ಸೀತಾರಾಮ ಕಲ್ಯಾಣ (೨೦೧೯ರ ಚಲನಚಿತ್ರ)

ಸೀತಾರಾಮ ಕಲ್ಯಾಣ
ಚಿತ್ರದ ಭಿತ್ತಿಪತ್ರ
Directed by	ಎ. ಹರ್ಷ
Screenplay by	ಎ. ಹರ್ಷ
Produced by	ನಿರಂಜನ.ಎಂ
Starring	ನಿಖಿಲ್ ಗೌಡ ರಚಿತಾ ರಾಮ್ ಪಿ.ರವಿ ಶಂಕರ್ ಶರತ್ ಕುಮಾರ್ ಮಧು ಸಂಜಯ್ ಕಪೂರ್ ಭಾಗ್ಯಶ್ರೀ ಪಟವರ್ಧನ್
Cinematography	ಸ್ವಾಮಿ.ಜೆ
Edited by	ಗಣೇಶ
Music by	ಅನುಪ್ ರುಬೆನ್ಸ್
Production company	ಚನ್ನಾಂಬಿಕ ಫಿಲ್ಮ್ಸ್
Release date	25 ಜನವರಿ 2019 (2019-01-25)
Country	ಭಾರತ
Language	ಕನ್ನಡ

ಸೀತಾರಾಮ ಕಲ್ಯಾಣ 2019 ರ ಎ. ಹರ್ಷ ರವರು ಬರೆದು ನಿರ್ದೇಶಿಸಿರುವ ಕನ್ನಡ ಭಾಷೆಯ ಚಲನಚಿತ್ರ. ಈ ಚಿತ್ರವನ್ನು ನಿರಂಜನರವರು ಚನ್ನಾಂಬಿಕ ಫಿಲ್ಮ್ಸ್ ಅಡಿಯಲ್ಲಿ ನಿರ್ಮಿಸಿದ್ದಾರೆ. ಬಹು ತಾರಾಗಣವನ್ನು ಹೊಂದಿರುವ ಈ ಚಿತ್ರದಲ್ಲಿ ನಿಖಿಲ್ ಕುಮಾರ್ ಮತ್ತು ರಚಿತಾ ರಾಮ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಪೋಷಕ ಪಾತ್ರಗಳಲ್ಲಿ ಆರ್. ಶರತ್‌ಕುಮಾರ್, ಮಧು, ಕನ್ನಡಕ್ಕೆ ಪದಾರ್ಪಣೆ ಮಾಡುತ್ತಿರುವ ಬಾಲಿವುಡ್ ನಟ ಸಂಜಯ್ ಕಪೂರ್, ಭಾಗ್ಯಶ್ರೀ, ಆದಿತ್ಯ ಮೆನನ್, ಪಿ. ರವಿಶಂಕರ್, ಚಿಕ್ಕಣ್ಣ, ಸಾಧು ಕೋಕಿಲ ಇದ್ದಾರೆ.

ಚಿತ್ರದ ತಾಂತ್ರಿಕ ಸಿಬ್ಬಂದಿಗಳಲ್ಲಿ ಸಂಗೀತ ಸಂಯೋಜಕರಾಗಿ ಅನುಪ್ ರುಬೆನ್ಸ್, ಛಾಯಾಗ್ರಾಹಕರಾಗಿ ಸ್ವಾಮಿ.ಜೆ, ಸಂಕಲನಕಾರರಾಗಿ ಗಣೇಶ್ ಮತ್ತು ಸಾಹಸ ನಿರ್ದೇಶಕರಾಗಿ ರಾಮ್-ಲಕ್ಷ್ಮಣ್ ಕಾರ್ಯ ನಿರ್ವಹಿಸಿದ್ದಾರೆ.

ಗಣರಾಜ್ಯೋತ್ಸವದ ರಜಾದಿನ 25 ಜನವರಿ 2019 ರಂದು ಈ ಚಿತ್ರವು ಬಿಡುಗಡೆಯಾಯಿತು. ಚಿತ್ರದ ಹಿಂದಿ ಡಬ್ಬಿಂಗ್ ಹಕ್ಕುಗಳನ್ನು ₹ 5.5 ಕೋಟಿಗೆ ಮಾರಾಟ ಮಾಡಲಾಗಿದೆ ಎಂದು ವರದಿಯಾಗಿತ್ತು. ಈ ಚಿತ್ರವು ರಂಡೋಯ್ ವೇದಿಕ ಚೂಸ್ದಾಮ್ ಚಿತ್ರದ ಅನಧಿಕೃತ ರಿಮೇಕ್ ಆಗಿದೆ.

