ನೆಸ್ ವಾಡಿಯಾ

ನೆಸ್ ನುಸ್ಲಿ ವಾಡಿಯಾ
೨೦೧೧ರಲ್ಲಿ ಸಿ.ಎನ್. ವಾಡಿಯಾ ಕಪ್‍ನಲ್ಲಿ ವಾಡಿಯಾ ಅವರು
Born	(1971-05-30) ೩೦ ಮೇ ೧೯೭೧ ಮುಂಬೈ, ಭಾರತ
Education	ಕ್ಯಾಥೆಡ್ರಲ್ ಮತ್ತು ಜಾನ್ ಕಾನನ್ ಶಾಲೆ (ಮುಂಬೈ) ಲಾರೆನ್ಸ್ ಶಾಲೆ (ಹಿಮಾಚಲ ಪ್ರದೇಶ) ಮಿಲ್‌ಫೀಲ್ಡ್ ಶಾಲೆ (ಇಂಗ್ಲೆಂಡ್)
Alma mater	ಟಫ್ಟ್ಸ್ ವಿಶ್ವವಿದ್ಯಾಲಯ ವಾರ್ವಿಕ್ ವಿಶ್ವವಿದ್ಯಾಲಯ
Occupation	ಉದ್ಯಮಿ
Parent	ಮೌರೀನ್ ಮತ್ತು ನುಸ್ಲಿ ವಾಡಿಯಾ

ನೆಸ್ ನುಸ್ಲಿ ವಾಡಿಯಾ (ಜನನ ೩೦ ಮೇ ೧೯೭೧) ಒಬ್ಬ ಭಾರತೀಯ ಉದ್ಯಮಿ. ವಾಡಿಯಾ ಕುಟುಂಬದ ಭಾಗವಾಗಿರುವ ಇವರು ಬಾಂಬೆ ಬರ್ಮಾ ಟ್ರೇಡಿಂಗ್ ಕಾರ್ಪೊರೇಶನ್‌ನ ವ್ಯವಸ್ಥಾಪಕ ನಿರ್ದೇಶಕರಾಗಿದ್ದಾರೆ. ಇದು ಬ್ರಿಟಾನಿಯಾ ಇಂಡಸ್ಟ್ರೀಸ್‌ನಲ್ಲಿ ಪರೋಕ್ಷವಾಗಿ ಹೆಚ್ಚು ಪಾಲನ್ನು ಒಳಗೊಂಡಿದೆ ಮತ್ತು ವಾಡಿಯಾ ಗ್ರೂಪ್‌ನ ಹೆಚ್ಚಿನ ಅಂಗಸಂಸ್ಥೆಗಳಲ್ಲಿ ಹಿಡುವಳಿಗಳನ್ನು ಹೊಂದಿದೆ. ಅವರು ವಾಡಿಯಾ ಗ್ರೂಪ್‌ನ ಪ್ರಮುಖ ಕಂಪನಿಯಾದ ಬಾಂಬೆ ಡೈಯಿಂಗ್‌ನ ಜಂಟಿ ವ್ಯವಸ್ಥಾಪಕ ನಿರ್ದೇಶಕರಾಗಿದ್ದರು. ನಂತರ ಮಾರ್ಚ್ ೨೦೧೧ ರಲ್ಲಿ ಅವರು ಈ ಹುದ್ದೆಯಿಂದ ಕೆಳಗಿಳಿದರು. ವಾಡಿಯಾ ಅವರು ಇಂಡಿಯನ್ ಪ್ರೀಮಿಯರ್ ಲೀಗ್ ಕ್ರಿಕೆಟ್‌ನ ಪಂಜಾಬ್ ಕಿಂಗ್ಸ್‌ ತಂಡದ ಸಹ-ಮಾಲೀಕರಾಗಿದ್ದಾರೆ.

