ಫ್ಲಿಕರ್

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
Flickr
URLwww.flickr.com
ವಾಣಿಜ್ಯದ?Yes
ತಾಣದ ಗುಂಪುPhoto/Video hosting service
ಲಭ್ಯವಾದlanguage(s)Chinese (traditional)
English (original)
French
ಜರ್ಮನ್
Italian
Korean
Portuguese (Brazilian)
ಸ್ಪ್ಯಾನಿಷ್
ಮಾಲೀಕYahoo! Inc.
ನಿರ್ಮಾತೃರುLudicorp
ಪ್ರಾರಂಭಿಸಿದFebruary ೨೦೦೪
Alexa rankDecrease ೩೨ (July 2010)[೧]
ಸಧ್ಯದ ಸ್ತಿತಿActive

ಫ್ಲಿಕರ್ ಲೂಡಿ ಕಾರ್ಪ್ ರಿಂದ ಸೃಷ್ಟಿಸಲ್ಪಟ್ಟ ಆನ್ ಲೈನ್ ಸಾಮೂಹಿಕ ಒಡೆತನದ ಮತ್ತು ಮುಂದೆಯಾಹೂ ಅವರಿಂದ ಪಡೆದುಕೊಳ್ಳಲ್ಪಟ್ಟ ಹಾಗೂ ಒಂದು ಛಾಯಾಚಿತ್ರಗಳನ್ನು ಹಾಕಿಕೊಡುವ ಹಾಗೂ ವಿಡಿಯೊ ನಡೆಸುವ ಜಾಲತಾಣ, ಜಾಲ ಸೇವಾಸೌಲಭ್ಯಗಳ ಜೋಡಿಯಾಗಿದೆ. ಉಪಯೋಗದಾರರಿಗೆ ಹಂಚಿಕೊಳ್ಳಲು ಮತ್ತು ವೈಯಕ್ತಿಕವಾಗಿ ಛಾಯಾಚಿತ್ರಗಳನ್ನು ಹುದುಗಿಸಲು ಒಂದು ಜನಪ್ರಿಯ ಜಾಲತಾಣವಾಗುವುದು ಅಲ್ಲದೆ ಈ ಸೇವೆಯು ತಾವು ಬ್ಲಾಗರ್ಗಳು ಮತ್ತು ಸಾಮಾಜಿಕ ಮಾಧ್ಯಮಗಳಲ್ಲಿ ಹುದುಗಿಸುವ ಕಲ್ಪನೆಗಳನ್ನು ನಡೆಸಿಕೊಡಲು ಬ್ಲಾಗರ್ಗಳಿಂದ ವ್ಯಾಪಕವವಾಗಿ ಉಪಯೋಗಿಸಲ್ಪಡುತ್ತದೆ.[೨] ಅದು ೫ ಬಿಲಿಯನ್ಗಿಂತಲೂ ಹೆಚ್ಚಿನ ಚಾಯಾಛಾಯಾಚಿತ್ರಗಳನ್ನು ನಡೆಸಿಕೊಡುತ್ತಿದೆಯೆಂದು, ಸೆಪ್ಟೆಂಬರ್ ೨೦೧೦ ರಲ್ಲಿ ಅದು ವರದಿ ಮಾಡಿತು.[೩]

ಇತಿಹಾಸ[ಬದಲಾಯಿಸಿ]

ಗಿಲ್ಡಫೋರ್ಡ್, ಪಶ್ಚಿಮದ ಆಸ್ಟ್ರೇಲಿಯಾದ "ಪರ್ಥನಲ್ಲಿನ ಛಾಯಛಾಯಾಚಿತ್ರಗಾರರ" ಫ್ಲಿಕರ್ ತಂಡದ ಒಂದು ಫೋಟೋ ನಡಿಗೆಯ ದೃಶ್ಯಗಳು.

ಫೆಬ್ರುವರಿ ೨೪೦೦ರಲ್ಲಿ ಫ್ಲಿಕರ್ ಅನ್ನು ಪ್ರಾರಂಭಿಸಿದ ಒಂದುವ್ಯಾಂಕುವಾರ್ ನಲ್ಲಿರುವ ಕಂಪನಿ ಲೂಡಿ ಕಾರ್ಪ್ ರವರಿಂದ ಫ್ಲಿಕರ್ ಅಭಿವೃದ್ಧಿ ಪಡಿಸಲ್ಪಟ್ಟಿತು. ಲೂಡಿ ಕಾರ್ಪ್ ರವರ ಒಂದು ಅಂತರ್ಜಾಲ ಆಧಾರಿತ ಸಾಮೂಹಿಕ ಬಹು ಆಟಗಾರರ ಅನ್ ಲೈನ್ ಪಂದ್ಯವಾದ ಗೇಮ್ ನೆವೆರ್ ಎಂಡಿಂಗ್ ಗಾಗಿ ಮೂಲತಃ ಸೃಷ್ಟಿಸಲ್ಪಟ್ಟ ಉಪಕರಣಗಳ ಮುಖಾಂತರ ಈ ಸೇವೆಯು ಬಯಲಿಗೆ ಬಂದಿತ್ತು. ಫ್ಲಿಕರ್ ನಿಂದ ಹೆಚ್ಚು ಶಕ್ಯವಾದ ಯೋಜನೆಯೊಂದು ಸಾಧಿತವಾಗಿ, ಕೊನೆಗೆ ಗೇಮ್ ನೆವರ್ಎಂಡಿಂಗ್ ಮುಂದಕ್ಕೆ ಹಾಕಲ್ಪಟ್ಟಿತು[೪]

ನಿಜ-ಸಮಯದ ಛಾಯಾಚಿತ್ರ ವಿನಿಮಯದ ಸಾಧ್ಯತೆ ಸಹಿತ ಫ್ಲಿಕರ್ ಲೈವ್ ಎಂದು ಕರೆಯಲ್ಪಡುವ ಬಹು ಉಪಯೋಗಿ ಒಂದು ಹರಟೆ ಕೋಣೆಯಮೇಲೆ ಫ್ಲಿಕರ್ ನ ಮುಂಚಿನ ಅವತರಣಿಕೆಗಳು ಕೇಂದ್ರಿಕೃತವಾಗಿದ್ದವು. ಉಪಯೋಗದಾರರಿಂದ ತೆಗೆಯಲ್ಪಟ್ಟ ಛಾಯತಾಛಾಯಾಚಿತ್ರಗಳಿಗಿಂತ ಹೆಚ್ಚಾಗಿ ಜಾಲದ ಮೇಲೆ ಕಾಣುವ ಪ್ರತಿಬಿಂಬಗಳನ್ನು ಸಂಗ್ರಹಿಸುವುದರ ಮೇಲೆ ಸಹ ಹೆಚ್ಚಿನ ಪ್ರಾಧಾನ್ಯತೆ ಕೊಡಲ್ಪಟ್ಟಿತು. ಅನುಕ್ರಮವಾದ ವಿಕಸನಗಳು ಏಕವ್ಯಕ್ತಿ ಉಪಯೋಗದಾರರಿಗೆ ದಾಖಲಿಸಲು ಹಿಂಬದಿ ಹಾಗೂ ಮೇಲೇರಿಸುವುದರಬಗ್ಗೆ ಹೆಚ್ಚು ಒತ್ತು ಕೊಡಲ್ಪಟ್ಟವು ಮತ್ತು ಹರಟೆ ಕೊಠಡಿಯು ತಾಣ ನಿವೇಶನ ನಕ್ಷೆಯಲ್ಲಿ ಹುದುಗಿಸಲ್ಪಟ್ಟಿತು. ಫ್ಲಿಕರ್ ನ ಹಿಂಗೊನೆಯ ಪರಿಕರಗಳು ಗೇಂ ನೆವರ್ ಎಂಡಿಂಗ್ ನ ಸಂಕೇತತಳದಿಯನ್ನು ಮೀರಿ ವಿಕಸಿತವಾದ ಕಾರಣ ಅದನ್ನು ಕ್ರಮೇಣ ಕೈಬಿಡಲಾಯಿತು.

ಮೊದಲು ಇರದಿದ್ದ ಫ್ಲಿಕರ್ ನ ಕೆಲವು ಪ್ರಮುಖ ಲಕ್ಷಣಗಳೆಂದರೆ ಟ್ಯಾಗ್ ಗಳು, ಛಾಯಾಚಿತ್ರಗಳನ್ನು ಅಚ್ಚುಮೆಚ್ಚಿನವು ಎಂದು ಗುರುತುಹಾಕುವುದು, ಸಮೂಹ ಛಾಯಾಚಿತ್ರ ಕೊಳಗಳು ಮತ್ತು ಇಂಟೆರೆಸ್ಟಿಂಗ್ನೆಸ್ ಎಂಬ ಒಂದು ನೂತನವಾದ ಸ್ವಾಮ್ಯದ ನಿರೀಕ್ಷೆಯಲ್ಲಿರುವಒಂದು ವಿಧಿವಿಧಾನ.[೫]

ಮಾರ್ಚ್ ೨೦೦೫ರಲ್ಲಿ, ಯಾಹೂ! ಲೂಡಿಕಾರ್ಪ್ ಮತ್ತು ಫ್ಲಿಕರ್ ಗಳನ್ನು ತನ್ನದಾಗಿಸಿಕೊಂಡಿತು. ಜೂನ್ ೨೬ – ಜುಲೈ ೨, ೨೦೦೫ರವರೆಗಿನ ವಾರದಲ್ಲಿ ಕೆನಡಾದ ಪೂರೈಕೆ ಗಣಕಗಳಲ್ಲಿದ್ದ ಸಕಲ ವಸ್ತುವಿಷಯಗಳನ್ನೂ ಯುನೈಟೆಡ್ ಸ್ಟೇಟ್ಸ್ ನ ಪೂರೈಕೆಗಣಕಗಳಿಗೆ ವರ್ಗಾಯಿಸಲಾಯಿತು; ತತ್ಫಲವಾಗಿ ಎಲ್ಲಾ ಮಾಹಿತಿಗಳೂ ಯುನೈಟೆಡ್ ಸ್ಟೇಟ್ಸ್ ಫೆಡೆರಲ್ ಕಾನೂನುಗಳಿಗೆ ಬದ್ಧವಾಗಬೇಕಾಯಿತು.[೬]

ಮೇ ೧೬, ೨೦೦೬ರಂದು, ಫ್ಲಿಕರ್ ತನ್ನ ಪೂರೈಕೆ ಗಣಕಗಳನ್ನು ಬೀಟಾ ದಿಂದ "ಗಾಮಾ" ಮಟ್ಟಕ್ಕೆ ಏರಿಸಿಕೊಂಡಿತು, ಆಲ್ಲದೆ ವಿನ್ಯಾಸ ಮತ್ತು ರಚನಾಕ್ರಮಗಳನ್ನೂ ಶೋಧಿಸಿ ಕ್ರಮಪಡಿಸಿಕೊಂಡಿತು. ಈ ತಾಣದ ಪುನರಪಿ ಕೇಳಲ್ಪಡುವ ಪ್ರಶ್ನೆಗಳ ಪ್ರಕಾರ, "ಗಾಮಾ" ಎಂಬ ಪದವು ತಂತ್ರಾಂಶ ಅಭಿವೃದ್ಧಿಯಲ್ಲಿ ಬಹಳ ಅಪರೂಪವಾಗಿ ಬಳಸಲ್ಪಡುವ ಪದವಾಗಿದ್ದು, ಇದರ ಸೇವೆಯನ್ನು ಗ್ರಾಹಕರು ಸದಾ ಪರೀಕ್ಷಿಸುತ್ತಲೇ ಇರುತ್ತಾರೆ ಎಂಬುದನ್ನು ಸೂಚಿಸಲು ಇದು ಒಂದು ವಿನೋದಮಯ ಪದವೆಂದೂ, ಈ ತಾಣವು ನಿರಂತರವಾಗಿ ಉತ್ತಮಗೊಳ್ಳುವ ಸ್ಥಿತಿಯಲ್ಲೇ ಇರುತ್ತದೆಂಬುದನ್ನು ಸೂಚಿಸಲು ಈ ಪದವೆಂದೂ ಅಭಿಪ್ರಾಯವಿದೆ.[೭] ಛಾಯಾಚಿತ್ರಕಲೆ ಮತ್ತು ಛಾಯಾಚಿತ್ರಗಳ ಪ್ರದರ್ಶನದ ಬಗ್ಗೆ ನಿರ್ದಿಷ್ಟವಾದ ಮತ್ತೊಂದು ಅರ್ಥವೆಂದರೆ ಗಾಮಾ ಸರಿಪಡಿಸುವಿಕೆಗೆ ಸಂಬಂಧಿಸಿದ್ದು. ಎಲ್ಲಾ ದೃಷ್ಟಿಕೋನಗಳಿಂದಲೂ ಈಗಿನ ಪೂರೈಕೆಗಣಕ(ಸರ್ವರ್)ವು ದೃಢವಾಗಿರುವಂತಹ ಆವೃತ್ತಿಯೆಂದು ಪರಿಗಣಿಸಲಾಗಿದೆ.

