ರಬ್ಬರ್ ಮರ

Hevea brasiliensis
Conservation status
Least Concern  (IUCN 3.1)
Scientific classification
ಸಾಮ್ರಾಜ್ಯ:	Plantae
ಏಕಮೂಲ ವರ್ಗ:	ಹೂಬಿಡುವ ಸಸ್ಯ
ಏಕಮೂಲ ವರ್ಗ:	Eudicots
ಏಕಮೂಲ ವರ್ಗ:	Rosids
ಗಣ:	ಮ್ಯಾಲ್ಪಿಘಿಯಾಲೆಸ್
ಕುಟುಂಬ:	ಯೂಫೋರ್ಬಿಯೇಸಿಯೀ
ಕುಲ:	ಹೀವಿಯಾ
ಪ್ರಜಾತಿ:	H. brasiliensis
Binomial name
Hevea brasiliensis Müll.Arg.
Range of the genus Hevea.

ರಬ್ಬರ್ ಮರ ಯೂಫೋರ್ಬಿಯೇಸೀ ಕುಟುಂಬಕ್ಕೆ ಸೇರಿದ ಆರ್ಥಿಕ ಪ್ರಾಮುಖ್ಯವುಳ್ಳ ಮರ. ಹೀವಿಯ ಬ್ರಸಿಲಿಯೆನ್ಸಿಸ್ ಇದರ ಸಸ್ಯಶಾಸ್ತ್ರೀಯ ಹೆಸರು. ದಕ್ಷಿಣ ಅಮೆರಿಕದ ಬ್ರಜಿ಼ಲ್ ದೇಶದ ಅಮೆಜ಼ಾನ್ ನದೀಕಣಿವೆ ಇದರ ತವರು. ಮಳೆ ಹೆಚ್ಚಾಗಿದ್ದು, 77⁰-81⁰C ಉಷ್ಣತೆ, ಹೆಚ್ಚು ಆರ್ದ್ರತೆ ಇರುವ ಕಣಿವೆ ಪ್ರದೇಶಗಳಲ್ಲಿ ಹುಲುಸಾಗಿ ಬೆಳೆಸಬಹುದಾಗಿದೆ.

ಭಾರತದಲ್ಲಿ ರಬ್ಬರ್ ಮರದ ಕೃಷಿ

ದಕ್ಷಿಣ ಭಾರತದಲ್ಲಿ ಇದನ್ನು ಮೊತ್ತಮೊದಲಿಗೆ 1879ರಲ್ಲಿ ಬೆಳೆಸಲು ಪ್ರಯತ್ನಿಸಿದ ವರದಿ ಇದೆ. ಅಸ್ಸಾಂ, ಕೇರಳ ಮತ್ತು ಕರ್ನಾಟಕ ರಾಜ್ಯಗಳಲ್ಲಿ ಇದರ ತೋಟಗಳಿವೆ. ಕೇರಳದ ಪೆರಿಯಾರ್ ನದೀದಡದ ತಟ್ಟಕಾಡ್‌ನಲ್ಲಿ ಮೊತ್ತಮೊದಲನೆಯ ರಬ್ಬರ್ ತೋಟ 1902ರಲ್ಲಿ ಸ್ಥಾಪಿತವಾಯಿತು. ಕರ್ನಾಟಕ ರಾಜ್ಯದ ದಕ್ಷಿಣ ಕನ್ನಡ ಹಾಗೂ ಕೊಡಗು ಜಿಲ್ಲೆಗಳ ಕೆಲವು ಭಾಗಗಳಲ್ಲಿ ರಬ್ಬರ್ ತೋಟಗಳಿದ್ದು ಅರಣ್ಯ ಇಲಾಖೆಯ ವಾರ್ಷಿಕ ನೆಡುತೋಪುಗಳ ಕಾರ್ಯಕ್ರಮದಲ್ಲಿ ಇದೂ ಸೇರಿದೆ. ಕಾಡುಗಿಡ, ಕಸಕಡ್ಡಿಗಳನ್ನು ಬೇರು ಸಹಿತ ತೆಗೆದು, ಚೊಕ್ಕಟವಾಗಿ ಹದಮಾಡಿದ ನೆಲದಲ್ಲಿ ಸಸಿಗಳನ್ನು ಮಳೆಗಾಲದಲ್ಲಿ ನೆಟ್ಟು, ಜಾನುವಾರು, ಜಿಂಕೆ ಇವುಗಳಿಂದ ಕಾಪಾಡಿ ಬೂಸರು ಇತ್ಯಾದಿ ಪೀಡೆಗಳಿಗೆ ಒಳಗಾಗದಂತೆ ರಕ್ಷಕ ಪದಾರ್ಥಗಳಿಂದ ಸಂಸ್ಕರಿಸಿ ಕೆಲವು ವರ್ಷ ಕಾಪಾಡಲಾಗುತ್ತದೆ.

