ಅಬೀಜ ಸಂತಾನೋತ್ಪತ್ತಿ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ಅಬೀಜ ಸಂತಾನೋತ್ಪತ್ತಿಯ ಪ್ರಕ್ರಿಯೆಯಲ್ಲಿ ಕಡಲ ಹೂ

ಜೀವಶಾಸ್ತ್ರದಲ್ಲಿನ ಅಬೀಜ ಸಂತಾನೋತ್ಪತ್ತಿ ಯು, ಪ್ರಕೃತಿಯಲ್ಲಿ ಸಂಭವಿಸುವ, ತಳೀಯವಾಗಿ-ತದ್ರೂಪವಾಗಿರುವ ಜೀವಿಗಳ ಸಮುದಾಯಗಳನ್ನು ಉತ್ಪತ್ತಿ ಮಾಡುವ ಒಂದು ಪ್ರಕ್ರಿಯೆಯಯಾಗಿದೆ. ಬ್ಯಾಕ್ಟೀರಿಯ, ಕೀಟಗಳು ಅಥವಾ ಸಸ್ಯಗಳಂಥ ಜೀವಿಗಳು ಅಲೈಂಗಿಕವಾಗಿ ಸಂತಾನೋತ್ಪತ್ತಿ ಮಾಡುವ ಹಿನ್ನೆಲೆಯಲ್ಲಿ ಈ ಪ್ರಕ್ರಿಯೆ ಮಹತ್ವಪೂರ್ಣವಾಗಿದೆ.

DNA ತುಣುಕುಗಳು (ಆಣ್ವಿಕ ಅಬೀಜ ಸಂತಾನೋತ್ಪತ್ತಿ), ಜೀವಕೋಶಗಳು (ಜೀವಕೋಶ ಅಬೀಜ ಸಂತಾನೋತ್ಪತ್ತಿ), ಅಥವಾ ಜೀವಿಗಳ ನಕಲುಗಳನ್ನು ಸೃಷ್ಟಿಸುವ ಪ್ರಕ್ರಿಯೆಗೆ ಜೈವಿಕ ತಂತ್ರಜ್ಞಾನದಲ್ಲಿನ ಅಬೀಜ ಸಂತಾನೋತ್ಪತ್ತಿಯು ಉಲ್ಲೇಖಿಸಲ್ಪಡುತ್ತದೆ. ಅಂಕೀಯ ಮಾಧ್ಯಮ (ಡಿಜಿಟಲ್ ಮೀಡಿಯಾ) ಅಥವಾ ತಂತ್ರಾಂಶದಂಥ ಉತ್ಪನ್ನವೊಂದರ ಬಹುಸಂಖ್ಯೆಯ ನಕಲುಗಳ ತಯಾರಿಕೆಗೂ ಈ ಪದವು ಉಲ್ಲೇಖಿಸಲ್ಪಡುತ್ತದೆ.

ಅಬೀಜ ಸಂತಾನ ಎಂಬುದರ ಆಂಗ್ಲಭಾಷಾ ಪರ್ಯಾಯ ಪದವಾಗಿರುವ clone‌ ಎಂಬುದು κλών ಎಂಬ ಪದದಿಂದ ಹುಟ್ಟಿಕೊಂಡಿದೆ. ಇದು "ಕಾಂಡ, ಕೊಂಬೆ" ಎಂಬುವನ್ನು ಸೂಚಿಸುವ ಗ್ರೀಕ್‌ ಪದವಾಗಿದ್ದು, ಒಂದು ಸಣ್ಣ-ರೆಂಬೆಯಿಂದ ಹೊಸ ಸಸ್ಯವೊಂದನ್ನು ಸೃಷ್ಟಿಸಬಹುದಾದ ಪ್ರಕ್ರಿಯೆಗೆ ಇದು ಉಲ್ಲೇಖಿಸಲ್ಪಡುತ್ತದೆ. ತೋಟಗಾರಿಕೆಯಲ್ಲಿ, clon ಎಂಬ ಕಾಗುಣಿತವನ್ನು ಇಪ್ಪತ್ತನೇ ಶತಮಾನದವರೆಗೂ ಬಳಸಲಾಯಿತು; ಸದರಿ ಪದದಲ್ಲಿರುವ ಸ್ವರವು "ಹ್ರಸ್ವವಾದ o" ಬದಲಿಗೆ ಒಂದು "ದೀರ್ಘವಾದ o" ಆಗಿದೆ ಎಂಬುದನ್ನು ಸೂಚಿಸಲು ಪದದ ಅಂತಿಮ ಅಕ್ಷರವಾದ e ಬಳಕೆಗೆ ಬಂದಿತು[ಸೂಕ್ತ ಉಲ್ಲೇಖನ ಬೇಕು].

ಸದರಿ ಪದವು ಜನಪ್ರಿಯ ಪದಕೋಶವನ್ನು ಒಂದು ಅತಿ ಸಾರ್ವತ್ರಿಕ ಸಂದರ್ಭದಲ್ಲಿ ಸೇರಿಕೊಂಡಿತಾದ್ದರಿಂದ, clone ಎಂಬ ಕಾಗುಣಿತವು ಏಕೈಕವಾಗಿ ಬಳಕೆಯಾಗುತ್ತಾ ಬಂದಿದೆ. 

ಆಣ್ವಿಕ ಅಬೀಜ ಸಂತಾನೋತ್ಪತ್ತಿ[ಬದಲಾಯಿಸಿ]

ಸ್ಪಷ್ಟವಾದ ಒಂದು DNA ಸರಣಿಯ ಬಹುಸಂಖ್ಯೆಯ ನಕಲುಗಳನ್ನು ತಯಾರಿಸುವ ಪ್ರಕ್ರಿಯೆಗೆ ಆಣ್ವಿಕ ಅಬೀಜ ಸಂತಾನೋತ್ಪತ್ತಿ ಎಂದು ಕರೆಯಲಾಗುತ್ತದೆ. ಸಮಗ್ರ ಜೀನುಗಳನ್ನು ಒಳಗೊಂಡ DNA ತುಣುಕುಗಳನ್ನು ವರ್ಧಿಸಲು ಅಬೀಜ ಸಂತಾನೋತ್ಪತ್ತಿಯನ್ನು ಅನೇಕವೇಳೆ ಬಳಸಲಾಗುತ್ತದೆಯಾದರೂ, ಉತ್ತೇಜಕಗಳು, ಸಂಕೇತಿಸದ ಸರಣಿಗಳು ಮತ್ತು ಗೊತ್ತುಗುರಿಯಿಲ್ಲದೆ ತುಣುಕಾಗಿರುವ DNAಯಂಥ ಯಾವುದೇ DNA ಶ್ರೇಣಿಯನ್ನು ವರ್ಧಿಸಲು ಕೂಡಾ ಇದನ್ನು ಬಳಸಬಹುದಾಗಿದೆ. ತಳೀಯ ಬೆರಳಿನ ಗುರುತು ಪಡೆಯುವಿಕೆಯಿಂದ ಮೊದಲ್ಗೊಂಡು ಬೃಹತ್‌ ಪ್ರಮಾಣದಲ್ಲಿನ ಪ್ರೊಟೀನು ಉತ್ಪಾದನೆಯವರೆಗಿನ ಅನೇಕ ಜೈವಿಕ ಪ್ರಯೋಗ-ಪರೀಕ್ಷೆಗಳು ಮತ್ತು ಪ್ರಾಯೋಗಿಕ ಅನ್ವಯಿಕೆಗಳ ಒಂದು ವಿಸ್ತೃತ ಶ್ರೇಣಿಯಲ್ಲಿ ಇದು ಬಳಕೆಯಾಗುತ್ತದೆ. ಅಬೀಜ ಸಂತಾನೋತ್ಪತ್ತಿ ಎಂಬ ಪದವು ಹಾದಿತಪ್ಪಿಸುವ ರೀತಿಯಲ್ಲಿ ಆಗೊಮ್ಮೆ ಈಗೊಮ್ಮೆ ಬಳಕೆಯಾಗುತ್ತಿದೆ. ಸ್ಥಾನಿಕ ಅಬೀಜ ಸಂತಾನೋತ್ಪತ್ತಿಯಲ್ಲಿರುವಂತೆ, ಆಸಕ್ತಿಗೆ ಕಾರಣವಾದ ಒಂದು ನಿರ್ದಿಷ್ಟ ಪ್ರಕಟ ಲಕ್ಷಣದೊಂದಿಗೆ ಸಂಬಂಧ ಹೊಂದಿರುವ ಒಂದು ಜೀನ್‌ನ ವರ್ಣತಂತುವಿನ ತಾಣದ ಗುರುತಿಸುವಿಕೆಗೆ ಇದು ತಪ್ಪಾಗಿ ಉಲ್ಲೇಖಿಸಲ್ಪಡುತ್ತಿದೆ. ಆಚರಣೆಯಲ್ಲಿ, ಒಂದು ವರ್ಣತಂತುವಿಗೆ ಅಥವಾ ಜೀನೋಮಿನ ವಲಯಕ್ಕಿರುವ ಜೀನ್‌ನ ಸ್ಥಳೀಕರಣವು, ಜೀನೋಮಿನ ಸಮಂಜಸವಾದ ಸರಣಿಯನ್ನು ಪ್ರತ್ಯೇಕಿಸಲು ಅಥವಾ ವರ್ಧಿಸಲು, ಒಂದನ್ನು ಅನುವು ಮಾಡಬೇಕು ಎಂಬ ಅಗತ್ಯವೇನೂ ಇಲ್ಲ.

ಬದುಕಿರುವ ಜೀವಿಯೊಂದರಲ್ಲಿನ ಯಾವುದೇ DNA ಸರಣಿಯನ್ನು ವರ್ಧಿಸಲು ಆ ಸರಣಿಯು ಒಂದು ನಕಲೀಕರಣದ ಹುಟ್ಟಿನ ಜೊತೆಗೆ ಸಂಪರ್ಕ ಹೊಂದಬೇಕಾಗಿದ್ದು, ಇದು ಸ್ವತಃ ತನ್ನದರ ಮತ್ತು ಸಂಪರ್ಕಿತ ಅನೇಕ ಸರಣಿಯ ಪುನರುತ್ಪತ್ತಿಯನ್ನು ನಿರ್ದೇಶಿಸುವ ಸಾಮರ್ಥ್ಯ ಹೊಂದಿರುವ ಒಂದು DNA ಸರಣಿಯಾಗಿದೆ.
ಆದಾಗ್ಯೂ, ಪ್ರೊಟೀನು ಹೊರಸೂಸುವಿಕೆ, ಒಂದಕ್ಕೊಂದರ ಜೋಡಿಸುವಿಕೆ, ಏಕ ಎಳೆಯ RNA ಮತ್ತು DNA ಉತ್ಪಾದನೆ ಹಾಗೂ ಇತರ ಅಸಂಖ್ಯಾತ ಮಾರ್ಪಾಡುಗಳಿಗೆ ಅನುವು ಮಾಡಿಕೊಡುವ ಹಲವಾರು ಇತರ ಲಕ್ಷಣಗಳು ಅಗತ್ಯವಾಗಿವೆ ಮತ್ತು ವಿಶಿಷ್ಟಗುಣ ಹೊಂದಿರುವ ಅಬೀಜ ಸಂತಾನೋತ್ಪತ್ತಿ ವಾಹಕಗಳ (DNA ಒಂದರ ಚಿಕ್ಕ ತುಣುಕಾಗಿರುವ ಇದರೊಳಗೆ ಒಂದು ಬಾಹ್ಯ DNA ತುಣುಕನ್ನು ಸೇರಿಸಬಹುದು) ಒಂದು ವೈವಿಧ್ಯತೆಯು ಅಸ್ತಿತ್ವದಲ್ಲಿದೆ.

ಯಾವುದೇ DNA ತುಣುಕಿನ ಅಬೀಜ ಸಂತಾನೋತ್ಪತ್ತಿಯು ನಾಲ್ಕು ಹಂತಗಳನ್ನು ಅವಶ್ಯವಾಗಿ ಒಳಗೊಂಡಿರುತ್ತದೆ [೧]

  1. ವಿಘಟನೆ - DNAಯ ಒಂದು ಎಳೆಯನ್ನು ಬೇರ್ಪಡಿಸುವುದು
  2. ಬಂಧಿಸುವಿಕೆ - DNAಯ ತುಣುಕುಗಳನ್ನು ಒಂದು ಬಯಸಿದ ಸರಣಿಯಲ್ಲಿ ಒಟ್ಟಾಗಿ ಬಂಧಿಸುವುದು
  3. ಟ್ರಾನ್ಸ್‌ಫೆಕ್ಷನ್‌ - ಹೊಸದಾಗಿ ರೂಪುಗೊಂಡ DNA ತುಣುಕುಗಳನ್ನು ಜೀವಕೋಶಗಳೊಳಗೆ ಸೇರಿಸುವುದು
  4. ತಪಾಸಣೆ/ಆಯ್ಕೆ - ಹೊಸದರೊಂದಿಗೆ ಯಶಸ್ವಿಯಾಗಿ ಮಿಳಿತಗೊಂಡ ಜೀವಕೋಶಗಳನ್ನು ಆಯ್ಕೆಮಾಡುವುದು

ಅಬೀಜ ಸಂತಾನೋತ್ಪತ್ತಿಯ ವಿಧಾನಗಳ ಪೈಕಿ ಈ ಹಂತಗಳು ಬದಲಾಯಿಸಲಾಗದಂಥವಾಗಿದ್ದರೂ ಸಹ, ಹಲವಾರು ಪರ್ಯಾಯ ವಿಧಾನಗಳನ್ನೂ ಆಯ್ಕೆಮಾಡಿಕೊಳ್ಳಬಹುದು. ಇವುಗಳನ್ನು ಒಟ್ಟಾಗಿ 'ಅಬೀಜ ಸಂತಾನೋತ್ಪತ್ತಿ ಕಾರ್ಯತಂತ್ರ' ಎಂದು ಹೇಳಲಾಗುತ್ತದೆ.

