ಕಲ್‌ ಪೆನ್
| ಕಲ್ಪೇನ್ ಮೋದಿ | |
|---|---|
| |
ಶ್ವೇತಭವನದ ಸಾರ್ವಜನಿಕ ಭೇಟಿನಿಶ್ಚಯದ ಕಚೇರಿದ ಸಹವರ್ತಿ ನಿರ್ದೇಶಕ
| |
| ಹಾಲಿ | |
| ಅಧಿಕಾರ ಸ್ವೀಕಾರ ಏಪ್ರಿಲ್, ೨೦೦೯ | |
| ರಾಷ್ಟ್ರಪತಿ | ಬರಾಕ್ ಒಬಾಮ |
| ವೈಯಕ್ತಿಕ ಮಾಹಿತಿ | |
| ಜನನ | ಏಪ್ರಿಲ್ ೨೩, ೧೯೭೭ |
| ರಾಷ್ಟ್ರೀಯತೆ | ಅಮೇರಿಕಾ |
| ರಾಜಕೀಯ ಪಕ್ಷ | Democratic |
| ಅಭ್ಯಸಿಸಿದ ವಿದ್ಯಾಪೀಠ | University of California, Los Angeles |
| ಉದ್ಯೋಗ | ನಟ |
| ಧರ್ಮ | ಹಿಂದೂ |
ಕಲ್ಪೇನ್ ಸುರೇಶ್‌ ಮೋದಿ (ಗುಜರಾತಿ:કલ્પેન સુરેશ મોદી, ಹುಟ್ಟಿದ್ದು 1977ರ ಏಪ್ರಿಲ್ 23ರಂದು), ಕಲ್‌ ಪೆನ್ ಎಂಬ ತನ್ನ ರಂಗನಾಮದಿಂದಲೇ ಹೆಸರಾಗಿದ್ದು, ಈತ ಅಮೆರಿಕಾದ ಓರ್ವ ಚಲನಚಿತ್ರ ನಟ ಹಾಗೂ ರಾಜಕಾರಣಿಯಾಗಿದ್ದಾನೆ.
2009ರ ಏಪ್ರಿಲ್ 8ರಂದು, ಆತ ಶ್ವೇತಭವನದ ಸಾರ್ವಜನಿಕ ಭೇಟಿನಿಶ್ಚಯದ ಕಚೇರಿಯ ಸಹವರ್ತಿ ನಿರ್ದೇಶಕನಾಗಿ ಒಬಾಮಾನ ಶ್ವೇತಭವನವನ್ನು ಸೇರಲಿದ್ದಾನೆ ಎಂದು ಪ್ರಕಟಿಸಲಾಯಿತು.[೧] ಇದರಿಂದಾಗಿ ಹೌಸ್‌ ಎಂಬ TV ಸರಣಿಯಿಂದ ಲಾರೆನ್ಸ್‌ ಕಟ್ನರ್‌ ಎಂಬ ಅವನ ಪಾತ್ರವನ್ನು ತೆಗೆದಹಾಕಬೇಕಾದ ಅನಿವಾರ್ಯತೆ ಒದಗಿಬಂತು.[೧][೨] ಆತನ ರಾಜಕೀಯ ನೇಮಕಾತಿಗೆ ಮುಂಚಿತವಾಗಿ, ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯದಲ್ಲಿ ಸಿನೆಮಾ ಅಧ್ಯಯನಗಳ ವ್ಯಾಸಂಗಕ್ರಮದಲ್ಲಿನ ಓರ್ವ ಹಂಗಾಮಿ ಸದಸ್ಯನಾಗಿ ಮೋದಿಯು ಬೋಧಿಸುತ್ತಿದ್ದ. "ಹೆರಾಲ್ಡ್‌ ಅಂಡ್‌ ಕುಮಾರ್‌...." ಎಂಬ ಹತೋಟಿ ಮೀರಿದ ಯಶಸ್ವೀ ಚಲನಚಿತ್ರ ಸರಣಿಯಲ್ಲಿ ಆತ ನಿರ್ವಹಿಸುವ ಪಾತ್ರಕ್ಕೆ ಸಂಪೂರ್ಣ ವಿರುದ್ಧವಾಗಿ, ಮೋದಿಯು ಹುಟ್ಟಿನಿಂದಲೂ ಓರ್ವ ಅಧೂಮಪಾನಿ, ಮದ್ಯತ್ಯಾಗಿ ಮತ್ತು ಕಟ್ಟುನಿಟ್ಟಿನ ಸಸ್ಯಾಹಾರಿಯಾಗಿದ್ದಾನೆ.
