ಸದಸ್ಯ:Vinu Sujitha Michael/ನನ್ನ ಪ್ರಯೋಗಪುಟ/3

ಸೀಲೆಂಟರೇಟಾ (ಕುಟುಕುಕಣವಂತುಗಳು)

thumb|ಕುಟುಕುಕಣವಂತುಗಳ ಜೀವನ ಚಕ್ರ thumb|ಫೈಸೆಲಿಯಾ thumb|ಒಬಿಲಿಯಾ ಈ ವಂಶಕ್ಕೆ ಸೇರಿದ ಪ್ರಾಣಿಗಳನ್ನು ಸೀಲೇಂಟರೇಟಾ ಎಂದು ಕರೆಯಲಾಗಿದೆ ಈ ಪ್ರಾಣಿಗಳ ದೇಹದ ಒಳಗೆ ಜೀರ್ಣಕ್ರಿಯೆಯ ಸಹಕರಿಸುವ ಜಠರಾವಕಾಶ- ಸೀಲೆಂಟರಾನ್ (ಉದ್ದವಾದ ಖಾಲಿ ಸ್ಥಳ - ಗಾಸ್ಟ್ರೊವಾಸ್ಕ್ಯುಲಾರ್ ಕಾವಿಟಿ) ಇದೆ. ಶತ್ರುಗಳಿಂದ ರಕ್ಶಿಸಿಕೊಳ್ಳಲು ಮತ್ತು ಆಹಾರ ಪಡೆದುಕೊಳ್ಳಲು ಕುಟುಕುಕಣ(ನಿಡೋಬ್ಲಾಸ್ಟ್) ಎಂಬ ವಿಶೇಷ ಕೋಶಗಳನ್ನು ಹೊಂದಿರುವುದರಿಂದ ಈ ಪ್ರಾಣಿಗಳನ್ನು ಕುಟುಕುಕಣವಂತುಗಳು(ನೈಡೆರಿಯ) ಎಂದು ಕರೆಯಲಾಗಿದೆ. ಕುಟುಕುಕಣವಂತುಗಳು ಜಲವಾಸಿಗಳು. ಹೆಚ್ಚಾಗಿ ಸಮುದ್ರವಾಸಿಗಳು ಮತ್ತು ಕೆಲವು ಪ್ರಾಣಿಗಳು ಸಿಹಿ ನೀರಿನಲ್ಲೂ ಕಂಡುಬರುತ್ತದೆ.ಈ ಪ್ರಾಣಿಗಳು ಮೂರು ಗುಂಪುಗಳಾಗಿ ವಿಭಾಗಿಸಲಾಗಿದೆ. ಅಚಲ ಆನ್ತೊಸೊವ, ಈಜುವ ಸ್ಕೈಫೊಸೊವ ಮತ್ತು ಹೈಡ್ಡ್ರೊಸೊವ.

