ಸದಸ್ಯ:Anivaasi/sandbox

ಎಸ್. ರಾಮಚಂದ್ರ
ಹುಟ್ಟು	(೧೯೪೮-೧೧-೧೬)೧೬ ನವೆಂಬರ್ ೧೯೪೮ ಬೆಂಗಳೂರು, ಕರ್ನಾಟಕ
ಸಾವು	(2011-01-10)ಜನವರಿ 10, 2011 ಬೆಂಗಳೂರು, ಕರ್ನಾಟಕ
ಉದ್ಯೋಗ	ಛಾಯಾಗ್ರಾಹಕ

ಎಸ್. ರಾಮಚಂದ್ರ ಎಂದೇ ಖ್ಯಾತರಾದ ಶಿವರಾಮಯ್ಯ ರಾಮಚಂದ್ರ ಐತಾಳ ಕನ್ನಡ ಚಿತ್ರರಂಗದ ಹೊಸ ಅಲೆಯ ಸಿನಿಮಾಗಳ ಯಶಸ್ಸಿನಲ್ಲಿ ಮಹತ್ವದ ಪಾತ್ರವಹಿಸಿದ್ದ ಪ್ರತಿಭಾನ್ವಿತ ಹಾಗು ಪ್ರಸಿದ್ಧ ಹಿರಿಯ ಛಾಯಾಗ್ರಾಹಕ.

ಪರಿಚಯ

ಎಪ್ಪತ್ತರ ದಶಕದಲ್ಲಿ ಕನ್ನಡ ಚಿತ್ರರಂಗ ಪ್ರವೇಶಿಸಿದ ಎಸ್. ರಾಮಚಂದ್ರ 75ಕ್ಕೂ ಹೆಚ್ಚು ಚಿತ್ರಗಳಿಗೆ ಛಾಯಾಗ್ರಾಹಕರಾಗಿ ಕೆಲಸ ಮಾಡಿದ್ದರು. ವೀಕ್ಷಕರು ಅಚ್ಚರಿ ಪಡುವಂಥ ಅದ್ಭುತ ದೃಶ್ಯಗಳನ್ನು ಸೆರೆಹಿಡಿಯುತ್ತಿದ್ದ ಕಲಾತ್ಮಕ ಛಾಯಾಗ್ರಾಹಕ ಎಂದೇ ಪ್ರಸಿದ್ಧರಾಗಿದ್ದರು. ರಾಮಚಂದ್ರ ಅವರ ಛಾಯಾಗ್ರಹಣಕ್ಕೆ ಅಂಥದೊಂದು ಶಕ್ತಿ ಇತ್ತು. ಸಹಜವಾಗಿ ಚಿತ್ರೀಕರಿಸಬೇಕಿದ್ದ ದೃಶ್ಯವೊಂದನ್ನು ವಿಶೇಷವಾದ ರೀತಿಯಲ್ಲಿ, ಇದನ್ನು ಹೀಗೂ ಸೆರೆಹಿಡಿಯಬಹುದೇ ಎಂದು ಬೆರಗಾಗುವ ರೀತಿಯಲ್ಲಿ ಚಿತ್ರಿಸಿಕೊಡುವ ಮಾಂತ್ರಿಕತೆ ಅವರಿಗಿತ್ತು. ಕಲಾತ್ಮಕ ಚಿತ್ರಗಳ ಪರಂಪರೆ ಕನ್ನಡದಲ್ಲಿ ಮಹತ್ವದ ಸ್ಥಾನ ಪಡೆಯುವಲ್ಲಿ ಅವರ ಅಮೂಲ್ಯ ಕೊಡುಗೆ ಇತ್ತು.

