಸಾಮರ್ಥ್ಯವನ್ನು ಗ್ರಹಿಸಲು ಅವರು ವಿಫಲರಾದರು. ಇದು ನಂತರದ ವರ್ಷಗಳಲ್ಲಿ ಆಕ್ಸ್‌ಫರ್ಡ್‌ನ ಅತ್ಯಂತ ಲಾಭದಾಯಕ ವ್ಯಾಪಾರ ರಹಸ್ಯಗಳಲ್ಲಿ ಒಂದಾಗಿ ಬೆಳೆಯಿತು.[೩೨] ಆದರೂ ಸಹ, ಕೂಂಬ್ ಷೇರುಗಳ ವ್ಯವಹಾರದ ಮೂಲಕ ಅದೃಷ್ಟ ಗಳಿಸಿದರು ಮತ್ತು ವೂಲ್ವರ್‌ಕೋಟ್‌ನಲ್ಲಿ ದಿವಾಳಿಯಾದ ಕಾಗದದ ಗಿರಣಿಯ ಸ್ವಾಧೀನ ಮತ್ತು ನವೀಕರಣ ಕೈಗೊಂಡರು. ಅವರು ಮುದ್ರಣಾಲಯದಲ್ಲಿನ ಶಾಲೆಗೆ ಮತ್ತು ಆಕ್ಸ್‌ಫರ್ಡ್ ಸೇಂಟ್ ಬರ್ನಾಬಸ್ ಚರ್ಚ್‌ನ ದತ್ತಿಗೆ ಆರ್ಥಿಕ ನೆರವು ನೀಡಿದರು.[೩೩] ಪ್ರಿ-ರಾಫಲೈಟ್ ಸೋದರತ್ವದ ಪ್ರಥಮ ಆಶ್ರಯದಾತರಾಗಲು ಕೂಂಬ್ ಸಂಪತ್ತು ವಿಸ್ತರಿಸಿತು. ಸಮೂಹದ ಬಹುಮಟ್ಟಿನ ಮುಂಚಿನ ಕೃತಿಗಳನ್ನು ಅವರು ಮತ್ತು ಪತ್ನಿ ಮಾರ್ಥಾ ಖರೀದಿಸಿದರು. ಇವುಗಳಲ್ಲಿವಿಲಿಯಂ ಹಾಲ್ಮನ್ ಹಂಟ್ ಅವರ ಲೈಟ್ ಆಫ್ ದಿ ವರ್ಲ್ಡ್ ಸೇರಿದೆ.[೩೪] ಆದಾಗ್ಯೂ, ಕೂಂಬ್ ಮುದ್ರಣಾಲಯದಲ್ಲಿ ಉತ್ತಮ ಮುದ್ರಣದ ಕೃತಿಯನ್ನು ತಯಾರಿಸುವಲ್ಲಿ ಕಡಿಮೆ ಆಸಕ್ತಿಯನ್ನು ತೋರಿಸಿದರು.[೩೫] ಅವರ ಮುದ್ರಣಾಲಯದ ಜತೆ ಸಂಬಂಧ ಹೊಂದಿದ ಅತ್ಯಂತ ಪ್ರಖ್ಯಾತ ಪಠ್ಯ ಅಲೈಸ`ಸ್ ಅಡ್ವೆಂಚರ್ಸ್ ಇನ್ ವಂಡರ್‌ಲ್ಯಾಂಡ್‌ ನ ದೋಷಪೂರಿತ ಪ್ರಥಮ ಆವೃತ್ತಿಯಾಗಿತ್ತು. ಅದರ ಲೇಖಕ ಲಿವಿಸ್ ಕ್ಯಾರೋಲ್ (ಚಾರ್ಲ್ಸ್ ಲಟ್‌ವಿಜ್ ಡಾಡ್‌ಸನ್)ಖರ್ಚಿನಲ್ಲಿ ಆಕ್ಸ್‌ಫರ್ಡ್‌ನಲ್ಲಿ ೧೮೬೫ರಲ್ಲಿ ಮುದ್ರಿಸಲಾಯಿತು.[೩೬] ವಿಶ್ವವಿದ್ಯಾನಿಲಯದ ಕೆಲಸಗಳ ಬಗ್ಗೆ ೧೮೫೦ರ ರಾಯಲ್ ಕಮೀಷನ್ ತನಿಖೆ ನಡೆಸಿತು ಮತ್ತು ಹೊಸ ಕಾರ್ಯದರ್ಶಿ ಬಾರ್ತೋಲೋಮಿವ್ ಪ್ರೈಸ್ ಮುದ್ರಣಾಲಯದ ಆಮೂಲಾಗ್ರ ಬದಲಾವಣೆ ಸಲುವಾಗಿ ನೇಮಕವಾದರು.[೩೭] ೧೮೬೮ರಲ್ಲಿ ನೇಮಕವಾದ ಪ್ರೈಸ್ ವಿಶ್ವವಿದ್ಯಾನಿಲಯಕ್ಕೆ ಶಿಫಾರಸು ಮಾಡಿ, ಮುದ್ರಣಾಲಯದ ಕೆಲಸದ ಜಾಗರೂಕ ಮೇಲ್ವಿಚಾರಣೆಗೆ ಮತ್ತು ಅಲೆಕ್ಸಾಂಡರ್ ಮೆಕ್‌ಮಿಲನ್ ಜತೆ ವ್ಯವಹಾರಗಳಿಗೆ ದಕ್ಷ ಕಾರ್ಯನಿರ್ವಾಹಕ ಅಧಿಕಾರಿಯ ಅಗತ್ಯವಿದೆಯೆಂದು ಈಗಾಗಲೇ ತಿಳಿಸಿದ್ದರು. ಮೆಕ್‌ಮಿಲನ್ ಆಕ್ಸ್‌ಫರ್ಡ್ ಮುದ್ರಣಕ್ಕೆ ೧೮೬೩ರಲ್ಲಿ ಪ್ರಕಾಶಕರಾದರು ಮತ್ತು ೧೮೬೬ರಲ್ಲಿ ಅಗ್ಗದ, ಪ್ರಾಥಮಿಕ ಶಾಲಾಪುಸ್ತಕಗಳ ಕ್ಲಾರೆಂಡನ್ ಪ್ರೆಸ್ ಸರಣಿಯ ಸೃಷ್ಟಿಗೆ ಪ್ರೈಸ್‌ಗೆ ನೆರವಾದರು. ಬಹುಶಃ ಆಕ್ಸ್‌ಫರ್ಡ್ ಕ್ಲಾರೆಂಡನ್ ಅಚ್ಚೊತ್ತನ್ನು ಬಳಸಿದ್ದು ಪ್ರಥಮ ಬಾರಿಯಾಗಿತ್ತು.[೩೮] ಪ್ರೈಸ್ ಮೇಲ್ವಿಚಾರಣೆಯಲ್ಲಿ, ಮುದ್ರಣಾಲಯವು ಆಧುನಿಕ ಸ್ವರೂಪವನ್ನು ಪಡೆಯಲು ಆರಂಭಿಸಿತು. ೧೮೬೫ರಲ್ಲಿ, ಪ್ರಾತಿನಿಧ್ಯ ಪದ್ಧತಿಯು ಆಜೀವ ಸದಸ್ಯತ್ವವನ್ನು ನಿಲ್ಲಿಸಿತು ಮತ್ತು ವಿಶ್ವವಿದ್ಯಾನಿಲಯದಿಂದ ನೇಮಕದ ಮೂಲಕ ತುಂಬುವ ಐದು ಆಜೀವ ಮತ್ತು ಐದು ಕಿರಿಯ ಹುದ್ದೆಗಳಾಗಿ ರೂಪಿಸಲಾಯಿತು. ಉಪಕುಲಪತಿ ಅಧಿಕಾರ ಪ್ರಯಕ್ತ ಪ್ರತಿನಿಧಿ: ಗುಂಪುಗುಳಿತದ ಕಾವುಮನೆಯಾಗಿದ್ದ ಅದನ್ನು ಪ್ರೈಸ್ ಕುಶಲವಾಗಿ ನಿರ್ವಹಿಸಿದರು ಮತ್ತು ನಿಯಂತ್ರಿಸಿದರು.[೩೯] ವಿಶ್ವವಿದ್ಯಾನಿಲಯವು ಷೇರುದಾರರು ನಿವೃತ್ತರಾದ್ದರಿಂದ ಅಥವಾ ಮೃತಪಟ್ಟಿದ್ದರಿಂದ ಮತ್ತೆ ಷೇರುಗಳನ್ನು ಖರೀದಿಸಿತು.[೪೦] ಲೆಕ್ಕಪತ್ರಗಳ ಮೇಲ್ವಿಚಾರಣೆಯನ್ನು ೧೮೬೭ರಲ್ಲಿ ಹೊಸತಾಗಿ ಸೃಷ್ಟಿಯಾದ ಹಣಕಾಸು ಸಮಿತಿಗೆ ವರ್ಗಾಯಿಸಲಾಯಿತು.[೪೧] ಕೆಲಸದ ಹೊಸ ಮಾರ್ಗಗಳು ಆರಂಭವಾಯಿತು. ಒಂದು ಉದಾಹರಣೆ ನೀಡಲು, ೧೮೭೫ರಲ್ಲಿ ಪ್ರತಿನಿಧಿಗಳು ಸ್ಯಾಕ್ರಡ್ ಬುಕ್ಸ್ ಆಫ್ ದಿ ಈಸ್ಟ್ ಸರಣಿಯನ್ನು ಫ್ರೆಡ್‌ರಿಕ್ ಮ್ಯಾಕ್ಸ ಮುಲ್ಲರ್ ಸಂಪಾದಕತ್ವದಲ್ಲಿ ಅನುಮೋದಿಸಿದರು. ಈ ಮೂಲಕ ವ್ಯಾಪಕ ಓದುಗ ಸಮುದಾಯಕ್ಕೆ ವಿಶಾಲ ವ್ಯಾಪ್ತಿಯ ಧಾರ್ಮಿಕ ಚಿಂತನೆಯನ್ನು ತಂದರು.[೪೨] ಸಮಾನವಾಗಿ ಪ್ರೈಸ್ OUPಯನ್ನು ಅದರ ಸ್ವಯಂ ಹಕ್ಕಿನಿಂದ ಪ್ರಕಟಿಸುವತ್ತ ತೊಡಗಿಕೊಂಡರು. ೧೮೬೩ರಲ್ಲಿ ಮುದ್ರಣಾಲಯವು ಪಾರ್ಕರ್ ಜತೆ ಸಂಬಂಧವನ್ನು ಕೊನೆಗೊಳಿಸಿತು ಮತ್ತು ೧೮೭೦ರಲ್ಲಿ ಕೆಲವು ಬೈಬಲ್ ಕೆಲಸಕ್ಕೆ ಸಣ್ಣ ಲಂಡನ್ ರಟ್ಟುಶಾಲೆಯನ್ನು ಖರೀದಿಸಿತು.[೪೩] ಮೆಕ್‌ಮಿಲನ್ ಗುತ್ತಿಗೆಯು ೧೮೮೦ರಲ್ಲಿ ಅಂತ್ಯವಾಯಿತು ಮತ್ತು ನವೀಕರಿಸಲಾಗಲಿಲ್ಲ. ಈ ಸಂದರ್ಭದಲ್ಲಿ, ಆಕ್ಸ್‌ಫರ್ಡ್ ಬೈಬಲ್ ದಾಸ್ತಾನಿಗೆ ಪೆಟರ್‌ನಾಸ್ಟರ್ ರೋನಲ್ಲಿ ಲಂಡನ್ ಉಗ್ರಾಣವನ್ನು ಹೊಂದಿತ್ತು ಮತ್ತು ೧೮೮೦ರಲ್ಲಿ ಅದರ ವ್ಯವಸ್ಥಾಪಕ ಹೆನ್ರಿ ಫ್ರೌಡ್ ಅವರಿಗೆ ವಿಶ್ವವಿದ್ಯಾನಿಲಯಕ್ಕೆ ಪ್ರಕಾಶಕ ಎಂಬ ಔಪಚಾರಿಕ ಬಿರುದನ್ನು ನೀಡಲಾಯಿತು. ಫ್ರೌಡ್ ಪುಸ್ತಕ ವ್ಯಾಪಾರದಿಂದ ಬಂದವರಾಗಿದ್ದರೇ ಹೊರತು ವಿಶ್ವವಿದ್ಯಾನಿಲಯದಿಂದ ಬಂದವರಲ್ಲ ಹಾಗೂ ಅನೇಕ ಮಂದಿಗೆ ಒಗಟಾಗಿದ್ದರು. "ಇಲ್ಲಿನ ಆಕ್ಸ್‌ಫರ್ಡ್‌ನಲ್ಲಿ ನಮ್ಮಲ್ಲಿ ಕೆಲವೇ ಮಂದಿಗೆ ಅವರ ಬಗ್ಗೆ ಯಾವುದೇ ವೈಯಕ್ತಿಕ ಅರಿವು ಇರಲಿಲ್ಲ ಎಂದು ಆಕ್ಸ್‌ಫರ್ಡ್ ಸಿಬ್ಬಂದಿ ನಿಯತಕಾಲಿಕ "ದಿ ಕ್ಲಾರೆಂಡೋನಿಯನ್‌"ನಲ್ಲಿನ ನಿಧನ ವಾರ್ತೆಯಲ್ಲಿ ತಿಳಿಸಲಾಗಿದೆ.[೪೪] ಇದಲ್ಲದೇ, ಫ್ರೌಡ್ OUPಬೆಳವಣಿಗೆಗೆ ಅತ್ಯವಶ್ಯಕವೆನಿಸಿದರು ಮತ್ತು ವ್ಯವಹಾರಕ್ಕೆ ಪುಸ್ತಕಗಳ ಹೊಸ ಸಾಲುಗಳನ್ನು ಸೇರಿಸಿದರು ಮತ್ತು ೧೮೮೧ರಲ್ಲಿ ನ್ಯೂ ಟೆಸ್ಟಮೆಂಟ್‌ನ ಪರಿಷ್ಕೃತ ಆವೃತ್ತಿಯ ಬೃಹತ್ ಪ್ರಕಟಣೆಗೆ ಮೇಲ್ವಿಚಾರಣೆ ವಹಿಸಿದರು[೪೫] ಮತ್ತು ೧೮೯೬ರಲ್ಲಿ ಬ್ರಿಟನ್ ಹೊರಗೆ ನ್ಯೂಯಾರ್ಕ್‌ನಲ್ಲಿ ಮುದ್ರಣಾಲಯದ ಪ್ರಥಮ ಕಚೇರಿಯನ್ನು ಸ್ಥಾಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದರು.[೪೬] ಪ್ರೈಸ್ OUPಯಲ್ಲಿ ಪರಿವರ್ತನೆ ತಂದರು.೧೮೮೪ರಲ್ಲಿ ಕಾರ್ಯದರ್ಶಿಯಾಗಿ ಅವರು ನಿವೃತ್ತರಾದಾಗ, ಪ್ರತಿನಿಧಿಗಳು ವ್ಯವಹಾರದ ಕೊನೆಯ ಷೇರುಗಳನ್ನು ವಾಪಸು ತಂದರು.[೪೭] ಮುದ್ರಣಾಲಯವು ಈಗ ಸ್ವಯಂ ಕಾಗದ ಕಾರ್ಖಾನೆ, ಮುದ್ರಣ ಶಾಪ್, ಬೈಂಡರಿ(ರಟ್ಟುಶಾಲೆ)ಮತ್ತು ಉಗ್ರಾಣದೊಂದಿಗೆ ಸಂಪೂರ್ಣವಾಗಿ ವಿಶ್ವವಿದ್ಯಾನಿಲಯವು ಮಾಲೀಕತ್ವ ಹೊಂದಿತು. ಶಾಲಾ ಪುಸ್ತಕಗಳು ಮತ್ತು ಜೇಮ್ಸ್ ಕ್ಲರ್ಕ್ ಮ್ಯಾಕ್ಸ್‌ವೆಲ್ ಅವರ ಎ ಟ್ರೀಟೈಸ್ ಆನ್ ಎಲೆಕ್ಟ್ರಿಸಿಟಿ &ಮ್ಯಾಗ್ನೆಟಿಸಂ (೧೮೭೩) ಮುಂತಾದ ಆಧುನಿಕ ಪಾಂಡಿತ್ಯಪೂರ್ಣ ಪಠ್ಯಗಳು ಒಳಗೊಳ್ಳುವುದರೊಂದಿಗೆ ಅದರ ಉತ್ಪನ್ನವು ಹೆಚ್ಚಾಯಿತು. ಈ ಪಠ್ಯವು ಐನ್‌ಸ್ಟೀನ್‌‌ರ ಚಿಂತನೆಗೆ ತಳಹದಿಯೆಂದು ಸಾಬೀತಾಗಿತ್ತು.[೪೮] OUPಯ ಸಂಪ್ರದಾಯಗಳನ್ನು ಅಥವಾ ಕೆಲಸದ ಗುಣಮಟ್ಟವನ್ನು ತ್ಯಜಿಸದೇ, ಪ್ರೈಸ್ OUPಯನ್ನು ಎಚ್ಚರಿಕೆಯ, ಆಧುನಿಕ ಪ್ರಕಾಶಕವಾಗಿ ಪರಿವರ್ತಿಸಲು ಆರಂಭಿಸಿದರು. ೧೮೭೯ರಲ್ಲಿ ಅವರು ಪ್ರಕಟಣೆಯನ್ನು ಕೈಗೆತ್ತಿಕೊಂಡರು ಮತ್ತು ಈ ಪ್ರಕ್ರಿಯೆಯನ್ನು ಅದರ ಪರಿಪೂರ್ಣತೆಗೆ ತಂದರು:ಇದು ಆಕ್ಸ್‌ಫರ್ಡ್ ಇಂಗ್ಲೀಷ್ ಡಿಕ್ಷನರಿ (OED) ಎಂಬ ಬೃಹತ್ ಯೋಜನೆಯಾಯಿತು.[೪೯] ಜೇಮ್ಸ್ ಮರ್ರೆ ಮತ್ತು ಭಾಷಾಶಾಸ್ತ್ರದ ಸಮಾಜದಿಂದ ಆಕ್ಸ್‌ಫರ್ಡ್‌ಗೆ ಅರ್ಪಿಸಲಾದ ನ್ಯೂ ಇಂಗ್ಲೀಷ್ ಡಿಕ್ಷ್‌ನರಿ ಮಹಾ ಶೈಕ್ಷಣಿಕ ಮತ್ತು ದೇಶಪ್ರೇಮದ ಕಾರ್ಯವಾಗಿತ್ತು. ಸುದೀರ್ಘ ಮಾತುಕತೆಗಳಿಂದ ಔಪಚಾರಿಕ ಗುತ್ತಿಗೆಗೆ ದಾರಿ ಕಲ್ಪಿಸಿತು. ಮರ್ರೆ ೧೦ವರ್ಷಗಳಷ್ಟು ತೆಗೆದುಕೊಳ್ಳುವ ಕೃತಿಯ ಸಂಪಾದನೆ ಮತ್ತು ಅಂದಾಜುವೆಚ್ಚವು ೯,೦೦೦ಡಾಲರ್‌ಗಳಾಗಿತ್ತು.[೫೦] ಎರಡೂ ಅಂಕಿಅಂಶಗಳು ಆಶಾವಾದದಿಂದ ಕೂಡಿದೆ. ನಿಘಂಟು ೧೮೮೪ರಲ್ಲಿ ಮುದ್ರಣವಾಗಿ ಕಾಣಿಸಿಕೊಳ್ಳಲಾರಂಭಿಸಿತು. ಆದರೆ ಸುಮಾರು ೩೭೫೦೦೦ ಡಾಲರ್ ವೆಚ್ಚದ ಪ್ರಥಮ ಆವೃತ್ತಿಯು ಮರ್ರೆ ಸಾವಿನ ೧೩ವರ್ಷಗಳ ನಂತರ ೧೯೨೮ರವರೆಗೆ ಪೂರ್ತಿಯಾಗಿರಲಿಲ್ಲ.[೫೧] ಈ ವ್ಯಾಪಕ ಹಣಕಾಸು ಹೊರೆ ಮತ್ತು ಅದರ ಪರಿಣಾಮಗಳು ಪ್ರೈಸ್‌ ಉತ್ತರಾಧಿಕಾರಿಗಳ ಮೇಲೆ ಬಿತ್ತು. ಈ ಸಮಸ್ಯೆಯನ್ನು ನಿಭಾಯಿಸಲು ಮುಂದಿನ ಕಾರ್ಯದರ್ಶಿ ಹೆಣಗಾಡಿದರು. ಫಿಲಿಪ್ ಲಿಟ್ಟೆಲೋನ್ ಜೆಲ್ ಅವರನ್ನು ೧೮೮೪ರಲ್ಲಿ ಉಪಕುಲಪತಿ ಬೆಂಜಮಿನ್ ಜೋವೆಟ್ ಅವರು ನೇಮಿಸಿದರು. ಬ್ಯಾಲಿಯೋಲ್‌ನಲ್ಲಿ ಶಿಕ್ಷಣ ಮತ್ತು ಲಂಡನ್ ಪ್ರಕಟಣೆಯ ಹಿನ್ನೆಲೆಯ ನಡುವೆಯೂ, ಜೆಲ್ ಮುದ್ರಣಾಲಯದ ನಿರ್ವಹಣೆಗಳು ಅಗ್ರಾಹ್ಯವಾಗಿದ್ದನ್ನು ಕಂಡರು. ಪ್ರತಿನಿಧಿಗಳು ಅವರಿಂದಾಗುವ ಅಡ್ಡಿಯನ್ನು ನಿವಾರಿಸುವ ಮಾರ್ಗವನ್ನು ಆರಂಭಿಸಿದರು ಮತ್ತು ವಿಶ್ವವಿದ್ಯಾನಿಲಯವು ಅಂತಿಮವಾಗಿ ೧೮೯೭ರಲ್ಲಿ ಜೆಲ್ ಅವರನ್ನು ವಜಾ ಮಾಡಿತು.[೫೨] ಸಹಾಯಕ ಕಾರ್ಯದರ್ಶಿ ಚಾರ್ಲ್ಸ್ ಕ್ಯಾನನ್ ಯಾವುದೇ ಗಡಿಬಿಡಿಯಿಲ್ಲದೇ ಅಧಿಕಾರ ಸ್ವೀಕರಿಸಿದರು ಮತ್ತು ಅವರ ಪೂರ್ವಾಧಿಕಾರಿ ಬಗ್ಗೆ ಕಡಿಮೆ ವಾತ್ಸಲ್ಯವನ್ನು ಹೊಂದಿದ್ದರು."ಜೆಲ್ ಸದಾ ಇಲ್ಲಿರುತ್ತಿದ್ದರು, ಆದರೆ ಅವರು ಏನು ಮಾಡಿದರೆಂದು ತಿಳಿಯಲು ನನಗೆ ಸಾಧ್ಯವಾಗಲಿಲ್ಲ".[೫೩] ಕ್ಯಾನನ್ ಅವರ ಹೊಸ ಪಾತ್ರದಲ್ಲಿ ಸಾರ್ವಜನಿಕ ತಿಳಿವಳಿಕೆಗೆ ಕಡಿಮೆ ಅವಕಾಶವಿತ್ತು. ತೀಕ್ಷ್ಣ ಸಹಜಪ್ರತಿಭೆಯ ಕ್ಲಾಸಿಕ್ ಪಂಥೀಯರಾದ ಅವರು, ಸಾಂಪ್ರದಾಯಿಕ ಪದಗಳಲ್ಲಿ ಯಶಸ್ವಿಯಾದರೂ ಅಜ್ಞಾತ ಕ್ಷೇತ್ರಕ್ಕೆ ಚಲಿಸುತ್ತಿರುವ ವ್ಯವಹಾರದ ನೇತೃತ್ವವನ್ನು ಅವರು ವಹಿಸಿದರು.[೫೪] ವಿಶೇಷ ಶೈಕ್ಷಣಿಕ ಕೆಲಸಗಳು ಮತ್ತು ಅವಲಂಬಿತವಲ್ಲದ ಬೈಬಲ್ ವ್ಯಾಪಾರ ನಿಘಂಟಿನ ಹೆಚ್ಚಿನ ವೆಚ್ಚಗಳನ್ನು ಮತ್ತು ವಿಶ್ವವಿದ್ಯಾನಿಲಯ ಭಂಡಾರ(ಚೆಸ್ಟ್)‌ಕ್ಕೆ ಮುದ್ರಣಾಲಯದ ಕೊಡುಗೆಗಳನ್ನು ಭರಿಸಲಾಗಲಿಲ್ಲ. ಈ ಬೇಡಿಕೆಗಳನ್ನು ಪೂರೈಸಲು OUPಗೆ ಹೆಚ್ಚಿನ ಆದಾಯದ ಅಗತ್ಯವಿತ್ತು. ಇವನ್ನು ಪಡೆಯಲು ಕ್ಯಾನನ್ ಉದ್ದೇಶಿಸಿದರು. ವಿಶ್ವವಿದ್ಯಾನಿಲಯದ ರಾಜಕೀಯಗಳು ಮತ್ತು ಜಡತ್ವವನ್ನು ಮೀರಿ, ಇಡೀ ವ್ಯವಹಾರಕ್ಕೆ ಫ್ರೌಡ್ ಮತ್ತು ಲಂಡನ್ ಕಚೇರಿಯನ್ನು ಹಣಕಾಸಿನ ಯಂತ್ರವಾಗಿ ಪರಿವರ್ತಿಸಿದರು. ಫ್ರೌಡ್ ೧೯೦೬ರಲ್ಲಿ ವರ್ಲ್ಡ್ಸ್ ಕ್ಲಾಸಿಕ್ಸ್ ಸ್ವಾಧೀನಕ್ಕೆ ತೆಗೆದುಕೊಂಡು ಆಕ್ಸ್‌ಫರ್ಡ್‌ನ್ನು ಶೀಘ್ರದಲ್ಲೇ ಜನಪ್ರಿಯ ಸಾಹಿತ್ಯವಾಗಿ ಪರಿವರ್ತಿಸಿದರು. ಅದೇ ವರ್ಷ ಅವರು ಜಂಟಿ ಉದ್ಯಮಕ್ಕೆ ಹಾಡ್ಡರ್ ಮತ್ತು ಸ್ಟ್ರೌಟನ್ ಜತೆ ಪ್ರವೇಶಿಸಿ, ಮಕ್ಕಳ ಸಾಹಿತ್ಯ ಮತ್ತು ವೈದ್ಯಕೀಯ ಪುಸ್ತಕಗಳ ಪ್ರಕಟಣೆಗೆ ನೆರವಾದರು.[೫೫] ಕ್ಯಾನನ್ ತಮ್ಮ ಆಕ್ಸ್‌ಫರ್ಡ್ ಆಶ್ರಿತ ಸಹಾಯಕ ಕಾರ್ಯದರ್ಶಿ ಹಂಫ್ರಿ ಎಸ್.ಮಿಲ್‌ಫೋರ್ಡ್ ಅವರನ್ನು ಫ್ರೌಡ್‌ರ ಸಹಾಯಕರಾಗಿ ನೇಮಿಸಿಕೊಂಡು ಈ ಪ್ರಯತ್ನಗಳಿಗೆ ನಿರಂತರತೆಯನ್ನು ತಂದರು. ೧೯೧೩ರಲ್ಲಿ ಫ್ರೌಡ್ ನಿವೃತ್ತರಾದಾಗ ಮಿಲ್‌ಫೋರ್ಡ್ ಪ್ರಕಾಶಕರಾದರು ಮತ್ತು ಲಾಭದಾಯಕ ಲಂಡನ್ ವ್ಯವಹಾರ ಮತ್ತು ೧೯೪೫ರಲ್ಲಿ ಸ್ವಯಂ ನಿವೃತ್ತಿಯಾಗುವ ತನಕ ಅದಕ್ಕೆ ವರದಿ ಮಾಡುವ ಶಾಖಾ ಕಚೇರಿಗಳ ಆಡಳಿತ ನಿರ್ವಹಿಸಿದರು.[೫೬] ಮುದ್ರಣಾಲಯದ ಆರ್ಥಿಕ ಆರೋಗ್ಯವನ್ನು ಗಮನದಲ್ಲಿಟ್ಟು, ಕ್ಯಾನಾನ್ ಪಾಂಡಿತ್ಯಪೂರ್ಣ ಪುಸ್ತಕಗಳು ಮತ್ತು ನಿಘಂಟನ್ನು ಕೂಡ ಅಸಾಧ್ಯ ಬಾಧ್ಯತೆಗಳು ಎಂದು ಪರಿಗಣಿಸುವುದನ್ನು ನಿಲ್ಲಿಸಿದರು. ನಮ್ಮನ್ನು ಹಾಳು ಮಾಡಲು ವಿಶ್ವವಿದ್ಯಾನಿಲಯವು ಸಾಕಷ್ಟು ಪುಸ್ತಕಗಳನ್ನು ಉತ್ಪಾದಿಸಬಹುದು ಎಂದು ತಾವು ಭಾವಿಸಿಲ್ಲ ಎಂದು ಅವರು ಪ್ರತಿಕ್ರಿಯಿಸಿದರು.[೫೭] ಅವರ ಪ್ರಯತ್ನಗಳಿಗೆ ಮುದ್ರಣಾಲಯದ ದಕ್ಷತೆ ನೆರವಾಯಿತು. ಹೊರೇಸ್ ಹಾರ್ಟ್ ಜೆಲ್ ನೇಮಕವಾದ ಸಮಯದಲ್ಲೇ ಮುದ್ರಣಾಲಯದ ನಿಯಂತ್ರಕರಾಗಿ ನೇಮಕವಾದರು. ಆದರೆ ಕಾರ್ಯದರ್ಶಿಗಿಂತ ಹೆಚ್ಚು ಪರಿಮಾಣಕಾರಿ ಎಂದು ರುಜುವಾತು ಮಾಡಿದರು. ಅಸಾಮಾನ್ಯ ಶಕ್ತಿ ಮತ್ತು ವೃತ್ತಿಪರತೆಯಿಂದ, ಆಕ್ಸ್‌ಫರ್ಡ್ ಮುದ್ರಣ ಸಂಪನ್ಮೂಲಗಳನ್ನು ಅವರು ಸುಧಾರಿಸಿದರು ಹಾಗು ವಿಸ್ತರಿಸಿದರು ಮತ್ತು ಆಕ್ಸ್‌ಫರ್ಡ್ ಕರಡಚ್ಚು ತಿದ್ದುವವರಿಗೆ(ಪ್ರೂಫ್ ರೀಡರ್ಸ್) ಪ್ರಥಮ ಶೈಲಿ ಮಾರ್ಗದರ್ಶಿ(ಸ್ಟೈಲ್ ಗೈಡ್)ಯಾಗಿ ಹಾರ್ಟ್ಸ್ ರೂಲ್ಸ್ ಅಭಿವೃದ್ಧಿಪಡಿಸಿದರು. ತರುವಾಯ, ಇವು ವಿಶ್ವದ್ಯಾಂತ ಮುದ್ರಣಾಲಯಗಳ ಮಾನದಂಡವಾಯಿತು.[೫೮] ಇದರ ಜತೆಗೆ, ವಾಲ್ಟನ್ ಸ್ಟ್ರೀಟ್‌ನ ಸಿಬ್ಬಂದಿಯ ಸಾಮಾಜಿಕ ಕ್ಲಬ್ ಕ್ಲಾರೆಂಡನ್ ಪ್ರೆಸ್ ಇನ್‌ಸ್ಟಿಟ್ಯೂಟ್‌ ಸ್ಥಾಪಿಸುವ ಕಲ್ಪನೆಯನ್ನು ಸೂಚಿಸಿದರು. ಇನ್‌ಸ್ಟಿಟ್ಯೂಟ್ ೧೮೯೧ರಲ್ಲಿ ತೆರೆದಾಗ, ಮುದ್ರಣಾಲಯವು ಅಪ್ರೆಂಟಿಸ್‌ಗಳು ಸೇರಿದಂತೆ ಅದಕ್ಕೆ ಸೇರಲು ಅರ್ಹತೆ ಪಡೆದ ೫೪೦ನೌಕರರನ್ನು ಹೊಂದಿತ್ತು.[೫೯] ಅಂತಿಮವಾಗಿ,ಮುದ್ರಣದಲ್ಲಿ ಅವರ ಸಾಮಾನ್ಯ ಆಸಕ್ತಿ ಫೆಲ್ ಟೈಪ್‌ಗಳ ಅನುಕ್ರಮಣಿಕೆಗೆ ದಾರಿ ಕಲ್ಪಿಸಿತು. ಅದನ್ನು ಅವರು ಟ್ಯುಡರ್ ಮತ್ತು ಸ್ಟಾರ್ಟ್‌ನ ಫ್ಯಾಸಿಮಿಲಿ ಸಂಪುಟಗಳ ಸರಣಿಯಲ್ಲಿ ಮುದ್ರಣಾಲಯಕ್ಕಾಗಿ ಬಳಸುತ್ತಿದ್ದರು. ೧೯೧೫ರಂದು ಅನಾರೋಗ್ಯದಿಂದಾಗಿ ಅವರು ಸಾವಪ್ಪಿದರು.[೬೦] ಆಗ, OUPಸಂಕುಚಿತ ಮುದ್ರಕ ಎಂಬ ಹೆಸರಿನಿಂದ ವ್ಯಾಪಕ,ವಿಶ್ವವಿದ್ಯಾನಿಲಯ ಮಾಲೀಕತ್ವದ ಪ್ರಕಾಶಕ ಕೇಂದ್ರವಾಗಿ ಅಂತಾರಾಷ್ಟ್ರೀಯ ಉಪಸ್ಥಿತಿ ಬೆಳೆಸಿಕೊಂಡಿತು.

