ವಿಷಯಕ್ಕೆ ಹೋಗು

ಪೊಟ್ಟಣದಲ್ಲಿ ಭರ್ತಿಮಾಡುವಿಕೆ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ಒಂದು ಪಾರದರ್ಶಕ ಪ್ಯಾಕೆಟ್ಟಿನಲ್ಲಿನ ಮಾತ್ರೆಗಳು. ಈ ಪ್ಯಾಕೆಟ್ಟನ್ನು ರಟ್ಟುಕಾಗದದಿಂದ ಮಾಡಲಾದ ಒಂದು ಮಡಿಸುವ ಪೆಟ್ಟಿಗೆಯಲ್ಲಿ ಸ್ವತಃ ಕಟ್ಟಲಾಗಿರುತ್ತದೆ.

ಪೊಟ್ಟಣದಲ್ಲಿ ಭರ್ತಿಮಾಡುವಿಕೆ ಯು ವಿತರಣೆ, ಶೇಖರಣೆ, ಮಾರಾಟ, ಮತ್ತು ಬಳಕೆಗೆ ಮೀಸಲಾಗಿರುವ ಉತ್ಪನ್ನಗಳನ್ನು ಸುತ್ತುಗಟ್ಟಿ ಪೆಟ್ಟಿಗೆಯಲ್ಲಿ ಹಾಕುವ ಅಥವಾ ರಕ್ಷಿಸಿಡುವ ವಿಜ್ಞಾನ, ಕಲೆ ಮತ್ತು ತಂತ್ರಜ್ಞಾನವಾಗಿದೆ. ಸಾಮಾನು ಪೊಟ್ಟಣಗಳ ವಿನ್ಯಾಸ, ಮೌಲ್ಯಮಾಪನ, ಹಾಗೂ ತಯಾರಿಕೆಯ ಪ್ರಕ್ರಿಯೆ ಗೂ ಸಹ ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯು ಉಲ್ಲೇಖಿಸಲ್ಪಡುತ್ತದೆ. ಸಾಗಣೆ, ತಾತ್ಕಾಲಿಕವಾಗಿ ಸಂಗ್ರಹಿಸಿಡುವಿಕೆ, ಜಾರಿ ವ್ಯವಸ್ಥೆ, ಮಾರಾಟ, ಮತ್ತು ಅಂತಿಮ ಬಳಕೆಗಾಗಿ ಸರಕುಗಳನ್ನು ಸಿದ್ಧಪಡಿಸುವ ಒಂದು ಸುಸಂಘಟಿತವಾದ ವ್ಯವಸ್ಥೆ ಯಾಗಿ ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯನ್ನು ವಿವರಿಸಬಹುದಾಗಿದೆ. ರಕ್ಷಣೆಗಳು, ಸಂರಕ್ಷಣೆಗಳು, ಸಾಗಣೆಗಳು, ಮಾಹಿತಿಗಳು, ಮತ್ತು ಮಾರಾಟಗಳನ್ನು ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯು ಒಳಗೊಳ್ಳುತ್ತದೆ.[೧] ಅನೇಕ ದೇಶಗಳಲ್ಲಿ ಇದು ಸಂಪೂರ್ಣವಾಗಿ ಸರ್ಕಾರದ, ವ್ಯವಹಾರದ, ಸಾಂಸ್ಥಿಕ, ಕೈಗಾರಿಕಾ, ಮತ್ತು ವೈಯಕ್ತಿಕ ಬಳಕೆಯೊಳಗೆ ಸಂಯೋಜಿಸಲ್ಪಟ್ಟಿದೆ.

ಸಾಮಾನು ಪೊಟ್ಟಣದ ಗುರುತುಪಟ್ಟಿ ಅಂಟಿಸುವಿಕೆ (en-GB) ಅಥವಾ ಗುರುತುಪಟ್ಟಿ ಅಂಟಿಸುವಿಕೆ (en-US) ಎಂಬುದು, ಕಟ್ಟಿದ ಪೊಟ್ಟಣದ ಮೇಲಿನ ಅಥವಾ ಒಂದು ಪ್ರತ್ಯೇಕವಾದ ಆದರೆ ಸಂಬಂಧಹೊಂದಿದ ಗುರುತುಪಟ್ಟಿಯ ಮೇಲಿನ ಯಾವುದೇ ಬರಹ ರೂಪದ, ವಿದ್ಯುನ್ಮಾನ ರೂಪದ, ಅಥವಾ ಗ್ರಾಫಿಕ್‌ ಸಂವಹನೆಯಾಗಿದೆ.

ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯ ಮತ್ತು ಸಾಮಾನು ಪೊಟ್ಟಣದ ಗುರುತುಪಟ್ಟಿಗಳ ಉದ್ದೇಶಗಳು

[ಬದಲಾಯಿಸಿ]

ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯ ಮತ್ತು ಸಾಮಾನು ಪೊಟ್ಟಣ ಗುರುತುಪಟ್ಟಿ ಅಂಟಿಸುವಿಕೆಯ ಪ್ರಕ್ರಿಯೆಗಳು ಹಲವಾರು ಉದ್ದೇಶಗಳನ್ನು ಹೊಂದಿವೆ[೨]

