ಮರ್ಲಾನ್ ಬ್ರಾಂಡೊ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
Marlon Brando

as Stanley Kowalski in the trailer for the film A Streetcar Named Desire (1951)
ಹುಟ್ಟು ಹೆಸರು
ಹುಟ್ಟಿದ ದಿನ
ಹುಟ್ಟಿದ ಸ್ಥಳ
Marlon Brando, Jr.
(೧೯೨೪-೦೪-೦೩)೩ ಏಪ್ರಿಲ್ ೧೯೨೪
, U.S.
ನಿಧನ July 1, 2004(2004-07-01) (aged 80)
, U.S.
ವೃತ್ತಿ Actor/Film director
ವರ್ಷಗಳು ಸಕ್ರಿಯ 1944–2004
ಪತಿ/ಪತ್ನಿ Anna Kashfi (1957–1959)
Movita Castaneda (1960–1962)
Tarita Teriipia (1962–1972)


ಮರ್ಲಾನ್ ಬ್ರಾಂಡೊ , ಜೆಆರ್. ಏಪ್ರಿಲ್ 3, 1924 – ಜುಲೈ 1, 2004) ಸುಮಾರು ಅರ್ಧಶತಮಾನಗಳ ಕಾಲ ನಿರಂತರವಾಗಿ ಸಿನೆಮಾ ಮಾಧ್ಯಮದಲ್ಲಿ ಕಾರ್ಯನಿರ್ವಹಿಸಿದಂತ ಅಮೇರಿಕಾದ ನಟ. ಯುವಜನಾಂಗದ ಸೆಕ್ಸ್‌ ಸಿಂಬಾಲ್ಆಗಿದ್ದಂತಹ ಇವರು, ಎ ಸ್ಟ್ರೀಟ್‌‌ ಕಾರ್ ನೇಮ್ಡ್ ಡಿಸೈರ್ ಚಿತ್ರದಲ್ಲಿನ ಸ್ಟಾನ್ಲೆ ಕೊವಲಾಸ್ಕಿ ಪಾತ್ರ ಮತ್ತು ಅತ್ಯುತ್ತಮ ನಟ ಅಕಾಡೆಮಿ ಪ್ರಶಸ್ತಿ ಗಳಿಸಿದ ಆನ್ ದಿ ವಾಟರ್‌‍ಫ್ರಂಟ್ ಚಿತ್ರದಲ್ಲಿನ ಟೆರ್ರಿ ಮಲಾಯ್ ಪಾತ್ರಗಳಿಂದ ಇವರು ಪ್ರಸಿದ್ಧರಾಗಿದ್ದರು. ಇವರು ನಟಿಸಿದ ಈ ಎರಡು ಚಲನಚಿತ್ರಗಳನ್ನೂ 1950ರ ದಶಕದ ಆರಂಭದಲ್ಲಿ ಎಲಿಯಾ ಕಜನ್ ನಿರ್ದೇಶಿಸಿದ್ದರು. ಮಧ್ಯಮ ವಯಸ್ಸಿನಲ್ಲಿ ಇವರು ನಟಿಸಿದಂತಹ ಪ್ರಮುಖ ಪಾತ್ರಗಳೆಂದರೆ; ಅಕಾಡೆಮಿ ಪ್ರಶಸ್ತಿಗೆದ್ದ 'ದಿ ಗಾಡ್‌‍ಫಾದರ್ ಚಿತ್ರದಲ್ಲಿನ ವಿಟೊ ಕೊರ್ಲೇನ್ ಪಾತ್ರ ಒಳಗೊಂಡಂತೆ ಅಪೊಕಾಲ್ಯಾಪ್ಸ್ ನೌ ಚಿತ್ರದಲ್ಲಿನ ಕರ್ನಲ್‌ ವಾಲ್ಟರ್ ಪಾತ್ರವಾಗಿದೆ. ಈ ಎರಡು ಚಿತ್ರಗಳನ್ನು ಫ್ರಾನ್ಸಿಸ್ ಪೊರ್ಡ್ ಕೊಪ್ಪೋಲ ನಿರ್ದೇಶಿಸಿದ್ದರು. ಅಕಾಡೆಮಿ ಪ್ರಶಸ್ತಿಗೆ ನಾಮಾಂಕಿತಗೊಂಡ ಲಾಸ್ಟ್ ಟಾಂಗೊ ಇನ್ ಪ್ಯಾರಿಸ್ ಚಿತ್ರದಲ್ಲಿನ ಪೌಲ್ ಪಾತ್ರಗಳಿಂದ ಇವರು ಖ್ಯಾತಿಯನ್ನು ಹೊಂದಿದ್ದರು. ಬ್ರಾಂಡೊ ಚಲನಚಿತ್ರ ನಟನೆಗೆ ಕುರಿತಂತೆ ವಿಶೇಷವಾದ ಪರಿಣಾಮವನ್ನು ಬೀರಿದ್ದಾರೆ. ಅವರು "ಮೆಥಡ್‌‍" ಆಕ್ಟಿಂಗ್ ಶೈಲಿಯ ನಟನೆಗೆ ಹೆಸರಾಗಿದ್ದರು. ಆರಂಭದಲ್ಲಿ ತಮ್ಮ "ಅಸ್ಪಷ್ಟವಾಗಿ ಉಚ್ಚರಿಸುವಂತಹ" ವಾಕ್‌‍ಶೈಲಿಯಿಂದ ವಿಡಂಬನೆಗೆ ಒಳಗಾಗಿದ್ದರು. ಆದರೆ ಅವರ ಪಾದರಸದಂತಹ ನಡವಳಿಕೆ, ಹೀಗೆ ಎದು ವರ್ಗೀಕರಿಸಲು ಸಾಧ್ಯವಾಗದಂತಹ ಅಭಿನಯ ಚತುರತೆ ಅವರ ಸಮಾನರ ನಡುವೆ ಅವರಿಗೆ ಅತ್ಯುತ್ತಮ ಮನ್ನಣೆ ಗಳಿಸಿಕೊಟ್ಟವು.[೧] ಅವರನ್ನು ನಿರ್ದೇಶಕ ಮಾರ್ಟಿನ್‌ ಸ್ಕೋರ್ಸೆಸ್‌ "ಇವರು ಸಿನೆಮಾ ರಂಗದ ಒಂದು ಹೆಗ್ಗುರುತು ಆದುದರಿಂದಲೇ ’ಬ್ರಾಂಡೊಗಿಂತ ಮೊದಲು’ ಮತ್ತು ’ಬ್ರಾಂಡೊನ ನಂತರ’ ಎಂಬ ಶಬ್ಧಗಳನ್ನು ಸಿನೆಮಾರಂಗದಲ್ಲಿ ಬಳಸಲಾಗುತ್ತದೆ" ಎಂದು ಹೇಳಿದ್ದಾರೆ.[೨][೨] ಒಮ್ಮೆ ಮರ್ಲಾನ್ ಕುರಿತು ನಟ ಜಾಕ್ ನಿಕೋಲ್‌‌ಸನ್ ಹೀಗೆ ಹೇಳಿದ್ದರು, "ಮರ್ಲಾನ್ ತೀರಿಕೊಂಡಾಗ ಸಿನೆಮಾ ರಂಗದ ಒಂದು ಹಂತ ಮುಗಿದು ಮುಂದಿನ ಹಂತ ಪ್ರಾರಂಭವಾಗುತ್ತದೆ." ಬ್ರಾಂಡೊ ಒಬ್ಬ ಕ್ರಾಂತಿಕಾರಿಯೂ ಆಗಿದ್ದರು, ಇವರು ಅಮೇರಿಕಾ ನಾಗರೀಕ ಹಕ್ಕುಗಳು ಮತ್ತು ಅಮೇರಿಕಾ ಭಾರತೀಯರ ಚಳುವಳಿ ಸೇರಿದ್ದಂತೆ ಹಲವು ಸಮಸ್ಯೆಗಳ ಹೋರಾಟದಲ್ಲಿ ಮುಂದಾಳತ್ವವನ್ನು ವಹಿಸಿದ್ದರು.

ಆರಂಭಿಕ ಜೀವನ[ಬದಲಾಯಿಸಿ]

ಬ್ರಾಂಡೊ ಅವರು ಏಪ್ರಿಲ್ 3, 1924ರಲ್ಲಿ ಒಮಹ, ನೆಬ್ರಾಸ್ಕದಲ್ಲಿ ನಟಿ ಡೊರೊಥಿ ಜುಲಿಯಾ ಪೆನ್ನೆಬಾಕರ್ ಬ್ರಾಂಡೊ (1897 – 1954) ಮತ್ತು ಕ್ರಿಮಿನಾಶಕ ಔಷಧ ಮತ್ತು ರಾಸಾಯನಿಕ ಆಹಾರ ತಯಾರಕರಾಗಿದ್ದ ಮರ್ಲಾನ್ ಬ್ರಾಂಡೊ, ಸಿನಿಯರ್(1895 – 1965) ದಂಪತಿಯ ಪುತ್ರನಾಗಿ ಜನಿಸಿದರು.[೩][೪] ಇವರ ಕುಟುಂಬವು ಎವಾಸ್ಟನ್, ಇಲಿನೊಯಿಸ್‌‌‍ಗೆ ಸ್ಥಳಾಂತರವಾಯಿತು. ನಂತರ 1935ರಲ್ಲಿ ಬಾಂಡೊ ಹನ್ನೊಂದು ವರ್ಷದ ಬಾಲಕನಾಗಿದ್ದಾಗ ಈತನ ಪೋಷಕರು ಬೇರೆಯಾದರು. ಇವರ ತಾಯಿ ತಮ್ಮ ಮೂರು ಮಕ್ಕಳಾದ ಮಾರ್ಲಾನ್, ಜೊಸೈಲೆನ್ ಬ್ರಾಂಡೊ(1919 – 2005) ಮತ್ತು ಫ್ರಾನ್ಸೆಸ್ ಬ್ರಾಂಡೊ(1922 – 1994) ಅವರನ್ನು ಜೊತೆಗೆ ಕರೆದುಕೊಂಡು ಕ್ಯಾಲಿಫೋರ್ನಿಯಾದಲ್ಲಿಯ ತಮ್ಮ ತಾಯಿ ಸಾಂಥಾ ಅನಾ ಅವರೊಂದಿಗೆ 1937ರವರೆಗೂ ಮತ್ತೆ ಇವರ ತಂದೆ ತಾಯಿ ಒಂದಾಗುವವರೆಗೆ ಅಲ್ಲಿದ್ದರು. ನಂತರೆ ಉತ್ತರ ಚಿಕಾಗೋದಲ್ಲಿರುವ ಲಿಬರ್ಟಿವಿಲ್ಲೆ, ಇಲಿನೊಯಿಸ್ ಎಂಬ ಹಳ್ಳಿಗೆ ಹೋಗಿ ನೆಲೆಸಿದರು. ಇವರದು ಡಚ್, ಐರಿಷ್, ಜರ್ಮನ್ ಮತ್ತು ಇಂಗ್ಲೀಷ್ ಜನಾಂಗದ ಮಿಶ್ರ ಕುಟುಂಬವಾಗಿತ್ತು. ಬ್ರಾಂಡೊರವರ ಪೂರ್ವಿಕರಾದ ಜೊಹಾನ್ ವಿಲ್ಹೇಲಮ್ ಬ್ರಾಂಡೊ ಅವರು ಜರ್ಮನಿಯ ರೈನಫ್‌ಪಾಲ್ಝ್‌‍ನಿಂದ ನ್ಯೂಯಾರ್ಕ್‌ನ ನ್ಯೂ ಆರ್ಮ್‌ಸ್ಟರ್‌ಡ್ಯಾಮ್‌ಗೆ ವಲಸೆ ಬಂದಿದ್ದರು. ಬ್ರಾಂಡೋನನ್ನು ಒಬ್ಬ ಕ್ರೈಸ್ತ ವಿಜ್ಞಾನಿಯನ್ನಾಗಿ ಬೆಳೆಸಿದ್ದರು.[೫] ಕೆಲವು ಜೀವನ ಚರಿತ್ರೆಗಳಲ್ಲಿ ಹೇಳಿರುವಂತೆ ಬ್ರಾಂಡೊರವರ ಅಜ್ಜ ಯೂಗಿನ್‌ ಇ.ಬ್ರಾಂಡೊರವರು ಫ್ರೆಂಚ್ ದೇಶದವರಾಗಿರಲ್ಲಿಲ್ಲ ಆದರೆ ನ್ಯೂಯಾರ್ಕ್ ರಾಜ್ಯದಲ್ಲಿ ಜನಿಸಿದ್ದರು.[೬] ಈತ ಐದು ವರ್ಷದ ಬಾಲಕನಾಗಿದ್ದಾಗ ಅಜ್ಜಿ ಮೇರಿ ಹ್ಯಾಲೊವೆ, ಯೂಗಿನ್‌ ಮತ್ತು ಮರ್ಲೊನ್‌ ಬ್ರಾಂಡೋನನ್ನು(ಸಿನಿಯರ್) ಮನೆಯಿಂದ ಹೊರಹಾಕಿ ಅವರಲ್ಲಿದ್ದ ಹಣವನ್ನು ಪಡೆದು ನಿರಂತರ ಕುಡಿತ ಮತ್ತು ಜೂಜಿಗೆ ಉಪಯೋಗಿಸಿಕೊಳ್ಳುತ್ತಿದ್ದಳು.[೭] ಬ್ರಾಂಡೊರವರ ತಾಯಿ ದೋದಿ ಸಂಪ್ರದಾಯಬದ್ಧಳಲ್ಲದ ಪ್ರತಿಭಾವಂತ ಮಹಿಳೆಯಾಗಿದ್ದರು. ಅಂದಿನ ಸಮಾಜದಲ್ಲಿ ಮಹಿಳೆಯರು ಧೂಮಪಾನ ಮಾಡುವುದು, ಷರಾಯಿಗಳನ್ನು ಧರಿಸುವುದು ಹಾಗೂ ವಾಹನಗಳನ್ನು ಚಾಲನೆ ಮಾಡುವುದು ಅಸಹಜ ಎಂದು ಪರಿಗಣಿಸಲಾಗುತ್ತಿತ್ತು. ಅಂತಹ ಸಮಯದಲ್ಲಿ ಇವರು ಅದೆಲ್ಲವನ್ನೂ ಮಾಡುತ್ತಿದ್ದರು. ಅವರು ಕುಡಿತದ ಚಟದ ದಾಸರಾಗಿದ್ದರು. ಅನೇಕ ಬಾರಿ ಬ್ರಾಂಡೊನ ತಂದೆಯು ದೋದಿಯವರನ್ನು ಚಿಕಾಗೋದ ಬಾರ್‌ಗಳಿಂದ ಕರೆದು ತರಬೇಕಾಗುತ್ತಿತ್ತು. ನಂತರ ಆಕೆ ಅನಾಮದೇಯ ಮದ್ಯವ್ಯಸನಿಯಾಗಿ ಹೋದಳು. ದೋದಿ ಒಬ್ಬ ನಟಿ ಮತ್ತು ಪ್ರಾದೇಶಿಕ ರಂಗಮಂದಿರದ ಆಡಳಿತಾಧಿಕಾರಿಯಾಗಿದ್ದರು. ರಂಗ ಚಟುವಟಿಕೆಗಳಲ್ಲಿನ ಈಕೆಯ ಕೆಲಸಗಳ ಕುರಿತಾಗಿ ಓಮಾಹಾದ ಸುದ್ದಿ ಪತ್ರಿಕೆಗಳು ಬರೆದಿದ್ದವು. ಯುವಕ ಹೆನ್ರಿ ಫೊಂಡ ತನ್ನ ನಟನಾವೃತ್ತಿಯನ್ನು ಪ್ರಾರಂಭಿಸಲು ಇವರು ಸಹಾಯ ಮಾಡಿದ್ದರು. ಬ್ರಾಂಡೊಗೆ ನಾಟಕಗಳಲ್ಲಿ ಅಭಿನಯಿಸುವ ಕುರಿತು ಇದ್ದ ಬಯಕೆಗೆ ಸಾಕಷ್ಟು ಬೆಂಬಲವನ್ನು ಇವರು ನೀಡಿದರು. ಈತನ ತಂದೆ ಮರ್ಲಾನ್ (ಸಿನಿಯರ್‌) ಸಹಜ ಪ್ರತಿಭೆಯುಳ್ಳ ಹವ್ಯಾಸಿ ಛಾಯಾಗ್ರಾಹಕರಾಗಿದ್ದರು. ಬಹುಶಃ ಬ್ರಾಂಡೊಗೆ ಸ್ವಂತ ತಾಯಿಗಿಂತ ತನ್ನ ತಾಯಿಯ ತಾಯಿ ತನ್ನ ಅಜ್ಜಿ ಬೆಸ್ಸಿ ಗಹನ್ ಪೆನ್ನೆಬೇಕರ್ ಮೇಯರ್ಸ್‌‍ರವರು ಬಹಳ ಹತ್ತಿರದ ಹಾಗೂ ಬಾಂಧವ್ಯ ತೋರಿದಂತಹ ವ್ಯಕ್ತಿಯಾಗಿದ್ದರು. ಇವರೂ ಕೂಡಾ ಅಸಂಪ್ರದಾಯಿಕ ವ್ಯಕ್ತಿತ್ವದವರಾಗಿದ್ದರು. ಇವರು ಯೌವನಾವಸ್ಥೆಯಲ್ಲೇ ಪತಿಯನ್ನು ಕಳೆದುಕೊಂಡು ವಿಧವೆಯಾಗಿದ್ದರು. ಸ್ವಜೀವನ ನಿರ್ವಹಣೆಗಾಗಿ ಕಾರ್ಯದರ್ಶಿಯಾಗಿ ಕೆಲಸಕ್ಕೆ ಸೇರಿಕೊಂಡರು. ನಂತರದಲ್ಲಿ ಕ್ರೈಸ್ತ ವಿಜ್ಞಾನದ ವೈದ್ಯೆಯಾಗಿ ಕಾರ್ಯನಿರ್ವಹಿಸಿದರು. ಓಮಾಹಾದಲ್ಲಿ ಈಕೆ ಸಾಕಷ್ಟು ಪ್ರಸಿದ್ಧಿಯನ್ನು ಗಳಿಸಿದ್ದರು. ಈಕೆಯ ತಂದೆ ಮೈಲಸ್‌ ಗಹನ್ ವೈದ್ಯರಾಗಿದ್ದು ಮೂಲತಃ ಐರ್ಲ್ಯಾಂಡ್‌ನವರಾಗಿದ್ದರು. ತಾಯಿ ಜುಲಿಯಾ ವಾಟ್ಸ್ ಇಂಗ್ಲೆಂಡ್‌ನವರಾಗಿದ್ದರು. ಬ್ರಾಂಡೊರವರು ಬಾಲ್ಯದಲ್ಲಿ ಸಹಜ ಪ್ರತಿಭೆಯುಳ್ಳ ಮಿಮಿಕ್ರಿ ಕಲಾಕಾರರಾಗಿದ್ದರು. ಅವರ ಈ ಅಪರೂಪದ ಸಾಮರ್ಥ್ಯದಿಂದಾಗಿ ತಮ್ಮ ಸುತ್ತಮುತ್ತಲಿನ ಜನರ ಮುಖದ ಹಾವಭಾವಗಳನ್ನು ಸಹಜವಾಗಿದ್ದಂತೆ ಅಭಿನಯಿಸುವ ಚಾತುರ್ಯವನ್ನು ಇವರು ಹೊಂದಿದ್ದರು. ಇವರ ಸಹೋದರಿ ಜೊಸೆಲೆನ್ ಬ್ರಾಂಡೊ ಮೊದಲು ನಟನಾವೃತ್ತಿಯನ್ನು ಆರಿಸಿಕೊಳ್ಳುವ ನಿರ್ಧಾರ ಮಾಡಿ ನ್ಯೂಯಾರ್ಕ್‌ನಲ್ಲಿಯ ಅಮೇರಿಕನ್‌ ಅಕಾಡೆಮಿ ಆಫ್ ಡ್ರಾಮ್ಯಾಟಿಕ್ ಆರ್ಟ್‌‍ ಕೇಂದ್ರವನ್ನು ಸೇರಿಕೊಂಡಳು. ನಂತರ ಈಕೆ ಬ್ರೊಡ್‌‍ವೇ ಎನ್ನುವ ಚಲನಚಿತ್ರದಲ್ಲಿ ಕಾಣಿಸಿಕೊಂಡಳು ಮತ್ತು ಹಲವು ಸಿನಿಮಾ ಮತ್ತು ಟಿ.ವಿ ಚಿತ್ರಗಳಲ್ಲಿ ಕಾಣಿಸಿಕೊಂಡಳು. ಜೊಸೆಲನ್ ‌ನಂತರ ಬ್ರಾಂಡೊನ ಇನ್ನೊಬ್ಬ ಸಹೋದರಿ ಫ್ರಾನ್ನಿ ಕಲಾಭ್ಯಾಸಕ್ಕಾಗಿ ನ್ಯೂಯಾರ್ಕ್‌ಗೆ ತೆರಳುವ ಉದ್ದೇಶದಿಂದ ಕ್ಯಾಲಿಫೋರ್ನಿಯಾದ ಕಾಲೇಜನ್ನು ತೊರೆದಳು. ಇವಳನ್ನು ಅನುಸರಿಸಿಕೊಂಡು ಬ್ರಾಂಡೊ ಆಕೆಯ ಹಾದಿ ಹಿಡಿದ. ಬ್ರಾಂಡೊ ಪ್ರಚಂಡ ಯುವಕನಾಗಿದ್ದ. ಲಿಬರ್ಟಿವಿಲ್ಲೆ ಫ್ರೌಡಶಾಲೆಯಲ್ಲಿ ವಿದ್ಯಾಭ್ಯಾಸ ಮಾಡುವ ಸಮಯದಲ್ಲಿ, ತಮ್ಮ ಮೋಟಾರ್ ಸೈಕಲ್‌‍ನ್ನು ಶಾಲೆಯ ಒಳಗಡೆ ಓಡಿಸಿದ್ದರು, ಇದರಿಂದಾಗಿ ಇವರು ಶಾಲೆಯಿಂದ ಬಹಿಷ್ಕೃತಗೊಂಡಿದ್ದರು. ಬ್ರಾಂಡೊ ಹದಿನಾರು ವರ್ಷದ ಯುವಕನಾಗಿದ್ದಾಗ ಇವರನ್ನು ಮಿನ್ನೆಸೊಟಾದ ಫರಿಬೌಲ್ಟ್‌ನಲ್ಲಿರುವ ಶಟ್ಟಕ್ ಮಿಲಿಟರಿ ಅಕಾಡೆಮಿಗೆ ಕಳುಹಿಸಲಾಯಿತು. ಈ ಮೊದಲು ಇಲ್ಲಿ ಬ್ರಾಂಡೊನ ತಂದೆ ಕಾರ್ಯನಿರ್ವಹಿಸಿದ್ದರು. ಶಟ್ಟಕ್‌ನಲ್ಲಿ ಬ್ರಾಂಡೊ ನಾಟಕ ರಂಗದಲ್ಲಿ ಅತ್ಯುತ್ತಮ ಪ್ರಾವಿಣ್ಯತೆಯನ್ನು ಪಡೆದರು ಮತ್ತು ಶಾಲೆಯ ಎಲ್ಲ ಸೌಲಭ್ಯಗಳನ್ನು ಸೂಕ್ತವಾಗಿ ಬಳಸಿಕೊಂಡು ನಾಟಕ ರಂಗಕ್ಕೆ ಕುರಿತ ತಿಳುವಳಿಕೆಯನ್ನು ಪಡೆದರು. ತರಬೇತಿಯ ಅಂತಿಮ ವರ್ಷ(1943)ದಲ್ಲಿ ಅಧಿಕಾರಿಯೊಬ್ಬ ಕುತಂತ್ರ ನಡೆಸುತ್ತಿದ್ದ ಕುರಿತಾಗಿ ತಿರುಗಿಬಿದ್ದ ಸಲುವಾಗಿ ಅವರನ್ನು ಪರೀಕ್ಷಣಾ ಅವಧಿಯಲ್ಲಿಡಲಾಗಿತ್ತು. ಇದರ ಒಂದು ಭಾಗವಾಗಿ ಇವರಿಗೆ ಶಾಲಾ ಆವರಣದ ಹೊರಗೆ ಹೋಗದಂತೆ ತಾಕೀತು ಮಾಡಲಾಗಿತ್ತು. ಆದರೆ ಒಮ್ಮೆ ಇವರು ಶಾಲಾ ಆವರಣ ದಾಟಿ ನಗರದಲ್ಲಿ ಸುತ್ತಾಡಲು ಹೋದಾಗ ಸಿಕ್ಕಿಹಾಕಿಕೊಂಡರು. ಬೋಧನ ವಿಭಾಗ ಇವರನ್ನು ಹೊರಹಾಕುವಂತೆ ಒಪ್ಪಿಗೆ ಸೂಚಿಸಿತು. ಈ ಶಿಕ್ಷೆ ಅತಿಯಾಯಿತು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ ಸಹಪಾಠಿಗಳ ಸಹಾಯ ಪಡೆದುಕೊಂಡು ಇದನ್ನು ವಿರೋಧಿಸಿದರು. ನಂತರ ಇವರನ್ನು ಮುಂದಿನ ವರ್ಷಕ್ಕೆ ಶಾಲೆಗೆ ಆಹ್ವಾನ ನೀಡಲಾಯಿತು. ಆದರೆ ಇವರು ಶಾಲೆಗೇ ಹೋಗುವುದೇ ಬೆಡವೆಂದು ನಿಶ್ಚಯಿಸಿದ್ದರು. ಬ್ರಾಂಡೊ ಕೆಲದಿನ ಬೇಸಿಗೆ ರಜೆಯ ಕೆಲಸವಾಗಿ ಹಳ್ಳ ಅಗೆಯುವ ಕೆಲಸವನ್ನು ಮಾಡುತ್ತಿದ್ದರು. ನಂತರ ಅವರ ಸಹೋದರಿಯರಂತೆ ನ್ಯೂಯಾರ್ಕಿಗೆ ಹೋಗಲು ನಿಶ್ಚಯಿಸಿದರು. ಒಬ್ಬ ಸೋದರಿ ಚಿತ್ರ ಕಲಾವಿದೆಯಾಗಲು ಪ್ರಯತ್ನಿಸುತ್ತಿದ್ದಳು ಮತ್ತೊಬ್ಬರು ಅದಾಗಲೇ ಬ್ರಾಡ್‌‍ವೆ ಎನ್ನುವ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಳು. ಇವರು ತಮ್ಮ ಸಹೋದರಿ ಫ್ರಾನ್ಸಸ್‌ ಅವರನ್ನು ನ್ಯೂಯಾರ್ಕ್‌ನಲ್ಲಿ 1942ರ ಕ್ರಿಸ್‌ಮಸ್‌ ದಿನದಂದು ಭೇಟಿಯಾದರು ಮತ್ತು ಈ ಅನುಭವವನ್ನು ಮೆಚ್ಚಿಕೊಂಡರು. ಬ್ರಾಂಡೊಗೆ ಅವರ ತಂದೆ ಆರು ತಿಂಗಳವರೆಗೆ ಸಹಾಯ ನೀಡಿದರು ಅದರ ನಂತರ ಬ್ರಾಂಡೊ ಸೇಲ್ಸ್‌ಮನ್ ಕೆಲಸ ಗಿಟ್ಟಿಸಲು ಸಹಾಯ ಮಾಡಿದರು. ಬ್ರಾಂಡೊ ನ್ಯೂಯಾರ್ಕ್‌ಗೆ ತೆರಳುವುದಕ್ಕಾಗಿ ಇಲ್ಲಿನಾಯ್ಸ್‌ ಅನ್ನು ತೊರೆದರು. ಅಲ್ಲಿ ಅವರು ಅಮೆರಿಕನ್‌ ಥೀಯೇಟರ್ ವಿಂಗ್‌ ಪ್ರೋಫೇಷನಲ್‌ ಸ್ಕೂಲ್‌, ಡ್ರಾಮಾಟಿಕ್‌ ವರ್ಕ್‌ಶಾಪ್‌ ಆಫ್‌ ದಿ ನ್ಯೂ ಸ್ಕೂಲ್‌ (ಇಲ್ಲಿ ಪ್ರಭಾವಿ ಜರ್ಮನ್‌ ನಿರ್ದೇಶಕ ಎರ್ವಿನ್‌ ಪಿಸ್ಕಾಟರ‍್ನಿಂದ ತರಬೇತಿ) ಮತ್ತು ಆ‍ಯ್‌ಕ್ಟರ್ಸ್‌‍ ಸ್ಟುಡಿಯೋದಲ್ಲಿ ತರಬೇತಿಯನ್ನು ಪಡೆಯುತ್ತಾರೆ. ಸ್ಟೆಲ್ಲಾ ಆ‍ಯ್‌ಡ್ಲರ್‌‍ ಅವರ ಜತೆಗೆ ನ್ಯೂ ಸ್ಕೂಲ್‌ನ ಡ್ರಾಮ್ಯಾಟಿಕ್‌ ವರ್ಕಶಾಪ್‌ನಲ್ಲಿ ಅಧ್ಯಯನ ಮಾಡಿದರು ಮತ್ತು ಈ ಸಮಯದಲ್ಲಿಯೇ ಇವರು ಸ್ಟಾನಿಸ್ಲಾವಸ್ಕಿ ಸಿಸ್ಟಮ್‌‌ನ ತಂತ್ರಗಳನ್ನು ಕಲಿತರು.ಬ್ರಾಂಡೊನ ಕಲಿಕೆಯ ಸಮಯದ ಕುರಿತಾಗಿ ಒಂದು ಘಟನೆಯನ್ನು ಆ‍ಯ್‌‍ಡ್ಲೆರ್ ನೆನಪಿಸಿಕೊಳ್ಳುತ್ತಾರೆ. "ತರಗತಿಯಲ್ಲಿ ಒಮ್ಮೆ ಎಲ್ಲಾ ಮಕ್ಕಳಿಗೂ ಕೋಳಿಯಂತೆ ನಟಿಸಲು ಹೇಳಿದೆ. ಮಧ್ಯದಲ್ಲಿ ಈಗ ಆ ಕೋಳಿಗಳ ಗುಂಪಿನ ಮೇಲೆ ಬಾಂಬ್‌ ಬೀಳುವ ಸಂದರ್ಭವನ್ನು ನಟಿಸಿ ಎಂದು ಆದೇಶ ನೀಡಿದೆ. ತರಗತಿಯ ಮುಕ್ಕಾಲು ಪಾಲು ಹುಡುಗರು ಕೋಳಿಯಂತೆ ಕೂಗುತ್ತಾ ಕಕ್ಕಾಬಿಕ್ಕಿಯಾಗಿ ಸುತ್ತಾಮುತ್ತೆಲ್ಲ ಓಡುತ್ತಿದ್ದರು ಆದರೆ ಬ್ರಾಂಡೊ ಮಾತ್ರ ಸುಮ್ಮನೆ ಕೂತು ಕೋಳಿ ಮೊಟ್ಟೆ ಇಡುತ್ತಿರುವಂತೆ ನಟಿಸುತ್ತಿದ್ದ." ಆ‍ಯ್‌ಡ್ಲರ್ ಬ್ರಾಂಡೊರವರನ್ನು ತಮ್ಮ ನಟನೆಯ ಬಗ್ಗೆ ವಿವರಿಸಲು ಹೇಳಿದಾಗ "ನಾನು ಕೋಳಿ- ಸಿಡಿಮದ್ದಿನ ಬಗ್ಗೆ ನನಗೇನು ಗೊತ್ತು?" ಎಂದು ಉತ್ತರಿಸಿದ್ದರಂತೆ.[this quote needs a citation]