ಲಂಡನ್ ವ್ಯವಹಾರ[ಬದಲಾಯಿಸಿ]

ಲಂಡನ್‌ನಲ್ಲಿನ ಮುದ್ರಣಾಲಯದ ವ್ಯವಹಾರವನ್ನು ಬಹುಮಟ್ಟಿಗೆ ವೃದ್ಧಿಸಬಹುದೆಂಬ ಬಗ್ಗೆ ಫ್ರೌಡ್‌ಗೆ ಅನುಮಾನವಿರಲಿಲ್ಲ ಮತ್ತು ಮಾರಾಟಗಳ ದಳ್ಳಾಳಿ ಹಣದ ಆಧಾರದಲ್ಲಿ ಗುತ್ತಿಗೆಯ ಮೇಲೆ ನೇಮಕವಾದರು. ಏಳು ವರ್ಷಗಳ ನಂತರ, ವಿಶ್ವವಿದ್ಯಾನಿಲಯಕ್ಕೆ ಪ್ರಕಾಶಕರಾಗಿ, ಅವರ ಸ್ವಂತ ಹೆಸರನ್ನು ಮತ್ತು ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್‌ನ್ನು ಮುದ್ರೆಯಾಗಿ ಬಳಸುತ್ತಿದ್ದರು. ಇತ್ತೀಚಿನ ದಿನಗಳವರೆಗೆ ಈ ಶೈಲಿಯು ಮುಂದುವರಿಯಿತು. ಮುದ್ರಣಾಲಯದ ಲಂಡನ್ ಕಚೇರಿಗಳಿಂದ ಎರಡು ರೀತಿಯ ಮುದ್ರೆಗಳು ಹೊಮ್ಮಿದವು. ವಿಶ್ವವಿದ್ಯಾನಿಲಯಕ್ಕೆ ಪ್ರಕಾಶಕರಾಗಿ ಹೆಸರಾದ ಕೊನೆಯ ವ್ಯಕ್ತಿ ಜಾನ್ ಗಿಲ್ಬರ್ಟ್ ನ್ಯೂಟನ್ ಬ್ರೌನ್ ಅವರು ಸಹೋದ್ಯೋಗಿಗಳಿಗೆ 'ಬ್ರೂನೊ' ಎಂದು ಪರಿಚಿತರಾಗಿದ್ದರು. ಮುದ್ರೆಗಳು ಸೂಚಿಸುವ ವ್ಯತ್ಯಾಸಗಳು ಸೂಕ್ಷ್ಮವಾಗಿದ್ದರೂ ಮುಖ್ಯವಾಗಿತ್ತು. ದಳ್ಳಾಳಿಹಣದ ಆಧಾರದ ಮೇಲೆ ವಿತರಿಸುವ ಪುಸ್ತಕಗಳು(ಅವರ ಲೇಖಕರು ಅಥವಾ ಕೆಲವು ವಿದ್ವತ್ಪೂರ್ಣ ಸಂಸ್ಥೆಗಳಿಂದ ಪಾವತಿಯಾಗಿರುತ್ತದೆ)OUPಯ ಪ್ರಸ್ತಾಪವಿಲ್ಲದೇ ಹೆನ್ರಿ ಫ್ರೌಡ್ ಅಥವಾ ಹಂಫ್ರಿ ಮಿಲ್‌ಫೋರ್ಡ್ ಎಂಬ ಶೈಲಿಯಲ್ಲಿ ಪ್ರಕಾಶಕ ಸ್ವಯಂ ವಿತರಣೆ ಮಾಡಿದಂತೆ ಇರುತ್ತದೆ. ಆದರೆ ವಿಶ್ವವಿದ್ಯಾನಿಲಯದ ಅಂಗೀಕೃತ ಪದ್ಧತಿಯಲ್ಲಿ ಪ್ರಕಾಶಕ ವಿತರಿಸಿದ ಪುಸ್ತಕ ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್ ಎಂಬ ಮುದ್ರೆಯನ್ನು ಹೊಂದಿರುತ್ತದೆ. ಇವೆರಡೂ ವರ್ಗಗಳನ್ನು ಲಂಡನ್ ಬಹುತೇಕ ನಿಭಾಯಿಸುತ್ತದೆ ಮತ್ತು ಆಕ್ಸ್‌ಫರ್ಡ್(ರೂಢಿಯಲ್ಲಿ ಕಾರ್ಯದರ್ಶಿ)ಕ್ಲಾರೆಂಡನ್ ಮುದ್ರಣಾಲಯದ ಪುಸ್ತಕಗಳ ಮೇಲ್ವಿಚಾರಣೆ ವಹಿಸುತ್ತದೆ. ಕಮೀಷನ್ ಪುಸ್ತಕಗಳು ಲಂಡನ್ ವ್ಯವಹಾರದ ಖರ್ಚುಗಳಿಗೆ ಆರ್ಥಿಕ ನೆರವು ನೀಡುವ ಲಾಭದ ಘಟಕವಾಗಲು ಉದ್ದೇಶಿಸಲಾಗಿತ್ತು. ಈ ಉದ್ದೇಶಕ್ಕಾಗಿ ಮುದ್ರಣಾಲಯವು ಯಾವುದೇ ಸಂಪನ್ಮೂಲಗಳನ್ನು ತೆಗೆದಿರಿಸಿರಲಿಲ್ಲ. ಆದರೂ ಫ್ರೌಡ್ ಎಲ್ಲ ಕಮೀಷನ್ ಪುಸ್ತಕಗಳು ಪ್ರತಿನಿಧಿಗಳ ಅನುಮೋದನೆಯೊಂದಿಗೆ ಪ್ರಕಟಿಸುವುದಕ್ಕೆ ವಿಶೇಷವಾಗಿ ಎಚ್ಚರಿಕೆ ವಹಿಸಿದ್ದರು. ಇದು ಪಾಂಡಿತ್ಯಪೂರ್ಣ ಅಥವಾ ಪ್ರಾಚೀನ ಮುದ್ರಣಾಲಯಗಳಿಗೆ ಅಸಾಮಾನ್ಯ ವ್ಯವಸ್ಥೆಯಾಗಿರಲಿಲ್ಲ.[ಸೂಕ್ತ ಉಲ್ಲೇಖನ ಬೇಕು] ತಕ್ಷಣವೇ ಬೈಬಲ್‌ನ ಪರಿಷ್ಕೃತ ಆವೃತ್ತಿಯನ್ನು ಕೇಂಬ್ರಿಜ್ ವಿಶ್ವವಿದ್ಯಾನಿಲಯ ಮುದ್ರಣಾಲಯದ ಜತೆ ಜಂಟಿಯಾಗಿ ಸನ್ನಿಹಿತ ಪ್ರಕಟಣೆ ಮಾಡಲು ಫ್ರೌಡ್ ಅವರನ್ನು ಪ್ರೈಸ್ ತಯಾರುಮಾಡಿದರು. ಇದು ಮಾರಾಟದ ಪ್ರಮಾಣದಲ್ಲಿ ಬೆಸ್ಟ್‌ಸೆಲ್ಲರ್(ಉತ್ತಮ ಮಾರಾಟ)ಎಂಬ ಭರವಸೆ ನೀಡಿತು. ಬೇಡಿಕೆಯನ್ನು ಪೂರೈಸಲು ಮುದ್ರಣಾಲಯದ ಎಲ್ಲ ಸಂಪನ್ಮೂಲಗಳನ್ನು ಬಳಸಿಕೊಳ್ಳಬೇಕಾಯಿತು. ಇದು ಗ್ರೀಕ್ ಮತ್ತು ಹೆಬ್ರಿವ್ ಆವೃತ್ತಿಗಳಿಂದ ಬೈಬಲ್ ಮೂಲಗ್ರಂಥದ ಸಂಪೂರ್ಣ ಮರುತರ್ಜುಮೆಯಾಗಿದ್ದು, ೧೬೧೧ರ ಅಧಿಕೃತ ಆವೃತ್ತಿಯನ್ನು ಮೀರಿಸಿದೆ. ಫ್ರೌಡ್‌ರ ಏಜನ್ಸಿಯನ್ನು ಪರಿಷ್ಕೃತ ಆವೃತ್ತಿಗಾಗಿ ಸಕಾಲದಲ್ಲಿ ಸ್ಥಾಪಿಸಲಾಯಿತು ಮತ್ತು ಅದನ್ನು ೧೮೮೧ರ ಮೇ೧೭ರಂದು ಪ್ರಕಟಿಸಲಾಯಿತು. ಅದು ಪ್ರಕಟಣೆಗಿಂತ ಮುಂಚೆ ಹತ್ತು ಲಕ್ಷ ಪ್ರತಿಗಳನ್ನು ಅಪಾಯಕಾರಿ ದರದಲ್ಲಿ ಮಾರಾಟ ಮಾಡಿತು. ಅಂತಿಮವಾಗಿ ಹೆಚ್ಚಿನ ಉತ್ಪಾದನೆಯು ಲಾಭಗಳ ಮೇಲೆ ಪರಿಣಾಮ ಬೀರಿತು.[ಸೂಕ್ತ ಉಲ್ಲೇಖನ ಬೇಕು] ಫ್ರೌಡ್ ಯಾವುದೇ ರೀತಿಯಲ್ಲೂ ಆಕ್ಸ್‌ಫರ್ಡ್ ವ್ಯಕ್ತಿಯಾಗಿರಲಿಲ್ಲ ಮತ್ತು ಹಾಗಾಗುವ ಸಾಮಾಜಿಕ ಯೋಗ್ಯತೆಗಳು ಅವರಿಗೆ ಇರಲಿಲ್ಲ. ಅವರು ಸುಭದ್ರ ವ್ಯಾಪಾರೋದ್ಯಮಿಯಾಗಿದ್ದು, ಎಚ್ಚರಿಕೆ ಮತ್ತು ಉದ್ಯಮದ ನಡುವೆ ಮಾಯೆಯ ಸಮತೋಲನವನ್ನು ಸಾಧಿಸಲು ಸಮರ್ಥರಾಗಿದ್ದರು. ಮುಂಚಿನಿಂದಲೂ ಅವರಿಗೆ ಮುದ್ರಣಾಲಯದ ಸಾಗರೋತ್ತರ ವ್ಯಾಪಾರವನ್ನು ಮೊದಲಿಗೆ ಯುರೋಪ್‌ನಲ್ಲಿ ಮತ್ತು ಅಮೆರಿಕ, ಕೆನಡ, ಭಾರತ ಮತ್ತು ಆಫ್ರಿಕಾದಲ್ಲಿ ಹೆಚ್ಚೆಚ್ಚು ಸುಧಾರಿಸುವ ಕಲ್ಪನೆಗಳನ್ನು ಹೊಂದಿದ್ದರು. ಅವರು ಹೆಚ್ಚುಕಡಿಮೆ ಏಕಾಂಗಿಯಾಗಿ ಅಮೆರಿಕ ಶಾಖೆಯನ್ನು ಮತ್ತು ಎಡಿನ್‌ಬರ್ಗ್, ಟೊರೊಂಟೊ ಮತ್ತುಮೆಲ್ಬೋರ್ನ್‌ನಲ್ಲಿ ಡಿಪೋಗಳನ್ನು ಸ್ಥಾಪಿಸಲು ಕಾರಣರಾಗಿದ್ದರು. ಫ್ರೌಡ್ OUPಮುದ್ರೆ ಹೊಂದಿರುವ ಪುಸ್ತಕಗಳ ವ್ಯವಸ್ಥಾಪನೆ ತಂತ್ರಗಳನ್ನು ನಿಭಾಯಿಸುತ್ತಿದ್ದರು. ಇವುಗಳಲ್ಲಿ ಲೇಖಕರನ್ನು ನಿಭಾಯಿಸುವುದು, ಬೈಂಡಿಂಗ್, ವಿತರಣೆ, ಜಾಹೀರಾತು ಒಳಗೊಂಡಿವೆ. ಕೇವಲ ಸಂಪಾದಕೀಯ ಕೆಲಸ ಮತ್ತು ಮುದ್ರಣ ಕೆಲಸವನ್ನು ಸ್ವತಃ ಆಕ್ಸ್‌ಫರ್ಡ್‌ನಿಂದ ನಿರ್ವಹಿಸಲಾಗುತ್ತದೆ ಅಥವಾ ಮೇಲ್ವಿಚಾರಣೆ ವಹಿಸಲಾಗುತ್ತದೆ.[ಸೂಕ್ತ ಉಲ್ಲೇಖನ ಬೇಕು] ಫ್ರೌಡ್ ಆಕ್ಸ್‌ಫರ್ಡ್‌ಗೆ ನಿಯಮಿತವಾಗಿ ಹಣವನ್ನು ರವಾನೆ ಮಾಡಿದರು ಮತ್ತು ವ್ಯಾಪಾರವು ಕಡಿಮೆ ಬಂಡವಾಳದಿಂದ ಕೂಡಿದೆಯೆಂದು ಮತ್ತು ಸುಭದ್ರ ವಾಣಿಜ್ಯ ಹೆಜ್ಜೆ ಇರಿಸದಿದ್ದರೆ ವಿಶ್ವವಿದ್ಯಾನಿಲಯದ ಸಂಪನ್ಮೂಲಗಳು ಗಂಭೀರವಾಗಿ ಬರಿದಾಗುತ್ತದೆ ಎಂದು ಖಾಸಗಿಯಾಗಿ ಭಾವಿಸಿದರು. ಅವರು ಸ್ವತಃ ವ್ಯವಹಾರದಲ್ಲಿ ಒಂದು ಮಿತಿವರೆಗೆ ಬಂಡವಾಳ ಹೂಡಲು ಅಧಿಕಾರ ಪಡೆದಿದ್ದು, ಕುಟುಂಬದ ಸಮಸ್ಯೆಗಳಿಂದ ಹಾಗೆ ಮಾಡಲು ಅಸಾಧ್ಯವಾಗಿತ್ತು. ಆದ್ದರಿಂದ ಅವರ ಸಾಗರೋತ್ತರ ಮಾರಾಟಗಳಲ್ಲಿ ಆಸಕ್ತಿ ಬೆಳೆಯಿತು. ೧೮೮೦ ಮತ್ತು ೧೮೯೦ರ ದಶಕಗಳಲ್ಲಿ ಭಾರತದಲ್ಲಿ ಹಣ ಸಂಪಾದಿಸಬಹುದಿತ್ತು. ಆಗ ಯುರೋಪಿಯನ್ ಪುಸ್ತಕ ಮಾರುಕಟ್ಟೆ ನಿಷ್ಕ್ರಿಯವಾಗಿತ್ತು. ಮುದ್ರಣಾಲಯದ ನಿರ್ಧಾರ ಕೈಗೊಳ್ಳುವ ಪ್ರಕ್ರಿಯೆಯಿಂದ ಫ್ರೌಡ್ ದೂರಉಳಿದಿರುವ ಅರ್ಥವೇನೆಂದರೆ, ಪ್ರತಿನಿಧಿಯೊಬ್ಬರು ಅವರ ಪರವಾಗಿ ಮಾತನಾಡುವ ತನಕ ನೀತಿಯ ಮೇಲೆ ಅವರು ಪ್ರಭಾವ ಬೀರಲು ಅಸಮರ್ಥರಾಗಿರುತ್ತಾರೆ. ಪ್ರತಿನಿಧಿಗಳು ನೀಡುವ ಆದೇಶದ ಮೇಲೆ ಬಹುತೇಕ ಬಾರಿ ಫ್ರೌಡ್ ತಮಗೆ ಸಾಧ್ಯವಾದ ಕೆಲಸ ಮಾಡುತ್ತಿದ್ದರು. ೧೯೦೫ರಲ್ಲಿ ಪಿಂಚಣಿಗೆ ಅರ್ಜಿ ಸಲ್ಲಿಸುವ ಸಂದರ್ಭದಲ್ಲಿ ಅವರು ಆಗಿನ ಉಪ ಕುಲಪತಿ J.R. ಮಗರತ್ಅವರಿಗೆ ಪತ್ರ ಬರೆದು, ಬೈಬಲ್ ಮಳಿಗೆಯ ವ್ಯವಸ್ಥಾಪಕರಾಗಿ ಸೇವೆ ಸಲ್ಲಿಸಿದ ಏಳು ವರ್ಷಗಳ ಅವಧಿಯಲ್ಲಿ ಲಂಡನ್ ವ್ಯವಹಾರದ ವ್ಯಾಪಾರಗಳು ೨೦೦೦೦ಡಾಲರ್ ಸರಾಸರಿಯಾಗಿದ್ದು ಮತ್ತು ಪ್ರತಿವರ್ಷ ಲಾಭಗಳು ೧೮೮೭ಡಾಲರ್ ಆಗಿತ್ತು. ೧೯೦೫ರಲ್ಲಿ ಪ್ರಕಾಶಕರಾಗಿ ಅವರ ವ್ಯವಸ್ಥಾಪನೆಯಲ್ಲಿ, ಮಾರಾಟಗಳು ಪ್ರತಿ ವರ್ಷಕ್ಕೆ ೨೦೦,೦೦೦ ಡಾಲರ್‌ಗಿಂತ ಹೆಚ್ಚಿಗಿತ್ತು ಮತ್ತು ಲಾಭಗಳು ೨೯ವರ್ಷಗಳ ಅವರ ಸೇವೆಯಲ್ಲಿ ಪ್ರತಿ ವರ್ಷಕ್ಕೆ ೮,೨೪೨ ಡಾಲರ್ ಸರಾಸರಿಯನ್ನು ಮುಟ್ಟಿತ್ತು.