ದೇಹದ ರಚನೆ

ದೇಹಭಿತ್ತಿಯು ಎರಡು ಪದರಗಳನ್ನು ಒಳಗೊಂಡಿದೆ. ಇವುಗಳನ್ನು ಇಪ್ಪದರದ ಪ್ರಾಣಿಗಳು(ಡಿಪ್ಲೊಬ್ಲಾಸ್ಟಿಕ್) ಎಂದು ಕರೆಯಲಾಗಿದೆ. ಹೊರಪದರವನ್ನು ಹೊರದರ್ಮ(ಎಕ್ಟೋಡೆರ್ಮ್) , ಒಳಪದರವನ್ನು ಒಳದರ್ಮ (ಎನ್ಡೋಡರ್ಮ್) ಎಂಬ ಹೆಸರುಗಳಿವೆ. ಇವೆರಡು ಪದರಗಳ ನಡುವೆ ಜೀವಕೋಶಗಳಿಲ್ಲದ ಲೋಳೆ ರೂಪದ ರಚನೆ ಇದೆ. ಈ ವಿಶಿಷ್ಟವಾದ ರಚನೆಯನ್ನು ಮೀಸೋಗ್ಲಿಯಾ ಎಂದು ಕರೆಯಲಾಗಿದೆ. ಇವುಗಳು ಅಂಗಾಂಶ ಮಟ್ಟದ ಸಂಘಟನೆಯನ್ನು ಪ್ರದರ್ಶಿಸುತ್ತವೆ. ಈ ಪ್ರಾಣಿಗಳು ಎರಡು ದೇಹ ರೂಪಗಳನ್ನು ತೋರಿಸುತ್ತದೆ, ಈಜುವ ಮೆಡ್ಯೂಸಾ ಮತ್ತು ಅಚಲ ಪಾಲಿಪ್.ಇಂತಹ ಪರಿಸ್ಥಿಥಿಯನ್ನು ಬಹುರೂಪತೆ ಎಂದು ಕರೆಯಲಾಗಿದೆ. ಈ ಎರಡೂ ರೂಪುಗಳು ತ್ರಿಜ್ಯೀಯ ಸಮ್ಮಿತಿಯಲ್ಲಿದೆ.ಪಾಲಿಪ್ನ ಮೀಸೋಗ್ಲಿಯಾ ಮೆದುವಾಗಿ ತೆಳುವಾಗಿ ಇರುತ್ತದೆ, ಆದರೆ ಮೆಡ್ಯೂಸಾನ ಮೀಸೋಗ್ಲಿಯಾ ದಟ್ಟವಾಗಿ ಇರುತ್ತದೆ.

ಜೀರ್ಣಕ್ರಿಯೆ

ಇವುಗಳ ಬಾಯಿಯನ್ನು ಹೈಪೊಸ್ಟೋಮ್ ಎಂದು ಕರೆಯಲಾಗಿದೆ, ಇದನ್ನು ಸುತ್ತಿ ನಿಡೋಬ್ಲಾಸ್ಟ್ ಅಥವ ನೆಮಾಟೋಸಿಸ್ಟ್ ಕೋಶಗಳಿಂದ ಕೂಡಿರುವ ಗ್ರಹಣಾಂಗಗಳು ಇವೆ. ಈ ಕೋಶಗಳು ಲಂಗರಿಳಿಸುವಿಕೆ, ಆಹಾರ ಸೆರೆಹಿಡಿಯುವುದಕ್ಕೆ, ಬಾಗಲು, ಹಿಗ್ಗಲು, ಕುಗ್ಗಲು, ರಕ್ಶಣೆಗೆ ಉಪಯೋಗವಾಗುತ್ತದೆ. ಸೀಲೆಂಟರಾನ್ ಅಥವಾ ಜಥರಾವಕಾಶವು ಸರಳವಾಗಿರಬಹುದು, ಕವಲೊಡೆದಿರಬಹುದು ಅಥವಾ ಬಾಯಿಯ ಸುತ್ತಲೂ ಸಂಕುಚಿಸಬಲ್ಲ ಕರಬಳ್ಳಿಗಳಾಗಿರಬಹುದು. ಕರಬಳ್ಳಿಗಳಲ್ಲಿ ಕುಟುಕುಕಣಗಳು ಸಂಗ್ರಹವಾಗಿ ಸಹಕರಿಸುತ್ತದೆ. ಇವುಗಳು ಪ್ಲ್ಯಾಂಕ್ಟನುಗಳನ್ನು, ಡೈನೋಫಲಾಜೆಲ್ಲೇಟುಗಳನ್ನು ತಿನ್ನುತ್ತದೆ.

ನರ ಮಂಡಲ

ಹೊರದರ್ಮದ ಕೆಲವು ಕೋಶಗಳು ನರಕೋಶಗಳಾಗಿ ಮಾರ್ಪಟ್ಟು ಮೀಸೋಗ್ಲಿಯಾ ಭಾಗದಲ್ಲಿ ನರಜಾಲವನ್ನು ರಚಿಸುತ್ತದೆ. ಇದರಿಂದ ಪ್ರಚೋದನೆಗಳನ್ನು ಗ್ರಹಿಸಲು, ಸಾಗಿಸಲು ಮತ್ತು ಪ್ರತಿಕ್ರಿಯೆಗಳನ್ನು ಸೂಚಿಸಲು ಸಾಧ್ಯವಾಗುತ್ತದೆ.

