ಭೂಶಾಸ್ತ್ರ

ಭೂಶಾಸ್ತ್ರ (ಭೂವಿಜ್ಙಾನ) ಭೂಮಿಯ ಬಗ್ಗೆ ಅಧ್ಯಯನ ನಡೆಸುವ ವೈಜ್ಞಾನಿಕ ವಿಧಿಗಳನ್ನು ಒಳಗೊಂಡಿದೆ. ಇದರ ಉದ್ದೇಶ ಭೌತಶಾಸ್ತ್ರ, ಗಣಿತ, ರಸಾಯನಶಾಸ್ತ್ರ ಮತ್ತು ಜೀವಶಾಸ್ತ್ರಗಳನ್ನು ಉಪಯೋಗಿಸಿ ಭೂಪದರಗಳನ್ನು ಅರ್ಥ ಮಾಡಿಕೊಳ್ಳುವುದಾಗಿದೆ.

ವಿಭಾಗಗಳು

ವಿವಿಧ ಭೂಪದರಗಳ ದೃಷ್ಟಿಯಿಂದ ಮುಖ್ಯವಾಗಿ ಈ ಕೆಳಗಿನ ವಿಭಾಗಗಳಿವೆ:

ವಾಯುಮಂಡಲ ವಿಜ್ಞಾನ – ಭೂಮಿಯ ವಾಯುಮಂಡಲ ಪದರವನ್ನು ಅಭ್ಯಾಸಿಸುವ ವಿಜ್ಞಾನ.
ಪರಿಸರ ಜೀವಶಾಸ್ತ್ರ – ಭೂಮಿಯಲ್ಲಿ ಜೀವಿಗಳ ವಿತರಣೆ ಮತ್ತು ಜಡ ಪರಿಸರದೊಂದಿಗೆ ಅವುಗಳ ವಹಿವಾಟುಗಳನ್ನು ಅಭ್ಯಾಸಿಸುವ ಶಾಸ್ತ್ರ.
ಪರಿಸರ ವಿಜ್ಞಾನ – ಪರಿಸರದ ಭೌತಿಕ, ರಾಸಾಯನಿಕ ಮತ್ತು ಜೈವಿಕ ವಿಭಾಗಳ ಮಧ್ಯದ ವಹಿವಾಟುಗಳನ್ನು ಅಭ್ಯಾಸಿಸುವ ವಿಜ್ಞಾನ ಪ್ರಕಾರ.
ಭೂಗೋಳಶಾಸ್ತ್ರ – ಭೂಮಿಯ ಮೇಲ್ಮೈ ಲಕ್ಷಣಗಳನ್ನು ಅಭ್ಯಾಸಿಸುವ ಶಾಸ್ತ್ರ.
ಭೂರಚನಶಾಸ್ತ್ರ – ಭೂಮಿಯನ್ನು ರಚಿಸುವ ಘನ ಪದಾರ್ಥಗಳನ್ನು ಅಭ್ಯಾಸಿಸುವ ಶಾಸ್ತ್ರ.
ಜಲ ವಿಜ್ಞಾನ – ಭೂಮಿಯಲ್ಲಿರುವ ನೀರಿನ ವಿತರಣೆ, ಪ್ರವಾಹ, ಉಪಯೋಗ, ಇತ್ಯಾದಿಗಳನ್ನು ಅಭ್ಯಸಿಸುವ ವಿಜ್ಞಾನ.