ಕಾರ್ಯದರ್ಶಿ ಹುದ್ದೆಯ ಬಗ್ಗೆ ಸಂಘರ್ಷ[ಬದಲಾಯಿಸಿ]

ಮುದ್ರಣಾಲಯದ ಸ್ವಯಂ ಐತಿಹಾಸಿಕ ಜಡತ್ವದ ಪ್ರತಿರೋಧದ ವಿರುದ್ಧ ಮುದ್ರಣಾಲಯವನ್ನು ಆಧುನೀಕರಿಸುವ ಸ್ವಯಂ ವಿಧಾನದಿಂದ, ಪ್ರೈಸ್ ಅತಿಯಾದ ಕೆಲಸ ಮಾಡಿದರು ಮತ್ತು ೧೮೮೩ರಲ್ಲಿ ತೀವ್ರ ಬಳಲಿಕೆಯಿಂದ ನಿವೃತ್ತರಾಗಲು ಬಯಸಿದರು. ಬೆಂಜಮಿನ್ ಜೋವೆಟ್ ೧೮೮೨ರಲ್ಲಿ ವಿಶ್ವವಿದ್ಯಾನಿಲಯದ ಉಪ ಕುಲಪತಿಯಾಗಿದ್ದರು. ಪ್ರೈಸ್ ಉತ್ತರಾಧಿಕಾರಿ ನೇಮಕಾತಿಗೆ ಹಾಜರಾಗುತ್ತಿದ್ದ ಕೊನೆಯಿಲ್ಲದ ಸಮಿತಿಗಳಿಂದ ಸಹನೆ ಕಳೆದುಕೊಂಡ ಜೋವೆಟ್ ಪ್ರತಿನಿಧಿಗಳಿಂದ ಅನುಮತಿ ಎಂದು ವ್ಯಾಖ್ಯಾನವನ್ನು ತೆಗೆದು,ತಮ್ಮ ಮಾಜಿ ವಿದ್ಯಾರ್ಥಿ ಅನುಯಾಯಿ ಫಿಲಿಪ್ ಲಿಟ್ಟೆಲ್‌ಟನ್ ಜೆಲ್‌ ಅವರನ್ನು ಪ್ರತಿನಿಧಿಗಳ ಮುಂದಿನ ಕಾರ್ಯದರ್ಶಿಯಾಗಿ ತಲೆಶಿಕಾರಿ ಮಾಡಿದರು. ಜೆಲ್ ಅವರು ಪ್ರಕಾಶಕ ಸಂಸ್ಥೆ ಕ್ಯಾಸೆಲ್, ಪೆಟ್ಟರ್ ಮತ್ತು ಗಾಲ್ಪಿನ್‌ನಲ್ಲಿ ಸ್ವತಃ ಹೆಸರು ಮಾಡಿದ್ದರು. ಈ ಸಂಸ್ಥೆಯು ಲಜ್ಜಾಸ್ಪದವಾಗಿ ವಾಣಿಜ್ಯಕ ಎಂದು ಪ್ರತಿನಿಧಿಗಳು ಪರಿಗಣಿಸಿದ್ದರು. ಜೆಲ್ ಸ್ವಯಂ ಕುಲೀನ ವಂಶಸ್ಥರಾಗಿದ್ದು, ಅವರ ಕೆಲಸದ ಬಗ್ಗೆ ಅತೃಪ್ತರಾಗಿದ್ದರು. ಒಂದು ವರ್ಗದ, ಅಂದರೆ ಕೆಳ ಮಧ್ಯಮವರ್ಗದ ಅಭಿರುಚಿಗೆ ತಕ್ಕಂತೆ ದುಡಿಯಬೇಕಿತ್ತು.ಅವರು OUP ಆಕರ್ಷಿಸಿದ ಓದುಗವರ್ಗಗಳು ಮತ್ತು ಪುಸ್ತಕಗಳ ವಿಧಗಳೊಂದಿಗೆ ಕೆಲಸ ಮಾಡುವ ಅವಕಾಶವನ್ನು ಗ್ರಹಿಸಿದರು. ಜೆಲ್‌ಗೆ ಜೊವೆಟ್ ಸುವರ್ಣಾವಕಾಶಗಳ ಭರವಸೆ ನೀಡಿದರು. ಇವುಗಳಲ್ಲಿ ಕೆಲವನ್ನು ಮಾತ್ರ ವಾಸ್ತವವಾಗಿ ತಲುಪಿಸಲು ಅವರು ಅಧಿಕಾರ ಹೊಂದಿದ್ದರು. ಅವರು ಜೆಲ್ ನೇಮಕವನ್ನು ಸುದೀರ್ಘ ರಜೆ(ಜೂನ್‌ನಿಂದ ಸೆಪ್ಟೆಂಬರ್)ಮತ್ತು ಮಾರ್ಕ್ ಪ್ಯಾಟಿಸನ್ ಸಾವು ಎರಡಕ್ಕೂ ಹೊಂದಿಕೆಯಾಗುವಂತೆ ವ್ಯವಸ್ಥೆ ಮಾಡಿದ್ದರು. ಇದರಿಂದ ನಿರ್ಣಾಯಕ ಸಭೆಗಳಿಗೆ ಸಮರ್ಥ ವಿರೋಧಿಗಳು ಭಾಗವಹಿಸುವುದನ್ನು ತಪ್ಪಿಸಲಾಯಿತು. ಜೆಲ್ ಶತ್ರುತ್ವವನ್ನು ಎದುರಿಸುವುದಕ್ಕೆ ಮುಖ್ಯ ಕಾರಣವೆಂದರೆ ಅವರು ಮುದ್ರಣಾಲಯಕ್ಕೆ ಎಂದಿಗೂ ಕೆಲಸ ಮಾಡಿರಲಿಲ್ಲ ಮತ್ತು ಪ್ರತಿನಿಧಿ ಕೂಡ ಆಗಿರಲಿಲ್ಲ. ಅವರ ಕೇವಲ ಅಪ್ಪಟ ವಾಣಿಜ್ಯದಿಂದ ಸ್ವತಃ ಕಳಂಕಗೊಂಡಿದ್ದರೆಂದು ಜೋವೆಟ್ ತಿಳಿದಿದ್ದರು. ಅವರ ಭಯಗಳು ದೃಢಪಟ್ಟವು. ಜೆಲ್ ತಕ್ಷಣ ಮುದ್ರಣಾಲಯದ ಆಮೂಲಾಗ್ರ ಆಧುನೀಕರಣವನ್ನು ಔಚಿತ್ಯಪ್ರಜ್ಞೆಯ ಕೊರತೆಯಿಂದ ಪ್ರಸ್ತಾಪಿಸಿದರು ಮತ್ತು ಸ್ವತಃ ನಿರಂತರ ಶತ್ರುಗಳನ್ನು ಸಂಪಾದಿಸಿದರು. ಆದರೂ ಅವರು ಫ್ರೌಡ್ ಜತೆ ಸೇರಿಕೊಂಡು ಒಂದರ ಹಿಂದೊಂದು ಅನೇಕ ಕೆಲಸವನ್ನು ಮಾಡಲು ಸಾಧ್ಯವಾಯಿತು ಮತ್ತು ೧೮೯೮ರವರೆಗೆ ಪ್ರಕಟಣೆ ಕಾರ್ಯಕ್ರಮಗಳನ್ನು ವಿಸ್ತರಿಸಿದರು ಮತ್ತು OUPಯ ವ್ಯಾಪ್ತಿವರೆಗೆ ಮುಟ್ಟಿದರು. ನಂತರ ಅವರು ಪ್ರತಿನಿಧಿಗಳ ಅಸಹಕಾರವನ್ನು ಸಹಿಸಿಕೊಳ್ಳಬೇಕಾದ್ದರಿಂದ ಆರೋಗ್ಯಕ್ಕೆ ಅಸಾಧ್ಯ ದುಡಿಮೆಯ ಸ್ಥಿತಿಗಳಿಂದ ಹಾನಿಯಾಯಿತು. ಪ್ರತಿನಿಧಿಗಳು ನಂತರ ಅವರ ಗುತ್ತಿಗೆಯನ್ನು ಉಲ್ಲಂಘಿಸುವಂತಹ, ಸೇವೆಯಿಂದ ವಜಾಗೊಳಿಸುವ ನೋಟೀಸ್ ನೀಡಿದರು. ಆದಾಗ್ಯೂ, ಅವರು ಮೊಕದ್ದಮೆ ಹೂಡದಂತೆ ಮನವೊಲಿಸಿ, ಮೌನವಾಗಿ ತೆರಳುವಂತೆ ಮಾಡಲಾಯಿತು.[೬೧] ಪ್ರತಿನಿಧಿಗಳು ಅವರ ಉಪಕ್ರಮಗಳಿಗೆ ಮೊದಲು ವಿರೋಧಿಯಾಗಿರಲಿಲ್ಲ. ಆದರೆ ಅವನ್ನು ಕಾರ್ಯಾಚರಣೆಗೆ ತರುವ ರೀತಿ ಮತ್ತು ಶೈಕ್ಷಣಿಕ ಮಾರ್ಗದ ಜೀವನದ ಜತೆ ಸಹಾನುಭೂತಿಯ ಕೊರತೆಗೆ ಪ್ರತಿನಿಧಿಗಳು ವಿರೋಧಿಯಾಗಿದ್ದರು. ಅವರ ದೃಷ್ಟಿಯಲ್ಲಿ, ಮುದ್ರಣಾಲಯವು ಸದಾ ವಿದ್ವಾಂಸರ ಕೂಟವಾಗಿತ್ತು. ಜೆಲ್ ಅವರ ದಕ್ಷತೆಯ ಕಲ್ಪನೆಯು ಆ ಸಂಸ್ಕೃತಿಯನ್ನು ಉಲ್ಲಂಘಿಸಿದಂತೆ ಕಂಡಿತು. ಆದರೂ ತರುವಾಯ ಒಳಗಿನಿಂದ ಇದೇ ರೀತಿಯ ಸುಧಾರಣೆ ಕಾರ್ಯಕ್ರಮವನ್ನು ಅನುಷ್ಠಾನಕ್ಕೆ ತರಲಾಯಿತು.

ಇಪ್ಪತ್ತನೇ ಶತಮಾನ[ಬದಲಾಯಿಸಿ]

ಜೆಲ್ ಅವರನ್ನು ತೆಗೆಯಲು ಕಾರಣಕರ್ತರಾದ ಚಾರ್ಲ್ಸ್ ಕ್ಯಾನನ್ ೧೮೯೮ರಲ್ಲಿ ಜೆಲ್ ಉತ್ತರಾಧಿಕಾರಿಯಾದರು ಮತ್ತು ಅವರ ಕಿರಿಯ ಸಹೋದ್ಯೋಗಿ ಹಂಫ್ರಿ ಎಸ್. ಮಿಲ್ಫೋರ್ಡ್,೧೯೦೭ರಲ್ಲಿ ಪರಿಣಾಮಕಾರಿಯಾಗಿ ಫ್ರೌಡ್ ಉತ್ತರಾಧಿಕಾರಿಯಾದರು. ಇಬ್ಬರೂ ಆಕ್ಸ್‌ಫರ್ಡ್ ವ್ಯಕ್ತಿಗಳಾಗಿದ್ದು, ವ್ಯವಸ್ಥೆಯ ಒಳಹೊರಗನ್ನು ಬಲ್ಲವರಾಗಿದ್ದರು ಮತ್ತು ನಿಕಟ ಸಹಯೋಗದಿಂದ ಅವರು ಕೈಗೊಂಡ ಕೆಲಸವು ಹಂಚಿಕೊಂಡ ಅನುಭವಗಳು ಮತ್ತು ಪ್ರಪಂಚದೃಷ್ಟಿಕೋನದ ಚಟುವಟಿಕೆಯಾಗಿತ್ತು. ಕ್ಯಾನನ್ ದಿಗಿಲುಹುಟ್ಟಿಸುವ ಮೌನಗಳಿಗೆ ಹೆಸರಾಗಿದ್ದರು ಮತ್ತು ಮಿಲ್ಫೋರ್ಡ್ ವಿಲಕ್ಷಣ ಸಾಮರ್ಥ್ಯವನ್ನು ಹೊಂದಿದ್ದರೆಂದು ಅಮೆನ್ ಹೌಸ್ ನೌಕರರು ಸಾಕ್ಷ್ಯ ನುಡಿದಿದ್ದಾರೆ. ಚೆಸ್‌ಹೈರ್ ಬೆಕ್ಕಿನ ರೀತಿಯಲ್ಲಿ ಕೋಣೆಯೊಂದರಲ್ಲಿ ಕಣ್ಮರೆಯಾಗಿ, ಕತ್ತಲೆಯಿಂದ ಇದ್ದಕ್ಕಿದ್ದಂತೆ ತನ್ನ ಅಧೀನ ನೌಕರರನ್ನು ಉದ್ದೇಶಿಸಿ ಮಾತನಾಡಿ ಬೆಚ್ಚಿಬೀಳುವಂತೆ ಮಾಡುತ್ತಿದ್ದರು. ಅವರ ಕೆಲಸ ಮಾಡುವ ಶೈಲಿಗೆ ಯಾವುದೇ ಕಾರಣಗಳಿದ್ದರೂ, ಕ್ಯಾನಾನ್ ಮತ್ತು ಮಿಲ್ಫೋರ್ಡ್ ಇಬ್ಬರೂ ಏನು ಮಾಡಬೇಕೆಂಬ ಬಗ್ಗೆ ಗಡಸುತನದ ದೃಷ್ಟಿಕೋನ ಹೊಂದಿದ್ದರು ಮತ್ತು ಅದನ್ನು ನಿರ್ವಹಿಸಲು ಮುಂದುವರಿದರು. ಮಿಲ್ಫೋರ್ಡ್ ಲಂಡನ್ ಕಚೇರಿಯನ್ನು ಪ್ರವೇಶಿದ ಕೆಲವೇ ವಾರಗಳಲ್ಲಿ ( ೧೯೦೪) ತಮ್ಮನ್ನು ಬದಲಿಸಲಾಗುತ್ತದೆಂಬುದನ್ನು ಫ್ರೌಡ್ ಅರಿತುಕೊಂಡರು. ಮಿಲ್ಫೋರ್ಡ್, ಆದಾಗ್ಯೂ ಫ್ರೌಡ್ ಅವರನ್ನು ಔಚಿತ್ಯಪೂರ್ಣವಾಗಿ ನಡೆಸಿಕೊಂಡರು ಮತ್ತು ಫ್ರೌಡ್ ೧೯೧೩ರವರೆಗೆ ಸಲಹಾ ಸಾಮರ್ಥ್ಯದಲ್ಲಿ ಉಳಿದರು. ಮಿಲ್ಫೋರ್ಡ್ ಶೀಘ್ರದಲ್ಲೇ ಹಾಡ್ಡರ್ ಮತ್ತು ಸ್ಟಾಟನ್‌ನ J.E. ಹಾಡ್ಡರ್ ವಿಲಿಯಮ್ಸ್ ಜತೆ ಸೇರಿಕೊಂಡು, ಶಿಕ್ಷಣ, ವಿಜ್ಞಾನ, ವೈದ್ಯಕೀಯ ಮತ್ತು ಕಾದಂಬರಿ ವ್ಯಾಪಕ ಪ್ರಮಾಣದ ಪುಸ್ತಕಗಳ ವಿತರಣೆಗೆ ಜಂಟಿ ಖಾತೆ(ಜಾಯಿಂಟ್ ಅಕೌಂಟ್) ಸ್ಥಾಪಿಸಿದರು. ಮಿಲ್ಫೋರ್ಡ್ ಅನೇಕ ಉಪಕ್ರಮಗಳನ್ನು ಆಚರಣೆಗೆ ತಂದರು.ಇದರಲ್ಲಿ ಮುದ್ರಣಾಲಯದ ಜಾಗತಿಕ ಶಾಖೆಗಳಿಗೆ ಅಡಿಪಾಯಗಳನ್ನು ಹಾಕಿರುವುದು ಸೇರಿದೆ.

ಸಾಗರೋತ್ತರ ವ್ಯಾಪಾರದ ಅಭಿವೃದ್ಧಿ[ಬದಲಾಯಿಸಿ]

