ಶ್ವೇತಾ ಚೆಂಗಪ್ಪ

ಶ್ವೇತಾ ಚೆಂಗಪ್ಪ
ಜನನ	ಕೊಡಗು, ಕರ್ನಾಟಕ
ಪೌರತ್ವ	ಭಾರತೀಯ
ವೃತ್ತಿಗಳು	ನಟಿ, ನಿರೂಪಕಿ, ನೃತ್ಯಗಾರ್ತಿ
ಪತ್ನಿ/ಪತಿ	ಕಿರಣ್ ಅಪ್ಪಚ್ಚು (೪ ಮೇ )
ಮಕ್ಕಳು	೧
ಪೋಷಕರು	ಚೆಂಗಪ್ಪ (ತಂದೆ) ತಾರಾ (ತಾಯಿ)

ಶ್ವೇತಾ ಚೆಂಗಪ್ಪ ಕಿರುತೆರೆಯ ಅಭಿನೇತ್ರಿ, ನಿರೂಪಕಿ. ಈಗಾಗಲೇ ಅನೇಕ ಕಾರ್ಯಕ್ರಮಗಳ ಮೂಲಕ ಸಾಕಷ್ಟು ಜನಪ್ರಿಯತೆಯನ್ನು ಗಳಿಸಿದ್ದಾರೆ. ಅರುಂಧತಿ ಧಾರಾವಾಹಿ, ಯಾರಿಗುಂಟು ಯಾರಿಗಿಲ್ಲ ರಿಯಾಲಿಟಿ ಶೋ, ತಂಗಿಗಾಗಿ ಚಲನಚಿತ್ರಗಳ ಮೂಲಕ ನಾಡಿನ ಮನೆಮಾತಾಗಿದ್ದಾರೆ. ಮೌಂಟ್ ಕಾರ್ಮೆಲ್ ಕಾಲೇಜಲ್ಲಿ ಓದಿರುವ ಶ್ವೇತಾ ಹತ್ತನೇ ಸ್ಪರ್ಧಿಯಾಗಿ ಬಿಗ್ ಬಾಸ್ ಮನೆಯನ್ನು ಸೇರಿದ್ದರು.

ವೈಯಕ್ತಿಕ ಜೀವನ

ಶ್ವೇತಾರವರ ತಂದೆಯವರ ಹೆಸರು ಚೆಂಗಪ್ಪ, ಕೊಡಗು ಜಿಲ್ಲೆಯ, 'ಸೋಮವಾರಪೇಟೆ' ಯ ಬಳಿಯ ಗ್ರಾಮದವರು. ತಾಯಿಯವರ ಹೆಸರು ತಾರಾ. ಶ್ವೇತಾ ಹಾಗೂ ಅವರ ತಮ್ಮ ಸಾಗರ್, ಬೆಂಗಳೂರಿನಲ್ಲೇ ಹುಟ್ಟಿದವರು. ಬೆಂಗಳೂರಿನಲ್ಲಿ ತಂದೆಯವರ ಉದ್ದಿಮೆಯಿದೆ. ಶ್ವೇತಾ ಚೆಂಗಪ್ಪ 'ಬಿಕಾಂ,' ಓದುತ್ತಲೇ ಅಭಿನಯದಲ್ಲೂ ಪಾಲ್ಗೊಂಡು ಬೆಳೆದರು.

ಕಿರುತೆರೆ ಪಾದಾರ್ಪಣೆ

ಕಾಲೇಜ್‍ನಲ್ಲಿ ಓದುವ ಸಮಯದಲ್ಲೇ ಅವಕಾಶಗಳು ಬರುತ್ತಿತ್ತು. ಸುಮತಿ ಧಾರಾವಾಹಿಯಲ್ಲಿನ ಆಡಿಶನ್ ಮೂಲಕ ಆಯ್ಕೆಯಾದರು. ಇಲ್ಲಿಯವರೆಗೆ ಶ್ವೇತಾ ಅವರು ಎಲ್ಲ ಧಾರಾವಾಹಿಗಳಲ್ಲೂ 'ಟೈಟಲ್ ರೋಲ್' ನಲ್ಲಿ ಅಭಿನಯಿಸಿದ್ದಾರೆ.

ದೂರದರ್ಶನ

ಧಾರಾವಾಹಿ

ವರ್ಷ	ಧಾರಾವಾಹಿ	ಪಾತ್ರ	ವಾಹಿನಿ	ಇತರೆ ಟಿಪ್ಪಣಿಗಳು
೨೦೦೩	ಸುಮತಿ	ಸುಮತಿ	ಉದಯ ಟಿವಿ	ನಾಯಕಿ
೨೦೦೪	ಕಾದಂಬರಿ	ಕಾದಂಬರಿ	ಉದಯ ಟಿವಿ	ನಾಯಕಿ
೨೦೦೮	ಸುಕನ್ಯ	ಸುಕನ್ಯ	ಈ ಟಿವಿ ಕನ್ನಡ	ನಾಯಕಿ
೨೦೧೦	ಅರುಂಧತಿ	ಅರುಂಧತಿ/ ನಂದಿನಿ	ಈ ಟಿವಿ ಕನ್ನಡ	ನಾಯಕಿ
೨೦೧೧	ಸೌಂದರ್ಯ	ಸೌಂದರ್ಯ	ಡಿಡಿ ಚಂದನ	ನಾಯಕಿ

