ಘೋಸ್ಟ್ (2023ರ ಚಲನಚಿತ್ರ)
| ನಿರ್ದೇಶನ | ಎಂ. ಜಿ. ಶ್ರೀನಿವಾಸ್ |
|---|---|
| ಸಂಭಾಷಣೆ |
|
| ನಿರ್ಮಾಪಕ | ಸಂದೇಶ್ ನಾಗರಾಜ್ |
| ಕಥೆ | ಎಂ. ಜಿ. ಶ್ರೀನಿವಾಸ್ |
| ಪಾತ್ರವರ್ಗ |
|
| ಸಂಗೀತ | ಅರ್ಜುನ್ ಜನ್ಯ |
| ಛಾಯಾಗ್ರಹಣ | ಮಹೇಂದ್ರ ಸಿಂಹ |
| ಸಂಕಲನ | ದೀಪು ಎಸ್. ಕುಮಾರ್ |
| ಸ್ಟುಡಿಯೋ | ಸಂದೇಶ್ ಪ್ರೊಡಕ್ಷನ್ಸ್ |
| ಬಿಡುಗಡೆಯಾಗಿದ್ದು |
|
| ಅವಧಿ | 132 ನಿಮಿಷಗಳು[೧] |
| ದೇಶ | ಭಾರತ |
| ಭಾಷೆ | ಕನ್ನಡ |
| ಬಂಡವಾಳ | ₹೧೫ crore[೨] |
| ಬಾಕ್ಸ್ ಆಫೀಸ್ | ₹24.3 crores[೩] to ₹30.28 crores[೪] |
ಘೋಸ್ಟ್ 2023 ರ ಭಾರತೀಯ ಕನ್ನಡ ಭಾಷೆಯ ಸಾಹಸ ಥ್ರಿಲ್ಲರ್ ಚಲನಚಿತ್ರವಾಗಿದ್ದು, ಇದನ್ನು ಎಂ ಜಿ ಶ್ರೀನಿವಾಸ್ ನಿರ್ದೇಶಿಸಿದ್ದಾರೆ ಮತ್ತು ಸಂದೇಶ್ ಪ್ರೊಡಕ್ಷನ್ ಅಡಿಯಲ್ಲಿ ಸಂದೇಶ್ ನಾಗರಾಜ್ ನಿರ್ಮಿಸಿದ್ದಾರೆ. [೫] ಚಿತ್ರದಲ್ಲಿ ಶಿವರಾಜ್ ಕುಮಾರ್, ಜಯರಾಮ್, ಅನುಪಮ್ ಖೇರ್, ಪ್ರಶಾಂತ್ ನಾರಾಯಣನ್, ಸತ್ಯ ಪ್ರಕಾಶ್, ಮತ್ತು ಅರ್ಚನಾ ಜೋಯಿಸ್ ನಟಿಸಿದ್ದಾರೆ. ಇದು ಬೀರಬಲ್ ಟ್ರೈಲಾಜಿ ಕೇಸ್ 1: ಫೈಂಡಿಂಗ್ ವಜ್ರಮುನಿ ನಂತರ ಅದೇ ಸಿನಿಮ್ಯಾಟಿಕ್‌ ಯೂನಿವರ್ಸ್‌ ನ ಎರಡನೇ ಚಿತ್ರ, ಇದರಲ್ಲಿ ಎಂ ಜಿ ಶ್ರೀನಿವಾಸ್ ಮಹೇಶ್ ದಾಸ್ ಆಗಿ ಕಾಣಿಸಿಕೊಂಡಿದ್ದಾರೆ. [೬] ಚಿತ್ರದಲ್ಲಿ, "ಬಿಗ್ ಡ್ಯಾಡಿ" ಎಂಬ ಅನಾಮಧೇಯ ದರೋಡೆಕೋರನು ಸಿಬಿಐ ದಾಳಿಯ ಸಮಯದಲ್ಲಿ ವಶಪಡಿಸಿಕೊಂಡ ಗುಪ್ತ ಚಿನ್ನದ ತುಂಡುಗಳನ್ನು ಕದಿಯಲು ಜೈಲನ್ನು ಹೈಜಾಕ್ ಮಾಡುತ್ತಾನೆ, ಆದರೆ ಬಿಗ್ ಡ್ಯಾಡಿ ತನ್ನ ಯೋಜನೆಗಳನ್ನು ಕಾರ್ಯಗತಗೊಳಿಸದಂತೆ ತಡೆಯಲು ಎಸಿಪಿ ಚೆಂಗಪ್ಪ ಆಗಮಿಸುತ್ತಾನೆ.
