ಸಹನಾ ಕುಮಾರಿ

ಸಹನಾ ಕುಮಾರಿ

ವೈಯುಕ್ತಿಕ ಮಾಹಿತಿ
ರಾಷ್ರೀಯತೆ	ಭಾರತೀಯರು
ಜನನ	(1982-03-06) ೬ ಮಾರ್ಚ್ ೧೯೮೨ ದಕ್ಷಿಣ ಕನ್ನಡ, ಕರ್ನಾಟಕ, ಭಾರತ
Sport
ಕ್ರೀಡೆ	ಟ್ರಾಕ್ ಆಂಡ್ ಫೀಲ್ಡ್
ಸ್ಪರ್ಧೆಗಳು(ಗಳು)	ಉದ್ದ ಜಿಗಿತ
Achievements and titles
ವೈಯಕ್ತಿಕ ಪರಮಶ್ರೇಷ್ಠ	೧.೯೨ ಮೀಟರ್ (ಹೈದರಾಬಾದ್ ೨೦೧೨) ಎನ್‌ಆರ್
ಪದಕ ದಾಖಲೆ ದಕ್ಷಿಣ ಏಷ್ಯನ್ ಗೇಮ್ಸ್ ೨೦೧೬ ಗುವಾಹಟಿ ಉದ್ದ ಜಿಗಿತ

ಸಹನಾ ಕುಮಾರಿ ನಾಗರಾಜ್ ಗೊಬ್ಬರಗುಂಪಿ (ಜನನ ೬ ಮಾರ್ಚ್ ೧೯೮೨) ಎತ್ತರ ಜಿಗಿತ ಸ್ಪರ್ಧೆಯಲ್ಲಿ ಸ್ಪರ್ಧಿಸಿದ ಭಾರತೀಯ ಕ್ರೀಡಾಪಟು . ಅವರು ಪ್ರಸ್ತುತ ೧.೯೨ ಮೀ ಜಿಗಿತದ ರಾಷ್ಟ್ರೀಯ ದಾಖಲೆಯನ್ನು ಹೊಂದಿದ್ದಾರೆ.

ವೈಯಕ್ತಿಕ ಜೀವನ

ಸಹನಾ ಅವರು ಕರ್ನಾಟಕದ ದಕ್ಷಿಣ ಕನ್ನಡದ ಕೋಟೆಕಾರ್ ಗ್ರಾಮದಲ್ಲಿ ಜನಿಸಿದರು. ಅವರು ಸೋಮೇಶ್ವರದ ಆನಂದಾಶ್ರಮ ಪ್ರೌಢಶಾಲೆಯಲ್ಲಿ ವ್ಯಾಸಂಗ ಮಾಡಿದರು. ಅವರು ತಮ್ಮ ಶಾಲಾ ದಿನಗಳಲ್ಲಿ ಕಬಡ್ಡಿ, ಖೋ ಖೋ ಮತ್ತು ಎತ್ತರ ಜಿಗಿತದಂತಹ ವಿವಿಧ ಕ್ರೀಡೆಗಳಲ್ಲಿ ಭಾಗವಹಿಸಲು ಪ್ರಾರಂಭಿಸಿದರು. ಸಹನಾ ಅವರ ಪ್ರಕಾರ, ಅವರ ಶಾಲೆಯೇ ಅವರನ್ನು ಕ್ರೀಡೆಯಲ್ಲಿ ತೊಡಗಿಸಿಕೊಳ್ಳಲು ಪ್ರೋತ್ಸಾಹಿಸಿತು. ಅವರು ಮಂಗಳೂರಿನ ಶ್ರೀ ಗೋಕರ್ಣನಾಥೇಶ್ವರ ಕಾಲೇಜಿನಲ್ಲಿ ಪದವಿ ಪಡೆದರು. ಅವರ ಅಕ್ಕ ಹರ್ಷಿಣಿ ಕೂಡ ಮಾಜಿ ಕ್ರೀಡಾಪಟು ಮತ್ತು ಅವರ ಸಹೋದರ ವಾಲಿಬಾಲ್ ಆಡುತ್ತಾರೆ. ಆ ಸಮಯದಲ್ಲಿ ಭಾರತೀಯ ವಾಯುಪಡೆಯಲ್ಲಿದ್ದ ತಮ್ಮ ತಂದೆಯಿಂದ ಅವರು ಎತ್ತರ ಜಿಗಿತವನ್ನು ಕಲಿತರು. ಸಹನಾ ಅವರ ತಾಯಿ ಯಶೋದಾ ತನ್ನ ಇಬ್ಬರು ಹೆಣ್ಣು ಮಕ್ಕಳನ್ನು ಬೆಳಗ್ಗೆ ೪:೩೦ ಕ್ಕೆ ಎಬ್ಬಿಸುತ್ತಿದ್ದಳು ಮತ್ತು ಅವರನ್ನು ತರಬೇತಿಗೆ ಕಳುಹಿಸುತ್ತಿದ್ದಳು.

ಅವರು ರಾಷ್ಟ್ರ ಮಟ್ಟದ ಅಥ್ಲೀಟ್ ಬಿ.ಜಿ.ನಾಗರಾಜ್ ಅವರನ್ನು ವಿವಾಹವಾಗಿದ್ದಾರೆ ಮತ್ತು ಅವರಿಗೆ ಪಾವನಾ ಎಂಬ ಮಗಳಿದ್ದಾಳೆ. ಆಕೆ ನೈಋತ್ಯ ರೈಲ್ವೆ ವಲಯದಲ್ಲಿ ಹಿರಿಯ ಗುಮಾಸ್ತೆಯಾಗಿದ್ದಾಳೆ.