ಡಿಸೆಂಬರ್ ೨೦೦೬ರಲ್ಲಿ ಉಚಿತ ಖಾತೆಗಳ ಮಾಹಿತಿ ಸೇರಿಸುವಿಕೆಯ ಪ್ರಮಾಣವನ್ನು ತಿಂಗಳಿಗೆ ೧೦೦MBಗೆ (೨೦MBಯಿಂದ) ಮತ್ತು ವೃತ್ತಿಪರ ಖಾತೆಗಳ ಮೇಲಿನ ಕಡಿವಾಣವನ್ನು ತೆಗೆದುಹಾಕಲಾಯಿತು; ತನ್ಮೂಲಕ ಈ ವಿಧದ ಖಾತೆಗಳನ್ನು ಹೊಂದಿದವರು ಅನಿಯಮಿತ ಸೇರಿಸುವಿಕೆಗಳನ್ನು ಹೊಂದಲು ಅರ್ಹರಾದರು (ಮೊದಲಿಗೆ ತಿಂಗಳಿಗೆ ೨GBಗಳ ಮಿತಿ ಹೇರಲಾಗಿತ್ತು).[೮]

ಜನವರಿ ೨೦೦೭ರಲ್ಲಿ ಫ್ಲಿಕರ್ ತನ್ನ "ಹಳೆಯ ಶಾಲಾ" ಸದಸ್ಯರು - ಎಂದರೆ ಯಾಹೂ ತೆಗೆದುಕೊಳ್ಳುವುದಕ್ಕೆ ಮುನ್ನ ಪ್ಲಿಕರ್ ನ ಸದಸ್ಯತ್ವ ಹೊಂದಿದ್ದವರು - ತಮ್ಮ ಸದಸ್ಯತ್ವ ಮುಂದುವರಿಸಲು ಒಂದು ಯಾಹೂ IDಯನ್ನು ಮಾರ್ಚ್ ೧೫ರೊಳಗೆ ಪಡೆದಲ್ಲಿ ಸೇವೆಯನ್ನು ಪಡೆಯುವುದನ್ನು ಮುಂದುವರಿಸಬಹುದೆಂದು ಘೋಷಿಸಿತು.[೯] ಈ ನಡೆಯನ್ನು ಕೆಲವು ಗ್ರಾಹಕರು ಟೀಕಿಸಿದರು.[೧೦]

ಏಪ್ರಿಲ್ ೯, ೨೦೦೮ರಂದು ಫ್ಲಿಕರ್ ಶುಲ್ಕ ನೀಡಿದ ಚಂದಾದಾರರಿಗೆ ೯೦ ಸೆಕೆಂಡ್ ಗಳ ಅವಧಿಯ,೧೫೦MB ಗಾತ್ರದ ದೃಶ್ಯಾವಳಿಗಳನ್ನು ಸೇರ್ಪಡೆ ಮಾಡಲು ಅನುಮತಿಸಲು ಆರಂಭಿಸಿತು. ಮಾರ್ಚ್ ೨, ೨೦೦೯ರಂದು, ಫ್ಲಿಕರ್ HD ವಿಡಿಯೋಗಳನ್ನು ವೀಕ್ಷಿಸುವ ಸಾಮರ್ಥ್ಯವನ್ನು ಸೇರ್ಪಡೆಗೊಳಿಸಿತು ಹಾಗೂ ಉಚಿತವಾಗಿ ಬಳಸುವ ಗ್ರಾಹಕರು ಸಾಮಾನ್ಯ-ರಿಸಲ್ಯೂಷನ್ ದೃಶ್ಯಾವಳಿಗಳನ್ನು ಸೇರ್ಪಡೆ ಮಾಡಿಕೊಳ್ಳಲು ಅನುಮತಿಸಿತು. ತತ್ಸಮಯದಲ್ಲೇ ಉಚಿತ ಖಾತೆಗಳ ಮೇಲೆ ಹೇರಿದ್ದ ಮಿತಿಯನ್ನು ವಜಾಗೊಳಿಸಲಾಯಿತು.[೧೧]

ಮೇ ೨೦೦೯ರಲ್ಲಿ, ವೈಟ್ ಹೌಸ್ ನ ಆಧಿಕೃತ ಛಾಯಾಗ್ರಾಹಕ ಪೀಟೆ ಸೌಝಾ ವೈಟ್ ಹೌಸ್ ನ ಛಾಯಾಚಿತ್ರಗಳನ್ನು ಬಿಡುಗಡೆಮಾಡುವ (ಪ್ರಕಾಶಿಸುವ) ಒಂದು ವಾಹಕವಾಗಿ (ಮಾಧ್ಯಮವಾಗಿ) ಬಳಸಲಾರಂಭಿಸಿದರು. ಮೊದಲಿಗೆ ಆ ಛಾಯಾಚಿತ್ರಗಳನ್ನು ಕ್ರಿಯೇಟಿವ್ ಕಾಮನ್ಸ್ ಅಟ್ರಿಬ್ಯೂಷನ್ ಪರವಾನಗಿಯೊಡನೆ ಇಲ್ಲಿವೆ ರವಾನಿಸಲಾಯಿತು ಹಾಗೂ ಇದನ್ನು ನೋಡಬಯದುವವರು ಮೂಲ ಛಾಯಾಗ್ರಹಾಕನಿಗೆ ಮನ್ನಣೆ (ವೀಕ್ಷಣಾದರ) ಸಲ್ಲಿಸುವುದು ಅಗತ್ಯವಾಗಿತ್ತು. ಫ್ಲಿಕರ್ ನಂತರ ಒಂದು ಹೊಸ ಪರವಾನಗಿಯನ್ನು ಸೃಷ್ಠಿಸಿ ಅವುಗಳನ್ನು "ಯುನೈಟೆಡ್ ಸ್ಟೇಟ್ಸ್ ಸರ್ಕಾರಿ ಕೆಲಸ"ವೆಂದು ಗುರುತಿಸಿತು, ಈ ವಿಧಕ್ಕೆ ಯಾವುದೇ ಕಾಪಿರೈಟ್ ನಿಯಂತ್ರಣಗಳು ಇರುವುದಿಲ್ಲ.[೧೨] ಈ ಛಾಯಾಚಿತ್ರಗಳನ್ನು ಈ ಹೇಳಿಕೆಯೊಂದಿಗೆ ಇಲ್ಲಿವೆ ರವಾನಿಸಲಾಗಿದೆ: ಈ ಅಧಿಕೃತ ವೈಟ್ ಹೌಸ್ ಛಾಯಾಚಿತ್ರವನ್ನು ವಾರ್ತಾ ಏಜೆನ್ಸಿಗಳು ಪ್ರಕಟಿಸುವುದಕ್ಕಾಗಿ ಮತ್ತು/ಅಥವಾ ಈ ಛಾಯಾಚಿತ್ರದಲ್ಲಿರುವವನ/ಳ/ರ ಖಾಸಗಿ ಉಪಯೋಗಕ್ಕಾಗಿ ಮುದ್ರಿಸಿಕೊಳ್ಳಲು ಮಾತ್ರ ಅನುಮತಿಸಲಾಗುತ್ತಿದೆ. ಈ ಛಾಯಾಚಿತ್ರವನ್ನು ಯಾವುದೇ ರೀತಿಯಲ್ಲಿ ಹಸ್ತಕೌಶಲದಿಂದ ಬದಲಾಯಿಸಬಾರದು ಅಥವಾ ತಿರುಚಬಾರದು, ಇದನ್ನು ವ್ಯವಹಾರಿಕ ಹಾಗೂ ರಾಜಕೀಯ ವಸ್ತುವಿಷಯಗಳಲ್ಲಿ ಬಳಸಬಾರದು; ರಾಷ್ಟ್ರಪತಿಗಳ, ಮೊದಲ ಕುಟುಂಬದ ಅಥವಾ ವೈಟ್ ಹೌಸ್ ನ ಒಪ್ಪಿಗೆಯನ್ನು ಅಥವಾ ದೃಢೀಕರಣವನ್ನು ಬೇಡುವಂತಹ/ಸೂಚಿಸುವಂತಹ ಜಾಹಿರಾತುಗಳು, ಈ-ಮೇಲ್ ಗಳು, ಉತ್ಪನ್ನಗಳು ಹಾಗೂ ಪ್ರಚಾರಗಳಿಗೆ ಇದನ್ನು ಬಳಸಬಾರದು."[೧೩]

ಕಾರ್ಪೋರೇಟ್ ಬದಲಾವಣೆಗಳು[ಬದಲಾಯಿಸಿ]

ಜೂನ್ ೨೦೦೮ರಲ್ಲಿ ಫ್ಲಿಕರ್ ನ ಸಹ-ಸಂಸ್ಥಾಪಕರಾದ ಸ್ಟುವರ್ಟ್ ಬಟರ್ಫೀಲ್ಡ್ ಈ ಸಂಸ್ಥೆಗೆ ರಾಜಿನಾಮೆ ನೀಡಿ ಜೂನ್ ೧೩, ೨೦೦೮ರಂದು ಈ ಸಂಸ್ಥೆಗೆ ರಾಜಿನಾಮೆ ನೀಡಿದ್ದ ಹಾಗೂ ತಾವೂ ಸಹ-ಸಂಸ್ಥಾಪಕರಾಗಿದ್ದ ಪತ್ನಿ ಕ್ಯಾಟೆರಿನಾ ಫೇಕ್ರನ್ನು ಜೊತೆಗೂಡಿದರು.[೧೪] ಬಟರ್ಫೀಲ್ಡ್ ಬ್ರ್ಯಾಡ್ ಗಾರ್ಲಿಂಗ್ ಹೌಸ್ ರಿಗೆ ಬರೆದ ಒಂದು ವಿನೋದಮಯ ರಾಜಿನಾಮೆ ಪತ್ರದಲ್ಲಿ ತಾವು ಹೊಸ ಯುಗದಲ್ಲಿನ ಹಳೆಯ ತಗಡಿನ ಮನುಷ್ಯ ಎಂದು ತಮ್ಮ ಮೇಲೆಯೇ ಲೇವಡಿ ಮಾಡಿಕೊಂಡಿದ್ದರು.[೧೫]

ಡಿಸೆಂಬರ್ ೧೧, ೨೦೦೮ರಂದು ದ ಗಾರ್ಡಿಯನ್ ಯಾಹೂ ತನ್ನ ಸಿಬ್ಬಂದಿವರ್ಗವನ್ನು ಕಡಿಮೆಗೊಳಿಸುವುದನ್ನು ಮುಂದುವರಿಸಿರುವುದರಿಂದ ಮೂರು ಜನ ಕೆಲಸಗಾರರನ್ನು ಕೆಲಸದಿಂದ ವಜಾ ಮಾಡಲಾಯಿತು ಎಂದು ವರದಿ ಮಾಡಿತು.[೧೬]

ಲಕ್ಷಣಗಳು[ಬದಲಾಯಿಸಿ]

ಖಾತೆಗಳು[ಬದಲಾಯಿಸಿ]

ಫ್ಲಿಕರ್ ಎರಡು ವಿಧವಾದ ಖಾತೆಗಳನ್ನು ಕೊಡಮಾಡುತ್ತದೆ: ಉಚಿತ ಮತ್ತು ಪ್ರೋ (ವೃತ್ತಿಪರ). ಉಚಿತ ಖಾತೆಯನ್ನು ಹೊಂದಿರುವವರು ತಿಂಗಳಿಗೆ ೧೦೦ MBಯವರೆಗೆ ಛಾಯಾಚಿತ್ರಗಳ ಸೇರ್ಪಡೆ ಹಾಗೂ ಮಾಹೆಯಾನ ಎರಡು ದೃಶ್ಯಾವಳಿಗಳ ಸೇರ್ಪಡೆ ಮಾಡಿಕೊಳ್ಳಬಹುದು. ಅಲ್ಲದೆ ಉಚಿತ ಬಳಕೆದಾರರೊಬ್ಬರದು ತಾಣದಲ್ಲಿ ೨೦೦ಕ್ಕೂ ಹೆಚ್ಚು ಛಾಯಾಚಿತ್ರಗಳಿದ್ದರೆ ಅವರು ಇತ್ತೀಚಿನ ೨೦೦ ಛಾಯಾಚಿತ್ರಗಳನ್ನು ಮಾತ್ರ ತಮ್ಮ ಫೋಟೋಸ್ಟ್ರೀಂನಲ್ಲಿ ನೋಡಬಹುದು. ಮುಂಚೆ ಸೇರ್ಪಡೆಯಾಗಿದ್ದ ಇತರ ಛಾಯಾಚಿತ್ರಗಳು ಈ ತಾಣದಲ್ಲಿಯೇ ಸಂಗ್ರಹವಾಗಿರುತ್ತವೆ ಹಾಗೂ ಈ ಛಾಯಾಚಿತ್ರಗಳಿಗೆ ಕೊಂಡಿಗಳು ಬ್ಲಾಗ್ ಪೋಸ್ಟ್ ಗಳಲ್ಲಿ ಕ್ರಿಯಾಶೀಲವಾಗಿರುತ್ತವೆ. ಉಚಿತ ಗ್ರಾಹಕರು ಸಹ ಗರಿಷ್ಠ ೧೦ ಛಾಯಾಚಿತ್ರ ಕೊಳಗಳನ್ನು ಸೇರಿಸಬಹುದು. ಯಾವುದೇ ಉಚಿತ ಖಾತೆಯು ಸತತವಾಗಿ ೯೦ ದಿನಗಳವರೆಗೆ ನಿಷ್ಕ್ರಿಯವಾಗಿದ್ದರೆ ಅದನ್ನು ರದ್ದುಗೊಳಿಸಲಾಗುತ್ತದೆ.[೧೭] ಉಚಿತ ಖಾತಿಯಲ್ಲಿ ಯಾರೂ (ಖಾತೆದಾರ ಸೇರಿದಂತೆ) ಮೂಲಕಡತವನ್ನು ತೆರೆಯುವಂತಿಲ್ಲ. ಆ ಖಾತಿಯನ್ನು ಪ್ರೋ ಖಾತೆಯ ಮಟ್ಟಕ್ಕೆ ಏರಿಸಲ್ಪಟ್ಟರೆ ಮೂಲಕಡತಗಳು ಇಳಿಸಲ್ಪಡಲು ದೊರೆಯುತ್ತವೆ.

