ಮೈಥಿಲಿ ಕುಮಾರ್

ಮೈಥಿಲಿ ಕುಮಾರ್ ಅವರು ನೃತ್ಯಗಾರ್ತಿ, ಶಿಕ್ಷಕಿ ಮತ್ತು ನೃತ್ಯ ನಿರ್ದೇಶಕಿ . ಅವರು ಭಾರತೀಯ ಶಾಸ್ತ್ರೀಯ ನೃತ್ಯಗಳಾದ ಭರತನಾಟ್ಯ, ಕೂಚಿಪುಡಿ ಮತ್ತು ಒಡಿಸ್ಸಿ ಶೈಲಿಯ ನೃತ್ಯಗಳನ್ನು ಪ್ರದರ್ಶಿಸುತ್ತಾರೆ. ಇವರು ಸ್ಯಾನ್ ಜೋಸ್‌ನ ಅಭಿನಯ ಡ್ಯಾನ್ಸ್ ಕಂಪನಿಯ ಸ್ಥಾಪಕಿ ಮತ್ತು ಸಾಂಟಾ ಕ್ರೂಜ್‌ನ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದಲ್ಲಿ ನೃತ್ಯದ ಉಪನ್ಯಾಸಕಿಯಾಗಿದ್ದಾರೆ.

ಜೀವನಚರಿತ್ರೆ

ಇವರು ೧೯೮೦ ರಿಂದ ಸ್ಯಾನ್ ಜೋಸ್‌ನ ಅಭಿನಯ ಡ್ಯಾನ್ಸ್ ಕಂಪನಿಯ ಸಂಸ್ಥಾಪಕಿ ಮತ್ತು ನಿರ್ದೇಶಕಿಯಾಗಿದ್ದಾರೆ. ಇವರು ಏಕವ್ಯಕ್ತಿ ಚೊಚ್ಚಲ ಪ್ರದರ್ಶನಗಳಲ್ಲಿ ನೂರಕ್ಕೂ ಹೆಚ್ಚು ನೃತ್ಯಗಾರರಿಗೆ ತರಬೇತಿ ನೀಡಿ ಪ್ರದಶಿ‌‌‌‌‍ಸಿದ್ದಾರೆ ಮತ್ತು ಹಲವಾರು ಬಹು-ಸಾಂಸ್ಕೃತಿಕ ಸಂಸ್ಥೆಗಳೊಂದಿಗೆ ವ್ಯಾಪಕವಾಗಿ ಸಹಕರಿಸಿದ್ದಾರೆ. ಇವರು ಸ್ಯಾನ್ ಜೋಸ್ ಸ್ಟೇಟ್ ಯೂನಿವರ್ಸಿಟಿ ಮತ್ತು ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾಲಯದಲ್ಲಿ ಕೆಲಸ ಮಾಡಿದ್ದಾರೆ.

ಕುಮಾರ್ ಅವರಿಗೆ ರಸಿಕಾ ಮತ್ತು ಮಾಳವಿಕಾ ಎಂಬ ಇಬ್ಬರು ಮಗಳಿದ್ದು, ಅವರು ನೃತ್ಯ ಕಂಪನಿಯಲ್ಲಿ ಸಕ್ರಿಯರಾಗಿದ್ದಾರೆ ಮತ್ತು ಇವರು ತಮ್ಮ ನಾಲ್ಕನೇ ವಯಸ್ಸಿನಿಂದ ಭಾರತೀಯ ಶಾಸ್ತ್ರೀಯ ನೃತ್ಯದಲ್ಲಿ ತರಬೇತಿ ಪಡೆದಿದ್ದಾರೆ.

ಅವರ ಕೆಲವು ಪ್ರದರ್ಶನಗಳು:

• ಗುರು ಜೊತೆಯಲ್ಲಿ ಕಥಕ್ ಮಾಂತ್ರಿಕ ಚಿತ್ರೇಶ್ ದಾಸ್ ಮತ್ತು ಅವರ ನೃತ್ಯ ಕಂಪನಿಯೊಂದಿಗೆ.
• ಸ್ಪಿರಿಟ್‌ನಲ್ಲಿ (೧೯೯೩) ಜಪಾನಿನ ಡ್ರಮ್ಮಿಂಗ್ ಕಾರ್ಪ್ಸ್ ಸ್ಯಾನ್ ಜೋಸ್ ಟೈಕೊ, ಮಾರ್ಗರೆಟ್ ವಿಂಗ್ರೋವ್ ಮತ್ತು ಅವರ ಆಧುನಿಕ ನೃತ್ಯ ಕಂಪನಿಯೊಂದಿಗೆ.
• ದಿ ರಾಮಾಯಣ (೧೯೯೭) ಬಲಿನೀಸ್ ಸಂಗೀತ ಮತ್ತು ನೃತ್ಯ ಸಮೂಹ ಗೇಮಲಾನ್ ಸೇಕರ್ ಜಯ
• ವಂದೇ ಮಾತರಂ - ತಾಯಿ, ನಾನು ನಿನಗೆ ನಮಸ್ಕರಿಸುತ್ತೇನೆ (೧೯೯೭) ಮೂರು ವಿಭಿನ್ನ ಭಾರತೀಯ ಶಾಸ್ತ್ರೀಯ ನೃತ್ಯ ಶೈಲಿಗಳನ್ನು ಒಳಗೊಂಡಿದೆ.
• ಶ್ಯಾಡೋ ಮಾಸ್ಟರ್ ಲ್ಯಾರಿ ರೀಡ್ ಮತ್ತು ಶ್ಯಾಡೋ ಲೈಟ್ ಪ್ರೊಡಕ್ಷನ್ಸ್ ಜೊತೆಗಿನ ದಿ ಪವರ್ ಆಫ್ ಸ್ಯಾಟರ್ನ್ (೧೯೯೯)
• ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿರುವ ಏಷ್ಯನ್ ಆರ್ಟ್ ಮ್ಯೂಸಿಯಂಗಾಗಿ ಗಾಂಧಿ - ಮಹಾತ್ಮ (೧೯೯೫).

ಪ್ರಶಸ್ತಿಗಳು

೨೦೧೦ ರಲ್ಲಿ ಕುಮಾರ್ ಅವರು ಸ್ಯಾನ್ ಫ್ರಾನ್ಸಿಸ್ಕೊ ಎಥ್ನಿಕ್ ಡ್ಯಾನ್ಸ್ ಫೆಸ್ಟಿವಲ್‌ನಿಂದ ಮಲೋಂಗಾ ಕ್ಯಾಸ್ಕ್ವೆಲಾರ್ಡ್ ಜೀವಮಾನ ಸಾಧನೆ ಪ್ರಶಸ್ತಿಯನ್ನು ಪಡೆದಿದ್ದಾರೆ. ಅವರು ೧೯೮೯ ರಿಂದ ೧೯೯೩ ರವರೆಗೆ ನೃತ್ಯ ನಿರ್ದೇಶಕರ ಫೆಲೋಶಿಪ್‌ಗಳನ್ನು ಮತ್ತು ೧೯೯೮ ರಲ್ಲಿ ನ್ಯಾಷನಲ್ ಎಂಡೋಮೆಂಟ್ ಫಾರ್ ದಿ ಆರ್ಟ್ಸ್‌ನಿಂದ ಶಿಕ್ಷಕರ ಮಾನ್ಯತೆ ಪ್ರಮಾಣಪತ್ರವನ್ನು ಪಡೆದಿದ್ದಾರೆ.

ಸಹ ನೋಡಿ

• ನೃತ್ಯದಲ್ಲಿ ಭಾರತೀಯ ಮಹಿಳೆಯರು
• ಸ್ಯಾನ್ ಜೋಸ್, ಕ್ಯಾಲಿಫೋರ್ನಿಯಾದ ಜನರ ಪಟ್ಟಿ

ಟಿಪ್ಪಣಿಗಳು

• "Dancer enlivens Indian culture", San Jose Mercury News, April 13, 1990.
• "Dance teacher to get award from Cupertino", San Jose Mercury News, September 16, 1992.
• "The muse that makes her dance: Mythili Kumar keeps her Indian heritage alive in a land of pop and pizza", San Jose Mercury News, February 15, 1998.
• "Los Gatans honored as women of achievement", Los Gatos Weekly-Times, November 11, 1998.
• Kaplan, Shari (January 27, 1999), "Dramatic Gesture: Mythili Kumar shares Indian traditions with the art of the dance", Saratoga News, archived from the original on ಡಿಸೆಂಬರ್ 1, 2008, retrieved ಅಕ್ಟೋಬರ್ 15, 2023.
• "Nurturing an Indian tradition in the Bay Area: how three teachers used varied approaches to an art form that takes years to master", San Jose Mercury News, November 15, 2003.
• "Keeping classical dance traditions alive - the Abhinaya Dance Company", Water, No Ice, November 15, 2008.