ಅಜಯ್ ಚೌಧರಿ
ಅಜಯ್ ಚೌಧರಿ | |
|---|---|
 ಅಜಯ್ ಚೌಧರಿ | |
| ಜನನ | ೨೯ ಆಗಸ್ಟ್ ೧೯೫೦ |
| ರಾಷ್ಟ್ರೀಯತೆ | ಭಾರತೀಯ |
| ಶಿಕ್ಷಣ ಸಂಸ್ಥೆ | ಜಬಲ್ಪುರ್ ಇಂಜಿನಿಯರಿಂಗ್ ಕಾಲೇಜು |
| ವೃತ್ತಿ(ಗಳು) | ಸಂಸ್ಥಾಪಕ, ಎಚ್‌ಸಿಎಲ್, ಅಧ್ಯಕ್ಷರು: ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಫೌಂಡ್ರಿ ಮತ್ತು ಫೋರ್ಜ್ ಟೆಕ್ನಾಲಜಿ (ಎನ್ಐಎಫ್ಎಫ್ಟಿ), ರಾಂಚಿ, ಐಐಐಟಿ -ನಯಾ ರಾಯ್‌ಪುರ್. |
| ಪ್ರಶಸ್ತಿಗಳು | ಪದ್ಮಭೂಷಣ |
ಅಜಯ್ ಚೌಧರಿ (ಜನನ ೨೯ ಆಗಸ್ಟ್ ೧೯೫೦) ಇವರು ಎಚ್‌ಸಿಎಲ್ (ಹಿಂದೂಸ್ತಾನ್ ಕಂಪ್ಯೂಟರ್ಸ್ ಲಿಮಿಟೆಡ್) ನ ಆರು ಸ್ಥಾಪಕ ಸದಸ್ಯರಲ್ಲಿ ಒಬ್ಬರು.[೧] ಇವರು ಪ್ರಸ್ತುತ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಫೌಂಡ್ರಿ ಆಂಡ್ ಫೋರ್ಜ್ ಟೆಕ್ನಾಲಜಿ (ಎನ್ಐಎಫ್ಎಫ್ಟಿ), ರಾಂಚಿ, ಇಂಟರ್ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಇನ್ಫರ್ಮೇಷನ್ ಟೆಕ್ನಾಲಜಿ ಮತ್ತು ನಯಾ ರಾಯ್ಪುರದಲ್ಲಿ ಗವರ್ನರ್‌ಗಳ ಮಂಡಳಿಯ ಅಧ್ಯಕ್ಷರಾಗಿದ್ದಾರೆ. ಚೌಧರಿ ಅವರು ಇಂಡಿಯಾ ಸೆಮಿಕಂಡಕ್ಟರ್ ಮಿಷನ್‌ನ ಸಲಹಾ ಮಂಡಳಿಯ ಸದಸ್ಯರೂ ಆಗಿದ್ದಾರೆ.[೨]
ಆರಂಭಿಕ ಜೀವನ ಮತ್ತು ಶಿಕ್ಷಣ
[ಬದಲಾಯಿಸಿ]ಭಾರತದ ವಿಭಜನೆಯ ಸಮಯದಲ್ಲಿ, ಅಜಯ್ ಅವರ ಪೋಷಕರು ತಮ್ಮ ಆರು ಮಕ್ಕಳೊಂದಿಗೆ ಪಾಕಿಸ್ತಾನದಿಂದ ಭಾರತಕ್ಕೆ ತೆರಳಿ ಅಲ್ಲಿಂದ ದೆಹಲಿಯ ನಿರಾಶ್ರಿತರ ಶಿಬಿರಕ್ಕೆ ಬಂದರು. ನಂತರ, ರಾಜಪ್ರಭುತ್ವದ ಸಾಮ್ರಾಜ್ಯಗಳಿಗೆ ಪ್ರವೇಶ ಪಡೆಯುವ ಸಲುವಾಗಿ, ಅಜಯ್ ಅವರ ತಂದೆ ಮೌಂಟ್ ಅಬುವಿನಲ್ಲಿ ಕೆಲಸ ಮಾಡಿದರು.