ಪ್ರೋ ಖಾತೆದಾರರು ಅಮಿತ ಸಂಖ್ಯೆಯ ಛಾಯಾಚಿತ್ರಗಳನ್ನು ಹಾಗೂ ವಿಡಿಯೋ(ದೃಶ್ಯಾವಳಿ)ಗಳನ್ನು ಪ್ರತಿ ತಿಂಗಳು ಸೇರ್ಪಡೆ ಮಾಡಿಕೊಳ್ಳಬಹುದು ಮತ್ತು ಅನಿಯಮಿತ ಬ್ಯಾಂಡ್ ವಿಸ್ತಾರ ಮತ್ತು ಸಂಗ್ರಹಗಳನ್ನು ಸಹ ಹೊಂದಬಹುದು. ಛಾಯಾಚಿತ್ರಗಳನ್ನು ೬೦ ಗುಂಪು ಕೊಳಗಳಲ್ಲಿ ಶೇಖರಿಸಬಹುದು ಹಾಗೂ ಪ್ರೋ ಖಾತೆದಾರರು ಜಾಹಿರಾತುರಹಿತ ಬ್ರೌಸಿಂಗ್ ಮಾಡಬಹುದು ಹಾಗೂ ಖಾತೆಯ ಅಂಕಿಅಂಶಗಳನ್ನು ಪರಿಶೀಲಿಸಬಹುದು.

ಸಂಸ್ಥೆ[ಬದಲಾಯಿಸಿ]

ಚಿತ್ರ:Screenshot-HotTags-Flickr.png
ಫಲಿಕರ್ ಮೇಲಿನ ಛಾಯಾಚಿತ್ರಗಳಿಗೆ ಕೊಟ್ಟಿರುವ ತಲೆಬರಹಗಳ ಒಂದು ಸ್ಕ್ರೀನ್ ಶಾಟ್.

ಫ್ಲಿಕರ್ ಛಾಯಾಚಿತ್ರಗಳನ್ನು ಮಂಡಿಸುವವರು ಆ ಛಾಯಾಚಿತ್ರಗಳನ್ನು ಟ್ಯಾಗ್ ಗಳನ್ನು(ಒಂದು ವಿಧ ಮೆಟಾಡೇಟಾ)ಬಳಸಿ ಕ್ರಮಗೊಳಿಸಲು ಆದೇಶಿಸುತ್ತದೆ; ಹೀಗೆ ಮಾಡುವುದರಿಂದ ಹುಡುಕುವವರು ತಮಗೆ ಬೇಕಾದ ಛಾಯಾಚಿತ್ರಗಳನ್ನು ನಿರ್ದಿಷ್ಟವಾದ ವಿಷಯಗಳ ಆಧಾರದ ಮೇಲೆ, ಸ್ಥಳಗಳ ಹೆಸರುಗಳ ಆಧಾರದ ಮೇಲೆ ಮತ್ತು ವಸ್ತುಗಳ ಆಧಾರದ ಮೇಲೆ ಹುಡುಕಲು ಸುಲಭವಾಗುತ್ತದೆ. ಫ್ಲಿಕರ್ ಟ್ಯಾಗ್ ಕ್ಲೌಡ್ಗಳನ್ನು ಅಳವಡಿಸಿದ ಪ್ರಥಮ ಜಾಲತಾಣಗಳಲ್ಲಿ ಒಂದು; ಈ ಟ್ಯಾಗ್ ಕ್ಲೌಡ್ ಗಳು ಜನಪ್ರಿಯ ಸಂಕೇತಪದಗಳೊಡನೆ ಟ್ಯಾಗ್ ಆದಂತಹ ಛಾಯಾಚಿತ್ರಗಳನ್ನು ಹೊಂದಲು ಪ್ರವೇಶ ದೊರಕಿಸುತ್ತದೆ. ಫ್ಲಿಕರ್ ಟ್ಯಾಗ್ ಗಳನ್ನು ಬೆಂಬಲಿಸುವುದರಿಂದ ಅದನ್ನು ಫೋಲ್ಕ್ಸೋನಮಿಯನ್ನು ಪರಿಣಾಮಕಾರಿಯಾಗಿ ಬಳಸಿಕೊಂಡುದಕ್ಕೆ ಪ್ರಮುಖ ಉದಾಹರಣೆಯಾಗಿ ಬಿಂಬಿಸಲಾಯಿತು, ಆದರೆ ಥಾಮಸ್ ವ್ಯಾಂಡರ್ ವಾಲ್l ಫ್ಲಿಕರ್ ಶ್ರೇಷ್ಠ ಉದಾಹರಣೆಯಲ್ಲವೆಂದು ಸೂಚಿಸಿದರು.[೧೮]

ಫ್ಲಿಕರ್ ಬಳಕೆದಾರರು ತಮ್ಮ ಛಾಯಾಚಿತ್ರಗಳನ್ನು "ಸೆಟ್"ಗಳಾಗಿ ಅಥವಾ ಅದೇ ತಲೆಬರಹದಡಿಯಲ್ಲಿ ಛಾಯಾಚಿತ್ರಗಳ ಗುಂಪುಗಳಾಗಿ ಏರ್ಪಡಿಸಿಕೊಳ್ಳಲು ಅನುವು ಮಾಡಿಕೊಡುತ್ತದೆ. ಸೆಟ್ ಗಳನ್ನು ಸ್ಲೈಡ್ ಷೋಗಳಾಗಿ ಪ್ರದರ್ಶಿಸಬಹುದು ಮತ್ತು ಅವುಗಳನ್ನು ಜಾಲತಾಣಗಳಲ್ಲಿ ಹುದುಗಿಸಿ ಇತರರೊಂದಿಗೆ ಹಂಚಿಕೊಳ್ಳಬಹುದು. ಆದರೆ ಸೆಟ್ ಗಳು ರೂಢಿಯಲ್ಲಿರುವ ಫೋಲ್ಡರ್ ಆಧಾರಿತ ಕಡತಗಳ ಕ್ರಮಗೊಳಿಸುವಿಕೆಯ ವಿಧಾನಕ್ಕಿಂತಲೂ ಹೆಚ್ಚು ಸಲೀಸಾಗಿದೆ. ಏಕೆಂದರೆ ಈ ಕ್ರಮದಲ್ಲಿ ಒಂದು ಛಾಯಾಚಿತ್ರವು ಒಂದು ಸೆಟ್ ಗೆ ಅಥವಾ ಹಲವಾರು ಸೆಟ್ ಗಳಿಗೆ ಸೇರಬಹುದು ಅಥವಾ ಯಾವುದೇ ಸೆಟ್ ಗೆ ಸೇರದೆಯೂ ಇರಬಹುದು. ಫ್ಲಿಕರ್ ಸೆಟ್ ಗಳು ನಂತರ ಶಾರೀರಿಕ ಪ್ರಭುತ್ವದ ಬದಲಿಗೆ ಒಂದು ವಿಧವಾದ ನಿರ್ದಿಷ್ಟ ಮೆಟಾಡೇಟಾವನ್ನು ಪ್ರತಿನಿಧಿಸುತ್ತವೆ. ಸೆಟ್ ಗಳಲ್ಲಿ ಛಾಯಾಚಿತ್ರಗಳಿಗೆ ಜಿಯೋಟ್ಯಾಗಿಂಗ್ ಅನ್ನು ಅನ್ವಯಿಸಬಹುದು.[೧೯] ಜಿಯೋಟ್ಯಾಗಿಂಗ್ ಇರುವ ಯಾವುದೇ ಸೆಟ್ ಅನ್ನು ನಂತರ ಐಮ್ಯಾಪ್ ಫ್ಲಿಕರ್ ಬಳಸಿ ಒಂದು ನಕ್ಷೆಗೆ ಸಂಬಂಧಿತವಾಗಿಸಬಹುದು. ಹೀಗೆ ದೊರೆತ ನಕ್ಷೆಯನ್ನು ಜಾಲತಾಣಗಳಲ್ಲಿ ಹುದುಗಿಸಬಹುದು.[೨೦] ಸೆಟ್ ಗಳನ್ನು ಒಂದುಗೂಡಿಸಿ "ಕಲೆಕ್ಷನ್ ಗಳು"(ಸಂಗ್ರಹಗಳು) ಆಗಿಸಬಹುದು ಮತ್ತು ಹಲವಾರು ಸಂಗ್ರಹಗಳನ್ನು ಮತ್ತೆ ಒಂದಾಗಿಸಿ ಹೆಚ್ಚಿನ ಸ್ತರದ ಸಂಗ್ರಹವನ್ನಾಗಿಸಬಹುದು.

ಕಡೆಯದಾಗಿ, ಫ್ಲಿಕರ್ ತಾಣದಲ್ಲಿ ಬಳಕೆದಾರನು ಕೈಗೊಳ್ಳುವ ಸರಿಸುಮಾರು ಯಾವುದೇ ಕ್ರಮವಿಧಿಗಳನ್ನು ನಡೆಸಿಕೊಡುವಂತಹ ಅನ್ವಯಿಕಗಳನ್ನು ಯೋಜನಾಕಾರರು ಸೃಷ್ಟಿಸಲು ಸಾಧ್ಯವಾಗುವಂತಹ ಸಮಗ್ರ ತಾಣ-ಪೂರೈಕೆ ಎಪಿಐ ಅನ್ನು ಫ್ಲಿಕರ್ ಕೊಡಮಾಡುತ್ತದೆ.[೨೧] ಈ ಫ್ಲಿಕರ್ API ಬಳಸಲು ಗ್ರಾಹಕರಿಗೆ ತಮ್ಮ ಫ್ಲಿಕರ್ NSIDಗಳ ಪರಿಚಯವಿರಬೇಕು. ಇದರಲ್ಲಿ ಬಳಕೆದಾರರಿಗೆ ಸಹಾಯಕವಾಗುವಂತಹ ಹಲವಾರು ತಾಣಗಳನ್ನು ಅಭಿವೃದ್ಧಿಗೊಳಿಸಲಾಗಿದ್ದು, ಅದರಲ್ಲಿ idGettr[೨೨] ಮತ್ತು ವಾಟ್ ಈಸ್ ಮೈ ಫ್ಲಿಕರ್ ಐಡಿ ಗಳೂ ಸೇರಿವೆ.[೨೩]

ಆರ್ಗನೈಝ್ರ್[ಬದಲಾಯಿಸಿ]

ಆರ್ಗನೈಝ್ರ್ ಫ್ಲಿಕರ್ ಇಂಟರ್ಫೇಸ್ ಮೂಲಕ ಪ್ರವೇಶಿಸಬಹುದಾದ ಫ್ಲಿಕರ್ ಖಾತೆಯೊಳಗೆ ಛಾಯಾಚಿತ್ರಗಳನ್ನು ಕ್ರಮಬದ್ಧವಾಗಿ ಇರಿಸಲು ಇರುವಂತಹ ಒಂದು ಜಾಲ ಅನ್ವಯಿಕ ಇದು ಗ್ರಾಹಕರು ತಮ್ಮ ಟ್ಯಾಗ್ ಗಳನ್ನು, ವಿವರಣೆಗಳನ್ನು, ಮತ್ತು ಸೆಟ್ ಗುಂಪುಗಳನ್ನು ಬದಲಾವಣೆಗೊಳಿಸಲು ಅನುವು ಮಾಡಿಕೊಡುತ್ತದೆ ಮತ್ತು ಛಾಯಾಚಿತ್ರಗಳನ್ನು ವಿಶ್ವ ಭೂಪಟದಲ್ಲಿ ಇರಿಸಲು ಸಹಾಯಕವಾಗಿದೆ (ಈ ಸೌಲಭ್ಯವನ್ನು ಯಾಹೂ! ಮ್ಯಾಪ್ಸ್ ನೊಡಗೂಡಿ ನೀಡಲಾಗಿದೆ). ಡೆಸ್ಕ್ ಟಾಪ್-ಆಧಾರಿತ-ಫೋಟೋ-ಮ್ಯಾನೇಜ್ಮೆಂಟ್ ಅನ್ವಯಿಕಗಳಾದ ಗೂಗಲ್ ನ ಪಿಕಾಸಾ ಮತ್ತು ಎಫ್-ಸ್ಪಾಟ್ ಗಳ ಅಂದ, ಭಾವ ಮತ್ತು ತ್ವರಿತ ಕಾರ್ಯವೈಖರಿಗಳನ್ನು ಮೀರಿಸುವ ಸಲುವಾಗಿ ಅಜಾಕ್ಸ್ ಅನ್ನು ಬಳಸುತ್ತದೆ. ಬಳಕೆದಾರರು ಏಕಕಾಲದಲ್ಲಿ ಹಲವಾರು ಛಾಯಾಚಿತ್ರಗಳನ್ನು ಆರಿಸಿ ಬದಲಾವಣೆಗಳನ್ನು ಅನ್ವಯಿಸಬಹುದು; ಆದ್ದರಿಂದ ಬ್ಯಾಚ್ ಎಡಿಟಿಂಗ್(ಗುಂಪಾಗಿ ಸರಿಗೊಳಿಸುವಿಕೆ) ಮಾಡಲು ಇದು ಪ್ಲಿಕರ್ ಇಂಟರ್ಫೇಸ್ ಗಿಂತಲೂ ಉತ್ತಮವಾದ ಸಲಕರಣೆ.