ಮೊದಲಿಗೆ, ಸೂಕ್ತ ಗಾತ್ರದ ಒಂದು DNA ಭಾಗವನ್ನು ಒದಗಿಸುವುದಕ್ಕಾಗಿ, ಆಸಕ್ತಿಯ DNAಯನ್ನು ಪ್ರತ್ಯೇಕಿಸುವುದು ಅಗತ್ಯ. ಇದಾದ ನಂತರ, ಬಂಧಿಸುವಿಕೆಯ ವಿಧಾನವೊಂದನ್ನು ಬಳಸಲಾಗುತ್ತದೆ. ಒಂದು ವಾಹಕದ (DNAಯ ತುಣಕು) ಒಳಗೆ ವರ್ಧಿಸಲಾದ ತುಣುಕನ್ನು ತೂರಿಸುವುದು ಈ ವಿಧಾನದಲ್ಲಿ ಸೇರಿರುತ್ತದೆ. ಪರಿಮಿತಿಯ ಕಿಣ್ವಗಳನ್ನು ಬಳಸಿ ವಾಹಕವನ್ನು (ಇದು ಸಾಧಾರಣವಾಗಿ ವೃತ್ತಾಕಾರದಲ್ಲಿರುತ್ತದೆ) ರೇಖೀಕರಿಸಲಾಗುತ್ತದೆ, ಮತ್ತು DNA ಲೈಗೇಸ್‌ ಎಂದು ಕರೆಯಲಾಗುವ ಒಂದು ಕಿಣ್ವದೊಂದಿಗೆ ಸೂಕ್ತ ಪರಿಸ್ಥಿತಿಯಡಿಯಲ್ಲಿ ಆಸಕ್ತಿಯ ತುಣುಕಿನೊಂದಿಗೆ ಬೆಳೆಸಲಾಗುತ್ತದೆ. ಬಂಧಿಸುವಿಕೆಯ ನಂತರ, ಆಸಕ್ತಿಯ ತುಣುಕಿನ ತೂರಿಕೆಯೊಂದಿಗಿನ ವಾಹಕವನ್ನು ಜೀವಕೋಶಗಳೊಳಗೆ ಅಡ್ಡಹಾಯಿಸಲಾಗುತ್ತದೆ. ಇನ್ನೂ ಅನೇಕ ಪರ್ಯಾಯ ವಿಧಾನಗಳೂ ಲಭ್ಯವಿದ್ದು, ಅವುಗಳು ಜೀವಕೋಶಗಳ ರಾಸಾಯನಿಕ ಸೂಕ್ಷ್ಮತೆಯನ್ನುಂಟುಮಾಡುವಿಕೆ, ಇಲೆಕ್ಟ್ರೋಪೊರೇಷನ್‌, ಆಪ್ಟಿಕಲ್ ಇಂಜೆಕ್ಷನ್‌ ಮತ್ತು ಬಯೋಲಿಸ್ಟಿಕ್ಸ್‌ ಎಂದು ಕರೆಯಲ್ಪಡುತ್ತವೆ. ಅಂತಿಮವಾಗಿ ಅಡ್ಡಹಾಯ್ಕೆಗೊಳಪಟ್ಟ ಜೀವಕೋಶಗಳನ್ನು ಬೆಳೆಸಲಾಗುತ್ತದೆ. ಮೇಲೆ ನಮೂದಿಸಲಾದ ಕಾರ್ಯವಿಧಾನಗಳು ನಿರ್ದಿಷ್ಟವಾಗಿ ಕಡಿಮೆ ಸಾಮರ್ಥ್ಯವನ್ನು ಹೊಂದಿವೆಯಾದ್ದರಿಂದ, ಅಗತ್ಯವಿರುವ ದಿಕ್ಕಿನಲ್ಲಿನ ವಿನ್ಯಾಸದಲ್ಲಿ ಜೋಡಿಸಲ್ಪಟ್ಟಿರುವ ಬಯಸಿದ ತೂರಿಕೆಯ ಸರಣಿಯನ್ನು ಒಳಗೊಂಡಿರುವ ವಾಹಕದ ಸಂರಚನೆಯೊಂದಿಗಿನ, ಯಶಸ್ವಿಯಾಗಿ ಅಡ್ಡಹಾಯ್ಕೆಗೊಳಗಾದ ಜೀವಕೋಶಗಳನ್ನು ಗುರುತಿಸುವುದು ಒಂದು ಅತ್ಯಗತ್ಯ ಅಂಶವಾಗಿ ಕಂಡುಬರುತ್ತದೆ.

ಆಧುನಿಕ ಅಬೀಜ ಸಂತಾನೋತ್ಪತ್ತಿ ವಾಹಕಗಳು ಆಯ್ಕೆಮಾಡಬಹುದಾದ ಪ್ರತಿಜೀವಕ ಪ್ರತಿರೋಧಕ ಗುರುತುಕಾರಕಗಳನ್ನು ಒಳಗೊಂಡಿದ್ದು, ಇವು ಬೆಳೆಯಲೆಂದು ವಾಹಕವನ್ನು ಅಡ್ಡಹಾಯ್ಕೆಮಾಡಲಾದ ಜೀವಕೋಶಗಳಿಗೆ ಮಾತ್ರವೇ ಅವಕಾಶ ಮಾಡಿಕೊಡುತ್ತವೆ. ಇದರ ಜೊತೆಗೆ, ಅಬೀಜ ಸಂತಾನೋತ್ಪತ್ತಿ ವಾಹಕಗಳು ವರ್ಣದ ಆಯ್ಕೆಯ ಗುರುತುಕಾರಕಗಳನ್ನು ಹೊಂದಿರಬಹುದಾಗಿದ್ದು, ಇವು X-gal ಮಾಧ್ಯಮದ ಮೇಲೆ ನೀಲಿ/ಬಿಳಿ ಗುಣಲಕ್ಷಣವನ್ನು (α-ಅಂಶದ ಪೂರಕ ಕಾರ್ಯ) ಮೂಡಿಸುತ್ತವೆ. 
ಅದೇನೇ ಇದ್ದರೂ, ಪಡೆಯಲಾದ ಜೀವಕೋಶಗಳಲ್ಲಿ DNA ತೂರಿಕೆಯ ಇರುವಿಕೆಯನ್ನು ಈ ಆಯ್ಕೆಯ ಹಂತಗಳು ಸಂಪೂರ್ಣವಾಗಿ ಖಾತ್ರಿಪಡಿಸುವುದಿಲ್ಲ. ಅಬೀಜ ಸಂತಾನೋತ್ಪತ್ತಿಯು ಯಶಸ್ವಿಯಾಗಿತ್ತು ಎಂಬುದನ್ನು ತತ್ಫಲವಾಗಿ ಹೊರಹೊಮ್ಮುವ ಸಮುದಾಯಗಳ ಮುಂದುವರಿದ ತಪಾಸಣೆಯು ದೃಢೀಕರಿಸುವುದು ಅಗತ್ಯವಾಗಿರುತ್ತದೆ. ಇದನ್ನು PCR, ಪರಿಮಿತಿಯ ತುಣುಕಿನ ವಿಶ್ಲೇಷಣೆಯಿಂದ ಮತ್ತು/ಅಥವಾ DNA ಅನುಕ್ರಮಣಿಕೆಯ ವಿಧಾನದಿಂದ ನೆರವೇರಿಸಬಹುದು.

ಅಬೀಜ ಸಂತಾನೋತ್ಪತ್ತಿ ಉಂಗುರಗಳನ್ನು ಬಳಸಿ ಅಬೀಜ ಸಂತಾನೋತ್ಪತ್ತಿ ಮಾಡುವಿಕೆ[ಬದಲಾಯಿಸಿ]

ಚಿತ್ರ:CellColonyCloning.jpg
ಅಬೀಜ ಸಂತಾನೋತ್ಪತ್ತಿ ಉಂಗುರಗಳನ್ನು ಬಳಸುತ್ತಿರುವ ಅಬೀಜ ಸಂತಾನೋತ್ಪತ್ತಿ ಜೀವಕೋಶ-ಶ್ರೇಣಿಯ ಸಮುದಾಯಗಳು

ಜೀವಕೋಶವೊಂದನ್ನು ಅಬೀಜ ಸಂತಾನೋತ್ಪತ್ತಿಗೆ ಈಡುಮಾಡುವುದು ಎಂದರೆ, ಏಕ ಜೀವಕೋಶದಿಂದ ಅಸಂಖ್ಯಾತ ಜೀವಕೋಶಗಳನ್ನು ಹುಟ್ಟಿಸುವುದು ಎಂದರ್ಥ. ಬ್ಯಾಕ್ಟೀರಿಯಾ ಮತ್ತು ಯೀಸ್ಟ್‌ನಂಥ ಏಕಕೋಶೀಯ ಜೀವಿಗಳ ವಿಷಯದಲ್ಲಿ ಈ ಪ್ರಕ್ರಿಯೆಯು ಗಮನಾರ್ಹವಾಗಿ ಸರಳವಾಗಿದೆ ಮತ್ತು ಇದಕ್ಕೆ ಅವಶ್ಯಕವಾಗಿ ಸೂಕ್ತ ಮಾಧ್ಯಮದ ತುಂಬುವಿಕೆಯದರ ಅಗತ್ಯವಷ್ಟೇ ಇರುತ್ತದೆ. ಆದಾಗ್ಯೂ, ಬಹು-ಕೋಶೀಯ ಜೀವಿಗಳಿಂದ ಜೀವಕೋಶದ ಬೆಳೆಸುವಿಕೆಯ ಸಂದರ್ಭದಲ್ಲಿ, ಜೀವಕೋಶದ ಅಬೀಜ ಸಂತಾನೋತ್ಪತ್ತಿಯು ಒಂದು ಪ್ರಯಾಸಕರ ವಿಷಯವಾಗಿದೆ. ಏಕೆಂದರೆ ಈ ಜೀವಕೋಶಗಳು ಪ್ರಮಾಣಬದ್ಧ ಮಾಧ್ಯಮದಲ್ಲಿ ಅನಾಯಾಸವಾಗಿ ಬೆಳೆಯುವುದಿಲ್ಲ. ಜೀವಕೋಶದ ಸರಣಿಗಳ ವಿಶಿಷ್ಟವಾದ ವಂಶಾವಳಿಯನ್ನು ಅಬೀಜ ಸಂತಾನಕ್ಕೊಳಪಡಿಸಲು ಬಳಸುವ ಒಂದು ಉಪಯುಕ್ತ ಅಂಗಾಂಶ ಕೃಷಿ ಕಾರ್ಯಕೌಶಲವು ಅಬೀಜ ಸಂತಾನೋತ್ಪತ್ತಿ ಉಂಗುರಗಳ (ಸಿಲಿಂಡರುಗಳ) ಬಳಕೆಯನ್ನು ಒಳಗೊಳ್ಳುತ್ತದೆ[೨].

ಈ ಕಾರ್ಯಕೌಶಲದ ಅನುಸಾರ, ಆಯ್ಕೆಯನ್ನು ಪ್ರಚೋದಿಸಲು ಬಳಸಲಾದ ಒಂದು ಬಹುಜೀನಿನ ಮಧ್ಯವರ್ತಿ ಅಥವಾ ಮೂಲೌಷಧ ವಸ್ತುವೊಂದಕ್ಕೆ ಒಡ್ಡಿಕೊಂಡ ಜೀವಕೋಶಗಳ ಒಂದು ಏಕ-ಜೀವಕೋಶ ನಿಲಂಬನವು ಪ್ರತ್ಯೇಕಗೊಂಡ ಸಮುದಾಯಗಳನ್ನು ಸೃಷ್ಟಿಸುವ ಸಲುವಾಗಿ ಉನ್ನತ ಸಾರರಿಕ್ತತೆಯಲ್ಲಿ ಲೇಪಿತವಾಗಿರುತ್ತದೆ. ಸಮುದಾಯಗಳು ಕೆಲವೇ ಕೆಲವು ಜೀವಕೋಶಗಳನ್ನು ಹೊಂದಿರುವ ಒಂದು ಆರಂಭಿಕ ಬೆಳವಣಿಗೆಯ ಹಂತದಲ್ಲಿ, ಗ್ರೀಸ್‌ನಲ್ಲಿ ಅದ್ದಿಡಲ್ಪಟ್ಟಿರುವ ಗೊಡ್ಡು ಪಾಲಿಸ್ಟೈರೀನ್‌ ಉಂಗುರಗಳನ್ನು (ಅಬೀಜ ಸಂತಾನೋತ್ಪತ್ತಿ ಉಂಗುರಗಳನ್ನು) ಒಂದು ಪ್ರತ್ಯೇಕ ಸಮುದಾಯದ ಮೇಲೆ ಇರಿಸಲಾಗುತ್ತದೆ ಮತ್ತು ಸಣ್ಣ ಪ್ರಮಾಣದ ಟ್ರಿಪ್ಸಿನ್‌ನ್ನು ಸೇರಿಸಲಾಗುತ್ತದೆ. ಅಬೀಜ ಸಂತಾನ ಪ್ರಕ್ರಿಯೆಗೀಡಾದ ಜೀವಕೋಶಗಳನ್ನು ಉಂಗುರದ ಒಳಭಾಗದಿಂದ ಸಂಗ್ರಹಿಸಲಾಗುತ್ತದೆ ಮತ್ತು ಮುಂದಿನ ಬೆಳವಣಿಗೆಗಾಗಿ ಒಂದು ಹೊಸ ಪಾತ್ರೆಗೆ ವರ್ಗಾಯಿಸಲಾಗುತ್ತದೆ. 

ಕಾಂಡಕೋಶ ಸಂಶೋಧನೆಯಲ್ಲಿ ಅಬೀಜ ಸಂತಾನೋತ್ಪತ್ತಿ[ಬದಲಾಯಿಸಿ]

ದೇಹದ ಜೀವಕೋಶದ ಪರಮಾಣು ವರ್ಗಾವಣೆಯನ್ನು ಅಬೀಜ ಸಂತಾನದ ಭ್ರೂಣವೊಂದನ್ನು ಸೃಷ್ಟಿಸಲೂ ಸಹ ಬಳಸಬಹುದು. ಇದರ ಹಿಂದಿರುವ ಅತಿ ಸಂಭಾವ್ಯ ಉದ್ದೇಶವೆಂದರೆ, ಸಂಶೋಧನೆಯಲ್ಲಿ, ಅದರಲ್ಲೂ ನಿರ್ದಿಷ್ಟವಾಗಿ ಕಾಂಡಕೋಶ ಸಂಶೋಧನೆಯಲ್ಲಿನ ಬಳಕೆಗಾಗಿ ಭ್ರೂಣಗಳನ್ನು ತಯಾರಿಸುವುದೇ ಆಗಿದೆ. ಈ ಪ್ರಕ್ರಿಯೆಯನ್ನು "ಸಂಶೋಧನೆ ಅಬೀಜ ಸಂತಾನೋತ್ಪತ್ತಿ" ಅಥವಾ "ಚಿಕಿತ್ಸಕ ಅಬೀಜ ಸಂತಾನೋತ್ಪತ್ತಿ" ಎಂದೂ ಕರೆಯಲಾಗುತ್ತದೆ. ಅಬೀಜ ಸಂತಾನಕ್ಕೊಳಗಾದ ಮಾನವ ಜೀವಿಗಳನ್ನು ಸೃಷ್ಟಿಸುವುದು ಇದರ ಹಿಂದಿರುವ ಗುರಿಯಲ್ಲ; ಬದಲಿಗೆ ಮಾನವನ ಅಭಿವೃದ್ಧಿಯನ್ನು ಅಧ್ಯಯನ ಮಾಡಲು ಹಾಗೂ ಕಾಯಿಲೆಗಳಿಗೆ ಸಮರ್ಥವಾದ ರೀತಿಯಲ್ಲಿ ಚಿಕಿತ್ಸೆ ನೀಡಲು ಬಳಸಬಹುದಾದ ಕಾಂಡಕೋಶಗಳನ್ನು ಪಡೆಯುವುದು ಇದರ ಹಿಂದಿರುವ ಉದ್ದೇಶ. ಅಬೀಜ ಸಂತಾನದ ಮಾನವ ಮೊಳಕೆಯ ಕೋಶವೊಂದನ್ನು ಸೃಷ್ಟಿಸಿದಾಗ, ಕಾಂಡಕೋಶದ ಸರಣಿಗಳನ್ನು ಅಬೀಜ ಸಂತಾನದ ಮೂಲವೊಂದರಿಂದ ಪ್ರತ್ಯೇಕಿಸುವುದು ಇನ್ನೂ ಬಾಕಿಯಿರುತ್ತದೆ.[೩]

ಜೀವಿಯ ಅಬೀಜ ಸಂತಾನೋತ್ಪತ್ತಿ[ಬದಲಾಯಿಸಿ]

ತಳೀಯವಾಗಿ ಮತ್ತೊಂದಕ್ಕೆ ತದ್ರೂಪವಾಗಿರುವ ಬಹು-ಕೋಶೀಯ ಜೀವಿಯೊಂದನ್ನು ಸೃಷ್ಟಿಸುವುದರ ಕಾರ್ಯವಿಧಾನಕ್ಕೆ ಜೀವಿಯ ಅಬೀಜ ಸಂತಾನೋತ್ಪತ್ತಿ (ಪುನರುತ್ಪಾದಕ ಅಬೀಜ ಸಂತಾನೋತ್ಪತ್ತಿ) ಎಂದು ಕರೆಯಲಾಗುತ್ತದೆ. ಮೂಲಭೂತವಾಗಿ ಅಬೀಜ ಸಂತಾನೋತ್ಪತ್ತಿಯ ಈ ಸ್ವರೂಪವು ಸಂತಾನೋತ್ಪತ್ತಿಯ ಒಂದು ಅಲೈಂಗಿಕ ವಿಧಾನವಾಗಿದ್ದು, ಫಲೀಕರಣ ಅಥವಾ ಅಂತರ-ಗ್ಯಾಮೀಟಿನ ಸಂಪರ್ಕವು ಇಲ್ಲಿ ಸಂಭವಿಸುವುದಿಲ್ಲ. ಅಲೈಂಗಿಕ ಸಂತಾನೋತ್ಪತ್ತಿಯು ಬಹುತೇಕ ಸಸ್ಯಗಳು (ನೋಡಿ ಸಸ್ಯಕ ಸಂತಾನೋತ್ಪತ್ತಿ) ಮತ್ತು ಕೆಲವೊಂದು ಕೀಟಗಳು ಸೇರಿದಂತೆ ಅನೇಕ ಜಾತಿಗಳಲ್ಲಿ ನೈಸರ್ಗಿಕವಾಗಿ ಸಂಭವಿಸುವ ಒಂದು ವಿದ್ಯಮಾನವಾಗಿದೆ.