ಆರಂಭಿಕ ಜೀವನ
[ಬದಲಾಯಿಸಿ]ನ್ಯೂಜೆರ್ಸಿಯ ಮಾಂಟ್‌ಕ್ಲೇರ್‌ನಲ್ಲಿ ಕಲ್ಪೇನ್ ಸುರೇಶ್‌ ಮೋದಿ ಎಂಬ ಹೆಸರಿನಿಂದ ಮೋದಿ ಜನಿಸಿದ. ಆತನ ತಂದೆ ಓರ್ವ ಎಂಜಿನಿಯರ್‌ ಆಗಿ ಕೆಲಸ ಮಾಡುತ್ತಿದ್ದರೆ, ತಾಯಿಯು ಸುಗಂಧದ್ರವ್ಯದ ಕಂಪನಿಯೊಂದರಲ್ಲಿ ಓರ್ವ ಪರಿಮಳ ಮೌಲ್ಯಮಾಪಕಿಯಾಗಿ ಕೆಲಸ ಮಾಡುತ್ತಿದ್ದಳು. ಅವನ ಹೆತ್ತವರಿಬ್ಬರೂ ಭಾರತದಿಂದ ಬಂದ ಗುಜರಾತಿ ವಲಸೆಗಾರರಾಗಿದ್ದಾರೆ.[೩] ತನ್ನ ತಾತ-ಅಜ್ಜಿಯರು ಭಾರತದ ಸ್ವಾತಂತ್ರಕ್ಕಾಗಿ ಮಹಾತ್ಮ ಗಾಂಧಿಯವರೊಂದಿಗೆ ಪ್ರತಿಭಟನಾ ಮೆರವಣಿಗೆಯಲ್ಲಿ ಭಾಗವಹಿಸಿದ್ದರ ಕುರಿತಾದ ಕಥೆಗಳು ರಾಜಕಾರಣದಲ್ಲಿ ತಾನು ತಳೆದಿರುವ ಆಸಕ್ತಿಯ ಮೇಲೆ ಒಂದು ಗಮನಾರ್ಹವಾದ ಪ್ರಭಾವವನ್ನು ಬೀರಿದವು ಎಂದು ಆತ ಹೇಳಿಕೊಂಡಿದ್ದಾನೆ.[೪]
ಶಿಕ್ಷಣ
[ಬದಲಾಯಿಸಿ]ಮಾರ್ಲ್‌‌ಬೊರೊ, NJಯಲ್ಲಿರುವ ಮಾರ್ಲ್‌‌ಬೊರೊ ಮಿಡ್ಲ್‌ ಸ್ಕೂಲ್‌ನಲ್ಲಿ ಆತ ಮಾಧ್ಯಮಿಕ ಶಾಲಾ ಶಿಕ್ಷಣಕ್ಕೆ ಸೇರಿಕೊಂಡ ಹಾಗೂ ಅಲ್ಲಿದ್ದ ಜಾಝ್‌ ಬ್ಯಾಂಡ್‌ನಲ್ಲಿ ಮಧ್ಯಮ ಶಾರೀರದ ಸ್ಯಾಕ್ಸೋಫೋನ್‌ನ್ನು ನುಡಿಸಿದ. ಹೊಸ ವಿದ್ಯಾರ್ಥಿ, ಎರಡನೆಯ ವರ್ಷದ ವಿದ್ಯಾರ್ಥಿ, ಹಾಗೂ ಕಿರಿಯ ವರ್ಷದವರಿಗಾಗಿರುವ ಹೋವೆಲ್‌ ಹೈಸ್ಕೂಲ್‌ನಲ್ಲಿನ ದಿ ಫೈನ್‌ ಅಂಡ್‌ ಪರ್ಫಾರ್ಮಿಂಗ್ ಆರ್ಟ್ಸ್ ಅಕಾಡೆಮಿಗೆ (ಒಂದು ಮ್ಯಾಗ್ನೆಟ್‌ ಶಿಕ್ಷಣಕ್ರಮ) ಮೋದಿ ಸೇರಿಕೊಂಡ; ಹಿರಿಯ ವರ್ಷಕ್ಕಾಗಿ ಫ್ರೀಹೋಲ್ಡ್‌ ಟೌನ್‌ಷಿಪ್‌ ಹೈಸ್ಕೂಲ್‌ಗೆ ಆತ ವರ್ಗಾವಣೆಯಾದ; ಎರಡೂ ಶಾಲೆಗಳೂ ಫ್ರೀಹೋಲ್ಡ್‌ ರೀಜನಲ್‌ ಟೌನ್‌ಷಿಪ್‌ ಹೈಸ್ಕೂಲ್‌ ಡಿಸ್ಟ್ರಿಕ್ಟ್‌‌ನ ಭಾಗವಾಗಿವೆ. ಶಾಲೆಯ ನಾಟಕ ನಿರ್ಮಾಣಗಳಲ್ಲಿ ಆತ ಸಕ್ರಿಯವಾಗಿದ್ದ. UCLAಗೆ ಸೇರಿಕೊಂಡ ಆತ, ಅಲ್ಲಿ ಚಲನಚಿತ್ರ ಮತ್ತು ಸಮಾಜಶಾಸ್ತ್ರದಲ್ಲಿ ಎರಡು ಪ್ರಧಾನ ವಿಷಯಗಳ ತಜ್ಞತೆಯನ್ನು ಪಡೆದ.[೫]
ನಟನಾ ವೃತ್ತಿಜೀವನ