ಪಿಕ್ನಿಕ್[ಬದಲಾಯಿಸಿ]

ಫ್ಲಿಕರ್ ಪಿಕ್ ನಿಕ್ ನ ಆನ್-ಲೈನ್ ಛಾಯಾಚಿತ್ರ-ಸಂಪಾದನ ಅನ್ವಯಿಕದೊಡನೆ ಪಾಲುದಾರಿಕೆಯನ್ನು ಹೊಂದಿದ್ದು ಫ್ಲಿಕರ್ ನಲ್ಲಿ ಅನೈಚ್ಛಿಕ ಫೋಟೋ ಎಡಿಟರ್ ಆಗಿ ನಿರ್ಮಿಸಿರುವ ತಗ್ಗಿದ-ಲಕ್ಷಣಗಳುಳ್ಳ ಪಿಕ್ನಿಕ್ ನ ಆವೃತ್ತಿಯಿದೆ.

ಪ್ರವೇಶ ನಿಯಂತ್ರಣ[ಬದಲಾಯಿಸಿ]

ಫ್ಲಿಕರ್ ನಲ್ಲಿ ಖಾಸಗಿ ಮತ್ತು ಸಾರ್ವಜನಿಕ ಛಾಯಾಚಿತ್ರಗಳೆರಡನ್ನೂ ಶೇಖರಗೊಳಿಸುವ ಅನುಕೂಲಗಳಿವೆ. ಛಾಯಾಚಿತ್ರವೊಂದನ್ನು ಸೇರ್ಪಡೆಗೊಳಿಸುತ್ತಿರುವ ಬಳಕೆದಾರನೇ ಗೋಪ್ಯತೆಯ ನಿಯಂತ್ರಣಗಳನ್ನು ವಿಧಿಸಬಹುದಾಗಿದ್ದು, ಯಾರು ಈ ಛಾಯಾಚಿತ್ರಗಳನ್ನು ನೋಡಬಹುದೆಂದು ನಿರ್ಧರಿಸಿ ನಿಯಂತ್ರಣಗೊಳಿಸಬಹುದಾಗಿದೆ. ಛಾಯಾಚಿತ್ರವನ್ನು ಸಾರ್ವಜನಿಕ ಅಥವಾ ಖಾಸಗಿ ಎಂದು ಸೂಚಿಸಬಹುದು. ಖಾಸಗಿ ಚಿತ್ರಗಳು ಸೇರ್ಪಡೆಗೊಳಿಸಿಕೊಳ್ಳುವವರಿಗೆ ಅಯೋಜಿತವಾಗಿ ಮಾತ್ರ ಗೋಚರಿಸುತ್ತವೆ, ಆದರೆ ಅದನ್ನು ಸ್ನೇಹಿತರು ಮತ್ತು/ಅಥವಾ ಕುಟುಂಬದವರು ನೋಡಬಹುದು ಎಂದು ಗುರುತುಹಾಕಬಹುದು. ಗೋಪ್ಯತೆಯ ಏರ್ಪಾಡುಗಳನ್ನು ಸಹ ಬಳಕೆದಾರನ ಚಿತ್ರಹೊಳೆ(ಫೋಟೋಸ್ಟ್ರೀಂ)ಯಿಂದ ಛಾಯಾಚಿತ್ರಗಳನ್ನು "ಗುಂಪು ಕೊಳ"ಕ್ಕೆ ಸೀರಿಸುವುದರ ಮೂಲಕ ನಿರ್ಧರಿಸಬಹುದು. ಒಂದು ಇಡೀ ತಂಡವೇ ಖಾಸಗಿ (ಪ್ರತ್ಯೇಕ)ಯಾದರೆ ಆ ಗುಂಪಿನ ಎಲ್ಲಾ ಸದಸ್ಯರೂ ಛಾಯಾಚಿತ್ರವನ್ನು ನೋಡಬಹುದು. ಗುಂಪು ಸಾರ್ವಜನಿಕವಾದರೆ ಚಿತ್ರಗಳೂ ಸಾರ್ವಜನಿಕವಾಗಿ ಲಭ್ಯವಾಗುತ್ತವೆ. ಲೈವ್ ಜರ್ನಲ್ ನ ರೀರಿಯಲ್ಲಿಯೇ ಫ್ಲಿಕರ್ ಸಹ ಒಂದು "ಸಂಪರ್ಕ ಪಟ್ಟಿ" ನೀಡುತ್ತದೆ; ತನ್ಮೂಲಕ ಒಂದು ನಿರ್ದಿಷ್ಟ ಬಳಕೆದಾರರ ಗುಂಪು ಮಾತ್ರ ಇದನ್ನು ನೋಸುವಂತಾಗಿಸುವ ನಿಯಂತ್ರಣವನ್ನು ಸಾಧಿಸಬಹುದಾಗಿದೆ.

ನವೆಂಬರ್ 2006ರಲ್ಲಿ ಫ್ಲಿಕರ್ ಒಂದು "ಅತಿಥಿ ರಹದಾರಿ" ವ್ಯವಸ್ಥೆಯನ್ನು ಸೃಷ್ಟಿಸಿ ಖಾಸಗಿ ಚಿತ್ರಗಳು ಫ್ಲಿಕರೇತರ ಸದಸ್ಯರೂ ನೋಡುವುದಕ್ಕಾಗಿ ಹಂಚಿಕೊಳ್ಳಲು ಅನುವು ಮಾಡಿಕೊಟ್ಟಿತು. ಉದಾಹರಣೆಗೆ, ವ್ಯಕ್ತಿಯೊಬ್ಬನು ತನ್ನ ತಂದೆತಾಯಿಗಳಿಗೆ ಈ ರಹದಾರಿ(ಪಾಸ್)ಯನ್ನು ಈ-ಮೇಲ್ ಮೂಲಕ ಕಳುಹಿಸಿದಾಗ, ಅವರು ಫ್ಲಿಕರ್ ಖಾತೆದಾರರಾಗಿರದಿದ್ದರೂ, ಸಾರ್ವಜನಿಕರ ವೀಕ್ಷಣೆಗೆ ದೊರಕಂದಂತೆ ನಿಯಂತ್ರಿಸಿರುವ ಈ ಖಾಸಗಿ ಚಿತ್ರಗಳನ್ನು, ಅವರು ನೋಡಲು ಅನುಕೂಲವಾಗುತ್ತದೆ. ಈ ಏರ್ಪಾಡು ಸೆಟ್ ಗಳನ್ನು ಹಂಚಿಕೊಳ್ಳಲು ಅವಕಾಶ ನೀಡುತ್ತದೆ ಅಥವಾ ಒಂದು ನಿರ್ದಿಷ್ಟ ವರ್ಗಕ್ಕೆ (ಸ್ನೇಹಿತರು ಅಥವಾ ಕುಟುಂಬ) ಸೇರಿದ ಎಲ್ಲರೂ ಚಿತ್ರಗಳನ್ನು ಹಂಚಿಕೊಳ್ಳಲು ಸಹಾಯಕವಾಗುತ್ತದೆ.

ಹಲವಾರು ಸದಸ್ಯರು ತಮ್ಮ ಚಿತ್ರಗಳನ್ನು ಯಾರು ಬೇಕಾದರೂ ನೋಡಲು ಸಮ್ಮತಿಸುತ್ತಾರೆ, ಹೀಗಾಗಿ ಒಂದು ಬೃಹತ್ ಹೊಂದಾಣಿಕೆಯುಳಳ ವರ್ಗೀಕರಣಗೊಂಡ ಚಿತ್ರಗಳ ದತ್ತಸಂಚಯವು ರಚಿತವಾಗುತ್ತದೆ. . ಅಯೋಜಿತವಾಗಿಯೇ, ತಮಗೆ ನೋಡಲು ದೊರಕಿದ ಯಾವುದೇ ಚಿತ್ರದ ಬಗ್ಗೆ ಇತರ ಸದಸ್ಯರು ತಮ್ಮ ಹೇಳಿಕೆಗಳನ್ನು ನೀಡಬಹುದು, ಹಾಗೂ ಹಲವಾರು ಬಾರಿ ಆ ಚಿತ್ರಕ್ಕೆ ಸಂಬಂಧಿತವಾದ ಟ್ಯಾಗ್ ಗಳ ಪಟ್ಟಿಗೆ ಸೇರಿಸಬಹುದು.

ಪರಸ್ಪರ ಚರ್ಚೆ ಮತ್ತು ಹೊಂದಾಣಿಕೆ[ಬದಲಾಯಿಸಿ]

ಫ್ಲಿಕರ್ ನ ಕಾರ್ಯಗಳು RSS ಮತ್ತು ಆಟಂ ಸೇರಿಸುವಿಕೆಗಳನ್ನು ಒಳಗೊಂಡಿದೆ ಮತ್ತು ಸ್ವತಂತ್ರ ಯೋಜಕಗಳು ಅವುಗಳ ಸೇವೆಗಳನ್ನು ವಿಸ್ತರಿಸಿಕೊಳ್ಳಲಾಗುವಂತಹ APIಯೂ ಸೇರಿದೆ. ಇದರಲ್ಲಿ ಸಾಕಷ್ಟು ಸಮಖ್ಯೆಯ ಮೂರನೆಯ-ವ್ಯಕ್ತಿಯ ಗ್ರೀಸ್ ಮಂಕಿ ಬರಹಗಳಿದ್ದು, ಇವು ಫ್ಲಿಕರ್ ಸೈಟ್ ಗಳ ಕಾರ್ಯಕ್ಷಮತೆಯನ್ನು ಹೆಚ್ಚಿಸಿ ವಿಸ್ತರಿಸುತ್ತವೆ. 2006ರಲ್ಲಿ, ಫ್ಲಿಕರ್ ಗ್ರೀಸ್ ಮಂಕಿ-ವರ್ಧಿತ ತಾಣಗಳಲ್ಲಿ ಎರಡನೆಯ ಸ್ಥಾನವನ್ನು ಪಡೆದಿತ್ತು.[೨೪]

ಈ ತಾಣದ ಮೂಲ ಕಾರ್ಯಕ್ಷಮತೆಯು ಉತ್ತಮವಾದ HTML ಮತ್ತು HTTP ಲಕ್ಷಣಗಳನ್ನು ಅವಲಂಬಿಸಿದೆ, ಇವುಗಳ ಮೂಲಕ ವೇದಿಕೆಗಳು ಮತ್ತು ವೀಕ್ಷಕಗಳು ಹೆಚ್ಚಿನ ಹೊಂದಾಣಿಕೆ ಹೊಂದಲು ಅನುಕೂಲವಾಗುತ್ತದೆ. ಆರ್ಗನೈಝ್ರ್ ಬಹುತೇಕ ಆಧುನಿಕ ವೀಕ್ಷಕಗಳಿಗೆ ಹೊಂದಿಕೆಯಾಗುವಂತಹ ಅಜಾಕ್ಸ್ ಅನ್ನು ಬಳಸುತ್ತದೆ, ಮತ್ತು ಫ್ಲಿಕರ್ ನ ಇತರ ಪಠ್ಯ-ಸಂಪಾದಕ ಮತ್ತು ಟ್ಯಾಗಿಂಗ್ ಇಂಟ್ರಫೇಸ್ ಗಳೂ ಸಹ ಸಾಮಾನ್ಯವಾಗಿ ಅಜಾಕ್ಸ್ ಕಾರ್ಯಕ್ಷಮತೆಯನ್ನು ಹೊಂದಿರುತ್ತವೆ.

ಚಿತ್ರಗಳನ್ನು ಬಳಕೆದಾರರ ಚಿತ್ರಕೊಳಕ್ಕೆ ಏ-ಮೇಲ್ ಮೂಲಕ ರವಾನಿಸಬಹುದು; ಈ-ಮೇಲ್ ಸಾಮರ್ಥ್ಯವಿರುವ ಅನ್ವಯಿಕಗಳು ಮತ್ತು ಹಲವಾರು ಕ್ಯಾಮರಾಫೋನ್ ಗಳು ಇವುಗಳನ್ನು ನೇರವಾಗಿ ಸೇರ್ಪಡೆಗೊಳಿಸಿಕೊಳ್ಳಬಹುದು.

