ರಾಮೋಜಿ ಚಿತ್ರ ನಗರಿ(ರಾಮೋಜಿ ಫಿಲ್ಮ್‌ಸಿಟಿ)

ವಿಕಿಪೀಡಿಯ ಇಂದ
Jump to navigation Jump to search
Ramoji Film City
ಪ್ರಕಾರPrivately held company
ಸ್ಥಾಪನೆ1996
ಮುಖ್ಯ ಕಾರ್ಯಾಲಯHayathnagar, Hyderabad, India
Indian NH9 Highway, near Hayathnagar
ಪ್ರಮುಖ ವ್ಯಕ್ತಿ(ಗಳು)Ramoji Rao, Founder, Ramoji Group
ಉದ್ಯಮMotion pictures
ಮಾಲೀಕ(ರು)Ramoji Rao
ಪೋಷಕRamoji Group
ಅಂತರಜಾಲ ತಾಣwww.ramojifilmcity.com
ಸ್ಟುಡಿಯೋದಲ್ಲಿರುವ ಪಾಶ್ಚಿಮಾತ್ಯ ಸೆಟ್

ರಾಮೋಜಿ ಚಿತ್ರ ನಗರಿ (RFC ) ಎಂಬುದು ಪ್ರಪಂಚದ ಅತ್ಯಂತ ದೊಡ್ಡ ಸಂಘಟಿತ ಚಲನಚಿತ್ರ ಸ್ಟುಡಿಯೋ ಸಂಕೀರ್ಣವಾಗಿದ್ದು , ಸುಮಾರು ೨೦೦೦ ಎಕರೆಯಷ್ಟು ಭೂಮಿಯಲ್ಲಿ ನಿರ್ಮಿಸಲಾಗಿದೆ[೧]. ಇದು ಅತ್ಯಂತ ಪ್ರಸಿದ್ಧವಾದ ಪ್ರವಾಸಿ ಮತ್ತು ಮನರಂಜನೆ ಕೇಂದ್ರವಾಗಿದ್ದು, ಮನರಂಜನಾ ಉದ್ಯಾನವನ್ನು ಒಳಗೊಂಡಂತೆ ಸಹಜವಾದ ಮತ್ತು ಕೃತಕವಾದ ಎರಡು ರೀತಿಯ ಆಕರ್ಷಣೆಗಳನ್ನು ಒಳಗೊಂಡಿದೆ. ಇದು ಹೈದ್ರಾಬಾದ್ ನ ಆಗ್ನೇಯ ಭಾಗಕ್ಕೆ ಸುಮಾರು 25 ಕಿಲೋ ಮೀಟರ್‌‌ನಲ್ಲಿ NH9 ಹೆದ್ದಾರಿಯಲ್ಲಿ ಹೈದ್ರಾಬಾದ್-ವಿಜಯವಾಡದ ಹಯಾತ್ ನಗರ ಮತ್ತು ಪೆಡಂಬರ್ ಪೇಟ್‌ ಬಳಿ ನೆಲೆಗೊಂಡಿದೆ.

ಹೊರಗಿನ ರಿಂಗ್ ರಸ್ತೆಯ ಹಂತ 2 ಪ್ರವೇಶದಲ್ಲಿ ಭೂಮಿಯನ್ನು ಆವರಿಸಿಕೊಂಡಿದ್ದು, ನಗರವನ್ನು ವಿಭಾಗಿಸಿದೆ.[೨][೩]

ಇತಿಹಾಸ[ಬದಲಾಯಿಸಿ]

ಚಲನಚಿತ್ರ ನಿರ್ಮಾಪಕ ರಾಮೋಜಿ ರಾವ್, ರಾಮೋಜಿ ಉದ್ಯಮ ಸಮೂಹದ ಮುಖ್ಯಸ್ಥರು. ಈ ಸೌಲಭ್ಯವನ್ನು 1996ರಲ್ಲಿ ಆರಂಭಿಸಿದರು. ರಾಮೋಜಿ ಫಿಲ್ಮ್ ಸಿಟಿಯ ಸೃಷ್ಟಿಯು ಉಷಾ ಕಿರಣ್ ಮೂವೀಸ್ ನ ಮೂಲಕ ರಾಮೋಜಿ ಉದ್ಯಮಸಮೂಹವು ಉಷಾ ಕಿರಣ್ ಮೂವೀಸ್ ಮೂಲಕ ಭಾರತೀಯ ಚಲನಚಿತ್ರದೊಂದಿಗೆ ಹೊಂದಿದ ಸಂಬಂಧದ ಫಲಶ್ರುತಿಯಾಗಿದೆ. ಉಷಾ ಕಿರಣ್ ಮೂವಿಸ್ ಈ ಸಮೂಹದ ಸಮರ್ಪಿತ ಚಲನಚಿತ್ರ ನಿರ್ಮಾಣ ಸಂಸ್ಥೆಯಾಗಿದ್ದು, ಹಿಂದಿ, ಮಲಯಾಳಂ, ತೆಲುಗು, ತಮಿಳು, ಕನ್ನಡ, ಮರಾಠಿ ಮತ್ತು ಬಾಂಗ್ಲಾದಂತಹ ಅನೇಕ ಭಾಷೆಗಳಲ್ಲಿ ಸುಮಾರು 80ಕ್ಕೂ ಹೆಚ್ಚು ಸಿನಿಮಾಗಳನ್ನು ನಿರ್ಮಿಸಿದೆ.[೪]

