ಪಗಡೆ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
Jump to navigation Jump to search
ಪಗಡೆ ಆಟ

ಪಗಡೆ ಒಂದು ಪ್ರಾಚೀನ ಆಟ. ಪಗಡೆಯನ್ನು ಪಗಡೆಯ ಹಾಸಿನ ಮೇಲೆ, ದಾಳ ಅಥವಾ ಕವಡೆಯ ಜೊತೆಗೆ ಆಡುತ್ತಾರೆ. ಪಗಡೆಯ ಹಾಸು ಬಟ್ಟೆಯ ಒಂದು "+" ರೂಪದಲ್ಲಿರುತ್ತದೆ. ಪಗಡೆ ಆಟವನ್ನು ಭಾರತದಲ್ಲಿ ಆಡಲಾಗುತ್ತದೆ.[೧] ಇದನ್ನು ೧೪ ನೇ ಶತಮಾನದಲ್ಲಿ ರಚಿಸಲಾಗಿದೆ ಎಂದು ನಂಬಲಾಗಿದೆ. ಆಟದ ಬೋರ್ಡ್ ಉಣ್ಣೆ ಅಥವಾ ಬಟ್ಟೆಯಿಂದ ಮಾಡಲ್ಪಟ್ಟಿದೆ, ಮರದ ಪ್ಯಾದೆಗಳು ಮತ್ತು ಆರು ಕೌರಿ ಚಿಪ್ಪುಗಳನ್ನು ಪ್ರತಿ ಆಟಗಾರನ ನಡೆಯನ್ನು ನಿರ್ಧರಿಸಲು ಬಳಸಲಾಗುತ್ತದೆ. ಭಾರತದಾದ್ಯಂತ ಮತ್ತು ಪಾಕಿಸ್ತಾನದ[೨] ಕೆಲವು ಭಾಗಗಳಲ್ಲಿ ಆಟದನ ನಿಯಮದಲ್ಲಿ ಕೆಲವು ಬದವಾವಣೆಗಳಿವೆ. ಪಂಜಾಬ್, ಹರಿಯಾಣ ಮತ್ತು ರಾಜಸ್ಥಾನದ ಹೆಚ್ಚಿನ ಹಳ್ಳಿಗಳಲ್ಲಿ, ಈ ಆಟವನ್ನು ಆಡುತ್ತಾರೆ.[೩]

ಇತಿಹಾಸ[ಬದಲಾಯಿಸಿ]

ಚೌಪರ್ ಭಾರತದಲ್ಲಿ ಹುಟ್ಟಿದ್ದು ಪಚಿಸಿಯಿಂದ . ಯುಧಿಷ್ಠಿರ ಮತ್ತು ದುರ್ಯೋಧನನು ಮಹಾಭಾರತದಲ್ಲಿ ಪಗಡೆಯನ್ನು ಚೌಪಾತ್ ರೂಪದಲ್ಲಿ ಆಡಿದ್ದಾರೆ ಎಂದು ಹೇಳಲಾಗಿದೆ.[೪]

ಪಗಡೆಯಲ್ಲಿ ನಾಲ್ಕು ವಿಧದ ಕಾಯಿಗಳು[ಬದಲಾಯಿಸಿ]

  1. ಆನೆ (ಕೆಂಪು)
  2. ಕುದುರೆ (ಕಪ್ಪು)
  3. ಆಕಳು (ಹಸಿರು)
  4. ಕತ್ತೆ (ಹಳದಿ)

ಆಟ ಆಡುವ ವಿವಿಧ ರೀತಿಗಳು[ಬದಲಾಯಿಸಿ]

೧. ಐದರ ಆಟ ೨. ಎಂಟರ ಆಟ ೩. ಹತ್ತರ ಆಟ ೪. ಹನ್ನೆರಡರ ಆಟ ಪಗಡೆಯಾಟವನ್ನು ಭಾರತದ ಪ್ರತೀಕ ಎಂದು ಕರೆಯುತ್ತಾರೆ.ದೇವಾನು ದೇವತೆಗಳು ಮನರಂಜನೆಗಾಗಿ ಸ್ಪರ್ಧಾ ಮನೋಭಾವ ಪ್ರದರ್ಶಿಸಲು ಪಗಡೆ ಆಟವಾಡುತ್ತಿ­ದ್ದರೆಂಬ ಸಂಗತಿಯನ್ನು ನಮ್ಮ ಪುರಾಣಗಳು ಸಾರುತ್ತವೆ. ಮಹಾಭಾರತದಲ್ಲಿ ಕೌರವರು ಪಾಂಡವರನ್ನು ಪಗಡೆಯಲ್ಲಿ ಸೋಲಿಸಿ ಅವರ ಸರ್ವಸ್ವವನ್ನು ಕಿತ್ತು ಕೊಂಡರು. ಆದ್ದರಿಂದ ಪಗಡೆಯು ಮಹಾಭಾರತಕ್ಕಿಂತ ಪ್ರಾಚೀನವಾದದ್ದು ಎಂದು ಹೇಳಬಹುದು. ಇತ್ತೀಚೆಗೆ ಜನರು ಪಗಡೆಯಲ್ಲಿ ಆಸಕ್ತಿಯನ್ನು ಕಳೆದು ಕೊಂಡಿದ್ದಾರೆ, ಆದ್ದರಿಂದ ಈ ಪ್ರಾಚೀನ ಆಟವು ಜನರ ಜೀವನದಿಂದ ಮಾಯವಾಗುತ್ತಿದೆ.[೫]