ಅಜಯ್ ಅವರು ಆಗಸ್ಟ್ ೨೯, ೧೯೫೦ ರಂದು ಮೌಂಟ್ ಅಬುವಿನಲ್ಲಿ ಜನಿಸಿದರು. ಇವರು ಏಳು ಒಡಹುಟ್ಟಿದವರಲ್ಲಿ ಕಿರಿಯವರಾಗಿದ್ದರು. ೧೯೫೫ ರಲ್ಲಿ, ಅವರ ತಂದೆ ಭಾರತೀಯ ಆಡಳಿತ ಸೇವೆಗೆ ಸೇರಿದರು.
ಅಜಯ್ ಚೌಧರಿಯವರು ತಮ್ಮ ಔಪಚಾರಿಕ ಶಿಕ್ಷಣಕ್ಕಾಗಿ ಜಬಲ್ಪುರದ ಕ್ರೈಸ್ಟ್ ಚರ್ಚ್ ಶಾಲೆಯಲ್ಲಿ ವ್ಯಾಸಂಗ ಮಾಡಿದರು.[೩] ಅವರು ೧೯೬೬ ರಲ್ಲಿ, ತಮ್ಮ ಶಿಕ್ಷಣವನ್ನು ಪೂರ್ಣಗೊಳಿಸಿದರು. ೧೯೭೧ ರಲ್ಲಿ, ಜಬಲ್ಪುರ್ ಎಂಜಿನಿಯರಿಂಗ್ ಕಾಲೇಜಿನಿಂದ ಬ್ಯಾಚುಲರ್ ಆಫ್ ಎಂಜಿನಿಯರಿಂಗ್ (ಎಲೆಕ್ಟ್ರಾನಿಕ್ಸ್ ಮತ್ತು ಟೆಲಿಕಾಂ) ಪದವಿಯನ್ನು ಅವರಿಗೆ ನೀಡಲಾಯಿತು. ಅವರು ೧೯೯೪ ರಲ್ಲಿ, ಮಿಚಿಗನ್ ವಿಶ್ವವಿದ್ಯಾಲಯದಲ್ಲಿ ಕಾರ್ಯನಿರ್ವಾಹಕರಿಗಾಗಿ ಕಾರ್ಯಕ್ರಮವನ್ನು ಪೂರ್ಣಗೊಳಿಸಿದರು. ಅಜಯ್ ಅವರನ್ನು ಇಂಡಿಯಾ ಸೆಮಿಕಂಡಕ್ಟರ್ ಮಿಷನ್‌ನ ಸಲಹಾ ಮಂಡಳಿಯ ಸದಸ್ಯರಾಗಿ ಎಂಇಐಟಿವೈ ನಾಮನಿರ್ದೇಶನ ಮಾಡಿದೆ. ಅಜಯ್ ಅವರು ನೀತಿ ಆಯೋಗದ ವಿಜ್ಞಾನ, ತಂತ್ರಜ್ಞಾನ ಮತ್ತು ನಾವೀನ್ಯತೆಯ ಮೇಲೆ ಕೇಂದ್ರೀಕರಿಸಿದ ಸಮಾಲೋಚನಾ ಗುಂಪಿನ ಸದಸ್ಯರಾಗಿದ್ದರು.
ವೃತ್ತಿಜೀವನ
[ಬದಲಾಯಿಸಿ]೧೯೭೨ ರಲ್ಲಿ, ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿ, ಅವರು ಡೆಲ್ಲಿ ಕ್ಲಾತ್ & ಜನರಲ್ ಮಿಲ್ಸ್ (ಡಿ‌ಸಿಎಮ್) ಡೇಟಾ ಉತ್ಪನ್ನಗಳೊಂದಿಗೆ ಕೆಲಸ ಮಾಡಿದರು.[೪] ಅಲ್ಲಿ ಅವರು ಮಾರಾಟದ ತರಬೇತಿದಾರರಾಗಿದ್ದರು. ಎಲೆಕ್ಟ್ರಾನಿಕ್ಸ್ ವಿಭಾಗದಲ್ಲಿ ತಿಂಗಳಿಗೆ ಐಎನ್‌ಆರ್ ೬೦೦ ರ ಪರಿಹಾರದಲ್ಲಿ ನೇಮಕಗೊಂಡರು. ೧೯೭೫ ರಲ್ಲಿ, ಅವರು "ಮೈಕ್ರೋ ಕಾಂಪ್" ಹೆಸರಿನ ಸ್ವಂತ ಕಂಪನಿಯನ್ನು ಪ್ರಾರಂಭಿಸಲು ತಮ್ಮ ಕೆಲಸವನ್ನು ತೊರೆದರು.