ವೃತ್ತಿ[ಬದಲಾಯಿಸಿ]

ಆರಂಭಿಕ ಕಾರ್ಯಗಳು[ಬದಲಾಯಿಸಿ]

1948ರಲ್ಲಿ 24 ವರ್ಷದ ಬ್ರಾಂಡೊ ಸ್ಟ್ಯಾನ್ಲಿ ಕೊವಾಲ್ಸ್ಕಿಯಾಗಿ ಎ ಸ್ಟ್ರೀಟ್‌ಕರ್ ನೇಮ್ಡ್ ಡಿಸೈರ್‌ನ ರಂಗಭೂಮಿ ಆವೃತ್ತಿಯಲ್ಲಿ ಪಾತ್ರವಹಿಸಿದರು, ಕಾರ್ಲ್ ವಾನ್ ವೆಕ್ಟೆನ್‌ರಿಂದ ಚಿತ್ರೀಕರಿಸಲ್ಪಟ್ಟಿತು.

ಬ್ರಾಂಡೊರವರು ನೂಯಾರ್ಕಿನ ಸೇಯ್‌ವಿಲ್ಲೆ ಲಾಂಗ್ ಐಸ್ ಲ್ಯಾಂಡ್‌‍ನಲ್ಲಿ ತಮ್ಮ ಬೇಸಿಗೆ ರಜಾ ಕಾಲದ ಮೊದಲ ಪಾತ್ರಗಳಿಗೆ ಸ್ಟಾನ್ಸ್ಲಾವಸ್ಕಿ ಪ್ರಕಾರದ ಕೌಶಲ್ಯಗಳನ್ನು ಉಪಯೋಗಿಸಿಕೊಂಡರು. ಇವರ ಮೊಂಡು ಸ್ವಭಾವದಿಂದಾಗಿ ಇವರನ್ನು ಸೆಯ್‌ವಿಲ್ಲೆ ನ್ಯೂ ಸ್ಕೂಲ್ ಪ್ರೊಡಕ್ಷನ್‌‍ನಿಂದ ಹೊರದೂಡಲಾಯಿತು. ಆದರೆ ಅವರು ಪ್ರಾದೇಶಿಕವಾಗಿ ನಿರ್ಮಾಣವಾಗುವಂತಹ ನಾಟಕಗಳನ್ನು ಹುಡುಕಿಕೊಂಡರು. ನಂತರ ಇದೇ ನಾಟಕವನ್ನು ಅವರು ಬ್ರಾಡ್‌ವೇ ತಂಡಕ್ಕಾಗಿ ಮತ್ತು 1944ರಲ್ಲಿ ಐ ರಿಮೆಂಬರ್ ಮಮ್ಮಾ ಆಗಿ ಪ್ರದರ್ಶಿಸಿದರು. ಬ್ರಾಂಡ್‌ವೇಸ್‌ನ ಟ್ರಕ್ ಲೈನ್ ನಾಟಕದಲ್ಲಿ ಬ್ರಾಂಡೊ ಅಭಿನಯಿಸಿದ ಕಡು ದುಃಖದಿಂದ ಚಿತ್ರ ಹಿಂಸೆಯನ್ನು ಅನುಭವಿಸುವಂತಹ ವ್ಯಕ್ತಿಯ ಪಾತ್ರಕ್ಕೆ ವಿಮರ್ಶಕರು "ಈತ ಅತ್ಯಂತ ಭರವಸೆ ನಟ" ಎಂದು ಹೇಳುವುದರೊಂದಿಗೆ ಅಭಿನಂದನೆಗಳನ್ನು ಸೂಚಿಸಿದರು. ಆದರೆ ಈ ನಾಟಕವು ವಾಣಿಜ್ಯಾತ್ಮಕವಾಗಿ ಸೋಲು ಅನುಭವಿಸಿತು. 1946ರಲ್ಲಿ ಬ್ರಾಡ್‌ವೇ ನಿರ್ಮಾಣದ ಎ ಫ್ಲಾಗ್ ಇಸ್ ಬಾರ್ನ್ ಎನ್ನುವ ರಾಜಕೀಯ ನಾಟಕದಲ್ಲಿ ಯುವ ನಾಯಕನಾಗಿ ಕಾಣಿಸಿಕೊಂಡರು. ಅದರಲ್ಲಿ ಇಸ್ರೇಲ್ ಸ್ವಾತಂತ್ರ್ಯಕ್ಕೆ ಸಂಬಂಧಿಸಿಂದ ವಿಷಯಕ್ಕೆ ಇವರು ಬದ್ದನಾಗಿದ್ದರಿಂದ ನಟರಮೇಲಿನ ಸಮಬೆಲೆಯ ವೇತನವನ್ನು ತೆಗೆದುಕೊಳ್ಳಲು ನಿರಾಕರಿಸಿದ್ದರು.[೮][೯] ಟೆನ್ನೆಸ್ಸೀ ವಿಲಿಯಮ್‌ರವರ ಎಲಿಯಾ ಕಝನ್‌ ನಿರ್ದೇಶಿಸಿದ್ದ 1947ರ ಎ ಸ್ಟ್ರೀಟ್ ಕಾರ್ ನೇಮ್ಡ್ ಡಿಸೈಯರ್‌ ನಾಟಕದಲ್ಲಿ ಸ್ಟಾನ್ಲಿ ಕೊವಲ್ಸ್‌ಕಿ ಪಾತ್ರದಲ್ಲಿ ಅಭಿನಯಿಸಿದರು. ಈ ನಾಟಕದಲ್ಲಿಯ ಅಭಿನಯದಿಂದ ಬ್ರಾಂಡೊ ತಾರಾ ಪ್ರಪಂಚದಲ್ಲಿ ಉತ್ತಮ ಸ್ಥಾನ ಗಳಿಸಿಕೊಂಡರು. ಬ್ರಾಂಡೊ ಮೆಸ್ಯಾಚುಸೆಟ್ಸ್‌ನ ಪ್ರೊವಿನ್ಸ್‌ಟೌನ್‌ಗೆ ವಿಹಾರಕ್ಕೆಂದು ಹೋದಾಗ ಈ ಪಾತ್ರವನ್ನು ಪಡೆದುಕೊಳ್ಳುತ್ತಾನೆ. ಈ ಸಮಯದಲ್ಲಿ ವಿಲಿಯಮ್ಸ್‌ ಬೇಸಿಗೆ ವಿಹಾರ ನಡೆಸುತ್ತಾ ತನ್ನ ನಾಟಕದ ಮುಖ್ಯ ಪಾತ್ರಕ್ಕಾಗಿ ಪ್ರತಿಭಾಶೋಧ ಕಾರ್ಯ ನಡೆಸುತ್ತಿರುತ್ತಾರೆ.[೧೦] ವಿಲಿಯಮ್ಸ್‌ ಆ ಸಂದರ್ಭವನ್ನು ನೆನಪಿಸಿಕೊಳ್ಳುತ್ತಾ, ತಾನು ಪರದೆಯ ಬಾಗಿಲನ್ನು ಸರಿಸಿದ ತಕ್ಷಣ ತನ್ನ ನಾಟಕದ ಪಾತ್ರ ಸ್ಟಾನ್ಲಿ ಕೊವಾಲ್‌ಸ್ಕಿ ಪಾತ್ರಕ್ಕೆ ಈತನೇ ಸೂಕ್ತವಾದ ವ್ಯಕ್ತಿ ಎಂದು ತಕ್ಷಣ ಎನಿಸಿತ್ತು ಎಂದು ಹೇಳಿದ್ದಾರೆ. ಬ್ರಾಂಡೊ ಅವರ ಈ ನಾಟಕದಲ್ಲಿಯ ನಟನೆಯು ಈ ರಂಗದಲ್ಲಿ ಕ್ರಾಂತಿಕಾರಕ ಬೆಳವಣಿಗೆಯನ್ನು ಉಂಟುಮಾಡಿತು. ಹಾಗೂ ಇದು ಅಮೇರಿಕಾದ ಮೆಥಡ್‌ ಆ‍ಯ್‌ಕ್ಟಿಂಗ್‌‍ ರೀತಿಗೆ ನಾಂದಿ ಹಾಡಿತು. ನಂತರ ಬ್ರಾಂಡೊರವರಿಗೆ ವಾರ್ನರ್ ಬ್ರದರ್ಸ್‌‌ರ ಸ್ಟುಡಿಯೋದಲ್ಲಿ ರೆಬಲ್‌ ವಿದೌಟ್‌ ಎ ಕಾಸ್ [೧೧] ಎಂಬ ಚಲನಚಿತ್ರಕ್ಕಾಗಿ ಸ್ಕ್ರೀನ್‌ಟೆಸ್ಟ್‌ಗಾಗಿ ಬರುವಂತೆ ಕೇಳಿಕೊಳ್ಳಲಾಯ್ತು. ನಂತರ ಜೇಮ್ಸ್‌ಡೀನ್ ಈ ಪಾತ್ರದಲ್ಲಿ ಅಭಿನಯಿಸಿದ‌. ಎ ಸ್ಟ್ರೀಟ್‌‍ಕಾರ್ ನೇಮ್ಡ್ ಡಿಸೈರ್ ಚಿತ್ರದ 2006ರಲ್ಲಿ ಬಿಡುಗಡೆಯಾದ ಡಿವಿಡಿಯಲ್ಲಿ ಪ್ರತಿಭಾಶೋಧದ ಈ ತುಣುಕನ್ನು ಸೇರಿಸಲಾಗಿದೆ. 1950ರಲ್ಲಿ ಬ್ರಾಂಡೊರವರು ದಿ ಮೆನ್ ಎಂಬ ಸಿನಿಮಾದಲ್ಲಿ ಅರ್ಧ ದೇಹಕ್ಕೆ ಪಾರ್ಶ್ವವಾಯು ಬಂದಿರುವಂತಹ ವ್ಯಕ್ತಿಯ ಪಾತ್ರದಲ್ಲಿ ಮೊದಲ ಬಾರಿಗೆ ಪರದೆಯ ಮೇಲೆ ಕಾಣಿಸಿಕೊಂಡರು. ಈ ಪಾತ್ರವು ನೈಜವಾಗಿ ತೆರೆ ಮೇಲೆ ಮೂಡಿ ಬರಬೇಕೆಂದು, ಅದಕ್ಕಾಗಿ ಅವರು ಪಾರ್ಶ್ವವಾಯು ಆಸ್ಪತ್ರೆಯಲ್ಲಿ ಒಂದು ತಿಂಗಳ ಕಾಲ ಹಾಸಿಗೆಯಲ್ಲಿದ್ದರು.

