ಮೂಡುಬಿದಿರೆಯು ದಕ್ಷಿಣ ಕನ್ನಡ ಜಿಲ್ಲೆಯ ಒಂದು ತಾಲೂಕು. ಈ ಪುಟವು ಇಲ್ಲಿನ ಐತಿಹಾಸಿಕ ಸ್ಥಳಗಳ ಮಾಹಿತಿ ಸಂಗ್ರಹಿಸಿ ಅವುಗಳನ್ನು ವಿಕಿಪೀಡಿಯ ಯೋಜನೆಗಳಿಗೆ ಸೇರಿಸುವ ಯೋಜನೆಗೆ ಸಂಬಂಧಿಸಿದೆ.
ಮೂಡುಬಿದಿರೆ ತಾಲೂಕು ೧೦ ಪುರಾತನ ಕೆರೆಗಳು, ೧೮ ಜೈನ ಬಸದಿಗಳು ಹಾಗೂ ೧೮ ದೇವಾಲಯಗಳನ್ನು ಹೊಂದಿರುವ ಸ್ಥಳ. ದಕ್ಷಿಣದ ಜೈನಕಾಶಿಯೆಂದು ಈ ಪ್ರದೇಶವನ್ನು ಗುರುತಿಸುತ್ತಾರೆ. ಇತಿಹಾಸದಲ್ಲಿ ತುಳುನಾಡಿನ ಅರಸರ ಆಳ್ವಿಕೆಯ ಸಮಯದಲ್ಲೂ ಈ ಪ್ರದೇಶದ ಉಲ್ಲೇಖಗಳು ಇವೆ. ಪ್ರೇಕ್ಷಣೀಯ ಸ್ಥಳಗಳಾಗಿರುವ ಇಲ್ಲಿನ ಜೈನ ಬಸದಿಗಳು ಸೇರಿದಂತೆ ಹಲವು ಸ್ಥಳಗಳ ಮಾಹಿತಿಯು ಇ-ಸೋರ್ಸ್ಗಳಲ್ಲಿ ಹೆಚ್ಚಾಗಿ ಲಭ್ಯವಿಲ್ಲ. ವಿಕಿ ಯೋಜನೆಗಳಿಗೆ ಲೇಖನ ಹಾಗೂ ಚಿತ್ರಗಳನ್ನು ಸೇರಿಸಿ ಡಾಕ್ಯುಮೆಂಟೇಶನ್ ಮಾಡುವ ಮೂಲಕ ವಿದ್ಯಾರ್ಥಿ ಸಮುದಾಯಕ್ಕೆ ಈ ಸ್ಥಳಗಳ ಪರಿಚಯ ಹಾಗೂ ವಿಕಿ ಯೋಜನೆಯ ಸಕ್ರಿಯ ಕಾರ್ಯಗಳಿಗೆ ಆಳ್ವಾಸ್ ವಿಕಿಪೀಡಿಯ ಅಸೋಸಿಯೇಷನ್ ವಿದ್ಯಾರ್ಥಿ ತಂಡವು ಕರಾವಳಿ ವಿಕಿಮಿಡಿಯನ್ಸ್ ಮಾರ್ಗದರ್ಶನದೊಂದಿಗೆ ಈ ಯೋಜನೆಯನ್ನು ಕೈಗೆತ್ತಿಕೊಂಡಿದೆ.