ಆಗಸ್ಟ್ ೨೦೦೯ ರಲ್ಲಿ, ಮಾಹಿತಿ ತಂತ್ರಜ್ಞಾನ ಇಲಾಖೆ, ಸಂವಹನ ಮತ್ತು ಐಟಿ ಸಚಿವಾಲಯ ಮತ್ತು ಭಾರತ ಸರ್ಕಾರವು ಅಜಯ್ ಚೌಧರಿ ಅವರ[೫] ನೇತೃತ್ವದಲ್ಲಿ ಐಟಿ ಕಾರ್ಯಪಡೆಯನ್ನು ರಚಿಸಿತು.
ಅಜಯ್ ಚೌಧರಿ ಅವರು ರಾಷ್ಟ್ರೀಯ ಉತ್ಪಾದನಾ ಸ್ಪರ್ಧಾತ್ಮಕ ಮಂಡಳಿಯ (ಎನ್ಎಂಸಿಸಿ) ಸದಸ್ಯರಾಗಿದ್ದರು. ಇದು ಸರ್ಕಾರದ ನೀತಿಯನ್ನು ರೂಪಿಸಲು ಸಲಹಾ ಒಳಹರಿವುಗಳನ್ನು ಒದಗಿಸುವ ಉನ್ನತ ಸಂಸ್ಥೆಯಾಗಿದೆ.[೬]
ಜಸ್ಟ್ ಆಸ್ಪೈರ್
[ಬದಲಾಯಿಸಿ]ಅಜಯ್ ಚೌಧರಿಯವರು ೨೦೨೩ ರಲ್ಲಿ, ಜಸ್ಟ್ ಆಸ್ಪೈರ್ ಎಂಬ ಪುಸ್ತಕವನ್ನು ಬರೆದರು. ಇದು ಅವರ ಸ್ವಂತ ಜೀವನದ ಬಗ್ಗೆ ಮತ್ತು ಭಾರತದ ಐಟಿ ಮತ್ತು ಹಾರ್ಡ್‌ವೇರ್ ಉದ್ಯಮದ ಪ್ರಯಾಣವನ್ನು ಪ್ರತಿಬಿಂಬಿಸುತ್ತದೆ. ಈ ಪುಸ್ತಕವನ್ನು ಹಾರ್ಪರ್ ಬಿಸಿನೆಸ್ ಪ್ರಕಟಿಸಿದೆ.[೭][೮] ಸ್ಕ್ರಾಲ್ ಪುಸ್ತಕದಿಂದ ಆಯ್ದ ಭಾಗವು "ನಮ್ಮ ನಂತರದ ಮುದ್ರಣ ಜಾಹೀರಾತುಗಳಲ್ಲಿ ಒಂದನ್ನು ಘೋಷಿಸಿದಂತೆ, ಎಚ್‌ಸಿ‌ಎಲ್‌ನಲ್ಲಿ, ಮಿದುಳಿಗಿಂತ ಧೈರ್ಯ ಹೆಚ್ಚು ಮುಖ್ಯವಾಗಿದೆ. ನಾವು ನಮ್ಮ ಮಾರಾಟ ತಂಡಕ್ಕೆ ವಹಿವಾಟಿನ ವಿಶ್ಲೇಷಣಾ ತಂತ್ರಗಳಲ್ಲಿ ತರಬೇತಿ ನೀಡಿದ್ದೇವೆ. ಇದು ಸಂಭಾವ್ಯ ಖರೀದಿದಾರರ ಮೌಲ್ಯಮಾಪನ ಮತ್ತು ಹೊಂದಿಕೊಳ್ಳುವಿಕೆಗೆ ಕರೆನೀಡುತ್ತದೆ. ಉದಾಹರಣೆಗೆ, ನೀವು ಪ್ರಾಧ್ಯಾಪಕರನ್ನು ಭೇಟಿಯಾದಾಗ, ವಿದ್ಯಾರ್ಥಿಯಾಗಿರಿ" ಎಂಬುದಾಗಿ ಪ್ರಕಟಿಸಿದೆ.[೯]
ಪ್ರಶಸ್ತಿಗಳು ಮತ್ತು ಪ್ರಶಂಸೆಗಳು
