ಉಪ್ಪಿಟ್ಟು

ಈ ಲೇಖನವನ್ನು ವಿಶ್ವಕೋಶದ ಲೇಖನಕ್ಕೆ ತಕ್ಕ ಶೈಲಿಯಲ್ಲಿ ಬರೆಯಲಾಗಿಲ್ಲ.
ದಯವಿಟ್ಟು ಇದನ್ನು ಉತ್ತಮಗೊಳಿಸಿ, ಅಥವಾ ಚರ್ಚೆ ಪುಟದಲ್ಲಿ ಚರ್ಚಿಸಿ. ಸಲಹೆಗಳಿಗಾಗಿ ವಿಕಿಪೀಡಿಯದ ಉತ್ತಮ ಲೇಖನಗಳನ್ನು ಬರೆಯಲು ಮಾರ್ಗದರ್ಶನ ಲೇಖನವನ್ನು ನೋಡಿ.

ಉಪ್ಪಿಟ್ಟು ಅಥವಾ ಉಪ್ಮಾ ಭಾರತೀಯ ಒಂದು ದಿನ ನಿತ್ಯದ ತಿನಿಸು. ಈ ಖಾದ್ಯವನ್ನು ಮುಖ್ಯವಾಗಿ ಕರ್ನಾಟಕ, ತಮಿಳುನಾಡು, ಮಹಾರಾಷ್ಟ್ರ, ಕೇರಳ ಮತ್ತು ಶ್ರೀಲಂಕಾದಲ್ಲಿ ತಯಾರಿಸಲಾಗುತ್ತದೆ.ವಿವಿಧ ಮಸಾಲೆಗಳು ಮತ್ತು/ ತರಕಾರಿಗಳನ್ನು ಸಾಮಾನ್ಯವಾಗಿ ಅಡುಗೆ ಸಮಯದಲ್ಲಿ ಸೇರಿಸಲಾಗುತ್ತದೆ, ಇದು ವೈಯಕ್ತಿಕ ಆದ್ಯತೆಗಳನ್ನು ಅವಲಂಬಿಸಿರುತ್ತದೆ.ಇಂದು ಇದು ಭಾರತದ ಬಹುತೇಕ ಭಾಗಗಳಲ್ಲಿ ಜನಪ್ರಿಯವಾಗಿದೆ ಮತ್ತು ವಿವಿಧ ರೀತಿಯಲ್ಲಿ ತಯಾರಿಸಲಾಗುತ್ತದೆ.

ತಯಾರಿಸುವ ವಿಧಾನ

ಸಾಮಾಗ್ರಿಗಳು:

ರವೆ - ೧ ಬಟ್ಟಲು
ಎಣ್ಣೆ - ಒಗ್ಗರಣೆಗೆ ತಕ್ಕಷ್ಟು
ತರಕಾರಿ - ಒಂದು ಅಥವಾ ಮಿಶ್ರ ತರಕಾರಿ ಬಳಸಬಹುದು
ಸಾಸಿವೆ - ಒಗ್ಗರಣೆಗೆ ತಕ್ಕಷ್ಟು
ಕಡಲೆ ಬೇಳೆ - ಒಗ್ಗರಣೆಗೆ ತಕ್ಕಷ್ಟು
ಉದ್ದಿನ ಬೇಳೆ - ಒಗ್ಗರಣೆಗೆ ತಕ್ಕಷ್ಟು
ನೀರು - ೨ ಬಟ್ಟಲು
ಉಪ್ಪು - ರುಚಿಗೆ ತಕ್ಕಷ್ಟು
ನಿ೦ಬೆಹಣ್ಣು - ೧
ಹಸಿಮೆಣಸಿನಕಾಯಿ - ೨-೪ (ಖಾರದ ಮೇಲೆ ಅವಲಂಬಿಸಿರುತ್ತದೆ)

ತಯಾರಿಸುವ ವಿಧಾನ:

ರವೆಯನ್ನು ಒಂದು ಬಾಣಲೆಯಲ್ಲಿ ಹುರಿದುಕೊಳ್ಳಿ.
ಅದೇ ಬಾಣಲೆಗೆ ಎಣ್ಣೆ ಹಾಕಿ, ಅದು ಕಾದಮೇಲೆ ಸಾಸಿವೆ, ಕಡಲೆಬೇಲೆ, ಉದ್ದಿನ ಬೇಳೆ, (ಬೇಕಾದರೆ ೧ ಚಿಟಿಕೆ ಅರಿಶಿನ) ಹಾಕಿ.
ಹೆಚ್ಚಿ ತೊಳೆದುಕೊಂಡ ತರಕಾರಿ- ಮೆಣಸಿನಕಾಯಿ ಗಳನ್ನು ಬಾಣಲೆಗೆ ಹಾಕಿ ಚೆನ್ನಾಗಿ ಬಾಡಿಸಿ.
ನಂತರ ಬಾಣಲೆಗೆ ನೀರನ್ನು ಹಾಕಿ, ತರಕಾರಿಯನ್ನು ಬೇಯಿಸಿ.
ತರಕಾರಿ ಬೆಂದ ನಂತರ ಉಪ್ಪನ್ನು ರುಚಿಗೆ ತಕ್ಕಷ್ಟು ಹಾಕಿ, ಕಲಕಿ.
ನಂತರ ಹುರಿದ ರವೆಯನ್ನು ಹಾಕಿ, ಚೆನ್ನಾಗಿ ಕೆದಕಿ ಸ್ವಲ್ಪ ಹೊತ್ತು ಸಣ್ಣ ಉರಿಯಲ್ಲಿ ಬೇಯಿಸಿ.
ನಿ೦ಬೆಹಣ್ಣಿನ ರಸವನ್ನು ಹಿ೦ಡಿ ಚನ್ನಾಗಿ ಕಲಸಿರಿ

ನಂತರ ಚಟ್ನಿಯೊಂದಿಗೆ ಬಡಿಸಿ.