ಪ್ರಸಿದ್ದಿಯತ್ತ - ಬೆಳವಣಿಗೆ[ಬದಲಾಯಿಸಿ]

1952ರ ವೈವಾ ಜಪಾಟಾ ಎಂಬ ಪ್ರಚಾರ ತುಣುಕಿನಲ್ಲಿ ಎಮಿಲಿಯೊ ಜಪಾಟಾ!ಆಗಿ ಬ್ರಾಂಡೊ

1951ರಲ್ಲಿ ಟೆನ್ನೆಸ್ಸೆ ವಿಲಿಯಮ್ಸ್‌‍ರವರ ಎ ಸ್ಟ್ರೀಟ್‌‍ಕಾರ್ ನೇಮ್ಡ್ ಡಿಸೈಯರ್ ನಾಟಕದ ರೂಪಾಂತರ ಕಾಜನ್ಸ್ ನಿರ್ದೇಶನದ ಚಿತ್ರದಲ್ಲಿ ಸ್ಟಾನ್ಲಿ ಕೊವಾಲ್ಸ್ಕಿ ಪಾತ್ರದಲ್ಲಿನ ಬ್ರಾಂಡೊರವರ ನಟನೆಯು ಅವರ ವೃತ್ತಿ ಜೀವನಕ್ಕೆ ಉತ್ತಮ ಬುನಾದಿಯನ್ನು ಹಾಕಿಕೊಟ್ಟಿತು. ಹಾಗೂ ಉತ್ತಮ ಹೆಸರು ಗಳಿಸಿಕೊಟ್ಟಿತು. ಈ ಪಾತ್ರದ ಅಭಿನಯಕ್ಕಾಗಿ ಇವರು ಅತ್ಯುತ್ತಮ ನಟ ಅಕಾಡೆಮಿ ಪ್ರಶಸ್ತಿಗೆ ನಾಮಾಂಕಿತಗೊಂಡರು. ಇದರ ನಂತರದ ಮೂರು ವರ್ಷಗಳೂ 1952ರಲ್ಲಿ ವಯಾ ಜಪಾಟಾ ! 1953ರಲ್ಲಿ ಜುಲಿಯಸ್ ಸೀಸರ್ ಚಿತ್ರದಲ್ಲಿ ಮಾರ್ಕ್ ಆಂಟೋನಿ ಪಾತ್ರಕ್ಕಾಗಿ ಮತ್ತು 1954ರಲ್ಲಿ ಆನ್ ದಿ ವಾಟರ್‌‌ಫ್ರಂಟ್ ಚಿತ್ರಗಳಲ್ಲಿಯ ಪಾತ್ರಗಳಿಗಾಗಿ ಈ ಪ್ರಶಸ್ತಿಗೆ ನಾಮಾಂಕಿತಗೊಂಡಿದ್ದರು. ಬ್ರಾಂಡೊರ ಈ ಮೊದಲ ಐದು ಚಿತ್ರಗಳು ಅವರ ವೃತ್ತಿ ಜೀವನವನ್ನು ಸ್ಥಾಪಿಸಿದವು. ಬಹುಶಃ ಇವರು ಜಗತ್ತಿನ ಸರ್ವಶ್ರೇಷ್ಠ ನಟನಾ ಪ್ರತಿಭೆ ಎನ್ನಬಹುದು. ಅದಕ್ಕೆ ಕನ್ನಡಿಯಾಗಿ ಅವರು ಗಳಿಸಿರುವ ಪ್ರಶಸ್ತಿಗಳು ನಿಲ್ಲುತ್ತವೆ. ಅವರು ಸತತವಾಗಿ 1951 ರಿಂದ 1953ರವರೆಗೆ ಮೂರುವರ್ಷಗಳು ಚಲನಚಿತ್ರದಲ್ಲಿನ ಮುಖ್ಯ ಭೂಮಿಕೆಯ ಪಾತ್ರಕ್ಕೆ ಅತ್ಯುತ್ತಮ BAFTA ಪ್ರಶಸ್ತಿಯನ್ನುಪಡೆದಿದ್ದಾರೆ. 1953ರಲ್ಲಿ ಬ್ರಾಂಡೊ ದಿ ವೈಲ್ಡ್ ಒನ್‌ ಎನ್ನುವ ಚಿತ್ರದಲ್ಲಿ ಸಹ ಅಭಿನಯಿಸಿದ್ದರು ಇದರಲ್ಲಿ ತಮ್ಮ ಸ್ವಂತ ಟ್ರಿಂಪ್‌ ತಂಡರ್ ಬರ್ಡ್ 6T ಮೊಟರ್ ಸೈಕಲ್‌‍ನಲ್ಲಿ ಸವಾರಿ ಮಾಡಿದ್ದರು. ಈ ಮೊಟರ್ ಸೈಕಲ್‌ ಅನ್ನು ಅಮದು ಮಾಡಿಕೊಳ್ಳುವವರಲ್ಲಿ ಒಂದು ರೀತಿಯ ಭಯವನ್ನುಂಟು ಮಾಡಿತ್ತಂತೆ. ಏಕೆಂದರೆ ಈ ಟ್ರಿಂಪ್‌ ತಂಡರ್ ಬರ್ಡ್ ಮೊಟರ್ ಸೈಕಲ್‌ ರೌಡಿ ಮೊಟರ್ ಸೈಕಲ್‌ ಎಂದು ಸಣ್ಣ ನಗರಗವೊಂದರಲ್ಲಿ ಜನರ ಗುಂಪುಗಳು ಮಾತನಾಡಿಕೊಳ್ಳುತ್ತಿದ್ದರಂತೆ. ಆದರೆ ಟ್ರಿಂಪ್‌ ಮೊಟರ್ ಸೈಕಲ್‌‍ ಮೇಲೆ ಕುಳಿತು ನೀಡಿರುವ ಭಾವಚಿತ್ರದ ಬಂಗಿಗಳು ಅತ್ಯಂತ ಪ್ರಸಿದ್ಧವಾದವು. ಇದೇ ಬಂಗಿಯನ್ನಾದರಿಸಿ ಮೇಡಮ್‌ ಟ್ಯುಸ್ಸಾಡ್ಸ್‌ ಮ್ಯೂಸಿಯಂ‍ನಲ್ಲಿ ಮೇಣದ ಆಕೃತಿಯನ್ನು ಸಹ ಮಾಡಲಾಗಿದೆ. ಬ್ರಾಂಡೊನ ಈ ಚಿತ್ರವನ್ನು ಈಗ ಟ್ರಿಂಪ್‌ ಮೊಟರ್ ಸೈಕಲ್‍ನ ಜಾಹೀರಾತಿನಲ್ಲಿ ವಿಡಂಬನಾತ್ಮಕವಾಗಿ ಬಳಸಿಕೊಳ್ಳುತ್ತಿದ್ದಾರೆ. ನಂತರ ಅದೇ ವರ್ಷದಲ್ಲಿ ಬೊಸ್ಟೊನ್‌ನಲ್ಲಿ ಬ್ರಾಂಡೊ ಲೀ ಫಾಕ್ ನಿರ್ಮಾಣದಲ್ಲಿ ಜಾರ್ಜ್ ಬರ್ನಾರ್ಡ್‌ ಶಾರವರ ಆರ್ಮ್ಸ್ ಆ‍ಯ್೦ಡ್ ದಿ ಮ್ಯಾನ್ ಚಿತ್ರದಲ್ಲಿ ನಟಿಸಿದರು. ಮರ್ಲಾನ್‌ ಬ್ರಾಂಡೊ ಬೊಸ್ಟನ್‌ನಲ್ಲಿ ಫಾಕ್‌ರವರ ನಾಟಕದಲ್ಲಿನ ಸೌಹಾರ್ಧಯುತ ಅಭಿನಯಕ್ಕಾಗಿ ಬ್ರಾಡ್‌ವೇಯಲ್ಲಿ ಒಂದು ವಾರಕ್ಕೆ $10,000 ಸಂಭಾವನೆಯನ್ನು ತಿರಸ್ಕರಿಸಿ ಬಂದಿರುವ ವಿಷಯವನ್ನು ಫಾಕ್‌ ಹೆಮ್ಮೆಯಿಂದ ಜನರಲ್ಲಿ ಹೇಳಿಕೊಳ್ಳುತ್ತಿದ್ದರು. ಅವರ ಬೊಸ್ಟನ್ ಒಪ್ಪಂದವು ಪ್ರತಿ ವಾರಕ್ಕೆ $500 ಕ್ಕಿಂತ ಕಡಿಮೆಯಾಗಿತ್ತು. ಇದು ಅವರ ನಾಟಕಗಳಲ್ಲಿನ ಕೊನೆಯ ಅಭಿನಯವಾಗಿತ್ತು. ನಿರ್ದೇಶಕ ನಿಕೊಲಸ್ ರೇ ದಿ ವೈಲ್ಡ್ ಒನ್ ಚಿತ್ರದದಲ್ಲಿದ್ದ ರೌಡಿ ಗ್ಯಾಂಗ್‌ ಕಲ್ಪನೆಯನ್ನು ತೆಗೆದು ತನ್ನ ಚಿತ್ರ ರೆಬೆಲ್ ವಿದೌಟ್‌ ಎ ಕಾಸ್‌ ನಲ್ಲಿ ಬೇರೆ ರೀತಿಯಲ್ಲಿಯೇ ಬ್ರಾಂಡೊ ವ್ಯಕ್ತಿತ್ವವನ್ನು ಕಟ್ಟಿದರು. ಇದರಿಂದ ಯುವಕರ ಮೇಲೆ ಬ್ರಾಂಡೊರ ಪ್ರಭಾವವು ಹೆಚ್ಚಾಯಿತು. ಬಂಡಾಯಗಾರ ಸಂಸ್ಕೃತಿಯ ರೂಪಗಳಾದ ಮೋಟಾರ್ ಸೈಕಲ್‌ಗಳು, ಚರ್ಮದ ಜಾಕೆಟ್‌ಗಳು, ಜೀನ್ಸ್ ಮತ್ತು ಬ್ರಾಂಡೊ ಅವರ ಬಂಡಾಯಗಾರನ ರೀತಿಯ ರೂಪಗಳು ಬಂಡಾಯಗಾರ ಯುವ ಪೀಳಿಗೆಗಳನ್ನು ಪ್ರಭಾವಿಸಿದವು. ಇವೆಲ್ಲವು ಬ್ರಾಂಡೊ ಅವರ ಹೊಸ ಚಿತ್ರದಲ್ಲಿನ ವಿಶಿಷ್ಟ ಕಲ್ಪನೆ ಮತ್ತು ಅವರ ಪಾತ್ರದ ಕೊಡುಗೆಗಳಾಗಿದ್ದವು. ಮೋಟಾರ್ ಸೈಕಲ್-ಸಂಬಂಧಿತ ಉಪಕರಣ ಸಾಮಾಗ್ರಿಗಳು, ಚರ್ಮದ ಜಾಕೆಟ್‌ಗಳು,ಬೂಟುಗಳು ಮತ್ತು ಟಿ-ಶರ್ಟ್‌ಗಳ ಮಾರಾಟಗಳು ದೇಶದಾದ್ಯಂತ ಹೆಚ್ಚಾದವು.[೧೨] ಈ ಚಿತ್ರವು ಕಡಲಾಚೆಯ ಪ್ರೇಕ್ಷಕರ ಮೇಲೂ ಅದೇ ರೀತಿಯ ಪ್ರಭಾವ ಬೀರಿತು. ಸ್ಥಳೀಯ ಸಂಸ್ಥೆಗಳು ಮತ್ತು ಕೆಲವು ಧರ್ಮನಿಷ್ಠರು ಈ ಚಿತ್ರದ ಪ್ರಭಾವವು ತಮ್ಮ ಜವಾಬ್ದಾರಿಯುತ ದೇಶಗಳ ಯುವಕರ ಮೇಲಾಗುತ್ತಿದೆ ಎಂದು ಪ್ರಲಾಪಿಸಿದರು.

1954ರ ಆನ್ ದಿ ವಾಟರ್‌ಪ್ರಂಟ್ ಪ್ರಚಾರ ತುಣುಕಿನಲ್ಲಿ ಇವಾ ಮ್ಯಾರಿ ಸೇಂಟ್ ಜೊತೆ ಮರ್ಲಿನ್ ಬ್ರಾಂಡೊ
ಕಜಾನ್‌ರ ನಿರ್ದೇಶನದಲ್ಲಿ ಮತ್ತು ಅವರು ಹೊಂದ್ದಿದ್ದಂತಹ ಪ್ರತಿಭಾನ್ವಿತ ತಂಡದಲ್ಲಿ, ಬ್ರಾಂಡೊ ಆನ್ ದಿ ವಾಟರ್‌ಫ್ರಂಟ್‌  ಚಿತ್ರದಲ್ಲಿ ತನ್ನ ಟೆರಿ ಮಲಾಯ್ ಪಾತ್ರಕ್ಕೆ ಆಸ್ಕರ್ ಪ್ರಶಸ್ತಿಯನ್ನು ಪಡೆದರು.  ಜನಪ್ರಿಯ ಐ ಕುಡಾ ಬೀನ್ ಎ ಕಂಟೆಂಡರ್  ದೃಶ್ಯಕ್ಕಾಗಿ, ಬ್ರಾಂಡೊ ಸ್ಕ್ರೀಪ್ಟ್ ಬರೆಯಲ್ಪಟ್ಟ ದೃಶ್ಯವು ಅವಾಸ್ತವಿಕವಾಗಿದೆ ಎಂದು ಹೇಳಿ ಕಜಾನ್‌ರ ಮನವೊಲಿಸಿದರು. ಮತ್ತು ರಾಡ್ ಸ್ಟೈಗರ್‌ರೊಂದಿಗೆ ಸೇರಿ ಅಂತಿಮ ಹಂತವನ್ನು ಬೆಳವಣಿಗೆ ಮಾಡಿದರು. ಬ್ರಾಂಡೊ 1950ರಲ್ಲಿ ವಿಭಿನ್ನ ಪಾತ್ರಗಳಿಂದ ಯಶಸ್ಸನ್ನು ಮುಂದುವರಿಸಿದರು, ಅಂತಹ ಸವಾಲಿನ ನಿರೀಕ್ಷೆಯ ಪಾತ್ರಗಳೆಂದರೆ:ಗೈಯ್ಸ್ ಆ‍ಯ್೦ಡ್ ಡಾಲ್ಸ್‌ ನಲ್ಲಿ ಸ್ಕೈ ಮಾಸ್ಟರ್ಸನ್ ಆಗಿ ಅವರು ಗಾಯಕ ಪಾತ್ರವನ್ನು ನಿರ್ವಹಿಸಿದ್ದರು; ದ ಟೀಹೌಸ್ ಆಫ್ ದ ಆಗಸ್ಟ್ ಮೂನ್‌ ನಲ್ಲಿ ಅವರು ಯುದ್ಧದ ನಂತರ ಜಪಾನ್‌ನಲ್ಲಿ ಯು.ಎಸ್. ಸೈನ್ಯಕ್ಕೆ ಜಪಾನಿ ವಿವರಣಕಾರ ಸಾಕಿನಿ ಪಾತ್ರವನ್ನು ನಿರ್ವಹಿಸಿದರು; ಸಯೋನಾರ ದಲ್ಲಿ ವಾಯುಪಡೆಯ ಅಧಿಕಾರಿಯಾಗಿ ಮತ್ತು ದ ಯಂಗ್ ಲಯನ್ಸ್‌ ನಲ್ಲಿ ನಾಜಿ ಅಧಿಕಾರಿಯಾಗಿ ಅಭಿನಯಿಸಿದ್ದರು.  ಅವರು ಸಯೋನಾರ  ಚಿತ್ರದಲ್ಲಿನ ತನ್ನ ನಟನೆಗಾಗಿ ಆಸ್ಕರ್‌ಗೆ ನಾಮನಿರ್ದೇಶಿತಗೊಂಡಿದ್ದರೂ, 1950ರ ಕೊನೆಯಲ್ಲಿ ಅವರ ನಟನೆಯು ತನ್ನ ಸಾಮರ್ಥ್ಯ ಮತ್ತು ಗುರಿಯನ್ನು ಕಳೆದುಕೊಂಡಿತು. 1960ರ ದಶಕದಲ್ಲಿ ಬ್ರಾಂಡೊ ಅಭಿನಯಿಸಿದ ಚಿತ್ರಗಳೆಂದರೆ ಮ್ಯುಟಿನಿ ಆನ್ ದ ಬೌಟಿ  (1962); ಒನ್-ಐಡ್ ಜ್ಯಾಕ್ಸ್  (1961), ಇದು ಬ್ರಾಂಡೊ ನಿರ್ದೇಶಿಸಿದ ಏಕಮಾತ್ರ ಪಾಶ್ವಿಮಾತ್ಯ ಚಿತ್ರವಾಗಿತ್ತು;  ತುಂಬ ಜನ ನಟರಿದ್ದರೂ ದಿ ಚೇಸ್ (1966) ಕಳಪೆ ಗುಣಮಟ್ಟದ ಚಿತ್ರವಾಗಿದ್ದರಿಂದ ಯಶಸ್ಸನ್ನು ಕಾಣಲಿಲ್ಲ. ಅದರಲ್ಲಿ ಅವರು ಭ್ರಷ್ಟನಲ್ಲದ ಟೆಕ್ಸಾಸ್ ಷರೀಪ್ ಪಾತ್ರವನ್ನು ನಿರ್ವಹಿಸಿದರು ಮತ್ತು ರಿಫ್ಲೆಕ್ಷನ್ಸ್ ಇನ್ ಎ ಗೋಲ್ಡನ್ ಐ (1967) ಚಿತ್ರದಲ್ಲಿ ಅವರನ್ನು ಭಾವನೆಗಳನ್ನು ಅದುಮಿಟ್ಟ ಸಲಿಂಗಕಾಮಿ ಸೈನ್ಯಾಧಿಕಾರಿಯನ್ನಾಗಿ ಚಿತ್ರಿಸಲಾಗಿದೆ.  ಈ ಚಿತ್ರದಲ್ಲಿನ ಅಭಿನಯವೇ ಮುಂದೊಮ್ಮೆ ಪ್ರಮುಖ ವಿಮರ್ಶಕ ಸ್ಟ್ಯಾನ್ಲೀ ಕ್ರೌಚ್, "ಬ್ರಾಂಡೊರ ಮುಖ್ಯ ಗುರಿಯು ಮಿತಭಾಷಿಯೆಂಬಂತೆ ಚಿತ್ರಿಸುವುದಾಗಿದೆ. ಅಲ್ಲದೆ ಪರಿಸ್ಥಿತಿಗಳ ಒತ್ತಡಕ್ಕೆ ಹಾಗೂ ಅನಿವಾರ್ಯತೆಯ ಕಾರಣದಿಂದ ಖಿನ್ನನಾಗುವ ಪಾತ್ರವನ್ನು ಅವರು ಸುಂದರವಾಗಿ ನಿರ್ವಹಿಸುತ್ತಾರೆ" ಎಂದು ಬರೆಯಲು ಕಾರಣವಾಯ್ತು.[೧೩]  ಬರ್ನ್!  (1969), ಅದು ತನ್ನ ವೈಯಕ್ತಿಕ ಮೆಚ್ಚುಗೆಗೆ ಪಾತ್ರವಾಗಿತ್ತು ಎಂದು ಬ್ರಾಂಡೊ ಕ್ರಮೇಣ ಹೇಳಿಕೊಂಡರು, ಅದು ವ್ಯಾಪಾರದ ದೃಷ್ಟಿಯಿಂದ ಸೋಲನ್ನನುಭವಿಸಿತ್ತು.    ಅವರ ವೃತ್ತಿ ಬದುಕು ಆ ದಶಕದ ಕೊನೆಗೆ ಸಂಪೂರ್ಣವಾಗಿ ಕಳೆಗುಂದಿತ್ತು, ಪ್ರಯಾಸದ ನಟನೆಂಬ ತನ್ನ ಕೆಟ್ಟಹೆಸರಿಗೆ ಮತ್ತು ಅತ್ಯಧಿಕ-ಬಜೆಟ್ ಅಥವಾ ಪ್ರಮುಖವಾಗಿರದ ಚಿತ್ರಗಳಲ್ಲಿನ ತನ್ನ ದಾಖಲೆಗೆ ಧನ್ಯವಾದಗಳನ್ನು ಹೇಳಿದರು.