[ಬದಲಾಯಿಸಿ]- ೨೦೧೧ ರಲ್ಲಿ, ಭಾರತ ಸರ್ಕಾರವು ಅಜಯ್ ಚೌಧರಿ ಅವರಿಗೆ ಮೂರನೇ ಅತ್ಯುನ್ನತ ನಾಗರಿಕ ಪ್ರಶಸ್ತಿಯಾದ ಪದ್ಮಭೂಷಣವನ್ನು ನೀಡಿತು.[೧೦]
- ೨೦೧೪ ರಲ್ಲಿ, ಅಜಯ್ ಚೌಧರಿ ಅವರಿಗೆ ಐಸಿಟಿಯಲ್ಲಿ ಜೀವಮಾನ ಸಾಧನೆಗಾಗಿ ಸೈಬರ್ ಮೀಡಿಯಾ ಬಿಸಿನೆಸ್ ಐಸಿಟಿ ಪ್ರಶಸ್ತಿ ೨೦೧೩ ಅನ್ನು ನರೇಂದ್ರ ಮೋದಿ ನೀಡಿ ಗೌರವಿಸಿದರು.[೧೧]
- ೨೦೧೪ ರಲ್ಲಿ, ಅಜಯ್ ಚೌಧರಿ ಅವರು ಭಾರತೀಯ ಐಟಿ ಉದ್ಯಮಕ್ಕೆ ನೀಡಿದ ಗಮನಾರ್ಹ ಕೊಡುಗೆ ಮತ್ತು ಈ ಕ್ಷೇತ್ರದಲ್ಲಿ ಚಿಂತನೆಯ ನಾಯಕತ್ವವನ್ನು ಗುರುತಿಸಿ ಜಬಲ್ಪುರದ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಇನ್ಫರ್ಮೇಷನ್ ಟೆಕ್ನಾಲಜಿ, ಡಿಸೈನ್ & ಮ್ಯಾನುಫ್ಯಾಕ್ಚರಿಂಗ್ ಗೌರವ ಕಾಸಾ (ಡಿ.ಎಸ್‌ಸಿ.) ಪ್ರಶಸ್ತಿಯನ್ನು ನೀಡಿತು.
- ೨೦೧೦ ರಲ್ಲಿ, ಅಜಯ್ ಚೌಧರಿ ಅವರಿಗೆ ಐಐಟಿ ರೂರ್ಕಿ ಹಾನರಿಸ್ ಕಾಸಾ, ಡಾಕ್ಟರೇಟ್ ಆಫ್ ಸೈನ್ಸ್ ನೀಡಿತು.[೧೨]
- ೨೦೦೯ ರಲ್ಲಿ, ಅಜಯ್ ಚೌಧರಿ ಅವರು "ಭಾರತದ ೭೫ ಅತ್ಯಂತ ಶಕ್ತಿಶಾಲಿ ಬ್ರಾಂಡ್ ಬಿಲ್ಡರ್‌ಗಳ ಪವರ್ ಲಿಸ್ಟ್" ನಲ್ಲಿ ಮೂರನೇ ಸ್ಥಾನ ಪಡೆದರು.[೧೩]
- ೨೦೦೯ ರಲ್ಲಿ, ಅಜಯ್ ಚೌಧರಿ ಅವರನ್ನು ದಿ ಎಕನಾಮಿಕ್ ಟೈಮ್ಸ್ "ಇಂಡಿಯಾ ಇಂಕ್‌ನ ಅತ್ಯಂತ ಶಕ್ತಿಶಾಲಿ ಸಿಇಒಗಳಲ್ಲಿ" ಒಬ್ಬರೆಂದು ಆಯ್ಕೆ ಮಾಡಿತು.[೧೪]