ಘೋಸ್ಟ್ 19 ಅಕ್ಟೋಬರ್ 2023 ರಂದು ದಸರಾ ವಾರಾಂತ್ಯದಲ್ಲಿ ಬಿಡುಗಡೆ ಆಗಿ ವಿಮರ್ಶಕರಿಂದ ಸಕಾರಾತ್ಮಕ ವಿಮರ್ಶೆಗಳನ್ನು ಗಳಿಸಿ ಗಲ್ಲಾಪೆಟ್ಟಿಗೆಯಲ್ಲಿ ಯಶಸ್ವಿಯಾಯಿತು. ಘೋಸ್ಟ್ 2 ಎಂಬ ಶೀರ್ಷಿಕೆಯ ಮುಂದಿನ ಭಾಗವನ್ನು ಯೋಜಿಸಲಾಗಿದೆ. [೭]
ಕಥಾವಸ್ತು
[ಬದಲಾಯಿಸಿ]ಒಬ್ಬ ಅನಾಮಧೇಯ ವ್ಯಕ್ತಿ ಮತ್ತು ಅವನ ಗ್ಯಾಂಗ್ ಕರ್ನಾಟಕದ ಕೇಂದ್ರ ಕಾರಾಗೃಹವನ್ನು ಹೈಜಾಕ್ ಮಾಡುತ್ತಾರೆ, ಅಲ್ಲಿ ಕೈದಿಗಳು, ಜೈಲಿನ ಅಧಿಕಾರಿಗಳು ಮತ್ತು ಮಾಜಿ ಸಿಬಿಐ ಅಧಿಕಾರಿ ವಾಮನ್ ಶ್ರೀನಿವಾಸನ್ ಅವರನ್ನು ಒತ್ತೆಯಾಳುಗಳಾಗಿ ಹಿಡಿದಿಟ್ಟುಕೊಳ್ಳುತ್ತಾರೆ. ಒತ್ತೆಯಾಳು ಸಮಸ್ಯೆಯನ್ನು ಪರಿಹರಿಸಲು ಎಸಿಪಿ ಚೆಂಗಪ್ಪ ಅವರನ್ನು ನಿಯೋಜಿಸಲಾಗುತ್ತದೆ. ಅನಾಮಧೇಯ ವ್ಯಕ್ತಿ ಮತ್ತು ಚೆಂಗಪ್ಪನ ನಡುವೆ "ಬೆಕ್ಕು ಮತ್ತು ಇಲಿ ಆಟ" ನಡೆಯುತ್ತದೆ, ಈ ಸಮಯದಲ್ಲಿ ಆ ವ್ಯಕ್ತಿಯು ಕುಖ್ಯಾತ ಅಪರಾಧಿ ದಳವಾಯಿ ಮುದ್ದಣ್ಣ ಅಲಿಯಾಸ್ "ಬಿಗ್ ಡ್ಯಾಡಿ" ಎಂದು ಬಹಿರಂಗಪಡಿಸುತ್ತಾನೆ.
