ಅಲ್ಫ ಕಣ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ಅಲ್ಫ ಸವೆಯುವಿಕೆ

ಅಲ್ಫ ಕಣ(α)ಎಂದರೆ ಒಂದು ವಿಕಿರಣಶೀಲ ಮೂಲವಸ್ತುವು ವಿಕಿರಣ ಹೊಂದುತ್ತಿರುವಾಗ ಹೊರಹೊಮ್ಮಿಸುವ ಧನವಿದ್ಯುತ್ ಅಂಶವಿರುವ ಕಣ.ಈ ಕ್ರಿಯೆಗೆ ಅಲ್ಫ ಕ್ಷಯ (alpha decay)ಎಂದು ಹೆಸರು. ಅಲ್ಫ ಕಣವು ಹೀಲಿಯಮ್ಪರಮಾಣುವಿನಂತಿರುತ್ತದೆ.ಇದರಲ್ಲಿ ಎರಡು ಪ್ರೋಟಾನ್‌ಗಳು ಎರಡು ನ್ಯೂಟ್ರಾನ್‌ಗಳಿಗೆ ಬಲವಾಗಿ ಬೆಸೆದುಕೊಂಡಿರುತ್ತದೆ.ಆದುದರಿಂದ ಇದನ್ನು He2+ ಅಥವಾ 42He2+ ಎಂದು ಬರೆಯಬಹುದು.ಇದರ ದ್ರವ್ಯರಾಶಿ 6.644656×10-27 kg,ಆಗಿದ್ದು ಬೀಟ ಕಣಗಳಿಗಿಂತ ಸುಮಾರು ೭೦೦೦ ಪಟ್ಟು ಭಾರವಾಗಿರುತ್ತವೆ.ಒಂದು ಮೂಲವಸ್ತುವಿನಿಂದ ಅಲ್ಫ ಕಣಗಳು ಹೊರಹೊಮ್ಮಿದಾಗ ಅದರ ದ್ರವ್ಯರಾಶಿಯು 4.0015 u ರಷ್ಟು ಕಡಿಮೆಯಾಗಿ, ಅಂದರೆ ಅದರ ಎರಡು ಪ್ರೊಟಾನುಗಳು ಕಡಿಮೆಯಾಗುವುದರಿಂದ ಅದು ಹೊಸ ಪರಮಾಣುವಾಗಿ ಪರಿವರ್ತನೆ ಹೊಂದುತ್ತದೆ.ಉದಾಹರಣೆಗೆ ರೇಡಿಯಮ್ ಮೂಲವಸ್ತುವು ಅಲ್ಫ ಕ್ಷಯ(alpha decay)ಕ್ಕೆ ಒಳಪಟ್ಟಾಗ ರೇಡಾನ್ ಆಗಿ ಪರಿವರ್ತನೆ ಹೊಂದುತ್ತದೆ.ಗ್ರೀಕ್ ವರ್ಣಮಾಲೆಯ ಮೊದಲ ಅಕ್ಷರ "ಆಲ್ಫಾ" - α ನ ನಂತರ ಅಲ್ಫ ಕಣವನ್ನು ಹೆಸರಿಸಲಾಗಿದೆ.

"https://kn.wikipedia.org/w/index.php?title=ಅಲ್ಫ_ಕಣ&oldid=719111" ಇಂದ ಪಡೆಯಲ್ಪಟ್ಟಿದೆ