ಮೈಕೇಲ್‌ ಡೊಗ್ಲಾಸ್‌‌

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
ಮೈಕೇಲ್‌ ಡೊಗ್ಲಾಸ್‌‌
Michael Douglas Navy3.jpg
ಮೈಕಲ್ ಡಗ್ಲಸ್, ಜೂನ್ 2004
ಹುಟ್ಟು ಹೆಸರು
ಹುಟ್ಟಿದ ದಿನ
ಹುಟ್ಟಿದ ಸ್ಥಳ
ಮೈಕಲ್ ಕರ್ಕ್ ಡಗ್ಲಸ್
(1944-09-25) ಸಪ್ಟೆಂಬರ್ ೨೫, ೧೯೪೪(ವಯಸ್ಸು ೭೦)
ಟೆಂಪ್ಲೇಟು:City-state, U.S.
ವೃತ್ತಿ ನಟ, ನಿರ್ಮಾಪಕ
ವರ್ಷಗಳು ಸಕ್ರಿಯ 1966–ಪ್ರಸ್ತುತ
ಪತಿ/ಪತ್ನಿ ಡೈಯಾಂಡ್ರ ಲ್ಯೂಕರ್ (m. 1977–Expression error: Unrecognized punctuation character "�".)

ಕ್ಯಾಥರೀನ್ ಜೀಟಾ-ಜೋನ್ಸ್ (m. 2000)


ಮೈಕಲ್ ಕರ್ಕ್ ಡಗ್ಲಸ್‌ (ಜನನ 1944ರ ಸೆಪ್ಟೆಂಬರ್‌‌ 25), ಪ್ರಧಾನವಾಗಿ ಚಲನಚಿತ್ರಗಳು ಹಾಗೂ ದೂರದರ್ಶನದಲ್ಲಿ ಸಕ್ರಿಯವಾಗಿರುವ ಅಮೆರಿಕಾದ ಓರ್ವ ನಟ ಹಾಗೂ ನಿರ್ಮಾಪಕ. ಅವನಿಗೆ ಒಂದು ಎಮಿ ಪ್ರಶಸ್ತಿ, ಒಂದು ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿ ಲಭಿಸಿವೆ. ಎರಡು ಅಕಾಡೆಮಿ ಪ್ರಶಸ್ತಿಗಳಿಗೂ ಈತ ಪಾತ್ರನಾಗಿದ್ದು, ಅದರಲ್ಲಿ ಮೊದಲನೆಯದು 1975ರ ಅತ್ಯುತ್ತಮ ಚಲನಚಿತ್ರವಾದ ಒನ್‌ ಫ್ಲ್ಯೂ ಓವರ್‌ ದಿ ಕಕೂಸ್‌ ನೆಸ್ಟ್‌‌‌‌ ನ ನಿರ್ಮಾಪಕನಾಗಿ ಪಡೆದ ಪ್ರಶಸ್ತಿಯಾದರೆ, ಎರಡನೆಯದು ವಾಲ್‌ ಸ್ಟ್ರೀಟ್‌‌ ಚಿತ್ರದಲ್ಲಿನ ತನ್ನ ಪಾತ್ರಕ್ಕಾಗಿ 1987ರಲ್ಲಿ ಪಡೆದ ಅತ್ಯುತ್ತಮ ನಟ ಪ್ರಶಸ್ತಿಯಾಗಿದೆ. 2009ರಲ್ಲಿ AFI ಜೀವಮಾನ ಸಾಧನೆಯ ಪ್ರಶಸ್ತಿಯನ್ನು ಡೊಗ್ಲಾಸ್‌‌ ಸ್ವೀಕರಿಸಿದ.[೧]

ಆರಂಭಿಕ ಜೀವನ[ಬದಲಾಯಿಸಿ]

ಅಮೆರಿಕಾದ ನಟನಾದ ಕಿರ್ಕ್‌ ಡೊಗ್ಲಾಸ್‌‌ ಮತ್ತು ಬರ್ಮುಡಾದ ನಟಿಯಾದ ಡಯಾನಾ ಡಿಲ್‌‌ ದಂಪತಿಗಳ ಮಗನಾಗಿ ನ್ಯೂಜರ್ಸಿಯ ನ್ಯೂ ಬ್ರನ್ಸ್‌‌ವಿಕ್‌ನಲ್ಲಿ ಡೊಗ್ಲಾಸ್‌‌ ಜನಿಸಿದ. ಈತನ ತಂದೆಯ ಕಡೆಯ ತಾತ-ಅಜ್ಜಿಯರಾದ ಹರ್ಷೆಲ್‌ ಡೇನಿಯೆಲೊವಿಚ್ ಹಾಗೂ ಬ್ರೈನಾ ಸ್ಯಾಂಗ್ಲೆಲ್‌, ಬೆಲಾರಸ್‌‌‌ನಲ್ಲಿನ (ಆ ಸಮಯದಲ್ಲಿ ಇದು ರಷ್ಯಾದ ಸಾಮ್ರಾಜ್ಯದ ಒಂದು ಭಾಗವಾಗಿತ್ತು)[೨] ಗೋಮೆಲ್‌‌ನಿಂದ ಬಂದಿದ್ದ ಯೆಹೂದಿ ಮತಕ್ಕೆ ಸೇರಿದ ವಲಸೆಗಾರರಾಗಿದ್ದರು. ಈತನ ತಾಯಿ ಹಾಗೂ ತಾಯಿಯ ಕಡೆಯ ತಾತ-ಅಜ್ಜಿಯರಾದ ಲೆಫ್ಟಿನೆಂಟ್‌ ಕರ್ನಲ್‌ ಥಾಮಸ್‌ ಮೆಲ್‌ವಿಲ್ಲೆ ಡಿಲ್ ಹಾಗೂ ರುಥ್‌ ರಫಾಲ್ಜೆ ನೀಲ್ಸನ್‌ ಇವರುಗಳು ಬರ್ಮುಡಾದ ಡೆವಾನ್‌ಷೈರ್‌‌ ಪಾರಿಷ್‌‌ನ ಸ್ಥಳೀಯರಾಗಿದ್ದರು.[೩] ಈತನ ತಾಯಿಯ ಕಡೆಯ ತಾತನು ಬರ್ಮುಡಾದ ಅಟಾರ್ನಿ ಜನರಲ್‌ ಆಗಿ ಸೇವೆ ಸಲ್ಲಿಸಿದ್ದ ಮತ್ತು ಆತ ಬರ್ಮುಡಾ ನಾಗರಿಕ ಸೇನೆಯ ಫಿರಂಗಿದಳದ ಓರ್ವ ಆಜ್ಞಾಧಿಕಾರಿಯಾಗಿದ್ದ. ಜಿನೆವಾದ ಅಂತರರಾಷ್ಟ್ರೀಯ ಶಾಲೆಯಾದ ಅಲೆನ್‌-ಸ್ಟೀವನ್‌ಸನ್‌ ಸ್ಕೂಲ್‌‌‌ನಲ್ಲಿ ಆರಂಭಿಕ ಶಿಕ್ಷಣವನ್ನು ಪಡೆದ ಡೊಗ್ಲಾಸ್‌‌, 1960ರಲ್ಲಿ ಮ್ಯಾಸಚುಸೆಟ್ಸ್‌‌ನ ಡೀರ್‌‌ಫೀಲ್ಡ್‌‌‌ನಲ್ಲಿರುವ ಈಗಲ್‌ಬ್ರೂಕ್‌ ಸ್ಕೂಲ್‌‌ನಿಂದ ಹಾಗೂ 1963ರಲ್ಲಿ ಕನೆಕ್ಟಿಕಟ್‌‌ನ ವ್ಯಾಲ್ಲಿಂಗ್‌‌‌ಫೋರ್ಡ್‌‌‌ನಲ್ಲಿನ ದಿ ಚೊವಾಟೆ ಸ್ಕೂಲ್‌‌‌ನಿಂದ (ಈಗ ಇದು ಚೊವಾಟೆ ರೋಸ್‌ಮೆರಿ ಹಾಲ್ ಆಗಿದೆ‌) ತನ್ನ ಶಿಕ್ಷಣದ ಶಾಲಾ ಪ್ರಮಾಣಪತ್ರವನ್ನು ಪಡೆದ. 1968ರಲ್ಲಿ ಸಾಂಟಾ ಬಾರ್ಬರಾದ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದಿಂದ ತನ್ನ B.A. ಪದವಿಯನ್ನು ಈತ ಸ್ವೀಕರಿಸಿದ. ಅಲ್ಲಿನ UCSB ಹಳೆಯ ವಿದ್ಯಾರ್ಥಿಗಳ ಸಂಘಕ್ಕೆ ಈತ ಗೌರವಾಧ್ಯಕ್ಷನೂ ಆಗಿದ್ದಾನೆ. ಜೋಯೆಲ್‌ (ಜನನ: 1947) ಎಂಬ ಹೆಸರಿನ ಓರ್ವ ಕಿರಿಯ ಸೋದರ ಹಾಗೂ ಪೀಟರ್‌‌ (ಜನನ: 1955) ಮತ್ತು ಎರಿಕ್‌ (1958–2004) ಎಂಬ ತಂದೆಯ ಕಡೆಯ ಇಬ್ಬರು ಕಿರಿಯ ಮಲ-ಸಹೋದರರನ್ನೂ ಅವನು ಹೊಂದಿದ್ದಾನೆ.