ಕುರಿಗಳು ಮತ್ತು ಹಸುಗಳ ಅಲೈಂಗಿಕ ಸಂತಾನೋತ್ಪತ್ತಿಯನ್ನು ಒಳಗೊಂಡಂತೆ ಅಬೀಜ ಸಂತಾನೋತ್ಪತ್ತಿಯೊಂದಿಗೆ ವಿಜ್ಞಾನಿಗಳು ಒಂದಷ್ಟು ಪ್ರಮುಖ ಸಾಧನೆಗಳನ್ನು ಮಾಡಿದ್ದಾರೆ. ಅಬೀಜ ಸಂತಾನೋತ್ಪತ್ತಿಯನ್ನು ಬಳಸಬೇಕೇ ಅಥವಾ ಬೇಡವೇ ಎಂಬ ವಿಷಯದ ಕುರಿತಾಗಿ ಹಲವಾರು ನೈತಿಕ ಚರ್ಚೆಗಳು ನಡೆಯುತ್ತಿವೆ. ಆದಾಗ್ಯೂ ಅಬೀಜ ಸಂತಾನೋತ್ಪತ್ತಿ, ಅಥವಾ ಅಲೈಂಗಿಕ ಸಂತಾನೋತ್ಪತ್ತಿಯು,[೧] ತೋಟಗಾರಿಕಾ ಪ್ರಪಂಚದಲ್ಲಿ ನೂರಾರು ವರ್ಷಗಳಿಂದ ಬಳಕೆಯಲ್ಲಿರುವ ಒಂದು ಸಾಮಾನ್ಯ ಅಭ್ಯಾಸವಾಗಿದೆ.

ತೋಟಗಾರಿಕೆಯಲ್ಲಿನ ಬಳಕೆ[ಬದಲಾಯಿಸಿ]

ಸಸ್ಯಕ ಸಂತಾನೋತ್ಪತ್ತಿ ಅಥವಾ ಅಲೈಂಗಿಕ ಜನನದಿಂದ ಉತ್ಪತ್ತಿಯಾದ ಒಂದು ಏಕಸಸ್ಯದ ಎಲ್ಲಾ ಸಂತತಿಗಳನ್ನು ಆರ್ಥೈಸಲು ತೋಟಕಾರಿಕೆಯಲ್ಲಿ ಅಬೀಜ ಸಂತಾನ ಎಂಬ ಪದವನ್ನು ಬಳಸಲಾಗುತ್ತದೆ. ಅನೇಕ ತೋಟಗಾರಿಕಾ ಸಸ್ಯ ಪ್ರಭೇದಗಳು ಅಬೀಜ ಸಂತಾನಗಳಾಗಿದ್ದು, ಏಕ ಸಸ್ಯವೊಂದರಿಂದ ಉತ್ಪತ್ತಿಯಾಗಿ, ಲೈಂಗಿಕ ಸಂತಾನೋತ್ಪತ್ತಿಯನ್ನು ಹೊರತುಪಡಿಸಿದ ಕೆಲವು ಪ್ರಕ್ರಿಯೆಯಿಂದ ಸಂತಾನವೃದ್ಧಿಮಾಡಿಕೊಂಡವುಗಳಾಗಿರುತ್ತವೆ.

ಉದಾಹರಣೆಯಾಗಿ ಹೇಳುವುದಾರೆ, ದ್ರಾಕ್ಷಿಗಳ ಕೆಲವೊಂದು ಐರೋಪ್ಯ ಪ್ರಭೇದಗಳು ಎರಡು ಸಹಸ್ರಮಾನಗಳಿಗಿಂತ ಹೆಚ್ಚಿನ ಕಾಲದಿಂದಲೂ ಸಂತಾನೋತ್ಪತ್ತಿ ಮಾಡಿಕೊಂಡು ಬಂದಿರುವ ಅಬೀಜ ಸಂತಾನಗಳನ್ನು ಪ್ರತಿನಿಧಿಸುತ್ತವೆ. ಇತರ ಉದಾಹರಣೆಗಳಲ್ಲಿ ಆಲೂಗಡ್ಡೆ ಮತ್ತು ಬಾಳೆಹಣ್ಣು ಸೇರಿವೆ. ಕಸಿ ಮಾಡುವಿಕೆಯನ್ನು ಅಬೀಜ ಸಂತಾನೋತ್ಪತ್ತಿ ಎಂದು ಕರೆಯಬಹುದು. ಏಕೆಂದರೆ, ಕಸಿಕೊಂಬೆಯಿಂದ ಬರುವ ಎಲ್ಲಾ ಚಿಗುರುಗಳು ಹಾಗೂ ಕೊಂಬೆಗಳು ತಳೀಯವಾಗಿ ಏಕ ಸಸ್ಯವೊಂದರ ಒಂದು ಅಬೀಜ ಸಂತಾನವಾಗಿರುತ್ತದೆ. ಆದರೆ ಈ ನಿರ್ದಿಷ್ಟ ವಿಧದ ಅಬೀಜ ಸಂತಾನೋತ್ಪತ್ತಿಯು ನೈತಿಕ ವಿಮರ್ಶನ ಅಥವಾ ಸೂಕ್ಷ್ಮದೃಷ್ಟಿಯ ಅಡಿಯಲ್ಲಿ ಬರುವುದಿಲ್ಲ ಮತ್ತು ಸಾಮಾನ್ಯವಾಗಿ ಒಂದು ಸಂಪೂರ್ಣವಾದ ವಿಭಿನ್ನ ವಿಧದ ಕಾರ್ಯಾಚರಣೆಯಾಗಿ ಇದನ್ನು ಪರಿಗಣಿಸಲಾಗುತ್ತದೆ.

ಅನೇಕಬಳ್ಳಿಗಳು, ಜರೀಗಿಡಗಳು ಮತ್ತು ಇತರ ಶಾಶ್ವತ ಮೂಲಿಕಾಸಸ್ಯಗಳು ಅಬೀಜ ಸಂತಾನದ ಸಮುದಾಯಗಳನ್ನು ರೂಪಿಸುತ್ತವೆ. ಅಬೀಜ ಸಂತಾನದ ಒಂದು ಬೃಹತ್ ಸಮುದಾಯದ ಭಾಗಗಳು ಪ್ರತ್ಯೇಕ ಜೀವಿಗಳಾಗಿ ಅಸ್ತಿತ್ವ ಕಾಯ್ದುಕೊಳ್ಳುವ ದೃಷ್ಟಿಯಿಂದ ಮೂಲಸಸ್ಯದಿಂದ ಅನೇಕ ವೇಳೆ ಸಂಬಂಧ ಕಡಿದುಕೊಳ್ಳುತ್ತವೆ. ಇದನ್ನು ವಿಘಟನೆ ಎಂದು ಕರೆಯುತ್ತಾರೆ. ಕೆಲವೊಂದು ಸಸ್ಯಗಳು ಅಲೈಂಗಿಕವಾಗಿಯೂ ಬೀಜಗಳನ್ನು ರೂಪಿಸುತ್ತವೆ. ಇದನ್ನು ಅಲೈಂಗಿಕ ಜನನ ಎಂದು ಕರೆಯಲಾಗುತ್ತದೆ. ಉದಾಹರಣೆಗೆ ಡ್ಯಾಂಡೆಲಿಯನ್‌.

ಅಂಡಾಣು ಸಂತಾನ[ಬದಲಾಯಿಸಿ]

ಅಬೀಜ ಸಂತಾನದ ಮೂಲವು ನಿಸರ್ಗದಲ್ಲಿನ ಕೆಲವೊಂದು ಪ್ರಾಣಿಜಾತಿಗಳಲ್ಲಿ ಅಸ್ತಿತ್ವದಲ್ಲಿರುತ್ತದೆ ಮತ್ತು ಇದನ್ನು ಅಂಡಾಣು ಸಂತಾನ (ಸಂಗಾತಿಯೊಂದಿಗಿನ ಸಂಪರ್ಕವಿಲ್ಲದೆಯೇ ಜೀವಿಯೊಂದು ಮಾಡಿಕೊಳ್ಳುವ ಸಂತಾನೋತ್ಪತ್ತಿ) ಎಂದು ಕರೆಯಲಾಗುತ್ತದೆ. ಇದು ಸಂತಾನೋತ್ಪತ್ತಿಯ ಒಂದು ಅಲೈಂಗಿಕ ಸ್ವರೂಪವಾಗಿದ್ದು ಕೆಲವೊಂದು ಕೀಟಗಳು, ಕಠಿಣಚರ್ಮಿಗಳು ಮತ್ತು ಹಲ್ಲಿಗಳ ಹೆಣ್ಣುಗಳಲ್ಲಿ ಮಾತ್ರವೇ ಇದು ಕಂಡುಬರುತ್ತದೆ. ಒಂದು ಗಂಡು ಪ್ರಾಣಿಯಿಂದ ಆಗಬೇಕಾದ ಫಲೀಕರಣವಿಲ್ಲದೆಯೇ, ಬೆಳವಣಿಗೆ ಮತ್ತು ಅಭಿವೃದ್ಧಿ ಕಂಡುಬರುತ್ತದೆ. ಸಸ್ಯಗಳಲ್ಲಿ, ಅಂಡಾಣು ಸಂತಾನವೆಂದರೆ ಫಲವತ್ತಾಗಿಸದ ಒಂದು ಅಂಡ ಜೀವಕೋಶದಿಂದ ಒಂದು ಭ್ರೂಣದ ಬೆಳವಣಿಗೆಯಾಗುವಿಕೆ ಎಂದರ್ಥ ಮತ್ತು ಇದು ಅಲೈಂಗಿಕ ಜನನದ ಒಂದು ಅಂಗಭಾಗ ಪ್ರಕ್ರಿಯೆಯಾಗಿದೆ. XY ಲಿಂಗ-ನಿರ್ಧಾರಣಾ ವ್ಯವಸ್ಥೆಯನ್ನು ಬಳಸುವ ಜೀವಜಾತಿಯಲ್ಲಿ, ಬರುವ ಪೀಳಿಗೆಯು ಯಾವಾಗಲೂ ಹೆಣ್ಣಾಗಿರುತ್ತದೆ. "ಪುಟ್ಟಗಾತ್ರದ ಬೆಂಕಿ ಇರುವೆ"ಯು (ವಾಸ್ಮೇನಿಯಾ ಔರೋಪಂಕ್ಟೇಟಾ ) ಇದಕ್ಕೊಂದು ಉದಾಹರಣೆ. ಇದು ಕೇಂದ್ರಭಾಗದ ಮತ್ತು ದಕ್ಷಿಣ ಅಮೆರಿಕಾದ ಮೂಲಕ್ಕೆ ಸೇರಿದ್ದರೂ, ಉಷ್ಣವಲಯದ ಅನೇಕ ಪರಿಸರಗಳಾದ್ಯಂತ ಹಬ್ಬಿಕೊಂಡಿದೆ.

ಪುನರುತ್ಪಾದಕ ಅಬೀಜ ಸಂತಾನೋತ್ಪತ್ತಿ[ಬದಲಾಯಿಸಿ]

ತಳೀಯವಾಗಿ ತದ್ರೂಪವಾಗಿರುವ ಪ್ರಾಣಿಗಳನ್ನು ಸೃಷ್ಟಿಸಲು, ಪುನರುತ್ಪಾದಕ ಅಬೀಜ ಸಂತಾನೋತ್ಪತ್ತಿಯು "ದೇಹದ ಜೀವಕೋಶದ ಪರಮಾಣು ವರ್ಗಾವಣೆ"ಯನ್ನು (ಸೊಮ್ಯಾಟಿಕ್ ಸೆಲ್‌ ನ್ಯೂಕ್ಲಿಯರ‍್ ಟ್ರಾನ್ಸ್‌ಫರ್‌-SCNT) ಬಳಸುತ್ತದೆ. ದಾನಿಯ ಒಂದು ಬೆಳೆದಿರುವ ಜೀವಕೋಶದಿಂದ (ದೇಹದ ಜೀವಕೋಶ) ಒಂದು ಕೋಶಕೇಂದ್ರವನ್ನು, ಕೋಶಕೇಂದ್ರ ಹೊಂದಿಲ್ಲದ ಅಂಡಾಣುವೊಂದಕ್ಕೆ ವರ್ಗಾಯಿಸುವುದನ್ನು ಈ ಪ್ರಕ್ರಿಯೆಯು ಸಾಧ್ಯವಾಗಿಸುತ್ತದೆ. ಅಂಡಾಣುವು ಎಂದಿನ ರೀತಿಯಲ್ಲಿ ವಿಭಜನೆಗೊಳ್ಳಲು ಶುರುಮಾಡಿದರೆ, ಬದಲಿ ತಾಯಿಯ ಗರ್ಭಕೋಶದೊಳಗೆ ಇದು ವರ್ಗಾಯಿಸಲ್ಪಡುತ್ತದೆ. ಇಂಥ ಅಬೀಜ ಸಂತಾನಗಳು ಕಟ್ಟುನಿಟ್ಟಾಗಿ ತದ್ರೂಪವನ್ನು ಹೊಂದಿರುವುದಿಲ್ಲ. ಏಕೆಂದರೆ, ದೇಹದ ಜೀವಕೋಶಗಳು ತಮ್ಮ ಪರಮಾಣು ಬೀಜದ DNAಯಲ್ಲಿ ನವವಿಕೃತಿಗಳನ್ನು ಹೊಂದಿರಲು ಸಾಧ್ಯವಿದೆ. ಇದರ ಜೊತೆಗೆ, ಕೋಶದ್ರವ್ಯದಲ್ಲಿನ ಮೈಟೋಕಾಂಡ್ರಿಯಾ ಕೂಡಾ DNAಯನ್ನು ಹೊಂದಿರುತ್ತದೆ ಮತ್ತು SCNTಯ ಅವಧಿಯಲ್ಲಿ ಈ DNAಯು ಸಂಪೂರ್ಣವಾಗಿ ದಾನಿಯ ಅಂಡಾಣುವಿನಿಂದ ಬಂದಿರುತ್ತದೆ. ಹೀಗಾಗಿ ಮೈಟೋಕಾಂಡ್ರಿಯಾದ ಜೀನೋಮ್‌ ಎಂಬುದು ಕೋಶಕೇಂದ್ರವನ್ನು ದಾನಮಾಡುವ ಜೀವಕೋಶದಂತೆ (ಯಾವುದರಿಂದ ಅದು ಉತ್ಪತ್ತಿಯಾಯಿತೋ ಆ ಜೀವಕೋಶ) ಇರುವುದಿಲ್ಲ.

