ಅರ್ನ್‌ಸ್ಟ್ ಮ್ಯಾಕ್

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
ಅರ್ನ್‌ಸ್ಟ್ ಮ್ಯಾಕ್
Ernst Mach 01.jpg
ಅರ್ನ್‌ಸ್ಟ್ ಮ್ಯಾಕ್
ಜನನ ಅರ್ನ್‌ಸ್ಟ್ ಮ್ಯಾಕ್
೧೮ ಫೆಬ್ರವರಿ ೧೮೩೮
ಆಸ್ಟ್ರಿಯ
ರಾಷ್ಟ್ರೀಯತೆ ಆಸ್ಟ್ರಿಯ

ಆಸ್ಟ್ರಿಯಾದ ಭೌತವಿಜ್ಞಾನಿಯಾಗಿದ್ದ ಅರ್ನ್‌ಸ್ಟ್ ಮ್ಯಾಕ್‌ರವರು ೧೮೩೮ರ ಫೆಬ್ರವರಿ ೧೮ರಂದು ಆಸ್ಟ್ರಿಯಾ-ಹಂಗರಿಯಲ್ಲಿದ್ದ (ಈಗ ಝೆಕೋಸ್ಲಾವಾಕಿಯಾದಲ್ಲಿರುವ) ಚಿರ‍್ಲಿಟ್ಝ್-ಟುರಾಸ್ ಎಂಬ ಪ್ರದೇಶದಲ್ಲಿ ಜನಿಸಿದರು.[೧] ಹಾರಾಟದಲ್ಲಿರುವ ಪ್ರಕ್ಷೇಪ್ಯಗಳ (projectiles) ಛಾಯಾಚಿತ್ರಗಳನ್ನು ಪರೀಕ್ಷಿಸಿದ ಮ್ಯಾಕ್‌ರವರು ಅನಿಲದಿಂದ ಉತ್ಪತ್ತಿಯಾದ ಆಘಾತದ ಅಲೆಗಳು (shock waves) ಪ್ರಕ್ಷೇಪ್ಯದ ತುದಿಯ ಸುತ್ತಲೂ ಕಂಡುಬರುತ್ತದೆ ಎಂಬುದಾಗಿ ೧೮೮೭ರಲ್ಲಿ ಕಂಡುಹಿಡಿದರು. ಪ್ರಕ್ಷೇಪ್ಯ ಶಬ್ದದ ವೇಗವನ್ನು ತಲುಪಿದಾಗ ಅನಿಲಗಳ ಹರಿವಿನ ಸ್ವಭಾವವೂ ಬದಲಾಗುತ್ತದೆ ಎಂಬುದಾಗಿ ಅವರು ಕಂಡುಹಿಡಿದರು. ಚಲನೆಯಲ್ಲಿರುವ ಯಾವುದೇ ವಸ್ತುವಿನ ವೇಗ ಮತ್ತು ಅದು ಚಲಿಸುತ್ತಿರುವ ಮಾಧ್ಯಮದಲ್ಲಿನ ಶಬ್ದದ ವೇಗ ಒಂದಕ್ಕೊಂದು ನಿಷ್ಪತ್ತಿಯಾಗಿರುವುದು (ratio) ಎಂಬುದಾಗಿಯೂ ಅವರು ಕಂಡುಹಿಡಿದರು. ನಂತರದ ದಿನಗಳಲ್ಲಿ ಅಂದರೆ ೧೯೨೯ರಲ್ಲಿ ‘ಮ್ಯಾಕ್ ಸಂಖ್ಯೆ’ (Mach number) ರೂಢಿಗೆ ಬಂದಿತು. ಅಂದರೆ ಯಾವುದೇ ನಿಗದಿತ ಎತ್ತರದಲ್ಲಿ ಒಂದು ವಿಮಾನ ಶಬ್ದದ ವೇಗಕ್ಕಿಂತ ಎರಡು ಪಟ್ಟು ವೇಗದಲ್ಲಿ ಹಾರುತ್ತಿದ್ದರೆ, ಆ ವಿಮಾನ ‘ಮ್ಯಾಕ್ ೨’ರ ವೇಗದಲ್ಲಿ ಹಾರುತ್ತಿದೆ ಎಂಬುದಾಗಿ ಹೇಳುವುದು ವಾಡಿಕೆಯಾಗಿದೆ.[೨] ಆ ಸಂಶೋಧನೆ ವಾಯುಬಲವಿಜ್ಞಾನದ ಕ್ಷೇತ್ರದಲ್ಲಿ (aerodynamics) ಅದರಲ್ಲಿಯೂ ಜೆಟ್ ವಿಮಾನಗಳ ಸೂಪರ್‌ಸಾನಿಕ್ ಹಾರಾಟದಲ್ಲಿ ಪ್ರಮುಖ ಪಾತ್ರ ವಹಿಸಿತು. ಮ್ಯಾಕ್‌ರವರು ೧೯೧೬ರ ಫೆಬ್ರವರಿ ೧೯ರಂದು ಜರ್ಮನಿಯಲ್ಲಿ ನಿಧನರಾದರು.

ಉಲೇಖಗಳು[ಬದಲಾಯಿಸಿ]