  • ಭೌತಿಕ ರಕ್ಷಣೆ - ಸಾಮಾನು ಪೊಟ್ಟಣದಲ್ಲಿ ಒಳಸೇರಿಸಲ್ಪಟ್ಟಿರುವ ವಸ್ತುಗಳಿಗೆ ಇತರ ವಸ್ತುಗಳು, ಆಘಾತ, ಕಂಪನ, ಕುಗ್ಗಿಸುವಿಕೆ, ತಾಪಮಾನ[೩] ಇತ್ಯಾದಿಗಳಿಂದ ರಕ್ಷಣೆಯು ಬೇಕಾಗಬಹುದು.
  • ಪ್ರತಿಬಂಧಕ ರಕ್ಷಣೆ - ಆಮ್ಲಜನಕ, ನೀರಿನ ಆವಿ, ಧೂಳು, ಇತ್ಯಾದಿಗಳಿಂದ ಒಂದು ಪ್ರತಿಬಂಧಕತೆಯು ಆನೇಕವೇಳೆ ಅಗತ್ಯವಾಗಿರುತ್ತದೆ. ಒಳಹರಡಿಕೆ ಎಂಬುದು ವಿನ್ಯಾಸದಲ್ಲಿನ ಒಂದು ನಿರ್ಣಾಯಕ ಅಂಶವಾಗಿದೆ. ಬಡುವಿನಲ್ಲಿ ಶೇಖರಿಸಿಡುವ ಅವಧಿಯನ್ನು ವಿಸ್ತರಿಸುವಲ್ಲಿ ನೆರವಾಗಲು, ಕೆಲವೊಂದು ಸಾಮಾನು ಪೊಟ್ಟಣಗಳು ಶುಷ್ಕಕಾರಿಗಳು ಅಥವಾ ಅಥವಾ ಆಮ್ಲಜನಕವನ್ನು ಹೀರಿಕೊಳ್ಳುವ ವಸ್ತುಗಳನ್ನು ಒಳಗೊಂಡಿರುತ್ತವೆ. ಮಾರ್ಪಡಿಸಲಾದ ವಾತಾವರಣಗಳು [೪] ಅಥವಾ ನಿಯಂತ್ರಿತ ವಾತಾವರಣಗಳು ಕೂಡ ಕೆಲವೊಂದು ಆಹಾರ ಸಂಬಂಧಿ ಸಾಮಾನು ಪೊಟ್ಟಣಗಳಲ್ಲಿ ನಿರ್ವಹಿಸಲ್ಪಡುತ್ತವೆ. ಉದ್ದೇಶಿತ ಬಡುವಿನಲ್ಲಿ ಶೇಖರಿಸಿಡುವ ಅವಧಿಗಾಗಿ ವಸ್ತುಗಳನ್ನು ಶುಭ್ರವಾಗಿ, ತಾಜಾ ಆಗಿ, ಸೂಕ್ಷ್ಮಜೀವಿರಹಿತವಾಗಿ[೫] ಮತ್ತು ಸುರಕ್ಷಿತವಾಗಿ ಇಡುವುದು ಒಂದು ಪ್ರಾಥಮಿಕ ಕಾರ್ಯವಿಧಾನವಾಗಿದೆ.
  • ತಡೆದುಕೊಳ್ಳುವಿಕೆ ಅಥವಾ ಒಟ್ಟುಗೂಡುವಿಕೆ - ಕಾರ್ಯಪಟುತ್ವದ ಕಾರಣಗಳಿಗಾಗಿ ಸಣ್ಣ ವಸ್ತುಗಳು ಒಂದು ಸಾಮಾನು ಪೊಟ್ಟಣದಲ್ಲಿ ವಿಶಿಷ್ಟವಾಗಿ ಒಟ್ಟಾಗಿ ಗುಂಪಾಗುತ್ತವೆ. ಉದಾಹರಣೆಗೆ, 1000 ಸೀಸದ ಕಡ್ಡಿಗಳ ಒಂದು ಏಕಪೆಟ್ಟಿಗೆಗೆ, 1000 ಏಕ ಸೀಸದ ಕಡ್ಡಿಗಳಿಗಿಂತ ಕಡಿಮೆ ಪ್ರಮಾಣದ ಭೌತಿಕ ನಿಭಾಯಿಸುವಿಕೆ ಅಗತ್ಯವಾಗಿರುತ್ತದೆ. ದ್ರವಗಳು, ಪುಡಿಗಳು, ಮತ್ತು ಹರಳು ಹರಳಾಗಿರುವ ಸಾಮಗ್ರಿಗಳಿಗೆ ತಡೆದುಕೊಳ್ಳುವಿಕೆ ಅಗತ್ಯವಾಗಿರುತ್ತದೆ.
  • ಮಾಹಿತಿ ರವಾನೆ - ಸಾಮಾನು ಪೊಟ್ಟಣ ಅಥವಾ ಉತ್ಪನ್ನವನ್ನು ಹೇಗೆ ಬಳಕೆಮಾಡಬೇಕು, ಸಾಗಿಸಬೇಕು, ಮರುಬಳಕೆಗೆ ಪರಿವರ್ತಿಸುವಿಕೆಯನ್ನು ಮಾಡಬೇಕು, ಅಥವಾ ವಿಲೇವಾರಿ ಮಾಡಬೇಕು ಎಂಬುದನ್ನು ಸಾಮಾನು ಪೊಟ್ಟಣಗಳು ಮತ್ತು ಗುರುತುಪಟ್ಟಿಗಳು ಅರುಹುತ್ತವೆ. ಔಷಧೀಯ ವಸ್ತುಗಳು, ಆಹಾರ, ವೈದ್ಯಕೀಯ, ಮತ್ತು ರಾಸಾಯನಿಕ ಉತ್ಪನ್ನಗಳಿಗೆ ಸಂಬಂಧಿಸಿದಂತೆ, ಸರ್ಕಾರಗಳು ಕೆಲವೊಂದು ಬಗೆಯ ಮಾಹಿತಿಯನ್ನು ನೀಡುವುದು ಅವಶ್ಯಕವಾಗಿರುತ್ತದೆ. ಕೆಲವೊಂದು ಸಾಮಾನು ಪೊಟ್ಟಣಗಳು ಮತ್ತು ಗುರುತುಪಟ್ಟಿಗಳನ್ನು ಜಾಡುಹಿಡಿಯುವ ಮತ್ತು ಪತ್ತೆಹಚ್ಚುವ ಉದ್ದೇಶಗಳಿಗಾಗಿಯೂ ಬಳಸಲಾಗುತ್ತದೆ.
  • ಮಾರಾಟಗಾರಿಕೆ - ಸಮರ್ಥ ಖರೀದಿದಾರರು ಉತ್ಪನ್ನವನ್ನು ಖರೀದಿ ಮಾಡುವಂತೆ ಅವರನ್ನು ಉತ್ತೇಜಿಸಲು ವ್ಯಾಪಾರಸ್ಥರು ಪ್ಯಾಕಿಂಗ್‌ ಪದಾರ್ಥ ಹಾಗೂ ಗುರುತುಪಟ್ಟಿಗಳನ್ನು ಬಳಸಿಕೊಳ್ಳಬಲ್ಲರು. ಸಾಮಾನು ಪೊಟ್ಟಣದ ರೇಖನ ವಿನ್ಯಾಸ ಮತ್ತು ಭೌತಿಕ ವಿನ್ಯಾಸಗಳು ತುಂಬಾ ಮುಖ್ಯವಾಗಿದ್ದು, ಹಲವಾರು ದಶಕಗಳಿಂದಲೂ ನಿರಂತರವಾಗಿ ವಿಕಸನಗೊಳ್ಳುತ್ತಾ ಬಂದಿವೆ. ಮಾರಾಟಗಾರಿಕೆಯ ಸಂವಹನೆಗಳು ಮತ್ತು ರೇಖನ ವಿನ್ಯಾಸಗಳು ಸಾಮಾನು ಪೊಟ್ಟಣದ ಮೇಲ್ಮೈಗೆ ಹಾಗೂ (ಅನೇಕ ಸಂದರ್ಭಗಳಲ್ಲಿ) ಮಾರಾಟ ಪ್ರದರ್ಶನದ ಸೂಚ್ಯಂಕಕ್ಕೆ ಅನ್ವಯಿಸಲ್ಪಡುತ್ತವೆ.
  • ಭದ್ರತೆ - ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯು ಸಾಗಾಣಿಕೆಯ ಸುರಕ್ಷತಾ ಅಪಾಯಗಳನ್ನು ತಗ್ಗಿಸುವಲ್ಲಿ ಒಂದು ಮುಖ್ಯಪಾತ್ರವನ್ನು ವಹಿಸಬಲ್ಲದು. ವಿರೂಪಗೊಳಿಸುವಿಕೆಯನ್ನು ತಪ್ಪಿಸಲು ಸಾಮಾನು ಪೊಟ್ಟಣಗಳನ್ನು ಸುಧಾರಿತವಾದ ವಿರೂಪ ಪ್ರತಿರೋಧಕತೆಯೊಂದಿಗೆ ರೂಪಿಸಬಹುದು ಮತ್ತು ವಿರೂಪಗೊಳಿಸುವಿಕೆಯನ್ನು ಸೂಚಿಸುವಲ್ಲಿ ನೆರವಾಗಲು ವಿರೂಪಗೊಳಿಸುವುದನ್ನು ಸ್ಪಷ್ಟವಾಗಿ ತೋರಿಸುವ[೬] ಲಕ್ಷಣಗಳನ್ನೂ ಸಹ ಸಾಮಾನು ಪೊಟ್ಟಣಗಳು ಹೊಂದಲು ಸಾಧ್ಯವಿದೆ. ಸಾಮಾನು ಪೊಟ್ಟಣದ ಕಳವಿನ ಅಪಾಯಗಳನ್ನು ತಗ್ಗಿಸಲು ನೆರವಾಗುವಂತೆ ಸಾಮಾನು ಪೊಟ್ಟಣಗಳನ್ನು ರೂಪಿಸಲು ಸಾಧ್ಯವಿದೆ: ಕೆಲವೊಂದು ಸಾಮಾನು ಪೊಟ್ಟಣದ ರಚನೆಗಳು ಕಳವಿಗೆ ಹೆಚ್ಚು ನಿರೋಧಕವಾಗಿವೆ ಹಾಗೂ ಕೆಲವೊಂದು ಪೊಟ್ಟಣದ ರಚನೆಗಳು ಕದಿಯುವಿಕೆಯನ್ನು ಸೂಚಿಸುವ ಮೊಹರುಗಳನ್ನು ಹೊಂದಿವೆ. ಸಾಮಾನು ಪೊಟ್ಟಣ ಮತ್ತು ವಸ್ತುಗಳು ಖೋಟಾ ಅಲ್ಲ ಎಂಬುದನ್ನು ಸೂಚಿಸುವಲ್ಲಿ ನೆರವಾಗಲು, ಸಾಮಾನು ಪೊಟ್ಟಣಗಳು ಪ್ರಮಾಣೀಕರಣದ ಮೊಹರುಗಳನ್ನು ಒಳಗೊಳ್ಳಬಹುದು ಹಾಗೂ ಭದ್ರತೆಯ ಮುದ್ರಣವನ್ನು ಬಳಸಬಹುದು. ವರ್ಣದ್ರವ್ಯದ-ಪೊಟ್ಟಣಗಳು, RFID ಪಟ್ಟಿಗಳು, ಅಥವಾ ವಿದ್ಯುನ್ಮಾನ ರೂಪದ ವಸ್ತುವಿನ ಕಣ್ಗಾವಲು[೭] ಪಟ್ಟಿಗಳಂಥ ಕಳ್ಳತನ-ನಿರೋಧಕ ಉಪಕರಣಗಳನ್ನು ಕೂಡಾ ಸಾಮಾನು ಪೊಟ್ಟಣಗಳು ಒಳಗೊಂಡಿರಲು ಸಾಧ್ಯವಿದೆ. ಇಂಥ ಸಾಧನಗಳನ್ನು ನಿರ್ಗಮನದ ತಾಣಗಳಲ್ಲಿ ಇಟ್ಟಿರುವ ಉಪಕರಣಗಳಿಂದ ಸಕ್ರಿಯಗೊಳಿಸಲು ಅಥವಾ ಪತ್ತೆಹಚ್ಚಲು ಸಾಧ್ಯವಿದ್ದು, ಅವುಗಳನ್ನು ನಿಷ್ಕ್ರಿಯಗೊಳಿಸಲು ವಿಶೇಷೀಕರಿಸಲ್ಪಟ್ಟ ಸಾಧನಗಳು ಅಗತ್ಯವಾಗಿರುತ್ತವೆ. ಈ ರೀತಿಯಲ್ಲಿನ ಪ್ಯಾಕಿಂಗ್‌ ವಿಧಾನವನ್ನು ಬಳಸುವುದು ನಷ್ಟ ತಡೆಗಟ್ಟುವಿಕೆಯ ಒಂದು ಮಾರ್ಗ ಎನಿಸಿಕೊಳ್ಳುತ್ತದೆ.
  • ಅನುಕೂಲ - ವಿತರಣೆ, ನಿಭಾಯಿಸುವಿಕೆ, ಜೋಡಿಸುವಿಕೆ, ಪ್ರದರ್ಶನ, ಮಾರಾಟ, ತೆರೆಯುವಿಕೆ, ಮತ್ತೆಮುಚ್ಚುವಿಕೆ, ಬಳಕೆ, ವಿತರಿಸುವಿಕೆ, ಹಾಗೂ ಮರುಬಳಕೆಯಲ್ಲಿ ಅನುಕೂಲವನ್ನುಂಟುಮಾಡುವ ಲಕ್ಷಣಗಳನ್ನು ಸಾಮಾನು ಪೊಟ್ಟಣಗಳು ಹೊಂದಿರಲು ಸಾಧ್ಯವಿದೆ.
  • ಭಾಗದ ನಿಯಂತ್ರಣ - ಒಂದುಬಾರಿ ಬಡಿಸುವ ಆಹಾರದ ಪ್ರಮಾಣ ಅಥವಾ ಒಂದುಬಾರಿಯ ನಿಶ್ಚಿತ ಪ್ರಮಾಣದ ಸಾಮಾನು ಕಟ್ಟುವಿಕೆಯು ಬಳಕೆಯ ರೀತಿಯನ್ನು ನಿಯಂತ್ರಿಸಲು ವಸ್ತುಗಳ ಒಂದು ಕರಾರುವಾಕ್ಕಾದ ಪ್ರಮಾಣವನ್ನು ಹೊಂದಿದೆ. ಬೃಹತ್‌ ಪ್ರಮಾಣದ ಸರಕುಗಳನ್ನು (ಉಪ್ಪಿನಂಥದು) ಪ್ರತ್ಯೇಕ ಗೃಹಬಳಕೆಗಳಿಗಾಗಿ ಹೆಚ್ಚು ಸೂಕ್ತವಾಗುವ ಗಾತ್ರದಲ್ಲಿರುವ ಸಾಮಾನು ಪೊಟ್ಟಣಗಳಾಗಿ ವಿಂಗಡಿಸಲು ಸಾಧ್ಯವಿದೆ. ಇದು ಸರಕು ಸಂಗ್ರಹದ ನಿಯಂತ್ರಣದಲ್ಲೂ ನೆರವಾಗುತ್ತದೆ: ಅಂದರೆ, ಜನರು ಸ್ವತಃ ತಮ್ಮದೇ ಸೀಸೆಗಳನ್ನು ತೆಗೆದುಕೊಂಡು ಬಂದು ಹಾಲನ್ನು ತುಂಬಿಸಿಕೊಂಡು ಹೋಗುವ ಬದಲು, ಮೊಹರುಮಾಡಿದ ಹಾಲಿನ ಒಂದು-ಲೀಟರ್‌ ಅಳತೆಯ ಸೀಸೆಗಳನ್ನು ಮಾರಾಟಮಾಡುವಂಥ ಪರಿಕಲ್ಪನೆ ಇದರ ಹಿಂದೆ ಅಡಗಿದೆ.

ಸಾಮಾನು ಕಟ್ಟುವ ಬಗೆಗಳು

[ಬದಲಾಯಿಸಿ]
ಆಹಾರ ಪದಾರ್ಥಗಳಿಗೆ ಸಂಬಂಧಿಸಿದ ಗೃಹಬಳಕೆಯ ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯ ಹಲವಾರು ಬಗೆಗಳು

ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯು ಹಲವಾರು ವಿಭಿನ್ನ ಬಗೆಗಳನ್ನು ಹೊಂದಿದೆ. ಉದಾಹರಣೆಗೆ, ಸಾಗಣೆಯ ಸಾಮಾನು ಪೊಟ್ಟಣ ಅಥವಾ ವಿತರಣೆಯ ಸಾಮಾನು ಪೊಟ್ಟಣ ವೊಂದು ಸಾಗಾಣಿಕೆಯ ಪೆಟ್ಟಿಗೆಯಾಗಿರಲು ಸಾಧ್ಯವಿದ್ದು, ಉತ್ಪನ್ನ ಅಥವಾ ಒಳಗಿನ ಸಾಮಾನು ಪೊಟ್ಟಣಗಳನ್ನು ಸಾಗಿಸಲು, ಶೇಖರಿಸಲು ಹಾಗೂ ನಿರ್ವಹಿಸಲು ಅದನ್ನು ಬಳಸಲಾಗುತ್ತದೆ. ಗ್ರಾಹಕ ಸಾಮಾನು ಪೊಟ್ಟಣ ವೊಂದನ್ನು ಓರ್ವ ಗ್ರಾಹಕ ಅಥವಾ ಗೃಹಬಳಕೆಯೆಡೆಗೆ ನಿರ್ದೇಶಿಸಲ್ಪಟ್ಟ ಒಂದು ಸಾಮಾನು ಪೊಟ್ಟಣವಾಗಿ ಕೆಲವೊಬ್ಬರು ಗುರುತಿಸುತ್ತಾರೆ.

ಯಾವ ಬಗೆಯ ಉತ್ಪನ್ನವು ಕಟ್ಟುವಿಕೆಗೆ ಒಳಗಾಗುತ್ತಿದೆ ಎಂಬುದಕ್ಕೆ ಸಂಬಂಧಿಸಿದಂತೆ ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯನ್ನು ವಿವರಿಸಬಹುದು: ವೈದ್ಯಕೀಯ ಉಪಕರಣವನ್ನು ಕಟ್ಟುವಿಕೆ, ಬೃಹತ್‌ ಪ್ರಮಾಣದ ರಾಸಾಯನಿಕ ಪದಾರ್ಥವನ್ನು ಕಟ್ಟುವಿಕೆ, ಮುಕ್ತ ಮಾರಾಟದ ಔಷಧ ವಸ್ತುವನ್ನು ಕಟ್ಟುವಿಕೆ, ಚಿಲ್ಲರೆ ಆಹಾರವನ್ನು ಪೊಟ್ಟಣದಲ್ಲಿ ಭರ್ತಿಮಾಡುವಿಕೆ‌‌, ಸೇನಾಸಂಬಂಧಿ ಉಪಕರಣವನ್ನು ಕಟ್ಟುವಿಕೆ, ಔಷಧೀಯ ವಸ್ತುವನ್ನು ಕಟ್ಟುವಿಕೆ ಇತ್ಯಾದಿ.