[ಬದಲಾಯಿಸಿ]1998ರಲ್ಲಿ ....Express: Aisle to Glory ಚಿತ್ರದಲ್ಲಿ ಮೋದಿಯ ಕಥಾಚಲನಚಿತ್ರದ ಪಾದಾರ್ಪಣವು ನಡೆಯಿತು. ಇದುವರೆಗೆ ಆತ ಕಾಣಿಸಿಕೊಂಡಿರುವ ಚಿತ್ರಗಳೆಂದರೆ: ಅಮೆರಿಕನ್‌ ದೇಸಿ , ನ್ಯಾಷನಲ್‌ ಲಂಪೂನ್ಸ್‌ ವಾನ್‌ ವೈಲ್ಡರ್‌ , ಮಾಲಿಬು’ಸ್‌ ಮೋಸ್ಟ್‌ ವಾಂಟೆಡ್‌ , ಎ ಲಾಟ್‌ ಲೈಕ್‌ ಲವ್ , ಡ್ಯೂಡ್‌, ವೇರ್‌ ಇಸ್‌ ದಿ ಪಾರ್ಟಿ? , ಲವ್ ಡೋಂಟ್ ಕಾಸ್ಟ್ ಎ ಥಿಂಗ್ , ಸೂಪರ್‌ಮ್ಯಾನ್‌ ರಿಟರ್ನ್ಸ್‌ , National Lampoon's Van Wilder: The Rise of Taj , ಎಪಿಕ್‌ ಮೂವೀ , ದಿ ನೇಮ್‌ಸೇಕ್‌ , ಹೆರಾಲ್ಡ್‌ ಅಂಡ್‌ ಕುಮಾರ್‌ ಸರಣಿ, ಮತ್ತು ಡೆಕ್‌ ದಿ ಹಾಲ್ಸ್‌ ನಲ್ಲಿನ ಹೆಸರುರಹಿತ ಕಾಣಿಸಿಕೊಳ್ಳುವಿಕೆ. ಆವ್‌ಸಮ್‌ಟೌನ್‌ ಗಾಗಿರುವ ದಿ ಲೋನ್ಲಿ ಐಲಂಡ್‌‌ನ ತಿರಸ್ಕೃತ MTV ಹಾಸ್ಯ ಪ್ರಾಯೋಗಿಕ ಯೋಜನೆಯಲ್ಲಿ ಪೆನ್ ಕಾಣಿಸಿಕೊಂಡಿದ್ದ.
ಕಲ್‌ ಪೆನ್ ಎಂಬ ತನ್ನ ನಟನಾವೃತ್ತಿಯ ಹೆಸರನ್ನು ತಾನು ಗಳಿಸಿಕೊಂಡಿದ್ದು ಒಂದು ವಿನೋದಕರ ಪ್ರಸಂಗ ಎಂದು ಮೋದಿ ಹೇಳುತ್ತಾನೆ: "ಸ್ನೇಹಿತರದು ತಪ್ಪು ಎಂದು ಸಾಬೀತುಮಾಡಲು ಹೆಚ್ಚೂಕಮ್ಮಿ ಒಂದು ತಮಾಷೆಯಾಗಿ, ಮತ್ತು ನನಗೆ ಏನು ಹೇಳಲ್ಪಟ್ಟಿತೋ ಅದು ಕೆಲಸ ಮಾಡುವುದೋ ಇಲ್ಲವೋ ಎಂಬುದನ್ನು (ಬಿಳಿಯರ ಪ್ರಬಾಲ್ಯ ಹೆಚ್ಚಿರುವ ಉದ್ಯಮವೊಂದರಲ್ಲಿ ಆಂಗ್ಲೀಕೃತ ಹೆಸರುಗಳು ಹೆಚ್ಚು ಬೇಗ ತಲುಪುತ್ತವೆ ಎಂಬುದನ್ನು) ತಿಳಿಯುವಲ್ಲಿನ ಒಂದು ಅರ್ಧ ಪ್ರಯತ್ನವಾಗಿ ’ಕಲ್‌ ಪೆನ್’ ಎಂಬ ಹೆಸರನ್ನು ನನ್ನ ವ್ಯಕ್ತಿಗತ ವಿವರ ಹಾಗೂ ಛಾಯಾಚಿತ್ರಗಳ ಮೇಲೆ ನಾನು ಬರೆಯುತ್ತೇನೆ." ಅವನ ದರ್ಶನಪರೀಕ್ಷೆಯ ಹಿಂದಕ್ಕೆ ಕರೆಯುವಿಕೆಗಳು ಶೇಕಡ 50ರಷ್ಟು ಹೆಚ್ಚಾದವು. ತನ್ನ ಜನ್ಮನಾಮಕ್ಕೇ ತಾನು ಪ್ರಾಧಾನ್ಯತೆ ಕೊಡುವುದಾಗಿ ಮತ್ತು "ಕಲ್‌ ಪೆನ್" ಎಂಬ ಹೆಸರನ್ನು ಕೇವಲ ವೃತ್ತಿಸಂಬಂಧದದ ಉದ್ದೇಶಗಳಿಗಾಗಿ ಬಳಸುವುದಾಗಿ ಮೋದಿ ಹೇಳಿಕೊಂಡಿದ್ದಾನೆ.[೬]