ವೃತ್ತಿ

ರಾಮಚಂದ್ರರವರು ಪೂನಾ ಫಿಲ್ಮ್ ಇನ್‌ಸಿrಟ್ಯೂಟ್‌ನ ಕೊಡುಗೆ. ಅವರು ೧೯೬೭-೧೯೭೦ರಲ್ಲಿ ಛಾಯಾಗ್ರಹಣದ ವ್ಯಾಸಂಗ ಮಾಡಿದ ಮೊದಲ ತಲೆಮಾರಿನ ಗುಂಪಿಗೆ ಸೇರಿದವರು . ಅಲ್ಲಿಂದ ಬಂದ ನಂತರ ಅವರು ಗಿರೀಶ್‌ ಕಾರ್ನಾಡರ 'ವಂಶವೃಕ್ಷ' ಚಿತ್ರಕ್ಕೆ ಸಹಾಯಕ ಛಾಯಾಗ್ರಾಹಕರಾಗಿ ಕೆಲಸ ಮಾಡಿದರು. 1972 ರಲ್ಲಿ ತೆರೆಕಂಡ 'ಸಂಕಲ್ಪ' ಚಿತ್ರ ರಾಮಚಂದ್ರರನ್ನು ನಾಡಿಗೆ ಪರಿಚಯಿಸಿತು. ಆ ಚಿತ್ರದ ಮೂಲಕ ಸ್ವತಂತ್ರ ಛಾಯಾಗ್ರಾಹಕರಾಗಿ ಅವರು ಕನ್ನಡ ಚಿತ್ರರಂಗದಲ್ಲಿ ನೆಲೆಕಂಡುಕೊಂಡರು. ನಂತರ ಅವರು ಛಾಯಾಗ್ರಹಣ ಮಾಡಿದ ಬಹುತೇಕ ಚಿತ್ರಗಳು ಕಲಾತ್ಮಕ ಚಿತ್ರಗಳಾಗಿದ್ದವು. ಅದು ಅವರಿಗಿರುವ ಹೆಗ್ಗಳಿಕೆಯೂ ಹೌದು. ಕಲಾತ್ಮಕ ಚಿತ್ರಗಳೆಂದರೆ ಅಲ್ಲಿ ಎಸ್.ರಾಮಚಂದ್ರ ಇರಲೇಬೇಕು ಎಂಬಷ್ಟು ಅವರು ಆ ಚಿತ್ರಗಳ ಪಾಲಾಗಿದ್ದರು. ಗಿರೀಶ್ ಕಾಸರವಳ್ಳಿಯವರ ಮೊದಲ ಚಿತ್ರ ಘಟಶ್ರಾದ್ಧವಲ್ಲದೆ, ನಂತರ ಅವರ ಹಲವಾರು ಚಿತ್ರಗಳಿಗೆ ಛಾಯಾಗ್ರಾಹಕರಾಗಿ ಕೆಲಸಮಾಡಿದ್ದಾರೆ. ಸದಾಶಿವ ಶೆಣೈ ನಿರ್ದೇಶನದ 'ಪ್ರಾರ್ಥನಾ' ಅವರ 75ನೆ ಚಿತ್ರ. ಶಂಕರ್ ನಾಗ್ ನಿರ್ದೇಶನದ ಹಿಂದಿಯ 'ಮಾಲ್ಗುಡಿ ಡೇಸ್‌' ಧಾರಾವಾಹಿಗೂ ರಾಮಚಂದ್ರ ಕ್ಯಾಮರಾ ಹಿಡಿದಿದ್ದರು. ನಿರ್ದೇಶಕ ರಾಮದಾಸ್‌ ನಾಯ್ಡು ನಿರ್ದೇಶನದ 'ಹೆಜ್ಜೆಗಳು' ರಾಮಚಂದ್ರ ಅವರು ಕ್ಯಾಮರಾ ಹಿಡಿದ ಕೊನೆಯ ಚಿತ್ರ. ಚಿಕ್ಕ ವಯಸ್ಸಿನಿಂದಲೇ ಪೋಲಿಯೋದ ಕಾರಣ ತುಸು ಕುಂಟುನಡಿಗೆಯಿದ್ದರೂ ಅದನ್ನು ಮೆಟ್ಟಿ ನಿಂತು ಅವರು ಸಾಧನೆಯ ಶಿಖರವೇರಿದರು.

ಪ್ರಶಸ್ತಿ

೧೯೭೭ರಲ್ಲಿ ರಾಷ್ಟ್ರಮಟ್ಟದಲ್ಲಿ ಅತ್ಯುತ್ತಮ ಛಾಯಾಗ್ರಾಹಕ (ಚಂದ್ರಶೇಖರ ಕಂಬಾರ ಕಥೆಯಾಧಾರಿತ ‘ಋಷ್ಯಶೃಂಗ’) ಪ್ರಶಸ್ತಿ, ಹಲವು ಬಾರಿ ರಾಜ್ಯಪ್ರಶಸ್ತಿ, ೨೦೦೬ರಲ್ಲಿ ಜೀವಮಾನ ಸಾಧನೆಗಾಗಿ ಸಂದ ಗೌರವಗಳು ಸೇರಿದಂತೆ ಹಲವಾರು ಪ್ರಶಸ್ತಿಗಳಿಗೆ ರಾಮಚಂದ್ರ ಅವರು ಪಾತ್ರರಾಗಿದ್ದಾರೆ.