ಮಿಲ್ಫೋರ್ಡ್ ಒಮ್ಮೆಯೇ ಸಾಗರೋತ್ತರ ವ್ಯಾಪಾರದ ಜವಾಬ್ದಾರಿ ವಹಿಸಿಕೊಂಡರು ಮತ್ತು ೧೯೦೬ರಲ್ಲಿ ಭಾರತಕ್ಕೆ ಮತ್ತು ದೂರ ಪ್ರಾಚ್ಯಕ್ಕೆ ಹಾಡ್ಡರ್ ಮತ್ತು ಸ್ಟೌಟನ್ ಜತೆಯಲ್ಲಿ ಪ್ರವಾಸಿಯೊಬ್ಬರನ್ನು ಕಳಿಸುವ ಯೋಜನೆ ಹಾಕಿದರು. N. ಗ್ರೇಡನ್(ಪ್ರಥಮ ಹೆಸರು ಅಜ್ಞಾತ)೧೯೦೭ರಲ್ಲಿ ಇಂತಹ ಪ್ರಥಮ ಪ್ರವಾಸಿಯಾಗಿದ್ದು, ೧೯೦೮ರಲ್ಲಿ ಪುನಃ ಅವರು ವಿಶೇಷವಾಗಿ ಭಾರತ, ಜಲಸಂಧಿಗಳು ಮತ್ತು ದೂರ ಪ್ರಾಚ್ಯದಲ್ಲಿ OUPಯಪ್ರಾತಿನಿಧ್ಯ ವಹಿಸಿದರು. A.H. ಕಾಬ್೧೯೦೯ರಲ್ಲಿ ಅವರಿಗೆ ಬದಲಿಯಾಗಿ ಬಂದರು ಮತ್ತು ೧೯೧೦ರಲ್ಲಿ ಕಾಬ್ ಪ್ರವಾಸಿ ವ್ಯವಸ್ಥಾಪಕರಾಗಿ ಕಾರ್ಯನಿರ್ವಹಿಸಿ, ಅರೆ ಕಾಯಂ ಭಾರತದಲ್ಲಿ ನೆಲೆನಿಂತರು. ೧೯೧೧ರಲ್ಲಿ E.V. ರಿಯು ಪೂರ್ವ ಏಷ್ಯಕ್ಕೆ ಅಂತರ-ಸೈಬೀರಿಯಾ ರೈಲ್ವೆಯ ಮೂಲಕ ತೆರಳಿ, ಚೀನಾ ಮತ್ತು ರಷ್ಯಾದಲ್ಲಿ ಅನೇಕ ಯಾತ್ರೆಗಳ ನಂತರ, ದಕ್ಷಿಣ ಏಷ್ಯಾಕ್ಕೆ ಆಗಮಿಸಿ, ಭಾರತಾದ್ಯಂತ ಶಿಕ್ಷಣತಜ್ಞರನ್ನು ಮತ್ತು ಅಧಿಕಾರಿಗಳನ್ನು ಭೇಟಿ ಮಾಡಿ ಬಹುಮಟ್ಟಿನ ವರ್ಷಗಳನ್ನು ಕಳೆದರು. ೧೯೧೨ರಲ್ಲಿ ಅವರು ಈಗ ಮುಂಬಯಿ ಎಂದು ಹೆಸರಾದ ಬಾಂಬೆಗೆ ಪುನಃ ಆಗಮಿಸಿದರು. ಅಲ್ಲಿ ಅವರು ಬಂದರು ಪ್ರದೇಶದಲ್ಲಿ ಕಚೇರಿಯೊಂದನ್ನು ಬಾಡಿಗೆಗೆ ಪಡೆದರು ಮತ್ತು ಪ್ರಥಮ ಸಾಗರೋತ್ತರ ಕಚೇರಿಯನ್ನು ಸ್ಥಾಪಿಸಿದರು. ೧೯೧೪ರಲ್ಲಿ ಯುರೋಪ್ ಕ್ಷೋಬೆಯಲ್ಲಿ ಮುಳುಗಿತು. ಯುದ್ಧದ ಪ್ರಥಮ ಪರಿಣಾಮಗಳು ಕಾಗದದ ಕೊರತೆಗಳು ಮತ್ತು ಸರಕು ರವಾನೆಯಲ್ಲಿ ನಷ್ಟಗಳು ಮತ್ತು ತೊಂದರೆಗಳು, ಸಿಬ್ಬಂದಿಗೆ ಕರೆಕಳುಹಿಸಿ, ಯುದ್ಧಕ್ಷೇತ್ರದಲ್ಲಿ ಸೇವೆಗೆ ತೆರಳುವಂತೆ ಸೂಚಿಸಿದ್ದರಿಂದ ದುಡಿಯುವ ಕೈಗಳ ಕೊರತೆ ಕಾಣಿಸಿಕೊಂಡಿತು. ಭಾರತೀಯ ಶಾಖೆಯ ಇಬ್ಬರು ಪ್ರವರ್ತಕರು ಸೇರಿದಂತೆ ಅನೇಕ ಮಂದಿ ಸಿಬ್ಬಂದಿ ಕಾರ್ಯಾಚರಣೆಯಲ್ಲಿ ಮೃತಪಟ್ಟರು. ಕುತೂಹಲಕರವಾಗಿ, ೧೯೧೪ರಿಂದ ೧೯೧೭ರ ವರ್ಷಗಳವರೆಗೆ ಮಾರಾಟಗಳು ಉತ್ತಮವಾಗಿತ್ತು ಮತ್ತು ಯುದ್ಧದ ಕೊನೆಯಲ್ಲಿ ಮಾತ್ರ ಪರಿಸ್ಥಿತಿಗಳು ಬಾಧಿಸುವಂತೆ ಮಾಡಿತು. ಕೊರತೆಗಳಿಂದ ಪರಿಹಾರ ಕಂಡುಕೊಳ್ಳುವುದರ ಬದಲಿಗೆ ೧೯೨೦ರ ದಶಕವು ಸಾಮಗ್ರಿಗಳು ಮತ್ತು ದುಡಿಮೆ ಎರಡೂ ಬೆಲೆಗಳನ್ನು ಗಗನಕ್ಕೇರಿಸಿದವು. ಕಾಗದವು ಸಿಗುವುದು ವಿಶೇಷವಾಗಿ ಕಷ್ಟವಾಗಿತ್ತು ಮತ್ತು ವ್ಯಾಪಾರ ಕಂಪೆನಿಗಳ ಮೂಲಕ ದಕ್ಷಿಣ ಅಮೆರಿಕದಿಂದ ಆಮದು ಮಾಡಿಕೊಳ್ಳಬೇಕಿತ್ತು. ೧೯೨೦ರ ದಶಕ ಪ್ರಗತಿ ಹೊಂದುತ್ತಿದ್ದಂತೆ, ಆರ್ಥಿಕತೆಗಳು ಮತ್ತು ಮಾರುಕಟ್ಟೆಗಳು ನಿಧಾನವಾಗಿ ಚೇತರಿಸಿಕೊಂಡವು. ೧೯೨೮ರಲ್ಲಿ ಮುದ್ರಣಾಲಯದ ಮುದ್ರೆಯು ಲಂಡನ್ ಎಡಿನ್‌ಬರ್ಗ್, ಗ್ಲಾಸ್ಗೊ, ಲೈಪ್‌ಜಿಗ್, ಟೊರಂಟೊ, ಮೆಲ್ಬೋರ್ನ್, ಕೇಪ್‌ಟೌನ್, ಮುಂಬಯಿ, ಕೊಲ್ಕತಾ, ಮದ್ರಾಸ್ ಮತ್ತು ಶಾಂಘಾಯ್ ಎಂದು ಓದುತ್ತಿತ್ತು. ಇವೆಲ್ಲವೂ ಪೂರ್ಣಸ್ವರೂಪದ ಶಾಖೆಗಳಾಗಿರಲಿಲ್ಲ. ಲೈಪ್‌ಜಿಗ್‌ನಲ್ಲಿ H. ಬೊಹನ್ ಬೀಟ್ ನಡೆಸುತ್ತಿದ್ದ ಡಿಪೊವೊಂದಿತ್ತು. ಕೆನಡ ಮತ್ತು ಆಸ್ಟ್ರೇಲಿಯದಲ್ಲಿ ಸಣ್ಣ,ಕ್ರಿಯಾತ್ಮಕ ಡಿಪೊಗಳು ನಗರಗಳಲ್ಲಿತ್ತು. ಮುದ್ರಣಾಲಯದ ದಾಸ್ತಾನನ್ನು ಮತ್ತು ಸಂಸ್ಥೆಗಳು ಪ್ರಕಟಿಸುವ ಪುಸ್ತಕಗಳನ್ನು ಮಾರಾಟ ಮಾಡಲು ಶೈಕ್ಷಣಿಕ ಪ್ರತಿನಿಧಿಗಳ ಸೇನೆ ಗ್ರಾಮೀಣ ದುರ್ಗಗಳನ್ನು ದಾಟುತ್ತಿದ್ದವು. ಈ ಸಂಸ್ಥೆಗಳ ಏಜನ್ಸಿಗಳನ್ನು ಮುದ್ರಣಾಲಯ ಹೊಂದಿತ್ತು ಮತ್ತು ಕಾದಂಬರಿ ಮತ್ತು ಹಗುರ ಓದುವಿಕೆ ಆಗಾಗ್ಗೆ ಇದರಲ್ಲಿ ಒಳಗೊಂಡಿತ್ತು. ಭಾರತದಲ್ಲಿ, ಮುಂಬಯಿ, ಮದ್ರಾಸ್ ಮತ್ತು ಕಲ್ಕೊತ್ತದ ಶಾಖೆ ಡಿಪೊಗಳು ತಕ್ಕಷ್ಟು ದೊಡ್ಡ ಗಾತ್ರದ ದಾಸ್ತಾನು ತಪಶೀಲು ಪಟ್ಟಿಗಳೊಂದಿಗೆ ಭವ್ಯವಾದ ಸಂಸ್ಥೆಗಳಾಗಿದ್ದವು. ಪ್ರೆಸಿಡೆನ್ಸಿಗಳು ಸ್ವತಃ ದೊಡ್ಡ ಮಾರುಕಟ್ಟೆಗಳಾಗಿದ್ದು, ಅಲ್ಲಿನ ಪ್ರತಿನಿಧಿಗಳು ಬಹುತೇಕ ಮಧ್ಯನಾಡಿನ ವ್ಯಾಪಾರ ನಿರ್ವಹಿಸುತ್ತಿದ್ದರು. ೧೯೨೯ರ ಆರ್ಥಿಕ ಹಿಂಜರಿತ ಅಮೆರಿಕದ ಲಾಭಗಳನ್ನು ತೊಟ್ಟಿಕ್ಕುವ ಹನಿಯಾಗಿ ಮಾಡಿತು ಮತ್ತು ಭಾರತ ನೀರಸ ಚಿತ್ರಣದಲ್ಲಿ ' ಒಂದು ಬೆಳಗುವ ತಾಣ'ವಾಯಿತು. ಆಫ್ರಿಕಾಗಳಿಗೆ ವಿತರಣೆ ಮಾಡಲು ಮತ್ತು ಆಸ್ಟ್ರೇಲಿಷ್ಯಾಕ್ಕೆ ಮುಂದುವರಿಯುವ ಮಾರಾಟಕ್ಕೆ ಮುಂಬಯಿ ಸಂಪರ್ಕ ಬಿಂದುವಾಯಿತು ಮತ್ತು ಮೂರು ಪ್ರಮುಖ ಡಿಪೊಗಳಲ್ಲಿ ತರಬೇತಿ ಪಡೆದ ಜನರು ನಂತರ ಆಫ್ರಿಕಾ ಮತ್ತು ಆಗ್ನೇಯ ಏಷ್ಯಾದ ಪ್ರವರ್ತಕ ಶಾಖೆಗಳಿಗೆ ಚಲಿಸಿದರು.[೬೨] ಮಿಲ್ಫೋರ್ಡ್ ನಿವೃತ್ತಿಯ ಅಂಚಿನಲ್ಲಿದ್ದು, ಯುವಕರು ತೆರಳುವುದನ್ನು ಕಂಡು ದ್ವೇಷಿಸುವುದನ್ನು ಹೊರತುಪಡಿಸಿದರೆ, ವಿಶ್ವ ಯುದ್ಧ IIರ ಮುದ್ರಣಾಲಯ’ ಅನುಭವವು ವಿಶ್ವ ಯುದ್ಧ ೧ಕ್ಕೆ ಸದೃಶವಾಗಿತ್ತು. ಈ ಸಮಯದಲ್ಲಿ ಲಂಡನ್ ಬ್ಲಿಟ್ಜ್ ಹೆಚ್ಚು ತೀಕ್ಷ್ಣವಾಗಿತ್ತು ಮತ್ತು ಲಂಡನ್ ವ್ಯವಹಾರವು ಆಕ್ಸ್‌ಫರ್ಡ್‌ಗೆ ತಾತ್ಕಾಲಿಕವಾಗಿ ಸ್ಥಳಾಂತರವಾಯಿತು. ಮಿಲ್ಫೋರ್ಡ್, ಈಗ ತೀವ್ರವಾಗಿ ಅನಾರೋಗ್ಯಪೀಡಿತರಾಗಿದ್ದರು ಮತ್ತು ವೈಯಕ್ತಿಕ ವಿಯೋಗಗಳ ಸರಣಿಯಿಂದ ಜಗ್ಗಾಡುತ್ತಿದ್ದರು. ಯುದ್ಧದ ಕೊನೆಯವರೆಗೂ ಉಳಿದು ಉದ್ಯಮವನ್ನು ಚಾಲ್ತಿಯಲ್ಲಿಡಲು ಅವರಿಗೆ ಮನವೊಲಿಸಲಾಯಿತು. ಮುಂಚಿನಂತೆ ಎಲ್ಲವೂ ಕಡಿಮೆ ಪೂರೈಕೆಯಿಂದ ಕೂಡಿತ್ತು. ಆದರೆ U-ಬೋಟ್ ಬೆದರಿಕೆ ಹಡಗಿನಲ್ಲಿ ಸರಕುರವಾನೆಯನ್ನು ದುಪ್ಪಟ್ಟು ಅನಿಶ್ಚಿತಗೊಳಿಸಿತು ಮತ್ತು ಟಪಾಲುಪುಸ್ತಕಗಳು ಸಮುದ್ರದಲ್ಲಿ ಕಳೆದುಹೋದ ಸರಕುಗಳ ಶೋಕಪೂರ್ಣ ದಾಖಲೆಗಳಿಂದ ತುಂಬಿತ್ತು. ಸಾಂದರ್ಭಿಕವಾಗಿ ಒಬ್ಬ ಲೇಖಕ ಕೂಡ ತಪ್ಪಿಸಿಕೊಂಡಿದ್ದಾರೆ ಅಥವಾ ಸತ್ತಿದ್ದಾರೆಂದು ವರದಿಯಾಯಿತು ಮತ್ತು ಜಗತ್ತಿನ ಯುದ್ಧಕ್ಷೇತ್ರಗಳಲ್ಲಿ ಹರಡಿರುವ ಸಿಬ್ಬಂದಿ ಬಗ್ಗೆ ಕೂಡ ಹೀಗೆ ವರದಿಯಾಯಿತು. DORAಡಿಫೆನ್ಸ್ ಆಫ್ ದಿ ರಿಯಾಲ್ಮ್ ಆಕ್ಟ್ಶಸ್ತ್ರಾಸ್ತ್ರಗಳ ತಯಾರಿಕೆಗೆ ಅವಶ್ಯಕತೆಯಿಲ್ಲದ ಎಲ್ಲ ಲೋಹವನ್ನು ಒಪ್ಪಿಸುವ ಅಗತ್ಯವಿತ್ತು. ಅನೇಕ ಮೌಲ್ಯಯುತ ಎಲೆಕ್ಟ್ರೋಟೈಪ್ ಪ್ಲೇಟ್‌ಗಳನ್ನು ಸರ್ಕಾರಿ ಆದೇಶದ ಹಿನ್ನೆಲೆಯಲ್ಲಿ ಕರಗಿಸಲಾಯಿತು. ಯುದ್ಧ ಕೊನೆಗೊಳ್ಳುವುದರೊಂದಿಗೆ ಮಿಲ್ಫೋರ್ಡ್ ಅವರ ಸ್ಥಾನವನ್ನು ಜೆಫ್ರಿ ಕಂಬರ್‌ಲೀಜ್ ವಹಿಸಿಕೊಂಡರು. ಸಾಮ್ರಾಜ್ಯ ವಿಘಟನ ಹಿನ್ನೆಲೆಯಲ್ಲಿ ಈ ಅವಧಿಯಲ್ಲಿ ಬಲವರ್ಧನೆ ಕಂಡುಬಂತು ಮತ್ತು ಕಾಮನ್‌ವೆಲ್ತ್ ಯುದ್ಧದ ನಂತರ ಮರುಸಂಘಟನೆಯಾಯಿತು. ಬ್ರಿಟಿಷ್ ಮಂಡಳಿ ಮುಂತಾದ ಸಂಸ್ಥೆಗಳ ಜತೆ ಏಕಸಾಲಿನಲ್ಲಿ OUP ಶಿಕ್ಷಣ ಮಾರುಕಟ್ಟೆಯಲ್ಲಿ ಸ್ವಯಂ ಮರುಸ್ಥಾಪನೆ ಆರಂಭಿಸಿತು. ಎನ್‌ಗುಗಿ ವಾ ಥಿಯೊಂಗೊ ತಮ್ಮ ಪುಸ್ತಕ ಮೂವಿಂಗ್ ದಿ ಸೆಂಟರ್:ದಿ ಸ್ಟ್ರಗಲ್ ಫಾರ್ ಕಲ್ಚರಲ್ ಫ್ರೀಡಂ ದಾಖಲೆಗಳಲ್ಲಿ ತೀವ್ರ ಆಂಗ್ಲೋ-ಕೇಂದ್ರಿತ ಪ್ರಪಂಚದೃಷ್ಟಿಕೋನದೊಂದಿಗೆ ಆಫ್ರಿಕಾದ ಆಕ್ಸ್‌ಫರ್ಡ್ ಓದುಗರು ಕೀನ್ಯಾದಲ್ಲಿ ತಾವು ಮಗುವಾಗಿದ್ದಾಗ ಹೇಗೆ ಪರಿಣಾಮ ಬೀರಿತು ಎಂಬುದನ್ನು ದಾಖಲಿಸಿದ್ದಾರೆ.[೬೩] ಆಗಿನಿಂದ ಮುದ್ರಣಾಲಯವು ಜಾಗತಿಕವಾಗಿ ವಿಸ್ತರಿಸಿದ ಪಾಂಡಿತ್ಯಪೂರ್ಣ ಮತ್ತು ಉಲ್ಲೇಖದ ಪುಸ್ತಕ ಮಾರುಕಟ್ಟೆಯಲ್ಲಿ ಅತೀ ದೊಡ್ಡ ಪಾತ್ರಧಾರಿಯಾಗಿ ಹುಟ್ಟಿತು.

ಭಾರತದ ಶಾಖೆ[ಬದಲಾಯಿಸಿ]

OUP ಭಾರತದ ತೀರಗಳಿಗೆ ಆಗಮಿಸಿದಾಗ, ಇದು ಮೊದಲನೆಯದಾಗಿ ಫ್ರೆಡರಿಕ್ ಮ್ಯಾಕ್ ಮುಲ್ಲರ್ ಸಂಪಾದಕೀಯದ ಸ್ಯಾಕ್ರಡ್ ಬುಕ್ ಆಫ್ ದಿ ಈಸ್ಟ್‌ ನ ವಿಪುಲ ಪ್ರತಿಷ್ಠೆಯಿಂದ ಕೂಡಿತ್ತು. ಅದು ಅಂತಿಮವಾಗಿ ೫೦ ಭಾರೀ ಸಂಪುಟಗಳಿಂದ ಸಂಪೂರ್ಣವಾಯಿತು. ಈ ಸರಣಿಯ ವಾಸ್ತವ ಖರೀದಿಯು ಅನೇಕ ಭಾರತೀಯರ ಆದಾಯವನ್ನು ಮೀರಿತ್ತು. ಗ್ರಂಥಾಲಯಗಳಲ್ಲಿ ಸಾಮಾನ್ಯವಾಗಿ ಭಾರತ ಸರ್ಕಾರ ಉದಾರವಾಗಿ ಒದಗಿಸಿದ ಪ್ರತಿಯ ಸೆಟ್ ಇರುತ್ತಿತ್ತು. ಇದು ಮುಕ್ತ ಉಲ್ಲೇಖದ ಕಪಾಟುಗಳಲ್ಲಿ ಲಭ್ಯವಿದ್ದು, ಭಾರತೀಯ ಮಾಧ್ಯಮದಲ್ಲಿ ಈ ಪುಸ್ತಕಗಳ ಬಗ್ಗೆ ವ್ಯಾಪಕ ಚರ್ಚೆ ನಡೆಯುತ್ತಿತ್ತು. ಇವುಗಳ ಬಗ್ಗೆ ವಿಪುಲ ಟೀಕೆಗಳು ಕೇಳಿಬಂದರೂ, ಮ್ಯಾಕ್ಸ್ ಮುಲ್ಲರ್ ಪ್ರಾಚೀನ ಏಷ್ಯನ್ (ಪರ್ಷಿಯನ್, ಅರೇಬಿಕ್, ಇಂಡಿಯನ್ ಮತ್ತು ಸಿನಿಕ್) ತತ್ವಶಾಸ್ತ್ರವನ್ನು ಪಾಶ್ಚಿಮಾತ್ಯ ರಾಷ್ಟ್ರಗಳಲ್ಲಿ ಜನಪ್ರಿಯಗೊಳಿಸುವ ಮೂಲಕ ಭಾರತಕ್ಕೆ ಅನುಕೂಲ ಕಲ್ಪಿಸಿದ್ದಾರೆ ಎನ್ನುವುದು ಸಾಮಾನ್ಯ ಭಾವನೆಯಾಗಿತ್ತು.[೬೪] ಈ ಪೂರ್ವಭಾವಿ ಖ್ಯಾತಿಯು ಉಪಯುಕ್ತವಾಗಿತ್ತು. ಆದರೆ ಭಾರತ ಉಪಖಂಡದ ಭಾಷೆಗಳ ಅಧ್ಯಯನದ ಪುಸ್ತಕಗಳನ್ನು ಮಾರಾಟ ಮಾಡಲು ಭಾರತದ ಶಾಖೆಯು ಮುಖ್ಯವಾಗಿ ಮುಂಬಯಿನಲ್ಲಿರಲಿಲ್ಲ. ಅವು ಅಮೆರಿಕದಲ್ಲಿ ಚೆನ್ನಾಗಿ ಮಾರಾಟವಾಗುತ್ತವೆ ಎನ್ನುವುದು OUPಗೆ ಚೆನ್ನಾಗಿ ತಿಳಿದಿತ್ತು. ಬ್ರಿಟಿಷ್ ಭಾರತದಲ್ಲಿ ಶೀಘ್ರವಾಗಿ ವಿಸ್ತರಿಸುತ್ತಿದ್ದ ಶಾಲೆ ಮತ್ತು ಕಾಲೇಜು ಜಾಲದಿಂದ ಸೃಷ್ಟಿಯಾದ ವ್ಯಾಪಕ ಶೈಕ್ಷಣಿಕ ಮಾರುಕಟ್ಟೆಗೆ ಸೇವೆಸಲ್ಲಿಸಲು ಅದು ಅಲ್ಲಿ ನೆಲೆಗೊಂಡಿತ್ತು. ಯುದ್ಧದಿಂದ ಉಂಟಾದ ಅಡಚಣೆಗಳ ನಡುವೆಯೂ, ೧೯೧೫ರಲ್ಲಿ ಅದು ಸೆಂಟ್ರಲ್ ಪ್ರಾವಿನ್ಸಸ್‌ಗೆ ಪಠ್ಯಪುಸ್ತಕಗಳನ್ನು ಮುದ್ರಿಸುವ ನಿರ್ಣಾಯಕ ಗುತ್ತಿಗೆಯನ್ನು ಗೆದ್ದುಕೊಂಡಿತು. ಇದು ಕಷ್ಟದ ಹಂತದಲ್ಲಿ ಅದರ ಅದೃಷ್ಟಗಳನ್ನು ಸ್ಥಿರಪಡಿಸಲು ನೆರವಾಯಿತು. E. V. ರಿಯು ತಮಗೆ ನೀಡಿದ ಕರೆಯನ್ನು ವಿಳಂಬಿಸಲಾಗಲಿಲ್ಲ ಮತ್ತು ೧೯೧೭ರಲ್ಲಿ ಅವರನ್ನು ಆಯ್ಕೆಮಾಡಲಾಯಿತು. ಆಡಳಿತವು ಆಗ ಅಥೇನಿಯಂ ಮಾಜಿ ಸಂಪಾದಕಿ ಹಾಗೂ ರಿಯು ಅವರ ಪತ್ನಿ ನೆಲ್ಲಿ ರಿಯು ಮೇಲ್ವಿಚಾರಣೆಯಲ್ಲಿತ್ತು. ಅವರ ಜತೆ ಅವರ ಇಬ್ಬರು ಬ್ರಿಟಿಷ್ ಮಕ್ಕಳು ನೆರವು ನೀಡುತ್ತಿದ್ದರು. ಮುಖ್ಯವಾದ ಎಲೆಕ್ಟ್ರೋಟೈಪ್ ಮತ್ತು ಸ್ಟೀರಿಯೊಟೈಪ್ ಪ್ಲೇಟುಗಳನ್ನು ಆಕ್ಸ್‌ಫರ್ಡ್‌ನಿಂದ ಭಾರತಕ್ಕೆ ಹಡಗಿನಲ್ಲಿ ಸಾಗಿಸಲು ತೀರಾ ತಡವಾಗಿತ್ತು ಮತ್ತು ಸಾಮ್ರಾಜ್ಯದ ಪ್ರಚಾರ ಯಂತ್ರ ಕಾರ್ಯನಿರ್ವಹಿಸಬೇಕಿದ್ದರಿಂದ ಆಕ್ಸ್‌ಫರ್ಡ್ ಮುದ್ರಣಾಲಯವು ಸರ್ಕಾರಿ ಮುದ್ರಣ ಆದೇಶಗಳ ಹೊರೆಯಿಂದ ತುಂಬಿತ್ತು. ಒಂದು ಹಂತದಲ್ಲಿ ಆಕ್ಸ್‌ಫರ್ಡ್‌ನಲ್ಲಿ ಸರ್ಕಾರೇತರ ರಚನೆಯು ವಾರಕ್ಕೆ ೩೨ ಪುಟಗಳಿಗೆ ಇಳಿಕೆಯಾಯಿತು. ೧೯೧೯ರಷ್ಟರಲ್ಲಿ ರಿಯು ತೀವ್ರ ಅನಾರೋಗ್ಯಕ್ಕೀಡಾದರು ಮತ್ತು ಅವರನ್ನು ಮನೆಗೆ ಕರೆತರಬೇಕಾಯಿತು. ಅವರಿಗೆ ಬದಲಿಯಾಗಿ ಜೆಫ್ರಿ ಕಂಬರ್‌ಲೀಜ್ ಮತ್ತು ನೋಯೆಲ್ ಕ್ಯಾರಿಂಗ್‌ಟನ್ ಬಂದರು. ನೋಯೆಲ್ ಕಲಾವಿದೆ ಡೋರಾ ಕಾರಿಂಗ್ಟನ್ ಸಹೋದರರಾಗಿದ್ದು, ಭಾರತದ ಮಾರುಕಟ್ಟೆಗೆ ಡಾನ್ ಕ್ವಿಕ್ಸೋಟ್ ಆವೃತ್ತಿ ಸ್ಟೋರೀಸ್ ರಿಟೋಲ್ಡ್‌ ನ್ನು ವಿವರಿಸಲು ಡೋರಾ ಅವರನ್ನು ಪ್ರೇರೇಪಿಸಿದರು. ಅವರ ತಂದೆ ಚಾರ್ಲ್ಸ್ ಕ್ಯಾರಿಂಗ್‌ಟನ್ ಹತ್ತೊಂಬತ್ತನೇ ಶತಮಾನದಲ್ಲಿ ರೈಲ್ವೆ ಎಂಜಿನಿಯರ್ ಆಗಿದ್ದರು. ನೋಯೆಲ್ ಕ್ಯಾರಿಂಗ್ಟನ್ ಅವರ ಪ್ರಕಟವಾಗದ, ಭಾರತದಲ್ಲಿ ಕಳೆದ ಆರು ವರ್ಷಗಳ ಜೀವನ ಚರಿತ್ರೆ ಬ್ರಿಟಿಷ್ ಗ್ರಂಥಾಲಯದ ಪೌರಸ್ತ್ಯ ಮತ್ತು ಭಾರತ ಕಚೇರಿ ಸಂಗ್ರಹಗಳಲ್ಲಿದೆ. ೧೯೧೫ರಲ್ಲಿ ಮದ್ರಾಸ್ ಮತ್ತು ಕೊಲ್ಕತಾದಲ್ಲಿ ತಾತ್ಕಾಲಿಕ ಡಿಪೊಗಳನ್ನು ಸ್ಥಾಪಿಸಲಾಯಿತು. ೧೯೨೦ರಲ್ಲಿ ನೋಯೆಲ್ ಕ್ಯಾರಿಂಗ್ಟನ್ ಸೂಕ್ತ ಶಾಖೆಯ ನಿರ್ಮಾಣಕ್ಕೆ ಕೊಲ್ಕತಾಗೆ ತೆರಳಿದರು. ಅಲ್ಲಿ ಅವರು ಎಡ್ವರ್ಡ್ ಥಾಮ್ಸನ್ ಜತೆ ಸ್ನೇಹ ಬೆಳೆಸಿ,[disambiguation needed] ಅವರನ್ನು ಬೆಂಗಾಳಿ ಆವೃತ್ತಿಯ ಆಕ್ಸ್‌ಫರ್ಡ್ ಪುಸ್ತಕ ಉತ್ಪಾದನೆಯ ವ್ಯರ್ಥ ಯೋಜನೆಯಲ್ಲಿ ಒಳಗೊಳ್ಳುವಂತೆ ಮಾಡಿದರು.[೬೫] ಮದ್ರಾಸ್‌ನಲ್ಲಿ ಮುಂಬಯಿ ಮತ್ತು ಕೊಲ್ಕತಾದ ರೀತಿ ಔಪಚಾರಿಕ ಶಾಖೆ ಇರಲಿಲ್ಲ.ಅಲ್ಲಿನ ಡಿಪೊದ ಆಡಳಿತವು ಇಬ್ಬರು ಸ್ಥಳೀಯ ಶಿಕ್ಷಣತಜ್ಞರ ಕೈಗಳಲ್ಲಿ ನೆಲೆಯಾಗಿದ್ದಂತೆ ಕಂಡುಬಂತು.