2007ರ ಜನವರಿಯಲ್ಲಿ, 24 ಎಂಬ ಕಾರ್ಯಕ್ರಮದ ಆರನೇ ಸರಣಿಯ ಮೊದಲ ನಾಲ್ಕು ಸಂಚಿಕೆಗಳಲ್ಲಿ ಅಹಮದ್‌ ಅಮರ್‌ ಎಂಬ ಓರ್ವ ಹರೆಯದ ಭಯೋತ್ಪಾದಕನಾಗಿ ಮೋದಿ ಕಾಣಿಸಿಕೊಂಡ ವೈಯಕ್ತಿಕ ನೈತಿಕತೆಯ ಕಾರಣದಿಂದಾಗಿ ಸದರಿ ಪಾತ್ರವನ್ನು ತಾನು ಹೆಚ್ಚೂಕಮ್ಮಿ ನಿರಾಕರಿಸಲು ಹೊರಟಿದ್ದಾಗಿ ಮೋದಿ ಹೇಳುತ್ತಾನೆ. ಇದಕ್ಕೆ ಸಂಬಂಧಿಸಿದಂತೆ ತನ್ನ ಅಭಿಪ್ರಾಯವನ್ನು ಆತ ವ್ಯಕ್ತಪಡಿಸುತ್ತಾ, "ಈ ಪಾತ್ರದಿಂದಾಗಿ ನಾನು ಒಂದು ಬಹುದೊಡ್ಡ ರಾಜಕೀಯ ಸಮಸ್ಯೆಯನ್ನು ಹೊಂದಿರುವೆ. ಇದು ಅವಶ್ಯವಾಗಿ ಜನಾಂಗವನ್ನು ಕುರಿತ ಒಂದು ಕಿರುಚಿತ್ರಣದ ಒಂದು ಸ್ವರೂಪವನ್ನು ಒಪ್ಪಿಕೊಂಡಂತೆ ಆಗುತ್ತಿತ್ತು. ಇದು ಜುಗುಪ್ಸೆ ಹುಟ್ಟಿಸುವಂಥದ್ದು ಎಂದು ನನ್ನ ಭಾವನೆ. ಆದರೆ ಸತ್ವವನ್ನು ವರ್ಧಿಸುವ ಹಾಗೂ ಒಂದು ಕೌಟುಂಬಿಕ ಹೊಣೆಯನ್ನು ತೆಗೆದುಕೊಳ್ಳುವ ಅವಕಾಶವು ಮೊಟ್ಟಮೊದಲ ಬಾರಿಗೆ ನನಗೆ ದಕ್ಕಿತ್ತು. ಓರ್ವ ನಟನಾಗಿ, ಆ ಅವಕಾಶವನ್ನು ನಾನೇಕೆ ಬಳಸಿಕೊಳ್ಳಬಾರದು? ನಾನು ಕಂದುಬಣ್ಣದವನಾಗಿರುವ ಕಾರಣಕ್ಕೆ ಮಾಧ್ಯಮದ ಚಿತ್ರಣಗಳು ಹಾಗೂ ಜನರ ಆಲೋಚನಾ ಪ್ರಕ್ರಿಯೆಗಳಿಗೆ ನಾನು ಬೆದರಬೇಕೇ?" ಎಂದು ಕೇಳಿದ.[೭]
ಜನವರಿ 2007ರ ಜನವರಿಯಲ್ಲಿಯೂ, ಎಪಿಕ್‌ ಮೂವೀ ಎಂಬ ಅಣಕಾಟದ ಹಾಸ್ಯದಲ್ಲಿ ಮತ್ತು ದೂರದರ್ಶನದ ಪ್ರದರ್ಶನ ಕಾರ್ಯಕ್ರಮದಲ್ಲಿ ಆತ ಕಾಣಿಸಿಕೊಂಡLaw & Order: Special Victims Unit . 2007ರ ಮೇ ತಿಂಗಳಲ್ಲಿ, ದಿ ನೇಮ್‌ಸೇಕ್‌ ನಲ್ಲಿನ ತನ್ನ ಅಭಿನಯಕ್ಕಾಗಿ ಮಹೋನ್ನತ ನಟನಿಗಾಗಿರುವ ಏಷ್ಯನ್‌ ಎಕ್ಸಲೆನ್ಸ್‌ ಪ್ರಶಸ್ತಿಯನ್ನು ಮೋದಿ ಸ್ವೀಕರಿಸಿದ.[೮] 2007ರ ಶರತ್ಕಾಲದಲ್ಲಿ, ಫಾಕ್ಸ್‌ ಸಂಸ್ಥೆಯ ವೈದ್ಯಕೀಯ ರೂಪಕವಾದ ಹೌಸ್‌ ನ ಪಾತ್ರವರ್ಗದಲ್ಲಿ ಓರ್ವ ಫೆಲೋಷಿಪ್‌ ಅಭ್ಯರ್ಥಿಯಾಗಿ ಮೋದಿ ಸೇರಿಕೊಂಡ.