ಒಂದು ಎಳೆವ ಮುಚ್ಚಿಕೆಪಟ್ಟಿಯೊಂದಿಗಿನ ಅಲ್ಯುಮೀನಿಯಂ ಕೈಡಬ್ಬಿ

ಸ್ತರ ಅಥವಾ ಕಾರ್ಯವಿಧಾನದ ಆಧಾರದ ಮೇಲೆ ಸಾಮಾನು ಪೊಟ್ಟಣಗಳನ್ನು "ಪ್ರಾಥಮಿಕ", "ದ್ವಿತೀಯಕ", ಇತ್ಯಾದಿಯಾಗಿ ವರ್ಗೀಕರಿಸುವುದು ಕೆಲವೊಮ್ಮೆ ಅನುಕೂಲಕರವಾಗಿರುತ್ತದೆ:

  • ಉತ್ಪನ್ನವನ್ನು ಮೊದಲು ಸುತ್ತುವರಿದು, ನಂತರ ಅದನ್ನು ಹಿಡಿದುಕೊಳ್ಳುವ ಸಾಮಗ್ರಿಯು ಪ್ರಾಥಮಿಕ ಪೊಟ್ಟಣ ಕಟ್ಟುವಿಕೆ ಎನಿಸಿಕೊಳ್ಳುತ್ತದೆ. ಇದು ಸಾಮಾನ್ಯವಾಗಿ ವಿತರಣೆ ಅಥವಾ ಬಳಕೆಯ ಅತ್ಯಂತ ಸಣ್ಣ ಘಟಕವಾಗಿದ್ದು, ಕಟ್ಟಲ್ಪಟ್ಟಿರುವ ವಸ್ತುಗಳೊಂದಿಗೆ ಸಾಮಾನು ಪೊಟ್ಟಣವು ಇಲ್ಲಿ ನೇರ ಸಂಪರ್ಕದಲ್ಲಿರುತ್ತದೆ.
  • ದ್ವಿತೀಯಕವಾಗಿರುವ ಪೊಟ್ಟಣ ಕಟ್ಟುವಿಕೆಯು ಪ್ರಾಥಮಿಕವಾದ ಪೊಟ್ಟಣ ಕಟ್ಟುವಿಕೆಯ ಹೊರಭಾಗದಲ್ಲಿರುತ್ತದೆ ಮತ್ತು ಪ್ರಾಥಮಿಕ ಸಾಮಾನು ಪೊಟ್ಟಣಗಳನ್ನು ಒಟ್ಟಾಗಿಸಲು ಪ್ರಾಯಶಃ ಇದು ಬಳಕೆಯಾಗುತ್ತದೆ.
  • ತೃತೀಯಕವಾದ ಪೊಟ್ಟಣ ಕಟ್ಟುವಿಕೆಯು ಬೃಹತ್‌ ಪ್ರಮಾಣದ ನಿಭಾಯಿಸುವಿಕೆ, ದಾಸ್ತಾನು ಮಳಿಗೆ ಶೇಖರಣೆ ಮತ್ತು ಸಾಗಣೆಯ ಸರಕಿನ ತುಂಬುವಿಕೆಗಾಗಿ ಬಳಸಲ್ಪಡುತ್ತದೆ. ಧಾರಕ ಪೆಟ್ಟಿಗೆಗಳೊಳಗೆ ಒತ್ತೊತ್ತಾಗಿ ತಂಬಿಸುವ ಹಲಗೆಯಲ್ಲಿ ಸಾಗಿಸಲ್ಪಟ್ಟ ಏಕಮಾನ ಹೊರೆಯು ಒಂದು ಅತ್ಯಂತ ಸಾಮಾನ್ಯ ಸ್ವರೂಪವಾಗಿದೆ.

ಈ ವಿಶಾಲ ವರ್ಗಗಳು ಒಂದಷ್ಟು ಅನಿರ್ಬಂಧಿತವಾಗಿರಲು ಸಾಧ್ಯವಿದೆ. ಉದಾಹರಣೆಗೆ, ಬಳಕೆಯನ್ನು ಅವಲಂಬಿಸಿ, ಒಂದು ಬಿಗಿಯಾದ ಸಂಕೋಚನ ಪಟ್ಟಿಯ ಸುತ್ತುವಿಕೆಯನ್ನು ಉತ್ಪನ್ನಕ್ಕೆ ನೇರವಾಗಿ ಅನ್ವಯಿಸಿದಾಗ ಅದು ಪ್ರಾಥಮಿಕ ಸ್ವರೂಪದ ಪೊಟ್ಟಣ ಕಟ್ಟುವಿಕೆಯಾಗಬಲ್ಲದು, ಚಿಕ್ಕದಾಗಿರುವ ಸಾಮಾನು ಪೊಟ್ಟಣಗಳನ್ನು ಸಂಯೋಜಿಸಿದಾಗ ದ್ವಿತೀಯಕ ಸ್ವರೂಪದ ಪೊಟ್ಟಣ ಕಟ್ಟುವಿಕೆಯಾಗಬಲ್ಲದು, ಮತ್ತು ಕೆಲವೊಂದು ವಿತರಣಾ ಪೊಟ್ಟಣಗಳ ಮೇಲೆ ಕಟ್ಟಿದಾಗ ಅದು ತೃತೀಯಕ ಸ್ವರೂಪದ ಪೊಟ್ಟಣ ಕಟ್ಟುವಿಕೆಯಾಗಬಲ್ಲದು.

ಸಾಮಾನು ಪೊಟ್ಟಣಗಳು ಮತ್ತು ಗುರುತುಪಟ್ಟಿಗಳ ಮೇಲೆ ಬಳಸಲಾಗುವ ಚಿಹ್ನೆಗಳು

[ಬದಲಾಯಿಸಿ]

ಸಾಮಾನು ಪೊಟ್ಟಣದ ಗುರುತುಪಟ್ಟಿ ಅಂಟಿಸುವಿಕೆಗೆ ಸಂಬಂಧಿಸಿದ ಅನೇಕ ಬಗೆಯ ಚಿಹ್ನೆಗಳು, ರಾಷ್ಟ್ರೀಯ ಹಾಗೂ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಪ್ರಮಾಣಕವಾಗಿಸಲ್ಪಟ್ಟಿವೆ. ಗ್ರಾಹಕರಿಗೆ ಮೀಸಲಾದ ಪೊಟ್ಟಣ ಕಟ್ಟುವಿಕೆಗೆ ಸಂಬಂಧಿಸಿ ಹೇಳುವುದಾದರೆ, ಉತ್ಪನ್ನದ ಪ್ರಮಾಣೀಕರಣಗಳು, ಸರಕುಮುದ್ರೆಗಳು, ಖರೀದಿಯ ಪುರಾವೆ ಇತ್ಯಾದಿಗಳಿಗಾಗಿರುವ ಚಿಹ್ನೆಗಳು ಅಸ್ತಿತ್ವದಲ್ಲಿವೆ. ಕೆಲವೊಂದು ಅವಶ್ಯಕತೆಗಳು ಹಾಗೂ ಚಿಹ್ನೆಗಳು, ಗ್ರಾಹಕ ಬಳಕೆ ಹಾಗೂ ಸುರಕ್ಷತೆಯ ಮಗ್ಗುಲುಗಳನ್ನು ನಿವೇದಿಸಲು ಅಸ್ತಿತ್ವದಲ್ಲಿವೆ. ಪರಿಸರೀಯ ಮತ್ತು ಮರುಬಳಕೆಯ ಚಿಹ್ನೆಗಳ ಉದಾಹರಣೆಗಳಲ್ಲಿ ಇವು ಸೇರಿವೆ: ಮರುಬಳಕೆಯ ಚಿಹ್ನೆ, ರಾಳದ ಗುರುತಿನ ಸಂಕೇತ (ಕೆಳಗೆ ನೋಡಿ), ಮತ್ತು ಹಸಿರು ಚುಕ್ಕೆ (ಚಿಹ್ನೆ).

1-PETE
1-PETE

ಪಟ್ಟೆಯ ಸಂಕೇತಗಳು (ಕೆಳಗೆ ನೋಡಿ), ಸಾರ್ವತ್ರಿಕ ಉತ್ಪನ್ನ ಸಂಕೇತಗಳು, ಮತ್ತು RFID ಗುರುತುಪಟ್ಟಿಗಳು, ಜಾರಿ ವ್ಯವಸ್ಥೆ ಹಾಗೂ ಚಿಲ್ಲರೆ ವ್ಯಾಪಾರದಲ್ಲಿನ ಸ್ವಯಂಚಾಲಿತ ಮಾಹಿತಿ ನಿರ್ವಹಣೆಗೆ ಅವಕಾಶ ಕಲ್ಪಿಸಿಕೊಡುವಲ್ಲಿ ಸಾಮಾನ್ಯವಾಗಿವೆ. ದೇಶದ ಮೂಲದ ಗುರುತುಪಟ್ಟಿ ಅಂಟಿಸುವಿಕೆಯು ಅನೇಕಬಾರಿ ಬಳಸಲ್ಪಡುತ್ತದೆ.

ಸಂಕೇತ 128ರಲ್ಲಿ ಸಂಕೇತಿಸಲ್ಪಟ್ಟಿರುವ "ವಿಕಿಪೀಡಿಯಾ"

ಸಾಗಾಣಿಕೆಯ ಪೆಟ್ಟಿಗೆಯ ಗುರುತುಪಟ್ಟಿ ಅಂಟಿಸುವಿಕೆ

[ಬದಲಾಯಿಸಿ]
ಒಂದು ತಟ್ಟುಹಲಗೆಯ ಹೊರೆಗೆ ಸಂಪರ್ಕಿಸಲಾಗಿರುವ "ಮುದ್ರಿಸಿ & ಅನ್ವಯಿಸಿ" ಮೂಲೆ ಹೊದಿಕೆಯ UCC (GS1-128) ಗುರುತುಪಟ್ಟಿ

ಗುರುತಿನ ಸಂಕೇತಗಳು, ಪಟ್ಟೆಯ ಸಂಕೇತಗಳು, ಮತ್ತು ವಿದ್ಯುನ್ಮಾನ ರೂಪದ ದತ್ತಾಂಶ ಪರ್ಯಾಯ (ಇಲೆಕ್ಟ್ರಾನಿಕ್‌ ಡಾಟಾ ಇಂಟರ್‌ಚೇಂಜ್‌ - EDI) ಇವುಗಳು ಸಾಗಾಣಿಕೆಯ ಪೆಟ್ಟಿಗೆಗಳಿಗೆ ಸಂಬಂಧಿಸಿದ ತಂತ್ರಜ್ಞಾನಗಳಾಗಿವೆ. ಉತ್ಪನ್ನದ ಪೆಟ್ಟಿಗೆಗಳನ್ನು ವಿತರಣಾ ವಾಹಿನಿಯಾದ್ಯಂತ ಸಾಗಣೆಮಾಡುವ ಪ್ರಕ್ರಿಯೆಯಲ್ಲಿ ವ್ಯವಹಾರದ ಕಾರ್ಯವಿಧಾನಗಳನ್ನು ಸಾಧ್ಯವಾಗಿಸುವಲ್ಲಿ ಈ ಮೂರು ಮುಖ್ಯ ತಂತ್ರಜ್ಞಾನಗಳು ಪ್ರಮುಖಪಾತ್ರವನ್ನು ವಹಿಸುತ್ತವೆ. ಪ್ರತಿ ತಂತ್ರಜ್ಞಾನವೂ ತನ್ನದೇ ಆದ ಮೂಲಭೂತ ಕಾರ್ಯವಿಧಾನವನ್ನು ಹೊಂದಿದೆ: ಗುರುತಿನ ಸಂಕೇತಗಳು ಇತರ ದತ್ತಾಂಶಕ್ಕೆ ಉತ್ಪನ್ನ ಮಾಹಿತಿಯ ಸಂಪರ್ಕವನ್ನು ಕಲ್ಪಿಸುತ್ತವೆ ಅಥವಾ ಅದರ ಕೀಲಿಕೈಗಳಾಗಿ ಕೆಲಸಮಾಡುತ್ತವೆ; ಪಟ್ಟೆಯ ಸಂಕೇತಗಳು ಗುರುತಿನ ಸಂಕೇತಗಳು ಮತ್ತು ಇತರ ದತ್ತಾಂಶದ ಸ್ವಯಂಚಾಲಿತ ಪ್ರದಾನಕ್ಕಾಗಿ ಅವಕಾಶ ಕಲ್ಪಿಸುತ್ತವೆ, ಮತ್ತು ವಿತರಣಾ ವಾಹಿನಿಯೊಳಗಡೆ ಇರುವ ವ್ಯಾಪಾರದ ಪಾಲುದಾರರ ನಡುವಿನ ದತ್ತಾಂಶಕ್ಕೆ EDI ಚಾಲನೆ ನೀಡುತ್ತದೆ.

ಈ ಮುಖ್ಯ ತಂತ್ರಜ್ಞಾನಗಳಲ್ಲಿ ಸೇರಿಕೊಂಡಿರುವ ಅಂಶಗಳೆಂದರೆ: UPC ಮತ್ತು EAN ವಸ್ತುವನ್ನು ಗುರುತಿಸುವ ಸಂಕೇತಗಳು, SCC-14 (UPC ಸಾಗಾಣಿಕೆಯ ಪೆಟ್ಟಿಗೆ ಸಂಕೇತ), SSCC-18 (ಸರಣಿ ಸಾಗಾಣಿಕೆಯ ಪೆಟ್ಟಿಗೆ ಸಂಕೇತಗಳು), ನಡುವೆ ಸೇರಿಸಲ್ಪಟ್ಟ 2-ಆಫ್‌-5 ಮತ್ತು UCC/EAN-128 (ಹೊಸದಾಗಿ ವಿನ್ಯಾಸಗೊಳಿಸಲ್ಪಟ್ಟ GS1-128) ಪಟ್ಟೆ ಸಂಕೇತದ ಸಂಕೇತಶಾಸ್ತ್ರಗಳು, ಮತ್ತು ANSI ASC X12 ಹಾಗೂ UN/EDIFACT EDI ಪ್ರಮಾಣಕಗಳಾಗಿವೆ.