ದಿ ಗಾಡ್‌ಫಾದರ್‌[ಬದಲಾಯಿಸಿ]

ಚಿತ್ರ:Godfather15 flip.jpg
1972ರ ಗಾಡ್‌ಫಾದರ್‌ನಲ್ಲಿ ಡಾನ್ ವಿಟೋ ಕರ್ಲೆಯಾನ್ ಆಗಿ ಬ್ರಾಂಡೊ

1972ರ ದ ಗಾಡ್‌ಫಾದರ್‌ ಚಿತ್ರದಲ್ಲಿನ ವಿಟೊ ಕಾರ್ಲೆಯೊನ್ ಆಗಿ ನಟಸಿದ್ದ ಬ್ರಾಂಡೊ ಅವರ ಅಭಿನಯವು ಅವರ ವೃತ್ತಿ ಜೀವನದ ಮಧ್ಯದಲ್ಲಿ ಹೊಸ ತಿರುವು ನೀಡಿತ್ತು. ನಿರ್ದೇಶಕ ಫ್ರಾನ್ಸಿಸ್ ಫೊರ್ಡ್ ಕೊಪೊಲಾ ಬ್ರಾಂಡೊ ಅವರನ್ನು "ಅಲಂಕಾರ"(ಮೇಕಪ್) ಪರೀಕ್ಷೆಯನ್ನು ಮಾಡಿಕೊಳ್ಳುವಂತೆ ಮನವೊಲಿಸಿದರು, ಅದರಲ್ಲಿ ಬ್ರಾಂಡೊ ಸ್ವತಃ ತಾವೇ ಅಲಂಕಾರ ಮಾಡಿಕೊಂಡಿದ್ದರು(ಅವರು ದುಂಡು-ಕೆನ್ನೆಯ ನೋಟವನ್ನು ಮಾಡಿಕೊಂಡು ನಟಿಸುವುದಕ್ಕಾಗಿ ಕಾಟನ್ ಬಾಲ್ಸ್ ಅನ್ನು ಬಳಸುತ್ತಿದ್ದರು). ಅಪರಾಧಿ ಕುಟುಂಬದ ಮುಖಂಡನಾಗಿ ಅಭಿನಯಿಸಿದ ಬ್ರಾಂಡೊರ ಪಾತ್ರ ಕೊಪೊಲಾ ಅವರನ್ನು ಅತ್ಯಂತ ಅಚ್ಚರಿಗೊಳಿಸಿತ್ತು, ಆದರೆ ಮಾನಸಿಕ ಪ್ರವೃತ್ತಿಯುಳ್ಳ ಬ್ರಾಂಡೊ ಸ್ಟುಡಿಯೋದಲ್ಲಿ ಪಾತ್ರ ವರ್ಗದೊಂದಿಗೆ ಜಗಳವಾಡುತ್ತಿದ್ದರು, ಅವರು ತಮ್ಮ ಈ ಕಠಿಣ ವರ್ತನೆಗಾಗಿಯೇ ಪ್ರಸಿದ್ಧಿಯಾಗಿದ್ದರು ಮತ್ತು ಅವರ ಈ ತಗಾದೆಗಳು ಸಹ ಸ್ಟುಡಿಯೊ ತುಂಬ ಪ್ರಸಿದ್ಧಿಯಾಗಿದ್ದವು. ಮಾರಿಯೊ ಪುಜೊ ಬ್ರಾಂಡೊ ಅವರನ್ನು ಕಾರ್ಲಿಯೊನ್ ಆಗಿಯೇ ಸದಾ ಕಲ್ಪಿಸಿಕೊಳ್ಳುತ್ತಿದ್ದರು.[೧೪] ಆದರೂ ಪ್ಯಾರಾಮೌಂಟ್ ಸ್ಟುಡಿಯೋ ಮುಖಂಡರು ಡ್ಯಾನಿ ಥಾಮಸ್‌ಗೆ ಪಾತ್ರವನ್ನು ನೀಡಬೇಕೆಂದು ಬಯಸಿದ್ದರು, ಥಾಮಸ್ ತನ್ನ ಸ್ವಂತ ನಿರ್ಮಾಣ ಸಂಸ್ಥೆಯನ್ನು ಬಿಟ್ಟು ಪ್ಯಾರಾಮೌಂಟ್‍‌ ಸೇರಲಿಲ್ಲ. ಥಾಮಸ್ ಆ ಪಾತ್ರವನ್ನು ಮಾಡಲು ಒಪ್ಪಲಿಲ್ಲ, ಆಗ ಸ್ಟುಡಿಯೊದವರು ಸ್ಕ್ರೀನ್‌ ಟೆಸ್ಟ್‌ಗೆ ಸಾಕ್ಷಿಯಾಗಿದ್ದವರು ಮತ್ತು ಕೊಪೊಲಾ ಕೋರಿಕೆಯಂತೆ ಬ್ರಾಂಡೊ ಅವರನ್ನು ಆ ಪಾತ್ರ ಮಾಡುವಂತೆ ವಿನಂತಿಸಿದರು. ಅಂತಿಮವಾಗಿ, ಗಲ್ಫ್+ ವೆಸ್ಟರ್ನ್‌ನಿಂದ ಬೆಂಬಲಿಸಲ್ಪಡುವ ಪ್ಯಾರಾಮೌಂಟ್‌ನ ಅಧ್ಯಕ್ಷ ಚಾರ್ಲ್ಸ್ ಬ್ಲೂಡೊರ್ನ್ ಅವರು ಬ್ರಾಡೊ ಆ ಪಾತ್ರವನ್ನು ಮಾಡಲು ಒಪ್ಪಿಸುವಲ್ಲಿ ಸಫಲರಾದರು; ಅವರು ಸ್ಕ್ರೀನ್‌ಟೆಸ್ಟ್‌ ನೋಡುತ್ತಿದ್ದಾಗ, "ನಾವು ಏನನ್ನು ನೋಡುತ್ತಿದ್ದೇವೆ?, ಯಾರು ಈ ಮೇದಾವಿ ಮುದುಕ ?" ಎಂದು ಅತ್ಯಾಶ್ಚರ್ಯದಿಂದ ಕೇಳಿದ್ದರು. ಬ್ರಾಂಡೊ ತನ್ನ ಅಭಿನಯಕ್ಕಾಗಿ ಅಕಾಡೆಮಿಯ ಅತ್ಯುತ್ತಮ ನಟ ಪ್ರಶಸ್ತಿಯನ್ನು ಗಳಿಸಿದರು, ಆದರೆ ಎರಡನೇ ನಟನೆಂದು ಗುರ್ತಿಸಿದ ಆಸ್ಕರ್‌ನ ಅತ್ಯುತ್ತಮ ನಟ ಪ್ರಶಸ್ತಿಯನ್ನು ಒಪ್ಪದೇ ಅವರು ತಿರಸ್ಕರಿಸಿದರು,(ಪ್ಯಾಟನ್‌ ಗಾಗಿ ಜಾರ್ಜ್ ಸಿ.ಸ್ಕಾಟ್‌ಗೆ ಪ್ರಥಮ ಪ್ರಶಸ್ತಿ ನೀಡಲಾಗಿತ್ತು) ಅಮೇರಿಕನ್ ಇಂಡಿಯನ್ ರ‍ೈಟ್ಸ್ ಚಳುವಳಿಯ ಕ್ರಾಂತಿಕಾರಿ ಸ್ಯಾಚೀನ್ ಲಿಟಲ್‌ಫೆದರ್‌ ಅವರನ್ನು ತನ್ನ ಬದಲಾಗಿ ಪ್ರಶಸ್ತಿ ಸಮಾರಂಭಕ್ಕೆ ಕಳುಹಿಸುವ ಮೂಲಕ ಬ್ರಾಂಡೊ ಪ್ರಶಸ್ತಿಯನ್ನು ಬಹಿಷ್ಕರಿಸಿದರು. ಲಿಟಲ್‌ಫೆದರ್ ಸಂಪೂರ್ಣವಾಗಿ ಗೂಂಡಾ (ಅಪಚಿ)ಉಡುಪಿನಲ್ಲಿ ಸಮಾರಂಭದಲ್ಲಿ ಬ್ರಾಂಡೊ ಪ್ರಶಸ್ತಿ ತಿರಸ್ಕರಿಸಿದ ಕಾರಣವನ್ನು ತಿಳಿಸಿದ. ಅಮೇರಿಕಾದ ಭಾರತೀಯರನ್ನು [೧೫] ಹಾಲಿವುಡ್ ಮತ್ತು ದೂರದರ್ಶನ ಮಾದ್ಯಮಗಳು ಪ್ರಸ್ತುತಪಡಿಸುತ್ತಿರುವ ರೀತಿಯನ್ನು ಅವರು ಖಂಡಿಸಿದ್ದಾಗಿ ಫೆದರ್ ಹೇಳಿಕೆ ನೀಡಿದ. 1973ರಲ್ಲಿ ಬರ್ನಾಡೊ ಬರ್ಟೊಲುಕಿಯ ಚಿತ್ರ ಲಾಸ್ಟ್ ಟ್ಯಾಂಗೊ ಇನ್ ಪ್ಯಾರೀಸ್‌ ನಲ್ಲಿ ನಟಿಸಿದ್ದು ಅವರ ಅತ್ಯುತ್ತಮ ಅಭಿನಯಗಳಲ್ಲಿ ಒಂದಾಗಿತ್ತು. ಆದರೆ ಚಿತ್ರದ ಕಾಮಪ್ರಚೋದಕ ಸ್ವಭಾವವು ಇವರ ಪಾತ್ರದ ಪ್ರಾಮುಖ್ಯತೆಯನ್ನು ಕಡಿಮೆಗೊಳಿಸಿತ್ತು. ಸಿನಿಮಾ ಮತ್ತು ವ್ಯಕ್ತಿ-ಎರಡರಲ್ಲೂ ವಿವಾದಗಳನ್ನು ಹೊಂದಿದ್ದರೂ ಕೂಡ ಮತ್ತೊಮ್ಮೆ ಅತ್ಯುತ್ತಮ ನಟನಾಗಿ ಬ್ರಾಂಡೊ ಅಕಾಡೆಮಿ ಪ್ರಶಸ್ತಿಗೆ ನಾಮನಿರ್ದೇಶಿತರಾದರು. ಬ್ರಾಂಡೊರ ವೃತ್ತಿಜೀವನ ನಂತರದಲ್ಲಿ ಏರಿಳಿತದಿಂದ ಕೂಡಿತ್ತು. ಬ್ರಾಂಡೊ ಅವರಿಗೆ 1979ರ ಅಪೊಕಾಲಿಪ್ಸೆ ನೌ ಚಿತ್ರದಲ್ಲಿನ ಮುಖ್ಯ ಪಾತ್ರ ’ಕರ್ನಲ್‌ ಕರ್ಟ್ಜ್‌’ದ ಅಭಿನಯಕ್ಕಾಗಿ ವಾರಕ್ಕೆ ಒಂದು ಮಿಲಿಯನ್‌ ಡಾಲರ್‌ಗಳಷ್ಟು ಹಣವನ್ನು ನೀಡಲಾಗಿತ್ತು. ಈ ಚಿತ್ರದಲ್ಲಿ ಅವರನ್ನು ತೆಳ್ಳಗೆ ಮತ್ತು ಆರೋಗ್ಯವಂತರಾಗಿರುವಂತೆ ಮತ್ತು ಹಾರ್ಟ್‌ ಆಫ್‌ ಡಾರ್ಕ್‌ನೆಸ್‌ ಕಾದಂಬರಿಯನ್ನು ಓದಿರುವವರಂತೆ ಚಿತ್ರಿಸಬೇಕಾಗಿತ್ತು. ಅದಕ್ಕೆ ಅವರು ತೂಕವನ್ನು ಇಳಿಸಿಕೊಂಡು ಆ ಕಾದಂಬರಿಯನ್ನು ಸಂಪೂರ್ಣ ಓದಬೇಕಾಗಿತ್ತು. ಆದರೆ ಬ್ರಾಂಡೊ ತನ್ನ ತೂಕವನ್ನು 220ಪೌಂಡ್‌ಗೆ (100 ಕೆಜಿ) ಇಳಿಸಿಕೊಂಡರು, ಕಾದಂಬರಿಯನ್ನು ಓದಲು ಅವರಿಂದಾಗಲಿಲ್ಲ. ಪರಿಣಾಮವಾಗಿ, ಇವರ ಪಾತ್ರದ ಹೆಚ್ಚು ಭಾಗವನ್ನು ನೆರಳಿನ ಮಧ್ಯೆ ಚಿತ್ರಿಸಲಾಗಿತ್ತು ಮತ್ತು ಹೆಚ್ಚಿನ ಸಂಭಾಷಣೆಯ ಭಾಗವನ್ನು ಸುಧಾರಣೆ ಮಾಡಲಾಗಿತ್ತು. ಬ್ರಾಂಡೋರ ಅಭಿನಯದ ಭಾಗ ಮುಗಿದ ನಂತರದಲ್ಲಿ ನಿರ್ದೇಶಕ ಫ್ರಾನ್ಸಿಸ್ ಫೊರ್ಡ್ ಕೊಪೊಲಾ ಇನ್ನೊಂದು ತಾಸು ಹೆಚ್ಚಿನ ಸಮಯ ಉಳಿಯುವಂತೆ ಬ್ರಾಂಡೊರನ್ನು ಕೇಳಿಕೊಂಡರು. ಈ ಸಮಯದಲ್ಲಿ ಬ್ರಾಂಡೊ ’ಹಾರರ್ ಹಾರರ್’ ಎಂದು ಕೂಗಿಕೊಳ್ಳುವ ಭಾಗದ ಕ್ಲೋಸ್‌ಅಪ್‌ ಚಿತ್ರೀಕರಣವನ್ನು ಮಾಡುವುದು ಕೊಪೊಲಾ ಅವರ ಉದ್ದೇಶವಾಗಿತ್ತು. ಬ್ರಾಂಡೊ ಈ ಸಮಯಕ್ಕಾಗಿ $75,೦೦೦ ಹೆಚ್ಚಿನ ಹಣಕ್ಕೆ ಅಭಿನಯಿಸಲು ಒಪ್ಪಿಕೊಂಡರು. ಈ ಚಿತ್ರದ ನಂತರ ಅವರ ಅಭಿನಯದ ಪ್ರೌಡತೆಯು ಅವರು ಅಭಿನಯಿಸಬಹುದಾದ ಪಾತ್ರಗಳನ್ನು ಮಿತಿಗೊಳಿಸಿತು.

ನಂತರದ ವೃತ್ತಿ ಜೀವನ[ಬದಲಾಯಿಸಿ]