ಇದು ಮಿಶ್ರ-ಜಾತಿಯ ಪರಮಾಣು ವರ್ಗಾವಣೆಗೆ ಸಂಬಂಧಿಸಿದಂತೆ ಪ್ರಮುಖವಾದ ಸೂಚ್ಯಾರ್ಥಗಳನ್ನು ಹೊಂದಿರಲು ಸಾಧ್ಯವಿದೆ. ಸದರಿ ಸ್ವರೂಪದ ಪರಮಾಣು ವರ್ಗಾವಣೆಯಲ್ಲಿ ಪರಮಾಣು ಬೀಜದ-ಮೈಟೋಕಾಂಡ್ರಿಯಾದ ಅಸಾಮರಸ್ಯಗಳು ಸಾವಿಗೆ ಕೊಂಡೊಯ್ಯಬಹುದು.

ಡಾಲಿ ಕುರಿ[ಬದಲಾಯಿಸಿ]

ಡಾಲಿ (05-07-1996 - 14-02-2003), ಫಿನ್ಲೆಂಡಿನ ಒಂದು ಡಾರ್ಸೆಟ್‌ ಹೆಣ್ಣುಕುರಿಯಾಗಿದ್ದು, ಒಂದು ಬೆಳೆದ ಜೀವಕೋಶದಿಂದ ಯಶಸ್ವಿಯಾಗಿ ಅಬೀಜ ಸಂತಾನಕ್ಕೊಳಪಡಿಸಿ ಸೃಷ್ಟಿಸಿದ ಪ್ರಪ್ರಥಮ ಸಸ್ತನಿಯಾಗಿತ್ತು. ಆದರೂ, ಅಬೀಜ ಸಂತಾನ ವಿಧಾನದಿಂದ ಸೃಷ್ಟಿಸಲ್ಪಟ್ಟ ಮೊಟ್ಟಮೊದಲ ಕಶೇರುಕವು 1952ರಲ್ಲಿ ಸೃಷ್ಟಿಸಲಾದ ಒಂದು ಗೊದಮೊಟ್ಟೆ ಮರಿಯಾಗಿತ್ತು[೨].

ಸ್ಕಾಟ್ಲೆಂಡ್‌‌ನಲ್ಲಿನ ರೋಸ್ಲಿನ್‌ ಇನ್‌ಸ್ಟಿಟ್ಯೂಟ್‌ನಲ್ಲಿ ಡಾಲಿಯು ಅಬೀಜ ಸಂತಾನದ ಮೂಲಕ ಸೃಷ್ಟಿಸಲ್ಪಟ್ಟಿತು ಮತ್ತು ಅದಕ್ಕೆ ಆರು ವರ್ಷಗಳಾಗಿ, ಆ ವಯಸ್ಸಿನಲ್ಲಿ ಮರಣಹೊಂದುವವರೆಗೂ ಅಲ್ಲಿಯೇ ಅದು ವಾಸಿಸಿತ್ತು. 2003-04-09ರಂದು ಡಾಲಿಯ ಹುಲ್ಲುತುಂಬಿಸಲಾದ ಅವಶೇಷಗಳನ್ನು ಸ್ಕಾಟ್ಲೆಂಡ್‌ನ ರಾಷ್ಟ್ರೀಯ ವಸ್ತುಸಂಗ್ರಹಾಲಯಗಳ ಭಾಗವಾದ ಎಡಿನ್‌ಬರ್ಗ್‌‌ನ ರಾಯಲ್‌ ಮ್ಯೂಸಿಯಂನಲ್ಲಿ ಇರಿಸಲಾಯಿತು.

ತನ್ನ ಜೀನುಗಳ ಒಂದು ವಿಶಿಷ್ಟ ಉಪವರ್ಗವನ್ನು ಮಾತ್ರವೇ ಅಭಿವ್ಯಕ್ತಿಸುವಂತೆ ರೂಪಿಸಲಾದ, ಬೆಳೆದಿರುವ ಒಂದು ನಿರ್ದಿಷ್ಟ ಜೀವಕೋಶದಿಂದ ಬಂದ ತಳೀಯ ಸಾಮಗ್ರಿಯು, ಒಂದು ಸಂಪೂರ್ಣ ಹೊಸ ಜೀವಿಯಾಗಿ ಬೆಳೆಯುವಂತೆ ಮರು-ಯೋಜನೆಗೆ ಒಳಗಾಗಬಹುದು ಎಂಬುದನ್ನು ಈ ಪ್ರಯತ್ನವು ತೋರಿಸಿದ್ದರಿಂದಾಗಿ ಡಾಲಿಯ ಉದಾಹರಣೆಯು ಸಾರ್ವಜನಿಕವಾಗಿ ಪ್ರಾಮುಖ್ಯತೆಯನ್ನು ಪಡೆದಿತ್ತು. ಈ ಪ್ರಾತ್ಯಕ್ಷಿಕೆ ಅಥವಾ ನಿದರ್ಶನಕ್ಕೂ ಮುಂಚಿತವಾಗಿ, ಪ್ರತ್ಯೇಕಿಸಲ್ಪಟ್ಟ ಪ್ರಾಣಿ ಜೀವಕೋಶಗಳು ಸಂಪೂರ್ಣವಾದ ಹೊಸ ಜೀವಿಗಳ ಹುಟ್ಟಿಗೆ ಕಾರಣವಾಗಬಹುದು ಎಂಬ ವ್ಯಾಪಕವಾಗಿ ಹರಡಿದ್ದ ಕಲ್ಪಿತ ಸಿದ್ಧಾಂತಕ್ಕೆ ಯಾವುದೇ ಸಾಕ್ಷ್ಯಾಧಾರವಿರಲಿಲ್ಲ. ಡಾಲಿ ಕುರಿಯ ಅಬೀಜ ಸಂತಾನೋತ್ಪತ್ತಿ ಪ್ರಕ್ರಿಯೆಯು ತಲಾ ಫಲೀಕೃತ ಅಂಡಾಣುವಿಗೆ ಒಂದು ಕಡಿಮೆ ಪ್ರಮಾಣದ ಯಶಸ್ಸನ್ನು ಹೊಂದಿತ್ತು; 29 ಭ್ರೂಣಗಳನ್ನು ಸೃಷ್ಟಿಸಲು 237 ಅಂಡಾಣುಗಳನ್ನು ಬಳಸಿದ ನಂತರ ಡಾಲಿಯು ಹುಟ್ಟಿತ್ತು; ಅದು ಕೂಡಾ ಹುಟ್ಟಿನ ಸಮಯದಲ್ಲಿ ಮೂರು ಕುರಿಮರಿಗಳನ್ನಷ್ಟೇ ನೀಡಿ, ಅವುಗಳ ಪೈಕಿ ಒಂದು ಮಾತ್ರವೇ ಬದುಕಿತ್ತು. 9,000 ಪ್ರಯತ್ನಗಳಿಂದ ಎಪ್ಪತ್ತು ಕರುಗಳನ್ನು ಸೃಷ್ಟಿಸಲಾಯಿತು ಮತ್ತು ಅವುಗಳಲ್ಲಿ ಮೂರನೇ ಒಂದು ಭಾಗದಷ್ಟು ಕರುಗಳು ಚಿಕ್ಕವಾಗಿರುವಾಗಲೇ ಸತ್ತವು; ಪ್ರೊಮೀಟಿಯಾವು 328 ಪ್ರಯತ್ನಗಳನ್ನು ತೆಗೆದುಕೊಂಡಿತು. ಗಮನಾರ್ಹವಾದ ರೀತಿಯಲ್ಲಿ ಕಪ್ಪೆಗಳು ಮೊಟ್ಟಮೊದಲ ಅಬೀಜ ಸಂತಾನಗಳಾಗಿದ್ದರೂ ಸಹ, ವಯಸ್ಕ ಅಬೀಜ ಸಂತಾನಕ್ಕೊಳಗಾದ ಯಾವುದೇ ಕಪ್ಪೆಯು ದೇಹದ ಬೆಳೆದ ಕೋಶಕೇಂದ್ರದ ದಾನಿ ಜೀವಕೋಶದಿಂದ ಇನ್ನೂ ಸೃಷ್ಟಿಸಲ್ಪಟ್ಟಿಲ್ಲ. ತ್ವರಿತಗೊಳಿಸಿದ ವಯಸ್ಸಾಗುವಿಕೆಯನ್ನು ಹೋಲುತ್ತಿರುವ ರೋಗಲಕ್ಷಣಗಳನ್ನು ಡಾಲಿ ಕುರಿಯು ಹೊಂದಿತ್ತು ಎಂಬ ಆರಂಭಿಕ ಸಮರ್ಥನೆಗಳೂ ಇದ್ದವು. ರೇಖೀಯವಾದ ವರ್ಣತಂತುಗಳ ಅಂತ್ಯವನ್ನು ರಕ್ಷಿಸುವ ಟೆಲಿಮಿಯರ್‌ಗಳು, DNA-ಪ್ರೊಟೀನು ಸಂಕೀರ್ಣಗಳ ತಗ್ಗಿಸುವಿಕೆಯೊಂದಿಗೆ 2003ರಲ್ಲಿ ಸಂಭವಿಸಿದ ಡಾಲಿಯ ಮರಣವು ಸಂಬಂಧಹೊಂದಿತ್ತು ಎಂದು ವಿಜ್ಞಾನಿಗಳು ಊಹಿಸಿದರು.

ಆದಾಗ್ಯೂ, ಡಾಲಿಯನ್ನು ಯಶಸ್ವಿಯಾಗಿ ಅಬೀಜ ಸಂತಾನ ಪ್ರಕ್ರಿಯೆಗೆ ಒಳಪಡಿಸಿದ ತಂಡದ ನೇತೃತ್ವ ವಹಿಸಿದ್ದ ಇಯಾನ್‌ ವಿಲ್ಮಟ್‌ ಸೇರಿದಂತೆ ಇತರ ಸಂಶೋಧಕರು ವಾದಿಸುವ ಪ್ರಕಾರ, ಉಸಿರಾಟದ ಸೋಂಕಿನಿಂದ ಉಂಟಾದ ಅವಧಿಗೆ ಮುಂಚಿನ ಡಾಲಿಯ ಸಾವಿಗೂ ಅಬೀಜ ಸಂತಾನೋತ್ಪತ್ತಿ ಪ್ರಕ್ರಿಯೆಯೊಂದಿಗಿನ ನ್ಯೂನತೆಗಳಿಗೂ ಸಂಬಂಧವಿರಲಿಲ್ಲ.

ಅಬೀಜ ಸಂತಾನಕ್ಕೊಳಗಾದ ಜಾತಿಗಳು[ಬದಲಾಯಿಸಿ]

ಪರಮಾಣು ವರ್ಗಾವಣೆಯನ್ನೊಳಗೊಂಡ ಆಧುನಿಕ ಅಬೀಜ ಸಂತಾನೋತ್ಪತ್ತಿ ಕೌಶಲಗಳು ಹಲವಾರು ಜೀವಜಾತಿಗಳಲ್ಲಿ ಯಶಸ್ವಿಯಾಗಿ ಕಾರ್ಯಕ್ಷಮತೆಯನ್ನು ತೋರಿಸಿವೆ. ಕಾಲಾನುಕ್ರಮದಲ್ಲಿ ಜೋಡಿಸಿದ ಯುಗವರ್ತಕ ಪ್ರಯೋಗಗಳು[clarification needed] ಹೀಗಿವೆ:

  • ಗೊದಮೊಟ್ಟೆ ಮರಿ: (1952) ಅಬೀಜ ಸಂತಾನೋತ್ಪತ್ತಿಯು ಸಂಭವಿಸಿತ್ತೇ ಎಂದು ಅನೇಕ ವಿಜ್ಞಾನಿಗಳು ಪ್ರಶ್ನಿಸಿದರು ಮತ್ತು ಇತರ ಪ್ರಯೋಗಾಲಯಗಳಿಂದ ಕೈಗೊಳ್ಳಲಾದ ಅಪ್ರಕಟಿತ ಪ್ರಯೋಗಗಳು ವರದಿಯಾದ ಫಲಿತಾಂಶಗಳನ್ನು ಮತ್ತೆ ಒದಗಿಸಲು ಅಸಮರ್ಥವಾಗಿದ್ದವು.[ಸೂಕ್ತ ಉಲ್ಲೇಖನ ಬೇಕು]
  • ಕಾರ್ಪ್‌ ಮೀನು: (1963)ಚೀನಾದಲ್ಲಿ, ಟೊಂಗ್ ಡಿಝಾವ್‌ ಎಂಬ ಭ್ರೂಣಶಾಸ್ತ್ರ ತಜ್ಞ ಅಬೀಜ ಸಂತಾನದಿಂದ ವಿಶ್ವದ ಮೊಟ್ಟಮೊದಲ ಮೀನನ್ನು ಸೃಷ್ಟಿಸಿದ. ಗಂಡು ಕಾರ್ಪ್‌ ಮೀನಿನ ಜೀವಕೋಶವೊಂದರಿಂದ ತೆಗೆದ DNAಯನ್ನು ಹೆಣ್ಣು ಕಾರ್ಪ್‌ ಮೀನಿನ ಅಂಡಾಣುವೊಂದಕ್ಕೆ ತೂರಿಸುವ ಮೂಲಕ ಇದನ್ನು ಆತ ನೆರವೇರಿಸಿದ.
ಚೀನಾದ ವಿಜ್ಞಾನದ ನಿಯತಕಾಲಿಕವೊಂದರಲ್ಲಿ ಆತ ತಾನು ಕಂಡುಕೊಂಡ ವಿಷಯಗಳನ್ನು ಪ್ರಕಟಿಸಿದ.[೪]
  • ಇಲಿಗಳು: (1986) ಒಂದು ಇಲಿಯು ಅಬೀಜ ಸಂತಾನದಿಂದ ಯಶಸ್ವಿಯಾಗಿ ಸೃಷ್ಟಿಯಾದ ಮೊಟ್ಟಮೊದಲ ಸಸ್ತನಿಯಾಗಿತ್ತು. ಸೋವಿಯೆಟ್‌ ವಿಜ್ಞಾನಿಗಳಾದ ಚಾಯ್ಲಾಖ್ಯಾನ್‌, ವೆಪ್ರೆನ್ಸೆವ್‌, ಸ್ವಿರಿಡೋವಾ, ಮತ್ತು ನಿಕಿಟಿನ್‌ ಮೊದಲಾದವರು "ಮಾಶಾ" ಎಂಬ ಇಲಿಯನ್ನು ಅಬೀಜ ಸಂತಾನ ಪ್ರಕ್ರಿಯೆಯ ಮೂಲಕ ಸೃಷ್ಟಿಸಿದರು. 1987ರಲ್ಲಿ ಬಂದ "ಬಯೋಫಿಝಿಕಾ" ಎಂಬ ನಿಯತಕಾಲಿಕದ ಸಂಪುಟ ХХХII, ಸಂಚಿಕೆ 5ರಲ್ಲಿ ಈ ಸಂಶೋಧನೆಯು ಪ್ರಕಟಿಸಲ್ಪಟ್ಟಿತು.[clarification needed][೫]
  • ಕುರಿಗಳು: (1996) ಸ್ಟೀನ್‌ ವಿಲ್ಲಾಡ್‌ಸೆನ್‌ನಿಂದ ನಡೆಸಲ್ಪಟ್ಟ, ಆರಂಭಿಕ ಭ್ರೂಣೀಯ ಜೀವಕೋಶಗಳಿಂದ ಪಡೆದದ್ದು. 1995ರ ಜೂನ್‌ನಲ್ಲಿ, ಪ್ರತ್ಯೇಕವಾಗಿಸಲ್ಪಟ್ಟ ಭ್ರೂಣೀಯ ಜೀವಕೋಶಗಳಿಂದ ಅಬೀಜ ಸಂತಾನವನ್ನು ಮೆಗಾನ್ ಮತ್ತು ಮೊರಾಗ್‌[ಸೂಕ್ತ ಉಲ್ಲೇಖನ ಬೇಕು] ಸೃಷ್ಟಿಸಿದರು ಮತ್ತು 1997ರಲ್ಲಿ ದೇಹದ ಜೀವಕೋಶವೊಂದರಿಂದ ಡಾಲಿ ಕುರಿಯನ್ನು ಸೃಷ್ಟಿಸಿದರು.[೬]
  • ಚಿಕ್ಕಬಾಲದ ಕೋತಿ: ಟೆಟ್ರಾ ( ಜನವರಿ 2000) ಭ್ರೂಣದ ವಿದಳನದಿಂದ ಸೃಷ್ಟಿಯಾದದ್ದು[೭][clarification needed]
  • ಕಾಡೆತ್ತು: (2001) ಅಬೀಜ ಸಂತಾನದಿಂದ ಸೃಷ್ಟಿಯಾದ ಮೊಟ್ಟಮೊದಲ ಅಳಿವಿನಂಚಿನ ಜಾತಿಯಾಗಿತ್ತು.[೮]
  • ದನ: ಆಲ್ಫಾ ಮತ್ತು ಬೀಟಾ (ಗಂಡುಗಳು, 2001) ಮತ್ತು (2005) ಬ್ರೆಝಿಲ್‌[೯]
  • ಬೆಕ್ಕು: ಕಾಪಿಕ್ಯಾಟ್‌ "CC" (ಹೆಣ್ಣು, 2001ರ ಅಂತ್ಯದ ವೇಳೆಗೆ), ಲಿಟ್ಲ್‌ ನಿಕಿ, 2004, ಇದು ವಾಣಿಜ್ಯೋದ್ದೇಶದ ಕಾರಣಗಳಿಗಾಗಿ ಅಬೀಜ ಸಂತಾನದಿಂದ ಸೃಷ್ಟಿಮಾಡಲಾದ ಮೊಟ್ಟಮೊಟಲ ಬೆಕ್ಕಾಗಿತ್ತು[ಸೂಕ್ತ ಉಲ್ಲೇಖನ ಬೇಕು]
  • ಹೇಸರಗತ್ತೆ: ಇದಾಹೊ ಜೆಮ್‌, ಇದು 2003ರ ಮೇ 4ರಂದು ಹುಟ್ಟಿದ ಒಂದು ಜಾನ್‌ ಪ್ರಭೇದದ ಹೇಸರಗತ್ತೆ. ಇದು ಕುದುರೆ-ಕುಟುಂಬದ ಮೊಟ್ಟಮೊದಲ ಅಬೀಜ ಸಂತಾನವಾಗಿತ್ತು.[ಸೂಕ್ತ ಉಲ್ಲೇಖನ ಬೇಕು]
  • ಕುದುರೆ: ಪ್ರೊಮೀಟಿಯಾ, 2003ರ ಮೇ 28ರಂದು ಹುಟ್ಟಿದ ಒಂದು ಹಾಫ್ಲಿಂಗರ್‌ ಹೆಣ್ಣು. ಇದು ಮೊಟ್ಟಮೊದಲ ಅಬೀಜ ಸಂತಾನದ ಕುದುರೆಯಾಗಿತ್ತು.[ಸೂಕ್ತ ಉಲ್ಲೇಖನ ಬೇಕು]
  • ಭಾರತದ ಸಾಕೆಮ್ಮೆ: ಸಂರೂಪ ಎಂಬುದು ಅಬೀಜ ಸಂತಾನದಿಂದ ಸೃಷ್ಟಿಯಾದ ಮೊಟ್ಟಮೊದಲ ಭಾರತದ ಸಾಕೆಮ್ಮೆಯಾಗಿತ್ತು. ಭಾರತದ ಕರ್ನಾಲ್ ನ್ಯಾಷನಲ್ ಡೇರಿ ರಿಸರ್ಚ್‌ ಇನ್‌ಸ್ಟಿಟ್ಯೂಟ್‌ನಲ್ಲಿ 2009ರ ಫೆಬ್ರವರಿ 6ರಂದು ಹುಟ್ಟಿದ ಇದು, ಶ್ವಾಸಕೋಶದ ಸೋಂಕಿನ ಕಾರಣದಿಂದಾಗಿ ಐದು ದಿವಸಗಳ ನಂತರ ಮರಣಹೊಂದಿತು.[೧೦]
  • ಒಂಟೆ: (2009) ಇಂಜಾಝ್‌ ಎಂಬುದು ಅಬೀಜ ಸಂತಾನದಿಂದ ಸೃಷ್ಟಿಯಾದ ಮೊಟ್ಟಮೊದಲ ಒಂಟೆಯಾಗಿದೆ.[೧೧]

ಮಾನವ ಅಬೀಜ ಸಂತಾನೋತ್ಪತ್ತಿ[ಬದಲಾಯಿಸಿ]

ಹಾಲಿ ಅಸ್ತಿತ್ವದಲ್ಲಿರುವ ಅಥವಾ ಹಿಂದೆ ಅಸ್ತಿತ್ವದಲ್ಲಿದ್ದ ಮಾನವತಳೀಯವಾಗಿ ತದ್ರೂಪವಾಗಿರುವ ನಕಲೊಂದರ ಸೃಷ್ಟಿಯೇ ಮಾನವ ಅಬೀಜ ಸಂತಾನೋತ್ಪತ್ತಿಯಾಗಿದೆ. ಕೃತಕ ಮಾನವ ಅಬೀಜ ಸಂತಾನೋತ್ಪತ್ತಿಯನ್ನು ಉಲ್ಲೇಖಿಸಲು ಈ ಪದವನ್ನು ಸಾಮಾನ್ಯವಾಗಿ ಬಳಸಲಾಗುತ್ತದೆ; ತದ್ರೂಪಿ ಅವಳಿಗಳ ಸ್ವರೂಪದಲ್ಲಿನ ಮಾನವ ಅಬೀಜ ಸಂತಾನಗಳು ಸರ್ವೇಸಾಮಾನ್ಯವಾಗಿದ್ದು, ಸಂತಾನೋತ್ಪತ್ತಿಯ ಸ್ವಾಭಾವಿಕ ಪ್ರಕ್ರಿಯೆಯ ಅವಧಿಯಲ್ಲಿ ಅವುಗಳ ಅಬೀಜ ಸಂತಾನೋತ್ಪತ್ತಿಯು ಸಂಭವಿಸುತ್ತದೆ. ಮಾನವ ಅಬೀಜ ಸಂತಾನೋತ್ಪತ್ತಿಗೆ ಸಂಬಂಧಿಸಿದಂತೆ ಸಾಮಾನ್ಯವಾಗಿ ಚರ್ಚೆಗೆ ಒಳಗಾಗಿರುವ ಎರಡು ಬಗೆಗಳಿವೆ: ಅವು, ಚಿಕಿತ್ಸಕ ಅಬೀಜ ಸಂತಾನೋತ್ಪತ್ತಿ ಮತ್ತು ಪುನರುತ್ಪಾದಕ ಅಬೀಜ ಸಂತಾನೋತ್ಪತ್ತಿ. ವೈದ್ಯಶಾಸ್ತ್ರದಲ್ಲಿನ ಬಳಕೆಗೆ ಅಗತ್ಯವಾಗಿರುವ ಬೆಳೆದ ಜೀವಕೋಶಗಳ ಅಬೀಜ ಸಂತಾನೋತ್ಪತ್ತಿ ಮಾಡುವುದನ್ನು ಚಿಕಿತ್ಸಕ ಅಬೀಜ ಸಂತಾನೋತ್ಪತ್ತಿಯು ಒಳಗೊಳ್ಳುತ್ತದೆ ಮತ್ತು ಇದು ಸಂಶೋಧನೆಯ ಒಂದು ಕ್ರಿಯಾಶೀಲ ವಲಯವಾಗಿದೆ. ಪುನರುತ್ಪಾದಕ ಅಬೀಜ ಸಂತಾನೋತ್ಪತ್ತಿಯು ಅಬೀಜ ಸಂತಾನದಿಂದ ಸೃಷ್ಟಿಯಾದ ಮಾನವರನ್ನು ಒಳಗೊಳ್ಳುತ್ತದೆ.

ಬದಲಿಕೆಯ ಅಬೀಜ ಸಂತಾನೋತ್ಪತ್ತಿ ಎಂದು ಕರೆಯಲಾಗುವ ಅಬೀಜ ಸಂತಾನೋತ್ಪತ್ತಿಯ ಒಂದು ಮೂರನೆಯ ವಿಧಾನವು ಒಂದು ಸೈದ್ಧಾಂತಿಕ ಸಾಧ್ಯತೆಯಾಗಿದೆ, ಮತ್ತು ಇದು ಚಿಕಿತ್ಸಕ ಹಾಗೂ ಪುನರುತ್ಪಾದಕ ಅಬೀಜ ಸಂತಾನೋತ್ಪತ್ತಿಯ ಒಂದು ಸಂಯೋಜನೆಯಾಗಿರುತ್ತದೆ. ಬದಲಿಕೆಯ ಅಬೀಜ ಸಂತಾನೋತ್ಪತ್ತಿಯು ವ್ಯಾಪಕವಾಗಿ ಹಾನಿಗೊಳಗಾದ, ವಿಫಲಗೊಂಡ, ಅಥವಾ ವಿಫಲಗೊಳ್ಳುತ್ತಿರುವ ದೇಹದ ಬದಲಿಕೆಯನ್ನು ಅಬೀಜ ಸಂತಾನೋತ್ಪತ್ತಿಯ ಮೂಲಕ ಕೈಗೊಳ್ಳುತ್ತದೆ ಮತ್ತು ಇದರ ನಂತರದ ಸಂಪೂರ್ಣವಾದ ಅಥವಾ ಭಾಗಶಃ ಮಿದುಳು ಕಸಿಗೆ ಅವಕಾಶ ಮಾಡಿಕೊಡುತ್ತದೆ.

ಮಾನವ ಅಬೀಜ ಸಂತಾನೋತ್ಪತ್ತಿಯ ವೈವಿಧ್ಯಮಯ ನಮೂನೆಗಳು ವಿವಾದಾತ್ಮಕವಾಗಿವೆ.[೧೨] ಮಾನವ ಅಬೀಜ ಸಂತಾನೋತ್ಪತ್ತಿಯಲ್ಲಿನ ಎಲ್ಲಾ ಪ್ರಗತಿಯೂ ನಿಲ್ಲುವಂತಾಗುವಲ್ಲಿ ಅಸಂಖ್ಯಾತ ಬೇಡಿಕೆಗಳು ಪಾತ್ರವಹಿಸಿವೆ. ಬಹುತೇಕ ವೈಜ್ಞಾನಿಕ, ಸರ್ಕಾರಿ ಮತ್ತು ಧಾರ್ಮಿಕ ಸಂಘಟನೆಗಳು ಪುನರುತ್ಪಾದಕ ಅಬೀಜ ಸಂತಾನೋತ್ಪತ್ತಿಯನ್ನು ವಿರೋಧಿಸುತ್ತವೆ. ಅಮೆರಿಕನ್ ಅಸೋಸಿಯೇಷನ್ ಫಾರ‍್ ದಿ ಅಡ್ವಾನ್ಸ್‌ಮೆಂಟ್‌ ಆಫ್ ಸೈನ್ಸ್‌ (AAAS) ಮತ್ತು ಇತರ ವೈಜ್ಞಾನಿಕ ಸಂಘಟನೆಗಳು ಈ ಕುರಿತು ಬಹಿರಂಗ ಹೇಳಿಕೆಗಳನ್ನು ನೀಡಿದ್ದು, ರಕ್ಷಣೆಗೆ ಸಂಬಂಧಿಸಿದ ಸಮಸ್ಯೆಗಳು ಪರಿಹಾರಗೊಳ್ಳುವವರೆಗೂ ಮಾನವ ಪುನರುತ್ಪಾದಕ ಅಬೀಜ ಸಂತಾನೋತ್ಪತ್ತಿಯನ್ನು ನಿಷೇಧಿಸಬೇಕು ಎಂದು ಅವು ಅಭಿಪ್ರಾಯಪಟ್ಟಿವೆ.[೧೩]

ಅಬೀಜ ಸಂತಾನಗಳಿಂದ ಅಂಗಾಂಗಗಳನ್ನು ಪಡೆಯುವುದರ ಭವಿಷ್ಯದ ಸಾಧ್ಯತೆಯು ಗಂಭೀರ ಸ್ವರೂಪದ ನೈತಿಕ ಕಳವಳಗಳನ್ನು ಹುಟ್ಟುಹಾಕಿವೆ[೧೪]. ಮಾನವ ಜೀವಿಯೊಂದರಿಂದ ಪ್ರತ್ಯೇಕವಾಗಿ ಅಂಗಾಂಗಗಳನ್ನು ಬೆಳೆಯುವ ಪರಿಕಲ್ಪನೆಯನ್ನು ಕೆಲವೊಂದು ಜನರು ಪರಿಗಣಿಸಿದ್ದಾರೆ. ಹೀಗೆ ಮಾಡುವಾಗ, ಮಾನವರಿಂದ ಅವುಗಳನ್ನು ಪಡೆಯುವುದರ ನೈತಿಕ ಸೂಚ್ಯಾರ್ಥಗಳಿಲ್ಲದೆಯೇ ಹೊಸ ಅಂಗವೊಂದರ ಸರಬರಾಜನ್ನು ಪ್ರಮಾಣೀಕರಿಸಬಹುದಾಗಿದೆ. ಹಂದಿಗಳು ಅಥವಾ ಹಸುಗಳಂಥ ಇತರ ಜೀವಿಗಳ ಒಳಭಾಗದಲ್ಲಿರುವ, ಮಾನವ ದೇಹಕ್ಕೆ ಜೈವಿಕವಾಗಿ ಹೊಂದಿಕೊಳ್ಳುವ ಅಥವಾ ಮಾನ್ಯವಾಗುವ ಅಂಗಾಂಗಗಳನ್ನು ಬೆಳೆಯುವ, ನಂತರದಲ್ಲಿ ಅವುಗಳನ್ನು ಮಿಶ್ರಕಸಿಯ ಒಂದು ಸ್ವರೂಪದಲ್ಲಿ ಮಾನವ ಜೀವಿಗಳಿಗೆ ಕಸಿಮಾಡುವ ಪರಿಕಲ್ಪನೆಯ ಕುರಿತೂ ಸಹ ಸಂಶೋಧನೆಯು ನಡೆಯುತ್ತಿದೆ.