ಸ್ಟುಡಿಯೋ ಗುಣಲಕ್ಷಣಗಳು[ಬದಲಾಯಿಸಿ]

ರಾಮೋಜಿ ಫಿಲ್ಮ್ ಸಿಟಿ, ಪೂರ್ವ-ನಿರ್ಮಾಣದ, ನಿರ್ಮಾಣದ,ಮತ್ತು ನಂತರದ- ನಿರ್ಮಾಣಕ್ಕೆ ಸಂಪನ್ಮೂಲಗಳನ್ನು ಒದಗಿಸುತ್ತದೆ. ಇದು ಸುಮಾರು 500 ಸೆಟ್‌ ಸ್ಥಳಗಳನ್ನು ಒದಗಿಸುತ್ತದೆ. ಇಲ್ಲಿ ಅನೇಕ ಉದ್ಯಾನಗಳು, ನೈಜ ಸೆಟ್ ಗಳು , ಸುಮಾರು 50 ಸ್ಟುಡಿಯೋ ಮಹಡಿಗಳು, ಡಿಜಿಟಲ್ ಸಿನಿಮಾ ಸೌಲಭ್ಯ, ಬೆಂಬಲ ನೀಡುವ ವ್ಯವಸ್ಥೆ, ಹೊರಾಂಗಣ ಸ್ಥಳಗಳು, ಉನ್ನತ ತಂತ್ರಜ್ಞಾನದ ಪ್ರಯೋಗಶಾಲೆಗಳು ಇತ್ಯಾದಿಗಳಿವೆ. ಫಿಲ್ಮ್ ಸಿಟಿಯ ಮೂಲಸೌಲಭ್ಯವು ಸಾಂಪ್ರದಾಯಿಕವಾಗಿ ವಿನ್ಯಾಸಗೊಳಿಸಲಾದ ಸ್ಥಳಗಳು ಮತ್ತು ಮಾದರಿಗಳು, ಸೆಟ್ ನಿರ್ಮಾಣ, ಆಸ್ತಿಗಳು ಮತ್ತು ಉಡುಪುಗಳು, ಚಿತ್ರೀಕರಿಸುವ ವೇದಿಕೆಗಳು, ಕ್ಯಾಮರಾಗಳು ಮತ್ತು ಸಾಧನ, ನಿರ್ಮಾಣ ನಂತರದ ಧ್ವನಿಮುದ್ರಣ, ನಿರ್ಮಾಣ ನಂತರದ ಡಿಜಿಟಲ್/SFX ಮತ್ತು ಚಲನಚಿತ್ರ ಸಂಸ್ಕರಣೆಯನ್ನು ಒಳಗೊಂಡಿದೆ.

ಈ ಸಂಕೀರ್ಣದಲ್ಲಿ ಇಪ್ಪತ್ತು ಅಂತಾರಾಷ್ಟ್ರೀಯ ಚಲನಚಿತ್ರಗಳನ್ನು ಮತ್ತು ನಲವತ್ತು ಭಾರತೀಯ ಚಲನಚಿತ್ರಗಳನ್ನು ಏಕಕಾಲದಲ್ಲಿ ನಿರ್ಮಿಸಬಹುದಾಗಿದೆ. ಇದು ಕೇವಲ ನಮ್ಮ ದೇಶದ ಚಲನಚಿತ್ರ ನಿರ್ಮಾಪಕರನ್ನಲ್ಲದೇ, ಹಾಲಿವುಡ್ ಅನ್ನು ಒಳಗೊಂಡಂತೆ ವಿಶ್ವಾದ್ಯಂತ ಅನೇಕ ನಿರ್ಮಾಪಕರನ್ನು ಆಕರ್ಷಿಸುತ್ತಿದೆ.