ವೃತ್ತಿ ಜೀವನ[ಬದಲಾಯಿಸಿ]

1972ರಿಂದ 1976ರವರೆಗೆ ಪ್ರಸಾರವಾದ ದಿ ಸ್ಟ್ರೀಟ್ಸ್‌ ಆಫ್‌ ಸ್ಯಾನ್‌ ಫ್ರಾನ್ಸಿಸ್ಕೋ ಎಂಬ TV ಸರಣಿಯಲ್ಲಿಯೂ ಡೊಗ್ಲಾಸ್‌‌ ಸಹ-ನಟನಾಗಿ ಅಭಿನಯಿಸಿದ. ಈ ಅವಧಿಯಲ್ಲಿ ಈತ ಕಾರ್ಲ್‌ ಮಾಲ್ಡನ್‌ ಎಂಬಾತನೊಂದಿಗೆ ಬೆಳ್ಳಿತೆರೆಯ-ಮೇಲೆ ಮತ್ತು ತೆರೆಯ-ಆಚೆಗೂ ಉತ್ತಮ ಹೊಂದಾಣಿಕೆಯನ್ನು ಹೊಂದಿದ್ದ. ಸದರಿ ಸರಣಿಯ ಕಾರ್ಯಕ್ರಮವು ನಡೆಯುತ್ತಿದ್ದ ಅವಧಿಯಲ್ಲಿ ಕಾರ್ಲ್‌ ಮಾಲ್ಡನ್‌ ಈತನ ಎರಡನೇ ತಂದೆಯಾಗಿ ಮಾರ್ಪಟ್ಟ. ಸದರಿ ಕಾರ್ಯಕ್ರಮದಿಂದ ಡೊಗ್ಲಾಸ್‌‌ ಹೊರಬಿದ್ದ ನಂತರ, 2009ರ ಜುಲೈ 1ರಂದು ಮಾಲ್ಡನ್‌ನ ಸಾವು ಸಂಭವಿಸುವವರೆಗೂ ತನ್ನ ಆಪ್ತ ಆ ಸಲಹಾಕಾರನೊಂದಿಗೆ ಈತ ಒಂದು ದೀರ್ಘಾವಧಿಯ ಸಂಬಂಧವನ್ನು ಹೊಂದಿದ್ದ. ಮಾಲ್ಡನ್‌ನ ಸಾವಿಗೆ ಸಾಕಷ್ಟು ಮುಂಚಿತವಾಗಿ, 1996ರಲ್ಲಿ ಮಾಲ್ಡನ್‌ ಹಾಗೂ ಡೊಗ್ಲಾಸ್‌‌ ಪರಸ್ಪರ ಅನಿರೀಕ್ಷಿತವಾಗಿ ಭೇಟಿಯಾದರು- ಪೀಪಲ್'ಸ್‌ ಚಾಯ್ಸ್‌‌ ಪ್ರಶಸ್ತಿಗಳ ಸಮಾರಂಭದಲ್ಲಿ ಅವನಿಗೆ ಮಾಲ್ಡನ್‌ ಗೌರವಾರ್ಪಣೆಯನ್ನು ಮಾಡಿದ. 2004ರಲ್ಲಿ, ಕನೆಕ್ಟಿಕಟ್‌ನ ವಾಟರ್‌‌ಫೋರ್ಡ್‌‌ನಲ್ಲಿ, ಜೀವಮಾನ ಸಾಧನೆಯ ಪ್ರಶಸ್ತಿಗೆ ಸಂಬಂಧಿಸಿದ ಯೂಜೀನ್‌ ಒ'ನೀಲ್‌ ಥಿಯೇಟರ್‌‌ ಸೆಂಟರ್‌‌ನ ಮಾಂಟೆ ಕ್ರಿಸ್ಟೊ ಪ್ರಶಸ್ತಿಯನ್ನು ಮಾಲ್ಡನ್‌ಗೆ ಡೊಗ್ಲಾಸ್‌‌ ಅರ್ಪಿಸಿದ. ಒನ್‌ ಫ್ಲ್ಯೂ ಓವರ್‌ ದಿ ಕಕೂಸ್‌ ನೆಸ್ಟ್‌‌ ಚಿತ್ರದ ನಿರ್ಮಾಪಕನಾಗಿ 1975ರಲ್ಲಿ ಆತ ಒಂದು ಅಕಾಡೆಮಿ ಪ್ರಶಸ್ತಿಯನ್ನು ಸ್ವೀಕರಿಸಿದ. ಸ್ಟ್ರೀಟ್ಸ್‌‌ ಸರಣಿಯಲ್ಲಿ ಡೊಗ್ಲಾಸ್‌‌ ಓರ್ವ ಸಮರ್ಥ ನಟನಾಗಿ ಹೊರಹೊಮ್ಮಿದ್ದನಾದರೂ, ಸದರಿ ಸರಣಿಯ ನಂತರ ಅವನ ವೃತ್ತಿಜೀವನವು ಕೊಂಚ ಜಡವಾಗಿತ್ತು, ಮತ್ತು ಸಾಮಾನ್ಯವಾಗಿ ಅಷ್ಟೇನೂ ಜನಪ್ರಿಯವಲ್ಲದ ಸಾಂದರ್ಭಿಕ ಚಲನಚಿತ್ರಗಳಲ್ಲಿ (ಉದಾಹರಣೆಗೆ, 1979ರಲ್ಲಿ ಬಂದ ರನಿಂಗ್‌‌ ಎಂಬ ಚಿತ್ರ) ಮಾತ್ರವೇ ಈತ ಕಾಣಿಸಿಕೊಂಡ. ದಿ ಚೈನಾ ಸಿಂಡ್ರೋಮ್‌ (1979) ಚಿತ್ರವು ಇದಕ್ಕೊಂದು ಅಪವಾದವಾಗಿತ್ತು. ಈ ನಾಟಕೀಯ ಚಲನಚಿತ್ರವು ಅಣುವಿದ್ಯುತ್‌ ಸ್ಥಾವರವೊಂದರಲ್ಲಿನ ಒಂದು ದುರ್ಘಟನೆಯ ಕುರಿತಾಗಿದ್ದು, ಇವನೊಂದಿಗೆ ಆ ಚಿತ್ರದಲ್ಲಿ ಜೇನ್‌ ಫಾಂಡಾ ನಟಿಸಿದ್ದಳು. ಚಲನಚಿತ್ರವು ಬಿಡುಗಡೆಯಾದ 12 ದಿನಗಳ ನಂತರ ಸಂಭವಿಸಿದ ನಿಜ-ಜೀವನದ ಥ್ರೀ ಮೈಲ್‌ ದ್ವೀಪದ ಅಪಘಾತವನ್ನು ಇದು ಪ್ರತಿಬಿಂಬಿಸಿತು.