ಮೊಟ್ಟಮೊದಲ ಮಾನವ ಮಿಶ್ರತಳಿಯ, ಮಾನವ ಅಬೀಜ ಸಂತಾನವನ್ನು 1998ರ ನವೆಂಬರ್‌ನಲ್ಲಿ ಅಮೆರಿಕನ್ ಸೆಲ್ ಟೆಕ್ನಾಲಜೀಸ್‌ ಸಂಸ್ಥೆಯು ಸೃಷ್ಟಿಸಿತು.[೧೫]. ಮನುಷ್ಯನೋರ್ವನ ಕಾಲಿನ ಜೀವಕೋಶದಿಂದ ಮತ್ತು DNAಯನ್ನು ತೆಗೆಯಲಾದ ಹಸುವೊಂದರ ಅಂಡಾಣುವೊಂದರಿಂದ ಇದನ್ನು ಸೃಷ್ಟಿಸಲಾಯಿತು, 12 ದಿನಗಳ ನಂತರ ಇದನ್ನು ನಾಶಗೊಳಿಸಲಾಯಿತು. ಸಾಮಾನ್ಯ ಭ್ರೂಣವೊಂದು 14 ದಿನಗಳಲ್ಲಿ ಕಸಿಯಾಗುವುದರಿಂದ, ACT ಸಂಸ್ಥೆಯ ಅಂಗಾಂಶ ಎಂಜಿನಿಯರಿಂಗ್ ವಿಭಾಗದ ನಿರ್ದೇಶಕನಾದ ಡಾ. ರಾಬರ್ಟ್‌ ಲಾಂಝಾ ಎಂಬಾತ ಡೇಲಿ ಮೇಲ್‌ ವೃತ್ತಪತ್ರಿಕೆಯೊಂದಿಗೆ ಮಾತನಾಡುತ್ತಾ, 14 ದಿನಗಳಿಗಿಂತ ಮುಂಚಿತವಾಗಿ ಭ್ರೂಣವನ್ನು ಒಂದು ವ್ಯಕ್ತಿಯಾಗಿ ಕಾಣಲಾಗುವುದಿಲ್ಲ ಎಂದು ತಿಳಿಸಿದ. ಒಂದು ಸಂಪೂರ್ಣ ಮಾನವನಾಗಿ ರೂಪುಗೊಳ್ಳಬಹುದಾಗಿದ್ದ ಭ್ರೂಣವೊಂದನ್ನು ರೂಪಿಸುವಾಗ ರಾಜಿಮಾಡಿಕೊಳ್ಳುವಿಕೆಗೆ ಅವಕಾಶ ನೀಡಲಾಗಿತ್ತೇ ಎಂಬುದರ ಕುರಿತು ACTಯ ಅಭಿಪ್ರಾಯ ಹೀಗಿತ್ತು: "[ACTಯ] ಗುರಿಯು 'ಚಿಕಿತ್ಸಕ ಅಬೀಜ ಸಂತಾನೋತ್ಪತ್ತಿ'ಯಾಗಿತ್ತೇ ವಿನಃ 'ಪುನರುತ್ಪಾದಕ ಅಬೀಜ ಸಂತಾನೋತ್ಪತ್ತಿ'ಯಾಗಿರಲಿಲ್ಲ."

2008ರ ಜನವರಿಯಂದು, ಕ್ಯಾಲಿಫೋರ್ನಿಯಾದಲ್ಲಿನ ಸ್ಟೆಮಾಗೆನ್‌ನ ಮುಖ್ಯ ವೈಜ್ಞಾನಿಕ ಅಧಿಕಾರಿಗಳಾದ ವುಡ್‌ ಮತ್ತು ಆಂಡ್ರೂ ಫ್ರೆಂಚ್‌ ಎಂಬಿಬ್ಬರು ಹೇಳಿಕೆಯೊಂದನ್ನು ನೀಡಿ, ಕಾರ್ಯಸಾಧ್ಯವಾದ ಭ್ರೂಣೀಯ ಕಾಂಡಕೋಶಗಳ ಒಂದು ಮೂಲವನ್ನು ಒದಗಿಸುವುದರೆಡೆಗೆ ಗುರಿಯಿಟ್ಟುಕೊಂಡು ಬೆಳೆದ ಚರ್ಮದ ಜೀವಕೋಶಗಳಿಂದ ಪಡೆದ DNAಯನ್ನು ಬಳಸಿಕೊಂಡು ಮೊಟ್ಟಮೊದಲ 5 ಪ್ರಬುದ್ಧ ಮಾನವ ಭ್ರೂಣಗಳನ್ನು ಯಶಸ್ವಿಯಾಗಿ ಸೃಷ್ಟಿಸಿರುವುದಾಗಿ ತಿಳಿಸಿದರು. ಡಾ. ಸ್ಯಾಮ್ಯುಯೆಲ್‌ ವುಡ್‌ ಮತ್ತು ಆತನ ಓರ್ವ ಸಹೋದ್ಯೋಗಿ ಚರ್ಮದ ಜೀವಕೋಶಗಳನ್ನು ದಾನಮಾಡಿದರು, ಆ ಜೀವಕೋಶಗಳಿಂದ ಪಡೆದ DNAಯನ್ನು ಮಾನವ ಅಂಡಾಣುಗಳಿಗೆ ವರ್ಗಾಯಿಸಲಾಯಿತು. ಹೀಗೆ ಸೃಷ್ಟಿಯಾದ ಭ್ರೂಣಗಳು ಮುಂದಿನ ಬೆಳವಣಿಗೆಯ ಸಾಮರ್ಥ್ಯವನ್ನು ಹೊಂದಿದ್ದವೋ ಇಲ್ಲವೋ ಎಂಬುದು ಸ್ಪಷ್ಟವಾಗಿಲ್ಲ. ಆದರೆ ಡಾ. ವುಡ್‌ ಈ ಕುರಿತು ಹೇಳಿಕೆ ನೀಡಿ, ಒಂದು ವೇಳೆ ಅದು ಸಾಧ್ಯವಾಗಿದ್ದರೂ ಸಹ, ಪುನರುತ್ಪಾದಕ ಅಬೀಜ ಸಂತಾನೋತ್ಪತ್ತಿಗಾಗಿ ತಂತ್ರಜ್ಞಾನವನ್ನು ಬಳಕೆ ಮಾಡುವುದು ಅನೈತಿಕವಷ್ಟೇ ಅಲ್ಲದೇ ಕಾನೂನುಬಾಹಿರವೂ ಆಗಿರುತ್ತದೆ ಎಂದು ತಿಳಿಸಿದ. ಲಾ ಜೊಲ್ಲಾದಲ್ಲಿನ ಸ್ಟೆಮಾಗೆನ್‌ ಕಾರ್ಪೊರೇಷನ್‌ ಲ್ಯಾಬ್‌ನಲ್ಲಿ ಸೃಷ್ಟಿಸಲ್ಪಟ್ಟ ಅಬೀಜ ಸಂತಾನದಿಂದ ಸೃಷ್ಟಿಯಾದ 5 ಭ್ರೂಣಗಳು ನಾಶಗೊಳಿಸಲ್ಪಟ್ಟವು.[೧೬]

ಅಬೀಜ ಸಂತಾನೋತ್ಪತ್ತಿಯ ನೈತಿಕ ಸಮಸ್ಯೆಗಳು[ಬದಲಾಯಿಸಿ]

ಜೀವಿಗಳನ್ನು ಅಬೀಜ ಸಂತಾನೋತ್ಪತ್ತಿಗೆ ಈಡುಮಾಡುವ ಪರಿಪಾಠವು ತೋಟಗಾರಿಕಾ ಅಬೀಜ ಸಂತಾನೋತ್ಪತ್ತಿಯ ಸ್ವರೂಪದಲ್ಲಿ ಹಲವಾರು ಸಾವಿರ ವರ್ಷಗಳವರೆಗೆ ವ್ಯಾಪಕವಾಗಿ ಹರಡಿತ್ತಾದರೂ, ಪ್ರಾಣಿಗಳ (ಮತ್ತು ಸಮರ್ಥವಾಗಿ ಮಾನವರ) ಅಬೀಜ ಸಂತಾನೋತ್ಪತ್ತಿಗೆ ಅವಕಾಶ ಮಾಡಿಕೊಟ್ಟಿರುವ ಇತ್ತೀಚಿನ ತಂತ್ರಜ್ಞಾನದ ಪ್ರಗತಿಗಳು ಹೆಚ್ಚು ಹೆಚ್ಚು ವಿವಾದಕ್ಕೆ ಗ್ರಾಸವಾಗಿವೆ. ಗರ್ಭಧಾರಣೆಯ ಹಂತದಲ್ಲಿ ಜೀವವು ಪ್ರಾರಂಭವಾಗುತ್ತದೆ ಎಂಬುದರ ಆಧಾರದ ಮೇಲೆ, ಕ್ಯಾಥಲಿಕ್‌ ಚರ್ಚು ಮತ್ತು ಅನೇಕ ಧಾರ್ಮಿಕ ಸಂಘಟನೆಗಳು ಅಬೀಜ ಸಂತಾನೋತ್ಪತ್ತಿಯ ಎಲ್ಲಾ ಸ್ವರೂಪಗಳನ್ನು ವಿರೋಧಿಸುತ್ತವೆ. ಇದಕ್ಕೆ ಪ್ರತಿಯಾಗಿ, ಯೆಹೂದಿ ಧರ್ಮವು ಗರ್ಭಧಾರಣೆಯೊಂದಿಗೆ ಜೀವವನ್ನು ಸಮೀಕರಿಸುವುದಿಲ್ಲ ಮತ್ತು, ಅಬೀಜ ಸಂತಾನೋತ್ಪತ್ತಿಯ ವಿವೇಚನೆಯನ್ನು ಕೆಲವೊಬ್ಬರು ಪ್ರಶ್ನಿಸುತ್ತಾರಾದರೂ, ಅಬೀಜ ಸಂತಾನೋತ್ಪತ್ತಿಗೆ ಆಕ್ಷೇಪಣೆಯನ್ನೊಡ್ಡುವ ಯಾವುದೇ ಬಲವಾದ ಕಾರಣವು ಯೆಹೂದಿ ಕಾನೂನು ಮತ್ತು ನೀತಿಶಾಸ್ತ್ರದಲ್ಲಿ ಸಂಪ್ರದಾಯಬದ್ಧರಾದ ಯೆಹೂದಿ ಧರ್ಮಶಾಸ್ತ್ರಜ್ಞರಿಗೆ ಸಾಮಾನ್ಯವಾಗಿ ಕಂಡುಬಂದಿಲ್ಲ.[೧೭] ಶಿಷ್ಟ ಉದಾರವಾದದ ದೃಷ್ಟಿಕೋನದಿಂದ ನೋಡುವುದಾದರೆ, ಜೀವಿಯೊಂದರ ಪ್ರತ್ಯೇಕತೆ ಅಥವಾ ಗುರುತಿಸಲ್ಪಡುವಿಕೆಯನ್ನು ರಕ್ಷಿಸುವುದಕ್ಕೆ ಹಾಗೂ ಒಂದರ ತಳೀಯ ಲಕ್ಷಣವನ್ನು ರಕ್ಷಿಸುವುದರ ಹಕ್ಕಿಗೆ ಸಂಬಂಧಿಸಿದಂತೆಯೂ ಕಾಳಜಿಗಳು ಅಸ್ತಿತ್ವವನ್ನು ಕಂಡುಕೊಂಡಿವೆ. ಗ್ರೆಗರಿ ಸ್ಟಾಕ್‌ ಎಂಬ ಓರ್ವ ವಿಜ್ಞಾನಿ ಹಾಗೂ ಖಂಡಿತವಾದಿ ವಿಮರ್ಶಕನು ಅಬೀಜ ಸಂತಾನೋತ್ಪತ್ತಿ ಸಂಶೋಧನೆಯ ಮೇಲಿನ ನಿರ್ಬಂಧಗಳನ್ನು ವಿರೋಧಿಸುತ್ತಾನೆ.[೧೮] ಕೃತಕ ಮಾನವ ತಯಾರಿಕಾ ಯೋಜನೆಯೊಂದರ ಸಾಮಾಜಿಕ ಸೂಚ್ಯಾರ್ಥಗಳು ಆಲ್ಡಸ್‌ ಹಕ್ಸ್ಲಿಯ ಕಾದಂಬರಿಯಾದ ಬ್ರೇವ್‌ ನ್ಯೂ ವರ್ಲ್ಡ್‌ನಲ್ಲಿ ಅತ್ಯುತ್ತಮವಾಗಿ ಮಂಡಿಸಲ್ಪಟ್ಟಿವೆ.