ಉಪಯೋಗಿಸುವ ಸಾಧನಗಳು[ಬದಲಾಯಿಸಿ]

ಮರ, ಮೂಳೆಯಿಂದ ಮಾಡಿದ ದಾಳಗಳನ್ನು ಆಟವಾಡಲು ಉಪಯೋಗಿಸುತ್ತಾರೆ. ಇದರಲ್ಲಿ ಎರಡು ರೀತಿಯ ದಾಳಗಳನ್ನು ಉಪಯೋಗಿಸುತ್ತಾರೆ. ಚೌಕಾಕೃತಿಯ ಆರು ಮುಖದ ದಾಳದಲ್ಲಿ ೪ ಮುಖಗಳಲ್ಲಿ ೧ ರಿಂದ ೬ ರವರೆಗಿನ ಸಂಖ್ಯೆಗಳನ್ನು ಯಾವುದೇ ವಿರುದ್ಧ ಮುಖದ ಅಂಕೆಗಳನ್ನು ಕೂಡಿದಾಗ ೭ ಬರುವಂತೆ ಕೆತ್ತಿರುತ್ತಾರೆ. ಆಯುತಾಕಾರದ ದಾಳಗಳು ೪ ಮುಖವುಳ್ಳದಾಗಿದ್ದು ೧,೬ ಸಂಖ್ಯೆಗಳು ಒಂದು ಜೋಡಿ ವಿರುದ್ಧ ಮುಖದಲ್ಲೂ, ೩,೪ ಸಂಖ್ಯೆಗಳು ಇನ್ನೊಂದು ಜೋಡಿ ಮುಖದಲ್ಲೂ ಕೆತ್ತಿರುತ್ತಾರೆ. ಪಗಡೆ ಆಟದಲ್ಲಿ ಹೀಗಿರುವ ದಾಳಗಳನ್ನು ಉರುಳಿಸಿದಾಗ ೧,೧ ಬಿದ್ದರೆ ದುಗ ಎಂದು, ೩,೩ ಬಿದ್ದರೆ ಇತ್ತಿಗೆ ಎಂದು, ೪,೪ ಮತ್ತು ೬,೬ ಬಿದ್ದರೆ ಕ್ರಮವಾಗಿ ಎಂಟು, ಹನ್ನೆರಡು ಎಂದು ಕರೆಯುತ್ತಾರೆ.[೬]

ಗ್ಯಾಲರಿ[ಬದಲಾಯಿಸಿ]

ಉಲ್ಲೇಖಗಳು[ಬದಲಾಯಿಸಿ]

  1. https://www.mastersofgames.com/rules/pachisi-rules.htm
  2. "72 वर्षो से सड़क की आस लगाएं बैठे हैं चौपड़ गांव के वाशिंदे". https://www.livehindustan.com (in hindi). Retrieved 21 March 2020. External link in |work= (help)CS1 maint: unrecognized language (link)
  3. https://www.penn.museum/sites/expedition/the-indian-games-of-pachisi-chaupar-and-chausar/
  4. "ಆರ್ಕೈವ್ ನಕಲು". Archived from the original on 2020-03-21. Retrieved 2020-03-21.
  5. Dharmendra, H. s (11 June 2009). "Traditional Board Games of India: How to Play Pagade". Traditional Board Games of India. Retrieved 21 March 2020.
  6. http://vikrama.in/ಪಗಡೆ-ಆಟ/[permanent dead link]
"https://kn.wikipedia.org/w/index.php?title=ಪಗಡೆ&oldid=1056271" ಇಂದ ಪಡೆಯಲ್ಪಟ್ಟಿದೆ