1984ರಲ್ಲಿ ರೊಮಾನ್ಸಿಂಗ್‌ ದಿ ಸ್ಟೋನ್‌ ಎಂಬ ಪ್ರಣಯ-ಸಾಹಸ-ಹಾಸ್ಯಪ್ರಧಾನ ಚಿತ್ರದಲ್ಲಿ ಅವನು ಅಭಿನಯಿಸಿದಾಗ ಅವನ ದೆಸೆಯೇ ಬದಲಾಯಿತು. ಒಂದು ವರ್ಷದ ನಂತರ 1985ರಲ್ಲಿ ಈ ಚಲನಚಿತ್ರದ ಉತ್ತರ ಭಾಗವಾದ ದಿ ಜ್ಯೂಯೆಲ್‌ ಆಫ್‌ ದಿ ನೈಲ್‌ ತೆರೆಕಂಡಿತು. 1987ರ ವರ್ಷವು ಡೊಗ್ಲಾಸ್‌‌ಗೆ ಒಂದು ನಿರ್ಣಾಯಕ ವರ್ಷವಾಗಿ ಪರಿಣಮಿಸಿತು. ಏಕೆಂದರೆ, ಆ ವರ್ಷದಲ್ಲಿ ಅವನು ಓರ್ವ ಗಂಭೀರ ನಟನಾಗಿ ಬೃಹತ್‌ ಪ್ರಮಾಣದ ಗಮನವನ್ನು ತನ್ನತ್ತ ಸೆಳೆದುಕೊಂಡ. ಗ್ಲೆನ್‌ ಕ್ಲೋಸ್‌ ಜೊತೆಯಲ್ಲಿ ಫೇಟಲ್‌ ಅಟ್ರಾಕ್ಷನ್‌ ಎಂಬ ರೋಮಾಂಚಕ ಚಿತ್ರದಲ್ಲಿ ಅವನು ಕಾಣಿಸಿಕೊಂಡ ಮತ್ತು ಈ ಚಿತ್ರವು ವಿಶ್ವಾದ್ಯಂತ ಪ್ರಚಂಡ ಯಶಸ್ಸನ್ನು ದಾಖಲಿಸಿತು. ಅದೇ ವರ್ಷದಲ್ಲಿ ವಾಲ್‌ ಸ್ಟ್ರೀಟ್‌‌ ಚಿತ್ರದಲ್ಲಿ ಆತ ಗೋರ್ಡಾನ್‌ ಗೆಕ್ಕೊ ಎಂಬ ಕಪಟ ಉದ್ಯಮಿಯ ಪಾತ್ರದಲ್ಲಿ ಆತ ಕಾಣಿಸಿಕೊಂಡ. ತನ್ನ ಪಾತ್ರ ನಿರ್ವಹಣೆಗಾಗಿ ಅತ್ಯುತ್ತಮ ನಟ ವಿಭಾಗದಲ್ಲಿನ ಅಕಾಡೆಮಿ ಪ್ರಶಸ್ತಿಯೊಂದನ್ನು ಡೊಗ್ಲಾಸ್‌‌ ಸ್ವೀಕರಿಸಿದ. ಮೂಲ ಚಲನಚಿತ್ರದ ನಿರ್ದೇಶಕನಾದ ಆಲಿವರ್‌ ಸ್ಟೋನ್‌‌ನೊಂದಿಗೆ ವಾಲ್‌ ಸ್ಟ್ರೀಟ್‌‌ 2 ಚಿತ್ರದಲ್ಲಿ ಗೆಕ್ಕೊ ಆಗಿ ಡೊಗ್ಲಾಸ್‌‌ ತನ್ನ ಪಾತ್ರವನ್ನು ಪುನರಾವರ್ತಿಸಲಿದ್ದಾನೆ ಎಂದು 2009ರ ಏಪ್ರಿಲ್‌ನಲ್ಲಿ ಪ್ರಕಟಿಸಲಾಯಿತು.[೪]

ದಿ ವಾರ್‌ ಆಫ್‌ ದಿ ರೋಸಸ್‌‌ ಎಂಬ ಚಿತ್ರದಲ್ಲಿ ಗೋರ್ಡಾನ್‌ ಗೆಕ್ಕೊನ ವ್ಯಕ್ತಿತ್ವವನ್ನು ಹೋಲುವಂತಿರುವ ಶ್ರೀಮಾನ್‌ ರೋಸ್ ಎಂಬ ಓರ್ವ ಯಶಸ್ವೀ ವಕೀಲನ ಪಾತ್ರದಲ್ಲಿಯೂ ಡೊಗ್ಲಾಸ್‌‌ ಕಾಣಿಸಿಕೊಂಡ. ಈ ಚಿತ್ರದಲ್ಲಿ ಹಿಂದಿನ ಚಿತ್ರದ ಸಹ-ತಾರೆಯರಾದ ಕ್ಯಾತ್ಲೀನ್‌ ಟರ್ನರ್‌ ಮತ್ತು ಡ್ಯಾನಿ ಡೆವಿಟೊ ಕಾಣಿಸಿಕೊಂಡರು. 1989ರಲ್ಲಿ, ಅಂತರರಾಷ್ಟ್ರೀಯ ಮಟ್ಟದಲ್ಲಿ ಪ್ರಚಂಡ ಯಶಸ್ಸನ್ನು ದಾಖಲಿಸಿದ ಪೊಲೀಸ್‌ ಅಪರಾಧದ ನಾಟಕೀಯ ಚಿತ್ರವಾದ ಬ್ಲ್ಯಾಕ್‌ ರೇನ್‌‌ ನಲ್ಲಿ ಆಂಡಿ ಗಾರ್ಸಿಯಾ ಹಾಗೂ ಕೇಟ್‌ ಕ್ಯಾಪ್‌ಶಾರವರಿಗೆ ಎದುರಾಗಿ ಅವನು ನಟಿಸಿದ. ಈ ಚಿತ್ರವನ್ನು ಚಿತ್ರತಯಾರಕ ರಿಡ್ಲಿ ಸ್ಕಾಟ್‌ (ಏಲಿಯೆನ್‌ , ಗ್ಲಾಡಿಯೇಟರ್‌‌ ) ನಿರ್ದೇಶಿಸಿದ.

1992ರಲ್ಲಿ, ಬೇಸಿಕ್‌ ಇನ್‌ಸ್ಟಿಂಕ್ಟ್‌‌ ಚಲನಚಿತ್ರದಲ್ಲಿ ಶರೋನ್‌ ಸ್ಟೋನ್‌ ಜೊತೆಯಲ್ಲಿ ಡೊಗ್ಲಾಸ್‌‌ ಕಾಣಿಸಿಕೊಳ್ಳುವ ಮೂಲಕ ತನ್ನ ಚಾಲಾಕಿತನದ, ಐಹಿಕಾಸಕ್ತ ಪಾತ್ರಕ್ಕೆ ಆತ ಮರುಹುಟ್ಟು ನೀಡಿದ. ಈ ಚಲನಚಿತ್ರವು ಅದ್ಭುತ ಯಶಸ್ಸನ್ನು ದಾಖಲಿಸಿತು, ಮತ್ತು ಅದು ಒಳಗೊಂಡಿದ್ದ ಉಭಯ ಲಿಂಗರತ ಮತ್ತು ಸಲಿಂಗ ಕಾಮಿನಿ ಪ್ರವೃತ್ತಿಯ ಚಿತ್ರಣಗಳ ಕುರಿತಾಗಿ ವಿವಾದಗಳನ್ನು ಹುಟ್ಟುಹಾಕಿತು. ನಂತರ 1994ರಲ್ಲಿ, ಲೈಂಗಿಕ ಕಿರುಕುಳದಂಥ ಉತ್ಕಟ ವಿಷಯವನ್ನು ಒಳಗೊಂಡಿದ್ದ ಡಿಸ್‌ಕ್ಲೋಷರ್‌‌ ಎಂಬ ಅದ್ಭುತ ಯಶಸ್ಸಿನ ಚಲನಚಿತ್ರದಲ್ಲಿ ಡೊಗ್ಲಾಸ್‌‌ ಮತ್ತು ಡೆಮಿ ಮೂರ್‌ ಕಾಣಿಸಿಕೊಂಡರು. ಆದರೆ ಈ ಚಿತ್ರದಲ್ಲಿ ತನ್ನ ಹೊಸ ಮಹಿಳಾ ಮೇಲಧಿಕಾರಿಯಿಂದ ಕಿರುಕುಳಕ್ಕೆ ಒಳಗಾಗುವ ವ್ಯಕ್ತಿಯೋರ್ವನ ಪಾತ್ರದಲ್ಲಿ ಡೊಗ್ಲಾಸ್‌ ಕಾಣಿಸಿಕೊಂಡಿದ್ದು ಒಂದು ಅನಿರೀಕ್ಷಿತ ತಿರುವಾಗಿತ್ತು. 1998ರಲ್ಲಿ, ಚಲನಚಿತ್ರ ಪ್ರಪಂಚಕ್ಕೆ ನೀಡಿದ ಮಹೋನ್ನತ ಕಲಾತ್ಮಕ ಕೊಡುಗೆಗಾಗಿ ಕಾರ್ಲೋವಿ ವಾರಿ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಡೊಗ್ಲಾಸ್‌‌ ಕ್ರಿಸ್ಟಲ್‌ ಗ್ಲೋಬ್‌ ಪ್ರಶಸ್ತಿಯನ್ನು ಸ್ವೀಕರಿಸಿದ.[೫]