ಪಾತ್ರವರ್ಗ

• ಆರ್ಯ ಪಾತ್ರದಲ್ಲಿ ನಿಖಿಲ್ ಕುಮಾರ್
• ಗೀತಾ ಪಾತ್ರದಲ್ಲಿ ರಚಿತಾ ರಾಮ್
• ಶಂಕರ್ ಪಾತ್ರದಲ್ಲಿ ಆರ್.ಶರತ್‌ ಕುಮಾರ್
• ನರಸಿಂಹನ ಪಾತ್ರದಲ್ಲಿ ಪಿ ರವಿಶಂಕರ್ , ಗೀತಾಳ ತಂದೆ.
• ಗೀತಾ ತಾಯಿಯಾಗಿ ಮಧು
• ಮೀರಾ ಅವರ ಪತಿ ಡಾ.ಶಂಕರ್ ಪಾತ್ರದಲ್ಲಿ ಸಂಜಯ್ ಕಪೂರ್
• ಮೀರಾ ಪಾತ್ರದಲ್ಲಿ ಭಾಗ್ಯಶ್ರೀ , ನರಸಿಂಹನ ಸಹೋದರಿ
• ವಿಶ್ವ ಪಾತ್ರದಲ್ಲಿ ಆದಿತ್ಯ ಮೆನನ್
• ಚಿಕ್ಕಣ್ಣ
• ಗಿರಿಜಾ ಲೋಕೇಶ್
• ಶಿವರಾಜ್ ಕೆ.ಆರ್.ಪೇಟೆ
• ನಯನ

ಧ್ವನಿಪಥ

ಅನುಪ್ ರುಬೆನ್ಸ್ ಚಿತ್ರಕ್ಕಾಗಿ ಧ್ವನಿಪಥ ಮತ್ತು ಹಿನ್ನೆಲೆ ಸಂಗೀತವನ್ನು ನೀಡಿದ್ದಾರೆ. ಒಟ್ಟು ಮೂರು ಹಾಡುಗಳನ್ನು ಅವರು ಸಂಯೋಜಿಸಿದ್ದಾರೆ. ಆಡಿಯೊವನ್ನು ಲಹರಿ ಮ್ಯೂಸಿಕ್ ಆಡಿಯೊ ಲೇಬಲ್ ಅಡಿಯಲ್ಲಿ ಬಿಡುಗಡೆ ಮಾಡಲಾಯಿತು. "ನಿನ್ನ ರಾಜ ನಾನು" ಹಾಡನ್ನು 16 ನವೆಂಬರ್ 2018 ರಂದು ಬಿಡುಗಡೆಯಾಯಿತು.

ಹಾಡುಗಳ ಪಟ್ಟಿ
ಸಂ.	ಹಾಡು	ಸಾಹಿತ್ಯ	ಹಾಡುಗಾರ(ರು)	ಸಮಯ
1.	"ನಿನ್ನ ರಾಜ ನಾನು"	ವಿ. ಸಾಯಿ ಸುಕನ್ಯ	ಅರ್ಮಾನ್ ಮಲ್ಲಿಕ್	04:38
2.	"ಓ ಜಾನು ಓ ಜಾನು"	ವಿ. ಸಾಯಿ ಸುಕನ್ಯ	ಸಂಜಿತ್ ಹೆಗ್ಡೆ	04:03
3.	"ಮಾಂಗಲ್ಯಂ ತಂತುನಾನೇನ"		ವಿಜಯ್ ಪ್ರಕಾಶ್	4:20
4.	"ಭೂಮಿಯೇ ಮಂಟಪ"		ಕೈಲಾಶ್ ಖೇರ್	3:55
5.	"ಯಾರ ಶಾಪ ಇದು"		ಕೈಲಾಶ್ ಖೇರ್	3:49

ಮಾರ್ಕೆಟಿಂಗ್

ಚಿತ್ರದ ಟೀಸರ್ 31 ಜುಲೈ 2018 ರಂದು ಬಿಡುಗಡೆಯಾಗಿದ್ದು, ಇದು ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚಿನ ಸಂಖ್ಯೆಯ ವೀಕ್ಷಣೆಗಳನ್ನು ದಾಖಲಿಸಿತ್ತು. ಟೀಸರ್ ಬಿಡುಗಡೆಯ ನಂತರ ಕೆಲ ಸಾಹಸ ಸನ್ನಿವೇಶಗಳು ತೆಲುಗಿನ ಸರ್ರೈನೋಡು ಚಿತ್ರವನ್ನು ಹೋಲುತ್ತವೆ ಎಂಬ ಕಾರಣಕ್ಕೆ ಈ ಚಿತ್ರವು ತೆಲುಗಿನ "ಸರೈನೋಡು" ಚಿತ್ರದ ರಿಮೇಕ್ ಎಂದು ಊಹಿಸಲಾಗಿತ್ತು.

ಚಿತ್ರದ ಅಧಿಕೃತ ಟ್ರೈಲರ್ ಅನ್ನು 19 ಜನವರಿ 2019 ರಂದು ಪ್ರದರ್ಶಿಸಲಾಯಿತು.