ಆರಂಭಿಕ ಜೀವನ

ವಾಡಿಯಾ ಅವರು ಮುಂಬೈನ ಪಾರ್ಸಿ ವಾಡಿಯಾ ಕುಟುಂಬದಲ್ಲಿ ಜನಿಸಿದರು. ಅವರ ಪೋಷಕರು ಉದ್ಯಮಿ ನುಸ್ಲಿ ವಾಡಿಯಾ ಮತ್ತು ಮಾಜಿ ಗಗನಸಖಿ ಮೌರೀನ್ ವಾಡಿಯಾ. ಅವರ ತಂದೆ ನೆವಿಲ್ಲೆ ವಾಡಿಯಾ ಮತ್ತು ದೀನಾ ವಾಡಿಯಾ ಅವರ ಮಗ. ಅವರ ಅಜ್ಜ ಸರ್ ನೆಸ್ ವಾಡಿಯಾ ಅವರ ಮಗ, ಅವರು ೧೯ ನೇ ಶತಮಾನದ ಉತ್ತರಾರ್ಧದಲ್ಲಿ ಬಾಂಬೆ ನಗರವನ್ನು ವಿಶ್ವದ ಅತಿದೊಡ್ಡ ಹತ್ತಿಯಂತ್ರ ವ್ಯಾಪಾರ ಕೇಂದ್ರಗಳಲ್ಲಿ ಒಂದಾಗಿ ಪರಿವರ್ತಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಅವರ ಅಜ್ಜಿ ಪಾಕಿಸ್ತಾನದ ಸಂಸ್ಥಾಪಕ ಮುಹಮ್ಮದ್ ಅಲಿ ಜಿನ್ನಾ ಅವರ ಮಗಳು.

ಕ್ಯಾಥೆಡ್ರಲ್ ಮತ್ತು ಜಾನ್ ಕಾನನ್ ಶಾಲೆ ಮತ್ತು ಹಿಮಾಚಲ ಪ್ರದೇಶದ ಲಾರೆನ್ಸ್ ಶಾಲೆಯಲ್ಲಿ ಶಿಕ್ಷಣವನ್ನು ಪೂರ್ಣಗೊಳಿಸಿದ ನಂತರ ಯುಕೆಯ ಮಿಲ್‌ಫೀಲ್ಡ್ ಶಾಲೆಯಲ್ಲಿ ಶಿಕ್ಷಣವನ್ನು ಪಡೆದರು. ನಂತರ ವಾಡಿಯಾ ಅವರು ಮಸಾಚುಸೆಟ್ಸ್‌ನ ಬೋಸ್ಟನ್ ಬಳಿಯ ಟಫ್ಟ್ಸ್ ವಿಶ್ವವಿದ್ಯಾಲಯದಲ್ಲಿ ಅಂತರರಾಷ್ಟ್ರೀಯ ಸಂಬಂಧಗಳನ್ನು ಅಧ್ಯಯನ ಮಾಡಿದರು. ನಂತರ ವಾರ್ವಿಕ್ ವಿಶ್ವವಿದ್ಯಾಲಯದಲ್ಲಿ ಎಂಜಿನಿಯರಿಂಗ್ ನಿರ್ವಹಣೆಯಲ್ಲಿ ಎಂ.ಎಸ್ಸಿಯನ್ನು ಪೂರ್ಣಗೊಳಿಸಿದರು.

ವೃತ್ತಿ

ವಾಡಿಯಾ ಅವರು ೧೯೯೩ ರಲ್ಲಿ ನಿರ್ವಹಣಾ ಅಭ್ಯರ್ಥಿಯಾಗಿ ಬಾಂಬೆ ಡೈಯಿಂಗ್‌ ಕಂಪನಿಗೆ ಸೇರಿದರು. ಇದಕ್ಕಿಂತ ಮೊದಲು ಅವರು ಕಂಪನಿಯ ಜವಳಿ ವಿಭಾಗದ ಮಾರ್ಕೆಟಿಂಗ್ ಮತ್ತು ಚಿಲ್ಲರೆ ವಿತರಣೆಯಲ್ಲಿ ನಿಕಟವಾಗಿ ತೊಡಗಿಸಿಕೊಂಡಿದ್ದರು. ಮತ್ತು ಹತ್ತಿ ಜವಳಿ ರಫ್ತು ಉತ್ತೇಜನಾ ಮಂಡಳಿ (ಟೆಕ್ಸ್‌ಪ್ರೋಸಿಲ್), ಗಿರಣಿ ಮಾಲೀಕರ ಸಂಘ (ಎಂಒಎ), ಅಸೋಸಿಯೇಟೆಡ್ ಚೇಂಬರ್ಸ್ ಆಫ್ ಕಾಮರ್ಸ್ & ಇಂಡಸ್ಟ್ರಿ ಆಫ್ ಇಂಡಿಯಾ, ಇತ್ಯಾದಿಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದರು.