ಚರಿತ್ರ ಪಾತ್ರಗಳಲ್ಲಿ ನಟಿಸುವಲ್ಲಿನ ಡೊಗ್ಲಾಸ್‌‌ನ ಪರಿಣತಿಯು ಅವನನ್ನು ಹಾಲಿವುಡ್‌ನಲ್ಲಿನ ಅತ್ಯಂತ ಬೇಡಿಕೆಯ ನಟರಲ್ಲಿ ಒಬ್ಬನನ್ನಾಗಿಸುವವರೆಗೆ ಮುಂದುವರಿಯಿತು ಹಾಗೂ ತನ್ನ ಪಾತ್ರಗಳಿಗಾಗಿ ಒಂದು ಭಾರೀಮೊತ್ತದ ಹಣವನ್ನು ಕೇಳುವಷ್ಟು ಆತ ಬೆಳೆದ. ಇಟ್‌ ರನ್ಸ್‌ ಇನ್‌ ದಿ ಫ್ಯಾಮಿಲಿ ಚಿತ್ರವು ವ್ಯಾವಹಾರಿಕವಾಗಿ ಸೋತ ನಂತರ, ಮೂರು ವರ್ಷಗಳವರೆಗೆ ಯಾವುದೇ ಚಲನಚಿತ್ರದಲ್ಲಿ ಡೊಗ್ಲಾಸ್‌ ಕಾಣಿಸಿಕೊಳ್ಳಲಿಲ್ಲ. 2006ರಲ್ಲಿ ಆತ ದಿ ಸೆಂಟಿನೆಲ್‌ ಚಿತ್ರದಲ್ಲಿ ನಟಿಸಿದ. ಇಟ್‌ ರನ್ಸ್‌ ಇನ್‌ ದಿ ಫ್ಯಾಮಿಲಿ ಚಿತ್ರದ ಬಿಡುಗಡೆಗೆ ಒಂದು ವರ್ಷ ಮುಂಚಿತವಾಗಿ, ವಿಲ್‌ ಅಂಡ್‌ ಗ್ರೇಸ್‌ ಎಂಬ ಜನಪ್ರಿಯ ದೂರದರ್ಶನ ಸಂದರ್ಭ ಹಾಸ್ಯ ಕಾರ್ಯಕ್ರಮದ "ಫ್ಯಾಗೆಲ್‌ ಅಟ್ರಾಕ್ಷನ್‌" ಎಂಬ ಸಂಚಿಕೆಯಲ್ಲಿ ಅತಿಥಿ-ಪಾತ್ರದಲ್ಲಿ ಅವನು ಕಾಣಿಸಿಕೊಂಡ. ವಿಲ್‌ ಟ್ರೂಮನ್‌ ಕಡೆಗೆ (ಎರಿಕ್‌ ಮೆಕ್‌ಕಾರ್ಮ್ಯಾಕ್‌) ಆಕರ್ಷಿತನಾಗಿರುವ ಓರ್ವ ಸಲಿಂಗಕಾಮಿ ಆರಕ್ಷಕನ ಪಾತ್ರ ಇದಾಗಿತ್ತು. ಅದರಲ್ಲಿನ ಅವನ ಅಭಿನಯವು ಡೊಗ್ಲಾಸ್‌‌ಗೆ ಹಾಸ್ಯ ಕಾರ್ಯಕ್ರಮವೊಂದರಲ್ಲಿನ ಮಹೋನ್ನತ ಅತಿಥಿ ನಟನಿಗಾಗಿರುವ ಎಮಿ ಪ್ರಶಸ್ತಿಯ ನಾಮಕರಣವೊಂದನ್ನು ಗಳಿಸಿಕೊಟ್ಟಿತು. ಫೇಟಲ್‌ ಅಟ್ರಾಕ್ಷನ್‌ ಚಿತ್ರದಲ್ಲಿ ಅವನೊಂದಿಗೆ ನಟಿಸಿದ್ದ ಗ್ಲೆನ್‌ ಕ್ಲೋಸ್‌, ಸರಣಿಯ ನಂತರದ ಸಂಚಿಕೆಯಲ್ಲಿ ಕಾಣಿಸಿಕೊಂಡಳು ಮತ್ತು ತನ್ನ ಪಾತ್ರನಿರ್ವಹಣೆಗಾಗಿ ಎಮಿ ನಾಮಕರಣಕ್ಕೆ ಪಾತ್ರಳಾದಳು.

ಬೇಸಿಕ್‌ ಇನ್‌ಸ್ಟಿಂಕ್ಟ್‌‌ 2 ಚಿತ್ರದಲ್ಲಿ ನಟಿಸುವುದರ ಕುರಿತು ಡೊಗ್ಲಾಸ್‌‌ನನ್ನು ಕೇಳಿದಾಗ, ಅವನು ಹೇಳಿದ್ದು ಹೀಗೆ: "ಹೌದು, ಈ ಚಿತ್ರದಲ್ಲಿ ನಾನು ನಟಿಸಬೇಕೆಂದು ಈಗಷ್ಟೇ ಅವರು ನನ್ನಲ್ಲಿ ಕೇಳಿಕೊಂಡಿದ್ದಾರೆ, ಇದನ್ನು ಅತ್ಯಂತ ಪರಿಣಾಮಕಾರಿಯಾಗಿ ನಾವು ಮಾಡಿದ್ದೆವು ಎಂದು ನನಗನ್ನಿಸಿತ್ತು; (ಪಾಲ್‌) ವೆರ್ಹೋಈವನ್‌ ಓರ್ವ ಸಾಕಷ್ಟು ಒಳ್ಳೆಯ ನಿರ್ದೇಶಕನಾಗಿದ್ದಾನೆ. ಉತ್ತರ ಭಾಗವನ್ನು ನಾನಿನ್ನೂ ನೋಡಿಲ್ಲ. ನನ್ನ ವೃತ್ತಿಜೀವನದಲ್ಲಿ ನಾನು ಒಂದೇ ಒಂದು ಉತ್ತರಭಾಗವನ್ನು ಮಾಡಿರುವೆ. ಅದೇ ರೊಮಾನ್ಸಿಂಗ್‌ ದಿ ಸ್ಟೋನ್‌ ಗೆ ಸಂಬಂಧಿಸಿದ ದಿ ಜ್ಯೂಯೆಲ್‌ ಆಫ್‌ ದಿ ನೈಲ್‌ . ನಿಮಗೆ ಗೊತ್ತಾ? ಇದರ ಜೊತೆಗೆ, ಅಲ್ಲಿ ವಯಸ್ಸಿಗೆ ಸಂಬಂಧಿಸಿದ ವಿಷಯಗಳೂ ಇದ್ದವು. ಶರೋನ್‌ ಈಗಲೂ ಅದ್ಭುತವಾಗಿ ಕಾಣಿಸುತ್ತಾಳೆ. ಚಿತ್ರಕಥೆಯೂ ಸಾಕಷ್ಟು ಉತ್ತಮವಾಗಿತ್ತು. ಅವಳು ತನ್ನ 40ರ ದಶಕದ ಅಂತ್ಯದಲ್ಲಿರುವುದು ಒಳ್ಳೆಯದಾಯಿತು ಮತ್ತು ಸನಿಹದಲ್ಲೆಲ್ಲೂ ಈ ಬಗೆಯ ಅನೇಕ ಪಾತ್ರಗಳಿಲ್ಲ. ಮೊದಲನೆಯದು ಪ್ರಾಯಶಃ ಅವಳ ವೃತ್ತಿಜೀವನದ ಅತ್ಯುತ್ತಮ ಚಲನಚಿತ್ರವಾಗಿತ್ತು. ನಿಸ್ಸಂಶಯವಾಗಿ ಇದು ಅವಳ ವೃತ್ತಿಜೀವನವನ್ನು ರೂಪಿಸಿತು ಮತ್ತು ಅದರಲ್ಲಿ ಅವಳು ಮಹೋನ್ನತವಾಗಿ ಕಾಣಿಸಿಕೊಂಡಿದ್ದಳು".[೬]

