ಮುತ್ತಿನ ಹಾರ (ಚಲನಚಿತ್ರ)

ಮುತ್ತಿನ ಹಾರ

೧೯೯೦ರಲ್ಲಿ ಬಿಡುಗಡೆಯಾದ ಈ ಚಿತ್ರವು ಯುದ್ಧದ ಪಿಡುಗಿನ ಬಗ್ಗೆ ಜಾಗೃತಿ ಮೂಡಿಸುವ ಕಥಾ ಹಂದರವುಳ್ಳದ್ದಾಗಿದೆ. ಭಾರತದ ಸೈನಿಕ ಅಚ್ಚಪ್ಪನ ಪಾತ್ರದಲ್ಲಿ ವಿಷ್ಣುವರ್ಧನ್ ಮತ್ತು ನಾಯಕಿಯ ಪಾತ್ರದಲ್ಲಿ ಸುಹಾಸಿನಿ ಅಭಿನಯಿಸಿದ್ದಾರೆ.

ಯುದ್ಧಭೂಮಿಯಲ್ಲಿ ನಡೆಯುವ ಚಕಮಕಿಗಳನ್ನು, ಸೈನಿಕರ ಮನದಲ್ಲುಂಟಾಗುವ ಗೊಂದಲಗಳನ್ನು ಚಿತ್ರದಲ್ಲಿ ಕೆಲವೆಡೆ ತೋರಿಸಲಾಗಿದೆ.

ಪಾತ್ರವರ್ಗ

• ವಿಷ್ಣುವರ್ಧನ್ ಅಚ್ಚಪ್ಪ ಆಗಿ
• ಸುಹಾಸಿನಿ ಅನ್ನಪೂರ್ಣ ಆಗಿ
• ಕೆ.ಎಸ್. ಅಶ್ವಥ್ ಬೆಳ್ಳಿಯಪ್ಪ
• ರಾಮ್ ಕುಮಾರ್ ನಾಯಕ್ ಮೋಹನ್ ಆಗಿ
• ಮಾಸ್ಟರ್ ಆನಂದ್ ವೀರರಾಜು ಆಗಿ
• ಪ್ರಕಾಶ್ ರಾಜ್ ಒಬ್ಬ ಸಿಪಾಯಿ ಆಗಿ
• ಸಿಹಿ ಕಹಿ ಚಂದ್ರು ಕ್ಷೌರಿಕ ಮೆಣಸಿನಕಾಯಿ ಪಾತ್ರದಲ್ಲಿ
• ಸದಾಶಿವ ಬ್ರಹ್ಮಾವರ್ ಅನ್ನಪೂರ್ಣಳ ತಂದೆ ರಂಗಪ್ಪನ ಪಾತ್ರದಲ್ಲಿ
• ಕಾವ್ಯ
• ಮುಖ್ಯಮಂತ್ರಿ ಚಂದ್ರು

ಹಿನ್ನೆಲೆ ಸಂಗೀತ

ಹಂಸಲೇಖಾ ಅವರು ಈಚಲನಚಿತ್ರಕ್ಕೆ ಗೀತೆಗಳನ್ನು ಬರೆದು ಅವುಗಳಿಗೆ ಸಂಗೀತವನ್ನೂ ಚಿತ್ರಕ್ಕೆ ಹಿನ್ನೆಲೆ ಸಂಗೀತವನ್ನೂ ಒದಗಿಸಿದ್ದಾರೆ. ಚಲನಚಿತ್ರದಲ್ಲಿ 5 ಹಾಡುಗಳಿವೆ.

ಹಾಡುಗಳ ಪಟ್ಟಿ
ಸಂ.	ಹಾಡು	ಸಾಹಿತ್ಯ	ಹಾಡುಗಾರರು	ಸಮಯ
1.	"ಮಡಿಕೇರಿ ಸಿಪಾಯಿ"	ಹಂಸಲೇಖ	ಎಸ್.ಪಿ.ಬಾಲಸುಬ್ರಹ್ಮಣ್ಯಂ, ಕೆ. ಎಸ್. ಚಿತ್ರಾ	4:40
2.	"ಕೊಡಗಿನೋಳು ಬೆಡಗಿನೋಳು"	ಹಂಸಲೇಖ	ಎಸ್.ಪಿ.ಬಾಲಸುಬ್ರಹ್ಮಣ್ಯಂ	5:13
3.	"ಸಾರು ಸಾರು ಮಿಲ್ಟ್ರಿ ಸಾರು"	ಹಂಸಲೇಖ	ಎಸ್.ಪಿ.ಬಾಲಸುಬ್ರಹ್ಮಣ್ಯಂ, ಲತಾ ಹಂಸಲೇಖ	5:01
4.	"ಕೊಡಗಿನ ವೀರ"	ಹಂಸಲೇಖ	ಎಸ್.ಪಿ.ಬಾಲಸುಬ್ರಹ್ಮಣ್ಯಂ, ಕೆ. ಎಸ್. ಚಿತ್ರಾ	5:56
5.	"ದೇವರು ಹೊಸೆದ ಪ್ರೇಮದ ದಾರ"	ಹಂಸಲೇಖ	ಎಂ. ಬಾಲಮುರಳಿ ಕೃಷ್ಣ, ಕೆ. ಎಸ್. ಚಿತ್ರಾ	6:01
ಒಟ್ಟು ಸಮಯ:				26:51

ಸ್ವಾರಸ್ಯ

• ಈ ಚಿತ್ರದ ಕೆಲವು ದೃಶ್ಯಗಳಿಗಾಗಿ ವಿಷ್ಣುವರ್ಧನ್ ತಮ್ಮ ತಲೆಗೂದಲನ್ನು ಪೂರ್ತಿಯಾಗಿ ತೆಗೆಸಿಕೊಂಡಿದ್ದರು.