ನಿಧನ

ಇವರು ಕ್ಯಾನ್ಸರಿನಿಂದ ಬಳಲುತ್ತಿದ್ದು (2011-01-10)ಜನವರಿ 10, 2011ರಂದು ನಿಧನರಾದರು. ಇವರ ಪತ್ಮಿಯ ಹೆಸರು ಮೀನಾಕ್ಷಿ ಹಾಗು ಪುತ್ರಿಯರು ಚೈತ್ರಾ ಮತ್ತು ವರ್ಷಾ.

ಚಿತ್ರಪಟ್ಟಿ

ಚಲನಚಿತ್ರಗಳು

ವರ್ಷ	ಚಿತ್ರ	ಭಾಷೆ	ಇತರ ಸಂಗತಿ
1972	ವಂಶವೃಕ್ಷ	ಕನ್ನಡ	ಸಹಾಯಕ ಛಾಯಾಗ್ರಾಹಕ
1972	ಸಂಕಲ್ಪ	ಕನ್ನಡ	ವಿಜೇತರು : ಕರ್ನಾಟಕ ರಾಜ್ಯ ಅತ್ಯುತ್ತಮ ಛಾಯಾಗ್ರಾಹಕ ಪ್ರಶಸ್ತಿ
1974	ಕಂಕಣ	ಕನ್ನಡ
1975	ಚೋಮನ ದುಡಿ	ಕನ್ನಡ
1976	ಪಲ್ಲವಿ	ಕನ್ನಡ
1976	ಋಷ್ಯಶೃಂಗ	ಕನ್ನಡ	ವಿಜೇತರು : ಅತ್ಯುತ್ತಮ ಛಾಯಾಗ್ರಾಹಕ ರಾಷ್ಟ್ರ ಪ್ರಶಸ್ತಿ
1977	ಘಟಶ್ರಾದ್ಧ	ಕನ್ನಡ
1978	ಗ್ರಹಣ	ಕನ್ನಡ	Winner : ಕರ್ನಾಟಕ ರಾಜ್ಯ ಅತ್ಯುತ್ತಮ ಛಾಯಾಗ್ರಾಹಕ ಪ್ರಶಸ್ತಿ (ಕಪ್ಪು ಬಿಳುಪು)
1978	ಗೀಜಗನ ಗೂಡು	ಕನ್ನಡ
1978	ಹೊಂಬಿಸಿಲು	ಕನ್ನಡ
1978	ಮಲಯ ಮಕ್ಕಳು	ಕನ್ನಡ
1978	ಪರಸಂಗದ ಗೆಂಡೆತಿಮ್ಮ	ಕನ್ನಡ
1979	ಆಕ್ರಮಣ	ಕನ್ನಡ
1979	ದಂಗೆ ಎದ್ದ ಮಕ್ಕಳು	ಕನ್ನಡ
1979	ನಮ್ಮಮ್ಮನ ಸೊಸೆ	ಕನ್ನಡ
1980	ಬಂಗಾರದ ಜಿಂಕೆ	ಕನ್ನಡ
1980	ವಾತ್ಸಲ್ಯ ಪಥ	ಕನ್ನಡ
1980	ಸಂಗೀತಾ	ಕನ್ನಡ
1981	ಜಾಲ	ಕನ್ನಡ
1981	ಚದುರಿದ ಚಿತ್ರಗಳು	ಕನ್ನಡ
1983	ಬ್ಯಾಂಕರ್ ಮಾರ್ಗಯ್ಯ	ಕನ್ನಡ
1983	ಅನ್ವೇಷಣೆ	ಕನ್ನಡ
1983	ಗಂಧರ್ವಗಿರಿ	ಕನ್ನಡ
1983	ಮುದುಡಿದ ತಾವರೆ ಅರಳಿತು	ಕನ್ನಡ
1983	ನ್ಯಾಯ ಗೆದ್ದಿತು	ಕನ್ನಡ
1983	ಪ್ರೇಮಯುದ್ಧ	ಕನ್ನಡ
1983	ಸಿಂಹಾಸನ	ಕನ್ನಡ
1984	ಒಲವೆ ಬದುಕು	ಕನ್ನಡ
1986	ಪ್ರೇಮ ಜಾಲ	ಕನ್ನಡ
1987	ಹುಲಿ ಹೆಬ್ಬುಲಿ	ಕನ್ನಡ
1987	ಅವಸ್ಥೆ	ಕನ್ನಡ
1987	ನ್ಯಾಯ ಶಿಕ್ಷೆ	ಕನ್ನಡ
