ಸೋಮಾ ಮೊಂಡಲ್

ಸೋಮಾ ಮೊಂಡಲ್
Born	ಭುವನೇಶ್ವರ, ಒಡಿಶಾ
Occupation	ಉದ್ಯಮಿ
Known for	ಪಿಇಎಸ್ಬಿ ಸದಸ್ಯ, ಸ್ಟೀಲ್ ಅಥಾರಿಟಿ ಆಫ್ ಇಂಡಿಯಾದ ಮಾಜಿ ಅಧ್ಯಕ್ಷರು.

ಸೋಮಾ ಮೊಂಡಲ್ ಅವರು ಸ್ಟೀಲ್ ಅಥಾರಿಟಿ ಆಫ್ ಇಂಡಿಯಾದ ಮಾಜಿ ಅಧ್ಯಕ್ಷರಾಗಿದ್ದಾರೆ (೧ ಜನವರಿ ೨೦೨೧- ೩೦ ಏಪ್ರಿಲ್ ೨೦೨೩). ಸೋಮಾ ಮೊಂಡಲ್ ಅವರು ಎಸ್ಎಐಎಲ್(SAIL)ನ ಮೊದಲ ಮಹಿಳಾ ಕಾರ್ಯಕಾರಿ ನಿರ್ದೇಶಕಿ ಮಾತ್ರವಲ್ಲ, ಕಂಪನಿಯ ಮೊದಲ ಮಹಿಳಾ ಅಧ್ಯಕ್ಷರೂ ಆಗಿದ್ದಾರೆ. ಅಧ್ಯಕ್ಷರಾಗಿ ಅವರು ನಿಗಮದ ಮುಖ್ಯ ಕಾರ್ಯನಿರ್ವಾಹಕರಾಗಿದ್ದರು. ಎಸ್ಎಐಎಲ್(SAIL)ನಿಂದ ನಿವೃತ್ತರಾದ ನಂತರ ಶ್ರೀಮತಿ ಮೊಂಡಲ್‌ರವರು ಈಗ ಸಾರ್ವಜನಿಕ ಉದ್ಯಮ ಆಯ್ಕೆ ಮಂಡಳಿಯ ಸದಸ್ಯರಾಗಿದ್ದಾರೆ. ಉದ್ಯಮಕ್ಕೆ ನೀಡಿದ ಅಪಾರ ಕೊಡುಗೆಗಳಿಗಾಗಿ "ಉಕ್ಕಿನ ರಾಣಿ" ಎಂದು ಕರೆಯಲ್ಪಡುವ ಸೋಮಾ ಮೊಂಡಲ್ ಅವರನ್ನು ೨೦೨೨ ಮತ್ತು ೨೦೨೩ ರಲ್ಲಿ ಫೋರ್ಬ್ಸ್‌ "ವಿಶ್ವದ ಅತ್ಯಂತ ಶಕ್ತಿಶಾಲಿ ಮಹಿಳೆಯರ" ಪಟ್ಟಿಯಲ್ಲಿ ಸೇರಿಸಿದೆ.

ಆರಂಭಿಕ ಜೀವನ

ಸೋಮಾ ಮೊಂಡಲ್ ಅವರು ಭುವನೇಶ್ವರದಲ್ಲಿ ಬಂಗಾಳಿ ಮಧ್ಯಮ ವರ್ಗದ ಕುಟುಂಬದಲ್ಲಿ ಹುಟ್ಟಿ ಬೆಳೆದರು. ಆಕೆಯ ತಂದೆ ಕೃಷಿ ಅರ್ಥಶಾಸ್ತ್ರಜ್ಞರಾಗಿದ್ದರು. ಅವರು ೧೯೮೪ ರಲ್ಲಿ ರೂರ್ಕೆಲಾದ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಿಂದ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ನಲ್ಲಿ ಮೇಜರ್ ಆದರು.