[೯] E ಪತ್ರಿಕೆಯು ವರದಿ ಮಾಡಿದ ಪ್ರಕಾರ, ಒಲಿವಿಯಾ ವೈಲ್ಡ್‌ ಮತ್ತು ಪೀಟರ‍್ ಜಾಕೋಬ್‌ಸನ್‌ ಜತೆಗೂಡಿ ಮೋದಿಯು ಸದರಿ ಕಾರ್ಯಕ್ರಮದಲ್ಲಿ ಓರ್ವ ನಿಯತ ಕಲಾವಿದನಾಗಿ ಸಹಿಹಾಕಿದ್ದ ಮತ್ತು "ಗೇಮ್ಸ್‌" ಎಂಬ ಸಂಚಿಕೆಯ ಕಥಾವಸ್ತುವಿನಲ್ಲಿ ಇದು ದೃಢೀಕರಿಸಲ್ಪಟ್ಟಿತ್ತು. 2009ರ ಏಪ್ರಿಲ್ 6ರಂದು ಪ್ರಸಾರವಾದ "ಸಿಂಪಲ್‌ ಎಕ್ಸ್‌ಪ್ಲನೇಷನ್‌" ಸಂಚಿಕೆಯವರೆಗಿನ ಸರಣಿಯಾದ್ಯಂತ ಮೋದಿಯ ಪಾತ್ರ ಮುಂದುವರೆಯಿತು. 2009ರ ಮೇ 11ರಂದು ಪ್ರಸಾರವಾದ "ಬೋತ್ ಸೈಡ್ಸ್‌ ನೌ" ಎಂಬ, ಆರನೇ ಸರಣಿಯ ಮುಕ್ತಾಯದ ಅಂಕದಲ್ಲಿ ಕಟ್ನರ್‌ ಎಂಬ ಒಂದು ಹೆಚ್ಚುವರಿ ಪಾತ್ರವಾಗಿ ಆತ ಕಾಣಿಸಿಕೊಂಡ. ಆದಾಗ್ಯೂ, ಶ್ವೇತಭವನದಲ್ಲಿನ ತನ್ನ ಹೊಸ ಕೆಲಸದ ಕಾರಣದಿಂದಾಗಿ, ಈ ಸಂಚಿಕೆಯ ಚಿತ್ರೀಕರಣಕ್ಕಾಗಿ ಹಾಜರಿರಲು ಕಲ್‌ ಮೋದಿಗೆ ಸಾಧ್ಯವಾಗಲಿಲ್ಲ. "ಟೂ ಬ್ಯಾಡ್‌ ಇಟ್‌ ಈಸ್‌ ನಾಟ್‌ ಟ್ರೂ" ಎಂಬ ಅವನ ಸಂಭಾಷಣೆಯ ಭಾಗವನ್ನು ಹಿಂದಿನ ಒಂದು ಚಿತ್ರೀಕರಣಗೊಂಡ ಭಾಗದಿಂದ ತೆಗೆದುಕೊಳ್ಳಲಾಗಿತ್ತು.
ರಾಜಕೀಯ ಆಸಕ್ತಿಗಳು
[ಬದಲಾಯಿಸಿ]2008ರಲ್ಲಿ ನಡೆದ ಬರಾಕ್ ಒಬಾಮಾನ ಅಧ್ಯಕ್ಷೀಯ ಪ್ರಚಾರಕಾರ್ಯಕ್ಕೆ ಸಂಬಂಧಿಸಿದಂತೆ ಮೋದಿ ಓರ್ವ ವಕೀಲನಾಗಿದ್ದ ಹಾಗೂ ಒಬಾಮಾನ ರಾಷ್ಟ್ರೀಯ ಕಲೆಗಳ ಕಾರ್ಯನೀತಿ ಸಮಿತಿಯ ಓರ್ವ ಸದಸ್ಯನಾಗಿದ್ದ.[೧೦] ಆಂಡ್ರಿಯಾಸ್‌ ಯುಸೆಕ್‌[೧೧] ಎಂಬಾತನಿಂದ ರೂಪಿಸಲ್ಪಟ್ಟಿರುವ "ಸಿ ಸೆ ಪ್ಯೂಡೆ ಕೇಂಬಿಯಾರ್‌" ಎಂಬ 0}ಬರಾಕ್ ಒಬಾಮಾ ವಿಡಿಯೋದಲ್ಲಿ ಆತ ಕಾಣಿಸಿಕೊಳ್ಳುತ್ತಾನೆ ಮತ್ತು 2009ರ ಜನವರಿ 18ರಂದು ಜಾರ್ಜ್‌ ಲೋಪೆಜ್‌ ಎಂಬ ಹಾಸ್ಯಗಾರನೊಂದಿಗೆ ..."We Are One: The Obama Inaugural Celebration at the Lincoln Memorial" ಎಂಬ ಕಾರ್ಯಕ್ರಮದಲ್ಲಿ ಅವನು ಕಾಣಿಸಿಕೊಂಡಿದ್ದಾನೆ.