ಪ್ರವಾಸೋದ್ಯಮ[ಬದಲಾಯಿಸಿ]

ಪ್ರವಾಸಿಗರನ್ನು ಸ್ಟುಡಿಯೋ ಸುತ್ತಲು ಕರೆದೊಯ್ಯುತ್ತಿರುವ ವಿಶೇಷ ಮಾರ್ಗದರ್ಶಕ
  • ಪ್ರತಿವರ್ಷ, ಈ ಸ್ಟುಡಿಯೋ ಮಿಲಿಯನ್ ಗಟ್ಟಲೆ ಪ್ರವಾಸಿಗರನ್ನು ಆಕರ್ಷಿಸುತ್ತಿದೆ ಹಾಗು ಸಂಕೀರ್ಣವು ಬಿಲಿಯನ್ ಗಟ್ಟಲೆ ರೂಪಾಯಿಗಳ(INR) ಆದಾಯವನ್ನು ಸೃಷ್ಟಿಸುತ್ತಿದೆ.[೫]
  • ಫಿಲ್ಮ್ ಸಿಟಿಯ ಪ್ರವೇಶದಲ್ಲಿ, ಚಲನಚಿತ್ರ ನಿರ್ಮಾಣದ ಘಟಕಗಳಿಗಾಗಿ ಮತ್ತು ಪ್ರವಾಸಿಗರಿಗಾಗಿ ತಾರ ಎಂಬ 3-ಸ್ಟಾರ್ ಹೋಟೆಲ್ ಮತ್ತು ಸಿತಾರ 5-ಸ್ಟಾರ್ ಹೋಟೆಲ್‌ಗಳನ್ನು ಹೊಂದಿವೆ. ಒಳಗೆ ಹೋದರೆ, ಹವಾ ಮಹಾಲ್ ಇದೆ. ಇದು ಗೋಲ್ಕೊಂಡ ದುರ್ಗದ ಸಂಕೀರ್ಣ ಕಿರುರೂಪವಾಗಿದೆ. ಇದು ಬೆಟ್ಟದ ತುದಿಯಲ್ಲಿದ್ದು, ಇಲ್ಲಿಂದ ಇಡೀ ಸ್ಟುಡಿಯೋದ ಪಕ್ಷಿನೋಟವನ್ನು ಕಾಣಬಹುದು. ಫಿಲ್ಮ್ ಸಿಟಿ ಹನಿಮೂನ್(ಮಧುಚಂದ್ರ) ಪ್ಯಾಕೇಜ್ ಗಳನ್ನು ಮತ್ತು ಸಂಘಟಿತ ಸಂಸ್ಥೆಗಳಿಗಾಗಿ ಮತ್ತು ಸಭೆಗಳಿಗಾಗಿ ಔತಣ ಕೂಟದ ಸಭಾಂಗಣಗಳನ್ನು ಒದಗಿಸುತ್ತದೆ.
  • ಪ್ರವಾಸಿಗರು ಭೇಟಿ ನೀಡಬಹುದಾದ ಕೆಲವೊಂದು ಸ್ಥಳಗಳು ಈ ಕೆಳಕಂಡ ಸ್ಥಳಗಳನ್ನು ಒಳಗೊಂಡಿವೆ: ಜಪಾನೀ ಉದ್ಯಾನವನ, ETV ಯ ಗ್ರಹ (ಬಹು ಉದ್ದೇಶದ ಸಂಕಲನ ಸೂಟ್), ದೊಡ್ಡ ಕೊಳ, ಕೃತಕ ಜಲಪಾತಗಳು, ಸಂಕೀರ್ಣವಾಗಿ ಕೊರೆಯಲಾದ ಗುಹೆಗಳು, ವಿಮಾನ ನಿಲ್ದಾಣ, ಆಸ್ಪತ್ರೆಯ ಸೆಟ್, ರೈಲ್ವೆ ನಿಲ್ದಾಣ , ಚರ್ಚ್ ಗಳು, ಮಸೀದಿಗಳು ಮತ್ತು ದೇವಾಲಯಗಳು , ವ್ಯಾಪಾರದ ಅಂಗಡಿ ಬೀದಿಗಳು, ಅರಮನೆಯ ಒಳಾಂಗಣ, ನಾಡುಬಂಗಲೆ, ಗ್ರಾಮೀಣ ಸಂಕೀರ್ಣಗಳು, ಪಟ್ಟಣದ ನಿವಾಸಗಳು, ಅಂಕುಡೊಂಕಾದ ಹೆದ್ದಾರಿ ಹಾಗು US ಮತ್ತು ಯುರೋಪಿಯನ್ ಸೆಟ್ ಗಳ ಮಾದರಿ. ಅಂಗಡಿಗಳು ಅಂಗಡಿ ಸಾಲು , ದೇಶಿ-ಮಳಿಗೆಗಳನ್ನು ಒಳಗೊಂಡಿರುತ್ತವೆ.
  • ಇಲ್ಲಿ ನಟರ ಉಡುಪುಗಳಿಗೆ ಆದೇಶ ನೀಡಬಹುದು. ಅಲ್ಲದೇ ನಾವು ಇಲ್ಲಿ ಶಾಂಗ್ರಿ ಲಾ ಎಂಬ ನರ್ಸರಿಯನ್ನು ನೋಡಬಹುದು. ಇಲ್ಲಿ ವಿದೇಶದ ಸಸ್ಯಗಳನ್ನು ಮಾರಾಟಮಾಡಲಾಗುತ್ತದೆ. ಈ ಫಿಲ್ಮ್ ಸಿಟಿ 'ರಾಮೋಜಿ ಫಿಲ್ಮ್ ಮ್ಯಾಜಿಕ್' ಅನ್ನು ಕೂಡ ಹೊಂದಿದೆ. ಇದು ಚಲನಚಿತ್ರ ನಿರ್ಮಾಣದಲ್ಲಿ ಒಳಗೊಂಡ ತೆರೆಮರೆಯ ಚಟುವಟಿಕೆಗಳ ಬಗ್ಗೆ ತೋರಿಸುತ್ತದೆ.
  • ಫಿಲ್ಮ್ ಸಿಟಿಯ ಅತ್ಯುತ್ತಮ ಕೋಚ್ ಗಳು ಮಾರ್ಗದರ್ಶಿ ಪ್ರವಾಸದಲ್ಲಿ ಪ್ರವಾಸಿಗರನ್ನು ಸ್ಟುಡಿಯೋ ಸುತ್ತಲೂ ಸುತ್ತಿಸುತ್ತಾರೆ. ಸ್ಟುಡಿಯೋದಲ್ಲಿರುವ ಅನೇಕ ಸೆಟ್ ಗಳಿವೆ. ಇವು ಪ್ರವಾಸಿಗರನ್ನು ಮೌರ್ಯ ಸಾಮ್ರಾಜ್ಯದ ಅಥವಾ ಮೊಗಲ್ ಸಾಮ್ರಾಜ್ಯದ ಅಥವಾ ಅಮೇರಿಕಾದ ಓಲ್ಡ್ ವೆಸ್ಟ್ ಬೀದಿಗಳಿಗೆ ಒಯ್ಯುತ್ತದೆ. ಇಲ್ಲಿ ಪ್ರಸಿದ್ಧವಾದ ಹಾಲಿವುಡ್ ಸಂಕೇತವಿದ್ದು, ಅದನ್ನು ಸ್ಟುಡಿಯೋದ ಬೆಟ್ಟಗಳಲ್ಲಿ ಪ್ರದರ್ಶಿಸಲಾಗಿದೆ.