೧೯೯೮ ರಲ್ಲಿ, ಅವರು ವಾರ್ವಿಕ್ ವಿಶ್ವವಿದ್ಯಾನಿಲಯದಿಂದ "ಭಾರತದಲ್ಲಿ ಯಶಸ್ಸಿಗೆ ದಾರಿ" ಎಂಬ ಶೀರ್ಷಿಕೆಯೊಂದಿಗೆ ವಿಜ್ಞಾನದ ಎಂಜಿನಿಯರಿಂಗ್ ವ್ಯವಹಾರ ನಿರ್ವಹಣೆಯಲ್ಲಿ ತಮ್ಮ ಸ್ನಾತಕೋತ್ತರ ಪದವಿಯನ್ನು ಪೂರ್ಣಗೊಳಿಸಲು ವೃತ್ತಿ ಜೀವನದಿಂದ ವಿರಾಮ ತೆಗೆದುಕೊಂಡರು. ೨೦೦೧ ರಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದ ನಂತರ, ಅವರು ಬಾಂಬೆ ಡೈಯಿಂಗ್‌ನ ಉಪ ವ್ಯವಸ್ಥಾಪಕ ನಿರ್ದೇಶಕರಾಗಿ ಮರಳಿದರು ಮತ್ತು ನಂತರ ಜಂಟಿ ವ್ಯವಸ್ಥಾಪಕ ನಿರ್ದೇಶಕರಾಗಿ ಬಡ್ತಿ ಪಡೆದರು. ಅವರು ೧ ಆಗಸ್ಟ್ ೨೦೦೧ ರಂದು ಈ ಸ್ಥಾನಕ್ಕೆ ನೇಮಕಗೊಂಡರು ಮತ್ತು ೨೦೧೧ ರವರೆಗೆ ಇದ್ದರು. ಅವರು ಕೆಳಗಿಳಿದಾಗ ಅವರ ಕಿರಿಯ ಸಹೋದರ ಜಹಾಂಗೀರ್ ಅವರನ್ನು ವ್ಯವಸ್ಥಾಪಕ ನಿರ್ದೇಶಕರನ್ನಾಗಿ ಮಾಡಲಾಯಿತು. ನೆಸ್ ಅವರನ್ನು ಬಾಂಬೆ ಬರ್ಮಾ ಟ್ರೇಡಿಂಗ್ ಕಾರ್ಪೊರೇಶನ್‌ನ ವ್ಯವಸ್ಥಾಪಕ ನಿರ್ದೇಶಕರನ್ನಾಗಿ ನೇಮಿಸಲಾಯಿತು.

೧೯೯೮, ೧೯೯೯ ಮತ್ತು ೨೦೦೦ ದಲ್ಲಿ ಅವರು ವ್ಯಾಪಾರ ಮತ್ತು ಉದ್ಯಮದ ಪ್ರಧಾನ ಮಂತ್ರಿ ಮಂಡಳಿಯಲ್ಲಿ ನೇಮಕಗೊಂಡರು ಮತ್ತು ಸೆಪ್ಟೆಂಬರ್ ೧೯೯೮ ರಲ್ಲಿ ಆಹಾರ ಮತ್ತು ಕೃಷಿ ಕೈಗಾರಿಕೆಗಳ ನಿರ್ವಹಣಾ ನೀತಿಯ ವಿಶೇಷ ಗುಂಪು ಕಾರ್ಯಪಡೆಯ ಸಂಚಾಲಕರಾಗಿ ನೇಮಕಗೊಂಡರು.