2009ರ ಆರಂಭದಲ್ಲಿ, ಒಬಾಮಾ ಆಡಳಿತದಲ್ಲಿನ ಶ್ವೇತಭವನದ ಸಾರ್ವಜನಿಕ ಭೇಟಿಯ ನಿಶ್ಚಯದ ಕಚೇರಿಯ ಸಹವರ್ತಿ ನಿರ್ದೇಶಕನ ಸ್ಥಾನಕ್ಕೆ ಮೋದಿಗೆ ಆಹ್ವಾನ ನೀಡಲಾಗಿತ್ತು. ಅದನ್ನು ಅವನು ಸ್ವೀಕರಿಸಿದ. ಇದರಿಂದಾಗಿ, ಹೌಸ್‌ ಎಂಬ TV ಸರಣಿಯಿಂದ ಲಾರೆನ್ಸ್‌ ಕಟ್ನರ್‌ ಎಂಬ ಅವನ ಪಾತ್ರವನ್ನು ತೆಗೆದುಹಾಕಬೇಕಾಗಿ ಬಂತು.[೧][೧೨][೧೩] ಒಬಾಮಾ ಆಡಳಿತದೊಂದಿಗಿನ ತನ್ನ ಹೊಸ ಪಾತ್ರದಲ್ಲಿ, ಏಷ್ಯನ್‌-ಅಮೆರಿಕನ್‌ ಮತ್ತು ಪೆಸಿಫಿಕ್‌ ದ್ವೀಪವಾಸಿ ಸಮುದಾಯಗಳೊಂದಿಗಿನ ಓರ್ವ ಸಂಪರ್ಕಸೇತುವಾಗಿ ಮೋದಿ ಕಾರ್ಯನಿರ್ವಹಿಸುತ್ತಾನೆ.[೧೪] ಕಲ್ಪೇನ್ ಮೋದಿ ಎಂಬ ತನ್ನ ಜನ್ಮನಾಮವನ್ನು ಬಳಸುವ ಸದವಕಾಶ ಅವನಿಗೀಗ ಸಿಕ್ಕಂತಾಗಿದೆ.[೧೫]
ಇತರೆ ಚಟುವಟಿಕೆಗಳು
[ಬದಲಾಯಿಸಿ]2008ರ ವಸಂತ ಋತುವಿನಲ್ಲಿ, ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯದಲ್ಲಿನ ಏಷ್ಯನ್‌ ಅಮೆರಿಕನ್‌ ಅಧ್ಯಯನ ವಿಭಾಗಗಳಲ್ಲಿ ಮೋದಿ ಓರ್ವ ಸಂದರ್ಶಕ ಉಪನ್ಯಾಸಕನಾಗಿ ಕೆಲಸಮಾಡಿದ.[೫][೧೬] "ಮಾಧ್ಯಮದಲ್ಲಿನ ಏಷ್ಯನ್‌ ಅಮೆರಿಕನ್ನರ ಕುರಿತಾದ ಚಿತ್ರಣಗಳು" ಹಾಗೂ "ಸಮಕಾಲೀನ ಅಮೆರಿಕನ್‌ ಹದಿಹರೆಯದ ಚಲನಚಿತ್ರಗಳು" ಎಂಬ ಎರಡು ಪಠ್ಯಕ್ರಮಗಳನ್ನು ಆತ ಕಲಿಸಿದ.[೧೭] ಸದ್ಯಕ್ಕೆ ಮೋದಿಯು ಸ್ಟಾನ್‌ಫೋರ್ಡ್‌ ವಿಶ್ವವಿದ್ಯಾಲಯದಿಂದ ನೀಡಲಾಗುವ ಅಂತರರಾಷ್ಟ್ರೀಯ ಭದ್ರತೆಯಲ್ಲಿನ ಒಂದು ಪದವಿ ಪ್ರಮಾಣಪತ್ರದ ಕುರಿತು ತೊಡಗಿಸಿಕೊಂಡಿದ್ದಾನೆ.[೧][೫]
ಚಲನಚಿತ್ರಗಳ ಪಟ್ಟಿ
[ಬದಲಾಯಿಸಿ]ಚಲನಚಿತ್ರಗಳು
[ಬದಲಾಯಿಸಿ]ದೂರದರ್ಶನ ಪಾತ್ರಗಳು
[ಬದಲಾಯಿಸಿ]| ವರ್ಷ | ಶೀರ್ಷಿಕೆ | ಪಾತ್ರ |
|---|---|---|
| 1999 | ಬ್ರೂಕ್‌ಫೀಲ್ಡ್‌ | ಕುಮಾರ್‌ ಝಿಮ್ಮರ್‌ಮ್ಯಾನ್‌ |
| ಬಫಿ ದಿ ವ್ಯಾಂಪೈರ್‌ ಸ್ಲೇಯರ್‌ | ಬೇಟೆ | |
| 2000 | ಸಬ್ರಿನಾ ದಿ ಟೀನೇಜ್ ವಿಚ್ | ಪ್ರಜೀಬ್‌ |
| ಸ್ಪಿನ್‌ ಸಿಟಿ | ಬಡಿ | |
| 2001 | ಏಂಜಲ್‌ | ಫೆಜ್‌ ಬಾಯ್‌ |
| ER | ನರಜನ್‌ | |
| NYPD ಬ್ಲ್ಯೂ | ಸಾಲೋಮನ್‌ ಅಲ್‌-ರಮಾಯಿ | |
| ದಿ ಏಜೆನ್ಸಿ | ಮಾಲೆಕ್‌ | |
| 2003 | ಆಲ್‌ ಎಬೌಟ್‌ ದಿ ಅಂಡರ್‌ಸನ್ಸ್‌ | ಜಾರ್ಜ್‌ |