ಉಪಯೋಗಗಳು

ಸಸಿನೆಟ್ಟ 6ನೆಯ ವರ್ಷದಿಂದ ರಬ್ಬರ್ ತೆಗೆಯಬಹುದಾದರೂ 8-10 ವರ್ಷಗಳ ಬಳಿಕ ಉತ್ಪತ್ತಿ ಹೆಚ್ಚುವುದು. ಕಾಂಡವನ್ನು ಚೊಕ್ಕಟ ಮಾಡಿ ಬೊಡ್ಡೆಗಳ ಮೇಲೆ V-ಆಕಾರದ ಕಚ್ಚುಮಾಡಿ, ಸಣ್ಣ ಬಟ್ಟಲುಗಳನ್ನು ಕೆಳಭಾಗದಲ್ಲಿ ಕಟ್ಟಿ ಅದರಲ್ಲಿ ಮರದಿಂದ ಒಸರುವ `ಹಾಲ್ನೊರೆ’ಯನ್ನು (ಲೇಟೆಕ್ಸ್) ಸಂಗ್ರಹಿಸಲಾಗುತ್ತದೆ. ಇದನ್ನು ಸಂಸ್ಕರಿಸಿ ರಬ್ಬರ್ ತಯಾರಿಸಲಾಗುತ್ತದೆ.

ಸೌದೆಯಾಗಿಯೂ ಈ ಮರ ಉಪಯೋಗವಿದೆ.

ಛಾಯಾಂಕಣ

• 
  ವೃಕ್ಷ ಶಿಖರ ಮತ್ತು ಬೊಡ್ಡೆ, ಥಾಯ್ಲಂಡ್
• 
  ಬೀಜಗಳು
• 
  ಮಲೇಷ್ಯಾದಲ್ಲಿ ಮನೆಯ ಹಿತ್ತಲಿನಲ್ಲಿ ಅಂಕುರಿಸುತ್ತಿರುವ ಬೀಜ
• 
  ಬೊಡ್ಡೆಯ ಅಡ್ಡಕೊಯ್ತ
• 
  ಕಚ್ಚು ಹಾಕಿದ ರಬ್ಬರ್ ಮರದಿಂದ ಸಂಗ್ರಹಿಸಲಾಗುತ್ತಿರುವ ಸಸ್ಯಕ್ಷೀರ ಮತ್ತು ಸಂಗ್ರಹಿಸಿದ ಸಸ್ಯಕ್ಷೀರವಿರುವ ಬಕೆಟ್

ಹೊರಗಿನ ಕೊಂಡಿಗಳು

• Extraction of Rubber on YouTube

ವಿಕಿಸೋರ್ಸ್ ನಲ್ಲಿ ಲಭ್ಯವಿರುವ ಲೇಖನದ ವಿಷಯವನ್ನು ಇಲ್ಲಿ ಅಳವಡಿಸಲಾಗಿದೆ:

ಮೈಸೂರು ವಿಶ್ವವಿದ್ಯಾನಿಲಯ ವಿಶ್ವಕೋಶ/ರಬ್ಬರ್ ಮರ