ಪಂಟ (ಚಲನಚಿತ್ರ)

ಪಂಟ ಚಿತ್ರವು ನಾ ಪಂಟ ಕಣೋ ಎಂದೂ ಪ್ರಚಾರಗೊಂಡಿದೆ, ಇದು 2017 ರ ಕನ್ನಡ ಭಾಷೆಯ ಆಕ್ಷನ್ ಥ್ರಿಲ್ಲರ್ ಚಲನಚಿತ್ರವಾಗಿದ್ದು, ಎಸ್. ನಾರಾಯಣ್ ಅವರು ನಿರ್ದೇಶಿಸಿದ್ದಾರೆ ಮತ್ತು ಸಂಗೀತ ನೀಡಿದ್ದಾರೆ. ಇದರಲ್ಲಿ ಅನುಪ್ ರೇವಣ್ಣ ಮತ್ತು ಹೊಸಬರಾದ ರಿತೀಕ್ಷಾ ಮುಖ್ಯಭೂಮಿಕೆಯಲ್ಲಿದ್ದಾರೆ. ಅಮಿದ್ ಕಥೆ ಬರೆದಿದ್ದು, ಮ್ಯಾಥ್ಯೂ ರಾಜನ್ ಅವರ ಛಾಯಾಗ್ರಹಣವಿದೆ. ಈ ಚಿತ್ರವು ತಮಿಳಿನ ರಾಜತಂಧಿರಂ (2015) ಚಿತ್ರದ ರಿಮೇಕ್ ಆಗಿದೆ.

ಈ ಚಿತ್ರದ ತಯಾರಿಕೆಯು ಅಧಿಕೃತವಾಗಿ 9 ಜೂನ್ 2016 ರಂದು ಪ್ರಾರಂಭವಾಯಿತು , ಅದನ್ನು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಬೆಂಗಳೂರಿನಲ್ಲಿ ಪ್ರಾರಂಭಿಸಿದರು. ಚಲನಚಿತ್ರವು 23 ಜೂನ್ 2017 ರಂದು ಬಿಡುಗಡೆಯಾಯಿತು.

ಪಾತ್ರವರ್ಗ

• ಅರ್ಜುನ್ ಪಾತ್ರದಲ್ಲಿ ಅನುಪ್ ರೇವಣ್ಣ
• ರಿತೀಕ್ಷಾ
• ರವಿ ಕಾಳೆ
• ಕರಿ ಸುಬ್ಬು
• ಇರ್ಫಾನ್
• ಶಾಸಕ ಶ್ರೀನಿವಾಸ ಮೂರ್ತಿ
• ಗಡ್ಡಪ್ಪ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ
• ಸೆಂಚುರಿ ಗೌಡ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ

ಹಿನ್ನೆಲೆಸಂಗೀತ

ಚಿತ್ರದ ಹಿನ್ನೆಲೆಸಂಗೀತವನ್ನು ಎಸ್. ನಾರಾಯಣ್ ಸಂಯೋಜಿಸಿದ್ದಾರೆ. ಒಂದು ಹಾಡಿಗೆ ನಟ ಸುದೀಪ್ ತಮ್ಮ ಧ್ವನಿಯನ್ನು ರೆಕಾರ್ಡ್ ಮಾಡಿದ್ದಾರೆ. ಆರಂಭದಲ್ಲಿ ಕೇವಲ ಎರಡು ಹಾಡುಗಳನ್ನು ಹೊಂದಲು ಯೋಜಿಸಲಾಗಿತ್ತು, ಕೊನೆಯ ಕ್ಷಣದಲ್ಲಿ ಐಟಂ ಹಾಡನ್ನು ಟ್ರ್ಯಾಕ್ ಲಿಸ್ಟ್‌ನಲ್ಲಿ ಸೇರಿಸಲಾಯಿತು ಮತ್ತು ಚಿತ್ರ ಬಿಡುಗಡೆಯನ್ನು ವಿಳಂಬಗೊಳಿಸಲಾಯಿತು.

ಹಾಡುಗಳ ಪಟ್ಟಿ
ಸಂ.	ಹಾಡು	ಸಾಹಿತ್ಯ	ಹಾಡುಗಾರರು	ಸಮಯ
1.	"ಇವಳೇ ನನ್ನ ಹುಡುಗಿ"	ಎಸ್.ನಾರಾಯಣ್	ಸುದೀಪ್
2.	"ತುಂತುರು"	ಎಸ್.ನಾರಾಯಣ್	ಶಾನ್, ಶ್ರೇಯಾ ಘೋಷಾಲ್
3.	"ಕುಲುಕು ಕುಲುಕು"	ಎಸ್.ನಾರಾಯಣ್	ಮಾಲತಿ ಲಕ್ಷ್ಮಣ್

ಬಾಹ್ಯ ಕೊಂಡಿಗಳು

• ಪಂಟ @ ಐ ಎಮ್ ಡಿ ಬಿ
• ಮುನ್ನೋಟ