| ಟ್ರೂ ಕಾಲಿಂಗ್ (ಹಾಂಟೆಡ್‌) | ಸ್ಟೀವನ್‌ | |
| 2004 | ಹೋಮ್‌ಲ್ಯಾಂಡ್‌ ಸೆಕ್ಯುರಿಟಿ | ಹ್ಯಾರಿಸನ್‌ |
| 2006 | ದಿ ಡ್ಯಾನಿ ಕಾಮ್‌ಡೆನ್‌ ಪ್ರಾಜೆಕ್ಟ್‌ | ಮ್ಯಾಕ್ಸ್ |
| 2007 | Law and Order: Special Victims Unit | ಹೆನ್ರಿ ಚಾನೂರ್‌ |
| 24 | ಅಹಮದ್‌ ಅಮರ್‌ | |
| 2007-2009 | ಹೌಸ್‌, M.D. | ಡಾ. ಲಾರೆನ್ಸ್‌ ಕಟ್ನರ್‌ |
ಆಕರಗಳು
[ಬದಲಾಯಿಸಿ]- ↑ ೧.೦ ೧.೧ ೧.೨ ೧.೩ ಆಸೀಲೊ, ಮೈಕೇಲ್‌. "'ಹೌಸ್‌' ಎಕ್ಸ್‌ಕ್ಲೂಸಿವ್‌: ದಿ ಷಾಕಿಂಗ್‌ ಸ್ಟೋರಿ ಬಿಹೈಂಡ್‌ ಲಾಸ್ಟ್‌ ನೈಟ್ಸ್‌ ಬಿಗ್‌ ಡೆತ್‌", ಎಂಟರ್‌ಟೈನ್‌ಮೆಂಟ್‌ ವೀಕ್ಲಿ , 2009-04-07. 2009-04-07ರಂದು ಮರುಸಂಪಾದಿಸಲಾಯಿತು.
- ↑ ಇಟ್‌ ವಿಲ್‌ ಬಿ ದಿ ವೈಟ್‌ ಹೌಸ್‌ ಫಾರ್‌ ಕಲ್‌ ಪೆನ್ ನೌ. Rediff.com, 2009-04-07. 2009-04-07ರಂದು ಮರುಸಂಪಾದಿಸಲಾಯಿತು.
- ↑ ಛಾಬ್ರಾ, ಅಸೀಮ್‌. ಕಲ್‌ ಪೆನ್: ಹಾಲಿವುಡ್ಸ್‌ ದೇಸಿ ನಂ.1!. Rediff.com , 2005-04-22. 2009-04-07ರಂದು ಮರುಸಂಪಾದಿಸಲಾಯಿತು.
- ↑ "ಕಲ್‌ ಪೆನ್ಸ್‌ ದಿ ರಾಚೆಲ್‌ ಮ್ಯಾಡೊ ಷೋ ಅಪಿಯರೆನ್ಸ್‌ (airdate ಏಪ್ರಿಲ್ 10, 2009)". Archived from the original on 2012-09-26. Retrieved 2010-02-23.
- ↑ ೫.೦ ೫.೧ ೫.೨ ಆಕ್ಟರ್‌ ಕಲ್‌ ಪೆನ್ ಟು ಟೀಚ್‌ ಅಟ್‌ ದಿ ಪೆನ್ಸಿಲ್ವೇನಿಯಾ ಯೂನಿವರ್ಸಿಟಿ Archived 2007-08-10 ವೇಬ್ಯಾಕ್ ಮೆಷಿನ್ ನಲ್ಲಿ.. ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯ ವಿಶ್ವವಿದ್ಯಾಲಯದ ಸಂವಹನೆಗಳ ಕಚೇರಿ, 2007-03-26. 2009-04-07ರಂದು ಮರುಸಂಪಾದಿಸಲಾಯಿತು.
- ↑ ಅಹಮದ್‌, ನಕಾಶಾ. "ಕಲ್‌ ಪೆನ್ ಗೋಸ್‌ ಟು ಹಾಲಿವುಟ್‌" Archived 2011-03-01 ವೇಬ್ಯಾಕ್ ಮೆಷಿನ್ ನಲ್ಲಿ.. ನಿರಾಲಿ ಮ್ಯಾಗಝೀನ್‌ , 2004-09-01. 2009-04-07ರಂದು ಮರುಸಂಪಾದಿಸಲಾಯಿತು.
- ↑ ಯುವಾನ್‌, ಜದಾ. "ದಿ ವೈಟ್‌-ಕ್ಯಾಸಲ್‌ ಸೀಲಿಂಗ್‌". ನ್ಯೂಯಾರ್ಕ್‌ , 2007-03-04. 2009-04-07ರಂದು ಮರುಸಂಪಾದಿಸಲಾಗಿದೆ.