ಚಿತ್ರ:Jor-EL.jpg
1978ರ ಸೂಪರ್‌ಮ್ಯಾನ್‌ನಲ್ಲಿ ಜೊ-ಎಲ್‌ ಆಗಿ ಮರ್ಲಾನ್ ಬ್ರಾಂಡೊ

ಬ್ರಾಂಡೊ 1978ರ ಸೂಪರ್‌ಮ್ಯಾನ್: ದ ಮೂವೀ ಚಿತ್ರದಲ್ಲಿ ಸೂಪರ್‌ಮ್ಯಾನ್‌ನ ತಂದೆ ಜೊರ್-ಎಲ್ ಆಗಿ ಮತ್ತೆ ನಟಿಸಿದರು. ಅವರು ಸಣ್ಣ ಪಾತ್ರಕ್ಕೆ ನೀಡುವ ಮೊತ್ತಕ್ಕಿಂತ ಹೆಚ್ಚು ನೀಡುತ್ತೇವೆ ಎಂಬ ಭರವಸೆಗೆ ಮಾತ್ರ ಆ ಪಾತ್ರವನ್ನು ಒಪ್ಪಿಕೊಂಡಿದ್ದರು. ಅವರು ಅಭಿನಯಿಸುವ ಮೊದಲು ಸ್ಕ್ರಿಪ್ಟ್‌ ಅನ್ನು ಓದುವ ಅಗತ್ಯವಿಲ್ಲ ಅದು ಚಿತ್ರೀಕರಣ ಸಮಯದಲ್ಲಿ ಕೆಮರಾದ ಹಿಂದೆ ಕಾಣುವಂತೆ ಮಾಡಲಾಗುವುದು ಎಂದು ಹೇಳಲಾಗಿತ್ತು.ಇದನ್ನು ಸೂಪರ‍್ಮ್ಯಾನ್‌ ಬಿಡುಗಡೆಯ 2001ರ ಡಿವಿಡಿಯಲ್ಲಿ ಸಾಕ್ಷ್ಯಚಿತ್ರವನ್ನಾಗಿ ತೋರಿಸಲಾಯಿತು. ಆ ಚಿತ್ರದಲ್ಲಿ ಅವರಿಗೆ ಕೇವಲ ಎರಡು ವಾರಗಳ ಕೆಲಸಕ್ಕಾಗಿ $3.7 ಮಿಲಿಯನ್ ಸಂದಾಯವಾಗಿತ್ತು. ಚಿತ್ರದ ಮುಂದುವರಿದ ಭಾಗವಾದ ಸೂಪರ್‌ಮ್ಯಾನ್ II ರ ಸಲುವಾಗಿಯೂ ಬ್ರಾಂಡೊರವರನ್ನು ಬಳಸಿಕೊಂಡು ಕೆಲವು ದೃಶ್ಯಗಳನ್ನು ಚಿತ್ರೀಕರಿಸಲಾಗಿತ್ತು. ನಿರ್ಮಾಪಕರು ಅವರು ಮೊದಲ ಚಿತ್ರಕ್ಕೆ ಪಡೆದುಕೊಂಡಷ್ಟು ಹಣವನ್ನು ನೀಡಲು ತಿರಸ್ಕರಿಸಿದ್ದರಿಂದ ಬ್ರಾಂಡೊ ಆ ದೃಶ್ಯಗಳನ್ನು ಬಳಸಲು ಅನುಮತಿಯನ್ನು ನಿರಾಕರಿಸಿದರು. ಹಾಗಿದ್ದರೂ, ಬ್ರಾಂಡೊ ಮರಣದ ನಂತರ, ಆ ದೃಶ್ಯಗಳನ್ನು 2006ರ ಚಿತ್ರದ ಮರು-ಸಂಪಾದನೆಯಲ್ಲಿ ಪುನಃ ಸೇರಿಸಲಾಯಿತು.Superman II: The Richard Donner Cut ಬ್ರಾಂಡೊ ನಿಧನದ ಎರಡು ವರ್ಷಗಳ ನಂತರ,2006ರಲ್ಲಿ ಲೂಸ್‌ ಸಿಕ್ವೆಲ್‍ ಎಂದು ಕರೆಯುತ್ತಿದ್ದ ಸೂಪರ‍್ಮ್ಯಾನ್ ರಿಟರ್ನ್ಸ್‌ ಚಿತ್ರದಲ್ಲಿನ ಅವರ ಜೊರ್-ಎಲ್ ಪಾತ್ರವನ್ನು "ಪುನರಾವರ್ತನ ಪ್ರತಿ"ಯನ್ನಾಗಿ ಮಾಡಲಾಯಿತು, ಇದರಲ್ಲಿ ಬಳಸಿದ ಮತ್ತು ಬಳಸಿಲ್ಲದ ಮೊದಲ ಎರಡು ಸೂಪರ್‌ಮ್ಯಾನ್ ಸಿನಿಮಾಗಳ ಜೊರ್-ಎಲ್ ಪಾತ್ರದಲ್ಲಿದ್ದ ಬ್ರಾಂಡೊರ ದೃಶ್ಯಸಂಗ್ರಹವನ್ನು ಫೊರ್‌ಟ್ರೆಸ್ ಆಫ್ ಸೊಲಿಟ್ಯೂಡ್‌ನಲ್ಲಿನ ದೃಶ್ಯಕ್ಕಾಗಿ ರಿಮಾಸ್ಟರ್‌ ಮಾಡಲಾಯಿತು. ಅಲ್ಲದೆ ಬ್ರಾಂಡೊರ ಧ್ವನಿಯನ್ನು ಸಿನಿಮಾದಾದ್ಯಂತ ಬಳಸಿಕೊಳ್ಳಲಾಯಿತು. ಬ್ರಾಂಡೊ 1980ರಲ್ಲಿ ನಟನೆಯಿಂದ ತನ್ನ ನಿವೃತ್ತಿಯನ್ನು ಘೋಷಿಸಿದರಾದರೂ ನಂತರದಲ್ಲಿ ಪೋಷಕ ಪಾತ್ರಗಳತ್ತ ಆಸಕ್ತಿ ವಹಿಸಿದರು. ಅಂತಹ ಚಿತ್ರಗಳೆಂದರೆ ಎ ಡ್ರೈ ವೈಟ್ ಸೀಸನ್ (ಈ ಚಿತ್ರದಿಂದ ಅವರು ಮತ್ತೊಮ್ಮೆ 1989ರಲ್ಲಿ ಆಸ್ಕರ್‌ಗೆ ನಾಮನಿರ್ದೇಶಿತಗೊಂಡರು), 1990ರಲ್ಲಿ ದ ಫ್ರೆಶ್‌ಮ್ಯಾನ್ ಮತ್ತು 1995ರಲ್ಲಿ ಡಾನ್ ಜಾನ್ ಡೇಮಾರ್ಕೊ . ಅವರ ಕೊನೆಯ ಚಿತ್ರ ದಿ ಸ್ಕೋರ್‌ (2001)ನಲ್ಲಿ, ಅವರು ಮೆಥಡ್ ನಟ ರಾಬರ್ಟ್ ಡೆ ನಿರೊ ಜೊತೆಗೆ ಅಭಿನಯಿಸಿದ್ದರು. ದಿ ಐಲ್ಯಾಂಡ್ ಆಫ್ ಡಾ.ಮೊರ‍ೊ (1996)-ನಂತಹ ನಂತರದ ಕೆಲವು ಅಭಿನಯಗಳಲ್ಲಿ, ಬ್ರಾಂಡೊ ತನ್ನ ವೃತ್ತಿ ಜೀವನದ ಅಭಿನಂದನಾರ್ಹವಲ್ಲದ ಕೆಲವು ವಿಮರ್ಶೆಗಳನ್ನು ಪಡೆದರು. ಬ್ರಾಂಡೊ 1979ರಲ್ಲಿ ನಿರ್ದೇಶಕ ಡೊನಾಲ್ಡ್ ಕ್ಯಾಮೆಲ್‌ ಅವರೊಂದಿಗೆ ಸೇರಿ ಫ್ಯಾನ್-ಟ್ಯಾನ್ ಎಂದು ಕರೆಯಲ್ಪಡುವ ಕಾದಂಬರಿಯ ತಂತ್ರವನ್ನು ಚಿತ್ರ ಮಾಡಿದ್ದರು. ಅದು 2005ರವರೆಗೂ ಬಿಡುಗಡೆಯಾಗಲಿಲ್ಲ.[೧೬]

ವೈಯಕ್ತಿಕ ಜೀವನ[ಬದಲಾಯಿಸಿ]

ಬ್ರಾಂಡೊ ನಾಗರೀಕ ಹಕ್ಕುಗಳು, ದೇಶಿಯ ಅಮೆರಿಕನ್ನರ ಹಕ್ಕುಗಳು, ಮತ್ತು ಇತರ ರಾಜಕೀಯ ಕಾರಣಗಳಿಗಾಗಿ ಪ್ರಸಿದ್ದರಾಗಿದ್ದಾರೆ. ಅವರು ತಮ್ಮ ಸಾರ್ವಜನಿಕ ಸಿಟ್ಟು ಮತ್ತು ವಿಚಿತ್ರ ನಡವಳಿಕೆಗಳಿಗಾಗಿ "ಬ್ಯಾಡ್ ಬಾಯ್" ಎಂದೂ ಹೆಸರುವಾಸಿಯಾಗಿದ್ದಾರೆ. ಜೂನ್ 12,1973ರಲ್ಲಿ ಬ್ರಾಂಡೊ ರಾನ್ ಗಲೆಲ್ಲಾ ಎಂಬ ಪಾಪರಾಜಿಯ ದವಡೆ ಮುರಿದರು. ಗಲೆಲ್ಲಾ ಬ್ರಾಂಡೊರವರನ್ನು ಅನುಕರಿಸಿದರು, ಆತಿಥೇಯನಾದ ಡಿಕ್ ಕ್ಯಾವೆಟ್‌ನ ಸಂವಾದ ಕಾರ್ಯಕ್ರಮದ ಜೊತೆಯಾಗಿದ್ದ, ನಂತರ ನ್ಯೂಯಾರ್ಕ್‌ ನಗರ‍ದಲ್ಲಿ ಡಿಕ್ ಕ್ಯಾವೆಟ್‌ ಸಂವಾದ ಕಾರ್ಯಕ್ರಮ ಧ್ವನಿಮುದ್ರಣಗೊಂಡಿತು. ಅವರು ನ್ಯಾಯಲಯದ ಹೊರಗೆ ಒಪ್ಪಂದ ಮಾಡಿಕೊಂಡು 40,೦೦೦ ಡಾಲರ್ ಹಣ ಪಾವತಿಸಿದ ಪರಿಣಾಮವಾಗಿ ಅವರು ಹೆಸರು ಕೆಡಿಸಿಕೊಳ್ಳಬೇಕಾದ ಪ್ರಮೇಯ ಉಂಟಾಯಿತು. ಅಮೆರಿಕನ್ ಇಂಡಿಯನ್ಸ್ ಡೆವಲಪ್‍ಮೆಂಟ್ ಅಸೋಸಿಯೇಷನ್‌ನ ಕಾರ್ಯಕ್ರಮದ ಸಂಭ್ರಮಾಚರಣೆಯಲಿ ಬ್ರಾಂಡೊ ಭಾಗವಹಿದ್ದಾಗಿನ ಛಾಯಾಚಿತ್ರ ತೆಗೆಯುವಾಗ ಗಲೆಲ್ಲಾ ಪುಟ್‍ಬಾಲ್ ಹೆಲ್ಮೆಟ್ ಧರಿಸಿದ್ದನು. ಸಾಂಗ್ಸ್ ಮೈ ಮದರ್ ಟಾಟ್ ಮಿ ಪುಸ್ತಕದಲ್ಲಿ ಬ್ರಾಂಡೊ, ಮರ್ಲಿನ್ ಮನ್ರೊ ಪಾರ್ಟಿಯಲ್ಲಿ ಪಿಯಾನೋ ನುಡಿಸುವಾಗ ಅವಳನ್ನು ಭೇಟಿಯಾದಾಗ ಅಲ್ಲಿದ್ದವರಿಗ್ಯಾರಿಗೂ ಗುರುತಿಸಲಾಗಲಿಲ್ಲ, ಅವರಿಬ್ಬರು ಅವಳು ಸಾಯುವ ಕೊನೆಯ ಕೆಲವು ವರ್ಷಗಳವರೆಗೂ ಅಫೇರ್‌ ಇಟ್ಟುಕೊಂಡಿದ್ದರು. ಅವಳು ಸಾಯುವ ಹಿಂದಿನ ಕೆಲವು ದಿನ ಮೊದಲು ದೂರವಾಣಿ ಕರೆಯನ್ನು ಸ್ವೀಕರಿದಿದ್ದರು. ಅವರು ಹಲವಾರು ಬೇರೆ ಪ್ರಣಯ ಸಂಬಂಧಗಳನ್ನು ಹೊಂದಿದ್ದರೂ, ತನ್ನ ಮದುವೆಯ ಬಗ್ಗೆ ಹೆಂಡತಿಯರು, ಮಕ್ಕಳ ಬಗ್ಗೆ ಆತ್ಮಚರಿತ್ರೆಯಲ್ಲಿ ಹೇಳಿಕೊಂಡಿಲ್ಲ. 1957ರಲ್ಲಿ ಬ್ರಾಂಡೊ ಆನ್ನಾ ಕಶ್‍ಫಿ ಎಂಬ ನಟಿಯನ್ನು ಮದುವೆಯಾಗಿದ್ದರು. ಕಾಶ್‍ಫಿ ಕಲ್ಕತ್ತಾದಲ್ಲಿ ಜನಿಸಿದರು, 1947ರಲ್ಲಿ ಭಾರತದಲ್ಲಿ ಬ್ರಿಟೀಷ್ ಅಳ್ವಿಕೆ ಕೊನೆಗೊಂಡಾಗ ವೇಲ್ಸ್‌ಗೆ ಹೋದರು. ವೆಲ್ಸ್‌, ಸ್ಟೀಲ್ ಕಂಪನಿಯ ವರ್ಕರ್ ಹಾಗೂ ಐರಿಶ್ ಪೀಳಿಗೆಯ ವಿಲಿಯಮ್ ಒ ಕಲಾಘನ್ ಮಗಳು. ಮೊದಲು ಇವನು ಇಂಡಿಯನ್ ಸ್ಟೇಟ್ ರೇಲ್ವೆಯಲ್ಲಿ ಮೇಲ್ವಿಚಾರಕನಾಗಿದ್ದ. ಅವಳ ಪುಸ್ತಕ ಬ್ರಾಂಡೊ ಫಾರ‍್ ಬ್ರೇಕ್‌ಫಾಸ್ಟ್‌‍ನಲ್ಲಿ ತಾನು ಭಾರತೀಯ ಮೂಲದವಳಾಗಿದ್ದು ಮತ್ತು ಒ’ಕಲಾಘನ್ ತನ್ನ ಮಲತಂದೆ ಎಂದು ಪ್ರೆಸ್ ತಪ್ಪಾಗಿ ಮುದ್ರಿಸಿತ್ತು. ಆದರೆ ಅವರೇ ನಿಜವಾದ ತಂದೆಯಾಗಿದ್ದರು. ಅವಳು ತನ್ನ ನಿಜವಾದ ತಂದೆ ಭಾರತೀಯನೆಂದು ಹಾಗೂ ತನ್ನ ತಂದೆ ತಾಯಿಯರ ನಡುವೆ "ದಾಖಲೆಯಲ್ಲಿಲ್ಲದ ಸಂಬಂಧದ" ಫಲಿತಾಂಶವೇ ತಾನು ಎಂದು ಹೇಳಿಕೊಂಡಳು. ಮೇ 11, ೧೯೫೮ ಮಗ ಕ್ರಿಸ್ಚಿಯನ್ ಬ್ರಾಂಡೊ ಹುಟ್ಟಿದ ನಂತರ 1959ರಲ್ಲಿ ಬ್ರಾಂಡೊ ಮತ್ತು ಕಾಶ್‌ಫಿ ವಿಚ್ಚೇದನ ಪಡೆದುಕೊಂಡರು. 1960ರಲ್ಲಿ ಬ್ರಾಂಡೊ ಏಳು ವರ್ಷ ಹಿರಿಯಳಾದ ಮೆಕ್ಸಿಕನ್ ನಟಿ ಮೊವಿಟಾ ಕಾಸ್ಟಾನೆಡಾರನ್ನು ಮದುವೆಯಾದರು. 1962ರಲ್ಲಿ ಅವರಿಬ್ಬರು ವಿಚ್ಛೇದನ ಪಡೆದುಕೊಂಡರು. 1935ರಲ್ಲಿ ಕಾಸ್ಟಾನೆಡಾ ಮೊದಲು ಮ್ಯುಟಿನಿ ಆನ್ ದಿ ಬೌನ್ಟಿ ಚಿತ್ರದಲ್ಲಿ ಕಾಣಿಸಿಕೊಂಡರು. 1962ಕ್ಕೂ ಮುಂಚೆ 27 ವರ್ಷಗಳ ನಂತರ ಅದನ್ನು ರೀಮೇಕ್ ಮಾಡಲಾಯಿತು. ಅದರಲ್ಲಿ ಬ್ರಾಂಡೊ ಫ್ಲೆಚರ್ ಕ್ರಿಶ್ಟಿಯನ್ ಆಗಿ ನಟಿಸಿದ್ದರು. ಬೌಂಟಿ ಚಿತ್ರದ ಚಿತ್ರೀಕರಣ ಸಂದರ್ಭದಲ್ಲಿ ಬ್ರಾಂಡೊರ ವರ್ತನೆಯು ಪ್ರಯಾಸದ ನಟ ಎಂಬ ತನ್ನ ಕೆಟ್ಟ ಹೆಸರನ್ನು ಎತ್ತಿ ಹಿಡಿಯುವಂತೆ ಕಾಣುತ್ತಿತ್ತು. ಅವರನ್ನು ನಿರ್ದೇಶಕ ಮತ್ತು ಅಂಕೆ ಮೀರಿದ ಬಜೆಟ್‌ನಲ್ಲಿ ಬದಲಾವಣೆಗಾಗಿ ದೂಷಿಸಲಾಗುತ್ತಿತ್ತು. ಆದರೆ ಅವರು ಎರಡರಲ್ಲಿ ಯಾವುದಾದರೂ ಒಂದಕ್ಕೆ ತನ್ನ ಜವಾಬ್ದಾರಿಯನ್ನು ನಿರಾಕರಿಸುತ್ತಿದ್ದರು. ಬೌಂಟಿ ಚಿತ್ರದ ಅನುಭವವು ಆಳವಾದ ರೀತಿಯಲ್ಲಿ ಬ್ರಾಂಡೊರ ಜೀವನವನ್ನು ಪ್ರಭಾವಿಸಿತು. ಅವರು ತಾಹಿತಿ ಮತ್ತು ಅಲ್ಲಿನ ಜನರ ಮೇಲೆ ಪ್ರೀತಿಯನ್ನು ಬೆಳೆಸಿಕೊಂಡರು. ಅವರು ಟೆಟಿಯಾರೊವಾದ ಹನ್ನೆರಡು-ಹವಳ ದ್ವೀಪವನ್ನು ಖರೀದಿಸಿದರು. ಅಲ್ಲಿ ಅವರು ಸ್ವಲ್ಪ ಭಾಗದಲ್ಲಿ ಪರಿಸರಾತ್ಮಕ ಪ್ರಯೋಗಾಲಯ ಮತ್ತೂ ಸ್ವಲ್ಪ ಭಾಗದಲ್ಲಿ ರೆಸಾರ್ಟ್ ಮಾಡಬೇಕೆಂದು ಉದ್ದೇಶಿಸಿದ್ದರು. ಫ್ಲೆಚರ್ ಕ್ರಿಸ್ಟಿಯನ್‌ನ ಪ್ರೇಮಿಯಾಗಿ ನಟಿಸಿದ್ದ ತಾಹಿತಿಯ ಸುಂದರಿ ಟರಿಟ ಟೆರಿಪಿಯಾ ಅವರು ಆಗಸ್ಟ್ 10, 1962ರಂದು ಬ್ರಾಂಡೊರ ಮೂರನೇ ಹೆಂಡತಿಯಾದರು. ಆಕೆ 20 ವರ್ಷದವಳಾಗಿದ್ದಳು ಹಾಗೂ ಆಕೆ ಬ್ರಾಂಡೊಗಿಂತ 18 ವರ್ಷ ಕಿರಿಯವಳಾಗಿದ್ದಳು. ಅಭಿಮಾನಿ ನಿಯತಕಾಲಿಕೆ ಮೋಷನ್ ಪಿಕ್ಚರ್ ನಲ್ಲಿ ಟೆರಿಪಿಯಾ ಕುರಿತಂತೆ 1961ರ ಲೇಖನವೊಂದು ಆಕೆಯ ಮುಗ್ದತೆ ಮತ್ತು ಕೃತಕವಲ್ಲದ ಬುದ್ಧಿಯನ್ನು ಬ್ರಾಂಡೊ ಹೇಗೆ ಸಂತೋಷಪಡಿಸಿದ ಎಂದು ವರ್ಣಿಸಿದೆ. ಟೆರಿಪಿಯಾ ಮೂಲತಃ ಫ್ರೆಂಚ್ ಮಾತನಾಡುತ್ತಿದ್ದರಿಂದ ಬ್ರಾಂಡೊ ಸಹ ಆ ಭಾಷೆಯಲ್ಲಿ ಸರಾಗವಾಗಿ ಮಾತನಾಡುವಂತಾದರು. ಫ್ರೆಂಚ್‌ನಲ್ಲೇ ಅನೇಕ ಸಂದರ್ಶನಗಳನ್ನು ನೀಡಿದರು.[೧೭][೧೮] ಟೆರಿಪಿಯಾ ಅವರ ಎರಡು ಮಕ್ಕಳಿಗೆ ತಾಯಿಯಾದರು. ಅವರಿಬ್ಬರೂ ಜುಲೈ 1972ರಲ್ಲಿ ವಿಚ್ಛೇದನ ಪಡೆದರು. ಬ್ರಾಂಡೊ ಕೊನೆಗೆ ಟೆಟಿಯಾರೊಯದಲ್ಲಿ ಒಂದು ಹೋಟೆಲ್‌ ಅನ್ನು ನಿರ್ಮಿಸಿದರು. ಇದಕ್ಕೆ ಬ್ರಾಂಡೊ ಬೇಡಿಕೆಗಳಂತೆ ಬದಲಾವಣೆಗಳ ಕಾರಣದಿಂದ ಅನೇಕ ಮರುವಿನ್ಯಾಸಗಳನ್ನು ವರ್ಷಗಳಗಟ್ಟಲೆ ಮಾಡಲಾಯಿತು. ಇದನ್ನು ಈಗ ಮುಚ್ಚಲಾಗಿದೆ. ಅಲ್ಲಿ ಮೂವತ್ತು ಭೋಗಕರವಾದ ಕೊಠಡಿಗಳನ್ನು ಒಳಗೊಂಡಿರುವ ಒಂದು ಹೊಸ ಹೋಟೆಲ್ 2008ರಲ್ಲಿ ಉದ್ಘಾಟನೆಯಾಯಿತು.[೧೯] ತನ್ನ 1976ರ ಬಯೊಗ್ರಫಿ ದಿ ಒನ್ಲೀ ಕಂಟೆಂಡರ್ ಕುರಿತಂತೆ ಗೇರಿ ಕಾರೇಯೊಂದಿಗಿನ ಸಂದರ್ಶನದಲ್ಲಿ ಬ್ರಾಂಡೊ "ಸಲಿಂಗಕಾಮವು ಈಗ ಹೆಚ್ಚುತ್ತಿರುವ ಟ್ರೆಂಡ್‌ ಅಗಿದೆ. ಅದು ಹೆಚ್ಚು ದಿನಗಳವರೆಗೆ ಸುದ್ದಿಯಾಗುವ ಸರಕಾಗಿ ಉಳಿಯಲಾರದು. ಅನೇಕ ಪುರುಷರಂತೆ ನಾನು ಸಹ ಸಲಿಂಗಕಾಮೀಯ ಅನುಭವಗಳನ್ನು ಹೊಂದಿದ್ದೇನೆ ಮತ್ತು ನಾನು ನಾಚಿಕೆ ಪಟ್ಟಿಕೊಳ್ಳುವುದಿಲ್ಲ. ಜನ ನನ್ನ ಬಗ್ಗೆ ಏನು ಯೋಚಿಸುತ್ತಾರೊ ಎಂದು ನಾನೆಂದಿಗೂ ಗಮನ ಹರಿಸುವುದಿಲ್ಲ. ಆದರೆ ಕೆಲವರು, ಜಾಕ್ ನಿಕೊಲ್ಸನ್ ಮತ್ತು ನಾನು ಪ್ರೇಮಿಗಳು ಎಂದು ನನ್ನ ಮನವೊಲಿಸಿದ್ದ. ನಾವಿಬ್ಬರೂ ಹಾಗೇ ಮುಂದುವರಿಯಬಹುದು ಎಂದು ಹೇಳಿದರು. ನಾನು ಇದನ್ನು ಆಶ್ಚರ್ಯಕರವಾಗಿ ನೋಡುತ್ತೇನೆ" ಎಂದು ಹೇಳಿದರು. 2004ರಲ್ಲಿ ಅವರು ನಿಧನರಾದಾಗ ಬ್ರಾಂಡೊ 1973ರಿಂದ ತನ್ನೊಂದಿಗೆ ಇಟ್ಟುಕೊಂಡಿದ್ದ ತನ್ನ ಬಾಲ್ಯ ಸ್ನೇಹಿತ ವ್ಯಾಲಿ ಕಾಕ್ಸ್‌ನ ಬೂದಿಯನ್ನು, ಬ್ರಾಂಡೊರ ಸ್ವಂತ ಬೂದಿಯೊಂದಿಗೆ ಮಿಶ್ರ ಮಾಡಿ ಒಟ್ಟಿಗೆ ತಾಹಿತಿ ಮತ್ತು ಡೆತ್‌ ವ್ಯಾಲಿಯಲ್ಲಿ ಬಿಡಲಾಯಿತು.[೨೦]

