ಶ್ರೀರೂಪಾ ಮಿತ್ರ ಚೌಧರಿ

ಶ್ರೀರೂಪಾ ಮಿತ್ರ ಚೌಧರಿ
ಪಶ್ಚಿಮ ಬಂಗಾಳ ವಿಧಾನಸಭೆಯ ಸದಸ್ಯ
ಹಾಲಿ
ಅಧಿಕಾರ ಸ್ವೀಕಾರ  ೨ ಮೇ ೨೦೨೧
ಮತಕ್ಷೇತ್ರ	ಇಂಗ್ಲಿಷ್ ಬಜಾರ್, ಮಾಲ್ಡ
ಲಿಂಗ ನ್ಯಾಯಕ್ಕಾಗಿ ರಾಷ್ಟ್ರೀಯ ಸಂಸ್ಥೆ, ಅಧ್ಯಕ್ಷರು
ಅಧಿಕಾರ ಅವಧಿ ೨೦೧೪ – ೨೦೧೬
ಅತ್ಯಾಚಾರ, ಕಳ್ಳಸಾಗಣೆ ಮತ್ತು ಮಹಿಳೆಯರ ವಿರುದ್ಧ ಹಿಂಸೆ ವಿಶೇಷ ಕಾರ್ಯಪಡೆ (ಭಾರತ), ಅಧ್ಯಕ್ಷರು
ಅಧಿಕಾರ ಅವಧಿ ಡಿಸೆಂಬರ್ ೨೦೧೨ – ಡಿಸೆಂಬರ್ ೨೦೧೩
ಸುದಿನಲೆಯ ಎನ್‌ಜಿ‌ಒ ಅಧ್ಯಕ್ಷರು
ಅಧಿಕಾರ ಅವಧಿ ೨೦೧೦ – ೨೦೧೩
ರಾಷ್ಟ್ರೀಯ ಸಲಹೆಗಾರ ರಾಷ್ಟ್ರೀಯ ಕಾನೂನು ಸೇವೆಗಳ ಪ್ರಾಧಿಕಾರ ಕಾನೂನು ಮತ್ತು ನ್ಯಾಯ ಸಚಿವಾಲಯ (ಭಾರತ)
ಅಧಿಕಾರ ಅವಧಿ ೨೦೦೮ – ೨೦೧೦
ವೈಯಕ್ತಿಕ ಮಾಹಿತಿ
ಜನನ	೧೯೬೪
ರಾಷ್ಟ್ರೀಯತೆ	ಭಾರತೀಯರು
ರಾಜಕೀಯ ಪಕ್ಷ	ಭಾರತೀಯ ಜನತಾ ಪಕ್ಷ
ಸಂಗಾತಿ(ಗಳು)	ಆರ್. ಕೆ ಮಿತ್ರ
ವಾಸಸ್ಥಾನ	ದಕ್ಷಿಣ ಬಲೂಚಾರ್, ಮಾಲ್ಡಾ, ಪಶ್ಚಿಮ ಬಂಗಾಳ

ಶ್ರೀರೂಪಾ ಮಿತ್ರ ಚೌಧರಿ ಇವರು ನಿರ್ಭಯಾ ದೀದಿ ಎಂದು ಪ್ರಸಿದ್ಧರಾಗಿದ್ದಾರೆ. ಅವರು ಭಾರತೀಯ ರಾಜಕಾರಣಿ ಮತ್ತು ಭಾರತದ ಪಶ್ಚಿಮ ಬಂಗಾಳದಿಂದ ಭಾರತೀಯ ಜನತಾ ಪಕ್ಷದ ಸದಸ್ಯರಾಗಿದ್ದಾರೆ. ಅವರು ಸಾಮಾಜಿಕ ಕಾರ್ಯಕರ್ತೆ, ಮಹಿಳಾ ಹಕ್ಕುಗಳ ಕಾರ್ಯಕರ್ತೆ ಮತ್ತು ಮಾಜಿ ಪತ್ರಕರ್ತೆ.

ವೈಯಕ್ತಿಕ ಜೀವನ

ಶ್ರೀರೂಪಾ ಮಿತ್ರ ಚೌಧರಿ ಪಶ್ಚಿಮ ಬಂಗಾಳದ ಮಾಲ್ಡಾ ಜಿಲ್ಲೆಯ ದಕ್ಷಿಣ ಬಲೂಚಾರ್ ಬಟ್ಲಾದಿಂದ ಬಂದವರು. ಅವರು ಸ್ನಾತಕೋತ್ತರ ಪದವೀಧರರಾಗಿದ್ದಾರೆ ಮತ್ತು ೧೯೮೭ ರಲ್ಲಿ ಉತ್ತರ ಬಂಗಾಳ ವಿಶ್ವವಿದ್ಯಾಲಯದಿಂದ ಕಲೆಯ ಸ್ನಾತಕೋತ್ತರ ಪದವಿ ಪಡೆದರು. ಅವರು ಆರ್. ಕೆ .ಮಿತ್ರ ಅವರನ್ನು ವಿವಾಹವಾಗಿದ್ದಾರೆ.