ವೃತ್ತಿ

ಮೊಂಡಲ್ ಲೋಹ ಉದ್ಯಮದಲ್ಲಿ ೩೫ ವರ್ಷಗಳ ಅನುಭವವನ್ನು ಹೊಂದಿದ್ದಾರೆ. ಅವರು ನಾಲ್ಕೊ(NALCO )ದಲ್ಲಿ ಗ್ರಾಜುಯೇಟ್ ಎಂಜಿನಿಯರ್ ಟ್ರೈನಿಯಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು ಮತ್ತು ೨೦೧೪ ರಲ್ಲಿ ನಾಲ್ಕೊದಲ್ಲಿ ನಿರ್ದೇಶಕ (ವಾಣಿಜ್ಯ) ಹುದ್ದೆಯನ್ನು ವಹಿಸಿಕೊಂಡರು. ಮೊಂಡಲ್ ಮಾರ್ಚ್ ೨೦೧೭ ರಲ್ಲಿ ನಿರ್ದೇಶಕರಾಗಿ (ವಾಣಿಜ್ಯ) ಎಸ್ಎಐಎಲ್(SAIL)ಗೆ ಸೇರಿದರು. ಅವರು ಡಿಸೆಂಬರ್, ೨೦೨೦ ರಲ್ಲಿ ನಿವೃತ್ತರಾದ ಅನಿಲ್ ಕುಮಾರ್ ಚೌಧರಿಯವರಿಂದ ಮಹಾರತ್ನ ಪಿಎಸ್‌ಯು(PSU) ನ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡರು. ಎಸ್ಎಐಎಲ್‌ನಲ್ಲಿದ್ದಾಗ, ಸಮಗ್ರ ತಿರುವಿನ ಮಾರ್ಗಸೂಚಿಯಲ್ಲಿ ವಿವರಿಸಲಾದ ಮಾರ್ಕೆಟಿಂಗ್ ತಂತ್ರಗಳನ್ನು ಕಾರ್ಯಗತಗೊಳಿಸುವಲ್ಲಿ ಅವರು ಪ್ರಮುಖ ಪಾತ್ರ ವಹಿಸಿದರು. ಇದರ ಪರಿಣಾಮವಾಗಿ ಮಾರಾಟವು ಹೆಚ್ಚಾಯಿತು ಮತ್ತು ವರ್ಷದಿಂದ ವರ್ಷಕ್ಕೆ ಮಾರುಕಟ್ಟೆ ವ್ಯಾಪ್ತಿಯನ್ನು ವಿಸ್ತರಿಸಿತು. ವಿವಿಧ ಎಸ್ಎಐಎಲ್ ಉತ್ಪನ್ನಗಳ ಬ್ರ್ಯಾಂಡಿಂಗ್ ಅನ್ನು ಉತ್ತೇಜಿಸುವಲ್ಲಿ ಅವರ ಪ್ರಯತ್ನಗಳು ಕ್ರಮವಾಗಿ ಪಿಎಫ್ ರಚನಾತ್ಮಕ ವಿಭಾಗಗಳು ಮತ್ತು ಟಿಎಂಟಿ ಬಾರ್ಗಳಿಗಾಗಿ "ನೆಕ್ಸ್(NEX)" ಮತ್ತು "ಎಸ್ಎಐಎಲ್ ಸೆಕ್ಯೂಆರ್(SAIL SeQR)" ನಂತಹ ಹೊಸ ಬ್ರಾಂಡ್ಗಳನ್ನೂ ಯಶಸ್ವಿಯಾಗಿ ಪ್ರಾರಂಭಿಸಲು ಕಾರಣವಾಯಿತು. ಅವರ ಅಧಿಕಾರಾವಧಿಯಲ್ಲಿ, ೨೦೨೨ ರ ಹಣಕಾಸು ವರ್ಷದಲ್ಲಿ, ಎಸ್ಎಐಎಲ್(SAIL) ಮೊದಲ ಬಾರಿಗೆ ೧ ಲಕ್ಷ ಕೋಟಿ ರೂ.ಗಳ ಆದಾಯದ ಮೈಲಿಗಲ್ಲನ್ನು ದಾಟಿತು ಮತ್ತು ಇದು ೧ ಲಕ್ಷ ಕೋಟಿ ರೂ.ಗಿಂತ ಹೆಚ್ಚಿನ ವಹಿವಾಟು ಹೊಂದಿರುವ ಭಾರತೀಯ ಕಂಪನಿಗಳ ಎಲೈಟ್ ಕ್ಲಬ್ಗೆ ಪ್ರವೇಶಿಸಿತು.

ಮೊಂಡಲ್ ಅವರು ವಿವಿಧ ಉದ್ಯಮ ವೇದಿಕೆಗಳಲ್ಲಿ ನೀಡಿದ ಕೊಡುಗೆಗಾಗಿ ಅಲ್ಯೂಮಿನಿಯಂ ಉದ್ಯಮದಲ್ಲಿ ಚಿರಪರಿಚಿತರಾಗಿದ್ದಾರೆ. ಮಾರ್ಚ್ ೨೦೨೧ ರಲ್ಲಿ ಅವರು ಕೇಂದ್ರ ಸರ್ಕಾರದ ಸಾರ್ವಜನಿಕ ಉದ್ಯಮಗಳನ್ನು ಪ್ರತಿನಿಧಿಸುವ ಸಂಸ್ಥೆಯಾದ ಸಾರ್ವಜನಿಕ ಉದ್ಯಮಗಳ ಸ್ಥಾಯೀ ಸಮ್ಮೇಳನದ (SCOPE) ಅಧ್ಯಕ್ಷರಾಗಿ ಆಯ್ಕೆಯಾದರು.

೨೦೨೩ ರಲ್ಲಿ, ಸೋಮಾ ಮೊಂಡಲ್ ಅವರನ್ನು ಇಟಿಪ್ರೈಮ್ ಮಹಿಳಾ ನಾಯಕತ್ವ ಪ್ರಶಸ್ತಿಗಳಲ್ಲಿ 'ವರ್ಷದ ಸಿಇಒ' ಎಂದು ಗೌರವಿಸಲಾಯಿತು.