ಆಗ್ನೇಯ ಏಷ್ಯಾ ರಾಷ್ಟ್ರಗಳ ಸಂಘ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ಆಗ್ನೇಯ ಏಷ್ಯಾ ರಾಷ್ಟ್ರ ಸಂಘಗಳ ನಕ್ಷೆ

ಅಸೋಸಿಯೆಷನ್ ಅಫ್ ಸೌತ್ ಈಸ್ಟ್ ಏಷ್ಯನ್ ನೇಷನ್ಸ್ (ASEAN) (ಆಗ್ನೇಯ ಏಷ್ಯಾ ರಾಷ್ಟ್ರಗಳ ಸಂಘ) ಆಗ್ನೇಯ ಏಷ್ಯಾದಲ್ಲಿರುವ ೧೦ ರಾಷ್ಟ್ರಗಳ ಒಕ್ಕೂಟ. ಈ ಓಕ್ಕೂಟ ರಾಜಕೀಯ ಹಾಗು ಆರ್ಥಿಕ ಕಾರಣಗಳಿಗಾಗಿ ಸ್ಥಾಪಿಸಲ್ಪಟ್ಟಿದೆ. ಈ ಒಕ್ಕೂಟವನ್ನು ೮ನೇ ಆಗಸ್ಟ್ ೧೯೬೭ ರಂದು ಇಂಡೋನೇಷ್ಯಾ, ಮಲೇಶಿಯ,ಫಿಲಿಪ್ಪೀನ್ಸ್ (ಫಿಲಿಫೈನ್ಸ್), ಸಿಂಗಾಪುರ್ ಹಾಗೂ ಥೈಲ್ಯಾಂಡ್ ಗಳು ಸೇರಿ ಸ್ಥ್ಹಾಪಿಸಿದವು. ತದನಂತರ ಬ್ರುನೈ, ಬರ್ಮಾ, ಕಾಂಬೋಡಿಯಾ, ಲಾವೋಸ್ ಹಾಗೂ ವಿಯೆಟ್ನಾಂ ರಾಷ್ಟ್ರಗಳು ಸದಸ್ಯ ರಾಷ್ಟ್ರಗಳಾಗಿ ಸೇರ್ಪಡೆಗೊಂಡವು. ಈ ಒಕ್ಕೂಟದ ಉದ್ದೇಶ ಆರ್ಥಿಕ ಪ್ರಗತಿ, ಸಾಮಾಜಿಕ ಸುಧಾರಣೆ, ಸ್ಥಳೀಯವಾಗಿ ಶಾಂತಿಯನ್ನು ಕಾಪಾಡುವುದು ಹಾಗೂ ಸದಸ್ಯ ರಾಷ್ಟ್ರಗಳ ನಡುವೆ ಸಾಂಸ್ಕೃತಿಕ ಸಾಮರಸ್ಯವನ್ನು ಬೆಳೆಸುವುದು.

ಎಷ್ಯಾ ಪ್ರದೇಶಗಳಲ್ಲಿರುವ ವಿವಿಧ ಸಂಘಟನೆಗಳ ಅಂತರ್ ಸಂಬಂಧಗಳನ್ನು ಸೂಚಿಸುವ ಚಿತ್ರ

ಈ ಓಕ್ಕೂಟದ ಸದಸ್ಯ ರಾಷ್ಟ್ರಗಳು ಒಟ್ಟು ೪.೪೬ ಚ ಕಿ ಮೀ ಯಷ್ಟು ಭೂಮಿಯನ್ನು ಆಕ್ರಮಿಸಿದೆ. ಇದು ಓಟ್ಟು ಭೂಮಿಯ ಶೇ೩ ರಷ್ಟು ಭಾಗ. ಈ ಓಕ್ಕೂಟದ ಓಟ್ಟು ಜನಸಂಖ್ಯೆ ಸುಮಾರು ೬೦ ಕೋಟಿ. ಇದು ಪ್ರಪಂಚದ ಒಟ್ಟು ಜನಸಂಖ್ಯೆಯ ಶೇ ೮ ರಷ್ಟು. ಈ ರಾಷ್ಟ್ರಗಳ ನಡುವೆ ಇರುವ ಸಮುದ್ರ ಭಾಗ ಈ ರಾಷ್ಟ್ರಗಳು ಆಕ್ರಮಿಸಿರುವ ಭೂಬಾಗದ ಮೂರರಷ್ಟಿದೆ. ೨೦೧೧ ರಲ್ಲಿ ಈ ರಾಷ್ಟ್ರಗಳ ಒಟ್ಟು ರಾಷ್ಟ್ರೀಯ ಉತ್ಪನ್ನ ಸುಮಾರು ೨೦೦ ಶತ ಕೋಟಿ ಅಮೇರಿಕನ್ ಡಾಲರ್.

ಏಷಿಯಾನ್ ದೇಶಗಳ ಪತಾಕೆಗಳು ಜಕಾರ್ತ.

ಉಲ್ಲೇಖಗಳು[ಬದಲಾಯಿಸಿ]