- ↑ Asian Excellence Awardss - Winners (archive)
- ↑ "CNN.com". House' gets a new group of trainees. Archived from the original on ಅಕ್ಟೋಬರ್ 11, 2007. Retrieved July 18, 2007.
{{cite web}}: Italic or bold markup not allowed in:|work=(help) - ↑ ಪೆನ್, ಕಲ್‌. "ಓಪನ್‌ ಲೆಟರ್‌ ಟು ಟೂ ಅನ್‌ಡಿಕ್ಲೇರ್ಡ್‌ ಕಾಲೇಜ್‌ ಸೂಪರ್‌ಡೆಲಿಗೇಟ್ಸ್‌". ದಿ ಹಫಿಂಗ್ಟನ್‌ ಪೋಸ್ಟ್‌ , 2008-05-11. 2009-04-07ರಂದು ಮರುಸಂಪಾದಿಸಲಾಯಿತು.
- ↑ ಜೋಷಿ, ಮೊನಿಕಾ. "ಆಕ್ಟರ್‌ ಕಲ್‌ ಪೆನ್ ರೂಟ್ಸ್‌ ಫಾರ್‌ ಒಬಾಮಾ". Rediff.com, 2008-02-04. 2009-04-07ರಂದು ಮರುಸಂಪಾದಿಸಲಾಯಿತು.
- ↑ "ಇಟ್‌ ವಿಲ್‌ ಬಿ ದಿ ವೈಟ್‌ ಹೌಸ್‌ ಫಾರ್‌ ಕಲ್‌ ಪೆನ್ ನೌ". Rediff.com, 2009-04-07. 2009-04-07ರಂದು ಮರುಸಂಪಾದಿಸಲಾಯಿತು.
- ↑ http://www.tvguide.com/News/Kal-Penn-House-1004799.aspx[ಶಾಶ್ವತವಾಗಿ ಮಡಿದ ಕೊಂಡಿ]
- ↑ ""ನ್ಯೂ ರೋಲ್‌ ಇನ್‌ ಒಬಾಮಾ ವೈಟ್‌ ಹೌಸ್‌"". Archived from the original on 2009-04-11. Retrieved 2009-04-11.
- ↑ ಚೌಧರಿ, ಉತ್ತರಾ. "ಯು ಕೆನ್‌ ಕಾಲ್‌ ಮಿ ಕಲ್ಪೇನ್ ಮೋದಿ". DNA (ಡೇಲಿ ನ್ಯೂಸ್‌ & ಅನಾಲಿಸಿಸ್‌) , 2009-07-08. 2009-08-18ರಂದು ಮರುಸಂಪಾದಿಸಲಾಯಿತು.
- ↑ ಶ್ವೇಡೆಲ್‌, ಹೀಥರ್‌. "ಕಲ್‌ ಪೆನ್ ಟು ಟೀಚ್‌ ಅಟ್‌" Archived 2007-11-14 ವೇಬ್ಯಾಕ್ ಮೆಷಿನ್ ನಲ್ಲಿ.. ದಿ ಡೇಲಿ ಪೆನ್ಸಿಲ್ವೇನಿಯನ್‌ , 2007-03-26. 2009-04-07ರಂದು ಮರುಸಂಪಾದಿಸಲಾಯಿತು.
- ↑ ಏಷ್ಯನ್‌ ಅಮೆರಿಕನ್‌ ಸ್ಟಡೀಸ್‌ ಪ್ರೋಗ್ರಾಂ ಅಟ್‌ ಪೆನ್ಸಿಲ್ವೇನಿಯಾ ಯೂನಿವರ್ಸಿಟಿ
ಹೊರಗಿನ ಕೊಂಡಿಗಳು
[ಬದಲಾಯಿಸಿ]- ವೆಬ್ ಆರ್ಕೈವ್ ಟೆಂಪ್ಲೇಟಿನ ವೇಬ್ಯಾಕ್ ಕೊಂಡಿಗಳು
- CS1 errors: markup
- ಮಡಿದ ಬಾಹ್ಯ ಕೊಂಡಿಗಳನ್ನು ಹೊಂದಿರುವ ಎಲ್ಲಾ ಲೇಖನಗಳು
- ಮಡಿದ ಬಾಹ್ಯ ಕೊಂಡಿಗಳನ್ನು ಹೊಂದಿರುವ ಲೇಖನಗಳು from ಆಗಸ್ಟ್ 2021
- ಶಾಶ್ವತವಾಗಿ ಮಡಿದ ಬಾಹ್ಯ ಕೊಂಡಿಗಳನ್ನು ಹೊಂದಿರುವ ಎಲ್ಲಾ ಲೇಖನಗಳು
- ೧೯೭೭ ಜನನ
- ಅಮೆರಿಕಾದಿಂದ ಬಂದ ಚಲನಚಿತ್ರ ನಟರು
- ಅಮೆರಿಕಾದ ದೂರದರ್ಶನ ನಟರು
- ಭಾರತೀಯ ಮೂಲದ ಅಮೆರಿಕನ್ನರು
- ಚಲನಚಿತ್ರ ನಟರು