ಪೂರ್ವ ಮತ್ತು ಆಗ್ನೇಯ ಏಷ್ಯಾ[ಬದಲಾಯಿಸಿ]

ಈ ಕ್ಷೇತ್ರದೊಂದಿಗೆ OUPಯ ಸಂಪರ್ಕವು ಭಾರತಕ್ಕೆ ಅವರ ಯಾತ್ರೆಯ ಭಾಗವಾಗಿತ್ತು. ಆಗಿನಿಂದ ಅವರ ಪ್ರವಾಸಿಗರಲ್ಲಿ ಅನೇಕ ಮಂದಿ ಭಾರತಕ್ಕೆ ಹೋಗುವಾಗ ಅಥವಾ ಅಲ್ಲಿಂದ ವಾಪಸು ಬರುವಾಗ ಪೂರ್ವ ಮತ್ತು ಆಗ್ನೇಯ ಏಷ್ಯಾಕ್ಕೆ ತೆರಳುತ್ತಿದ್ದರು. ಗ್ರೇಡನ್ ೧೯೦೭ರಲ್ಲಿ ತಮ್ಮ ಪ್ರಥಮ ಪ್ರವಾಸದಲ್ಲಿ, ಸ್ಟ್ರೈಟ್ಸ್ ಸೆಟಲ್‌ಮಂಟ್‌(ಮಲಯ್ ರಾಜ್ಯಗಳ ಕೂಟ ಮತ್ತು ಸಿಂಗಪುರ)ಚೀನಾ, ಜಪಾನ್‌ಗೆ ಪ್ರವಾಸ ಮಾಡಿದರು. ಆದರೆ ಅಷ್ಟೊಂದು ಸಾಧಿಸಲು ಸಾಧ್ಯವಾಗಲಿಲ್ಲ. ೧೯೦೯ರಲ್ಲಿ A. H. ಕಾಬ್ ಶಾಂಘಾಯ್‌ನ ಶಿಕ್ಷಕರನ್ನು ಮತ್ತು ಪುಸ್ತಕವ್ಯಾಪಾರಿಗಳನ್ನು ಭೇಟಿ ಮಾಡಿದರು. ಅಲ್ಲಿ ಮುಖ್ಯಸ್ಪರ್ಧೆಯು ಅಮೆರಿಕದ ಅಗ್ಗದ ಪುಸ್ತಕಗಳು, ಆಗಾಗ್ಗೆ ಬ್ರಿಟಿಷ್ ಪುಸ್ತಕದ ನೇರ ಮರುಮುದ್ರಣಗಳಾಗಿದ್ದವು.[೬೬] ಆ ಸಮಯದಲ್ಲಿ ಕೃತಿಸ್ವಾಮ್ಯ ಪರಿಸ್ಥಿತಿ, ೧೮೯೧ರ ಚೇಸ್ ಆಕ್ಟ್ ತರುವಾಯ, ಅಮೆರಿಕ ಪ್ರಕಾಶಕರು ಯಾವುದೇ ನಿರ್ಭೀತಿಯಿಲ್ಲದೇ ಇಂತಹ ಪುಸಕ್ತಗಳನ್ನು ಪ್ರಕಟಿಸಬಹುದಿತ್ತು. ಆದರೆ ಎಲ್ಲ ಬ್ರಿಟಿಷ್ ಪ್ರದೇಶಗಳಲ್ಲಿ ಅವುಗಳ ಪ್ರಕಟಣೆಯನ್ನು ನಿಷಿದ್ಧ ವ್ಯಾಪಾರವೆಂದು ಪರಿಗಣಿಸಲಾಗಿತ್ತು. ಎರಡೂ ಪ್ರದೇಶಗಳಲ್ಲಿ ಕೃತಿಸ್ವಾಮ್ಯವನ್ನು ಗಳಿಸಲು ಪ್ರಕಾಶಕರು ಏಕಕಾಲದ ಪ್ರಕಟಣೆಗಳಿಗೆ ವ್ಯವಸ್ಥೆ ಮಾಡಬೇಕಿತ್ತು. ಇಂತಹ ಉಗಿಹಡಗುಗಳ ಯುಗದಲ್ಲಿ ಇದು ಕೊನೆಯಿಲ್ಲದ ಪೂರೈಕೆ, ಸಾಗಣೆ ವ್ಯವಸ್ಥಾಪನೆಯ ತಲೆನೋವಿನ ಕೆಲಸವಾಗಿತ್ತು. ಯಾವುದೇ ಪ್ರದೇಶದಲ್ಲಿ ಪೂರ್ವಭಾವಿ ಪ್ರಕಟಣೆಯು ಇನ್ನೊಂದು ಪ್ರದೇಶದಲ್ಲಿ ಕೃತಿಸ್ವಾಮ್ಯ ರಕ್ಷಣೆಯನ್ನು ಕಳೆದುಕೊಳ್ಳುತ್ತದೆ.[೬೭] ಕಾಬ್ ಶಾಂಘಾಯ್‌ನ(ಅದನ್ನು ಪ್ರಾಧ್ಯಾಪಕರೊಬ್ಬರು ನಡೆಸುತ್ತಿದ್ದರೆಂದು ಕಾಣುತ್ತದೆ) ಹೆಂಜೆಲ್ & ಕಂಪೆನಿಯನ್ನು ಆ ನಗರದ OUPಯ ಪ್ರಾತಿನಿಧ್ಯ ವಹಿಸುವಂತೆ ಆದೇಶಿಸಿದರು.[ಸೂಕ್ತ ಉಲ್ಲೇಖನ ಬೇಕು] ಪತ್ರವ್ಯವಹಾರದಲ್ಲಿ ನಿಯಮರಹಿತವಾಗಿದ್ದ ಹೆಂಜೆಲ್ ಜತೆ ಮುದ್ರಣಾಲಯಕ್ಕೆ ಸಮಸ್ಯೆಗಳಿದ್ದವು. ಅವರು ಇನ್ನೊಬ್ಬ ಶಾಂಘಾಯ್ ಪುಸ್ತಕವ್ಯಾಪಾರಿ ಎಡ್ವರ್ಡ್ ಇವಾನ್ಸ್ ಜತೆ ಕೂಡ ವ್ಯಾಪಾರ ಮಾಡಿದ್ದರು. ‘ನಾವು ಮಾಡುತ್ತಿರುವುದಕ್ಕಿಂತ ಹೆಚ್ಚು ಕೆಲಸವನ್ನು ಚೀನಾದಲ್ಲಿ ಮಾಡಬೇಕು’ಎಂದು ಮಿಲ್ಫೋರ್ಡ್ ಅಭಿಪ್ರಾಯಪಟ್ಟರು ಮತ್ತು ಶೈಕ್ಷಣಿಕ ಅಧಿಕಾರಿಗಳಿಗೆ ಅವರ ಪ್ರತಿನಿಧಿಯಾಗಿ ಹೆಂಜೆಲ್‌ಗೆ ಬದಲಿಯನ್ನು ಪತ್ತೆಮಾಡುವಂತೆ ಅವರು ೧೯೧೦ರಂದು ಕಾಬ್‌ಗೆ ಅಧಿಕಾರ ನೀಡಿದರು.[ಸೂಕ್ತ ಉಲ್ಲೇಖನ ಬೇಕು] ಆ ಬದಲಿ ವ್ಯಕ್ತಿಯು M. ವರ್ನ್ ಮೆಕ್‌ನೀಲಿಯಾಗಿದ್ದರು. ಗೌರವಾನ್ವಿತ ಮಹಿಳೆಯಾಗಿದ್ದ ಅವರು ಕ್ರೈಸ್ತ ಜ್ಞಾನ ಪ್ರಸಾರದ ಸೊಸೈಟಿಯ ಸದಸ್ಯೆಯಾಗಿದ್ದರು ಮತ್ತು ಪುಸ್ತಕದ ಅಂಗಡಿಯನ್ನು ಕೂಡ ನಡೆಸುತ್ತಿದ್ದರು. ಅವರು ಮುದ್ರಣಾಲಯದ ವ್ಯವಹಾರಗಳನ್ನು ಸಮರ್ಥವಾಗಿ ನಿರ್ವಹಿಸಿದರು ಮತ್ತು ಮಿಲ್ಫೋರ್ಡ್‌ಗೆ ಆಗಾಗ್ಗೆ ಅಭಿನಂದನಾಪೂರ್ವಕ ಸಿಗಾರ್‌ಗಳನ್ನು ಕಳಿಸುತ್ತಿದ್ದರು. OUP ಜತೆ ಅಪರ ಸಂಬಂಧವು ೧೯೧೦ರ ದಿನಾಂಕದಿಂದ ಉಂಟಾಗಿರುವಂತೆ ಕಾಣುತ್ತದೆ. ಆದರೂ OUPಪುಸ್ತಕಗಳಿಗೆ ಅವರು ವಿಶೇಷ ಏಜನ್ಸಿಯನ್ನು ಹೊಂದಿರಲಿಲ್ಲ. ಭಾರತಕ್ಕೆ ಭಿನ್ನವಾಗಿ ಬೈಬಲ್‌ಗಳು ಚೀನಾದಲ್ಲಿ ವ್ಯಾಪಾರದ ಪ್ರಮುಖ ವಸ್ತುವಾಗಿತ್ತು.ಅಲ್ಲಿ ಶೈಕ್ಷಣಿಕ ಪುಸ್ತಕಗಳು ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದವು. ಆಕ್ಸ್‌ಫರ್ಡ್‌ನ ಐಷಾರಾಮಿ ಉತ್ಪಾದಿತ ಮತ್ತು ದುಬಾರಿ ಬೈಬಲ್ ಆವೃತ್ತಿಗಳು ಅಮೆರಿಕದ ಅಗ್ಗದ ಪುಸ್ತಕಗಳ ನಡುವೆ ಅಷ್ಟೊಂದು ಸ್ಪರ್ಧಾತ್ಮಕವಾಗಿರಲಿಲ್ಲ. ೧೯೨೦ರ ದಶಕದಲ್ಲಿ, ಒಂದೊಮ್ಮೆ ಭಾರತದ ಶಾಖೆ ನಡೆಯುತ್ತಿದ್ದಾಗ,ಹೊರಕ್ಕೆ ಹೋಗುವ ಅಥವಾ ವಾಪಸಾಗುವ ಸಿಬ್ಬಂದಿ ಸದಸ್ಯರಿಗೆ ಪೂರ್ವ ಮತ್ತು ಆಗ್ನೇಯ ಏಷ್ಯಾದ ಪ್ರವಾಸ ಕೈಗೊಳ್ಳುವುದು ರೂಢಿಯಾಯಿತು. ಮಿಲ್ಫೋರ್ಡ್ ಸೋದರಳಿಯ R. ಕ್ರಿಸ್ಟೋಫರ್ ಬ್ರಾಡ್‌ಬೈ ೧೯೨೮ರಲ್ಲಿ ಹೊರಕ್ಕೆ ತೆರಳಿದರು. ಜಪಾನ್ ಮಂಚೂರಿಯ ಮೇಲೆ ಆಕ್ರಮಣ ಮಾಡಿದ ೧೯೩೧ರ ಅಕ್ಟೋಬರ್ ೧೮ರಂದು ಸಕಾಲದಲ್ಲಿ ಅವರು ಬ್ರಿಟನ್‌ಗೆ ಹಿಂತಿರುಗಿದರು. ಮಿಸ್ M. ವರ್ನ್ ಮೆಕ್‌ನೀಲಿ ಲೀಗ್ ಆಫ್ ನೇಷನ್ಸ್‍‌ಗೆ ಪ್ರತಿಭಟನೆಯ ಪತ್ರವನ್ನು ಮತ್ತು ಮಿಲ್ಫೋರ್ಡ್‌ಗೆ ನಿರಾಶೆಯ ಪತ್ರವನ್ನು ಬರೆದರು. ಮಿಲ್ಭೋರ್ಡ್ ಅವರನ್ನು ಸಮಾಧಾನಪಡಿಸುವ ಪ್ರಯತ್ನ ಮಾಡಿದರು.[ಸೂಕ್ತ ಉಲ್ಲೇಖನ ಬೇಕು] ಜಪಾನ್ OUPಗೆ ಅತ್ಯಂತ ಪರಿಚಿತ ಮಾರುಕಟ್ಟೆಯಾಗಿದ್ದು, ಬಹುತೇಕ ಮಧ್ಯವರ್ತಿಗಳ ಮೂಲಕ ಸಣ್ಣ ಮಟ್ಟದ ವ್ಯಾಪಾರ ನಡೆಯುತ್ತಿತ್ತು. ಮಾರುಜೆನ್ ಕಂಪೆನಿ ಅತೀ ದೊಡ್ಡ ಗ್ರಾಹಕವಾಗಿದ್ದು, ನಿಯಮಗಳಿಗೆ ಸಂಬಂಧಿಸಿದಂತೆ ವಿಶೇಷ ವ್ಯವಸ್ಥೆಯಿತ್ತು. ಇತರ ವ್ಯವಹಾರವನ್ನು H.L. ಗ್ರಿಫಿತ್ಸ್ ಮೂಲಕ ಮಾಡಲಾಗುತ್ತಿತ್ತು. ಗ್ರಿಫಿತ್ಸ್ ಕೋಬ್‌ನ ಸನ್ನೋಮಿಯದಲ್ಲಿ ನೆಲೆಹೊಂದಿದ ವೃತ್ತಿಪರ ಪ್ರಕಾಶಕರ ಪ್ರತಿನಿಧಿಯಾಗಿದ್ದರು. ಗ್ರಿಫಿತ್ಸ್ ಮುದ್ರಣಾಲಯದ ಸಲುವಾಗಿಪ್ರಮುಖ ಜಪಾನಿನ ಶಾಲೆಗಳಿಗೆ ಮತ್ತು ಪುಸ್ತಕದಅಂಗಡಿಗಳಿಗೆ ಪ್ರವಾಸ ಮಾಡಿದರು ಮತ್ತು ಶೇಕಡ ೧೦ ದಳ್ಳಾಳಿ ಹಣವನ್ನು ಪಡೆದರು. ಎಡ್ಮಂಡ್ ಬ್ಲಂಡನ್ ಟೋಕಿಯೊ ವಿಶ್ವವಿದ್ಯಾನಿಲಯದಲ್ಲಿ ಅಲ್ಪಕಾಲವಿದ್ದು ವಿಶ್ವವಿದ್ಯಾನಿಲಯದ ಪುಸ್ತಕವ್ಯಾಪಾರಿಗಳಾದ ಫುಕುಮೊಟೊ ಸ್ಟ್ರಾಯಿನ್ ಜತೆ ಮುದ್ರಣಾಲಯದ ಸಂಪರ್ಕವನ್ನು ಇರಿಸಿದರು. ಆದಾಗ್ಯೂ ಒಂದು ಮುಖ್ಯ ಸ್ವಾಧೀನವು ಜಪಾನ್‌ನಿಂದ ಬಂದಿದ್ದು, A. S. ಹಾರ್ನ್‌ಬಿಯ ಅಡ್ವಾನ್ಸಡ್ ಲರ್ನರ್ಸ್ ಡಿಕ್ಷನರಿ ಅದಾಗಿತ್ತು. ಇದು ಹಾಂಕಾಂಗ್‌ನಲ್ಲಿ ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಪಠ್ಯಕ್ರಮಕ್ಕೆ ಪಠ್ಯಪುಸ್ತಕಗಳನ್ನು ಕೂಡ ಪ್ರಕಟಿಸುತ್ತದೆ. ಚೀನಾ ಭಾಷೆಯ ಬೋಧನಾ ಹೆಸರುಗಳನ್ನು ಕೀಸ್ ಪ್ರೆಸ್ ಬ್ರಾಂಡ್‌ನಿಂದ ಪ್ರಕಟಿಸಲಾಯಿತು (啟思出版社).

ಉತ್ತರ ಅಮೆರಿಕಾ[ಬದಲಾಯಿಸಿ]

ಅಮೆರಿಕದಲ್ಲಿ ಆಕ್ಸ್‌ಫರ್ಡ್ ಬೈಬಲ್ ಗಳನ್ನು ಮಾರಾಟ ಮಾಡುವ ಅನುಕೂಲಕ್ಕಾಗಿ ನ್ಯೂಯಾರ್ಕ್ ನಗರದ ೯೧ಫಿಫ್ತ್ ಅವೆನ್ಯೂನಲ್ಲಿ ೧೮೯೬ರಲ್ಲಿ ಉತ್ತರ ಅಮೆರಿಕ ಶಾಖೆಯನ್ನು ಸ್ಥಾಪಿಸಲಾಯಿತು. ತರುವಾಯ, ಮ್ಯಾಕ್‌ಮಿಲನ್‌ನಿಂದ ಅದು ಮಾತೃಸಂಸ್ಥೆಯ ಎಲ್ಲ ಪುಸ್ತಕಗಳ ಮಾರಾಟವನ್ನು ಸ್ವಾಧೀನಕ್ಕೆ ತೆಗೆದುಕೊಂಡಿತು. ಈ ಕಚೇರಿಯು ೧೯೨೮ ಮತ್ತು ೧೯೩೬ರ ನಡುವೆ ಮಾರಾಟಗಳನ್ನು ಹೆಚ್ಚಿಸಿಕೊಂಡಿತು ಮತ್ತು ತರುವಾಯ ಅಮೆರಿಕದಲ್ಲಿ ಅತ್ಯಂತ ಪ್ರಮುಖ ವಿಶ್ವವಿದ್ಯಾನಿಲಯ ಮುದ್ರಣಾಲಯಗಳಲ್ಲಿ ಒಂದೆನಿಸಿತು. ಇದು ಪಾಂಡಿತ್ಯಪೂರ್ಣ ಮತ್ತು ಉಲ್ಲೇಖದ ಪುಸ್ತಕಗಳು, ಬೈಬಲ್‌ಗಳು, ಕಾಲೇಜು ಮತ್ತು ವೈದ್ಯಕೀಯ ಪಠ್ಯಪುಸ್ತಕಗಳ ಮೇಲೆ ಗಮನವಹಿಸಿತು. ೧೯೯೦ರ ದಶಕದಲ್ಲಿ ಈ ಕಚೇರಿಯು ೨೦೦ಮ್ಯಾಡಿಸನ್ ಅವೆನ್ಯೂನಿಂದ(ಪುಟ್ನಾಂ ಪಬ್ಲಿಷಿಂಗ್ ಜತೆ ಹಂಚಿಕೊಂಡ ಕಟ್ಟಡ)೧೯೮ಮ್ಯಾಡಿಸನ್ ಅವೆನ್ಯೂಗೆ ಸ್ಥಳಾಂತರ ಮಾಡಿತು. ಅದು ಬಿ. ಆಲ್ಟ್‌ಮ್ಯಾನ್ ಕಂಪೆನಿಯ ಮುಂಚಿನ ಮುಖ್ಯಕಚೇರಿಯಾಗಿತ್ತು.[೬೮]

ದಕ್ಷಿಣ ಅಮೆರಿಕಾ[ಬದಲಾಯಿಸಿ]