ದಳವಾಯಿ ಮತ್ತು ಅವನ ಗ್ಯಾಂಗ್ ಚಿನ್ನದ ಕಡ್ಡಿಗಳನ್ನು ಕದಿಯಲು ಸೆರೆಮನೆಯನ್ನು ಹೈಜಾಕ್ ಮಾಡಿದೆ ಎಂದು ಚೆಂಗಪ್ಪ ತಿಳಿಯುತ್ತಾನೆ. ವಿವಾದಾತ್ಮಕ ಚಿನ್ನಾಭರಣ ಹಗರಣದ ಬಗ್ಗೆ ಸಾರ್ವಜನಿಕರ ಗಮನ ಸೆಳೆದಿದ್ದ ಸಿಬಿಐ ದಾಳಿಯ ವೇಳೆ, ವಾಮನ್ ಚಿನ್ನದ ಕಡ್ಡಿಗಳನ್ನು ಪತ್ತೆ ಮಾಡಿ ಜೈಲಿನಲ್ಲಿ ಬಚ್ಚಿಟ್ಟಿದ್ದರು ಎಂಬುದು ಬಹಿರಂಗವಾಗುತ್ತದೆ. ಜೈಲು ಅಧಿಕಾರಿ ವಾಮನ್ ಮತ್ತು ಥಾಮಸ್, ಸಾರ್ವಜನಿಕರ ಗಮನವನ್ನು ಬೇರೆಡೆಗೆ ಸೆಳೆಯಲು ಜೈಲಿನ ಖಾಸಗೀಕರಣವನ್ನು ಜಾರಿಗೆ ತರುವ ಮೂಲಕ ಚಿನ್ನವನ್ನು ಹಿಂಪಡೆಯಲು ನಿರ್ಧರಿಸಿದರು, ಆದರೆ ವಾಮನ್ ನ ಅಧಿಕಾರಿಗಳಲ್ಲಿ ಒಬ್ಬರಾದ ಪ್ರಭು, ಅವರ ಯೋಜನೆಯ ಬಗ್ಗೆ ತಿಳಿದುಕೊಂಡು ಅವರ ರಹಸ್ಯಗಳನ್ನು ಬಹಿರಂಗಪಡಿಸಲು ನಿರ್ಧರಿಸುತ್ತಾರೆ. ವಾಮನ್ ಪ್ರಭುವಿನ ಬಗ್ಗೆ ತಿಳಿದು ಅವನನ್ನು ಕೊಂದನು, ಅದು ಆತ್ಮಹತ್ಯೆ ಎಂದು ತೋರಿಸಲಾಗುತ್ತದೆ. ವಾಮನ್, ಪ್ರಭುವಿನ ವಿಕಲಾಂಗ ಪತ್ನಿ ಗೀತಾಳನ್ನು ಸಹ ಕೊಲ್ಲುತ್ತಾನೆ.
ದಳವಾಯಿ ಮತ್ತು ಅವನ ತಂಡವು ಜೈಲಿನಲ್ಲಿ ಹೊಸದಾಗಿ ನಿರ್ಮಿಸಲಾದ ಗ್ರಂಥಾಲಯದಲ್ಲಿ ಚಿನ್ನವನ್ನು ಕಂಡುಕೊಳ್ಳುತ್ತಾರೆ. ವಾಮನ್ನನು ದಳವಾಯಿ ಮತ್ತು ಅವನ ತಂಡವನ್ನು ಕೊಲ್ಲಲು ಅಪಾಯಕಾರಿ ಕೈದಿಗಳನ್ನು ಬಿಡುಗಡೆ ಮಾಡುವ ತನ್ನ ಯೋಜನೆಯನ್ನು ಪ್ರಾರಂಭಿಸುತ್ತಾನೆ. ಆದರೆ, ಅವರೆಲ್ಲಾ ಈ ಹಿಂದೆ ದಳವಾಯಿಯ ಹಿಂಬಾಲಕರಾಗಿದ್ದರೆಂದು ತಿಳಿದುಬರುತ್ತದೆ. ಚೆಂಗಪ್ಪ ಮತ್ತು ಅವನ ಅಧಿಕಾರಿಗಳು ಈ ಹಿಂದೆ ಕಾರು ಅಪಘಾತದಲ್ಲಿ ದಳವಾಯಿಯನ್ನು ಕೊಂದಿದ್ದರು ಎಂಬುದು ಬಹಿರಂಗವಾಗುತ್ತದೆ. ದಳವಾಯಿ ಎಂದು ಜೈಲನ್ನು ಹೈಜಾಕ್ ಮಾಡಿದವನು ವೇಷಧಾರಿ ಎಂದು ಚೆಂಗಪ್ಪ ಶಂಕಿಸುತ್ತಾನೆ, ಮತ್ತು ಅದನ್ನೇ ದೃಢಪಡಿಸಿ, ಆಪ್ತರಿಗೆ ಮಾಹಿತಿ ನೀಡುತ್ತಾನೆ.