ಸಣ್ಣ ಪಾರ್ಸಲ್ಲಿನ ವಾಹಕಗಳು ಹಲವುಬಾರಿ ತಮ್ಮದೇ ಆದ ಸ್ವರೂಪಗಳನ್ನು ಹೊಂದಿರುತ್ತವೆ. ಉದಾಹರಣೆಗೆ, ಯುನೈಟೆಡ್‌ ಪಾರ್ಸೆಲ್‌ ಸರ್ವೀಸ್‌ ಸಂಸ್ಥೆಯು ಪಾರ್ಸಲ್ಲಿನ ಜಾಡುಹಿಡಿಯುವಿಕೆಗಾಗಿ ಒಂದು ಮ್ಯಾಕ್ಸಿಕೋಡ್‌ 2-D ಸಂಕೇತವನ್ನು ಹೊಂದಿದೆ.

ಸಾಗಾಣಿಕೆಯ ಪೆಟ್ಟಿಗೆಗಳಿಗೆ ಸಂಬಂಧಿಸಿದ RFID ಗುರುತುಪಟ್ಟಿಗಳ ಬಳಕೆಯೂ ಹೆಚ್ಚಾಗುತ್ತಿದೆ. ವಾಲ್‌-ಮಾರ್ಟ್‌‌‌ ಸಂಸ್ಥೆಯ ಸ್ಯಾಮ್‌'ಸ್‌ ಕ್ಲಬ್‌ ಎಂಬ ವಿಭಾಗವೂ ಇದೇ ದಿಕ್ಕಿನಲ್ಲಿ ಸಾಗಿದ್ದು, ಅನುಸರಣೆಗೆ ಸಂಬಂಧಿಸಿದಂತೆ ತನ್ನ ಸರಬರಾಜುದಾರರ ಮೇಲೆ ಒತ್ತಡ ಹಾಕುತ್ತಿದೆ.[೮]

ಹಾನಿಕರವಾದ ಸಾಮಗ್ರಿಗಳು ಅಥವಾ ಅಪಾಯಕರ ಸರಕುಗಳ ಸಾಗಾಣಿಕೆಗಳು UN ಮತ್ತು ದೇಶದ ಅಗತ್ಯತೆಯ ಅನುಸಾರ ವಿಶೇಷ ಮಾಹಿತಿ ಮತ್ತು ಚಿಹ್ನೆಗಳನ್ನು (ಗುರುತುಪಟ್ಟಿಗಳು, ಪ್ರದರ್ಶನ ಫಲಕಗಳು, ಇತ್ಯಾದಿ) ಹಾಗೂ ವಾಹಕದ ನಿರ್ದಿಷ್ಟ ಅವಶ್ಯಕತೆಗಳನ್ನು ಹೊಂದಿವೆ. ಅದರ ಎರಡು ಉದಾಹರಣೆಗಳನ್ನು ಕೆಳಗೆ ನೀಡಲಾಗಿದೆ:

ಸುಲಭವಾಗಿ ಉರಿ ಹೊತ್ತಿಕೊಳ್ಳುವ ದ್ರವ ಸ್ಫೋಟಕಗಳು

ನಿಭಾಯಿಸುವಿಕೆಯ ಅಗತ್ಯಗಳನ್ನು ನಿವೇದಿಸಲು ಸಾಗಣೆಯ ಸಾಮಾನು ಪೊಟ್ಟಣಗಳೊಂದಿಗೆ ಪ್ರಮಾಣಕವಾಗಿಸಿದ ಚಿಹ್ನೆಗಳನ್ನೂ ಸಹ ಬಳಸಲಾಗುತ್ತದೆ. ಅವುಗಳ ಪೈಕಿ ಕೆಲವನ್ನು ಈ ಕೆಳಗೆ ತೋರಿಸಲಾಗಿದ್ದರೆ, ಇತರವುಗಳನ್ನು ASTM D5445 "ಸ್ಟಾಂಡರ್ಡ್‌ ಪ್ರಾಕ್ಟೀಸ್‌ ಫಾರ್‌ ಪಿಕ್ಟೋರಿಯಲ್‌ ಮಾರ್ಕಿಂಗ್ಸ್‌ ಫಾರ್‌ ಹ್ಯಾಂಡ್ಲಿಂಗ್‌ ಆಫ್‌ ಗೂಡ್ಸ್‌‌" ಹಾಗೂ ISO 780 "ಪಿಕ್ಟೋರಿಯಲ್‌ ಮಾರ್ಕಿಂಗ್‌‌ ಫಾರ್‌ ಹ್ಯಾಂಡ್ಲಿಂಗ್‌ ಆಫ್‌ ಗೂಡ್ಸ್‌‌" ಇದರಲ್ಲಿ ಪಟ್ಟಿಮಾಡಲಾಗಿದೆ.

  • ಸುಲಭವಾಗಿ ಒಡೆಯುವ
    ಸುಲಭವಾಗಿ ಒಡೆಯುವ
  • ಕೈಯಿನ ಕೊಕ್ಕೆಗಳನ್ನು ಬಳಸಬೇಡಿ
    ಕೈಯಿನ ಕೊಕ್ಕೆಗಳನ್ನು ಬಳಸಬೇಡಿ
  • ಇದು ಮೇಲ್ಭಾಗದಲ್ಲಿರಲಿ
    ಇದು ಮೇಲ್ಭಾಗದಲ್ಲಿರಲಿ
  • ಸೂರ್ಯನ ಬೆಳಕಿನಿಂದ ದೂರವಿಡಿ
    ಸೂರ್ಯನ ಬೆಳಕಿನಿಂದ ದೂರವಿಡಿ
  • ನೀರಿನಿಂದ ದೂರವಿಡಿ
    ನೀರಿನಿಂದ ದೂರವಿಡಿ
  • ಗುರುತ್ವಾಕರ್ಷಣ ಕೇಂದ್ರ
    ಗುರುತ್ವಾಕರ್ಷಣ ಕೇಂದ್ರ
  • ಸೂಚಿಸಲಾಗಿರುವಂತೆ ಬಂಧನಿಯಿಂದ ಭದ್ರಪಡಿಸಿ
    ಸೂಚಿಸಲಾಗಿರುವಂತೆ ಬಂಧನಿಯಿಂದ ಭದ್ರಪಡಿಸಿ
  • ಸೂಚಿಸಲಾಗಿರುವಂತೆ ಬಂಧನಿಯಿಂದ ಭದ್ರಪಡಿಸಬೇಡಿ
    ಸೂಚಿಸಲಾಗಿರುವಂತೆ ಬಂಧನಿಯಿಂದ ಭದ್ರಪಡಿಸಬೇಡಿ

ಸಾಮಾನು ಪೊಟ್ಟಣದ ಅಭಿವೃದ್ಧಿಯ ಪರಿಗಣನೆಗಳು

[ಬದಲಾಯಿಸಿ]

ಸಾಮಾನು ಪೊಟ್ಟಣದ ವಿನ್ಯಾಸ ಹಾಗೂ ಅಭಿವೃದ್ಧಿಕಾರ್ಯಗಳು ಹೊಸ ಉತ್ಪನ್ನದ ಅಭಿವೃದ್ಧಿ ಪ್ರಕ್ರಿಯೆಯ ಒಂದು ಅವಿಭಾಜ್ಯ ಅಂಗವಾಗಿ ಅನೇಕವೇಳೆ ಪರಿಗಣಿಸಲ್ಪಡುತ್ತವೆ. ಇದಕ್ಕೆ ಪರ್ಯಾಯವಾಗಿ, ಸಾಮಾನು ಪೊಟ್ಟಣವೊಂದರ (ಅಥವಾ ಘಟಕದ) ಅಭಿವೃದ್ಧಿಯು ಒಂದು ಪ್ರತ್ಯೇಕ ಪ್ರಕ್ರಿಯೆಯಾಗಬಲ್ಲುದಾಗಿದೆ; ಆದರೆ ಪೊಟ್ಟಣ ಕಟ್ಟುವಿಕೆಗೆ ಒಳಗಾಗುವ ಉತ್ಪನ್ನದೊಂದಿಗೆ ಅದು ನಿಕಟವಾದ ಸಂಬಂಧವನ್ನು ಹೊಂದಿರಬೇಕಾದುದು ಅಗತ್ಯ. ಸಾಮಾನು ಪೊಟ್ಟಣದ ವಿನ್ಯಾಸಗಾರಿಕೆಯು ಈ ಎಲ್ಲಾ ಅವಶ್ಯಕತೆಗಳ ಗುರುತಿಸುವಿಕೆಯೊಂದಿಗೆ ಶುರುವಾಗುತ್ತದೆ: ರಾಚನಿಕ ವಿನ್ಯಾಸ, ಮಾರಾಟಗಾರಿಕೆ, ಬಡುವಿನಲ್ಲಿ ಶೇಖರಿಸಿಡುವ ಅವಧಿ, ಗುಣಮಟ್ಟದ ಭರವಸೆ, ಜಾರಿ ವ್ಯವಸ್ಥೆ, ನ್ಯಾಯಸಮ್ಮತ, ನಿಯಂತ್ರಕ, ರೇಖನ ವಿನ್ಯಾಸ, ಅಂತಿಮ-ಬಳಕೆ, ಪರಿಸರೀಯ ಅವಶ್ಯಕತೆ ಇತ್ಯಾದಿ. ವಿನ್ಯಾಸ ಮಾನದಂಡಗಳು, ಕಾರ್ಯನಿರ್ವಹಣೆ (ಸಾಮಾನು ಪೊಟ್ಟಣ ಪರೀಕ್ಷಿಸುವಿಕೆಯಿಂದ ಸ್ಪಷ್ಟವಾಗಿ ನಮೂದಿಸಲ್ಪಟ್ಟಿದ್ದು), ಮುಗಿಸುವಿಕೆಯ ಸಮಯದ ಗುರಿಗಳು, ಸಂಪನ್ಮೂಲಗಳು, ಮತ್ತು ವೆಚ್ಚದ ನಿರ್ಬಂಧಗಳನ್ನು ಸ್ಥಾಪಿಸುವುದು ಮತ್ತು ಅದಕ್ಕೆ ಅಂಗೀಕಾರವನ್ನು ಪಡೆಯುವುದು ಅತ್ಯಗತ್ಯವಾಗಿರುತ್ತದೆ.

ಸಾಗಣೆಗೆ ಸಂಬಂಧಿಸಿದ ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯನ್ನು ಅದರ ಜಾರಿ ವ್ಯವಸ್ಥೆ ಪದ್ಧತಿಯೊಂದಿಗೆ ಹೋಲಿಸುವುದು ಅಗತ್ಯವಾಗಿದೆ.ಸಮನಾಗಿರುವ ತಟ್ಟುಹಲಗೆಯ ಹೊರೆಗಳ ನಿಯಂತ್ರಿತ ಸರಕು ತುಂಬುವಿಕೆಗಳಿಗೆ ಸಂಬಂಧಿಸಿದಂತೆ ವಿನ್ಯಾಸಗೊಳಿಸಲಾದ ಸಾಮಾನು ಪೊಟ್ಟಣಗಳು, ವೇಗದ ವಾಹಕಗಳೊಂದಿಗಿನ ಮಿಶ್ರಿತ ಸರಕು ತುಂಬುವಿಕೆಗಳಿಗೆ ಸೂಕ್ತವಾಗದಿರಬಹುದು.