೧೯೦೯ರ ಡಿಸೆಂಬರ್‌ನಲ್ಲಿ ಕಾಬ್ ಹಿಂತಿರುಗಿ ಆ ವರ್ಷದ ಏಷ್ಯ ಪ್ರವಾಸದ ಲೆಕ್ಕಗಳನ್ನು ನೀಡಿದರು. ಮುದ್ರಣಾಲಯವು ಹಲವು ಸಂಸ್ಥೆಗಳ ಜತೆಗೂಡಿ ವಾಣಿಜ್ಯ ಪ್ರವಾಸಿಗಳನ್ನು ದಕ್ಷಿಣ ಅಮೆರಿಕಕ್ಕೆ ಕಳಿಸಬೇಕೆಂದು ಕಾಬ್ ನಂತರ ಮಿಲ್ಫೋರ್ಡ್ ಅವರಿಗೆ ಪ್ರಸ್ತಾಪ ಮಂಡಿಸಿದರು.ಇದಕ್ಕೆ ಮಿಲ್ಫೋರ್ಡ್ ತಾತ್ವಿಕವಾಗಿ ಒಪ್ಪಿಗೆ ಸೂಚಿಸಿದರು. ಕಾಬ್ ಸ್ಟಿಯರ್ ಎಂಬ ವ್ಯಕ್ತಿಯ ಸೇವೆಗಳನ್ನು ಪಡೆದು(ಪ್ರಥಮ ಹೆಸರು ಅಜ್ಞಾತ) ಅರ್ಜೆಂಟೈನಾ, ಬ್ರೆಜಿಲ್, ಉರುಗ್ವೆ, ಚಿಲಿ ಮತ್ತು ಇತರೆ ರಾಷ್ಟ್ರಗಳಿಗೆ ಕಾಬ್ ಸ್ಟಿಯರ್‌ಗೆ ಜವಾಬ್ದಾರಿಯಾಗಿರುವಂತೆ ಕಳಿಸಿದರು. ಹಾಡರ್ &ಸ್ಟ್ರಾಟನ್ ಈ ಸಾಹಸದಿಂದ ಹೊರಗುಳಿದರು. ಆದರೆ OUPಮುಂದೆ ಸಾಗಿ ಅದಕ್ಕೆ ಕೊಡುಗೆ ನೀಡಿತು. ಸ್ಟಿಯರ್ ಪ್ರವಾಸವು ಅನರ್ಥಕಾರಿಯಾಗಿತ್ತು ಮತ್ತು ಮಿಲ್ಫೋರ್ಡ್ ನಿರಾಸೆಯಿಂದ ಪ್ರತಿಕ್ರಿಯಿಸುತ್ತಾ, ಎಲ್ಲ ಪ್ರವಾಸಿಗಳ ಪ್ರವಾಸಗಳ ಪೈಕಿ ದಾಖಲೆಯಲ್ಲಿ ಅತ್ಯಂತ ದುಬಾರಿ ಮತ್ತು ಕನಿಷ್ಠ ಉತ್ಪಾದಕವಾದ ಪ್ರವಾಸಕ್ಕೆ ವಿದಾಯ ಹೇಳುವುದಾಗಿ ತಿಳಿಸಿದರು. ಸ್ಟಿಯರ್ ತಮ್ಮ ಪ್ರಯಾಣದ ಮಾರ್ಗವನ್ನು ಅರ್ಧಕ್ಕಿಂತ ಹೆಚ್ಚು ಪೂರ್ಣಗೊಳಿಸುವುದಕ್ಕೆ ಮುನ್ನವೇ ವಾಪಸಾದರು. ಹಿಂತಿರುಗುವಾಗ ಕಸ್ಟಮ್ಸ್ ಸಂದಾಯಗಳ ಮರುಪಾವತಿ ಮಾಡಿಸುವಲ್ಲಿ ವಿಫಲರಾದರು. ಇದರಿಂದ ಮುದ್ರಣಾಲಯಕ್ಕೆ ದೊಡ್ಡ ಮೊತ್ತದ ೨೧೦ ಡಾಲರ್ ನಷ್ಟವಾಯಿತು. ಅವರು ಒಯ್ದ ಶೇಕಡ ೮೦ರಷ್ಟು ಪುಸ್ತಕಗಳು ಆನುಷಂಗಿಕ ವೆಚ್ಚಗಳು ಎಂದು ವಿನಿಯೋಗಿಸಲು ಮುದ್ರಣಾಲಯ ಬದ್ಧವಾಗಿತ್ತು. ಆದ್ದರಿಂದ ಅವರು ಗಣನೀಯ ಬೇಡಿಕೆಗಳನ್ನು ಪಡೆದರೂ , ಇನ್ನೂ ನಷ್ಟ ಮಾಡಿಕೊಳ್ಳುತ್ತಿದ್ದರು. ಕೆಲವು ಬೇಡಿಕೆಗಳು ವಾಸ್ತವವಾಗಿ ಪ್ರವಾಸದ ಫಲವಾಗಿ ಬಂದಿವೆ. ಸ್ಟಿಯರ್ ಅವರ ಮಾದರಿಗಳ ಪೆಟ್ಟಿಗೆಯನ್ನು ವಾಪಸು ಮಾಡಿದಾಗ, ಅವು ಎರಡನೇ ಪದರಕ್ಕಿಂತ ಕೆಳಗೆ ತೆರೆಯದಿರುವುದು ಲಂಡನ್ ಕಚೇರಿ ಗಮನಕ್ಕೆ ಬಂತು.[ಸೂಕ್ತ ಉಲ್ಲೇಖನ ಬೇಕು]

ಆಫ್ರಿಕಾ[ಬದಲಾಯಿಸಿ]

ಪೂರ್ವ ಆಫ್ರಿಕಾ ಜತೆ ಕೆಲವು ವ್ಯಾಪಾರವು ಮುಂಬಯಿನ ಮೂಲಕ ನಡೆಯಿತು.

ದಕ್ಷಿಣದ ಆಫ್ರಿಕಾ[ಬದಲಾಯಿಸಿ]

UKಯಲ್ಲಿ ಪ್ರಕಟವಾಗುವ OUPಶೀರ್ಷಿಕೆಗಳಿಗೆ ವಿತರಣೆ ಏಜೆಂಟ್‌ನಂತೆ ಕಾರ್ಯನಿರ್ವಹಿಸಿದ ನಂತರ, ೧೯೬೦ರ ದಶಕದಲ್ಲಿ OUP ದಕ್ಷಿಣದ ಆಫ್ರಿಕವು ಸಾಮಾನ್ಯ ಓದುಗನಿಗೆ ಮತ್ತು ಶಾಲೆಗಳು ಮತ್ತು ವಿಶ್ವವಿದ್ಯಾನಿಲಯಗಳಿಗೆ ಸ್ಥಳೀಯ ಲೇಖಕರ ಪುಸ್ತಕಗಳನ್ನು ಪ್ರಕಟಿಸಲು ಆರಂಭಿಸಿತು. ಅದರ ಪ್ರದೇಶವು ಬೋಟ್ಸ್‌ವಾನಾ,ಲೆಸೋಥೊ,ಸ್ವಾಜಿಲ್ಯಾಂಡ್ ಮತ್ತು ನಮೀಬಿಯ ಮತ್ತು ಐದರಲ್ಲಿ ಅತೀ ದೊಡ್ಡ ಮಾರುಕಟ್ಟೆಯಾದ ದಕ್ಷಿಣ ಆಫ್ರಿಕಾವನ್ನು ಒಳಗೊಂಡಿತ್ತು.
ದಕ್ಷಿಣದ ಆಫ್ರಿಕದ OUPಯು ದಕ್ಷಿಣ ಆಫ್ರಿಕದಲ್ಲಿ ಮೂರು ಅತೀದೊಡ್ಡ ಶೈಕ್ಷಣಿಕ ಪ್ರಕಾಶಕರಲ್ಲಿ ಒಂದಾಗಿತ್ತು. ಪಠ್ಯಪುಸ್ತಕಗಳು, ನಿಘಂಟುಗಳು, ಅಟ್ಲಾಸ್‌ಗಳು ಮತ್ತು ಶಾಲೆಗಳಿಗೆ ಪೂರಕ ಸಾಮಗ್ರಿಗಳು ಮತ್ತು ವಿಶ್ವವಿದ್ಯಾನಿಲಯಗಳಿಗೆ ಪಠ್ಯಪುಸ್ತಕಗಳನ್ನು ಮುದ್ರಿಸುತ್ತದೆ. ಇದರ ಲೇಖಕ ನೆಲೆಯು ಅಗಾಧವಾಗಿ ಸ್ಥಳೀಯವಾಗಿದ್ದು, ವಿದೇಶದಲ್ಲಿ ಶಿಕ್ಷಣ ಪಡೆಯುವ ದಕ್ಷಿಣ ಆಫ್ರಿಕನ್ನರಿಗೆ ವಿದ್ಯಾರ್ಥಿವೇತನಕ್ಕೆ ಬೆಂಬಲಿಸಲು ಮಂಡೇಲಾ ರೋಡ್ಸ್ ಫೌಂಡೇಶನ್ ಜತೆ ಅದು 2೦08ರಲ್ಲಿ ಸಹಯೋಗಕ್ಕೆ ಪ್ರವೇಶಿಸಿತು.

ಸಂಗೀತ ವಿಭಾಗದ ಸ್ಥಾಪನೆ[ಬದಲಾಯಿಸಿ]