ಉಸಿರಾಟ ಮತ್ತು ವಿಸರ್ಜನೆ

ಅಲ್ಲದೇ ಹೊರದರ್ಮದ ಮತು ಒಳದರ್ಮದ ಕೋಶಗಳು, ವಿಸರಣದಿಂದ ಉಸಿರಾಟ ಮತ್ತು ವಿಸರ್ಜನ ಕ್ರಿಯೆಯನ್ನೂ ನಡೆಸುತ್ತದೆ.

ಅಸ್ಥಿಪಂಜರ ವ್ಯವಸ್ಥೆ

ಹೈಡ್ರಾ ತಮ್ಮ ಬಾಯಿಯನ್ನು ತಿನ್ನದೆ ಇರುವಾಗ ಮುಚ್ಚಿರುತ್ತದೆ, ಸೀಲೆಂಟಾರಾನ್ ಎಂಬ ಖಾಲಿ ಜಾಗದಲ್ಲಿ ನೀರು ತುಂಬಿರುವುದರಿಂದ , ಆ ನೀರು ಅಸ್ಥಿಪಂಜರವಾಗಿ ಕಾರ್ಯ ನಿರ್ವಹಿಸುತ್ತದೆ.ಸೀ ಪೆನ್ಸ್ ತಮ್ಮ ಮೀಸೋಗ್ಲಿಯಾವನ್ನು ಕ್ಯಾಲ್ಸಿಯಂ ಕಾರ್ಬೋನೇಟ್ನಿಂದ ಗಟ್ಟಿಗೊಳಿಸಿಕೊಳ್ಳುತ್ತದೆ.

ಸಂತಾನೋತ್ಪತ್ತಿ

ಲೈಂಗಿಕ ಸಂತಾನೋತ್ಪತ್ತಿಯು ಲಿಂಗಾಣುಗಳು ಉತ್ಪತ್ತಿ ಮತ್ತು ನಿಶೇಚನದಿಂದ ನಡೆಯುತ್ತದೆ, ಎರಡೂ ಪಾಲಿಪ್ ಮತ್ತು ಮೆಡ್ಯೂಸಾವನ್ನು ಒಳಗೊಂಡಿದೆ.ಪೀಳಿಗೆಯ ಪರ್ಯಾಯವನ್ನು ಪ್ರದರ್ಶಿಸುತ್ತಿತ್ತು. ನಿರ್ಲಿಂಗ ರೀತಿಯ ಸಂತಾನೋತ್ಪತ್ತಿಯು ಅಂಕುರ ಮೊಗ್ಗುಗಳ ಬೆಳವಣಿಗೆಯಿಂದ (ಬಡ್ಡಿಂಗ್) ನಡೆಯುತ್ತದೆ . ತಾಯಿ ಪ್ರಾಣಿಯ ಶರೀರದಿಂದ ತಳಭಾಗದಿಂದ ಅಂಕುರ ಒಂದು ಚಾಚಿಕೆಯಂತೆ ಮೂಡುತ್ತದೆ. ಇಲ್ಲಿ ದೇಹದ ಒಂದು ಭಾಗ ಮೊಗ್ಗಿನಂತೆ ಹೊರಕ್ಕೆ ಚಾಚಲ್ಪಡುತ್ತದೆ. ನಂತರ ಅಗತ್ಯವಿರುವ ದೇಹದ ಭಾಗಗಳನ್ನು ಬೆಳೆಸಿಕೊಂಡು ತಾಯಿ ಪ್ರಾಣಿಯ ಶರೀರದಿಂದ ಬೇರ್ಪಡೆಯಾಗುತ್ತದೆ.

ಉದಾಹರಣೆ

ಹೈಡ್ರಾ, ಒಬೀಲಿಯಾ, ಪೈಸೇಲಿಯಾ, ಅರೀಲಿಯಾ, ಕಡಲ ಹೂ, ಲೋಳೆ ಮೀನು ಮುಂತಾದವು.