ಸಹಾಯಕರು ವೇಷಧಾರಿ ದಳವಾಯಿಯ ಮೇಲೆ ದಾಳಿ ಮಾಡುತ್ತಾರೆ, ಆದರೆ ಅವನು ಅವರನ್ನು ಸೋಲಿಸುತ್ತಾನೆ. ಈ ವೇಷಧಾರಿ ದಳವಾಯಿ, ತನ್ನ ಸಹಾಯಕರನ್ನು ಬಸ್‌ನಲ್ಲಿ ಕೈದಿಗಳೊಂದಿಗೆ ಪ್ರಯಾಣಿಸಲು ಕಳುಹಿಸುವ ಮೂಲಕ ತನ್ನ ತಪ್ಪಿಸಿಕೊಳ್ಳುವ ಯೋಜನೆಯನ್ನು ಪ್ರಾರಂಭಿಸುತ್ತಾನೆ, ಆದರೆ ರಿಮೋಟ್ ಕಂಟ್ರೋಲ್ ಮಿನಿ ಬೋಟ್‌ಗಳ ಮೂಲಕ ನಿಜವಾದ ಚಿನ್ನವನ್ನು ವರ್ಗಾಯಿಸುತ್ತಾನೆ ಮತ್ತು ನಕಲಿ ಚಿನ್ನವನ್ನು ಬಸ್‌ನಲ್ಲಿ ಇಡುತ್ತಾನೆ. ಅವರು ಅಂತಿಮವಾಗಿ ರಹಸ್ಯ ಮಾರ್ಗದ ಮೂಲಕ ತಪ್ಪಿಸಿಕೊಳ್ಳುತ್ತಾರೆ, ಆದರೆ ಚೆಂಗಪ್ಪ ದಳವಾಯಿಯ ಸಹಾಯಕರನ್ನು ಗುರುತಿಸಲು ಸಾಧ್ಯವಾಗುವುದಿಲ್ಲ. ಕೆಲವು ತಿಂಗಳ ನಂತರ, ಗೃಹ ಸಚಿವೆ ವಿಜಯಲಕ್ಷ್ಮಿ ಅವರು ಸರ್ಕಾರದ ಒತ್ತಡದಿಂದಾಗಿ ಪ್ರಕರಣವನ್ನು ಪರಿಹರಿಸಲು ಎ. ಎನ್. ರಾವ್ ನೇತೃತ್ವದ ಬೇಹುಗಾರಿಕಾ ಸಂಸ್ಥೆಯಾದ "ಪಿತಾಮಹ"ವನ್ನು ನಿಯೋಜಿಸುತ್ತಾರೆ.
ವೇಷಧಾರಿ ದಳವಾಯಿ ಮೂಲತಃ ಆನಂದ್ ರಾವ್, ರಾವ್ ಅವರ ಮಗ ಮತ್ತು ಪ್ರಭು ಅವರ ಹಿರಿಯ ಸಹೋದರ ಎಂದು ನಂತರ ತಿಳಿದುಬರುತ್ತದೆ. ಆನಂದ್ ಮತ್ತು ರಾವ್ ಅವರು, ವಾಮನ್ ಬಗ್ಗೆ ಮತ್ತು ಪ್ರಭು-ಗೀತಾ ಸಾವಿನಲ್ಲಿ ಅವನ ಪಾಲ್ಗೊಳ್ಳುವಿಕೆಯ ಬಗ್ಗೆ ತಿಳಿದುಕೊಂಡರು. ಅಲ್ಲಿ ಅವರು ಪ್ರಭುವಿನ ಹೆಸರನ್ನು ತೆರವುಗೊಳಿಸಲು ಮತ್ತು ವಾಮನ್ ಅನ್ನು ಬಹಿರಂಗಪಡಿಸಲು ನಿರ್ಧರಿಸಿದರು. ಆನಂದ್ ಕೃತಕ ಮುಖವಾಡವನ್ನು ಧರಿಸಿ "ದಳವಾಯಿ" ಆದನು ಮತ್ತು ಜೈಲನ್ನು ಹೈಜಾಕ್ ಮಾಡಿದನು.