ಇಪ್ಪತ್ತನೆಯ ಶತಮಾನಕ್ಕೆ ಪೂರ್ವಭಾವಿಯಾಗಿ, ಆಕ್ಸ್‌ಫರ್ಡ್ ಮುದ್ರಣಾಲಯವು ಸಾಂದರ್ಭಿಕವಾಗಿ ಸಂಗೀತಶಾಸ್ತ್ರಕ್ಕೆ ಸಂಬಂಧಿಸಿದ ಸಂಗೀತ ಅಥವಾ ಪುಸ್ತಕದ ಪ್ರತಿಯನ್ನು ಮುದ್ರಿಸಿದೆ. ಇದು ೧೮೯೯ರಲ್ಲಿ ಯಾಟೆನ್‌ಡೆಲ್ ಸ್ತುತಿಗೀತೆ ಯನ್ನು ಪ್ರಕಟಿಸಿತು ಮತ್ತು ಹೆಚ್ಚು ಗಮನಾರ್ಹವಾಗಿ, ೧೯೦೬ರಲ್ಲಿ ಇಂಗ್ಲೀಷ್ ಸ್ತುತಿಗೀತೆ ಯ ಪ್ರಥಮ ಆವೃತ್ತಿಯನ್ನು ಪರ್ಸಿ ಡೀರ್ಮರ್ ಮತ್ತು ಆಗ ಹೆಚ್ಚಾಗಿ ಅಜ್ಞಾತರಾಗಿದ್ದ ರಾಲ್ಫ್ ವಾಗಾನ್ ವಿಲಿಯಮ್ಸ್ ಸಂಪಾದಕತ್ವದಲ್ಲಿ ಪ್ರಕಟಿಸಿತು. ಸರ್ ವಿಲಿಯಂ ಹೆನ್ರಿ ಹಾಡೊ ಅವರ ಬಹು ಸಂಪುಟದ ಆಕ್ಸ್‌ಫರ್ಡ್ ಹಿಸ್ಟರಿ ಆಫ್ ಮ್ಯೂಸಿಕ್ ೧೯೦೧ ಮತ್ತು ೧೯೦೫ರ ನಡುವೆ ಕಾಣಿಸಿಕೊಂಡಿತು. ಆದಾಗ್ಯೂ, ಇಂತಹ ಸಂಗೀತ ಪ್ರಕಟಣೆ ಸಂಸ್ಥೆಗಳು ವಿರಳವಾಗಿತ್ತು:"ಹತ್ತೊಂಬತ್ತನೇ ಶತಮಾನದ ಆಕ್ಸ್‌ಫರ್ಡ್‌ನಲ್ಲಿ ಸಂಗೀತವು ಯಾವುದೇ ಅರ್ಥದಲ್ಲಿ ಶೈಕ್ಷಣಿಕವಾಗಿದ್ದರೂ ಅದನ್ನು ಪರಿಗಣಿಸುವಂತಿಲ್ಲ ಎಂಬ ಕಲ್ಪನೆಯಿತ್ತು. ಪ್ರತಿನಿಧಿಗಳಲ್ಲಿ ಕೆಲವರು ಅಥವಾ ಮಾಜಿ ಪ್ರಕಾಶಕರು ಸ್ವತಃ ಸಂಗೀತಪ್ರೇಮಿಗಳಾಗಿದ್ದರು ಅಥವಾ ವ್ಯಾಪಕ ಸಂಗೀತ ಹಿನ್ನೆಲೆಗಳನ್ನು ಹೊಂದಿದ್ದರು.[೬೯] ಆದಾಗ್ಯೂ, ಲಂಡನ್ ಕಚೇರಿಯಲ್ಲಿ ಮಿಲ್ಫೋರ್ಡ್‌ಗೆ ಸಂಗೀತದ ಅಭಿರುಚಿಯಿತ್ತು ಮತ್ತು ಅವರಿಗೆ ಸಂಗೀತ ಪ್ರಪಂಚ ಮತ್ತು ಕೆಥೆಡ್ರಲ್ ಸಂಗೀತಗಾರರ ಜತೆ ವಿಶೇಷವಾಗಿ ಸಂಪರ್ಕಗಳನ್ನು ಹೊಂದಿದ್ದರು. ೧೯೨೧ರಲ್ಲಿ, ಮಿಲ್ಫೋರ್ಡ್ ಹಬರ್ಟ್ J. ಫಾಸ್ಅವರನ್ನು ನೇಮಿಸಿಕೊಂಡರು ಮತ್ತು ಮೂಲತಃ ಶೈಕ್ಷಣಿಕ ವ್ಯವಸ್ಥಾಪಕ V. H. ಕಾಲಿನ್ಸ್‌ಗೆ ಸಹಾಯಕರಾಗಿ ನೇಮಿಸಿಕೊಂಡರು. ಈ ಕೆಲಸದಲ್ಲಿ, ಫಾಸ್ ಶಕ್ತಿ ಮತ್ತು ಕಲ್ಪನೆಯನ್ನು ತೋರಿಸಿದರು. ಆದರೆ ಸಟ್‌ಕ್ಲಿಫ್ ಹೇಳುವಂತೆ, ಫಾಸ್ ವಿನಮ್ರ ಸಂಗೀತರಚನೆಕಾರ ಮತ್ತು ಸಹಜ ಪ್ರತಿಭೆಯುಳ್ಳ ಪಿಯಾನೊ ವಾದಕರಾಗಿದ್ದರು. ಅವರು ವಿಶೇಷವಾಗಿ "ಶಿಕ್ಷಣದಲ್ಲಿ ಆಸಕ್ತಿ ಹೊಂದಿರಲಿಲ್ಲ. ಆದರೆ ಉತ್ಕಟಭಾವದಿಂದ ಸಂಗೀತದಲ್ಲಿ ಆಸಕ್ತಿ ತಾಳಿದ್ದರು".[೬೯] ಸ್ವಲ್ಪ ನಂತರ, ಫಾಸ್ ಪ್ರಖ್ಯಾತ ಸಂಗೀತರಚನೆಕಾರರನ್ನು ಕುರಿತ ಪ್ರಬಂಧಗಳನ್ನು ಪ್ರಕಟಿಸುವ ಯೋಜನೆಯನ್ನು ಮಿಲ್ಫೋರ್ಡ್‌ಗೆ ತಂದರು. ಅವರ ಕೃತಿಗಳನ್ನು ಆಗಾಗ್ಗೆ ರೇಡಿಯೊದಲ್ಲಿ ನುಡಿಸಲಾಗುತ್ತಿತ್ತು. ಇದನ್ನು ಶಿಕ್ಷಣ ಸಂಬಂಧಕ್ಕಿಂತ ಕಡಿಮೆ ಸಂಗೀತ ಸಂಬಂಧವನ್ನು ಹೊಂದಿತ್ತೆಂದು ಮಿಲ್ಫೋರ್ಡ್ ಭಾವಿಸಿರಬಹುದು. ಮುದ್ರಣಾಲಯವು ಪ್ರದರ್ಶನಕ್ಕಾಗಿ ಸಂಗೀತ ಪ್ರಕಟಣೆಗೆ ಪ್ರವೇಶಿಸಬಹುದೆಂಬುದಕ್ಕೆ ಚಿಂತನೆ ಪ್ರಕ್ರಿಯೆಯ ಸ್ಪಷ್ಟ ದಾಖಲೆ ಇರಲಿಲ್ಲ. ಫಾಸ್ ಉಪಸ್ಥಿತಿ, ಅವರ ಜ್ಞಾನ, ಸಾಮರ್ಥ್ಯ, ಉತ್ಸಾಹ ಮತ್ತು ಕಲ್ಪನೆಯು ಮಿಲ್ಫೋರ್ಡ್ ಮನಸ್ಸಿನಲ್ಲಿ ಸಾಗರೋತ್ತರ ಶಾಖೆಗಳ ಸ್ಥಾಪನೆ ರೀತಿಯಲ್ಲಿ ಇನ್ನೊಂದು ಹೊಸ ಉದ್ಯಮವಾಗಿ ಸಂಬಂಧಪಡದ ಚಟುವಟಿಕೆಗಳನ್ನು ತರಲು ವೇಗವರ್ಧಕವಾಗಿರಬಹುದು.[೭೦] ತಾವು ಹೊತ್ತುಕೊಳ್ಳುವ ಜವಾಬ್ದಾರಿ ಏನೆಂಬ ಬಗ್ಗೆ ಮಿಲ್ಪೋರ್ಡ್‌ಗೆ ಸಂಪೂರ್ಣ ಅರ್ಥವಾಗಿರಲಿಲ್ಲ. ೧೯೭೩ರಲ್ಲಿ ಸಂಗೀತದ ವಿಭಾಗ ಪ್ರಕಟಿಸಿದ ಐವತ್ತನೆ ವಾರ್ಷಿಕದ ಕರಪತ್ರದಲ್ಲಿ OUPಗೆ ಸಂಗೀತ ವ್ಯಾಪಾರದ ಬಗ್ಗೆ ಯಾವುದೇ ಜ್ಞಾನವಿಲ್ಲ, ಸಂಗೀತದ ಅಂಗಡಿಗಳಲ್ಲಿ ಮಾರಾಟಕ್ಕೆ ಯಾವುದೇ ಪ್ರತಿನಿಧಿಯಿಲ್ಲ, ಶೀಟ್ ಮ್ಯುಸಿಕ್(ಕಾಗದದಲ್ಲಿ ಮುದ್ರಿಸಿದ ಸಂಗೀತ ರಚನೆಗಳು) ಪುಸ್ತಕಗಳಿಗಿಂತ ಭಿನ್ನವಾದ ವಸ್ತು ಎಂಬ ಅರಿವು ಅದಕ್ಕಿಲ್ಲ ಎಂದು ಹೇಳುತ್ತದೆ.[೭೧] ಆದಾಗ್ಯೂ, ಉದ್ದೇಶಪೂರ್ವಕವಾಗಿ ಅಥವಾ ಅಂತರ್ದೃಷ್ಟಿಯಿಂದ OUPಯನ್ನು ಪ್ರಮುಖ ಕಾರ್ಯಾಚರಣೆಗೆ ಆರಂಭಿಸಲು ಮಿಲ್ಫೋರ್ಡ್ ಮೂರು ಕ್ರಮಗಳನ್ನು ಕೈಗೊಂಡರು. ಅವರು ಆಂಗ್ಲೊ-ಫ್ರೆಂಚ್ ಸಂಗೀತ ಕಂಪೆನಿ ಮತ್ತು ಅದರ ಎಲ್ಲ ಸೌಲಭ್ಯಗಳನ್ನು, ಸಂಪರ್ಕಗಳನ್ನು ಮತ್ತು ಸಂಪನ್ಮೂಲಗಳನ್ನು ತಂದರು. ಅವರು ಸಾಧಾರಣವಾಗಿ ಹೆಸರಾಂತ ಸಂಗೀತಗಾರ, ಪೂರ್ಣಕಾಲಿಕ ಸಂಗೀತದ ಮಾರಾಟಗಾರ ನಾರ್ಮನ್ ಪೆಟೆರ್ಕಿನ್ ಅವರನ್ನು ನೇಮಿಸಿಕೊಂಡರು. ೧೯೨೩ರಲ್ಲಿ ಅವರು ಸಂಗೀತದ ಶಾಖೆಯನ್ನು ಪ್ರತ್ಯೇಕ ವಿಭಾಗವಾಗಿ ಅಮೆನ್ ಹೌಸ್‌ನಲ್ಲಿ ಸ್ವಂತ ಕಚೇರಿಗಳನ್ನು ಸ್ಥಾಪಿಸಿದರು ಮತ್ತು ಫಾಸ್ ಪ್ರಥಮ ಸಂಗೀತ ಸಂಪಾದಕರಾದರು. ನಂತರ, ಸಾಮಾನ್ಯ ಬೆಂಬಲವಲ್ಲದೇ ಮಿಲ್ಫೋರ್ಡ್ ಫಾಸ್ ಅವರನ್ನು ಹೆಚ್ಚಾಗಿ ಅವರದೇ ಉಪಕರಣಗಳಲ್ಲಿ ಬಿಟ್ಟರು.[೭೨] ಫಾಸ್ ವಿಸ್ಮಯಕಾರಿ ಶಕ್ತಿಯಿಂದ ಪ್ರತಿಕ್ರಿಯಿಸಿದರು. ಅವರು ಕಡಿಮೆ ಸಾಧ್ಯತೆಯ ಕಾಲದಲ್ಲಿ ಅತೀ ದೊಡ್ಡ ಸಾಧ್ಯತೆಯ ಪಟ್ಟಿಯನ್ನು ಸ್ಥಾಪಿಸಲು ಕೆಲಸ ಮಾಡಿದರು. ವರ್ಷಕ್ಕೆ ೨೦೦ರ ಪ್ರಮಾಣದಲ್ಲಿ ಶೀರ್ಷಿಕೆಗಳನ್ನು ಸೇರಿಸಿದರು. ಎಂಟು ವರ್ಷಗಳ ನಂತರ ಅನುಕ್ರಮಣಿಕೆಯಲ್ಲಿ ೧೭೫೦ ಶೀರ್ಷಿಕೆಗಳಿದ್ದವು.[೭೩] ವಿಭಾಗದ ಸ್ಥಾಪನೆಯ ವರ್ಷದಲ್ಲಿ ಫಾಸ್ ದುಬಾರಿಯಲ್ಲದ ಆದರೆ ಉತ್ತಮವಾಗಿ ಸಂಪಾದಿಸಿದ ಮತ್ತು ಮುದ್ರಿತ ವೃಂದಗಾಯನದ ಕೃತಿಗಳನ್ನು "ಆಕ್ಸ್‌ಫರ್ಡ್ ಚೋರಲ್ ಸಾಂಗ್ಸ್" ಎಂಬ ಸರಣಿಯಲ್ಲಿ ಆರಂಭಿಸಿದರು. ಈ ಸರಣಿಯು W. G. ವಿಟ್ಟಾಕರ್ ಅವರ ಸಾಮಾನ್ಯ ಸಂಪಾದಕತ್ವದಲ್ಲಿ, ಪುಸ್ತಕ ರೂಪ ಅಥವಾ ಅಧ್ಯಯನಕ್ಕೆ ಬದಲಾಗಿ, OUPಯ ಪ್ರದರ್ಶನಕ್ಕಾಗಿ ಸಂಗೀತವನ್ನು ಪ್ರಕಟಿಸಿದ ಪ್ರಥಮ ಜವಾಬ್ದಾರಿಯಾಗಿದೆ. ಸರಣಿ ಯೋಜನೆಯನ್ನು ಅದೇ ರೀತಿ ದುಬಾರಿಯಲ್ಲದ ಆದರೆ ಉತ್ತಮ ಗುಣಮಟ್ಟದ ಆಕ್ಸ್‌ಫರ್ಡ್ ಚರ್ಚ್ ಸಂಗೀತ ಮತ್ತು ಟ್ಯುಡರ್ ಚರ್ಚ್ ಸಂಗೀತ(ಕಾರ್ನಗೀ UK ಟ್ರಸ್ಟ್‌ನಿಂದ ಸ್ವಾಧೀನ)ಸೇರಿಸುವ ಮೂಲಕ ವಿಸ್ತರಿಸಲಾಯಿತು ಮತ್ತು ಇವೆಲ್ಲ ಸರಣಿಯು ಇಂದಿಗೂ ಮುಂದುವರಿದಿದೆ. ಫಾಸ್ ಮೂಲತಃ ಮಿಲ್ಪೋರ್ಡ್‌ಗೆ ನೀಡಿದ ಪ್ರಬಂಧಗಳ ಯೋಜನೆಯು ಹೆರಿಟೇಜ್ ಆಫ್ ಮ್ಯೂಸಿಕ್ ಹೆಸರಿನಲ್ಲಿ ೧೯೨೭ರಲ್ಲಿ ಕಾಣಿಸಿಕೊಂಡಿತು(ಮುಂದಿನ ಮೂವತ್ತು ವರ್ಷಗಳಲ್ಲಿ ಇನ್ನೂ ಎರಡು ಸಂಪುಟಗಳು ಕಾಣಿಸಿಕೊಳ್ಳಲಿವೆ). ಪರ್ಸಿ ಸ್ಕೋಲ್ಸ್ ಅವರ ಲಿಸನರ್ಸ್ ಗೈಡ್ ಟು ಮ್ಯುಸಿಕ್ (ಮೊದಲಿಗೆ ೧೯೧೯ರಲ್ಲಿ ಪ್ರಕಟವಾಯಿತು).ಇದನ್ನು ಶ್ರೋತೃಗಳಿಗೆ ಸಂಗೀತ ವಿಮರ್ಶೆಯ ಪ್ರಥಮ ಸರಣಿ ಪುಸ್ತಕಗಳಾಗಿ ಇದೇ ರೀತಿ ಹೊಸ ವಿಭಾಗಕ್ಕೆ ತರಲಾಯಿತು.[೭೦] ಪ್ರಸಾರ ಮತ್ತು ಮುದ್ರಿತ ಸಂಗೀತದ ಬೆಳವಣಿಗೆಗೆ ಹೊಂದಿಕೆಯಾಗುವಂತೆ ವಿನ್ಯಾಸಗೊಳಿಸಿದ ಸ್ಕೋಲ್ಸ್ ಅವರ OUPಗೆ ಸತತ ಕೆಲಸದ ಜತೆಗೆ ಪತ್ರಿಕೆಗಳ ಸಂಗೀತ ವಿಮರ್ಶೆಯಲ್ಲಿ ಅವರ ಇತರ ಕೆಲಸವನ್ನು ನಂತರ ಆಕ್ಸ್‌ಫರ್ಡ್ ಕಂಪಾನಿಯನ್ ಟು ಮ್ಯುಸಿಕ್‌ ನಲ್ಲಿ ಸಮಗ್ರವಾಗಿ ಸಂಘಟಿಸಿ ಸಂಕ್ಷೇಪಿಸಲಾಗಿದೆ. ಬಹುಶಃ ಅತ್ಯಂತ ಪ್ರಮುಖವಾಗಿ, ಫಾಸ್ ಅವರಿಗೆ ಹೊಸ ಸಂಗೀತರಚನೆಕಾರರನ್ನು ಹುಡುಕುವ ಜಾಣ್ಮೆಯಿತ್ತೆಂದು ಕಾಣುತ್ತದೆ. ಇದನ್ನು ಸಾರ್ವಜನಿಕರು ಸ್ಪಂದಿಸುವ ವಿಶಿಷ್ಟ ಇಂಗ್ಲೀಷ್ ಸಂಗೀತವೆಂದು ಅವರು ಪರಿಗಣಿಸಿದ್ದರು. ಈ ಕೇಂದ್ರೀಕರಣವು OUPಗೆ ಎರಡು ಪರಸ್ಪರ ಬಲಪಡಿಸುವ ಅನುಕೂಲಗಳನ್ನು ಒದಗಿಸಿತು. ಸಮರ್ಥ ಸ್ಪರ್ಧಿಗಳಿಲ್ಲದ ಸಂಗೀತ ಪ್ರಕಟಣೆಯಲ್ಲಿ ನೆಲೆ ಮತ್ತು ಇಂಗ್ಲೀಷರು ಸ್ವತಃ ಹೆಚ್ಚಾಗಿ ತಿರಸ್ಕರಿಸಿದ ಸಂಗೀತ ಪ್ರದರ್ಶನ ಮತ್ತು ರಚನೆಯ ಶಾಖೆ. ಮುಂಚಿನ ಸಂಗೀತ ವಿಭಾಗದಲ್ಲಿ ಬಹುತೇಕ ಅಜ್ಞಾತ ವಾಣಿಜ್ಯ ನಿರೀಕ್ಷೆಗಳೊಂದಿಗೆ ಸಂಗೀತ ಕ್ಷೇತ್ರದಲ್ಲಿ ವಿದ್ಯಾರ್ಥಿವೇತನ ಮತ್ತು ಸಾಂಸ್ಕೃತಿಕ ರಾಷ್ಟ್ರೀಯತೆಯ ಮಿಶ್ರಣವು ಅದರ ಸಾಂಸ್ಕೃತಿಕ ಲೋಕೋಪಕಾರದ ಪ್ರಜ್ಞೆಯಿಂದ (ಮುದ್ರಣಾಲಯದ ಶೈಕ್ಷಣಿಕ ಹಿನ್ನೆಲೆ) ಮತ್ತು ಜರ್ಮನ್ ಮುಖ್ಯವಾಹಿನಿಯ ಹೊರಗೆ ರಾಷ್ಟ್ರೀಯ ಸಂಗೀತವನ್ನು ಪ್ರೋತ್ಸಾಹಿಸುವ ಪ್ರೇರಣೆಯಿಂದ ಕೂಡಿತ್ತು ಎಂದು ಹಿನ್ನೆಲ್ಸ್ ಪ್ರಸ್ತಾಪಿಸಿದ್ದಾರೆ.[೭೪] ಇದರ ಪರಿಣಾಮವಾಗಿ, ಫಾಸ್ ಸಕ್ರಿಯವಾಗಿ ಪ್ರದರ್ಶನವನ್ನು ಉತ್ತೇಜಿಸಿದರು ಮತ್ತು ರಾಲ್ಫ್ ವಾಘಾನ್ ವಿಲಿಯಮ್ಸ್, ವಿಲಿಯಂ ವಾಲ್ಟನ್, ಕಾನ್ಸ್‌ಟಾಂಟ್ ಲ್ಯಾಂಬರ್ಟ್, ಅಲನ್ ರಾವ್ಸ್‌ಥಾರ್ನ್, ಪೀಟರ್ ವಾರ್ಲಾಕ್(ಫಿಲಿಪ್ ಹೆಸಲ್‌ಟೈನ್) ಎಡ್ಮಂಡ್ ರುಬ್ರಾ ಮತ್ತು ಇತರ ಇಂಗ್ಲೀಷ್ ಗೀತರಚನೆಕಾರರಿಂದ ಸಂಗೀತದ ಪ್ರಕಟಣೆಯನ್ನು ಕೋರಿದರು. ಆಧುನಿಕ ಸಂಗೀತದ ಇತಿಹಾಸದಲ್ಲಿ ಅತ್ಯಂತ ಸ್ಥಿರವಾದ ಗಣ್ಯರ ಒಪ್ಪಂದವೆಂದು ಮುದ್ರಣಾಲಯ ಕರೆದ, ವಾಗಾನ್ ವಿಲಿಯಮ್ಸ್ ನೀಡಲು ಬಯಸುವ ಯಾವುದೇ ಸಂಗೀತವನ್ನು ಪ್ರಕಟಿಸುವುದಾಗಿ ಫಾಸ್ ಖಾತರಿ ನೀಡಿದರು.[೭೩] ಇದರ ಜತೆಗೆ, ಸಂಗೀತ ಪ್ರಕಟಣೆ ಮತ್ತು ನೇರ ಪ್ರದರ್ಶನಕ್ಕೆ ಮಾತ್ರವಲ್ಲದೇ ಧ್ವನಿಮುದ್ರಿಕೆ ಮತ್ತು ಪ್ರಸಾರದ ಯಾಂತ್ರಿಕ ಹಕ್ಕುಗಳಿಗೆ OUPಹಕ್ಕುಗಳನ್ನು ಪಡೆಯಲು ಫಾಸ್ ಕೆಲಸ ಮಾಡಿದರು. ಇವು ಎಷ್ಟು ಮಹತ್ವದಿಂದ ಕೂಡಿದೆ ಎನ್ನುವುದು ಆ ಸಮಯದಲ್ಲಿ ಸ್ಪಷ್ಟವಾಗಿರಲಿಲ್ಲ. ವಾಸ್ತವವಾಗಿ, ಫಾಸ್, OUP ಮತ್ತು ಅನೇಕ ಮಂದಿ ಸಂಗೀತಗಾರರು ಮೊದಲಿಗೆ ಫರ್‌ಫಾರ್ಮಿಂಗ್ ರೈಟ್ ಸೊಸೈಟಿಗೆ ಸೇರಲು ಅಥವಾ ಬೆಂಬಲಿಸಲು ನಿರಾಕರಿಸಿದರು. ಹೊಸ ಮಾಧ್ಯಮದಲ್ಲಿ ಪ್ರದರ್ಶನಕ್ಕೆ ಅದರ ಶುಲ್ಕಗಳು ನಿರುತ್ಸಾಹಗೊಳಿಸುತ್ತದೆಂದು ಭಯಪಟ್ಟಿದ್ದರು. ನಂತರ ಇದಕ್ಕೆ ವಿರುದ್ಧವಾಗಿ, ಈ ಪ್ರಕಾರಗಳ ಸಂಗೀತವು ಸಂಗೀತ ಪ್ರಕಟಣೆಗಳ ಸಾಂಪ್ರದಾಯಿಕ ಸ್ಥಳಗಳಿಗಿಂತ ಹೆಚ್ಚು ಲಾಭದಾಯಕವೆಂದು ಸಾಬೀತಾಯಿತು.[೭೫] ಸಂಗೀತ ಇಲಾಖೆಯು ಯಾವುದೇ ಪ್ರಮಾಣದಲ್ಲಿ ಬೆಳವಣಿಗೆಯಾಗಿರಲಿ, ಸಂಗೀತದ ಪ್ರಸ್ತುತಿಯ ಹರವು ಮತ್ತು ಸಂಗೀತಗಾರರು ಮತ್ತು ಸಾರ್ವಜನಿಕರ ನಡುವೆ ಖ್ಯಾತಿ ಹೊಂದಿದ್ದರೂ, ೧೯೩೦ರ ದಶಕದಲ್ಲಿ ಆರ್ಥಿಕ ಪ್ರತಿಫಲದ ಇಡೀ ಪ್ರಶ್ನೆಯು ಉತ್ಕಟ ಸ್ಥಿತಿ ಮುಟ್ಟಿತು. ಮಿಲ್ಪೋರ್ಡ್ ಲಂಡನ್ ಪ್ರಕಾಶಕರಾಗಿ ಸಂಗೀತ ವಿಭಾಗವನ್ನು ಅದರ ರಚನೆ ಮತ್ತು ಬೆಳವಣಿಗೆಯ ಅವಧಿಯಲ್ಲಿ ಪೂರ್ಣವಾಗಿ ಬೆಂಬಲಿಸಿದ್ದರು. ಆದಾಗ್ಯೂ, ಅವರು ಲಾಭದಾಯಕವಲ್ಲದಂತೆ ಕಂಡ ಉದ್ಯಮದಿಂದ ಸತತ ವೆಚ್ಚಗಳ ಮುಂದುವರಿದ ಹರಿವಿಗೆ ಸಂಬಂಧಿಸಿದಂತೆ ಆಕ್ಸ್‌ಫರ್ಡ್ ಪ್ರತಿನಿಧಿಗಳಿಂದ ಹೆಚ್ಚಿನ ಒತ್ತಡವನ್ನು ಅನುಭವಿಸಿದರು. ಅವರ ಮನಸ್ಸಿನಲ್ಲಿ ಅಮೆನ್ ಹೌಸ್‌ನ ಕಾರ್ಯಾಚರಣೆಗಳು ಶೈಕ್ಷಣಿಕವಾಗಿ ಗೌರವಾನ್ವಿತ ಮತ್ತು ಆರ್ಥಿಕವಾಗಿ ಪ್ರತಿಫಲ ಕೊಡುವಂತಿರಬೇಕು. ಕಲಿಕೆಯ ಪ್ರೋತ್ಸಾಹಕ್ಕೆ ವೆಚ್ಚ ಮಾಡಲು ಕ್ಲಾರೆಂಡನ್ ಪ್ರೆಸ್‌ಗೆ ಹಣ ಮಾಡುವುದಕ್ಕಾಗಿ ಲಂಡನ್ ಕಚೇರಿ ಅಸ್ತಿತ್ವದಲ್ಲಿದೆ ಎಂಬ ಭಾವನೆ ಅವರ ಮನಸ್ಸಿನಲ್ಲಿತ್ತು[೭೬] ಇದಿಷ್ಟೇ ಅಲ್ಲದೇ OUPತನ್ನ ಪುಸ್ತಕ ಪ್ರಕಟಣೆಗಳನ್ನು ಅಲ್ಪಾವಧಿಯ ಯೋಜನೆಗಳೆಂದು ಪರಿಗಣಿಸಿದೆ. ಯಾವುದೇ ಪುಸ್ತಕ ಪ್ರಕಟಣೆಯಾದ ಕೆಲವು ವರ್ಷಗಳಲ್ಲಿ ಮಾರಾಟವಾಗದಿದ್ದರೆ, ಅವುಗಳನ್ನು ವಜಾ ಮಾಡಲಾಗುತ್ತದೆ(ನಂತರ ವಾಸ್ತವವಾಗಿ ಅವು ಮಾರಾಟವಾದರೆ ಯೋಜಿತವಲ್ಲದ ಅಥವಾ ಗುಪ್ತನಿಧಿಯಾಗಿ ತೋರಿಸಲಾಗುತ್ತದೆ). ಇದಕ್ಕೆ ಪ್ರತಿಯಾಗಿ ಸಂಗೀತ ಇಲಾಖೆಯಿಂದ ಪ್ರದರ್ಶನ ಸಂಗೀತಕ್ಕೆ ಮಹತ್ವವು ಸುದೀರ್ಘಾವಧಿ ಮತ್ತು ಮುಂದುವರಿಕೆಯಾಗಿದ್ದು, ವಿಶೇಷವಾಗಿ ಪುನರಾವರ್ತಿತ ಪ್ರಸಾರಗಳು ಅಥವಾ ಧ್ವನಿಮುದ್ರಣಗಳಿಂದ ಆದಾಯ ಬರುತ್ತಿದ್ದಂತೆ, ಹೊಸ ಮತ್ತು ಉದಯೋನ್ಮುಖ ಸಂಗೀತಗಾರ ಜತೆ ಸಂಬಂಧ ನಿರ್ಮಿಸುವುದನ್ನು ಮುಂದುವರಿಸುತ್ತದೆ. ಫಾಸ್ ಅವರ ದೃಷ್ಟಿಕೋನದ ಬಗ್ಗೆ ಪ್ರತಿನಿಧಿಗಳು ತೃಪ್ತರಾಗಲಿಲ್ಲ. ನಷ್ಟ ಎನ್ನುವ ಪದವು ಅಪಪ್ರಯೋಗವೆಂದು ನಾನು ಈಗಲೂ ಭಾವಿಸುವೆ, ಇದು ನಿಜವಾಗಲೂ ಬಂಡವಾಳ ಹೂಡಿಕೆಯಲ್ಲವೇ?" ಫಾಸ್ ಅವರು ಮಿಲ್ಫೋರ್ಡ್‌ಗೆ ೧೯೩೪ರಲ್ಲಿ ಹೀಗೆಂದು ಬರೆದಿದ್ದಾರೆ.[೭೭] ಹೀಗೆ ೧೯೩೯ರಲ್ಲಿ ಸಂಗೀತ ವಿಭಾಗವು ಪ್ರಥಮ ಲಾಭದಾಯಕ ವರ್ಷವನ್ನು ಕಂಡಿತು.[೭೮] ಅಷ್ಟರಲ್ಲಿ, ಹಿಂಜರಿತದ ಆರ್ಥಿಕ ಒತ್ತಡಗಳು ಮತ್ತು ವೆಚ್ಚಗಳನ್ನು ತಗ್ಗಿಸಲು ಆಂತರಿಕ ಒತ್ತಡ ಮತ್ತು ಆಕ್ಸ್‌ಫರ್ಡ್‌ನ ಮಾತೃ ಸಂಸ್ಥೆಯ ಶೈಕ್ಷಣಿಕ ಹಿನ್ನೆಲೆ ಒಂದುಗೂಡಿ ಔಪಚಾರಿಕ ಸಂಗೀತ ಶಿಕ್ಷಣ ಮತ್ತು ಸಂಗೀತ ವಿಮರ್ಶೆ ಉದ್ದೇಶದ, ಪ್ರಕಟಣೆ ಕೃತಿಗಳ OUPಯ ಮುಖ್ಯ ಸಂಗೀತ ಉದ್ದಿಮೆಯು ಪುನಃ ಪ್ರಸಾರ ಮತ್ತು ಧ್ವನಿಮುದ್ರಣದ ಪ್ರಭಾವಕ್ಕೆ ಒಳಗಾಯಿತು.[೭೮] ಇದು ಬ್ರಿಟಿಷ್ ಶಾಲೆಗಳಲ್ಲಿ ಸಂಗೀತ ಶಿಕ್ಷಣಕ್ಕೆ ಬೆಂಬಲಿಸಲು ಹೆಚ್ಚಿದ ಮೂಲವಸ್ತುಗಳ ಬೇಡಿಕೆಗೆ ಚೆನ್ನಾಗಿ ಹೊಂದಿಕೆಯಾಯಿತು. ಇದು ೧೯೩೦ರ ದಶಕದಲ್ಲಿ ಶಿಕ್ಷಣ ಕುರಿತ ಸರ್ಕಾರಿ ಸುಧಾರಣೆಗಳ ಫಲವಾಗಿತ್ತು.[೭೯] ಹೊಸ ಸಂಗೀತಗಾರರ ಮತ್ತು ಅವರ ಸಂಗೀತಗಳನ್ನು ಹುಡುಕಿ ಪ್ರಕಟಿಸುವುದನ್ನು ಮುದ್ರಣಾಲಯ ನಿಲ್ಲಿಸಲಿಲ್ಲ. ಆದರೆ ವ್ಯಾಪಾರದ ಧೋರಣೆಯು ಬದಲಾಯಿತು. ವೈಯಕ್ತಿಕ ಆರೋಗ್ಯ ಸಮಸ್ಯೆಗಳಿಂದ ನರಳಿದ ಫಾಸ್, ಆರ್ಥಿಕ ನಿರ್ಬಂಧಗಳಿಂದ ಬೇಸತ್ತು(ಯುದ್ಧದ ವರ್ಷಗಳು ಹತ್ತಿರಬರುತ್ತಿದ್ದಂತೆ)ಕಾಗದದ ಕೊರತೆಗಳು ಮತ್ತು ದಿ ಬ್ಲಿಟ್ಜ್‌ನಿಂದ ತಪ್ಪಿಸಿಕೊಳ್ಳಲು ಎಲ್ಲ ಲಂಡನ್ ಕಾರ್ಯಾಚರಣೆಗಳನ್ನು ಆಕ್ಸ್‌ಫರ್ಡ್‌ಗೆ ವರ್ಗಾಯಿಸುವುದಕ್ಕೆ ತೀವ್ರವಾಗಿ ಅತೃಪ್ತಿಗೊಂಡು, ೧೯೪೧ರಲ್ಲಿ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದರು ಮತ್ತು ಪೆಟರ್‌ಕಿನ್ ಅವರ ಉತ್ತರಾಧಿಕಾರಿಯಾದರು.[೮೦]

ಪ್ರಮುಖ ಸರಣಿ ಮತ್ತು ಶೀರ್ಷಿಕೆಗಳು[ಬದಲಾಯಿಸಿ]

ನಿಘಂಟುಗಳು[ಬದಲಾಯಿಸಿ]

  • ಅಕ್‌ಫರ್ಡ್ ಇಂಗ್ಲೀಷ್ ನಿಘಂಟು
  • ಕ್ಯಾಂಪ್ಯಾಕ್ಟ್ ಆಕ್ಸ್‌ಫರ್ಡ್ ಇಂಗ್ಲೀಷ್ ನಿಘಂಟು
    • ಆಕ್ಸ್‌ಫರ್ಡ್ ಇಂಗ್ಲೀಷ್ ನಿಘಂಟಿನ ಕ್ಯಾಂಪಾಕ್ಟ್ ಆವೃತ್ತಿಗಳು
    • ಕರೆಂಟ್ ಇಂಗ್ಲೀಷ್‌ನ ಕ್ಯಾಂಪ್ಯಾಕ್ಟ್ ಆಕ್ಸ್‌ಫರ್ಡ್ ಇಂಗ್ಲೀಷ್ ನಿಘಂಟು
  • ಕಾನ್ಸೈಸ್ ಆಕ್ಸ್‌ಫರ್ಡ್ ಇಂಗ್ಲೀಷ್ ನಿಘಂಟು
  • ೧೮೮೮)", ಆಕ್ಸಫರ್ಡ್‌ ಡಿಕ್ಷನರಿ ಆಫ್ ನ್ಯಾಷನಲ್ ಬಯೊಗ್ರಾಫಿ.
  • ಅಡ್ವಾನ್ಸ್ಡ್ ಲರ್ನರ್ಸ್ ಡಿಕ್ಷ್‌ನರಿ

ಭಾರತಶಾಸ್ತ್ರ[ಬದಲಾಯಿಸಿ]

  • ದಿ ರಿಲಿಜಿಯಸ್ ಬುಕ್ಸ್ ಆಫ್ ದಿ ಸಿಕ್ಸ್
  • ಸ್ಯಾಕ್ರಡ್ ಬುಕ್ಸ್ ಆಫ್ ದಿ ಈಸ್ಟ್
  • ರೂಲರ್ಸ್ ಆಫ್ ಇಂಡಿಯ
  • ದಿ ಅರ್ಲಿ ಹಿಸ್ಟರಿ ಆಫ್ ಇಂಡಿಯ

ಶ್ರೇಷ್ಠ ಸಾಹಿತ್ಯ ಕೃತಿಗಳು[ಬದಲಾಯಿಸಿ]

  • ಸ್ಕ್ರಿಪ್ಟೋರಂ ಕ್ಲಾಸಿಕೋರಂ ಬಿಬಿಲಿಯೋಥೆಕಾ, ಆಕ್ಸ್‌ಫರ್ಡ್ ಕ್ಲಾಸಿಕಲ್ ಟೆಕ್ಸ್ಟ್ಎಂದು ಕೂಡ ಹೆಸರಾಗಿದೆ.

ಇತಿಹಾಸ[ಬದಲಾಯಿಸಿ]

  • ಇಂಡಿಯ'ಸ್ ಏನ್ಸೀಂಟ್ ಪಾಸ್ಟ್ ಎಂಡ್ರಿಥಿಂಕಿಂಗ್ ಇಂಡಿಯ'ಸ್ ಪಾಸ್ಟ್ ಪ್ರಾಧ್ಯಾಪಕ ರಾಮ್ ಶರಣ್ ಶರ್ಮಾಅವರಿಂದ
  • ಆಕ್ಸ್‌ಫರ್ಡ್ ಹಿಸ್ಟರಿ ಆಫ್ ಇಂಗ್ಲೆಂಡ್
  • ಆಕ್ಸ್‌ಫರ್ಡ್ ಹಿಸ್ಟರಿ ಆಫ್ ದಿ ಅಮೆರಿಕ
  • ಆಕ್ಸ್‌ಫರ್ಡ್ ಇಲ್ಲುಸ್ಟ್ರೇಟೆಡ್ ಹಿಸ್ಟರಿ ಆಫ್ ಐರ್ಲೆಂಡ್
  • ಆಕ್ಸ್‌ಫರ್ಡ್ ಹಿಸ್ಟರಿ ಆಫ್ ಇಸ್ಲಾಂ
  • ದಿ ಆಕ್ಸ್‌ಫರ್ಡ್ ಇಲ್ಲುಸ್ಟ್ರೇಟೆಡ್ ಹಿಸ್ಟರಿ ಆಫ್ ದಿ ಫಸ್ಟ್ ವರ್ಲ್ಡ್ ವಾರ್ (ಹಿವ್ ಸ್ಟ್ರಾಚನ್ ಸಂಪಾದನೆ) (ಆಕ್ಸ್‌ಫರ್ಡ್, ೧೯೯೮) ISBN ೦-೧೯-೮೨೦೬೧೪-೩
  • ಜರ್ಮನಿ ಎಂಡ್ ದಿ ಸೆಕೆಂಡ್ ವರ್ಲ್ಡ್ ವಾರ್
  • ಆಕ್ಸ್‌ಫರ್ಡ್ ಹಿಸ್ಟರಿ ಆಫ್ ದಿ ಫ್ರೆಂಚ್ ರಿವಾಲ್ಯುಷನ್ ವಿಲಿಯಂ ಡೊಯ್ಲೆಅವರಿಂದ.