ಸಾಮಾನು ಪೊಟ್ಟಣದ ವಿನ್ಯಾಸವು ಇತರ ಅಂಶಗಳಿಂದ ಹೇಗೆ ಪ್ರಭಾವಿಸಲ್ಪಡುತ್ತದೆ ಎಂಬುದರ ಒಂದು ಉದಾಹರಣೆಯು ಜಾರಿ ವ್ಯವಸ್ಥೆಯೊಂದಿಗಿನ ಸಂಬಂಧವಾಗಿದೆ. ಒಂದು ಸಣ್ಣ ಪಾರ್ಸೆಲ್ಲಿನ ವಾಹಕದಿಂದಾಗುವ ಪ್ರತ್ಯೇಕ ಸಾಗಾಣಿಕೆಗಳನ್ನು ವಿತರಣಾ ವ್ಯವಸ್ಥೆಯು ಒಳಗೊಂಡಾಗ, ವಿಂಗಡಿಸುವಿಕೆ, ನಿಭಾಯಿಸುವಿಕೆ, ಮತ್ತು ಮಿಶ್ರಿತ ಜೋಡಿಸುವಿಕೆಗಳು ಸಾಗಣೆಯ ಸಾಮಾನು ಪೊಟ್ಟಣದ ಬಲ ಮತ್ತು ರಕ್ಷಣಾತ್ಮಕ ಸಾಮರ್ಥ್ಯದ ಮೇಲೆ ತೀವ್ರ ಬೇಡಿಕೆಗಳನ್ನು ಮಾಡುತ್ತವೆ. ಒಂದು ವೇಳೆ, ಜಾರಿ ವ್ಯವಸ್ಥೆಯ ಪದ್ಧತಿಯು ಏಕರೂಪದ ಹಲಗೆಯಲ್ಲಿ ಸಾಗಿಸಲ್ಪಟ್ಟ ಏಕಮಾನ ಹೊರೆಗಳನ್ನು ಒಳಗೊಂಡಿದ್ದೇ ಆದಲ್ಲಿ, ಆ ನಿರ್ದಿಷ್ಟ ಅಗತ್ಯಗಳಿಗೆ ಅನುಸಾರವಾಗಿ ಸಾಮಾನು ಪೊಟ್ಟಣದ ರಾಚನಿಕ ವಿನ್ಯಾಸವನ್ನು ವಿನ್ಯಾಸಗೊಳಿಸಬಹುದು: ಅಂದರೆ ಪ್ರಾಯಶಃ ಒಂದು ಸುದೀರ್ಘವಾದ ಸಮಯದ ಚೌಕಟ್ಟಿಗೆ ಸಂಬಂಧಿಸಿದಂತೆ ಲಂಬವಾಗಿ ಜೋಡಿಸುವಿಕೆಯನ್ನು ವಿನ್ಯಾಸಗೊಳಿಸಬಹುದು. ಒಂದು ಸಾಗಾಣಿಕಾ ವಿಧಾನಕ್ಕೆ ವಿನ್ಯಾಸಗೊಳಿಸಲ್ಪಟ್ಟ ಸಾಮಾನು ಪೊಟ್ಟಣವೊಂದು ಮತ್ತೊಂದು ಸಾಗಾಣಿಕಾ ವಿಧಾನಕ್ಕೆ ಹೊಂದಿಕೆಯಾಗದಿರಬಹುದು.

ಉತ್ಪನ್ನಗಳ ಕೆಲವೊಂದು ಬಗೆಗಳೊಂದಿಗೆ, ವಿನ್ಯಾಸ ಪ್ರಕ್ರಿಯೆಯು ಸಾಮಾನು ಪೊಟ್ಟಣಕ್ಕೆ ಸಂಬಂಧಿಸಿದ ವಿಸ್ತೃತವಾದ ನಿಯಂತ್ರಕ ಅವಶ್ಯಕತೆಗಳನ್ನು ಒಳಗೊಳ್ಳುತ್ತದೆ. ಉದಾಹರಣೆಗೆ, ಆಹಾರ ಪದಾರ್ಥಗಳನ್ನು ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಗೆ ಸಂಬಂಧಿಸಿದಂತೆ ಹೇಳುವುದಾದರೆ, ಆಹಾರವನ್ನು ಸಂಪರ್ಕಿಸಬಹುದಾದ ಸಾಮಾನು ಪೊಟ್ಟಣದ ಯಾವುದೇ ಘಟಕಗಳು ಆಹಾರ ಸಂಪರ್ಕದ ಸಾಮಗ್ರಿಗಳಾಗಿರುತ್ತವೆ.[೯] ಪೊಟ್ಟಣ ಕಟ್ಟುವಿಕೆಯಲ್ಲಿ ಬಳಸಲಾಗುವ ಸಾಮಗ್ರಿಗಳಿಗೆ, ಅನ್ವಯವಾಗುವ ಕಟ್ಟುಪಾಡುಗಳಿಂದ ಅನುಮತಿ ದೊರೆತಿದೆ ಎಂಬುದನ್ನು ವಿಷಶಾಸ್ತ್ರ ತಜ್ಞರು ಮತ್ತು ಆಹಾರ ವಿಜ್ಞಾನಿಗಳು ಪರಿಶೀಲನೆ ಮಾಡುವುದು ಅಗತ್ಯವಾಗಿರುತ್ತದೆ. ಸಂಪೂರ್ಣಗೊಳಿಸಲ್ಪಟ್ಟಿರುವ ಸಾಮಾನು ಪೊಟ್ಟಣವು ಸಾಮಾನ್ಯವಾದ ಬಳಕೆಯ ಸನ್ನಿವೇಶದಲ್ಲಿ, ಅದರ ಉದ್ದೇಶಿತ ಬಡುವಿನಲ್ಲಿ ಶೇಖರಿಸಿಡುವ ಅವಧಿಗೆ ಸಂಬಂಧಿಸಿದಂತೆ ಉತ್ಪನ್ನವನ್ನು ಸುರಕ್ಷಿತವಾಗಿಡುತ್ತದೆ ಎಂಬುದನ್ನು ಪೊಟ್ಟಣ ಕಟ್ಟುವಿಕೆಗೆ ಸಂಬಂಧಿಸಿದ ಎಂಜಿನಿಯರುಗಳು ಪರಿಶೀಲನೆ ಮಾಡುವುದು ಅಗತ್ಯವಾಗಿರುತ್ತದೆ. 

ಪೊಟ್ಟಣ ಕಟ್ಟುವಿಕೆಯ ಪ್ರಕ್ರಿಯೆಗಳು, ಗುರುತುಪಟ್ಟಿ ಅಂಟಿಸುವಿಕೆ, ವಿತರಣೆ, ಮತ್ತು ಮಾರಾಟ ಇವೇ ಮೊದಲಾದವುಗಳನ್ನು ಕಟ್ಟುಪಾಡುಗಳಿಗೆ ಅನುಸಾರವಾಗಿ ಕ್ರಮಬದ್ಧಗೊಳಿಸುವುದು ಅಗತ್ಯವಾಗಿದೆ ಮತ್ತು ಇವು ಗ್ರಾಹಕರ ಯೋಗಕ್ಷೇಮವನ್ನು ಮನಸ್ಸಿನಲ್ಲಿರಿಸಿಕೊಳ್ಳುವುದು ಅಗತ್ಯವಾಗಿದೆ.

ಕೆಲವೊಮ್ಮೆ, ಸಾಮಾನು ಪೊಟ್ಟಣ ಅಭಿವೃದ್ಧಿಯ ಉದ್ದೇಶಗಳು ವಿರೋಧಾತ್ಮಕವಾಗಿ ಕಾಣಿಸುತ್ತವೆ. ಉದಾಹರಣೆಗೆ, ಸಾಮಾನು ಪೊಟ್ಟಣವು ವಿರೂಪಗೊಳಿಸುವುದನ್ನು ಸ್ಪಷ್ಟವಾಗಿ ತೋರಿಸುವ ಮತ್ತು ಶಿಶು ನಿರೋಧಕವಾಗಿರುವ[೧೦] ರೀತಿಯಲ್ಲಿರಬೇಕು ಎಂದು ಒಂದು ಮುಕ್ತ ಮಾರಾಟದ ಔಷಧಕ್ಕೆ ಸಂಬಂಧಿಸಿದ ಕಟ್ಟುಪಾಡುಗಳು ಬಯಸಬಹುದು: ಇವು ಸಾಮಾನು ಪೊಟ್ಟಣದ ತೆರೆಯುವಿಕೆಯನ್ನು ಉದ್ದೇಶಪೂರ್ವಕವಾಗಿ ಕಷ್ಟಕರವಾಗಿಸುತ್ತವೆ.[೧೧]. ಆದಾಗ್ಯೂ, ಉದ್ದೇಶಿತ ಗ್ರಾಹಕನು ಅಂಗವಿಕಲನಾಗಿರಬಹುದು ಅಥವಾ ವಯಸ್ಸಾದವನಾಗಿರಬಹುದು ಮತ್ತು ಸಾಮಾನು ಪೊಟ್ಟಣವನ್ನು ಸರಾಗವಾಗಿ ತೆರೆಯಲು ಅವನಿಗೆ ಸಾಧ್ಯವಾಗದಿರಬಹುದು. ಎಲ್ಲಾ ಗುರಿಗಳನ್ನು ಈಡೇರಿಸುವುದು ಒಂದು ಸವಾಲಾಗಿದೆ.

ಸಾಮಾನು ಪೊಟ್ಟಣದ ವಿನ್ಯಾಸವು ಒಂದು ಕಂಪನಿಯ ಸೂರಿನಡಿಯಲ್ಲೇ ನಡೆಯಬಹುದು ಅಥವಾ ಹೊರಗಿನ ಹಲವು ಮಟ್ಟಗಳಲ್ಲಿನ ಪೊಟ್ಟಣ ಕಟ್ಟುವಿಕೆಯ ರೂಪಿಸುವಿಕೆ‌ಯೊಂದಿಗೆ ನಡೆಯಬಹುದು. ಅಂಥ ವಲಯಗಳೆಂದರೆ: ಸ್ವತಂತ್ರ ಗುತ್ತಿಗೆದಾರರು, ಸಮಾಲೋಚಕರು, ಮಾರಾಟಗಾರ ಮೌಲ್ಯಮಾಪನಗಳು, ಸ್ವತಂತ್ರ ಪ್ರಯೋಗಾಲಯಗಳು, ಗುತ್ತಿಗೆಯ ಆಧಾರದಲ್ಲಿರುವ ಸಾಮಾನು ಪೊಟ್ಟಣ ಕಟ್ಟುವವರು, ಒಟ್ಟಾರೆ ಹೊರಗುತ್ತಿಗೆ ಇತ್ಯಾದಿ. ಎಲ್ಲ ಬಗೆಯ, ಆದರೆ ಅತ್ಯಂತ ಸರಳವಾಗಿರುವ ಸಾಮಾನು ಪೊಟ್ಟಣ ವಿನ್ಯಾಸ ಹಾಗೂ ಅಭಿವೃದ್ಧಿಯ ಕಾರ್ಯಸೂಚಿಗಳಿಗೆ ಸಂಬಂಧಿಸಿದಂತೆ ಒಂದು ರೀತಿಯ ಔಪಚಾರಿಕ ಯೋಜನೆ ರೂಪಿಸುವಿಕೆ ಹಾಗೂ ಯೋಜನಾ ನಿರ್ವಹಣೆಯ ಕಾರ್ಯವಿಧಾನವು ಅತ್ಯಗತ್ಯವಾಗಿರುತ್ತದೆ. ಕೆಲವೊಂದು ಬಗೆಯ ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಗೆ ಹಾಗೂ ಎಲ್ಲರಿಗೂ ಶಿಫಾರಸು ಮಾಡಲ್ಪಟ್ಟಿರುವಂಥವುಗಳಿಗೆ ಸಂಬಂಧಿಸಿದಂತೆ, ಒಂದು ಪರಿಣಾಮಕಾರಿಯಾದ ಗುಣಮಟ್ಟ ನಿರ್ವಹಣೆ ವ್ಯವಸ್ಥೆ ಹಾಗೂ ಪರಿಶೀಲನೆ ಮತ್ತು ಊರ್ಜಿತಗೊಳಿಸುವಿಕೆಯ ಶಿಷ್ಟಾಚಾರಗಳು ಕಡ್ಡಾಯವಾಗಿವೆ.

ಸಾಮಾನು ಪೊಟ್ಟಣದ ಅಭಿವೃದ್ಧಿಯು ಸಮರ್ಥನೀಯತೆ, ಪರಿಸರೀಯ ಹೊಣೆಗಾರಿಕೆ, ಹಾಗೂ ಅನ್ವಯವಾಗುವ ಪರಿಸರೀಯ ಮತ್ತು ಮರುಬಳಕೆಯ ಕಟ್ಟುಪಾಡುಗಳಿಗೆ ಸಂಬಂಧಿಸಿದ ಪರಿಗಣನೆಗಳನ್ನು ಒಳಗೊಳ್ಳುತ್ತದೆ. ಇದು ಒಂದು ಜೀವನಚಕ್ರದ ನಿರ್ಧರಣೆಯನ್ನು [೧೨][೧೩] ಒಳಗೊಳ್ಳಬಹುದಾಗಿದ್ದು, ಅದು ಸಾಮಾನು ಪೊಟ್ಟಣಕ್ಕೆ ಸಂಬಂಧಿಸಿದ ಸಾಮಗ್ರಿ ಹಾಗೂ ಶಕ್ತಿಯ ಪ್ರದಾನಗಳು ಮತ್ತು ಉತ್ಪಾದನೆಗಳನ್ನು ಪರಿಗಣಿಸುತ್ತದೆ. ಅಷ್ಟೇ ಅಲ್ಲ, ಪೊಟ್ಟಣ ಕಟ್ಟಲ್ಪಟ್ಟ ಉತ್ಪನ್ನ (ವಸ್ತುಗಳು), ಪೊಟ್ಟಣ ಕಟ್ಟುವ ಪ್ರಕ್ರಿಯೆ, ಜಾರಿ ವ್ಯವಸ್ಥೆಯ ಪದ್ಧತಿ[೧೪], ತ್ಯಾಜ್ಯ ನಿರ್ವಹಣೆ ಇತ್ಯಾದಿಗಳನ್ನೂ ಅದು ಒಳಗೊಳ್ಳುತ್ತದೆ. ತಯಾರಿಕೆ, ಮಾರಾಟ, ಮತ್ತು ಬಳಕೆಯ ಸ್ಥಳಕ್ಕೆ ಸಂಬಂಧಿಸಿದಂತಿರುವ ಸಂಗತವಾದ ನಿಯಂತ್ರಕ ಅವಶ್ಯಕತೆಗಳನ್ನು ತಿಳಿದಿರುವುದು ಅತ್ಯಗತ್ಯವಾಗಿದೆ.