ಫ್ಲಿಕರ್ ಅನ್ನು ತಮ್ಮ ಪ್ರಥಮ ಚಿತ್ರ ಸಂಗ್ರಹ ತಾಣವಾಗಿ ಹೆಚ್ಚು ಹೆಚ್ಚು ಜಾಲ ಬಳಕೆದಾರರು ಬಳಸತೊಡಗಿದ್ದಾರೆ, ವಿಶೇಷತಃ ಬ್ಲಾಗಿಂಗ್ ಪಂಗಡದ ಸದಸ್ಯರು. ಅಲ್ಲದೆ ಇದು ಮ್ಯಾಕಿಂಟಾಷ್ ಮತ್ತು ಲೈನಕ್ಸ್ ಬಳಕೆದಾರರಲ್ಲೂ ಜನಪ್ರಿಯವಾಗಿದೆ; ವಿಂಡೋಸ್ ಮತ್ತು ಇಂಟರ್ನೆಟ್ ಎಕ್ಸ್ ಪ್ಲೋರರ್ ಬೇಡುವ ಫೋಟೋ-ಷೇರಿಂಗ್ ಸೈಟ್ ಗಳು (ಚಿತ್ರ-ಹಂಚಿಕೊಳ್ಳುವ ಜಾಲತಾಣಗಳು) ಇವರಿಗೆ ಪ್ರವೇಶಾವಕಾಸ ನೀಡುವುದಿಲ್ಲ.

ಫ್ಲಿಕರ್ ಮೂರು ಮಿಲಿಯನ್ ಗೂ ಹೆಚ್ಚು ಜಿಯೋಟ್ಯಾಗ್ಡ್ ಚಿತ್ರಗಳಿಗೆ ಜಿಯೋ ಮೈಕ್ರೋಫಾರ್ಮ್ಯಾಟ್ ಅನ್ನು ತನ್ನ ಪುಟಗಳಲ್ಲಿ ಉಪಯೋಗಿಸುತ್ತದೆ.[೨೫]

Flickr Uploadr
ಅಭಿವೃದ್ಧಿಪಡಿಸಿದವರುYahoo Inc.
Stable release
೩.೨.೧ / June ೧೧, ೨೦೦೯
ಕಾರ್ಯಾಚರಣಾ ವ್ಯವಸ್ಥೆMac OS X, Windows Vista and XP
ಪರವಾನಗಿGPL
ಅಧೀಕೃತ ಜಾಲತಾಣhttp://www.flickr.com/tools/

ಫ್ಲಿಕರ್ ಮೂರನೆಯ ಕಂಪನಿಗಳ ಸಮಭಾಗಿತ್ವದಲ್ಲಿ ವಿಧವಿಧವಾದ ವಸ್ತು, ವಿಷಯಗಳನ್ನು ಮುದ್ರಿಸಲು ತೊಡಗಿದ್ದು ಬ್ಯುಸಿನೆಸ್ ಕಾರ್ಡ್ ಗಳು, ಫೋಟೋ ಬುಕ್ ಗಳು, ಪುಸ್ತಕಗಳು, ವ್ಯಕ್ತಿಗತ ಕ್ರೆಡಿಟ್ ಕಾರ್ಡ್ ಗಳು, ಹಾಗೂ ಬೃಹತ್ ಅಳತೆಯ ಮುದ್ರಣಗಳನ್ನು ಮೂ, ಬ್ಲರ್ಬ್, ಟೈನಿ ಪ್ರಿಂಟ್ಸ್, ಕ್ಯಾಪಿಟಲ್ ಒನ್, ಇಮೇಜ್ ಕೈಂಡ್, ಮತ್ತು ಊಪ್ ಗಳಂತಹ ಕಂಪನಿಗಳ ಜೊತೆ ಸೇರಿ ಮುದ್ರಿಸಿಕೊಡುತ್ತದೆ. ಅಲ್ಲದೆ, ಗೆಟ್ಟಿ ಇಮೇಜಸ್ ನೊಡಗೂಡಿ ಕೆಲವು ಬಳಕೆದಾರರ ಚಿತ್ರಗಳನ್ನು ಮಾರುವುದಕ್ಕೂ ಪಾಲುದಾರಿಕೆಯನ್ನು ಸಹ ಫ್ಲಿಕರ್ ಹೊಂದಿದೆ.[೨೬]

ವಿಂಡೋಸ್ ಲೈವ್ ಫೋಟೋ ಗ್ಯಾಲರಿ, ಆಪಲ್ ನವರ ಐ ಫೋಟೋ (ಆವೃತ್ತಿ ೮) ಮತ್ತು ಆಪಲ್ ನವರ ಅಪರ್ಚರ್ (ಆವೃತ್ತಿ ೩.೦)ಯ ಬಳಕೆದಾರರು ತಮ್ಮ ಚಿತ್ರಗಳನ್ನು ನೇರವಾಗಿ ಫ್ಲಿಕರ್ ಗೆ ಸೇರ್ಪಡೆ ಮಾಡಲು ಅನುಕೂಲವಿದೆ.

ಮ್ಯಾಕ್ OS Xಮತ್ತು ವಿಂಡೋಸ್ ಗೆ ಫ್ಲಿಕರ್ ಡೆಸ್ಕ್ ಟಾಪ್ ಕ್ಲಯೆಂಟ್ ಗಳನ್ನು ಒದಗಿಸುವುದರಿಂದ ಬಳಕೆದಾರರರು ಜಾಲ ಇಂಟರ್ಫೇಸ್ ಇಲ್ಲದೆಯೇ ಚಿತ್ರಗಳನ್ನು ಸೇರ್ಪಡೆ ಮಾಡಿಕೊಳ್ಳಲು ಅನುಕೂಲವಾಗುತ್ತದೆ. ಅಪ್ಲೋಡ್ರ್ ಸೆಳೆ-ಮತ್ತು-ಹಾಕು ವರ್ಗದ ರೀತ್ಯಾ ಚಿತ್ರಗಳ ಸೇರ್ಪಡೆಗೆ ಅನುವು ಮಾಡಿಕೊಡುತ್ತದೆ, ಪ್ರತಿಯೊಂದಕ್ಕೂವರ್ಗಕ್ಕೂ ಟ್ಯಾಗ್ ಗಳನ್ನು ಮತ್ತು ವಿವರಣೆಗಳನ್ನು ಹೊಂದಿಸುವುದು ಮತ್ತು ಗೋಪ್ಯತೆಯ ಏರ್ಪಾಡುಗಳನ್ನು ಹೊಂದಿಸುವುದು ಸಹ ಇದರ ಸುಪರ್ದಿನಲ್ಲಿದೆ.

ಶೋಧನೆ[ಬದಲಾಯಿಸಿ]

ಮಾರ್ಚ್ ೨೦೦೭ರಲ್ಲಿ ಫ್ಲಿಕರ್ ವಿಷಯಗಳ ಶೋಧನಾ ನಿಯಂತ್ರಕಗಳನ್ನು ಜೋಡಣೆಗೊಳಿಸಿತು; ಇದರಿಂದ ಸದಸ್ಯರು ತಾವು ಸಾಮಾನ್ಯವಾಗಿ ಯಾವ ರೀತಿಯ ಚಿತ್ರಗಳನ್ನು ಸೇರ್ಪಡೆಗೊಳಿಸುವರು (ಚಿತ್ರ,ಕಲೆ/ಚಿತ್ರೋದಾಹರಣೆ ಅಥವಾ ಸ್ಕ್ರೀನ್ ಶಾಟ್) ಮತ್ತು ಈ ಚಿತ್ರಗಳು ಎಷ್ಟು "ಸುರಕ್ಷಿತ" (ಎಂದರೆ ಇತರರಿಗೆ ಮುಜುಗರ ಉಂಟುಮಾಡದಿರುವಂತಹುದು)ಎಂಬುದನ್ನು ಸೂಚಿಸಬಹುದಲ್ಲದೆ ವೈಯಕ್ತಿಕವಾಗಿ ತಮಗೆ ಬೇಕಾದಂತಹ ನಿರ್ದಿಷ್ಟ ಚಿತ್ರಗಳ ಬಗ್ಗೆಯೂ ಸ್ಪಷ್ಟ ಮಾಹಿತಿ ನೀಡಬಹುದು.[೨೭] ಅಲ್ಲದೆ, ತಮಗೆ ಬೇಕಾದ ಚಿತ್ರಗಳನ್ನು ಹುಡುಕುವಾಗಳು ಬಳಕೆದಾರರು ಇಂತಹ ಸ್ಪಷ್ಟ ಸೂಚನೆಗಳನ್ನು ನೀಡಬಹುದು. ಕೆಲವು ವಿಧದ ಬಳಕೆದಾರರಿಗೆ ಕೆಲವು ಹುಡುಕುವಿಕಗಳ ಬಗ್ಗೆ ನಿರ್ಬಂಧಗಳಿವೆ: ಸದಸ್ಯೇತರರು ಯಾವಾಗಲೂ ಸೇಫ್ ಸರ್ಚ್ ಅನ್ನೇ ಬಳಸಬೇಕು; ಹೀಗೆ ಮಾಡಿದಾಗ ಮುಜುಗರಗೊಳಿಸುವ ಸಾಧ್ಯತೆಯಿರುವ ಚಿತ್ರಗಳು ವ್ಯಾಪ್ತಿಯಲ್ಲಿರುವುದಿಲ್ಲ, ಯಾವ ಸದಸ್ಯರ ಯಾಹೂ! ಖಾತೆಯು ಆ ಸದಸ್ಯರು ಅಪ್ರಾಪ್ತವಯಸ್ಕರು ಎಂದು ಸೂಚಿಸುತ್ತದೆಯೋ ಅವರು ಸೇಫ್ ಸರ್ಚ್ ಅಥವಾ ಮಧ್ಯಮ ಸೇಫ್ ಸರ್ಚ್ ಬಳಸಬಹುದು, ಆದರೆ ಸೇಫ್ ಸರ್ಚ್ ಅನ್ನು ಸಂಪೂರ್ಣವಾಗಿ ಇಲ್ಲವಾಗಿಸಲಾಗುವುದಿಲ್ಲ.

ಫ್ಲಿಕರ್ ನಂತರದ ದಿನಗಳಲ್ಲಿ ಈ ಏರ್ಪಾಡುಗಳನ್ನು ಬಳಸಿ ಪ್ರವೇಶದ ಮಟ್ಟವನ್ನು "ಸುರಕ್ಷಿತವಲ್ಲ"ದ ವಿಷಯಗಳು ಎಂದು ಇಡೀ ದೇಶಗಳಿಗೇ ಅನ್ವಯಿಸಿಬಿಟ್ಟಿದ್ದು ಅಂತಹ ದೇಶಗಳ ಪೈಕಿ ದಕ್ಷಿಣ ಕೊರಿಯಾ, ಹಾಂಗ್ ಕಾಂಗ್ ಮತ್ತು ಜರ್ಮನಿಗಳೂ ಸೇರಿವೆ. ೨೦೦೭ರ ಬೇಸಿಗೆಯಲ್ಲಿ ಜರ್ಮನಿಯ ಬಳಕೆದಾರರು ಅಪ್ರಾಪ್ತವಯಸ್ಕ ಎಂಬ ಸೂಚನೆಯಡಿಯಲ್ಲಿ ಬಳಕೆಯ ಹಕ್ಕನ್ನು ನೀಡಿದುದಕ್ಕಾಗಿ ಒಂದು ವಿಧವಾಗಿ "ದಂಗೆ"ಯೆದ್ದರು.[೨೮] ಕೆಳಗೆ ನೀಡಿರುವ ದೋಷವಿಮರ್ಶನಾಧಿಕಾರ ನೋಡಿ.

ಪರವಾನಗಿ ಪಡೆಯುವಿಕೆ[ಬದಲಾಯಿಸಿ]

ಫ್ಲಿಕರ್ ನಲ್ಲಿ ಕ್ರಿಯೇಟಿವ್ ಕಾಮನ್ಸ್ ಪರವಾನಗಿ ಬಳಸುವವರ ಸವಿವರ ಛಾಯಾಚಿತ್ರಣ

ಫ್ಲಿಕರ್ ತನ್ನ ಬಳಕೆದಾರರು ತಮ್ಮ ಚಿತ್ರಗಳನ್ನು ಕೆಲವು ಸಾಮ್ಯಾನ್ಯ ಬಳಕೆಯ ಪರವಾನಗಿಗಳ ಪರಿಧಿಯಲ್ಲಿ ಬಿಡುಗಡೆ ಮಾಡಲು ಅಥವಾ ಆ ಚಿತ್ರಗಳಿಗೆ "ಎಲ್ಲಾ ಹಕ್ಕುಗಳನ್ನು ಕಾದಿರಿಸಲಾಗಿದೆ" ಎಂಬ ಪಟ್ಟಿಯನ್ನು ಸೂಚಿಸಲು ಅವಕಾಶ ನೀಡುತ್ತದೆ. ಪರವಾನಗಿ ನೀಡುವ ಆಯ್ಕೆಗಳು ಪ್ರಮುಖವಾಗಿ ಕ್ರಿಯೇಟಿವ್ ಕಾಮನ್ಸ್ ೨.೦ ಆರೋಪಣ-ಆಧಾರಿತ ಮತ್ತು ಅಪ್ರಾಪ್ತಯುಸ್ಕ ವಿಷಯ-ನಿಯಂತ್ರಣ ಪರವಾನಗಿಗಳನ್ನು ಹೊಂದಿರುತ್ತದೆ - ಕಾನೂನಿನ ಪರಿಧಿ ಮತ್ತು ಆವೃತ್ತಿ-ನಿರ್ಧರಿತ ಪರವಾನಗಿಗಳನ್ನು ಆಯ್ಕೆ ಮಾಡಲು ಆಗದಿದ್ದಾಗ್ಯೂ. "ಟ್ಯಾಗ್ ಗಳ" ಜೊತೆಯ ಹಾಗೆಯೇ, ಈ ತಾಣವೂ ಸಹ ಒಂದು ನಿರ್ದಿಷ್ಟ ಪರವಾನಗಿಯಡಿಯಲ್ಲಿನ ಚಿತ್ರಗಳನ್ನು ಮಾತ್ರ ಸುಲಭವಾಗಿ ಹುಡುಕಲು ಅನುಮತಿಸುತ್ತದೆ.[೨೯]