- ಫೌಂಡೇಶನ್ ಆಫ್ ಇಂಡಿಯನ್ ಇಂಡಸ್ಟ್ರಿ ಆಂಡ್ ಎಕನಾಮಿಸ್ಟ್ಸ್ ೨೦೦೭ ರಲ್ಲಿ ಅಜಯ್ ಚೌಧರಿ ಅವರಿಗೆ "ವರ್ಷದ ಅತ್ಯುತ್ತಮ ಐಟಿ ವ್ಯಕ್ತಿ" ಪ್ರಶಸ್ತಿಯನ್ನು ನೀಡಿತು.[೧೫][೧೬]
- ಚೌಧರಿಯವರು ೨೦೧೯ ರಲ್ಲಿ, ಐಐಐಟಿ ನಯಾ ರಾಯ್ಪುರದ ಅಧ್ಯಕ್ಷರಾಗಿ ಕೆಲಸ ಮಾಡಿದರು.[೧೭]
- ಸಿಐಐ ನ್ಯಾಷನಲ್ ಕಮಿಟಿ ಆನ್ ಟೆಕ್ನಾಲಜಿಯ ಅಧ್ಯಕ್ಷರು.[೧೮]
- ಜಾಗತೀಕರಣ ಮತ್ತು ನಾವೀನ್ಯತೆ ಕುರಿತ ಯುಎಸ್‌ಸಿ ವೇದಿಕೆಯಲ್ಲಿ ಪ್ಯಾನೆಲಿಸ್ಟ್.[೧೯]
- ತಾಂಜೇನಿಯಾದಲ್ಲಿ ನಡೆದ 'ಆಫ್ರಿಕಾ ಕುರಿತ ವಿಶ್ವ ಆರ್ಥಿಕ ವೇದಿಕೆಯ ಸಹ ಅಧ್ಯಕ್ಷತೆ ವಹಿಸಿದ್ದರು.[೨೦]
ಹೂಡಿಕೆದಾರರು
[ಬದಲಾಯಿಸಿ]ಹೂಡಿಕೆದಾರರಾಗಿ, ಅಜಯ್ ಅವರು ಇಂಡಿಯನ್ ಏಂಜೆಲ್ ನೆಟ್ವರ್ಕ್‌ನ ಮಂಡಳಿಯಲ್ಲಿದ್ದಾರೆ ಮತ್ತು ಹಲವಾರು ಸ್ಟಾರ್ಟ್ಅಪ್‌ಗಳಲ್ಲಿ ಹೂಡಿಕೆ ಮಾಡಿದ್ದಾರೆ. ಅವರು ಎಫ್ಐಸಿಸಿಐ ಸ್ಟಾರ್ಟ್ಅಪ್ ಸಮಿತಿಯ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸುತ್ತಿದ್ದಾರೆ.
ಲೋಕೋಪಕಾರಿ
[ಬದಲಾಯಿಸಿ]ಅಜಯ್ ಅವರು ೨೦೨೧ ರಲ್ಲಿ, ಎಪಿಕ್ ಫೌಂಡೇಶನ್ ಅನ್ನು ಸಹ-ಸ್ಥಾಪಿಸಿದರು. ರಾಷ್ಟ್ರೀಯ ಪ್ರಾಮುಖ್ಯತೆಯ ಎಲೆಕ್ಟ್ರಾನಿಕ್ ಉತ್ಪನ್ನಗಳನ್ನು ಅಭಿವೃದ್ಧಿಪಡಿಸುವತ್ತ ಗಮನ ಹರಿಸುವುದು ಪ್ರತಿಷ್ಠಾನದ ಗುರಿಯಾಗಿತ್ತು.[೨೧] ಅಜಯ್ ಅವರು ಪ್ರತಿಷ್ಠಾನದ ಅಧ್ಯಕ್ಷರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ ಮತ್ತು ಇತರ ತಜ್ಞ ಜಾಗತಿಕ ಸಲಹೆಗಾರರೊಂದಿಗೆ ಕೆಲಸ ಮಾಡಿದ್ದಾರೆ.