ಸದ್ಯದಲ್ಲಿಯೇ ಡೊಗ್ಲಾಸ್‌‌ ಟ್ರಾಜಿಕ್‌ ಇನ್‌ಡಿಫರೆನ್ಸ್‌ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾನೆ. ವೆರೈಟಿ ಪತ್ರಿಕೆಯ ಅನುಸಾರ, ಇದೊಂದು ನ್ಯಾಯಾಲಯ ವಲಯದ ರೋಮಾಂಚಕ ಚಿತ್ರವಾಗಿದ್ದು, ಫೋರ್ಡ್‌ ಕಂಪನಿಯ ವಿರುದ್ಧವಾಗಿರುವ ಒಂದು ಎಲ್ಲೆಗುರುತಿನ ಹೊಣೆಗಾರಿಕೆಯ ಪ್ರಕರಣವನ್ನು ಇದು ಆಧರಿಸಿದೆ. ಅಪಘಾತವೊಂದರ ನಂತರ ನಿತ್ರಾಣಗೊಂಡಿದ್ದ ಮತ್ತು ಹೆಚ್ಚೂಕಮ್ಮಿ ಸಾಯುವ ಸ್ಥಿತಿಗೆ ಬಂದಿದ್ದ ಟೆಕ್ಸಾಸ್‌ನ ಏಕಾಂಗಿ ತಾಯಿಯೊಬ್ಬಳ ಪರವಾಗಿ ಫೋರ್ಡ್‌ ಕಂಪನಿಯನ್ನು ನ್ಯಾಯಾಲಯಕ್ಕೆಳೆಯುವ ನ್ಯಾಯವಾದಿಯ ಪಾತ್ರವನ್ನು ಡೊಗ್ಲಾಸ್‌ ವಹಿಸಲಿದ್ದಾನೆ. ತನ್ನ SUVಗಳಲ್ಲಿನ (ಕ್ರೀಡಾಬಳಕೆಯ ವಾಹನಗಳಲ್ಲಿನ) ಲೋಪದೋಷಗಳ ಕಡೆಗೆ ವಾಹನ ತಯಾರಕ ಕಂಪನಿಯು ತೋರಿಸಿರುವ ಉದಾಸೀನತೆಯನ್ನು ನ್ಯಾಯಾಲಯದ ವಿಚಾರಣೆಯು ಬಹಿರಂಗಪಡಿಸುತ್ತದೆ. ಈ ಚಲನಚಿತ್ರವು 2003ರಲ್ಲಿ ಬಂದ ಆಡಂ ಪೆನೆನ್‌ಬರ್ಗ್‌‌ನ ಇದೇ ಹೆಸರಿನ ಕಾದಂಬರಿಯನ್ನು ಆಧರಿಸಲಿದೆ. ನ್ಯಾಯವಾದಿ ಟ್ಯಾಬ್‌ ಟರ್ನರ್ ಪಾತ್ರದಲ್ಲಿ ಡೊಗ್ಲಾಸ್‌‌ ಕಾಣಿಸಿಕೊಳ್ಳಲಿದ್ದಾನೆ. ಅವನು ಪ್ರತಿನಿಧಿಸುತ್ತಿದ್ದ ಡೋನಾ ಬೇಲಿ ಎಂಬಾಕೆಯು ಸವಾರಿ ಮಾಡುತ್ತಿದ್ದ ಫೋರ್ಡ್‌ ಎಕ್ಸ್‌ಪ್ಲೋರರ್‌‌ ಕಾರು ಅಗ್ನಿರೋಧಕ ಶಿಲೆಯ ಟೈರಿನ ಒಂದು ವೈಫಲ್ಯದ ನಂತರ ತಲೆಕೆಳಗಾಗಿದ್ದುದು ಈ ಪ್ರಕರಣದ ಹಿಂದಿನ ಘಟನೆಯಾಗಿರುತ್ತದೆ.[೭]

NBC ನೈಟ್ಲಿ ನ್ಯೂಸ್‌‌ನ ಹಿಂದಿನ ಉದ್ಘೋಷಕನಾಗಿದ್ದ ಹೋವರ್ಡ್‌ ರೀಗ್‌ ಎಂಬಾತ ನಿವೃತ್ತಿಯಾದ ಒಂದೆರಡು ವರ್ಷಗಳ ನಂತರ, ಅದರಲ್ಲಿ ಡೊಗ್ಲಾಸ್‌‌ ಓರ್ವ ಹೊಸ ಉದ್ಘೋಷಕನಾಗಿ ಕಾರ್ಯನಿರ್ವಹಿಸಲಿದ್ದಾನೆ ಎಂದು 2007ರ ಡಿಸೆಂಬರ್‌ 17ರಂದು ಪ್ರಕಟಿಸಲಾಯಿತು.[೮]

ವೈಯಕ್ತಿಕ ಜೀವನ[ಬದಲಾಯಿಸಿ]

2004ರ ಜೂನ್‌ 19ರಂದು, ತನ್ನ ಭೇಟಿಯ ನಂತರ, ಸಿಸಿಲಿಯ, ಸಿಗೊನೆಲ್ಲಾದಲ್ಲಿನ ನೌಕಾದಳದ ವಾಯುನೆಲೆಯಲ್ಲಿನ ಒಂದು P-3C ಒರಿಯನ್‌ನ್ನು ಮೈಕೇಲ್‌ ಡೊಗ್ಲಾಸ್‌‌ ಏರಿರುವುದು

1977ರ ಮಾರ್ಚ್‌ 20ರಂದು ಡಿಯಾಂಡ್ರಾ ಲ್ಯೂಕರ್‌ಳನ್ನು ಡೊಗ್ಲಾಸ್‌ ಮದುವೆಯಾದ. ಅವರಿಗೆ ಕ್ಯಾಮೆರಾನ್‌ (ಜನನ: 1978ರ ಡಿಸೆಂಬರ್‌ 13ರಂದು) ಎಂಬ ಒಬ್ಬ ಮಗನಿದ್ದ. 1980ರಲ್ಲಿ, ಹಿಮದಲ್ಲಿನ ಜಾರಾಟ‌ದ (ಸ್ಕೀಯಿಂಗ್) ಒಂದು ಗಂಭೀರಸ್ವರೂಪದ ಅಪಘಾತಕ್ಕೆ ಡೊಗ್ಲಾಸ್‌‌ ಈಡಾದ. ಇದು ತನ್ನ ನಟನಾ ವೃತ್ತಿಜೀವನದಿಂದ ಅವನು ಮೂರು ವರ್ಷಗಳವರೆಗಿನ ತಾತ್ಕಾಲಿಕ ನಿವೃತ್ತಿ ತೆಗೆದುಕೊಳ್ಳುವಂತೆ ಮಾಡಿತು. 1992ರ ಸೆಪ್ಟೆಂಬರ್‌‌ನಲ್ಲಿ, ಸಿಯೆರಾ ಟಕ್ಸನ್‌ ಸೆಂಟರ್‌ನಲ್ಲಿ ಮದ್ಯವ್ಯಸನಕ್ಕೆ ಸಂಬಂಧಿಸಿದಂತೆ ಅವನು ಚಿಕಿತ್ಸೆಗೊಳಗಾದ. 2000ರಲ್ಲಿ, 23 ವರ್ಷಗಳ ವೈವಾಹಿಕ ಜೀವನದ ನಂತರ, ಡೊಗ್ಲಾಸ್‌‌ಗೆ ಡಿಯಾಂಡ್ರಾ ವಿಚ್ಛೇದನ ನೀಡಿದಳು.

2000ನೇ ಇಸವಿಯ ನವೆಂಬರ್‌ 18ರಂದು ಕ್ಯಾಥರೀನ್‌ ಝೀಟಾ-ಜೋನ್ಸ್‌‌ ಎಂಬ ವೆಲ್ಷ್‌‌ ನಟಿಯನ್ನು ಡೊಗ್ಲಾಸ್‌‌ ಮದುವೆಯಾದ; ಅವರಿಬ್ಬರೂ ಸೆಪ್ಟೆಂಬರ್‌‌ 25ರಂದು ಹುಟ್ಟಿದ್ದರಾದರೂ, 25 ವರ್ಷಗಳವರೆಗೆ ಪ್ರತ್ಯೇಕವಾಗಿ ಇದ್ದರು. ಝೀಟಾ-ಜೋನ್ಸ್‌ ಹೇಳುವ ಪ್ರಕಾರ, ಡಿಯೂವಿಲ್ಲೆಯಲ್ಲಿ ಅವರಿಬ್ಬರೂ ಭೇಟಿಯಾದಾಗ, "ನಿನ್ನ ಮಕ್ಕಳಿಗೆ ತಂದೆಯಾಗಲು (ಅಥವಾ ಅವರನ್ನು ತಂದೆಯ ವಾತ್ಸಲ್ಯದಿಂದ ಪಾಲನೆ ಮಾಡಲು) ನನಗಾಸೆ" ಎಂದು ಡೊಗ್ಲಾಸ್‌‌ ಹೇಳುತ್ತಿದ್ದನಂತೆ.[೯] ಅವರಿಗೆ ಇಬ್ಬರು ಮಕ್ಕಳಿದ್ದಾರೆ. ಅವರೆಂದರೆ: ಡೈಲಾನ್‌ ಮೈಕೇಲ್‌ (ಜನನ: 2000ರ ಆಗಸ್ಟ್‌ 8ರಂದು) ಮತ್ತು ಕ್ಯಾರಿಸ್‌ ಝೀಟಾ (ಜನನ: 2003ರ ಏಪ್ರಿಲ್‌ 20ರಂದು).[೧೦]