2006ರ ಡಿಸೆಂಬರ್‌ 28ರಂದು, U.S. ಫುಡ್‌ ಅಂಡ್‌ ಡ್ರಗ್‌ ಅಸೋಸಿಯೇಷನ್‌ (FDA) ಸಂಸ್ಥೆಯು ಅಬೀಜ ಸಂತಾನದಿಂದ ಸೃಷ್ಟಿಯಾದ ಪ್ರಾಣಿಗಳಿಂದ[೧೯] ಪಡೆಯಲಾದ ಮಾಂಸ ಮತ್ತು ಇತರ ಉತ್ಪನ್ನಗಳ ಬಳಕೆಯನ್ನು ಅನುಮೋದಿಸಿತು. ಅಬೀಜ ಸಂತಾನದಿಂದ ಸೃಷ್ಟಿಯಾದ-ಪ್ರಾಣಿಯ ಉತ್ಪನ್ನಗಳು ಅಬೀಜ ಸಂತಾನದ್ದಲ್ಲದ ಪ್ರಾಣಿಗಳಿಂದ ಪಡೆಯಲಾದ ಉತ್ಪನ್ನಗಳಿಂದ ಅಕ್ಷರಶಃ ಪ್ರತ್ಯೇಕವಾಗಿವೆ ಎಂದು ಗುರುತಿಸಲಾಗದಂತಿದ್ದವು. ಎಲ್ಲಕ್ಕಿಂತ ಹೆಚ್ಚಾಗಿ, ಸದರಿ ಮಾಂಸದ ಉತ್ಪನ್ನವು ಅಬೀಜ ಸಂತಾನದಿಂದ ಸೃಷ್ಟಿಯಾದ ಪ್ರಾಣಿಯೊಂದರಿಂದ ಬಂದದ್ದು ಎಂಬ ಮಾಹಿತಿಯನ್ನು ನೀಡುವ ಹಣೆಪಟ್ಟಿಗಳನ್ನು ಬಳಕೆದಾರರಿಗೆ ಒದಗಿಸುವ ಅಗತ್ಯವೇನೂ ಕಂಪನಿಗಳಿಗೆ ಬರಲಿಲ್ಲ.[೨೦] ಅಬೀಜ ಸಂತಾನದಿಂದ ಸೃಷ್ಟಿಯಾದ ಪ್ರಾಣಿಗಳ ಉತ್ಪನ್ನಗಳನ್ನು ಮಾನವ ಬಳಕೆಗಾಗಿ FDAಯು ಅನುಮೋದನೆ ನೀಡಿರುವುದಕ್ಕೆ ಕೆಲವೊಂದು ಟೀಕಾಕಾರರು ಆಕ್ಷೇಪಣೆಗಳನ್ನು ಎತ್ತಿದರು. FDAಯ ಸಂಶೋಧನೆಯು ಅಪೂರ್ಣವಾಗಿತ್ತು, ಅಸಮಂಜಸವಾದ ರೀತಿಯಲ್ಲಿ ಸೀಮಿತವಾದುದಾಗಿತ್ತು, ಮತ್ತು ಪ್ರಶ್ನಾರ್ಹವಾದ ವೈಜ್ಞಾನಿಕ ಕ್ರಮಬದ್ಧತೆ ಅಥವಾ ಸಿಂಧುತ್ವವನ್ನು ಹೊಂದಿತ್ತು ಎಂಬುದು ಈ ಟೀಕಾಕಾರರ ವಾದಕ್ಕಿದ್ದ ಆಧಾರವಾಗಿತ್ತು.[೨೧][೨೨][೨೩] ಬಳಕೆದಾರರು ತಾವು ಬಳಸುತ್ತಿರುವ ಆಹಾರ ಪದಾರ್ಥದ ಪರಿಮಿತಿಯೊಳಗೆ ಅಬೀಜ ಸಂತಾನದಿಂದ ಸೃಷ್ಟಿಯಾದ ಪ್ರಾಣಿಯ ಉತ್ಪನ್ನಗಳ ಕುರಿತು ಹೆಚ್ಚಿನ ಅರಿವು ಮೂಡಿಸಿಕೊಳ್ಳುವಲ್ಲಿ ಅವರಿಗೆ ಅನುವು ಮಾಡಿಕೊಡಲು, ಬಳಕೆದಾರ-ಪರವಾದ ಹಲವಾರು ಸಮುದಾಯಗಳು ಒಂದು ಜಾಡೀಕರಣದ ಕಾರ್ಯಕ್ರಮವನ್ನು ಪ್ರೋತ್ಸಾಹಿಸುವುದರೆಡೆಗೆ ತಮ್ಮನ್ನು ತೊಡಗಿಸಿಕೊಂಡಿವೆ.[೨೪] ಸೆಂಟರ್‌ ಫಾರ‍್ ಫುಡ್‌ ಸೇಫ್ಟಿ ಸಂಸ್ಥೆಯ ಕಾನೂನು ನಿರ್ದೇಶಕನಾದ ಜೋಸೆಫ್ ಮೆಂಡೆಲ್‌ಸನ್‌ ಈ ಕುರಿತು ತನ್ನ ಅಭಿಪ್ರಾಯವನ್ನು ಮಂಡಿಸಿದ್ದು, ಅಬೀಜ ಸಂತಾನದಿಂದ ರೂಪುಗೊಂಡ ಮೂಲದಿಂದ ಬಂದ ಆಹಾರದ ರಕ್ಷಣೆ ಹಾಗೂ ನೈತಿಕ ಸಮಸ್ಯೆಗಳು ಪ್ರಶ್ನಾರ್ಹವಾಗಿಯೇ ಉಳಿಯುವುದರಿಂದ, ಸದರಿ ಆಹಾರ ಪದಾರ್ಥಗಳಿಗೆ ಈಗಲೂ ಹಣೆಪಟ್ಟಿ ಕಟ್ಟಬೇಕು ಎಂದು ಆತ ತಿಳಿಸಿದ್ದಾನೆ. ಕನ್ಸ್ಯೂಮರ‍್ ಫೆಡರೇಷನ್‌ ಆಫ್ ಅಮೆರಿಕಾ ಸಂಸ್ಥೆಯಲ್ಲಿನ ಆಹಾರ ನೀತಿಯ ನಿರ್ದೇಶಕನಾದ ಕರೋಲ್ ಟಕರ‍್ ಫೋರ್‌ಮನ್‌ ಎಂಬಾತನು, ಹುಟ್ಟುವ ಸಮಯದಲ್ಲಿನ ಸಾವಿನ ಪ್ರಮಾಣ ಮತ್ತು ಅಂಗನ್ಯೂನತೆಯ ಪ್ರಮಾಣವನ್ನು ಅಬೀಜ ಸಂತಾನದಿಂದ ರೂಪುಗೊಂಡ ಪ್ರಾಣಿಗಳು ಹೆಚ್ಚಿಸಿವೆ ಎಂಬ ಅಭಿಪ್ರಾಯವನ್ನು ತಳೆದಿರುವ ಕೆಲವೊಂದು ಅಧ್ಯಯನಗಳ ಫಲಿತಾಂಶದ ಅಂಶವನ್ನು FDAಯು ಪರಿಗಣಿಸುವುದಿಲ್ಲ ಎಂದು ತಿಳಿಸಿದ್ದಾನೆ.

ಅಳಿವಿನಂಚಿನಲ್ಲಿರುವ ಮತ್ತು ಅಪಾಯದಲ್ಲಿ ಸಿಲುಕಿಕೊಂಡಿರುವ ಜಾತಿಗಳ ಅಬೀಜ ಸಂತಾನೋತ್ಪತ್ತಿ[ಬದಲಾಯಿಸಿ]

ಅಬೀಜ ಸಂತಾನೋತ್ಪತ್ತಿಯು, ಅಥವಾ ಹೆಚ್ಚು ಕರಾರುವಾಕ್ಕಾಗಿ ಹೇಳುವುದಾದರೆ, ಅಳಿವಿನಂಚಿನಲ್ಲಿರುವ ಜಾತಿಗಳಿಂದ ಕಾರ್ಯರೂಪದ DNAಯ ಮರುನಿರ್ಮಾಣದ ಕಾರ್ಯವು ದಶಕಗಳವರೆಗೆ ಕೆಲವೊಂದು ವಿಜ್ಞಾನಿಗಳ ಕನಸಾಗಿಯೇ ಉಳಿದುಕೊಂಡುಬಂದಿತ್ತು. ಇದರ ಸಂಭಾವ್ಯ ಸೂಚ್ಯಾರ್ಥಗಳು, ಮೈಕೇಲ್ ಕ್ರಿಕ್ಟನ್‌‌ನಿಂದ ರಚಿಸಲ್ಪಟ್ಟ ಅಧಿಕ-ಮಾರಾಟದ ಕಾದಂಬರಿಯಾದ ಮತ್ತು ರೋಮಾಂಚಕ ಹಾಲಿವುಡ್‌ ಚಿತ್ರವಾದ ಜುರಾಸಿಕ್ ಪಾರ್ಕ್‌ ನಲ್ಲಿ ನಾಟಕೀಯವಾಗಿ ನಿರೂಪಿಸಲ್ಪಟ್ಟವು.

ನಿಜ ಜೀವನದಲ್ಲಿ, ಅಬೀಜ ಸಂತಾನೋತ್ಪತ್ತಿಗಾಗಿರುವ ಅತ್ಯಂತ ನಿರೀಕ್ಷಿತ ಗುರಿಗಳ ಪೈಕಿ ಒಂದು ರೋಮಯುಕ್ತ ಆನೆಯ ಕುರಿತದ್ದಾಗಿತ್ತು. ಆದರೆ ಘನೀಕರಿಸಲಾದ ರೋಮಯುಕ್ತ ಆನೆಗಳಿಂದ DNAಯ ಸಾರತೆಗೆಯುವ ಪ್ರಯತ್ನಗಳು ಯಶಸ್ವಿಯಾಗಲಿಲ್ಲ. ಆದರೂ ರಷ್ಯಾ-ಜಪಾನಿನ ಒಂದು ಜಂಟಿ ತಂಡವು ಪ್ರಸ್ತುತ ಈ ಗುರಿಯ ಕಡೆಗೆ ತನ್ನನ್ನು ತೊಡಗಿಸಿಕೊಂಡಿದೆ.[೨೫]

2001ರಲ್ಲಿ, ಬೆಸ್ಸೀ ಎಂಬ ಹೆಸರಿನ ಹಸುವೊಂದು ಅಬೀಜ ಸಂತಾನದಿಂದ ರೂಪುಗೊಂಡ, ಅಪಾಯದ ಅಂಚಿನಲ್ಲಿರುವ ಒಂದು ಜಾತಿಯಾದ ಏಷ್ಯಾದ ಕಾಡೆತ್ತು ಒಂದಕ್ಕೆ ಜನ್ಮ ನೀಡಿತು. ಆದರೆ ಕರುವು ಎರಡು ದಿನಗಳ ನಂತರ ಮರಣಹೊಂದಿತು. 2003ರಲ್ಲಿ, ಬ್ಯಾಂಟೆಂಗ್‌ ಎಂಬ ಪ್ರಭೇದದ ಕಾಡುದನವೊಂದನ್ನು ಅಬೀಜ ಸಂತಾನದ ವಿಧಾನದಿಂದ ಯಶಸ್ವಿಯಾಗಿ ರೂಪಿಸಲಾಯಿತು. ಇದಾದ ನಂತರ ದ್ರವೀಕರಿಸಲಾದ ಘನೀಕೃತ ಭ್ರೂಣವೊಂದರಿಂದ ಆಫ್ರಿಕಾದ ಮೂರು ಕಾಡುಬೆಕ್ಕುಗಳನ್ನೂ ಇದೇ ವಿಧಾನದಲ್ಲಿ ಸೃಷ್ಟಿಸಲಾಯಿತು. ಅಳಿವಿನಂಚಿನಲ್ಲಿರುವ ಪ್ರಾಣಿಜಾತಿಗಳನ್ನು ಅಬೀಜ ಸಂತಾನಕ್ಕೀಡುಮಾಡುವಲ್ಲಿ ಇದೇ ರೀತಿಯ ಕೌಶಲಗಳನ್ನು (ಮತ್ತೊಂದು ಜಾತಿಯ ಬದಲಿ ತಾಯಿಯರನ್ನು ಬಳಸಿಕೊಳ್ಳುವ ಮೂಲಕ) ಬಳಸಿಕೊಳ್ಳಬಹುದು ಎಂಬ ಆಲೋಚನೆಗೆ ಈ ಯಶಸ್ಸುಗಳು ಭರವಸೆಯನ್ನು ತುಂಬಿದವು.

ಈ ಸಾಧ್ಯತೆಯನ್ನು ನಿರೀಕ್ಷಿಸಿ, ಬಕಾರ್ಡೊ (ಪೈರೆನಿಯನ್‌ ಐಬೆಕ್ಸ್‌) ಎಂದು ಕರೆಯಲ್ಪಡುವ ಕಾಡುಮೇಕೆಯಿಂದ ಪಡೆದ ಅಂಗಾಂಶ ಮಾದರಿಗಳನ್ನು ಅದು ಮರಣ ಹೊಂದಿದ ತಕ್ಷಣವೇ ಘನೀಕೃತಗೊಳಿಸಲಾಯಿತು. ದೈತ್ಯಗಾತ್ರದ ಪಂಡಾ ಕರಡಿ, ಚಿರತೆ ಬೆಕ್ಕು ಮತ್ತು ಚಿರತೆಯಂಥ ಅಪಾಯದಂಚಿನಲ್ಲಿರುವ ಜಾತಿಗಳ ಅಬೀಜ ಸಂತಾನೋತ್ಪತ್ತಿಯ ಸಾಧ್ಯತೆಯನ್ನೂ ಸಹ ಸಂಶೋಧಕರು ಪರಿಗಣಿಸುತ್ತಿದ್ದಾರೆ. ಸ್ಯಾನ್‌ ಡಿಯಾಗೊ ಝೂದಲ್ಲಿನ "ಫ್ರೋಜನ್ ಝೂ"ನಲ್ಲಿ ವಿಶ್ವದ ಅತ್ಯಂತ ಅಪರೂಪದ ಮತ್ತು ಅತ್ಯಂತ ಅಪಾಯದಂಚಿನಲ್ಲಿರುವ ಜಾತಿಗಳಿಂದ ಸಂಗ್ರಹಿಸಲಾದ ಘನೀಕೃತ ಅಂಗಾಂಶವನ್ನು ಈಗ ಶೇಖರಿಸಿಡಲಾಗಿದೆ.[೨೬][೨೭]

