ಮರದರಶಿನ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ಮರದರಶಿನ

ಮರದರಶಿನವನ್ನು ಹಳದಿ ಬಳ್ಳಿ ಎಂದೂ ಕರೆಯುತ್ತಾರೆ. ಇದು ದಕ್ಷಿಣ ಏಷ್ಯಾ ಮತ್ತು ಮೈನ್ಲ್ಯಾಂಡ್ ಮೂಲದ ಮರದ ಮೇಲೆ ಹರಡುವ ಹೂಬಿಡುವ ಬಳ್ಳಿ. ಇದೊಂದು ಅಳಿವಿನಂಚಿನಲ್ಲಿರುವ ಸಸ್ಯ. ಮರದರಶಿನವನ್ನು ದಕ್ಷಿಣ ಭಾರತದಲ್ಲಿ ಕಾಕ್ಸಿನಂ ಫೆನೆಸ್ಟ್ರಾಟಮ್ (Coscinium Fenestratum) ಎಂಬ ಸಸ್ಯಮೂಲವನ್ನು ಪರಿಗಣಿಸಲಾಗುತ್ತದೆ ಹಾಗೂ ಉತ್ತರ ಭಾರತದಲ್ಲಿ ಬೆರ್ಬೆರಿಸ್ ಅರಿಸ್ಟೇಟ ಎಂಬ ಸಸ್ಯಮೂಲವನ್ನು ಪರಿಗಣಿಸಲಾಗುತ್ತದೆ. ಅಂಗಳ ಭಾಷೆಯಲ್ಲಿ ಇಂಡಿಯನ್ ಬರ್ಬೆರಿ, ಹಿಂದಿಯಲ್ಲಿ ರಸೌತ್, ಮಲಯಾಳಂನಲ್ಲಿ ಮರಮಂಜಲ್, ಸಂಸ್ಕೃತದಲ್ಲಿ ದಾರುಹರಿದ್ರ ಎಂದು ಕರೆಯುತ್ತಾರೆ. [೧]

ವಿವರಣೆ[ಬದಲಾಯಿಸಿ]

ಮರದರಶಿನ ಹೊಳೆಯುವ ಎಲೆಗಳು ಮತ್ತು ಹಳದಿ ಬಣ್ಣದ ಗಟ್ಟಿಯಾದ ಮರದ ಮೇಲೆ ವ್ಯಾಪಿಸಿ ಬೆಳೆಯುವ ಬಳ್ಳಿ ಆಗಿದೆ. ಆಗಸ್ಟ್ ತಿಂಗಳಿನಿಂದ ಅಕ್ಟೋಬರ್ ತಿಂಗಳು ಈ ಬಳ್ಳಿಯ ಹೂಬಿಡುವ ಮತ್ತು ಫಲವತ್ತತೆಯ ಸಮಯ. ಈ ಸಸ್ಯವು 25 ವರ್ಷಗಳ ಒಂದು ತಲೆಮಾರಿನ ಅವಧಿಯನ್ನು ಹೊಂದಿದೆ. ಇದರ ಹೂವು ಹಳದಿ ಬಣ್ಣದಲ್ಲಿರುತ್ತದೆ. [೨]

ಬೆಳೆಯುವ ಪ್ರದೇಶಗಳು[ಬದಲಾಯಿಸಿ]

ಮರದರಶಿನದ ಎಲೆ

ಇದು ಕೇವಲ ಉಷ್ಣವಲಯದ ಹವಾಮಾನದಲ್ಲಿ ಬೆಳೆಯುತ್ತದೆ. ಫಲವತ್ತಾದ ಮಣ್ಣು ಮತ್ತು ಹೆಚ್ಚಿನ ತೇವಾಂಶ ಮಿಶ್ರಿತ ಪ್ರದೇಶದಲ್ಲಿ ಮರದರಶಿನ ಬೆಳೆಯುತ್ತದೆ. ಈ ಸಸ್ಯವು ಶ್ರೀಲಂಕಾ ಮತ್ತು ಭಾರತದಲ್ಲಿನ ಪಶ್ಚಿಮ ಘಟ್ಟಗಳ ಮೂಲ ಎಂದು ಹೇಳಲಾಗುತ್ತದೆ.[೩]

ಬಳಕೆ[ಬದಲಾಯಿಸಿ]

ಮರದರಶಿನ ಬೆಳೆಯುವ ಪ್ರದೇಶದಲ್ಲಿ ಇದನ್ನು ಸಾಂಪ್ರದಾಯಿಕ ಔಷಧಿಗಳಿಗೆ ಬಳಸುತ್ತಾರೆ. ಇದನ್ನು ಭಾರತದಲ್ಲಿ ಆಯುರ್ವೇದ, ಯುನಾನಿ ಮತ್ತು ಸಿದ್ಧ ವೈದ್ಯಕೀಯ, ಶ್ರೀಲಂಕಾದಲ್ಲಿ ಸಿಂಹಳ ಔಷಧ, ಕಾಂಬೋಡಿಯಾದಲ್ಲಿನ ಕ್ರು ಖಮೇರ್ ಚಿಕಿತ್ಸೆಗಳಿಗೆ ಬಳಸುತ್ತಾರೆ. ಈ ಸಸ್ಯವನ್ನು ಜ್ವರ,ಉದರದ ಕಾಯಿಲೆ, ಮಧುಮೇಹ ಮತ್ತು ಹಾವಿನ ಕಡಿತದ ಚಿಕಿತ್ಸೆಗೆ ಹೆಚ್ಚಾಗಿ ಬಳಸುತ್ತಾರೆ. ಇದನ್ನು ಕಣ್ಣಿನ ಖಾಯಿಲೆಯಲ್ಲಿ ಇದರ ರಸಕ್ರಿಯೆವನ್ನು ಕಾಡಿಗೆಯಾಗಿ ಬಳಸುತ್ತಾರೆ. ಚರ್ಮ ರೋಗದಲ್ಲಿ ಇದನ್ನು ಗೋಮೂತ್ರದೊಂದಿಗೆ ಲೇಪ ಮಾಡುತ್ತಾರೆ. ಮೂತ್ರ ಸಂಬಂಧಿ ಖಾಯಿಲೆಯಲ್ಲಯೂ ಸಹ ಇದು ಫಲಕಾರಿ. ಸಸ್ಯವು ಪ್ರಬಲವಾದ ಜೈವಿಕ ಗುಣಲಕ್ಷಣಗಳನ್ನು ಹೊಂದಿದೆ ಎಂದು ಪ್ರಯೋಗಾಲಯದ ಪರೀಕ್ಷೆಗಳು ಧ್ರಡೀಕರಿಸಿವೆ.[೪]

ಉಲ್ಲೇಖ[ಬದಲಾಯಿಸಿ]

A Text Book of Dravyaguna Vijnana by Dr. Prakash L. Hegde & Dr. Harini A.

  1. http://eol.org/pages/5517362/names/common_names[ಶಾಶ್ವತವಾಗಿ ಮಡಿದ ಕೊಂಡಿ]
  2. http://envis.frlht.org/plantdetails/4d4f72c5ea7eda1125b1e4e04f9f2125/a207c3a972050ece9c1d7e1aafaa2d75
  3. http://www.iucnredlist.org/details/50126585/0
  4. https://link.springer.com/article/10.1007/s13596-012-0094-y
"https://kn.wikipedia.org/w/index.php?title=ಮರದರಶಿನ&oldid=1111065" ಇಂದ ಪಡೆಯಲ್ಪಟ್ಟಿದೆ