2003ರ ಡಿಸೆಂಬರ್‌ 11ರಂದು ನಾರ್ವೆಓಸ್ಲೋನಲ್ಲಿ ವಾರ್ಷಿಕ ನೊಬೆಲ್‌ ಶಾಂತಿ ಪ್ರಶಸ್ತಿ ಕಾರ್ಯಕ್ರಮವನ್ನು ಡೊಗ್ಲಾಸ್‌‌ ಹಾಗೂ ಝೀಟಾ-ಜೋನ್ಸ್‌ ನಿರೂಪಿಸಿದರು. ಶಿರೀನ್‌ ಎಬಾದಿಗೆ ನೀಡಲಾದ ಪ್ರಶಸ್ತಿಯ ಸಂಭ್ರಮಾಚರಣೆಗೆ ಹಮ್ಮಿಕೊಳ್ಳಲಾಗಿದ್ದ ಕಾರ್ಯಕ್ರಮದಲ್ಲಿನ ಆಚರಣೆಯ ಸಹ-ನಿರ್ವಾಹಕರಾಗಿಯೂ ಅವರು ಪಾತ್ರವಹಿಸಿದರು. 2006ರಲ್ಲಿ, ಅವನಿಗೆ ಸೇಂಟ್‌ ಆಂಡ್ರ್ಯೂಸ್‌ ವಿಶ್ವವಿದ್ಯಾಲಯದಿಂದ ಒಂದು ಗೌರವಾರ್ಥ ಡಾಕ್ಟರ್‌ ಆಫ್‌ ಲೆಟರ್ಸ್‌ (D.Litt.) ಪ್ರಶಸ್ತಿಯನ್ನು ನೀಡಲಾಯಿತು. ಡೊಗ್ಲಾಸ್‌‌ ಮತ್ತು ಅವನ ಕುಟುಂಬವು ವಿವಿಧ ನೆಲೆಗಳಲ್ಲಿದ್ದ ತಮ್ಮ ಮನೆಗಳಲ್ಲಿ ತಮ್ಮ ಸಮಯವನ್ನು ಕಳೆಯುತ್ತಿದ್ದುದು ವಿಶೇಷವಾಗಿತ್ತು. ಕ್ಯಾಲಿಫೋರ್ನಿಯಾದ ಪೆಸಿಫಿಕ್‌ ಪ್ಯಾಲಿಸೇಡ್ಸ್‌; ನ್ಯೂಯಾರ್ಕ್‌ ನಗರ; ಕೊಲೊರೆಡೋನ ಆಸ್ಪೆನ್‌; ಬರ್ಮುಡಾ; ಮೆಜೊರ್ಕಾ, ಸ್ಪೇನ್‌; ಸ್ವಾನ್ಸಿಯಾ, ವೇಲ್ಸ್‌‌, ನ್ಯೂಜರ್ಸಿಯ ರಿಡ್ಜ್‌ವುಡ್‌, ಮತ್ತು ಕ್ಯುಬೆಕ್‌ನ ಲಾ ಕಾನ್ಸೆಪ್ಷನ್‌ ಇವೇ ಮೊದಲಾದ ತಾಣಗಳಲ್ಲಿ ಅವರ ಮನೆಗಳಿದ್ದವು.

ಡೊಗ್ಲಾಸ್‌‌, ಪರಮಾಣು ನಿಶ್ಯಸ್ತ್ರೀಕರಣದ ಓರ್ವ ಸಮರ್ಥಕನಾಗಿದ್ದಾನೆ, ನ್ಯೂಕ್ಲಿಯರ್‌ ಏಜ್‌ ಪೀಸ್‌ ಫೌಂಡೇಷನ್‌ನ ಓರ್ವ ಬೆಂಬಲಿಗನಾಗಿದ್ದಾನೆ ಮತ್ತು ಪ್ಲೌಷೇರ್ಸ್‌‌ ಫಂಡ್‌‌ನ ನಿರ್ದೇಶಕರ ಮಂಡಳಿಯಲ್ಲಿ ಸ್ಥಾನವನ್ನು ಗಳಿಸಿದ್ದಾನೆ. 1998ರಲ್ಲಿ ಅವನನ್ನು ಶಾಂತಿಗೆ ಸಂಬಂಧಿಸಿದ UN ದೂತನನ್ನಾಗಿ ಪ್ರಧಾನ-ಕಾರ್ಯದರ್ಶಿ ಕೋಫಿ ಅನ್ನಾನ್‌‌ ನೇಮಿಸಿದ.[೧೧] ಅವನೊಬ್ಬ ಗಮನಾರ್ಹನಾದ ಪ್ರಜಾಪ್ರಭುತ್ವವಾದಿ‌ಯಾಗಿದ್ದಾನೆ ಮತ್ತು ಬರಾಕ್‌ ಒಬಾಮಾ, ಕ್ರಿಸ್ಟೋಫರ್‌ ಡೋಡ್‌, ಮತ್ತು ಆಲ್‌ ಫ್ರಾಂಕೆನ್‌‌‌ರಿಗೆ ದೇಣಿಗೆಯನ್ನು ನೀಡಿದ್ದಾನೆ.[೧೨]

1997ರಲ್ಲಿ, ನ್ಯೂಯಾರ್ಕ್‌ ಗಾಲ್ಫ್‌ ಆಟಗಾರನ ಪರಿಚರನಾದ ಜೇಮ್ಸ್‌ ಪಾರ್ಕರ್‌‌ ಎಂಬಾತ ಡೊಗ್ಲಾಸ್‌‌ ವಿರುದ್ಧ ಮೊಕದ್ದಮೆ ಹೂಡಿ, 25 ದಶಲಕ್ಷ USD$ನಷ್ಟು ಮೊತ್ತವನ್ನು ಅವನಿಂದ ಪರಿಹಾರದ ಮೊತ್ತವಾಗಿ ಕೇಳಿದ.[೧೩] ತನ್ನ ತೊಡೆಸಂದಿಗೆ ಒಂದು ಗುರಿತಪ್ಪಿದ ಗಾಲ್ಫ್‌ ಚೆಂಡಿನಿಂದ ಡೊಗ್ಲಾಸ್‌‌ ಹೊಡೆದ ಪರಿಣಾಮವಾಗಿ ತನ್ನೊಂದು ವೃಷಣವನ್ನು ಹಾಗೂ ತನ್ನ ಕೆಲಸವನ್ನು ಕಳೆದುಕೊಳ್ಳಬೇಕಾಗಿ ಬಂತು ಎಂದು ಆಪಾದಿಸುವ ಮೂಲಕ ಪಾರ್ಕರ್‌ ಈ ದಾವೆಯನ್ನು ಹೂಡಿದ್ದ. ಈ ಪ್ರಕರಣವನ್ನು ನಂತರದಲ್ಲಿ ನ್ಯಾಯಾಲಯದ ಹೊರಗೆ ಇತ್ಯರ್ಥ ಮಾಡಿಕೊಳ್ಳಲಾಯಿತು.

ಲೋಕೋಪಕಾರಿ ಉಪಕ್ರಮಗಳು[ಬದಲಾಯಿಸಿ]

2009ರಲ್ಲಿ ಎಲ್ಲಾ ಯುದ್ಧಗಳನ್ನು ವಿರೋಧಿಸುವ ಮತ್ತು ಒಂದು ಜಾಗತಿಕ ಶಾಂತಿಗಾಗಿ ಮೀಸಲಾದ ಚಲನಚಿತ್ರವಾದ "ಸೋಲ್ಜರ್ಸ್‌ ಆಫ್‌ ಪೀಸ್‌" ಎಂಬ ಯೋಜನೆಗೆ ಅವನು ಸೇರಿಕೊಂಡ.[೧೪][೧೫]

ಚಲನಚಿತ್ರಗಳ ಪಟ್ಟಿ[ಬದಲಾಯಿಸಿ]