ಮಕ್ಕಳು[ಬದಲಾಯಿಸಿ]

ಬ್ರಾಂಡೊ ಅವರ ಮಗ ಕ್ರಿಸ್ಟಿಯಾನ್ ಶೂಟಿಂಗ್ ಘಟನೆಯಲ್ಲಿ ಸಿಕ್ಕಿ ಹಾಕಿಕೊಳ್ಳುವುದು[ಬದಲಾಯಿಸಿ]

1990ರ ಮೇನಲ್ಲಿ ತಾಹಿತಿಯಾದ ಬ್ರಾಂಡೊರ ಪುತ್ರಿ ಚೆಯನ್ನೆ ಪ್ರೇಮಿ ಡಾಗ್ ಡ್ರೊಲೆಟ್, ಬಿವರ್ಲೀ ಹಿಲ್ಸ್ ಮೇಲಿರುವ ಕ್ರಿಸ್ಟಿಯಾನ್ ಕುಟುಂಬದ ಮನೆಯಲ್ಲಿ ಚೆಯೆನೆಯ ಮಲಸಹೋದರ ಕ್ರಿಸ್ಟಿಯಾನ್‌ನೊಂದಿಗೆ ಮುಖಾಮುಖಿಯಾದ ನಂತರ ಬಂದೂಕು ಗುಂಡು ತಗುಲಿದ ಗಾಯದಿಂದ ನಿಧನ ಹೊಂದಿದನು. ಆಗ 31ವರ್ಷ ವಯಸ್ಸಿನ ಕ್ರಿಸ್ಟಿಯಾನ್‌, ಅವನು ಕುಡುಕನಾಗಿದ್ದ ಮತ್ತು ಈ ಶೂಟಿಂಗ್ ಆಕಸ್ಮಿಕವಾಗಿ ನಡೆಯಿತು ಎಂದು ಹೇಳಿದ.ವಿಚಾರಣಾಪೂರ್ವ ವಾಜ್ಯ ವಿಚಾರಣೆಯು ಹೆಚ್ಚೆಚ್ಚು ಮಾಧ್ಯಮಗಳಲ್ಲಿ ಸಾರ್ವಜನಿಕವಾದ ನಂತರ ಕ್ರಿಸ್ಟಿಯಾನ್‌ ಸ್ವಯಂ ನರಹತ್ಯೆ ಮತ್ತು ಬಂದೂಕು ಬಳಸಿದ ಅಪರಾಧವನ್ನು ಸಮರ್ಥಿಸಿಕೊಂಡ. ಅವನು ಜೈಲಿನಲ್ಲಿ ಹತ್ತು ವರ್ಷಗಳ ಶಿಕ್ಷೆಯನ್ನು ಅನುಭವಿಸುತ್ತಾನೆ. ಶಿಕ್ಷೆಗೂ ಮೊದಲು ಬ್ರಾಂಡೊ ಒಂದು ಗಂಟೆಯ ಪ್ರಮಾಣಿತ ಹೇಳಿಕೆಯನ್ನು ಒಪ್ಪಿಸುತ್ತಾನೆ. ಅದರಲ್ಲಿ ತಾನು ಮತ್ತು ತನ್ನ ಮಾಜಿ ಹೆಂಡತಿ ಕ್ರಿಸ್ಟಿಯನ್‌ ಅನ್ನು ಕಳೆದುಕೊಂಡಿದ್ದೇವೆ ಎಂದು ಹೇಳುತ್ತಾನೆ. ಅವರು ಡ್ರೊಲೆಟ್ ಕುಟುಂಬವನ್ನು ಮೃದುವಾಗಿ ಕ್ಷಮೆ ಕೇಳುತ್ತಾರೆ: "ನನ್ನ ಕ್ಷಮಿಸಿ... ಡ್ಯಾಗ್‌ ತಲುಪಿದ ಸ್ಥಳವನ್ನೇ ತಲುಪಲು ನನಗೆ ಸಾಧ್ಯವಾಗಿದ್ದಿದ್ದರೆ ನಾನು ಅಲ್ಲಿಗೆ ಹೋಗುತ್ತಿದ್ದೆ. ನಾನು ಪರಿಣಾಮಗಳನ್ನು ಎದುರಿಸಲು ತಯಾರಾಗುತ್ತಿದ್ದೇನೆ". ನಂತರದಲ್ಲಿ ಡ್ರೊಲೆಟ್‌ನ ತಂದೆಯು ಬ್ರಾಂಡೊ ನಟನೆ ಮಾಡುತ್ತಿದ್ದಾನೆ. ಅವನ ಮಗನನ್ನು "ಕೊಲೆ ಅಪರಾಧದಿಂದ ಬಿಡಿಸಲು ಹೀಗೆ ಹೇಳಿಕೆ ನೀಡುತ್ತಿದ್ದಾನೆ" ಎಂದು ಹೇಳಿದರು. ಚೆಯೆನೆ ಕಾರಿನ ಅಪಘಾತದಲ್ಲಿ ಉಂಟಾದ ದೀರ್ಘ ಪ್ರಭಾವದಿಂದ ನರಳುತ್ತಿದ್ದಾಗ 1995ರಲ್ಲಿ ಈ ದುರಂತವೊಂದು ನಡೆಯಿತು. ಡ್ರೊಲೆಟ್‌ನ ಸಾವಿನಿಂದ ಈಗಲೂ ಖಿನ್ನಳಾಗಿರುವ ಆಕೆ ತಾನಾಗಿಯೇ ತಾಹಿತಿಯಲ್ಲಿ ನೇಣು ಹಾಕಿಕೊಳ್ಳುವ ಮೂಲಕ ಆತ್ಮಹತ್ಯೆ ಮಾಡಿಕೊಂಡಳು ಎಂದು ಹೇಳಿದರು. ಕ್ರಿಸ್ಟಿಯಾನ್ ಬ್ರಾಂಡೊ ತನ್ನ 49ನೇ ವಯಸ್ಸಿನಲ್ಲಿ ಜನವರಿ 26, 2008ರಂದು ಶ್ವಾಸಕೋಶದ ಉರಿಯೂತದ ಕಾಯಿಲೆಯಿಂದ (ನ್ಯುಮೊನಿಯಾ) ನಿಧನನಾದನು.

ಅಂತಿಮ ವರ್ಷಗಳು ಹಾಗೂ ಸಾವು[ಬದಲಾಯಿಸಿ]

ಬ್ರಾಂಡೊರ ಕುಪ್ರಸಿದ್ಢಿ, ಅವರ ಕುಟುಂಬ ಜೀವನದಲ್ಲಿ ತೊಂದರೆ ಅನುಭವಿಸುವಂತೆ ಮಾಡಿತು ಮತ್ತು ಬ್ರಾಂಡೊರ ನಟನಾವೃತ್ತಿ ಜೀವನಕ್ಕಿಂತ ಹೆಚ್ಚಾಗಿ ಅವರ ಸ್ಥೂಲಕಾಯತೆ ಆಕರ್ಷಿಸಲ್ಪಟ್ಟಿತು. ಅವರು 1980 ಮತ್ತು 1990ರ ಮಧ್ಯದಲ್ಲಿ ತಮ್ಮ ದೇಹ ತೂಕವನ್ನು ಹೆಚ್ಚಿಸಿಕೊಂಡರು. ಅವರು ಸುಮಾರು 136 ಕೆಜಿ ತೂಕವಿದ್ದರು ಮತ್ತು ಮಧುಮೇಹ ಕಾಯಿಲೆಯಿಂದ ನರಳುತ್ತಿದ್ದರು. ಆರ್ಸನ್ ವೇಲ್ಸ್ ಅಥವಾ ಎಲ್ವಿಸ್ ಪ್ರೆಸ್ಲೀ ಅವರಂತೆ ಬ್ರಾಂಡೊ ತನ್ನ ವೃತ್ತಿ ಜೀವನದಲ್ಲಿಯೂ ದೇಹ ತೂಕದ ಏರಿಳಿತದ ಇತಿಹಾಸವನ್ನು ಹೊಂದಿದ್ದರು. ಆ ಅವಧಿಯಲ್ಲಿ ಒತ್ತಡಕ್ಕೆ ಸಂಬಂಧಿಸಿದ ಅತಿಯಾಗಿ ತಿನ್ನುವ ಸ್ವಭಾವವನ್ನು ಪರಿಹಾರಾತ್ಮಕ ಆಹಾರಕ್ರಮವನ್ನಾಗಿ ರೂಢಿಸಿಕೊಂಡರು. ಅವರು ಸೆಟ್‌ನಲ್ಲಿ ವರ್ತಿಸುವ ರೀತಿಗಾಗಿ ಕೆಟ್ಟ ಹೆಸರನ್ನು ಸಹ ಗಳಿಸಿದ್ದರು. ಕೆಲವೊಮ್ಮೆ ತನ್ನ ಸಂಭಾಷಣೆಯನ್ನು ನೆನಪಿಟ್ಟುಕೊಳ್ಳುವುದು ಅನಾವಶ್ಯಕ ಅಥವಾ ಅಸಾಧ್ಯವೆಂಬಂತೆ ವರ್ತಿಸುತ್ತಿದ್ದರು ಮತ್ತು ವಿಚಿತ್ರವಾದ ಹಾಗೂ ಮಕ್ಕಳ ತರದ ಬೇಡಿಕೆಗಳನ್ನಿಟ್ಟು ಸಿನಿಮಾ ನಿರ್ದೇಶಕರನ್ನು ಎದುರಿಸುವುದಕ್ಕಿಂತ ನಿರ್ದೇಶನ ಮಾಡುವಾಗ ಅನಾಸಕ್ತಿ ತೋರುತ್ತಿದ್ದರು. ಆದರೆ ಇನ್ನಿತರ ಅನೇಕ ಸಹನಟರು ಅವರನ್ನು ವಿಶಾಲ ಹೃದಯದ, ಹಾಸ್ಯವಂತ ಮತ್ತು ಬೆಂಬಲಿಗನೆಂದು ಕರೆಯುತ್ತಿದ್ದರು. ಬ್ರಾಂಡೊ ತನ್ನ ಕೊನೆ ವರ್ಷಗಳಲ್ಲಿ ಸ್ವಲ್ಪ ನಾವಿನ್ಯತೆ ಹೊಂದಿರುವ ಕಾರ್ಯಗಳಲ್ಲೂ ಸಹ ತೊಡಗಿದ್ದರು. ಬ್ರಾಂಡೊ ಯು.ಎಸ್.ಪೇಟೆಂಟ್ ಆ‍ಯ್೦ಡ್ ಟ್ರೇಡ್‌ಮಾರ್ಕ್ ಆಫೀಸ್‌ನಿಂದ ತಮ್ಮ ಹೆಸರಿನಲ್ಲಿ ಹೊರಡಿಸಲ್ಪಟ್ಟ ಅನೇಕ ಹಕ್ಕುಪತ್ರಗಳನ್ನು ಹೊಂದಿದ್ದರು. ಅವುಗಳಿಂದಾಗಿ ಜೂನ್ 2002- ನವೆಂಬರ್‌ 2004ನಲ್ಲಿ ಹೆಚ್ಚೆಚ್ಚು ತೊಂದರೆಯನ್ನು ಬ್ರಾಂಡೊ ಎದುರಿಸಬೇಕಾಯಿತು. (ಉದಾಹರಣೆಗೆ, ನೋಡಿಯು.ಎಸ್ ಪೇಟೆಂಟ್ ೬೮,೧೨,೩೯೨"ಅದರ ಸಮಾನವಾದವುಗಳು".) ಈ ನಟನಿಗೆ ಮನರಂಜನೆಗಾರ ಮೈಕೆಲ್ ಜಾಕ್ಸನ್ ದೀರ್ಘಾವಧಿಯ ಆತ್ಮೀಯ ಗೆಳೆಯನಾಗಿದ್ದರು ಮತ್ತು ಅವರ ನೆವರ್ಲ್ಯಾಂಡ್ ರಾಂಚ್‌ಗೆ ನಿರಂತರ ಭೇಟಿ ನೀಡುತ್ತಿದ್ದರು. ಆ ಸಮಯದಲ್ಲಿ ಅಲ್ಲಿ ವಾರಗಟ್ಟಲೇ ವಿಶ್ರಾಂತಿ ತೆಗೆದುಕೊಳ್ಳುತ್ತಿದ್ದರು. ಬ್ರಾಂಡೊ 2001ರ ಗಾಯಕನ ಎರಡು-ದಿನದ ವೃತ್ತಿಜೀವನದ ಹದಿಮೂರನೇ-ವಾರ್ಷಿಕೋತ್ಸವ ಸಮಾರಂಭದ ಸಂಗೀತ ಮೇಳಗಳಲ್ಲಿಯೂ ಸಹ ಭಾಗವಹಿಸಿದ್ದರು. ಅದೇ ವರ್ಷದಲ್ಲಿ ತನ್ನ 15-ನಿಮಿಷ ಅವಧಿಯ ಸಂಗೀತ ವಿಡಿಯೊ "ಯು ರಾಕ್ ಮೈ ವರ್ಲ್ಡ್"ನಲ್ಲಿ ಅಭಿನಯಿಸಿದ್ದರು. ಈ ನಟನ ಮಗ ಮೈಕೊ ಅನೇಕ ವರ್ಷಗಳವರೆಗೆ ಜಾಕ್ಸನ್‌ರ ಅಂಗರಕ್ಷಕ ಮತ್ತು ಸಹಾಯಕನಾಗಿದ್ದನು ಮತ್ತು ಆ ಗಾಯಕನಿಗೆ ಉತ್ತಮ ಸ್ನೇಹಿತನೂ ಆಗಿದ್ದನು. ಅವನು "ಕಳೆದ ಬಾರಿ ನನ್ನ ತಂದೆ ಎಲ್ಲಿಗಾದರೂ ಹೋಗುವುದಾಗಿ ಮನೆ ತೊರೆದರು. ಅವರ ಅಧಿಕ ಸಮಯವನ್ನು ಮೈಕೆಲ್ ಜಾಕ್ಸನ್‌ನೊಂದಿಗೆ ಕಳೆದರು. ಅವರು ಅದನ್ನು ಪ್ರೀತಿಸುತ್ತಿದ್ದರು... ಅವರು 24-ಗಂಟೆಯೂ ಕೆಲಸ ಮಾಡುವ ಅಡಿಗೆಯವನು, 24 ಗಂಟೆಯ ಭದ್ರತೆ, 24-ಗಂಟೆಯೂ ಕೂಡಾ ಸಹಾಯಕರು, 24-ಗಂಟೆಯೂ ತೆರೆದಿರುವ ಅಡಿಗೆಮನೆ, 24-ಗಂಟೆಯ ಮಹಿಳಾ ಸೇವಕಿಯನ್ನು ಹೊಂದಿದ್ದರು" ಎಂದು ಹೇಳಿದ್ದಾನೆ.[೨೩] ಜಾಕ್ಸನ್‌ರ 30ನೇ ವಾರ್ಷಿಕೋತ್ಸವದ ಸಂಗೀತ ಮೇಳದಲ್ಲಿ ಬ್ರಾಂಡೊ ಮಾನವತಾವಾದಿ ಕಾರ್ಯವನ್ನುದ್ದೇಶಿಸಿ ಪ್ರೇಕ್ಷಕರಿಗೆ ಭಾಷಣವನ್ನು ನೀಡಿದರು. ಅದು ಪ್ರೇಕ್ಷಕರಿಂದ ಕೀಳು ಮಟ್ಟದ ಪ್ರತಿಕ್ರಿಯೆ ಪಡೆಯಿತು ಮತ್ತು ಅದು ಮಾಧ್ಯಮಗಳಲ್ಲಿ ಪ್ರಸಾರಗೊಳ್ಳಲಿಲ್ಲ. ಜುಲೈ 1, 2004ರಂದು, ಬ್ರಾಂಡೊ ತನ್ನ 80ನೇ ವಯಸ್ಸಿನಲ್ಲಿ ನಿಧನರಾದರು. ಸಾವಿನ ಕಾರಣವನ್ನು ಖಾಸಗಿ ಕಾರಣ ನೀಡಿ ಉದ್ದೇಶಪೂರ್ವಕವಾಗಿ ಬಹಿರಂಗಗೊಳಿಸಲಿಲ್ಲ ಎಂದು ಅವರ ಪರ ವಕೀಲರು ಉಲ್ಲೇಖಿಸಿದ್ದರು. ಅದನ್ನು ನಂತರ ಬಹಿರಂಗಪಡಿಸಲಾಗಿತ್ತು. ಅದೇನೆಂದರೆ ಶ್ವಾಸಕೋಶಗಳ ಸಂಬಂಧವಾದ ಪೈಬ್ರೊಸಿಸ್‌ನಿಂದುಂಟಾದ ಉಸಿರಾಟ ತೊಂದರೆಯಿಂದ ಅವರು ಯುಸಿಎಲ್‌ಎ ಮೆಡಿಕಲ್ ಸೆಂಟರ್‌ನಲ್ಲಿ ಸಾವನ್ನಪ್ಪಿದರು. ಅವರು ಹೃದಯ ರೋಗ(ಕಂಜೆಸ್ಟಿವ್ ಹಾರ್ಟ್ ಫೈಲ್ಯುರ್)ದಿಂದ ಸಹ ನರಳುತ್ತಿದ್ದರು.[೨೪] ಮಧುಮೇಹ ಮತ್ತು ಪಿತ್ತಜನಕಾಂಗ ಕ್ಯಾನ್ಸರ್‌ನ ಕಾರಣದಿಂದ ಕಣ್ಣಿನ ದೃಷ್ಟಿಯನ್ನು ಕಳೆದುಕೊಂಡಿದ್ದರು.[೨೫] ಕಾರ್ಲ್ ಮಾಲ್ಡೆನ್,ಎ ಸ್ಟ್ರೀಟ್‌ ಕಾರ್ ನೇಮ್ಡ್ ಡಿಸೈರ್{/1‌}, ಆನ್ ದಿ ವಾಟರ್ಫ್ರಂಟ್ ಮತ್ತು ಒನ್ ಐಡ್ ಜ್ಯಾಕ್ಸ್ (ಬ್ರಾಂಡೊ ನಿರ್ದೇಶಿಸಿದ ಚಿತ್ರ) ಚಿತ್ರಗಳಲ್ಲಿನ ಬ್ರಾಂಡೊರ ಸಹ ನಟರಾಗಿದ್ದರು. ಎ ಸ್ಟ್ರೀಟ್‌ಕಾರ್ ನೇಮ್ಡ್ ಡಿಸೈರ್ ಡಿವಿಡಿಯ ಸಾಕ್ಷ್ಯ ಚಿತ್ರ ಮಾಡುವ ಸಂದರ್ಭದಲ್ಲಿ ಬ್ರಾಂಡೊರ ಸಾವಿಗೆ ಮುಂಚಿನ ದಿನಗಳಲ್ಲಿ ಬ್ರಾಂಡೊರಿಂದ ದೂರವಾಣಿ ಕರೆ ಸ್ವೀಕರಿಸದ್ದುದರ ಬಗ್ಗೆ ಮಾತನಾಡಿದ್ದಾರೆ. ಕಾಯಿಲೆಯಿಂದ ನರಳುತ್ತಿದ್ದ ಬ್ರಾಂಡೊ ಮಾಲ್ಡನ್‌ಗೆ ತಾನು ಬೀಳುತ್ತಿರುವುದಾಗಿ ಹೇಳಿದರು. ಮಾಲ್ಡನ್ ಬರಬೇಕೆಂದು ಬಯಸಿದ್ದರು ಆದರೆ ಬ್ರಾಂಡೊ ಅವರನ್ನು ತಡೆದು. ಅಲ್ಲಿ ಯಾವುದೇ ವಿಷಯಗಳಿಲ್ಲವೆಂದು ಹೇಳಿದರು. ಮೂರು ವಾರಗಳ ನಂತರ ಬ್ರಾಂಡೊ ನಿಧನನಾದ. ಅವರ ಸಾವಿಗೆ ಮುಂಚೆ ಬ್ರಾಂಡೊ ಆಮ್ಲಜನಕವನ್ನು ನೀಡುವ ಟ್ಯೂಬ್‌ಗಳನ್ನು ತನ್ನ ಶ್ವಾಸಕೋಶಗಳಿಗೆ ಸೇರಿಸುವುದಕ್ಕೆ ಅನುಮತಿಯನ್ನು ನಿರಾಕರಿಸಿದರು. ಆಗ ಅವರು ಅದು ತನ್ನ ಜೀವವನ್ನು ಉಳಿಸುವ ಏಕೈಕ ಮಾರ್ಗ ಎಂದಿದ್ದರು. ಬ್ರಾಂಡೊ ಹೆಣವನ್ನು ದಹನ ಮಾಡಲಾಯಿತು ಮತ್ತು ಅವರ ಬೂದಿಯನ್ನು, ವ್ಯಾಲಿ ಕಾಕ್ಸ್‌ ಬೂದಿಯೊಂದಿಗೆ ಒಟ್ಟುಗೂಡಿಸಿದ ನಂತರ ಸ್ವಲ್ಪಮಟ್ಟಿಗೆ ಟಹಿತಿಯಲ್ಲಿ ಮತ್ತು ಡೆತ್ ವ್ಯಾಲಿಯಲ್ಲಿ ಬಿಡಲಾಯಿತು. 2007ರಲ್ಲಿ, 165-ನಿಮಿಷದ ಬ್ರಾಂಡೊ ಆತ್ಮಚರಿತ್ರೆಯ ಚಿತ್ರ ಬ್ರಾಂಡೊ: ದಿ ಡಾಕ್ಯುಮೆಂಟರಿ ಯನ್ನು ಟರ್ನರ್ ಕ್ಲಾಸಿಕ್ ಮೂವೀಸ್‌ಗಾಗಿ ಮೈಕ್ ಮೆಡವಾಯ್(ಬ್ರಾಂಡೊರ ಹಿತ ಬಯಸುವ ಕಾರ್ಯನಿರ್ವಾಹಕ) ನಿರ್ಮಿಸಿದರು. ಅದು ಬಿಡುಗಡೆಗೊಂಡಿತು.[೨೬]