ಇಂಗ್ಲೀಷ್ ಭಾಷೆಯ ಬೋಧನೆ[ಬದಲಾಯಿಸಿ]

  • ಹೆಡ್‌ವೇ
  • ಸ್ಟ್ರೀಮ್‌ಲೈನ್
  • ಇಂಗ್ಲೀಷ್ ಫೈಲ್
  • ಲೆಟ್ಸ್ ಗೊ
  • ಪೊಟೇಟೊ ಪಾಲ್ಸ್

ಪಾಂಡಿತ್ಯಪೂರ್ಣ ಪತ್ರಿಕೆಗಳು[ಬದಲಾಯಿಸಿ]

OUP ವಿಜ್ಞಾನಗಳು ಮತ್ತು ಮಾನವಶಾಸ್ತ್ರಗಳು ಎರಡರಲ್ಲೂ ಶೈಕ್ಷಣಿಕ ಪತ್ರಿಕೆ‌ಗಳ ಪ್ರಮುಖ ಪ್ರಕಾಶಕವಾಗಿತ್ತು ಇದು ಓಪನ್ ಅಕ್ಸೆಸ್ ಜರ್ನಲ್ ನ್ಯುಕ್ಲೈಕ್ ಆಸಿಡ್ಸ್ ರಿಸರ್ಚ್ ಪ್ರಕಟಿಸಿದ ಪ್ರಥಮ ವಿಶ್ವವಿದ್ಯಾನಿಲಯ ಮುದ್ರಣಾಲಯವೆಂದು ಹೆಸರಾಗಿದೆ. ಬಹುಶಃ ಹೈಬ್ರಿಡ್ ಓಪನ್ ಅಕ್ಸೆಸ್ ಜರ್ನಲ್ಸ್ ಪರಿಚಯಿಸಿದ ಪ್ರಥಮ ಮುದ್ರಣಾಲಯವಾಗಿದೆ.

ಮುದ್ರಣಶೈಲಿ ಮತ್ತು ಮುದ್ರಣಾಲಯಕೆಲಸಕ್ಕೆ OUPಕೊಡುಗೆ[ಬದಲಾಯಿಸಿ]

ವಿಶ್ವವಿದ್ಯಾನಿಲಯಕ್ಕೆ ಮುದ್ರಕಹೊರೇಸ್ ಹಾರ್ಟ್. ಆಕ್ಸ್‌ಫರ್ಡ್ ಅಲ್ಪವಿರಾಮಕ್ಕೆ ಅದು ತನ್ನ ಹೆಸರನ್ನು ನೀಡಿದೆ.

ಕ್ಲಾರೆಂಡನ್ ವಿದ್ಯಾರ್ಥಿವೇತನಗಳು[ಬದಲಾಯಿಸಿ]

೨೦೦೧ರಿಂದ, ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯ ಮುದ್ರಣಾಲಯವು ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯ ಪದವಿ ವಿದ್ಯಾರ್ಥಿವೇತನ ಯೋಜನೆ ಕ್ಲಾರೆಂಡನ್ ಬರ್ಸರಿಗೆ ಆರ್ಥಿಕವಾಗಿ ಬೆಂಬಲಿಸಿದೆ.[ಸೂಕ್ತ ಉಲ್ಲೇಖನ ಬೇಕು]

ಇವನ್ನೂ ಗಮನಿಸಿ‌[ಬದಲಾಯಿಸಿ]

ಟೆಂಪ್ಲೇಟು:Portal

  • ಹ್ಯಾಚೆಟ್
  • ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯ ಮುದ್ರಣಾಲಯದಲ್ಲಿ ಕಂಪಾಸಿಟರು ಮತ್ತು ಕರಡಚ್ಚು ತಿದ್ದುವವರಿಗೆ ಹಾರ್ಟ್ಸ್ ರೂಲ್ಸ್.
  • ಅತೀ ದೊಡ್ಡ UKಪುಸ್ತಕ ಪ್ರಕಾಶಕರು
  • ಓಪನ್ ಅಕ್ಸೆಸ್ ಸ್ಕಾಲರ್ಲಿ ಪಬ್ಲಿಷರ್ಸ್ ಅಸೋಸಿಯೇಷನ್ ಅದಕ್ಕೆ OUPಸದಸ್ಯ ಸ್ಥಾನ ಪಡೆದಿದೆ.

ಟಿಪ್ಪಣಿಗಳು[ಬದಲಾಯಿಸಿ]

  1. Balter, Michael (February ೧6, ೧೯೯4). "400 Years Later, Oxford Press Thrives". The New York Times. Archived from the original on 2011-09-24. Retrieved ೨೦೦9-೧೦-೨೧. {{cite news}}: Check date values in: |accessdate= and |date= (help)
  2. ಹ್ಯಾರಿ ಕಾರ್ಟರ್, ಎ ಹಿಸ್ಟರಿ ಆಫ್ ದಿ ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್ (ಆಕ್ಸ್‌ಫರ್ಡ್, ೧೯೭೫) p. ೧೩೭
  3. ಕಾರ್ಟರ್ ಪ್ಯಾಸಿಮ್
  4. ಪೀಟರ್ ಸಟ್‌ಕ್ಲಿಫ್, ದಿ ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್: ಎನ್ ಇನ್‌ಫಾರ್ಮಲ್ ಹಿಸ್ಟರಿ (ಆಕ್ಸ್‌ಫರ್ಡ್ ೧೯೭೫;ತಿದ್ದುಪಡಿಗಳೊಂದಿಗೆ ಮರು ಪ್ರಕಟಣೆ ೨೦೦೨) p. ೫೩, ೯೬-೭, ೧೫೬
  5. ಸಟ್‌ಕ್ಲಿಫ್, ಪ್ಯಾಸಿಮ್
  6. ಬಾರ್ಕರ್ p. ೪; ಕಾರ್ಟರ್ pp. ೭-೧೧
  7. ಕಾರ್ಟರ್ pp. ೧೭-೨೨
  8. ಕಾರ್ಟರ್ ch. ೩
  9. ಬಾರ್ಕರ್ p. ೧೧
  10. ಕಾರ್ಟರ್ pp ೩೧, ೬೫
  11. ಕಾರ್ಟರ್ ch. ೪
  12. ಕಾರ್ಟರ್ ch. ೫
  13. ಕಾರ್ಟರ್ pp. ೫೬-೮, ೧೨೨-೭
  14. ಬಾರ್ಕರ್ p. ೧೫
  15. ಹೆಲೆನ್ M.ಪೆಟ್ಟರ್, ದಿ ಆಕ್ಸ್‌ಫರ್ಡ್ ಆಲ್ಮನಾಕ್ಸ್ (ಆಕ್ಸ್‌ಫರ್ಡ್, ೧೯೭೪)
  16. ಬಾರ್ಕರ್ p. ೨೨
  17. ಕಾರ್ಟರ್ p. ೬೩
  18. ಬಾರ್ಕರ್ p. ೨೪
  19. ಕಾರ್ಟರ್ ch. ೮
  20. ಬಾರ್ಕರ್ p. ೨೫
  21. ಕಾರ್ಟರ್ pp. ೧೦೫-೦೯
  22. ಕಾರ್ಟರ್ p. ೧೯೯
  23. ಬಾರ್ಕರ್ p. ೩೨
  24. I.G. ಫಿಲಿಪ್, ವಿಲಿಯಂ ಬ್ಲಾಕ್‌ಸ್ಟೋನ್ ಎಂಡ್ ದಿ ರಿಫಾರ್ಮ್ ಆಫ್ ದಿ ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್ (ಆಕ್ಸ್‌ಫರ್ಡ್, ೧೯೫೭) pp. ೪೫-೭೨
  25. ಕಾರ್ಟರ್, ch. ೨೧
  26. ಸಟ್‌ಕ್ಲಿಫ್ p. xxv
  27. ಬಾರ್ಕರ್ pp. ೩೬-೯, ೪೧. ಸಟ್‌ಕ್ಲಿಫ್ p. ೧೬
  28. ಬಾರ್ಕರ್ p. ೪೧. ಸಟ್‌ಕ್ಲಿಫ್ pp. ೪-೫
  29. ಸಟ್‌ಕ್ಲಿಫ್, pp. ೧-೨, ೧೨
  30. ಸಟ್‌ಕ್ಲಿಫ್ pp.೨-೪
  31. ಬಾರ್ಕರ್ p. ೪೪
  32. ಸಟ್‌ಕ್ಲಿಫ್ pp.೩೯-೪೦, ೧೧೦-೧೧೧
  33. ಹ್ಯಾರಿ ಕಾರ್ಟರ್, ವ್ಯುಲ್ವರ್‌ಕೋಟ್ ಮಿಲ್ ch. ೪ (ಎರಡನೇ ಆವೃತ್ತಿ, ಆಕ್ಸ್‌ಫರ್ಡ್, ೧೯೭೪)
  34. ಜೆರೆಮಿ ಮಾಸ್, ಹಾಲ್ಮನ್ ಹಂಟ್ ಎಂಡ್ ದಿ ಲೈಟ್ ಆಫ್ ದಿ ವರ್ಲ್ಡ್ (ಸ್ಕೋಲಾರ್ ಪ್ರೆಸ್, ೧೯೭೪)
  35. ಸಟ್‌ಕ್ಲಿಫ್ p. ೬
  36. ಸಟ್‌ಕ್ಲಿಫ್ p. ೩೬
  37. ಬಾರ್ಕರ್ pp.೪೫-೭
  38. ಸಟ್‌ಕ್ಲಿಫ್ pp. ೧೯-೨೬
  39. ಸಟ್‌ಕ್ಲಿಫ್ pp.೧೪-೧೫
  40. ಬಾರ್ಕರ್ p. ೪೭
  41. ಸಟ್‌ಕ್ಲಿಫ್ p. ೨೭
  42. ಸಟ್‌ಕ್ಲಿಫ್ pp. ೪೫–೬
  43. ಸಟ್‌ಕ್ಲಿಫ್ pp ೧೬, ೧೯. ೩೭
  44. ದಿ ಕ್ಲಾರೆಂಡೋನಿಯನ್, ೪, no. ೩೨, ೧೯೨೭, p. ೪೭
  45. ಸಟ್‌ಕ್ಲಿಫ್ pp. ೪೮-೫೩
  46. ಸಟ್‌ಕ್ಲಿಫ್ pp. ೮೯-೯೧
  47. ಸಟ್‌ಕ್ಲಿಫ್ p. ೬೪
  48. ಬಾರ್ಕರ್ p. ೪೮
  49. ಸಟ್‌ಕ್ಲಿಫ್ pp. ೫೩-೮
  50. ಸಟ್‌ಕ್ಲಿಫ್ pp. ೫೬-೭
  51. ಸೈಮನ್ ವಿಂಚೆಸ್ಟರ್, ದಿ ಮೀನಿಂಗ್ ಆಫ್ ಎವೆರಿತಿಂಗ್ - ದಿ ಸ್ಟೋರಿ ಆಫ್ ದಿ ಆಕ್ಸ್‌ಫರ್ಡ್ ಇಂಗ್ಲೀಷ್ ಡಿಕ್ಷನರಿ (ಆಕ್ಸ್‌ಫರ್ಡ್, ೨೦೦೩)
  52. ಸಟ್‌ಕ್ಲಿಫ್ pp. ೯೮-೧೦೭
  53. ಸಟ್‌ಕ್ಲಿಫ್ p. ೬೬
  54. ಸಟ್‌ಕ್ಲಿಫ್ p. ೧೦೯
  55. ಸಟ್‌ಕ್ಲಿಫ್ pp. ೧೪೧-೮
  56. ಸಟ್‌ಕ್ಲಿಫ್ pp. ೧೧೭, ೧೪೦-೪, ೧೬೪-೮
  57. ಸಟ್‌ಕ್ಲಿಫ್ p. ೧೫೫
  58. ಸಟ್‌ಕ್ಲಿಫ್ pp. ೧೧೩-೪
  59. ಸಟ್‌ಕ್ಲಿಫ್ p. ೭೯
  60. ಸಟ್‌ಕ್ಲಿಫ್ pp. ೧೨೪-೮, ೧೮೨-೩
  61. ರಿಮಿ B. ಚಟರ್ಜಿ ಅವರ ಎರಡನೇ ಅಧ್ಯಾಯ ನೋಡಿ, ಎಂಪೈರ್ಸ್ ಆಫ್ ದಿ ಮೈಂಡ್: ಎ ಹಿಸ್ಟರಿ ಆಫ್ ದಿ ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್ ಇನ್ ಇಂಡಿಯ ಡ್ಯೂ‍ರಿಂಗ್ ರಾಜ್ (ನ್ಯೂ ಡೆಲ್ಲಿ: OUP, ೨೦೦೬) ಜೆಲ್ ವಜಾ ಕುರಿತ ಪೂರ್ಣ ಕಥೆಗಾಗಿ.
  62. ಮಿಲ್ಫೋರ್ಡ್'s ಲೆಟರ್‌ಬುಕ್ಸ್
  63. ಎನ್‌ಗುಗಿ ವಾ ಥಿಯೊಂಗೊ, ‘ಇಂಪೀರಿಯಲಿಸಂ ಆಫ್ ಲಾಂಗ್ವೇಜ್’, ಇನ್ ಮೂವಿಂಗ್ ದಿ ಸೆಂಟರ್:ದಿ ಸ್ಟ್ರಗಲ್ ಫಾರ್ ಕಲ್ಚರಲ್ ಫ್ರೀಡಂ Gikuyu by ವಾಂಗುಯ್ ವಾ ಗೊರೊ ಮತ್ತು ಎನ್‌ಗುಗಿ ವಾ ಥಿಯೊಂಗೊ ಅವರಿಂದ ಅನುವಾದ ಲಂಡನ್: ಕರಿ, ೧೯೯೩), p. ೩೪.
  64. ಸ್ಯಾಕ್ರಡ್ ಬುಕ್ಸ್ ಆಫ್ ದಿ ಈಸ್ಟ್ ಮತ್ತು OUPಯಿಂದ ಅದರ ನಿರ್ವಹಣೆ ಕುರಿತು ವಿವರಣೆಗೆ ನೋಡಿ ರಿಮಿ ಬಿ. ಚಟರ್ಜಿ ಅವರು ಎಂಪೈರ್ಸ್ ಆಫ್ ದಿ ಮೈಂಡ್: ಎ ಹಿಸ್ಟರಿ ಆಫ್ ದಿ ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯ ಮುದ್ರಣಾಲಯ ಇನ್ ಇಂಡಿಯ ಡುರೈಂಗ್ ದಿ ರಾಜ್ ; ನವದೆಹಲಿ, OUP, ೨೦೦೬
  65. ರಿಮಿ ಬಿ. ಚಟರ್ಜಿ, 'ಕ್ಯಾನನ್ ವಿತೌಟ್ ಕನ್ಸೆನ್‌ಸಸ್: ರವೀಂದ್ರನಾಥ್ ಟಾಗೂರ್ ಎಂಡ್ ದಿ "ಆಕ್ಸ್‌ಫರ್ಡ್ ಬುಕ್ ಆಫ್ ಬೆಂಗಾಲಿ ವರ್ಸ್"'. ಬುಕ್ ಹಿಸ್ಟರಿ ೪:೩೦೩-೩೩.
  66. ನೋಡಿ ರಿಮಿ ಬಿ. ಚಟರ್ಜಿ, ಪೈರೇಟ್ಸ್ ಎಂಡ್ ಫಿಲಾಂತ್ರೋಪಿಸ್ಟ್ಸ್: ಬ್ರಿಟಿಷ್ ಪಬ್ಲಿಷರ್ಸ್ ಎಂಡ್ ಕಾಪಿರೈಟ್ ಇನ್ ಇಂಡಿಯ, ೧೮೮೦-೧೯೩೫'. ಪ್ರಿಂಟ್ ಏರಿಯಾಸ್ ೨: ಬುಕ್ ಹಿಸ್ಟರಿ ಇನ್ ಇಂಡಿಯ ಸ್ವಪನ್ ಕುಮಾರ್ ಚಕ್ರವರ್ತಿ ಮತ್ತು ಅಭಿಜಿತ್ ಗುಪ್ತ ಅವರಿಂದ ಸಂಪಾದನೆ (ನ್ಯೂ ಡೆಲ್ಲಿ: ಪರ್ಮನೆಂಟ್ ಬ್ಲಾಕ್, ಫೋರ್ತ್‌ಕಮಿಂಗ್ ಇನ್ ೨೦೦೭)
  67. ನೋಡಿ ಸೈಮನ್ ನಾವೆಲ್-ಸ್ಮಿತ್, ಇಂಟರ್‌ನ್ಯಾಷನಲ್ ಕಾಪಿರೈಟ್ ಲಾ ಎಂಡ್ ದಿ ಪಬ್ಲಿಷರ್ ಇನ್ ದಿ ರೈನ್ ಆಫ್ ಕ್ವೀನ್ ವಿಕ್ಟೋರಿಯ :ದಿ ಲೈಲ್ ಲೆಕ್ಚರ್ಸ್, ಯೂನಿವರ್ಸಿಟಿ ಆಫ್ ಆಕ್ಸ್‌ಫರ್ಡ್, ೧೯೬೫-೬೬ (ಆಕ್ಸ್‌ಫರ್ಡ್: ಕ್ಲಾರೆಂಡನ್ ಪ್ರೆಸ್, ೧೯೬೮).
  68. ಕೆನ್ನೆತ್ T. ಜ್ಯಾಕ್‌ಸನ್, ed: ದಿ ಎನ್‌ಸೈಕ್ಲೋಪೀಡಿಯ ಆಫ್ ನ್ಯೂಯಾರ್ಕ್ ಸಿಟಿ p. ೮೭೦.: ೧೯೯೫; ಯೇಲ್ ಯೂನಿವರ್ಸಿಟಿ ಪ್ರೆಸ್; ದಿ ನ್ಯೂಯಾರ್ಕ್ ಹಿಸ್ಟೋರಿಕಲ್ ಸೊಸೈಟಿ.
  69. ೬೯.೦ ೬೯.೧ ಸಟ್‌ಕ್ಲಿಫ್ p. ೨೧೦
  70. ೭೦.೦ ೭೦.೧ ಹಿನ್ನೆಲ್ಸ್ p. ೬
  71. ಆಕ್ಸ್‌ಫರ್ಡ್ p. ೪
  72. ಸಟ್‌ಕ್ಲಿಫ್ p. ೨೧೧
  73. ೭೩.೦ ೭೩.೧ ಆಕ್ಸ್‌ಫರ್ಡ್ p. ೬
  74. ಹಿನ್ನೆಲ್ಸ್ s p. ೮
  75. ಹಿನ್ನೆಲ್ಸ್ p. ೧೮-೧೯; OUP ೧೯೩೬ರಲ್ಲಿ ಸೇರಿತು.
  76. ಸಟ್‌ಕ್ಲಿಫ್ p. ೧೬೮
  77. ಹಿನ್ನೆಲ್ಸ್ p. ೧೭
  78. ೭೮.೦ ೭೮.೧ ಸಟ್‌ಕ್ಲಿಫ್ p. ೨೧೨
  79. ಹ್ಯಾಡೊಅಧ್ಯಕ್ಷತೆಯಲ್ಲಿ ವಿವಿಧ ಸಮಿತಿಗಳ ನೇತೃತ್ವ
  80. ಹಿನ್ನೆಲ್ಸ್ p. ೩೪

ಗ್ರಂಥಸೂಚಿ[ಬದಲಾಯಿಸಿ]

  • ಹ್ಯಾರಿ ಕಾರ್ಟರ್, ಎ ಹಿಸ್ಟರಿ ಆಫ್ ದಿ ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್ , (ಆಕ್ಸ್‌ಫರ್ಡ್: ಕ್ಲಾರೆಂಡನ್ ಪ್ರೆಸ್, ೧೯೭೫).
  • ರಿಮಿ B.ಚಟರ್ಜಿ, ಎಂಪೈರ್ಸ್ ಆಫ್ ದಿ ಮೈಂಡ್: ಎ ಹಿಸ್ಟರಿ ಆಫ್ ದಿ ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್ ಇನ್ ಇಂಡಿಯ ಡುರಿಂಗ್ ದಿ ರಾಜ್ (ನವ ದೆಹಲಿ: ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯ ಮುದ್ರಣಾಲಯ, ೨೦೦೬).
  • ಡಂಕನ್ ಹಿನ್ನೆಲ್ಸ್, ಎನ್ ಎಕ್ಸ್‌ಟ್ರಾಆರ್ಡಿನೆರಿ ಪರ್‌ಫಾರ್ಮೆನ್ಸ್: ಹಬರ್ಟ್ ಫಾಸ್ ಎಂಡ್ ದಿ ಅರ್ಲಿ ಇಯರ್ಸ್ ಆಫ್ ಮ್ಯುಸಿಕ್ ಪಬ್ಲಿಷಿಂಗ್ ಎಟ್ ದಿ ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್, (ಆಕ್ಸ್‌ಫರ್ಡ್: OUP [ISBN ೯೭೮-೦-೧೯-೩೨೩೨೦೦-೬], ೧೯೯೮).
  • ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್ ಮ್ಯೂಸಿಕ್ ಡಿಪಾರ್ಟ್‌ಮೆಂಟ್, ಆಕ್ಸ್‌ಫರ್ಡ್ ಮ್ಯೂಸಿಕ್: ದಿ ಫಸ್ಟ್ ಫಿಫ್ಟಿ ಇಯರ್ಸ್ '೨೩−'೭೩, (ಲಂಡನ್: OUP, ೧೯೭೩).
  • ಪೀಟರ್ ಸಟ್‌ಕ್ಲಿಫ್ ದಿ ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್: ಎನ್ ಇನ್ಫಾರ್ಮಲ್ ಹಿಸ್ಟರಿ , (ಆಕ್ಸ್‌ಫರ್ಡ್: ಕ್ಲಾರೆಂಡನ್ ಪ್ರೆಸ್ [ISBN ೦-೧೯-೯೫೧೦೮೪-೯], ೧೯೭೮).
  • ಪೀಟರ್ ಸಟ್‌ಕ್ಲಿಫ್ , ಎನ್ ಇನ್ಫಾರ್ಮಲ್ ಹಿಸ್ಟರಿ ಆಫ್ ದಿ OUP (ಆಕ್ಸ್‌ಫರ್ಡ್: OUP, ೧೯೭೨).

ಹೆಚ್ಚಿನ ಓದಿಗಾಗಿ[ಬದಲಾಯಿಸಿ]

  • ನೋಯೆಲ್ L. ಕ್ಯಾರಿಂಗ್ಟನ್ ‘ಇನಿಷಿಯೇಷನ್ ಇಂಟು ಪಬ್ಲಿಷಿಂಗ್’,ಇನ್ ‘ಎಬ್ ಟೈಡ್ ಆಫ್ ದಿ ರಾಜ್’, ಅನ್‌ಪಬ್ಲಿಷ್ಡ್ ಮೆಮೈರ್ ಇನ್ ದಿ ಹೋಲ್ಡಿಂಗ್ಸ್ ಆಫ್ ದಿ ಓರಿಯೆಂಟಲ್ ಎಂಡ್ ಇಂಡಿಯ ಆಫೀಸ್ ಕಲೆಕ್ಷನ್, ಬ್ರಿಟಿಷ್ ಲೈಬ್ರರಿ.

ಬಾಹ್ಯ ಕೊಂಡಿಗಳು[ಬದಲಾಯಿಸಿ]