ವರ್ಷ ಚಲನಚಿತ್ರ ಪಾತ್ರ ಟಿಪ್ಪಣಿಗಳು
1966 ಕ್ಯಾಸ್ಟ್‌ ಎ ಜಯಂಟ್‌ ಷಾಡೋ ಜೀಪಿನ ಚಾಲಕ
1969 ಹೇಲ್‌, ಹೀರೋ! ಕಾರ್ಲ್‌ ಡಿಕ್ಸನ್‌
1970 ಆಡಮ್‌ ಅಟ್‌ ಸಿಕ್ಸ್‌ A.M. ಆಡಮ್‌ ಗೇನ್ಸ್‌
1971 ಸಮ್ಮರ್‌ಟ್ರೀ ಜೆರ್ರಿ
1972 ನೆಪೋಲಿಯನ್‌ ಅಂಡ್‌ ಸಮಂತಾ ಡ್ಯಾನಿ
1975 ಒನ್‌ ಫ್ಲ್ಯೂ ಓವರ್‌ ದಿ ಕಕೂಸ್‌ ನೆಸ್ಟ್‌‌ ನಿರ್ಮಾಪಕ
ಅತ್ಯುತ್ತಮ ಚಲನಚಿತ್ರಕ್ಕಾಗಿರುವ ಅಕಾಡೆಮಿ ಪ್ರಶಸ್ತಿ
ಅತ್ಯುತ್ತಮ ಚಲನಚಿತ್ರಕ್ಕಾಗಿರುವ BAFTA ಪ್ರಶಸ್ತಿ‌
ಅತ್ಯುತ್ತಮ ಚಲನಚಿತ್ರ – ನಾಟಕ ವಿಭಾಗಕ್ಕಾಗಿರುವ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ‌
1978 ಕೋಮಾ ಡಾ. ಮಾರ್ಕ್‌ ಬೆಲ್ಲೋಸ್‌
1979 ರನಿಂಗ್‌‌ ಮೈಕೇಲ್‌ ಆಂಡ್ರೋಪೊಲಿಸ್‌ ಓರ್ವ ವಿದೇಶೀ ನಟನ ಅತ್ಯುತ್ತಮ ಪಾತ್ರ ನಿರ್ವಹಣೆಗಾಗಿರುವ ಜಿನೀ ಪ್ರಶಸ್ತಿಗೆ ನಾಮನಿರ್ದೇಶಿತ.
ದಿ ಚೈನಾ ಸಿಂಡ್ರೋಮ್‌ ರಿಚರ್ಡ್‌ ಆಡಮ್ಸ್‌ (ನಟ/ನಿರ್ಮಾಪಕ)
1980 ಇಟ್ಸ್‌ ಮೈ ಟರ್ನ್‌ ಬೆನ್‌ ಲ್ಯೂವಿನ್‌
1983 ದಿ ಸ್ಟಾರ್‌ ಚೇಂಬರ್‌‌ ಸರ್ವೋಚ್ಛ ನ್ಯಾಯಾಲಯದ ನ್ಯಾಯಮೂರ್ತಿ ಸ್ಟೀವನ್‌ R.ಹಾರ್ಡಿನ್‌
1984 ರೊಮಾನ್ಸಿಂಗ್‌ ದಿ ಸ್ಟೋನ್‌ ಜ್ಯಾಕ್‌ ಕೋಲ್ಟನ್‌ (ನಟ/ನಿರ್ಮಾಪಕ)
1985 ಎ ಕೋರಸ್‌ ಲೈನ್‌ ಝ್ಯಾಕ್‌
ದಿ ಜ್ಯೂಯೆಲ್‌ ಆಫ್‌ ದಿ ನೈಲ್‌ ಜ್ಯಾಕ್‌ ಕೋಲ್ಟನ್‌ (ನಟ/ನಿರ್ಮಾಪಕ)
1987 ವಾಲ್‌ ಸ್ಟ್ರೀಟ್‌‌ ಗೋರ್ಡಾನ್‌ ಗೆಕ್ಕೊ ಪ್ರಮುಖ ಪಾತ್ರದಲ್ಲಿ ನಟಿಸಿದ ಅತ್ಯುತ್ತಮ ನಟನಿಗಾಗಿರುವ BAFTA ಪ್ರಶಸ್ತಿ‌
ಚಲನಚಿತ್ರ ನಾಟಕ ವಿಭಾಗದಲ್ಲಿನ ಅತ್ಯುತ್ತಮ ನಟನಿಗಾಗಿರುವ ಗೋಲ್ಡನ್ ಗ್ಲೋಬ್‌‌ ಪ್ರಶಸ್ತಿ‌
ಅತ್ಯುತ್ತಮ ನಟನಿಗಾಗಿರುವ ಕಾನ್ಸಾಸ್ ನಗರ ಚಲನಚಿತ್ರ ವಿಮರ್ಶಕರ ವಲಯದ ಪ್ರಶಸ್ತಿ
ಅತ್ಯುತ್ತಮ ನಟನಿಗಾಗಿರುವ ರಾಷ್ಟ್ರೀಯ ಪರಿಶೀಲನಾ ಮಂಡಳಿಯ ಪ್ರಶಸ್ತಿ
ಫೇಟಲ್‌ ಅಟ್ರಾಕ್ಷನ್‌ ಡ್ಯಾನ್‌ ಗಲ್ಲಾಘರ್‌ ಪ್ರಧಾನ ಪಾತ್ರದಲ್ಲಿನ ಅತ್ಯುತ್ತಮ ನಟನಿಗಾಗಿರುವ BAFTA ಪ್ರಶಸ್ತಿಗೆ ನಾಮನಿರ್ದೇಶಿತ
1989 ದಿ ವಾರ್‌ ಆಫ್‌ ದಿ ರೋಸಸ್‌‌ ಆಲಿವರ್‌ ರೋಸ್‌ ಗಾಯನ ಪ್ರಧಾನ ಚಲನಚಿತ್ರ ಅಥವಾ ಹಾಸ್ಯಪ್ರಧಾನ ಚಲನಚಿತ್ರ ವಿಭಾಗದಲ್ಲಿನ ಅತ್ಯುತ್ತಮ ನಟನಿಗಾಗಿರುವ ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿಗೆ ನಾಮನಿರ್ದೇಶಿತ
ಬ್ಲ್ಯಾಕ್‌ ರೇನ್‌ ಡಿಟೆಕ್ಟಿವ್‌ ಸಾರ್ಜೆಂಟ್‌ ನಿಕ್‌ ಕಾಂಕ್ಲಿನ್‌
1992 ಬೇಸಿಕ್‌ ಇನ್‌ಸ್ಟಿಂಕ್ಟ್‌‌ ನಿಕ್‌ ಕರ್ರಾನ್‌
ಷೈನಿಂಗ್‌ ಥ್ರೂ ಎಡ್‌ ಲೆಲ್ಯಾಂಡ್‌
Oliver Stone: Inside Out ಸ್ವತಃ ಅವನೇ (ಸಾಕ್ಷ್ಯಚಿತ್ರ)
1993 ಫಾಲಿಂಗ್‌ ಡೌನ್‌ ವಿಲಿಯಂ "D-ಫೆನ್ಸ್‌" ಫಾಸ್ಟರ್‌
1994 ಡಿಸ್‌ಕ್ಲೋಷರ್‌ ಟಾಮ್‌ ಸ್ಯಾಂಡರ್ಸ್‌
1995 ದಿ ಅಮೆರಿಕನ್‌ ಪ್ರೆಸಿಡೆಂಟ್‌ ಅಧ್ಯಕ್ಷ ಆಂಡ್ರ್ಯೂ ಷೆಪರ್ಡ್‌ ಸಂಗೀತ ಪ್ರಧಾನ ಚಲನಚಿತ್ರ ಅಥವಾ ಹಾಸ್ಯಪ್ರಧಾನ ಚಲನಚಿತ್ರ ವಿಭಾಗದಲ್ಲಿನ ಅತ್ಯುತ್ತಮ ನಟನಿಗಾಗಿರುವ ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿಗೆ ನಾಮನಿರ್ದೇಶಿತ
1996 ದಿ ಘೋಸ್ಟ್‌‌ ಅಂಡ್‌ ದಿ ಡಾರ್ಕ್‌ನೆಸ್‌ ಚಾರ್ಲ್ಸ್‌ ರೆಮಿಂಗ್ಟನ್‌ (ನಟ/ಕಾರ್ಯಕಾರಿ ನಿರ್ಮಾಪಕ)
1997 ದಿ ಗೇಮ್‌ ನಿಕೋಲಸ್‌ ವಾನ್‌ ಓರ್ಟಾನ್‌
1998 ದಿ ಪರ್ಫೆಕ್ಟ್‌ ಮರ್ಡರ್‌‌ ಸ್ಟೀವನ್‌ ಟೇಲರ್‌‌
1999 ಒನ್‌ ಡೇ ಇನ್‌ ಸೆಪ್ಟೆಂಬರ್‌ ನಿರೂಪಕ (ಸಾಕ್ಷ್ಯಚಿತ್ರ)
ಗೆಟ್‌ ಬ್ರೂಸ್‌ ಸ್ವತಃ ಅವನೇ (ಸಾಕ್ಷ್ಯಚಿತ್ರ)
2000 ಟ್ರಾಫಿಕ್‌ ರಾಬರ್ಟ್‌ ವೇಕ್‌ಫೀಲ್ಡ್‌ [[ಚಲನಚಿತ್ರವೊಂದರಲ್ಲಿ ಪಾತ್ರಧಾರಿಯೊಬ್ಬರಿಂದ ಹೊರಹೊಮ್ಮಿದ ಮಹೋನ್ನತ ಅಭಿನಯಕ್ಕಾಗಿರುವ ಸ್ಕ್ರೀನ್‌ ಆಕ್ಟರ್ಸ್‌ ಗಿಲ್ಡ್‌ ಪ್ರಶಸ್ತಿ‌]]
ಅತ್ಯುತ್ತಮ ನಟನಿಗಾಗಿರುವ ಲಾಸ್‌ ವೆಗಾಸ್‌ ಚಲನಚಿತ್ರ ವಿಮರ್ಶಕರ ಸಂಘದ ಪ್ರಶಸ್ತಿಗೆ ನಾಮನಿರ್ದೇಶಿತ (ವಂಡರ್‌ ಬಾಯ್ಸ್‌ ಚಿತ್ರಕ್ಕೆ ಕೂಡಾ)
ವಂಡರ್‌ ಬಾಯ್ಸ್‌ ಪ್ರೊಫೆಸರ್‌ ಗ್ರೇಡಿ ಟ್ರಿಪ್‌ ಅತ್ಯುತ್ತಮ ನಟನಿಗಾಗಿರುವ ಲಾಸ್‌ ಏಂಜಲೀಸ್‌ ಚಲನಚಿತ್ರ ವಿಮರ್ಶಕರ ಸಂಘದ ಪ್ರಶಸ್ತಿ
ಸಂಗೀತಮಯ ಅಥವಾ ಹಾಸ್ಯಪ್ರಧಾನ ಚಿತ್ರದಲ್ಲಿನ ಅತ್ಯುತ್ತಮ ನಟನಿಗಾಗಿರುವ ಸ್ಯಾಟಲೈಟ್‌ ಪ್ರಶಸ್ತಿ
ಅತ್ಯುತ್ತಮ ನಟನಿಗಾಗಿರುವ SEFCA ಪ್ರಶಸ್ತಿ
ಪ್ರಧಾನ ಪಾತ್ರದಲ್ಲಿನ ಅತ್ಯುತ್ತಮ ನಟನಿಗಾಗಿರುವ BAFTA ಪ್ರಶಸ್ತಿಗೆ ನಾಮನಿರ್ದೇಶಿತ
ಅತ್ಯುತ್ತಮ ನಟನಿಗಾಗಿರುವ ಚಿಕಾಗೋ ಚಲನಚಿತ್ರ ವಿಮರ್ಶಕರ ಸಂಘದ ಪ್ರಶಸ್ತಿಗೆ ನಾಮನಿರ್ದೇಶಿತ
ಚಲನಚಿತ್ರ ನಾಟಕ ವಿಭಾಗದಲ್ಲಿನ ಅತ್ಯುತ್ತಮ ನಟನಿಗಾಗಿರುವ ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿಗೆ ನಾಮನಿರ್ದೇಶಿತ
ಅತ್ಯುತ್ತಮ ನಟನಿಗಾಗಿರುವ LVFCS ಪ್ರಶಸ್ತಿಗೆ ನಾಮನಿರ್ದೇಶಿತ (ಟ್ರಾಫಿಕ್‌ ಚಿತ್ರಕ್ಕೂ ಸಹ)
ಅತ್ಯುತ್ತಮ ನಟನಿಗಾಗಿರುವ ಲಂಡನ್‌ ಚಲನಚಿತ್ರ ವಿಮರ್ಶಕರ ವಲಯದ ಪ್ರಶಸ್ತಿಗೆ ನಾಮನಿರ್ದೇಶಿತ
ಅತ್ಯುತ್ತಮ ನಟನಿಗಾಗಿರುವ ಆನ್‌ಲೈನ್‌ ಚಿತ್ರವಿಮರ್ಶಕರ ಸಂಘದ ಪ್ರಶಸ್ತಿಗೆ ನಾಮನಿರ್ದೇಶಿತ
ಅತ್ಯುತ್ತಮ ನಟನಿಗಾಗಿರುವ ಫೀನಿಕ್ಸ್ ಚಲನಚಿತ್ರ ವಿಮರ್ಶಕರ ಸಂಘದ ಪ್ರಶಸ್ತಿಗೆ ನಾಮನಿರ್ದೇಶಿತ
2001 ಡೋಂಟ್‌ ಸೇ ಎ ವರ್ಡ್‌ ಡಾ. ನಾಥನ್‌ R. ಕೊನ್ರಾಡ್‌
ಇನ್‌ ಸರ್ಚ್‌ ಆಫ್‌ ಪೀಸ್‌ ನಿರೂಪಕ (ಸಾಕ್ಷ್ಯಚಿತ್ರ)
ಒನ್‌ ನೈಟ್‌ ಅಟ್‌ ಮೆಕ್‌ಕೂಲ್‌'ಸ್‌ ಮಿ. ಬರ್ಮೀಸ್ಟರ್‌‌ (ನಟ/ನಿರ್ಮಾಪಕ)
2003 ದಿ ಇನ್‌-ಲಾಸ್‌ ಸ್ಟೀವ್‌ ಟೋಬಿಯಾಸ್‌
ಇಟ್‌ ರನ್ಸ್‌ ಇನ್‌ ದಿ ಫ್ಯಾಮಿಲಿ ಅಲೆಕ್ಸ್‌ ಗ್ರೊಂಬರ್ಗ್‌
ಡೈರೆಕ್ಟ್‌ ಆರ್ಡರ್‌ ನಿರೂಪಕ (ಸಾಕ್ಷ್ಯಚಿತ್ರ)
2004 ದಿ ಬ್ಯೂಟಿಫುಲ್‌ ಕಂಟ್ರಿ TVಯಲ್ಲಿನ ವ್ಯಕ್ತಿ ವಾಲ್‌ ಸ್ಟ್ರೀಟ್‌‌‌‌ ನಿಂದ ಪಡೆದ ಚಿತ್ರತುಣುಕು
ಟೆಲ್‌ ದೆಮ್‌ ಹೂ ಯೂ ಆರ್‌ ಸ್ವತಃ ಅವನೇ (ಸಾಕ್ಷ್ಯಚಿತ್ರ)
2006 ಯು, ಮಿ ಅಂಡ್‌ ಡಪ್ರೀ ಮಿ.ಥಾಂಪ್ಸನ್‌
ದಿ ಸೆಂಟಿನೆಲ್‌ ಪೀಟ್‌ ಗ್ಯಾರಿಸನ್‌ (ನಟ/ನಿರ್ಮಾಪಕ)
2007 ಕಿಂಗ್‌ ಆಫ್‌ ಕ್ಯಾಲಿಫೋರ್ನಿಯಾ ಚಾರ್ಲೀ
2009 ಘೋಸ್ಟ್ಸ್‌ ಆಫ್‌ ಗರ್ಲ್‌ಫ್ರೆಂಡ್ಸ್‌ ಪಾಸ್ಟ್‌ ಅಂಕಲ್‌ ವೇಯ್ನ್‌
ಬಿಯಾಂಡ್‌ ಎ ರೀಸನಬಲ್‌ ಡೌಟ್‌ ಮಾರ್ಕ್‌ ಹಂಟರ್‌‌
ಸಾಲಿಟರಿ ಮ್ಯಾನ್‌ ಬೆನ್‌ ಬಿಡುಗಡೆಗಾಗಿ ಕಾದಿದೆ
2010 Wall Street: Money Never Sleeps ಗೋರ್ಡಾನ್‌ ಗೆಕ್ಕೊ ನಿರ್ಮಾಣ-ನಂತರದ ಹಂತ
ಲಿಬರೇಸ್‌ ವ್ಲಾಡ್‌ಜಿಯು ವ್ಯಾಲೆಂಟಿನೋ ಲಿಬರೇಸ್‌ ನಿರ್ಮಾಣದ-ಮುಂಚಿನ ಹಂತ
2011 ನಾಕ್‌ಔಟ್‌ ತಿಳಿದಿಲ್ಲ ನಿರ್ಮಾಣದ-ಮುಂಚಿನ ಹಂತ