ರಾಜಕೀಯ[ಬದಲಾಯಿಸಿ]

ನಾಗರೀಕ ಹಕ್ಕುಗಳು[ಬದಲಾಯಿಸಿ]

ವಾಷಿಂಗ್‌ಟನ್‌ನ ಡಿ.ಸಿ.ಯ 1963ರ ಸಿವಿಲ್ ರೈಟ್ಸ್ ಮಾರ್ಚ್‌ ಚಳುವಳಿಯಲ್ಲಿ ಜೇಮ್ಸ್ ಬಾಲ್ಡ್‌ವಿನ್ ಜೊತೆ ಬ್ರಾಂಡೊ.

1946 ರಲ್ಲಿ ಬೆನ್ ಹೆಚ್’ನ "ಎ ಫ್ಲಾಗ್‌ ಇಸ್ ಬಾರ್ನ್‌" ಎಂಬ ಜಿಯೋನಿಸ್ಟ್ ನಾಟಕದಲ್ಲಿ ಅಭಿನಯಿಸುವುದರ ಮೂಲಕ ತಾಯ್ನಾಡಿನ ಆಕಾಂಕ್ಷಕರಾದ ಜ್ಯೂಗಳಿಗೆ ಬ್ರಾಂಡೊ ತನ್ನ ಸಮರ್ಪಣೆಯನ್ನು ತೋರ್ಪಡಿಸಿದನು. ಆಗಿನ ಯುದ್ದಾನಂತರದ ಕಾಲದ ಅತ್ಯಂತ ವಿವಾದ ಭರಿತ ಜ್ಯೂ ರಾಜ್ಯದ ಸ್ಥಾಪನೆಗಾಗಿ ಹೋರಾಟ, ಹೊಲೊಕಾಸ್ಟ್ ವಾಸಿಗಳನ್ನು ಪಾಲೆಸ್ಟೈನ್‌ಗೆ ಕಳ್ಳತನದಿಂದ ಸಾಗಿಸುವುದನ್ನು ಹಾಗೂ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಜನಾಂಗ ಬೇರ್ಪಡಿಸುವಿಕೆಯ ವಿರುದ್ಧ ನಡೆಯುತ್ತಿದ್ದ ಕದನ ಈ ಮೂರು ವಿಷಯಗಳ ಕುರಿತಾದ ಹೋರಾಟದಲ್ಲಿ ಬ್ರಾಂಡೊ ತನ್ನನ್ನು ತೊಡಗಿಸಿಕೊಂಡಿದ್ದರಿಂದ ಹೋರಾಟವು ಹೆಚ್ಚು ತೀವೃಗತಿಯಲ್ಲಿ ಸಾಗುವುದು ಸಾಧ್ಯವಾಯಿತು. 1960ರಲ್ಲಿ ಅಮೇರಿಕ ಅಧ್ಯಕ್ಷ ಸ್ಠಾನದ ಚುನಾವಣೆಗೆ ಜಾನ್ ಎಫ್ ಕೆನೆಡಿಗಾಗಿ ಕೆಲವು ಫಂಡ್‌ ಹುಟ್ಟುಹಾಕುವ ಕಾರ್ಯಕ್ರಮಗಳನ್ನು ಬ್ರಾಂಡೊ ನೇಮಕ ಮಾಡಿದನು. 1963 ಆಗಸ್ಟ್‌ನಲ್ಲಿ, ವಾಶಿಂಗ್‌ಟನ್‌ನ ಸೈನ್ಯದ ಶಿಸ್ತಿನ ಕ್ರಮದ ನಡಿಗೆಯಲ್ಲಿ ಕೀರ್ತಿಶಾಲಿಗಳಾದ ಹ್ಯಾರ್ರಿ ಬೆಲಾಫಾಂಟೆ, ಜೆಮ್ಸ್ ಗಾರ್ನರ್, ಚಾರ್ಲ್‌ಟನ್ ಹೆಸ್‌ಟನ್, ಬರ್ಟ್ ಲ್ಯಾನ್‌ಕಾಸ್‌ಟರ್, ಹಾಗೂ ಸಿಡ್ನಿ ಪೊಯಿಟಿಯರ್‌ನಂತಹ ಸಂಗಡಿಗರ ಜೊತೆ ಬ್ರಾಂಡೊ ಭಾಗವಹಿಸಿದ್ದನು.[೨೭] ಅದೇ ರೀತಿ ಪೌಲ್ ನ್ಯುಮ್ಯಾನ್ ಜೊತೆ ಕೂಡ ಬ್ರಾಂಡೊ ಸ್ವಾತಂತ್ರ್ಯ ಹೋರಾಟದಲ್ಲಿ ಭಾಗವಹಿಸಿದ್ದರು. 1968ರಲ್ಲಿ ಡಾ.ಮಾರ್ಟಿನ್ ಲೂಥರ್ ಕಿಂಗ್ಸ್‌ನ ವಧೆಯಾದ ಪರಿಣಾಮದಿಂದ ಡಾ.ಕಿಂಗ್ಸ್’ನ ಮುಂದುವರೆದ ಕೃತ್ಯಕ್ಕಾಗಿ ಜೂ.ಬ್ರಾಂಡೊ ಒಬ್ಬನ್ನನ್ನು ಕೂಡ ಬಲವಾಗಿ ಸೆರೆಮನೆಗೆ ಹಾಕಲಾಯಿತು. ಡಾ.ಕಿಂಗ್ಸ್‌ನ ಮರಣಾನಂತರ ಅತಿ ಶೀಘ್ರದಲ್ಲೇ ಯಾವುದೇ ಚಿತ್ರದ ನಿರ್ಮಾಣದ ಮೊದಲು (ದಿ ಅರೆಂಜ್‌ಮೆಂಟ್‌ ) ಎಂಬ ಒಂದು ಪ್ರಮುಖವಾದ ಚಲನಚಿತ್ರಕ್ಕೆ ಬ್ರಾಂಡೊನನ್ನು ನಮ್ರತೆಯಿಂದ ಒಂದು ನಾಯಕತ್ವದ ಪಾತ್ರಕ್ಕೆ ಪ್ರಕಟಿಸಲಾಯಿತು. ಇದರಲ್ಲಿ ತನ್ನನ್ನು ತಾನೇ ಕ್ರಮವಾಗಿ ನಾಗರಿಕ ಹಕ್ಕುಗಳ ಚಳುವಳಿಗೆ ಸಮರ್ಪಿಸಿಕೊಂಡಿದ್ದರು. "ನಾನು ಏನ್ನನ್ನು ಹುಡುಕಿಕೊಂಡು ಹೋಗಬೇಕೆಂದು; ಈ ದೇಶದಲ್ಲಿ ಕರಿಯರಿಗೆ ಯಾವ ರೀತಿ ನಡೆಸಿಕೊಳ್ಳುವ ಬಗ್ಗೆ; ಎಲ್ಲಾ ವಿಷಯದಲ್ಲೂ ಏಕೆ ಕೋಪಗೊಳ್ಳಬೇಕೆಂದು ನನ್ನಲ್ಲಿ ಚೆನ್ನಾಗಿ ತಿಳಿದಿದ್ದೇನೆ" ಎಂದು ತಡ ರಾತ್ರಿಯ ABC-TVಯ ಜಾಯ್ ಬಿಷಪ್ ಪ್ರದರ್ಶನ ಒಂದರಲ್ಲಿ ಬ್ರಾಂಡೊ ಹೇಳಿದ್ದರು. ಪ್ರಾಯಶಃ ಕಿಂಗ್‌ನ ಮರಣದ ಮೊದಲೇ ನಿಜವಾಗಿಯೂ ಆಫ್ರಿಕನ್ ಅಮೇರಿಕನ್ ನಾಗರೀಕ ಹಕ್ಕುಗಳ ಚಳುವಳಿಯಲ್ಲಿ ನಟನು ಭಾಗವಹಿಸಿದ್ದನು. 1960ರ ದಶಕದ ಹಿಂದೆಯೇ ಬ್ರಾಂಡೊ ದಕ್ಷಿಣ ಭಾಗದ ಕ್ರಿಶ್ಚಿಯನ್‌ ಲೀಡರ್‌ಶಿಪ್ ಕಾನ್‌ಫಾರೆನ್ಸ್ (S.C.L.C) ಹಾಗೂ ಮಿಸಿಸಿಪ್ಪಿ ಗುಲಾಮ N.A.A.P. ಮಕ್ಕಳಿಗಾಗಿ ಸ್ಥಾಪಿತವಾಗಿದ್ದ ಸ್ಕಾಲರ್‌ಶಿಪ್ ಫಂಡ್ ಒಂದಕ್ಕೆ ಸಾವಿರ್ ಡಾಲರ್ ಹಣವನ್ನು ಎರಡೂ ಸಂಸ್ಥೆಗಳಿಗೆ ಮೆಡ್‌ಗರ್ ಎವರ್ಸ್‌ನ ನಾಯಕತ್ವದಲ್ಲಿ ಸಹಾಯ ಧನವಾಗಿ ನೀಡಿದ್ದರು. ಈ ಸಮಯದಲ್ಲಾಗಲೇ ಮಾನವಹಕ್ಕುಗಳ ಕುರಿತ ಸಂದೇಶಗಳಿರುವ ಚಲನಚಿತ್ರಗಳಲ್ಲಿ ನಟಿಸಲಾರಂಬಿಸಿದ್ದರು. ಸಾಯೊನಾರಾ ಚಿತ್ರವು ಅಂತರ್‌ಜನಾಂಗದ ನಡುವಿನ ರೋಮಾನ್ಸ್‌ ಕುರಿತು ಇದ್ದ ಚಿತ್ರವಾಗಿತ್ತು. ಇನ್ನೊಂದು ಚಲನಚಿತ್ರ ’ದಿ ಅಗ್ಲಿ ಅಮೇರಿಕನ್‌’, ಇದರಲ್ಲಿ ಹೊರದೇಶಗಳಲ್ಲಿರುವ ಯುಎಸ್‌ ಕಚೇರಿಗಳ ಅಧಿಕಾರಿಗಳ ವರ್ತನೆ ಮತ್ತು ಇದು ವಿದೇಶಿ ವ್ಯಕ್ತಿಗಳ ಮೇಲೆ ಬೀರುವ ಪರಿಣಾಮದ ಕುರಿತಾಗಿ ಇತ್ತು. ಅದೇ ಸಮಯದಲ್ಲಿ ಬ್ರಾಂಡೊ ಬ್ಲಾಕ್ ಪ್ಯಾಂಥರ್ ಪಾರ್ಟಿಗೂ ಸಹ ಹಣವನ್ನು ದಾನಮಾಡುತ್ತಿದ್ದರು ಹಾಗೂ ಸಂಸ್ಥಾಪಕ ಬಾಬ್ಬಿ ಸೀಯಲ್ ತನ್ನ ಸ್ನೇಹಿತನೆಂದು ಹೇಳಿಕೊಳ್ಳುತ್ತಿದ್ದನು. ಅದೇನೆ ಇದ್ದರೂ ಬ್ರಾಂಡೊ ಈ ಪಕ್ಷದ ಚಟುವಟಿಕೆಯಲ್ಲಿ ಅಮೂಲಾಗ್ರ ಬದಲಾವಣೆ ಕಂಡುಬಂದಿದ್ದರಿಂದ ಬ್ರಾಂಡೊ ತನ್ನ ಧನಸಹಾಯವನ್ನು ನಿಲ್ಲಿಸಿದರು. ಅದರಲ್ಲೂ ಪ್ಯಾಂಥರ್‌ ಪಾಂಪ್ಲೆಟ್‌ನಲ್ಲಿ ಎಲ್‌ರಿಟ್ಜ್‌ ಕ್ಲೆವರ್ ಬರೆದ ಒಂದು ಸಂದೇಶದಲ್ಲಿ ಕ್ರಾಂತಿಗಾಗಿ ಹಿಂಸಾತ್ಮಕ ಮಾರ್ಗ ಉತ್ತಮ ಎಂದು ಹೇಳಲಾಗಿತ್ತು. ಇದು ಬ್ರಾಂಡೊಗೆ ಒಪ್ಪಿಗೆಯಾಗಲಿಲ್ಲ. ದಿ ಗಾಡ್ ಫಾದರ್‌ನಲ್ಲಿನ ಆತನ ಅಭಿನಯಕ್ಕಾಗಿ 1973ರ ಅಕ್ಯಾಡೆಮಿ ಅವಾರ್ಡ್‌ಗಳ ಆಚರಣೆಯ ಸಮಾರಂಭದಲ್ಲಿ ಬ್ರಾಂಡೊ ಆಸ್ಕರ್ ಪ್ರಶಸ್ತಿಯನ್ನು ಸ್ವೀಕರಿಸದೆ ನಿರಾಕರಿಸಿದನು. ಆ ಸಮಾರಂಭದಲ್ಲಿ ಸಾಚೀನ್ ಲಿಟ್ಲ್‌ಫೆದರ್ ಮಿ.ಬ್ರಾಂಡೊನ ಬದಲಾಗಿ ಕಾಣಿಸಿಕೊಂಡಿದ್ದಳು. ಅವಳು ಪೂರ್ತಿಯಾಗಿ ಗೂಂಡಾಗಳ ರೀತಿಯ ಉಡುಗೆಯಲ್ಲಿ ಕಾಣಿಸಿಕೊಂಡಿದ್ದಳು. "ಚಿತ್ರೋದ್ಯಮದಲ್ಲಿ ಅಮೇರಿಕನ್ ನಿವಾಸಿಗಳನ್ನು ಕೀಳಾಗಿ ನಡೆಸಿಕೊಳ್ಳುವ ರೀತಿಗೆ" ಮಿ. ಬ್ರಾಂಡೊ ಈ ಪ್ರಶಸ್ತಿಯನ್ನು ಸ್ವೀಕರಿಸದೇ ಇರಬಹುದೆಂದು ಹೇಳಿಕೆ ಕೊಟ್ಟಳು.[೨೮] ಆ ವೇಳೆಯಲ್ಲಿ 1973ರ ವುಂಡೆಡ್‌ ನೀ ಸಂಭವಿಸಿದಾಗ ಇದರ ಪರಿಣಾಮ ಅಮೇರಿಕನ್ ಸರ್ಕಾರ ಹಾಗೂ ಅಮೇರಿಕಾ ಮೂಲನಿವಾಸಿ ಹೋರಾಟಗಾರಾರ ನಡುವೆ ಸಮಸ್ಯೆ ಉದ್ಭವವಾಗಿತ್ತು. US ಮತ್ತು ಪ್ರಪಂಚಾದ್ಯಂತ ಮಾಧ್ಯಮಗಳ ಗಮನವನ್ನು ಈ ಘಟನೆ ಸೆಳೆಯಿತು. ಇದನ್ನು ಆ ಚಳುವಳಿಯಲ್ಲಿ ಭಾಗವಹಿಸಿದ ಚಳುವಳಿಗಾರರು ಮತ್ತು ಅವರ ಬೆಂಬಲಿಗರು ಅತಿದೊಡ್ಡ ಬೆಳವಣಿಗೆ ಎಂದು ಭಾವಿಸಿದರು.