ಆನಂದ್ ಅಂತಿಮವಾಗಿ ವಾಮನ್‌ನನ್ನು ಬಹಿರಂಗಪಡಿಸುತ್ತಾನೆ, ಅವನನ್ನು ಮತ್ತು ಥಾಮಸ್‌ನನ್ನು ಬಂಧಿಸುತ್ತಾನೆ. ಪ್ರಭು ಮತ್ತು ಗೀತಾ ಅವರಿಗೆ ಗೌರವ ಸಲ್ಲಿಸುತ್ತಿರುವಾಗ, ಆನಂದ್‌ಗೆ ದಳವಾಯಿಯ ಮಗನಿಂದ ಕರೆ ಬರುತ್ತದೆ, ಅವನು ಆನಂದನ ತಂಡದ ಸದಸ್ಯರನ್ನು ರಕ್ಷಿಸುವ ಬದಲಾಗಿ ಚಿನ್ನವನ್ನು ಹಿಂದಿರುಗಿಸುವಂತೆ ಒತ್ತಾಯಿಸುತ್ತಾನೆ. ಆನಂದ್ ಮತ್ತು ರಾವ್ ದಳವಾಯಿಯ ಮಗನನ್ನು ಎದುರಿಸಲು ಹೊರಟರು.
ತಾರಾಗಣ
[ಬದಲಾಯಿಸಿ]- ಶಿವರಾಜ್ಕುಮಾರ್ - ದಳವಾಯಿ ಮುದ್ದಣ್ಣ ಅಲಿಯಾಸ್ "ಬಿಗ್ ಡ್ಯಾಡಿ" ಮತ್ತು ಆನಂದ್ ರಾವ್ ಆಗಿ(ದ್ವಿಪಾತ್ರ)
- ಜಯರಾಮ್ - ಎಸಿಪಿ ಚಂಗಪ್ಪನಾಗಿ
- ಅನುಪಮ್ ಖೇರ್ - ಎ. ಎನ್. ರಾವ್ ಆಗಿ
- ಪ್ರಶಾಂತ್ ನಾರಾಯಣನ್ - ವಾಮನ್ ಆಗಿ
- ಅರ್ಚನಾ ಜೋಯಿಸ್ - ಪತ್ರಕರ್ತೆ ಲಕ್ಷ್ಮಿ ಆಗಿ
- ಸತ್ಯ ಪ್ರಕಾಶ್ - ಥಾಮಸ್ ಆಗಿ
- ಅಭಿಜಿತ್‌ - ಮುಖ್ಯಮಂತ್ರಿ ಆಗಿ
- ವಿಜಯಲಕ್ಷ್ಮಿ ಸಿಂಗ್ - ಗೃಹ ಸಚಿವೆ ವಿಜಯಲಕ್ಷ್ಮಿಯಾಗಿ
- ಎಂ. ಜಿ. ಶ್ರೀನಿವಾಸ್ - ಮಹೇಶ್ ದಾಸ್ ಆಗಿ
ಸಂಗೀತ
[ಬದಲಾಯಿಸಿ]ಚಿತ್ರದ ಹಿನ್ನೆಲೆ ಸಂಗೀತವನ್ನು ಅರ್ಜುನ್ ಜನ್ಯ ಸಂಯೋಜಿಸಿದ್ದಾರೆ. "ಒಜಿಎಂ"ಗಳು (ಒರಿಜಿನಲ್‌ ಗ್ಯಾಂಗ್ಸಟರ್‌ ಮ್ಯೂಸಿಕ್) ಎಂದು ಉಲ್ಲೇಖಿಸಲಾದ ಚಿತ್ರದ ಹಾಡುಗಳು ನವೀನ ರೂಪಕ್ಕಾಗಿ ಅಪಾರ ಪ್ರಶಂಸೆಯನ್ನು ಗಳಿಸಿದವು. ಈ ವಿಶಿಷ್ಟ ಸಂಯೋಜನೆಯು ವಿವಿಧ ಭಾಷೆಗಳ ಸಾಲುಗಳನ್ನು ಒಂದೇ ಹಾಡಿಗೆ ಸಂಯೋಜಿಸಲಾಗಿತ್ತು, ಪ್ರೇಕ್ಷಕರಿಂದ "ಪ್ರತಿಧ್ವನಿಸುವ ಚಪ್ಪಾಳೆ" ಗಳಿಸಿತು. [ ಉಲ್ಲೇಖದ ಅಗತ್ಯವಿದೆ ]
ಬಿಡುಗಡೆ