ವೃತ್ತಿ

೨೦೦೪ ರಲ್ಲಿ ಅವರು ರಾಷ್ಟ್ರೀಯ ಕಾನೂನು ಸಾಕ್ಷರತಾ ಮಿಷನ್ ಪ್ರಾರಂಭದಲ್ಲಿ ಭಾಗವಹಿಸಿದರು. ೨೦೦೮ ರ ಹೊತ್ತಿಗೆ ಅವರು ಕಾನೂನು ಮತ್ತು ನ್ಯಾಯ ಸಚಿವಾಲಯದ ರಾಷ್ಟ್ರೀಯ ಕಾನೂನು ಸೇವೆಗಳ ಪ್ರಾಧಿಕಾರದ ರಾಷ್ಟ್ರೀಯ ಸಲಹೆಗಾರರಾಗಿ ಸೇವೆ ಸಲ್ಲಿಸಿದರು. ೨೦೧೦ ರ ಹೊತ್ತಿಗೆ ಅವರು ಎನ್‌ಜಿ‌ಒ ಸುದಿನಲೆಯ ಅಧ್ಯಕ್ಷರಾಗಿದ್ದರು.

ಕೋಲ್ಕತ್ತಾದಲ್ಲಿ ನಿರ್ಭಯಾ ದೀದಿ ಎಂದು ಕರೆಯಲ್ಪಡುವ ಅವರು ಅತ್ಯಾಚಾರ ಸಂತ್ರಸ್ತರ ಪುನರ್ವಸತಿ ಮತ್ತು ಮಹಿಳೆಯರಿಗೆ ಶೌಚಾಲಯಗಳನ್ನು ಒದಗಿಸುವ ಪ್ರಕ್ರಿಯೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ೨೦೧೨ ರ ದೆಹಲಿ ಸಾಮೂಹಿಕ ಅತ್ಯಾಚಾರದ ನಂತರ ಪ್ರಧಾನಿ ಮನಮೋಹನ್ ಸಿಂಗ್ ಅವರು ಸ್ಥಾಪಿಸಿದ ಅತ್ಯಾಚಾರ, ಕಳ್ಳಸಾಗಣೆ ಮತ್ತು ಮಹಿಳೆಯರ ಮೇಲಿನ ದೌರ್ಜನ್ಯದ ವಿಶೇಷ ಕಾರ್ಯಪಡೆಯ ಅಧ್ಯಕ್ಷರಾಗಿದ್ದರು. ಅವರು ಅಖಿಲ ಭಾರತ ತೃಣಮೂಲ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಮಾಲ್ಡಾ ಕ್ಷೇತ್ರದಿಂದ ಸಂಸತ್ತಿಗೆ ಸ್ಪರ್ಧಿಸಬಹುದೆಂಬ ಊಹಾಪೋಹಗಳ ನಡುವೆ ಅವರು ಡಿಸೆಂಬರ್ ೨೦೧೩ ರಲ್ಲಿ ಈ ಹುದ್ದೆಗೆ ರಾಜೀನಾಮೆ ನೀಡಿದರು.

೨೦೧೪ ರ ಸಾರ್ವತ್ರಿಕ ಚುನಾವಣೆಯಲ್ಲಿ ದಕ್ಷಿಣ ದೆಹಲಿ ಲೋಕಸಭಾ ಕ್ಷೇತ್ರದಲ್ಲಿ ಅಖಿಲ ಭಾರತ ತೃಣಮೂಲ ಕಾಂಗ್ರೆಸ್‌ನ ಅಭ್ಯರ್ಥಿಯಾಗಿ ಚೌಧರಿ ಅವರನ್ನು ಹೆಸರಿಸಲಾಯಿತು. ೨೦೧೯ ರಲ್ಲಿ, ಲೋಕಸಭೆ ಚುನಾವಣೆಯಲ್ಲಿ, ಅವರು ಭಾರತೀಯ ಜನತಾ ಪಕ್ಷದ ಟಿಕೆಟ್‌ನೊಂದಿಗೆ ಮಲ್ದಹಾ ದಕ್ಷಿಣ ಕ್ಷೇತ್ರದಿಂದ ಸ್ಪರ್ಧಿಸಿದ್ದರು. ಆದರೆ ಅಬು ಹಸೇಮ್ ಖಾನ್ ಚೌಧರಿ ವಿರುದ್ಧ ಅಲ್ಪ ಅಂತರದಿಂದ ಸೋತರು.

೨೦೨೧ ರ ಪಶ್ಚಿಮ ಬಂಗಾಳ ವಿಧಾನಸಭೆ ಚುನಾವಣೆಯಲ್ಲಿ, ಚೌಧರಿ ಅವರು ಇಂಗ್ಲಿಷ್ ಬಜಾರ್‌ನಿಂದ ಭಾರತೀಯ ಜನತಾ ಪಕ್ಷದ ಅಭ್ಯರ್ಥಿಯಾಗಿ ಸ್ಪರ್ಧಿಸಿದರು ಮತ್ತು ಟಿಎಂಸಿಯಿಂದ ತಮ್ಮ ಹತ್ತಿರದ ಪ್ರತಿಸ್ಪರ್ಧಿಯನ್ನು ಸೋಲಿಸುವ ಮೂಲಕ ಸ್ಥಾನವನ್ನು ಗೆದ್ದರು.