ತನ್ನ ಚಲನಚಿತ್ರದ ಹೊರತಾಗಿ ಬ್ರಾಂಡೊ ಕ್ಯಾಲಿಫೋರ್ನಿಯಾ ಅಸ್ಸೆಂಬ್ಲಿಯ ಎದುರು ಫೇರ್ ಹೌಸಿಂಗ್‌ ಕೂನೂನು ಕುರಿತಾದ ವಿಷಯಕ್ಕೆ ಹಾಜರಾಗಿದ್ದನು. ಅಲ್ಲದೇ ಸ್ವತಃ ಮನೆ ನಿರ್ಮಾಣ ಅಭಿವೃದ್ಧಿಯ ಕುರಿತಾದ ಮಾನವ ಸರಪಳಿರಚನೆಯಲ್ಲೂ ಭಾಗಿಯಾಗಿದ್ದನು.

ಜ್ಯೂಗಳ ಮೇಲೆ ಹೇಳಿಕೆ ಮತ್ತು ಹಾಲಿವುಡ್[ಬದಲಾಯಿಸಿ]

1979ರ ಜನವರಿಯಲ್ಲಿ ಪ್ಲೇ ಬಾಯ್ ಮ್ಯಾಗಜೀನ್‌ನ ಸಂದರ್ಶನದಲ್ಲಿ ಬ್ರಾಂಡೊ ಹೇಳಿದ್ದರು: ನೀವು ಪ್ರತಿಯೊಂದು ಜನಾಂಗವೂ ಹಾಳಾಗಿದ್ದನ್ನು ನೋಡಿದ್ದೀರಿ, ಆದರೆ ಜ್ಯೂರನ್ನು ಈ ರೀತಿಯಲ್ಲಿ ನೀವು ಯಾವಾಗಲೂ ನೋಡಿರುವುದಿಲ್ಲ. ಯಾಕೆಂದರೆ ಜ್ಯೂಗಳು ಯಾವಾಗಲು ಸರಿಯಾಗಿ ನೋಡಿರುತ್ತಾರೆ ಮತ್ತು ಅದು ಸರಿಯಾಗಿರುತ್ತದೆ. ಪರದೆಯ ಮೇಲೆ ಇದನ್ನು ಪ್ರದರ್ಶಿಸಲು ಅನುಮತಿಯನ್ನು ಅವರು ಕೊಡಲಿಲ್ಲಾ. ಪ್ರಪಂಚಕ್ಕಾಗಿ ಜ್ಯೂಗಳು ಬಹಳಷ್ಟನ್ನು ಮಾಡಿದ್ದಾರೆ. ಆದರೆ ನೀವು ತುಂಬಾ ನಿರಾಶರಾಗಿರುವಿರೆಂದು ನಾನು ಊಹಿಸಬಲ್ಲೇ. ಏಕೆಂದರೆ ಅದಕ್ಕಾಗಿ ಅವರು ಗಮನವನ್ನು ಕೊಡುವುದಿಲ್ಲಾ.[೨೯] 1996 ಏಪ್ರಿಲ್‌ನಲ್ಲಿ ಲ್ಯಾರಿ ಕಿಂಗ್ ಬದುಕಿ ರುವಾಗಲೇ ಬ್ರಾಂಡೊ "ಹಾಲಿವುಡ್ ನಡೆಯುತ್ತಿರುವುದೇ ಜ್ಯೂಗಳಿಂದ, ಜ್ಯೂಗಳೇ ಅದರ ಒಡೆಯರು ಹಾಗೂ ಅವರುಗಳು ಅತ್ಯಂತ ಸೂಕ್ಷ್ಮ ಮನಸ್ಥಿತಿಯನ್ನು ಹೊಂದಿರುವರು-ಕಷ್ಟಗಳನ್ನು ಅನುಭವಿಸುವ ಜನರು" ಎಂದು ಹೇಳಿಕೆ ನೀಡಿದ್ದರು. ಎಕೆಂದರೆ ಅವರನ್ನು ಸ್ವಂತಕ್ಕಾಗಿ ದುಡಿಸಿ ಕೊಂಡಿದ್ದನ್ನು - ನಾವು ನೋಡಿದ್ದೇವೆ - ನಿಗ್ಗರ್ ಮತ್ತು ಗ್ರೇಸ್‌ಬಾಲ್‌ನನ್ನು ನಾವು ನೋಡಿದ್ದೇವೆ. ಚಿಂಕ್‌ಅನ್ನು ನಾವು ನೋಡಿದ್ದೇವೆ,ಜಾಪ್‌ನ ಸೀಳುವಂತಹ ಅಪಾಯಕಾರಿ ಕಣ್ಣುಗಳನ್ನು ನಾವು ನೋಡಿದ್ದೇವೆ. ಕುಯುಕ್ತಿಯ ಫಿಲಿಪಿನೊನನ್ನು ನಾವು ನೋಡಿದ್ದೇವೆ. ನಾವು ಎಲ್ಲವನ್ನೂ ಸಹ ನೋಡಿದ್ದೇವೆ ಆದರೆ ಯಹೂದಿಗಳನ್ನು ಎಂದಿಗೂ ನೋಡಿರುವುದಿಲ್ಲಾ. ಏಕೆಂದರೆ "ನೀವು ಬಂಡಿಗಳನ್ನು ಎಲ್ಲಿ ಎಳೆಯುವಿರೆಂದು" ಪ್ರಾಯಶಃ ಅವರು ಸಂಪೂರ್ಣವಾಗಿ ತಿಳಿದಿದ್ದರು. "ಎಂದಾದರೂ ನೀವು ಹೇಳುವಿರಾ - ಏನಾದರೂ ಒಂದಿಷ್ಟು ನಿಮ್ಮ ಇಷ್ಟದಂತೆ ನೀವು ಆಡುತ್ತಿರುವುದು ಸರಿಯೆಂದು ಯಾವಾಗ ನೀವು ಹೇಳುವಿರಿ, ಆ‍ಯ್‌೦ಟಿ-ಸೆಮೆಟಿಕ್‌ ಜನರ ಬಗ್ಗೆ ಯಹೂದಿಗಳಿಗೆ ಯಾರು ಹೇಳುವರು" ಎಂದು ರಾಜನು ಉತ್ತರಿಸಿದಕ್ಕಾಗಿ, ಈ ವಿಷಯದಲ್ಲಿ ಬ್ರಾಂಡೊ ಮದ್ಯ ತನ್ನ ಬಾಯಿಹಾಕಿ,"ಇಲ್ಲಾ,ಇಲ್ಲಾ, ಎಕೆಂದರೆ ಪ್ರಾಮಣಿಕತೆಯ ಯಹೂದಿಗಳಿಗೆ ಬೆಲೆ ಕೊಟ್ಟಿದ್ದು ನಾನೊಬ್ಬನೇ ಮೊದಲಿಗ ಮತ್ತು ’ಯಹೂದಿಗಳಿಗೊಸ್ಕರ ದೇವರಿಗೆ ಧನ್ಯವಾದಗಳು’" ಎಂದು ಹೇಳಿದನು. ಬ್ರಾಂಡೋನ ಪ್ರತಿನಿಧಿ, ನಿರ್ಮಾಪಕ ಮತ್ತು ಸ್ನೇಹಿತರಾದ ಜೇಯ್ ಕಾಂಟರ್ "ಮರ್ಲೋನ್ ನನ್ನ ಜೊತೆ ತಾಸಿಗಿಂತಲೂ ಹೆಚ್ಚಿಗೆ ಮಾತನಾಡಿ ಯಹೂದಿ ಜನರ ಬಗ್ಗೆ ಅವರಿಗಿರುವ ಹುಚ್ಚು ಪ್ರೀತಿಯಯನ್ನು, ಹಾಗೂ ಇಸ್ರೇಲಿಗೆ ಹೆಚ್ಚಿನ ಬೆಂಬಲ ಸೂಚಿಸುತ್ತಿದ್ದುದಾಗಿ ಹೇಳಿದ್ದರು ಎಂದು ಡೈಲಿ ವೆರೈಟಿಯಲ್ಲಿ ಹೇಳಿದರು.[೩೦]

ಮನ್ನಣೆ[ಬದಲಾಯಿಸಿ]

ಅವರು ಅಮೆರಿಕನ್ ಫಿಲ್ಮ್ ಇನ್ಸ್‌ಟಿಟ್ಯೂಟ್ ಮತ್ತು ಟೈಮ್ ಮ್ಯಾಗಜೀನ್‌ನಿಂದ ಎಲ್ಲ ಕಾಲಕ್ಕೂ ನಾಲ್ಕನೇಯ ಶ್ರೇಷ್ಠ ನಟರೆಂದು ಪರಿಗಣಿಸಲ್ಪಟ್ಟರು.Time 100: The Most Important People of the Century[೩೧]

ಪ್ರಶಸ್ತಿಗಳು ಮತ್ತು ನಾಮನಿರ್ದೇಶನಗಳು[ಬದಲಾಯಿಸಿ]

ಚಲನಚಿತ್ರಗಳ ಪಟ್ಟಿ[ಬದಲಾಯಿಸಿ]

ಆಕರಗಳು[ಬದಲಾಯಿಸಿ]

  1. "ಆರ್ಕೈವ್ ನಕಲು". Archived from the original on 2012-01-17. Retrieved 2021-07-20.
  2. ೨.೦ ೨.೧ "ಆರ್ಕೈವ್ ನಕಲು". Archived from the original on 2011-07-18. Retrieved 2010-02-19.
  3. ಬೆಯಿನ್ 2004, pp.65–66.
  4. ಮರ್ಲಾನ್ ಬ್ರಾಂಡೊ ಬಯೊಗ್ರಫಿ(1924-)
  5. "ಆರ್ಕೈವ್ ನಕಲು". Archived from the original on 2009-03-31. Retrieved 2010-02-19.
  6. "ರಾಯಲ್ ಡಿಸೆಂಟ್ಸ್, ನೊಟೇಬಲ್ ಕಿನ್, ಆ‍ಯ್೦ಡ್ ಪ್ರಿಂಟೆಡ್ ಸೊರ್ಸಸ್" ಸರಣಿಯ ಭಾಗವಾದ ಗೇರಿ ಬಾಯ್ಡ್ ರಾಬರ್ಟ್ಸ್‌ರ "ಟೆನ್ ಫರ್ದರ್ ಹಾಲಿವುಡ್ ಫಿಗರ್ಸ್ (ಆರ್ ಗ್ರೂಪ್ಸ್ ದೇರ್‌ಆಫ್)". #78 ನ್ಯೂ ಇಂಗ್ಲೆಂಡ್ ಹಿಸ್ಟಾರಿಕ್ ಜೆನಿಯೊಲಾಜಿಕಲ್ ಸೊಸೈಟಿ
  7. ಸಾಂಗ್ಸ್ ಮೈ ಮದರ್ ಟಾಟ್ ಮಿ, ಮರ್ಲಾನ್ ಬ್ರಾಂಡೊ
  8. ಮೈ ಸೆಡರ್ ವಿತ್ ಬ್ರಾಂಡೊ| ಆರ್ಟ್ಸ್ | ಜೇವಿಶ್ ಜರ್ನಲ್
  9. "ಡೆವಿಡ್ ಎಸ್. ವೈಮನ್ ಇನ್ಸ್‌ಟಿಟ್ಯೂಟ್ ಫಾರ್ ಹೊಲೊಕಾಸ್ಟ್ ಸ್ಟಡೀಸ್: ವೆಲ್‌ಕಮ್". Archived from the original on 2015-03-25. Retrieved 2010-02-19.
  10. ಜಾನ್ ಗರ್ಪೀಲ್ಡ್ ಪಾತ್ರದ ಆಯ್ಕೆಗೆ ಮೊದಲ ಆಧ್ಯತೆ ನೀಡುತ್ತಿದ್ದರು, ಆದರೆ "ಬೇಡಿಕೆಗಳು ಮಾತ್ರ ಅಸಾಧ್ಯವಾಗಿದ್ದವು." ಎಂದು ಪೈಯರ್‌ಪಾಂಟ್ ಬರೆಯುತ್ತಾರೆ. It was Elia Kazan's decision to fall back on the far less experienced (and technically too young for the role) Brando.ಇದು ಅನನುಭವಿ (ಮತ್ತು ತಾಂತ್ರಿಕವಾಗಿ ಆ ಪಾತ್ರಕ್ಕೆ ಯುವಕನಂತೆ ಕಾಣುತ್ತಿದ್ದ) ಬ್ರಾಂಡೊ ವಿರುದ್ಧ ತಿರುಗಿ ಬೀಳುವ ಎಲಿಜಾ ಕಜಾನ್‌ರ ನಿರ್ಧಾರವಾಗಿತ್ತು,
  11. ವೊಯ್ನಾರ್, ಕಿಮ್. "ಲಾಸ್ಟ್ ಬ್ರಾಂಡೊ ಸ್ಕ್ರೀನ್ ಟೆಸ್ಟ್ ಫಾರ್ ರೆಬೆಲ್ ಸರ್ಫೇಸಸ್ - ಬಟ್ ಈಟ್‌’ಸ್ ನಾಟ್ ಫಾರ್ ದ ರೆಬೆಲ್ ವಿ ನೊ ಆ‍ಯ್೦ಡ್ ಲವ್." ಸಿನಿಮ್ಯಾಟಿಕಲ್ , ವೆಬ್‌ಲಾಗ್ಸ್, Inc., ಮಾರ್ಚ್ 28, 2006. ಪಡೆದದ್ದು: [ಏಪ್ರಿಲ್ 3, 2008.
  12. ಹಾಪ್‌ವುಡ್, ಜಾನ್ ಸಿ " Archived 2009-11-28 ವೇಬ್ಯಾಕ್ ಮೆಷಿನ್ ನಲ್ಲಿ.ಮರ್ಲಾನ್ ಬ್ರಾಂಡೊ (1924–2004)." Archived 2009-11-28 ವೇಬ್ಯಾಕ್ ಮೆಷಿನ್ ನಲ್ಲಿ. theoscarsite.com. ಪಡೆದದ್ದು: ಏಪ್ರಿಲ್ 7, 2008.
  13. http://www.slate.com/id/2158225/pagenum/all/#p2
  14. ಪೈರ್‌ಪಾಂಟ್, ಪು.71
  15. "ಅಮೆರಿಕನ್ ಇಂಡಿಯನ್ಸ್ ಮೌರ್ನ್ ಬ್ರಾಂಡೊ ಡೆತ್ - ಮರ್ಲಾನ್ ಬ್ರಾಂಡೊ (1924–2004)- msnbc.com". Archived from the original on 2008-07-23. Retrieved 2010-02-19.
  16. ಶೈಕೆಲ್, ರಿಚರ್ಡ್. "ಎ ಲೆಜೆಂಡ್ 'ರೈಟ್ಸ್' ಎ ನಾವೆಲ್." ಟೈಮ್ , ಆಗಸ್ಟ್ 7, 2005.
  17. ಇನ್ಸ್‌ಟಿಟ್ಯೂಟ್ ನ್ಯಾಷನಲ್ ಡೆ ಐ’ ಆಡಿಯೊವಿಷ್ಯುಯೆಲ್ ಆರ್ಚಿವ್‌ಪೌರ್ಟಸ್
  18. ಡೈಲಿಮೊಷನ್
  19. Sancton, Julian. "Last Tango on Brando Island". Maxim. Archived from the original on 2009-02-01. Retrieved 2009-01-25.
  20. ವೈಲ್ಡ್ ಥಿಂಗ್ಸ್ ಡಾನ್ ಪೊರ್ಟರ್, ದ ಟೈಮ್ಸ್, ಫೆಬ್ರುವರಿ 12, 2006
  21. ಲವ್ ಲೈಪ್ ಆ‍ಯ್‌ಸ್ ಬಿಗ್ ಆ‍ಯ್‌ಸ್ ದ ಲೆಜೆಂಡ್
  22. "ಫಿಲ್ಮ್ ಲೆಜೆಂಡ್ ಮರ್ಲಾನ್ ಬ್ರಾಂಡೊ ಡೈಸ್". Archived from the original on 2009-07-13. Retrieved 2010-02-19.
  23. "ಬ್ರಾಂಡೊ, ಜಾಕ್ಸನ್ ಆಫ್ ಹೀಸ್ ಕ್ಲೋಸೆಸ್ಟ್ ಫ್ರೆಂಡ್ಸ್ ನೆವರ್ಲ್ಯಾಂಡ್ ಆ‍ಯ್‌ಸ್ ಸೆಕೆಂಡ್ ಹೋಮ್."[ಶಾಶ್ವತವಾಗಿ ಮಡಿದ ಕೊಂಡಿ] MJNewsOnline.com ನವೆಂಬರ್ 11, 2006.
  24. "ಮರ್ಲಾನ್ ಬ್ರಾಂಡೊ ಡೈಸ್ ಅಟ್ 80." Archived 2007-10-16 ವೇಬ್ಯಾಕ್ ಮೆಷಿನ್ ನಲ್ಲಿ. CNN.com ಜುಲೈ 2, 2004. ಪಡೆದದ್ದು: ಏಪ್ರಿಲ್ 3, 2008.
  25. "ನ್ಯೂ ನೆದರ್ಲ್ಯಾಂಡ್ ಇನ್ಸ್‌ಟಿಟ್ಯೂಟ್, ಬ್ರಾಂಡೊ ಬಯೊಗ್ರಫಿ". Archived from the original on 2012-05-24. Retrieved 2010-02-19.
  26. ಬ್ರೂಕ್ಸ್, ಕ್ಸ್ಯಾನ್. "ದ ಲಾಸ್ಟ್ ವರ್ಡ್ ಅನ್ ಬ್ರಾಂಡೊ." ದ ಗಾರ್ಡಿಯನ್ , ಮೇ 22, 2007. ಪಡೆದದ್ದು: ಏಪ್ರಿಲ್ 6, 2008.
  27. ಬೇಕರ್, ರಸೆಲ್. "ಕ್ಯಾಪಿಟಲ್ ಈಸ್ ಆಕ್ಯುಪೈಡ್ ಬೈ ಎ ಜೆಂಟಲ್ ಆರ್ಮಿ." (PDF) ನ್ಯೂಯಾರ್ಕ್ ಟೈಮ್ಸ್ , ಆಗಸ್ಟ್ 28, 1963, ಪು. 17.
  28. ದ ಅಕಾಡೆಮಿ. "ಮಾರ್ಲಾನ್ ಬ್ರಾಂಡೊ’ಸ್ ಆಸ್ಕರ್ ವಿನ್ ಫಾರ್ ದ ಗಾಡ್‌ಫಾದರ್"
  29. ಗ್ರೊಬೆಲ್, ಲಾರೆನ್ಸ್. "ಪ್ಲೇಬಾಯ್ ಇಂಟರ್‌ವ್ಯೂ: ಮರ್ಲಾನ್ ಬ್ರಾಂಡೊ."[ಶಾಶ್ವತವಾಗಿ ಮಡಿದ ಕೊಂಡಿ] ಪ್ಲೇಬಾಯ್ , ಜನವರಿ 1979, ISSN 0032-1478. ಪಡೆದದ್ದು: ಏಪ್ರಿಲ್ 3, 2008.
  30. ಜೇವಿಶ್ ಗ್ರೂಪ್ಸ್ ರೈಲ್ಡ್ ಓವರ್ ಬ್ರಾಂಡೊ’ಸ್ ಅಟ್ಯಾಕ್ಸ್ ಏಪ್ರಿಲ್ 1996, ಟಾಮ್ ಟ್ಯೂಗಂಡ್, ಜೇವಿಶ್ ಟೆಲಿಗ್ರಾಫಿಕ್ ಏಜೆನ್ಸಿ
  31. ಮರ್ಲಾನ್ ಬ್ರಾಂಡೊ ಟೈಮ್.

ಗ್ರಂಥಸೂಚಿ[ಬದಲಾಯಿಸಿ]

ಹೊರಗಿನ ಕೊಂಡಿಗಳು[ಬದಲಾಯಿಸಿ]

Wikiquote
Wikiquote
ವಿಕಿಕೋಟ್ ತಾಣದಲ್ಲಿ ಈ ವಿಷಯಕ್ಕೆ ಸಂಭಂಧಪಟ್ಟ ನುಡಿಗಳು ಇವೆ:
[[wikiquote:kn:{{{1}}}|ಮರ್ಲಾನ್ ಬ್ರಾಂಡೊ]]

ನಿಧನವಾರ್ತೆಗಳು[ಬದಲಾಯಿಸಿ]