ಚಿತ್ರ ಸಂಪುಟ[ಬದಲಾಯಿಸಿ]

ಇವನ್ನೂ ಗಮನಿಸಿ[ಬದಲಾಯಿಸಿ]

  • ಫಿಲ್ಮ್ ಸಿಟಿ

ಉಲ್ಲೇಖಗಳು[ಬದಲಾಯಿಸಿ]

  1. thehindubus inessline.com/2005/08/03/stories/2005080301301901.htm "Ramoji Film City sets record" Check |url= value (help). The Hindu. Retrieved 2007-08-03. 
  2. Md A Basith, TNN, Jul 6, 2006, 02.19am IST (2006-07-06). indiatimes.com /articleshow/1709188.cms "Ramoji Film City may lose land to ORR - Hyderabad - City - The Times of India" Check |url= value (help). Timesofindia.indiatimes.com. Retrieved 2010-09-06. 
  3. //www.ramojifilmcity.com/tourist /abtrfc _guinessrecord.html "Guinness World Records certifies Ramoji Film City as the World's largest Film Studio Complex" Check |archiveurl= value (help). Ramoji Film City. Archived from the original on 2008-04-02. Retrieved 2008-04-08. 
  4. "About Ramoji Film City". 
  5. Morrison, Donald (2006-12-31). /2006/12/ 31/travel/ 31journeys.html "On the Back Lot at the Other Bollywood" Check |url= value (help). The New York Times. Retrieved 2010-05-22. 

ಬಾಹ್ಯ ಕೊಂಡಿಗಳು[ಬದಲಾಯಿಸಿ]