[ಬದಲಾಯಿಸಿ]ಫಸ್ಟ್‌ ಲುಕ್ ಅನ್ನು 12 ಜುಲೈ 2022 ರಂದು ಬಿಡುಗಡೆ ಮಾಡಲಾಯಿತು (ಶಿವರಾಜ್ಕುಮಾರ್ ಜನ್ಮದಿನ). ಮೋಷನ್ ಪೋಸ್ಟರ್ ಅನ್ನು 2 ಜನವರಿ 2023 ರಂದು ಬಿಡುಗಡೆ ಮಾಡಲಾಯಿತು. [೮] [೯] ಟ್ರೈಲರ್ ಅನ್ನು 1 ಅಕ್ಟೋಬರ್ 2023 ರಂದು ಬಿಡುಗಡೆ ಮಾಡಲಾಯಿತು. ಚಲನಚಿತ್ರವು 19 ಅಕ್ಟೋಬರ್ 2023 ರಂದು(ದಸರಾ) ಬಿಡುಗಡೆ ಮಾಡಲಾಯಿತು. [೧೦]
ಹೋಮ್ ಮೀಡಿಯಾ
[ಬದಲಾಯಿಸಿ]ಉಪಗ್ರಹ ಮತ್ತು ಡಿಜಿಟಲ್ ಹಕ್ಕುಗಳನ್ನು ಝೀ ಕನ್ನಡ ಮತ್ತು ಝೀ5 ಪಡೆದುಕೊಂಡಿವೆ.ಈ ವೇದಿಕೆಯಲ್ಲಿ, ಚಲನಚಿತ್ರವು 17 ನವೆಂಬರ್ 2023 ರಂದು ಪ್ರಥಮ ಪ್ರದರ್ಶನ ಕಂಡಿತು [೧೧]
ಪ್ರತಿಕ್ರಿಯೆ
[ಬದಲಾಯಿಸಿ]ಘೋಸ್ಟ್ ವಿಮರ್ಶಕರಿಂದ ಸಕಾರಾತ್ಮಕ ವಿಮರ್ಶೆಗಳನ್ನು ಪಡೆಯಿತು. [೧೨]
ವಿಮರ್ಶಾತ್ಮಕ ಪ್ರತಿಕ್ರಿಯೆ
[ಬದಲಾಯಿಸಿ]ದಿ ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್‌ನ ಎ. ಶಾರದಾ ಅವರು 4/5 ನಕ್ಷತ್ರಗಳನ್ನು ನೀಡಿದರು ಮತ್ತು "ಘೋಸ್ಟ್ ರೋಮಾಂಚಕ ಕ್ಷಣಗಳನ್ನು ನೀಡುತ್ತದೆ, ಶಿವರಾಜ್ಕುಮಾರ್ ಅವರ ಅಸಾಧಾರಣ ಅಭಿನಯದೊಂದಿಗೆ, ಉಳಿದ ಪಾತ್ರವರ್ಗದ ಜೊತೆಗೆ ವೀಕ್ಷಣಾ ಅನುಭವವನ್ನು ಹೆಚ್ಚಿಸಿದೆ" ಎಂದು ಬರೆದಿದ್ದಾರೆ. [೧೩] ಒಟಿಟಿಪ್ಲೇ ನ ಪ್ರತಿಭಾ ಜಾಯ್ 3.5/5 ನಕ್ಷತ್ರಗಳನ್ನು ನೀಡಿದರು ಮತ್ತು "ಸಾಕಷ್ಟು ರೋಮಾಂಚನಕಾರಿ ಎರಡು ಗಂಟೆಗಳ ಸವಾರಿ ಮತ್ತು ಕನ್ನಡ ಚಿತ್ರರಂಗದಿಂದ ದಸರಾ ವಿಜೇತರಾಗಿರಬಹುದು" ಎಂದು ಬರೆದಿದ್ದಾರೆ. [೧೪]