ನೆಸ್ ವಾಡಿಯಾ ಅವರು ಪ್ರಸ್ತುತ ಬಾಂಬೆ ಬರ್ಮಾ ಟ್ರೇಡಿಂಗ್ ಕಂಪನಿ ಲಿಮಿಟೆಡ್‌ನ ವ್ಯವಸ್ಥಾಪಕ ನಿರ್ದೇಶಕರಾಗಿ ಮತ್ತು ನ್ಯಾಷನಲ್ ಪೆರಾಕ್ಸೈಡ್ ಲಿಮಿಟೆಡ್‌ನ ಅಧ್ಯಕ್ಷರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಅವರು ಬ್ರಿಟಾನಿಯಾ ಇಂಡಸ್ಟ್ರೀಸ್, ಬಾಂಬೆ ಡೈಯಿಂಗ್, ಗೋಏರ್ ಮತ್ತು ವಾಡಿಯಾ ಟೆಕ್ನೋ ಇಂಜಿನಿಯರಿಂಗ್ ಸೇವೆಗಳಂತಹ ವಿವಿಧ ವಾಡಿಯಾ ಗ್ರೂಪ್ ಕಂಪನಿಗಳ ಮಂಡಳಿಗಳಲ್ಲಿ ನಿರ್ದೇಶಕರಾಗಿಯೂ ಸೇವೆ ಸಲ್ಲಿಸುತ್ತಿದ್ದಾರೆ. ಅವರು ಗೋಏರ್, ಬ್ರಿಟಾನಿಯಾ, ಬಾಂಬೆ ಬರ್ಮಾ, ಮತ್ತು ಎನ್‍ಪಿಎಲ್ ನ ಆಡಿಟ್ ಸಮಿತಿಗಳಲ್ಲಿ; ಬಾಂಬೆ ಡೈಯಿಂಗ್, ಬಾಂಬೆ ಬರ್ಮಾ ಮತ್ತು ಬ್ರಿಟಾನಿಯಾದ ಹಣಕಾಸು ಸಮಿತಿಗಳಲ್ಲಿ; ಮತ್ತು ಬಾಂಬೆ ಡೈಯಿಂಗ್ ಮತ್ತು ಬ್ರಿಟಾನಿಯಾದ ಸಿಎಸ್ಆರ್ ಸಮಿತಿಗಳಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಮಾಡರ್ನ್ ಎಜುಕೇಶನ್ ಸೊಸೈಟಿ (ಎಮ್ಇಎಸ್) ಟ್ರಸ್ಟ್‌ನ ಅಡಿಯಲ್ಲಿ ಗ್ರೂಪ್‌ನ ಶಿಕ್ಷಣ ಸಂಸ್ಥೆಗಳ ಜೊತೆಗೆ ಪ್ರಶಸ್ತಿ ವಿಜೇತ ವಾಡಿಯಾ ಆಸ್ಪತ್ರೆಗಳ ಮೇಲ್ವಿಚಾರಣೆಯಲ್ಲಿ ಅವರು ಸಕ್ರಿಯವಾಗಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ.

೨೦೦೮ ರಲ್ಲಿ, ನಟಿ ಪ್ರೀತಿ ಜಿಂಟಾ ಮತ್ತು ಉದ್ಯಮಿ ಮೋಹಿತ್ ಬರ್ಮನ್ ಜೊತೆಗೆ, ವಾಡಿಯಾ ಅವರು ಮೊಹಾಲಿ ಮೂಲದ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಟ್ವೆಂಟಿ 20 ಕ್ರಿಕೆಟ್ ತಂಡದ ಮಾಲೀಕತ್ವದ ಹಕ್ಕುಗಳನ್ನು ಪಡೆದುಕೊಂಡರು. ಈ ಗುಂಪು ೭೬ ಮಿಲಿಯನ್ ಡಾಲರ್ ಪಾವತಿಸಿ ಫ್ರಾಂಚೈಸಿಯನ್ನು ಪಡೆಯಿತು, ಮತ್ತು ತಂಡವನ್ನು ಪಂಜಾಬ್ ಕಿಂಗ್ಸ್ ಎಂದು ಹೆಸರಿಸಲಾಯಿತು.