ನಕ್ಷೆಯ ಮೂಲಗಳು[ಬದಲಾಯಿಸಿ]

ವಾಣಿಜ್ಯಪರ ನಕ್ಷೆರಚನಾ ಮಾಹಿತಿಯನ್ನು ಬಳಸುವುದರ ಜೊತೆಗೆ ಫ್ಲಿಕರ್ ಈಗ ಓಪನ್ ಸ್ಟ್ರೀಟ್ ಮ್ಯಾಪಿಂಗ್ನಕ್ಷೆರಚನಾ ವಿಧಿಯನ್ನು ವಿವಿಧ ನಗರಗಳಿಗೆ ಬಳಸಿದೆ; ೨೦೦೮ರ ಒಲಿಂಪಿಕ್ ಕ್ರೀಡೆಗಳಿಗೆ ತಯಾರಿಯಾಗುವ ಸಮಯದಲ್ಲಿ ಬೀಜಿಂಗ್ ನಲ್ಲಿ ಈ ವಿಧದ ನಕ್ಷೆರಚನೆಯು ಪ್ರಾರಂಭವಾಯಿತು. As of ಅಕ್ಟೋಬರ್ 2008, ಇದನ್ನು ಬಾಗ್ದಾದ್, ಬೀಜಿಂಗ್, ಕಾಬೂಲ್, ಸಿಡ್ನಿ ಮತ್ತು ಟೋಕ್ಯೋಗಳಲ್ಲೂ ಬಳಸಲಾಗಿದೆ.[೩೦][೩೧][೩೨] ಓಪನ್ ಸ್ಟ್ರೀಟ್ ಮ್ಯಾಪ್ ಮಾಹಿತಿಯನ್ನು ಸ್ವಯಂಸೇವಕರು ಸಂಗ್ರಹಿಸುತ್ತಾರೆ ಹಾಗೂ ಇದು ಒಂದು ಕ್ರಿಯೇಟಿವ್ ಕಾಮನ್ಸ್ CC-BY-SA ೨.೦ ಪರವಾನಗಿಯ ಮೂಲಕ ವೀಕ್ಷಿಸಬಹುದಾಗಿದೆ..

ಅನುಷ್ಠಾನ[ಬದಲಾಯಿಸಿ]

ಕಂಪನಿಯ ಹೇಳಿಕೆಯ ಪ್ರಕಾರ,as of ಆಗಸ್ಟ್ 2009 ಫ್ಲಿಕರ್ ಅನ್ನು ೧೨೪ ಪೂರೈಕೆಗಣಕಗಳ ಮೂಲಕ ೬೨ ದತ್ತಸಂಚಯಗಳಲ್ಲಿ ಸ್ಥಾಪಿಸಲಾಗಿದ್ದು ಸುಮಾರು ೮೦೦,೦೦೦ ಬಳಕೆದಾರರ ಖಾತೆಗಳು ಪ್ರತಿ ಜೋಡಿ ಸರ್ವರ್ ಗೆ ತಳಕುಹಾಕಿಕೊಂಡಿದ್ದಾರೆ.[೩೩] ಹೈಸ್ಕೇಲೆಬಿಲಿಟಿ.ಕಾಮ್ ಒಟ್ಟುಗೂಡಿಸಿದ ಮಾಹಿತಿಗಳ ಆಧಾರದ ಮೇಲೆ as of ನವೆಂಬರ್ 2007 (೨}ಲೈನಕ್ಸ್-ಆಧಾರದ (ರೆಡ್ ಹ್ಯಾಟ್ ಮೇಲೆ, ಅಪಾಚೆ, PHP (PEAR ಮತ್ತು ಸ್ಮಾರ್ಟಿಗಳನ್ನೊಳಗೊಂಡು), ಷಾರ್ಡ್ಸ್, ಮೆಮ್ಕಾಷೆಡ್, ಸ್ಕ್ವಿಡ್, ಪೆರ್ಲ್, ಇಮೇಜ್ ಮ್ಯಾಜಿಕ್, ಮತ್ತು ಜಾವಾ ತಂತ್ರಾಂಶ ನೆಲೆಗಟ್ಟನ್ನು ಒಳಗೊಂಡ ಪೂರೈಕೆಗಣಕಗಳಲ್ಲಿ MySQL ದತ್ತಸಂಚಯಗಳು ಸ್ಥಾಪಿತವಾಗುತ್ತವೆ; ವ್ಯವಸ್ಥೆಯ ಆಡಳಿತಾತ್ಮಕ ಸಲಕರಣೆಗಳ ಪೈಕಿ ಗ್ಯಾಂಗಲಿಯಾ, ಸಿಸ್ಟಂಇಮೇಜರ್, ಸಬ್ಕಾರ್ನ್, ಮತ್ತು CVSupಗಳೂ ಸೇರಿವೆ.[೩೪]

ವಿವಾದ[ಬದಲಾಯಿಸಿ]

ದೋಷವಿಮರ್ಶನ ಅಧಿಕಾರ[ಬದಲಾಯಿಸಿ]

ಜೂನ್ ೧೨, ೨೦೦೭ರಂದು ಈ ಜಾಲತಾಣದ ಭಾಷಾ ಆವೃತ್ತಿಯು ಹೊರಬಿದ್ದ ಸಂದರ್ಭದಲ್ಲಿ. ಫ್ಲಿಕರ್ ವಿವಾದದ ಛಾಯೆಯನ್ನು ಹೊಂದಿರಬಹುದಾದಂತಹ ಛಾಯಾಚಿತ್ರಗಳನ್ನು ಶೋಧಿಸಿ ಹೊರಹಾಕುವ ಸಲುವಾಗಿ ಬಳಕೆದಾರರ-ಕಡೆಯ ರೇಟಿಂಗ್ (ಅರ್ಹತಾಮಾಪನ) ವ್ಯವಸ್ಥೆಯನ್ನು ಅಳವಡಿಸಿತು. ಜೊತೆಜೊತೆಗೇ ಯಾಹೂ ಉಪತಾಣಗಳಲ್ಲಿ ದಾಖಲಾದ ಖಾತೆಗಳನ್ನು ಹೊಂದಿದ್ದ ಜರ್ಮನಿ, ಸಿಂಗಪುರ, ಹಾಂಗ್ ಕಾಂಗ್ ಮತ್ತು ಕೊರಿಯಾದ ಬಳಕೆದಾರರು "ಮಧ್ಯಮ" ಅಥವಾ "ನಿರ್ಬಂಧಿತ" ಎಂದು ಮೂರು-ಭಾಗಗಳ ಅಳತೆಪಟ್ಟಿಯಲ್ಲಿ ಮಾಪನಗೊಂಡ/ನಿರ್ಧರಿತವಾದ ಚಿತ್ರಗಳನ್ನು ನೋಡುವುದಕ್ಕೆ ತಡೆಯೊಡ್ಡಲಾಯಿತು. ಅನೇಕ ಫ್ಲಿಕರ್ ಬಳಕೆದಾರರು, ವಿಶೇಷತಃ ಜರ್ಮನಿಯಲ್ಲಿ, ಈ ಹೊಸ ನಿರ್ಬಂಧಗಳ ವಿರುದ್ಧ ಪ್ರತಿಭಟಿಸಿದರು; ಫ್ಲಿಕರ್ ಮತ್ತು ಯಾಹೂಗಳು ಅನಗತ್ಯ ದೋಷವಿಮರ್ಶನಾಧಿಕಾರವನ್ನು ತೋರುತ್ತಿದ್ದಾರೆಂಬುದು ಅವರ ಅಭಿಪ್ರಾಯವಾಗಿತ್ತು.[೩೫]

ಫ್ಲಿಕರ್ ಆಡಳಿತವರ್ಗವು ಕಾನೂನಿನ ವಿವರಗಳಿಗೆ ಹೋಗಬಯಸದೆ, ಈ ಕಠಿಣವಾದ ಶೋಧನಾಕ್ರಿಯೆಗೆ ಜರ್ಮನಿಯ ಅಸಾಮಾನ್ಯವಾದ ವಯಸ್ಸು-ದೃಢಪಡಿಸಿಕೊಳ್ಳುವ ಕಟ್ಟಳೆಗಳೇ ಕಾರಣಗಳೆಂದು ಹೇಳಿಕೆ ನೀಡಿತು. ಈ ವಿಷಯವು ಜರ್ಮನಿಯ ರಾಷ್ಟ್ರೀಯ ಮಾಧ್ಯಮಗಳಲ್ಲಿ ಸ್ವಲ್ಪ ಗಮನ ಸೆಳೆಯಿತು, ಪ್ರಮುಖವಾಗಿ ಆನ್ ಲೈನ್ ಪ್ರಕಾಶನಗಳಲ್ಲಿ. ಮೊದಲ ವರದಿಗಳು ಫ್ಲಿಕರ್ ನ ನಿರ್ಣಯವು, ಅನಾಕರ್ಷಕವಾದರೂ ವಿವೇಕಯುತವಾದುದು ಮತ್ತು ಮೊಕದ್ದಮೆಯಾಗದಂತೆ ತೆಗೆದುಕೊಂಡ ಮುನ್ನೆಚ್ಚರಿಕೆ ಎಂಬುದನ್ನು ಸೂಚಿಸಿದವಾದರೂ,[೩೬] ನಂತರದ ವರದಿಗಳು ಫ್ಲಿಕರ್ ನ ಕೃತ್ಯವು ಅನಗತ್ಯವಾದ ಮಟ್ಟಕ್ಕೆ ಕಟ್ಟುನಿಟ್ಟಾಗಿತ್ತು ಎಂದು ಸಾರಿದವು.[೩೭]

ಜೂನ್ ೨೦, ೨೦೦೭ರಂದು, ಫ್ಲಿಕರ್ ಜರ್ಮನಿಯ ಬಳಕೆದಾರರಿಗೆ "ಮಧ್ಯಮ" ಚಿತ್ರಗಳನ್ನು ನೋಡಲು (ಆದರೆ "ನಿರ್ಬಂಧಿತ" ಚಿತ್ರಗಳನ್ನಲ್ಲ) ತನ್ನ ಪ್ರವೇಶ ನೀಡುವುದರ ಮೂಲಕ ತನ್ನ ಪ್ರತಿಕ್ರಿಯೆ ತೋರಿಸಿತು, ಮತ್ತು ಉತ್ತಮಗೊಂಡ ವಯಸ್ಸು-ದೃಢೀಕರಣ ಪ್ರಕ್ರಿಯೆಗಳನ್ನು ಒಳಗೊಂಡ ಒಂದು ಪರಿಹಾರವನ್ನು ಮುಂದಿನ ದಿನಗಳಲ್ಲಿ ನೀಡುವ ಸೂಚನೆಗಳನ್ನು ನೀಡಿತು.