ಸಾಂಪ್ರದಾಯಿಕವಾಗಿ “ಮೂರು R ಗಳೆಂದು” ಕರೆಸಿಕೊಳ್ಳುವ ತಗ್ಗಿಸುವಿಕೆ (reduce), ಮರುಬಳಕೆ (reuse), ಮತ್ತು ಮರುಬಳಕೆಗೆ ಪರಿವರ್ತಿಸುವಿಕೆ (recycle) ಇವು ತ್ಯಾಜ್ಯ ಶ್ರೇಣಿವ್ಯವಸ್ಥೆಯೊಂದರ ಭಾಗಗಳಾಗಿದ್ದು, ಅವನ್ನು ಉತ್ಪನ್ನ ಮತ್ತು ಸಾಮಾನು ಪೊಟ್ಟಣದ ಅಭಿವೃದ್ಧಿಯಲ್ಲಿ ಪರಿಗಣಿಸಬಹುದಾಗಿದೆ.

ತ್ಯಾಜ್ಯದ ಶ್ರೇಣಿವ್ಯವಸ್ಥೆ
  • ತಡೆಗಟ್ಟುವಿಕೆ – ತ್ಯಾಜ್ಯ ತಡೆಗಟ್ಟುವಿಕೆಯು ಒಂದು ಪ್ರಾಥಮಿಕ ಗುರಿಯಾಗಿದೆ. ಅಗತ್ಯವಿದ್ದೆಡೆ ಮಾತ್ರವೇ ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯನ್ನು ಬಳಸಬೇಕು. ಸೂಕ್ತವಾದ ರೀತಿಯಲ್ಲಿ ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯು ತ್ಯಾಜ್ಯವನ್ನು ತಡೆಗಟ್ಟುವಲ್ಲಿಯೂ ನೆರವಾಗಬಲ್ಲದು. ಪೊಟ್ಟಣ ಕಟ್ಟಲಾದ-ಉತ್ಪನ್ನಕ್ಕೆ (ವಸ್ತುಗಳಿಗೆ) ನಷ್ಟ ಅಥವಾ ಹಾನಿಯಾಗುವುದನ್ನು ತಡೆಗಟ್ಟುವಲ್ಲಿ ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯು ಒಂದು ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಸಾಮಾನ್ಯವಾಗಿ, ಪೊಟ್ಟಣ ಕಟ್ಟುವಿಕೆಗೆ ಒಳಗಾಗುತ್ತಿರುವ ಉತ್ಪನ್ನದ ಶಕ್ತಿಹೂರಣ ಮತ್ತು ಸಾಮಗ್ರಿ ಬಳಕೆಯ ರೀತಿಗಳು, ಸಾಮಾನು ಪೊಟ್ಟಣದ್ದಕ್ಕಿಂತ ಹೆಚ್ಚು ಮಹತ್ವವುಳ್ಳದ್ದಾಗಿರುತ್ತವೆ. ಉತ್ಪನ್ನವನ್ನು ಅದರ ಉದ್ದೇಶಿತ ಬಳಕೆಗಾಗಿ ರಕ್ಷಿಸುವುದು ಸಾಮಾನು ಪೊಟ್ಟಣದ ಒಂದು ಅತಿಮುಖ್ಯವಾದ ಕಾರ್ಯವಿಧಾನವಾಗಿದೆ: ಒಂದು ವೇಳೆ ಉತ್ಪನ್ನವು ಹಾನಿಗೊಳಗಾದರೆ ಅಥವಾ ಅದರ ದರ್ಜೆಯು ಕುಗ್ಗಿದರೆ, ಅದರ ಸಂಪೂರ್ಣ ಶಕ್ತಿ ಹಾಗೂ ಸಾಮಗ್ರಿಯ ಹೂರಣವು ನಷ್ಟವಾಗಬಹುದು.[೧೫][೧೬]
  • ಕನಿಷ್ಠೀಕರಣ – ("ಮೂಲವನ್ನು ತಗ್ಗಿಸುವಿಕೆ" ಎಂದೂ ಇದಕ್ಕೆ ಹೆಸರಿದೆ) ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯ ರಾಶಿ ಮತ್ತು ಪ್ರಮಾಣವನ್ನು (ವಸ್ತುಗಳ ತಲಾ ಏಕಮಾನದಲ್ಲಿ) ಅಳೆಯಬಹುದು ಹಾಗೂ ಸಾಮಾನು ಪೊಟ್ಟಣದ ವಿನ್ಯಾಸ ಪ್ರಕ್ರಿಯೆಯ ಅವಧಿಯಲ್ಲಿ ಕನಿಷ್ಠೀಕರಿಸಬೇಕಾದ ಮಾನದಂಡಗಳ ಪೈಕಿ ಒಂದೆಂಬಂತೆ ಅದನ್ನು ಬಳಸಬಹುದು. ಸಾಮಾನ್ಯವಾಗಿ “ತಗ್ಗಿಸಲಾದ” ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯು ವೆಚ್ಚಗಳನ್ನು ಕನಿಷ್ಠಗೊಳಿಸುವಲ್ಲಿಯೂ ನೆರವಾಗುತ್ತದೆ. ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಗೆ ಸಂಬಂಧಿಸಿದ ಎಂಜಿನಿಯರುಗಳು, ತಗ್ಗಿಸಲಾದ ಪೊಟ್ಟಣ ಕಟ್ಟುವಿಕೆಯೆಡೆಗೆ ಕಾರ್ಯನಿರ್ವಹಿಸುವುದನ್ನು ಮುಂದುವರಿಸುತ್ತಾರೆ.[೧೭]
  • ಮರುಬಳಕೆ – ಒಂದು ಸಾಮಾನು ಪೊಟ್ಟಣ ಅಥವಾ ಘಟಕವನ್ನು ಇತರ ಉದ್ದೇಶಗಳಿಗಾಗಿ ಮರುಬಳಕೆ ಮಾಡುವುದನ್ನು ಉತ್ತೇಜಿಸಲಾಗುತ್ತದೆ. ಮುಚ್ಚಲ್ಪಟ್ಟಿರುವ ಪುನರಾವರ್ತನದ ಜಾರಿ ವ್ಯವಸ್ಥೆಯ ಪದ್ಧತಿಗಳಿಗೆ ಸಂಬಂಧಿಸಿದಂತೆ, ಹಿಂದಿರುಗಿಸಬಹುದಾದ ಪೊಟ್ಟಣ ಕಟ್ಟುವಿಕೆಯು ಬಹಳ ಕಾಲದಿಂದಲೂ ಪ್ರಯೋಜನಕರವಾಗಿದೆ (ಮತ್ತು ಉಳಿತಾಯದ ದೃಷ್ಟಿಯಿಂದ ಕಾರ್ಯಸಾಧ್ಯವಾಗಿದೆ). ಪರಿವೀಕ್ಷಣೆ, ಚೊಕ್ಕಗೊಳಿಸುವಿಕೆ, ದುರಸ್ತಿ ಮತ್ತು ನಷ್ಟ ತುಂಬಿಕೊಡುವಿಕೆ ಮೊದಲಾದವುಗಳು ಅನೇಕವೇಳೆ ಅತ್ಯಗತ್ಯವಾಗಿರುತ್ತವೆ. ಉತ್ಪನ್ನವೊಂದಕ್ಕೆ ಸಂಬಂಧಿಸಿದಂತೆ ಒಳಬರುವ ಭಾಗಗಳ ಪೊಟ್ಟಣ ವ್ಯವಸ್ಥೆಯನ್ನು ಕೆಲವೊಂದು ತಯಾರಕರು ಹೊರಹೋಗುವ ಉತ್ಪನ್ನದ[೧೮] ಪೊಟ್ಟಣ ಕಟ್ಟುವಿಕೆಗಾಗಿ ಅಥವಾ ಸ್ವತಃ ಉತ್ಪನ್ನದ ಭಾಗವಾಗಿ ಮರುಬಳಕೆ ಮಾಡುತ್ತಾರೆ.[೧೯]
  • ಮರುಬಳಕೆಗೆ ಪರಿವರ್ತಿಸುವಿಕೆ – ಮರುಬಳಕೆಗೆ ಪರಿವರ್ತಿಸುವಿಕೆಯು (ಗ್ರಾಹಕರ-ಬಳಕೆಯ ಮುಂಚಿನ ಮತ್ತು ನಂತರದ) ಸಾಮಗ್ರಿಗಳನ್ನು ಹೊಸ ಉತ್ಪನ್ನಗಳಾಗಿಸುವ ಮರುಸಂಸ್ಕರಣಾ ಪ್ರಕ್ರಿಯೆಯಾಗಿದೆ. ಸಾಮಾನು ಪೊಟ್ಟಣವೊಂದರ ಅತಿದೊಡ್ಡ ಪ್ರಾಥಮಿಕ ಘಟಕಗಳಾದ ಉಕ್ಕು, ಅಲ್ಯುಮೀನಿಯಂ, ಕಾಗದಗಳು, ಪ್ಲಾಸ್ಟಿಕ್ಕುಗಳು ಇತ್ಯಾದಿಗಳನ್ನು ಮರುಬಳಕೆಗೆ ಪರಿವರ್ತಿಸುವುದರ ಮೇಲೆ ಮಹತ್ವವನ್ನು ಕೇಂದ್ರೀಕರಿಸಲಾಗಿದೆ. ಪ್ರತ್ಯೇಕಿಸುವುದು ಕಷ್ಟವಲ್ಲದ ಮತ್ತು ಮರುಬಳಕೆಗೆ ಪರಿವರ್ತಿಸುವುದರ ಕಾರ್ಯಾಚರಣೆಗಳನ್ನು ಕಲುಷಿತಗೊಳಿಸದ ಸಣ್ಣ ಘಟಕಗಳನ್ನು ಆಯ್ದುಕೊಳ್ಳಬಹುದಾಗಿದೆ.
  • ಶಕ್ತಿ ಚೇತರಿಕೆ – ಮಾನ್ಯತೆಪಡೆದ ಸೌಕರ್ಯಗಳಲ್ಲಿನ ತ್ಯಾಜ್ಯದಿಂದ ಪಡೆದ ಶಕ್ತಿ ಹಾಗೂ ತ್ಯಾಜ್ಯ-ಜನ್ಯ ಇಂಧನಗಳು, ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯ ಘಟಕಗಳಿಂದ ಲಭ್ಯವಾಗುವ ಶಾಖದ ಬಳಕೆ ಮಾಡಿಕೊಳ್ಳುವಲ್ಲಿ ಸಮರ್ಥವಾಗಿರುತ್ತವೆ.
  • ವಿಲೇವಾರಿ – ಭಸ್ಮೀಕರಣ, ಮತ್ತು ಒಂದು ನೈರ್ಮಲ್ಯದ ನೆಲಭರ್ತಿಯಲ್ಲಿನ ಇರಿಸುವಿಕೆಗಳು ಕೆಲವೊಂದು ಸಾಮಗ್ರಿಗಳಿಗೆ ಅತ್ಯಗತ್ಯವಾಗಿರುತ್ತವೆ. USನೊಳಗಿನ ಕೆಲವೊಂದು ಸಂಸ್ಥಾನಗಳು ವಿಷಕಾರಿ ವಸ್ತುಗಳ ಕಾರಣಗಳಿಗಾಗಿ ಸಾಮಾನು ಪೊಟ್ಟಣಗಳನ್ನು ನಿಯಂತ್ರಿಸುತ್ತವೆ. ಈ ವಿಷಕಾರಿ ವಸ್ತುಗಳು ಭಸ್ಮೀಕರಣದಿಂದ ಹೊರಬಂದ ಹೊರಸೂಸಿದ ವಸ್ತುಗಳು ಮತ್ತು ಬೂದಿಯನ್ನು ಹಾಗೂ ನೆಲಭರ್ತಿಯಿಂದ ಬಂದ ಲೀಚೇಟ್‌ನ್ನು ಕಲುಷಿತಗೊಳಿಸುವ ಸಾಮರ್ಥ್ಯವನ್ನು ಹೊಂದಿರುತ್ತವೆ.[೨೦] ಸಾಮಾನು ಪೊಟ್ಟಣಗಳನ್ನು ಕಸದ ರೀತಿಯಲ್ಲಿ ಎಸೆಯಬಾರದು.