೨೦೧೨ರ ಬೇಸಿಗೆ ಒಲಿಂಪಿಕ್ಸ್

ಸಹನಾ ಲಂಡನ್ ಗೇಮ್ಸ್‌ಗೆ ಅರ್ಹತೆ ಪಡೆದ ಕೊನೆಯ ಭಾರತೀಯ ಅಥ್ಲೀಟ್ ಆಗಿದ್ದರು. ಅವರು ೨೩ ರಿಂದ ೨೬ ಜೂನ್ ೨೦೧೨ ರವರೆಗೆ ಹೈದರಾಬಾದ್‌ನ ಜಿ‌ಎಂ‌ಸಿ ಬಾಲಯೋಗಿ ಅಥ್ಲೆಟಿಕ್ ಸ್ಟೇಡಿಯಂನಲ್ಲಿ ನಡೆದ ೫೨ ನೇ ರಾಷ್ಟ್ರೀಯ ಅಂತರ-ರಾಜ್ಯ ಹಿರಿಯ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ ಬಿ ಸ್ಟ್ಯಾಂಡರ್ಡ್ ಒಲಿಂಪಿಕ್ ಸ್ಥಾನವನ್ನು ಗಳಿಸಿದರು. ಕೇರಳೀಯರಾದ ಬಾಬಿ ಅಲೋಶಿಯಸ್ ಅವರ ೧.೯೧ ಮೀ ನ ಎಂಟು ವರ್ಷಗಳ ರಾಷ್ಟ್ರೀಯ ದಾಖಲೆಯನ್ನು ಅವರು ಮುರಿದರು.   ಸಹನಾ ತಮ್ಮ ಉಕ್ರೇನಿಯನ್ ತರಬೇತುದಾರ ನಿಖಿಲ್ ಎವ್ಗೆನಿ ತಮ್ಮೊಂದಿಗೆ ಕ್ರೀಡಾಕೂಟಕ್ಕೆ ಬರಬೇಕೆಂದು ಬಯಸಿದ್ದರು, ಆದರೆ ಭಾರತದ ರಾಷ್ಟ್ರೀಯ ಒಲಿಂಪಿಕ್ ಸಮಿತಿ, ಭಾರತೀಯ ಒಲಿಂಪಿಕ್ ಅಸೋಸಿಯೇಷನ್, ಐದು ಅಥ್ಲೆಟಿಕ್ ತರಬೇತುದಾರರ ಕೋಟಾವನ್ನು ಮಾತ್ರ ಮಂಜೂರು ಮಾಡಿತ್ತು. ಅಥ್ಲೆಟಿಕ್ಸ್ ಫೆಡರೇಶನ್ ಆಫ್ ಇಂಡಿಯಾವು ಮೂರು ಅರ್ಹ ರೇಸ್‌ವಾಕರ್‌ಗಳಾದ ಟಿಂಟು ಲೂಕಾ, ವಿಕಾಸ್ ಗೌಡ ಮತ್ತು ಕೃಷ್ಣ ಪೂನಿಯಾ ಅವರು ಶಿಫಾರಸು ಮಾಡಿದ ಮುಖ್ಯ ರಾಷ್ಟ್ರೀಯ ಅಥ್ಲೆಟಿಕ್ ತರಬೇತುದಾರರಾದ ಬಹದ್ದೂರ್ ಸಿಂಗ್ ಚೌಹಾಣ್, ಆರ್‌ಕೆ ಗಾಂಧಿ ಅವರನ್ನು ಆಯ್ಕೆ ಮಾಡಿತು.

ಸಹನಾ ಅವರಿಗೆ ತಮ್ಮ ಕೋಚ್‌ನ ಪ್ರಯಾಣ ವೆಚ್ಚವನ್ನು ಮರುಪಾವತಿಸಲು ಸಾಧ್ಯವಾಗಲಿಲ್ಲ. ಸರ್ಕಾರೇತರ ಸಂಸ್ಥೆಯಾದ, ಏಕ್ ಔರ್ ಪ್ರಯಾಸ್ ಸಹನಾ ಅವರ ಕೋಚ್ ಲಂಡನ್‌ಗೆ ಪ್ರಯಾಣಿಸಲು ಹಣವನ್ನು ನೀಡಿತು.

೮ ಆಗಸ್ಟ್ ೨೦೧೨ ರಂದು, ಸಹನಾ ಅವರು ೧.೮೫ ಮೀ ಅನ್ನು ತಲುಪಲು ವಿಫಲವಾದಾಗ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಮಹಿಳೆಯರ ಎತ್ತರ ಜಿಗಿತ ಸ್ಪರ್ಧೆಯಿಂದ ಹೊರಹಾಕಲ್ಪಟ್ಟರು.

ಬಾಹ್ಯ ಕೊಂಡಿಗಳು

• ವಿಶ್ವ ಅಥ್ಲೆಟಿಕ್ಸ್‌ನಲ್ಲಿ ಸಹನಾ ಕುಮಾರಿ