ದಿ ಟೈಮ್ಸ್ ಆಫ್ ಇಂಡಿಯಾದ ಎಸ್. ಶ್ರೀದೇವಿ ಅವರು 3/5 ನಕ್ಷತ್ರಗಳನ್ನು ನೀಡಿದರು ಮತ್ತು "ಘೋಸ್ಟ್ ಕನ್ನಡ ಪ್ರೇಕ್ಷಕರಿಗೆ ಒಳ್ಳೆಯ ಹೀಸ್ಟ್ ಥ್ರಿಲ್ಲರ್ ಆಗಿದೆ, ಸಾಕಷ್ಟು ಮಾಸ್ ದೃಶ್ಯಗಳನ್ನು ಪೂರೈಸಲಾಗಿದೆ ಮತ್ತು ವಿಶೇಷವಾಗಿ ಶಿವರಾಜಕುಮಾರ್ ಅವರ ಅಭಿಮಾನಿಗಳಿಗೆ ಜೋಡಿಸಲಾಗಿದೆ" ಎಂದರು. [೧೫] ದಿ ಇಂಡಿಯನ್ ಎಕ್ಸ್‌ಪ್ರೆಸ್‌ನ ಅಂಜಲಿ ಬೆಳಗಾಂವ್ಕರ್ ಅವರು 3.5/5 ನಕ್ಷತ್ರಗಳನ್ನು ನೀಡಿದ್ದಾರೆ ಮತ್ತು "ಎಂ ಜಿ ಶ್ರೀನಿವಾಸ್ ನಿರ್ದೇಶನದ ಶಿವರಾಜಕುಮಾರ್ ಚಲನಚಿತ್ರವು ನಿಮ್ಮನ್ನು ನಿಮ್ಮ ಸೀಟಿನ ತುದಿಯಲ್ಲಿ ಇರಿಸುತ್ತದೆ" ಎಂದು ಬರೆದಿದ್ದಾರೆ. [೧೬] ಇಂಡಿಯಾ ಟುಡೆಯ ಅನಿಂದಿತಾ ಮುಖರ್ಜಿ ಅವರು 2.5/5 ನಕ್ಷತ್ರಗಳನ್ನು ನೀಡಿದ್ದಾರೆ ಮತ್ತು "'ಘೋಸ್ಟ್' ಪಂಚ್‌ಗಳು, ಫೈಟ್‌ಗಳು ಮತ್ತು ಕಠಿಣ ಸಂಭಾಷಣೆಗಳನ್ನು ಇಷ್ಟಪಡುವ ಎಲ್ಲರಿಗೂ ಉತ್ತಮ ಸಿನಿಮಾ ಆಗಿದೆ" ಎಂದು ಬರೆದಿದ್ದಾರೆ. [೧೭]
ದಿ ಹಿಂದೂ ಪತ್ರಿಕೆಯ ವಿವೇಕ್ ಎಂ. ವಿ ಬರೆದಿದ್ದಾರೆ "ಘೋಸ್ಟ್ ಚಿತ್ರವು ಅದರ ಪ್ರಯತ್ನಕ್ಕಾಗಿ ಮೆಚ್ಚುಗೆಗೆ ಅರ್ಹವಾಗಿದೆ; ಅದರ ಫಲಿತಾಂಶಕ್ಕಾಗಿ ಅಲ್ಲ." [೧೮] ಫಿಲ್ಮ್ ಕಂಪ್ಯಾನಿಯನ್‌ನ ಸುಭಾ. ಜೆ. ರಾವ್ ಬರೆದಿದ್ದಾರೆ "ನಿರ್ದೇಶಕ ಎಂ.ಜಿ. ಶ್ರೀನಿವಾಸ್ ಬರವಣಿಗೆ ಉತ್ತಮವಾಗಿ ಮಾಡಬೇಕಾಗಿತ್ತು ಮತ್ತು 'ಶೋ, ಡೋಂಟ್‌ ಟೆಲ್' ತತ್ವದ ಮೇಲೆ ಕೇಂದ್ರೀಕರಿಸಬೇಕು." [೧೯]
ಬಾಕ್ಸ್ ಆಫೀಸ್
[ಬದಲಾಯಿಸಿ]ನಾಲ್ಕು ವಾರಗಳ ಅವಧಿಯಲ್ಲಿ ₹ 15 ಕೋಟಿ ಬಜೆಟ್‌ಗೆ ₹ 30.28 ಕೋಟಿ ಗಳಿಸುವ ಮೂಲಕ ಘೋಸ್ಟ್ ಬಾಕ್ಸ್ ಆಫೀಸ್‌ನಲ್ಲಿ ಗಮನಾರ್ಹ ಯಶಸ್ಸನ್ನು ಗಳಿಸಿತು. [೪]
ಉಲ್ಲೇಖಗಳು
[ಬದಲಾಯಿಸಿ]- ↑ "Ghost (2023)". British Board of Film Classification.