2002ರಲ್ಲಿ, ಆಸ್ಟ್ರೇಲಿಯನ್‌ ಮ್ಯೂಸಿಯಂನಲ್ಲಿ ತಳಿವಿಜ್ಞಾನಿಗಳು ಒಂದು ಹೇಳಿಕೆಯನ್ನು ನೀಡಿ, ಸುಮಾರು 65 ವರ್ಷಗಳಿಂದ ಅಳಿವಿನಂಚಿನಲ್ಲಿರುವ ಥೈಲಸೀನ್‌‌ ಹುಲಿಯ (ಟಾಸ್ಮೇನಿಯಾದ ಹುಲಿ) DNAಯ ಪ್ರತಿಕೃತಿಯನ್ನು ಪಾಲಿಮರೇಸ್‌ ಸರಣಿಯ ರಾಸಾಯನಿಕೆ ಕ್ರಿಯೆಯನ್ನು ಬಳಸುವ ಮೂಲಕ ರೂಪಿಸಿರುವುದಾಗಿ ತಿಳಿಸಿದರು.[೨೮] ಆದಾಗ್ಯೂ, 2005ರ ಫೆಬ್ರವರಿ 15ರಂದು, ಸಂಗ್ರಹಾಲಯವು ಪ್ರಕಟಣೆಯೊಂದನ್ನು ನೀಡಿ, ಸಂರಕ್ಷಣಕಾರಿಯಿಂದಾಗಿ (ಎಥನಾಲ್‌ನಿಂದ) ಮಾದರಿಗಳ DNAಯ ಗುಣಮಟ್ಟವು ತೀರಾ ಕಳಪೆಯಾಗಿ ಮಾರ್ಪಟ್ಟಿರುವುದನ್ನು ಪರೀಕ್ಷೆಗಳು ತೋರಿಸಿರುವುದರಿಂದಾಗಿ ತಾನು ಯೋಜನೆಯನ್ನು ನಿಲ್ಲಿಸುತ್ತಿರುವುದಾಗಿ ತಿಳಿಸಿತು. ತೀರಾ ಇತ್ತೀಚೆಗೆ, 2005ರ ಮೇ 15ರಂದು ಪ್ರಕಟಣೆಯೊಂದು ಹೊರಬಿದ್ದಿತು. ನ್ಯೂ ಸೌತ್ ವೇಲ್ಸ್‌ ಮತ್ತು ವಿಕ್ಟೋರಿಯಾದಲ್ಲಿನ ಸಂಶೋಧಕರಿಂದ ಬಂದಿರುವ ಹೊಸ ಸಹಯೋಗ ಅಥವಾ ಭಾಗವಹಿಸುವಿಕೆಯೊಂದಿಗೆ ಥೈಲಸೀನ್‌ ಯೋಜನೆಗೆ ಮತ್ತೆ ಚಾಲನೆ ನೀಡಲಾಗುವುದು ಎಂಬುದೇ ಈ ಪ್ರಕಟಣೆಯ ಸಾರವಾಗಿತ್ತು. ಅಳಿವಿನಂಚಿನಲ್ಲಿರುವ ಜೀವಜಾತಿಗಳ ಅಬೀಜ ಸಂತಾನ ಪ್ರಕ್ರಿಯೆಯ ಪ್ರಯತ್ನದಲ್ಲಿನ ನಿರಂತರ ಅಡೆತಡೆಗಳಲ್ಲಿ ಒಂದಾಗಿದ್ದುದೆಂದರೆ, ನಿಖರತೆಗೆ ಹತ್ತಿರವಿದ್ದ DNAಯೊಂದಕ್ಕಾಗಿದ್ದ ಅಗತ್ಯತೆ. ಒಂದು ಏಕ ಮಾದರಿಯಿಂದಾದ ಅಬೀಜ ಸಂತಾನೋತ್ಪತ್ತಿಯು, ಲೈಂಗಿಕವಾಗಿ ಸಂತಾನೋತ್ಪತ್ತಿ ಮಾಡುವ ಪ್ರಾಣಿಗಳಲ್ಲಿ ಒಂದು ಬದುಕಬಲ್ಲ ಮರಿಹಾಕುವ ಸಮುದಾಯವನ್ನು ಸೃಷ್ಟಿಸಲಾರದು. ಇದಕ್ಕಿಂತ ಹೆಚ್ಚಾಗಿ, ಒಂದು ವೇಳೆ ಗಂಡುಗಳು ಮತ್ತು ಹೆಣ್ಣುಗಳು ಅಬೀಜ ಸಂತಾನದಿಂದ ರೂಪುಗೊಂಡವೇ ಆಗಿರಬೇಕೆಂದರೂ, ಅವುಗಳಿಗೆ ಅವುಗಳ ಸ್ವಾಭಾವಿಕ ನಡವಳಿಕೆಯನ್ನು ಬೋಧಿಸಬಲ್ಲ ಅಥವಾ ತೋರಿಸಬಲ್ಲ ತಾಯ್ತಂದೆಯರ ಗೈರುಹಾಜರಿಯಲ್ಲಿ ಅವು ಬದುಕಬಲ್ಲವೇ ಎಂಬ ಪ್ರಶ್ನೆಯು ಮುಕ್ತವಾಗಿಯೇ ಉಳಿಯುತ್ತದೆ. ಅವಶ್ಯಕವಾಗಿ, ಒಂದು ವೇಳೆ ಅಳಿವಿನಂಚಿನಲ್ಲಿರುವ ಜಾತಿಯೊಂದನ್ನು ಅಬೀಜ ಸಂತಾನೋತ್ಪತ್ತಿಗೆ ಈಡುಮಾಡುವ ಪ್ರಕ್ರಿಯೆಯು ಯಶಸ್ವಿಯಾಗಿದ್ದುದೇ ಆಗಿದ್ದರೆ — ಅಬೀಜ ಸಂತಾನೋತ್ಪತ್ತಿಯು ಈಗಲೂ ಕೇವಲ ಅಕಸ್ಮಾತ್ತಾಗಿ ಯಶಸ್ಸು ಕಾಣುವ ಒಂದು ಪ್ರಯೋಗಾತ್ಮಕ ತಂತ್ರಜ್ಞಾನ ಎಂಬ ರೀತಿಯಲ್ಲಿ ಅದನ್ನು ಪರಿಗಣಿಸಬೇಕಾಗುತ್ತದೆ — ಒಂದು ರೀತಿಯಲ್ಲಿ ಇದು, ರೂಪುಗೊಳ್ಳುವ ಯಾವುದೇ ಪ್ರಾಣಿಗಳು, ಅವು ಆರೋಗ್ಯಕರವಾಗಿದ್ದರೂ ಸಹ, ಅಪರೂಪದ ಅಥವಾ ಪ್ರಾಣಿ ಸಂಗ್ರಹಾಲಯದ ಮಾದರಿಗಳಿಗಿಂತ ಸ್ವಲ್ಪವೇ ಹೆಚ್ಚಿನದಾಗಿರುತ್ತದೆ ಎಂಬುದಕ್ಕಿಂತ ಹೆಚ್ಚಾಗಿರುತ್ತದೆ. ಅಪಾಯದಲ್ಲಿ ಸಿಲುಕಿರುವ ಪ್ರಾಣಿಜಾತಿಗಳನ್ನು ಅಬೀಜ ಸಂತಾನೋತ್ಪತ್ತಿಗೆ ಈಡುಮಾಡುವುದು ಒಂದು ಅತ್ಯಂತ ಸೈದ್ಧಾಂತಿಕ ವಿಷಯವಾಗಿದೆ. ಅನೇಕ ಸಂರಕ್ಷಣಾ ಜೀವವಿಜ್ಞಾನಿಗಳು ಮತ್ತು ಪರಿಸರವಾದಿಗಳು ಅಪಾಯದಂಚಿನಲ್ಲಿರುವ ಜಾತಿಗಳನ್ನು ಅಬೀಜ ಸಂತಾನೋತ್ಪತ್ತಿಗೆ ಈಡುಮಾಡುವುದನ್ನು ತೀವ್ರವಾಗಿ ವಿರೋಧಿಸುತ್ತಾರೆ. ಸ್ವಾಭಾವಿಕ ಆವಾಸಸ್ಥಾನಗಳು ಮತ್ತು ಕಾಡುಪ್ರಾಣಿಗಳ ಸಂಖ್ಯೆಯನ್ನು ರಕ್ಷಿಸಲು ನೆರವಾಗುವಲ್ಲಿನ ದೇಣಿಗೆಗಳನ್ನು ಇದು ಅಡ್ಡಿಪಡಿಸಬಹುದು ಎಂಬ ಆವರ ಆಲೋಚನೆಯೇ ಇದರ ಹಿಂದಿರುವ ಮುಖ್ಯ ಕಾರಣ.

ಪ್ರಾಣಿ ಸಂರಕ್ಷಣೆಯಲ್ಲಿನ "ಮಾರ್ಗದರ್ಶಕ ಸೂತ್ರ"ವೆಂದರೆ, ಆವಾಸಸ್ಥಾನವನ್ನು ಮತ್ತು ಬದುಕಬಲ್ಲ ಕಾಡುಪ್ರಾಣಿ ಸಮುದಾಯಗಳನ್ನು ಸಂರಕ್ಷಿಸುವುದನ್ನು ಈಗಲೂ ನಿರ್ವಹಿಸಬಹುದಾದರೆ, ಸೆರೆಯಲ್ಲಿನ ತಳಿ ಬೆಳೆಸುವಿಕೆಯನ್ನು ಬೇರ್ಪಟ್ಟ ಸ್ಥಿತಿಯಲ್ಲಿ ಕೈಗೊಳ್ಳಬಾರದು. 

2006ರ ಅವಲೋಕನವೊಂದರಲ್ಲಿ, ಡೇವಿಡ್‌ ಎಹ್ರೆನ್‌ಫೆಲ್ಡ್‌ ಎಂಬಾತ ಒಂದು ತೀರ್ಮಾನಕ್ಕೆ ಬಂದ. ಪ್ರಾಣಿ ಸಂರಕ್ಷಣೆಯಲ್ಲಿನ ಅಬೀಜ ಸಂತಾನೋತ್ಪತ್ತಿಯು ಒಂದು ಪ್ರಾಯೋಗಿಕ ತಂತ್ರಜ್ಞಾನವಾಗಿದ್ದು, 2006ರಲ್ಲಿ ಅದು ಗಳಿಸಿಕೊಂಡಿರುವ ಸ್ಥಾನಮಾನದ ಅನುಸಾರ, ಒಂದು ಅಪ್ಪಟ ಅವಕಾಶದ ಹೊರತಾಗಿ ಇದನ್ನು ಕಾರ್ಯನಿರ್ವಹಿಸುವಂತೆ ನಿರೀಕ್ಷಿಸುವುದು ಅಸಾಧ್ಯವಾಗಿದೆ ಮತ್ತು ಒಂದು ವೆಚ್ಚ-ಪ್ರಯೋಜನಕಾರಿ ವಿಶ್ಲೇಷಣೆಯನ್ನು ಇದು ವಿಫಲಗೊಳಿಸಿದೆ ಎಂಬುದೇ ಆತನ ತೀರ್ಮಾನವಾಗಿತ್ತು.[೨೯]

ತನ್ನ ಅಭಿಪ್ರಾಯವನ್ನು ಮುಂದುವರಿಸಿದ ಆತ, ಸುಸ್ಥಾಪಿತವಾದ ಮತ್ತು ಕಾರ್ಯನಿರ್ವಹಿಸುತ್ತಿರುವ ಯೋಜನೆಗಳಿಂದ ನಿಧಿಗಳನ್ನು ಅನ್ಯಕಾರ್ಯಕ್ಕೆ ವಿನಿಯೋಗಿಸುವಂತೆ ತೋರುತ್ತದೆ ಹಾಗೂ ಪ್ರಾಣಿಗಳ ಅಳಿವಿಗೆ ಕಾರಣವಾಗಿರುವ ಸಮಸ್ಯೆಗಳ (ಆವಾಸಸ್ಥಾನದ ನಾಶ, ಬೇಟೆ ಅಥವಾ ಇತರ ಮಿತಿಮೀರಿದ ಬಳಕೆ ಅಥವಾ ಶೋಷಣೆ, ಮತ್ತು ದುರ್ಬಲಗೊಳಿಸಲಾದ ಒಂದು ಜೀನಿನ ರಾಶಿಯಂಥದು) ಪೈಕಿ ಯಾವೊಂದನ್ನೂ ಇದು ಪರಿಹರಿಸುವುದಿಲ್ಲ.
ಅಬೀಜ ಸಂತಾನೋತ್ಪತ್ತಿಯ ತಂತ್ರಜ್ಞಾನಗಳು ಸುಸ್ಥಾಪಿತವಾಗಿದ್ದುಕೊಂಡು ಸಸ್ಯ-ಸಂರಕ್ಷಣೆಯಲ್ಲಿ ನಿರಂತರವಾದ ಪದ್ಧತಿಯ ಆಧಾರದ ಮೇಲೆ ಬಳಕೆಯಾಗುತ್ತಿರುವ ಸಂದರ್ಭದಲ್ಲಿ, ತಳೀಯವಾದ ವೈವಿಧ್ಯತೆಯನ್ನು ಖಾತ್ರಿಪಡಿಸಿಕೊಳ್ಳಲು ಎಚ್ಚರಿಕೆ ವಹಿಸುವುದು ಅತ್ಯಗತ್ಯವಾಗಿದೆ. ಎಂಬುದು ಅವನ ತೀರ್ಮಾನವಾಗಿತ್ತು:

Vertebrate cloning poses little risk to the environment, but it can consume scarce conservation resources, and its chances of success in preserving species seem poor. To date, the conservation benefits of transgenics and vertebrate cloning remain entirely theoretical, but many of the risks are known and documented. Conservation biologists should devote their research and energies to the established methods of conservation, none of which require transgenics or vertebrate cloning.[೨೯]

ಆಕರಗಳು[ಬದಲಾಯಿಸಿ]

  1. Peter J. Russel (2005). iGenetics: A Molecular Approach. San Francisco, California, United States of America: Pearson Education. ISBN 0-8053-4665-1.
  2. McFarland, Douglas (2000). "Preparation of pure cell cultures by cloning". Methods in Cell Science. 22 (1): 63–66. doi:10.1023/A:1009838416621. PMID 10650336.
  3. Gil, Gideon (2008-01-17). "California biotech says it cloned a human embryo, but no stem cells produced". Boston Globe.
  4. BLOODLINES. Timeline
  5. "Кто изобрел клонирование?". Archived from the original on 2004-12-23. (ರಷ್ಯಾದ್ದು)
  6. McLaren A (2000). "Cloning: pathways to a pluripotent future". Science. 288 (5472): 1775–80. doi:10.1126/science.288.5472.1775. PMID 10877698.
  7. CNN. ರಿಸರ್ಚರ್ಸ್‌ ಕ್ಲೋನ್‌ ಮಂಕಿ ಬೈ ಸ್ಪ್ಲಿಟಿಂಗ್ ಎಂಬ್ರಿಯೊ Archived 2006-08-13 ವೇಬ್ಯಾಕ್ ಮೆಷಿನ್ ನಲ್ಲಿ. 2000-01-13. 2008-08-05ರಂದು ಮರುಸಂಪಾದಿಸಿದ್ದು
  8. "ಆರ್ಕೈವ್ ನಕಲು". Archived from the original on 2009-06-06. Retrieved 2010-01-21.
  9. ಕೆಮಾಚೊ, ಕೀಟ್‌. Embrapa clona raça de boi ameaçada de extinção Archived 2009-04-21 ವೇಬ್ಯಾಕ್ ಮೆಷಿನ್ ನಲ್ಲಿ.. ಏಜೆನ್ಸಿಯಾ ಬ್ರೆಸಿಲ್‌. 2005-05-20. (ಪೋರ್ಚುಗೀಸ್‌) ಮರುಸಂಪಾದಿಸಿದ್ದು 2008-08-05
  10. http://timesofindia.indiatimes.com/India--clones-worlds-first-buffalo/articleshow/4120044.cms
  11. Spencer, Richard (April 14, 2009). "World's first cloned camel unveiled in Dubai". Telegraph.co.uk. Retrieved April 15, 2009.
  12. Pence, Gregory E. (1998). Who’s Afraid of Human Cloning?. Rowman & Littlefield. paperback ISBN 0-8476-8782-1 and hardcover ISBN 0-8476-8781-3.
  13. "AAAS Statement on Human Cloning". Archived from the original on 2012-09-11. Retrieved 2010-01-21.
  14. ಉಲ್ಲೇಖಗಳು ಅಗತ್ಯವಾಗಿವೆ
  15. BBC ನ್ಯೂಸ್‌ | SCI/TECH | ಡೀಟೇಲ್ಸ್‌ ಆಫ್ ಹೈಬ್ರಿಡ್‌ ಕ್ಲೋನ್‌ ರಿವೀಲ್ಡ್‌
  16. ಮೆಚೂರ‍್ ಹ್ಯೂಮನ್ ಎಂಬ್ರಿಯೋಸ್ ಫ್ರಂ ಅಡಲ್ಟ್‌ ಸ್ಕಿನ್‌ ಸೆಲ್ಸ್‌ Washingtonpost.com
  17. ಮೈಕೇಲ್ ಬ್ರಾಡಿ. ಅವ್ರಾಹಾಂ ಸ್ಟೀನ್‌ಬರ್ಗ್‌.
  18. ನ್ಯೂ ಪೇಜ್ 0[ಶಾಶ್ವತವಾಗಿ ಮಡಿದ ಕೊಂಡಿ]
  19. "ಆರ್ಕೈವ್ ನಕಲು". Archived from the original on 2010-06-13. Retrieved 2010-01-21.
  20. ಮೀಟ್‌ ಆಫ್ ಕ್ಲೋನ್ಡ್‌ ಫುಡ್‌ ಈಸ್‌ ಸೇಫ್ ಟು ಈಟ್‌, FDA ಸೇಸ್‌
  21. "ಆರ್ಕೈವ್ ನಕಲು". Archived from the original on 2009-08-25. Retrieved 2010-01-21.
  22. http://www.centerforfoodsafety.org/pubs/FINAL_FORMATTEDprime%20time.pdf Archived 2007-06-30 ವೇಬ್ಯಾಕ್ ಮೆಷಿನ್ ನಲ್ಲಿ. (PDF)
  23. http://www.consumersunion.org/pdf/FDA_clone_comments.pdf Archived 2009-12-11 ವೇಬ್ಯಾಕ್ ಮೆಷಿನ್ ನಲ್ಲಿ. (PDF)
  24. "ಆರ್ಕೈವ್ ನಕಲು". Archived from the original on 2010-04-16. Retrieved 2010-01-21.
  25. "Scientists 'to clone mammoth'". BBC News. 2003-08-18.
  26. Heidi B. Perlman (2000-10-08). "Scientists Close on Extinct Cloning". Associated Press.
  27. Pence, Gregory E. (2005). Cloning After Dolly: Who's Still Afraid?. Rowman & Littlefield. ISBN 0-7425-3408-1.
  28. Holloway, Grant (2002-05-28). "Cloning to revive extinct species". CNN.com.
  29. ೨೯.೦ ೨೯.೧ Ehrenfeld, David (2006). "Transgenics and Vertebrate Cloning as Tools for Species Conservation". Conservation Biology. 20 (3): 723–732. doi:10.1111/j.1523-1739.2006.00399.x. PMID 16909565.

ಬಾಹ್ಯ ಕೊಂಡಿಗಳು ಮತ್ತು ಆಕರಗಳು[ಬದಲಾಯಿಸಿ]