ಜೂನ್ ೧, ೨೦೦೯ರಂದು, ೧೯೮೯ರ ಟಿಯಾನನ್ಮೆನ್ ಚೌಕದ ಪ್ರತಿಭಟನೆಗಳ ೨೦ನೆಯ ವಾರ್ಷಿಕೋತ್ಸವಕ್ಕೆ ಮುಂಚೆಯೇ ಫ್ಲಿಕರ್ ಅನ್ನು ಚೀನಾದಲ್ಲಿ ತಡೆಹಿಡಿಯಲಾಯಿತು.[೩೮]

ವರ್ಜಿನ್ ಮೊಬೈಲ್ ಮತ್ತು ಕಾಪಿರೈಟ್[ಬದಲಾಯಿಸಿ]

೨೦೦೭ರಲ್ಲಿ ವರ್ಜಿನ್ ಮೊಬೈಲ್ ಒಂದು ಬಸ್ ನಿಲ್ದಾಣ ಜಾಹಿರಾತು ಪ್ರಚಾರವನ್ನು ಆರಂಭಿಸಿ ತಮ್ಮ ಸೆಲ್ ಫೋನ್ ಟೆಕ್ಸ್ಟ್ ಮೆಸೇಜಿಂಗ್ ಸೇವೆಯ ಪ್ರಚಾರ ಕಾರ್ಯವನ್ನು ಹವ್ಯಾಸಿ ಛಾಯಾಗ್ರಾಹಕರ ಚಿತ್ರಗಳನ್ನು ಬಳಸುವುದರ ಮೂಲಕ ಹಮ್ಮಿಕೊಂಡಿತು. ಆ ಹವ್ಯಾಸಿಗಳು ತಮ್ಮ ಕೃತಿಗಳನ್ನು ಕ್ರಿಯೇಟಿವ್ ಕಾಮನ್ಸ್ ಬೈ ಅಟ್ರಿಬ್ಯೂಷನ್ ಪರವಾನಗಿ ಬಳಸಿ ಫ್ಲಿಕರ್ ನಲ್ಲಿ ಸೇರ್ಪಡೆಗೊಳಿಸಿದ್ದರು. ಈ ರೀತಿ ತಮ್ಮ ಚಿತ್ರಗಳಿಗೆ ಪರವಾನಗಿ ಪಡೆದ ಬಳಕೆದಾರರು ಯಾವುದೇ ವ್ಯಕ್ತಿಯು ತಮ್ಮ ಕೃತಿಗಳನ್ನು ವೀಕ್ಷಿಸಲು ಮುಕ್ತವಾಗಿ ಅನುವು ಮಾಡಿಕೊಟ್ಟರು; ಆ ಕೃತಿ ಅವರದೇ ಎಂದು ಹೆಸರನ್ನು ಹೇಳುವುದರ ಹೊರತಾಗಿ ಬೇರೆ ಯಾವುದೇ ರೀತಿಯ ಅಪೇಕ್ಷೆಗಳನ್ನು ಅವರು ವ್ಯಕ್ತಪಡಿಸಲಿಲ್ಲ. ವರ್ಜಿನ್ ಒಂದು URL ಅನ್ನು ಮುದ್ರಿಸುವುದರ ಮೂಲಕ ಈ ಏಕೈಕ ನಿಬಂಧನೆಗೆ ಮನ್ನಣೆ ನೀಡಿತು, ಇದರಿಂದ ಅಲ್ಲಿನ ಎಲ್ಲಾ ಜಾಹಿರಾತುಗಳಲ್ಲೂ ಫೋಟೋಗ್ರಾಫರ್ಸ್ ಫ್ಲಿಕರ್ ಪೇಜ್ ಇರುವುದು ಬಳಕೆಗೆ ಬಂದಿತು. ಆದರೆ, ಒಂದು ಚಿತ್ರದಲ್ಲಿ ೧೫ ಚರ್ಷ ವಯಸ್ಸಿನ ಆಲಿಸನ್ ಚ್ಯಾಂಗ್ ಚರ್ಚ್ ಗಾಗಿ ಮಾಡಿದ ಹಣ-ಸಂಗ್ರಹ ಕಾರ್ಯಕ್ರಮವೊಂದರಲ್ಲಿ ಕಾರ್ ತೊಳೆಯುವುದನ್ನು ತೋರಿಸಲಾಗಿದ್ದು,[೩೯] ಆ ಚಿತ್ರವನ್ನು ಪ್ರಕಟಿಸಿದ್ದನ್ನು ಪ್ರತಿಭಟಿಸಿ ಚ್ಯಾಂಗ್ ವರ್ಜಿನ್ ಮೊಬೈಲ್ಸ್ ಮತ್ತು ಕ್ರಿಯೇಟಿವ್ ಕಾಮನ್ಸ್ ಗಳ ವಿರುದ್ಧ ದಾವೆ ಹೂಡಿದಳು. ಈ ಚಿತ್ರವನ್ನು ಸೆರೆಹಿಡಿದ ಅಲಿಸನ್ ನ ಚರ್ಚ್ ನ ಯುವ ಉಪದೇಶಕರಾದ ಜಸ್ಟಿನ್ ಹೋ-ವೀ ವಾಂಗ್ ಆ ಚಿತ್ರವನ್ನು ಫ್ಲಿಕರ್ ನಲ್ಲಿ ಕ್ರಿಯೇಟಿವ್ ಕಾಮನ್ಸ್ ಪರವಾನಗಿಯನ್ನು ಬಳಸಿ ಸೇರ್ಪಡೆಗೊಳಿಸಿದ್ದರು.[೩೯]

The case hinges on privacy, the right of people not to have their likeness used in an ad without permission. So, while Mr. Wong may have given away his rights as a photographer, he did not, and could not, give away Alison's rights. In the lawsuit, which Mr. Wong is also a party to, there is an argument that Virgin did not honor all the terms of the nonrestrictive license.[೩೯]

ನವೆಂಬರ್ ೨೭, ೨೦೦೭ರಂದು ಚ್ಯಾಂಗ್ ಕ್ರಿಯೇಟಿವ್ ಕಾಮನ್ಸ್ ನ ವಿರುದ್ಧ ದಾಖಲಾದ ದಾವೆಯನ್ನು ಸ್ವಯಂ ಉಚ್ಛಾಟಿಸುವಂತೆ ಮನವಿ ಸಲ್ಲಿಸಿದರು[೪೦] ವರ್ಜಿನ್ ಮೊಬೈಲ್ ಮೇಲಿನ ದಾವೆಯನ್ನು ಕೇಂದ್ರೀಕೃತವಾಗಿರಿಸಿಕೊಂಡರು.[೪೧] ಪರಿಧಿಗೆ ಮೀರಿದುದು ಎಂಬ ಕಾರಣಕ್ಕೆ ಕೇಸನ್ನು ಕೋರ್ಟ್ ನಿಂದ ಹೊರಹಾಕಲಾಯಿತು ಹಾಗೂ ಕ್ರಮೇಣ ವರ್ಜಿನ್ ಮೊಬೈಲ್ ಪ್ರತಿವಾದಿಯ ಪರವಾಗಿ ಯಾವುದೇ ನಷ್ಟವನ್ನೂ ಹೊಂದಲಿಲ್ಲ.[೪೨]

ಯಾಹೂ! ಫೋಟೋಸ್[ಬದಲಾಯಿಸಿ]

ಯಾಹೂ ತಮ್ಮ ಯಾಹೂ! ಫೋಟೋಸ್ ಅನ್ನು ಸೆಪ್ಟೆಂಬರ್ ೨೦, ೨೦೦೭ರಂದು ಸ್ಥಗಿತಗೊಳಿಸುತ್ತಿರುವುದಾಗಿಯೂ, ನಂತರ ಎಲ್ಲಾ ಚಿತ್ರಗಳನ್ನೂ ಅಳಿಸಿಹಾಕುವುದಾಗಿಯೂ ಘೋಷಿಸಿತು.[೪೩][೪೪] ಏತನ್ಮಧ್ಯೆ, ಬಳಕೆದಾರರು ತಮ್ಮ ಚಿತ್ರಗಳನ್ನು ಫ್ಲಿಕರ್ ಅಥವಾ ಇತರ ಸೇವಾದಾತೃಗಳಗೆ ವರ್ಗಾಯಿಸುವ ಸಾಮರ್ಥ್ಯವಿದ್ದಿತು (ಸೇವಾದಾತೃಗಳ ಪೈಕಿ ಇದ್ದವೆಂದರೆ ಷಟರ್ ಫ್ಲೈ, ಕೊಡಾಕ್ ಗ್ಯಾಲರಿ, ಸ್ನ್ಯಾಪ್ ಫಿಷ್, ಮತ್ತು ಫೋಟೋಬಕೆಟ್). ಫ್ಲಿಕರ್ ಗೆ ವಲಸೆ ಬಂದ ಎಲ್ಲರಿಗೂ ಮೂರು ತಿಂಗಳ ಕಾಲ ಫ್ಲಿಕರ್ ಪ್ರೋ ಖಾತೆಯನ್ನು ನೀಡಲಾಯಿತು.

ದ ಕಾಮನ್ಸ್[ಬದಲಾಯಿಸಿ]

ಹಲವಾರು ಮ್ಯೂಸಿಯಂಗಳು ಮತ್ತು ಆರ್ಕೈವ್ ಗಳು "ತಿಳಿದಂತಹ ಯಾವುದೇ ನಿರ್ಬಂಧಗಳಿಲ್ಲ" ಎಂಬ ಪರವಾನಗಿಯ ಅಡಿಯಲ್ಲಿ ಬಿಡುಗಡೆಯಾದ ಛಾಯಾಚಿತ್ರಗಳನ್ನು ರವಾನಿಸುತ್ತಾರೆ;ಈ ಪರವಾನಗಿಯು ಮೊದಲು ಜಾರಿಗೆ ಬಂದದ್ದು ೨೦೦೮ರ ಜನವರಿ ೧೬ರಂದು. ಈ ಪರವಾನಗಿಯ ಗುರಿ "ಮೊದಲಿಗೆ ವಿಶ್ವದ ಸಾರ್ವಜನಿಕ ಛಾಯಾಗ್ರಹಣ ಸಂಗ್ರಹಗಳ ಗುಪ್ತವಾದ ನಿಧಿಗಳನ್ನು ನಿಮಗೆ ತೋರಿಸುವುದು ಮತ್ತು ಎರಡನೆಯದಾಗಿ ಹೇಗೆ ನಿಮ್ಮ ನೀಡುವಿಕೆಗಳು ಮತ್ತು ತಿಳುವಳಿಕೆ ಈ ಸಂಗ್ರಹಗಳನ್ನು ಇನ್ನೂ ಶ್ರೀಮಂತಗೊಳಿಸಲು ಸಾಧ್ಯ ಎಂದು ತೋರಿಸಲು." ಇದರಲ್ಲಿ ಭಾಗವಹಿಸುವವರ ಪೈಕಿ ಜಾರ್ಜ್ ಈಸ್ಟ್ ಮನ್ ಹೌಸ್, ಲೈಬ್ರರಿ ಆಫ್ ಕಾಂಗ್ರೆಸ್, ಬ್ರೂಕ್ಲಿನ್ ಮ್ಯೂಸಿಯಮ್, ನೇಷೊನಾಲ್ ಆರ್ಚೀಫ್, ನ್ಯಾಷನಲ್ ಆರ್ಕೈವ್ಸ್ ಎಂಡ್ ರೆಕಾರ್ಡ್ಸ್ ಅಡ್ಮಿನಿಸ್ಟ್ರೇಷನ್, ಸ್ಟೇಟ್ ಲೈಬ್ರರಿ ಆಫ್ ನ್ಯೂ ಸೌತ್ ವೇಲ್ಸ್, ಮತ್ತು ಸ್ಮಿತ್ಸೋನಿಯನ್ ಇಂಸ್ಟಿಟ್ಯೂಷನ್ ಸಹ ಸೇರಿವೆ.[೪೫][೪೬]

ಗೆಟ್ಟಿ ಇಮೇಜೆಸ್‌[ಬದಲಾಯಿಸಿ]

೨೦೦೯ ರಲ್ಲಿ ವಿಶೇಷವಾಗಿ ಆರಿಸಲ್ಪಟ್ಟ ಪ್ರಯೋಜನದಾರರು ಸ್ಟಾಕ್ ಛಾಯಾಚಿತ್ರದ ಪದ್ಧತಿಗೆ ಛಾಯಾಚಿತ್ರಗಳನ್ನು ಒದಗಿಸಿ ಸಂಬಳವನ್ನು ಪಡೆಯಬಹುದೆಂದು ಗೆಟ್ಟಿ ಇಮೇಜಸ್ ಜೊತೆ ಒಂದು ಪಾಲುದಾರಿಕೆಯನ್ನು ಫ್ಲಿಕರ್ ಘೋಷಿಸಿತು. ೨೦೧೦ ರಲ್ಲಿ ಉಪಯೋಗದಾರರು ಸ್ಟಾಕ್ ಚಿಯ್ರಗಳನ್ನು ತಾವೇ ಸ್ವತಃ ಯೋಗ್ಯವಾಗಿ ಉಪಯೋಗಿಸಲು ಇಮೇಜ್ಗಳನ್ನು ಅಂಟಿಸುವಂತೆ ಇದು ಬದಲಾಯಿಸಲ್ಪಟ್ಟಿತು. ೨೦೧೦ ರಲ್ಲಿ ಇದನ್ನು ಬದಲಾಯಿಸಲ್ಪಟ್ಟಿತು, ಹೇಗೆಂದರೆ ಪ್ರಯೋಜನದಾರರು ಛಾಯಾಚಿತ್ರಗಳನ್ನು ಒಂದು ವಿಶೇ$ಷವಾದ ತಲೆಬರಹದಡಿ ಉಳಿಸಿಕೊಂಡು ಸ್ಟಾಕ್ ಛಾಯಾಚಿತ್ರವಾಗಿ ಉಪಯೋಗಿಸಲು ಅನುವು ಮಾಡಿಕೊಟ್ಟಿತು.[೪೭]

ಇವನ್ನೂ ಗಮನಿಸಿ[ಬದಲಾಯಿಸಿ]

  • ಛಾಯಾಚಿತ್ರ ಪ್ರದರ್ಶನದ ಸೇವೆಗಳು
  • ಸಾಮಾಜಿಕ ನೆಟ್ವರ್ಕಿಂಗ್ ಜಾಲತಾಣಗಳ ೊಂದು ಪಟ್ಟಿ
  • ಛಾಯಾಚಿತ್ರಗಳನ್ನು ಹಂಚಿಕೊಳ್ಳಲು ಅನುವುಮಾಡಿಕೊಡುವ ಜಾಲತಾಣಗಳ ೊಂದು ಪಟ್ಟಿ
  • ಛಾಯಾಚಿತ್ರಗಳ ಹಂಚಿಕೊ್ಳ್ಳುವಿಕೆ
  • ಬಳಕೆದಾರರು-ಉತ್ಪಾದಿಸಿದ ವಸ್ತುವಿಷಯಗಳು

ಉಲ್ಲೇಖಗಳು[ಬದಲಾಯಿಸಿ]