- ↑ "Ghost 2023: Release date, trailer, plot, cast, budget, OTT partner and more". OTTPlay (in ಇಂಗ್ಲಿಷ್). Retrieved 2023-10-17.
- ↑ nirmal. "'ജയിലര്' ശിവണ്ണയുടെ താരമൂല്യം ശരിക്കും ഉയര്ത്തിയോ? 'ഗോസ്റ്റ്' വിജയമോ? 17 ദിവസം കൊണ്ട് നേടിയത്". Asianet News Network Pvt Ltd (in ಮಲಯಾಳಂ). Retrieved 2023-11-12.
- ↑ ೪.೦ ೪.೧ "'BOXOFFICE COLLECTION'". FILMIBEAT. 9 November 2023.
- ↑ Anandraj, Shilpa (15 November 2022). "MG Srinivas on Kannada film 'Ghost': It has nothing to do with the paranormal". The Hindu.
- ↑ "Filmmaker MG Srinivas teases Birbal-Ghost universe; writes 'Finally I am taking on a new case'". OTTplay.
- ↑ m. v, Vivek (29 December 2023). "Kannada cinema in 2023: 'Pan-India' mantra falls flat in a mixed-bag year". The Hindu.
- ↑ "Ghost first look: Sudeep calls Shivarajkumar 'king of all masses' as he goes pan-India with his next film". The New Indian Express. 12 July 2022.
- ↑ "'Ghost' Motion Poster: Shivarajkumar plays a gangster for posterity". Ragalahari. January 2023.
- ↑ Ghost | Big Daddy | Dr.Shivarajkumar | Sandesh N | Srini (in ಇಂಗ್ಲಿಷ್), retrieved 2023-07-25
- ↑ "Shiva Rajkumar's Ghost OTT Release Date Confirmed". Deccan Chronicle. 14 November 2023.
- ↑ "Ghost OTT Release: When and where to watch Shiva Rajkumar's heist action thriller". www.google.com. 16 November 2023. Archived from the original on 2023-11-17. Retrieved 2023-11-17.
- ↑ "Ghost Movie Review: Shivarajkumar's electrifying performance holds the fort in Srini's multiverse". Cinema Express. 25 October 2023.
- ↑ "Ghost movie review: Shivarajkumar and MG Srinivas deliver on their promise of action heist thriller; it's fun, stylish and has substance too". OTTplay.
- ↑ "Ghost Review: Shivarajkumar's Ghost Is All Mass, Style And Substance". The Times of India.
- ↑ "Ghost movie review: Shivarajkumar excels in a gripping heist drama". The Indian Express. 19 October 2023.
- ↑ "Ghost' Movie Review: Shiva Rajkumar's film is all sass and mass". India Today.
- ↑ m. v, Vivek (19 October 2023). "'Ghost' movie review: Shivarajkumar shines in a potent yet complicated fanboy tribute". The Hindu.
- ↑ "Ghost Review: This Shiva Rajkumar Movie Just Isn't Spirited Enough". Film Companion. 19 October 2023.