ಮಂಡಳಿಯ ಸ್ಥಾನಗಳು

ವಾಡಿಯಾ ಅವರು ಬಾಂಬೆ ಬರ್ಮಾ ಟ್ರೇಡಿಂಗ್ ಕಂಪನಿ ಲಿಮಿಟೆಡ್‌ನ ವ್ಯವಸ್ಥಾಪಕ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದ್ದಾರೆ. ಅವರು ಸರ್ ನೆಸ್ ವಾಡಿಯಾ ಫೌಂಡೇಶನ್‌ನ ಟ್ರಸ್ಟಿಯಾಗಿದ್ದಾರೆ. ಮತ್ತು ವಾಡಿಯಾ ಕುಟುಂಬದೊಳಗಿನ ಇತರ ಚಾರಿಟೇಬಲ್ ಟ್ರಸ್ಟ್‌ಗಳು ಮತ್ತು ವಾಡಿಯಾ ಆಸ್ಪತ್ರೆಗಳ ಮಂಡಳಿಯ ಸದಸ್ಯರಾಗಿದ್ದಾರೆ.

ವೈಯಕ್ತಿಕ ಜೀವನ

ವಾಡಿಯಾ ಅವರು ಫೆಬ್ರವರಿ ೨೦೦೫ ರಿಂದ ೨೦೦೯ ರವರೆಗೆ ಬಾಲಿವುಡ್ ನಟಿ ಪ್ರೀತಿ ಜಿಂಟಾ ಅವರೊಂದಿಗೆ ಡೇಟಿಂಗ್ ಮಾಡಿದರು ಮತ್ತು ದಂಪತಿಗಳು ತೀವ್ರ ಮಾಧ್ಯಮ ಪರಿಶೀಲನೆಗೆ ಒಳಪಟ್ಟರು.

ಮೇ ೩೦ ರಂದು ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ವಾಡಿಯಾ ತನ್ನ ಮೇಲೆ ಹಲ್ಲೆ ನಡೆಸಿದ್ದಾನೆ ಎಂದು ಆರೋಪಿಸಿ ೧೩ ಜೂನ್ ೨೦೧೪ ರಂದು ಜಿಂಟಾ ಮುಂಬೈ ಪೊಲೀಸರಿಗೆ ದೂರು ಸಲ್ಲಿಸಿದರು.

ಕೋವಿಡ್-೧೯ ಸಾಂಕ್ರಾಮಿಕ ಸಮಯದಲ್ಲಿ ಸರಬರಾಜನ್ನು ದಾನ ಮಾಡುವ ಮೂಲಕ ವಾಡಿಯಾ ಸಿಕ್ಕಿಂ ರಾಜ್ಯಕ್ಕೆ ಸಹಾಯ ಮಾಡಿದರು.

ಏಪ್ರಿಲ್ ೨೦೧೯ ರಲ್ಲಿ, ಜಪಾನಿನ ನ್ಯಾಯಾಲಯವು ಡ್ರಗ್ಸ್ ಹೊಂದಿದ್ದಕ್ಕಾಗಿ ವಾಡಿಯಾ ಅವರಿಗೆ ಎರಡು ವರ್ಷಗಳ ಜೈಲು ಶಿಕ್ಷೆ ವಿಧಿಸಿತು. ಈ ಶಿಕ್ಷೆಯನ್ನು ನೀಡುವಲ್ಲಿ, ನ್ಯಾಯಾಲಯವು ಶಿಕ್ಷೆಯನ್ನು ಐದು ವರ್ಷಗಳವರೆಗೆ ಅಮಾನತುಗೊಳಿಸಿತು.

ಅವರು ಎಲ್‍ಜಿಬಿಟಿಕ್ಯು ಸಮುದಾಯವನ್ನು ಬೆಂಬಲಿಸುತ್ತಿದ್ದಾರೆಂದು ಗುರುತಿಸಲಾಗಿದೆ.

ಬಿ೨ಬಿ ಪ್ಲಾಟ್‌ಫಾರ್ಮ್ ಅಗ್ರಿಗೇಟರ್, ವೆಂಚರ್ ಕ್ಯಾಟಲಿಸ್ಟ್‌ಗಳು ಮತ್ತು ನೆಸ್ ವಾಡಿಯಾರಿಂದ ಹಣವನ್ನು ಸಂಗ್ರಹಿಸುತ್ತದೆ