ಸಮರ್ಥನೀಯವಾದ ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯ ಅಭಿವೃದ್ಧಿಯು, ಮಾನಕಗಳ ಸಂಘಟನೆಗಳು, ಸರ್ಕಾರ, ಗ್ರಾಹಕರು, ಸಾಮಾನು ಪೊಟ್ಟಣ ಕಟ್ಟುವವರು, ಮತ್ತು ಚಿಲ್ಲರೆ ವ್ಯಾಪಾರಿಗಳಿಂದ ಒಂದು ಆಸಕ್ತಿಯ ಕ್ಷೇತ್ರವೆಂದು ಪರಿಗಣಿಸಲ್ಪಟ್ಟಿದೆ.

ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯ ಯಂತ್ರಗಳು

[ಬದಲಾಯಿಸಿ]
ಬಾಟಲಿಗೆ ಬಿಯರ್‌ ತುಂಬಿಸುವ ಕ್ಷೇತ್ರಗಳು

ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯ ಯಂತ್ರೋಪಕರಣಗಳ ಒಂದು ಆಯ್ಕೆಯಲ್ಲಿ ಇವೆಲ್ಲವೂ ಸೇರಿವೆ: ತಾಂತ್ರಿಕ ಸಾಮರ್ಥ್ಯಗಳು, ಕಾರ್ಮಿಕ ಅವಶ್ಯಕತೆಗಳು, ಕೆಲಸಗಾರ ಸುರಕ್ಷತೆ, ಸಮರ್ಥನೀಯತೆ, ಬಾಳಿಕೆ ಬರುವಿಕೆ, ವಿಶ್ವಾಸಾರ್ಹತೆ, ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯ ವೃತ್ತಿಯೊಳಗೆ ಒಂದುಗೂಡುವ ಸಾಮರ್ಥ್ಯ, ಬಂಡವಾಳ ವೆಚ್ಚ, ನೆಲದ ಜಾಗ, ಹೊಂದಿಕೊಳ್ಳುವ ಸ್ವಭಾವ (ಸಂಪೂರ್ಣ-ಬದಲಾವಣೆ, ಸಾಮಗ್ರಿಗಳು, ಇತ್ಯಾದಿ.), ಶಕ್ತಿ ಬಳಕೆಯ ರೀತಿ, ಹೊರಹೋಗುವ ಸಾಮಾನು ಪೊಟ್ಟಣಗಳ ಗುಣಮಟ್ಟ, ವಿದ್ಯಾರ್ಹತೆಗಳು (ಆಹಾರ, ಔಷಧೀಯ ವಸ್ತುಗಳು ಇತ್ಯಾದಿಗಳಿಗೆ ಸಂಬಂಧಿಸಿದಂತೆ), ಹಾಕಿದ ಕಚ್ಚಾವಸ್ತುವಿನ ಪ್ರಮಾಣ, ಕಾರ್ಯಪಟುತ್ವ, ಉತ್ಪಾದಕತೆ, ದಕ್ಷತಾಶಾಸ್ತ್ರ, ಹೂಡಿಕೆಯ ಮೇಲಿನ ಪ್ರತಿಫಲ, ಇತ್ಯಾದಿ.

ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯ ಯಂತ್ರಗಳು ಈ ಕೆಳಕಾಣಿಸಿರುವ ಸಾಮಾನ್ಯ ಬಗೆಗಳಲ್ಲಿ ಇರಬಹುದು:

  • ತಾಪಸುರಂಗದ ಮೇಲಿನ ಸಂಕೋಚನ ಹಾಳೆ, ತಾಪಮುದ್ರಕ ಮತ್ತು ಸುರುಳಿ ಸಾಗಣೆಪಟ್ಟಿಯನ್ನು ಬಳಸಿಕೊಂಡು, ಬೇಕರಿಯ ಆಹಾರಪದಾರ್ಥಗಳನ್ನು ಬಿಗಿಯಾದ ಸಂಕೋಚನ ಪಟ್ಟಿಯಿಂದ ಸುತ್ತಿರುವುದು.
    ತಾಪಸುರಂಗದ ಮೇಲಿನ ಸಂಕೋಚನ ಹಾಳೆ, ತಾಪಮುದ್ರಕ ಮತ್ತು ಸುರುಳಿ ಸಾಗಣೆಪಟ್ಟಿಯನ್ನು ಬಳಸಿಕೊಂಡು, ಬೇಕರಿಯ ಆಹಾರಪದಾರ್ಥಗಳನ್ನು ಬಿಗಿಯಾದ ಸಂಕೋಚನ ಪಟ್ಟಿಯಿಂದ ಸುತ್ತಿರುವುದು.
  • ಸಾಗಣೆ ಸಾಮಾನು ಪೊಟ್ಟಣಗಳನ್ನು ವಿಂಗಡಿಸುವ ಸಲುವಾಗಿರುವ ಬಾರ್‌ಕೋಡ್‌ ಸ್ಕ್ಯಾನರ್‌ನೊಂದಿಗಿನ ಉನ್ನತ ವೇಗದ ಸಾಗಣೆ ಪಟ್ಟಿ
    ಸಾಗಣೆ ಸಾಮಾನು ಪೊಟ್ಟಣಗಳನ್ನು ವಿಂಗಡಿಸುವ ಸಲುವಾಗಿರುವ ಬಾರ್‌ಕೋಡ್‌ ಸ್ಕ್ಯಾನರ್‌ನೊಂದಿಗಿನ ಉನ್ನತ ವೇಗದ ಸಾಗಣೆ ಪಟ್ಟಿ
  • ಒಂದು ನಿರಿಗೆರಟ್ಟಿನ ಪೆಟ್ಟಿಗೆಯ ಅಕ್ಕಪಕ್ಕದ ಪಟ್ಟಿಗಳಿಗೆ ಒಂದು ಗುರುತುಪಟ್ಟಿಯನ್ನು ಲಗತ್ತಿಸುತ್ತಿರುವ ಗುರುತುಪಟ್ಟಿ ಮುದ್ರಕ ಲೇಪಕ
    ಒಂದು ನಿರಿಗೆರಟ್ಟಿನ ಪೆಟ್ಟಿಗೆಯ ಅಕ್ಕಪಕ್ಕದ ಪಟ್ಟಿಗಳಿಗೆ ಒಂದು ಗುರುತುಪಟ್ಟಿಯನ್ನು ಲಗತ್ತಿಸುತ್ತಿರುವ ಗುರುತುಪಟ್ಟಿ ಮುದ್ರಕ ಲೇಪಕ
  • ಬ್ರೆಡ್‌ನ್ನು ಹಲಗೆಯಲ್ಲಿ ಸಾಗಿಸಲು ಬಳಸಲಾಗುವ ರೊಬಾಟಿಕ್ಸ್‌
    ಬ್ರೆಡ್‌ನ್ನು ಹಲಗೆಯಲ್ಲಿ ಸಾಗಿಸಲು ಬಳಸಲಾಗುವ ರೊಬಾಟಿಕ್ಸ್‌

ಇತಿಹಾಸ

[ಬದಲಾಯಿಸಿ]
ಟರ್ಕಿಯ ಬೊಡ್ರಮ್‌ ಕ್ಯಾಸಲ್‌ನಲ್ಲಿ ಪ್ರದರ್ಶನಕ್ಕಿಟ್ಟಿರುವ ಜೋಡಿಹಿಡಿಯ ಜಾಡಿಗಳು

ಮೊಟ್ಟಮೊದಲ ಸಾಮಾನು ಪೊಟ್ಟಣಗಳು ಆ ಸಮಯದಲ್ಲಿ ಲಭ್ಯವಿದ್ದ ನೈಸರ್ಗಿಕ ಸಾಮಗ್ರಿಗಳನ್ನು ಬಳಸಿಕೊಂಡು ತಯಾರಾದವು. ಅವುಗಳೆಂದರೆ: ಲಾಳದ ಕಡ್ಡಿಗಳ ಬುಟ್ಟಿಗಳು, ಮದ್ಯದ ಮುದ್ದಲಿಗಳು (ಬೋಟಾ ಚೀಲಗಳು), ಮರದ ಪೆಟ್ಟಿಗೆಗಳು, ಮಣ್ಣಿನಿಂದ ಮಾಡಿದ ಹೂಕುಂಡಗಳು, ಪಿಂಗಾಣಿಯ ಜೋಡಿಹಿಡಿಯ ಜಾಡಿಗಳು, ಮರದ ಪೀಪಾಯಿಗಳು, ಹೆಣೆದ ಚೀಲಗಳು, ಇತ್ಯಾದಿ. ಸಂಸ್ಕರಿತ ಸಾಮಗ್ರಿಗಳು ಅಭಿವೃದ್ಧಿಗೊಂಡಂತೆ ಸಾಮಾನು ಪೊಟ್ಟಣಗಳನ್ನು ರೂಪಿಸಲು ಅವು ಬಳಸಲ್ಪಟ್ಟವು: ಉದಾಹರಣೆಗೆ, ಮುಂಚಿನ ಗಾಜು ಮತ್ತು ಕಂಚಿನ ಪಾತ್ರೆಗಳು. ಹಳೆಯ ಸಾಮಾನು ಪೊಟ್ಟಣಗಳ ಅಧ್ಯಯನವು ಪುರಾತತ್ತ್ವಶಾಸ್ತ್ರದ ಒಂದು ಮುಖ್ಯ ಮಗ್ಗುಲಾಗಿದೆ.

ಕಬ್ಬಿಣ ಮತ್ತು ತವರ ಲೇಪಿತ ಉಕ್ಕು ಇವುಗಳು 19ನೇ ಶತಮಾನದ ಆರಂಭದಲ್ಲಿ ಕೈಡಬ್ಬಿಗಳನ್ನು ತಯಾರಿಸಲು ಬಳಸಲ್ಪಟ್ಟವು. ರಟ್ಟುಕಾಗದದ ಪೆಟ್ಟಿಗೆಗಳು ಮತ್ತು ನಿರಿಗೆಯುಳ್ಳ ಫೈಬರ್‌ ರಟ್ಟಿನ ಪೆಟ್ಟಿಗೆಗಳು 19ನೇ ಶತಮಾನದ ಅಂತ್ಯದ ವೇಳೆಗೆ ಮೊದಲು ಪರಿಚಯಿಸಲ್ಪಟ್ಟವು.

20ನೇ ಶತಮಾನದ ಆರಂಭದಲ್ಲಿ ಕಂಡುಬಂದ ಪೊಟ್ಟಣದಲ್ಲಿ ಭರ್ತಿಮಾಡುವಿಕೆಯಲ್ಲಿನ ಪ್ರಗತಿಗಳಲ್ಲಿ ಸೀಸೆಗಳ ಮೇಲಿನ ಬೇಕಲೈಟ್‌ನ ಮುಚ್ಚುವ ವಸ್ತುಗಳು, ಪಾರದರ್ಶಕವಾದ ಸೆಲೋಫೇನು ಮೇಲಿನಹೊದಿಕೆಗಳು ಮತ್ತು ಪೆಟ್ಟಿಗೆಗಳ ಮೇಲಿನ ಪಟ್ಟಿಗಳು ಸೇರಿದ್ದು, ಅವು ಕಾರ್ಯಪಟುತ್ವದ ಸಂಸ್ಕರಣೆಯನ್ನು ಹೆಚ್ಚಿಸಿದವು ಮತ್ತು ಆಹಾರ ಸುರಕ್ಷತೆಯನ್ನು ಸುಧಾರಿಸಿದವು. ಅಲ್ಯುಮೀನಿಯಂ ಮತ್ತು ಪ್ಲಾಸ್ಟಿಕ್ಕಿನ ಹಲವಾರು ಬಗೆಗಳಂಥ ಹೆಚ್ಚುವರಿ ಸಾಮಗ್ರಿಗಳು ಅಭಿವೃದ್ಧಿಗೊಳಿಸಲ್ಪಟ್ಟವು, ಹಾಗೂ ಕಾರ್ಯನಿರ್ವಹಣೆ ಮತ್ತು ಕಾರ್ಯಸಾಮರ್ಥ್ಯವನ್ನು ಸುಧಾರಿಸಲು ಇವು ಸಾಮಾನು ಪೊಟ್ಟಣಗಳಲ್ಲಿ ಸಂಯೋಜಿಸಲ್ಪಟ್ಟವು.[೨೧]

ಇವನ್ನೂ ಗಮನಿಸಿ

[ಬದಲಾಯಿಸಿ]

ಲೇಖನದ ಅಂತ್ಯಭಾಗದಲ್ಲಿರುವ ವರ್ಗ ವಿಭಾಗಗಳಲ್ಲಿ ನೂರಾರು ಆಂತರಿಕ ಕೊಂಡಿಗಳಿವೆ. ಇದರ ಜೊತೆಗೆ, ಪೊಟ್ಟಣ ಕಟ್ಟುವಿಕೆಗೆ ಒಳಗಾಗುತ್ತಿರುವ ಉತ್ಪನ್ನಕ್ಕೆ ಸಂಬಂಧಿಸಿದ ಕೊಂಡಿಗಳು ಮತ್ತಷ್ಟು ಕೊಂಡಿಗಳೊಂದಿಗೆ ಅತ್ಯಂತ ಪ್ರಯೋಜನಕಾರಿಯಾಗಿವೆ. ಉದಾಹರಣೆಗೆ, ಆಹಾರಗಳು, ಔಷಧೀಯ ವಸ್ತುಗಳು, ಅಪಾಯಕರ ಸರಕುಗಳು, ಇತ್ಯಾದಿ.