ಆಕರಗಳು[ಬದಲಾಯಿಸಿ]

  1. Lua error in Module:Citation/CS1/Date_validation at line 33: attempt to compare number with nil.
  2. Lua error in Module:Citation/CS1/Date_validation at line 33: attempt to compare number with nil.
  3. Lua error in Module:Citation/CS1/Date_validation at line 33: attempt to compare number with nil.
  4. Lua error in Module:Citation/CS1/Date_validation at line 33: attempt to compare number with nil.
  5. Lua error in Module:Citation/CS1/Date_validation at line 33: attempt to compare number with nil.
  6. Lua error in Module:Citation/CS1/Date_validation at line 33: attempt to compare number with nil.
  7. Lua error in Module:Citation/CS1/Date_validation at line 33: attempt to compare number with nil.
  8. "Michael Douglas Does the News". Zap2it.com. December 19, 2007. 
  9. "Cheesy chat up line that snagged Catherine Zeta-Jones". The Sydney Morning Herald. July 12, 2007. 
  10. Lua error in Module:Citation/CS1/Date_validation at line 33: attempt to compare number with nil.
  11. Lua error in Module:Citation/CS1/Date_validation at line 33: attempt to compare number with nil.
  12. "Donor search — Michael Douglas". newsmeat.com. 
  13. Lua error in Module:Citation/CS1/Date_validation at line 33: attempt to compare number with nil.
  14. Lua error in Module:Citation/CS1/Date_validation at line 33: attempt to compare number with nil.
  15. Lua error in Module:Citation/CS1/Date_validation at line 33: attempt to compare number with nil.

ಬಾಹ್ಯ ಕೊಂಡಿಗಳು[ಬದಲಾಯಿಸಿ]

  1. REDIRECT Template:IBDB
  1. REDIRECT Template:Iobdb name