1987	ರೋಮಾಂಚನ	ಕನ್ನಡ
1987	ಸಂಪ್ರದಾಯ	ಕನ್ನಡ
1988	ಭುಜಂಗಯ್ಯನ ದಶಾವತಾರ	ಕನ್ನಡ
1988	ಆಸ್ಪೋಟ	ಕನ್ನಡ
1988	ಮಾತೃದೇವೋಭವ	ಕನ್ನಡ
1989	ಹಾಂಕಾಂಗಿನಲ್ಲಿ ಏಜಂಟ್ ಅಮರ್	ಕನ್ನಡ
1989	ಸಿಂಗಾರಿ ಬಂಗಾರಿ	ಕನ್ನಡ
1990	ಸಂತ ಶಿಶುನಾಳ ಶರೀಫ	ಕನ್ನಡ
1991	ಮನೆ	ಕನ್ನಡ	ವಿಜೇತರು : ಕರ್ನಾಟಕ ರಾಜ್ಯ ಅತ್ಯುತ್ತಮ ಛಾಯಾಗ್ರಾಹಕ ಪ್ರಶಸ್ತಿ
1991	ಎಕ್ ಘರ್	ಹಿಂದಿ
1992	ಉಂಡು ಹೋದ ಕೊಂಡು ಹೋದ	ಕನ್ನಡ
1993	ಕಾದಂಬರಿ	ಕನ್ನಡ
1994	ಯಾರಿಗು ಹೇಳ್ಬೇಡಿ	ಕನ್ನಡ
1995	ನಿಲುಕದ ನಕ್ಷತ್ರ	ಕನ್ನಡ
1996	ಜನನಿ	ಕನ್ನಡ
1996	ಪೂಜ	ಕನ್ನಡ
1999	ದೇವೀರಿ	ಕನ್ನಡ
1999	ಕಾನೂರು ಹೆಗ್ಗಡತಿ	ಕನ್ನಡ
2003	ಅರ್ಥ	ಕನ್ನಡ
2004	ಹಸೀನಾ	ಕನ್ನಡ
2004	ಬೇರು	ಕನ್ನಡ
2004	ಪ್ರವಾಹ	ಕನ್ನಡ
2005	ನಾಯಿ ನೆರಳು	ಕನ್ನಡ
2005	ಮುಖಾಮುಖಿ	ಕನ್ನಡ
2006	ಬನದ ನೆರಳು	ಕನ್ನಡ
2007	ಗುಲಾಬಿ ಟಾಕೀಸು	ಕನ್ನಡ
2008	ವಿಮುಕ್ತಿ	ಕನ್ನಡ
2008	ಮೊಗ್ಗಿನ ಜಡೆ	ಕನ್ನಡ
2008	ಹಾರು ಹಕ್ಕಿಯನೇರಿ	ಕನ್ನಡ
2009	ದಾಟು	ಕನ್ನಡ
2009	ಮುಖಪುಟ	ಕನ್ನಡ
2010	ಗಾಂಧಿ ಸ್ಮೈಲ್ಸ್	ಕನ್ನಡ
2010	ಬೇಲಿ ಮತ್ತು ಹೊಲ	ಕನ್ನಡ
2010	ಹೆಜ್ಜೆಗಳು	ಕನ್ನಡ
2010	ಪ್ರಾರ್ಥನೆ	ಕನ್ನಡ

ಟಿವಿ ಚಿತ್ರ

ವರ್ಷ	ಚಿತ್ರ	ಭಾಷೆ	ಇತರ ಸಂಗತಿ
1987	ಮಾಲ್ಗುಡಿ ಡೇಸ್ (ಟಿವಿ ಸರಣಿ)	ಹಿಂದಿ	ಛಾಯಾಗ್ರಹಣ
1988	ಸ್ಟೋನ್ ಬಾಯ್ (ಟಿವಿ ಸರಣಿ)	ಹಿಂದಿ	ಛಾಯಾಗ್ರಹಣ
2002	ಒಂದು ಸಾವಿನ ಸುತ್ತ (ಟೆಲಿ ಚಿತ್ರ)	ಕನ್ನಡ	ಛಾಯಾಗ್ರಹಣ
2002	ಸಾಕ್ಷಿ (ಟೆಲಿ ಚಿತ್ರ)	ಕನ್ನಡ	ಚಿತ್ರಕತೆ, ನಿರ್ದೇಶನ, ಛಾಯಾಗ್ರಹಣ
2003	ಗೃಹಭಂಗ (ಟಿವಿ ಸರಣಿ)	ಕನ್ನಡ	ಛಾಯಾಗ್ರಹಣ