ಆಕರಗಳು

[ಬದಲಾಯಿಸಿ]
  1. ↑ ಸೊರೊಕಾ (2002) ಫಂಡಮೆಂಟಲ್ಸ್‌ ಆಫ್‌ ಪ್ಯಾಕೇಜಿಂಗ್‌ ಟೆಕ್ನಾಲಜಿ , ಇನ್‌ಸ್ಟಿಟ್ಯೂಟ್‌ ಆಫ್‌ ಪ್ಯಾಕೇಜಿಂಗ್‌ ಪ್ರೊಫೆಷನಲ್ಸ್‌ ISBN 1-930268-25-4
  2. ↑ Bix, L (2003). The Packaging Matrix (PDF). IDS Packaging. Archived from the original (PDF) on 2008-12-17. Retrieved 2008-12-11. {{cite conference}}: Cite has empty unknown parameter: |booktitle= (help); Unknown parameter |coauthors= ignored (|author= suggested) (help)
  3. ↑ Choi, Seung-Jin (2007). "Practical mathematical model to predict the performance of insulating packages". Packaging Technology and Science. 20 (6): 369–380. DOI: 10.1002/pts.747. {{cite journal}}: Unknown parameter |coauthors= ignored (|author= suggested) (help); Unknown parameter |month= ignored (help)
  4. ↑ Lee, Ki-Eun (1998). "Effectiveness of modified atmosphere packaging in preserving a prepared ready-to-eat food". Packaging Technology and Science. 21 (7). DOI: 10.1002/pts.821. {{cite journal}}: Unknown parameter |coauthors= ignored (|author= suggested) (help); Unknown parameter |month= ignored (help)
  5. ↑ Severin, J (2007). "New Methodology for Whole-Package Microbial Callenge Testing for Medical Device Trays". J. Testing and Evaluation. 35 (4). {{cite journal}}: Cite has empty unknown parameter: |coauthors= (help); Unknown parameter |month= ignored (help)
  6. ↑ Johnston, R.G. (1997). "Effective Vulnerability Assessment of Tamper-Indicating Seals". J. Testing and Evaluation. 25 (4). {{cite journal}}: Cite has empty unknown parameter: |coauthors= (help); Unknown parameter |month= ignored (help)
  7. ↑ HowStuffWorks.com, “How Anti-shoplifting ಉಪಕರಣಗಳು Work”, <http://electronics.howstuffworks.com/anti-shoplifting-ಉಪಕರಣ.htm[permanent dead link]>
  8. ↑ Bacheldor, Beth (2008-01-11). "Sam's Club Tells Suppliers to Tag or Pay". Archived from the original on 2008-01-22. Retrieved 2008-01-17.
  9. ↑ Sotomayor, R. E.; Arvidson, Kirk, Mayer, McDougal, Sheu (Aug/Sept), "Regulatory Report, Assessing the Safety of Food Contact Substances", Food Safety, archived from the original on 2010-05-28, retrieved 2010-05-26 {{citation}}: Check date values in: |date= and |year= / |date= mismatch (help)CS1 maint: multiple names: authors list (link)
  10. ↑ Rodgers, G. B. (June 1996), "The safety effects of child-resistant packaging for oral prescription drugs. Two decades of experience", JAMA, 275 (21): 1661–65
  11. ↑ Yoxall (2006). "Openability: producing design limits for consumer packaging". Packaging Technology and Science. 16 (4): 183–243. DOI: 10.1002/pts.725. {{cite journal}}: Unknown parameter |coauthors= ignored (|author= suggested) (help); Unknown parameter |month= ignored (help)
  12. ↑ Zabaniotou, A (2003). "Life cycle assessment applied to egg packaging made from polystyrene and recycled paper". Journal of Cleaner Production. 11 (5): 549–559. doi:10.1016/S0959-6526(02)00076-8. {{cite journal}}: Unknown parameter |coauthors= ignored (|author= suggested) (help); Unknown parameter |month= ignored (help)
  13. ↑ Franklin (April 2004), Life Cycle Inventory of Packaging Options for Shipment of Retail Mail-Order Soft Goods (PDF), archived from the original (PDF) on ಡಿಸೆಂಬರ್ 17, 2008, retrieved December 13, 2008
  14. ↑ "SmartWay Transport Partnerships" (PDF). US Environmental Protection Agency. Retrieved 2008-12-22. {{cite web}}: Cite has empty unknown parameter: |month= (help)
  15. ↑ ಆನನ್‌: "ಪ್ಯಾಕೇಜಿಂಗ್‌ ಮ್ಯಾಟರ್ಸ್‌‌", ಪುಟ 5 - 8. ಇನ್‌ಸ್ಟಿಟ್ಯೂಟ್‌ ಆಫ್‌ ಪ್ಯಾಕೇಜಿಂಗ್‌ ಪ್ರೊಫೆಷನಲ್ಸ್‌, 1993
  16. ↑ ""Packaging Factsheet"" (PDF). INCPEN. Archived from the original (PDF) on 2009-03-19. Retrieved 2009-02-04.
  17. ↑ DeRusha, Jason (July 16, 2007). "The Incredible Shrinking Package". WCCO. Archived from the original on 2007-07-17. Retrieved 2007-07-16.
  18. ↑ ""HP ಡೆಸ್ಕ್‌ಜೆಟ್‌1200C ಮುದ್ರಕದ ವಿನ್ಯಾಸ"" (PDF). Archived from the original (PDF) on 2011-06-07. Retrieved 2010-05-26.
  19. ↑ ""ಫುಟ್‌ಪ್ರಿಂಟ್ಸ್‌ ಇನ್‌ ದಿ ಸ್ಯಾಂಡ್‌"". Archived from the original on 2010-08-26. Retrieved 2010-05-26.
  20. ↑ "Toxics in Packaging". Retrieved 2007-07-31.
  21. ↑ Brody, A. L; Marsh, K. S (1997), Encyclopedia of Packaging Technology, ISBN 0-471-06397-5

ಪುಸ್ತಕಗಳು, ಸಾಮಾನ್ಯ ಆಕರಗಳು

[ಬದಲಾಯಿಸಿ]
  • ಕಾವರ್‌, G., ವಾಟ್‌ ಈಸ್‌ ಪ್ಯಾಕೇಜಿಂಗ್‌ ಡಿಸೈನ್‌ , ರೋಟೋವಿಷನ್‌. 2004, ISBN 2-88046-618-0.
  • ಡೀನ್‌, D. A., 'ಫಾರ್ಮಸ್ಯೂಟಿಕಲ್‌ ಪ್ಯಾಕೇಜಿಂಗ್‌ ಟೆಕ್ನಾಲಜಿ", 2000, ISBN 0-7484-0440-6
  • ಫೀಲ್ಡರ್‌, R. M, "ಡಿಸ್ಟ್ರಿಬ್ಯೂಷನ್‌ ಪ್ಯಾಕೇಜಿಂಗ್‌ ಟೆಕ್ನಾಲಜಿ", ಇನ್‌ಸ್ಟಿಟ್ಯೂಟ್‌ ಆಫ್‌ ಪ್ಯಾಕೇಜಿಂಗ್‌ ಪ್ರೊಫೆಷನಲ್ಸ್‌‌, 1995
  • ಹೋಕ್‌ಹ್ಯಾಮ್‌, T., ಲೇಬಲ್‌ ರೈಟಿಂಗ್‌ ಅಂಡ್‌ ಪ್ಲಾನಿಂಗ್‌ - ಎ ಗೈಡ್‌ ಟು ಗುಡ್‌ ಕಸ್ಟಮರ್‌ ಕಮ್ಯುನಿಕೇಷನ್‌", 1995, ISBN 0-7514-0361-X
  • ಜಾಂಕೋವ್ಸ್ಕಿ, J. ಷೆಲ್ಫ್‌ ಸ್ಪೇಸ್‌: ಮಾಡರ್ನ್‌ ಪ್ಯಾಕೇಜ್‌ ಡಿಸೈನ್‌, 1945-1965 , ಕ್ರಾನಿಕಲ್‌ ಬುಕ್ಸ್‌. 1988 ISBN 0-8118-1784-9.
  • ಲಿಯೋನಾರ್ಡ್‌, E. A. (1996). ಪ್ಯಾಕೇಜಿಂಗ್‌ , ಮಾರ್ಸೆಲ್‌ ಡೆಕ್ಕರ್‌‌. ISBN 0-8247-9755-8.
  • ಲಾಕ್‌ಹಾರ್ಟ್‌, H., ಮತ್ತು ಪೈನೆ, F.A., "ಪ್ಯಾಕೇಜಿಂಗ್‌ ಆಫ್‌ ಫಾರ್ಮಸ್ಯೂಟಿಕಲ್ಸ್‌ ಅಂಡ್‌ ಹೆಲ್ತ್‌ಕೇರ್‌ ಪ್ರಾಡಕ್ಟ್ಸ್‌‌", 2006, ಬ್ಲ್ಯಾಕೀ, ISBN 0-7514-0167-6
  • ಮೆಕ್‌ಕಿನ್ಲೆ, A. H., "ಟ್ರಾನ್ಸ್‌ಪೋರ್ಟ್‌ ಪ್ಯಾಕೇಜಿಂಗ್‌‌", ಇನ್‌ಸ್ಟಿಟ್ಯೂಟ್‌ ಆಫ್‌ ಪ್ಯಾಕೇಜಿಂಗ್‌ ಪ್ರೊಫೆಷನಲ್ಸ್‌‌, 2004
  • ಓಪೀ, R., ಪ್ಯಾಕೇಜಿಂಗ್‌ ಸೋರ್ಸ್‌ ಬುಕ್‌ , 1991, ISBN 1-55521-511-4, ISBN 978-1-55521-511-8
  • ಪಿಲ್‌ಚಿಕ್‌, R., "ವ್ಯಾಲಿಡೇಟಿಂಗ್‌ ಮೆಡಿಕಲ್‌ ಪ್ಯಾಕೇಜಿಂಗ್‌" 2002, ISBN 1-56676-807-1
  • ರಾಬರ್ಟ್‌ಸನ್‌, G. L., "ಫುಡ್‌ ಪ್ಯಾಕೇಜಿಂಗ್‌‌", 2005, ISBN 0-8493-3775-5
  • ಸೆಲ್ಕೆ, S., "ಪ್ಯಾಕೇಜಿಂಗ್‌ ಅಂಡ್‌ ದಿ ಎನ್ವಿರಾನ್ಮೆಂಟ್‌", 1994, ISBN 1-56676-104-2
  • ಸೆಲ್ಕೆ, S,. "ಪ್ಲಾಸ್ಟಿಕ್ಸ್‌ ಪ್ಯಾಕೇಜಿಂಗ್‌", 2004, ISBN 1-56990-372-7
  • ಸೊರೊಕಾ, W, "ಫಂಡಮೆಂಟಲ್ಸ್‌ ಆಫ್‌ ಪ್ಯಾಕೇಜಿಂಗ್‌ ಟೆಕ್ನಾಲಜಿ", ಇನ್‌ಸ್ಟಿಟ್ಯೂಟ್‌ ಆಫ್‌ ಪ್ಯಾಕೇಜಿಂಗ್‌ ಪ್ರೊಫೆಷನಲ್ಸ್‌‌, 2002, ISBN 1-930268-25-4
  • ಸ್ಟಿಲ್‌ವೆಲ್‌, E. J, "ಪ್ಯಾಕೇಜಿಂಗ್‌ ಫಾರ್‌ ದಿ ಎನ್ವಿರಾನ್ಮೆಂಟ್‌", A. D. ಲಿಟ್ಲ್‌, 1991, ISBN 0-8144-5074-1
  • ಯಾಮ್‌, K. L., "ಎನ್‌ಸೈಕ್ಲೋಪೀಡಿಯಾ ಆಫ್‌ ಪ್ಯಾಕೇಜಿಂಗ್‌ ಟೆಕ್ನಾಲಜಿ", ಜಾನ್‌ ವೈಲೆ & ಸನ್ಸ್‌, 2009, ISBN:978-0-470-08704-6
"https://kn.wikipedia.org/w/index.php?title=ಪೊಟ್ಟಣದಲ್ಲಿ_ಭರ್ತಿಮಾಡುವಿಕೆ&oldid=1228059" ಇಂದ ಪಡೆಯಲ್ಪಟ್ಟಿದೆ