• ಅರುಂಧತಿ ಧಾರಾವಾಹಿಯು ಪುನರ್ಜನ್ಮ ಜನ್ಮದ ನೆನಪನ್ನು ತರಿಸುವ ವಿಭಿನ್ನವಾದ ಕಥಾವಸ್ತುವನ್ನು ಹೊಂದಿತ್ತು. ಹಿಂದಿನ ಜನ್ಮದ ಅರುಂಧತಿ, ಈ ಜನ್ಮದ ನಂದಿನಿ / ಅರುಂಧತಿ ಹಾಗೂ ದೇವರು, ೩ ತರಹದ ಪಾತ್ರಾಭಿನಯ. ಆ ಸವಾಲನ್ನು ಯಶಸ್ವಿಯಾಗಿ ನಿಭಾಯಿಸಿದರು.
• 'ಅರುಂಧತಿ' ಧಾರಾವಾಹಿಯಲ್ಲಿ ಶ್ವೇತಾ ಅರುಂಧತಿ-ನಂದಿನಿ ದ್ವಿಪಾತ್ರದಲ್ಲಿ ಅಮೋಘವಾಗಿ ನಟಿಸಿ ವೀಕ್ಷಕರ ಮನಸೆಳೆದಿದ್ದಾರೆ.
• ಸುಮಾರು 2010ರಲ್ಲಿ ಆರಂಭಗೊಂಡ ಈ ಧಾರಾವಾಹಿಯು ಮೂರನೆಯ ವರ್ಷಕ್ಕೆ ಕಾಲಿಟ್ಟು ಮುನ್ನಡೆಯುತ್ತಲಿದೆ.
• ಸುಮತಿ ಧಾರಾವಾಹಿ ೫೦೦ ಕಂತುಗಳ ಪ್ರಸಾರವಾಗಿದೆ.
• ಕಾದಂಬರಿ ೬ ವರ್ಷ ನಡೆಯಿತು.
• ಸುಕನ್ಯ ಒಂದು ಸಾವಿರ ಸಂಚಿಕೆ ದಾಟಿದೆ.

ರಿಯಾಲಿಟಿ ಶೋ

ವರ್ಷ	ರಿಯಾಲಿಟಿ ಶೋ	ಪಾತ್ರ	ವಾಹಿನಿ	ಇತರೆ ಟಿಪ್ಪಣಿಗಳು
2012	ಯಾರಿಗುಂಟು ಯಾರಿಗಿಲ್ಲ	ನಿರೂಪಕಿ	ಝೀ ಕನ್ನಡ
2013	ಕುಣಿಯೋಣ ಬಾರಾ	ನಿರೂಪಕಿ	ಝೀ ಕನ್ನಡ
2014	ಬಿಗ್‌ಬಾಸ್ ಕನ್ನಡ ಸೀಸನ್ 2	ಸ್ಪರ್ಧಿ	ಸ್ಟಾರ್ ಸುವರ್ಣ	೪ನೇ ಸ್ಥಾನದಲ್ಲಿದ್ದರು
2015	ಸೂಪರ್ ಮಿನಿಟ್	ಸ್ಪರ್ಧಿ	ಈ ಟಿವಿ ಕನ್ನಡ
2015	ಮಜಾ ಟಾಕೀಸ್	ರಾಣಿ	ಕಲರ್ಸ್ ಕನ್ನಡ
2016	ಡಾನ್ಸಿಂಗ್ ಸ್ಟಾರ್	ಸ್ವತಃ	ಕಲರ್ಸ್ ಕನ್ನಡ
2017	ಡಾನ್ಸ್ ಡಾನ್ಸ್ ಜೂನಿಯರ್ಸ್	ನಿರೂಪಕಿ	ಸ್ಟಾರ್ ಸುವರ್ಣ
2022	ಜೋಡಿ ನಂ. 1 (ಸೀಸನ್ 1)	ನಿರೂಪಕಿ	ಝೀ ಕನ್ನಡ
2022-2023	ಸೂಪರ್ ಕ್ವೀನ್	ನಿರೂಪಕಿ	ಝೀ ಕನ್ನಡ	ಕುರಿ ಪ್ರತಾಪ್‌ನೊಂದಿಗೆ ನಿರೂಪಣೆ
2023-ಪ್ರಸ್ತುತ	ಛೋಟಾ ಚಾಂಪಿಯನ್	ನಿರೂಪಕಿ	ಝೀ ಕನ್ನಡ	ಕುರಿ ಪ್ರತಾಪ್‌ನೊಂದಿಗೆ ನಿರೂಪಣೆ
2023-ಪ್ರಸ್ತುತ	ಜೋಡಿ ನಂ.1 (ಸೀಸನ್ 2)	ನಿರೂಪಕಿ	ಝೀ ಕನ್ನಡ	ಕುರಿ ಪ್ರತಾಪ್‌ನೊಂದಿಗೆ ನಿರೂಪಣೆ

ಸಿನಿಮಾಗಳು

ವರ್ಷ	ಸಿನಿಮಾ	ಪಾತ್ರ	ಇತರೆ ಟಿಪ್ಪಣಿಗಳು
2005	ವರ್ಷ	ಗಾಯತ್ರಿ	ನಾಯಕನ ತಂಗಿ
2006	ತಂಗಿಗಾಗಿ	ಗೌರಿ	ನಾಯಕನ ತಂಗಿ
2022	ವೇದಾ	ಪಾರಿ	ಮುಖ್ಯ ಪಾತ್ರ