ವೈಯಕ್ತಿಕ ಜೀವನ ಮತ್ತು ಕುಟುಂಬ
[ಬದಲಾಯಿಸಿ]ಅಜಯ್ ಅವರು ೧೯೭೭ ರಲ್ಲಿ, ಕುಂಕುನ್ ಚೌಧರಿ ಅವರನ್ನು ವಿವಾಹವಾದರು. ಅವರಿಗೆ ಕುನಾಲ್ ಮತ್ತು ಅಕ್ಷಯ್ ಎಂಬ ಇಬ್ಬರು ಗಂಡು ಮಕ್ಕಳಿದ್ದಾರೆ.
ಉಲ್ಲೇಖಗಳು
[ಬದಲಾಯಿಸಿ]- ↑ "Speaker Profile : Ajai Chowdhary - London Speaker Bureau India". London Speaker Bureau (in Indian English). Retrieved 2023-05-01.
- ↑ "With Sharp Eye On China, India's National Quantum Mission Is Catching Up". NDTV.com. Retrieved 2024-10-19.
- ↑ ""MY DREAM Is To See India As A Top ELECTRONICS PRODUCT NATION"". www.magzter.com (in ಇಂಗ್ಲಿಷ್). Retrieved 2023-01-21.
- ↑ 42 44 46 48 My Story Ajai Chowdhry Founding Member Of HCL EFY Dec 22.
- ↑ Task Force, Department of Information Technology (6 January 2010). "Report of Task Force to suggest measures to simulate the growth of IT, ITES, and Electronics Hardware manufacturing industry in India" (PDF). Ministry of Communications & Information Technology, Government of India. Archived from the original (PDF) on 11 May 2012. Retrieved 27 April 2012.
- ↑ NMCC. "Ajai Chowdhry". Archived from the original on 17 May 2012.
- ↑ "Book Review: 'Just Aspire' — Leading from the trenches". www.thehindubusinessline.com (in ಇಂಗ್ಲಿಷ್). 2023-05-08. Retrieved 2023-05-27.
- ↑ "Just Aspire". The Tribune.
- ↑ Chowdhry, Ajai (2023-04-26). "HCL co-founder Ajai Chowdhry recalls in his memoir how the brand achieved success in its early days". Scroll.in (in ಅಮೆರಿಕನ್ ಇಂಗ್ಲಿಷ್). Retrieved 2023-05-27.
- ↑ CXOtoday (5 April 2011). "Ajai Chowdhry awarded Padma Bhushan". Archived from the original on 16 May 2012. Retrieved 2 April 2012.
- ↑ "CyberMedia ICT Awards: Ajai Chowdhry gets DQ Lifetime Achievement Award". DATAQUEST (in ಅಮೆರಿಕನ್ ಇಂಗ್ಲಿಷ್). 2014-01-17. Retrieved 2021-06-23.
- ↑ "IIT Roorkee's Honorary Doctorate for Ajai Chowdhry". Business Standard. 15 November 2010.
- ↑ Communications Today (10 March 2009). "Ajai Chowdhry". Archived from the original on 4 March 2016.
- ↑ "Director Report". The Economic Times. June 2009.
- ↑ "Ajai Chowdhry". World Economic Forum (in ಇಂಗ್ಲಿಷ್). Retrieved 20 January 2022.
- ↑ "Ajai Chowdhry: Brief Biography". Reuters. Archived from the original on 2016-03-04.
- ↑ "AI is not just for engineers, managers need it too: IIIT-Naya Raipur chairperson Ajai Chowdhary". The Indian Express (in ಇಂಗ್ಲಿಷ್). 2019-08-11. Retrieved 2021-01-27.
- ↑ CII (May 2009). "CII Communiqué" (PDF). Confederation of Indian Industry.
- ↑ USC (26 February 2011). "Panelists, USC Forum on Globalization and Innovation". University of Southern California. Archived from the original on 26 May 2012. Retrieved 26 April 2012.
- ↑ World Economic Forum (5 May 2010). "Africa 2010 - Ajai Chowdhry". World Economic Forum. Archived from the original on 30 September 2012.
- ↑ Gupta, O. M. (2022-08-18). "New Semiconductor Policy Is More Open And Attractive". TimesTech (in ಅಮೆರಿಕನ್ ಇಂಗ್ಲಿಷ್). Retrieved 2023-01-21.