  1. "flickr.com - Traffic Details from Alexa". Alexa Internet, Inc. Archived from the original on 2015-07-26. Retrieved ೨೦೧೦-೦೭-೩೦. {{cite web}}: Check date values in: |accessdate= (help)
  2. Terdiman, Daniel (೧೨.೦೯.೦೪). "Photo Site a Hit With Bloggers". Wired. Archived from the original on 2012-12-17. Retrieved ೨೦೦೮-೦೮-೨೮. Flickr enables users to post photos from nearly any camera phone or directly from a PC. It also allows users to post photos from their accounts or from their cameras to most widely used blog services. The result is that an increasing number of bloggers are regularly posting photos from their Flickr accounts. {{cite news}}: Check date values in: |accessdate= and |date= (help); Cite has empty unknown parameter: |coauthors= (help)
  3. [೧]ಫ್ಲಿಕರ್ ನಲ್ಲಿ ೫ ಬಿಲಿಯನ್ ಛಾಯಾಚಿತ್ರಗಳಿವೆ ಎಂದು ಫ್ಲಿಕರ್ ಬ್ಲಾಗ್ ತಿಳಿಸುತ್ತದೆ.
  4. Graham, Jefferson (೨೦೦೬-೦೨-೨೭). "Flickr of idea on a gaming project led to photo website". USA Today. Retrieved ೨೦೦೬-೦೯-೦೪. {{cite news}}: Check date values in: |accessdate= and |date= (help)
  5. "US Patent Application 20060242139: Interestingness ranking of media objects". Butterfield; Daniel S. ; et al. 2006-10-26. Archived from the original on 2013-07-17. Retrieved 2007-01-21.
  6. "Data moving to U.S. very soon!". Flickr. 2005-06-10. Retrieved 2006-09-04.
  7. "What does Flickr Gamma mean?". Flickr. Archived from the original on 2007-02-02. Retrieved 2006-09-04.
  8. "How many photos can I upload for free?". Flickr. Retrieved 2007-05-16.
  9. "Yahoo! IDs, signing in and screen names". Flickr. Archived from the original on 2007-02-02. Retrieved 2007-02-01.
  10. "Flickr to require Yahoo usernames". BBC News. 2007-02-01. Retrieved 2007-06-15.
  11. "Video for all + HD!". Flickr. Retrieved 2009-04-11.
  12. ಶ್ವೇತ ಭವನದ ಛಾಯಾಚಿತ್ರಗಳಿಗೋಸ್ಕರ ಫ್ಲಿಕರ್ ಒಂದು ಹೊಸ ಅನುಮತಿ ಪತ್ರವನ್ನು ವೈರ್ಡ್.ಕಾಂಗೆಂದು ಬಿಡುಗಡೆ ಮಾಡಿತು - ೧೧ ಮೇ, ೨೦೦೯ ರಂದು.
  13. ಫ್ಲಿಕರ್ ನ ಶ್ವೇತ ಭವನದ ಛಾಯಾಚಿತ್ರಗಳ ಸರಣಿ - ಫ್ಲಿಕರ್.ಕಾಂ- ೪ ನೇ ಜನವರಿ ೨೦೦೯ ರಂದು ಮರುಪಡೆಯಲಾಯಿತು.
  14. ಫ್ಲಿಕರ್ ನ ಸಹ-ಸಂಸ್ಥಾಪಕರು ಅದನ್ನು ಒಂದು ಸಂಪೂರ್ಣ ಯಾಹೂ ನಿಂದ ವಲಸೆ ಬರುವ ಮೂಲಕ ಸೇರಿಕೊಂಡರು.
  15. {0/{1}}ಸ್ಟೀವಾರ್ಟ್ ಬುಟ್ಟರ್ಫೀಲ್ಡ್ ಅವರ ವ್ಯಾಲಿವ್ಯಾಗ್.ಕಾಂ ಮೇಲೆ ಯಾಹೂವಿನಿಂದ ಅಗತ್ಯವಿಲ್ಲದ ರಾಜೀನಾಮೆ ಪತ್ರವು ಅಲ್ಲೋಲಕಲ್ಲೋಲಮಾಡಿತು.
  16. Johnson, Bobbie (2008-12-11). "Now Flickr is hit by Yahoo layoffs | Technology | guardian.co.uk". London: Guardian. Retrieved 2010-03-16.
  17. "Help: Free Accounts, Upgrading and Gifts". Flickr. Retrieved 2010-03-16.
  18. Vander Wal, Thomas (2006-01-17). "Folksonomy Research Needs Cleaning Up". Retrieved 2006-09-04.
  19. "Creating Flickr sets video". Goss Interactive. Feb ೨೬, ೨೦೧೦. Archived from the original on 2010-05-03. Retrieved Feb ೨೬, ೨೦೧೦. {{cite web}}: Check date values in: |accessdate= and |date= (help)
  20. "Mapping Flickr sets video". Goss Interactive. Feb ೨೬, ೨೦೧೦. Archived from the original on 2010-05-03. Retrieved Feb ೨೬, ೨೦೧೦. {{cite web}}: Check date values in: |accessdate= and |date= (help)
  21. ಒಂದು ನಿರ್ದಿಸ್ಟವಾದ ದಾಖಲೆಗೊಳಿಸುವಿಕೆ ಫ್ಲಿಕರ್ನಿಂದ
  22. "Find your Flickr ID". idGettr. 2005-11-19. Retrieved 2010-03-16.
  23. [೨] Archived 2011-08-07 ವೇಬ್ಯಾಕ್ ಮೆಷಿನ್ ನಲ್ಲಿ. ೧ನನ್ನ ಫ್ಲಿಕರ್ ಐಡಿ ಯಾವುದು{/
  24. http://ಬ್ಲಾಗ್.ಫಲಿಕರ್.ನೆಟ್/ಎನ್/2006/08/27/ಫ್ಲಿಕರ್-ಹಾಗೂ-ಗ್ರಿಸ್[ಶಾಶ್ವತವಾಗಿ ಮಡಿದ ಕೊಂಡಿ] ಮಂಕಿ/
  25. ಜಿಯೋ ಉದಾಹರಣೆಗಳು,ಇನ್ ದಿ ವೈಲ್ಡ್
  26. ಗೆಟ್ಟಿಇಮೇಜಸ್ ಗಳ ಮೇಲೆ ಫ್ಲಿಕರ್ ಛಾಯಾಚಿತ್ರಗಳು ಸ್ಟಾಕ್ ಛಾಯಾಚಿತ್ರಗಳಾದವು mashable.comನಿಂದ; ಪುನಃಪಡೆಯಲಾಯಿತು ೨೦೦೯-೦೫-೧೮ ರಂದು.
  27. {ಫ್ಲಿಕರ್.ಕಾಂ / Help / FAQ / ಕಂಟೆನ್ಟ್ ಫಿಲ್ಟರ್{/1}
  28. ಅಅಅಧಿಕೃತ ಟೊಪಿಡ್: ಜರ್ಮನ್ ಸೃಫ್ ಸರ್ಚ್ ಸೆಟ್ಟಿಂಗ್ಸ್
  29. "Flickr: Help: Photos: How can I copyright my photos?". Flickr. Retrieved 2007-11-12.
  30. "Around the world and back again". blog-flickr.net. Retrieved 2008-11-07.
  31. "More cities". blog-flickr.net. Retrieved 2008-11-07.
  32. "Japanese progress in osm. Amazing stuff!".
  33. Kevin Collins (August 16, 2009). "Bad case of Hiccups!". The Help Forum. Flickr. Retrieved 2009-08-18. For some of the details, we have 62 DBs across 124 servers- accounts are spread across 2 servers each. There are around 800k accounts per pair, give or take some thousand. On one of the pairs, there is a greater number of "active" members who populate it; stats recalculations have been taking some time longer to execute, and the database has not been happy.
  34. ಫ್ಲಿಕರ್ ನ ವಾಸ್ತುಶಾಸ್ತ್ರ, ಒಂದು ನವೆಂಬರ್ ೧೪ರ , ೨೦೦೭ ಲೇಖನ ಬರೆದವರು ಟೊಡ್ ಹೊಫ್
  35. "ಹೈಸಿ ಆನ್ ಲೈನ್ - ಫ್ಲಿಕರ್ ಫಿಲ್ಟರ್ ಹುಬ್ಬುಗಂಟಿಕ್ಕುವಂತೆ ಮಾಡಿತು". Archived from the original on 2007-06-30. Retrieved 2010-10-06.
  36. ಜ್ವಾಂಗ್ಸ್ ಫಿಲ್ಟರ್: ಫ್ಲಿಕರ್ ವೆರ್ ಬೈಟೆಟ್ ಡ್ಯುಟ್ಸ್ ಚೆನ್ ನ್ಯಾಕ್ ಫೋಟೊಸ್ - ನೆಟ್ಜ್ ವೆಲ್ಟ್ - ಸ್ಪೈಜೆಲ್ - Nachrichten
  37. ಫೋಟೊ-ಪೋರ್ಟಲ್: ಜುಜೆನ್ಡ್ಸ್ ಚುಟ್ಜೆರ್: ಫ್ಲಿಕರ್-ಫಿಲ್ಟರ್ ನಾಚ್ ರೆಟ್ಸ್ ನಿಚತ್ ನೊಟಿಗ್ - ನೆಟ್ಜ್ ವೆಲ್ಟ್ - ಸ್ಪೈಜೆಲ ಾನ್ ಲೈನ್ - ನಾಚ್ ರಿಚ್ ಟೆನ್
  38. "ಚೈನಾ ದೇಶವು ತ್ವಿಟರ್, ಹಾಟ್ ಮೈಲ್, ಫ್ಲಿಕರ್ ಗಳನ್ನು ಬರದಂತೆ ಬ್ಲಾಕ್ ಮಾಡಿತು, 20 ನೇ ತೈನಾಮೆನ್ ವಾರ್ಷಿಕೋಯಗಸವದ ಮೊದಲು". Archived from the original on 2011-02-25. Retrieved 2010-10-06.
  39. ೩೯.೦ ೩೯.೧ ೩೯.೨ Cohen, Noam. "Use My Photo? Not Without Permission". New York Times. Retrieved ೨೦೦೭-೦೯-೨೫. One moment, Alison Chang, a 15-year-old student from Dallas, is cheerfully goofing around at a local church-sponsored car wash, posing with a friend for a photo. Weeks later, that photo is posted online and catches the eye of an ad agency in Australia, and the altered image of Alison appears on a billboard in Adelaide as part of a Virgin Mobile advertising campaign. {{cite news}}: Check date values in: |accessdate= (help); Cite has empty unknown parameter: |coauthors= (help)
  40. ಫ್ರಂ ದ ವೈ-ಎ-ಜಿಸಿ-ಫ್ರಂ-ಕ್ರಾವತ್-ಈಸ್-ಗ್ರೇಟ್ ಒಂದು ಉತ್ತಮ ಇಲಾಖೆ: ಕಾನೂನಿನ ಖಟ್ಲೆಯು ಮುಗಿದುಹೋಗಿದೆ (ಲೆಸ್ಸಿಗ್ ಬ್ಲಾಗ್)
  41. Gross, Grant (೨೦೦೭-೧೨-೦೧). "Lawsuit Against Creative Commons Dropped". PC World. Archived from the original on 2020-08-04. Retrieved ೨೦೦೮-೦೫-೨೫. {{cite news}}: Check date values in: |accessdate= and |date= (help)
  42. "No personal jurisdiction over Australian defendant in Flickr right of publicity case : Internet law - Evan Brown - Internet Cases". Blog.internetcases.com. Retrieved 2010-03-16.
  43. Graham, Jefferson (2007-05-04). "Yahoo Photos going dark as Flickr shines on". USAToday. Retrieved 2007-05-30.
  44. "ಯೋಡೆಲ್ ಅನೆಕ್ಡೋಟಲ್ » ಬ್ಲಾಗ್ ಪತ್ರಾಗಾರ » ನಿಮ್ಮ ಫೋಟೋಗಳಗೆ ಫ್ಲಿಕರ್ ನ ಸೋತೋಷವನ್ನು ಕೊಡಿರಿ". Archived from the original on 2008-01-09. Retrieved 2021-07-20.
  45. "More about The Commons". Flickr. Retrieved 2009-02-02.
  46. Cohen, Noam (January ೧೮, ೨೦೦೯). "Historical Photos in Web Archives Gain Vivid New Lives". New York Times. Retrieved ೨೦೦೯-೦೨-೦೨. In a similar move to harness the public's knowledge about old photographs, the Library of Congress a year ago began adding photographs with no known restrictions to a Flickr service called the Commons. The Library of Congress started with 3,500 photos and adds 50 a week. {{cite news}}: Check date values in: |accessdate= and |date= (help); Cite has empty unknown parameter: |coauthors= (help)
  47. ಗೆಟ್ಟಿಯು ಫ್ಲಿಕರ್ ನ ಛಾಯಾಚಿತ್ರಗಾರರ ಬಾಗಿಲು ಬಡಿಯುತ್ತಿದೆ.

ಬಾಹ್ಯ ಕೊಂಡಿಗಳು[ಬದಲಾಯಿಸಿ]

"https://kn.wikipedia.org/w/index.php?title=ಫ್ಲಿಕರ್&oldid=1170564" ಇಂದ ಪಡೆಯಲ್ಪಟ್ಟಿದೆ